قناة الشاعر موسى البديري

يوم اهدعش شعبان      فــرحانـــه دنيــانــه
فرحــان ابو السجاد      والشيعــه فرحانــه
بمولد الأكبــر علــي       بمولد الأكبر علــي

*

لحسين أشــرق يـا بــدر يشبـه بــدر جــده
نفـس المعـانــي والشـبــه والنـــور البخـده
ما مات ابو الزهره ابـد چـي لن علي عنـده
نفس المعاني والخُلـق يعنــي النبـي بعــده

نفس النبي المختار         رب العلا انطانه
فرحــان ابو السجاد         والشيعه فرحانه 
بمولد الأكبــر علــي         بمولد الأكبر علـي

* 

أمـلاك ربنــا گصدتـه طشـت أريـج ويـاس 
صـوره لمحمد بالمهد مـن كـل كتـر تنبـاس
هنت ابــو اليمه بعلي نثــرت ورد عالـراس
بچفوفه هز مهده بفرح عمه الگمر العباس

عمه الگمر فرحــان        والحـــره ويانـــه  
فرحــان ابو السجاد       والشيعه فرحانه
بمولد الأكبــر علــي       بمولد الأكبر علـي

*

بشعبان هـل وجهه البهي يوم اهدعش منه 
ومـــن حنّــة الجنـــه المهــد  أمــلاك حنّـنه 
والجنه گصـدت للمهــد مشتاگــه الـه الجنه
و شمــت بمهده يا عطــر عطـر النبي چنــه

عطــر النبوه أهنــاك          مــوجود بركانه
فرحــان ابو السجاد        والشيعه فـرحانه
بمولد الأكبــر علي          بمولد الأكبر علي

*

حگنــه نصفگ بالفــرح ونهنــي ابـو اليمــه 
ونعلگ لهل الفــرحه شمـع ونجـدد البسمه
الحسين نعمــه ونشكــره بارينـه عالنعمــه
الضيع حسين بدنيته صدگني هــذا أعمـه

بي احنــه متمسكين         بحسين مولانــه
فرحــان ابو السجاد         والشيعه فرحانه
بمولد الأكبــر علي        بمولد الأكبر علي 

*
الشاعر
موسى البديري

كالو ما تجي ياسيدي الشمات

موال للأمام الحجة ابن الحسن ع


گالو ما تجي يا سيدي الشمات .
گلتلهم يچي شما طول أفراگه🌞 .

گالولي خرافه العشگ للغياب
گلتلهم دليلي يعيش بشواگه🌞 .

گالولي تحب غايب ابد ميعود
گتلهم يجي وبلهفه نتلاگه🌞 .

گالولي عليك هواي يالمحجوب
برد متلوحه مشراگه🌞.

شما گالو عليك اهواك يا مولاي .
وتظل هالروح مشتاگه🌞

اظل اتناك اظل اهواك اظل وياك
والعاشگ ابد ميعوف عشاگه🌞 .

.......
الك روحي شكثر شهگت وحنيت🌺 .
والك چـــم بـــاب دگيتـــه وحنيت🌺 .
كسر گلبي البعد تــدري وحنيت🌺.
لغيابك چم ظهر يبن الزچيه .

🌹🌹🌹🌹🌹🌹
✍🏻 موسى البديري

هالكــون أبتشــر ---- ميــلاد الــگمـــر
يــا أبــا الفضــل يــا أبــا الفضــل

•••••••

هاليله ميـــلاد الگمـــر والغيـــره والنومــــاس
هاليله شمعات الفرح تضـوي ابصواني الياس
هاليلـــه أمـــلاك السمـــا متعنيه بالاحســــاس
گصـــدت لحيدر هنته فـــي مــــولد العبــــــاس

وبهذا الشهر ----- ميلاد الگمر
يا أبا الفضل - يا أبا الفضل - يا أبا الفضل

•••••••

بميلاده فرحـــانه الشمس مــن نوره مكســـوفه
والگمــر مـــن نور الگمر ما خذهن احـــروفه
وحيدر علـــي ابفــــرحة گلـــب قبلهن أچفــوفه
مـــن حگه لـــو راح الگلــــــب للمرقد يطوفه

وبالحضره اعتمر .... ميلاد الگمر
يا أبا الفضل - يا أبا الفضل - يا أبا الفضل

••••••

مــن زغــره والـرايه ابفخر حيدر علي انطاها
والگمـــر بچفوف البخــــت بالغيـــــره هزاها
لليـــوم هالـــرايه بقـــت عالگـبــه تلگــاهــــا
بچفوفــــه ثبتها الگمــــر مــــا ينحني الــواها

ترف طول الدهر ...... ميلاد الگمر
يا أبا الفضل - يا أبا الفضل - يا أبا الفضل

•••••

بحروفـــه مـــزروع الوفه ما بين كــل حــــرفين
مكتوب اسم زينب شرف مزروع وســــط العين
لــــو گلت عباس الگمر معنـــاه اگـــــول حسين
وين اليشبها بهل الخلگ بس گلي يحصل وين

ما مثله بشر .... ميلاد الگمر
يا أبا الفضل - يا أبا الفضل - يا أبا الفض
••••••

لـــو ضاكــــت الدنيا أبقهر والحاجه متعسره
لباب الحوائــــج اعتني واگصدلـــــه للحضره
يگضيها كـــل حاجـــه الك بس حلفه بالحــره
مـــن عنده تاخـــذ حاجتك والفرحه والبشره

يرد ابكل فخر ..... ميلاد الگمر
يا أبا الفضل - يا أبا الفضل - يا أبا الفضل

**
الشاعر
موسى البديري

بيت ابوذيه إلى الامام علي بن الحسين زين العابدين عليهما السلام

علي السجاد اجانه اليــوم علماه
انولــد والكـون دان لفضل علماه
بيده الديـن ظل مــرفوع علمــاه
رغــم أحفــاد هنــد وآل أمـيــه

****
الشاعر
موسى البديري



1- أخباره
2-علمه
3- الرايه

نور العرش هل البان
بالثـالـــث بشعـبـــان
صلاوات صلاوات بالثــالــث بشعبـــان

*
نور العرش شع للخلگ ما ينوصف سحره
مــن نـور طه المصطفى مـن حيدر وبدره
رب ألجلاله كــونه مــن الطاهــره الزهـره
مــا ينوصــف نـــوره ابــد ما ينعرف سره
ســر الله والقــرآن بالثــالــث بشعبــان

*

هاليله ميــلاد الأمــل ميــــلاد أبـــو اليمـه
وجنــة عـــدن نــزلــت اله وبلهفـه تشتمـه
وجبريــل ربه كـــرمه يم مهــده ويخــدمه
وجده النبي بدمعه اليهل من منحره يلثمه
محتاره انس وجان بالثــالث بشعبـــان

*

فطــرس تعنـه أبلهفته يعـرف عظم شـانه
ومن لامس أطراف المهد رجعتله جنحـانه
دنيانه حگها مــن اعتنــت لحسين دنيـانه
جابــت المــــاي أتعنــه وتگلــه عطشــانـه
رواهــا بالإيمــان بالثــالث بشعبــــان

*

مولود ولهذا الوكت ظـل عــايش أنشـوفـه
والكــون كلــه يعتنــي يم مرقـده يطـوفـه
وبتربته إســرار ودوه لكل علّـه موصوفـه
محجوبه ظلت عالبشر سر أربـع أحـروفـه
حيرت كل إنسان بالثــالث بشعبــــان

*

چنك تطب جنـه عـدن لــو مرقــده أتزوره
ونور الشمس من يختفي ما يختفي نـوره
مو حگها لو هاي البشره بأنــواره مسحوره
و أجنون حبه من البشر كـل واحـد وطوره
يمحيــر الأزمــــان بالثــالث بشعبــــان

*
الشاعر
موسى البديري

هوسات الى ابي الفضل العباس عليها السلام

شعرت الأكــوان مو بس ام البنين
بهـزه ارضيه بقت حد هل السنين
الگاع رجفـت يـوم ميــلاد الـوفاء
والگمــر ازهــر بعد يــوم الحسين

( فرحانــه الدنــيا بميــلاده )

❣️❣️❣️❣️❣️❣️❣️❣️

الگمر رابع يوم هل وســط السماء
أنولد جــود او ماي وإيثار أوفـــاء
أمعسره ظـلت بي تطلگ كـــربلاء

(  ومن جابت طف والله ورايه)

الشاعر
موسى البديري

مقطوعه شعريه لميلاد الامام الحسين عليه السلام


تلاكه وياي وجهه أمورد وفرحان
والبسمه اعلى وجهه بسحر منتشره

ياهو انته سألته أورد عليّ شعبان
انه البيه طلكة فاطمه الـــــــزهره

وما جابت مثل ما جابت النسوان
مــــا جابت طفل لا جابت الثـــوره

كبّر بذنه طه وانشد التـــــــوحيد
والتوحيد بيــــــه انصـــــاغ بالقدره

سماه الرسول حسين بأمر الله
ابن ســـــــر الوجود ويا عظم سـره

يهز بيه المهد ويلولي بالقرآن
جبــــريل الامين وعينه اتنظـــــره

الوادم لو طفل عدهه اتكفل بيه
بس حسين جبريــــل الكفل امـــره


الشاعر
موسى البديري

انولد والكـون كلـه شـع بالحـسين

ويظل مجنون حبه شعب الحسين

هــذا الديـن كــلـه شاع بالحسين

يــوم النــذر دمـه أعلى الوطيه


الشاعر
موسى البديري

سحـر مــاخـذ دليـلــي يا هوى حسين

شحلـاته بريتي يصعد يا هـوه حسين

ينشــدنــي المعـــانـــد يا هــو حسين

عــزيز الله ومحمـد والــزچيـــه


الشاعر
موسى البديري

الى الامام الحسين عليه السلام
......

صلـب جفني والك يحسين ثـــق لان

وگصــد بابــك دليلـي بنــوح ثقــلان

الـي البــاري تــرك مــولاي ثقــــلان

كتــابـه وحبكــم اولاد الــزچـــيــه

*
الشاعر
موسى البديري

اهازيج جديده لكفيل زينب قمر بني هاشم ع
-------///////-------

انولــد عبــاس حيدر قبـــل چفوفــه
ابن حيدر علي وصــولاته معـــروفه
ناس ابسيفه ماتت ناس من شوفه

(( ترعبهم نظرات اعيونه ))

---------

من اعيون الجيوش تخاف صف ايلوذ گام ابصف
اســـرافيل چــن سيفــه نفـــخ بيهم وهــز الطـــف
غـــده بحيدر علي الكـــرار بس عبــــاس يتوصف

(( وبحيدر گام يوصفونه ))

----------

الطفل لو رادو اينوموه ابدللول وتشوفه يسلهم اعيونه
بس عباس عكس الناس بسم حسين لو رادو ينومونه
وبأسم زينــــب لــون ازمــاط كل هــاشم يفــزعونـــه

(( وبسم اخته الكافل ينخونه ))

---------------

الشاعر
موسى البديري

هوسه الى الامام الحسين عليه السلام


❣️. ❣️. ❣️. ❣️. ❣️. ❣️. ❣️. ❣️


يالمــدوخ الدنيــــا بمولــدك لليـــوم
يا مــولــود غيـرك باقـي عايـش دوم
حبنه شكبره الك حب خادم ومخدوم

( يحسين بحبك جنينه )


❣️. ❣️. ❣️. ❣️. ❣️. ❣️. ❣️. ❣️

هوسه الى الامام السجاد عليه السلام

انولد يا نور يوم الخامس بشعبان
انولد نور الإله وســر وحي القرآن
وســر الحمد والإخـلاص والرحمن

( زين العبًَاد يسمونه )


❣️. ❣️. ❣️. ❣️. ❣️. ❣️. ❣️. ❣️


هوسه للعباس عليه السلام

تلولي ام البنين احتــــارت بأمــره
تصد عباس عينه من الزعل حمره
نام ابيوم ذكـــــرت زينب الحـــره

( وبزينب گام اتلوليله )


❣️. ❣️. ❣️. ❣️. ❣️. ❣️. ❣️. ❣️


الشاعر
موسى البديري

قصيدة گعديه ( محلاها الاعياد ) بمناسبة ميلاد الاقمار الشعبانيه



ميلاد ابو اليمه الفخـر فرحوا يا شيعه
وميــلاد عبـاس الگمر فرحوا يا شيعه
أبمـولــد السجــاد محــلاها الأعيــاد
فـــرحــوا يــــا شيعــــه

****

صلوا عالهــادي محمد للفـرح بـانـت عـلامه
بـدت منْ بيت الزچيه بيت سر الله الامامه
ولــدت الــزهـره أملنــا بالحيــاة وبالقيـامه

للزهره يا نــور انـوجــد
وي ثالث أيامـه أنـولد
نـور الحســين المعتقـد
وياه مولـوده الكــرامـه

وجبريل هـز بيه المهد فرحوا يا شيعه
وفطرس توسل بالولد فرحوا يا شيعه
ذاك الجنح عـــاد محــلاها الأعيــاد

*

أنولد وأبيت الامامه انعلگت بشعبان شمعه
الحور دون امه تمنن هنه مو أمه الترضعه
وجده بچفوف النبوه شاله بس هلت الدمعه

وعين ألنبــوه تناظـره
بشـواگ قبـل منحــره
ناشدت امه الطاهــره
گلها هذا وهذا وضعه

لكــن تنصره شيعته فرحوا يا شيعه
وبالدمه أتعلي رايته فرحوا يا شيعه
الشيعه أهـل الامجاد محـلاها الأعيـاد

****

ورابع ابشعبان ازهر نـور في بيت الــولايه
جابته الليله العظيمه أمــه بس لفته برايـه
ولولت لبعاس هيه بالوفه وزينــب الغــايه

وحيدر نظرله أبدمعته
وبلهفه قبــل يمنــتــه
بيا كلمه أمــه نــاغته
هله بنهر الوفه ومايه

وحيدر يناديه الگمر فرحوا يا شيعه
باب الحوائــج للبشر فرحوا يا شيعه
عطـَـاي المـراد محــلاها الأعيــاد

****

بكثـر مـا لحسين يهـوه علــي ومسحور بحـروفـه
مــو علي واحــد وهبله چـم علـي وعينـه تشوفـه
بعلي السجاد أويه الاكبر ربنا سر روحه الشغوفه

متلهــف لهـــذا الاســم
وبشره يحسين استلـم
كلهم علي ولــدك زلــم
ويا علي روحك تطوفه

علي علي يبقى الأمل فرحوا يا شيعه
حيا على خيـر العمـل فرحوا يا شيعه
يبقى الكم إسناد محــلاها الأعيــاد

****

وبنصفه يا نـور التـوقد وللبشر ظل يتــلاله
خـاتم أنوار الامامه اليملي هل الدنيا عداله
بيمنته شاهـر حسامه وراية الـدين بشماله

هالرايه مرفوعــه تظـل
راية علي هيـه الأمــل
منصوره هيه من الأزل
ترعب اصحاب الظلاله

بيــد الإمــام المنتظـر فرحوا ياشيعه
هالرايه نرفعها بفخر فرحوا يا شيعه
تـذل أهــل الأحقاد محـلاها الأعيـاد

****
الشاعر
موسى البديري

هوسات للإمام الكاظم عليه السلام


وحگ گيد البچفك يـــــا أسد بغـداد
نگصدلك زحف يـــــا وارث الأمجـاد
ورثنـاهــه محبــتك مــن أبــو لاولاد

