قناة الرادود والملحن امير الفتلاوي

#اذكار_يوم_الاثنين


1.🦋 الصلاة على النبي محمد وآله: يُستحب الإكثار من الصلاة على النبي وآله.
 
2.🦋 قراءة سورة الكهف: يعتقد الشيعة أن قراءة سورة الكهف في يوم الاثنين تُجلب البركة.

3. 🦋ذكر الله وأدعية خاصة: يُستحب الإكثار من الذكر والدعاء، وهناك أدعية خاصة تُقرأ في هذا اليوم.

4.🦋 صيام يوم الاثنين: يُعتبر صيام يوم الاثنين من المستحبّات، حيث ورد عن الأئمة أنهم كانوا يصومونه.

لَبًيَــــــــــــــــکْيَآ حًسِيَـــــــــــــ💔ـــــــــــــــــنِ 🏴💔

قصیدة:مضیف الساده
ـــــــــــــــــــــــــــــــــــــــــــــ
هوّسـتله القــاده    هلا هلا
من گرب میلاده    هلا هلا
صار الأکبر والبشاره یم مضیف الساده
ــــــــــــــــــــــــــــــــــــــــــــــ
جت البشاره والعین عشگ تضویله
بیت الحـسین فرحته چبیره اللیله
حلـوه لمْـت عــمامه مـن اتحــیّیله
کلــها صـاحت أجــینه نـبارک لـیله

هاشـــم رفعــتله الـــرایه
صار أبن احســین الـغایه
عـــمّه اتقـــدّم بــالـــثایه
هــوّس عبــــاس ابــهایه

*ثلثـین الأکبـر عبـاسي*

هلهــلن عمْاته     هلا هلا
قبّلن وجــناته    هلا هلا
صار الأکبر والبشاره یم مضیف الساده
ــــــــــــــــــــــــــــــــــــــــــــــ
أذْنـتــله الـمــنایــر هـلــه ابأیثــاره
دویة أصیاح عـمامه عـلت یم داره
زلمة احسین یشابهمن أمن أصیاره
کلــها گالت یــشابه عــلي و فقّـاره

یشــبـه حیــدر کلــشیــته
اسمه و رسمه وشخصیته
مـن زغره و عالي أبصـیته
عــاگد عـالـمــلــعب نیــته

*من زغره وسیفه أبکاروکه*

بالمهـد وأیـتاني    هلا هلا
صولت العدناني    هلا هلا
صار الأکبر والبشاره یم مضیف الساده
ــــــــــــــــــــــــــــــــــــــــــــــ
مو عجیبه اللي أسمه علي متعالي
هـالأسـم جـاذبیــته تجـیب الغالي
هیــچ الأکـبر نـشوفه نجم وایلالي
بالمـیادین ابوحسین ینوش العالي

ماخـذ فـنّـه وتـدریــبه
من حیدر راعي الهیبه
یفـزع لو صــارت نیـبه
ایکض الطایر وایجیبه

*حي صگر الطف مایتلاگه*

لاگت ابراعیها      هلا هلا
رایــه لمعـلّیها      هلا هلا
صار الأکبر والبشاره یم مضیف الساده
ــــــــــــــــــــــــــــــــــــــــــــــ
زلمة الزین کلامه أنحچه بأفعاله
هذه الأکبر والطفوف سند تبراله
فنّه واحد من ایصول گدر یدناله
خله أبن غانم أعله الفـقار و شاله

صاح آنه الیشطر سیفي
بالملــعب أکــرم ضـیفي
أفــتر عالقــاده ابـکـیفي
طـگ أبطـگ أخذ حیفي

*لو هذه الطـف لو مـاریده*

عفـیه زلمة هاشم     هلا هلا
شال بیده الصارم     هلا هلا
صار الأکبر والبشاره یم مضیف الساده
ــــــــــــــــــــــــــــــــــــــــــــــ
کلمات خادم الحسین ع
عبدالامیرالناصري   المحمره

السَّلامُ عَلَيْكَ يا بابَ الله وَدَيَّانَ دِينِهِ .

*ﺃﺣﻠﻰ ﺩﻋﺎﺀ تستفتح به صباحك*

ﺍﻟﻠﻬﻢ ﺃﻟﻬﻤﻨﻲ ﻓﻲ ﺃﻣﺮﻱ ﺍﻟﺼﻮﺍﺏ
ﻭﻳﺴﺮ ﻟﻲ ﻓﻲ ﻛﻞ ﻣﺴﺄﻟﺔ ﺟﻮﺍﺏ
ﻭﻧﺠﻨﻲ ﻣﻦ ﻛﻞ ﺃﻟﻮﺍﻥ ﺍﻟﻌﺬﺍﺏ
ﻭﺑﻴﺾ ﻭﺟﻬﻲ ﻳﻮﻡ ﻳﺸﺘﺪﺍﻟﺤﺴﺎﺏ
ﻭﺯﻳﻦ ﻣﺠﻠﺴﻲ ﺑﺨﻴﺮ ﺍﻷﺻﺤﺎﺏ
ﻭﺍﺟﻌﻞ ﺩﻋﺎﺋﻲ ﺩﻋﺎﺀ ﻣﺴﺘﺠﺎﺏ.
أستغفرالله بعدد من ذكر وشكر
أستغفرالله بعدد من صلى وكبر
أستغفرالله بعدد ذنوبنا حتى تغفر
"أستغفرالله"

💜صباحكم مغفرة بإذن الله..💜

يا عطر انفاسي .. انت يا عباسي
ــــــــــــــــــــــــــــــــ
اسمك نقشته بالقلب .. يعباس
انسه غرامك شي صعب .. يعباس
وابحضرتك لمّن اطب .. يعباس
كلي مشاعر انكلب .. يعباس
عزوتي ونوماسي .. انت يا عباسي
ــــــــــــــــــــــــــــــــ
فرحان كلبي ابمولدك .. يعباس
صوت الموالي ردّدك .. يعباس
يالما تخالف موعدك .. يعباس
شاغل افكاري الوحّدك .. يعباس
بيك رافع راسي .. انت ياعباسي
ــــــــــــــــــــــــــــــــــــ
ياكمر واحلى من الكمر .. يعباس
من ليلك ايغار السهر .. يعباس
ودّي اشمّك بالنحر .. يعباس
خادم الك وبكل فخر .. يعباس
يالملكت احساسي .. انت ياعباسي
ــــــــــــــــــــــــــــــــــــ
من حقها زينب تبتشر .. يعباس
ميلادك اشكد تنتظر .. يعباس
كافلها انت وتفتخر .. يعباس
بس انت حمّاي الخدر .. يعباس
للوعد ماناسي .. انت يا عباسي
ــــــــــــــــــــــــــــــــــــــــ
كالتلك انت كافلي .. يعباس
ياخويه ياشيمة علي .. يعباس
همّي ابوجودك ينجلي .. يعباس
انت السند والعون الي .. يعباس
بيك ازامط ناسي .. انت يا عباسي
ــــــــــــــــــــــــــــ
احمد العكيلي

ميلاد الامام الحجه عج
.
.
.

والـيـنه .. مهدينه .. تـدريـنه
مشتاگين

___

يشـهد الليـل ونـهـاره .. صرنه من شوگك حياره
المنتظر ماتطـفي ناره
يابو صالح
الجَيتك نحسب ثواني .. احنه من شوگك نعاني
ايساعـده الله اليــتاني
يابو صالح
وينك .. الشامت اهوايه سئل
وينك .. مــابقــه عــدنــه امل
وينك .. يـامـه ناديـنه العـجل
وينك
حاچينه .. مهدينه .. تـدريـنه
مشتاكين

___

أذنت بيـنه الضماير .. وحـَركت كل المشاعر
احنه كل جمعه نناطر
ترجع النه
يامه الك ندبه قرينه .. وگالو ادعو وندعينه
اشوكت بالله ياولينه
ترجع النه
غايب .. انــته يـــامــاي الــسمه
غايب .. الوجهك انحس بالضمه
غايب .. ليـش يــوسـف فــاطمه
غايب
اتروينه .. مهدينه .. تـدريـنه
مشتاكين

___

اشگد الك احنه انتظرنه .. منتـظــرنه منـتظــرنه
ياهو اليطفي جمرنه
وانته غايب
گلنه بعد العسري يسري  .. بشوگنه بس الله يدري
بينه نار الشوگ تسري
وانته غايب
صحنه .. يمـته تـرجـع يالمحب
صحنه .. اعليك ذايب چم گلب
صحنه .. الهجر يالغايـب صعب
صحنه
تحيينه  .. مهدينه .. تـدريـنه

___

يلي ذكرك عاش بينه .. امروتك بس مر علينه
سيدي يمته تجينه
يا املنه
ابجيتك يابو المحنه .. الدنيه كلها اتصير جنه
الگمـر ويـانـه تمـنه
يا املنه
ترجع .. كلــشي ينــتظـرك تره
ترجع .. للــگلـــوب الحـــايــره
ترجع .. انحلفك ابحق حيدره
ترجع
مر بينه .. مهدينه .. تـدريـنه
مشتاكين

___

رددت هــاي الحناجـر .. يمتـه تجــبر هالخـواطر
ابدربك ازرعنه النواظر
وانته ماجيت
ودي ويه الغيمه صوره .. وجهك احتاجينه نوره
كل محب يهتف  شعوره
وانته ماجيت
يمته .. بوجهك انكحل النظر
يمته .. ترجع النه امن السفر
يمته .. يمتــه هــايـالمنــتطر
يمته
اتمنينه  .. مهدينه .. تـدريـنه
مشتاكين

___

نذر النه لمن اتعود .. دربك انفرشه بالورود
انته بس جرب يموعود
هاي الاحباب
مابقه عدنه عـلامه .. ردنـه ياروح الامامه
ابوجهك اتشوف ابتسامه
هاي الاحباب
فرحه .. انته يـوم الي نجي
فرحه .. تحت ضلك نلتجي
فرحه .. اتصيح هذا مهجي
فرحه
امتانينه .. مهدينه .. تدرينه
مشتاگين
_____
حيدر تركي الكربلائي

مولد للامام المهدي (عج)

يالمهدي بكل عام
حبك يكبر بيه
كلمة وماتتبدل
انت الحب الاول
حبك يكبر بيه
…… 1
اي واللذي سلم عليك وصله
ماعوف حبك سيدي لا والله
وان جان وجهك بالصبر اوصله
عمرين اصبر لجل هاي الطله
احسب كمت ايام
وجهك يشرق ضيه
وفدوه لنورك لو هل
انت الحب الاول
حبك يكبر بيه
….. 2
ياقل هو الله احد لا يوجد
مثلك شخص دين الله بي يتوحد
لا لم تلد اماً ولا لن تولد
انسان وبهاي الصفات اتفرد
حروف اسمك انغام
بيها شكد روحيه
جن ايه وتترتل
انت الحب الاول
حبك يكبر بيه
…..3
الميم … مااتصور اعشك مثلك 
الهاء … هايم كلبي بيك ولجلك
الدال … دكات الكلب تقسملك 
الياء .. يااجمل عشك مابدلك
لدافنشي الرسام
لوحات اسطوريه
ولوحة اسمك اجمل
انت الحب الاول
حبك يكبر بيه
……4
هاك استمع مولاي كلبي ودكته
كل نبضه بيه تصيح احبك انته
طعم العشك بس بمحبتك ضكته
وغيرك حبيبي الروح ماعاشكته
روحي شما تنلام
بالحب عنوديه
اليقبل والمايقبل
انت الحب الاول
حبك يكبر بيه
———
حيدرمحمد الشمس

مولد للامام المهدي (عج)
مولود الامل
بي يحلى الغزل
دلالي ناده ياحجة الله
يوم الولادة ياحجة الله
بي يحله الغزل
…….
يا لايمي هذا الغزل بي اقترب لله
الله بمحمد هم تغزل بسمه من ناداه
لو عني ممنوع الغزل ارد اسأل  شمعناه ؟
جا ليش الله الخالقه هاكد جمال انطاه
خليني احب
هالحب ينحسب
اجمل عباده ياحجة الله
يوم الولادة ياحجة الله
بي يحله الغزل
……..
افتح دليلي تشاهده بي منكتب عهدي
محفور تلكه بالكلب للمنتظر ودي
اي انه وابني ووالدي وجدي وابو جدي
كل احنه فدوه لشوفتك مولايه يامهدي
انا عاقل لان
بحبك عقلي جن
انت السعاده ياحجة الله
يوم الولادة ياحجة الله
بي يحله الغزل
…….
لدافنشي لوحات شكثر كالو اسطورية
وكالو الموناليزا اله معجزه عصرية
لوحة جبت بيها كتبت يامهدي بيديه
وصارت احلاهن لوحتي المنها يشع ضيه
احلاهن تُعد
بيها اسمك بعد 
الها الرياده ياحجة الله
يوم الولادة ياحجة الله
بي يحله الغزل
…….
عذراً اريدن بالغزل لخدوده اتعده
بي شامه بس جنها كمر والخد سمه نعده
لو دنك بورده يشم شتكول هالورده
كد ما عطر خده حلو انه الاشم خده
لخدوده يصد
خجلان الورد
وكال الشهاده ياحجة الله
يوم الولادة ياحجة الله
بي يحله الغزل
…….
حيدر محمد الشمس

بين الماي وبين اخيامي قصة دمعه والم
طايح فوك الشاطي وروحي تريد ترد للخيم
==========================
رحت للماي وبروحي جمر خيمه
تجوي بسمعي عطاشنه تره ايتيمه
تمنيت انه اصيرن عالخيم غيمه
عله خيام الحسين امطر وسط هيمه
تمطر روحي لحد ماتخلص حلم بعيني انرسم
طايح فوك الشاطي وروحي تريد ترد للخيم
========≈======≈===========
شفت بخيامي كم طفله وطفل ممرود
كَلت يا زينب انطيني العلم والجود
احس سولف كلبها وكلي يمته تعود
واعرفك من تعاعهدني توفي  اعهود
حاير هسه بلا جفيني وغافي بعيني السهم
طايح فوك الشاطي وروحي تريد ترد للخيم
===========================
صحت باخر نفس عذريني يا زينب
مثل كلبج علي كلبي صفه معذب
اعاين للخيم شفت الخيم تلهب
عشت حالة هضم بين الصعب واصعب
يسكت جرح جفوفي واشعر جرح اخيامي انلجم
طايح فوك الشاطي وروحي تريد ترد للخيم
============================
عله الخيمات اسلم وابعث اعذاري
طحت حاير اذا وصلت هلي اخباري
ذكرت سكينه تنطرني بدمع جاري
اذا عرفت كطيعه يميني ويساري
خايف تسمع بيه سكينه وتعرف طاح العلم
طايح فوك الشاطي وروحي تريد ترد للخيم
===========================
احسب حسيني بعدي من يظل وحده
يا شده المثلها تمرني هل شده
اخافن لو رحت ينطر عطش جبده
يضل ضامي وعله الرمله يظل خده
جسمي وروحي وكل اخواني نفديه لو بس سلم
طايح فوك الشاطي وروحي تريد ترد للخيم
===================حسين المحامي

ياربي
‐-------
يا من بك حاجتي وروحي بيديك
عن غيرك أعرضت وأقبلت عليك
ما لي عملٌ صالحٌ أستظهــــر بـه
قد جئت راجياً توكـلت عليـــك

