ديوان (في سبيلك) بشار السامي :شعر منبري

https://youtu.be/Azu_lkqjrHg?si=srSDfI8a2iVXJTUp

https://youtu.be/LSch-EfFjH0?si=RLXq8XanPMx0QF9I

https://youtu.be/QoeArjKMpyU?si=fJiiwCqvyEU9XGFN

https://youtu.be/g45_s4vUos4?si=VH7cexNEazDXPD57

حگك بدمعك لحيتك ناگعه
علمغيسل رحمة الله الواسعه
..........١.........
توكف وتكعد واديك على الظهر
حيل مامستوعب اتغسل نهر
هوه ظلعك لو ظلعهه الي انكسر
علي فراك الزهره گلبك شالعه
...........٢............
صاير مچان الضلع مثل الخسف
موجرح شلال مابطل نزف
صار اصفر لونهه ذاك الترف
ويمهه دمعاتك يحيدر خاشعه
...........٣.......
حاوطوهه بنار والزهره وفر
وبلهيب الباب كامت تستتر
طاح محسنهه مثل طيحت شذر
والنفس من المدافع گاطعه
.........٤..........
عظم الله اجرك بفگد الهوه
الطين يتغسل الزهره من الضوه
الشمس واليل ميعيشن سوه
همه ليل وبت محمد ساطعه
.........٥.........
سبحه طين ويم ظلعهه اتفطرت
طب عرب وعلى الصواب اطشرت
شعرك ابيض لوچفن فاطم صرت
الدنيه بلشيب على راسك فازعه
.........٦.......
التهظم احمر صار ماي المغتسل
يكثر الموت وظماد الزهره قل
راحت ام البيت وافاهه الأجل
وناحت عليهه السماء السابعه
..................
بشار السامي

https://youtu.be/4yKmceaaJb0?si=QNg2KBch3Sc1C7f3

ماتت . صدك راحت
بتده همي
اندفن دمي
خسرت امي ....ماتت
.......1.........
شمعة الدار انطفت
وروحي بلضلمه صفت
راحت الجنها البخت .ماتجينا

نده وطحت بنص جمر
شمايذكروها انكسر
شابن اسنيني الخظر .علحنينه

صفى المرحومه اسمها عكب مازهره جانت
تمنيت كبلها ساعه موتي صارت

الدمع حكي اهله
اندفن حيلي كله
الكلب عافه خله ..ماتت ماتت
............2..........

كولوا لاهل المكبره
كلبي ظل جوه الثره
مايردلي اتنطره ..مايعاود

وانكتب فوك الكبر
هنانه مدفون العطر
بس ظلع بي منكسر .الله شاهد

حريمه ايدفنه التراب هذاك امي شكلها
وصباح الخير يمه بعد مانسمعلها

انا اشتاك الحظنهه
الصار بسر دفنهه
انا حسين ابنهه .ماتت ماتت
...........3.........

امي حيل اتحب علي
عشك اهلنا الاولي
بعلي ل الله تعتلي ..شكد تقدسه

امي شيلتها الشمس
علمتنا اعظم درس
انجود ل الله بلنفس .شمنها ننسه

يتامه انظل بلا ام شما نكبر يتامه
الدمع للفاكد امه يظل اوضح علامه

امان البيت راحت
يروحي الخيمه طاحت
من الهم استراحت ...ماتت ماتت
...........4........

مشكله وماالها حل
البلهجر گلبه قبل
عمره بلفركه ذبل .وشيقنعه

امي موذكره وحلم
هيه ريتي البيها اشم
لوجبل هم انهدم . دمعه دمعه

بعد ياشيب اخذني وبنص كلبي اطلع
تره عافيتي ماتت بعد ماظنها ترجع

نزل دم دمعهه
نكسر ليش ظلعهه
صعب جان وضعهه .. ماتت ماتت
............5...........

امي تعشكها السمه
بنت محمد فاطمه
ماتت وتنزف دمه .من ضلعهه

صوت بأذني ظل يرن
فاطمه كالوا وان
حكي اذا ابجي ووان .ياوجعهه


بحظن ماطاح محسن طاح بحظن جمره
ابد ماسمع يمه سمع بلظلع كسره

يروحي الزجيه
خذتها المنيه
صفت مو اليه .ماتت ماتت
............
بشار السامي

https://youtu.be/HfrdNTSj-uk?si=8XAUW6Q0URyMYV_C

https://youtu.be/9J3eH9Sk-OU?si=rD41Y46-51TYfvHw

اعظم نعمه. ايام الخدمه. والدمعه الماتنكطع
خل نتحزم. بحزام الهم. للزهره وكسر الظلع
خدام . نبقى الفاطمه
خدام . الثامن سمه
............١..........
همه ذوله احنه جرح عاشك لجمته وبيهه ضل هايم
الدمعه لجل ام الحسن تشبه معلم. تدرس الخادم

كل روايه وكل رزيه
. ننحني مثل الزجيه
احنه عدنه الفاطميه. ثاني محرم

الينوح مكظي عمره.
هذه هم راحتله زهره
والتدك نبضاته فطره. بحيله يتحزم

مجلس امنه. بحزنه يلمنه نتخاوه بنفس العظم
صوت المدمع. نبجي ويطلع. اكثر من صوت الطم
البسمار. الخادم يلجمه
خدام. نبقى الفاطمه
......... ٢...........
شكد عزيزه وترخص كبال الزجيه. فدوه دمعتنه
نرافك البي حركه ويحب المجالس. حلوه صحبتنه

البلخدامه كلبه ذايب.
هذه بس انكله صاحب
والعزاء بروحه ناصب لفكد الزجيه

الماحسب دنيه ومنافع
وعن ظلعهه يظل يدافع
ماتسد حلكه المطامع . وينسى الاذيه

لاميجامل. يبقى ايقاتل. لمظلوميه فاطمه
حقهه اتفرهد. انسطرت علخد. ياوسفه الجانت سمه
مكسور ظلع العالمه
خدام نبقى الفاطمه
.............٣..... .....
َواليظيعنه بمجالس ام ابيها دمعه يلكانه
احنه بلخدمه ظوه اندلي اليتيه. الله سوانه