(نسحگ روس العادو نهجك ــ
يــا كعــبه ونگصد ونحجك)

* * *

يا كعبة صــبر وتگصـــدك الكونيـن
مشايه ألك نقســـم بنحــــر حسين
يالحبك فرض يا سيدي مـن الدين

(مشايـــه لگبــرك نتعنــه ــ
يالگبرك روضه من الجنه )

* * *

نگصدلك بلهفه وخلــــي نتفجــر
نار الشوگ بينه بكل وكـت تسعر
عشاگ وننادي موسى أبن جعفـر

(عشاگ ويا موت يردنه ــ
وبدمنه الكاظم عاهدنه)


* * *

يا جسر المصايب والنحــب والنـوح
ياهو الفوگ ظهرك گلي ظل مطروح
نعش موسى أبن جعفر للعوالم روح

مطروح الدين وأركانــه ــ
ونشيعه وتنظر عدوانه )

* * *

يالكاظــم گصدنــه بحرگـــــه هــــذا اليوم
سمعنه أعلى الجسر نعش الولي المسموم
نشيعه ولو جرى مـــــن عدنه نهـر أدمــوم

(بدمانه نشيــع والينــه ــ
يالكاظم بسمك نادينه )

* * *

يا بـاب الحوائـــــج ما تـــــرد عنــاي
أجيت أنه أشتكيلك من هضم دنياي
أعرفــك للحوائـــــــج سيدي گضـاي

( الحاجات الكاظم يگضيهه ــ
والحــاجــه أبيــدك ينطيهه )


الشاعر
موسى البديري

ابوذيه الى سيدي مولاي موسى بن جعفر عليه السلام



يگلي الشامت من النوح كف اه

وجفني الدمـع ما فد يوم كفـاه

على المات ويلف الگيد كفــــاه

وبقت فوك الجسر جثته رميـــه


الشاعر
موسى البديري

قصيدة ( نار الخليل ) الى سيدي ومولاي الامام موسى أبن جعفــــر عليه السلام


شيوصفه شــوگ البسجن لهله
نــار الخليل اگبــاله أظن سهله
والله الدموع اتلوگ اله وتحله
نــار الگلب تسعـــر
يا شوگ ابن جعفر ..... لهله

☼♠️♠️♠️♠️♠️☼♠️♠️♠️♠️♠️☼

نــــار الخليــل التستـعر
بـــردت ولا چنــها جمــر
اگبــال الي عمـره ينتظر أمــل

شيوصفه شوگ البسجن
وي كــل نفس لهله يحن
الفارگ هلــه حگــه يوّن يظـل

حگه لو دمعه يصب
نـاره تسعر بالگلب
السجن ديرة غرب
السجن موتت محب

شيوصفه شوگ السجنه طاموره
كــل لحظه لهلـه يكــرر الصـوره
أحــلامه كلــها اگبــاله منحـــوره
كــل ساعــه تتوذر
يا شوگ ابن جعفر ..... لهــله

☼♠️♠️♠️♠️♠️☼♠️♠️♠️♠️♠️☼

يبچي ودمعتــه هامله
يذكر صــور مـن كربله
طفلــه عليـله ومعــوله تــــون

لا ابــو يمــهه ولا أهــــل
وعالــدرب مذبـوح الامل
بذاك السجن گلبه اشتعل يحــن

طفله يذكــر حايــره
بالدمــوع امناطـــره
اتاني بالهم صابــره
هيــچ بالكاظـم جره

آ يــا مصـــايب كــربله وهمـها
لا ابوها اجــاها ولا رجع عمها
روحه الصبره من عدها علمها
ابطامــوره يتنــطر
يا شوگ ابن جعفر ..... لهــله

☼♠️♠️♠️♠️♠️☼♠️♠️♠️♠️♠️☼

بالسجن تكبــر حيــرته
بكل فرض تهمل دمعته
يــذكــر مصــايب عمته وحبل

مچتوفه بت طاها النبي
وماخوذه غصبا للسبي
وسفه لضعنها الأجنبي كفــل

كل شي بالكــاظم سده
مـن متــن زينب بده
الضربه وي گيد العــده
بالسجن رد شاهـــده

نفس الضربها أعلى المتن بيده
رد الحقـد عالكــاظــم يعيــده
بچفه السلاسل ردهــا وبجيده
هالمنظــــر أتكـــرر
يا شوگ ابن جعفر ..... لهِـله

☼♠️♠️♠️♠️♠️☼♠️♠️♠️♠️♠️☼

نــار أبدليله مـن الخيم
مستعــره وتّــذكر الــم
بالشام مچتوفـه الحرم صفن

بطاموره والمدمــع جـره
يــوم الخــرابــه أتذكــره
اهناكه بالحـــره شجــره محن

نـــار تسعر جمــرتي
الــچ زينــب عمتــي
من تـــون طامـورتي
لمحنتچ مو محنتي

يا محنتــچ ما تنوصـف صعبه
متن العرش يا سوط اليضربه
خــدر السمــه مگيوده للغـــربه
ناده الوحـــي وكُبر
يا شوگ ابن جعفر ..... لهـله

☼♠️♠️♠️♠️♠️☼♠️♠️♠️♠️♠️☼

لمن ســره السـم وانفطر
دلالــه بالمــوت شـذكـــر
حسين وگطع ذاك النحر نــــزف

وسمهم لمــن چبــده نهش
اتذكر جسم وسفه انفرش
من السحگ مـــا لمه نعش اســف

حسين ظــلت جثتـــه
نــــاس غربه الدفنته
وموسى فوگ أجنازته
ويـــن نــــادو شيعته

يا محنـــه مــرت بالنبي واله
بسم وبذبح شيلمها اوصــاله
مو أهله لا چــف الغرب شاله
ليا محنه نبچي اكثر
يا شـوگ ابن جعـفر ..... لهله

☼♠️♠️♠️♠️♠️☼♠️♠️♠️♠️♠️☼

الشاعر
موسى البديري

‏مقطع صوتي من ٩٨٤٣٥٣

من الغاضريه للكاظميه
عبره وهموم والم قيود ونحور وخيّم
دمعه جريه. من الغاضريه

****

نفس احــزان ال المصطـفى تنعـاد
مــن طــف الحـزن للكــاظم ابغـداد
بالطف عالتــرب رضوهن الاجساد
الكاظم بالسجن رضوه بالاصـفاد
نفس الفجيعه بگلب الوديعه
من الضلع يوم انهشم قيود ونحور وخيّم

****

منْ طف الحـزن موسى ورث القيود
ومـن حسـين وارث چبـده الممــرود
بالسم والعطـش تفجعنه ليش چبود
نبچـي ليا چبـد يوميــه لوعه تعــود
لوعه رزيه بآل الزچيه
يا چبد منهم سلم قيود ونحور وخيّم

****

ورث نار ابن جعفــر تســعر بصدره
من ذيج الخيّم وسـط الگلب جمره
ينـظر للقيــود ويجــذب الحــسـره
حــرم ال الــرسول امگيده واسـره
عاش الرزيه بگيد السبيه
من هوه ذاك العلم قيود ونحور وخيّم

****

ورث مــن زينب الحــوراء محنتها
الظلمّــه البالسجن تشبـه خـرابتها
يـونْ لكــن يــوّن الهـا لمــصيبتها
الغربه البالسجــن عمــاتـه عاشتها
آ يا مصــابه گيد وخــرابه
ومثل عماته انشتم قيود ونحور وخيّم

****

بغضــاً بالنبــي مسبيــه ألــه نســوان
وگبلها حسين ظل فوگ الترب عطشان
وبغضاً موســى والله يضــرّبه السجّان
مصاب الكــاظم وطف كربله صنــوان*
نفس المصيبه سجن وغريبه
بگلب ابو صالح سهم قيود ونحور وخيّم


*الصنوان .. الشيئ الواحد

****
الشاعر
موسى البديري

گاصد الك بدموعي اعتنيلك
باب الحوائج تكرم اليجيلك
بدموع المصاب. واگف على الباب

-------

يباب الله اعتنيتك جايب اجروحـي
يسلطان الحزن يا مهجتي وروحــي
الك مولاي دمعي وكل سبب نوحـي
جبل حزنك عليه انهارت اسفوحــي

هذا الدمع لجلك علن حــداده
گبل الجسد لجلك نزل سواده
وي سود الثياب. واگف على الباب

----------

وگفت ابابك وعبراتـــي محبوســه
يهل دمعي من اصيحن آه ياموسى
امد أيدي ابطلب وتردهــا متروسه
هوت عالباب روحي اتشمه وتبوسه

عطــر الجنــان اشمه مـن ترابك
وجبريل احسه واگف اعلى بابك
ينحب للمصاب
واگف على الباب

-----------

على بابك تهل ادموعي سچـابه
لان جمــرك مصــابك تبقه لهابه
ما اگصد لغيرك وأوصل اعتابه
يــا بــاب الحوائـــج لليدگ بابه

بابك ادگه ودمعتي اتجاره
گبتك تبشر كلبي والمناره
وبشوغة احباب
واگف على الباب

-----------

الطاموره وقيودك اصبحت حضره
تطوف امِلاك بيها تســبح وتقـــره
تيجــان الملــوك بحضــرتك فقــره
تنــادي ابدمعــه منك سيدي نظره

ابابك تدنگ من تجي القياده
رب العرش خــلالك السياده
مــن گــبرك يهاب
واگف على الباب

----------

وين اقصور خصمك وين ماضيه
تاهت يا امامــي وضاعـت اعليه
وهــذا مـرقدك قبله ويشــع ضيه
الحوائج سيدي يم بــابه مقضيه

خصمك هلك ياسيدي ابظلامه
گبرك يشــــع نور الله والامامه
نــورك فــلا غاب
واگف على الباب

--

الشاعر
موسى البديري

ميمر مجنس الى الامام الكاظم عليه السلام


   حالـــي أعَـرضّه      يــا أبـو الرضــا  
            الأرض ضاگت والفضا
ولبابك آنــه اتعنيت      يالما تــرد طلّابك

*

روحي أجت بس منكسر خاطرها
وبس الحزن يــا سيدي  خـاطرها
اقسـم عليـك بــأمــك وخــاطـرها

لحالــي تصدْ         يالما تـــردْ   
      حتى اليندبك من بعدْ
وأبابــك آنه وانخاك    
وبگلبي نار  أمصابك

*

اسمــك كرامــه وبالگلـب دگـيتــه
وبــابـك يا أبو طلبـه بدمع دگيته
علگتــه همـي أبحضــرتك  دگيته

وادري الفــرج      يبــن الحجج   
      يا مهجتي وكل المهج
ويمــك  تهّيــد  الأرواح     
من تسجد أعلى أعتابك

**

لبـابــك أمــدن بالــدمع  كـفّينـي
عــوّز البشر يــا سيــدي كـفّينـي
حبـــك كنـز وبــدنيتــي يكفّينـي

مــا افتقـر        حبــك ذخـر    
       بالدنيا والله وبالحشر
حبــك ربـــح بالدارين    
يــا سـيدي لأحبــابــك

*

جبت الحـزن يم حضـرتـك هدّيته
ومــن التعــب گلبي بفــرح هدّيته
اهدي الدمع وانته أبفخــر أهديته

كــل اليسر         بعـد العسر   
     أبابك يرد ومبتشر
باب الله بابك مـولاي    
وبوجهي متسد بابك

*

هذا الوكت حطني وطحني أبراحه
ومتعني بابـك بـس أعض بالــراحه
بابــك وصلته وگلبي حس ابــراحه

مــاي ونــزل         ابگلبي الذبل    
     رد  وَرّد  وشع الأمل
بــاب السماء المفتوح      
جنـه وأشم بـأطيابك

*

يم گبرك وروحي أرفعّت  كفّـاهـا
نــادت يمــولاي الحــزن  كفّــاهـا
چفــك  أحـسّـه للشـدد  كـفّــاهــا
تجلي الشدد        ها يا الأسد 
    حتى الذهب يمك سجِدْ
ينادي أبنظرتك مولاي     
خليني أشــمْ أتـــرابك
*
الشاعر
موسى البديري

بعد أن التقى ابن سويد بالأمام الكاظم عليه السلام وقال له الامام أن موعدنا الجمعه على الجسر ببغداد كان متلهف لهذا اللقاء لكنه لم يكن يعلم أن نعش الامام الكاظم سوف يكون هناك



موعد لقائــــي آويــاه    فوگ الجسر الگاه
ولمـن جاني  الصوت    ما حسبيت المــوت
محبوبـــي بالتابـــوت    فوگ الجسر الگاه

**

يا شيعه محبوب الگلب    لمن لگيتــه أبـدمعه
شابگته ودموعي جرن    والروح ذابـت شمعه
يا يــوم أشوفك سيدي    خبّرَني گـال الجمعه
فرحان بي راح التقــي    ليش ألتقيــه وأنّعــه

ما حسبت يا ناس هيــچ انه أودعـه
وبگلبي تسعر نـــار انتظـــره جمـعه

منتظــره  بالآهــــات    گالولي خلگ مـــات
أمصابه اشد أمصاب   دمــع الجفن سچاب
وبكل وكت انعاه        
فوگ الجسر الگاه

**


مختنگ جيتـه للسجــن    هـــوه الهـوه البــريــه
ودنيـاي ظلمــه بغيتــه     نـور الله هــوه وضيــه
ابلياه أحس كل شي عدم   دنيـاي أحــس مگضيه
ضامـي تعنيتـه أبعـطش   الكــوثـر أبوجهه وميّــه
مسجونه كل دنياي مو موسى مسجون
وحگها تسيل ادموم من تبچي العيــون

بشوگــي اله اتعنيت   افديــه أِنــه أتمنيت
لكــن بنـي العبــاس    سجنو اعـــز الناس      
من كيده يجري ادماه      
فــوگ الجــسر الگــاه

*

مـن شفته حاجيتـه بألــم   وگلبي اليحب ظل حاير
يـــا سيـدي ليــل اليمــر   بيك انــه أحس العاشـر
والگيد بچفوفــك صفــه   مــولاي طبعــت حافــر
هوه السجن درب السبي   تمشيه أحس وحــايــر

بعيونه شفــت الشـــام والله ومصـابه
ويـــوم السجــن يـا ناس چنه الخرابه

عاشــــر محــرم عــاد    چنــه بسجن بغـــداد
بگيد الچفوف أيشوف   عمته سبيــه أطــوف
زادت عليه بلواه        
فوگ الجسر الگاه

*

بوجهه شفت مطبوع اثر    وهلت أدموعي أبحسره
هــذا الأثــر منـــه شفـت    مسطــور خــد الـزهـره
وبگيده چني انظـر علي    مچتوف مــــن الــزمره
يا جمرة  الفاگــد أهــــل    تسعــر لهيـب  الجمـره

أصـل السجن للبــاب أصــل الـــرزيـه
يــوم الـــذي كســـــروه ضلع الزچيـه

هالسجن أصله أهنـــاك    يــوم السقيفه أنحـاك
بسم جعده چبده يذوب   هذا الأمــر محسوب
مــنْ الكفَـــر بالله         
فوگ الجسر الگاه
*

منتظــــر جمعــه أبلهفتــي    وادري يوافي أعهـوده
هسه يجيني أعلى الــوعــد   واشتم عبيــر أوروده
ولن صوت أجاني عالجسر    جثــه بـقــت ممدوده
وعالجسر شاهـدت النعش    لكــن تشـده أقيــوده

