الشاعر ميثم العمري

صافن حسن الدنيه بوجهه وكل نسمات الياس
يعني الدنيه شكد ماحلوه حلاها العباس
بحساسه شايل بشرى
بنفاسه عطر الزهره
****
عالدنيه العباس بضيه شع بأنواره القدسيه
صفنت كل الدنيه بوجهه وصاحت هنيال البدويه
مولودج جن طير الجنه كلمن شافه ايهيم بحسنه
دوم الفلق بوجهه اقريها تبعد عين الحاسد عنه

حبيته حب عالفطره
بنفاسه عطر الزهره
***
عباس ومن فدوه الاسمه تغفه عله اشفافه أجمل نسمه
وتدرون بروحه اشكد ترفه شايل حسن الدنيه برسمه
طير الحب امكابل مهده حاضن جفينه وماهده
عباس ويامحله اوصافه تتغزل بيه حته الورده

بميلاده تحله السهره
بنفاسه عطر الزهره
***
زينب بيه اشكد ولهانه وكلساع اتقبله وفرحانه
تكَمطه وهو ايحل اكَماطه والزينب يفتح ذرعانه
ايحب زينب عباس اهوايه وبيها تعلق مثل الرايه
ويتبسم جان بكاروكه لو بس كالو زينب هايه

حباها من أول نظره
بنفاسه عطر الزهره
****
هوايه الحسنين ايحبونه وجان ايناغيهم بعيونه
فرحانين اشكد بي جانو الكافل من زغره ايسمونه
حيدر جان ايبوس اجفوفه ويظمه الصدره وميعوفه
غالي العباس اشكد غالي يفرح حيدر من ايشوفه

بعيونه ايبوسه وصدره
بنفاسه عطر الزهره
****
عن الطف سولفله اهوايه وياعباس انطيني احجايه
زينب بالعين اتخليها ومن ايدك متطيح الرايه
دك صدره وزامط بكَماطه وعباس اعرف كَد ازماطه
أشر زينب وسط عيوني ومخيمها البيرغ حاطه

اليدناها اكطع نحره
بنفاسه عطر الزهره
***
تمت
ميثم العمري

هوسات لمولد الإمام الحسين عليه السلام

نحييها المحافل باحله هلهوله
والي ايلوم خلي ايلوم كلوله
غالي حسين ما نفرحله معقوله

نكَلبها الدنيه بميلاده
******
حنين حسين وشكد شايل امروه
ما عدنه وسيله وعلي بس هوه
ودنيه بلايه حب حسين ما تسوه

بوجوده الدنيه شمحلاها
*****
الليلة بمولده فطرس يرد جنحه
وعلي ينزف مشاعر لمن ايلمحه
ومحمد حاضنه وما ينوصف فرحه

وجبريل امكَابل كاروكه
*******
أبشر يالتحب حسين والله حسين ميعوفك
جاي المحفله وفرحان وتهني بمولده ايشوفك
يكلك اطلب وشتريد عهد اترسهن اجفوفك

مد اجفوفك وأخذ امرادك
****
تمت
ميثم العمري

هوسات لمولد الإمام العباس عليه السلام
الليله بمولد العباس شدو الحيل
هذا البل حرايب راوه خصمه الويل
من طباها كامت خيل تردم خيل

واحدهم لو طار ايلوحه
********
زفو أسمى التهاني الحضرت أم عباس
وهنيالج نكلها بهيج رفعت راس
معدل مثل أبوه ماينكحم نوماس
ولوطب معركه تظل ناس تدفع ناس

وخياله تلوذ بخياله
****
فرحنه الليله والهوسات محلاها
وشوفن كل محب صفكاته علاها
الهوسه تلوك عالعباس شفناها
الدنيه بمولده شكد حلوه سواها

وحلاها الدنيه بميلاده
******
الليلة بمولدك رايد اطشن ياس
وعن عشكي وهيامي اليوم أخبر الناس
من هذا العشك ماظل عكل بالراس
مجنون اعترف والجني حب عباس

مجنون الكافل سموني
****
السمه اتغازل كمرها وهامت بهالليل
وكلمن يعشك العباس ورده ايشيل
الليلة بمولدك شدينه حيل بحيل
وحضر هايم لعندك حته نجم اسهيل

من نورك كلك انواري
****
تمت
ميثم العمري

بطاقة لمولد الإمام السجاد ع

اطش روحي بمحبتك طشت اورود وهيمن بيك وانزفلك مشاعر
اسولفلك سوالف كلهن إحساس وحجيلك قصص بلسان شاعر
يا أجمل حبيب ايغازله الليل علي الكون بجمالك كله حاير
تره العاشك صدك مايعرف النوم همت بيك وكمت كل ليلة اساهر
أحبنك علي السجاد للموت وعجبك حيل بالحب انه شاطر
تظل انته ملك يتملك كلوب ويظل حسين ساكن بالضماير
صلوات. ...........
******

تمت
ميثم العمري

عيسى ويوسف بيك انجنو يا أجمل مولود
ومريم للزهره من الجنه جابت ليها اورود
بميلادك يحسين نورت الكونين
**
يوسف هايم بيك وبشوكه ايحاجيك
امكابل مهدك ويكلك يحسين اهواك
يا أجمل محبوب هامت بيك اكلوب
يسحر وجهك ويهيم بعشكه الشافاك
شابك عالكاروك ويكلك مبروك
يكتل حبك ما أكدر يحسين انساك
تحجيلك نظرات عيوني يا اغله من العين
يوسف معذور ايكص أيده لو شافك يحسين
ينظرلك كل حين نورت الكونين
****
عيسى اشكد فرحان وبعيونك ولهان
هام بحسنك ويكلك بيه شسويت
الحب يحسين أشواك وكل عاشك يشتاك
طحت بحبك من أول نظره وجنيت
وجهك يسطع نور والينجن معذور
وكلمن حبك يتباها بحبك خليت
انته اول واحد بالدنيه تملك حبه اكلوب
وكلمن شافك بيك اتجنن يا أقدس محبوب
محروس من العين نورت الكونين
****
يا أول انسان تهيم بحبه اكوان
بيوم المولد نزلت بيك ازكه الآيات
بحبك نجم اسهيل هام بهذا الليل
ويحسين انظر مزدحمه عليك النجمات
فطرس رايح راد ومنك راد امراد
ردله اجناحه وتشكر بأجمل كلمات
ظل كل عاشك بسمك يهتف ويرتل كل حين
وللحب محور صرت وكلها تصيح حسين حسين
مثلك يحصل وين نورت الكونين
*****
يا اغله الأحباب كلبي بحبك ذاب
يا وجه الله الخله العالم كله اينور
يا أطهر معشوك ماخذ عكلي الشوك
زاد جنوني يحسين وكتلك مشكور
بعشكك هامت ناس وبأجمل الإحساس
غامرها الحب والكل بالمولد مسرور
نحيي المحفل هاي الليله ونطش ورد وياس
ورادود بميلادك هايم يقره باحله إحساس
والكل فرحانين نورت الكونين
***
تمت
ميثم العمري

شوط كربلائي للإمام الكاظم ع

مسموم اعتنه المسموم وكلمن سولف العنده
بين البالسجن سموه وبين البالطشت جبده
****
تعنه من البقيع اليوم الحسن ودموعه سجابه
وكعد يم موسى ابن جعفر وظل ينحب عله مصابه
منظرهم يهد الحيل كلف كل واحد اصوابه
مظلوم اشتكه المظلوم كل واحد كضه مسموم
الحسن سولف لجن مهموم
اجيتك والجمر بحشاي وجمر احشاي شيبرده
***
كعدوا بالصحن ويلاه الغالي مكابل الغالي
واحد سولف الواحد انوب اشابكو تالي
الكاظم خنكته العبره وكامت دمعته تلالي
صاح اشجابك بهاليل هو شظل بعد بالحيل
راواني زماني الويل
جرحي وجرحك اينزفن وجرح الكلب شيضمده
**



اجيت بجبدي المكطع أمشي واعثر بممشاي
غالي ولازم اوصلك يالكاظم وبث شكواي
أشعر عمي بآلامك لأن نفس الألم بحشاي
مثل ماجبدك تكطع بالسم جبدي اتبضع
وزينب اجت بالمدمع
عنها الطشت ضميته وخايف زينب تصده
*****
آنه الكاظم المعروف وانه الكضاي كل حاجه
جم زاير اجاني ينوح وتلاطم دمعه بمواجه
لزمته وكتله لا تحتار وبيدي لبست تاجه
انه الكاظم يعرفوني وأبو طلبه يسموني
ابشاره لليزوروني
الكصدني براية العباس والعباس مارده
****
تمت
ميثم العمري

ليش عني تأخريت اهواي تدري تعذبيت
بالسجن ظليت اتاني وأحسب الجيتك ثواني
******
شعطلك ياموت عني ليش توك يلا جاي
عكب ما كطعو جبدي عكب ما سالت دماي
جايني تخلصني توك عكب ما ذبحو ضواي
والسناسل كلت أيدي والصياط أكلت كفاي

بالسجن كل عمري راح أمنيتي اموتن واستراح
بالسجن ظليت أعاني وأحسب الجيتك ثواني
***
ماتنام الليل عيني بالسجن راووني ويل
وحته ما اعرف نهاري اسنيني صارت كلها ليل
بصوطه سجاني عله متني جان بيه يضربني حيل
الزم امتوني بديه وحتى اون ما بيه حيل

محد ايخلصني جان وظلمه ياموت المكان
تدري اشكد عذباني وأحسب الجيتك ثواني
****
بالسجن عافيتي راحت وتدري حالي شكد صعب
لا أهل لا إبن يمي عمري كضيته بغرب
سجن مامش بيه حصيره وجنت انام عله الترب
وذكرت ذيج الخرابه وكامت ادموعي تصب

اذكرت زينب والخيام وعالترب جانت تنام
تصيح وين الدللاني وأحسب الجيتك ثواني
*****
ياحسافه اسنيني خلصت وآنه عن أهلي بعيد
الغربه تكتل وانته تدري غير شوفتهم شريد
شما تطول المده جانت شوكي لحبابي يزيد
ادعي ودموعي عله خدي ألياوكت أبقى وحيد

بالسجن شفت العذاب ورمشي من الدمعه شاب
دهري بالغربه رماني وأحسب الجيتك ثواني
*****
اهواي تدري عذبوني وبالسجن عمري انطوه
جرعوني السم بديهم وذبحو بعيني الضوه
آنه والدنيه وعذابي بالسجن متنه سوه
خذني أرد ارتاح بلكت الكه لجروحي دوه

ادري اموت آنه غريب وحته ما يحضر حبيب
ومحد من اهلي اجاني وأحسب الجيتك ثواني
******
آنه أمير الكاظميه آنه للحاجات باب
والله ما خاب الكصدني آنه انطي بلا حساب
احلف بدمعة رقيه شكد أحب هاي الشباب
واليحبني وعنده حاجه من أيدي خل ياخذ ثواب

العنده حاجه وتكظي راد ايطبلي من باب المراد
ما ارجعه اكظيها آني وأحسب الجيتك ثواني
******
تمت
ميثم العمري

شيبني السجن ولحبابي احن
خلصت عذاب اسنيني
*****
بالسجن كظيت ياخلك عمري
للأهل مشتاك وعبرتي بصدري
صوطه سجاني تكطع بظهري
والزم امتوني ودمعتي تجري

من صوطه طحت ويابويه صحت
ظهري شكثر ماذيني
*****
سجن ابن شاهك شفت بيه الويل
تعذبيت اهواي وحته ماظل حيل
تكثر اجروحي من يجيني الليل
وتهتز الحيطان من اونن حيل

مجروح المتن وكاتلني السجن
حن السجن لونيني
*****
غربت اسنيني خضرت دمعه
ولو مشه الغالي كلي شيرجعه
الفاركونه اعزاز وراحو بسرعه
شيعتي كَلهم الموعد الجمعه

مشتاك شكثر لحباب العمر
خل شيعتي اتانيني
*****
الشيعه منتظره جيت الغالي
من بعد غيبه وحسرت اليالي
اربعه جابوه والنعش عالي
عالجسر خلوه مكيد الوالي

