الشاعر علي كاظم المنصوري

https://t.me/aliQ0Q

نزله

حره زينب والفخر عنوانها
سكّت ايزيد وزمرته السانها
ـــــــــــــــــــــــــــــــــــــــــــــــــــــــــــ
توراثت زينب شجاعت حيدره
بـــيها ينبع زود سبع الگـنطره
خــــلت العدوان كلها محــيره

رغم مجروحه وجثيره احزانها
ـــــــــــــــــــــــــــــــــــــــــــــــــــــــــــ
رغم مجروحه وجثيره النايبات
هزة اعروش النواصب ولطغات
كلها زود وما تدنگ يم شـــمات

ما تذل وذللت عدوانها
ـــــــــــــــــــــــــــــــــــــــــــــــــــــــــــ
ما تذل وتبقى اْميره مخدره
نكّست راية يزيد وعـــسكره
بت علي الكرار صارت مفخره

بالبلاغه وبالصبر ويّمانها
ـــــــــــــــــــــــــــــــــــــــــــــــــــــــــــ
بالبلاغه وبالصبر صارت مثال
كلها عفّه وهيه نبراس الجلال
هيبة الكرار وايآت الكــــمال

كلها ترجف من يطگ بركانها
ـــــــــــــــــــــــــــــــــــــــــــــــــــــــــــ
كلها ترجف من عقيلة حــيدره
مثل ابو فاظل يموت التنّضره
هيه قائد والجيوش ميـّـــسره

وال اميه زلزلت اركانها
ـــــــــــــــــــــــــــــــــــــــــــــــــــــــــــ
ال اميه ما بقت عدهم رجــال
ظلت اگبال الخدر بس الخيال
جن علي ونازل عليهم بالقـتال

ولعزم ماخدته من خووانها

علي كاظم المنصوري

رساله امن العقيله الهاشميه
إلى العباس سبع الغاضـــريه
رسالة شوگ وعتاب
الك يا اغله الاحباب
رساله امن العقيله الهاشميه
ــــــــــــــــــــــــــــــــــــــــــــــــــ
الك ابعث رساله وبيها مكتوب سلام امن الاميره
من بعدالسلام الحره شتريد من بدر العـــــشيره
مااريدن اموتن خويه بالشام وروحي اتضل اسيره
اريدن گبري كون بصف الحسين وشتمن عبـــــيره

گبري بكربلاء يصير
وعيني لگبتك اتدير

تردني لكربلاء ونتـلم سويه
رساله امن العقيله الهاشميه
ــــــــــــــــــــــــــــــــــــــــــــــــــ
تعال بعازتك وتريدك الروح انهض يا كــــــفيلي
وحدي بغربتي وبلايه وليان دنت ساعة رحــيلي
غيرك من يجي لزينب يعباس ويبرد غلــــــيلي
بفراش المنيه لوحدي ضليت ونهد خويه حيلي

تعال وشاهد الحال
سهم الغـــربه جِتال

اريدن شوفتك يا بو الحميه
رساله امن العقيله الهاشميه
ـــــــــــــــــــــــــــــــــــــــــــــــــ
گرب مني الاجل وتنازع الروح وانتظرك تجيني
اريدك تحضر بموتي يعباس وتغمضلي عيــــني
اتشيل اجنازتي وتشيّع ام عون وتسكّت ونيني
توسدني الگبر وتهيل التراب يا عزي وحنيني

وتگلي الله وياج
كفّالج مـينساج

وتقره الفاتحه وتنصب عزيه
رساله امن العقيله الهاشميه
ــــــــــــــــــــــــــــــــــــــــــــــــــ
تكتب على الگبر هاي اخت الحنان لماطوّل عمرهم
سبب موتي تكتبه مضيعه خووان ماتت من اثرهم
غالين اعله گلب الحره غالين ما حملت هـــــجرهم
سنه ونص تنتظر بلكت يعودون تتنطّر خـــــبرهم

منهم ماكو اخبــار
واعليها الزمن جار

تكتب عـــالگبر هاي الوصيه
رساله امن العقيله الهاشميه
ــــــــــــــــــــــــــــــــــــــــــــــــــ
سلامي لكل اخوتي وإهلي موصول بلغّهم كلامي
مثل گلب الرضيع لشربت الماي عليهم گلبي ضامي
احسن مستعر دلالي بالنار جن حرگة خيـــــــــامي
من كثر البواجي ذبلت الروح وجفني لهسه دامي

مشتاگه الكم اهـــواي
إغص ابشربت الـماي

بعدكم ما شفت غير الاذيه
رساله امن العقيله الهاشميه
ــــــــــــــــــــــــــــــــــــــــــــــــــ
بفاتحتي هلي گلهم يحضرون يبجون اعله حالي
يذكرون المصايب ولمعانات ولضيم الـــــــجرالي
محنتي وغربتي وجروح المتون واهات الــــيالي
هضم الهاشميه بطبت السوگ لضل دم اعله بالي

كلام ابالي ميــــــروح
هضمني وشيّب الروح


ينادون اعله اختكم خارجيه
رساله امن العقيله الهاشميه
ــــــــــــــــــــــــــــــــــــــــــــــــــ
https://t.me/aliQ0Q
✍️علي كاظم المنصوري
اهدي ثواب القصيده الى
روح وآلدتي رحمها الله
ــــــــــــــــــــــــــــــــــــــــــــــــــ

🌹🌹هوسات للامام علي عليه السلام 🌹🌹
ــــــــــــــــــــــــــــــــــــــــــــــــــــــــــ
الليله بيت الله فتح جدرانه
بأمر من رب العرش سبحانه
استقبل وضيّف علي مولانه

(بس حيدر موّلود ابيته)
ــــــــــــــــــــــــــــــــــــــــــــــــــــــــــ
حب علي جامعنه هاي اللـيله
واجب اجمل محفل انسويله
واحلا باقات الــورد نـــهديله

(ونزف الفرحه بكل ديره)
ــــــــــــــــــــــــــــــــــــــــــــــــــــــــــ
نصّبه الباري ولي وخــــــتاره
معجزه وبس الله يدري اسراره
الدين قام بهيبته وفـــــــــقاره

(ثبّت دين الله بفقاره)
ــــــــــــــــــــــــــــــــــــــــــــــــــ
حيدر الحق حيدر الحُب ولجمال
حيدر القران وايات الـــــــــكمال
وصار حيدر بالشجاعه اعظم مثال

(معروف ويشهد تاريخه)
ــــــــــــــــــــــــــــــــــــــــــــــــــــــــــ
هذا ابو الحمله علي والينه
بالشدد يحضرنه ويحامــينه
من جهنم باجر ينـــــــجّينه

(بالمحشر حيدر يحمينه)
ــــــــــــــــــــــــــــــــــــــــــــــــــ
علي كاظم المنصوري

❤️❤️موال لأمير المؤمنين ع♥️♥️

ليلة الكرار يا مــــــحلاها
ليلة اصياره شكبر معناها

اشرقت دنيانه من نور الامير
ونورت كل الارض وسماها

انفتح بيت الله العلي وبالكعبه صار
وهالفظائل بس علي نالاها

كرّمه الباري ونطآه اعظم صفات
ولله حيدر كل حياته انطاها

وشال جف ايده النبي وللامه گال
هذا مولاهآ الجنت مولاها

حيدر الحق حيدر الحب والكمال
الدنيا ضلمه وبالعلم ضواها

وصار حيدر بالشجاعه اعظم مثال
ولعده انجوم الضهر راواها

يشهد التاريخ حيدر بالنزال
جفه ما واحد گدر لاواها

الاول الكرار من بعد الرسول
وحگنه بيه نتفاخر ونتباها

علي كاظم المنصوري

مولد امير المؤمنين علي (عليه السلام)

علي علي     الليله ميلاده
علي علي     هــلّت اعياده
علي علي    علي علي
ــــــــــــــــــــــــــــــــــــــــــــــــــــــــــ
الليله بيت الله فتح جدرانه
وبأمر رب العرش ســــبحانه
استقبل وضيّف علي مولانه

علي علي    امن العلي صيته
علي علي     وبوسط بيته
علي علي    ينولد راده
علي علي    علي علي
ــــــــــــــــــــــــــــــــــــــــــــــــــــــــــ
حب علي جامعنه هاي اللـيله
واجب اجمل محفل انسويله
واحلا باقات الــورد نـــهديله

علي علي    بهالحفل جينه
علي علي    واجب اعلينه
علي علي    نردد انشاده
علي علي    علي علي
ــــــــــــــــــــــــــــــــــــــــــــــــــــــــــ
الليله مسروره السمه ودنيـــانه
بمولدك يا بو الحسن فرحــــانه
وفرحة املاك وُرسل ويّـــــــانه

علي علي   ياحلات اسمه
علي علي   بالعرش رسمه
علي علي   هوه وولاده
علي علي   علي علي
ــــــــــــــــــــــــــــــــــــــــــــــــــــــــــ
نصّبه الباري ولي وخـــتاره
معجزه وبس الله يدري اسراره
شعّت وبزغت علينه انواره

