الرادود احمد الزوار

https://vt.tiktok.com/ZSMLtNGo6/

🌷هوسات🌷
للأمام السجاد ع


سـطــع نـور الأمـام الـزاهـد الـعـابـد
مـن يـوم الـولاده وعالأرض ساجـد
جـده المصطفى وحسين ألـه الوالـد

        والــكــون اتـنـوّر بـنـواره

*----------------------*------------------*

عذراً بيش اوصفك سيدي السجاد
نـور آلـلـه انـتـه وزِيـنـت الـعُـبّــاد
الحفل بسمك نقيمه والفـرح يزداد

      يانور الله الـحلـوه اوصـافـه

*-----------------------*-------------------*

يـطـيـور السعد يـم الـمـحـب غَنّن
الفرح مسموح هاي الليله مانحزن
حـقـنـه بـحب علي السجاد نجنّـن

        وشـلـون بـحـبـه ايلومونه

*-----------------------*-------------------*

✍خادم الأمام السجاد ع
الشاعر رعد الجريخي🌹

💐هوسات مولد الأمام الحسين ع



جـرآنـي الـشـعـر مـولاي بـالـگـوه
ومسموح الغَـزل بعيونـك الحلوه
اشتسوه الحيات بدونك اشتسوه

  (يـمـنـور كـون الـلـه بـنـوره)

*----------------------*-----------------*


شيلومه اليصير حسين محـبـوبـه
ولو موت العشگ ماعوفـن ادروبـه
مكتوبـه العباره بروحي مـكـتـوبـه

(حبـيـتـه ومـاحـبـن غَـيـره)


*-----------------------*--------------------*

مـاريـدن حـيـات حسين مـابـيـهـه
لـلـغـالـي بلاش الـروح مـنـطـيـهـه
شعليهـه الـخلـگ وتـلـوم شعليهـه

   (والـعـاشـگ ليش ايلـومنـه)

*------------------------*------------------*

حـبـيـتـه  وابـد مـاحـبـن الـغَـيـره
لـغـز ويحيّر الـعـشـاك تـفـسـيـره
مـاديـر الـوجـه لـلـغـيـر مـاديـره

     (وأتـغـزل دوم بمحبوبي)

*-----------------------*-------------------*

✍خادم الحسين ع
الشاعر رعد الجريخي

(مبارك لكم)


هـلـه بـعـبـاس جـاب الـفـرح مـيـلاده
هـلـه بـعـبـاس جـاب الـفـرح مـيـلاده

💐--------------------💐----------------💐

أبـيـات الـشـعـر عـجـزن يـوصـفـنـه
والـليلـه بوجوده ايـنـور مـحـفـلـنـه
يـتـمـنـه الـگـمـر ايـشـوفـه يـتـمـنـه

لـيـلـت خـيـر هـايـه والـمـحب نـاده

💐-------------------💐-----------------💐

هــذا الـقـبّـلـه الــگــرار بــچـفـوفـه
مايرضه أيتگمط قـصـتـه معـروفـه
عباس بـمـهـد والـمـرجـلـه اطـوفـه

فخـر هاشم اجانه وهيبت الـسـاده

💐-------------------💐----------------💐

الحـره الجابته بميلاده مـسـروره
بـشـرّهـه علـي بـعـبـاس وبـدوره
اچفوفه للأخوه الگمـر مـذخـوره

أبنچ هاذ گلهه أيخورس الـقـاده

💐-----------------💐-----------------💐

تـدرون أنــولـــد عـنـوان لـلـخــوه
بزغـره ولـلـعـقيلـه كـافـل وسـلـوى
شــالــه وقـبّـلــه الــكــرار يـاهــوه

بسمه اليوم يحله الحـفـل ونـشاده

💐--------------------💐------------------💐

ليـلـتـنـه سـعـيـده والـفـرح بـيـهـه
متهمنه الـعـواذل بـينـه شـعـليـهـه
خـلـيـهـه الـتـلـوم الـيـوم خـلـيـهـه

شعبان ابـتـده وهل تَـوه بـعـيـاده

💐------------------💐------------------💐

✍خـادم الـعـبـاس ع
الشاعر رعد الجريخي

نسألكم الدعاء

دخيل عيونك

بـزغـره ولـلـفـضـائــل صـار  ..  قـبـلـه
وطـبـع بالـخـد علي الـكـرار  ..  قـبـلـه
ابــو فـاضـل ظـلام الـكـون  ..  قـبـلـه

أنـولــد والـنـور شـع فــوگ الـثـريــه

*----------------------*------------------*

✍خادم العباس (ع)
الشاعر رعد الجريخي

فرحانه دنيانه.....والفرح هنانه
هلا هلا هلا هلا
ياهلا شعبان
................
يا هلا   بجيتك   يشهر  النعمه
بيك سبحانه جعل ضي أسمه
يلي   فجرك  عالخلايق   رحمه
أول   أنوارك   سليل   العصمه
بسمك تغنينه....... ياهلا نادينه
هلا هلا هلا هلا
ياهلا شعبان
........................
ثالث   أنوارك   عرش   تكوينه
بزغ   نوره   والفرح    مر    ببنه
كل محب عالفطرة ضوت عينه
والكلب  نبضه  أبتهج  بحسينه
ميلاده ميلاده...... نبض الكلب ناده
هلا هلا هلا هلا
ياهلا شعبان
.......................
رابع   أنوارك  شعور  أحساسه
غيره   وإصرار  وعزيمه  أنفاسه
بعده   بالكاروك    دخن   راسه
حسين شد ضهره بضهر عباسه
مثل الكمر رسمه.....حيدر هتف بسمه
هلا هلا هلا هلا
ياهلا شعبان
......................
خامس أنوارك صغت  من نوره
شبه جده الهادي صوت وصوره
بمولوده  أرض وسمه  مسروره
أبتشرت   بجيته هلا   المعموره
السجاد مولانه....... شع نوره بسمانه
هلا هلا هلا هلا
ياهلا شعبان
............................
كحلة    أنوار   الهلا   أيسمونه
نوره هل وحسين بيه خيعونه
علي الأكبر  علي ضي  أعيونه
أبمولده الكون  أنترس ماعونه
عطر الورد عطره....شايل ضوه العتره
هلا هلا هلا هلا
ياهلا شعبان
..........................
15 شعبان   من  هل   فجره
أنشرح  كل   نور  وأشتد  أزره
على الفطرة ينعشك عالفطرة
أبو   صالح  أي  نعم  والزهرة
مهدينه مهدينه....يا هلا بمهدينه
هلا هلا هلا هلا
ياهلا شعبان
.........................
خادم خدمة الحسين
الشاعر محمد الموالي

🔻أستشهاد الامام
موسى ابن جعفر عليه السلام 💔

شوية شمس 💔

ـــــــــــــــــ ❁ ❁ ❁ ــــــــــــــــــ

واسجيناه ............ واسجيناه

ـــــــــــــــــ ❁ ❁ ❁ ــــــــــــــــــ

حراس خلــو عالسجن وانه بظلم سجنوني
ما ادري ليلي من الصبح بس بظلام عيوني
والگيد بجفوفي يحــز شمسوي ويگيدوني
موسى امام الرافظه الكاظم انــه يسموني

يـاناس كل هـذا الضوه ماشوفه
عيني عله شوية شمس ملهوفه

محرومه عيني من ضوه دنيايه
تارك نفس وسط السجن ذكرايه

واسجيناه ............ واسجيناه

ـــــــــــــــــ ❁ ❁ ❁ ــــــــــــــــــ

طير انه مكسور الجنح وين اليضمد جروحي
صرخه بدليلي وتنسمع وهمومي تمرد روحي
ادعي بصلاتي للفرج وابچي وازيــد بنــوحي
الجمعه موعدنه گرب ياروحي ســرچ بوحي

الاحباب توكف عالجسر منتظره
يردون من ذاك الوجه بس نظره

بس جثه من راحولك ولاگينك
امگيــد وتنـــزف دمــه چفينك

واسجيناه ............ واسجيناه

ـــــــــــــــــ ❁ ❁ ❁ ــــــــــــــــــ

الليل يخلص بالدمع عالخـــد تسيــل دموعي
  وعظامي لو لاحت برد صلت عليه ظلوعي
ظيم وقهر انه احملت محــد يهـــدي بروعي
انــه ارهب وما انرهب شجرة امامه فروعي

انطيته علمي للرضا مـــن بعــدي
وانه ابقه بديار الغرب ظل لحدي

وصيتــه بالشيعــه يظل يرعاهم
ويتحمــل انــواع الظلم ويـــاهم

واسجيناه ............ واسجيناه

ـــــــــــــــــ ❁ ❁ ❁ ــــــــــــــــــ

ميت انـــه وگيد الظلم طابع اثر من دمي
ماواحد يفك جثتي بگيودي اظلـن مرمي
ماكفت سنين السجن وليل العذاب وهمي
عافوني جثه مگيد ومحد يمـر مـــن يمي

ظليــت وبحــر الشمس عافـوني
بحســرة ضوه ظليتي آ يعيــوني

ماشفتي كل هذا العمر بس ظلمه
چـــان الضوه بزنزانته كــل حلمه

واسجيناه ............ واسجيناه

ـــــــــــــــــ ❁ ❁ ❁ ــــــــــــــــــ

مات الحلم بيه اندفن وانـه اندفنت بگبــري
فروني من سجن لسجن ضلو حياره بصبري
مــن شحت ايـام العمر ودريت خلص عمري
كلتلهم الموعد گرب بموتي الفرج انــه ادري

من ابنعش فوگ الجسر شالوني
هاي الابد ماچانت اعله ضنوني

جثــه امــام الرافضـه يشيعونها
بظهر الحماميـل الظهر يـرمونها

واسجيناه ............ واسجيناه

ـــــــــــــــــ ❁ ❁ ❁ ــــــــــــــــــ

ياناس من حان الفرج بعدي السجن ظل خالي
كــل ظنكم الموعــد اجـه متانيـن جيت الغالي
رايح انــه ويبقـــه السجن يــردد صدى اقوالي
عنــدي علــم مــن النبــي واســم يظـل بالعالي

معروف مــن خيــر البشــر ابائي
بصبري وصمودي ارعبت اعدائي

غدروني بالسم وبسجن سجنوني
وحرموني من شم الهوه حرموني

واسجيناه ............ واسجيناه

ـــــــــــــــــ ❁ ❁ ❁ ــــــــــــــــــ

🖊️عباس فاضل الشمري

يازينب...خادم نذرت اسنيني
يازينب...والخدمتچ وفقيني

يابت علي وداعة علي تدريني
ماعندي أغله امن اللطم بسنيني
كل عمري سجلته وقف لحسيني
بس سامع سمع...واجريلچ دمع
شيصير الوضع...لو نورچ إجاني
ياهيبة علي...فدواتچ هلي
بالنسبه إلي...سلطانة زماني
يازينب...يالحبچ ايغذيني
يازينب...والخدمتچ وفقيني

خادم إلچ يابنت الانسانيه
وبنت الزچيه الراضيه المرضيه
منچ ثلث تنعام ياعلويه
ياأخت الگمر...بيچ الله افتخر
قدمتي نحر...برض الغاضريه
وبوجه العده...زينب صامده
ضلت خالده...ماتت آل اميه
يازينب...عالموقف اتعلميني
يازينب...والخدمتچ وفقيني

يازينب وفضلچ فلا ناسينه
مانبرد اعله حسين خليتينه
چا تهنه لوما إنتي دليتنه
ياعزة نفس...كل عمرچ درس
نحچيلچ همس...واحچايتنه دمعه
ياصبر السمه...يابت فاطمه
شنهي اللايمه...بس حچيچ نسمعه
يازينب....ياچلمة التهديني
يازينب...والخدمتچ وفقيني