#لو_ما_خدمتك_وين_اروح

بين الماي وبين اخيامي قصة دمعه والم
طايح فوك الشاطي وروحي تريد ترد للخيم
==========================
رحت للماي وبروحي جمر خيمه
تجوي بسمعي عطاشنه تره ايتيمه
تمنيت انه اصيرن عالخيم غيمه
عله خيام الحسين امطر وسط هيمه
تمطر روحي لحد ماتخلص حلم بعيني انرسم
طايح فوك الشاطي وروحي تريد ترد للخيم
========≈======≈===========
شفت بخيامي كم طفله وطفل ممرود
كَلت يا زينب انطيني العلم والجود
احس سولف كلبها وكلي يمته تعود
واعرفك من تعاعهدني توفي  اعهود
حاير هسه بلا جفيني وغافي بعيني السهم
طايح فوك الشاطي وروحي تريد ترد للخيم
===========================
صحت باخر نفس عذريني يا زينب
مثل كلبج علي كلبي صفه معذب
اعاين للخيم شفت الخيم تلهب
عشت حالة هضم بين الصعب واصعب
يسكت جرح جفوفي واشعر جرح اخيامي انلجم
طايح فوك الشاطي وروحي تريد ترد للخيم
============================
عله الخيمات اسلم وابعث اعذاري
طحت حاير اذا وصلت هلي اخباري
ذكرت سكينه تنطرني بدمع جاري
اذا عرفت كطيعه يميني ويساري
خايف تسمع بيه سكينه وتعرف طاح العلم
طايح فوك الشاطي وروحي تريد ترد للخيم
===========================
احسب حسيني بعدي من يظل وحده
يا شده المثلها تمرني هل شده
اخافن لو رحت ينطر عطش جبده
يضل ضامي وعله الرمله يظل خده
جسمي وروحي وكل اخواني نفديه لو بس سلم
طايح فوك الشاطي وروحي تريد ترد للخيم
===================حسين المحامي

بنتظارك..........احسب ايام والليالي
بنتظارك......چم حلم مر عله البالي
بنتظارك........يوسف  الزهره يغالي

يا مهدي..........يامهدي.....
*******
وجهي بين بي ملامح  واضحه الفرگه
حيل  متعوب عله هجرك ذبلت الورگه
دورت  بيه  .. ولكيتك  سيدي اشيبگه
وشكبر حظي من اشوفك ساعة الملگه

ياجنوني.......كون اشوفك بالمجالس
ياجنوني........وداعتك تلگاني عابس
ياجنوني..........وانه بدموعي سؤالي
*******
الفرگه  تاخذ مني كامت تاكل اسنيني
والحنين   هوايه يشرح لهفت اونيني
حلم لو   رؤيه  اشوفك  كاعد  بعيني
ردت منك  والله  نظره  بيها تحييني

بشتياقي........انتظر يا جمعه وينك
بشتياقي.........كون هسه بين ادينك
بشتياقي.......والحدس ماخذ خيالي
*******
لو گصه  وياي الزمن صدگني ما ناسي
لو ذكرت  المهدي حتمن ينحني راسي
انت  عايش   بيه وشعر  يمك  انفاسي
ياحبيبي اشگد  احبك  طبعي  عباسي

بعترافي..........وقعتلك هذا عهدي
بعترافي.......عالمله عاشك يمهدي
بعترافي........جننت  وعرف نوالي
*******
گمت..  اعد ايام حزني بلا وطن صاير
وانه  احسب ياهي جمعه ونتظر باچر
يجري دمعك بي ملامح والجرح عاشر
واحنه .. بغيابك  يمهدي نكسر الخاطر

استغاثه..........والله يالغايب نريدك
استغاثة......وشحلات البوسه بيدك
استغاثه......والدمع هجرك  صفالي
*******
انتظر  .. يا جمعه  بيها   وحسب  ايامي
جيتك  يالمهدي  صارت  تشغل احلامي
اشكبره حظي  لو  اشوفك  انت كدامي
والجرح يحچي سوالف وانه الك ضامي

يابختنه..........بالعمر لو مره نظره
يابختنه........نلتقي ونشمه عطره
يابختنه.......ننشمل بالرحمه تالي
*******
عمري ..عد صيغة  تنازل   ينتظر جيه
وعلي..  ادري بكلبك انت  هوايه حنيه
بينت برموشي فركه اسنيني   مگضيه
يا حلم يروي  الحقيقه وينطي  نوعيه

ننتظرها ........سيدي لحظة ظهورك
ننتظرها.........شمس لو يغمرنه نورك
ننتظرها..........طلعتك تضوي الليالي
*********
تمت بعون الله
خادمكم ....يوسف الفتلاوي

؏ـــ﷽ـــــــــــظم اللــ﷽ــه اجــــــــــورنا واجــــــــوركــم
وأحســـن﷽لكــم😔العزا﷽ء

◼️[ *إِنَّمَا يُرِيدُ اللهُ لِيُذْهِبَ عَنكُمُ الرِّجْسَ أَهْلَ الْبَيْتِ* ] .. تمثّل حياة الإمام الكاظم عليه السلام حلقة من حلقات السلسلة الطيبة لسيرة أئمة أهل البيت عليهم السلام التي عمل فيها الأئمة عليهم السلام على تحقيق أهداف الإسلام المحمدي الأصيل حسبما تهيّأ لكل واحد منهم من ظروف وتسنى له من أوضاع في عصره.

🍁 عن الإمام الصادق عليه السلام وهو يصف ولده الإمام الكاظم عليه السلام بأنّ: ( *..فيه العلم، والحكم، والفهم، والسخاء، والمعرفة فيما يحتاج الناس إليه فيما اختلفوا فيه من أمر دينهم، وفيه حسن الخلق، وحسن الجوار، وهو باب من أبواب الله تعالى..* ) .. عيون أخبار الرضا عليه السلام ج١،ص٣٤.

*جمعة كاظمية حزينة*
*أعظم الله لكم الأجر*

مظلوم الكاظم مظلوم  
                        مظلوم الكاظم مظلوم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
موسى الهمه اوغيظه الكاظم
عابد   راكع    ساجد   صايم
بصبره  ايهدم   سور  الظالم
                       ويگله  الظالم  متدوم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
مسجون اودم تجري اگيوده
ابن  العتره   او منهم   زوده
ابعلمه اينور  الظلمه  السوده
                   و للكاظم بالدنيه  اعلوم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
ضحه  الدينه  او هاي الأمه
امگيد  و الگيد ايحز جسمه  
وابسجن  اظلم   من  ظلمه 
                 وابجبده الأصبح مسموم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
جابوه  او جثته  المگيوده
فوگ    الجسر     ممدوده
واتنوح الشيعه  الموعوده
                  يم  الجسر  الهه  اهموم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
كل عام احنه نواسي الزهره
او نتعنه  ابدمعات  الگبره 
جسر اليمه النه اعظم ذكره
              من طاحت سكنه اوكلثوم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
مولاي احنه الشيعه انادي
يالكاظم    يانور   الهادي
مسجونين احنه ابكل وادي
                من ذاك اليوم الهل اليوم
،،،،،،،،،،،،،،، ،،،،،،،،،،،،،،، ،،،،،،،،،،،،،،، ،،،،،،،،،،،،،،،
         الشاعر خالد عامر الزيادي



ليلة ٢٥ /رجب /١٤٤٦ هجري
الاحد 26\1 \2025 ليلة
استشهاد الإمام موسى ابن
جعفر الكاظم عليه السلام في
مسجد الإمام علي ابن موسى
الرضا عليه السلام حله محلة
جبران #قصائد1446هج

ليلة ٢٥ /رجب /١٤٤٦ هجري
الاحد 26\1 \2025 بصوت
خادمكم الرادود ابو هاشم
الربيعي ليلة استشهاد الإمام
موسى ابن جعفر الكاظم
عليه السلام #قصائد1446هج

سلام الله عله زوارك يمسجون
                                 00000000
                  تلكه الجايــــــــــك وبعينه دمعه
                  يريد يواسي بمـــــصابك البضعه
                  كعد يــــــــم  بابك ورادك تسمعه
                  يكضاي المعــــــــــصيه لا ترجعه
    
                  اجاك ودمعته اتسوالف بالعيون         
                   سلام الله عله زوارك يمسجون
                               000000000
                 اجتك  سيــــــــــدي زوارك ازحوف
                 وانت  الماتــــــــــرد ضيف معروف
                 اجاك الزايــــــــــر المـــلكاك ملهوف
                 ابضريحك للدعاء مرفوعه الجفوف
                     
                   دعاك وانت ابد متخيب الضنون
                    سلام الله عله زوارك يمسجون
                                000000000
               وحــــــــــك  لعل نهر مكطوعه يده
               الشــــــــــكالك حـــالته ماضن ترده
               ابــــــــــوجه الـــجاي  بابك ماتسده
               اليـــــطيح ابشده بس انت التسنده

                   غيرك بالشدد جا ياهو ينخون
                   سلام الله عله زوارك يمسجون
                              000000000
                اجينالـك ترفــــــــــرف راية الشوك
                ومصابــك بينه عايش يغله معشوك
                الضريحك جينه كلنه ابكلب محروك
                نشد ارواحنا ابشباجــــــــــك اعلوك

                  دخيلك يلي بيك الكلب مفتون
                   سلام الله عله زوارك يمسجون
                               000000000
                 كصـــــــدنالك يباب الله ورحمته
                 يبس  انـــــــت لبقت بينه محبته
                 الكصــــــدلك زاير ويذرف دمعته
                 وحكك مايـــــــــرد لهله ابحسرته

                 بين جعفر تصير إسناد له وعون
                  سلام الله عله زوارك يمسجون
                                 00000000

حسين عبد الزهرة الدراجي

((الغريب منين))


تدري الغريب منين
أبن الذبيح حــسين
وعمه الفده الچفين .. للخيمات

أهــله صـفو بــرماح
وعــماته ويّ ذبـــاح
يبچن بدون أصـياح .. تـعـبانات

مسير الليـل .. هـد الحيل .. وايـتام
ضــــيـم وآه .. واويـــــــلاه .. ضــلام
هاي النوگ .. هذا السوگ .. والشام

مثل عــماته مسجون .. ابا الرضا
بسناسل صار مرهون .. ابا الرضا

چبيره أمصيبةّ الكاظم ... چبيره

                           """"""""""""

قصیدة: موشح...باب الحاجه
للأمام موسی الکاظم ع
ـــــــــــــــــــــــــــــــــــــــــ
یلّي عندک حاجه حایر بیها
روح للــکاظم الک یگضـیها
ـــــــــــــــــــــــــــــــــــــــ
روح للــکاظم یمن همّک ثجــیل
ومن زمان اشوم ضل حملک یمیل
دوک موسی الکاظم وتصبح دخیل
حاجتک بس یمّه روح أحچیها
ـــــــــــــــــــــــــــــــــــــــــــــ
احچي یمّه الحاجه واعرف هالمقام
گاعـــد اتحاچیــمن ابهذه الــکلام
والله یگضی الحاجه من قبل السلام
الحــاجه تســهل بیدک ایخــلیها
ــــــــــــــــــــــــــــــــــــــــــــــ
حاجتک مهما تصیر وماتکون
تنگضی ابأسرع نظر من العیون
کافي تذکر غربة بین السجون
روحک ایسهّل طلبها اعلیها
ـــــــــــــــــــــــــــــــــــــــــــــــ
خلّي روحک یمه وأنوي اشما ترید
ماکو داعي اتدز رساله و لا برید
ماکو واحد راح رد فارغ الأید
الگبــه لو تطــلبها هم ینــطیها
ـــــــــــــــــــــــــــــــــــــــــــــــ
أخمسطعش عام ابسجن لامو قلیل
والسجــن مابي نهار و لایه لیل
مات بالسجده بعد صبرٍن طویل
چبده مسموم ابسجن طاغیها
ــــــــــــــــــــــــــــــــــــــــــــــــ
اربع احمامیل شالو هالغریب
ومن بني هاشم ولا واحد مجیب
هالغریب أمنین ماعنده حبیب
جثّـته فــوگ الجســر تالــیها
ــــــــــــــــــــــــــــــــــــــــــــــــــ
بس یخف امصابه عن جده الحسین
مات بس ما مات دامي الودجین
احسین ذبحوا نحره ضامي ابلا معین
بالخیــم نیــرانه شیــطفّــیها
ـــــــــــــــــــــــــــــــــــــــــــــــــ
کلمات خادم الحسین ع
#عبدالامیرالناصري....المحمره
رجب1443

لمولاي الغريب أبا الرضا (صلوات الله عليه)

___

غـريـبـه جـنازته جـا لـيـش خـلـوهـا
___

من سجن لسجن عايش بطامورة
دمه يطيح ويلي ورجله مكسورة
الكاظم من ونينه تـنـرسم صورة

صورة طفلة الخيل بين سـحـگـوهـا
___

يذكر عمته من تتراكض بـهـيمـة
السجن عنده يهون بحرگة الخيمة
يا ركضت العاشر منهه كل ضيمة

ينحب عـلـى المن الـمـاي حـرمـوهـا
___

ينوح حسين ابد مـاراح مـن باله
ظل مطروح ليش ومـحـد الشاله
باجر عـالـجـسـر هـم محد بحاله

مامش ناس يـم جـثـتـه يـبـچـوهـا
___

وحيد ابن الاطايب مـالـه عكازة
بس المـالـه أهل للناس اله عازة
فشله تحشم الوادم علـى جنازة

لَـتـخـلوهـا مثل حسين شـيـعـوهـا
___

گضّى الوكت كله الروح مهضومه
بـالتابوت هـم تـتـنـازف دمـومـه
من ذيج السلاسل ويلي ملجومه

فـتحوها الجنازة ومـنّـه شـيـلـوهـا
___
خادم الحسين محمد منير المياحي

كاتب ابعنواني وافخر
خادم الموسى ابنَ جعفر
إمامي

هايم يگلبي هايم..وافخر صرتله خادم
حب الامام الكاظم..ابروحي
عيني اعله شوفه لابَت..وبهالزياره ذابت
لمَّن وصلته طابت...اجروحي

اني وي روحي مشينه وروحي قبلي وصلته
كثر مامشتاگه احسهه للضريح وگُبِّته
كل تعب مابقه عندي من وصلت الحظرته
عيني شافت أحله منظر
خادم الموسى ابنَ جعفر
إمامي

أقسم قَسَم بالرايه..روحي تضل وفايه
دَلَّالي مِنطي احچايه...للزهره
للجَنَّه گلت اتعنَّه..هذا العشگ ما مِنَّه
فِعلاً لگيت الجنَّه...بالحظره

نادي ياموسى ابن جعفر والفخر عنوانه
والشدايد والحوائج تنگضي ابيبانه
يللي رايد جنة الله جنة الله اهنانه
منهه كون الباري يزهَر
خادم الموسى ابنَ جعفر
إمامي

يكثر عدد زواره..موسى الخُلود آثاره
وين السجن واخباره...والضالم
كلما تمر الذكرى..بارينه يرفع ذكره
أرض وسمه اتمد سفره...للكاظم

نگصد امن اربع جهات الكاظم الغيض ابيقين
ينزرع دربه مواكب شاء رب العالمين
والگصد للكاظميه ايعيش يوم الاربعين
ألف هنياله اللي يحظر
خادم الموسى ابنَ جعفر
إمامي

رغم الزمان وجوره..والسندي والطاموره
ضل يرتعب من نوره...سَجَّانه
چان ابعذابه راضي..أصبح ضلمهم ماضي
الكل الحوائج قاضي...عنوانه

وين ذاك اللا رشيد وزمرته الملعونه
خل تشوف الكاظميه هالمسيه اعيونه
والسجين اصبح ملك والوادم ايگصدونه
الزاير ابعطره ايتعطَّر
خادم الموسى ابنَ جعفر
إمامي