مسموم الولي ياشيعة علي
وين الأهل حاجيني
******
موسى للمحتاج فاتح اجفوفه
ومن أبو طلبه أطلب وشوفه
مايرد حاير وهايه معروفه
هذا أسد بغداد خيره لضيوفه

المد أيده وطلب يترسها ذهب
الكاظم ترس جفيني
****
دك باب المراد ودخل بهمك
باب الحوائج يالكاظم اسمك
وآنه يامولاي حاجتي يمك
تكظيها احلفك بفاطمه أمك

بدمعت فاطمه وبحامي الحمه
جيتك دمعتي بعيني
****
تمت
ميثم العمري

صحنك الحب والغرام ويغفه بحضانه الحمام
يوگف ابابك يصيح موسى ابن جعفر سلام
****
ياجبير الماله بالدنيه جبير
ويا امير الكضه عمره عله الحصير
يالعرش بلقيس يم عرشك زغير
جبل يذبل يم جبل صبرك يحير

رحمة الله انته وحنين تظل على مر السنين
باب للحاجه وكريم وسفرتك خير وهيام
*****
بنص حضرتك يوكف الروح الأمين
يرفع اجفوفه ويحيي الزائرين
ادخلوها بسلاماً آمنيين
اطلبو ما شئتم انتم مكرمين

هذا باب الله ورجاه مايرد خالي الأجاه
يترس اجفوفه ويروح اليكصد الباب الكرام
****
شكد جميل الكاظم وشداني ليه
وبجماله يوسف شجابه عليه
مو زليخه الكون كله انشغف بيه
ومن يشوفه يوسف ايكطع اديه

ركض لو شافك يجيك شكثر خالق الله بيك
مو ملك انت محال انته وجهك وجه امام
****
من صفاتك كاظم الغيظ وحليم
ومن كراماتك عرفنه شكد كريم
بحكمتك حيرت لقمان الحكيم
وبكلامك عجزت موسى الكليم

تارس الدنيه بضواك شكد يحب الله دعاك
الله ويناجيه أمام شرايح ايكون الكلام
*****
هاي مريم هزت بجفها الضريح
ورحمة الله كامت عليها تطيح
وذيج نرجس رافعه جفها وتصيح
امنيتي اشوف المهدي وي عيسى المسيح

يمته اشوفنهم سوه ضوه يمشي ويالضوه
وينتهي هذا الغياب وتنجلي خيوط الظلام
*****
باب رحمة بابك وحجيك صواب
الحلوه تنطي لليجيك ابلا حساب
نظره منك يبو طلبه الهل شباب
حاجه عدهم وانته للحاجات باب

عليك اقسم بالرضيع تكضي حاجات الجميع
عيونهم مشبوحه ليك وانته عينك ما تنام
***
تمت
ميثم العمري

الشاعر ميثم العمري pinned «حسرة بگلبي امنيتي اروح الزينب امنيتي سنيني خلصت بشوفت گبرها تردلي عافيتي من ابعيد ازور ودمعي يتجاره هاي السنه محروم الزياره ********* خاطري مكسور باليمته گضيت العمر خاطري مكسور ظليت مازور هم مرت عليه سنه وظليت مازور كل عام اگولن هالسنه …»

حسرة بگلبي امنيتي اروح الزينب امنيتي
سنيني خلصت بشوفت گبرها تردلي عافيتي
من ابعيد ازور ودمعي يتجاره هاي السنه محروم الزياره
*********
خاطري مكسور باليمته گضيت العمر خاطري مكسور
ظليت مازور هم مرت عليه سنه وظليت مازور
كل عام اگولن هالسنه زينب ازورنها
يم زينب ارد ابچي شكثر والحضرة اشمنها
وهم ماتصح ازياره الي وهم انحرم منها
عمري گضه يمته بعد گبتها اشوفنها

زينب يارب خايف اموت ما اروح الها
روحي ونوحي عليها ودمعتي ما ابطلها
گلبي عليها ما طفت ناره هاي السنه محروم الزياره
*********
اهوايه مشتاگ بمرقدها اطوف بدمعتي اهوايه مشتاگ
تعبني الفراگ تمنيت ازورنها السنه تعبني الفراگ
عن زينب ابعيد الدرب وشلون اوصلها
ما بيه حيل اصبر بعد رايد اروح الها
اهناك اريد اشبع بچي ودموعي انزلها
من بعيد اجيت الحضرتچ مشتاگ اگللها

تدري عمري ما زاير ومحروم من زينب
شايف حالف من اوصلها اكض شباجها وانحب
ظليت اتاني وروحي محتارة هاي السنه محروم الزياره
*********
تدريني كل عام اتمنه ازورن حضرتج تدريني كل عام
وتمر الأيام وماحصلتها أزيارتج وتمر الأيام
قسمه الزيارة ودعو الي يازينب ادعيني
وقسميلي ازورن مرقدج مو خلصت اسنيني
آنه شكثر مشتاگ الج وياهو اليوديني
لزيارتچ هاي السنه مولاتي وفقيني

رايد منچ نظره وترزقيني اعتني الگبرچ
حلمي احضه بشوفت ضريحچ وگعد بكترج
زايرها زينب هيه تختاره هاي السنه محروم الزياره
*********
بعدتني الايام وبعدتني عنج دنيتي وبعدتني الايام
وصارت بالأحلام شوفتچ ظلت بالنفس وصارت بالأحلام
اسنين منج منحرم ويوميه اتعذب
جا يمته ازورنچ بعد حتى الرمش شيب
هم يجي يوم اتصح الي ازيارتچ زينب
ومولاتي يخلص هالبعد نار البعد تلهب

زينب يمته يخلص عذابي وتنتهي الفرگه
غربه صعبه واسنين احسب صار للملگه
مثل الغريب الشابحه انظاره هاي السنه محروم الزياره
*********
بالشام موجود منيتي بوفاتج هالسنه بالشام موجود
من صاحب الجود آخذلج اتراب وعلگ من صاحب الجود
الميت يحضرونه هله وتشيعه اعزازه
ومتي انتي بديار الغرب وخوان محتازه
ايگولون بالضيج الاخو شگد عازته عازه
تمنيتي يحضر دفنتچ ويشيل الجنازه

زينب أيسي كربله بعيده وما يحضرونچ
ماتوا كلهم وعله الترب شافتهم عيونچ
وگطعو يمينه الگمر ويساره هاي السنه محروم الزياره
*********
تمت
ميثم العمري

الشاعر ميثم العمري pinned «لهلنه امشينه ذوله مو أهلنه اهل الشام مابيهم محنه ظلينه غريبات خاف انرد سبيات ** دارت الايام بيه ورجعت محد الي الياوكت ابقى غريبه وماكو واحد من هلي امس كتبو يلا زينب فوگ جدراني ارحلي صحت من رجعو اليه منين اجيبك ياعلي…»

الشاعر ميثم العمري pinned «ردوا آل أميه يردوني سبيه شعدها وياي الايام تجرح غربة الشام **** أمس تعنوني وصاحوا بالإجماع من أرضنه يالغريبه ارحلي بساع كبتج نهدمها ونساويها للگاع اليوم رجعو وستغلو هاي الأوضاع شعندج صاحو اهنا بساعج امشي منا هواي بگلبي آلام تجرح غربة الشام…»

ردوا آل أميه يردوني سبيه
شعدها وياي الايام تجرح غربة الشام
****
أمس تعنوني وصاحوا بالإجماع
من أرضنه يالغريبه ارحلي بساع
كبتج نهدمها ونساويها للگاع
اليوم رجعو وستغلو هاي الأوضاع

شعندج صاحو اهنا بساعج امشي منا
هواي بگلبي آلام تجرح غربة الشام
****
انه زينب بت علي وانه الحبيبة
حاوطوا كبري ودوت نار المصيبة
وكلت هسه منين ابو فاضل اجيبة
ينظر بعيناه حال أخته الغريبة

يحضرني بغربتي وينشف دمعتي
ويبعد عني الاسهام تجرح غربة الشام
***
بغربتي ظليت ودموعي جريه
وردت واحد ياخلك يكَصد اليه
ابحضرتي أيطوف وبحضرت رقية
ويرد عنه وحشه الحضره الخليه

من بعد الهواشم يحرس گبري ظالم
تفتر يمي ظلام تجرح غربة الشام
***
اعتنت ليه رقية بدمع العيون
تكلي ذوله الناس من عدنه شيريدون
خل نهاجر للعراق الشيعه يوفون
ونسكن بين النجف وكربله كون

عمه جان أملنه نسكن يم اهلنه
لحسين الگلب هام تجرح غربة الشام
**
نسكن بين الأحباب وبين أهلنه
والعراق ايصير ياعمه وطنه
تهوه من كل فج عميق الشيعه النه
وكلها مشيايه تجي وتسر كلبنه

تخدمنه المواكب وما نرجع غرايب
وعدنه اهوايه خدام تجرح غربة الشام
**
صح اهلنه اهل العراق وناس طيبين
وحلمي جان اندفن يم عباس حسين
لاجن بهذا الامر ياعمه تدرين
ما اعوف الشام وحنه اهنانه باقين

الشام اتسمه بسمي وهذا المهدي يمي
جيته تحقق احلام تجرح غربة الشام
***
تمت
ميثم العمري

لهلنه امشينه ذوله مو أهلنه اهل الشام مابيهم محنه
ظلينه غريبات خاف انرد سبيات
**
دارت الايام بيه ورجعت محد الي
الياوكت ابقى غريبه وماكو واحد من هلي
امس كتبو يلا زينب فوگ جدراني ارحلي
صحت من رجعو اليه منين اجيبك ياعلي

اخذني وياك شلي بديرة الشام من زينب علي شتريد الايام
اريد بحضرتي اتبات خاف انرد سبيات
****
من زمان الشام غربه وناس تكره من زمان
خير لا تترجي منهم ذوله ما ألهم أمان
بعد وي گوم آل اميه عمه ما النه مكان
گومي خل نمشي لهلنه الكربله آن الأوان

اظل المن وشنهي ظلتي اهنا ويوميه اتهدد شيلي منا
اهواي بگلبي لجمات خاف انرد سبيات
****
بغربتي والصحن خالي اوين زواري اصيح
مرقدي اظلم او وحشه وخايفه الگبه تطيح
الأمس بالطف سلباني سلب اليوم الضريح
الشام واهل الشام عمه گلبي من عدهم جريح

ظلينه غرايب احنه الاثنين ورجعنه محد النه وتهمل العين
عدهم صرنه اسيرات خاف انرد سبيات
****
آه ياغربة رقيه الها گلبي ينعصر
سنين صار الها وحيده وبيها ما واحد يمر
مثل هالايام جانت ايمرها زاير تنتظر
يكسر الخاطر گبرها ويمها يفتر جم شمر

گبرها هالسنه بيد آل أميه وتهد الحيل غربتها رقيه
محد الها هيهات خاف انرد سبيات
****
ليش هاي السنه گبري يختلف عن السنين
جانت الزوار يمي وبيها ريحه من الحسين
كل سنه تگصدني جانت مثل يوم الاربعين
هالسنه محد اجاني والمواكب ذيجه وين

يحيون الزياره بگبري كل عام جا ليش السنه مايمي خدام
عافوني حرامات خاف انرد سبيات
****
الكربله خلينه نمشي ونترك اديار الغرب
اهناك نسكن بين اهلنه عمه وعزاز الگلب
بالعراق الناس طيبه علينه دمعتهم تصب
مشي كلهم يعتنونه وحنه نوگف عالدرب

من كل الدول تگصدنه زوار وتخدمنه المواكب ليل ونهار
اهناك انرد عزيزات خاف انرد سبيات
****
تمت
ميثم العمري

الشاعر ميثم العمري pinned Deleted message

حي الله زينب اتصيح وميت هله بخدامي
****
خدامي يا اجمل خدم بالدنيه
اتباها بيكم يم علي يوميه
بويه الخدم سوو الي لطميه