مهمومه وحدچ بالحزن منعوفچ
أم المجالس والعزاء أنشوفچ
يازينب اللطامه هايه اضيوفچ
نلطم واللطم...يوصل للعظم
نبچي وننهظم...عالحرگو خيامه
والله الصمد...منعوفچ أبد
يوصلچ مدد...كل عاشگ سلامه
يازينب...نار البعد تچويني
يازينب...والخدمتچ وفقيني

يازينب الخاطرنه دم ضحيتي
ياسيده وحاشاچ ماذليتي
ماأنسه فضلچ يابعد عافيتي
يانبض الگلب...يادمعة غرب
نسيانچ صعب...غير انتي اويه روحي
كل عمري أون...عايش بالحزن
والگبرچ أحن...تمشيلچ جروحي
يازينب...لزيارتچ وديني
يازينب...والخدمتچ وفقيني

سيد علي الموسوي

سيد علي الموسوي
يازينب خدمكم يازينب
ــــــــــــــــــــــــــــــــــــــــــــ
وعدنه يزينب...واجينه...ابمواكبنه اعله هذا الوعـد
خدمكم... نصيح وننادي...تعاهدنه ونضل عالعهــد
طلعنه...ابمشاعر عشگنه...وضمايرنه عله المعتقد
يزينب...أبد مانسينــــه...وله انعوفچ يزينب أبــــــد
يازينب خدمكم يازينب
ــــــــــــــــــــــــــــــــــــــــــــ
وحگــــچ...يبنت الزچيــــه...خدم وانتي تأمرين أمـــر
مشينه...ابدربكم يحـــــره...عله الدنيه نضل نفتخــــــر
ميمحون...ذكركم والاشهود...خطابچ كل وكت ينتصر
لگينه...خدمتـــچ يزينـــــب...أعز من الهوه والعمـــــر
يازينب خدمكم يازينب
ــــــــــــــــــــــــــــــــــــــــــــ
مواكب...مجالس مئاتم...مثل صرخه او تضل تعتلــي
فخرنه...ابشعائرنه هايه...نعاند بيهه كل عاذلــــــــــي
هتفنه...ابشرف رافضيه...علي مانرضه غيره ولـــي
تعبنه...التعب عدنه راحه...وحگ الزهره فدوه العلي
يازينب خدمكم يازينب
ــــــــــــــــــــــــــــــــــــــــــــ
لجلكم...يحره انخلقنه...ابولاكم حتى گلب اليـــــدگ
نحبكم...نموت اعلى حبكم...بعد عنكم چذب نفترگ
خطيه...تره الما هواكم...هواكم هو أصل العشــگ
تره الحب...وهم أغلبيته...فقط حبكم يزينب صـدگ
يازينب خدمكم يازينب
ــــــــــــــــــــــــــــــــــــــــــــ
أملنه...وسندنه بالاحساب...چبير وداعة الله الامل
وجهنه...تبيضه الموده...نودكم أكثر امن الاهـــل
دربكم...هدى وكله رحمه...بلياه العقل ماقبـــــــل
يزينب...هويتنه باچر...ختم خاتمهه خير العمـــل
يازينب خدمكم يازينب

سيد علي الموسوي

آ يزينب آ يزينب

باول اسنينچ يزينب..تبتدي الرحله الطويله
ومن بعد موت الزچيه..شِلتي الهموم الثجيله
والله صعبه انگول عَنِّچ..بت علي حامي دخيله
تالي ماتالي سِبِيَّه..وتركب النَّاگه الهزيله
آ يزينب...آ يزينب

إسمچ المعروف زينب...واسمچ الثاني الحبيبه
ويلي تالي اتبدَّل اسمچ...من حبيبه للغريبه
مو عجيبه ايموت گلبچ...لاكن اتحمَّل عجيبه
جبتي كل عمرچ مصايب...امصيبه اصعب من مصيبه
آ يزينب...آ يزينب

بعد اخوتچ زين عشتي...فتره ياروح الزچيه
عشتي لاچن عشتي ميته...من مصاب الغاضريه
خلصت انفاسچ يزينب...امن السبي وديوان اميَّه
اصعب اثنين اعله اخوتچ...جرحچ وموتت رقيه
آ يزينب....آ يزينب

ياهو مثلچ يالحزينه...ذبحو اهله وكل حياته
وگلبچ المكسور شَيَّب...من عذابه ونايباته
عادت التگرب منيته...تحظر احبابه ابمماته
صعبه من انگول زينب...ماتت ابديرة شماته
آ يزينب...آ يزينب

سيد علي الموسوي

وازينباه....وازينباه

ابچي وله اتبطلين ياعين
مو دمع من دم كون تبچين
هالليله ماتت اخت الحسين
ماتت غريبه ام المصايب

مهظومه والدمعه تهلهه
ماتت بعيده عن اهلهه
وليان ماكو تحظر الهه
لاكو عشيره ولاگرايب

لحسين مامگطوع ونهه
واتريده الخفِّف حزنهه
وكفَّالهه ايغمّض جِفنهه
وابعيد يادرب الحبايب

وحشه الجنازة ابغير وليان
واشهل هظيمه يم الاحزان
زينب غريبه ابعازة اخوان
ويلاه يادهر النوايب

مكسوره والناظر تديره
وين الاهل وين العشيره
يابت علي الحيرتهه حيره
والمَن بعد تشكي وتعاتب

من النبي للضلع للهام
الچبد الحسن للطف والخيام
ومن كربله للكوفه للشام
عدهه گلب بركان لاهب ؟؟


سيد علي الموسوي

وحشه مرقدچ ما يَمَّه مشايه
لا موكب عزاء السنه ولا رايه

شيريد الدهر منچ یعلویه
تره مره انسبیتي وماهي يوميه
ابگبرچ والعِدَه ايريدوچ مَسبیه
مو هايه التلوگ اعليچ مو هايه

ذكرى ومن تمر چانت يبت حيدر
زوار ومواكب كلهه تتحظر
يامَحله الخَدَم يم مرقدچ تفتر
وابصوت النحيب اتضج الولايه

يامَحله المواكب من تطب الشام
هلا ابزوار زينب تصرخ الخِدَّام
صدگ رَدِّينه نقره الدنيه هاي ايام
واحنه اهل الجرح تلچمنه الحچايه

إلچ لا ما تجف دمعة بواچينه
ومن هذا الجرح مايوم مَلِّينه
تضل طول الوكت هالجمره تچوينه
وحگ العالفرات وماشرب مايه

وحگ حيدر أبوچ وفاطمه أمِّچ
عليچ ابعاد بس اگلوبنه يَمِّچ
يالحزنچ حِزِنَّه وهمنه من هَمِّچ
ذكرچ حاظر ابكل عَزَه واقرايه

مادام النَفَس بينه نضل اوياچ
ننسه الدنيا كلهه وإنتي ماننساچ
عاهدناچ يابت علي عاهدناچ
وخدامچ تضل مولاتي وفايه..

سيد علي الموسوي

مولد الامام علي ع👇


ياهله ابميلادك يحيدر
اشرقت اعيادك يحيدر
گلبي احس ناداني
انولد طــه الثاني
ـ🌷🌷🌷🌷🌷🌷🌷ـ

ياحبيب المصطفى شعشع ضياء انوارك
والملاك اتعنــــــتك كلهه انزلت يم دارك
اتنهي طه ابمولدك يا سيـــــدي وتتبارك
ماكو واحد بالعرش ضل بالفرح ماشارك

هل فرح موعادي يحيدر
يا حبيب الهادي يحيدر
هل فرح رباني
انولد طه الثاني
ـ🌷🌷🌷🌷🌷🌷🌷ـ

انشق جدار الكعبه الك صارت مهد بصيارك
وحدك الهذا الشـــــرف رب السماء اختارك
لا فتى ألا علي ولاصـــــــــــح مثل فقارك
غير بس رب العرش محد يعــرف اسرارك

اشگد عزيز وغالي يحيدر
ولي ونعم الوالي يحيدر
بصوتي اهتف آني
انولد طه الثاني
ـ🌷🌷🌷🌷🌷🌷🌷ـ

ياحلات احروف اسمك لو لفضهه الساني
علي يااجمل قصيده انزمجت اويه الحاني
گلبي بس وحدك يحبك ما شغلته ابثاني
اني مجنون وهواك ابلا عگل خــــــلاني

من الزغر حبيتك يحيدر
وبلگلب ضميتك يحيدر
احجي من وجداني
انولد طـــــه الثاني
ـ🌷🌷🌷🌷🌷🌷🌷ـ

اني مجنون ابهواك وافتـــــخر بجنوني
انته روحي ونبض گلبي ونته نور عيوني
افتخر خادم الك يا سيـــــــدي ايسموني
ياعلي ابكل محفل احظر رغم اليعادوني

ياطبيب اجروحي يحيدر
يلي ساكن روحي يحيدر
اترددت بلساني
انولد طه الثاني
ـ🌷🌷🌷🌷🌷🌷🌷ـ

    الخادم
كامل السعيدي

مقدمه للامام علي ع…

البت أســد رب العرش شق الجدار
ودخلت وحيـــــدر علي ابيته نولد
الكعبه مهده ومو الكل واحد تصير
لغير ابوالحســـــنين ما تلصح مهد


وحــق العل فواطم بات ينطار
لحد ماشاف نجم الفجر ينطار
جـدار الكعبة بس العلي ينطار
منو غيره استحق هاي الهدية

كامل السعيدي

مولد الامام علي ع

گلبـي شمسويله ـ ياعلي
اوياك يسهر ليله ـ ياعلي
گلبي مجنون بغرامك وأنت جننته
🌷🌷🌷🌷🌷

يالملكت اگليبي كله وصـــــــرت نبضه
اســــــــــمك اتوضـه وجـوباً يله الفضه
انتــه قــرأن الحكــــــــيم وانتــه فرضه
كل حديث ايخص حياتك گمت احفظه
يالشغلت اذهاني ـ ياعلي
مذهـبي وقرئآني ـ ياعلي
گلبي مجنون بغرامك ونته جننته
🌷🌷🌷🌷🌷

انته ممـــلكة العواطف والمشـــاعر
كثر مابيك انه مغرم صرت شاعـــر
صـــورتك مرسوه بعماق النواضــر
عالمنـصه اتباهه بيـــك وعالمنـــابر
فرحتك نحييها ـ ياعلي
الفاطمه نهديها ـ ياعلي
گلبي مجنون بغرامك ونته جننته
🌷🌷🌷🌷🌷

استبشرت بيــك الانس والجـان كلها
مـولدك فـرحه وابـد ما صــــح مثلها
لايگــه الكعـــــــبه عليــك ولايگ الها
هالكـــــــرامه بس الك ربـك جعـــلها
وحدك انته اختارك ـ ياعلي
وبـارك  بـأنـــــوارك ـ ياعلي
گلبي مجنون بغرامك ونته جننته
🌷🌷🌷🌷🌷

والله احلى امن الشهد اسمك قريته
مــركز اگلوب البشــــر حبــك لكيته
مولدك شع بالســــمه وبالگاع صيته
العلي حبـــك يا علي ونطــــاك بيته
الك فاتــح بابه ـ ياعلي
انته اعز احبابه ـ ياعلي
گلبي مجنون بغرامك ونته جننته
🌷🌷🌷🌷🌷

الك بيت الله انفتح ونشق جداره
وبقــدومك رحب وســرفن ستاره
هلهلن بالفرحه اجن مريم وسـاره
يا وليد الكعبه انته اجمل بشــاره
اتشـرفت بقدومك ـ ياعلي
يالعظيمه اعلومك ـ ياعلي
گلبي مجنون بغرامك ونته جننته
🌷🌷🌷🌷🌷

ياهو قبــلك لقبوه ابحـــامي جـاره
ومــــــن يقــرر ربك يأيــد قـــراره
ياهو غيـــــرك ثبـت الديـن ابفقاره
ابكلهن اول يا علي ونلت الصـداره
انته آيه ورايه ـ ياعلي
والامل والغايه ـ ياعلي
گلبي مجنون بغرامك ونته جننته
🌷🌷🌷🌷🌷

    الخادم
كامل السعيدي

يانور نازل عل أرض هاليله
يانور نازل عل أرض هاليله
......
متصدره أخباره ... من السمه ابشاره
بجوف بيت الله نزل نوره الإهي
انولد حيدرنه ... محفله اليجمعنه
حيدر علي انته الولي ومحله التباهي
نتباهه بحروفه ... ارواحنه اطوفه
يابسملة عشاگ محله إسمه بشفاهي
يامحله هالفرحه ... الهايم ترك جرحه
وملتهي ابالفرحه المثلها مايضاهي

اشواگ عاشگ للحبيب اهديله
يانور نازل عل أرض هاليله
......
طيور الفرح نزلت ... أجمل لحن غنت
علي علي علي علي حيدر يغالي
أبيت ابو طالب ... جاء الفتى الغالب
بالكعبة مولود إو فرح گلب الموالي
اشعار نهديله ... نسهرله هاليله
سهران گاعد للصبح وانته اعله بالي
كل بيت كتبيته ... لحب حيدر اهديته
ياشيخ گلبي وسيدي وهيبة دلالي

يطيور أجمل تهنئه وديله
يانور نازل عل أرض هاليله
......