گاصد أنه اويه احبابك...يابو الرضا اعله اعتابك
أنحب واون لمصابك...اويه امكم
يم الجواد انادي...منك أريد امرادي هالليله يابو الهادي...خادمكم

واشكر الله الوفقاني وهالأجيت انخاكم
جيت اواسي حُجَّة الله المُنتظر وانعاكم
يا أهل بيت النُّبوَّه كل گلب ناداكم
وداعة المرتضى حيدر
خادم الموسى ابنَ جعفر
إمامي

سيد علي الموسوي

في حق السيده زينب.  ع

يازينب.      يازينب

ارسملج خيم بدموعي محتركات
وشوف كبالي صوره مسلبه ايات
وبصدرج يزينب حسره ولاهات
مات الضوه بعينج من كفيلج مات
عيشيني بعاشورج حسره والم
وبكلبي تحركني نار  الخيم
كل يوم يمر بيه يخلص ندم
ولكيت بدلالي نابت سهم

يازينب.     يازينب
-----------------
تمر  اسنين  بيه  والزمان  يدور
وعيش انه بمصابي وحسره وعاشور
صرتي بديره غربه والضهر مكسور
عفتي ابكربله ابن امج. المنحور
يجرحني بدلالي طاري السبي
عل هزل ركبوها بنت النبي
تمشين بلا كافل وي اجنبي
والخدر يازينب بطرك العبي

يازينب.     يازينب
-------------------
درب الشام يازينب قصص مره
عكب عباس وي ضعنج شمر يبره
يسمونج سبيه ونتي. الحره
وراس حسين اخيج عل رمح يبره
من عندج يازينب راح الخدر
وحسين بنضراته يكلج صبر
مهضومه وحرانه بدرب اليسر
عل شاطي ويه الرايه عفتي العمر

يازينب.     يازينب
-----------------------
كل دمعت يتيمه تصيح. ياعمه
وحسره من رقيه جرحج تلجمه
تريد حسين ابوهه تشبكه وتشمه
وبلسانج يزينب تعثر  الجلمه
تحسين بكل  خطوه لجمت جرح
والشامت نضراته سيف. وذبح
بعيونج يازينب مات. الصبح
بجروحج شماتج ذرو  ملح

يازينب.     يازينب
----------------------
يحادي الضعن بينه من نطب للشام
خلي الروس كدام الضعن كدام
هاي الناس شمات وعده وضلام
غدر بينه الزمان وغدرت اليام
وجروحي عله الراحو تنزف دمه
وطفال بلا والي تصيح الضمه
بت حيدر عرفني وبت فاطمه
وعيوني من الحسره بيهن عمه

    يازينب.    يازينب

------------------
الخادم
رحيم الصالحي

تابوتك... احزان
فارگت الاوطان
وبسجنك اتموت
بالسجده  عنوان
●●●●●●●●●●●●●●●●●●●●●
يالكاظم  اشلونه الهضم ماخذ حياتك
ترسمهه جدارن  السجن بس ذكرياتك
كل  ونه  تجذب  فاطمه   من  نايباتك
تسجد فرض حد الفجر چانت صلاتك

عشت العمر ......گيد وصبر
موسى  اشكثر  وناتك
اتنوح السمه ......ساگك دمه
السجن الهضم لوعاتك

يتهدم   الحيل
وبسجنك الليل
بالظلمه مسجون
وتعد الاشجان
●●●●●●●●●●●●●●●●●●●●●●
مذبوحه احلام العمر واحسب بالاحزان
مطروح  شفتك  بالسجن ياوسفه  قرآن
يتحول وياك  السجن كل ساعه قضبان
ذليت هارون  اشكثر  كل سجده برهان

هذا السجن.....يحچي الحزن
تگضي العمر حسراتك
ماظل امل ....غربه الاهل
ثكل  الحديد  اهاتك

بگيودك اجروح
تتعذب   الروح
بطاموره ظليت
بس ماكو خلان
●●●●●●●●●●●●●●●●●●●●●●
اشرح حياتك  بالسجن حرگه وهضايم
اتواصل  صلاتك  بالدمع مالحظه  نايم
خمسطعش عام الگضن بالسجن صايم
وتناجي   ربك  بالفرض كل ساعه دايم

تحني الظهر.......من السهر
عمرك خلص بالونه
يابو الرضا.......ضاك الفضا
الشيعه تناشد عنه

تبجي المجرات
باب   السموات
والسندي بالگيض
بحقاده جرفان
●●●●●●●●●●●●●●●●●●●●●●
اه  ابجروحك بالسجن عشت الجريره
تبچي الفصول  الأربعه  والدنيا  حيره
يتبده صبرك  بس حزن ماكو  ابنظيره
كاظم الغيظ ابيا  وكت فوك الحصيره

وين الشمس........كلشي همس
طاموره خلص عمرك
ضاع الضوه....خنگه الهوه
الله  يساعد  صبرك

كل  هاي  العوام
مذبوحه الاحلام
عن  الاهل  وين
معدومه الازمان
●●●●●●●●●●●●●●●●●●●●●●
كل  أمنياتك   بالفرض   وتناجي  لله
اول  محطه  من الحزن  بيها المناداه
طامورة السندي اشبعد چانت اويلاه
وانت بسجن دمعك نزل اه ياحسيناه

دمعك همل.........عالخد نزل
عشت الطفوف اونينك
ياجد صحت.....شفته ومتت
كل    نايبات   اسنينك

بسجون السنين
كل ونه يحسين
تارك  علامات
بالخيمه نيران
●●●●●●●●●●●●●●●●●●●●●●
مذبوحه آمال  الفرج  والجمعه  موتك
بانت   علامات   الهجر  لحظة  قنوتك
اتقيم العزه بختم العمر وناعي صوتك
يعرگ  جبينك  والوجه لحظة سكوتك

ختم العمر........سجن الهجر
عمرك گضه وساعاتك
ليلك تون..........هز السجن
چوه  الگلب  جمراتك

ودعت الاحباب
عينك   عالباب
ياوحشة الموت
من دون الاحنان
●●●●●●●●●●●●●●●●●●●●●●
تمت بعون الله  تعالى
خادمكم●●● يوسف الفتلاوي

قناة الرادود والملحن امير الفتلاوي pinned «تجليبه للامام الكاظم   ع . . . اشما ثگلت اهمومك حـَلها يم بابه بــس اقـراله آ يحســين ومــصابه *** الدنيـــا اوياك بالمگــلوبــي اذا تـــفتر اوصيـــك ابوصيـه وابــــد ماتخـــسر الباب الحاجه اگصد موسى ابن جعفر يگظـــيها الـــك وانـــته علــى اعتـابه ***…»

مولاتي ان مُت ولم أصل الى قبرك، فأعلمي أنها كانت الأمنية.

#تراث

موشح

يا غريب الـدار يفداك العمر
إشچان ذنبك تنچتل بالسم غدر
ــــــــــــــــــــــــــــــــــــــ
تنچتل مسموم وإبحبس الرشيد
آه والنعشك يشيلونه العبيد
إمحدد إو ما فارگك ثگل الحديد
إلا من جسمك توسد بالگبر
ــــــــــــــــــــــــــــــــــــــ
لون من ساير الوادم ينچتل
إيشيعونه إو نعشه بالعز ينحمل
وإنتـه نعشك آه يالمالك مثل
عالجسر مطروح ظل يبن الطهر
ــــــــــــــــــــــــــــــــــــــ
سيدي إبدنياك راحه ما شفت
بالسگم والهظم والونه عشت
إومن سجن السجن تتسلم چنت
إو بيد حارس ناصبي إو مشرچ زجر
ــــــــــــــــــــــــــــــــــــــ
عادة المسجون لو أمسه المسه
يّخلون إوياه ضي إليانسه
آه بس إنته ينجل أهل اكسه
إبسجن مظلم تجرع إبچاس الصبر
ــــــــــــــــــــــــــــــــــــــ
عادة المسجون لو چان إبغرب
ينخشعله إو يحـن كل قاسي گلب
إشلون حالك سيدي إبسجن النصب
تجذب الحسرات تتلاهب جمر
ــــــــــــــــــــــــــــــــــــــ
عادة المسجون ما بين المله
إتوادده گومه إو بني عمه أو هله
إتشوف حاله إو بالدهاه إتسايله
وإنته ما چان إلك عون إو لا ذخر
ــــــــــــــــــــــــــــــــــــــ
إبكل حبس لو چان مسجون إو غريب
يصح مسلم عون إله الصوته مجيب
لچن بس إنته يبن بنت الحبيب
ما نغر لك واحد إمن أهل الغدر
ــــــــــــــــــــــــــــــــــــــ
إتلوج وحدك بالسجن مالك معين
إو لا گرابه إو لا أخـو مشفج حنين
واليسلي چبدك إلون والحنين
إي وحگ مجدك يمتبوع النصر
ــــــــــــــــــــــــــــــــــــــ
ما رأت عين إو إذن سمعت حبس
ما يمر كوكب عليه إو لاشمس
إو لا إلك بي چان يمنتب ونس
إو لايهب ريح النسم بيه إو يمر
ــــــــــــــــــــــــــــــــــــــ
ما رأت عين إو إذن سمعت أخبار
سجن ما ينعرف ليله إمن النهار
إلّه سجن البيه چنت يبن ألأطهار
مثل جُب يوسف إو يرها بالعسر
ــــــــــــــــــــــــــــــــــــــ
لو أوصّف سجنك الشيعتك چان
ما يجف منها الدمع طول الزمان
إو لا ضحك سنها إو رمت ثوب ألأحزان
إلا من ينتهض سلطان العصر
ــــــــــــــــــــــــــــــــــــــ
ذاك يوم البيه يشف دمع الإسلام
إو تغمض إعيـون المسلمين إو تنام
إو ينطفي من ضامر الدين الضرام
لمن راعي ألأمر يتوله ألأمر
ــــــــــــــــــــــــــــــــــــــ
إو يسل سيفه إو رايته إبچفه ترف
يا لثار حسين وأصحابه إيهتف
إوياخذ الثارات كل واحد بألف
إو ينجد ألإسلام من جـور الكفر


الشاعر المرحوم
كاظم منظور الكربلائي

كاتب ابعنواني وافخر
خادم الموسى ابنَ جعفر
إمامي

هايم يگلبي هايم..وافخر صرتله خادم
حب الامام الكاظم..ابروحي
عيني اعله شوفه لابَت..وبهالزياره ذابت
لمَّن وصلته طابت...اجروحي

اني وي روحي مشينه وروحي قبلي وصلته
كثر مامشتاگه احسهه للضريح وگُبِّته
كل تعب مابقه عندي من وصلت الحظرته
عيني شافت أحله منظر
خادم الموسى ابنَ جعفر
إمامي

أقسم قَسَم بالرايه..روحي تضل وفايه
دَلَّالي مِنطي احچايه...للزهره
للجَنَّه گلت اتعنَّه..هذا العشگ ما مِنَّه
فِعلاً لگيت الجنَّه...بالحظره

نادي ياموسى ابن جعفر والفخر عنوانه
والشدايد والحوائج تنگضي ابيبانه
يللي رايد جنة الله جنة الله اهنانه
منهه كون الباري يزهَر
خادم الموسى ابنَ جعفر
إمامي

يكثر عدد زواره..موسى الخُلود آثاره
وين السجن واخباره...والضالم
كلما تمر الذكرى..بارينه يرفع ذكره
أرض وسمه اتمد سفره...للكاظم

نگصد امن اربع جهات الكاظم الغيض ابيقين
ينزرع دربه مواكب شاء رب العالمين
والگصد للكاظميه ايعيش يوم الاربعين
ألف هنياله اللي يحظر
خادم الموسى ابنَ جعفر
إمامي

رغم الزمان وجوره..والسندي والطاموره
ضل يرتعب من نوره...سَجَّانه
چان ابعذابه راضي..أصبح ضلمهم ماضي
الكل الحوائج قاضي...عنوانه

وين ذاك اللا رشيد وزمرته الملعونه
خل تشوف الكاظميه هالمسيه اعيونه
والسجين اصبح ملك والوادم ايگصدونه
الزاير ابعطره ايتعطَّر
خادم الموسى ابنَ جعفر
إمامي

گاصد أنه اويه احبابك...يابو الرضا اعله اعتابك
أنحب واون لمصابك...اويه امكم
يم الجواد انادي...منك أريد امرادي هالليله يابو الهادي...خادمكم

واشكر الله الوفقاني وهالأجيت انخاكم
جيت اواسي حُجَّة الله المُنتظر وانعاكم
يا أهل بيت النُّبوَّه كل گلب ناداكم
وداعة المرتضى حيدر
خادم الموسى ابنَ جعفر
إمامي

سيد علي الموسوي

سؤال..من تنسإل عن فترة الغربه
سؤال..حتماً تكون الإجوبه صعبه
جروح الأسئله...السجن لو كربله
سؤال...سؤال

يالمَقامَك بالسِّمَه وبالارض محفوظ
وحُبك اعله الناس يابو الرضا مفروض
يالتصون العهد عند اعداك منقوض
انصيح ويلي اعله السجين الساگه مرضوض
عذاب...يامن مصابك أحزن المُصحَف
عذاب...بس عندك اهون من عذاب الطف
حزن كل مرحله...السجن لو كربله
سؤال...سؤال

يَلِّلي واضح وابد ماتحتاج تفسير
إبن جعفر والعُقول ابوصفك اتحير
حجة الله اعله الأرض مو بالطوامير
وسفه تصبح بالسجون النِّعمه والخير
سجين...عد ناس تجهل سيدي قدرك
سجين...ياوسفه يخلص بالسجن عمرك
عظيم المنزله...السجن لو كربله
سؤال...سؤال

من إبن شاهك السندي الهسه مجروح
ونعتذر خاف اسئلتنه اتهيج الاجروح
بالسجن إلمن تون مولاي واتنوح
عله امصابك لو مُصاب المات مذبوح
غريب...وطف كربلاء ايزيِّد اونينك
غريب...بس تبچي دم الغربة حسينك
يهظمك مَقتَله...السجن لو كربله
سؤال....سؤال

دمعك العاشور ماينشف مَسيله
وتبچي عالسجاد واتون عالعقيله
عالفراق الطال واهمومك ثجيله
وجرح معصومه مثل جرح العليله
فراق...طال الهجر وانگطعت اخبارك
فراق...واعله المدينه غابت انوارك
الغياب اشيِحمِلَه....السجن لو كربله
سؤال....سؤال

اشما تمر اعوام ماننسه الرزيه
وتبقى جيل الجيل منصوبه العزيه
مرقدك أصبح ملاذ الها البريه
شاء ربنه ايكون بارض الكاظميه
تجيك...من كل بقاع العالم انصارك
تجيك...ماتنگطع ياموسى زوارك
يسلطان المَلَه...السجن لو كربله
سؤال....سؤال

سيد علي الموسوي

#نعي

لمولاي موسى بن جعفر صلوات الله عليه

نعي المشهد الأول
*
شتريد منه شتريد منه  يسجان السجن شتريد منه
بعيدين عنه بعيدين عنه. كل اهله تره بعيدين عنه
تعب جنه تعب جنه من ثكل السلاسل تعب جنه
وما بي محنه ما بي محنه سجان السجن مابي محنه



نعي المشهد الثاني
****
وكطعو صلاته. صله الكاظم وكطعو صلاته
خلص حياته من السجن السجن خلص حياته

يا ناس محروم ليش امن الشمس يا ناس محروم
ما شافت النوم الكاظم عينه ابد ما شافت النوم

المشهد الثالث
****
للبصره ودوه  ابن جعفر وسف للصبره ودوه
والنوب سجنوه  بسلاسل كيدوه والنوب سجنوه