بلمجالس ندري ونهه.
تحظر الزهره بحزنهه
بجفهه شي من ثوب ابنهه
يمكن قميصه

البيده ماي وهمه شافه
ابني تصرخ ياحسافه
لسه متفطرات اشافه
بوادم رخيصه

انسولف عنبر. وصواب اخضر. بي اخ ودمعة كلب
يعلى الصايح. محسن طايح. وكماطه صار الترب
بسمار محسن المه
خدام نبقى الفغطمه
..............٤.........
الخدمه ماي تزكي كلمن روحه ماتت هيه واهسنه
تكشخ الناس بلبسهه واحنه من نكشخ. في مجالسنه

كل محب شايل غرامه
وثوبه ودموعه العلامه
يكظي عمره بهل خدامه. الاخر حياته

البجي اينظف ظميره
روحه بلمنبر اسيره
يندفن كون بحصيره هاي امنياته
الخادم شمعه. واه ودمعه. كل ظلمه ايصير الظوه
الدنيه شتسوه. لاموحلوه بلاخدمه يضيع الهوه
اتنوح. روحه معلمه
خدام نبقى الفاطمه
.............. ٥........
الماخدمهم خل يراجع نفسه زين. ويطوي صفحاته
خل يدك باب المجالس بلدموع. ويجري دمعاته

ندري بلطاهر حليبه
كلبه للخدمه يجيبه
علضلع يكثر نحيبه وجوايات اديهه

الدنيه خوانه بطبعهه
وشكثر خانت ربعهه
اخدم الكسروا ضلعهه
توكل عليهه
رايد تخلص. لازم تخلص. للعتره وال النبي
عينك تدمع. لمن تسمع . يلخادم طاري السبي
كل يوم. روحه محزمه
خدام نبقى الفاطمه
..............
بشار السامي

ياموسم اجروحي المايعرف نهايه
طول السنه بروحي حزنج مو روايه

اسمج يجيبونه واكلهم ياغرامي
يافاطمه بدمعي الج ابعث سلامي

سلامي سلامي
........1........
يباب النعمتي ..ينار بحسرتي
يأذيني ضلعي اذا مر مصابج
طحت وي دمعتج.عشكت قرايتج ..لان كالو انتي تجين العزائج

انوح انوح .وسواد علئ ظلعج اجي ثوبي لابس
انوح انوح .يهلبت اشوفج وي هاي المجالس

علمنبر اتكرب بلكت انتي يمه
مثل الطفل اركض لو كالو ييمه

بسد الجمر لذتي منو العنج يحامي
يافاطمة بدمعي الج ابعث سلامي
سلامي سلامي
.......2........
اشتياقي ولهفتي .وحنيني ودمعتي .مثل ما علنفس ادور الزياره
ازورج ياوكت .واضل بدموعي اكت .واشاهد من بعد لكبرج مناره

اذوب اذوب شمع وعلئ بابح اخلص سنيني
اذوب اذوب .بتراب ابضريحج اكحلهه عيني

اهلا علئ بابج جف المهدي كاتب
ونلكاهه يم بابج شيعيه المواكب

اسمج دوه جروحي والج فدوه الاسامي
يافاطمة بدمعي الج ابعث سلامي
سلامي سلامي
.......3.......
اذوب بمجلسج .نفس واتنفسج ..انا بلايه عطفكم اضيعن يزهره
دخيل مروتج .اظل بخدمتج
انا البلمجالس يسموني جمره

اصيح اصيح .بعد يمتئ ازورج يمن عشتي بيه
اصيح اصيح .علئ كبرج اقيمن عزه الفاطميه


ماعايش اسنينه المايحظر عزاكم
خل تختنك ريته المايشتم هواكم

مايوصف الخدمه بعد حزني وكلامي
يافاطمه بدمعي الج ابعث سلامي
سلامي سلامي
.....4......
الروايه الي تمر .وي ضلعج انكسر .النظر مااريده اذا مابجالج
ضلع دم انترس .ويلجمج كل نفس
بجت كل الاملاك يزهره علئ حالج

عذاب عذاب.علي من يغسلج بكسر مرت ايده
عذاب عذاب ..علي بلايه عطرج النفس مايفيده


رد يعثر بجدمه حيدر محني ظهره
ومشيب احساسه دافن توه عمره

لمصيبتج يم الحسن كل كلب دامي
يافاطمه بدمعي الج ابعث سلامي
سلامي سلامي
......5.......
اليحبكم من صدك .عرف معنه العشك .النذر عمره الكم ملك كل حياته
الينوح علئ الضلع ..بديكم ينرفع ..وخسر من نكركم شيسوي بصلاته

اريد اريد .اريد ابقئ خادم لجدم الخدمكم
اريد اريد الجمه انا جرحي اليطيب ابألمكم


روحي انا بجفاكم تالهف غريبه
مثل الرجع دافن بجفوفه حبيبه

مويقظه كون اخدم اظل حتئ بمنامي
يافاطمه بدمعي الج ابعث سلامي
سلامي سلامي
............
بشار السامي

https://youtu.be/u9ziGzjcRMI?si=hEGdWPs0XC2w3IIS

(حامل الراس)

عوفه يمي ولاتظل ياحامل الراس
ارد اسولف كل البگلبي لعباس
وياه اسولف دمعه دمعه
عوفه جم ساعه وارجعه
ياحامل الراس
.....1......
من الرمح نزل الكمر ارد اشتكيله من الحبل .
مايرهم براس الرمح غير الكمر ماينحمل
مشيت بدرب ماينمشي بي تعثر اجدام الهزل
لا انجتف لا انسبي لو هسه ابو فاضل عدل