علي علي   بزعت انواره
علي علي   شاعت اخباره
علي علي   اتعالت امجاده
علي علي    علي علي
ــــــــــــــــــــــــــــــــــــــــــــــــــــــــــ
هذا ابو الحمله علينه والينه
بالشدد يحضرنه ويحامــينه
من جهنم باجر ينـــــــجّينه

علي علي   بيه تمسكنه
علي علي   هوه ينقذنه
علي علي   والگلب ناده
علي علي    علي علي

ــــــــــــــــــــــــــــــــــــــــــــــــــ
علي كاظم المنصوري

نعي للام

يبعد الروح يمه شلون اجازيج
وعوّضج يالحنينه تعب السنين

ربيّتي وتعبتي وساهريتي الليل
وخلّصت العمر خيمه وتفيين


شما ابجي وانوحن ما اوفيّج
كون وياج ميت يا ضوه العين

ليش استعجليتي وعفتي لعيال
واحنه بعازتج يحبيبه تدرين

شمحلاها گـعدتج جانت وياي
وكل هم ينجلي لمن تضحكين

بيج الدار جانت تزهي وتنور
مثل ضي الكَمر بالبيت تضوين

بصلات الفجر بيّه تفز الجروح
من اگعد وما شـــوفج تصلّين

وتشب نيران گلبي ابوكت الغروب
من انظر مجان البيه تگعدين


خذاج البين مني بساع يا حيف
ونمتي ابمگبره ما بين ميتين


علي كاظم المنصوري

بسم الله الرحمن الرحيم
كُلُّ مَنْ عَلَيْهَا فَانٍ * وَيَبْقَى وَجْهُ رَبِّكَ ذو الْجَلالِ وَالإكْرَامِ
صدق الله العلي العظيم
بقلوب مؤمنة بقضاء الله وقدره، نعزي أنفسنا بفقد
(جنّتي وخيمتي امي العزيزه)
سألين المولى عز وجل أن يتغمدها برحمته الواسعه وان يسكنها فسيح جناته

اخوتي الأعزاء
صلاة الوحشه هي أفضل مايهدى للميت بعد الصدقه فاليوم تصلي لغيرك غدآ يسخر الله لك من يصلي عنك قال تعالى
( من يعمل مثقال ذرة خيرا يرا)
مثل ماتعمل تجزى ان شاء الله
كيفية صلاة الوحشة ؟
: يستحب أن يصلى للميت في ليلة دفنه صلاة الوحشة وهي ركعتان وكيفيتها هي : أن يقرأ في الركعة الأولى بعد الحمد آية الكرسي مرة واحدة وفي الركعة الثانية بعد الحمد سورة القدر عشرة مرات ويقول بعد التسليم من الصلاة :
اللَهُمَ صَلِ عَلى مُحَمَدٍ وَآلِ مُحَمَّد وَابْعَثْ ثَوابَهَا إلى قَبْرِ ( المرحومه لزمه عبدالله ) الله ايرحمها برحمته الواسعه

🌹هوسات مولد السيده فاطمة الزهراء ع🌹

الزهرء زهره🌼ويا جمال اورودها
امن الجنان الباري نزّل عــودها
الكون كلّه اتعطّر امن اوجودها

من نور الخالق مخلوقه
ــــــــــــــــــــــــــــــــــــــــــــــــــ
ناجح الحب الزجيه الطاهره
فايز الوالاها دنيا وآخـــــره
طه بالجنه اليودها مبشّره

مثواه الجنه لوالاها
ــــــــــــــــــــــــــــــــــــــــــــــــــ

عاهدت مولاتي ما اخلف عهد
خادم الها وابقى خادم لـــلابد
وافتخر سموني خادم بالمهد

من صغري الخادم سموني
ــــــــــــــــــــــــــــــــــــــــــــــــــ

آنه مجنون ابــــــمحبة فـــاطمه
حُبّها بالشريان يمشي وي الدمه
اغلا من روحي وحگ رب السمه

من اهلي اغلا ومن أولادي
ــــــــــــــــــــــــــــــــــــــــــــــــــ
من يمرني العسر ونّخه الطاهره
اللگه فاطم بالشدايد حــــاضره
ولعسر والضـــــيج هيه تيسّره

تفرج كل شده امن انخاها

علي كاظم المنصوري
https://t.me/aliQ0Q

❤️❤️❤️❤️💚💚💚♥️♥️♥️♥️

هوسات لمولد فاطمة الزهراء عليها السلام

هلا بعطر الجنان وسر وجود الكون
يا مشــــكات نور اللـؤلو المـــــكنون
يا سورة الكـــــوثر ولقــــلم والــنون

(يا بضعة طـٰه وتربيته)

نرفع اسمى التهاني بمولد الزهره البتول
نهني ونبارك خديجه والنبي وال الرسول
بيج نتوسل يزهره ومنج انريد القـــبول

(خدّامج كون تسجلينه)


بهالحفل كلنه انجمعنه نقره ونّصفگ سويه
فرحه هاي الليله عدنه بمولد الزهره الزجيه
نبعث الحب والتهاني للنبي ســــيد البريه

(ونهني العالم وسلامه)

علي كاظم المنصوري
https://t.me/aliQ0Q

٠ 🌺قصيدة ابتهاليه بمناسبة🌺
❤️ولادة فاطمة الزهراء عليها السلام❤️

انه عاشگ فاطمه وأتباهــا
گلبي يفرح من يمر طرواها
ــــــــــــــــــــــــــــــــــــــــــــــــــــــــــ
آنه مجنون ابــــــمحبة فـــاطمه
حُبّها بالشريان يمشي وي الدمه
اغلا من روحي وحگ رب السمه

هيه عشگي الاولي / اغله من ناسي وهلي
گلبي يهواها ويضل يهواها
گلبي يفرح من يمر طرواها
ــــــــــــــــــــــــــــــــــــــــــــــــــــــــــ
گلبي يهواها وعشگها امن الصغر
هايم و ولهان بالزهره شـــــــكثر
هايه بنت المصطفى سيد البشر

هايه بنت المصطفى / ايه من رب العلى
فاطمه وسبحانه من سواها
گلبي يفرح من يمر طرواها
ـــــــــــــــــــــــــــــــــــــــــــــــــــــــــ
من يمرني العسر ونّخه الطاهره
اللگه فاطم بالشدايد حــــاضره
ولعسر والضـــــيج هيه تـيـسّره

نادي يالزهراه المدد / تحضر ابكل الشدد
كلها رحمه وتحضر الينّخاها
گلبي يفرح من يمر طرواها
ــــــــــــــــــــــــــــــــــــــــــــــــــــــــــ
خادم يسموني انه امن الــمهد
خادم الها وابقى خادم لـــلابد
عاهدت مولاتي ما اخلف عهد

انه خادم وفتخر / بالخدامه مستمر
خدمة ام حسين يا محلاها
گلبي يفرح من يمر طرواها
ــــــــــــــــــــــــــــــــــــــــــــــــــــــــــ
ناجح الحب الزجيه الطاهره
فايز الوالاها دنيا وآخـــــره
طه بالجنه اليودها مبشّره

فايز بيوم الحشر / كلمن يحب الطهر
الجنه حصرآ للـــــذي والآها
گلبي يفرح من يمر طرواها

علي كاظم المنصوري
https://t.me/aliQ0Q

نعي لام البنين ع
لسان حالها قبل وفاتها

وينك يا گمر يا بو الحميه
گرب يومي ودنت مني المنيه
ولا واحد سأل منكم عليه
وحيده بغربتي ودراي خليه

ام الاربعه ضلت وحيــــــده
ييمه وكربلاء عني بعيــــده
اريد اليوم تعب ارباي اريده
يجي عباس ويگبّلني بيــده

يگابلني الگمر  ويّون علـــــيه
ويمشي ويه النعش جناز بيه
بديه يدفني سبع الغاضـــريه
ويقره الفاتحه وينصب عزيه


يمن خليت خله وخلل   بعداك
اون وما انام اللـــــــيل   بَعداك
مــا ينحمل يا بو الفظل  بُعداك
هدم حيلي وترك لجمات بيه

بيه اجروح يصعب عليّ   شلها  
وروحي معــلعله وفرگاك  شلها
غيرك يا گــــــمر عدنان    شلها
عگب عينك گصيت دنياي بيه


عگب عينك عليّ دنــياي   ياريت
واعله ام البنين اسـهام     ياريت
ميته ويـاك يا بو الفظل   يا ريت
وننمد ابگبر واحد سويه

علي كاظم المنصوري
https://t.me/aliQ0Q

قصيده لأم البنين ع وزن 
يا محله الوداع بهل المسيه
       وعلوم المنيه
بين الفاطمي والفاطميه


امك من دنت منها المنيه
      يسبع الغاظريه
نادت يا گمر يا ابو الحميه

ــــــــــــــــــــــــــــــــــــــــــــــــــــــــــ

بفراش المنيه  امك  تناديك / بلا والي وتحشمك
محتاره وتنخت يا شهم بيك / تعال الحگ على امك
جاوب يا گمر لمن تحاجيك / مألومه و تكلمك
يبو فاظل تريد امك توصيك / گبرها اتريده يمك

يوليدي واريدك  / تغسلني انته بيدك
اريدنك  تجي  وتعود اليه
نادت ياكمر يا ابو الحميه
ــــــــــــــــــــــــــــــــــــــــــــــــــــــــــ