فــوگ الجسر خلـــوه أربــع حمــاميـل
ومن ثگل ذاك الگيد نعش الولي يميل

وفه أبعهوده اويــاي   شلته أبدمــع عيناي
گلبــي الــه مشتــاگ   مـــا حسـبت الفراگ
يصوبني ابفـــركاه      
فوگ الجسر الگاه

**
الشاعر
موسى البديري

ابيات طلب حاجه الى موسى بن جعفر عليه السلام

علـيّ دنيــا جابـــت عســـر وي داي
وثگل حمل ارتچه أعلى الگاع ويداي
درت وجهـــي لأسـد بغـداد وأيــدي
امدهــه البابه وادري تخــف عليـــه

*

زمانــي ربّــه ألـي يــا حيـــف عـّلاه
وعليّ الچــان دونــي انــوب عـــلاه
اگصدت موسى ابن جعفر ليش علا
اطيحــن والشمـــاته تلـــوچ بيه

*

شمه توصل ليدي بس دهري لها حال
الدنيــا بحـــال تتحـــول لهــا حــال
گالــوا شدتـــك صــدگ لــهـــا حـــل
حلهــا أهنـــاك بــأرض الكاظميــه


الشاعر موسى البديري

أبيات ابوذيه الى مولاي الإمام الكاظم عليه السلام

السجن وسفه أعلى ناسك حيف حالك
بســــلاســل وبقيـــود اشــــلون حالك
ليــــل اظـلــم نهــــارك صــــار حالك
چن ليل اهــدعش بالغاضـــريه

*

الگلــب ون لمصابـــك هــاي ونتـــاه
وانشــد عـالفـرح. بجفـاك وين تاه
الرجس هارون فوگ العرش وانتـــه
بسجن اظلم يبن خيــر البريـــه

*

الحزن والنــوح لمصابــك بيّ اداك
يمّــن باچـــر تلـــوذ أمــه بـيّـــدك
حســافه أقيـود يالكاظم بيّـــداك
وجســم ناحــل يمّام الـــرافضيه

بي اداك .. يضرب أو يقصف
بيدك .. جدك
بيداك .. يديك
*
الشاعر
موسى البديري

لمصاب ابن جعفــــر دم تجــــري العيـــون
نبقى بحزن وبآه يومك فلا ننساه

*

لمصابك ادموع المحب تجـــاره
وگلب الموالي الليله تسعــر ناره
لا شيعته واهله التعـرف أخباره
ليلة بسجن هــارون وي انهـــاره
ابسجن اظلم ايامــه والينه مسجون
سر الوحي ومعنـــاه يومـــك فلا ننساه
دم تجري العيون

*

دمع النواظر سـيل هاليله ادمـــــوم
للكاظـــم وچبــده التگطـــع مسموم
حگه الگلب لمصابه لــو ظـل مهموم
باب الحوائــج بالسجن ظـل للــدوم
من البصره والبغداد بكيوده مرهون
للسندي مــــن جاباه يومك فلا ننسـاه
دم تجري العيون

*

بچفوفـــه القيود وحـــديد واغـــــلال
ويا حال أمامي بهالوضع أصعب حال
مـــن ثگل ذاك الگيد منــــه الدم سال
عمته ذكـــــرها اشلون مچتوفه حبال
زينــب امگيديهــا تمشي وي الضعون
گيد الهضم شافاه يومك فــلا ننساه
دم تجري العيون

*

ادري اليموت اتحضره كل احبابـه
ينعون فگـده ابدمعتهم السچابـــه
يالكاظم احــــاه وعظيم امصابــه
وحــــده بسجن سهم المنيه صابه
محد حضـــر يمه لنعشه ويشيعون
محد حضر شالاه يومك فـــلا ننساه
دم تجري العيون

*

ادري اليمــوت احبابــه اليشيعونه
بنوح اهله وبجاري الدمـع يبچونـه
وسجانـه موسى الكاظم يشيلونـه
وفــــــوگ الجسر عدوانه يخلونـه
فوگ الجسر خلوه وظلوا ينادون
أملاك السمه تنعاه يومــك فلا ننساه
دم تجري العيون

*

ذليت هـــارون وقيــــوده ابصبرك
وأعلنت من سجنك ملاحم نصرك
هاي المناير منه يسطــــــع بــدرك
هل العالــــم اتعنـه يطوف ابگبرك
تعنتلك أحبـــابك رغم اليفجرون
فاز الذي زاراه يومك فــلا ننساه
دم تجري العيون
*
الشاعر
موسى البديري

يا گيد الذكــرته بالمطامير    
حگــه سيـدي دلاَّلك يحيّر
بالسجون المظلمه       تذكرت بت فاطمه
حگـه سيـدي دلالك يحـيّر

****

سيــدي المسجون ادري ينتظــر جيّـت هله
وعينه عالبـاب ويتــاني والمـدامــع هاملـه
يذكر اولاده وبناته وبالحزن صوتــه اعتله
واعتقــد كــل ذكرياتك مـن مصايــب كربله 
يا ذكره التصبر بيها هل الروح
عمتك بالسبي وكافلها مذبــوح
حسين جثته مهشمه      تذكرت بت فاطمه

**** 

من سجن للثاني وسفـه امــر بيــك الا رشيد
تذكــرت عمتك اسيره وسفـه راحت يم يزيد
تذكرت مچتوفه اديها من نظرت أعلى الحديد
وكل زمــان يـمر عليكم بي مصـايبكم تـزيد 
يا موقف ذكرت بذيــچ السجون  
محتاره العقيله وتجري العيون
وعالخدر متعلمه      تذكرت بت فاطمه

****

مــو جديـد الگيـد ادري والدمّــه المنّه يسيل
الگيـد مـوروث وعـذابـه بالسـبي ألكـم عليل
أمگيد اعلى الناگه وسفه والدرب كلش طويل
نفـس ذاك الگـيد منّـه جسمـك الناحل يمـيل
گيد الچان والله لزين العباد
بيه اتگيدت بسجـون بغداد
وگيد گلبه يألمه      تذكرت بت فاطمه

****

من سجون البصره تالي الطاغي جابك بالألم
مگيد لسجن ابن شاهك منه يا ساگ انهشم
اتجددت صـوره بخيـالك حيدره حين انشتم
انشتمت اهناك العقيله من بعد حـرگ الخيّم
كل لحظه العقيله بالك أتدور
ليل اظلم ابد ما شاهدت نور
خوف وأيتام وضمه     تذكرت بت فاطمه

****

بالمطــاميــر وتمـرلك ادري كــل الذكــريات
يبدي نوحك يـا امامي أتعـود ذيچ النايبات
صعبه بت طاها محمد بالخرايب  مـن تبات
وهيه ســر النور واقــره والحمد والذاريات
هالظلــمه  أتـكــرر  بالمطــامير
ليش بظلمه وسفه زينب تصير
وعالگمر متعلمه       تذكرت بت فاطمه

*
الشاعر
موسى البديري

واويـــلاه يمسمـــوم واويـــلاه
واويـــلاه يمسمـــوم. واويـــلاه

****

آه يــا مسمــوم يــا عظم المصاب
بسجن أظلم گضه يا وسفه الشباب
واليصد لموسى ينظر بـس ثيــــاب
نحل جسمه من القيود الضالمـــه

***

آه يــــا مسموم آه يـــــــــا محنته
آه يــــا صبره وعظيم مصيبتــــه
گيدو يسراه حيـــــــــــــف ليمنته
شابهه السجاد گيده والدمــــــــه

****

آه يـا مسمــوم يــا كهــف الصبـــر
شيعته بيا حــــــــال ظلت تنتظــر
سمعت أجنازه يوسفه أعلى الجسر
نعش أبن جعفر أعلى الجسر أنرمه


***

آه يـــــــــا مسموم محد گبّلـــــــه
ولا غمضله أعيونه واحد من هله
مثل حال حسين وحـــده بكر بله
وهوه سبط الهادي وأمــه فاطمه

***
آه يا مسموم مـــــــــن إلا رشيـد
گبله يــا ميت مسلسل بالحديـد
صار للأحرار أسمه أروع نشيــد
ونور صحنه يصعد لحد السمـــه

***
آه يا مسمــوم يا كعبــــــــــة محن
بصبرك أنذلت تـــراهي أهل الفتن
إلك بغداد أصبحت حضره وصحن
أبذّله ذيـــــــچ أعداك ضلت نايمه

****
شعر
موسى البديري

أبكي على بابِ الرجـا بالسجنِ واويــلاه
والدمعُ من عيني جرى حزناً على بلواه
دمـــعٌ تفجـــر ينعى أبنَ جعفر
حزناً على بلواه

* * *

يسلطان الصبر والنـوح والـدمعــه
ويا سابع أمـام أتنوح ألك سبعـــه
يـا ســر الإلــه ومنهجـــه وشـرعه
عليك أملاك تنحب والعرش ينعه

العرشُ ينعى فقدكَ بالنـــوحِ والأمـلاك
والأرض تبكي والسما بالحزن أذ تنعاك
والكـــونُ كبـــــرّ ينعى أبنَ جعفر

* * *

دمعـــات الجفـــــن تتفايض بعبــره
ولو حسره گضت نورث ألف حسره
للگضّــه بضلامــات الســجن عمــره
تسعـــر للأبـد مـــا بـردت الجمــــره

جمرُ الأسى لمصابه تسري بهِ الأحشاء
جمرًُ توارثَ نارهُ من محنتِ الزهـــراء
والقلب يسعــر ينعى أبنَ جعفـر

* * *

يا دمع النواظــر هـــل على مصابه
من داره لسجن طاغي العصر جابه
عليه تســأل هله وتتنطـــره أحبابه
البدر عن شيعته شوه طول أغيابه

البدرُ طالَ غيابهُ فـــي ظلمـــةِ السجـــان
وَسمي الكليمِ شبابهُ في زحمتِ القضبان
سجــنٌ تكـــدّر ينعى أبنَ جعفر

*

يا وارث علــي ويــه الزچيـــه أمـــك
شابهــت الحسن يــا سـيدي بسمـــك
وثلث أيام مثل حسين ظل جسـمـك
بقيــود العلــيل أصبــــح نـزف دمـك

نفس القيودِ تشابهت في معصمِ السجاد
قد قيدوا كـف الهدى بالسجن في بغداد
قيــــدٌ تكــرر ينعى أبن جعفر

* * *

يا مسمـــوم مثلك بالسجـــن سمـوه
وعدوانه بقيوده يـــا وسف شالـــوه
بچفوفه السناسل عالجســر خـلــوه
ونادو بالنعش بس أهله مــا حضروه

هــــذا وريثُ محمدٍ هــــذا ولــــي الله
ملقاً على جسر الأسى بالقيد من ينعاه
جبريلُ يحضر ينعى أبن جعفر

* * *

مسجون الدمع حزنك كتبله أفراج
يا بحر الصبر صـار الدمــع أمــواج
يا باب الحوائـــج جيتك ومحتـاج
وليا بــاب تگصد سيدي الأفــــواج

باب الحوائج والرجا جئناك بالحاجات
والدمعُ منـا أنهراً يجـري مــع العبـرات
قلـــبٌ تفطـــر ينعى أبنَ جعفر

* * **
لشاعر
موسى البديري

يــالكاظـــم تلــمــع أنــــوّارك
يــالكاظـــم تلــمــع أنـــــوّارك

*
أنــــوارك يــالكــاظــم تـلمـــع
شمــس الله چنـها مــن تطلــع
مـثـل حسـين بيــوم المصــرع
ميــت بــس قائــــد أنصــــارك

*
ميــت بس تــرهب عـــدوانك
خايــف من عنـــدك سجــانك
الـــراهب فعــلاً ظل عنوانـك
تــــرهبهـم ظلـــت إســــرارك

*

إســـــرارك ظلــت مكنــونـــه
يـــا نــور الـــرادو يطفــونــه
مسجـــون أعــدائه أيهـابونه
ونــــور الله يشـــع بكتــــارك

*

ســجانــك هـــــارون الظــالـم
خايف مــن اسمـــك يالكاظـم
هيبــه التبــرالك مـــن هاشــم
هيبــة هاشــم تحچي إخبـارك

*

تحچي اخبارك مـا طخ هامـه
رافــض للجـــور وأيـــامــه
رغم السجن وذيــچ أعـوامـه
مــا غابــت شمـسك وأنـوارك

*

مــا غابـت شمــس الله الكبره
شمســك تزهــر يبن الــزهــره
وين الباغي أيشوف الحضره
ويشـــــاهــد لهــفــت زوارك

*

ينظــــر زوارك ويشـــوفــك
كعبـه وكلهـا بلهفه اتطـوفـك
نقسـم يــالكاظــم منعــوفـك
بگلب العاشگ صـــارت دارك


****
الشاعر
موسى البديري

‏مقطع صوتي من ٩٨٤٣٥٣

الســـــلامُ علــى الـكــــفِ المـقيـــد
الســـــلامُ علــى القــلـــبٍ المـسهـد

*
أبدمعــة أعيونـي ألك ابــدي سلامـي
لچفــك وگيــــده اونـن يـــا إمــامـــي
أبسجــن اظلم يــا ابن خيــر الانامـي
نوركَ الوضــاءُ رغمــاً قــــد تــوقـــد

*

مــن مطامير السجـن نــورك تــلالــه
رغم أهــل الجور وأصحــاب الظلاله
هيــچ ربــــك راد سبحانــه وتعـالــى
نـــورُ وجـــه الله فيـــكَ قــد تجسـد

*
ابچفــك الأغـلال صلــت والسـلاسل
وابتهــالك سيــدي للبـاري واصــل
رغــم كــل الجـور چـان البيك نـازل
تُــرعـــبُ الطاغــوتَ حيــنَ تتهجــد

*

صاغ رب الكون مــن سجنـــك مناره
وگصدتــك يــا سيـدي العــالم زيــاره
أبابـــك أتنـاجي أبدمــع كـل الحيـاره
بابُــكَ للعـــرشِ حتمـــاً هــــو يمتـــد

*

صــار گيـدك سيــدي مــن الله حضـره
وجسرك اصبح للجنان الخضره عبـره
ويـن ذاك الطاغي شــو محــد يذكــره
ذكــــرُكَ البـــاقـــيُ دومـــاً يتــــردد

*

أسـد بغــداد أصبحــت تــاج آلها انـته
الدنيا ظلمه ومرقدك شمـس الله شفته
ضامي جيت ومــرقدك ماي ورشفته
ارتــــوي عشقــاً وحــبـــاً أتـــوقــــد

*
الشاعر
موسى البديري

إذا وكتــك يســد أبوجــهــك البيبــان
چـــفك لا تمــده لكـــائنـــاً مـــن كــان

***
أنصحك يا ألزمانك دار وجهه ويـاك
بــالــك  لا تمـــد   لكائنـــــاً يمــنـــاك
كـون ألــي  تگصده يگول  عد عيناك
وينه بهل الوكت ما يحصل الإحسان

*

كــون ألي تگصـــده  يگــلك  أتفضــل
ما تبقى أعلــى بابـه حتـى مـــا تنـذل
أدليــك الــدرب خــاف انته  مـا تندل
بس بــاب  الحــوائج  فـاتـــح البيبان

****
اذا عنـك زمانـــك وجهـــك يديـــره
اگصد مــوسى گله طايــح ابحــيره
بابــك سيدي  مــا عنــدي  ابد غيره
وليا صوب   يگصد  سيدي الحيران