ياگلبي المجِرح ... بمولد علي افرح
الدنيا كلها انساها إو أمشي الأمامي
ويه الكمر اسهر ... وبحبك اتسمر
ماعندي غيرك سيدي انته غرامي
انثر ورد دربك ... ماجوز من حبك
يابو الحسن انته تصل حبي وهيامي
طير الفرح غنه ... للحضره يتعنه
يابو الحسن أسمك يظل أحلى الأسامي

ياغزل حيدر ياقصيده احجيله
يانور نازل عل أرض هاليله
......

بالبوب دگينه ... ندعو اهالينه
احضر حفلنه يالتحب هيم بهوانه
الخير بوجوده ... يمطر على زنوده
الخير كل الخير بالمولد اجانه
أنولد حيدرنه ... والفرح بالجنه
هالليله أملاك السمه تفرح معانه
كتبو اساميكم ... حيدره اليحميكم
بعونه الله مايوگع يضل عالي لوانه

الليله الموالي لازم يشد حيله
يانور نازل عل أرض هاليله
......
امساهره عيوني ... وماترمش جفوني
اكتب شعر وتغزل بأجمل قصيده
بياعلي مطلعها ... ابياتي تسمعها
ياشيعي افرح والفرح لجل الصميده
اكتب مواويلي ... ويشع بدر ليلي
كل بيت بسمك حيدره لازم اعيده
مجنون أنه بحبك ... من صغري بدربك
بيقضتي وأحلامي عشگ حيدر أريده

وين اليحب حيدر شعر انطيله
يانور نازل عل أرض هاليله
......
علي محسن الفرطوسي

[[💔موشح الى مولاتي أم البنين .ع.💔]]

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

ألوداع الملتقى عند الحسين

في أمان الله يا أم البنين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

في أمان الله يا أم ألوفه
حيره يا مولاتي أذكر يا صفه
بكلشي واسيتيهم آل المصطفى
ولو يصح بيدچ تقدمين الوتين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

حيرة شذكر وانتي مجموعة صفات
قدوة أنتي لجميع المؤمنات
ضربتي أروع أمثلة غيره وثبات
مفخرة و زوجة أمير المؤمنين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

عن درايه و معرفه أختارج عقيل
بت حمولة ودين و المعدن أصيل
الهدف من عندچ يحصل كفيل
هيچ منه راد أمام المتقين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

گله راید وحده جابتها الفحول
كون طيبة نسب من اهل الاصول
و بحنان تراعي أيتام البتول
وبلكي منها يصير ناصر للحسين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

صار ما راده علي و جبتي العضيد
وزين يدري بوالده منه شيريد
حامه عالخِدّر الى قطع الوريد
مخضب و لا يسرة ضلت لا يمين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

و داعتچ یالطاهره ورب السماء
مثل أبو فاضل فلا صح بالوفاء
وحده لكن جيش أصبح للفداء
صار بالغيره مثل للعالمين

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

✨️ثواب هذه القصيدة الى روح الفقيد سماحة القائد حسن نصر الله وعامة المؤمنين ✨️

جهاد البصيراوي

مقدمة لأُم البنين ع…..

سلام الله على صبرچ
على صبرچ سلام الله


خلصـتي العمـر شــوغات وجـروح
وي صوت ابن حذلم طلعت الروح
لحـد ســـاعة مماتچ ماهــده النوح
الله يعيــنچ اشــــگد شفـــتي اذيه


بيــه عـــازه الابـن والنـاس يدرون
يشيل اجنازت امه اويه اليشيعون
غايب ليش عنـــچ حـادي الضعون
هضيمه اچفوفه طاحن عالوطــيه


منو المثــلچ تضــحي باربع اقمـار
واحــــدهم كلف وسيــــوفهم نـار
يـم عباس بيــــچ الفكــــر يحــتار
فديتـــــي اهروش گلبـــچ للزچيه


فخــر عنـــدج يفاطم عيب ينقاس
النسه اتحسدج الان خلفتي عباس
ابوفائــچ وبولائــچ تشــــهد الناس
ومثل صبـــرچ صبـــح لهل البــريه

شگـد حلوه الولد يمـچ يحظرون
والعبـــاس بيــده يغمـض العيون
وفوگ امتونهم نعشـــچ يشيلون
ويدفنــــوچ وينصــــبولچ عــزيه


          الخادم
✍كامل السعيدي

آه وا ويلاه يا ام البنين 
آه وا ويلاه لليوث العرين 
@@@
ياللي شلتي كربله بماي الدمع 
وتبچي لين النفس منچ ينگطع 
على راس احسين عالي منگطع 
وحوله اولادچ ضحايا مجزرين 
@@@
ابذاكرت ضلعچ ضحايه كربله 
ومصرع حسين وسبيها العايله 
وليهم ادموعچ ياحره سايله 
وضل دليلچ ينبض ابحرگه الونين
@@@
بشر جاب اخبار هدتلچ امل 
وما يهمچ طاح بالرايه الكفل 
گلتي بس حسين ليكون انقتل 
وعسى دونه اولادي صرعه مطشرين
@@@
يالحفرتي اگبور اربع بالبقيع 
ولاچن انياحچ للكبر والرضيع 
وعلى جسام التحنه بالنجيع 
وعلى من سحبوها بالحبل المتين
@@@
ساعد الله گلبچ الكله وفه 
نحتي لين الموت آل المصطفى 
وگلتي بعد حسين عالدنيه العفه 
ويلي عالمقتول وحده ابلا معين 
@@@
بالبقيع النوح لعنان السمه 
حين تبچين ابمدامع من دمه 
اتصيحي اولادي فده بن فاطمه 
وعلى گبر الزهره ثكله تنحنين 
@@@
علي أحمد الحمود 
٧-١٢-٢٠٢٤
وفاة ام البنين ع

الهذا العزاء...ننوي الحظور
ونهدي الثواب...لهل الثغور

ابمكان البي ذكر للباري والعتره
أكيداً نكسب الألطاف والنَّظره
اليرابط من أجل دين الله واينصره
يستاهل دعاء ابمجلس الزهره

نسإل إلٓه العالمين..حَصِّن ثغور المُسلمين
ابجاه البتول

يحله الدعاء...ابلطم الصُدُور
ونهدي الثواب...لهل الثغور
........................................
بالهادي وعلي وبت سيد الكونين
يرب ابقوِّتك أيد حُماة الدين
ابجاه اهل الكساء وهل أتى وياسين
وفقهم النصرة فاطمه وحسين

ياناصرَ المُستَضعَفِين...حَصِّن ثغور المسلمين
ابجاه البتول

رزقه الثبات...الگلب الغيور
ونهدي الثواب...لهل الثغور
...........................................
ألَّلهمَّ يامَن حافظ القرآن
أحفظ ناصرين الدين يادَيَّان
سَدِّد رمية اهل الحق على العدوان
واهلك مَن أراد السوء بالإيمان

يامَن تِعِزِّ المؤمنين...حَصِّن ثغور المسلمين
ابجاه البتول

حتماً يفوز....البسمك يثور
ونهدي الثواب....لهل الثغور
..............................................
التدافع عالعقيده وعن أراضيهه
تعيش احرار مادام النفس بيهه
إيد ابإيد ندعي ابفد دُعاء ليهه
(أولي البأس الشَّديد) اتفوز تاليهه

والخَاتِمَه النَّصر المُبين...حَصِّن ثغور المسلمين
ابجاه البتول

رغم الجروح....لابُد سُرور
ونهدي الثواب....لهل الثغور
.......................................
يارب العرش يارافع السبعه
آمال الشعوب ابصاحب الطلعه
ابدعاء الفرج ندعي وانت التسمعه
ابجاه ام الحسين الطاهره البضعه

وابحيدر وأم البنين...حَصِّن ثغور المُسلمين
ابجاه البتول

يجلي الهُمُوم....يوم الضهور
ونهدي الثواب....لهل الثغور

سيد علي الموسوي

ياعلي...إلك أدعي ابدمعتي وبجروحي
ياعلي...ألله ينطيك الصبر ياروحي
( إنَّا للهِ وإنِّا إليهِ راجِعُون )

إلك أدعي ودعوتي..ابجرح گلبي ودمعتي
الله ينطيك الصبر يابو المصيبه
اشلون تگظي دنيِتَك...وَيَّه وادم أذِّتك
الغربه يعني اتعيش وي وادم غريبه

الوادم الماتستحي امن الله ورسوله
اشلون راح اتعيش وياهم هذوله
الطبو الدار الوصي وضلمو بتوله
والله ماعدهم كرامه ولا رجوله

ياعلي...ندعي ربنا ومايرد دعوانه
ياعلي...الله لايرضه على الأذَّانه
( إنا لله وإنا إليه راجعون )
......................................
گلبي بالهم مبتلي...وبالي يمك ياعلي
ضلعي مايوجعني توجعني غربتك
صعبه اشوفك تنكسر...وانت المبچّي الكفر
وصافن اعله الباب واجروح ابصفنتك

ايعينك الباري يحماي الحميه
حين شفت الباب دفعوهه عليه
ياعلي وابدفعة الباب القويه
تالي آنه ومحسنك طحنه سويه

ياعلي...واكبر اجروح الصفت تاذيني
ياعلي...أبچي گدام الحسن وحسيني
( إنا لله وإنا إليه راجعون )
......................................
جرحك ابكبر السمه...وحالك ابلا فاطمه
عايش ابدنيا مُضلمه وگاع صَحره
آنه بالنسبه إلك...روح عشت ابداخِلَك
وادري بفراگي تصير العيشه مُرَّه

آنه يمك ياعلي ومشدوه بالك
بلله عنك لو غبت شيصير حالك
واليگول البگه ابراسك عالجرالك
ابهالمصيبه ياعلي هو اشبگالك

ياعلي... حيلك انهَد والعيون امغيِّمَه
ياعلي...اشلون باچر من تودع فاطمه
( إنا لله وإنا إليه راجعون )
......................................
يالمصابي امعذِّبَك...وهاضمك وامتعِّبَك
وادري راح ايشيب گلبك من مصابي
اشلون عنك لو رحت...وين يافاطم صحت
راح تلگه اجواب حسرات اعله بابي