صاحت يا گمر  يا كَرة العين / يبني يا بو فاظل
يم امك  بقت  بس النساوين / بعد المن تسأئل
احلفنك يا يمه بخوة  احسين / ترجعلي يا كافل
تجي ولمك تعوض تعب السنين / وشوفك نعشي شايل

اريدك يغلا الاحباب / عليه اتهيل التراب

تنزلني وتوسدني الوطيه
نادت ياگمر يا ابو الحميه
ــــــــــــــــــــــــــــــــــــــــــــــــــــــــــ

والدتك يا ابو فاظل تحشمك /ولمدمع تسيله
يا عباس يبني الحك على امك /
ملجومه وعليله
گبل لا اْموت يايمه ارد اشمك /
احلفلك بالعقيله
تجيني وللصدر يوليدي اضمك /عليك امك نحيله

ردلي من طفوفك / محتامه ارد شوفك
وشبگك يا گمر بثنين اديه
نادت ياگمر يا ابو الحميه
ــــــــــــــــــــــــــــــــــــــــــــــــــــــــــ

يبني وبيك ازامط وارفع الراس / يا عزنه وفخرنه
ما تفزع يا بعد امك يا عباس / غيرك من يمرنه
يا لكلك حميه وكلك احساس / يالكلك محنه
دنت مني المنيه وباخر انفاس / ولجيتك نظرنه

وينك ما تجيني   ما تسمع ونيني
امك محد الها بهالمسيه
نادت يا گمر يا ابو الحميه
ــــــــــــــــــــــــــــــــــــــــــــــــــــــــــ

عليه الدنيا ضلمه والوكت جار/ وين  ابن الصميده
ام الاربعه  تعاين  بالاكتار / من بعدك وحيده
وحدها بقت وي وحشت الدار/ تعب ارباي اريده
انضر عالدرب وگليبي محتار / وراض الطف بعيده

اعاين بلكت يعود/ راعي الغيره والزود

يقره الفاتحه وينصب عزيه
نادت ياكمر يا ابو الحميه

علي كاظم المنصوري
https://t.me/aliQ0Q

https://t.me/aliQ0Q

مجرّبه ام عباس من تنخاها
حاضره ابكل الشدد تلّــگاها
ــــــــــــــــــــــــــــــــــــــــــــــــــ
صفّي گلبك يالموالي ونـــــيّتك
ونادي يم عباس وطلب حاجتك
بالكرم معروفه مترد طـــــلبتك
بالنــــعم والــخير تترس سلتك

ما تخيّب كل شخص ناداها
مجربه ام عباس من تنخاها
ــــــــــــــــــــــــــــــــــــــــــــــــــ
اتوجه الها وخلي عينك شـــابحه
وخلي دمعاتك على الخد سايحه
اقرا لم عباس وهدي الـــــــفاتحه
تلــــگه ابواب الســــماء امفـــتحه

وحاجتك تگـضيها ما تنساها
مجربه ام عباس من تنخاها
ــــــــــــــــــــــــــــــــــــــــــــــــــ
ضحت وانطت ولدها الاربــعه
وبالحزن خلّص عمرها مگبّعه
تنادي لجل الدين هينه الفاجعه
والله عظمها وجعلها الــشافعه

الباري يشفع للذي والاهـــــا
مجربه ام عباس من تنخاها
ــــــــــــــــــــــــــــــــــــــــــــــــــ
اسِأل ام عــــباس وطرق بابهه
وگلها احلفج بم حسن ومصابهه
تستجاب وما تأخر اجـــــــوابهه
والله مترد واحد امـــن احبابهه

الله قــدسهه وكرامه انطاها
مجربه ام عباس من تنخاها
ــــــــــــــــــــــــــــــــــــــــــــــــــ
لو عجز دكتورك وعودك هــــوه
حالتك حرجه وصعب شم الهوه
حــــوله لا عندك ولا عندك قوه
اگصد الها وهيه تنطيك الــدوه

يشفي كل علّه ومريض ادواها
مجربه ام عباس من تنـــخاها
ــــــــــــــــــــــــــــــــــــــــــــــــــ
من تتطيح ابشده وتمر ابعـــــسر
تگصي بيك الدنيا ويضيگ الصدر
لا امل عندك يــــــضل ولا صـــبر
اتوجه اوحولفها بجــفوف الـــگمر

تفرج اهموم العليك ابــجاها
مجربه ام عباس من تنخاها
ــــــــــــــــــــــــــــــــــــــــــــــــــ
علي كاظم المنصوري

https://t.me/aliQ0Q
نعي

راحت فاطمة يم گبر ابـــــوها
تگـــــله بضــــعتك وليه ولـوها
ضلوعي طبگت اكتاب اطبگوها
سياط الحقد بمتوني اطبعــوها

رفسـآني  النذل ونــگطع نفـــــسي
على اعيوني سطرني وطفت شمسي
باسمك حشــميت وغاب حـــــسي
وكلما صيح بويه وياي يقـــــــــسي


لا عنده حميّه لهزّت احـــساسه
احرگوو دارها يأمر على ارجاسه
عصرني اباب داري ولخدر داسه
ولمحسن وگع  ونخمت انــفاسه

اگعد يبو القاسم شوف حالي
وشوف الصار يا بويه وجرالي
انهضمة وراح كل عزّي ودلالي
عگب عينك غدت سود اليالي

✍️علي كاظم المنصوري

نعي للزهراء
كأني بمولاتي زينب ع بعد استشهاد الزهراء ع

الزمان الجانت امي وياي بسمار
حلو ما ظگت بعده وظگت بسمار
النسميهم صحابه انبتـــو بسمار
بصدر امي وكسر ظلع الزجيه

عگب عينج عليّ دنـــــياي ياريت
وعلى الحره العقيله اسيوف ياريت
ميته ويـــــاج يمّ الحــسن يا ريت
ولا ظلن واشوفن هالرزيه

يريت الصار بيه ايصير بعداج
اون وما انام اللـــــــيل بعداج
مــا ينحمل يم الحسن بُعـداج
هدم حيلي وترك لجمات بيه


گلبي اعليج ظل مكسور ونهار
وأظل ابجي ونوحن ليل ونهار
واصب ابحور منّ الدمع ونهار
لحد ما اندفن حدر الوطيه

علي كاظم المنصوري

قصيده بحق الزهراء ع
كأني بلسان الامامين الحسن وحسين ع
وهم يقصّون للامام علي ع ما جرى على الزهراء ع


يحيدر دفعو امُنّه فاطمه
يحيدر والظلع ينــزف دمه
ــــــــــــــــــــــــــــــــــــــــــــــــــ
بويه يا حيدر نخبرك فاطمه هضمــــوها
ما رعو بنت النبوّه وعالوجه صطــــروها
كسرو ضلوع الزجيه يا علي وشتمــــوها
تبجي مألمومه وطريحه عالارض خلوها

مصيبه بجِت املاك السمه
يحيدر دفعو امُنّه فاطمه
ــــــــــــــــــــــــــــــــــــــــــــــــــ
منزلت أمُنه عظيمه طه حدّث بـــــــــــيها
يغضب الباري الغضبها ويرضه عاليرضيها
الله نزّلها هديه وللنبي مـنــطـــــــــــــــيها
ابلا رحم هجمو علــيها يا علي تالـــــيها

يكرار والضلوع امـــهشمه
يحيدر دفعو امُنّه فاطمه
ــــــــــــــــــــــــــــــــــــــــــــــــــ
وگعت المحسن يبويه زيّدت بّونـــــــــــينها
طاح ميت بين ايديها فاطمه الله ايــعينها
شبگت اعليه وتناغي والدموع ابـــــــعينها
ناحت اعله المحسن أمُنه ولطمت ابجفينها

عالـراس بويه وعليها انغـــمه
يحيدر دفعو امُنّه فاطمه
ــــــــــــــــــــــــــــــــــــــــــــــــــ
ويلي من هجمو عليها ويلي لمن طـاحت
ونت الزهره الزجيه والمدامـــــــــع لاحت
ناحت السبع الشدائد والملائك نـــــــاحت
فاطمه عرش الله هزت بويه لمن صاحت

محمد بويه روحي مألمه
يحيدر دفعو امُنّه فاطمه
ــــــــــــــــــــــــــــــــــــــــــــــــــ
انه بت احمد نبيكم حشمت و تـــــــــــنادي
لا تبغضون الزجيه البيها وصّه الـــــــــهادي
حجّه منّ الله عليكم تعرفون امــــــــجادي
بيا ذنب وبيا شريعه اتيتمون اولــــــــادي

عليمن هالحشود الظالمه
يحيدر دفعو امُنّه فاطمه
ــــــــــــــــــــــــــــــــــــــــــــــــــ
صاحت الزهره يفضّه بلعجل سنـــديني
حيل ما بيه اگومن ولضلع ماذيـــــــنـي
بله وديني لحجرتي وعالدرب دليـــــني
سطرت الظالم يفضه جنها طفّت عيني