***

يگصــد بابــك المحتــار مــن تشـتــد
يــا بــاب الحوائــج مــا تـــرد احــــد
يظــل مفتــوح بابــك غيـــرك الينسد
يباب الله  الچبيــر الما يـــرد لهفـــان

****

يشري مـا وجهــك بــس ابن  جعفــر
وغيــره يــريد وجهــك مايــه يطشر
أســد بغــداد هــذا المـــا يرد مضطر
إذا موجــك عــلا وخــذلنك الذرعان

****

شما هـاج الزمان وطفحت  أمواجـه
يظل موسى ابن جعفر باب للحاجـه
ميـرد الچفـــوف الجتّــه محتــاجــه
قبله مــن الكرم  معــروف  للجوعان

****
الشاعر
موسى البديري

قناة الشاعر موسى البديري pinned «سوف يتم نشر قصائد استشهاد الامام الكاظم عليه السلام»

سوف يتم نشر قصائد استشهاد الامام الكاظم عليه السلام

العاشـر چــم جــرح گلبــچ. ترك بي

وشفتي اخيولهــم صــدره. ترك بي

چـم طفلـه وطفــل زينــب تركبيـه

ويركبچ ســوط مرجــانــه وامـيه

*----------*----------*----------*

الشاعر
موسى البديري

الى سيدتي العقيله زينب عليها السلام
****

جبـــل صبــري تعالـــه لو عِلّى الشام

وعلى الطف انه انوحن لو على الشام

تظـــل بالــروح يهلــي لــوعه للشام

اشــد مـــن لـــوعتـــي بالغاضـــريه


الشاعر
موسى البديري

ابوذيات الى السيده زينب عليها السلام

أهــــل دمعـــي واجــرن آه وي آه

ودليلـي أبنـار زينــب ريـت ويــــاه

تمنــت لــو نعشــها الاخــو ويــــاه

مشه ويصرخ يخيّتي الهاشميه

****

الشاعر موسى البديري

‏مقطع صوتي من ٩٨٤٣٥٣

‏مقطع صوتي من ٩٨٤٣٥٣

الســـــــلامُ علـــى قــبــــرِ العقــيلــه

****

مــن البعد يم الحـــزن ابعـــث سلامي
مختنـــگ بالعبـــره ومكســـر كــــلامي
من انظر اسمچ والله من بين الاسامي
دمـــع عيني مـــن الجفن رغمــا اسيله

****

اليــوم يـــا عظمه مصابچ والـــرزيه
جـــدد احـــزان المحــب بالغـاضريه
اليـــوم كــل مشتــاگ ينصبلج عزيه
وابد مـــا يهجع الـــ0 ونــه وعويله

****

اليوم مـــاتت زينب وموحش محلها
بغربـــه غمضت عينها وابعــاد اهلها
شگــد تمنــت لـــوعدل خيها الكفلها
وگبـــل موتتـــها يجيــها وتشتكيله

****

اتيتم اليــوم الحـزن كله ويــه زينــب
والصــبر مل وعلـــى وحشــتها ينحب
چم اخــو نظرتلــه عالغبــره تخضــب
ويــاهــو بالطف حــارت الــي تعتنيله

****

اليــوم مــاتت زينـــب الحـره الاميـره
عاشت لهل اليـــوم بأحساس الاسيره
زينـب لهــذا الوكــت حــيرتها حــيره
چن نعشها اليــوم ظــل محـد يشـيله

****

يــا گلبها الما طفــت للســـاعه نــاره
لا خـــــدّم يمــها اتعــنــت للــزيــاره
ابعاد عنها الشيــعه بس ظلوا حيـاره
شوكت يجلي المهدي الهموم الثجيله

****
الشاعر
موسى البديري

ايةُ الصبرِ قبلةُ الخدرِ
في مدى الدهر أنها زينب أنها زينب

***

على زينب لون تكتب شعــر وبحــور
شـــرط كل القوافي مطــرزات ابنـور
زينب يعنـــي زينب واقعـــة عاشــور
بـنت البسملـه والنقطــه بنت الطـــور
سورة النصرِ أية الدهرِ
من اذا تدري أنها زينب أنها زينب

***

اسمهـــا مـــن تكتـبه خطـه بالإحساس
وخلي أحروف اسمها كون بين أقواس
ودنگ مـــن تكتبه وهبــــط الها الـراس
لا تنظـــر اسمها المـــا تصدهــا النــاس
أيةُ الباري في ثنا الدارِ
رمزُ أشعاري أنها زينب أنها زينب

***

العاشــر يا التناشــد هيـــه عنوانـــــه
صموده وكبـــريائه وصبــره وايمانـه
ايه مـــن الصبـــر ذاكـــرهـا قـــرانــه
ويمها ايــوب كلها اتــلاشت احزانــه
حزنهُ صــلا للذي حـــلا
فيها تجـــلا أنها زينب أنها زينب

***

أنتوضـه لبيت ربنه وننــوي عالقبلــه
وزينب بيت عفّـــه مــــا يصــح مثله
يتوضـــه الشاعــر الـــي راد يكتبلــه
ولا يخدش اسمهـــا يِوّصفــه بالـذله
زينبٌ حيــدر امُها الكوثــر
للعزِ مصدر أنها زينب أنها زينب

***

العمـر كلــه العقيلــه مــا تطــخ الهـام
واذا رايد شهود الشــاهد الهــا الشـام
گبل ذلت يزيــد وهسـه كثـره اقــزام
بالك لا تخـط أعلــى العقيلـه اوهـــام
علمها القرأن مصدرُ الإيمان
علةُ الأكوان أنها زينب أنها زينب

***
الشاعر
موسى البديري

***

بالغرب جــاها الأجل       
لا اخــو يمها وأهـــل
زينب بـــذاك المحـل       
يا حسافه.          يا حسافه

*

عن مصاب الحره لـو نحچي الرزيه
أمنيــه رادتهـا بـــت  أمهـا الــزچيـه
أتمنــت إخوتها تجــي قبـل الــمنيه
لكــن شخلــت عليهــا الغاضـــريـــه

الموت بالغربه صعب    
وجفن اليتاني يصب
اخوتها ظلوا عالترب    
يا حسافه           يا حسافه

*

من وداع الطــف جمر يسعـر لهيبـه
مــا بطل يـوم وسكن دمـع المصيبه
تذكــر حسين البقـت جثتــه سليبـه
والگمر عالشاطي  والهامـه  خضيبه

تذكــرت ذيـــچ  الشباب      
من الدمه صارو خضاب
والگمر  عالشاطي  غاب     
يا حسافه               يا حسافه

*

أتذكــرت گبل المنيــه أوداع أهلها
بالطفــوف وذكـرت أوداع الكفلها
اتمنتــه يگصدها  والدمعــه يهلها
ذكرت الطف عالنهــر  واگع  أملها

عالنهر طـــاح الكفل     
أهناك مر بيها الأجل
من مخيمــه اشتعـل      
يا حسافه.            يا حسافه

*

يهلي نادت چنهـا والمدمـع تجاره
ويـن يليوث الوغــه الكلكم غياره
گلبي سـاعات  المنيه تسري نـاره
تطفه لــو مريتو يا أهلي  بزيــاره

يهل يصوبني الجـره       
بالسيــوف  امــوذره
والجثث فــوگ الثره       
يا حسافه          يا حسافه

*


يهلي معروفــه اليموت أهلــه تشيعه
وتنحب أعليـه بالمنيه وتجـري دمعه
وسفه يهلي اتــوزعيتو قطعـه قطعه
للمنيه أعليكم انـــه  بحرگـــه انعــــه

نــاري  چـــن  نــار  الخيّم     
مـــن  هـــوه  ذاك  العــلم
ابگلبي غافي اشجم سهم      
يا حسافه                  يا حسافه

*

مــاتت أبغربــه العقيلــه الهـاشميــه
مـن ظلم أهـل الظلاله وغــدر أميه
بالغــرب محــد نصب الها العـــزيـه
وهسه ألها تنوح  كل  هـــاي البريه

ماتت أبحسره وقهــر      
أخــت عبــاس الگمـر
استشهدت وي النحر      
يا حسافه           يا حسافه

***

الشاعر
موسى البديري

ابوذيات الى السيده زينب عليها السلام

أهــــل دمعـــي واجــرن آه وي آه

ودليلـي أبنـار زينــب ريـت ويــــاه

تمنــت لــو نعشــها الاخــو ويــــاه

مشه ويصرخ يخيّتي الهاشميه

****

الشاعر موسى البديري

قصيده كعديه تشرح مصائب زينب بين الماضي والحاضر


زينــب آه يغــربتـــها
ولا خلصت مصيبتها
عدها من الخيم جمره
بقت يا وسفه مستعره
ولا خلصت مصيبتها

****

زينــب وقصــة محنها سجل بـس بلا نهايه
الدمعه واللوعه وألمها رافگنها من البدايه
شافـت اخوتها وبنيها عالترب ظلوا ضحايا
وشافت ضلع امــها انكسر
وراس الولي بسيف انطبر
ويــا چبــد بالســم انفطـر
عــاصـــرت كــل الــزايـا

ششرح حيــره يالــوعــه
عمر محتـــاره مفجـوعه
گلبها يـــا عظم صبــره
عدها من الخيم جمره   

****

مــن بعــد هـــاي الـــرزيا بيها مـــرت يا رزيه
وسفه مچتوفه اعلى هزل زينب وتمشي سبيه
زينــب العفّـه واهلهــا وبيــها تتشــمت اميـــه
يا وگفت السوگ الظهر
تچويها اشد من الجمر
منين جـابت هل الصبر
تمنـــت اهنــاك المنيــه

هــاي الما نظـــر ظلها
تصد ليها البشــر كلها
وجهها تستره بالعشره
عدها من الخيم جمره   

****

آه يـــا شام النوايـــب جمر ما يطفه مصــابه
دَخلتْ الديِوان صعبه وهيّه ستر الله وحجابه
ســورة النـــور بكبرها تگعد بظلمه وخرابه
آهــــات مــرنهـا شكثـر
شمّات شــافت بالقصر
وأيزيد يضحك مبتشر
يضرب بثغــر النجابه

نـــار اللوعه والــفرگــه
چنها اخيــام محترگـه
البــاري بالجـــره ادره
عدها من الخيم جمره   

****

بعــده جمــر الشــام يسعر يچـوي دلال العقيله
مـــره مسبيــه اجتهــم بــت محمـد عالهزيلــه
ومره اكتبوا يلله ارحلي الجبل ما يرهم رحيله
وگفت جبل لا مو مره
هــذي عقيلـــة حيدره
ايــه صعــب ما تنقره
أبــد مــا تصبح ذليله

زينب هيبه من حيدر
يذلها يـــا بشــر يگدر
وهيــه الايـــة الكبــره
عدها من الخيم جمره


****

كــل سنه الزوار يمها تخــدم بصحن الاميــره
وهسه وحشه يا صحنها بدت لوعتها الجبيره
صعبه زينب والله بيها يرجع احساس الاسيره
مرتيـن صعبــه تنسبي
بت حيدره وبــت النبي
ويفرح اليوم النـاصبي
ضنه ما نحيي الشعيره

العراق بكبره خـلْ يلتم
وينصــب للحـزن مأتم
ويلطم كل محب صدره
عدها من الخيم جمره   
*
الشاعر
موسى البديري

‏مقطع صوتي من ٩٨٤٣٥٣

قصيده گعديه ( الركن اليماني ) بمناسبة ولادة اسد الله الغالب علي بن ابي طالب عليهم السلام


الكعبـه لحيدره طــرت ركـنها
والتبغض علي خرست لسنها
بعده الأثر لليوم بالركن اليماني

****

اسمع أسمع يالتبغضه وتابع أسـنود الروايه
بالكتب عنــدك سندها من التواتر چنها ايه
بت أسـد گصدت الكعبه ونـادته رب البرايه
أبيــتــك ألهـي يالعلي
ادعــوك يا النورك جـلي
ولن صوت ناده يمْ علي
تفضلي يـا أم الـــولايـه
الكعبه لبت أسد فتحـت گلبها
امــه الثـانيه صـــارت نسبها
الكعبه جابته شلون بالركــن اليمــانـــي

*

طهّر الكعبـه بقـدومه بهل الولاده وصـار قبلـه
وياهـو مثله بهل الخليقه الكعبه بعد أمه تحمّلـه
الكعبه أم حيدر تسمت يا شخص بالـدنيا مثلـه
بيت الله مهــده وقبلّته
وبعـد أمـه هيّـه الحملّته
محتـار ياهــي الجــابته
حيره هاي وموش سهله
أمه الجابته ونادت يحيدر
والكعبه الركن منها تفطــر
وربك خله برهان بالركــن اليمــانـــي

****

مــو ولاده الكــون بيها حايــر ليــوم القيــامه
مو شخص مولود عــادي اليوم ميلاد الأمامه
نفس ابو الزهره محمد ألليله مولوده بسلامه
بشخصين هالنور أنوجد
نور النبي ونــوره اتحــد
خط.. قـل هــو الله احد
بيمنته وصارت علامه
ألامه جابته أبيـت الله أيــه
يعني الدين حيدر والهدايه
تســـأل عالعــــلامات بالــركن اليمـــاني

****

يالتبغضه أرجوك طالع بالصحاح وروح اقره
حيدر المـولود بيها ليش مــن حقــدك تنكــره
هـوه شـرفها بقــدومه ابد ما ضافتله شعره
طهــر الكعبــه بمولده
وطهرها نوبه بساعده
رغم الگلوب الحاقـده
الدين هوه وهوه سره
شنوصف علي شنهي النگوله
واليعــرف علــي الله ورسوله
ايه من الله للناس بالــركن اليمـــاني


****

گــال حيدر كلـمه ظـلت للبـشر دستـور حـبه
لــو طعمت المبغض انه عسل ما يهواني گلبه
ولــو ضربت الحبني والله مـا يغيـر ابـد دربه
لليــوم ظـل هــذا الـدرب
طبع اليحب دومه يحب
اليبغض علي اسود گلب
واضـح ومعـروف حزبه
اليهـوه حيــدره طــاهــر ولاده
والمبغض عكس هاي الشهاده
ينــكـر والأثــر ذاك بالركــن اليمــانـــي

****

الشاعر
موسى البديري

ثاراتك يــٕا يـــوم تــردهه


***
يا يوم البيه يطلع بــدرك
  يا الغايب ثارات تنطرك
  يا يوم البيه ينفذ صبرك
  وأعداك بزودك تگصدهه
  
***

تگصـد عــدوانك وتـــذلهه
وتگلــب تاليــهه بأولــهه
والمـــالت انتـــه التعـدلهه
  وعدوانك موت اتوَردهه
 
***

اتوردهـــه المـــوت أبفقـــارك
يالغيــض يـــوزع بــتـــارك
من كل صوب تصيح انصارك
 حمّلت حيــدر رد جـــددهه
  

***
جدد حملــت حيدر جـــدك
 وگطع روس لكلمن ضــدك
  ضلع الزهره اليوم ينشدك
  ثاراتك طالت مـــوعدهـه
  
***

ثاراتــك تسعــر چن جمــره
ثــار البــاب وثـــار الطــبره
وثار الچبده ابسم متفطره
 لليوم وجعده انشـــاهدها
  