ارد اكله مسامحينك خويه علماي
ادري راسك يابو فاضل حارس وياي
والله ومايتركني طبعه
عوفه جم ساعه وارجعه
ياحامل الراس
.......2.....
بالك تره بعينه السهم لايلجم خلك حذر
اتطيب الجروح بكافلي لوگرب راسه من الخدر
جيت بحميته مدلله وهسه الحبل بيه يجر
كل خطوه لازم يلجم طبع الركض فوك الجمر

عوفه يمي وماازيد عليه العتاب
رايده امسح عن جبينه بجفي التراب
بلكي يحجيلي واسمعه
عوفه جم ساعه وارجعه
ياحامل الراس
.......3......
وي راس اخوي ارد انفرد واحجيله بلكوفه شجره
من فوك السطوح بحجر ضربو ظعنه ارد اخبره
سوك ويلم كل البشر طبيته وانا ميسره
صاحو اخت عباس اجت ذيج البعدهي مخدره

ارد احط راسه واكله الكلب مشتاك
وارد اكله اختك تره تعبهه الفراك
بلخرابه اشعله شمعه
عوفه جم ساعه وارجعه
ياحامل الراس
.........4........
عن عين الاطفال ابعده غافل اطفالي وجيب الي
ظميتله سوالف عطش ظلن بكلبي المبتلي
مايدري اذتني الشمس وي الخيم حركو محملي
ماردت بس حك خوتي من نبض كلبي وكافلي

ارد اكله شلون دارت بينه الايام
بلخرايب ياوكت ياعالم انام
سهم عينه شلون اطلعه
عوفه جم ساعه وارجعه
ياحامل الراس
.......5.......
الغيره كلها عللرمح شايل نحر لاتعتقد
جن ماي بارد علكلب عباس اذا لعيونه اصد
والله وكت مابي نفس وي الغرب مجتوفه ارد
اطفالي كلها وي الحبل موماي شبعوا بس جلد

ينسحك لو طاح واحد من الاطفال
ناعمات جفوفهم تجرحها الاحبال
مايطمن كلبي وضعه
عوفه جم ساعه وارجعه
يا حامل الراس
.........
بشار السامي

نعي السبي
(السيده زينب عليه السلام )

وياي تمشي راس عللرمح وياي تمشي
ماحصلت شي من ذاك الشمل ماحصلت شي

حبل الموده ليش انكطع حبل الموده
ماالهه رده لمتكم بعد مالها رده

غمك ويدي جرح المتن غمك ويدي
ياخال ولدي راسك علرمح ياخال ولدي


وكت الغروب نكعد بلخرايب وكت الغروب
ومفتحه البوب لابيها سكف ومفتحه البوب

يطرد من بعيد شيال الرمح يطرد من بعيد
موش اجاويد مشاني الوكت وي موش اجاويد


شفت الهضايم من كربله شفت الهظايم
علنهر نايم عفت الكمر علنهر نايم

طايح ارچابه ابن امي وسف طايح ارجابه
ينزف اصواب ماعاف الكلب ينزف اصوابه

ماتهود شمالك يكلبي ماتهود
مايكدر يهد. راس وعلرمح مايكدر يهد


متلاحكونه من السبي متلاحكونه
وتعذرونه صحنالهم وتعذرونه

ضيعوني ماتو اخوتي وضيعوني
وكفوني بلسوك صعبه وكفوني

تنزل دمعتي مابطلت تنزل دمعتي
ولا كال اختي مات الاخو ولا كال اختي

اكطع الظنه شلون اقتنع واكطع الظنه
الصوج منه ماوكف كلبي الصوج منه

يچيدون بيه شسويت ويجيدون بيه
امشي سبيه يحسين صرت امشي سبيه


ماشايفينه هذه الهظم ماشيافينه
يجرون بينه نسوان ويجرون بينه

اتفكرلهم يسبوني واتفكرلهم
فزعولي اكلهم عوفو الرمح فزعولي اكلهم

مداليل خويه الضعن كله مداليل
وي الهوه انميل من التعب وي الهوه نميل


ماسامعينه سمعونه حجي الماسامعينه
يفرون بينه مجتوفات ويفرون بينه

احمول كلبي مالت ياكفيلي احمول كلبي
ماشوف دربي من ظيم السبي ماشوف دربي

واهبينه البجي محلل الراسك واهبينه
يفيي علينه بلشمس ويفيي علينه

يلصعديته .راسه عللرمح يلصعديته
ماشربيته مات من العطش ماشربيته


ماطاب بعيني يخوتي النوم ماطاب
عطاب ريت الكلب بلخيم عطاب

اشماله بيدي الحبل يجرح شماله
عداله هلناس ماعدهم عداله

ماتتيها تريدك طفلتك ماتتييها
مجتوفه اديها بعدك تره مجتوفه اديها


ونات ضاع الحجي والحجي ونات
شمات خليتني بنص ناس شمات

بلتراب كعدن بناتك فوك التراب
ينجاب يبجن لون طاريك ينجاب

دربه منين الموت خويه دربه منين
دواوين اشجابني انا على الدواوين

ويحل اديه ماعنده ادين ايحل اديه
يطرش عليه وبرايته يطرش عليه

مابيه حيله جر الحبل مابيه حيله
جيت اشتكيله راسك تره جيت اشتكيله
...........