تنـادي عينــي ذبّلها العمه
يحيدر دفعو امُنّه فاطمه

علي كاظم المنصوري

نعي
بحق فاطمه الزهراء ع
كأني بمولاتي زينب ع عند ما استيقضت من النوم ولم تجد امها


نص الليل فزت زينـــــــب الحــره
تشم ابشيلت امها وتنحب ابعـبره

صاحت يم حسن موحش عليه البيت
گلبي ابغيبج يا يمه شيصبره

تعالي وردي روحي يالخذيتي الروح
انه الشوفتج يحبيبه منتظره

اشلون اصبر ييمه اشلون انام الليل
ونار الفرگه وسط احشاي مستعره

منّ اذكر الدفعه ولوعة البسمار
اشيّب يم حسن واختنگ بالعبره

يموتني النظر لمن اصــــد للباب
من دمّج اشوف اثار بيه حـــمره

جمره اعله الظلع ما تنخمد وتهيد
ظلت بالگلب ومرافجه الحسره

ما انسه مصابج يم حسن للموت
اظل اعليج اون يا فاطمه الزهره

علي كاظم المنصوري

https://t.me/aliQ0Q
طور اهوازي

ليش بيا ذنب يا ناس /ظلع الزهره يتكسّر
وبدار الزجــــيه ليش /نــــار الگوم تتسعر

ـــــــــــــــــــــــــــــــــــــــــــــــــ
هاي بيا شرع يا دين / يا مذهب قبل بيها
ابطن امّه الجنين ايموت/ دون اذنوب جانيها
والام لوعتها الگوم / ولسوط اللتوه اعليها

حرمه بوليت الضلام /ما واحد عليها انغر
ليش بيا ذنب يا ناس /ظلع الزهره يتكسّر
ــــــــــــــــــــــــــــــــــــــــــــــــــ
لتفارگ عزيز الروح/ تبجي وحگها مفجوعه
ولتفگد أبو يا ناس / حگْ لو ونت ابلوعه
بس الزهره عالمختار/ منّ تنوح ممنوعه

بيا دين البجّي ممنوع / وبيا كتب يا مصدر
ليش بيا ذنب يا ناس /ظلع الزهره يتكسّر


ــــــــــــــــــــــــــــــــــــــــــــــــــ
لا رخصه ولا استأذان/ليها اتعنــت الــغاره
هذا اليشتم ام احسين/ذاك اليشعل ابناره
واحد ردّ عليها الباب /نبّت بيها بســـماره

من دم الزجيه حيف/لون الباب صار احمر
ليش بيا ذنب يا ناس /ظلع الزهره يتكسّر

ــــــــــــــــــــــــــــــــــــــــــــــــــ
ام حسين خلف الباب/ وانّ گلهم ادفــعوها
گالو بضعت المختار/ گلهم حيل  اسطروها
هيبه وحرمه الها الدار/گال الـدار احرگـوها

لماله ويه الزلم صولات / يم الزهره يتبختر
ليش بيا ذنب يا ناس /ظلع الزهره يتكسّر

ــــــــــــــــــــــــــــــــــــــــــــــــــ

محسنها سگط عالگاع/ طاح وفيّـضاه دمه
لا شاف الضوه ولا شاف/حظن الوالده وشمه
لا نام وغفه ابكاروك/ لا لولت عليه امــــه

شمسوي الطفل ولگوم/حرموه شمّت الكوثر
ليش بيا ذنب يا ناس /ظلع الزهره يتكسّر


ــــــــــــــــــــــــــــــــــــــــــــــــــ
جن ايگلها يمّ احسين/ دمعج لا تـذرفينه
خليه الدمع مضموم/يمّه ولا تهــــــــلينه
يوم العاشر ابعاشور/ يم زينب تصـــبينه

لو شفتي الحسين هناك/جسمه ابكربلا اموذّر
ليش بيا ذنب يا ناس /ظلع الزهره يتكسّر

✍️ علي كاظم المنصوري

لحن القصيده☝️

٠ گعديه للسيده الزهراء عليها السلام


للزهره الزجيه ابعث سلامي
لــــزيارة گبرها الگلب ضامي
اشتم عطره يا يوم / وانـــــــــدلن گبرها
ــــــــــــــــــــــــــــــــــــــــــــــــــ
روحي ملهوفه وحزينه وحيل مغثوثه وتعاني
وين گبرج يالزجيه الشوگ هدني وتعباني
گبل لا اشتم تربتج عمري يخلص خايف اني

حلمي اشمّن تربـتج / وبعيني اشوفن گبتج
هام الگلب بمحبتج / والبعُد عنّج عذباني

عذبني البعُد ونهدم حيلي
يا ساعه التي اتبرّد غليـلي

يمته الگلب يرتاح / وشتّمن عطرها
ــــــــــــــــــــــــــــــــــــــــــــــــــ
بحلم دليني اعله گبرج حتى يالزهره انه اجيله
بيا ارض يا بلد صاير وين ما جان اعتنيله
ممشى اتعنه الّحضرتج يم تربتج دمعي اسيله

يالزجيه امنـــيّتي / يمج انزّل دمعتي
انتي روحي ومهجتي / روحي بفراگج عليله

روحي الشوفتج مشتاگه تدرين
عذبها البعد يم حسن وحسين

فراگج حيراها / روحي وقل صبرها
ــــــــــــــــــــــــــــــــــــــــــــــــــ
يوم يوم اصبر وصابر والصبر مل وجفاني
بعمري ما شفت السعادة ولا شفت راحه ابزماني
الّحزن خيّم عليه ولفـرح راح ونساني

خيّم على اگليبي الحزن / خلاني بس الطم وون
وسط الگلب عاش وسكن / رافگ الروح وعاشراني

دلالي انمرد والشوگ غثني
يمته الهم يزهره يزول عني

بيج اتطيب روحي / يتّجبر كسرها
ــــــــــــــــــــــــــــــــــــــــــــــــــ
عجل اللهم عجل ادعي يوميه بصلاتي
دعوتي يضهر القائم گبل لا تخلص حياتي
ابعيني اشوف ابنج يزهره وهذا حلمي وامنياتي

وبنضره اكحل ناضري/ وبجفه يجبر خاطري
عون اليه ونـاصري / المنقذ الي بيه نجاتي

ياخذني ويدليني اعله رسمج
ونقيم العزاء يالزهره يـــــمج

وانعزيج بحسين /ولحره وبدرها


علي كاظم المنصوري

نعي للزهراء ع

فراشج ييمه مگابلينه
والليل كله مساهرينه

ننظر على البسمار ولباب
كل نظره خلت اثر بينه

رحتي وخذيتي الروح وياج
ولبيت ظل موحش علينه

خليتي حسره ودمع بالدار
ومن البجي اعليج انعمينه

ملهوفه روحي اعليج وتريد
تغفى بأحّضانج يالحنينه

اصبر ييمه شلون ونساج
ولگلب شيّـ سكّت ونينه

علي كاظم المنصوري

مو وكت الوداع اوياج/يمه وتخلص العشره
اصغيره اعله اليتم تدرين/بنتج زينب الحره
ــــــــــــــــــــــــــــــــــــــــــــــــــ
مو وكت الوداع وياج/من صغري وتيتمني
وانه ابعازتج تـــــدرين/وغيـــــابج يأذيني
شلون اگضي العمر من دون/عينج يا بعد عيني
لو بعديتي يم حسين/ غيرج من يسليني

تصبح سلوتي بالبنوح/بين الونه والحسره
مو وكت الوداع وياج /يمه وتخلص العشره
ـــــــــــــــــــــــــــــــــــــــــــــــــ
ما تغفه وتنام العين/وانه امفارگه اعيونج
بعدج بيش اصبر الروح/يكبر حزني من دونج
كون ابگلبي مو بالگاع/وبروحي يدفنوج
حتى شما احن واشتاگ/اندهّ واسأل اشلونج

وبيه شما يّفيض الشوگ/اشتم ريحج وعطره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
امنـذكر لوعت البسمار/يبدي ويستجد نوحي
وعيني شما تصد للباب/الام اشكثر توحي
فراشج من اصدّ اعليه  /فارغ يلّجم اجروحي
مثل عصرتج يم احسين/لجلج تنعصر روحي

تظل طول العمر بحشاي/نارج بيه متوجره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
من صغرني ولفاني البين/ ذبني وما رحم حالي
اخذ مني الحنينه بساع /ضيّع حلمي وامالي
راح اگضي العمر ونات/والونات تحلالي
وإصورج تروح  شلون/ يم احسين من بالي

رسمج من اصدن ليه/تهدم حيلي كل نظره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
ياريت المنيه ويــاج/يمه وتخلص اسنيني
وما ضلن عگب عيناك/اون وحزني غاطيني
ما يسوه العمر بجفاج/ردّي ولا تجافيني
مو هين عليّ فرگــــاج/ يالفرگاج يعميني

ومصابج يماي العين/ يسعر ما برد جمره
مو وكت الوداع وياج/يمه وتخلص العشره
ــــــــــــــــــــــــــــــــــــــــــــــــــ
ليل الفاگد امه اطويل/بالحسرات اسهرنه
ودمّع العين اهله اعليج/يمه وكله اوشلنه
بفراگج يبعد الحيل/حيلي وصبري اهدمنه
ما اريدن بعد عيناج/اضل بالدنيا وتهنه