***
يا يـــوم أترد ثــــار الأكبر
  ثار حسين وگطع المنحر
  ثار أخيام الضلت تسعر
  وثار المسبيه لوحدهه
  

***

ثــارات اهــلك كلهه أطلبهه
 والدنيا أعلى الباغي أگلبهه
  وخل سيفك موت يشربهه
  وللنار ابسيفك تحصدهه
  
***

أطلب ثـــارك فــي سامره
 ثـــار الگبه وثار الحضره
قــرآن الباري أعلى الغبره
  أياته الكـــافر هـــددهه
  

***


الشاعر
موسى البديري

قصيدة ( مر بينه ) إلى الامام الحجة ابن الحسن العسكري عليهم السلام




مــر بينــه مــر بينــه
صحره احنه وانته الماي
تــروينــه چلــمــة جــاي
يالغايـــب شنــهي الـراي
مـــر بينــه. مــر بينــه

*----------*----------*

تتاني الــروح ويـن الجيتـك مطـره
صفت بعدك يغايــب بالبعد صحـره
يتامى احنـه ونتاني منــك النظـره
نحلفـك بيش بحسين وگطع نحـره
تـدرينــــه تـدرينــــه
ننتظـــرك يـالـمـوعـود
يالمهـدي يمـتـه أتعــود
وتـــرد الفــرحـه اردود
مـــر بينــه مــر بينــه

*----------*----------*

مــر بيـنا الحـــزن نشــف مـدامعــنه
وحچي الشمات لجلك هد مسامعنه
بـلا نـــورك يغـــايــب سيدي ضعنــه
وبس انتــه التطـــيب كل مواجعنه
تــاذينــــه تـــاذينــــه
نسمعها واحنــه ازغار
چــا وين الغايب صـار
يالمهــدي لجــل الثــار
مـــر بينــه مــر بينــه

*----------*----------*

ظلمه الدنيه مرنه واشعـل الشمعـه
وامسح من جفنّه سيــدي الدمـعـه
بغايبك كل وكـت يبن الحسن ننعه
نحلفك بالبقن بچفوفه بـس تسعـه
تـروينـــه تـروينــــه
يبست بينـه الامـــال
ملينه القيـــل وقــال
يالمهدي بهذا الحــال
مـــر بينــه مــر بينــه

*----------*----------*

ضاگــت بالنــفس يالغــايب الريه
يا نســمة صبــح يـل كلــها حنيـه
الفرحه أويه العقيله چنها مسبيه
وبس انتــه التردهه مـن بني ميه
ملينـــه ملينــــه
مـن الـدمعه ومــن الاه
يــا جــرح المـا ننســاه
كل يــوم نعيـش ويــاه
مـــر بينــه مــر بينــه

*----------*----------*

مثــل حــال العليله لجيتــك انتــاني
البعـد يـبن الحسن غيرهــن الــواني
هااا هســه يجـي مــا مــره تنسـاني
يزيح اهمومي كلها ويجلي احـزاني
نــادينـــه نــادينـــه
عجــل عجــل مــولاي
يا عمري الراح وجــاي
يــــا قبلـــة كـــل وفاي
مـــر بينــه مــر بينــه

*
الشاعر
موسى البديري

بلوعه وبحسره
بدمعه وبعبره
عالهادي أنوح اليوم
بغربة وطن مسموم

* * *

عاشگ وأبچي عالمحبوب
مثــل بچــي الطفل لــمه
وأحناً چن حنين النـــــوگ
وأمــن لـــو رحــت يمه
بحضرته تشهگ أنفــاسي
وأهيم أبصحنه وأشتمه
وأنادي الهادي يا مـولاي
سمــك للمحــــب سمـه

جمرتك تسعر
يا شبل حيدر
يالهــــادي يا مظلــــــوم
بغـــربة وطـــن مسموم

* * *

ورثت من المحن مـــولاي
محن ما تنحصي وتنعــد
ورثت الهامــه والبسمـــار
وچم چبد الـــذي تمــرد
ورثت أمصاب طف حسين
بگلبــك نـاره مـــا تخمد
وچن خيل التدوسه أهنـاك
تدوس أبصدرك وتصعد

تسحگ أجروحك
تلچم أبروحـــك
ونبلــــة طفـــل مفطــــوم
بغربـــة وطـــن مسموم

* * *

مثل غربـــة أبو الأحــرار
عاش الهــادي بالغربــه
لسامره مـــن أرض جـده
جابه الطاغيه وحــزبــه
راد يطفـــي نـــــور اللــه
ونـــور الهادي من ربـه
وتحمل من سجون الجور
مـــا فت وعصــر گلبـه

لوعه كل عمره
يا عظـــم صبره
من أهله ظل محروم
بغربــة وطن مسموم

****

عاصر من ملوك الجور
ستـه مـن بنــي العبـــاس
ظالـــم مــن بعد ظالـــم
ورجس بعده أجت أرجاس
رادو ذلــــت الهــــادي
مـا ذل دومه عالي الراس
ذلهــم بالصبــــر والله
شبل من حيدر أصل الساس

هزهه عدوانه
صبره عنوانه
بوجهه الصبر مرسوم
بغربة وطــن مسموم

* * *

غدر ورثــوه بني العباس
ساسه أنعرفه وأصله منين
أرجع وأنظـــر التاريــــخ
وركـــز عالمصـــادر زيــن
أصله من السقيفه أهنـاك
باغـــي يسلمــــه لبـــاغين
للمعتـــز وصل هالــــدور
ســم الهــادي روح الديــن

ظـــالـم لظـــالم
ضد بني هاشم
أمــــر القــــدر محتـــوم
بغربـــة وطـــن مسموم

* * *

الحسن لمن نظـــــر للحال
سالـــت دمعتــه أبحـــزان
لبوه دمعه علــــي الهادي
ودمعه لمـــرع العطشان
وذكر جده الغريب أشلون
ثلــــث تيــام عـــالتربـــان
لا مــــاي الغسل جسمـــه
وذاري الطف صبحله أكفان

مگطعه أوصاله
تصعب الحاله
والحسن هـــل أدمـــــوم
بغربـــة وطـــن مسموم

* * *
الشاعر
موسى البديري

مقطعين گعديه كتبتها على عجاله عهدا بالخدمه في رأس السنه الميلاديه
.....


كل عام ونجددها الخدامه
منْ الآن حــد يـوم القيامه
يــا راس السنه حسين
راسه أعلى الرمح صار

*

كل سنه نجدد عهدنا نبقى وي ابن الزچيــه
يروح عام وغيره يرجع بينا حزن الغاضريه
مـا نعوف حسين والله وننتمي احنه لآميه
راس السنـه خلّــه يمــر
ندعي الله لحسين العمر
يطـول بخدمته وبيّسر
وبعهـــدنــا جعفــريـــه
نبقى أعلى العهد ما نزِل عنـّه
جنه حسين مــا نتـرك الجنه
ومـا ننسه الجره ويــاه
راسه أعلى الرمح صار

****

شما يجي عام ويمرنا حسين غايتنه وهدفنه
مـا نمل يوم الخدامّه خدمته صــارت شرفنه
العمر عدنا سنين حبــه وبــزغر بأسمه هتفنا
أخذ العهد من شيعتك
جدد عهدنا بخدمتك
بالروح نفـدي رايتك
نفتخـر لجلك نـزفنا
ننطي أرواح يا نبض العقيده
وچم شيعي لمحبتك قدم أيده
فـــدوه نصيح وحسين
راسه أعلى الرمح صار

*

الشاعر
موسى البديري

‏مقطع صوتي من ٩٨٤٣٥٣

مستهل گعديه .....


كل عام ونجددها الخدامه
منْ الآن حــد يـوم القيامه
يــا راس السنه حسين
راسه أعلى الرمح صار

الشاعر
موسى البديري

https://youtu.be/BAnobUpTuHY?si=uM6c-6kN4RSyhFNt

https://youtu.be/EVIBJlzvW00?feature=shared

آمــان الحبها للوكـته قل أمنه
لغيـر الزهــره مـا يكتــب قلمنه
أنتــه رافضي يگلي قــل أمــنه
غذتنــا بشـرف حـب الـــزچيه


١_قل الامان
٢_القلم
٣_اقصد الام


الشاعر
موسى البديري

أهازيج بمناسبة ولادة السيده فاطمة الزهراء عليها السلام

نولدت والشفاعه انولدت اويـاها
القداسه لبت محمد ربـك انطاها
السمــا والگــاع للزهـراء ســواها

(( سر هذا الكون وافلاكه ))

****
علّة هل الوجود وحكمته وســره
والما يقبل احنه نگله روح اقــره
ربك يرضه والله لفاطمه الزهـره

(( وبالزهره الباري ينجينا ))

****

گالــوا للنبــي مـــا خـلّــف الابـتــر
والله يگــول ابشــر جـتـك الكـوثر
اليجي من الله طبعي اعظم واكبر

(( وبس نسل الزهره امطهرينه ))

****

أوالي الزهره خــل الما سمـع يسمع
لجـــل حبها مناحــر ننطــي مــربع
مــا تشفـع فلانــه ام الحسن تشفع

(( بالزهره انزامط تدرونه ))

الشاعر
موسى البديري

ومضه إلى السيده فاطمة الزهراء عليها السلام

تفاحة الجنه وزهرة أهــل الكــون
وسماهه الالــه بأطهــــــر الاسماء

سماهه البتول الطاهـــره وبعدين
صديقه وعفيفه وراضيه وحوراء

من أسرى الاله بطه منـــه شــراد
روح أقره وتأمل رحلة الاســراء

ياكل ثمر جنه ويهبط أعلى الكاع
ومن نوره أتكون فاطمه الزهـراء



الشاعر
موسى البديري

بيت ميمر لولادة الزهراء عليها السلام

لغير النبي فاطم ابــد منطاها
ونور الزچيه ياخلگ من طاها
انوار ربنــا بقدرته من انطاها
بنور الزچيه الكون شع وازهر

الشاعر
موسى البديري

بمناسبة ولادة السيده فاطمة الزهراء عليها السلام
قصيدة يا فاطمه يزهراء البيت الاخير يختلف الوزن وطريقة القراءه



يا زهراء يفاطمه يا زهراء يفاطمه
يا سر الإسرار يا ام الأطهار

*-----*-----*-----*-----*

هالليله فرحــان المَلك ومعَيده الأكـــوان
وطشت علـــــى الدنيا ورد وترتل القرآن
ولفاطمه الكوثر أجت وي سورة الإنسان
من نور خالقهه لعلي لا مو أنس لا جـان

كونهه ربهـــه ســـر وحجبهه
يا زهراء. يفاطمه

*-----*-----*-----*-----*

رب الخليقه من خلق كْون وبسـط سبعـــه
وأنشاء سما رب السمــه وبحكمته يــرفعه
مــن نور عرشه وقــدرته رد كــون البضعه
أزهــر الكون أبفاطمه لا مــو ضوه الشمعه

نـــور الزچيــــه عــــم البريـــه
يا زهراء. يفاطمه

*-----*-----*-----*-----*

تفاحــــة الجنه صفت أنسيه وحــــوراء
أقرأ الحديث وغايته بسر رحلة الاسراء
ياكل ثمر جنه النبي ويكــــّون الزهــراء
الحور بولادتـــه أجن وي مريم العذراء

مولدهه رحمه مولدهه نعمه
يا زهراء يفاطمه

*-----*-----*-----*-----*

بيوم الولاده لفاطمه طـــش الـــورد جبريل
وكتب الله بيهه أتنورت في محكم التنزيل
خل يسمع الضد هل الخبر والعايش أبتظليل
ســــورة الكوثر فاطمه مــا ترهم أي تأويل

مشكاة الأنــــوار مكنونه الإســـرار
يا زهراء يفاطمه

*-----*-----*-----*-----*

ياهي الشفيعه للبشـــر بعـــد النبي وحيدر ــــــــ بس فاطمه الكوثر
ولو تعطش أنته يالمحب بيمن تروي الحر ــــــــ بس فاطمه الكوثر
تفطم الشيعه من لضه جـــاوب لا تتحير ــــــــ بس فاطمه الكوثر
ألمن رضا البري رضاه رد طالع المصدر ــــــــ بس فاطمه الكوثر

فـــــاز اليودهه خــــاب اليضدهه
يا زهراء يفاطمه

*-----*-----*-----*-----*

الشاعر
موسى البديري

الســلام علــى أّم البنين الطاهـــره
الســلام علــى أّم البنين الطاهــره

*

يــا ســلام الله على الطيبه الجليلـه
علــى الضحت أربعــه دون العقيـلـه
الوفيــه الصابــره الحــره الاصيلـــه
الكلها بالطــف بالمـواقــف حاضــره

*

يــا ســـــلام الله علـى أم الامــاجــد
ألألها تاريخ الفخر لــي هسـه شاهـد
أربعـــه أنطت مـا بقه تچايـه واحـد
فــدوه لأبـن الــزهـره كلهـم عالثـره

*

عجزت أبحور الشعر توصف بحـرها
شمعه لحسين وحسن نذرت عمـرها
بالمدامــع وصّـت الغـــالي گمـــرها
يبنــي بـالك تبقــى زينـــب حــايـره

*

قـدّمــت أربــع كــواكب مــن سماها
الباري بالطف عـز قـدرها وكــرمـاها
والمجد طـول الزمــن بيهـا إيتبــاها
بحـــر جـــود وللمــواقــف حاضــره

*

للكــرم شــلال طافـــح بيــن أديـهـا
بحـــر زاخـــر مــــا تـــرد اليعتنيــها
تگضي حــاجاتك لـون تقـسم عليـها
بالحسـين وعطــش گلبــه ومنحــره

*

قــاضيه الحــاجات هـاي أم الكرامه
ضحت بكل شي لأجل نصر ألإمامـه
الشفيعــه الشـــافعه بيـوم القيـــامه
إلنّــه توگــف بالشــدايـد حـــاضـره

*
الشاعر
موسى البديري

قصيده گعديه ( اربعه انطيتك ) الى ام البنين عليها السلام
من التراث على وزن حمزه الزغير هاي دار النوايب عتبوها



اربعــه انطيــتـك واعـــرف قليــله
ودمعي الك يبني ما ينشف مسيله
اعتــذر يبن الــزچيه
كون دونك عالوطيه
وريت آنــه انسبي دون العقيــله

****

يمه يمه حسين منــك اعتــذر يبن الــوديعـه
مو فجيعه ولدي راحوا روحتك اكبـر فجيعه
عالشريِعه الگمر طايح وانته طايح للشرَيعهَ
يحسين يـــا لــبْ الگلــب
گالولي ما ضگت العـــذب
حگي من انوحن وانتحب
وبيده ذبحــولـه رضيعــه

مثلك بدهــري مــا مــرت رزيه
يشوف كل لحظه بعيونه المنيه
طيحت اخوانه وبنينه
لو سبي اخته الحزينه
بعد عينه مشت رحله طويله

****


حسين يا روح الوديعه ويا عطر للهادي احمد
عشــره لــو كلهم ضحايا فــدوه الك الله يشــهد
الأمــه فاطمّـة الزچيـــه بيها مــا ينقــاس احـــد
يبن الوديعــه الطاهــره
فدوه البنبن اعلى الثره
يحسـين والله مقصــره
عالرمــل گالـــوا امـــدد

ريت دونــك اظل فــوگ الــوطيـه
ودونك بصدري تسحگ الاعوجيه
وسفه يحسين وهضيمه
امـــك تنـــوح العظيمـه
يعينها الله لمصايبها الثجيله