(السيده سكينه السيده خوله السيده رقيه )

يزمخ علينه بويه الشمر يزمخ علينه
مايخلينه لراسك نجي مايخلينه

يرادله امتون بويه الدرب يرادله امتون
اعميه العيون ابلا شوفتك اعميها العيون

فكدك دهيره بويه تره فكدك دهيره
ماعنده غيره حداينه ماعنده غيره

المن اديره بويه الوجه المن اديره
بنتك زغيره ومجتفه بنتك زغيره

ارد استشيره راسك دنه وارد استشيره
يرضاها اسيره المدلله يرضاها اسيره

اليل أنامه هيهات كون اليل انامه
تارك علامه السوط بي تارك علامه

دولبني وكتي بويه تره دولبني وكتي
خط بوجنتي من الدمع خط بوجنتي

يهل المحنه ضعنه بدونكم يهل المحنه
على بيوت اهلنه سدرو اضعونه على بيوت اهلنه


ماهوه ابونه كلنالهم ماهوه ابونه
وستوحدونه بسياطهم واستوحدونه

بلسوك مو وكفونه بزحمة السوك
طابوك شمرت علينه الناس طابوك

محروك ماظل جدم مارجع محروك
مخنوك جف عمتي بلحبل مخنوك

يدنه يمي بعيد الراس خل يدنه يمي
اشكيله همي .من سياطهم اشكيله همي

عزي ودلالي راح بروحتك عزي ودلالي
علرمح عالي راسك مانزل علرمح عالي

خلصني منه الطكني ابسوط رد خلصني منه
مابي محنه جلاد السبي مابي محنه


(رقيه مع السيده زينب )


ايست منه يعمه ماحجه وايست منه
مايحجي جنه ميت والدي ومايحجي جنه


حاجي يعمه صوته ماطلع حاجيه عمه
جاوين اشمه خافن يلجم جاوين اشمه

مافتح عينه بجيت هواي اله ومافتح عينه
يفتح ادينه خل من الحبل يفتح ادينه
..............
بشار السامي

وينكم درب السبي اذاني
كون تفزع روسكم يخواني
....١.....
كون راس حسين من رمحه يهد
ورمت امتون الاطفال من الجلد
هسه يفتح عينه وعلينه يصيد

جرح البگصته شكثر بچاني
.....٢.....
بلخرابه شلون صارت كعدتي
بلايه باب وبيهه يحرس شامتي
ماي ماينطوني واشرب دمعتي 

والخرايب هاي موش امچاني
.....٣.....
بخمسه وثمانين طفله اتحيرت
ام لكل ايتيم ويتيمه صرت
مثل مابلطف بابني تعثرت

اعثر بجدمي الحبل خلاني
......٤.......
شوك متروس ومشيناه الدرب
والجدام اتشوفها بس دم تصب
الصاح بويه حسين راسآ ينظرب

بلعطش ظلت اطفالي اتعاني
....٥......
طبت الكوفه يشيبلها الطفل
حرم مسبيات لاكونه بحفل
عذبونه بكل طريقه بكل شكل

وابن مرجانه بفرح لاكاني
......٦.....
هواي انا تمنيت سبع الكنطره
جان ذل ابن الدعيه وعسكره
زلمه لوبيهم فلا جتفوا مره

بلايه عباس الوكت مشاني
.........
بشار السامي

هلا حيوهم .واتلكوهم
طبو زوار حسين
......1........

ركظوا واخذو الرايه منه
خلي نشبع غيره منه
اليمشي بس الوفقه الله
لكربله وزاير تعنه

خل تنطويله الكاع
جايب دموعه متاع
مبحر بدرب الشوك
والرايه جنها اشراع

بيته ومضيفه العين
طبو زوار حسين
.......2........
هذه يرهبهم حظوره
وجه للذم مايدوره
ماشي لحسين بعزيمه
ماخذ وي الخدمه صوره


لانكعد ولا انام
كل الدرب خدام
للزاير متانين
نحسبله من العام

بلخدمه نطلب دين
طبو زوار حسين
........3.......

كلمة اتفضل يزاير
ترست العالم مشاعر
الكرم بس للعراقي
موكبه على الدنيه عابر

زايرنا ياحياك
بلماي نتلكاك
ناصر جروح حسين
يلزاير بممشاك

لا مانسأله منين
طبو زوار حسين
.......4.......

فرشو الكلوب بطريقه
الخيال اصبح حقيقه
الزاير بكد ماحسيني
صار ابو الموكب صديقه

لاتستراح هواي
من يامدينه جاي
كلوله عطشانين
وجيتك صارت ماي

خدام ومتانين
طبو زوار حسين
........5........

خادم يفزعله خادم
كوكب المشايه قادم
العجيبه بهلزياره
كلشي يرجع لهله سالم


تتناقل الاخبار
ودخلت الدنيه انذار
نزلت بدرب حسين
كل الدول خطار

كل البشر ماشين
طبو زوار حسين
...........
بشار السامي

https://youtu.be/oDiKlCY8-xI?si=NLxtxS5bh_mYEu_f

للمشايه ..لسان حال ابا الفضل العباس عليه السلام
............



عباس واسمي انقش . بلماي فوك العطش
رايتي وياك يزاير رايتي وياك
..........١........
شد حيلك يمشاي .
محظر جودي للجاي
اشرب اصرخ الماي.
يلجاي العضيدي

حبك وي الوريد .
اطلب مني شتريد.
موانا البلا ايد
شمس الله انا ايدي

انا ابن ام البنين جمال الله بيه
الكمر بلطف شجان شذره من اديه
الوصل كبري مشاي وتحده المنيه
خل ينادي عباس صبح ظهر اليه
والطاف بحظرتي ..انطيهه من غيرتي

علي وياك اصيحن علي وياك
رايتي وياك يزاير رايتي وياك
......٢......
ماتتعب وانا وياك
..بريشاتي انا ارعاك
.اهلا والله حياك
.من بيتك لكبري

وداعت جفي والجود
.وياك انا موجود
.ماعوفك بلورود
..متانيك انا تدري


وحك دم الحسين وخدر زينب اختي
علكد الأرض هاي انا افرش سفرتي
يرد غيره متروس اليطوف بحظرتي
لحد هسه علماي اثر من سطرتي

المشاي لاماتعب .من جود جفي شرب
تكوه ناداك ..دليلي تكوه ناداك
رايتي وياك يزاير رايتي وياك
..........٣..........
كل خادم اوفيه
.هيبه ومنزله انطيه
.من الكوثر ارويه.
..كل شده احنه اخوته

الخادم عدنه سلطان
.من كل شده خلصان
.الكلبه علينه عطشان.
..نوكفله وي موته


البجه علينه والناح ويواضب صلاته
بحشر باجر حسين يلفه بعباته
النصب موكب اجروح وخدمنه بحياته
علئ البررزخ ايفوت الحسيني برهاته

علئ ام عون كلمن حزن ..اتجازيه ام الحسن

ناذر دماك يغالي ناذر دماك
رايتي وياك يزاير رايتي وياك
....٤......