ابدالج يم حسن وحسين /كون الضلوع منكسّره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
✍️ علي كاظم المنصوري

نعي للزهراء ع
كأني بالسان حال السيده زينب ع

عگبج يم حسن ضل تايه الراي
تعالي وشوفي يمه اشصار بيه

مو زينب هذيج اتغيِرت هواي
ولا جِنــي العقيــله الهاشميه

جنتْ مدلله ما دامج وياي
هسه متانيه يـمتـه المنيه

بعيني امن البجي ما ضل بعد ماي
وحيــــلي انهدم يمه بهـــالرزيه

خذت لذت حياتي ونضر عيناي
الدنيـا بغيبتــــــج عالت عليه

بدت من هسه تجرح بيه دنياي
خذت جدي النبي وامي الزجيه

والمحسن اخوي الردته وياي
يمشي ويه الضعن للغاضريه

علي كاظم المنصوري

نعي للزهراء ع
كأني بالسان حال السيده زينب ع

عگبج يم حسن ضل تايه الراي
تعالي وشوفي يمه اشصار بيه

مو زينب هذيج اتغيِرت هواي
ولا جِنــي العقيــله الهاشميه

جنتْ مدلله ما دامج وياي
هسه متانيه يـمتـه المنيه

بعيني امن البجي ما ضل بعد ماي
وحيــــلي انهدم يمه بهـــالرزيه

خذت لذت حياتي ونضر عيناي
الدنيـا بغيبتــــــج عالت عليه

بدت من هسه تجرح بيه دنياي
خذت جدي النبي وامي الزجيه

والمحسن اخوي الردته وياي
يمشي ويه الضعن للغاضريه

علي كاظم المنصوري

والله حيدر لو شهر فقـــاره
ما تفيد ابن السقيفة اعذاره
يا زهراء يا زهراء
ــــــــــــــــــــــــــــــــــــــــــــــــــ
شلون بيهم من يشــد احزامه
وبيده يشهر للحرب صمصامه
يخلي حيدر هامه تردم هامه
يسحگ اجيوش الخصم بجدامه


فاطمه ثار الله هيه وثاره
والله حيدر لو شهر فـقاره
ــــــــــــــــــــــــــــــــــــــــــــــــــ
ساحت الميدان عد حيدر فرض
من يهز صـمصامه تهــــتز الارض
ياخذ اجيوش الكفر طول وعرض
ولرجـــــوله بساع عدهم تنقرض

عالــــمنيه غاره تتبع غاره
والله حيدر لو شهر فقاره
ــــــــــــــــــــــــــــــــــــــــــــــــــ
غيض تجدح بالنزال اعيونه
بطل خيبر فنهم ايلاگــــونه
لو نزل آلاف ميــــگــــدونه
اسد غالب والقتال فنـــونه

ولرسول لكل مهمّه اختاره
والله حيدر لو شهر فقاره
ــــــــــــــــــــــــــــــــــــــــــــــــــ
قائد ومعروف لو كض سيـفه
كرّه وحده بجفه ياخذ حيفه
وين الـ يريده يشطره بكيفه
وليضده من بعيد ايخــــيفه

شحال ولعدوان وصلت داره
والله حيدر لو شهر فقاره
ــــــــــــــــــــــــــــــــــــــــــــــــــ
هذا صگار الزلم ولـحـــومه
تشهد اشيوخ العرب بعلومه
اول اول حيدر وجيدومه
رقم واحد ما تراجع دومه

علي تخوف بالمعاره اخباره
والله حيدر لو شهر فقاره
ــــــــــــــــــــــــــــــــــــــــــــــــــ
بخت عدكم بالوصيه الحاكمه
جان صارت بيكم اكبر ملحمه
ولمدينه تفيض من سيل الدمه
والله جِا صحتو دخيلج فاطمه


من علي حامي الحمه وبتاره
والله حيدر لو شهر فقاره

✍️ علي كاظم المنصوري

https://t.me/aliQ0Q

يضلعي ومصابه   يستري وحجابه
يبـويه اشتكيلك   هجوم الصحابه
ابحقد عاملوني /  وابد ما رعوني
         امن اجوني العصابه
ــــــــــــــــــــــــــــــــــــــــــــــــــ
اخبرك يا مـــحمد بالجره وبالــصار
حقد اهل السقيفه اعله الزجيه اندار
نكرو فاطـــمه بنت النبي الــمختار
اجوني ابلا إذن طـــــــبّو عليّ للدار
تسب بيه وتشتم ضــــــــلت الفجّار
ورضّو ضـــــلع اليه ونــــبّتو بسمار

ابدموع الفجيعه   صحت يا شريعه
اعله ايد السقيفه   تموت الوديــعه

النواصب ولوني /وابد ما رعوني
        امن اجوني العصابه
ــــــــــــــــــــــــــــــــــــــــــــــــــ
يبويه إلي جره ما خـــــاطر ابـالي
الصحابه من غبت ما رحمو ابحالي
خلو عيني حمره ودمعتي اتـــلالي
الما سبني دفعني او روّع اطــفالي
المحسن شاهديته  اينازع اگبــالي
خابت يا مــــحمد  بــــعدك امـالي

يريتك تجيني      تسكّت ونيني
تشوّف الجرالي   وتشاهد جنيني

احرموه وحرومني /وابد ما رعوني
      امن اجوني العصابه
ــــــــــــــــــــــــــــــــــــــــــــــــــ
اسولفلك يبويه وبالگلب حسره
نيران الصحابه ابابــي مـستعره
وبوجه الزجيه ضل اثــر سطره
يآ لوعت مصابي ولوعة العصره
ضعلي اتكسّر وما ينجبر كـسّره
ولا جِني الزجيه فاطمه الزهره

ولوني ونخيتك      بألم حشميتك
انهضمت ابغيابك    انه او عاتبيتك

اعله عيني اسطروني/وابد ما رعوني
        امن اجوني العصابه
ــــــــــــــــــــــــــــــــــــــــــــــــــــ
اسولفلك بعد عن هضمي ومصابي
واسمع يا محمد حــــجيي وعتابي
لذت بالباب احفض ستري وحجابي
عـــليه اليندعي اول يـــــدّفع ابابي
وبناره حرگ يـا بويه جــــــــــلبابي
اجر گوه النفس من شــدة اصوابي

يگلي اطفي عينج   واسكّت ونينج
ادفــعج بـــــديه      وسگط جنينج

شكثر عذبوني /وابد ما رعوني
       امن اجوني العصابه
ــــــــــــــــــــــــــــــــــــــــــــــــــ
حرمه وتندفع بيد الزلم صــــــعبه
وعليها الظالم ايـعيل ويشن حـربه
حقود وناصبي وكل الحقد صـبه 
يلم اعله الزجيه ويجمع ابــحزبه
لا يعرف نبيــيّه اولا ذو القـــــربه
ضربني وما شفت من شدة الضربه

ضربني وعماني       دفعني ورماني
طحت عالوطيه      وتهدّم كــــياني

طريحه اتركوني /وابد ما رعوني
ــــــــــــــــــــــــــــــــــــــــــــــــــ
الجان امن الصحابه انحسبه ونعدّه
نكث بيعة محمد وأخلــف ابـــعهدّه
ردّ لـلــــــــجاهليه  وما وفه بوعده
تــماده اعله الزجيه وما لزم حـــدّه
اجه وبــــكل وقاحه اعليه يــتـعدّه
ذبل عــودي مثل ما تــــذبل الورده

الالــــــم ذبلاني     الهضم شيباني
الدهر ما رحمني    جرحني زماني

يبويه اشتموني/وابد ما رعوني
       امن اجوني العصابه

علي كاظم المنصوري

هوسات للسيده زينب ع

بأفراح وتهاني الليله نــــحييها
انهني المرتضى وفاطم نهنيـها
الليله انولدت العفّه ومــعانيـها

هيه اصل العفه ومعناها

👏👏👏👏👏👏👏👏👏
ميلاد العقيله الليله مـــــحلاها
فرحانه الخلگ والدنيا وسماها
نولدة ولمحبّه انولدة ويــــــاها

حب زينب يمشي ويه دمانه
👏👏👏👏👏👏👏👏👏
هاي ام الخدر يا شيعه حيّوها
وبشموع الفرح زينــــب تلگوها
باقات الورد بالديره انشــروهـا

عمّوها الفرحه ابكل ديره

👏👏👏👏👏👏👏👏👏

من حگّي افتخر وبزينب اتباهـا
بت المرضى والباري سمــــــاها
امها الكوثر وجـــدها النبي طه

يامحله الحره وطاريها
👏👏👏👏👏👏👏👏👏
من تقرا العقيله وتقرا سيرتها
عفّه ومرجله تلگه بمسيرتـــها
ستر الكون تلگاه بـــــــعبايتها

يا ستر الكون وميزانه


علي كاظم المنصوري

بسم الله الرحمن الرحيم
كُلُّ مَنْ عَلَيْهَا فَانٍ * وَيَبْقَى وَجْهُ رَبِّكَ ذو الْجَلالِ وَالإكْرَامِ
صدق الله العلي العظيم

بقلوب مؤمنة بقضاء الله وقدره، نعزي أنفسنا وكل خدام الامام الحسين ع بفقد الخادم (حميد ابو باقر البهادلي) سألين المولى عز وجل أن يتغمده برحمته الواسعه وان يسكنه فسيح جناته