اشلون يرتاح المفارك اعزازه اشلون يرتاح
اليسوه التعب راح  سكن بالكبر واليسوه التعب راح

الغروب خلكي ايصيج من ايصير الغروب
الدروب.  راحو كل هلي وعيني اعله الدروب

المشهد الرابع
*
لو يمه الاولاد   الابو ينسه الحزن لو يمه الاولاد
كلهم ابعاد   والكاظم اولاده كلهم ابعاد
تنراد عله البيهم محنه الاخ تنراد
بسجن بغداد والكاظم غريب بسجن بغداد

المشهد الخامس
*
بالطوامير اشلون ايبات ليله بالطوامير
وبناظره ايدير ضل الوحده وبناظره يدير

بسك يسجان كطع كلبه السجن بسك يسجان
يحتاج الاخوان.  مرات الاخو يحتاج الاخوان

المشهد السادس
***
لحضات لحضات يحسب للفرج لحضات لحضات
خلصها ونات الكاظم بالسجن خلصها ونات

مكسور ضهره. من كثر التعب مكسور ضهره
صعب جبره.  تره كسر الخواطر صعب جبره


المشهد السابع
***
امكيدينه  الكاظم بالحيديد امكيدينه
الله يعينه  عله ثكل الحديد الله يعينه

جرحت ركبته اهواي الجامعه جرحت ركبته
غربه غربته ابن جعفر صحت غربه غربته

جرت عيناه من شاف السلاسل جرت عيناه
وما كدر ينساه موقف كربله ما كدر ينساه

بحبال بحبال زينب عمته جتفوها بحبال
تنكال تنكال وجلمة خارجيه اعليها تنكال

الزغار   ذكر ذيج اليتامه وذيج الزغار
بالنار   وزينب بالعبايه اطفي بالنار

مجتوف  ذكر زين العباد اشلون مجتوف
وعمته تشوف   وبضهره الصياط وعمته تشوف

المشهد الثامن
**
عالمات مسموم صحت هل الدمع عالمات مسموم
مظلوم مظلوم عاش ومات كل العمر مظلوم

بيمن يطلبوه الكاظم يا خلك بيمن يطلبوه
ليش سموه صحت الله ولحد ليش سموه

والتمت اعلي هموم الدنيه كلها التمت اعليه
هلبت نفس بي يسجان السجن هلبت نفس بي


المشهد التاسع
**
اربع حماميل شالوها الجنازه اربع حماميل
حته الهوه ايميل لو مال النعش حته الهوه ايميل

الجنازه     فوك الجسر خلوها الجنازه
عازتها عازه.  اثاريها الأهل عازتها عازه

الميت امنين  اهل هذا الغريب الميت امنين
لو زاد الونين. من حكه الكلب لو زاد الونين

ضلت غريبه ليش اجنازته ضلت غريبه
اتحير طبيبه اليوم بعلته اتحير طبيبه

يامن تشعون  بهيده ويالنعش يامن تشيعون
مسموم تدرون ابن جعفر صحت مسموم تدرون

اعمن يالعيون عله امصاب الغريب اعمن يالعيون
بسجن هارون خلص كل حياته بسجن هارون

***
الشاعر
تحسين الخفاجي

#اللهم_عجل_لوليك_الفرج

» فاطم تنتحب واتصيح عزّوني...على اولادي  » يوصي على إيد المسيّب نسل لطهار  » صرخت وعبرتها على خدها جريه  » امعطله اجنازة الكاظم يا خلق فوق الجسر  » باب الحوایج مطروح فوق الجسر  » وين الهواشم وين ذیچ الدوله  » يا سلوة الهادي ويا ضنوة الكرار  » يوعد الشيعة اعلى الجسر مهجة المختار  » فاطم الزهرا امن الفجيعه ابحرقة أفاد  » والناس حوله مستديره 
 

القائمة الرئيسية
الرئيسية
قصائد في رحاب اهل البيت
من حياة المعصومين (ع)
الداواوين الشعرية
قصائد النعي
اشعار عامة
خطباء، شعراء ورواديد
المكتبة الصوتية
المكتبة المرئية
معرض الصور
ارشيف
اتصل بنا
مشاركات الزوار
زوار الموقع
المتواجدين حاليا: 342 زائر / زوار.
عدد الزوار: 30793576.
اكبر تواجد في نفس اللحظة: 3147.
محرك البحث

المواضيع « بحث متقدم »
الصوتيات والمرئيات

بحث
اللهم كن لوليك الحجة بن الحسن صلواتك عليه وعلى آبائه في هذه الساعة وفي كل ساعة وليا وحافظا وقائدا وناصرا ودليلا وعينا حتى تسكنه أرضك طوعا وتمتعه فيها طويلا برحمتك يا ارحم الراحمين



تابعونا من خلال مواقع التواصل الاجتماعي

 




 
 

» قصائد في رحاب اهل البيت (ع) » [رثاء] اهل البيت عليهم السلام » رثاء الإمام موسى الكاظم عليه السلام » الرادود الحاج ملا باسم الكربلائي » قصائد الرثاء

 

نسخة للطباعة أرسل الى صديق حفظ الموضوع  
أضف الموضوع


هذا الغريب من انين
الشاعر السيد سعيد الصافي الرميثي - 12/07/2009م - 6:21 م | عدد القراء: 92353




هـذا الغريب من انين .... وين اهله راحوا وين
مـات بـسجن مظلوم .... و بيا ذنب مسموم

عـادت  الـمـيـت يا شيعة لمن ايسكن ونينه
تـحـضر اولاده و اخوته عن يساره و عن يمينه
هـذا الـيوسده و يجبله و ذاك اليغمض له عينه
احـنـه مـا شـاهـدنه ميت بالحديد مقيدينه
مـن  شـدة الـتقييد .... ينزف دمه من القيد
بـاقـي  الاثـر  لليوم .... و بيا ذنب مسموم

مـوسـى  بـن جعفر تميز كاظم الغيط بصفاته
و  لا  سـجون الطاغي ساعة بدلت سيرة حياته
دمـعـته  و لهجت دعائه و بقلب خاشع صلاته
لـلـفـرج يـحسب ليالي و بالفرج يدري مماته
طـامـورة  الاشـرار  .... ظـلمتها ليل انهار
مـن  الـشمس  محروم .... و بيا ذنب مسموم

مـرت  اعـوام اعلى سجنه للفرج معقودة ظنة
شـيـعـتـه المنتظره تنشد يا هو اليخبرها عنه
سـاعـة الـسـمعت اجاها طارش يبشرها منه
الـمـوعـد الـجمعة يقلها بشوفة الوالي انتهنه
يـا شـيـعـة و الميعاد .... قلهم جسر بغداد
نـسـتـقـبل المظلوم .... و بيا ذنب مسموم

طـلـعت  الشيعة تشوفه موسى بن جعفر أملها
مـن  بـعـد  غـيبة طويلة بالسلامة يرجع الها
و عـايـنـوا لاحـت جنازة اربعة اتولوا حملها
و سـمـعـوا الناعي المنية ينعى و دموعه يهلها
صاحوا  يا ناعي اشصار .... وشعندك من اخبار
تـنـعي  بحزن و اتحوم .... و بيا ذنب مسموم

عـل الـجـسر ناده المنادي هذا امام الرافضية
الطيب  ابن الطيب اصله من صلب حامي الحمية
مـن رحـم بـضعة محمد فاطمة الزهرة الزجية
و  جـانت اطباعه السماحة و الحلم عنده سجية
لـيش  بسجن هارون .... قضه العمر مسجون
بـلـوعة  و جبد مالوم .... و بيا ذنب مسموم

سـاعـة الشخص طبيبه سم غدر و بجبده صابه
يـا خـلـق اردن اناشد اخوة ما عنده و قرابه
يـالـلـي  تسأل  هذا اهله بالمدينة اهل النجابة
و  خـيـرة الله اعـلى البرية نزل اعليهم كتابه
مـن اطـهر الاصلاب .... من اشرف الانجاب
تـقـوه  و فخر وعلوم .... و بيا ذنب مسموم

يـاللي  تسأل شنهي ذنبه الكاظم بسجن الخليفة
الـبـايعوا  جده  الصميدة بيعة سودة مو نظيفة
و  لـلظلم  وضعوا اساسه من عهد يوم السقيفة
و  فـاطمة  كسروا ضلعها بضعة الهادي الشريفة
لـلـفـتـنـه  دقوا ساس...منهم بني العباس
داروا عـلـه الـمعصوم.... و بيا ذنب مسموم

قناة الرادود والملحن امير الفتلاوي pinned «عجيبه تظل قصتك عجيبه          مصيبه صبح فكدك مصيبه تظل نيراني تسعر     على موسى ابن جعفر مصيبه صبح فكدك مصيبه ,,,,,,,,,,,,,,,,,,,,,,,,,,,,,,,,,, هاليله العرش بمصيبتك مفجوع وجبرائيل صاح وصوته ظل مسموع من شجرة بني هاشم غصن مكطوع السمه واهل السمه تبجي وتهل ادموع…»

عجيبه تظل قصتك عجيبه          مصيبه صبح فكدك مصيبه
تظل نيراني تسعر     على موسى ابن جعفر
مصيبه صبح فكدك مصيبه
,,,,,,,,,,,,,,,,,,,,,,,,,,,,,,,,,,
هاليله العرش بمصيبتك مفجوع
وجبرائيل صاح وصوته ظل مسموع
من شجرة بني هاشم غصن مكطوع
السمه واهل السمه تبجي وتهل ادموع
غيابك فلا هين غيابك  ..... لمصابك اون وابجي المصابك
دليلي بحزنه يشغر ..... على موسى ابن جعفر
مصيبه صبح فكدك مصيبه
,,,,,,,,,,,,,,,,,,,,,,,,,,,,,,,,,,,,,,,,,,,
تحملت المصايب من اجل دينك
على اهموم الشفتها ربك ايعينك
من سجن لسجن شو خلصن اسنينك
غريب وشابحه لصوب الأهل عينك
عيونك تظل تربي عيونك ...... يجونك تريد اهلك يجونك
تريد الاهل تحضر ........ على موسى ابن جعفر
مصيبه صبح فكدك مصيبه

للمفارك هله صبر الكلب مافاد
شينفع ياصبر واهلك عليك ابعاد
خلصت العمر غربه بسجن بغداد
يبن جعفر حياة الغربه ماتنراد
حياتك ردت تخلص حياتك ...... بصلاتك جنت تدعي ابصلاتك
الصخر ون وتفسر ....... على موسى ابن جعفر
مصيبه صبح فكدك مصيبه
,,,,,,,,,,,,,,,,,,,,,,,,,,,,,,,,,,,,,,,,,,
وبعد فوك السجن ناس اليسجنونك
بحبال وسلاسل هم يكيدونك
والظالم امر بالسم يغدرونك
ردت اهلك تجيك لتغمض عيونك
عيالك ردت تحضر عيالك ......... اعله حالك تجي وتبجي اعله حالك
وتصيح الله واكبر ..... على موسى ابن جعفر
مصيبه صبح فكدك مصيبه
,,,,,,,,,,,,,,,,,,,,,,,,,,,,,,,,,,,,,,,,,,



على جسر الرصافه اجنازه خلوها
وصاحو للغريب اجنازه جابوها
طلعت شيعتك وبحسره شيعوها
بدمعهم غسلوها وتالي دفنوها
بلا دموع تره وحشه الجنازه ........ ولاحباب صدك عازتها عازه
كلب ناسك تفطر ..... على موسى ابن جعفر
مصيبه صبح فكدك مصيبه
,,,,,,,,,,,,,,,,,,,,,,,,,,,,,,,,,,,,,,
كل واحد يموت احبابه اتحضره
وتحفرله كبر وتنزله ابكبره
بس حسين ظل مرمي على الغبره
وداست خيل اميه وهشمت صدره
مصيبه فلا صاير مثلها  ........ عليها تنوح الدنيا كلها
العقل منها تحير ....... على موسى ابن جعفر
مصيبه صبح فكدك مصيبه
,,,,,,,,,,,,,,,,,,,,,,,,,,,,,,,,,,
حســـــــــــــــين كــــــــــاظم
الطــــــــــائي

دكتور گـــلولي ويشــــافي الـــــوادم
گلتلهم أسمة وگالو أسمة الكـــــاظم
بس مايــــرجع كـــــلمن اتعـــــنالة
الكرم عند موسى ابن جعفر دايـــــم


دخيلك ٠٠٠ اليتعنة حظــرتـك
دخيلك ٠٠٠ رايد بس نظـــرتك
دخيلك ٠٠٠ من زغري عشكتك

ياسيدي يابالرضا
=================
من الــــزغر يتماشة حبك بيــــة
من خيرك انتـة امترسات أيديـــة
ريحانة الزهرة ونعـم من خيـــرك
ياموسى ابن جعفر يخير الـــدنـية


دخيلك ٠٠٠ ياشمــعة حياتي
دخيلك ٠٠٠ أحظرلي امماتي
دخيلك ٠٠ ياساعـــة نجاتي

ياسيدي يابالرضا
=================
ادخل حظــرتك جني داخل جنــــة
يابالرضا وبچفـــك انتـــة اتلمــــنة
يالخيـــــمة انتـة وتجمع الطامــــة
أبمجلــــسك يابالـــرضا سجلــــنه



دخيلك ٠٠٠ أرزقـــني رحمتك
دخيلك ٠٠٠ وفقني الخدمتك
دخيلك ٠٠٠ لاتگطــع نعمتك

ياسيدي يابالرضا
=================
وجهك شمس عالدنية هوهَ الضـــاوي
المنجرح أسمـــك يذكـــرة أيــــداوي
من المهد يتمــاشة حبــــــك بيـــــة
يعجـز يســولـف انتـة عنـــــــك راوي


دخيلك ٠٠٠ ياهوهَ البـــالريـة
دخيلك ٠٠٠ عطرك أيمــر بية
دخيلك ٠٠٠ ياشمس مضوية

ياسيدي يابالرضا
==================
دكتور بغداد وتشـــافي المرضة
اليگصدك بالحاجة ابد مترفضة
بحر الفضائل انتـة يا ابن جعفر
كلشي نريدة يمك احنة انفرضة


دخيلك ٠٠٠ ياحبـــيب الزهرة
دخيلك ٠٠٠ رايد انـــة نظــرة
دخيلك ٠٠٠ يالتشيل الحسرة

دخيلك يابالرضا
=================
كُتبت
السيد عبدالرحمن الموسوي ✍🏻

قصيدة لسيدي ومولاي موسى بن جعفر عليه السلام

اجيت وگلبي ملهوف         عليك وعينك تشوف
ازورك يا امامي           ازورك يا امامي
٠٠٠٠٠٠٠٠٠٠٠٠٠٠٠٠٠
اجيتك يا امام الجعفريه
دخلت بدمعي لرض الكاظميه
يموسى الغالي يا روح الزجيه
وگفت ابّابك وعينك عليه
ترحّب بية مولاي            أحسك واگف وياي
ألك ودّي وسلامي            ازورك يا امامي
٠٠٠٠٠٠٠٠٠٠٠٠٠٠٠٠٠
اجيتك ابچي يا موسى بن جعفر
على مصابك حزَن گلبي وتفسّر
بچيت هواي يم شباچك أكثر
ذكرت الصار بيك وبيّة اثّـر
السلاسل والسجن ذاك.         يموسى هوايه اذّاك
اون وبچي بكلامي               ازورك يا امامي
٠٠٠٠٠٠٠٠٠٠٠٠٠٠٠٠٠٠٠
السجن طاموره ظلمه وتخنگ الروح
گضيت ايام عمرك بيها مجروح
بسلاسل گيّدوك ودمك يفوح
بكلام الشامت السجان مذبوح
حقود السندي ملعون.      يشتمك وانت مسجون
اظن سمّوك ضامي.       ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠
شفت نعشك يشيلونه اليشيّعون
لطم عالروس كلها وتبچي العيون
ذكرتك من جنت مولاي مسجون
ولعنّت الظالم الأذّاك هارون
طلع نعشك بدينه.         عليك شگد بچينه
صحت بيك اعتصامي.    ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠
گعدنه بصحنك وحبك يلمنه
سمعنه المقتل وصحنه ولطمنه
يموسى الكاظم عليك انهضمنه
ونعرفك حاضر وموجود يمنه
على جروح السلاسل.      بچينه وماكو فاصل
تعنّيت ابهيامي.            ازورك يا امامي
٠٠٠٠٠٠٠٠٠٠٠٠٠٠٠٠٠٠٠٠٠٠
صحيح استشهدت مولاي مقتول
مصاب حسين أكثر وفجع انگول
علم عندك قتيل وداسته خيول
برمح راسه الشريف حسين مشيول
وبعد أعظم رزيه.     خذوا زينب سبيه
بمصيبتهه ختتامي     ازورك يا امامي