المافكر بل ايلوم
. ويدك صدره مهظوم
. .علمسلوب الهدوم
.دمع اعيونه هامل

خادمنه وعرفناه.
.وبكل صعبه وياه
.اليعشكنه عشكناه
..الجن بحبنه عاقل

بمجالسنه ياناس النحبه نجيبه
اليون كلبه لحسين  ويحس بلمصيبه
المجالس والدموع علاقه عجيبه
مثل ملكه عشاك حبيب وحبيبه

ممنون كلمن حظر .وينوح ظل علنحر

الخادم املاك تحرسه الخادم املاك
رايتي وياك يزاير رايتي وياك
............٥........
الجاي الكربله يزور
بدمعه وكلبه مكسور
العمره بحبنه منذور
.حسين يسجل اسمه

والبلموكب يصيح
.وروحه تعزب الريح
.كل انفاسه تسبيح
..وكل زاير يشمه


اربعينيت الشوك صفت عالميه
مشي يوحد الاديان علئ نفس الهويه
السمه تعزب الكاع تظل جاذبيه
الغني يعزبه حمال عجيبه القضيه

والروح تصرخ هلا ..للجاي الكربله

جفي رواك يزاير جفي رواك
رايتي وياك يزاير رايتي وياك
.............
بشار السامي

تعال. مو اغلى من عندي النهر
تعال. طاح الرماد على النظر
تعال. الحكني ياخويه الكمر
تعال
............١.............
عباس مد روحك الي وافزعلي لو توصل دم
يلما يشبهك كل مطر. من اطيح اعرفك تلتم

طاحت خيامي من الحرك وانكطعت النياط
وضلت مره اطك بمره من شدت السياط
لتخاف طولي ماطلع بلترب طولي غاط
عقلي ركض علتل صعد وللنهر كلبي شاط

اصيح. وشيسمعه صوت المختنك
اصيح. عباس بس لانفترك
اصيح.. وبيه الصدى يكلي اعتذر. تعال
............٢...........
كلما اصيح وماتجي يطلع الشيب بروحي
رماد الخيم مو جربتك بلل يخويه اجروحي

عباس منك ماشفت ياخويه بس دلال
الحكني شو هذه الشمر جايب بديه حبال
دخان هسه تنفست او وي دمعي لونه سال
الماينجوي بنار الخيم يتجوه بلرمال

اموت. طول وي طول وياك انه
اموت. ولا اظل هيج موهدنه
اموت. عباس موظهري انكسر. تعال
........... ٣.............
لحسين انه شما عاينت شوف النظر يتوجع
كل وذره تلصف من بعد شايف ضوه يتكطع

لو يدري ياصدر انهشم جان استحه الفرات
بالف وتسع مية جرح عطشان اخيي مات
كلما يشوفن مدمعي يلفني سائلات
ياعمه ابونه مايرد حسين وترك بنات

يخوي. ياألم ياحزن أحمله
يخوي. شو عذبتني كربله
يخوي. كطعوا من حسينك نحر
تعال
................ ٤.............
ماتن اجدامي من الركض عمري انه ضايع فيه
من رقيه جروا مهجتي من جروا الترجيه

للخيمه ترجع تنجوي تركض تجيهه خيل
جفهه على اذنهه والدمه صار علخدهه سيل
شما افزعلهه اوكع ارد ماضلي خويه حيل
صفصاف ديرة كربله واحنه طبعنه هيل
شصير. الزم طفل يشرد طفل
شصير. لوجتفوني عللهزل
شصير. ماينحمل ضيم الدهر
تعال
................. ٥............
قماش الخدر كزبر وفه لمن سمع بجروحك
وحسيته موذاك الخدر متغطيه جني بروحك

بعيونك مثلث كعد يعني انطفه ظواي
وجفوفك انكطعن غدر يعني انكطع هواي
عباس غير انت الكمر. خويه اطلع بسماي
الماي ماشربه جنت جنت انت اليه ماي

بقيت من جفك الجف السبي
بقيت. تحرسني عين الاجنبي
بقيت.. وي راسك احجيهه بقهر
تعال
...................
الشاعر بشار السامي

هوسات العباس ع
...................


اليشكل علكمر ويطالب شهود
فوك النخل لسه بكربله جنود
حتى يكابلونه ذب الزنود
ذب جفه وهم ماكربوله


ذمه على الركب بتاره ينحط
والسبعين الف كدامه تفحط
شلال وخياله مرخص الشط
علروس يهوس بحصانه


طب عباس رايه وبيده رايه
شاهين وكصد وكر الحيايه
خل الزلم تشرد كلنثايه
واليشرد يلكاه كدامه


يطحن بلجماجم صار سيفه
مثل دك اكهوه و الموت ضيفه
يسحك علرگب صار علكيفه
يانهر الدم اصيار ايده


موعباس جنه الموت اجاهم
وريشاته الخظر ذبحت هواهم
عالي ومانزل يم مستواهم
وده الهم عباس خياله


يسمن سيفه بس الجيش يضعف
حظر تجول من عباس بلطف
لف الجفن علخياله يلتف
دفان الحومه يسمونه


...........
بشار السامي

(وداع العاشر .لسان حال السيده زينب ع)


خليني اشم النحر خليني ...خليني  
اخر وداع وياك  يحسيني. يحسيني

هضيمه ...تنذبح ظامي
هضيمه... يطيحن خيامي
يحسيني
.........١........
بس ينكطع بيك النفس ينشاف خويه اخيالي
تعبانه مو مالت ركض حتى اركض على اطفالي