احبتي خدام الحسين
صلاة الوحشه هي أفضل مايهدى للميت بعد الصدقه فاليوم تصلي لغيرك غدآ يسخر الله لك من يصلي عنك قال تعالى
( من يعمل مثقال ذرة خيرا يرا)
مثل ماتعمل تجازى ان شاء الله

كيفية صلاة الوحشة ؟
: يستحب أن يصلى للميت في ليلة دفنه صلاة الوحشة وهي ركعتان وكيفيتها هي : أن يقرأ في الركعة الأولى بعد الحمد آية الكرسي مرة واحدة وفي الركعة الثانية بعد الحمد سورة القدر عشرة مرات ويقول بعد التسليم من الصلاة :

اللَهُمَ صَلِ عَلى مُحَمَدٍ وَآلِ مُحَمَّد وَابْعَثْ ثَوابَهَا إلى قَبْرِ ( المرحوم حميد حسن لفته) الله ايرحمه برحمته الواسعه

https://t.me/aliQ0Q
طور اهوازي

ليش بيا ذنب يا ناس /ظلع الزهره يتكسّر
وبدار الزجــــيه ليش /نــــار الگوم تتسعر

ـــــــــــــــــــــــــــــــــــــــــــــــــ
هاي بيا شرع يا دين / يا مذهب قبل بيها
ابطن امّه الجنين ايموت/ دون اذنوب جانيها
والام لوعتها الگوم / ولسوط اللتوه اعليها

حرمه بوليت الضلام /ما واحد عليها انغر
ليش بيا ذنب يا ناس /ظلع الزهره يتكسّر
ــــــــــــــــــــــــــــــــــــــــــــــــــ
لتفارگ عزيز الروح/ تبجي وحگها مفجوعه
ولتفگد أبو يا ناس / حگْ لو ونت ابلوعه
بس الزهره عالمختار/ منّ تنوح ممنوعه

بيا دين البجّي ممنوع / وبيا كتب يا مصدر
ليش بيا ذنب يا ناس /ظلع الزهره يتكسّر


ــــــــــــــــــــــــــــــــــــــــــــــــــ
لا رخصه ولا استأذان/ليها اتعنــت الــغاره
هذا اليشتم ام احسين/ذاك اليشعل ابناره
واحد ردّ عليها الباب /نبّت بيها بســـماره

من دم الزجيه حيف/لون الباب صار احمر
ليش بيا ذنب يا ناس /ظلع الزهره يتكسّر

ــــــــــــــــــــــــــــــــــــــــــــــــــ
ام حسين خلف الباب/ وانّ گلهم ادفــعوها
گالو بضعت المختار/ گلهم حيل  اسطروها
هيبه وحرمه الها الدار/گال الـدار احرگـوها

لماله ويه الزلم صولات / يم الزهره يتبختر
ليش بيا ذنب يا ناس /ظلع الزهره يتكسّر

ــــــــــــــــــــــــــــــــــــــــــــــــــ

محسنها سگط عالگاع/ طاح وفيّـضاه دمه
لا شاف الضوه ولا شاف/حظن الوالده وشمه
لا نام وغفه ابكاروك/ لا لولت عليه امــــه

شمسوي الطفل ولگوم/حرموه شمّت الكوثر
ليش بيا ذنب يا ناس /ظلع الزهره يتكسّر


ــــــــــــــــــــــــــــــــــــــــــــــــــ
جن ايگلها يمّ احسين/ دمعج لا تـذرفينه
خليه الدمع مضموم/يمّه ولا تهــــــــلينه
يوم العاشر ابعاشور/ يم زينب تصـــبينه

لو شفتي الحسين هناك/جسمه ابكربلا اموذّر
ليش بيا ذنب يا ناس /ظلع الزهره يتكسّر

✍️ علي كاظم المنصوري

نعي لسان حال الفاگد اب
الله يحفظ ابائنا الأحياء ويرحم الاموات منهم


اناطر جيتك وغفه اعله طاريك
وعاين عالدرب وگليبي مالـوم

اصبّر بالكَلب لو صبّر الروح
يمته اترد عليّ وتزيح الهموم

اتاني من الصبح للعصر ورجاك
من يوم الشلت من عدنه لليوم

نايم بالگبر ومخلي العيال
يبويه وداعتك موش الك هالنوم

فز من الگبر يالشوفتك عيد
يبو طبع الحلو من نومتك گوم

اخذت العگل تدري بمشيتك هاي
و نصين الگلب يالغالي مجسوم

منّ انضر يبوي ايشيّب الراس
على عگالك معلگ ويه الهدوم


ما حسبت تمشي وعني اتغيب
حسبالي تضل وياي للدوم


علي كاظم المنصوري

لحن القصيده☝️

٠ گعديه للسيده الزهراء عليها السلام


للزهره الزجيه ابعث سلامي
لــــزيارة گبرها الگلب ضامي
اشتم عطره يا يوم / وانـــــــــدلن گبرها
ــــــــــــــــــــــــــــــــــــــــــــــــــ
روحي ملهوفه وحزينه وحيل مغثوثه وتعاني
وين گبرج يالزجيه الشوگ هدني وتعباني
گبل لا اشتم تربتج عمري يخلص خايف اني

حلمي اشمّن تربـتج / وبعيني اشوفن گبتج
هام الگلب بمحبتج / والبعُد عنّج عذباني

عذبني البعُد ونهدم حيلي
يا ساعه التي اتبرّد غليـلي

يمته الگلب يرتاح / وشتّمن عطرها
ــــــــــــــــــــــــــــــــــــــــــــــــــ
بحلم دليني اعله گبرج حتى يالزهره انه اجيله
بيا ارض يا بلد صاير وين ما جان اعتنيله
ممشى اتعنه الّحضرتج يم تربتج دمعي اسيله

يالزجيه امنـــيّتي / يمج انزّل دمعتي
انتي روحي ومهجتي / روحي بفراگج عليله

روحي الشوفتج مشتاگه تدرين
عذبها البعد يم حسن وحسين

فراگج حيراها / روحي وقل صبرها
ــــــــــــــــــــــــــــــــــــــــــــــــــ
يوم يوم اصبر وصابر والصبر مل وجفاني
بعمري ما شفت السعادة ولا شفت راحه ابزماني
الّحزن خيّم عليه ولفـرح راح ونساني

خيّم على اگليبي الحزن / خلاني بس الطم وون
وسط الگلب عاش وسكن / رافگ الروح وعاشراني

دلالي انمرد والشوگ غثني
يمته الهم يزهره يزول عني

بيج اتطيب روحي / يتّجبر كسرها
ــــــــــــــــــــــــــــــــــــــــــــــــــ
عجل اللهم عجل ادعي يوميه بصلاتي
دعوتي يضهر القائم گبل لا تخلص حياتي
ابعيني اشوف ابنج يزهره وهذا حلمي وامنياتي

وبنضره اكحل ناضري/ وبجفه يجبر خاطري
عون اليه ونـاصري / المنقذ الي بيه نجاتي

ياخذني ويدليني اعله رسمج
ونقيم العزاء يالزهره يـــــمج

وانعزيج بحسين /ولحره وبدرها


علي كاظم المنصوري

نعي للزهراء ع

فراشج ييمه مگابلينه
والليل كله مساهرينه

ننظر على البسمار ولباب
كل نظره خلت اثر بينه

رحتي وخذيتي الروح وياج
ولبيت ظل موحش علينه

خليتي حسره ودمع بالدار
ومن البجي اعليج انعمينه

ملهوفه روحي اعليج وتريد
تغفى بأحّضانج يالحنينه

اصبر ييمه شلون ونساج
ولگلب شيّـ سكّت ونينه

علي كاظم المنصوري

مو وكت الوداع اوياج/يمه وتخلص العشره
اصغيره اعله اليتم تدرين/بنتج زينب الحره
ــــــــــــــــــــــــــــــــــــــــــــــــــ
مو وكت الوداع وياج/من صغري وتيتمني
وانه ابعازتج تـــــدرين/وغيـــــابج يأذيني
شلون اگضي العمر من دون/عينج يا بعد عيني
لو بعديتي يم حسين/ غيرج من يسليني

تصبح سلوتي بالبنوح/بين الونه والحسره
مو وكت الوداع وياج /يمه وتخلص العشره
ـــــــــــــــــــــــــــــــــــــــــــــــــ
ما تغفه وتنام العين/وانه امفارگه اعيونج
بعدج بيش اصبر الروح/يكبر حزني من دونج
كون ابگلبي مو بالگاع/وبروحي يدفنوج
حتى شما احن واشتاگ/اندهّ واسأل اشلونج

وبيه شما يّفيض الشوگ/اشتم ريحج وعطره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
امنـذكر لوعت البسمار/يبدي ويستجد نوحي
وعيني شما تصد للباب/الام اشكثر توحي
فراشج من اصدّ اعليه  /فارغ يلّجم اجروحي
مثل عصرتج يم احسين/لجلج تنعصر روحي