أقره بعيونك أنه ابهاي المسيه
ادگول كلشي ولا تروحين امن اديه
انكسر گلبك عالجره والصار بيه
اشلون لو دارك تضل مِنِّي خِليه

ياعلي....تنحب وكسر الضلع موضوعك
ياعلي...ابغيبتي ياهو الينشف ادموعك
( إنا لله وإنا إليه راجعون )
.....................................
أنحب ودمعي ايهلي...(حسبُنا آلله ياعلي)
عالضلمنه وفرهد العِشره وهظمنه
باچر اولادي تحن...وزينب اوياهم تون
ويلي وينادون مشتاگين لُمنه

آه باچر لو متت تشبگني اديهم
تنحب املاك السمه وتبچي البچيهم
ولدي اعز امن الهوه وعينك عليهم
وآنه ماداعي بعد أوصيك بيهم

ياعلي....ولدي كون ابعينك اتخليهم
ياعلي...اهواي اريد ابزينب اتوصيهم
( إنا لله وإنا إليه راجعون )

سيد علي الموسوي

هالعزاء....مانتوفق انحظره
هالعزاء....لوما نظرة الزهره

من حظرنه للعزاء واتوفقينه
هاي دعوة فاطمه ونظرتهه لينه
اهواي ام الحسن متفظله علينه
حتى جيتنه بديهه ومو بدينه

هالعزاء...مانحظر إله ونقره
هالعزاء...لوما نظرة الزهره
.....................................
چان بيت احزان واحد فاطمه الهه
هسه صارت هالمجالس إلهه كلهه
هيه ام التعزيه وعونه الوصلهه
والله هذا الخير كله من فضلهه

هالعزاء...گلب الطاهره ايجبره
هالعزاء...لوما نظرة الزهره
.......................................
خل تلوم الناس بينه ماتهمنه
على حب هاي الخِدامه انشد حِزِمنه
نعتبر أم الأماجد هيه أمنه
نبتعد والزهره بالمجلس تلمنه

هالعزاء...يضمن للمُحِب أجره
هالعزاء....لوما نظرة الزهره
..........................................
بالعشگ يهل العشگ صرنه عوابس
وابمحبة فاطمه يحله التنافس
غير هاي الخدمه ابد ماعدنه واهس
واعله كل جو يختلف جو المجالس

هالعزاء....حَتماً يختلف عطره
هالعزاء....لوما نظرة الزهره
........................................
إي وحگ زينب واخوهه الغالي عباس
نبقه خدام الزچيه الآخر انفاس
عالم الخدمه يوادم عالم احساس
باچر ايبيض وجهنه ونرفع الراس

هالعزاء...نعمه ونكسب البُشره
هالعزاء....لوما نظرة الزهره

سيد علي الموسوي

قصيدة للامام القاسم الغريب ابن الكاظم ع..

وين اهلكم
وين اهلكم
يالساده چاليش متطشر شملكم
...
عدكم ابجسر الرصافه مات امام
وواحد ابابل أكل عمره الحنين
منكم المسموم والساحگته خيل
وما سٌلم من الذبح حته الجنين
ليش ماعدكم هلا بذيچ الديار
إبوين ماعدالله گاع امطشرين

صعبه صعبه
دنيه غربه
وابراحة البال مانوّخ جَملكم
...
بيكم بسامره وبگاع الدجيل
وبيكم بإيران شعلو چبده نار
وجعفر الطيار بالاردن غريب
وابوطالب حتى ماعنده مزار
وفاطمه الزهره بلا گبه وضريح
والامام المهدي ملّ الانتظار

نار اجتكم
شتتكم
واشما تضجون محد يفزع إلكم
...
عدكم اباخمره دعبل عنه گال
ومرقد الحمزه غريب اعله الجبال
وبَعلبك محتظه جوهرة الحياء
وبمصر ماتت نفيسه ام الدلال
ومسلم بكوفان طاح أمن السطوح
وشدو برجلينه ياوسفه الحبال

ذبّحوكم
هجّروكم
ياأكرم الناس يالمحد مثلكم
...
عائلة أشرف نبي وتتشردون
وعدكم اجروح ابقيع النائبات
وباراضي الشام خير أمن الله ضيم
دفنو اهناكه بنات امگبعات
زينب وغربتهه ماشالتهه گاع
آه يم عون ودموعچ جاريات

لو رقيه
هم سبيه
آ يالبعيدين يالمحد وصلكم
....
زفره من أحشائنه الليله تصيح
آ يالقاسم يبن موسى الحبيس
روحك ابقم اعله معصومه تطوف
وامنياتك يم علي ذاكه الانيس
الحله خدامك يقاسم موغريب
وانته عالحله وضواحيهه رئيس

ياجرحنه
شيعه احنه
خدام الاحسين سجلونه ابسجلكم
...
عندك أبنيه عفتهه إبلا حنان
فاطمه ويامحله هالاسم العظيم
وي امهه وجدهه راحت للحجاز
عبرت الصحراء بالعقل الحكيم
مثل ماامهه الزجيه بالحساب
اتعبّر الشيعه السراط المستقيم

صح زغيره
بس اميره
هوه انتم ابواب للرحمه اصلكم
....
محمد الجماسي
اللهم عجل لوليك الفرج

هالليله بأصوات النحيب
نصرخ وداعا يالغريب
واقاسما..واقاسما
...
مثل مانحيي الليالي الفاطميه
ننصب اعله القاسم الليله العزبه
انواسي ابوه المندفن بالكاظميه
وللرضا انقدم تعازي بهالمسيه

ياوسفه اشراف العباد
كل واحد ايموت ابلاد
واقاسما...واقاسما
....
فاطمه المعصومه كون الليله يمه
بآخر انفاسه تواسيه وتشمه
ابشوفة احبابه الغريب ايزول همه
وماتضل الدنيه بين اعيونه ضلمه

معصومه يمه الليله كون
اخت واخوهه يلتقون
واقاسما..واقاسما
...
عنده بس ابنيه ياناس وزغيره
لااهل يمه ولايمه عشيره
بآخر انفاسه بقه الناظر يديره
عله احسين اللمو اضلوعه ابحصيره

هذا الامام اشكد حنين
يبجي وينادي اهلي وين
واقاسما..واقاسما
...
ناس الامضيفينه من شافو يعاني
والعمر ماباقي ينعد بالثواني
ناشدو عن اسمه كال القاسم آني
ابن موسى الكاظم وسيد زماني

بس الوكت بايامي دار
خلاني احن ليل ونهار
واقاسما..واقاسما
....
كلهم اخذو ابنيتي لو رحتو الوطنه
هيه الاتدليكم اعله ابيوت اهلنه
وانتو ماقصرتو يالكلكم محنه
بالحشر ويانه مثواكم الجنه

ومن غمض اعيونه الامام
سووله بالحله مقام
واقاسما..واقاسما
....
كون هاي الليله نلتم بمزاره
نلطم بحركتنه وانون بحراره
بالكلب بانين اله كبه ومناره
يا الهي ارزقنه للقاسم زياره

اخو الرضه وللحاجه باب
هالليله غطوه بالتراب
واقاسما..واقاسما
....
محمد الجماسي
اللهم عجل لوليك الفرج

نزله للسيده الزهراء





مولاتي مولاتي
يافاطمه
١
طاعت الزهره امر واجب عليه
وبصمت من المهد عبد الزجيه
عبد مولاتي صرت صبح ومسيه
واشعر بهذا الشرف لايگ عليه

بعيوني وضنوني
شايلها عشگ
وگليبي بس الها
كل لحظه يدگ
بكل مجلس وياها
لا ما افترگ

يشهدلي يشهدلي
رب السمه

مولاتي مولاتي
يافاطمه
٢

صرت عبد الفاطمه ويشهد بكائي
بالمجالس عابس بهذا انتمائي
أشعر مقصر رغم هذا وفائي
ردت منها بالحشر اخذ جزائي

بالدمعه من انعه
ترسمني صور
علتني وخلتني
أشعر بالفخر
خادمها اتشرف
وبطول الدهر

أنسيه حوريه
ياعالمه
مولاتي مولاتي
يافاطمه

٣

شما أقدم خدمتي أشعر قليله
وابد ما اسمع حچي الناس الدخيله
عشرتي وياها والسفره طويله
باچر بيوم بالحشر هيه الكفيله

وياها والگاها
تشفع بس الي
من احجي واتباها
يسمع عاذلي
هالليله الخاطرها
احضر يا علي

يحضرني يحضرني
حامي الحمه
مولاتي مولاتي
يافاطمه
٤

الها متحزم لحد يوم المنيه
للمجالس احضر بيوم العزيه
اشگد قليله بالسنه لجل الزجيه
اتلث روايات الليالي الفاطميه

ما اشبع من اسمع
نجمات السمه
من تطلع بالمدمع
تنعه فاطمه
ما ملها
تبقه الها
روحي هايمه

رويني رويني
شابع ضمه
مولاتي مولاتي
يافاطمه
٥

بالليالي الفاطميه اكتبت عهدي
ابقه احييها وعلي يشهد المهدي
هالليالي ما املها وهيه عندي
مثل امي ومثل ابويه ومثل ولدي

احزاني ودمعاتي
تبقه للابد
للزهره من زغري
منطيها عهد
حضريني ناديتچ
يالزهره مدد

وعيوني وعيوني
تبچي دمه
مولاتي مولاتي
يافاطمه







لاتنسون والدي ووالدتي وأبني عباس من الرحمه والمغفره خادمكم رياض الرسل الجابري

الصديق الغالي
#الرادود عز الدين ابو سلطان في ذمة الله
انا لله وانا اليه راجعون

نظره مولاتي فاطمه


 
       يزهراء      تـرتـفـع صـرختنه
       يزهراء      خدمـتـچ جمعَتنه

                     *---------------*---------------*

الساوم بضلعچ تره ايعيش ابندامه
حـالـه حـال الخلـه بخدودچ علامه
الله ميسجله بسجل هـاي الخدامه
يخسر الـدنـيـه ويـذل يــوم القيامه

     تشفعين      لـلـتـهـل اعـيـونــه
     تشفعين      لـلـخَـدم مضمونـه

                     *---------------*---------------*

خدمتچ يـــــم الحسن خيمه علينه
واليعوف الصرخه هاي يعوف دينه
والله والله عالـضـلـع مـــا جاملينه
والله يـدري يالزچيه اشـگـد بچينه

      بلدموع      قصّتچ نرويهه
      بلدموع      نــارچ انطفيهه

                     *---------------*---------------*

دمعة عيونه المحب لجلچ يصبهه
انتي ياهي والرجس بالخد ضربهه
شفتي نار الضالمه اليسعر حطبهه
صعبه اگولن فاطمه الكسرو گلبهه

     يگولون      وكّعوا محسنهه
     يگولون      والجروح اذنهه

                     *---------------*---------------*

بـاب دارچ مـحـتـرگ لــمـــن سمعنه
ذاك يــــوم وهذا يــــوم ايهل دمعنه
مجلسچ خيمه وتحت ضله انجمعنه
الـچ فــدوه اصدورنه ومـحـد منعنه

      يضنون      كسرتچ ننساهـه
      يضنون      ننسى بضعة طه

                     *---------------*---------------*

رادو انـعـوفـچ تــره وننسى القضيه
واحـنـه مـنـعـوف اللطم حــد المنيه
عـهـد هــــذا ويـاچ يالـزهـره الزچيه
صرخه وحده اتصيح هاي الرافضيه

     الچفوف      لللطم منـــذوره
     الچفوف      تنگطع معذوره

                     *---------------*---------------*

لوعه الـــــچ بصدورنه ويلهب جمرهه
يالـزچـيـه وهـالـخـدم نـــذرت عمرهه
شــــــرف تبقه الخدمه لليعرف قدرهه
انضمد اضلوعچ نحس ويخف كسرهه

       دعيناچ      فاطمه حضرينه
       دعيناچ      بالخدم سجلينه

                     *---------------*---------------*

      ✍ خادم الحسين ع
الشاعر رعد الچريخي

.