لو سحكت عليك الخيل
لادمع يبقى ولاحيل
والمثلي تركض صعبه

بعدك ضياع ونيران
تشرب ارماد النسوان
وعيون وادم غربه

يحسين من تمشي اخذ روحي .ياروحي
وي الغربه لاتترك اجروحي اجروحي
مماتك.. يذبح احلامي
وهضيمه ... يطيحن اخيامي
يحسيني
..........٢.........
بثوبك اتجلب هيبتي طفل ولزم ثوب امه
طولك البي عطر السمه باجر حصيره تلمه

وين التفت بعدك نار
وتجوه رجلين ازغار
والعثر خيل اتسحكه

اركض وبعيوني ارماد
بين الحرم والجلاد
والفكد كلبي يحركه

واصرخ يخواني الحكوني  الحكوني
جابو حبل وانا يسبوني يسبوني
بوداعك.. ترجف اعظامي
هضيمه . يطيحن خيامي
يحسيني
........٣..........
لورحت واسمع عن بعد طاحت النبله بكلبه
اتصور انا ابلا اخو ضيعت مره بنص غربه

معقوله طولك ينداس
بلا خنصر اتظل لاراس
صوبوا حتى صفاحك

طعنات فوك الطعنات
ينطعن جاليش المات
ماظل رمح مالاحك

كل سيف يبن امي  بي دمك  دمك
يحسين جاكلي شلمك شيلمك
من اشوفك بس جسد دامي
هضبمه ... يطيحن اخيامي
يحسيني
.........٤.........
نسيتني حتى العطش يمك بقيت اتلوه
علماي ينكال العطش بس انا اعطش خوه

لو راسك يرد وياي
خل يكرب يسوي فياي
بلشمس لو خلوني

لو بلخرايب مريت
خويه ولطولك حنيت
مر لو حلم بعيوني

جسمك لون طايح يشوفونه يشوفنه
يحسين بلحافر يسحكونه يسحكونه

عليه.. ياهو اليحامي
وهضيمه ...يطيحن اخيامي
يحسيني
.........٥........

لورحت اموت بخطوتك ومن تلتفتلي انا اعدل
وديلي من دمك عطر حتى على عطرك اندل

مااندل اجساد هواي
والفاكده اتظيع الراي
دليني يابعد اختك

علتل واصيحن يحسين
يلمنسلب طايح وين
ظلمه الطف وماشفتك

موعلارض فوك الرمح راسك راسك
ريت انشل الحافر الداسك الداسك
برحيلك  .تكثر الامي
وهضيمه  يطيحن اخيامي
يحسيني
........
بشار السامي

اغمض وامشي ماادورك
ياخذني الك عطرك
مشتاكه واجيتك
وموذر لكيتك

........1........
كهرب يلصف من ابعيد لايمكن شذر دمك
شو مطشر علئ الكاع ياعافيتي شيلمك
اجيتك شوفني بياحال بنار التهبت اخيمك
شلون اتشوفني ابلياك  وراسك خويه مويمك


ماشفتك كون يلمسحوك
صدرك وي ظهرك مطبوك
خويه حسين

علئ خيالي الشمر يفتر
حبل جايب يبو الاكبر
من ضيمي اعتنيتك
وموذر لكيتك
........2.......
يلعايفلك ابنيات بيك شكد شبه بيهن
بعدك طكهن السلاب وشلع كل تراجيهن
حافر ظل قميصك بي يتعده ويبجيهن
صاحو ذن بنات الماي لحد ماي ينطيهن

ظلن يحسين للجمات
وباجر بحبال مجتوفات
خويه حسين

تخليهن بلا خيمه
رقيه وخوله بلهيمه
تحظنهن نخيتك
وموذر لكيتك
.........3........
جسمك مندفن بسهام هلناس شيطلبونك
انت بياوكت عريان شمسوي ويسلبونك
ياكلمه بوسط قران ماكدرو يمسحونك
انت النعمه مدري شلون بلحافر يسحكونك


يحسين وياك طاح الحيل
صدرك مرضوض من الخيل

يريت الي نزف دمي
ولاتتركني يبن امي
تفزعلي ارتجيتك
وموذر لكيتك
.........4........
راسك علرمح شالو وانا خيامي تتوجر
ومن شيباتك الحلوات تطلع ريحت العمبر
بلخيمه وسمعت الناس صاحو طاح ابو الاكبر
وضلعك من تدوسه الخيل اسمع بذني يتكسر

لو جانه اليل وين انام
يحسن شلون ماكو خيام

الركض ياخويه تعبتي
اجيتك واعثرت ببني
وبدمعي سكيتك
وموذر لكيتك
.........5........
يافينه ودفو البردان ياعازتنا الجبيره
حسين ومن طحت علكاع شحت بعدك الغيره
شلون امشي بحبل للشام عنك وجهي شيديره
المثلك خويه ماينعاف والله تحيرت حيره

المحد شايفلي خيال
باجر يحسين بيدي حبال

طلع شيب الفكد بيه
صرت يبن امي مسبيه
جيت امسح لحيتك
وموذر لكيتك
...........
بشار السامي

(الرضيع ع)

رجع محسوب عل موته
وجف حسين تابوته

اليناغوله ..اختنك صوت اليناغوله
دلولوله ..انكسر خاطر دللوله
........١........

زغير ومالكو تابوت يصير بطوله وبكده
الدم شويه بلرضعان شويه وللسمه اتبده
اول مره هاي اتصير نبله اتصوب الورده
عابس ذب درع لحسين وعبدلله شمر مهده

ملاك  وذبحوا سنينه
السهم كطع شراينه

ينادوله .. يعبدلله ينادوله
دللوله ...انكسر خاطر دللوله
........٢........

عزاء وفاتحه انصبن عليه بحظن ابو اليمه
طفل وبنحره دم وجروح يحير الرايد ايشمه
تطيح وتنتجي وتكوم شما كامت تطيح امه
بلخيام شيسمونه عباس الزغير اسمه

كماطه احمر صفه من الدم
رجع والمنحر مثلم

يأشروله ..ولايكعد يأشروله
دللوله ...انكسر خاطر دللوله
.......٣.......