تظل طول العمر بحشاي/نارج بيه متوجره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
من صغرني ولفاني البين/ ذبني وما رحم حالي
اخذ مني الحنينه بساع /ضيّع حلمي وامالي
راح اگضي العمر ونات/والونات تحلالي
وإصورج تروح  شلون/ يم احسين من بالي

رسمج من اصدن ليه/تهدم حيلي كل نظره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
ياريت المنيه ويــاج/يمه وتخلص اسنيني
وما ضلن عگب عيناك/اون وحزني غاطيني
ما يسوه العمر بجفاج/ردّي ولا تجافيني
مو هين عليّ فرگــــاج/ يالفرگاج يعميني

ومصابج يماي العين/ يسعر ما برد جمره
مو وكت الوداع وياج/يمه وتخلص العشره
ــــــــــــــــــــــــــــــــــــــــــــــــــ
ليل الفاگد امه اطويل/بالحسرات اسهرنه
ودمّع العين اهله اعليج/يمه وكله اوشلنه
بفراگج يبعد الحيل/حيلي وصبري اهدمنه
ما اريدن بعد عيناج/اضل بالدنيا وتهنه

ابدالج يم حسن وحسين /كون الضلوع منكسّره
مو وكت الوداع وياج /يمه وتخلص العشره
ــــــــــــــــــــــــــــــــــــــــــــــــــ
✍️ علي كاظم المنصوري

والله حيدر لو شهر فقـــاره
ما تفيد ابن السقيفة اعذاره
يا زهراء يا زهراء
ــــــــــــــــــــــــــــــــــــــــــــــــــ
شلون بيهم من يشــد احزامه
وبيده يشهر للحرب صمصامه
يخلي حيدر هامه تردم هامه
يسحگ اجيوش الخصم بجدامه


فاطمه ثار الله هيه وثاره
والله حيدر لو شهر فـقاره
ــــــــــــــــــــــــــــــــــــــــــــــــــ
ساحت الميدان عد حيدر فرض
من يهز صـمصامه تهــــتز الارض
ياخذ اجيوش الكفر طول وعرض
ولرجـــــوله بساع عدهم تنقرض

عالــــمنيه غاره تتبع غاره
والله حيدر لو شهر فقاره
ــــــــــــــــــــــــــــــــــــــــــــــــــ
غيض تجدح بالنزال اعيونه
بطل خيبر فنهم ايلاگــــونه
لو نزل آلاف ميــــگــــدونه
اسد غالب والقتال فنـــونه

ولرسول لكل مهمّه اختاره
والله حيدر لو شهر فقاره
ــــــــــــــــــــــــــــــــــــــــــــــــــ
قائد ومعروف لو كض سيـفه
كرّه وحده بجفه ياخذ حيفه
وين الـ يريده يشطره بكيفه
وليضده من بعيد ايخــــيفه

شحال ولعدوان وصلت داره
والله حيدر لو شهر فقاره
ــــــــــــــــــــــــــــــــــــــــــــــــــ
هذا صگار الزلم ولـحـــومه
تشهد اشيوخ العرب بعلومه
اول اول حيدر وجيدومه
رقم واحد ما تراجع دومه

علي تخوف بالمعاره اخباره
والله حيدر لو شهر فقاره
ــــــــــــــــــــــــــــــــــــــــــــــــــ
بخت عدكم بالوصيه الحاكمه
جان صارت بيكم اكبر ملحمه
ولمدينه تفيض من سيل الدمه
والله جِا صحتو دخيلج فاطمه


من علي حامي الحمه وبتاره
والله حيدر لو شهر فقاره

✍️ علي كاظم المنصوري

نعي للزهراء ع
كأني بالسان حال السيده زينب ع

عگبج يم حسن ضل تايه الراي
تعالي وشوفي يمه اشصار بيه

مو زينب هذيج اتغيِرت هواي
ولا جِنــي العقيــله الهاشميه

جنتْ مدلله ما دامج وياي
هسه متانيه يـمتـه المنيه

بعيني امن البجي ما ضل بعد ماي
وحيــــلي انهدم يمه بهـــالرزيه

خذت لذت حياتي ونضر عيناي
الدنيـا بغيبتــــــج عالت عليه

بدت من هسه تجرح بيه دنياي
خذت جدي النبي وامي الزجيه

والمحسن اخوي الردته وياي
يمشي ويه الضعن للغاضريه

علي كاظم المنصوري

الله وكبر يا عرب يا مــــسلمين
فلسطين تنادي الا هل من معين
ــــــــــــــــــــــــــــــــــــــــــــــــــ
يلّه ثورو يا عرب كافي السكوت
سكته انتم واحنه يوميه نــموت
لا ملك صرّح ولا سمعينه صوت
وابرها ردّ وعالمـــقدس يــفوت

لشوكت تبقون عالحق صامتين
الله وكبر يا عرب يا مــــسلمين
ــــــــــــــــــــــــــــــــــــــــــــــــــ
يقتل الصيهوني ويــفجّر بخوك
وبسمك يهتفون وينك حشموك
هاي ساعتها ينادون ودعـــوك
ونته تتفرج عليهم من نخوك

گوم دگ صدرك وگلهم حاضرين
الله وكبر يا عرب يا مــــسلمين
ــــــــــــــــــــــــــــــــــــــــــــــــــ
ماتو اطفال ونسأ وشييب وشباب
استغاثو لـٰكـــــــن ولا من جـــواب
يلّه لجل الخوّه رخصوها الرگــاب
وصلت لحدها وبعد حان الذهاب

ناخذ الثارات مــن الضــــالمين
الله وكبر يا عرب يا مــــسلمين
ــــــــــــــــــــــــــــــــــــــــــــــــــ
خنتكاتف كلنه ونوحد الـصفوف
يشهد العالم علينه وخل يشوف
نرفع الرايه وعلى المسجد نطوف
نعيد ثورة كربلاء ويوم الطفوف

نشد عزمنه ابعزم امير المؤمنين
الله وكبر يا عرب يا مــــسلمين
ــــــــــــــــــــــــــــــــــــــــــــــــــ
✍️ علي كاظم المنصوري

هوسات الى الشهيد السعيد
حسن نصر الله (قدس سره)
ــــــــــــــــــــــــــــــــــــــــــــــــــ
نصرالله الشهاده بشرف نــــــالاها
حِسن الخاتمه امن اسنين يرجاها
مــن جتّه المـــــنيه بزود لاگـــــها
وبدمه الشريف الــــــرايه عــلاها

(وتخلد اسمه ويه القاده)
ــــــــــــــــــــــــــــــــــــــــــــــــــ
يا نصرالله نام ولا تـــهم بـيها
عندك زلم كلفه العتبه تگضيها
ومنّ الخارطه اسراخيل نمحيها
حجر سجيل حاصب نمطر اعليها

لا تهتم يا سيد بيها)
ــــــــــــــــــــــــــــــــــــــــــــــــــ
يا حرّ يا شهم يا كلف يا نوماس
يا فخر العروبه وتاج فوگ الراس
غيور وبالمراجل ابد ما تنـــــقاس
للخوّه افزعت جِن فزعت عــباس

(لاگيت الموت وصديته)
ــــــــــــــــــــــــــــــــــــــــــــــــــ
تمناها الــشهاده وصار اليـريده
موذر مثل جده الطاح بالبيده
وهم شرّ الخلائق گطعو اوريده
ونزعو خاتمه الكفار مـــن ايده

(هنيالك يا فخر الساده)

✍️ علي كاظم المنصوري

https://t.me/aliQ0Q

يضلعي ومصابه   يستري وحجابه
يبـويه اشتكيلك   هجوم الصحابه
ابحقد عاملوني /  وابد ما رعوني
         امن اجوني العصابه
ــــــــــــــــــــــــــــــــــــــــــــــــــ
اخبرك يا مـــحمد بالجره وبالــصار
حقد اهل السقيفه اعله الزجيه اندار
نكرو فاطـــمه بنت النبي الــمختار
اجوني ابلا إذن طـــــــبّو عليّ للدار
تسب بيه وتشتم ضــــــــلت الفجّار
ورضّو ضـــــلع اليه ونــــبّتو بسمار

ابدموع الفجيعه   صحت يا شريعه
اعله ايد السقيفه   تموت الوديــعه

النواصب ولوني /وابد ما رعوني
        امن اجوني العصابه
ــــــــــــــــــــــــــــــــــــــــــــــــــ
يبويه إلي جره ما خـــــاطر ابـالي
الصحابه من غبت ما رحمو ابحالي
خلو عيني حمره ودمعتي اتـــلالي
الما سبني دفعني او روّع اطــفالي
المحسن شاهديته  اينازع اگبــالي
خابت يا مــــحمد  بــــعدك امـالي

يريتك تجيني      تسكّت ونيني
تشوّف الجرالي   وتشاهد جنيني

احرموه وحرومني /وابد ما رعوني
      امن اجوني العصابه
ــــــــــــــــــــــــــــــــــــــــــــــــــ
اسولفلك يبويه وبالگلب حسره
نيران الصحابه ابابــي مـستعره
وبوجه الزجيه ضل اثــر سطره
يآ لوعت مصابي ولوعة العصره
ضعلي اتكسّر وما ينجبر كـسّره
ولا جِني الزجيه فاطمه الزهره