(٣) روايات..
مايطفن جمره من شهگة دموعي
(٣)  روايات..
بيهن الطم ما احس كسر بضلوعي
مايكفن اشرح ابعاد الرزيه
ريته عمري كله مجلس للزچیه

ـــــــــــــــــ ❁ ❁ ❁ ــــــــــــــــ
.
هذا یاگلب انهظم
هذا یاخد انلطم
یاضلع هذا الفتح درب المنایه
.
ضجت املاك السمه
ويه دمعت فاطمه
بعصرة الباب انولد جرح الولايه
.
هذا مو دمها الجره
هايه سوره ميسره
تناثرت بالسطره عالخد آيه آيه
.
لو قلمنه من الشجر
والحبر ماي البحر
ما نوفي چویه من خیط العبایه
.
الهه دمعات
درسن وحفظن الم كل المواجع
إلهه دمعات
للبچو من الفگد صارن مراجع
منها شوصف يا مصاب ويارزيه
ريته عمري كله مجلس للزچیه
.
.ـــــــــــــــــ ❁ ❁ ❁ ــــــــــــــــ
.
فاطمه روح النبي
من يرتلها الوحي
يفتتح بالبسمله ويلفظ اسمها
.
سر الدموع الجرن
ويه وجنتها اشحچن
لیا سبب منعوها ماتذرف المها
.
عدها كل جرة نفس
سحگه من حافر فرس
يعني هاي الشهگه عد الله شعظمها
.
ثلث روايات الجرح
مایوفن بالشرح
   فاطمه وسرها وکرامتها وهظمها
.
هالروایات...
حتی نجري الدمعه ونداوي جرحنه
هالروایات..
بيها نفهم كل مناهجنه وشرعنه
حتی نفهم کل جروح الغاضریه
ريته عمري كله مجلس للزچیه
.
. ـــــــــــــــــ ❁ ❁ ❁ ــــــــــــــــ
.
فاطمه نور وعِلم
من أفك سر الاسم 
بالحروف الخمسه أشعر جرح المصاب
.
بالرزيه آني اعتقد
واستدل واستند
خمسه اصحاب الكسا يعصرهم الباب
.
سر اسمها والعصر
ترجم اسباب الكسر
يعني هيه أول ضلع من طه ينعاب
.
يعني سورة كوثره
دمعه طاحت عالثره
دمعه انظر بيها عصره ورفسه وصواب
.
اعظم اسرار...
ياكلام اترتله دموع النواظر
اعظم اسرار..
الصدر شنهي شحچه بدوس الحوافر
من یفسر شهگة البضعه الرضيه
ريته عمري كله مجلس للزچیه

.ـــــــــــــــــ ❁ ❁ ❁ ــــــــــــــــ
.
فاطمه سر كربله
لمن حسين انوله
من مصيبتها اشاهد آنه وضعه
.
سر ضلعها الي انكسر
رادته يواسي النحر
يعتلي بالعصره بسمار ويگطعه
.
شنهي سر كلمة وإن
المت ام الحزن
الشمر يشتم علي وزينب تسمعه
.
فاطمه ليش انولت
بلطمه والعين انعمت
بعين ابو فاضل سهم محد يطلعه
.
مثل ابنها..
ينذبح محسنها بالرفسه الفضيعه
مثل ابنها...
يعني نبلة حرمله تذبح رضيعه
هذا سر مامستتر من القضيه
ريته عمري كله مجلس للزچیه
.
.ـــــــــــــــــ ❁ ❁ ❁ ــــــــــــــــ


عنها لو سائل سأل
يركض اعلام الجهل
يسفّه اللي بدمّـعته ينشد عليها
.
عالطهر من كل كتر
هجمت اقلام الكفر
تمحي آثار  الذبح بضعة أبيها
.
الروايه الواحده
ماتفهمنه شسده
عالوديعه وعن سبب عبرة بچيها
.
العمرها 18 ..
توسدت لوح النعش
والزراگ من الضلع واصل لديها
.
هايشعيه:
كل زمان العابده تنادي الظليمه
هايشيعه:
والمجالس تكشف خيوط الجريمه
والروايات الشريفه بكل مسيه
نحيي بيهن الليالي الفاطميه



.ـــــــــــــــــ ❁ ❁ ❁ ـــــــــــــــــ
.
ربي ما عنده هَزَل
(٣)روايات الأجل
الله ثبتهن لجل عمق المصيبه

رايد يثبّت أثر
كرر بهذا القدر
ربط رقم (٣) بالزهره الغريبه
.
أكد بهذا العدد
لان راد الي أجتهد
يعرف اسم الي كتل أمنا الحبيبه
.
اسمه لابد ينفضح 
(٣) حروفه تتضح
ذاكه أللي بعصرته طاحت سليبه
.
بالسقيفه.
(٣) غصبو حگ علي وداسو تراثه
بالسقيفه
(٣) والقاتل حروف أسمه (٣)
.
والأدله تظمنت سر القضيه
ريته عمري كله مجلس للزچیه
.
.
تمت بفضل ربي وعطاء اهل البيت عليهم السلام.....
.
حسن الموالي الفاطمي
.

(مجلسج)
...................
فاطمه ايظل عامرـــ مجلسج . مجلسج
بـي محمـد حاضرـــ مجلسج . مجلسج
****
مجلسج يلزهره* كل وكت منتظره* بي كرامه ونظـره*
من ألاهي الباري
يحمـل القدسيـــه* بي أحس روحيــــه* حيل أثــر بيـه*
عايش بأفكاري
جنه يوم العاشرـــ مجلسج . مجلسج
****
يم حسـن وحسينـي* ألـج نــاذر عينـي* خادمـج تدرينــي*
بهالعــزه متواجـد
دمعي ألج نزلته* وصدري ألج حضرته* باللطـم وسمتـه*
هذا جفي الشاهـد
ماأعوفـن نـاذرـــ مجلسج . مجلسج
*****



ماتطيب اجروحـي* ومايخلص نوحـي* ابمصابـج روحي*
امعذبه ومالومه
الحــزن غاطيهـا* وتنحـب امخليهــا* مصرعــج ماذيهـا*
والظلع وأدمومه
وبي أهل الناظـرـــ مجلسج . مجلسج
*****
ياحلات الدمعــه* بمجلسج يلبضعـه* تشتعل كالشمعــه*
بالكبرألكاها
الحزن والونــه* ماكو أفضل منــه* بي مفاز وجنــه*
ياحبيبة طاها
ألنه يشفع باجـرـــ مجلسج . مجلسج
***
دمعتي الابجيها* يم حسن سجليهـا* وللحشر ضميهــا*
من يصير احسابي
خدمتـج محلاها* أبقه بيها اتبــاها* مطمئـن ألكاهـــا*
امسجلــه بكتابـي
فرج كلبي الحايرـــ مجلسج . مجلسج
****

السمه وسكانهــا* أرتفع أذانهــا* وأعلنت أحزانهــا*
ابمصابج فاطـم
كلها لجلك تنعـه* بمقتلج يلبضعـه* وبالسماء السبعه*
ظل عزائج قائـم
بي ألاهـج أآمــرـــ مجلسج . مجلسج
*****
خادم أهل البيت(ع)
الشاعر: حيدر كامل العبودي
07815363696

🏴من آذاها فقد إذاني 🏴🥺
ــــــــــــــــــــــــــــــــــــــــــــــــــــــــ


نعي مفجع للزهراء ع


لــمــن غـبـت يـا سـيـد الـكـون
ضلعي انكسـر وتـهـل الـعـيـون
كـون ابضعـتك تـعـلـم اشـلـون
اهـل الـحـقـد گـامـوا يعصرون


جتنـه الـخـلافـه گـومـك اتـريـد
ولينـه اعتنت بـويـه الـهـواديـد
فجئـه وعفتني وتـبـعـد ابـعـيـد
وفـعـلـت فعلهه الموش اجاويـد


افـلان الأجـو وفـلان مـعــروف
هجمو علينـه وعـتـلـه الـخـوف
نـار وحـطبـهـم زيـنـب اتـشـوف
صحت استـعـدي النار الأطفوف

*------------------------*--------------------*

✍خادم الزهراء ع
الشاعر رعد الجريخي

نزال

خادم الزهره وأظل أتباهه ..
              وأبقه دوم على العهد وياهه ..
          يالزجيه  .. يالزجيه
.....................................
انه خادم وابقه رافع راسي ..
فاطمه انتي الهوه البنفاسي ..
أغلى من اخواني وهلي وناسي ..
ونبض كلبي حيدري وعباسي ..
دوم مأساتج تعيش ويانه ..
             ياأساس المذهب وعنوانه ..
        يالزجيه .. يالزجيه
......................................
هالهويه بحب علي مختومه ..
وبصمة العباس سبع الحومه ..
وبيهه دمعه عالوجه مرسومه ..
عالذبيح السلبوله هدومه ..
للزجيه خادم وتدروني ..
               دوم ماينشف دمعهه اعيوني ..
       يالزجيه .. يالزجيه
....................................
انه مابطل ابد وناتي ..
عالوجن حفرن نهر دمعاتي ..
عالزجيه الطاهره مولاتي ..
ادري بيهه تقضي كل حاجاتي ..
خيرج مغطيني حد الهامه ..
                       نظره يامولاتي لللطامه ..
يالزجيه .. يالزجيه
..............................
الليله عالزهره لطم وقرايه ..
وكلنه نحضر مجلسج وفايه..
كوثر انتي والشرب من مايه..
غرف منج  مكرمات هوايه ..
مكرماتج فاطمه مشهوده ..
                       اي وحك الكطعوله ازنوده ..
يالزجيه .. يالزجيه
.................................
الحضر مجلس فاطمه هنياله ..
لابس اسود واللطم يحلاله ..
الليله تجري دموعنه هماله ..
جن شهر عاشور هل اهلاله ..
هالليالي الفاطمه نحييهه..
                      أبوصالح ندري حاضر بيهه ..
يالزجيه  ..  يالزجيه
.................................
الليله حتى المنبر يهل الدمع ..
عالزجيه الطاهره وكسر الضلع ..
كل موالي الليله خل يعلك شمع ..
من قره الرادوود نبجي ونستمع ..
الخدمه كلمه والعرف معناهه ..
                          هامته بعلو النجم علاهه ..
يالزجيه .. يالزجيه
.....................................
الزجيه عاشت بوجداني ..
ابد مافارك اسمهه الساني ..
ابقه للموت أبغض المرواني ..
ألعن الاول وأسب الثاني ..
الظلم بضعة طاهه والوج ناره ..
                             بصدر كل شيعي غرز بسماره ..
       يالزجيه  ..  يالزجيه
......................................
حيدر مطر العبادي

امير المؤمنين ع يخاطب الزهراء ع وهي في قبرها…
… ..
مشتاگلج … يالبية طيبج زارعة
مشتاگلج ... كد رحمة الله الواسعة
يا فاطمة .. يا فاطمة… يافاطمة
… ..
يم سوالف دافية وتكطر حنان
شرد اسولف عنج ايحير اللسان
انت رحمه امن الاله ابكل زمان
وبعد عينج ما بقت رحمة وامان

وي موتج … مات الورد يالغالية
وي موتج … طاحت شمسنة العالية
متألمة… متألمة… متألمة
… ..