السهم متربي وي زنجار يكره ركبت اليلمع
الجهلهم طلك الكاروك وطلع من الخيم مرجع
من اصحاب الحسين يغار  بركبته الوالده وقع
رد عبدلله مو بلماي بلدم راجع امنگع

راد يوصل الفكره
النصر ماتاخذه الكثره

ويودوله... سهم قاتل يودوله
دللوله.. انكسر خاطر دللوله
.........٤.......

شكد عبد الله عنده اخلاق ومامتربي چتاله
يوديله بچي العطشان وذاك سهام وداله
مكمط بس يعزب سهام  مارد التعناله
العطش لا مايلوگ عليه السهم عبد لله احلاله

لان رد بلسهم منحور
موقف سجل بعاشور

يكربوله ...ويشك كلب اليكربوله
دللوله... انكسر خاطر دللوله
.........٥........

المهد من يخله من راعيه يشيب راس اليهزه
موهينه التكتبه الروح يرجع دمعك ايچزه
اليحب من كلبه هذه يموت من يموت اليعزه
نحر عبدلله رگبت طير ليش مثلث ايحزه

حكهه ام الرضيع اتنوح
ضناها وبلسهم مذبوح

يحسبوله.. .گبل يكبر يحسبوله
دللوله.. انكسر خاطر دللوله
............
بشار السامي

(شور لسان حال الامام الحسين مع علي الاكبر ع )

علي يابويه علي يابويه
........١...............
بعدك علئ الدنيه العفه يساعدني الله علئ المصاب
هذه انت لوكلبي وكع متكطع وفوك التراب
يابعد ابوك بياوكت وجهك يغطيه الخظاب

حكي بطيحتك اشهك
كوم الوالدك الحك
الخيل ثكيله حذوتهه
يبني عليك لاتسحك

والد تدري بلوالد يبني يحن علئ وليده
شلي بعمري من بعدك انا بلياك ماريده

علي  يابويه
..........٢..........
للخيمه اشيلك ياعلي وخافن يحركون الخيام
ردت انا اشبكك والسبب تمنعني يوليدي السهام
يلنايم بكلبي شعجب فوك الرمل صاير تنام

جيتك يبني اتكلب
مترب يشبك مترب
تدري ياعلي بعدك
كلب حسين يتغرب

انت اول هوه مذبوح ووال ماي يتوذر
كمت اوكف واطيح عليك كوم اكعدلي يلاكبر

علي يابويه 
...........٣...........
باجر يلاكبر نلتقي بلكبر بس بلايه روس
بظلوع اجيك مكسره خيل العده عليه  تدوس
مبيوك هدمي وخنصري يوليدي من اظعف نفوس


غير الحيره ماعدنه
حتئ الماي هم ظدنه
بعد الذبح والفركه
فوك ارماح موعدنه

انا بلياك نسمه بريح وين اتچه ماادري
كبل عباس يوليدي انا بيك انكسر ظهري

علي يابويه
..........٤..........

ياغصن كلبي شذبلك بسهامهم يبني سكوك
ياشوف عيني المنذبح من عيني يبني فرهدوك
نتلاكه يوليدي وذر لو كطعوني وكطعوك

الوالد يوكع بمحنه
لو ميت يشوف ابنه
الفاكد زين اذا واكف
واحنه ثنينه طحنه

طحت من الفرس فوكك بلكي اتلاحك انفاسك
يبني بحظني خليته ودم ينزف شفت راسك

علي يابويه
.........٥........
يوليدي هذه العلارض دمك يلاكبر لو دماي
كطرت بشفافك دمع اعذرني ماعندي انا ماي
امشي واردلك ياعلي تمشي انت متعود وراي

مامتعود بدونك
مااكدر بلا عيونك
التهظم هيه كدامي
يلاكبر يذبحونك

هسه شلون ارد لمك لوكالتلي وين ابني
فكدك بين عليه والدمعات فظحتني

علي يابويه
..............
بشار السامي

(عندما عادوا من المعركه يحملون الچثمان الطاهر لمولاي الأكبر جاء الخبر الئ مخيم نساء ال محمد قد جائوا بشهيد يتقدمهم الحسين مطئطئ الراس ولاكنهم لايعرفوا رجع بمن فكان حال أم علي الأكبر السيده ليلى وكأني بلسان حالها تقول )


................................

جابوا شهيد ؟ من الحرب ياحيرتي

بس لايخلونه على عتبت خيمتي

بس لا استشهد ابني الاكبر
........١.......
من الحرب جابوا شهيد وكلبي سرعت دكته
حسين من توكع شفتها يجي يعدل رگبته
حسين هاي المره راجع على خده دمعته
خاف هذه اوليدي الاكبر صرت اشمن ريحته

يتقربولي وانا اكولن مو الي
وانخه علي سالم يرد ليه علي

بيه القلق كل خطوه يكبر
بس لا استشهد ابني الاكبر

........٢........

كلب الأم يعلم بابنها وانا اجذب اي خبر
حسين رد وكوه يمشي چنه مكسور الظهر
اتشيب اليمه على شفتي من الفكد عشت بحذر
وانا اصيحن مو وليدي شلون ينشال النهر

هذه الشهيد مبين من الساده
على حسين ظايع ياحريمه اظماده

اسال عليه وكلبي يحذر ..بس لاستشهد ابني الاكبر
........٣.......

ابني يشبه وجه جده  وجهه مابي اي دمه
بلعطش وشفافه تحله شكد حلو عليه الضمه
ابني من ايطيح لازم تنزل اتشيله السمه
ابني تلكون برگبته حرز سبحة فاطمه

ماابقى ابجي وبلحزن مكسوره
يرجعلي الاكبر مو بهاي الصوره

شو مارجع عني تأخر . بس لا استشهد ابني الاكبر

.....٤......