****

من اجاني الخبر عنك وصوت هز كل المدينه
ينعه فگد اربــع بنيني عظم اجــرچ يالحـزينه
ما نشدتك گتله عنهم گلي ويـن حسين وينه
گلي ودمــع عيــنه يســح
عطشـان بس شابـــع ذبح
وانرفع راسه اعلى الرمـح
ومــن دمــــاه مخضبيــنه

يالحــزينــه بقـت جثتــه رميـه
والحرم وسفه مچتوفه وسبيه
وزيـنب بذيــچ الخرابه
تنوح لحسين ومصابه
تگله گلبي فلا يگطع عويله

****

صدك زينب اه يزينب راحت ومچتوفه اديها
وهيه ستر الله وحجابه الناس تتفـرج عليها
وكــون مسبيه بدلها مــن بعد طيحت وليـها
وعالهزل امشــي بلا ولي
ومحروسه بت حيدرعلي
فـــدوه بنيني وكــل هلي
ومحـد يشــاهــد سبيــها

كون ســوط العده صاير عليه
ودون زينب اطب لبّنْ الدعيه
ويشتم اهلي مو اهلها
مـن بعـد عيـن الكفلها
وابقه محتاره ياهو الاشتكيله

****

حسين يــا كبــره آنه حظي الگلب ضحالك بنينه
وطاح دونـك گمر هــاشم والسهم طفّـاله عينــه
وضامي يم جرف الشريعه بكتره يسراه ويمينه
يا نهر مات مــن الضمه
حيل اعتذر من فاطمه
لــو باقي بيده صـارمه
ما مشت زينب حزينه

ما تشب نار خيّم ستر العقيله
وما يمرها السهر لو باقي ليله
لكـن بطيحت گمــرهــا
ما نصف وسفه دهرها
بعد كافلها هيّه اضحت كفيله

****


الشاعر موسى البديري

وفيتي ويا نعم الحره

وضحيتي بولدچ للزهره

*

وفيتي لدينچ وفيتي

يالحره بولدچ ضحيتي

ربيتي ونعم الربيتي

عباس الظل يزهر بدره


*

أربع شبان أذخرتيهم

يوم العاشر قدمتيهم

ولدچ للزهره أهديتيهم

وهناك أتوافيچ الزهره


*

ومن رد الناعي وظل ينعه

تتعثر والله من تسمعه

چا وين حسين أبن البضعه

ما رد ليش وشنهي مأخره


*

كاللهه وظل تهمل عينه

عباس أنكطعن جفينه

وعبدالله وجعفر تدرينه

ظلو وي عون أعلى الغبره


*

ما ناشدتك عن أولادي

خبرني عن روح الهادي

يوليدي يحسين تنادي

لفكدك تسعر بيه الجمره


*

جاوبهه ومدمعهه تفجر

فوك الغبره ودامي المنحر

وبسيوف العدوان أتوذر

والخياله رضت صدره

***
الشاعر
موسى البديري

ميمر ( ها دنيتك ) لطلب الحاجه من باب الحاجه ام البنين عليها السلام



هااا.. دنيّتك لو ضكتك
بالدمعه اطلــب حاجتــك

ناديهــا يأم العبــاس
ولحــاجتــك تگضيها

*

لــو ضكتـــك دنيـاك خانــك صبــرك
لربـــك توجـــه لله فــوض أمــــرك
بــأم الـبنـيـن انخـــــاه راح يســرك

بالطاهره بالصابره
كل العسير أيسره

يا ربي بـــأم العـباس
هاي الكروب امحيها

*

بــاب الكــريمه اگصــد أتِعنـاهـا
ما تصعب الحاجات من تنخاها
بس بيقين الفاتحه ألهـا اقـرأها

بدمعه تصب وفطرت گلب
من كربله اتشوف العجب

تدريها يم كبـــر حسين
تجـــري الدمــع تـدريها

*

باب الحوائـج صـارت لكــل النـاس
ربــك جعلها بكــل فخر ام عبـــاس
و ألي نخاها يظل ابد عالي الراس

ولكربله رب الملا
خــلاها مثـــل البسمله

نفتتــح بيها الحاجات
ونتوســـل لــبـاريــها

*

بــاب الحـوائــج ربـك اخـتـاراهـا
بهــاي الكـرامـه البـاري اختصـاها
انطت ولـدها والله عـزِه أنطـاهـا

الهل مدمّعه ونــاح ودعّه
بـــأم البنين الاربعــــه

بارينه يگضي الحاجات
وللوافـــت أيـــوافيــها

*

حلفــهــا بالمظلــوم ابـــن الـــزهــــره
بشيبه الخضيب وخنصره ودم نحره
گلبــك لــون مهمــوم هيّــه اتســـره

گلها أبفخر يأم الگمر
بحسين احلفچ والنحر

متقصــر آم العبـــاس
ثــق جمرتــك تطفيها

*

مــن البقيع الصوت هيــه أتسمعه
اختصــاها ربها بمنــزله وبالـرفعه
النـذرت ولـد لحسين نذرت دمعه

رب السمه لسر فاطمه
عــزز أسمها وكــرمّه

النذرت ولدها لحسين
ربــــك قَـــدر منطيها

*
الشاعر
موسى البديري

ابيات ابوذيه الى السيده الطاهره ام البنين عليها السلام

أنــه بمهــدك نــذرتـك يمه لحسين
شحلاتك وانته واگـف يم الحسين
أذا تــوگــــع أنــــادي يمه الحسين
فـــدوه الطـــاح دونــــك عالــــوطيــه

*
عفه گلبي شحمل طعنـــات ويـــروح
بغيابك مــا بعــد ظل حيل وي روح
تمّنه الطف يگصده آوياك ويــروح
ودونــــك كــــون تسحگني اعـــــوجيه


♠♠♠♠♠

ضعنهم راح شــــال الــروح ويـــــــاه
ودليلـــي أبنــــار لمَن ســـار ويـــــــاه
على ابن الزهــره اصيحــن آه وي آه
وأگـــل عباس افــــدي ابن الـــــزچيــه

♠♠♠♠♠

الشاعر
موسى البديري

ام البنين ع تتمنى لو انها ذهبت لكربلاء ودون الحسين وزينب عليهما السلام قتلت
****
يا يمــه كـون اشبـع ضمّه
و أتغسل أبفيــض الـــدمّه
دونـــك يضنــوة فاطــمـه
حبيبي يا حسين حبيبي يا حسين

*
كــون متعنيه الطفـوف وابـره ضعنـك بالــدرب
ومـن تحنْ للــزهره يبني آنــه أضمــك للگلـب
ادري يبني حسين خايـف مثـل أمــك أنضــرب
الصار بيها ريته بيه والله يبني شگـد صعب
وبعيني يــا ريت أنسطر
ومثــل الــزچيه أنعصـر
وظلعــي بغدرهم ينكسر
حبيبي يا حسين حبيبي يا حسين

*
كـــون ويــاكــم ييمّــه آنـــه رحـــت لكــربلــه
ومثــل زينــب واليتــامــه انسبــي وي العايلـه
كــون ســوط الحره زينـب ابمتني انه استقبله
وكون مـو زينب شتمـها لا شتمنـــي حــرملـه
و بأيــدي يــاريته الحبّل
ودون زينـب عل الهزل
ولا شمــتْ بيــها النــذل
حبيبي يا حسين حبيبي يا حسين
*
كون ضامي اگليبي دونك مــا وصــل گلبك عطش
وكون جسمي الطاح دامي وعالرمل يبني أنفرش
ودون زينب آنــه أنوحن عل الاخــو بليل اهـدعش
شلون وانتــه ابن الزچيه مــا حمل جسمك نعش
دونك يريــت أعلــى الــرمل
أبفيض الدمه جسمي أنغسل
لا والـــي يمّــي ولا أهــــــل
حبيبي يا حسين حبيبي يا حسين
*
كــــون دونك آنــه اطيحن رضــت أبصدري الخيــول
وريت صدرك يبني سالم وفوگ صدري اتظل تجول
خــايفه أربــــع بنينــي مــــا وفـــــو وي البتــــول
باچــر بيوم القيامـــه شنهو عـــذري وشــرد اگــول
يا وليدي دونك عل الثره
جثتـــي ييمــه امــــوذره
ومن چفي گطعو خنصره
حبيبي يا حسين حبيبي يا حسين
*
ريت بالطف انه وانظر طيحت ابني أعلى النهر
شلون يــا روح الـزچيه صحت يـا خويه الگمر
انته جيشي أحــزام ظهري وانكسر مني الظهر
كون ظهري انكسر يبني ومني محزوز النحـر
يــا يمه محتــاره بحـرم
من حرگوا علينه الخيم
وماكو رفيف مـن العلم
حبيبي يا حسين حبيبي يا حسين
*
كـون مسبيه وأروح أعلــى الهــزل متيسره
دون زينب بالضعينه أدروب وحشه ومقفره
و أوگف أبديوان أميـــه بالحـــرم متحيــره
وتبقه بــت حيــدر أميره معــززه ومقـــدره
وبالطشت راس ابني الگمر
يضـربه يــزيد أعلــى الثغر
ومنــك فـــلا گطعـــو نحــر
حبيبي يا حسين حبيبي يا حسين
*
الشاعر
موسى البديري

قصيدة ( اعتذر منچ يزينب ) وكأن ام البنين تعتذر لأنها كانت تتمنى أن لها بنت ذهب اسيره بدل السيده زينب عليها السلام



اعتذر منــچ يزينــب
يمه مــا عندي بنات
دونچ يشدون اديهن
عالهزيله امسلبات
قدمت أربع ولد ظني ابو اليمه يرد
يمه مــا عندي بنات

*-----*-----*-----*-----*

دمعي أسيله يــالعقيلـه بـأعتــذاري
حسره عمري ناري تسري أه ينــــاري

ريت كــل هاي المصيبه المرت بطف كربله
عندي كــون ابنيه دونــچ بالمصايب معوله
وتنظــر إخــوتهـا ضحــايا اربعتهــم بالفــلا
وســالم حسين وبنينه وكــل بناته وكل هله

ولدي كون الطـف ذبحهم
عالرمــال امگطعــين
وسالم ابن الزهره يرجع
والله يمه تگرلي عين
ابــد ما همني البعد ظنـي ابو اليمه يـرد

*-----*-----*-----*-----*


لا كفيلـچ وحشــه ليلـچ يمـــه زينب
والظلامه بس يتــامــه كلها تنحب

اخ مــن ليــل الفجيعــه مــن بعـد حــرگ الخيّـم
بنتي كــون بحيــره دونچ تجمــع أطفـال وحـرم
وكــون مــو أنتـي الصرختي وينــه شيال العلم
بنتي كــون الي تنادي وجــدها ريته ألي أنشتم

يعينج الله أعلى الفجيعه
شطولـه ياليل اهدعش
حــرم مذهــوله ويتـامه
وخوف وهموم وعطش
المــن ايتامچ تصـد ظني ابو اليمه يـرد

*-----*-----*-----*-----*

والله حيره يـالامــيــره بهل الرزيه
بلا عشيره أنتي أسيره من ال اميه

كون مــو أنتي السبيه بنتـي راحـت للسبي
وشمر ريته يشد أديها يگلها عالناگه اركبي
وسـوط البمتنچ عليها وسالمـه بنـت النـبي
وريت مو أنتـي أسيـره يا أبــه و قبلة عبي

كون مــو چفــچ يـزينب
والله ينشـد بحبال
ريت عندي ابنيه دونچ
والله يربات الدلال
وفاگده إخوان أولد ظني ابو اليمه يرد

*-----*-----*-----*-----*

اه يوسفه والله كلـفــه والله بـلــوه
يــا ألمها شكبره همها الفگدت أخوه

حيرت السوگ ومصابه كون مــو بيـچ اليمـر
والله يــا يمــه يزينــب الــچ ميلـوگ اليسـر
ريت عندي ابنيه دونـچ واگفــه بحــر الظهـر
وريت مو أنتي الدخلتي بنتي دخلـت للقصر

والشماته تصد عليها
والـچ مــا واحـد نظـر
فــدوه انه وكل بنيني
وما يمــر عينـچ سهر
ومحد لچفـچ يشـد ظني أبو اليمه يــرد

*-----*-----*-----*-----*

يا مصابه بالخرابه شكبره صبرچ
والرزيه من رقيه حسره عمرچ

والله صعبه بت محمد بالخـرايب مــن تبات
يساعــدچ الله يــزينب يــا عظمـها النايبات
كــون بنتي بحيره ظلت تجمـع أيتام وبنات
وتگعــد بدمعتها تنعه يســاعد الله الفاگدات

تصـبــر بدمعــه رقيـــه
تگلها ما مات الحسين
بس ابو فاضل وإخوته
عالــرمال مگــطعيــن
فدوه طعنات الچبد ظني أبو اليمه يـرد

*-----*-----*-----*-----*

الشاعر
موسى البديري

بســـم الله.. گــوم الفـــاتحــه اقـــرأها
وتوَّجـــه للجليله أبــدمعـــه وانخــاهـا

۩ ۩ ۩ ۩ ۩

اذا دنيــاك ضاگــت بــالعســــر والهـم
وليـــل النــايبــات أعليــك صار اظلم
وإذا وكتـك عليك بكــل حــزن خيــّم
انخّــه أم البنيــن وشـــوف نخــواهــا

۩ ۩ ۩ ۩ ۩

أنخــه أم الـبنيــن ودمعتــك هلـهـا
الصعبه أم الگمر ثق هيــه التحلـهـا
ربـــك كــرمــاهـا وعـــلا منـــزلهــا
البــاري لجل أبــو الأحـــرار عـلّاها

۩ ۩ ۩ ۩ ۩

عـــلاهــا بمحبتهــا لابـــو الأحـــرار
لان نذرتلــه بالطــف أربعــة أقمـــار
مثل ام البنين بهـل النسه مــا صـار
إذا گلنــا الـــوفــه ينجــاب ذكــراها

۩ ۩ ۩ ۩ ۩

صــارت للــوفـــه أم الگمـــر عـنــوان
مثـــل البسمله لكل سـوره بــالقــرآن
معـروفــه جــزه الإحسان بالإحسـان
مـا رادت جـــزه بس يــرضه مولاها

۩ ۩ ۩ ۩ ۩

ما رادت جزه بس يرضه عنهـا حسـين
مثل الطاهــره ام عباس يحصـل  وين
ضحت أربعــه وتجــري دمــوع العيـن
لـــحسين الكـريمــه  نــذرت  أربــاهـــا

۩ ۩ ۩ ۩ ۩

أنطــت كــل ولــدها الحره ام عبـاس
عنـوان الوفــه بس بيها ظل ينقــاس
رفــع ذكــراهــا ربنـا أبين كـل النـاس
وبــاب أهـــل الحوائــج الله خـلاهــا

۩ ۩ ۩ ۩ ۩

بـاب أهــل الحـوائــج وآنـــه دگيتـــه
وچــف الحاجه الـچ يـا حـره مـديتـه
أبـاب حسين دمعــي بحسـره هليتـه
لان ادري الجليلــه  أهنـــاك  الگــاهــا

۩ ۩ ۩ ۩ ۩
الشاعر
موسى البديري

حوار بين ام البنين وولدها العباس توصيه بطاعة الحسين وزينب عليهما السلام



شگد ﭼبيره آنـه خـادمة ْالحسين
شگد ﭼبيره خادمه وتفديله عين
گلها عبــاس بفخـر
ﭼفوف انطيه ونحر فــدوه