ولوني ونخيتك      بألم حشميتك
انهضمت ابغيابك    انه او عاتبيتك

اعله عيني اسطروني/وابد ما رعوني
        امن اجوني العصابه
ــــــــــــــــــــــــــــــــــــــــــــــــــــ
اسولفلك بعد عن هضمي ومصابي
واسمع يا محمد حــــجيي وعتابي
لذت بالباب احفض ستري وحجابي
عـــليه اليندعي اول يـــــدّفع ابابي
وبناره حرگ يـا بويه جــــــــــلبابي
اجر گوه النفس من شــدة اصوابي

يگلي اطفي عينج   واسكّت ونينج
ادفــعج بـــــديه      وسگط جنينج

شكثر عذبوني /وابد ما رعوني
       امن اجوني العصابه
ــــــــــــــــــــــــــــــــــــــــــــــــــ
حرمه وتندفع بيد الزلم صــــــعبه
وعليها الظالم ايـعيل ويشن حـربه
حقود وناصبي وكل الحقد صـبه 
يلم اعله الزجيه ويجمع ابــحزبه
لا يعرف نبيــيّه اولا ذو القـــــربه
ضربني وما شفت من شدة الضربه

ضربني وعماني       دفعني ورماني
طحت عالوطيه      وتهدّم كــــياني

طريحه اتركوني /وابد ما رعوني
ــــــــــــــــــــــــــــــــــــــــــــــــــ
الجان امن الصحابه انحسبه ونعدّه
نكث بيعة محمد وأخلــف ابـــعهدّه
ردّ لـلــــــــجاهليه  وما وفه بوعده
تــماده اعله الزجيه وما لزم حـــدّه
اجه وبــــكل وقاحه اعليه يــتـعدّه
ذبل عــودي مثل ما تــــذبل الورده

الالــــــم ذبلاني     الهضم شيباني
الدهر ما رحمني    جرحني زماني

يبويه اشتموني/وابد ما رعوني
       امن اجوني العصابه

علي كاظم المنصوري

♥️ هوسات لمولد الامام جعفر الصادق ع❤️

يوم اسبعّطش محلاها من ذكره
انولد بيها الرسول وصادق العتره
نهني المرتضى وسبطينه والزهره

ونهني الامه ومهديها

🌹🌹🌹🌹🌹🌹🌹🌹🌹

هلا بسادس العتره وياهلا بيومه
هلا يلّي تصدّق حتـى بهــــدومه
هلا يالعلـ خلائق فاضت اعـلومه

ولكون استبصر بعلومه

🌹🌹🌹🌹🌹🌹🌹🌹🌹

يا وارث علوم النبي واحســـانه
ويا وارث شجاعت علي وايمانه
مثل الحسن عمّه الكرم عنوانه

من زلم الطف شارب غيره

🌹🌹🌹🌹🌹🌹🌹🌹🌹

دنيا واخره ايفوز الذي ايحـــــــبه
وخسر كلمن يضده وما سلك دربه
هنيآ لليــــــودّه وســـاكن ابگـــلبه

ما يخسر بالجنه امجِانه

🌹🌹🌹🌹🌹🌹🌹🌹🌹

هاليوم الحــــــــزن سدينه بيبانه
ومو بس احنه كلها الدنيا فرحانه
انولد بحر العلوم وضوّه دنـــيانه

فرحان الكون بميلاده

🌹🌹🌹🌹🌹🌹🌹🌹🌹
✍️ علي كاظم المنصوري

هوسات لمولد للنبي ص

فرحانه الخلگ هالليله محـــــــلاها
بزخ نور النبي والدنيا ضـــــــــوّاها
وإخذ نوره الگمر منّ النبـــــــي طه
الشمس نزلت عليه وتمم اضـــواها

(والدنيه اتضوت من نوره)
👏👏👏👏👏👏👏👏👏
عيد الليله عدنه وكلـــها مسروره
تشعشع بالسمه وجّه النبي نــوره
نزلت يا محمد بيــــك جِم سـوره
الامه الوالتك منّ الله مــــنصوره

(للجنه الباري ايوديها)
👏👏👏👏👏👏👏👏👏
هالليله انولد بالــدنيه مــولانه
خاتم للرسل ولمصحف السانه
بميلاده السمه والدنيا فرحانه
املاك وُرسل مـــحتفله ويـانه

(فرحانه الدينه وما بيها)
👏👏👏👏👏👏👏👏👏

انزرع وسط الگلب حبك يهادينه
يمن لجله انخلق هالكون تكوينه
يبو الزهره الشفيع انته وتنجينه
على دربك نسير ونمشي خلــينه

( بس دربك هوه ينجيّنه)
👏👏👏👏👏👏👏👏👏
نحبك سيدي ومن حگنه نتّباها
مثل نعـمة محـبتك وين نلگاها
محبتك جنتة الله وهذا معناها
وبس البايعك هالجـــــنه نالاها

(يالحبك جنة بارينه)
👏👏👏👏👏👏👏👏👏

علي كاظم المنصوري

https://t.me/aliQ0Q

♥️قصيده لمود النبي محمد ص♥️

يهادينه يهادينـه الك نبـــعث تهانينه
👏👏👏👏👏👏👏👏👏
نبينا الليله مـيلاده
نهني الكون بعياده
هلا يا سيد الساده

هلا بجيتك يوالينه
يهادينه يهادينـه   الك نبـــعث تهانينه
👏👏👏👏👏👏👏👏👏
يهاي الليله مـــحلاها
بزخ نور النــبي طـه
صطع والدنيا ضواها

گـــــــمر نور ليالينه
يهادينه يهادينـه   الك نبـــعث تهانينه

👏👏👏👏👏👏👏👏👏
أنــــس والّجان مسروره
وسط هالفرحه مغموره
تشـــعشع بالـسمه نوره

ضلام وهوه يضوينه
يهادينه يهادينـه   الك نبـــعث تهانينه
👏👏👏👏👏👏👏👏👏
رسول اويا عظم شانه
نبي والمصحف السانه
حبيب الباري عـــنوانه

جميله جگد عناوينه
يهادينه يهادينـه   الك نبـــعث تهانينه
👏👏👏👏👏👏👏👏👏
اصطفاه الباري وختاره
حفظ دين الله وسراره
امين وشــاعت اخباره

گبل هالكون تكوينه
يهادينه يهادينـه   الك نبـــعث تهانينه
👏👏👏👏👏👏👏👏👏
انه عـــالفطره حبيته
يعيش بروحي حسيته
گبل لا صيّر والايــــته

على نهجك تربينه
يهادينه يهادينـه   الك نبـــعث تهانينه
👏👏👏👏👏👏👏👏👏
يالسمك ما يفـــــارگني
قريب جگد احس مني
عشگتك من صغر سني

محبتك من صغر بينه
يهادينه يهادينـه   الك نبـــعث تهانينه
👏👏👏👏👏👏👏👏👏
ابو الزهره شكثر غــالي
شغل فكري وشغل بالي
يردد بســــــــمه دلالي

نبي وحُبه يعلينه
يهادينه يهادينـه   الك نبـــعث تهانينه
👏👏👏👏👏👏👏👏👏
حبيبي وساكن ابروحي
دواي وبلسم اجـروحي
محبتك بالگلب تـوحي

قريب امن النفس لينه
يهادينه يهادينـه   الك نبـــعث تهانينه
👏👏👏👏👏👏👏👏👏
على كل البشر فــضله
عليه رب العرش صله
عجيب الـعنّه يتــخله

نبي وبس هوه ينجينه
يهادينه يهادينـه   الك نبـــعث تهانينه
👏👏👏👏👏👏👏👏👏
رسول الرحمه يا طه
نبينا اوبيك نتــباهـا
محبتك جنه معناها

طريق الحق تدلينه
يهادينه يهادينـه   الك نبـــعث تهانينه

👏👏👏👏👏👏👏👏👏
يروحي ونبض شرياني
يردد بسمك اللساني
حشاك بيوم تنساني

حشاه بالشده يجفينه
يهادينه يهادينـه   الك نبـــعث تهانينه
ــــــــــــــــــــــــــــــــــــــــــــــــــ
علي كاظم المنصوري

🌺بذيات ولادة النبي محمد ص🌺

🌼🌼🌼🌼🌼🌼🌼🌼🌼
بأفرآح النبي اللـليه بدينه
تعنينه اوْ ورد شلنه بدينه
نبينه الاسس الدنيه بدينه
انولد رحمه الًنبي الّكل البريه
👏👏👏👏👏👏👏👏👏
يريح الهاب يم قبته ودّينه
وخل اگلوبنه تصفگ ودينه
محمد رحمــة الباري ودينه
هديه امن العلي العالي النبييه
👏👏👏👏👏👏👏👏👏
جاريت العدو لــــجلك وجاري
يالسمك يمشي ويه دمي وجاري
يمك كون احط بــــيتي وجاي
تصير وحتى اطوفك كل مسيه
👏👏👏👏👏👏👏👏👏
امنيتي المرقده امّشــي وصلي (اوصل)
ودعاء اقره بحضرته انه وصلي
روحي ومهجتي وعقلي وصلي (اوصالي)
يتروّن من عطر ســــــيد البريه
👏👏👏👏👏👏👏👏👏

علي كاظم المنصوري