هلشهيد اليامخيم حسين يمشي بجثته
شو عبرهن خيمه خيمه وليه صارت نيته
هذه معقوله ابني الاكبر صابغ الدم وجنته
لايصيح حسين فزعه خل تشبكه الربته

شو ركظن النسوان كلهن ليه
ومن خوفي ماتن ماكمت رجليه

ياعاشر ومصباح الاكشر ..بس لا استشهد ابني الاكبر

......٥........

خلو بعتبت خيمتي كالو انطوه الامه
مسحو الدمه عن ركبته لاتنصدم من دمه
خافن تشوفه بهل وضع وتشهك وتوكع يمه
خلوها تشعر بلظنه بحضانها من اتظمه

اسمع واكولن هسه يرجع ابني
معقوله الاكبر يمشي ويعذبني

صار الجدم بلماكو يعثر ..بس لا استشهد ابني الاكبر
..........
بشار السامي

(نزله مدور)

طبو شالو هام
الاكبر وي جسام

واحد يشبه عباس
.واحد دك راس براس

تشرد منه ويسحك بيهه شمارادت تشرد
حكهه الكاع اتشوف الاكبر نازل ظل يرعد
وجاسم هوس يابن عمي علعسكر خنهد
ظلت روس العسكر منهم بركبهم تلبد

الاكاهم كال
. بلطف اجبال
.القاسم چتال
.والاكبر غيره

هوسه

مكظيه ..ولد العم طبوا
.............٢................
جاسم گر العين
هوه وشبل حسين

الينطي الجاسم مكفاه
.يعني الاكبر لاكاه

يلمع سيف الاكبر طبهم شردو كدامه
وصاح القاسم يابن عمي وهد من اخيامه
احنه اولاد حسين انصيح ونصبح خدامه
اليوم الدم يحني المنحر ويشيل الهامه



صاحوله اعفينه
.بس فرصه انطينه
.نشرد خلينه .
.ياشبل الساده

هوسه
محلاهه لحسين الفزعه
......٣.......

رعبو جيش الشر
القاسم والاكبر

بخزرات اعيوني ايجيس
يحصد بيه العريس


طبهه الاكبر يشبه جده والمال ايعدله
يعمه السيف اكبال اعيوني وتركعله النبله
يكظي العسكر من يطبهم ولحسين يردله
مومن سيفه كبور يسوي من سحكت رجله



جفهم سطار
..الساده الابرار .
واحدهم نار
.ياكاع اتظمهم

يتباهه .الحسين بذوله
.......٤.......
طبو ماي ونار
وين الزلمه الحار

القاسم يل اكبر صاح
احصد بلسيف أرواح


جابو روس اكبار القاده صوغه الجف عمهم
غيرة هاشم برزو بلطف فنه اليوصلهم
اطير الروس الحد الغيمه وينه القابلهم
شمسين ونزلو بلحومه ياظلمه اتظمهم

مرجفين الكاع
..سادتها اسباع .
. والعسكر ضاع
..تيه مشراده

هوسه
بلساده غصت كاع الطف

......٥........
شلون اثنين اجبال
وبنصهم شلال

بنصهم واكف عباس
صاح اترفعون الراس

مثل النيزك طبها الاكبر ماشافو ضله
احتارو كد مايحصد بيهم حط بيهم عله
والقاسم وخر صينيته وعلخيل اتعله
صاح اليوم ايضوك العسكر من سيفي الذله

حيو الشجعان .
.بوسط الميدان
.لجل العطشان
.ظل ينزف دمهم

هوسه
راسمها عباس الخطه
..........
بشار السامي

(للقاسم ابن الحسن ع )

لعرسك كل الطف ماكفه
سوالك دم نحرك زفه
خطيت بدمك فوك الطف
هنياله وي حسين الوفه

.........١........
حرز  عن الحسد....على جروحك كعد
طحت منجم ذهب ...وسط ديرت رمد

طلعت اكبر درس .لتهذيب النفس
نذر لا ال النبي ..شطبت على العرس

خفيف الظل جبير الشان
نهر مذبوح بس عطشان

شاب ونازل من الجنه
وي حسين بدم يتحنه
يكتب كل ماينزل دمك
هنياله وي حسين الوفه
.......٢......
يفلسفت العطش ..البلحساس انقش
واذا مات العطر ..يموت بلا نعش

شباب وحنتك .صفت دم ركبتك
طحت بس خظرت ..مواقف غيرتك

ذهب والقاتلوك اتراب
يرد جفك لداحي الباب

حيرت عمك كحل عيونك
قاموس الطف يشوفنك
بجروحك تقراها الوادم
هنياله وي حسين الوفه
...........٣........
هوه وماتنكسر ..ثلج شايل جمر
اختصرت بفكرتك . ملذات العمر

يتركيبت علي ..شجاع وممتلي
الهضيمه ابن النبي ..يذبحه الجاهلي

مومعصوم بس معصوم
برزت بلامت المسموم

جوهر بلباطن والظاهر
يامعجم ايثار العاشر
طايح وتصيح ادموع امك
هنياله وي حسين الوفه
..........٤........
يترجمت الدمع ..يلمرخص الشمع
الصياح بلانفع المواقف تنسمع

شفت عمك وطن .بعد حظن الحسن
احترام الشمعتك ..شعل شمعه الزمن

يتعريف الظمير الحار
المن عنده السيوف تغار


سالم جي ماراجع سالم
ماتو بس ظليت القاسم
شاب وطالع باحلى ارجوزه
هنياله وي حسين الوفه
.......٥......
طلعت كاشخ وفه ....الخبط بيدك صفه 
جروحك بينت .. كواكب نازفه

نزل سعر الضوه ..وبلا قيمه الهوه
الحسن وي طيحتك  وكع  يمكن سوه

عرس هنوا بدم وسهام
عرس للموت ياجسام


ياماي الغيم الشيلمك
جنها مغيسل وجنات امك
وانت بهذه الحال وتصرخ
هنياله وي حسين الوفه
..........
بشار السامي