سيد زيد الفحام
٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠٠

[ميمر  كربلائي للكاظم ع]
_______

گيدك يسولف احزان
قصة  حقد  سجانه
*******
دنياك   ظلمه  بالسجن  ياوسفه
ايام    مرت    والمصايب   كلفه
وسفه  الرشيد  ابموتتك يتشفه

راهب بني هاشم ليش
عايش ظلام  اشجانه
*******
دارت حقدهه الدنيا والحگ ايضيع
لن ابن  شاهك  لرشيد  امره ايطيع
گصت خجل  ماظلت بوجهه ايبيع

باع الضمير  الملعون
ضيك عليه  قضبانه
*******
صارت حياتك بالسجن بس حيره
منقول من  البصره  شفنه  السيره
هذا الحقد  وآصل البغض بالديره

من جدك الناس اتخون
هذا  الحقد    عرفانه
*******
صار   الرشيد   ابلا  قصر   لا تيجان
ونگلبت    اعليه   السجد   بالقضبان
موسى بعظمته يخشى منه السجان

بالسجده موسى معروف
ظلت   حزن  عنوانه
******
ذليت  هارون  اشكثر صبرك  چان
وتناجي  ربك  كل  وكت  بالإيمان
خلصته عمرك بالسجن بس احزان

گيدك يصلي بدمعات
واضح صبح بحزانه
*******
عديت سجنك كل فرض دمعاتك
الله استجاب من ابتدت دعواتك
صاحب السجده اتوضحت اياتك

بالسجده عنوانك صار
شفنه   الفرض  برهانه
*******
ادري بجروحك عاشر  من اونينك
همك عذاب  وتجري  دمعة عينك
اخر نفس تنعه  الغريب  احسينك

من  كربله اتعيش احزان
غير  جميع   الوانه
*******
تمت بعون الله تعالى الشاعر_يوسف_الفتلاوي

مولاتي زينب ع


عَلّـي دنياي بأرض الـغـرب .. ياريت
ألـدمـوع بحسرتي بالشـام .. ياريت
گبل موتي هَلي ايحضرون .. ياريت

ويـشـفـون الأثــر لـحـبـال اديـه

*-----------------------*-----------------*
✍خادم زينب ع
الشاعر رعد الجريخي

سؤال..من تنسإل عن فترة الغربه
سؤال..حتماً تكون الإجوبه صعبه
جروح الأسئله...السجن لو كربله
سؤال...سؤال

يالمَقامَك بالسِّمَه وبالارض محفوظ
وحُبك اعله الناس يابو الرضا مفروض
يالتصون العهد عند اعداك منقوض
انصيح ويلي اعله السجين الساگه مرضوض
عذاب...يامن مصابك أحزن المُصحَف
عذاب...بس عندك اهون من عذاب الطف
حزن كل مرحله...السجن لو كربله
سؤال...سؤال

يَلِّلي واضح وابد ماتحتاج تفسير
إبن جعفر والعُقول ابوصفك اتحير
حجة الله اعله الأرض مو بالطوامير
وسفه تصبح بالسجون النِّعمه والخير
سجين...عد ناس تجهل سيدي قدرك
سجين...ياوسفه يخلص بالسجن عمرك
عظيم المنزله...السجن لو كربله
سؤال...سؤال

من إبن شاهك السندي الهسه مجروح
ونعتذر خاف اسئلتنه اتهيج الاجروح
بالسجن إلمن تون مولاي واتنوح
عله امصابك لو مُصاب المات مذبوح
غريب...وطف كربلاء ايزيِّد اونينك
غريب...بس تبچي دم الغربة حسينك
يهظمك مَقتَله...السجن لو كربله
سؤال....سؤال

دمعك العاشور ماينشف مَسيله
وتبچي عالسجاد واتون عالعقيله
عالفراق الطال واهمومك ثجيله
وجرح معصومه مثل جرح العليله
فراق...طال الهجر وانگطعت اخبارك
فراق...واعله المدينه غابت انوارك
الغياب اشيِحمِلَه....السجن لو كربله
سؤال....سؤال

اشما تمر اعوام ماننسه الرزيه
وتبقى جيل الجيل منصوبه العزيه
مرقدك أصبح ملاذ الها البريه
شاء ربنه ايكون بارض الكاظميه
تجيك...من كل بقاع العالم انصارك
تجيك...ماتنگطع ياموسى زوارك
يسلطان المَلَه...السجن لو كربله
سؤال....سؤال

سيد علي الموسوي

كاتب ابعنواني وافخر
خادم الموسى ابنَ جعفر
إمامي

هايم يگلبي هايم..وافخر صرتله خادم
حب الامام الكاظم..ابروحي
عيني اعله شوفه لابَت..وبهالزياره ذابت
لمَّن وصلته طابت...اجروحي

اني وي روحي مشينه وروحي قبلي وصلته
كثر مامشتاگه احسهه للضريح وگُبِّته
كل تعب مابقه عندي من وصلت الحظرته
عيني شافت أحله منظر
خادم الموسى ابنَ جعفر
إمامي

أقسم قَسَم بالرايه..روحي تضل وفايه
دَلَّالي مِنطي احچايه...للزهره
للجَنَّه گلت اتعنَّه..هذا العشگ ما مِنَّه
فِعلاً لگيت الجنَّه...بالحظره

نادي ياموسى ابن جعفر والفخر عنوانه
والشدايد والحوائج تنگضي ابيبانه
يللي رايد جنة الله جنة الله اهنانه
منهه كون الباري يزهَر
خادم الموسى ابنَ جعفر
إمامي

يكثر عدد زواره..موسى الخُلود آثاره
وين السجن واخباره...والضالم
كلما تمر الذكرى..بارينه يرفع ذكره
أرض وسمه اتمد سفره...للكاظم

نگصد امن اربع جهات الكاظم الغيض ابيقين
ينزرع دربه مواكب شاء رب العالمين
والگصد للكاظميه ايعيش يوم الاربعين
ألف هنياله اللي يحظر
خادم الموسى ابنَ جعفر
إمامي

رغم الزمان وجوره..والسندي والطاموره
ضل يرتعب من نوره...سَجَّانه
چان ابعذابه راضي..أصبح ضلمهم ماضي
الكل الحوائج قاضي...عنوانه

وين ذاك اللا رشيد وزمرته الملعونه
خل تشوف الكاظميه هالمسيه اعيونه
والسجين اصبح ملك والوادم ايگصدونه
الزاير ابعطره ايتعطَّر
خادم الموسى ابنَ جعفر
إمامي

گاصد أنه اويه احبابك...يابو الرضا اعله اعتابك
أنحب واون لمصابك...اويه امكم
يم الجواد انادي...منك أريد امرادي هالليله يابو الهادي...خادمكم

واشكر الله الوفقاني وهالأجيت انخاكم
جيت اواسي حُجَّة الله المُنتظر وانعاكم
يا أهل بيت النُّبوَّه كل گلب ناداكم
وداعة المرتضى حيدر
خادم الموسى ابنَ جعفر
إمامي

سيد علي الموسوي

يالتشيعونه يالتشيعونه   الكاظم غريب اعله الجسر يالتشيعونه
**
بالسجن يا ناس   خلصت اسنينه
للفرج يدعي   ودمعته بعينه
كافي يا دنيه    لا تجرحينه
امن السلاسل ذيج    الله اليعينه

لا تتانونه  لا تتانونه   بالسم ابن جعفر كضه لا تتانونه
***
امن الشمس محروم   وحيرته حيره
والسجن غير   كل تعابيره
راسه عالقبله   ياهو اليديره
يصرخ الناعي   راح ابو الغيره

غمض عيونه   غمض عيونه  الكاظم يشيعه بهل المسه   غمض عيونه
**
كلهم الجمعه   يم جسر بغداد
وضلت الشيعه   تنطر الميعاد
كلها تتأمل   والامل ما فاد
مات ابن جعفر   واهله كلها ابعاد

يالتشيلونه  يالتشيلونه   بهادي بله ويالنعش  يالتشيلونه
*




قصة الكاظم   ما حملها انسان
جان يتمنه   يلكه يمه اخوان
من كثر صبره   حير السجان
وتصفن الحيطان   لو قره القران

ما يشغلونه   ما يشغلونه   عن طاعة الباري ابد  ما يشغلونه
**
ايده من الكيد   ليش دمها ايسيل
امن الحديد اهواي   جسمه ضل ايميل
والله ابن حعفر   عنده ما ضل حيل
والنهار اشلون   ايعرفه من الليل

ما يخلونه   ما يخلونه   لو راد يشتم الهوه ما يخلونه
****
اربع احماميل   عالجسر خلوه
والطبيب يصيح    بيا ذنب سموه
بالدمع والنوح   شيعته اتلكوه
لطمو اعله الروس   وبالحزن شالوه

وحشه من دونه   وحشه من دونه   بغداد والدنيه اصبحت   وحشه من دونه
****
تمت
تحسين الخفاجي

يابوصالح ... بيالوعه نحجي ابيا ألم
يابوصالح ... ابسم الجبد لو بالخيم
تطلع من مصيبه ... وتفوت بمصيبه
،،،،،،،،،،،،،،،،،،،،،،،
ملجوم وكل عام همومك   لازم تنعاد
هستوك  عمتك  دافنها    ومتحير راد
الشيلتها من خيام العاشر  متروسه رماد
لاترتاح ابوجهك لازم     تمشي البغداد

للكاضم روح وزوره .. للمسجون ابطاموره
گالو متسمم جبده  .. صبح الله وطفو نوره

يابوصالح ... يالماشفت راحه ابعمر
يابوصالح ...  يالمنكسر  لا تنكسر
يالقصتك جيبه ... وتفوت بمصيبه
،،،،،،،،،،،،،،،،،،،،،،،
راجع من دفنت علويه   ماعدها اخوان
مرات المدفون اتحسه   ايشيع الدفان
ميت من هموم الدنيه   وحيلك خلصان
لاتنسه المسجون البجه  بجرحه الحيطان

ادفن جدك بهمومه .. وصبر عالهم معصومه
يتمها الهم والغريبه .. وتعرف نوح المالومه

يابوصالح ... للكاضم امشي وغربته
يابوصالح ... ضلت غريبه اجنازته
مايخلص نحيبه  ... وتفوت بمصيبه
،،،،،،،،،،،،،،،،،،،،،،،،،،،،،،
بس انته الضل من الساده   مصابك ميهون
هاشم خلصو بيت الضامي  وبين المسجون
بسبوع امشيع جم نجمه   وگلبك محزون   
انصب جادر وكتب فوگه  الكاضم وام عون

كلش ميهون مصابك .. ميطيح بيوم نگابك
يالمهد مخلص عمرك .. جناز ابنعش احبابك

يابوصالح ... يالماضگت طعم الفرح
يابوصالح ... يالعيش ابضيم الجرح
يالروحك غريبه  ... وتفوت بمصيبه
،،،،،،،،،،،،،،،،،،،،،،،،،،،،،،،،،
للكاضم حسرات ابگلبك   مطيب ابيوم
مسجون وتاليها ابغربه  ايصبح مسموم
المحروم ايخلص كل عمره   لازم محروم
اهون من لجمات العاري  ومسلوب هدوم

مسجون ويبجي بلوعه .. موضوع الهم موضوعه
والسم اهون من جدك .. ضامي ومكسوره ضلوعه

يابوصالح ... ضل النعش فوگ الجسر
يابوصالح ... بس ضلعه لا مامنكسر
لاجثته سليبه  ... وتفوت بمصيبه
،،،،،،،،،،،،،،،،،،،،،،،،،،،،
معروف الدافنها احبابه  لو يمشي يميل
بس للفاگد مو للراحه    مخلوق  اليل
ياحيل اليبقاله الدافن  وي اهله الحيل
شالو كل اهلك يالمهدي  بس وين تشيل

يالعمرك دمعه وحيره .. الجماتك حيل اجبيره
ياديرت حزن العاشر  .. ويامكبر هايه الديره

يابوصالح ... جدك يضل اكبر جرح
يابوصالح ... والراسه مرفوع ابرمح
والشيبه الخضيبه .. وتفوت ابمصيبه

...العبد ابوفايز الرافضي
الفاتحه على روح والدي

      
               راحت ايام السجن صارت زياره
              وليلك المضلم صبح كبه ومناره
                         __
            جنت صاحب مبدء وثوره وعقيده
            شفت بيك حسين والزهره الشهيده
             مَجتف وجان اليصلك تكسر ايده
             الحاربك خلي الحكم هسه يفيده
            وانت حر وادري تكفيك الاشاره
             وليلك المضلم صبح كبه ومناره
                         __
              حر اشوفك والسجن يشهد عليه
              بس رفعت ايدك بنيت الكاظميه
               من متت صلت عليك الغاضريه
              وعمك العباس اجه ياخذ تحيه
                  بالملايين اعتنت هاي الغياره
                وليلك المضلم صبح كبه ومناره
                         __
                    يااسد بغداد ياباب السلامه
                الرشيد انته والك تحله الزعامه
               خضت وحدك سيدي حرب الكرامه
                  وغصبا عليهم نلت تاج الامامه
                 وي الاهك تاجرت بعظم تجاره
                وليلك المضلم صبح كبه ومناره
                         __
              جانت توزع عطر سَجدت صلاتك
              وصلت لسابع سجن ريحت عباتك
               هسه يله استوعبت دعوة مماتك
               جنت تدري لو متت تبدي حياتك
                  ماحله لغيرك ابد تاج الاماره
                 وليلك المضلم صبح كبه ومناره
                         __
             جنت وحدك وابد ماعندك حبايب
             وهسه عندك مشي وزوار ومواكب
               بكثر ماكلبك حمل هم ومصايب
              عوضك الله وصرت من العجايب
             رابح بسجنك ولا شفت الخساره
             وليلك المضلم صبح كبه ومناره
                         __
               ياهو مثلك بالكرم ماكو مثيله
           يابو طلبه وصاحب السجده الطويله
              احنه غيرك ابد ماعدنه وسيله
              (والذنوب هواي جفتها ثجيله)
             واليحبك بالحشر بيك افتخاره
            وليلك المضلم صبح كبه ومناره  
                      __
              
سيد معتز الحسيني

الشيخ الكربلائي :
نعلن تهيئة صحن العقيلة زينب (ع)
وندعو المواكب الحسينية للحضور

(راح اموت)