يل صفاتج تختلف عن كل صفات
ابروحتج كل معنى ماظل للحياة
مو عجيبة الكون يبجيلج فرات
ومو عجيبة الفرح بعدج ذكره مات

حزنانه… لمصيبتج دنيانه
حزنانه… ارض وسمة ويانه
تبجي السمة... تبجي السمة... تبجي السمة
… .
انتي يازهرة جنان امن الزهور
امچانچ البستان مو ذيج الاكبور
ما مصدك ميته والكبرج أزور
والج اقرة الفاتحة واشعل بخور

معقولة … الفاتحة اقرالج
معقولة ... جوه التُراب أخيالج
شهل خاتمة… شهل خاتمة…شهل خاتمة
… .
يالتركتني وانه بعازه الهواج
داري ظلمة يالزجية ابلا ضواج
علّيتي ما تشفة الا من دواج
انه ميت بس جسد باقي وراج

تدريني … ما اهو اعيش أبدونج
تدريني … للموت احن وأعيونج
حلم ارسمة… حلم ارسمة… حلم ارسمة
… .
صورتج بعيوني مكسورة ظلوع
وحركة الباب بحقد ذيج الجموع
روحي تاخذني الحجرتج بالدموع
اعلك ابحزاني يا زهرة الشموع

كل ليلة… ادخل حجرتج ناعي
كل ليلة… اللطم عليج اظلاعي
وخدي اللطمة… وخدي واللطمة ..وخدي اللطمة

……
بية حسرة الموتتج حسرة يتيم
ماتت امة وعافته بحزنه يهيم
الدنية من بعدج احسنهة جحيم
يالمشيتي بظلع مكسور وألليم

يالغالية… روحي الج مشتاكة
يالغالية… كولي اشوكت نتلاكة
يالعالمة… يالعالمة… يالعالمة
… .
الحمدلله رب العالمين
اللهم صل على محمد وال محمد
موسى الخادم

 شهادة الزهراء
.
.
.

ليل .. لامــاتتــسولف ســـاعاته
ليل .. شيخلص الليل وصفناته
فگد الزهره
تـارك جمره
وســـط اضــلوعي

***

يجيــني الليـــل وتــأذن .. بيه اللوعه والوحده
وتضكني الســوالف حيل .. مـثل الضاكه لحده
الشــده البيهـا ابو الحمله .. مثلـها ماتجي شده
الگـلبه انـصاب ياهالناس .. ياچف يگدر ايشده
 
ليل .. وشنسه امن الزهره وشتذكر
ليل .. وحيدر حاير چـــن مو حيدر
الحاير بامره
تــارك جـمره
وســط اضـــلوعي

***

من يسكت حچي الوادم .. تبدي تحچي صفناتي
اغـَرب وي حچي السكته .. وتـــفــززني دمــعاتي
اصــد لمچــانـــهــا خالــي .. وتعله حيل شهگاتي
اوليـــداتـــي اذا سمــعـــو .. تزيد النوب جمراتي
 
ليل .. ولو فزو شيسكت اعيوني
ليل .. وخاف الشمات ايسمعوني
الهم اشكبره
تـارك جمــره
وســـط اضــلوعي

***

علي الماطاحت ادموعه .. بس من خشية الباري
عگــب عيـون ام بيتي .. دمعي بكل وكت جاري
الوادم عايشــه جويريد .. وانــه عايـــش بــناري
ولان نور الله مـو بالدر .. اضلم جاي احس داري
 
ليل .. الدنيه ابلايه الزهرا سوده
ليل .. عـالفاگد يستـقوي بــزوده
ملح العشره
تـارك جـمره
وســط اضــلوعي

***

چنت مـو باب لابيبــان .. اشيل ومــا اهم بيها
هــسه ثــوبــي بـالگــوه .. اشيلــه وهاي تاليها
يتبده الحچـي اليــوجع .. كــل ماعيني ابديها
عـيشه ابلايه ام حسين .. هالعيشه اشيمشيها
 
ليل .. وشيعـــت بهالليــل احلامي
ليل .. عگــب الـزهرا وحشه ايامي
الشيع عمره
تـارك جـمره
وســط ضــلوعي

***

ادلــــي بالصـــبــر وانـــي .. محـــتاج اليـدلـــــيني
عگــب عيــون ابو فـاطم .. منـــو بفاطم يواسيني
حسبــه اتجيــبني وحسبه .. الذكـــراهـا تــوديــني
احس مو بس دمع عيناي .. احسن كلشي يچويني
 
ليل .. بدمعات اعويناتي اتسله
ليل .. هيچ يصير اليفـــگد خله
خلي وكسره
تــارك جـمره
وســـط ضـــلوعي
***
حيدر تركي الكربلائي
 
 
 

 
الفاطميه
.
.
.

باب فاطم نار وجت بيها  .. وماكو خـّير يفزع ايطفيها
واويلاه واويلاه يافاطمه
-----

مشـــتعــل بالنـــار بـاب الله ونبــيه
ومايطـــفوها بـــدواعــي الطـــائفيه
الــناس من ذاك الزمــان وهــيه هيه
اتجامل الباطل على احساب الزچيه

تستجير الطاهره مخليها  .. وماكو خـّير يفزع ايطفيها
واويلاه واويلاه يافاطمه

*

المافــزع للــزهره لـــمــن وجـــو الــباب
ينـــلعن طــبعـــا اذا طــاريـــه ينـــجاب
گــالو الصديق واحــنــه نــگول چــذاب
اليسطي عالحق مانسميه من الاصحاب
 
بت رسول الله تضل تاليها .. ماكو خير يفزع يطفياها
واويلاه واويلاه يافاطمه

**

اليبچي عالزهراء دوم ودمعه يهلي
وباب فاطــمه حدر ظلعه نـار تغلي
اليلعــن الثاني طبيعي بـدلوه يدلي
ابلعنه ميهــدد يـناس السلم الاهلي

الخط الاحمر فاطمه ندريها .. وماكو خير يفزع يطفيها
واويلاه واويلاه يافاطمه

*

الماتشـيله الغيره غيــره انجيـبله منين
وشاف باب الزهره تحرگ بــيه ملاعين
ايغار عالوحده الاسلاميه وعلى الــدين
ومايغــار اعلــه الزچيـــه ام الحـــسين
 
بت نبيه ابسكتته ايجازيها .. وماكو خير يفزع ايطفيها
واويلاه .واويلاه يافاطمه

*

الـ وآن  طاغيهم حقد لـمن حچاها
خلف باب الدار فاطــم مــن دراها
الــنار مگـبــلهـــا والبســـمار بگـفها
وبالوصيه مگيده اچــفوفه حماها
 
ليش دخان الحطب عاميها .. وماكو خير يفزع يطفيها
واويلاه واويلاه يافاطمه

**

فاطمه اكبر قضــيه وهالقـــضيه
ونــبقه نصرخ يالثـارات الزچـيـه
النكر ظلع الطــاهره وهاي الرزيه
خل يحظر عذر يم حامي الحميه
 
اشتنفع الاعذار يم واليها .. ماكو خير يفزع يطفيها
واويلاه واويلاه يافطمه
**
حيدر تركي الكربلائي
 
 
 
 
 

موشح للسيدة الزهراء
.
.
.

فاتـــحه الفـــاطــمه ســويناها
فاتـــحه ومــايــوم لمـــينـــاها

***

ماتطـــيح الفاتحـــه طول الزمن
بيها المعزب المهـدي ابن الحسن
رموشه من گــد البـواچي شـيبن
من كثر ما كـل وكـــت يـنعـــاها

***

كل وكـت نبچــيها  صارالنه سنين
امنه واحنــه بفاتحتـــها امنــگبين
والحسين انوح لجــل ام الحـسين
عـــاده بــس هالعـــاده ماعفنــاها

***

انعوفها رادونه معروفه الاسباب
حتى تبرد ســالفة حـرگة البــاب
احنه وادم للحــشر عدنه مصاب
ننـسه كــلشي وهاي ماننـــساها

***

ننسه كلشي محتمل حتى الارواح
ونسـتلـــذ لجــل الزچيه بهالجراح
اشمــا تعــبنــه بالــبواچي نستراح
الدمــعه لجــل الزهــره يامــحلاها

***

نبچــي لجل الزهره مو للحسنات
نبچي لجل اخدودها المتجرحات
نبچــي لجل اظلوعها المتهشمات
لــعــنــة الله عـــــالــــذي اذاهـــا

***

لعــنـــة الله عالـــذي اذه الـبتــــول
باچر اگبال النبي اشيحچي ويگول
انطنه شــرعيه بفـــعـلته للـــخيول
تســحگ اضـــلوع الســـبط خـلاها

***

اضلوعه من السحگ مطحونه طحن
وفوگ هذا السحـــگ متـــوليه طعن
تنــظـــرب نـسـوانه لــو رادت تـــون
الســــنه هــــذي ظـــالم الـســـــناها
***
حيدر تركي الكربلائي

https://vt.tiktok.com/ZSjA9J5xX/

مقدمه للزهراء ع

ظلعچ يم الحسن
نبچيله ابكل زمن
سلاماً سلاماً    سلاماً عالظلع
©©©©©©©©©©©

الگالو اصحاب النبي وطوع الرساله
ابمقتلچ غضـــبو علي ورب الجلاله
والجريمتهم كســـر ظلعــــــچ دلاله
حالــچ ايفت الصـــخر كلشي بچاله
نور الكون انطفه
ياروح المصطفى
سلاماً سلاماً    سلاماً عالظلع
©©©©©©©©©©©

ياسلام الله على المحسن جنينچ
طحتي يالزهره اوگع گدام عينچ
الله يجــــــــبر گلبچ والله يعينچ
امدوهنه وتتصـارخ اگبالچ بنينچ
گلبچ يلهب جمـر
يالخدچ منصـطر
سلاماً سلاماً    سلاماً عالظلع
©©©©©©©©©©©

صاح جبـــرائيل ودمــــــوعه جريه
الله يلعن قاتل الزهــره الزچـــــيه
اللــه واكــــبر ياعظـــم هاي الرزيه
عمره لحظه المحسن وميت خطيه
موهــــين مقتله
هاي اكبر معظله
سلاماً سلاماً    سلاماً عالظلع
©©©©©©©©©©©

شحال گلب الحسن وحسين ابغيابچ
وزينب اليلهب گلبـها ابنــــــار بابـــچ
يالوديعه ايشـــيب الرضــع عـــذابچ
الله يجـــبر كسرچ ويجبر مصــــابچ
الله انطاج الصبر
وتحمـلتي الكسر
سلاماً سلاماً    سلاماً عالظلع
©©©©©©©©©©©

بالروايات الثـــــــــلاثه الفاطمـــــيه
انموت اذا مانحـــــظر اقرايه وعزيه
اي وحق دمعة اعيـــــــونج يالزچيه
ايصير واهس عدنه من نلطم سويه
بالمجلس ننجمع
ونواسـيج ابدمع
سلاماً سلاماً    سلاماً عالظلع
©©©©©©©©©©

الخادم
كامل السعيدي

خِدَّامِچ..يا فاطمه...كل عَزَه مِتحَزمَه
سِيماهُم...في وُجُوهِهِم...مِن أَثَر الخِدمَه

إنَّ مَن جَدَّ وَجَد...مَكرَمَه اتفوق العَجَب
هذا قانون العشگ..واحله قانون انحسب
خدمه ناتجهه ربح..ياذهب شنهو الذهب
الله خالقلچ خَدَم...أبد ماتعرف تَعَب