****

آنــه كــرمني الاله وصــرت لجلـه خــادمّــه
يـا كبــر حظــي يغالــي بيّــه قبلت فـاطمــه
ويا عظم حظك ييمه تموت لجله من الضِمّه
يعني آنــه وانتــه يبني اختـارنـا رب السمّه
يا عظمها يبني هــاي المنـزله
يا عظمها نفدي الحسين وهله
گلها عبــاس الگمر
ﭼفوف انطيه ونحر فــدوه

****

يمّـه عباس ارد اخبــرك واستمع يبني الي
حيدر مـنْ اتعنـه ليه وراد يخطب مـن هلي
انته يبني الغايه ﭼانت من سأل عنـي علي
رادك احــزم لعضـيدك خــادم وهــو الـولي
يا أبو فاضل گله خــادم مــو اخـو
يا أبو فاضل وأدري بيك انته كفو
خــادم وبيها الفخر
ﭼفوف انطيه ونحر فــدوه

****

يبني وﭼفوفك يغالـي التبقى بـاﭼر عالثـره
اربعه أِفـدّيْ الزﭼيــه واشعـر انه امقصـره
يــا عظم حظّــه ييمّه اليخدّم امـه الطـاهـره
والعليّ ترضه الــزجيه حظّه هـذا شمكبـره
ترضى عني فاطمه بيوم الحشر
ترضى عني والله يوليدي افتخر
گلها راح اتــرك اثـر
ﭼفوف انطيه ونحر فــدوه

****

يبني يا عباس اگرب والحجي منـي اسمـعه
خــادم لزينب اريــدك هــاي بنــت الشــافعه
من سمع منها الوصيّه الگمر سـﭼّب مدمَعه
يــا فخــر خــادمها آنــه البل جـلاله مگبعـه
آنــه كافل يمّه خــدر ال النبي
آنـــه كافل قبلة العّــز والعّـبي
مو فقط افــدي النظر
ﭼفوف انطيــه ونحر فــدوه

****

باﭼر انته اعلى الشريعه تفدي يوليدي العمر
الماي ما اريدك تضوگه لو صبح ﭼبدك جمر
گلها يــا يمّــه ومحمد ﭼبــدي اخليه يستـعـر
ومــا اضوگن منه گطره گبـل الحسين الطهر
مــا اشربه لــو أحــس گلبـي دوّهَ
مــا اشربه وضامي سر القل هوه
فدوه لو ﭼبدي استَعــر
ﭼفــوف انطيــه ونحــر فــدوه

****
الشاعر
موسى البديري

ميمر مجنس ( اربع اقمار ) إلى سيدتي أم البنين عليها السلام


قدمتـــي أربــع أقمــــار
وربـــچ وهبلـــچ ســـره

*

وفــه الگمـر وي الــولــي مــن ســـره
والله كــرامـــه كــرمـــچ مــن ســـره
يسر الله گلب الزهره كـل مـن ســره

وســريتي گلــب الزهــراء
ابتضحيتــچ ويــه العتـره

**

وي حيـــدر الكرار صنتـي العِشــره
بعشــرة محــرم كرميتــي العَشــره
موش أربعه أتمنيتي عندچ عشـره

كلهم فــده لجل حسين
ولا يــنذبــح عــالغبـــره

*

والله ونعــم تضــحيتــچ وي البضعـــه
انطيتي أربعه ولا حسين سيف يبضعه
هـــذا وفــائـــچ مـــا سمعنـــه بِضـعــه

دوّرنه هــذا الــتاريـــخ
مــا ذكــــر مثلچ حـــره

*

من الزهره كل هذا الفخر من طاها
والله گمـر غيرگ ابــد مــن اطــاها
أربـــع أقمـــار البــاري مـــن انطاها

أنطتهم بكــل إخـــلاص
فـــدوه لبنــين الـــزهره

*

أم البنيــن اسمـــچ فخــر قــارينـه
وحگـــه يتحّيــر لــو قــره قــارينه
بــاب الحوائـــج واحنه بي قـرِّيِنه

وألّــي دعا بأم عبـــاس
البــاري يسهــل أمـــره
*

حگه المحب لــو بيچ حايــر وصَفـه
مثـــل البــدر نــورچ اشـــد وأصفـه
لكـــل العــلل أنتــي صفيتي وصفـه

تشفى العلل والإسقــام
البيچ يتــوسل مره

*

ماكــو شبيهــچ بالنســـه حصلَنــه
واسمـچ حــرز بيها النفس حصّنه
بيــچ أنتــوسل بالدعاء حصه انه

والينّخه بيـچ المعبـود
خيــر أيتحول عســره

*
الشاعر
موسى البديري

موشح إلى السيده الطاهره ام البنين عليها السلام


صرتــي للإخـــلاص مثـــل البسـمـله
ورتلــچ بـــأيمــان مصحــف كــربلــه

*----------*----------*----------*

رتلــچ هـــذا الـــزمــــان أبكبـــريـــاء
ومنـــچ أتعلـم دروس أعظـــم وفــاء
بسملــة أخـــلاص صـــرتــي بكربـلاء
واسمــچ أبكـــــل زود ظـل يــرتــلـــه

*----------*----------*----------*

يرتله أبكـل زود والله وكــل وفخــر
يلّــي علمتــي الگمــر يصبــح گـمــر
لا خسوف ايمرله مــن ينطي النحــر
النحر مــــن ينطيــه نـــوره يكمـَلّــه

*----------*----------*----------*

نــوره يكمل لـــو نـذر ذيـچ الچفـوف
ودون أبــو اليمـه يتــوذر بـالســـيوف
طــاح لكــن قبلــه أصبــح بالطفــوف
بعــزه أصحـــاب الـــوفـــه تستقبــله

*
طاهــره وعبــاس طــاهـــر مــرضعـه
مـــن علـــي الكــرار أصــلــه ومنبعــه
أبِغيــره متنســيه وأبــاء ومشـــرعــه
فاض بالطــف غيــره والــزود اعّتلــه

*----------*----------*----------*

فاض غيــره وزود يـا طيبــة أصــل
والفــرع مــن أصلــه لازم يكتمـــل
احتـــار بيچ الدهر يكتـب يا فصــل
وأنتــي موسوعــه بجـلالــه أمنــزله

*----------*----------*----------*

انتــــه موســوعه مجد يــأم المـجـد
وحگــه تــاريــخ الفخــر لــو يستعد
لفاطمــه الزهــره نذرتي أربــع الـولد
وعالصعيــد بدمــها كلــهــا أمغسلــه

*----------*----------*----------*

مثلـــچ التــاريــخ مـــــا ذاكــر مــره
تضحــي بأقمــار أربعــه فوگ الثـرى
لابن ضـــرتــها وتحــس امقــصــره
وخــدر زينــب ابنــچ أصبــح كافلـه

*----------*----------*----------*

كـافــل الخِــدّر أستــاذ التضحيـات
رضــع طاهر مــن حليبچ مكــرمات
فاض غيره بيوم شــح مايه الفرات
وبقـى خالــد وي ابــن سيـد المـــلا

*----------*----------*----------*

بقى خالــد والــزمــن سجـل صَــوّر
غـرف بيده ومــا شرب مــاي النهـر
هالمـواقــف حيّــرت كــل البـــشر
حگـــه لــو ظــل الـــزمـن يتــأملـــه

*----------*----------*----------*

حــگه يحتار الــزمن طــول السنين
جامعـه أنـتي خرجيتي أربــع بنيـن
اتعيـنو أنصــار مــن دون الحــسين
أستـاذه أنتــي والگـمر بيــچ اعتــله

*----------*----------*----------*

الشاعر
موسى البديري

قصيدة ( وحشه داري ) من الحان التراث على وزن المرحوم حمزه الزغير ( دهري ذبني )


وحشه داري يوم المشيتي يمّه يالزهره

*
يـــا يمّـــه وحشه الـــدار هــاي المسيه
وليلي اليمـــر بچـــفاچ ليـــل الــرزيه
يفجعنــي يمـــه الليل لـــو مــر عليـــه
چــم ليله بيها أنصـــاب سهــم المنيــه
وأبقى بحيره يوم المشيتي يمه يالزهره

*

وحشه يــا يمّـــه الدار مـن غبتي عنّـي
من عمري خمس أسنين صاحبني ونّي
بيـــت الحــزن بجفـــاچ وارثتـــه چـنـّي
وادري يظـل للموت يـــا يمّــــه حــزني
ثوبي حزني يوم المشيتي يمه يالزهره

*

يا دمعه أهلها اليوم يا عبره اجـــرهـا
عالمــا وصل عشرين أمـــي عمـرهـا
بخدي أشوفه يصير چــف السطـرهـا
ابصدري أحس تندار لــوعة صدرهـا
وناري تسعر يوم المشيتي يمّه يالزهره

*

يا يمّه شفت النــار ابابـــچ ســـريــه
اتراوتلي چنها أخيـــام بالغاضــريــه
وظلعچ لمَن كسروها أهــل الـــرديه
چني نظرت حسين فوگــــه اعوجيه
أبصدره سحگت يوم المشيتي يمه يالزهره

*

ليل اليمر بجفاچ يسعـــر لهب نــار
سولفتي عنه أهواي وكليبي محتـار
بلا والي اظلن بي ومحاوطه أشرار
لا خيمه لا وليان لا من حمّه وجــار
ليلي يرهب يوم المشيتي يمه يالزهره

*

وصيتي گلبي و نـــار شبـت مسعـــره
وكسر الگلب هيهــات يــداوه كــسـره
گلتيلي قبلــي حسين واشتمّـي نحـــره
يـــا يمه گبـــل الخيل تسحگله صدره
صدري يلهب يوم المشيتي يمه يالزهره

**

الشاعر
موسى البديري

انولدت والكرامه انولدت وياها
حگنه بزينب بكل جيل نتباها
زينب جدها هذا اليوم سماها

( راية عز ظلت للتالي )

موسى البديري

اذا تصعب الحاجه ويصعب المطلب
يم واحد ابد هل الحاجه ما تصعب
للعبــــاس اگصـــد حلٌفـــه بـــزينـب

( وزينب حلفه ويگضيها)

موسى البديري

اخذلك هيچ شخصيه تحير الكون
زينب وحــق زينب منها مـا تلگون
والــدها علــي واعتقد بــي تدرون
وامها الزهره امها وكلكم تعــرفون


( سر الطف زينب معروفه )

موسى البديري

قصيدة ( مولاتي زينب) بمناسبة ميلاد السيده زينب عليها السلام


مولاتي زينب
مولاتي زينب

***

هـــاي الولاده لبت علــي محلاها
بأمر الله جدها المصطفى سماها
زينــب وربحــانــة محمد طــاهـا
قـدوه بطوله لهل الخلگ خـلاها
شما اوصف أنه اتعب
مــولاتــي زيــنـــب

****

بنــت الامــامـه والنبــوه الحــره
زينــب أورثت كل بهـاء الزهــره
اول مــره انولدت ولكــن ثــوره
بموقفها ابو اليمـــه تكلم نحــره
بماي الذهب تُكتب
مــولاتـٕي زيـــنب

****

يا سر علي وسر فاطمه المعصومه
يا طاهره وعن كل رجس مفطومه
يا زينـــب ومحله الاســم ورسومه
تبقــى نهضتــچ للخلــگ معلومــــه
قدمتي چم كوكب
مـــولاتــــي زينب

****

سيــف العقيله مـــا تعـــرف الذله
بيد الامـــام أعلى الظــلاله يسـله
وشمــا كـدت أنتــه يــزيد تگــله
رايـــة محمــد بالســـما تتعــله
وبالمهدي تتغلب
مـولاتــي زينــب

****

بشخص العقيله كل نساء الشيعه
تقتدي كون وكـــل أمـرها اطيعه
تجــدد عـهد وي الــولــي للبيعــه
واسم العقيله بكل زمــان انذيعه
اعظم واجل مكسب
مــولاتـــي زيــنـب

***"
الشاعر
موسى البديري

يا أمـــاه   كلميني     كلميني       فأنـــا زينـــــب
*
يا يمـه حاچيني شجـره      
نيــران گلبـي موجـــره
بــالبــاب اثـــأر الدمّــه      
لــو روحــچ المتحيــره

بين الجنين  وحسرتـي      
يــا يمـه زادت حيــرتي
كلمــا اصــد متــــألمــه      
يــا يـمـه تكثــر ونتــي

واويلاه  شاهديني    شاهديني    بعدكِ أنحب 
يــا أمــاه  كلمينـي     كلمينــي     فأنــا زينب

* 
زينب انــه يم الحســن       
لوعاتچ بصـدري صفـن
حاچيني شنهــي يألمچ      
ويــلاه يعمــلات الــزمن

ضلعـچ ييمــه المنكسر      
صعبه الضلع مــا ينجبر
ضلعچ رسملي الفاجعه      
بالعــاشر بوكـت الظهـر

واويلاه  يا أنينــي   يا أنينــي    جفني المتعب
يا أمــاه   كلمينـي   كلمينــي     فأنــا زينـب


*   

مــن بابــچ لذيچ الخيّم     
يا يمــه أحس نفس الألم
نيــران تبقــه مسعــره    
من عدها مرعوبه الحرم

ومحسن يرد يمـه بنبل    
بـالحومــه يمـــه ينكتـــل
وحسين ينظرله بحزن     
بنظــراتچ لفگـــد الطفـل 
 
واويــلاه   ساعديني    ساعديني     خيمٌ تلهب
يا أمـاه   كلمينـي     كلمينــي      فأنــا زينـب

*

يـــا يمــه بخـــدودچ اثــر    
يرسملي بالعاشر صور
نفس الضرب خــــدچ يرد   
يضربني ويحــز النحــر

والرضرض اضلوعچ يرد   
يا يمـه وبنفس الحقــد
بالخيــل يسحگ يا صــدر   
وانوبــه لخيمنه يصــد 

واويــلاه   للحسيني    للحسيني   مثلكي يُضرب
يا أمــاه   كلمينـي     كلمينــي     فأنــا زينــب

*

والسلبو بنــت النبــي     
يسلبوني وامشي للسبي
وبحبال أديه امچتفـه     
ويحدي ابضعنه الناصبي 

والشتمچ يشتم يظــل      
يـــا ريت ياخذني الاجل
من بابچ وذاك الجره     
عالغبره مذبوحه الأهــل

واويلاه    شاهديني   شاهديني    أسفٌ اُسلب
يا أمــاه   كلمينـي     كلمينــي     فأنــا زينــب
*

 
الشاعر
موسى البديري

الباب لــو هـــم الجنين
الضلع لو صدر الحسين
لياهي منهن تجري دمعة عيني

*

يا مصابي
المن اجري أدموع عيني ليـا مصيبه
يا مصابي
شحــال گلبــي الـــودع الليله الحبيبه
يا مصابي
عمري خمس اسنين سموني الغريبه
يا مصابي
ضلــع والسطـره وطفل أمي النجيبه

شفت أنـــواع المحن
من ضلـــع ام الحسن
بس مصايب وانه خمسه أسنيني
لياهي منهن تجـــري دمعة عيني

*

تطفه ناره
گلبي مــا أظن يمه بعــدچ يالزچيه
تطفه ناره
يمه باب الــدار ادري تظل ســريه
تطفه ناره
مــا أظــن حقــد السقيفه وال أميــه
تطفه ناره
گلبي لــو ظل مستعـــر بالغاضــريه