بلطمت صدركم ارتاح وانسه وعلي آلامي
*******
بعز الهوه عندي صبح كل خادم
شمحلاته من ايصيح عاشگ فاطم
بهاي الشباب انظر شباب القاسم

وذكر شباب العريس من صاح فدوه ايامي
*******
الله رزقني وهالرزق خدامي
وهنياله كلمن يخدم اخت الضامي
لطمتكم الحلوه تطفي اخيامي

وكل لطمه جن تشگف صوط من امتوني ومن ايتامي
*******
نعمه الخدم والنعمه الها الشكران
خدامي مشكورين صرتولي اخوان
عندي الخدم مثل الورد بالبستان

اسگيكم بماي العين يالحققيتو احلامي
****
حاضر ويلطم بالعزاء المهدي
ويكول هاللطامه صارو ولدي
واحدهم بغلات الاكبر عندي

شدو العزه المهدي ايصيح بيكم اشد احزامي
****
حضرت رقيه وبالدمع حيتكم
زغيره بعدهي وباللطم شدتكم
عدها كتاب زغير بي سجلتكم

وعبدالله اجه ايوزع ماي وصاح بثواب الضامي
*****
اشكبر حظه الخدم زينب يا ناس
هاي الخدمها ودللاها العباس
والترضه زينب عنه ينحط عالراس

وزينب تبشر الخدام بالجنه انصبو اخيامي
*******
تمت
ميثم العمري

كل ما اغمض عيوني ألزم بديه امتوني
الشمر يتراوالي وصوطه ظل يبرالي
****
حادي الضعون بيده تدرون من ركباني الناكه
كلي بحماي امشي وياي راح وكتلني افراكه
تركني بحيرتي مهبطه الراس
ويناديني الشمر وينه عباس
حركها خيمتي وشمت الناس
وكمت دخان اشم وي الانفاس

صاح الشمر طلعوها وبين الزلم وكفوها
وراس اخوي اكبالي وصوطه ظل يبرالي
***
حيرتي هاي الشمر جاي شما غمض عيوني الكاه
امنيتي انساه وانسه الصياط وذاك الحبل كون انساه
اصيح بدمعتي وصوتي مخنوك
اطفي بخيمتي وجفي محروك
اريد انسه السبي وصعدت النوك
واريد انسه الحجي وطبت السوك

فرجه العده سووني وذاك الحجي سمعوني
والشماته اكبالي وصوطه ظل يبرالي
**×**
كافي ياليل شايفه الويل متني بعد لتلزمه
كربله دوم تمرني بالنوم وكل ساعه جرحي تلجمه
حلم عمري انتهى بذيج الاحزان
الاخت مهيوبه اذا عدها خوان
اخوي عله الترب عفته عطشان
عمت عيني شكثر وجهه ذبلان

متغيره حيل ارسومه ومسلبين اهدومه
شمر يم الغالي وصوطه ظل يبرالي
****
هجمت الخيل ودمعتي اتسيل تحرك تريد اخيمنه
صار الغروب وهيمه الدروب وماعدنه خيمه تلمنه
اباوع لخوتي فوك الارمال
وشوف اتطشرت مني العيال
اجه ليه الشمر بيده الاحبال
اجرج للسبي كلي بالحال

راعي العلم جا وينه اله اسبي راح اسكينه
تحضري گلالي وصوطه ظل يبرالي
*****
اذكر الشام وذيج الايام تمنيت اموتن بيها
اخت الحسين بالدواويين وكلها تأشر عليها
هذيج ام الخدر من يكولون
شماته واستحي من يأشرون
ببوي وبخوتي بس يسبون
بجيت ولخوتي درت العيون

اتجاسرو عليه وكلولي يالسبيه
دمعي ظل ايلالي وصوطه ظل يبرالي
******
امنيتي ياناس باخر انفاس يمي يجون اخواني
الخوه تنراد وخوتي ابعاد مشتاكه الهم اني
غريبه اجتازتي وين الاعزاز
تره الماله اهل جرحه يمتاز
لخوتي ياخلك نعشي محتاز
لان ماعندي اخو يمشي جناز

محد الي وموتي حان وعازتها عازه الخوان
حسرتي بدلالي وصوطه ظل يبرالي
*****
تمت
ميثم العمري

ها يروحي شلونها الماعدها اخو
ها يروحي وانه لا ام لا ابو
ارتفع صوتي وين اخوتي كرب موتي اشلون بيه
*******
عندي اخو كلش حنين وعينه لخته
عمره ما زعلني من يوم العرفته
ذاك اخوي ال عالترب عطشان عفته
حسين جوه الخيل ويأشرلي شفته

كلي ارجعي عليج اخاف من السحك
كلي ارجعي دمعتج تحرك حرك
كطعوني وعطشوني وسلبوني آل اميه
******
ها يروحي اعزاز كلبي فاركتهم
بكربله وذيج الصحاري ضيعتهم
شلون بيه الموت اجاني وما شفتهم
جنازتي ايشيلونها اخواني ردتهم

بلايه اخوتي جنازتي وحشه تصير
بلايه اخوتي راح حتى ابموتي احير
فاركوني وضيعوني وما اجوني للمنيه
****
من يكلهم ماتت ام عون بحزنها
اخوان ماعدها وتجي تحضر دفنها
من يكلهم شدو بهيده جفنها
حيل زينب بعده يوجعها متنها

من يكلهم اصياطهم ترست كفاي
من يكلهم بهيده ديرو عليها ماي
الشمر ذبني وظل يسبني شكد ضربني وشد اديه
*****
امنيتي ازورن كربله كبل المنيه
وبين اخوتي اكعد وراويهم اديه
راح اموت بغربتي ومحد اليه
وراحو ايدفنوني اكلهم يم رقيه

بنيت اخيي حسين جان ايحبها حيل
بنيت اخيي بالسبي راووها ويل
طشت شافت وبويه صاحت تالي ماتت حسره هيه
******
اوكف عله التل وصيحن ها يالعزاز
مو مثل باقي الجروح اجروحي تمتاز
يهلي تدرون الجنازه اجتاف تحتاز
وانه حتى اجنازتي ما بيها جناز

ها يخوتي تربي عالباب العيون
ها يخوتي يعني أيس ماتجون
ضاع كلشي ومنو بنعشي راح يمشي ويحن ليه
*****
جنازتي عله الكاع ظلت يا حسرتي
ماكو واحد شالها وحن الغربتي
وكامو ايحشمون بالناس الدفنتي
وين جنتي وهسه زينب وين صرتي

ها يزينب ما كو اخو الليله اعتناج
ها يزينب وحتى محد شيعاج
ياهو انشدج حضر عندج وحفر لحدج يالسبيه
***
تمت
ميثم العمري

تتشكر الزجيه من فاطمه الوفيه
تكلها قميص الغالي جايبته الج هديه
*****
الدنيه ماتطلك بعد وتجيب مثلج
والله لو اعلك العشرة اشموع لجلج
ما اجازي وكفتج لا اجازي فضلج
غير بس مشكوره يم عباس اكلج

يم الوفه وفيتي وبربع ولد ضحيتي
ما انسه كل وكفاتج يالطاهره الابيه
*******
جنت أبو فاضل اكمطنه بديه
وجربه اسويله وعلم للغاضريه
كلي سويلي ملابس عسكريه
وخيمه سويلي عله ذوقج زينبيه

ادري الولد رفعت راس صحت ونعم من عباس
ميعوف زينب رايح اوليدي للمنيه
****
يوسف بقصة قميصه تعرف الناس
رد نظر يعكوب لمن شمه بحساس
حسين باجر كربله ايزيينها بالياس
وترجع بشمة قميصه اجفوف عباس

حسين القميصه انظر جاي ايلوك عله عباس اهواي
بحسن الكمر اعاين تتغزل الثريه
****
وي بنينج سولفت ذيج المسيه
آنه ما أوصل تره اتراب الزجيه
جيت الكم خادمه تقبلون بيه
وادري حته خادمه اهوايه عليه

لو بيه ترضون ارتاح بعيوني اخليكم راح
خدامه اصيرن عدكم تتفضلون عليه
******
انتي مو خدامه لا إنتي أميره
انتي يم عباس عدنه شكد جبيره
انتي من كد الوفه تبديتي غيره
وصار بالطف كشختج بدر العشيره

الحلوه جنتي تركضين من يطلب الماي حسين
فدوه العطش ليك ايروح من أيدي هاك اميه
******
اباب بيتج صبت ادموعي عله الخد
وما اجيت آخذ مكانج ربي يشهد
اشجاب فاطم بت حزام البت محمد
الفرق كلش جبير وصعبه ينعد

شجاب الاميره عله الناس ويالخادمه ماتنقاس
خير النسه وعظيمه وانتي حوراء انسيه
****
تمت
ميثم العمري

غافيه اجروحي ويفززها الحنين
تدري ما تحمل افراك أم البنين
****
يبني ارجع كافي لتطول السفر
تدري بغيابك احس ظهري انكسر
يبني والعباس ذابحني السهر
وليلي يخلص حسره ودموع أو ونين
*****
من رحت لليوم بيتك خالي
وكتبت الحيطان راح الغالي
بنار هجرك عذبت دلالي
فاركتني وضيعت حلم السنين
******
الولدي ما حنيت بس حنيت الك
حسين يمه ارجعلي فدوه اتوسلك
بكل كتر بالبيت كمت اتخيلك
أشم عطرك وصفج ايسار بيمين
******
بأربع ابنيني الك متبرعه
وكونك انته بخير فدوه الأربعه
موعد العباس يم المشرعه
احزام كلهم للحرب متحزمين
****
العليله بعيني راح ارعاها
وزينب العباس ما ينساها
جن علي الكرار يمشي وياها
زينب القرآن والحبل المتين
***
حلمي سالم للوطن يبني ترد
خلص صبري وراح اموت من البعد
حسين ظل مشتاك الك حته الورد
وكام يسألني النجم محبوبي وين
****
تمت
ميثم العمري

آنه أم البنين الحره فدوه العمر لبن الزهره
عله حسين ابد ياناس // ما ابخل بعباس
****
ابني الكمر ربيته وعله الخيم وصيته
وبكصته حبيته من كلي عد عيناج
من كتله زينب هايه ظل يبجي شفته هوايه
دك صدره كلي احجايه ما راح اضيع ارباج
وعيونج ألها افدي روحي وتشهد علي راح اجروحي
كلتي وتظل مقياس // ما ابخل بعباس
*****
أربع بنيني افديهم وما أجري دمعه عليهم
عندي المهم غاليهم وشوكي يظل لحسين
الجابت ولدها وياها لا ما يضيع ارباها
بيهم تظل تتباها ويحصل مثلهم وين
انه القدمتهم بيدي ما عز بيهم عله وليدي
بيهم رفعت الراس // ما ابخل بعباس
***
ماريدن آنه ابنيني جيبولي بس احسيني
وبشوفه اكحل عيني لو مره حته ارتاح
ليه شكثر مشتاكه يكتل يناس افراكه
بلله شوكت نتلاكه وليه يعود الراح
ازرع فرحتي عله طيوفه انذر له العمر لو أشوفه
وزرع طريقه إحساس // ما ابخل بعباس
****
للطف اخذني احساسي والشفته شيب راسي
عالغبره أعز كل ناسي ومتوسد التربان
بنحره الشمر حط سيفه وبيه يذبح عله كيفه
لا تذبحه خايب عيفه ابني تره عطشان
الغالي ظل يجود بنفسه وشفت الأصابع مو خمسه
وصدر الحسين انداس // ما ابخل بعباس
***
زينب لخوها اتباوع عالغبره كام اينازع
وبالدم تشوفه ناكع تلزمه ويكلها آه
الخيل اعتنت لخيامي وانه تره بلا حامي
ياهو اليلم ايتامي وياهو يخويه انخاه
بلا خيمه ظليت الليله ومحتاره ياهو الاشكيله
وختنكت الأنفاس // ما ابخل بعباس
****
شفت الزجيه اكبالي وتكلي راح الغالي
صحت ودمعتي اتلالي قصر أخيه وياه
تكلي الكمر وافانه ممنونه منج آنه
تشهد اله ذرعانه وسهم الأجل صاباه
باجر اطلب بجفينه والسهم الي صوب عينه
واوفي لبو النوماس // ما ابخل بعباس
**
تمت
ميثم العمري