راح اموت     ومحد من اخوآني شـفـتـه
راح اموت    اجـنـازتـي تـنـشـال سـكـتـه

           راح اموت       راح اموت

*----------------------*---------------------*

چانت أمنيتي الوحيده بكربله ايصير الدفن
وتنتهي رحلـت عذابي وينتهي هذا الحزن
چنهم اخوآني نسوني وآنـه بالـغـربـه أحـن
سـاعـه مايبرد ونيني مِـثـل وَن الـمـنطـعـن

حالي هاذ والاهل ما منهه جَيه
حالي هاذ ماتت بروحي الوصيّه

*------------------------*-------------------*

چـنـهـه نـيـران الثوانـي مـن تـمـر للينتظر
ياصـبـر يلحگ عـلـيّـه والله تـعـبـتـه الصبر
خاطري المكسور باقي چنت اضنن ينجبر
وبالطفوف ايصير موتي وبيهه يتشيد گبر

صعبه حيل زينب التدفنهه غربه
صعبه حيل حالتي ياناس صعبه

*-------------------------*------------------*


ياهو اليوصل كـفـيلـي أيـگـلـه عذبهه الـغـرب
بحسرتي بالشام اموتن وذايب بشوگه الگلب
وينه أليشيّعني وينه الوحدي وبموقف صعب
لا أخـو الـيـحـزن عَـلـيّـه ولا مـجـالس تنصّب

من بعيد رفرفت مثل الحمامه
من بعيد اشكي لخواني الظلامه

*--------------------------*--------------------*

تـنـزف اجـروح بدليلـي جـيّـه مـا منـهـم بـعـد
سـلّـمـت بالـحـالـه هـايـه أمـري للواحـد أحـد
اعـرف الـصـار بكـفيلي واعـرف بـذاك الـعـمـد
لاكـن الـشـوگ الـجـبـرنـي بـأسـمـه أردّد للأبـد

بس عذاب تجرح ايام العشتهه
بس عذاب دنيا بالهَم خلصتهه

*-------------------------*--------------------*

اليحتضر بأخر وصيته تسأل الناس أشكتب
يا خَـلـگ هايه وصـيـتـي آنـه موتني الـتـعب
خلصت عمري مناحه وگلبي بالغربه الـتـهـب
اعـتـب بناري عـلـيـمـن راحوا الـگـد الـعـتـب

هسه وين گلبي ما يحچي بعتابه
هسه وين الحزن ما سَده بابه

*------------------------*-------------------*

✍خادم  زينب (ع)
الشاعر رعد الجريخي

نعي مفجع
الى مولاتي زينب ع


ويـنـه الـيـجـي ياخـذ رسـالـه
مـنـي لــعِــد راعـي الـكـفــالـه
ايـگـلـه بغرب حالـتـهـه حـالـه
گـرّب يـومـهـه وذكـرت دلالــه

ويـنـه اليروح الـوادي لطفوف
ويكتب عـلـيّـه بـهـاي معروف
يگصـد اخـوي الشهم ويشوف
يوصّل سلامي بگـلـب ملهوف

ويــنـــه الـدره بـالـصـار بــيــه
مـهـتـم اريــده ايـمـــر عـلـيــه
اوصّـيـه بـس هــاي الـوصـيـه
ايـذكّــر هـلـي عـدهـم سـبـيـه

ويـنـه الـيگـلـهـم زيـنـب اتـريـد
تحضر نـعـشـهـه نـاس اجـاويـد
بـلـكـت اخوتـي تـگـطـع الـبِـيـد
وتطوي الفيافي ودرب البـعـيـد

*----------------------------*-------------------*

✍خادم السيده زينب (ع)
الشاعر رعد الجريخي

الليل اجه وماكو هلي - موتني المتانه اشلون
غير اهيد من الضياع ... هذا الدرب راد عيون
وانه البقه بيه فقط ... بس نظرة تنطر عباس

وادري الگمر لا ما يجي
وطبع اليموت يناطر
اولاده واخوته التعتني
اليوم اجو ها باچر

ما يجون .. موتي هيچ
وهل الكلام .. خله بيچ
ياروحي قسمتنه هاي

الله راد ... لوحدي اضل
ارضه كون .. وما امل
والحسره تفضخ مبچاي

ما تنجبر اااااااايا كسرتي
الموته احسن من هظمتي

شمتانيه شعدچ بعد .. خليني ياروحي ارتاح
اشضل تره حته اگول - اشضل الي وها ما راح
خلصيني مو والله اتعبت ... تعبانه كلش زينب

لوما وصيت حسين الي
ما يبقه بيه متانه
شيخلصه عمره وحيرته
اليعوف گوا اخوانه

شفت اخوي ... يبچي گام
بعينه صد ... عله الخيام
وصاني بطفال ااازغار

بس شگول .. عالزمان
البيه اصير .. بلا امان
وخلاني اواجها النار

اتريد خوااااااني سفرتي
الموته احسن من هظمتي


چتال اخوتي ورافگة ... چاا المن اتضل الروح
خل اموتن ولله اموت ... والحگ اخوي المذبوح
اتلاحگ الضل بالأسم ... خل تطلع الروح بليل

ليش ابقى احشم بالمشو
شيفيد محد يفزع
اتمنيت بيرغنه اليرف
لو سيف اليه يطلع

ما يفيد - هل الكلام ...
موتي هيچ بلا كلام
الدمعه لو طاحت ترد ?...

كافي عاد .- ياعيون
غمضي اي -  ما يوجون
بلا ماي شيفيد الورد


ولا ما يسمعوها كلمتي
الموته احسن من هضمتي


اليعيش وي غربه بعد .. ما تمسح ادموع الناس
لا ما تحن عليه الغرب ... محد يحن بس عباس
الغربه متحب اي بشر  .... مو غربة الشام انوب

حفظو اسامينه بكثر
ما شتمو بهلي اهناك
والشمس ما خلت وجه
وتضحك الناس لمبچاك

اسمعتي زين .. ما نسيت
اي يروح ... جگد بچيت
ولا انسه لوعات الشام

شنسه اريد ... بذاني صاح
بت علي  ... وگلبي طاح
هاذ الصدگ ماهي اوهام

المهم يا روحي وعبرتي
الموته احسن من هظمتي

✍️ابو فضه الحميداوي

(راح اموت)


راح اموت     ومحد من اخوآني شـفـتـه
راح اموت    اجـنـازتـي تـنـشـال سـكـتـه

           راح اموت       راح اموت

*----------------------*---------------------*

چانت أمنيتي الوحيده بكربله ايصير الدفن
وتنتهي رحلـت عذابي وينتهي هذا الحزن
چنهم اخوآني نسوني وآنـه بالـغـربـه أحـن
سـاعـه مايبرد ونيني مِـثـل وَن الـمـنطـعـن

حالي هاذ والاهل ما منهه جَيه
حالي هاذ ماتت بروحي الوصيّه

*------------------------*-------------------*

چـنـهـه نـيـران الثوانـي مـن تـمـر للينتظر
ياصـبـر يلحگ عـلـيّـه والله تـعـبـتـه الصبر
خاطري المكسور باقي چنت اضنن ينجبر
وبالطفوف ايصير موتي وبيهه يتشيد گبر

صعبه حيل زينب التدفنهه غربه
صعبه حيل حالتي ياناس صعبه

*-------------------------*------------------*


ياهو اليوصل كـفـيلـي أيـگـلـه عذبهه الـغـرب
بحسرتي بالشام اموتن وذايب بشوگه الگلب
وينه أليشيّعني وينه الوحدي وبموقف صعب
لا أخـو الـيـحـزن عَـلـيّـه ولا مـجـالس تنصّب

من بعيد رفرفت مثل الحمامه
من بعيد اشكي لخواني الظلامه

*--------------------------*--------------------*

تـنـزف اجـروح بدليلـي جـيّـه مـا منـهـم بـعـد
سـلّـمـت بالـحـالـه هـايـه أمـري للواحـد أحـد
اعـرف الـصـار بكـفيلي واعـرف بـذاك الـعـمـد
لاكـن الـشـوگ الـجـبـرنـي بـأسـمـه أردّد للأبـد

بس عذاب تجرح ايام العشتهه
بس عذاب دنيا بالهَم خلصتهه

*-------------------------*--------------------*

اليحتضر بأخر وصيته تسأل الناس أشكتب
يا خَـلـگ هايه وصـيـتـي آنـه موتني الـتـعب
خلصت عمري مناحه وگلبي بالغربه الـتـهـب
اعـتـب بناري عـلـيـمـن راحوا الـگـد الـعـتـب

هسه وين گلبي ما يحچي بعتابه
هسه وين الحزن ما سَده بابه

*------------------------*-------------------*

✍خادم  زينب (ع)
الشاعر رعد الجريخي

(مولاتي السيده زينب عليها السلام)

الدهر مارحم حالچ ليش يمعون
وگلبچ من مرار الحزن يــــمعون *
مادفنـــوچ يم عباس يـــم عون؟
اظن احـــــسين رادچ يــم رقيـه
~
حيدر بشار الدراجي

*ياما عانى

راس السنه

يـاعـام الأگـولن خـيـر ياعام
وبيه زينب تضل وحدها بالشام
شفرح ونه گلبي أيسولـف بهاي؟
السنه التابوتهه ماتفزع أزلام

بهاي السنه من تعمه العيون
تابوت زينب ماكو أله متون
والله هضيمه الوادم تگول
وين النعشها كل سنه يجون

شلون أفرح بهاي السنه هاي ...ونساهه
زينب غريبه تريد حماي ... وياهه
يشيع نعشها ماكو أحد جاي ...ينعاهه

♕♕♕♕♕♕♕♕♕♕♕♕♕

السنه عبرت وحس تقصير عدي
عسه الله ومن جديد وياك ابدي
مقصر ذاك عامي وجاي نـدمـان
وهذا العام أجيك بلا ذنب وحدي

جا كون اتوب وماذنب يوم
مو فتره وي حسين لا دوم
مو عشره عشرت عمر وياك
اسمك وذكرك يمحي الهموم

ماريد عام يمرني مرتاح ... من دونك
راس السنه وراسك علرماح ...يشيلونك
من گلبي مولاي الفرح طاح ... لعيونك

♕♕♕♕♕♕♕♕♕♕♕♕♕

ياراس السنه وعام الفرح دار
وراسك سيدي براس الرمح صار
انه المكسور كلبه وخاطر عليك
الفرح مو حلي كون أيتامك بنار

شلون أفرح وطولك بلا فياي
وبالطف بناتك رگضه حفاي
دارت سنه وأم عون بالشام
بغربه وحيده وفاگده الراي

راس السنه وطولك بلا راس ...بالعاشر
شفرح وخدرك حرگته الناس ...يالحاير
ماريد فرحه وضلعك أنداس ... بالحافر

♕♕♕♕♕♕♕♕♕♕♕♕♕

وانه واضح قصوري من كلامي
اعوفن كلشي وبدي وياك عامي
غير انت علمودي يا بسه الهاك
المفروض ابجي دم علمات ضامي

منكب عليك وثوبي اسود
بس انت عدي والله يشهد
ارزقني حرگه ودمعه مولاي
من اطيك كلمه فشله ابرد

مولاي رايد حركتي أتزود ...لعيالك
ماتطفي ناري وگلبي ممرود ...وقرالك
للدوم وثياب العلي سود ... أبقالك

صباح جهاد
رسول رياض

الليل اجه وماكو هلي - موتني المتانه اشلون
غير اهيد من الضياع ... هذا الدرب راد عيون
وانه البقه بيه فقط ... بس نظرة تنطر عباس

وادري الگمر لا ما يجي
وطبع اليموت يناطر
اولاده واخوته التعتني
اليوم اجو ها باچر

ما يجون .. موتي هيچ
وهل الكلام .. خله بيچ
ياروحي قسمتنه هاي

الله راد ... لوحدي اضل
ارضه كون .. وما امل
والحسره تفضخ مبچاي

ما تنجبر اااااااايا كسرتي
الموته احسن من هظمتي

شمتانيه شعدچ بعد .. خليني ياروحي ارتاح
اشضل تره حته اگول - اشضل الي وها ما راح
خلصيني مو والله اتعبت ... تعبانه كلش زينب

لوما وصيت حسين الي
ما يبقه بيه متانه
شيخلصه عمره وحيرته
اليعوف گوا اخوانه

شفت اخوي ... يبچي گام
بعينه صد ... عله الخيام
وصاني بطفال ااازغار

بس شگول .. عالزمان
البيه اصير .. بلا امان
وخلاني اواجها النار

اتريد خوااااااني سفرتي
الموته احسن من هظمتي


چتال اخوتي ورافگة ... چاا المن اتضل الروح
خل اموتن ولله اموت ... والحگ اخوي المذبوح
اتلاحگ الضل بالأسم ... خل تطلع الروح بليل

ليش ابقى احشم بالمشو
شيفيد محد يفزع
اتمنيت بيرغنه اليرف
لو سيف اليه يطلع

ما يفيد - هل الكلام ...
موتي هيچ بلا كلام
الدمعه لو طاحت ترد ?...

كافي عاد .- ياعيون
غمضي اي -  ما يوجون
بلا ماي شيفيد الورد


ولا ما يسمعوها كلمتي
الموته احسن من هضمتي


اليعيش وي غربه بعد .. ما تمسح ادموع الناس
لا ما تحن عليه الغرب ... محد يحن بس عباس
الغربه متحب اي بشر  .... مو غربة الشام انوب

حفظو اسامينه بكثر
ما شتمو بهلي اهناك
والشمس ما خلت وجه
وتضحك الناس لمبچاك

اسمعتي زين .. ما نسيت
اي يروح ... جگد بچيت
ولا انسه لوعات الشام

شنسه اريد ... بذاني صاح
بت علي  ... وگلبي طاح
هاذ الصدگ ماهي اوهام

المهم يا روحي وعبرتي
الموته احسن من هظمتي

✍️ابو فضه الحميداوي

( #مناجاة__الوجع )

يبعد اجـروح البـ زينب اجـيتك والـوجـع عفته
وغلات الشيله خويه حسين گلبي اعليك وگفته
مـا شـيـبنـي ذاك الـتل الـمـشيـبني بـس انـته
من تالي  الـوكت ويـاي حسين وما يعرف اخته

امــوت احــســن ولا شـفـتـك
اگـبـالــك مـا تـعــرف اخــتـك
يـعـطـشـان اعـله ظـيـم الماي
كـــون ابـــروحــي شـربــتــك

گوم لختك تعبتني == گوم لختك تعبتني
گوم لختك تعبتني == گوم لختك تعبتني

============================
شبيدي ويمك امن اتلوج كون ابـ گلبي اليوجعك
وحگ الراحن اوي الخـيل مامش ماي چا شبعك
تـأشـرلـي واعـرف البـيـك لا نـحرك ولا صـبعـك
واموتن حرگه من اتگول ااخ ام عـون مـن ضلعك

يـبــوو فـي الـسـتــر فــوگــاي
وســفـه ومــا عــلــيك افـيـاي
احــتـرگ گـلبـي يـشـيخ اخـتك
ضــامـي ومـا سـگـوك ابـمــاي

گوم لختك تعبتني == گوم لختك تعبتني
گوم لختك تعبتني == گوم لختك تعبتني

=============================
يـبو طول الـيسد الـغيم طـولك هـاذه كـاسـرني
اشـتگـلي يا وجع يـحسين وانـته الـهوه يـوجعني
وحك الركضن ابـ حيلك يـحـيلي وانـوخــذ مـنـي
اهـزك بلـكـت الله اتـگوم وابگـومـك تـگـومـنـي