عِد عينچ...يا أم الحسن...كلهه نِطَت كلمه
سِيماهُم...في وُجُوهِهِم...من أثر الخدمه
................................
مُتعِبَه الدنيا لَچَن...حُبكُم ايطيب الخِلك
كل عشگ أصله وَهَم..بس مَحبتكُم صدگ
عِدنه فَترَه اليبتعد..وعالمجالس يفترگ
ياكل ابگلبه النَّدَم...ولابد ايجيبه العِشگ

لحبابچ...خِدمِتِچ فخر...يانعمة النِّعمه
سِيماهُم...في وجُوهِهِم...من أثر الخدمه
..................................
خدمتچ أعظم فرض..والهه كل عاشگ نُوَه
خدمتچ يافاطمه...أغله من شَم الهَوه
إسمچ الطاهر حِرز...وشِفَه للرايد دُوَه
مانعوفچ يم حسن...لا وحگ القُل هُوَه

نهواكم...صَرخَة الخَدَم...وبالعهد ملتزمه
سِيماهُم...في وجُوهِهِم...من أثر الخدمه
.................................
إنتي مَنبَع للعَطُف...ورحمة الله رحمتچ
واجب ومو مُستَحَب...عدنه فرض امحبِّتِچ
نحظر ابهذا العَزَه...حتى نحظه ابنظرتچ
يالزچيه والعُمر...كون يگظي ابخدمتچ

كل خادم...يكسب الشرف..لو سَجِّليتي اسمه
سِيماهُم...في وجُوهِهِم...من أثر الخدمه
.....................................
نعشگ اجواء اللطم...والجرح بينه استقر
ورغم ماتِحمِل حِزن..بيهه نشعر بالفخر
نحظر ونجري الدمع..وَيَّه دمع المنتظر
(قالَ مَولانا الرِّضا)...ألف هنياله الحظر

مَحلاهه...لَمَّة الخَدَم...بالعَزَه مِلتَمَّه
سِيماهُم...في وجُوهِهِم...من أثر الخدمه

سيد علي الموسوي

نزله لمولاتي فاطمة الزهراء عليها السلام

ثار الزجية وثار محسنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
بيدي الامام المهدي من يظهر
ثار الزجية فاطمه وحيدر
وثار الجنين المحسن الاطهر

اسمع خبر يالناشدت عنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
لا يفرح الاذّاها والظالم
ما تبقى تبجي للأبد فاطم
يشفي الظلع من يظهر القائم

وهل السقيفه ينتقم منها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
من يظهر المهدي ويسل سيفه
ياخذ امن الصاب الضلع حيفه
يرضي الزجية المهدي تكليفه

مرقدها يعله ويزهي موطنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
ثاراته بالشيخين يبديها
منّ الدفعها وعتده عليها
يبدي القصاص وامّه يرضيها

كشف العصابه وكل بواطنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
حق الزجية يرجع بچفه
يكشف كبرها والضلع يشفه
يملي الأرض بالرحمه والرئفه

ارض وسمه قادر يوازنها
بيد الامام المهدي ضامنها
٠٠٠٠٠٠٠٠٠٠٠٠٠٠٠٠٠٠
ميخلّي ظالم عايش وحاقد
يفني النواصب ما يضل واحد
تصفى النفوس بدولة القائد

ناس التعيش وياه يطمّنها
بيد الامام المهدي ضامنها

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

قصيدة شور
ياحيدر. ياحيدر
ياحيدر. ياحيدر

ياعلي بية الوجع ما ينحمل
ضلعي ينزف والدمع من دم يهل
لاني ميته ولاني عدله بس جروح
بياذنب ابچي وجنيني ينقتل
فاطمه واذوني ابجي دم خلوني
وصّه بيه الهادي. تالي ما رحموني
امن الكسر محنيّه. بالجمر مچويّه
يا علي تتحمل. احجي ضيم البيّه
ياحيدر. ياحيدر
ياحيدر. ياحيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠
ياعلي كسر الضلع ماظن يطيب
لا تجي وتشوف حالي يالحبيب
حالي يجرح گلبك وخوفي عليك
لا تموت امن البواچي والنحيب
الينجرح بضلوعه. ما تفيده دموعه
بوالدي وبوليدي ياعلي مفجوعه
من عذاب جروحي. والله طلعت روحي
عنك وعن زينب. اخفي وني ونوحي
ياحيدر. ياحيدر
ياحيدر. ياحيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠
من عصرني الظالم بحقده الدفين
ما رحمني ولا رحم حتى الجنين
ما كفاه كسر الضلع وبجي وصيح
يا علي رد وسطر وجهي اللعين
من سطرني بعيني. غايته يأذّيني
والوصية الحالت. بينك ومابيني
ظلعي خل يتكسّر. ما صحت ياحيدر
لو نخيتك اني. ادري ما تتعذر
ياحيدر. ياحيدر
ياحيدر. ياحيدر
٠٠٠٠٠٠٠٠٠٠٠٠٠٠٠٠٠٠٠٠٠٠٠
راح اودعك ياعلي حان الوداع
بعد ما احمل مصايب وفتجاع
الله لا ينطي الكسر ضلعي اصيح
ويلعن الچان السبب بالانقطاع
لو متت عزّيني. للگبر ودّيني
علي الله يعينك. بيدك تواريني
فاطمه المظلومه. من زغر محرومه
بياذنب يا دنيا. اندفن مهضومه
ياحيدر. ياحيدر
ياحيدر. ياحيدر

سيد زيد الفحام

صلوات محمديه /عدد الي تكدرون عليه♻️خدام وخادمات الحسين عليه السلام
نرجوا المشاركه بحمله الصلوات المحمديه نهدي ثوابها الى صاحب العصر والزمان عج و ام البنين ع على نية شفاء الصديق الغالي (ملا عز الدين ابو سلطان )

الله يقضي حوائجكم جميعاً

#اللهم_صل_على_محمد_وال_محمد_وعجل_فرجهم

صلوات محمديه25😔

صلوات محمديه50💐

صلوات محمديه 100🌹

صلوات محمديه /عدد الي تكدرون عليه♻️)
الله يقضي حوائجكم جميعاً

#اللهم_صل_على_محمد_وال_محمد_وعجل_فرجهم

صب يامدمع العين.. راحت ام الحسين
مكسوره وحزينه
امنين الراحه وارتاح.. وياهه الفرح راح
ام روح الحنينه
.......................

لاتكطع مسيلك يادمع عيني
انزل عله خدودي بحرگه جويني
اريد اذبل بعدهه شلي بسنيني
بعد ماضل بشر بالدنيا يرويني

كلشي بداخلي ايصيح.. بنگلت جدمك اتطيح
حيدر ياعلينه
بغربه ووحشه ضليت.. راحت شمعت البيت
ام روح الحنينه
.....................

اغّسل بيهه اني وهيه مالومه
وشفت شوفه تخلي الروح ملجومه
من كد العصر ضلعين مهشومه
ومتن ازرك وفوك العين ملطومه

هواي تاذت هواي.. حيره شلون اصب ماي
ياگلبي وونينه
جف محروك بالنار.. ماتت بيهه اثار
ام روح الحنينه
...........................

بليل اضلم شلتهه بحضني للتربه
امشي والتفت لاتحضر الغربه
الشامت لو وكف عاليندفن صعبه
يحزن بالوجه بس يفرح بگلبه

سوه البيه ماصار.. الحارك داري بالنار
ماريده يجينه
وحدي بليل دفان.. شايل نعش الأحزان
ام روح الحنينه
.......................

بكبرهه احفر أنه وتتراجف ايمني
واحس بدمي مايسري بشراييني
علي كلتلهه اني ماتشوفيني
اول مره احجي وماتحاجيني

سكته الدنيه والناس.. وكوه اشهك بالانفاس
گلبي الله اليعينه
حيلي اعليهه مهدوم.. أحجي وبلگت ادكوم
ام روح الحنينه
.........................

هلت اترابهه ونهالت اجروحي
شلون ارجع البيتي وبطرك روحي
دفنت الزهره اني وهدمت اسفوحي
يم زينب شلون اكدر أكف نوحي

راجع محني وتشوف.. مترب راس وجفوف
وجروحي ضعينه
بثوبي دموع وتراب.. دافن اغله الاحباب
ام روح الحنينه



محمد هادي العقابي

قصيدة { الوصية }

أدري بيهه ... أعرف الچف السطرهه

أدري بيهه ... أعرف الفـتنـه وأمرهه

أدري بيهه ... ولازم أختار الوصيّه

..................................................................................................................................


آني حيدر يلّي تسأل ياهو حيدر

مؤمن برب العـــرش من عالم الذر

فاجعه بفــگـــــد الزچيه وربنا قدّر

صاحــــــــت الأملاك بيهه اللهُ أكبر


خطوه خطوه ... عالأثر كل خطوه دمعه
خطوه خطوه ... ليلي وحشه بغير شمعه
خطوه خطوه ... والگمر مدفون ضيّه

..................................................................................................................................


بهالمصيبه فــاطـمــه كـتــمـت حزنـهه

لخاطر عيوني شفتهه تخفــي ونّهـه

بت نبي الرحمه وسـگـط منـهه إبنهـه

والدفع بابـــي كـسـر ضلعيــن منهــه


بالوصيه ... ملتزم هذا قراري
بالوصيه ... بالغمد يبقه فُقاري
بالوصيه ... اتحدِدَت هاي الرزيه

..................................................................................................................................


فاطمه إتغيّـر وضعها وزاد حـزني

چنت أشاهدهه تون وبروحي ونّي

گامت تصلي الزچيه بظهــر محني

لونها المخطوف ماخذ حيلي منّي


شاهدتها ... ابيا علي توگف تصـلّي

شاهدتها ... بيهه حسره وما تگلّي

شاهدتها ... خايفه الزهره عليّه

..................................................................................................................................


والله لوما هالـوصـيّــه الدنيــه تـنــدار

ياهو يوصل فاطمه ويهجم على الدار

لو زعل فقّـاري يــهــوه إرگـاب الأشرار

كل مياديني شهودي وماكو أسرار


آني حيدر ... ما زعل ميــداني لحظه
آني حيدر ... والنصر سيفي يفرضه
آني حيدر ... أبو الصوله الحيدريه

..................................................................................................................................


وصّـت الزهره بوصـيتها وبالأسـباب

ما تشيّـعــهه العصابه الدفعـت الباب

بس أهلهه والخواص بربعي الأطياب

هيچ ناخــذ فاطـــمـه نواريـهــه التراب


هالوديـعه ... يشتكي باچر ضلعهه
هالوديعه ... امن السطـرهه والدفعهه
هالوديعه ... تشتكي الرب البريّه

..................................................................................................................................


ينكسر بالفجـعـه گلبي ودمعي لو صَبْ

لأن تنـشدني اعله أُمهه الليله زينب

دمعي يجري روحي ذابت گلبي يلهب

آني أدري باليتم عالطـفــلــه يصعب


أدري زينب ... يـبتدي الليله هضـمهه
أدري زينب ... من تودع الزهره أُمهه
أدري زينب ... إلهه بالحسره بقيه

..................................................................................................................................


من أشـيّــع فاطـمــه يسبقني دمعي

هذا نعش الغالــيـــــه خل يطفه شمعي

شيّعتهه الليله بس إيدي اعله ضلعي

مو جميل الصبر وآني الصبر طبعي


كل حياتي ... رايح أدفن كل حياتي
كل حياتي ... سنين عمري وذكرياتي
كل حياتي ... هيّه روحي وعمري هيّه

..................................................................................................................................


خادم الحسين عليه السلام


عمار هليل الواسطي

قصيدة لشهادة الزهراء ع

من گلبي صحت.. يمج شيبت
اكتب عالگبر.. ماتت من وكت
……..