صوره الج مرسومه بجبين الكفيل // وبوفائج صرتي للعالم مثيل
حسين من يشتاكَلج يم البنين // يمشي للعباس ويبوس الجبين
****
يالغيوره اسمج اتخلد دهور
الج صوره انرسمت بوجه الغيور
حسين جان ايشوفج بوجه الكَمر
ومن كثر شوكَه الج كَلبه انعصر
بدمعه ملهوف اعتنه الصوب النهر
وصاح ياخويه ولزم بيده الظهر
يحضن العباس ويشمه بحنين // ايصيح اه ياريحتج يم البنين
وزينب بدمعاتها تشوف للحسين // يمشي للعباس ويبوس الجبين
****
بكبريائج عالية وكَلبج حنين
وبوفائج ما كو بس ام البنين
الوفيه وهالاسم لايگ عليج
وانتي بس انتي بمقامج وصل ليج
انتي بحر الجود فايض بين اديج
وحكَه ابوفاضل اذا يتباها بيج
انتي علمتي الزمن معنى الوفاء // واليريد ايشوف يمشي الكربلاء
يسئل الشاطي على ايسار ويمين // يمشي للعباس ويبوس الجبين
****
شحجي عنج واضحه مثل الشمس
واخــذ منج الوفه اعــظم درس
انتي للعالم ثبتي اعظم مره
بنت اجاويد واصيله وطاهره
والنوارس لزمت ابابج سره
وعالوفه ربيتي سبع الكَنطره
يامره المثلج تقدم اولادها // وعكَدت الشيله وتريد امرادها
انتي عبره وسولفت بيج السنين // يمشي للعباس ويبوس الجبين
****
عوفي كَبرج وعتني الطف كربلاء
واحني ظهرج وعالنهر قيمي العزاء
صيحي ياعباس زينب وينها
جينه ننشد كربله مضيعينها
ليش زينب حايره مخلينها
وليش فجعو فاطمة بحسينها
عليها اسئل يمه كَلي شلونها // صدكَـ زركَه من الصياط امتونها
ارد اداوي اجروحها بدمع او ونين // يمشي للعباس ويبوس الجبين
****

من خذاها عنها ياعباس وين
والسباها ما كفاه ذبح الحسين
ليش يمشي الزينب وياذيها
بيش يطلبها الشمر يسبيها
حرمة زينب والزلم توليها
ليش لختك ماكَمت تحميها
عليها خيمتها الشمر حركَاها // وركضت الكم لجن ما خلاها
رادت اتعاتبكم ام كَلب الحزين // يمشي للعباس ويبوس الجبين
****
كَوم اخذني حسين روحي اتريده
صدكَـ يبني الشمر حز اوريده
خل نشوف حسين يمه امشينه
صدك حزو راسه ومكطعينه
ابني ثاري امكطعه جفينه
ومايشوف الدرب سهم بعينه
حسين هاي الكَوم شمسويلهم // هشمو صدره بحوافر خيلهم
سلبوه والجسد ظل مرمي ورهين // يمشي للعباس ويبوس الجبين
****
تمت
ميثم العمري

https://youtu.be/4se2SnPhdfs?si=iRIA9FL1iYet5cf9

غريبه راح اخليج وبخوج حسين اوصيج
لو ظهره انكسر شميه بالنحر
****
يمه زينب كرب موتي وحانت الساعه الاخيره
شدي حيلج عالمصيبه مصيبتج باجر جبيره
حسين باجر يبقى وحده وناظره المن يديره
شما اصدله ايگطعونه وجسمه ينلم بحصيره

وحده من تشوفيه. بيدج مهره قدميه
همه لو كبر شميه بالنحر
**
بدمع عينج. روحي يمه ونفذي يايمه الوصيه
امي گالت شمي نحره لو گرب يوم المنيه
فوگ صدره تروح وترد باجر خيول اعوجيه
الشمر بيده من يذبحه يذبح وياه الزجيه

ويگلهم ذبحته ودو الراس لخته
راح اشبع قهر شميه بالنحر
*
عالترايب يبقى جسمه. عاري ومسلبه اهدومه
بالحوافر. راح صدره. وماكو مثل حسين يومه
ايموت ضامي ونحره دامي. وعالرمل تنزف ادمومه
آه ياشمس الظهاري باجر اتغير ارسومه

يمه انتي وبناتج فييله بعباتج
اهناك اخذي الحذر شميه بالنحر
**
الحرگ بابي راح باجر يحرگ الخيمه عليجن
عگب اهلجن محد الجن وكلها غربه شلون بيجن
الخيل تهجم عالمخيم والشمر رايح يجيجن
ايصيح بيجن وحده وحده وبحبال ايشد اديجن

عالتل من تصعدين جم خاطر تكسرين
ومن بعد الگمر شميه بالنحر
**
يالعقيله. شما اشوفج بلا عشيره ولا گرابه
الشام ياخذ راح حيلج. واه يالشام وعذابه
الشده باجر يمه زينب من يخلوج بخرابه
اهناك طفله من حلمها تفز تصرخ بابا بابا

رقيه باخر انفاس راح اتموت عالراس
باقي بخدها اثر شميه بالنحر
****
تمت
تحسين الخفاجي
ميثم العمري

زينب عظيمه اتجسدت بفكاري
وماضنها توصفها بحور اشعاري
فرحتي كلش جبيره انولدت الليله الاميره
******
حاير بميلاد زينب وراودت عيني الطيوف
بله زينب عنها شكتب وآنه بس زينب اشوف
القلم من كتب زينب انحنه فوك الحروف
عليها مزدحمه القوافي وكامت اتلبي وتطوف

والحبر يتبده غيره انولدت الليله الاميره
****
تارس الدنيه عطرها وآه ياذيج العطور
طير من الجنه زينب وغردت يمها الطيور
منين اجيبن عصا موسى ارد أطر بيها البحور
وتنطوي كون المسافه واعتني زينب وزور

روحي ياعالم اسيره انولدت الليله الاميره
******
يا سفينة نوح وينج إلها اخذيني تعاي
ونمر بالعباس لحظه منه ناخذ إلها ماي
ويا براق بحق محمد إلها تاخذني مناي
الليلة مولدها الحبيبه وارد أكلك روحي هاي

ناظري عليها اديره انولدت الليله الاميره
*****
شوك يعقوب عله يوسف هيج مشتاك إلها اصيح
والله لو اشوفن كبرها مثله أظل انهض واطيح
يا نبي سليمان وينك فدوه سخر ليه ريح
وكلها تاخذني الكبرها امنيتي اشم عطر الضريح

دمعتي صارت سفيره انولدت الليله الاميره
*****
يا فراشات الأماني ويا سحابات الغرام
تعتني الزينب اريدج وألها وديلي سلام
اهواي سلميلي عليها إلها شوك بكلبي ضام
طوفي حضرتها بحنينج وابدي وياها الكلام

وحجي عن بدر العشيره انولدت الليله الاميره
****
تمت
ميثم العمري

ضلعي المكسور يلجمني
وخدي المسطور يلجمني
يمه وصار اشجم يوم ماشايف جفني النوم
******
من الباب ضلعي انصاب وتهشم
وعالبسمار يمه آثار نزف الدم
اگوم اگعد اون وحيلي اتهدم
تعبت وحتى من اتنفس اتألم

ما انام الليل من ضلعي
شگد شفت الويل من ضلعي
ينزف ضلعي المهشوم ما شايف جفني النوم
*********
صار ايام يمه النوم ما شفته
انحنيت وضلعي ليل انهار لازمته
يزينب والحزن مايوم فارگته
والباب شكثر بدموعي عاتبته

ياباب اهواي تهضمني
شعندك وياي تهضمني
ارحم گلبي المهضوم ما شايف جفني النوم
*********
يوميه الضلع يلجمني يوميه
وبعد لجمات زينب يمه مابيه
من كسر الضلع گمت امشي محنيه
اهموم البيه يم اهمومج شويه

البنيه اهواي تتعذب
من امها تموت تتعذب
زغيره وگلبج مهموم ما شايف جفني النوم
*********
المحسن ابني طاح وعيني اتنظره
بحشاي ورفس من شدت العصره
گلب الوالده عله الولد شيصبره
ليش اوليدي مات وما كمل عمره

طاح اعله الگاع يبنيتي
ومات ابني بساع يبنيتي
روحي عله اوليدي تحوم ما شايف جفني النوم
*********
عيونج راح من كثر الدمع تتعب
والله يعينج عله افراگي يازينب
راسج يمه زينب عالضلع شيب
بيج اشلون لو شفتي الاخو مسلب

مجروح اهواي بالغربه
وما صح له الماي بالغربه
من ابني ايظل محروم ما شايف جفني النوم
*********
اخوج بكربله ضامي يذبحونه
وبنحره اثنعش طبره يطبرونه
بحوافر خيلهم بالطف يسحگونه
وراسه عله الرمح يمج يرفعونه

ما تبقى اخيام من بعده
وترحن للشام من بعده
يسبوجن راح الگوم ما شايف جفني النوم
*********
تمت
ميثم العمري

تفارگنه يمه وطال الفراگ واهواي الج تدريني مشتاگ
من رحتي عني الموت شفته الفارگله ام تكبر حسرته
******
تفارگنه وفراگج صعب وشوفتج صارت حسره
يمه شكثر مشتاگ الج مخنوك اول مره
متي انتي مدري آنه المتت ونگظت ذيج العشره
شيرد ليالينه بعد راحت وظلت ذكره
رحتي وبعد شيرجع الراح هوه اليفارگ امه يرتاح
الليل اخلصه ادموع بدموع گمت امشي والزم بيدي الصفاح

مليت من الفرگه مليت ويمه بغيابج اظلم البيت
بجفاج دمع العين هلته الفارگله ام تكبر حسرته
******
عفتيني ليل بلا ضوه ودنياي بعدج ظلمه
جا شله بالدنيه بعد يمه اليفارگ امه
الما مفارگ امه ابد من عدها صعبه تحرمه
والاصعب الماعنده ام جلمة اليمه تهضمه
جلمه انحرم من عدها للدوم ويعينه الله المنها محروم
جلمة اليمه حلوه تدرين ومن فرگتج لليوم مهظوم

موتج ابد ماخطر عالبال والدفن امه المن بعد ظال
هاليوم هذا ما حسبته الفارگله ام تكبر حسرته
******
شايف اذا ما عندك ام اشلون يثگل همك
وعليك فرگاها صعب وشكثر راح ايألمك
بليل صعبه من تفز وما تلگه امك يمك
وشلون عمرك ينگظي وبعيده عنك امك
حن الگلب ويريد الاحباب واحبابي نامو حدر التراب
متعوب اظل للموت متعوب وكل عمري اظل امگابل الباب

مجروح صحت وتهمل العين وشيرجع ام حسين لحسين
بعدج فلا نشفت دمعته الفارگله ام تكبر حسرته
******
ماشفت راحه بدنيتي من غمضيتي عيونج
ولا ليلي ليل بفرگتج واظلم نهاري بدونج
بالباب كسرولج ضلع وگتلج ييمه شلونج
وعالعين يمه فاطمه شمسويه ويسطرونج
دفعو الباب وحيل عصروج ضلعج انصاب ويمه دفعوج
عالگاع طحتي وكلج اجروح وردو عليج النوب سطروج

لحگيني فضه صحتي بساع من العصره محسن وگع عالگاع
وبدمعتي بحضيني شلته الفارگله ام تكبر حسرته
******
محنيه تمشي من الضلع جانت وآنه الزمها
وترتاح بالليل البشر وامي شكثر يهظمها
لو رادت اتنام الضلع ايفززها ويألمها
وما تگدر اتجر النفس حتى النفس يلجمها
امي الزجيه شافت الويل حيل انحنت وتهدم الحيل
مظلومه ماتت ضلع مكسور وام الحسن دفنتها بالليل