نار بابچ من يشب
بالخيم يسعر لهب
وماكــو كافـــل يستمـــع لــونيني
لياهي منهن تجــري دمعة عيني

*

بصدري عبره
للجنين وللضلــع لجــل الـــرزيــه
بصدري عبره
لان طفله وأمــي راحــت من أديـه
بصدري عبره
عبـــره ما تخلص ابد حــدْ المنيـه
بصدري عبره
عبره تذبحها الخيول الاعــوجيــه

مدري أنوح ليا صدر
بالدمــع راح العمـــر
والضلوع بكـــل وكــت تاذيــني
لياهي منهن تجري دمعة عيني

*

ابچي يا طف
وانـــه طـــف البــاب شاهدته بعُيوني
ابچي يا طف
وي كســـر ضلـــع الزچيـــه گيـدوني
ابچي يا طف
من رحل نعش أمي أحسنهم سبوني
ابچي يا طف
وي وداع أمـــي إِخـــوتي ودعــوني

بيه چم عاشر يمر
يمه مــا يطفـه الجمر
جمـــر بابـــچ والخيــم يچـــويني
لياهي منهن تجري دمعــة عيني

*

يمه اصبري
يمه باچـــر لـــو يطـــر الليل فجــره
يمه اصبري
حسين لو فوگ الترب گطعوله نحره
يمه اصبري
باچـــر أتشوفين خيل أدوس صدره
يمه اصبري
والكفيــل أبلا يمين ابـــلايا يســره

وراسه مهشوم أبعمد
يمه ويمر الأشد
بالخرابــه أهنــــاك وتذِكِــــرينــي
لياهي منهن تجري دمعــة عيني

*
الشاعر
موسى البديري

كسرو يا ضلع        ينشف يـا دمع
ضلــع الطاهره      دمـــع الصابره
ينشف يا دمع

****

ضلع البتول اليوم يـــروي الضلامه
اول سهم يا حيــــف صاب الامامه
بضعة محمد هــــاي يهل الـــزعامه
تعصروها خلف الباب باب السلامه
باب الله هــــذا يصير باب اليتـامه
وريشة جنـــح جبـريل بيه العلامه

باب المصطفى         هـــو مشرفه
بريحه معطـره         دمع الصابره

****

الزهـــره خلـف الباب ظــــالم يدفعـه
باب الرسالــه يصيــر هــذا ويشـرعه
صــدر النبي المختار كســروله ضلعـه
وخـدْ الزچيه شلـون ظالـــم يصفعـه
الزهــره گلـه هنـــاه الحاقـــد يسمعـه
حرگو عليها الــدار مــا چنهــا بضعـه

نار أهل الكفــر          ظلت تستعــر
الزهره محيره           دمع الصابره

****

سـر الله خلف الباب والحــاقد يعــيل
حگه بحزن لو صـاح هاليــله جبـريــل
ســورة الكـــوثر هــاي ونتها  ترتيـــل
مو دم أظن آيات مـن عــدهـا التسيل
أيد أعلى خدها وأيـد للمحسن أتشيل
ويه الزچيه الكــــون مــن تعثــر يميل

أمــلاك السما         تصــرخ فاطمـه
بهمها مكدره          دمـــع الصابـره

****

بــاب الله بيــه النـار تسعــر لظاهـا
مـــا گالـــوا الـــزهراء والدها طاها
مهضومه والدمعـات سلوت بچاها
ما چنه رب الكون يرضــا لــرضاها
شحال النبي المختار لـو شاهداهـا
منها الضلع مكسـور ويصبْ دماها

مكسورة ضلع      ويفيض الدمع
مــنْ الي جـره          دمـع الصابـره

****

ام الحسـن عالگــاع حيرتها حيــره
وبأمـر الله عالنسوان هيه الامـيره
بين الضلع والنار صــــــارت اسيره
بيـن الجنين وبيـن زينـــب زغيـــره
مــرعوبـــه مـنْ النار ماكو عشيـره
جفـــن النظــر للباب ظلـت تديــره

تنظـــر للولــي       وينك يــا علي
داري موجــره        دمع الطاهره

****

الشاعر
موسى البديري

قصيدة ( وحشه داري ) من الحان التراث على وزن المرحوم حمزه الزغير ( دهري ذبني )


وحشه داري يوم المشيتي يمّه يالزهره

*
يـــا يمّـــه وحشه الـــدار هــاي المسيه
وليلي اليمـــر بچـــفاچ ليـــل الــرزيه
يفجعنــي يمـــه الليل لـــو مــر عليـــه
چــم ليله بيها أنصـــاب سهــم المنيــه
وأبقى بحيره يوم المشيتي يمه يالزهره

*

وحشه يــا يمّـــه الدار مـن غبتي عنّـي
من عمري خمس أسنين صاحبني ونّي
بيـــت الحــزن بجفـــاچ وارثتـــه چـنـّي
وادري يظـل للموت يـــا يمّــــه حــزني
ثوبي حزني يوم المشيتي يمه يالزهره

*

يا دمعه أهلها اليوم يا عبره اجـــرهـا
عالمــا وصل عشرين أمـــي عمـرهـا
بخدي أشوفه يصير چــف السطـرهـا
ابصدري أحس تندار لــوعة صدرهـا
وناري تسعر يوم المشيتي يمّه يالزهره

*

يا يمّه شفت النــار ابابـــچ ســـريــه
اتراوتلي چنها أخيـــام بالغاضــريــه
وظلعچ لمَن كسروها أهــل الـــرديه
چني نظرت حسين فوگــــه اعوجيه
أبصدره سحگت يوم المشيتي يمه يالزهره

*

ليل اليمر بجفاچ يسعـــر لهب نــار
سولفتي عنه أهواي وكليبي محتـار
بلا والي اظلن بي ومحاوطه أشرار
لا خيمه لا وليان لا من حمّه وجــار
ليلي يرهب يوم المشيتي يمه يالزهره

*

وصيتي گلبي و نـــار شبـت مسعـــره
وكسر الگلب هيهــات يــداوه كــسـره
گلتيلي قبلــي حسين واشتمّـي نحـــره
يـــا يمه گبـــل الخيل تسحگله صدره
صدري يلهب يوم المشيتي يمه يالزهره

**

الشاعر
موسى البديري

‏مقطع صوتي من ٩٨٤٣٥٣

كعديه ( اليوالي الزچيه ) إلى السيده فاطمه الزهراء عليها السلام


الما ترضه عليه فاطمه الــزهــره
خسران العمـر مــا يســوه عمـره
اليربــح دنيــا والدين اليوالـــي الزچيه

*----------*----------*----------*

اقره عن فضل الزچيه الشرفت ارض وسماها
يـا مره صـارت مثلها يـرضـه بـارينـا لرضاها
للنبــي گالــولـه ابتــر والله للـهــادي نطــاهـا

مــو ابتر اتگـول السـمه
انطيناك والله فــاطمــه
ما تنوصف هل المكرمه
بس الك هايـــه يطـاها

الكوثر عنــدك مــن الله هـديه
علت هل الوجود وهل البــريه
اليمشي بمنهجك كـون اليوالــي الزچيه

*----------*----------*----------*

بيّن البــاري فظلــها عالخليقـه وبيــها أيـــه
سيــده لكل مرأه هيــه مـن البدايــه للنهايه
وربنا من بيت النبـوه اختارها لبيت الولايه

بالزهــره بيته أمفضله
يا مــره بهــاي المـنزله
لبيت الامـامه أمفصله
وللبشر شعـت هــدايه

ســر بيــت النبـوه والامــامه
الله اختــارها لهاي الكــرامه
الجنه المـن أتصيـر اليوالــــي الــزچيــــه

*----------*----------*----------*

بالحديث القدسي طالــع يالمــوالي وروح اقره
لــو لا طاها الهادي احمد مــا خلق بالكون ذره
ولولا ما موجود حيدر الهادي ما مخلوق ذكره

ولــولا الزچيه بهل الفـلك
لا نبــي موجـــود ومَــلَك
ولهــذا اليضدهـــا هــلك
الكون هيــه وهيه ســره

سر هــذا الوجـود وكل كيانه
وربنا بحبها عالناس اجتبانه
يفوز بشوفت حسين اليوالـــي الــزچيــــه

*----------*----------*----------*

بالصحاح السته اقره يالمخالف عن وضعها
هيه روح الهادي چانت والله عالعالم رفعها
ليش بالباب العصـابه هشموا وسفه ضلعها

بالزهـره وصـاها أمته
بالباب عصرو بضعته
والباغي وسفه يمنته
بخدها ياطاها طبعها

الگالوا للنبي سمعــاً وطاعه
ظلموا فاطمه أصل الشفاعه
باب الجنه مشروط اليوالــــي الــزچيـه

*----------*----------*----------*

فاطمه سماها ابوها روحه هيه البين جنبه
تلتقط شيعتها باچـر مثـل طير اختـار حبـه
بالقيامــه الحبها والله للجنـان يصيـر دربــه

واليبغض الزهـره خسـر
يبغض تــره خيـر البشر
دربه گبـل يســلك سقر
كلمن يروح اويه حـزبه

فـاز الصار حزبـه وانتمـاءه
للزهره وعلـــي يعلن ولائـه
يـــوم المحشر يفــوز اليوالــــي الــزچيـه

*----------*----------*----------*
الشاعر
موسى البديري

بيت ابوذيه للسيد درة لبنان حسن نصرالله

شبعــنا آلام يالمهــدي تره احنه
ويايوم بعدل حكمك . تريحنـه
فگـد الســيد بحـسره تره احنه
ظهر شيعة علي وصــارت رزيه

الشاعر
موسى البديري

بيوم الثالث ثارك رديناه
.
.بيوم الثالث ثارك رديناه
.
.

قصيده گعديه لقرابين المذهب والسيد الشهيد حسن نصر الله طيب الله ثراه وقدس الله نفسه الزكيه




قائــد يتبــع قائد .. منســاوم بالــديـن
هذا النهج الخالد .. من مدرسة حسين
جنـود انضحي قاده
تلوگ ألنـا الشــهاده
منســاوم بالــديـن

*

فگدك اهوايه هضمنه وخلّه بـينا النــار تسعـر
وناح من هاي المصيبه كل غيّور وصوته كبّر
والمسيحي ينوح لجلك والمخالف گلبه منسر

سيد حسن كٓسرت ظهر
جــرح بدليــل المنتظــر
وي جرح محزوز النحـر
ليــا جــــرح دلالــه يسعـــر
يا جرح ابدلاله ينزف بعده ادموم
للرضو اوصـاله للصـار بهـل اليوم
يـدين الله وعمــاده
تلوگ ألنـا الشــهاده
منســاوم بالــديـن

*

مو جديد الموت عدنا الموت لجل الدين عاده
والله كرمنــه أعلـى خلقـه بالولايه وبالشهاده
لمذهب الهادي اوصيه ارواح ننطي وننطي قاده

درب الولايه الصامده
بالـدم طريقــه نعبـده
هاي المسيره الخالده
المــوت بيها أصبــح ولاده
المات من أجل أهدافه.. وما ساوم اشرار
العــالم كلـــه يخــافه .. خط درب الاحرار
الحسين أصبح مراده
تلــوگ ألنــا الشــهاده
منســــاوم بالــــديـن

*

ثــار من خيبر يطلبه ومــرحب يرجـعله ثــاره
يوم حيدر طرله هامه وناصفه بحد ذو الفقاره
ظنه مثــل العرب احنه نطبع ونصبح أسُاره

هــاك استمــع يـا عـاذلي
بعـــده عــزمنـــه الأولـي
هل العزم من حيدر علي
وشيعته بدربه وقراره
من حيدر مهيوبه .. مـــا ذلت هيهات
والمــات لمحبوبه .. عايش لا ما مات
نظل احنــه السياده
تلوگ ألنـا الشــهاده
منســاوم بالــديـن

*

ابد مو عجبه الاشوفه من الاعراب اهل الدعيه
بفرحه من طاح ألنا فارس ذول تربات ال اميه
هيه نفس الفرحه وسفه من دخل ضعن السبيه

نفس السده ونفس الجره
لــكــن عقيلـــة حيـــدره
گلبــت الشــــام الاخــــره
وعلّــــت ْ الــرايـــه الابيــــه
ما ذلت بت حيدر .. خطــت منهــج ثار
بركـــان ويتفجــر .. صعنت جيل احرار
درب بــارينـــه راده
تلوگ ألنـا الشــهاده
منســاوم بالــديـن

**

الشاعر
موسى البديري

عندما كان الحسين عليه السلام في طريقه الى كربلاء
استرجع فقال إنا لله وانا اليه راجعون
فقال له ولده على الأكبر عليه السلام
اراك استرجعت يا ابه
فقال الإمام الحسين لولده علي الاكبر
القوم يسيرون والمنايا تسير معهم
فقال علي الاكبر اولسنا على الحق
فقال الإمام الحسين نعم يا ولدي
فقال علي الاكبر إذن لا نبالي إن وقعنا على الموت
أو وقع الموت علينا

الحق هو الميزان سوى رحل المجاهد أو بقي حيا

معسكر خسه ذاك وهذا للساده
وانته اختار منهو تريدهم قاده
مرحب لـو علـي الكـرار وولاده

( ما نقبل الا ويه الساده )

***

الشاعر
موسى البديري

نصــر الله غضـب يعني اليهـود انذار
زلم بيها بعـــد صولــة علـــي الكــرار
مطــرت هـل السما لكن شمطرت نار

( وسطرات توزع چفينه )

**

الشاعر
موسى البديري

قلعوا بــاب خيـبر مــن جديـد اليوم
ومرحب جندلوه ومنه اجتنه اعلوم
رايتنا تــرف مــن شــالها المعصــوم

( ما تنزل راية مهدينا )

****
الشاعر
موسى البديري

مجموعه من الهوسات إلى ابطال حزب الله والمجاهدين



گـــول وفـعـــل زلـــم الســيد بلبـنــان
بركــان انفجــر ياهــو يّــوگف البــركان
فرق حزب الله والله وزمرت الشيطان

( وحزب الله الرايه معليها )

*

الشاعر
موسى البديري

ابوذيات لولاده الرسول الأكرم

هّـود وهجــع وأسكن يالمنه
اليوم ومــولـد الهادي يلمنه
فرحــه أليله لا واحـد يلمنه
ميلاد النبي خيـر البريـه

****

تگطع گلبي مـن بُعــده وصلّه
وعونه الـراح للهـــادي وصلّـه
فـــاز العّــل نبي سلـم وصلّـه
بعالي الصوت وي أله سويه


الشاعر
موسى البديري

اهازيج بمناسبة ميلاد الامام الصادق عليه السلام


شيعي انــه وامامي الصــادق بقـوله
والــه بيــوم الــولاده تلوگ هلهـوله
وي الصــادق اخلــي افــلان معقوله
(( وهم مذهب ذاك يسمونه ))

___

استـاذ الكل امــامي وكلها طــلابـه
وغيــره بمسألــه يحتــار بجـــوابه
الحجر يم الجواهــر يا زمن جــابه
(( وبــفلان شلون يساوونه ))

____

شيعي انه امامــي گاضي كــل كلفه
واجــت كــل المذاهب تدرس بصفه
الصــادق جامعـه اليگصدله يتحفه
(( يا مذهب ما دارس عده ))

___

ياهو الي درس عنده يظل حيران
قــران الامــام يـــدرس القــــران
يهلك والله لــو ما دارس النعمان
(( سنتين ومذهب سواله ))


الشاعر
موسى البديري