خـذه حـيلي الـتعـب يـحـسـين
وحــالــي اخــلافــك اولا زيــن
جـاسـانـي العـطـش والـخـوف
مــن گـالـو هــلـچ مـيــتـٰـيــن

گوم لختك تعبتني == گوم لختك تعبتني
گوم لختك تعبتني == گوم لختك تعبتني
=============================

حسين ابيا علي انهضلي عليك وگـلبي يوگف راح
مـا گلك خـيم طـاحـت بـس حـيلـي اگـلك طاح
ملت ياخويه كـ الجربه كثر ماگمت اكض اصفاح
اخـت الطـايح الـوادم تـگـلي اشـلون بـعد ارتاح

وحــلـيــب الــزهـره تـعـبـانـه
وعـلـيـك اهـوايـه عـطــشــانـه
مـره اچـبـيـره وچـبـيـر الـطـف
شــصـيــرن چــا بــــعــد انــه

گوم لختك تعبتني == گوم لختك تعبتني
گوم لختك تعبتني == گوم لختك تعبتني

=============================
اول مـره اشـوف حـسيــن وادم مــا يـحـبـونـك
يـنعمتنه وفـياظ الـخير مـوش ابـخـير يـردونـك
ابد مـو خـوش هـالـوادم وحـنين الله يـعرفـونك
خلـوني اركـض اعـله الـتل حتـه اهـناا يموتونـك

يـمــتـعـوب ابـ گـطــيـع الـحـر
شــهـفـي وابـــسـمــوم الــبــر
اعـوفــك يا چـــبـيــري اشـلـون
ولا دونـــــــــك اروح اگـــــــدر

گوم لختك تعبتني == گوم لختك تعبتني
گوم لختك تعبتني == گوم لختك تعبتني
=============================
سجاد ابراهيم الكعبي

انه الشيع عافيته ،، وراجع مكسور البيته
               غريب ،، غريب

1-
توادعنه   ورجعت  من  الدفن  كوه
دفنت ايام عمري وضحكتي الحلوه
ما  يدري   التراب   بحيدر   شسوه
بنار  الفركه   عطب   كلبي  وتجوه

الدمعه مبلل خاجيته ،، وراجع مكسور البيته
                    غريب ،، غريب
2-
انه الواكف عدل بس ثكلت اجدامه
انه  الدفنو  حياته   وعمره   كدامه
انه الظهره  انكسر  ومشيع  احلامه
رمح فكدج  ابد ما يخطن  اسهامه

زينب هسه امتانيته ،، وراجع مكسور البيته
                   غريب ،، غريب
3-
تره  الدافن  عزيز   وعايش  بغربه
بنار  الفركه     لازم    ينشلع   كلبه
تعيش  الوحدك  لو   مات  التحبه
اذا  تدفن  حبيبك  بالترب  صعبه

الدافن روحه وغاليته ،، وراجع مكسور البيته
                     غريب ،، غريب
4-
نكسر  ظهري  عليج   وكثرت  أحزاني
غطاج     التراب      وأحدي     خلاني
شكثر  بعدج   مصايب   دهري راواني
بصحاري الشوك امشي ويابس الساني

دموعه الصبت عاميته ،، وراجع مكسور البيته
                      غريب ،، غريب

5-
كل  هذا   وافكر     من   ارد  شلكه
اشوف  البيت  بعدج  فاطمه خنكه
إذا   كلبك   حنين    تكتلك   الفركه
مثل  الزهره   وين  بيا  وطن  الكه

هموم الدنيا مكفيته ،، وراجع مكسور البيته
                   غريب ،، غريب
--------------------------------------------
حسين عبد الجليل المالكي

حوار امير المؤمنين مع سلمان المحمدي رضوان الله عليه

كلف وضعي / ويصب دمعي / بمصاب الزهره فجعوني
........

يسلــمان الصبـر مريــود   لكن مو على الزهره
شفت منها الضلع مكسور   يويلي وعالوجه سطره
سياط وبالچفوف جروح  وعين مجرّحه وحمره
كلهــن عنّـي اخفتهــن     لحدما ماتت بعبره

شكثر ناحت / لما راحت / تصيح بصوت ظلموني
........

يسلمان انهدم حيلي  ولاچنّي القلعت الباب
لمّن غسّلت بيدي  الزجية وگلبي ونّ وذاب
مرّت عالضلع ايدي  وهيّست الكسر لهّاب
شاطت بالألم روحي  ضلعها مكسّر وماطاب

حرت شحچي / اون وبچي / لحدما تنعمي عيوني
.........

يسلمان المصيبه شلون. تموت وماخذت ثاري
أنه المن سيفي كلها تهاب  اسد وكت الحرب ضاري
الجبان الما يشيل السيف  وسف يهجم عله سواري
قسم لوما النبي موصّي    احز راسه الحرگ داري

دروا ياحيف / تركت السيف / غدر عدواني غدروني
...............

يسلمان الدمع شيفيد  راحت فاطمة وظليت
راحت سلوتي وروحي  واظلم من بعدها البيت
ادفنت ام الحسن بيدي  ادفنتها وباليتم حسّيت
علي ومو چن علي المهيوب اعثر بالجدم رديت

مشت عنّي / وكثر ونّي / انوح ولا تلوموني
............

يسلمان الگبر اخفيه. الحبيبه بهاي وصّتني
استراحت من ألم دنياي  انوح وابچي خلّتني
شكثر چانت تواسيني  بنوايب دهري وافتني
بعد المن ابث همي.   وحيد الزهره عافتني

الحزن عمري / ونفذ صبري / يريت وياها دفنوني
..............

يعينك الله يابوحسين  فدائك سيدي سلمان
ابـد منلومك شتبچي.  على الزهره الحزن ايمان
لچن خايف عليك هواي.  اخاف تكتلك الاحزان
تنوح وتجرح بروحك  وتشبّ ابگلبك النيران

سعي مشكور / يعم مأجور / قليل اللي يواسوني

سيد زيد الفحام
________

رسول الله ص يوصي امير المومنين ع
بالصبر على مصيبة الزهراء ع
--------------------
تموت الزجيه او دمها عالتراب
  وتصبح يحيدر دنيتك عذاب
انته الامير على الصبر .. شد حيلك او لا تنكسر
سلام .. سلام
-------------------------
صح جفك الخيبر قلع .. والشافك اكبالك وكع
تتگيد ابذاك  الوجع       .. عذاب
اهل الحقد بيهم طبع  .. لاذمه عدهم لا شرع
باجر يكسرون الظلع   ..  عذاب
على خد يسطروها تره  .. دين الله يمك منبره
ياحيدر اصبر عالجره   .. عذاب

حتى السمه علنت ترى الحداد
انحب يحيدر ولبس السواد 
كسر الگلب ماينجبر   ..  شد حيلك او الاتنكسر
سلام .. سلام
-----------------------------
باب او عله الحايط هوه  .. عالزهره ونطبگن سوه
مختنگه واتدور هوه   ..  تصيح
ريتها دخان انملت  .. اعليها الچفوف اتطاولت
ياعلي الزهره اتالمت      .. تصيح
ضلوع الزچيه مكسره  .. ومحسنها دم نحره جره
او وردة حياتي  محيره      .  تصيح

خلي ابن عمي مني هالرجاء
لا ارفع ايدي واگلب السماء
اگلبها عاليها حدر     .. شد حيلك او لاتنكسر
سلام .. سلام
------------------------
لمن اموتن ياعلي  . .  مو بلوه رايح تبتلي
ولاواحد ايضل من هلي  ..  حرام
امر الله هذا الكاتبه  .. وعين الله هيه اتراقبه
الجامع حطب وي صاحبه     ..حرام
لا رحمه عنده ولا يحن  ..جاب الحطب يصرخ وان
الزهره گالوله تون          ..   حرام

باچر يحيدر دمعتك تسيل
وظهرك مثل هذا الكمر يميل
كلبك صبح مثل الجمر    شد حيلك ولا تنكسر
سلام .. سلام
------------------------

واليندبك تحظر اله  .  وتفظله اعظم معظله
والزهره عندي مدلله    ..   تنوح
جرحك إعلام ايظلله  .. صعبه ترى هل مرحله
خلگك ياحيدر طوله    .. تنوح
ياحيدر اي هذا الصدگ  .. چفوف التسبح تنحرگ
ويه الباب عمرك تنطبگ   .. تنوح

يمك ياحيدر يبقه هل قرار
وانه ادري كلبك على الزجيه نار

صبرك عله كل اليمر   .. شد حيلك او لاتنكسر
سلام .. سلام
------------------------
باجر يحيدر شيعتك  …  كلها تصير  ابخدمتك
يرفعون باجر رايتك      ..امير

الحاضر يبلغ غايبك    .  يالصابر الله يعوظك
ياهو الي منهم يوصلك    .  .. امير
هذا الحقد ظل للازل    ..يغارون منك لااقل
والحبك ابنعشه انحمل  ..   امير
هاي العصابه العلنت الولاء
باجر اموت أو تنصب العداء
اي وحق خدها المنصطر   .. شد حيلت او لاتنكسر
سلام سلام
--------------------------

الخادم
حسين الزيدي

تجري العيون
عاليبعدون
وادري بيهم مايرجعون
****
وحده وحده ويه گلبي يالنوايب
وحده وحده خذتي من أيدي الحبايب
وحده وحده ويه دهري اليوم أعاتب
وحده وحده انصبت اعليه المصايب

ما يفارگني الحزن
ابجي لحبابي واون

أصبر ابلياهم شلون
وادري بيهم ما يرجعون

***
وحشه وحشه الأهل من فارگونه
وحشه وحشه جدي من غمض عيونه
وحشه وحشه ياكسرنه بموت ابونه
وحشه وحشه بأمي ياناس افجعونه

ويا اخونه ومحنته
مانسينه امصيبته

نجمه نجمه ضل يطيحون
وادري بيهم مايرجعون

**
يمه يمه فدوه لسمج يالحنينه
يمه يمه چن نويتي تفارگينه
يمه يمه استعجليتي اتيتمينه
يمه يمه لو مشيتي شلون بينه


أمي يم ملگه الحلو
النه من دونج منو

لو مشيتي تخيب الضنون
وادري بيهم مايرجعون

*
صعبه صعبه اندهج متكلميني
صعبه صعبه نعش أشوف اگبال عيني
صعبه صعبه من تخليني بونيني
صعبه صعبه انا بنتج جاوبيني

يمه شنهو اليوجعج
سولفيلي واسمعج

مسحي بيدج دمع العيون
وادري بيهم مايرجعون

**
ياهضيمة أمي بالليل ادفنوها
ياهضيمة بالمدامع شيعوها
ياهضيمة لاقبر عدها ويجوها
ياهضيمة بت محمد عذبوها


راحت بكسر الضلع
وانطفه وياها الشمع

يامصيبة أمي ماتهون
وادري بيهم مايرجعون
**
ياسر الساعدي

خليني اخدمچ يم حسن
ماريد شهره ولا ثمن
يافاطمه يافاطمه

وياچ مادور ثمن...شلي ابثمن مابي دمع
رايدلي دمعه يم حسن...وبالمجلس ابچي اعله الضلع
وادموعي لجلچ لو جرن
ماريد شهره ولا ثمن
يافاطمه...يافاطمه

خليني اذوبن بالعزه...واشبع بچي واشبع قهر
إنطيني دمعه ابمجلسچ...كون الدمع مثل المطر
واعيوني أقبل لو عمن
ماريد شهره ولا ثمن
يافاطمه يافاطمه

انطيني حيل اعله اللطم...شديلي عزمي من ادگ
باب الله ياحيف وأسف...بالنار گالو محترگ
بيهه السماوات انچون
ماريد شهره ولا ثمن
يافاطمه يافاطمه

يالزهره خسفيلي الصدر...خليني احسن بالوجع
عيشيني كسرة خاطرچ...بابچ عليچ امن اندفع
وصفحات الاحلام انطون
ماريد شهره ولا ثمن
يافاطمه يافاطمه

لوعيني لوعة محسنچ...يافاطمه وحين الهوه
دم البراءه من نزف...بالنار خافنه انچوه
عرش الله للمحسن حزن
ماريد شهره ولا ثمن
يافاطمه يافاطمه

موتيني موتت زينبچ...من فزت وإنتي ابگبر
خليني لحسين وحسن...لمصيبتچ أبچي اشكثر
أرد انتحب طول الزمن
ماريد شهره ولا ثمن
يافاطمه يافاطمه

سيد علي الموسوي

صارت دارنه الچانت زهيه
دار احزان من عگب الزچيه
ابيوم الماتت الزهره انهظمنه انهظمنه
وامست دارنه من غابت امنه أمنه
دار احزان من عگب الزچيه

نتمنه علي الرد الشمس يوم
لينه امنه يردهه
شجره امن المحنَّه واحنه ياناس
نجي ونگعد ابسدهه
شوفتهه ترد الروح والحيل
واتودنه او نودهه
يوميه يحيدر نبچي وانصيح
مانحمل فگدهه
شوفت فاطمه اتسر النواظر
روحتهه اشكثر كسرت خواطر
خيمه الوالده وچانت تلمنه تلمنه
وامست دارنه من غابت امنه أمنه
دار احزان من عگب الزچيه

من الباب للحجره الحزن ليل
واشبه بالمنيه
نطب لمچانهه وكل ساعه نشتاگ
بس ماكو الزچيه
تصب ادموعنه وايشوف الادموع
حماي الحميه
يگول آنه مثلكم ولدي مهظوم
من عُظم الرزيه
آنه الغسَّلت بيدي الزچيه
وابكسر الضلع مرت أديه
من الصار كل احنه انلچمنه انلچمنه
وامست دارنه من غابت امنه أمنه
دار احزان من عگب الزچيه

نصد الوجه ابونه اشما يمر يوم
مَعانِيَّه اتِّغَيَّر
معروف الوصف حيدر الكرار
ما چن ذاك حيدر
عله امصاب الزچيه حيله مهدوم
نار ابگلبه تسعر
اشما مرت اسنين امن المعانات
الشيب ابراسه يكثر
هيچ ايصير اليفارگ حبيبه
تجرح گلبه كل ساعه المصيبه
صدگ ماينحمل ياناس هَمنه هَمنه
وامست دارنه من غابت أمنه أمنه
دار احزان من عگب الزچيه

صح ليليه نگعد كلنه بالليل
بالدار الكئيبه
لكن نگعد ونبچي على الصار
بالزهره الحبيبه
تاخذ حيلنه ياباب الاحزان
تجرحنه المصيبه
خذت زهرة عمرنه ابعصرتك هاي
والراح اشيجيبه
صرنه ايتام نور الزهره من غاب
مشت كل عافيتنه اوياهه ياباب
كلنه اوياهه ياباب انضلمنه انضلمنه
وامست دارنه من غابت امنه أمنه
دار احزان من عگب الزچيه

حگنه اعله الزچيه انصب الادموع
حگنه لو جزعنه
كون انموت من حسرتنه ياناس
قليل انصب دمعنه
والبارينه نشكي اعله الضلمهه
واعله اللي فجعنه
ضلمه اتحولت دنيانه والدار
واتغير وضعنه
نشكي الصار للباري ونبيه
عاللي سبب الهم والأذيه
مات ابموتت الزهره حلمنه حلمنه
وامست دارت من غابت امنه أمنه
دار احزان من عگب الزچيه

سيد علي الموسوي

🌙🕊
#
تمسڪ جيدًا بـِ ذلك النوع النادر من الأشخـاص 
الذى يشارڪُڪَ دربڪَ ، يجعلڪَ تحب الحيــــــاة دائماً ..
ينمو في قلبڪَ وَ يتورَّق ، يُزهر فيڪَ وَ يڪْبر ، يتسلق بـِ سلاسة وَ هدوء ؛ وَ يوجِّه روحڪَ نحو الشمس دائمـــــــاً ؛
رغم انطفاءاته ..
الشّخص الصديق ، الأذن المُصغِية ، الڪَتف الصّلب إلىٰ الأبد رغمَ التعب ..