جانت الزهره اتگوم وتطيح ويابويه ضلعي اسمع اتصيح
وونينها من تون سمعته الفارگله ام تكبر حسرته
******
تمت
ميثم العمري

ويانه جنتي يمه ويانه
واذكر كعدتي اهنانه وهنانه
بيتج بعد طاح وماضنه نرتاح وشيرجع الراح
****
كعدو اتلاثتهم وناحو سويه
وعينهم عالباب وكت المغربيه
شكد يهد الحيل همهم ازغار همه ورادو امهم
راحت هذيج الايام وشيردها ذيج العشره
وكلما نباوع للباب نتذكر امنه الزهره
والله البعد ما ينراد والفاكد ام شيصبره

بعيونه يبقى ايدير بعيونه
وبجلمة الماتت تلجمونه
بعيونه تلكون مذبوحه الضنون وتألمه الشلون
*****
فاطمه عصروها وتغير وضعها
وجلب البسمار ياناس بضلعها
حيل ظل بالباب يدفع لان خلفه الزهره يسمع
اشثگله ياناس الباب ويطبگه حيل عليها
تخيل عله الزهره اجذوع طاحن شسون بيها
طاحت الزهره عله الگاع وكسر الضلع ماذيها

محنيه گامت تمشي محنيه
والشاف امي ايگول مو هيه
متغيره اهواي مو فاطمه هاي ماتحجي وياي
*******
حيل كسرت خاطري النظره الاخيره
تگلي زينب محنتج محنه جبيره
بزغرج وصرتي يتيمه وتنزل ادموعج هضيمه
والحركو عليه الباب ايحركون راح اخيامج
بلايه خوان اتظلين ودير بيج ايامج
وشلون لو راس حسين من ينرفع جدامج

شلونج تگلي زينب شلونج
اليوم ضلعي وباجر امتونج
وتمرج ايام شگد بيهن آلام ياشدة الشام
*****
كل شخص بالدنيه يكدر ينسه همه
بس اكول اشلون ينسه الفارك امه
مدللين اهواي جنه وهسه ضيعنه المحنه
الماعنده ام مايرتاح جلمة اليمه حلوه
عكب المشت عني بليل صار العمر مايسوه
جانت الزهره من انتام تجر النفس بالكوه

عصروها امي اهواي عصروها
شمسويتلكم لا تدفعوها
ليش ام الحسين سطروها العين تنطي الوجه وين
*******
الدنيه صارت خنگة بغياب النحبهم
راحو وطشينه العيون بدربهم
راحو وظلت صورهم نار شيحمله هجرهم
هو المشو عنه اعزاز باليمته يخلص ليله
الفاكد محب وين ايروح وفراكه ماخذ حيله
بالمكبره روح اتصير يتعنه اله ويشكيله

ينسونه ليش بسرعه ينسونه
انحاجي بكبرهم ما يحاجونه
نشتم بالتراب وشيبنه الغياب ضيعنه الاحباب
****
من اسولف عالضلع تلجمني ذكره
اهنا سطر عين امي وخلاها حمره
اهناك شفته من دفعها طاحت ولزمت ضلعها
اهنا شفت محسن طاح وهنانه طاحت امي
وهناك خلوها اتصيح يابويه ردتك يمي
وهنانه ماتت ياناس ومنا بده كل همي

مهضومه ماتت امي مهضومه
وحتى بدفنها امي مظلومه
اتهدم الحيل دفنتها بالليل شافت تره الويل
****
تمت
ميثم العمري

مايرحم الليل يالغمضيتي عيونج
مابيه ظل حيل شيبت يمه بدونج
يمه موتني الهجر وانتي نمتي بالگبر
*******
مر الغياب وعيني عالباب الفاگد امه يازمن ماضنه يرتاح
گلبي مجروح وما بگت روح راحت امي الغاليه وشيرجع الراح
امي ما تتعوض وماكو مثلها
شالت امي وشكثر مشتاگة الها

صار اظلم البيت وظل خالي يمه امجانج
من الفرگه مليت واحزاني مثل احزانج
ابجي ظليت شكثر وانتي نمتي بالگبر
********
من يجي الليل انهضم حيل بلايه امي اتصير ساعاته طويله
يكثر النوح وحرگه وجروح الغالي من يرحل يعذبنه برحيله
رحتي يمه وعفتي زينب بس للدموع
ويمه من يوم المشيتي گلبي مشلوع

شيبني فرگاج وسلاني يمه اغيابج
ويوميه بجفاج اكعد وشم بثيابج
حيل الغروب انعصر وانتي نمتي بالگبر
*********
اذكر الصار واذكر النار واذكر اهنا امي طاحت من سطرها
حرگو الباب ودفعو الباب وحيل عالحايط شفت امي عصرها
صابها البسمار وتغير وضعها
طاحت ويابويه صاحت من ضلعها

من سطرته هاي عيني امي صارت حمره
وتتألم اهواي من الضلع حيل الزهره
الضلع شفته منكسر وانتي نمتي بالگبر
********
تگوم وتطيح وضلعي اتصيح گامت وبيده دفعها وذبها عالگاع
الها ركضيت وبجي ظليت تغيرت امي الزجيه وذبلت بساع
اهنا شفت محسن وگع وهنا شتمها
اهنا شفت لزمت ضلعها ويجري دمها

مرتها ايام وشگد تعذب بيها
ما تگدر اتنام كسر الضلع ماذيها
انه جم دوب انتظر وانتي نمتي بالگبر
********
فاطمه هاي تعبت اهواي اهنانه ظل بالسوط يضربها بمتنها
هذا بالنار وبالرمح ذاك وهذا من السطره خله ازرك جفنها
تمشي محنيه ويهل عالخد دمعها
ومن تجر امي النفس تلزم ضلعها

اتهدم الحيل ماتت دمعها بخدها
دفنتها بالليل وحتى كبر ماعدها
بعد شلي بالعمر وانتي نمتي بالگبر
********
تمت
ميثم العمري

تنشدني يمه ضلعج اشبيه وهواي اشوفنج تلزميه
وتگلي عينج حمره يايمه من السطره
ما تدري يحسين
*********
من ياهي ابديلك وما ادري شحجيلك وابديهن منين محتاره يحسين
البسمار صوبني وضلعي انكسر يبني من دفعت الباب ما جنهم اصحاب
عصروني يايمه شكثر وكتلتني ذيج العصره
البسمار جلب بالضلع وسمعت ضلعي وكسره
محسن رفس من الالم حسيت صابو نحره
طحت عله وجهي يم عتبة الباب
شما انهض اعثر ونمت عله التراب

الظالم وأن گال وعصرني وعالعين رد ليه وسطرني
خلوني اموتن حسره يايمه من السطره
ماتدري يحسين
******
جرح الضلع يبني شگد تدري تعبني من عنده مليت ويايمه سليت
ما ادري شمسويه ولتمو عليه بكعب الرمح ذاك ذباني لهناك
يايمه جابوني دفع وكسر الضلع ماذيني
من طاح ابني عالارض فضه صحت لحگيني
وعالعين سطروني وطحت وما اشوف گمت بعيني
انظر جنيني ميت عله الگاع
وناديته يمه لا ترحل بساع

مكسور ضلعي وگلبي محروك ويايمه مات اوليدي مخنوك
وآنه متت جم مره يايمه من السطره
ما تدري يحسين
********
يحسين هضموني وبالباب عصروني عليه الهوه ضاع وذبوني عالگاع
گمت امشي محنيه ومن ضلعي ليليه يايمه ما انام من كثر الآلام
ترتاح بالليل البشر وانه شكثر يهضمني
وكلما نمت يمه الضلع ايفززني ويألمني
وما بيه اجر گمت النفس حتى النفس يلجمني
يلزمني ضلعي وتهيج الآلام
مرت عله امك تدري اصعب ايام

بس للألم يايمه ظليت ويحسين من الدنيه مليت
گمت اختنك بالعبره يايمه من السطره
ما تدري يحسين
*********
يحسين اشوفنك ومابيه اشبگنك يا اغله الاحباب حل وكت الغياب
خليني اشمنك والصدري اضمنك يا مهجة الروح راح امك اتروح
آنه ادري بفراگي صعب وشكثر راح ايألمك
بليل صعبه من تفز وما تلگه امك يمك
وشلون تگضيه العمر وبعيده عنك امك
ادري انه بعدي ايصير اظلم البيت
ومن هسه يبني اعليه حنيت

يحسين راح ايطول الفراك ولليمه راح اهوايه تشتاك
وفراگي جرح اشكبره يايمه من السطره
ما تدري يحسين
*********
لا تهمل ادموعك يمه اصعب اضلوعك اتسحگك الخيل وتشوفك الويل
ايحز الشمر نحرك وجم حافر بصدرك وتموت عطشان ويايمه عريان
مسلب ونايم بالشمس يمه شگد ايسحگونك
وليش العده گبل الذبح اميه ماينطونك
عالرمح راسك ينرفع واطفالك ايشوفونك
يمه المصيبه ايحرگون الخيام
وزينب غريبه يسبوها للشام

يمه بحبل مجتوفه اديها وذاك الشمر يفتر عليها
زينب تظل متحيره يايمه من السطره
ما تدري يحسين
********
تمت
ميثم العمري

آنه ام الحسن يامن تشيعوني
بهيده وي النعش لمن تشيلوني
******
النعش شيلوه بهيده ولا تحركونه
مصيوب الضلع بالباب تدرونه
تلجمونه اخافنكم تلجمونه
مضلومه شكثر ياناس تدروني
****
شيعوني وذكرو امصيبتي او وضعي
من هجمو عليه ونكسر ضلعي
اگضي الليل اون وما نشف دمعي
هظموني يشعه اهواي هظموني
*******
خلف الباب صاحو فاطمه الزهره
يگللهم وأن عصروها اشد عصره
اسطرو عينها وكون اسمع السطره
ياناس عله عيني حيل سطروني
******
عالحايط عصرني وحيل عذبني
شفت الموت والبسمار صوبني
طحت مكسور ضلعي ومنذبح ابني
وكمت ماشوف من السطره بعيوني
*****
الف موته اموتن انه ليليه
وياناس النفس ظل يصعب عليه
اخلي ايدي عله ضلعي وامشي محنيه
وحرام انجان انام الليل تدروني
*******
حلات الميت من تشيعه اعزازه
وياناس المشيع عازته عازه
اليوم بنعشي انتم امشو جنازه
وموش عله المتن عالراس شيلوني
****
اليشيعني اكله هاك اخذ بشره
دنيه واخره متعوفك الزهره
الحضر تشييعي باجر احضر بگبره
احضركم بذيج الوحشه تدروني
*****
تمت
ميثم العمري

شور


زينب زينب شافت ذيج العصره
زينب زينب سمعت ضلعي وكسره
زينب زينب صاحت يمه الزهره
*****
ركضت للباب دمعه تسابك دمعه
واسمعها اتصيح عوفي الباب بسرعه
من يعلم بيج حيل عليج ايدفعه
ويمه البسمار لو صابج شيطلعه

زينب زينب آه يالوعت زينب
زينب زينب تنظر ليه وتنحب
زينب زينب تكتل ذيج النظره
****
بالباب النار ونظر ركضت ليها
تطفيها تريد وادري زغار ايديها
بخيمتها شلون لو حركوها عليها
ياهو الها ايروح والنار ايطفيها

زينب زينب بالطف ياحيرتها
زينب زينب ما تنشف دمعتها
زينب زينب وخوتها عله الغبره
******
طحت عله الكاع طيحه ومامش نهضه
واصعب يا ناس ابني المات بلحظه
وتدرون الباب هشم ضلعي ورضه
ومسطوره العين ونده وينج فضه

زينب زينب شبگت حيل عليه
زينب زينب كامت تشتم بيه
زينب زينب شافت عيني الحمره
******
زينب ياناس اه يا لوعت زينب
كامت كلساع تلزم ضلعي وتنحب
شوفيني اتكول راسي زغيره وشيب
بلا ام البيت مايسوه ولا ينطب