بخنكة الصوت.. صحت ياعافيتي بعدج هالعمر ضاع
بخنكة الصوت.. آه وايام الحبايب يكضن بساع

بيه حسره وسالفه ومابيه انعه
راح اسولفهن يروحي دمعه دمعه
ياخسارة كلبي ما ادري شكبرهه
كلشي يرجع بس اليموت شيرجعه

ريتي بلا هوه. وعيني بلا ضوه
تسولف دمعتي. ماتت من وكت
.....................

بيت مهيوب. يصير للفقره وطن لو دكو الباب
بيت مهيوب. ومن عتبته مراد اخذو كلهم تراب

دارت الدنيا علينه والله صعبه
ياهظيمه لبيتي طبت ناس غربه
18 نبضه انتي عمرج ليش اذوج
والقصد چان النبي يشلعون كلبه

مذبوح الامل. دك بابي الاجل
وناده ياعلي. ماتت من وكت
...................

اسمع الاه. من وره الباب وضلع للزهره مكسور
اسمع الاه. وانه اجرع بالصبر يالزهره مجبور

طايحه طيحت نده بحسره شكبرهه
ظلوعج مكسريهه واعله الباب اثرهه
الله يدري الحسره البكلبي بغيابج
كومي يابعد اليشوفن يانظرهه

يرويحة علي. ياناسي وهلي
ما اسمع ردت. ماتت من وكت
.....................

بيه تدرين.. الليل من ايمرني اخلصه بدمعة العين
بيه تدرين.. ضهري محني من فركتج يم الحسين

ذبل عودي والحزن خيم عليه
مامصدك دافنج اني باديه
للمكابر امشي الج محتار حيره
وعل كبر اغفه ودمعتي تضل جريه

اصحه امن الألم.. فراكج جن سهم
وكلشي ايصيح الي.. ماتت من وكت
........................

كلبي مشلوع. بلايه كواك الله لمن ادخل البيت
كلبي مشلوع . هواي وادم بس احس لوحدي ظليت

هواي كبرتيني من عفتيني وحدي
الليل يكضي بدمعتي وايدي اعله خدي
ردت كلمة ياعلي بلسانج انتي
اه ياكبرج اخذ كل فرحه عندي

اوصل بالدمع. بقرآن وشمع
ويرد الكبر. ماتت من وكت


حسين صادق العقابي

يالزهره والله امصابج امأذيني
كل مغربيه أسمج ايبجيني
آه واويلاه آه يازهراء
.............
يم الحسن لمصابج اني احزاني
ياغيرة الله ومنهجي وقرأني
تتغير لأسمج يبضعه الواني
ومشتعله روحي لجلج ابنيراني
يارحمة الباري ويسِر اسنيني
كل مغربيه أسمج ايبجيني
آه واويلاه آه يازهراء
.............
كل ما قرولي اعليج ينزل دمعي
واتمنه لمصابج اكسره ضلعي
مختلف باحزانج وحكَج وضعي
طبعي الحزن والاه صاير طبعي
وايزيد نوحي كلمن ايواسيني
كل مغربيه أسمج ايبجيني
آه واويلاه آه يازهراء
.............
بحنجرتي هضمه وصوتي يطلع كوه
ولطمي لعذابج وادك ابصدري ابقوه
ارد اشعر ابعصرج واريد اتروه
من حزني واشرب من دموعي امروه
والكون كله يسمع من اونيني
كل مغربيه أسمج ايبجيني
آه واويلاه آه يازهراء
.............
موبس نواعي وساعه يخلص نوحي
لجلج يبضعه واضحات اجروحي
روحي المصابج والله اكَلهه روحي
فدوه الج خل تمشي واكتب لوحي
هذا البذل روحه الج كتبيني
كل مغربيه أسمج ايبجيني
آه واويلاه آه يازهراء
.............
لا ما أمل هذا الجزع واهاتي
وازغيره احس لمصيبتج دمعاتي
ماتطفي ناري واشكثر جلماتي
بحجم الفضاء اعليج اضن حسراتي
ابجي عليج وانتِ التهَّديني
كل مغربيه أسمج ايبجيني
آه واويلاه آه يازهراء


الشاعر ياسر العارضي

لليالي الفاطميه
كل دموعي كوثريه
يا زهراء يازهراء
.........
من تمر اول روايه انه استعد
بالقصائد اقره وبياطور أرد
الزهره تحظر بالمجالس واعتقد
لو قريت اعليهه اسمع منهه أعد
والأعد منهه الهويه
كل دموعي كوثريه
يا زهراء يازهراء
.........
مستحيل انساهه مكسورة ضلع
عينهه امورمه وتهل دم ودمع
من كثر ما تنعصر باصعب وضع
الا لحظه اتضل كَلبه وينشلع
واشكبر هاي الرزيه
كل دموعي كوثريه
يا زهراء يازهراء
..........
هوه مو بسمار نابت بالصدر
هاي نقطه اتوضح اذنوب الكفر
وياصدر هوه وتعرض للعصر
وره الباب الزهره لا يهل الغدر
اخ يا ضلع الزجيه
كل دموعي كوثريه
يا زهراء يازهراء
...........
كل روايات المصيبه اثلاثه لا
للي انطت عينهه ازغير العطا
فدك بيهه الكاف من ال كربلا
والهه حته اهتز عرش رب السما
الهه دمعاتي الجريه
كل دموعي كوثريه
يا زهراء يازهراء
............
ثالث اسباط الأمم طاح وهوه
من عرف ضلع امه مكسور التوه
ماكسر ظل عمره شو راح الضوه
صفحه وزغيره العمر جن وانطوه
والبجي لهاي القضيه
كل دموعي كوثريه
يا زهراء يازهراء

ياسر العارضي

من  قصائد الليالي الفاطميه
طف الزهراء .......الشيعتي المقطوع
.
.
بـالمدينه الهـا طــف بـالمدينه
دم نبـينا الــي نـزف دم نبـينا
مارعــوها
لـوعــوهـا
.............فاطمه الزهره البتول
.
.
غمضت شمــس المدينه
          والظلام أصــبح يطوف
والعتب أخـرس أشـوفه
         والحزن عيــــنه تشوف
شـاهــدت بـاب الـزچيه
       منـفتـح مـو للضــــيوف
عاينت عالعـتــبه جمله
       هالـدرب درب الطفوف
.
مـن دمــاها هـالدمه مـن دمــاهــا
جمله كتبت فـاطمه مـن دمــاهــا
شتموها
لوعــوها
.............فاطمه الزهره البتول


.
.
بـس هظـم ليل المصـيبه
           والحــزن ليـله يـطـــول
بيــاذنـب زهـــرة نبــــينا
          هجمت إعْليـها الفـــلول
والعجــب أهــل المــدينه
         تنحــب الفگــد الرسول
وبأمــر حــزب السقــيفه
         هشـمـو ضلـع البــتول
.
لسه خدها  بـي طبع لســه خــدها
آحمــر ودم  الـدمــع لســه خــدها
والمصيبه
والخضيبه
.............فاطمه الزهره البتول
.
.
.
شـاهــدت طـف المـــدينه
             يشبـــه الطـــف كربلاء
والـــدمـه هـذا الأشـــــوفه
            عــالتــرب نفس الدماء
الفـــرق ضلـع الــزچـــيه
            صــدره بســـمار اعتلا
والنحـــر بــالغــاضـــريه
             وذره الشـــمـــر ورمـا
.
راسه عـــالي عالــرمح راســه عـالي
دامي ابو اليـــمه انذبح راســه عـالي
والســـبـيه
بها لمسيه
.............فاطمه الزهره البتول
.
.
.
الحــرگ بــاب الـــوديعه
         طــاغي معـروف وعنيد
گلها يــابـضـعــة محــمد
        بيـعه مــن حيـــدر اريد
هـالأمــر بـالطـف تكـرر
       كــررو نـفـس الـــوعــيد
حــــرگـــو خيـام النــبوه
      واعلـنـو بيــــعـة يــزيــد
.
مــا يبــايع حيـــدره مــا يبــايع
حتى دمـه عالـترب مــا يبــايع
رافضــيه
والهـــويه
.............فاطمه الزهره البتول
.
.
چــم طفل بالطف تخضب
             عـالترب سـالـت دمــاه
ضامي ابو اليمه رضـيعه
             حــــرمله  نــبـله  رواه
محسن بطـــف المـــدينـه
           چن علي حــامي  حماه
فـــزع ليــث الفــاطــمـيه
           للضـــلع وبــدم فــــداه
.
دامي محسن مـن وگع دامي محـسن
لأّمه ينصــــر من فزع دامي محـسن
والمــــنــيه
وحـده هيه
.............فاطمه الزهره البتول
.
.
الســـبي ســـبي الحـراير
          ويــه زيـــن العــابدين
زينــب الحـــــره اســيره
        عالهــزل أخت الحسين
بت علــي وحيــدر مثلها
         چتــفه حبـل اليـقــين
چتــفـه حبــــل الـــوصيه
         من صبر ليـث العرين 
.
ضم فقـاره عـالعده ضم فقـاره
جمره ناره عـالعده جمره ناره
والشهيده
والوحيده
.............فاطمه الزهره البتول
.
.
.

حسن الموالي الفاطمي

.

❇ قصائد استشهاد السيدة الزهراء عليها السلام


#رئيسية


يالتنشد عليمن دمعي يهمي * دمعي المانشف لمصيبة امي
أشرحلك وضعهه ** من كسروا ضلعهه
------------
اجه لزينب مسح دمعة جفنهه
عباس اوغده ايونّ اعلى ونْهه
نِشَدهه عن سبب همهه وحزنهه
اوبِدَت حسراتهه تشرح محنهه
يل تنشدني عن همي وعذابي * هاك اسمع يبو فاضل جوابي
والقصه استمعهه ** من كسروا ضلعهه
-----------------
ابمثل هل يوم اجانه الموت زاير
علينه حرم اصوات البشاير
بس النوح چان اويانه حاضر
ونار الفاجعه وسيل المحاجر
الزهره امن النبي اعظم أمانه * ماتت من غدر أهل الخيانه
والخالق رفعهه ** من كسروا ضلعهه
-----------------
هِتَف وبصدره حسره تزلزل الطود
اومثل دمعة حزنهه ابعبرته ايجود
امچ زهرة الخالق المعبود
شلون تموت واهيه بعمر الورود
وليش اعلى النحب تگضي نحبهه * اوتغفه وجمرة النوح بگلبهه
ويخمد ضي شمعهه ** من كسروا ضلعهه
-------------
صاحت زينب ومنهه الگلب ذاب
خمس سنين عمري وشفت الاجناب
على امي تجسّروا من دفعوا الباب
وصابوهه بكسر للموت ما طاب
عصروهه وسگط منهه حَمِلهه * محسن وانگطع منَّه أملهه
وهل موقف فجعهه ** من كسروا ضلعهه
----------------
الباب احترگت بنار الرزية
اوكِسَر ضلع امي بسمار المنية
ومن گيْدوا علي طلعت سبية
أبونا الچتّفت عزمه الوصية
بتراب اللحد حجّب بدرهه * وعن أهل الغدر غيَّب گبرهه
وغسّلهه بدمعهه ** من كسروا ضلعهه
-----------
سمع عباس حرگة باب الاسلام
تراواله الطفوف وحرگ الخيام
وبوادي المحن منه الفكر هام
تِخَيَّل سبية اخته لديرة الشام
حط ايده اعلى سيفه وگلبه يلهب * مرة اعلى الضلع مرة اعلى زينب
صار الون طبعهه ** من كسروا ضلعهه
-------------
عقيل الكاظمي / بغداد