زينب زينب هدت حيلي بونها
زينب زينب راح انه ارحل عنها
زينب زينب گلبج فگدي ايفطره
*****
يازينب راح ضيم اتتشوف عيونج
وعكب العباس زرگه اتصير امتونج
وبذاك الصوط عالناگه ايصعدونج
يمه وللشام يازينب يسبونج

زينب زينب آه الشام وضيمه
زينب زينب تبقين بلا خيمه
زينب زينب تموتين اشجم مره
******
تشوفين حسين شمر ايحز بنحره
يمه وتدرين اشجم طبره ايطبره
ايرفسه من ايكوم عنه ويكسر ظهره
وتسحگه الخيل يمه وتخسف صدره

زينب زينب راح ايعذبه بذبحه
زينب زينب ويرفع راسه برمحه
زينب زينب جسمه الخيل اتطشره
******
تمت
ميثم العمري

هاي الايام يخدام تظل من العمر
*****
والله احلى ايام تمر بينه كل عام
نحييها ونصيح للزهره خدام
اليحضرها ماجور ونلطمها الصدور
هاي اليالي جن ثاني عاشور

ندريها بمجلسها تحضر فاطمه
واليلطم تمشيله وراح اتكلمه

يالتلطمون بالعيون عله الزهره الاجر
*******
بينه اشگد احساس المجلسها ياناس
بي يحضر حسين وينظمه عباس
بمصحفها تدرون تسجل اليخدمون
وموجوده اسماء كل اليلطمون

اليبجي الها من الليله خادمها انحسب
واليتعب للزهره ميضيع التعب


بهذا الاحساس يهالناس تعوضنه الصبر
******
ام الحسن هاي انطيها عيناي
ادري الله ياناس ايحب فاطمه اهواي
واليلبس اسود تحبه الله يشهد
اليخدمها تدرون يخدم محمد

هنياله الصار الها خادم من صدك
والعاشك بعيونه نظرات العشك

تحزم حزام هالايام وخذ اجر شكثر
****
شد حيلك وكوم وخدمها هاليوم
خدمتها حلوه لا تبقى محروم
والزهره بذات اليخدمها ما مات
وخصاها الله بتلث روايات

كوم اخدم هالفرصه خافن ما تصح
والزهره يالخادم خدمتها ربح

فاطمه وياك تجي هناك تحضرك بالگبر
******
زينب اجت هاي متغيره اهواي
تفتر عليكم وتوزع الماي
مهضومه تدرون ودير العيون
واسوها زينب يامن تلطمون

بلطمتكم هالمجلس يهتز رايده
وخل زينب يم حيدر باجر شاهده

مثل الشموع هالدموع تظل الكم ذخر
*****
تمت
ميثم العمري

من شيع الزهره شيع علي عمره بليل الضوه انشال
تكثر تره جروحه الدافن بديه روحه المن بعد ظال
****
مفارك علي الليله الروح ومن يمشي مشيت مجروح
اتروح كل ضحكه وصوت شمعة البيت من اتروح
شايل حياته بتابوت ومن يبجي يبجي بلا صوت
امبين علي شگد مخنوك عالزهر اضن راح ايموت
الليله علي شيع عمر للمگبره بليل
وبيده دفنها زهرته وما بي بعد حيل
شابك گبرها ودمعته عالخد دمه اتسيل

جرحه علي شكبره ولازم بديه ظهره ومتغير اهواي
محني الظهر يمشي ضيع علي كلشي ومن يبجي بهداي
غالي وفگد غالي وما ظلت آمال
******
عالگبر خله ايده وصاح بعدج علي ما يرتاح
من هسه بين فرگاج وصفك كمت راح براح
ما حاسب الهذا اليوم حسبالي عشرتنه ادوم
من رحتي وانه بلا روح وما شايفه عيوني النوم
كبرني فگدج فاطمه يمكن الف عام
وگمت اعثر بنسمة هوه وكل ليلي ما انام
والزاد مر بفركتج صايرله ايام

من يوم مارحتي لازمها خاصرتي هد حيلي فركاج
كلما يمر ذكرج بدمعي اركض الكبرج وابدي احجي وياج
ويالزهره بغيابج متگطع اوصال
*******
كلما احس صدري ضاك للمكبره حيل اشتاك
والها بدمعتي تعنيت وكلتلها مابيه افراك
يالزهره ضعت بلياج وعافيتي اخذتيها وياج
ملهوف اردن للبيت واختنك من ما الكاج
شنسه وعلى الذكره عشت يا اغله الاحباب
وكلما احن وتذكرج اركض عله الباب
وتدرين حيل اتغيرت ماجني ابو تراب
افراكج كسر ظهري ونار اشعر بصدري وما اكدر انساج
ما بطلت نوحي بجيتج ترد روحي ويا محله ملكاج
ما احمل الفركه وهجرج علي طال
*******
كلتيلي ارجع للبيت وياريت اله ما رديت
تلگتني زينب بالباب ولمن شفتها احتاريت
لا بيه اكللها عليج ولا بيه اكللها شبيج
شبكتني وتنام تريد زينب وضعها ايبجيج
اتكلي وين امي مشت وشكبره همها
كلما افز من نومتي تنومني يمها
مكسوره البنيه تظل لو ماتت امها

مشتاكه اشوفنها والصدري اضمنها بيديه الزغار
ورجع اشمنها ولا لحظه اعوفنها وما ريدن احتار
ومن ما لكيت امي وحده الدمع سال
*****
كلتلي بويه امشي وياي عندي حجي وياك اهواي
خليني اون ونحب حيل لاتكلي زينب بهداي
ليش امي عافتني بليل وليش اسمع اصهيل الخيل
وليش من انام اسمع صوت زينب تشوفين الويل
رايح يكلي بكربله زينب تحيرين
ومتونج ايصيرن زرك ومسبيه تمشين
عليجن خيمجن تحترك وشكد تركضين

رايح يعذبونج وشكد يسبونج وتحتاري بيتام
تظلي بلا خيمه وتباتي بالهيمه وياغربت الشام
ويازينب اجفوفج تاكلها الحبال
*******
ايكلي زينب تدرين مايظل شي من حسين
رايح يطحننه الخيل وبس الحوافر تلگين
بحر الشمس يبقى اهواي ويظل يدور عله افياي
عالرمل تدرين اينام ومحد انطاه شربت ماي
يصعد على صدره الشمر ويحز وريده
ويخلي راسه عله الرمح ويرفعه بيده
وزينب يجيج الخيمتج سبيج يريده

ايرفعه جدامج وتشوفه ايتامج الغالي مذبوح
من ينگطع نفسه بصدره يجي ايرفسه ابن امج ايروح
وتشاهده عيونج نايم عل ارمال
*******
تمت
ميثم العمري

شوط كربلائي

حيدر غسلج بالليل ويجر حسره بأثر حسره
ومن شاف الضلع مكسور شال أيده ولزم ظهره
*****
ألليله حيدر بيا حال حزين ودمعته اتلالي
شال أم الحسن بيده وللمغيسل مشه الوالي
يعينه الله علي رايد بيده ايغسل الغالي
انحنه والصدره ضماها وكام ايسولف وياها
علي ما أضنه ينساها
والله ايموت الف موته علي لو فارك الزهره
*****
شال الماي ابو الحمله وعليها يبجي كام اهواي
لن يسمع علي دخيلك غسل فاطمه بهداي
الغالي اشلون كلبها انطاه عالغالي يدير الماي
بعلي املاك السمه احتارت من ايده عله الضلع صارت
الدنيه بحيدر اندارت
شال أيده وكعد بالكاع حيدر خنكته العبره
***
كام ودمعته بعينه يكلها عليج أون معذور
حياتي وبيده اغسلها وشوفن خدج المسطور
وشيظل فاطمه بالشاف من عندج ضلع مكسور
انكسر من شدت العصره وعينج فاطمه حمره
ادري من وره السطره
وحكج لوما الوصيه جان الكل خذت عمره
**
جفنها علي بحزنه وبده يتوادع وياها
ولن زينب اجت لمها وبجه عرش الله لبجاها
وحسين اعتنه مهموم وكعد يم أمه حاجاها
الحسن يبجي ويريد أمه الصدرها رايد اتضمه
يكلها دنيتي ظلمه
امي وزهرتي بدنياي الفاكد أمه شيصبره
***
يبجون وعلي محتار الزهره اطفال عافتهم
يريد أمه الطفل بالليل وانه اشلون اسكتهم
حنت فاطمه وأنت الصدرها برقه ضمتهم
منظر ماتحمله العين زينب والحسن وحسين
بحضن أمهم غفو هالحين
المنظرهم بجت أملاك وكامت تسجب العبره
****
تمت
ميثم العمري

خدام الج فاطمه وبيج الخدم هايمه
نقسم تظل قائمه لجلج مجالسنه
*****
يالزجيه انعاهد بخدمتج كل واحد
هالشعاير بالضماير تبقى والله الشاهد
شيعتج وفايه ومنهم أخذي حجايه
يالزجيه للمنيه حسين عدنه الغايه
بالدم نوقع العهد خدامج وعالوعد
نهتف تظل للأبد حسين بضمايرنه
* * * * * * * * *
بينه عايش عابس وبالجنون انافس
من مثلنه الزهره النه ونلطم ألها بواهس
كلشي أصبح واضح أليخدمج رابح
من الخدامه بكل كرامه ايعيش باجر رايح
خادم الزهره الفخر يبراله بأروع صور
تحترمه كل البشر والخدمه تجمعنه
***
ياوديعه طه بخدمتج نتباها
بالمجالس عدنه واهس وبشغف كلناها
نعرف تحبينه وباجر تحضرينه
والعلامه بالقيامه فاطمه تحمينه
نمشي بفخر بالحشر أو بينه محد يمر
خدام فاطم أمر خل يدخلو الجنه
******
كل محب هالليله باللطم شد حيله
شكبر حظه العنه ترضه فاطمه وتدعيله
والحضر بحزانه ولطم حيل ويانه
تطفه ناره وأله بشاره الزهره ماتنسانه
باجر اذا تنسئل وتظل دمعتك تهل
فاطمه أتطلع السجل وتكله خادمنه
***
هالمسه نادينه الخدمتج وفقينه
الخدمه املنه وشرف النه منها لا تحرمينه
يالزجيه احبابج واكفين ابابج
نظره ردنه أمنيه عدنه نخدمج بمصابج
مجلس نسوي بهظم ونشبع بواجي ولطم
ياربي ماننحرم وتظل مآتمنه
******
من حزنه انعاتب وللظهور انراقب
انصيح يمته الفرج حته يجي الثاره الغايب
يالزجيه اجنوده بالحشد موجوده
زلم كدها الموت عدها لاشي ومشهوده
المهدي لمن يرد ينتظره يلكَه الحشد
شبان جنهم ورد بدماها تحرسنه
*****
تمت
ميثم العمري

كل شيعي يون معذور واويلي على الزهراء
ضلع أم الحسن مكسور واويلي على الزهراء
**
كل شيعي هتف مهموم واويلي على الزهراء
وبوجهه الحزن مرسوم واويلي على الزهراء
انشيع فاطمه بهاليوم واويلي على الزهراء
وعدنه كل وكت عاشور واويلي على الزهراء
******
نلطم عالصدر بحساس واويلي على الزهراء
نعشها انشيله فوك الراس واويلي على الزهراء
نبجي وخل تصيح الناس واويلي على الزهراء
وعليها الي يون ماجور واويلي على الزهراء
*****
هاليوم الحسن محتار واويلي على الزهراء
بدمعه ايعاتب البسمار واويلي على الزهراء
حرمتني من امي تطلب ثار واويلي على الزهراء
سور امي وهدمت السور واويلي على الزهراء
***
حسين ايصيح بأعله الصوت واويلي على الزهراء
اشلون امي الزجيه اتموت واويلي على الزهراء
بعدها زغيره عالتابوت واويلي على الزهراء
أنحب ياخلك مجبور واويلي على الزهراء
*****
زينب والدمع همال واويلي على الزهراء
اجت يم حيدر بيا حال واويلي على الزهراء
راعي البيت صاحت شال واويلي على الزهراء
وكلبي ياعلي مجمور واويلي على الزهراء
**
تكله بويه صرنه أيتام واويلي على الزهراء
وصعبه اليفكد أمه اينام واويلي على الزهراء
ليل وخلصيته آلام واويلي على الزهراء
وجرحها بالكلب محفور واويلي على الزهراء
****
وينج يم حسن وحسين واويلي على الزهراء
يمه بعازتج تدرين واويلي على الزهراء
شجاج ومن وكت تمشين واويلي على الزهراء
وبيتج يمه احس مهجور واويلي على الزهراء
**
خالي أو وحشه صار البيت واويلي على الزهراء
شكثر يم عتبتج ونيت واويلي على الزهراء
وبثيابج اشم ظليت واويلي على الزهراء
ما ادري بزماني ايدور واويلي على الزهراء
**
يمه ما اضن ارتاح واويلي على الزهراء
عكب ذاك الحنان الراح واويلي على الزهراء
فكدج زاد جرحي اجراح واويليعلى الزهراء
ودمعي اعله الوجن منثور واويلي على الزهراء
* * * * * * * *
تمت
ميثم العمري

سجل اسمهم ياملك ذوله احله خدام
وفتر عليهم بالسره ولا تنسه لطام
شوف وكَفتهم وياي
شوف كلمن يون جاي
*****
ياملك انه الطاهره بهاي المجالس حاضره دوم
لليبجي اشوفه عله الضلع من خده ألم بيدي الدمع دوم
كلمن لطم صدره وبجه عليه
ادعيله الله يوفقه يوميه
وكلمن قرالي بصوته لطميه
ابنيله بالجنة حسينية
انسوي بالجنه عزه تحضره الملايين
وهناك رايح تلتقي خدام الحسين
شوف وشرايك بهاي
شوف كلمن يون جاي
***
ياملك كل خادم جبل وممنونه من عدهم أظل راح
الخادم صبح دمعه وحي اليطلبني ما ارجعه استحي راح
تدري الخدم صارو مثل ولدي
واحدهم بعز الهوه عندي
باجر اوصي عليهم المهدي
كل خادم تحسبه الك جندي
أنصار الك يمه الخدم وأنصار الحسين
سجل اسمهم بالذهب بين الحضرتين
شوف كل شيعي وفاي
شوف كلمن يون جاي
******
خدامي لجروحي دوه ولعيوني واحدهم ضوه صار
وبشره اليريد الخاتمه اسمك بمصحف فاطمه صار
كل خادم بدمعاتي اشكرنه
ومقبوله هاي الخدمه ابشرنه
ليلة الوحشه بكبره احضرنه
وحته بصلاة الليل اذكرنه
يطلبني جيه للكبر مارايحه انساه
وبالكبر خادم فاطمه من يحجي وياه
شوف اليوم انته بحماي
شوف كلمن يون جاي
*****
شد حيلك وهل الدمع جف اللطم باجر يشع نور
بكد السمه جرحي رسم صورة أميره وي الخدم نور
بين الخدم هالصوره محلاها
خدامي بيهم لازم اتباها
هاي الشباب المهدي حياها
والحلوه اشوفه يلطم وياها
هالليله أبو صالح حضر للمجلس اينوح
كَلب الإمام المنتظر شكَد شايل اجروح
شوف ظل ينحب اهواي
شوف كلمن يون جاي
******
واسوها زينب ياخدم وبالدمعه طفوها الخيم نار
تعبها ياناس الزمن وبالعاشر اخيمها دون نار
بين العده محتاره اصد ليها
وخيمها ماواحد يطفيها
بصوطه الشمر ظل يفتر عليها
وكل ساعه نار الخيمه تجويها
جانت أميرة أم الخدر هسه أم الأحزان
والهظمه زينب بالغرب ماعدها خوان
شوف زينب صحت هاي
شوف كلمن يون جاي
*****
تمت
ميثم العمري

بالليالي الفاطميه تحضر الزهره الزجيه
يا زهراء يا زهراء
*******
بهل ليالي اشكد طعم وشكد أجر
والله أبد ماتنحسب من العمر
بالدمع نحييها وبلطم الصدر
ندري ما تنسينه باجر بالكَبر

وندري حتى بالمنيه تحضر الزهره الزجيه
يا زهراء يا زهراء
******
للمجالس نركض انحب اللطم
وكون أبد من خدمتج ما ننحرم
نبجي وعله الضلع بينه شكد هظم
والدموع التجري الج بيهن طعم

تصيح كل دمعه الجريه تحضر الزهره الزجيه
يا زهراء يا زهراء
*****
الهل ليالي فاطمه اشتاك المحب
شاد حيله وشكثر ظل ينتحب
شمحله اسمه بمصحفج من ينكتب
وحلوه خادم فاطمه من ينحسب

صحنه والله بكل عزيه تحضر الزهره الزجيه
يا زهراء يا زهراء
******
احنه عشاك اللطم بينه طبع
انموت حركه من يمر طاري الضلع
اتلث رواياتج فلا تكفي الدمع
كون عشره حتى بيهن نقتنع

وللمجالس كل مسيه تحضر الزهره الزجيه
يا زهراء يا زهراء
******
مالي غيرج فاطمه بالدنيه هاي
انتي امي ويمه اريدنج دواي
للكبر يم الحسن ليه تعاي
ومنهو يحجي وياي والزهره بكفاي

ياخلك باجر إليه تحضر الزهره الزجيه
يا زهراء يا زهراء
*****
كالو المهدي يجي وبيده السجل
ايسجل اللطامه ودموعه تهل
ينحني من يسمع بطاري الحبل
ويبجي دم الزينب الصعدت هزل

زينب الراحت سبيه تحضر الزهره الزجيه
يا زهراء يا زهراء
******
تمت
ميثم العمَرّي

يا زهراء يا زهراء
*****
آنه الإمام المنتظر يايمه تعبني السهر
من المصايب شيبت ويا فاطمة ظهري انكسر
كل يوم أون عله الضلع وما فارك عيوني الدمع
عايش غريب بدنيتي وناري جوت نار الشمع

يا زهراء يا زهراء
****
مخنوك انه بصدري الهوه وبعيني أحس مات الضوه
يغفه جرح ويفز جرح وما يحصل الجرحي دوه
كمت أحتمل حر وبرد ودفيت بحساسي الورد
يايمه بستان الأمل عطشان من كثر البعد

يا زهراء يا زهراء
******
هاي اليالي إلها طعم وعودته صدري عله اللطم
وبكل حسينية من أمر لو ماكو مجلس انهضم
مخطوطه لوحه بالسمه هنياله خادم فاطمة
وشكبره حظه التقبله وبالجنه الله يكرمه

يا زهراء يا زهراء
******
يمته ارجع انه وبيج أمر ويا فاطمه ابنيلج كبر
والكبه اسويها ذهب وابني لواوين اشكثر
جوكات نطلع بالصحن لحبابج ايعود الوطن
وآنه أخبر شيعتج هذا ضريح أم الحسن

يا زهراء يا زهراء
*****
جندوب أظل بغربتي مشتاك اشوفن شيعتي
ادعيلي يمه بالفرج طالت عليهم غيبتي
الياوكت يمه انتظر شمعه وبده ايذوب العمر
كل ظلمه لابد تنجلي وتبين اخيوط الفجر

يا زهراء يا زهراء
******
تمت
ميثم العمري

صحت ودمعي سجاب اشسوه بضلعج الباب
الحضنج يمه حنيت وحشه بدونج البيت
***
مات خلك الدنيه يمه بكسر ضلعج
وحته ما لحكت احضننج واودعج
هواي جنت ارتاح يايمه من اسمعج
تنطفي أحلام الورد من يطفه شمعج

يكتل يمه الفراك وراح الصوتج اشتاك
انحب وحدي ظليت وحشه بدونج البيت
****
يالحنينه اهواي مشتاكه الحنانج
رحتي يمه وياهو اليعوض مكانج
شمحله جلمة زينب اسمعها بلسانج
يمه ما يرحمني من بعدج زمانج

راح اتعذب اهواي وماترحمني دنياي
كبلج ميته ياريت وحشه بدونج البيت
*****
كمت للباب أمشي يوميه وكلمه
والمكان الطحتي بيه اكعد وشمه
بدمعتي عله الكاع حضنج يمه أرسمه
وعله ايدج اغفه كلت اشويه يمه

شسوه بحالي الغياب نمت بحضن التراب
من الفركه سليت وحشه بدونج البيت
***
أمي حيل تغيرت حته بمشيها
تمشي محنيه غدت ويلي عليها
الله لا ينطيه الباب اشسوه بيها
من تون تلزم ضلعها أمي بديها

ذبلت فاطمه بساع تكوم وتلزم الكاع
بزينب عمله سويت وحشه بدونج البيت
****
أمي طيبه وأمي أميره وأمي جنه
أمي ذيج الماتت وياها المحنه
أمي خيمه ومنها ياناس انحرمنه
وهسه صرنه بلايه خيمه ومحد النه

ماتت أمي ياناس ومات وياها الحساس
بحسرة ودمعه ناديت وحشه بدونج البيت
***
أمي شمعه ونطفت بأول عمرها
أمي ورده ولليتامه انطت عطرها
أمي خلف الباب والظالم عصرها
ونبت البسمار ياناس بصدرها

سطرو أمي عالعين وصاحت يمه يحسين
من الدنيه مليت وحشه بدونج البيت
***
تمت
ميثم العمري

من تغسلها بهيده عليها ما تدري امي شصاير بيها
من تلزمها لا تلجمها
*******
عله كيفك من تشيل امي وتغسلها
لا تلجم ضلعها وانته تحملها
من تغسل امي بويه كللها
زينب فگدج اشگد رايح ايسلها

من بعد امي شكبر الحيره وانه عله الهم تدري زغيره
انحب يمها لا تلجمها
******
ايدك عالضلع لمن تمر بهداي
خاف تلجمه بويه بهيده دير الماي
هاي امي يبويه وسلوتي بدنياي
من عدها بعدني ما شبعت اهواي

من زغري اشلون اتيتمني وجلمة يمه شگد تلجمني
خل اشتمها لا تلجمها
****
الجفن لمن تلفه بهيده عالزهره
ما تدري بضلعها ياعلي وكسره
يظل يوجعني صدري من اذكر العصره
واخلي ايدي عله عيني من اذكر السطره

لاذت خلفه وانه انظرها وعالباب اشگد ظل يعصرها
شگد المها لا تلجمها
****
هذا ايسبها كام وذاك يدفعها
وذاك بجفه حيل الزهره يصفعها
الحكيني يفضه صاحت اسمعها
اصد ليها وتصدلي ويجري مدمعها

جنها اتگلي حضري امتونج باجر بالصوط ايضربونج
يكثر همها لا تلجمها
*****
كل يوم اليمر تذبل اشوفنها
تكلي يمه ضلعي شما الزمنها
اريد اغفه بحضنها وحيل اشمنها
وادري من تضمني راح ءالمنها

ما اكدر لحظه بدون امي خليها الليله اتظل يمي
ينزف دمها لا تلجمها
*****
حنينه امي وگلبها ايفيض حنيه
رغم كسرت ضلعها وتمشي محنيه
تنومني بحضنها بويه ليليه
بيه شلون امي الليله ماهيه

گلها اتناطر زينب جيتج وين اتنام الليله ابنيتج
من تكلمها لا تلجمها
*******
تمت
ميثم العمري

مصابك حنه يالعسكري اضلوعي
على بابك وگفت وتهمل ادموعي
اواسي المنتظر جاي وعليك أرد أنحب اهواي
*****
السامره عتنيت ودمعتي بخدي
زرت گبرك وظل بيه الحزن يحدي
يريت ابدال جبدك گطعو جبدي
ادري عليك ناصب فاتحه المهدي

اشوفه حزين ومنهدم حيله
اشوفه حاير وحده هالليله
اصد له وتجري عيناي وعليك ارد انحب اهواي
*********
من ابعيد اجيتك جيت الفاگد
اواسي المنتظر بمصيبتك رايد
بصحنك جني شفته وينتحب گاعد
خذت حيلي يصيح امصيبة الوالد

حسرته جبيره وتطحن بروحه
دمعته وثگيله امبينه اجروحه
أمامي وعايش وياي وعليك أرد أنحب اهواي
*****
بمصابك يالحسن تدري انكسر ظهره
ويوميه يموت المهدي الف مره
يون صبح ومسى ومهموم كل عمره
ودم يبچي المصاب المنگطع نحره

مصيبه انذبح عطشان ابو اليمه
نحيبه ثگيل وياعظم همه
شگد يعتب عله الماي وعليك ارد انحب اهواي
******
من شفته انحنيت وزادت احزاني
شگد متعوب امامي او وضعه بچاني
ومن ابعيد اشوفنه تلكاني
هله بالزاير البمصابه واساني

يگلي اريد اهواي تدعولي
يگلي دعاء الندبه اقرولي
غريب ونعرف بهاي وعليك أرد أنحب اهواي
*******
يون وعليك اشوف ادموعه سجابه
الله يعينه هالكد يبجي لحبابه
تره المهدي كلف يالعسكري اصوابه
التفت لي وصاح آه يحسين ومصابه


امامي سنين ودمعته تجري
امامي شوكت يرتاح ما ادري
أنحب كتله بهداي وعليك أرد أنحب اهواي
******
بحظرتك ندعي الله ايفرج علينه
الهي عجل النه بفرج مهدينه
طالت غيبته وطال الهظم بينه
كل جمعه نتاني اظهوره تدرينه

بحضوره يظل بينه الامل يكبر
بظهور اشفي صدر ابو الاكبر
غربه بدونه دنياي وعليك ارد انحب اهواي
*****
تمت
ميثم العمري

ماينوصف حزنه وجبيره اجروحه
هاي المسيه المهدي ودع روحه
الليله الامام المنتظر ياناس مكسور الظهر
*****
بحسرتي السامره اخذني الليله ياعالم خيالي
وجني اشوف المهدي حاير ودمعته عله الخد تلالي
مگابل العسكري وينحب غالي ويفارگله غالي
تسأل عله الحال بويه وانه بويه هذا حالي

ما ادري راح شلون افارك عينك
يم گبرك اوكف بويه وصرخ وينك
مافاركت عيني الصور ياناس مكسور الظهر
******
الليله طاح الحسن بالسم الحالته كل عين تدمع
من يون ايده عله صدره وعلي بويه احضرني اسمع
لازم المهدي ويگله جبدي يابويه تگطع
روحه من طلعت يعالم اجت روح المهدي تطلع

عالعسكري كلها تون وتنادي
الليله شعظمها امصيبة ابن الهادي
والدفنته حيدر حضر ياناس مكسور الظهر
*******
حسرة الفاگد جبيره الراح ابوه يدري بألمها
البويه حلوه وهسه راحت وبعده ظل باهت طعمها
الابو ياناس خيمه ليلة افراگه شعظمها
هذا حال المهدي امامك حسرته بگلبه يظمها

شايف الفاگد من يحن لحبابه
المغربيه اتصير روحه ابابه
ما يرجع ويشبع قهر وياناس مكسور الظهر
*****
توادعو ووداع فرگه تشابگن نظره ويه نظره
رايح الايام تگضي وتگضي رايح احله عشره
وتنتهي ذيج المحنه والفگد گلي شيصبره
والدفن بجفوفه غالي ما يفارك راح گبره

طبع المگابر تشتهي ادموع العين
وين النحبهم ياخلك صارو وين
بغيابهم جرحي كبر وياناس مكسور الظهر
********
الليل ما يرحم الفاگد تصير ساعاته طويله
اليرحل بسرعه يكتلك وانته ما حاسب رحيله
العنده والد يشتكيله وانه ياهو الاشتكيله
اليطيح وحمله يثكل گلي حمله من يشيله

حته الهوه يخنگني ظل بحفاهم
وشيحمل اعزازي صحت فرگاهم
تعبني تدرون السهر وياناس مكسور الظهر
*******
سجن هاي الدنيه صارت والامام المهدي وحده
كل حياته بغربه عايش ودمعته تجري عله خده
شيبت گلبه اليالي وحجي هواي المهدي عنده
والقره للمهدي ندبه گلب ابو صالح يبرده

يوسفنه طول يمته نشتم ثوبه
عيونه انعمت من البجي يعگوبه
هلبت يصح منه خبر وياناس مكسور الظهر
*******
تمت
ميثم العمري

دوم اذكرو الحسن ياشيعته
وكل محرم اذكرو مصيبته
اهواي مظلوم الحسن
********
انه ياشيعه حسين واليكم
عالحسن تدرون جيت اوصيكم
كل وكت ذكروه بغربتي عليكم
وراح اسجلها كل أساميكم

انتو عندي اعز من الهوه
الليله كلنه عالحسن نلطم سوه
شاف اخوي اشگد محن
*****
من يجي عاشور وتبدي آلامه
عالحسن خلوه ثاني ايامه
اشكثر مظلوم وشگد اسهامه
وما اضن تنسوه وانتو خدامه

احنه بيكم يشيعه نفتخر
ويالخدمتو على الزهره الاجر
والوعد جنة عدن
*****
عالحسن ياناس اجرو دمعتكم
والله يستاهل هاي عبرتكم
شگد تفرحونه بهايه لطمتكم
وصحت خدامي حلوه لمتكم

الخدمه نعمه وشرف بيها الحظه
ياللطمتو الحسن عنكم رضه
خدمته صارت وطن
******
ابجو لمصابه وغربته بحسره
الحسن مظلوم ومحد ايذكره
كلنه نتمنى تصير اله حضره
وكلها مشايه تعتني الگبره

والمواكب تروح الخدمته
ويجي الزاير يرف برايته
الشيعي صرخاته اعتلن
********
عالحسن لليوم دمعتي تجري
گطعو جبده ونكسر ظهري
ضيعيته بليل وضيعت عمري
احفر بگبره لو هاذه گبري

شفت جبده وعله وجهي طحت
راح اخيي يبوفاضل صحت
الغالي هالليله اندفن
*******
هوه بالسم طاح وآنه ذبحوني
ومن تذكرونه جن تذكروني
بالطشت جبده شفته بعيوني
سوو اله اقرايه وبيها تلگوني

الليله حاضر يشيعه بمأتمه
عليه لطمكم يفرح فاطمه
جلمه عندي للزمن
******
تمت
ميثم العمري

تعال وخل نسولف احنه الاثنين
اذا راح الحسن تبقه انته لحسين
يعباس وأريدك ما تترك عضيدك
*****
هاي الليله كسرت ظهري ابن امي السم كطع جبده
ويون شفته ولازم صدره وما بي حيل حسين ايگعده
وجهَ اتغير من شافاني وگل لحسين الطشت ايبعده
گلي شجابج گتله الخوه وشيعوضه الاخ من تفگده

اول مره احس بفگده يا ناس
طحت من شفت جبده وكضني عباس
الفراك شيفيدك ماتترك عضيدك
*****
حسين انظرله كام ايودعه وهد كل حيلي اوداع اخواني
اوداع الخوه ذيج الحلوه واحد ظل شابك عالثاني
اول مره يلزم ظهره حسين وزيد جرح احزاني
وانه بدمعي يايمه اصرخ والعباس الهم وداني

گعدنه والحسن ظل يهمل العين
وياعباس گله اوصيك بحسين
وسلم اختي بيدك ماتترك عضيدك
******
بالگوه ايجر كام انفاسه ومحني حسين عليه ويقبله
ياضي عيني لتخليني افراكك يكسر ظهري ايگله
يالكل عمرك ما عايفني يبن امي غيابك شيحمله
ما متعود لحظه بدونك يالرايد ترحل مو سهله

ربينه من الطفوله انه وياك
شحسبالك يهون عليه فركاك
خوفي اجروح ازيدك ما تترك عضيدك
******
عندي حجايه بيني وبينك ياعباس او وعدك ردته
وردتك خويه لحسين اتظل عكب الغالي اتضل بس انته
تدري افراگه راح ايكسره ولازم ظهره بعينك شفته
يا ابو الغيره ظلت يمك أيموت حسينك لو فاركته

يالكلك شهامه وغيره ادريك
اخيك هذا ما يحتاج اوصيك
سره حبه بوريدك ماتترك عضيدك
*****
مات ابن امي ولحسين انظر ظل ايدير بعينه وحاير
هاي النظره زين اعرفها من ايفگدك بالطف باجر
بفگدك خويه راح ايشيب وينحز نحره بيوم العاشر
وعليه تلتم خيل وعسكر وتلگه بصدره آثار الحافر

صدره مترس اسهام ويون حيل
ويعباس عله اخيك تلعب الخيل
بعد ليه شيعيدك ما تترك عضيدك
*****
احسين ايظل بعدك وحده وباجر راح الشمر ايذبحه
بنحره ايطبره وبكل طبره احسب ياعباس ايجرحه
يگطع نحره ويرفس صدره ويطعنه بخاصرته برمحه
خويه وراسه برمح ايرفعه وكل اطفال حسين اتلمحه

انته عله النهر متگطع اوصال
وانه عله الهزل مجتوفه بحبال
الشمر رايد يكيدك ما تترك عضيدك
*******
تمت
ميثم العمري

الليله الغالي ايودع غالي مدري ابجي الكم مدري الحالي
تودع حسين انته اول مره ومن هسه انظر لازم ظهره
*******
ليل اموادع خويه وحسره وجم گلب الليله المجروح
وبين اخواني تبدي الفرگه وذيج الخوه الحلوه تروح
حيرتوني بموادعكم شلون الروح اتودع الروح
من تعوفه تكسر ظهره ومن هسه حسينك مذبوح

الدمعه بعينه من ودعته وللعباس ايباوع شفته
راح حسين ايبين كسره من هسه انظر لازم ظهره
*******
بالسم ادري تگطع جبدك وآنه تگطع گلبي عليك
من تون شفتك وجهي الطمته متغير حيل انظر ليك
من تتنفس تلزم صدرك جا هلگد صدرك ياذيك
ناوي الفرگه غير انه اختك تعوف اختك گلبك ينطيك

بيه افراكك راح ايبين وادري بگلبك خويه حنين
وبيني وبينك خوه وعشره ومن هسه انظر لازم ظهره
****
خل انسولف اخ واخته ليه الطف احجيلي شضام
ليش امتوني دوم الزمهن ويألمني كل ما انام
وليش بأيدي دوم اتخيل جنها اتطفي بنار اخيام
وجني بهيمه وبلا خيمه وضاعو مني اشگد ايتام

وهناك انظر تبجي ابنيه سلبو من عدها الترجيه
ذيج رقيه التبجي بحسره ومن هسه انظر لازم ظهره
******
حسين اتذكر نايم شفته وفز من نومه وصدري صاح
ويومي بأيده ايگلهن بسجن كافي صدري منجن راح
واصبع ايده دوم ايألمه ويختي ايگلي ما مرتاح
يابو محمد وجم مره من ايد احسين المحبس طاح

اشعر واحد يرفس صدري خويه وسيف ايحز بنحري
خويه الطبره فوك الطبره ومن هسه انظر لازم صدره
****
راح احجيلج زينب خويه رايح بالطف ايعذبوج
وخويه امتونج راح اتزورك وبالصوط اشگد ايضربوج
ويختي الشده بنص العسكر يازينب راح ايوگفوج
هذا ايسبج وذاك ايضربج والاصعب لمن يسبوج

رايح بحبال ايجتفونج وعالناگه بصوط ايصعدونج
وحسين ايظل اعله الغبره ومن هسه انظر لازم ظهره
******
حسين الغالي بالحر نايم وجروحه اهواي وتاذيه
عطشان ايظل ومحد يختي اميه ايروح وينطيه
هذا ايطعنه وذاك ايرفسه ويركض ذاك ايسلب بيه
الشمر ايذبحه وياخذ راسه وبرمح الراس ايخليه

ايعذبه اهواي ويگطع نحره وعشره الخيل التسحك صدره
كل حافر تارك بي حفره ومن هسه انظر لازم ظهره
*******
تمت
ميثم العمري