مساء الخير والسعادة على القلوب الطيبه 🌹🌹🌹🌹

هيج صدف ماماره بينه أبد 😂👇
فوز العراق
تعادل الأردن
خسارة قطر 5
خسارة السعودية
عطلة أربعاء خميس جمعة سبت

👌

فاطميا .. مازلــتُ عـلى العهدِ
فاطميا .. من المهد الى اللحدِ
فاطميا .. كما علمني المهديِ
------------
فاطمه قد اُنزلت من السماء
أيه لا مو للقراءه للبكاء
فُصلت باباً وضلعاً للعزاء
والقراها بيها يلگه كربلاء

فاطميا .. حسينـــيا بــــلى ثــائر
فاطميا .. ال وأن من قالها كافر
فاطميا .. وهــذا كــــلُ ماعندي
__
قاتل الزهره الذي يرضه عليه
اگطع ايدي انچانها اتسالم اديه
آني حرب الذي حارب نبيه
لايجيني اولا اريد انه اجيه

فاطميا ..  وبغــضي قــائم قائم
فاطميا .. الى ان ترتضي فاطم
فاطميا ..صريحاً واضحً قصدي
____
ما اساوم عالظلع لا مستحيل
وعن ولائي الفاطمه لا ما اميل
طالب وعلمني عباس الكفيل
المايوالي فاطمه يصبح ذليل

فاطميا .. عزيزا ابقى كالمصحف
فاطميا .. غيورا مولدي في الطف
فاطميا .. وارثــي زاخــرا بعـــدي
_
اني مدرستي الرفض ثم الدموع
علي علمني فلا ارضه الخنوع
اي وحق عيسى وموسى واليسوع
باقياً في عنُقي ثأر الظلوع

فاطميا .. وذو فقاري ان كبر
فاطميا .. جعلت الدم للمئزر
فاطميا .. بجيش المرضى جندي
_
الفاطم ابجي بكل مساء وكل صباح
ومن اجلها رافگت طور النياح
لو شفت مسمار مره اكبالي لاح
ابصدري احسن تنغرس روس الرماح

فاطميا ..  وحتى موعد الحشرِ
فاطميا .. اطالبُ ابقى بالكسرِ
فاطميا .. الى ان يصلب الوغدِ
-----------
ماكو شي بالدنيه يالودام بعيد
باجر المهدي نعم يظهر اكيد
وناخذ اوياه ثارها وثار الشهيد
من الاول لحد خامسهم يزيد

فاطميا .. وقد افلح من والا
فاطميا .. ابــا الزهراء والألا
فاطميا .. ومن بالروح قد يفدي
---------
حيدر تركي الكربلائي

كلميني بروح روحي اللي اخذتيها بجفاج
كلميني بروح دمعة ولدج الطاحت وراج
كلميني بروح محسن والله ما اكدر بلاج
كلميني بروح عشرتنه وبختنه ومستحاج

كلميني فاطمه فـ أنا علي
كلميني فاطمه فـ أنا علي
___

گلبي ماينطيني والله انتجي فوك الگبر
خاف ألم ضلعج ازيده والكسر ماينجبر
فاطمه فراگج بحر وهالبحر ما ينعبر
والغرگ حيدر وولده ومنّه مانگدر نفر

كلميني فاطمه فـ أنا علي
كلميني فاطمه فـ أنا علي
___

راح اكولن كلميني وضنّه ما اگطع بعد
فاطمه حيرتي روحي وانا ما حاير ابد
راح اكلج كلمه وحده ونار البصدري وَتَد
للحوافر هسه كولي صدر الحسين استعد

كلميني فاطمه فـ أنا علي
كلميني فاطمه فـ أنا علي

___

فاطمة التهظمني والله زيارتج يا ام الحسن
لازم ازيارتج ضلمه ولازم بسر مو علن
بللن كبرج وشيبي عيونيّ ابگد مابچن
ومن كثر ما باجي وانجب هدومي هم تبللن

كلميني فاطمه فـ أنا علي
كلميني فاطمه فـ أنا علي

___

فاطمه والله احبج حب الهي مو هوى
انا انتنفس انفاسج ما اشم هذا الهوه
ريت طولي بالمغيسل كون وي طولج سوه
وكون نتشيع سويه لفركتج هذا الدوه

كلميني فاطمه فـ أنا علي
كلميني فاطمه فـ أنا علي

___

#تمت
الخادم حسن الكريماوي ✍🏻

إيماني حُبكُم وآفتخر بايماني
واعله الطريق المُختَصَر دَلاَّني
شِعاري...إلكم انتمي
شِعاري...يبقى فاطمي

حُبكُم ايقربني لله ويكتمل بي ديني
هالعشگ نَوَّر حياتي ويضوي كل اسنيني
يختصرلي كل طريق الخالقي ايودِّيني
دوم اگول ابخير آني كونچ اتوفقيني

خِدِمتِچ للخَدَم نِعمه..وفَخَر يا أم ابو اليمه
ينشدونه ونجاوبهم..بَياض اوجوهه الخدمه

عالَم خِدِمتِچ أفتخر خَّلاَّني
واعله الطريق المُختَصَر دلاني
شعاري...إلكم انتمي
شعاري...يبقى فاطمي

مثل ما عطر الزياره بي تطيب انفاسي
أشعر ابجوِّ المجالس أحله جَو لحساسي
أنسه روحي وبعزائچ هايم وماناسي
يم حسن مادام اخدمچ الله يرفع راسي

مُوالي وباصِم ابعَشرَه..عِشِگ للدُّوم مو فَترَه
دُعائي وأُمنِيَة عمري...أموت ابخدمة الزهره

عايش واموت وخادمچ عنواني
واعله الطريق المُختَصَر دَلاني
شعاري...إلكم انتمي
شعاري...يبقى فاطمي

ذكرچ الطاهر عباده وآنه بي مِتفاخِر
كوثر العِز والكرامه واليضدِّچ خاسِر
أشهَدُ أنَّ اليحبِّچ گلبه بالحُب عامِر
واليحب هاي المآتم وجهه أبيض باچر

المجالس هاي مَحلاهه..تلم الخَدَم شفناهه
مادام النَّبي ايحبهه...يحبهه الباري معناهه

يسري العشگ مَسرَه الدِّمَه ابشرياني
واعله الطريق المُختَصَر دلاَّني
شعاري...إلكم انتمي
شعاري...يبقى فاطمي

بالطقوس وبالشعائر كلمن وقانونه
عدنه قانون العباده امحَبِّتِچ مضمونه
خِدمِتِچ سِر الهِدايه وخَلهم ايلومونه
من دَمِعتَه بالقيامه الخادم ايعرفونه

اليصب لمصابچ الدمعه..ينول الجاه والرفعه
وبالمحشر يعرفونه...كلمن باچي عالبضعه

والكم بنيت ابگلبي بيت احزاني
واعله الطريق المُختَصَر دَلاَّني
شعاري...إلكم انتمي
شعاري...يبقى فاطمي

بالتَوَلِّي وبالتَبَرِّي مِلتِزم كل خادم
لازم انوضح الحقايق عالمنابر لازم
حرب للحاربكم احنه وسِلِم لِلِّي ايسالِم
يالثارات الزچيه انَّادي وَيَّه القائم

يرف مهدينه بالرايه..نضل يالزهره وفايه
نجي ان شاءالله ونزورچ..شرط نلفيچ مشايه

واعله العهد راعي الأمر يلگاني
واعله الطريق المُختَصَر دَلاَّني
شعاري...إلكم انتمي
شعاري...يبقى فاطمي

سيد علي الموسوي

يمته...راعي الأمر يعلن قراره
بينه...كسر الضلع ماتطفه ناره
يوم الزچيه...أعظم رزيه

كل لوعه صِحنه اتهون بس لوعة الباب
من نذكر الزهراء يلچمنه الاصواب
ياحسرة العمر..يالوعة الهجر
كسر الضلع جمر..بگلوب الاحباب

أبداً ...متمر مثل هاي الفجيعه
نصرخ...مضلومه يالزهره الوديعه
شافت أذيه...أعظم رزيه
كسر الضلع ماتطفه ناره

محسنهه يكبر عود چانت أملهه
مالحگ المظلوم يُمَّه يگلهه
وبعصرة النذل..ماطوَّل الحَمل
دمعتهه تنهمل...وي دم طفلهه

ويلي...صاحت يفظَّه سَنِّديني
ماضل...حيل انهض ابطيحة جنيني
اول ضحيه...أعظم رزيه
كسر الضلع ماتطفه ناره

عالمرتضى الزهراء تخفيهه الآلآم
وعالجانب المكسور ماتگدر اتنام
والصعبه تنجرع...كل لحظه تنوجع
والكسرو الضلع...اشگد كسرو ايتام

الزهره...هاگد رحيمه  كلهه إحساس
چانت...اتجوِّع وُلدهه وتشبِع الناس
أم الحميه...أعظم رزيه
كسر الضلع ماتطفه ناره

ماتنحمل ياناس هاي المصيبه
الينخلق إلهه الكون صارت غريبه
بجروحه ابو الحِمَه..ضل ينعه فاطمه
وبليله مُضلمه...يدفن حبيبه

هذا...حيدر علي ايندبه التُّوازَه
تالي...مايگدر ايشيل الجنازه
لن القضيه...أعظم رزيه
كسر الضلع ماتطفه ناره

ناصب عَزه ابيا صوب يبن الحسن وين
يم الزچيه اتنوح لو يم الحسين
وعد تتأمله...المدينه وكربله
الجروحك هامله..يالمهدي كل حين

وينك...ياصاحب الدمعه الجِريَّه
بيدك..ثار السبي ودمعة رقيه
بالغاضريه...أعظم رزيه
كسر الضلع ماتطفه ناره

سيد علي الموسوي

يامحسن الجروح..ضليت الك انوح
صار النهار ابدنيتي ليل ليل

يمه يامحسن أريد احچيـــــــــــــلك
ضلعي ماأنعاه راح انعيــــــــــــلك
فكري اشوفن زينب اتلوليـــــــــلك
يالرحت مني گبل ماشيـــــــــــــلك
وبحظني مو حرام..مالحَّگت تنام
صار النهار ابدنيتي ليل ليل
......................................
يبني حسبالي أشوف ارسومـــــــك
ومثل اخوتك ردت افصل اهدومك
الله لاينطي الفجعني ابيومــــــــــك
وخله دمي ايسيل ويه ادمومــــــك
من سالت الدمه..چن طاحت السمه
صار النهار ابدنيتي ليل ليل
.....................................
دللولك مالحگت احچيهــــــــــــــه
صارت ادموع وعليك ابچيهـــــه
اوداعة اضلوع امك التاذيهـــــــه
داري بعدك ماأضلن بيهـــــــــــه
چم ليله واعتنيك..وبحسرتي أجيك
صار النهار ابدنيتي ليل ليل
....................................
ياحسن يحسين ولدي الليلــــــــــه
وي علــي مأتم عزه انسويلـــــــــه
يلله يازينب اخــــــوچ انعيلـــــــه
واگعد آنه ابينكـــــــم وابچيلـــــــه
هالليله خل نون..عالمحسن ابحزن
صار النهار ابدنيتي ليل ليل
......................................
يولدي نار المُهَچ حَرَّاگه
والگلب ماتنوصف أشواگه
يمه لو تدري اشكثر مشتاگه
راح اجي وبجروحنه نتلاگه
طبع الهجر عذاب..مانحمل الغياب
صار النهار ابدنيتي ليل ليل

سيد علي الموسوي

صارلچ چم ليله ماموجوده
أحس روحي ابروحتچ مفگوده
وين صرتي ابيا مكان..يمه يالكلچ حنان
يمه يمه

آنه زينب يابعد عزي ودلالي
كلشي بغيابچ ييمه ماحلالي
فكري موجوده وافز نص الليالي
أركض اعله افراشچ وألگاه خالي
أحچي وي روحي وادير ابعيني
وين أمي الچانت اتغطيني
ياحلم فات الأوان..يمه يالكلچ حنان
يمه يمه

أطول امن الليل يايمه صفنتي
ابراسي مية سالفه يالكلهن انتي
كل مكان اعليچ ادور ياحسرتي
يالعزيزه اهنانه گمتي اهنا گعدتي
گلبي يوجعني واحس گلبي انچوه
لمن اتذكر تسامرنه سوه
أنتحب عالكلشي چان..يمه يالكلچ حنان
يمه يمه

وين اروح وكلشي ضل بالدار حسره
گتله ياحيدر ولو گلبك أكسره
بلكي باب البيت يابويه تغيره
مالي عين وداعتك كل ساع انظره
من اشوف الباب وآثار الدمه
أصرخ اهنا طاحت امي فاطمه
يومچ ايبچي الزمان..يمه يالكلچ حنان
يمه يمه

ماأگلچ روحي يايمه ابسلامه
الكسروله اضلوع يانوم الينامه
رحتي والسطره على خدچ علامه
الله لايرضه عله اليجرح يتامه
أوياچ راحت يالحنينه الراحه
وداعة اعيونچ فلا مرتاحه
ابروحتچ راح الأمان..يمه يالكلچ حنان
يمه يمه

آنه وحسين وحسن مالحظه ننساچ
وعيب اجتنه المغربيه وماذكرناچ
ابدگة الباب الفقير ايگوم ينعاچ
ايصيح هاي الدار شو وحشه بلياچ
يمه تدرين ابأبونه اشصاير
حيل متغير ويكسر خاطر
مدمعه عالوجنه بان..يمه يالكلچ حنان
يمه يمه

مدري نبچي اعليچ لو نبچي علينه
ابفرگتچ ليل الهجر شيسوي بينه
في أمان الله يمه اتفارگينه
هاي هيه وعالقدر يمه اشبدينه
راح نتلاگه ابدموع السايله
ابليلة الوحشه تجين الكربله
غاد ينهار الكيان..يمه يالكلچ حنان
يمه يمه

سيد علي الموسوي

راحت أمنه وصرنه يابويه يتامه
من بعدها هذا ياليل الأنامه
جانت تلمنه مثل جنح الحمامه

*******
مانسيتج  *  خالي بيتج
البيت إذا فارگله أم تكثر وحشته
راحت أمنه  *  ياهضمنه
الموت ياخذ وين إلي تكتل فرگته
بالمقابر  *  حضني صاير
يمه من بعدج أموت بدمعي سكته
تفاركينه  *. اويه الحنينه
كلشي بيه ذكره الج جيت وحضنته

.....
امي وحده وماكو بالدنيا مثلها
زينبج تعبانه يايمه ارد أكلها
ماتت وعالدنيه خل نقره السلامه

*******

الموت غربه  * والتحبه
لويروح الدنيه من بعده كئيبه
درب الگبور  *  ماخذ النور
شمس مدفونه بلحد والله عجيبه
طبعه البين  *. ياخذ الزين
أمنه راحت وحنه نعيش المصيبه
يمه حنيت  *  بصفنة البيت
يعثر بصدري الهوه بعد الحبيبه
..........
عمري حافل بالمصاب وبالفجيعه
واني ليليه بحزن انعه الوديعه
مانسيناها وندور الها علامه

*******

فاطمه تروح *  حلمي مذبوح
وثوب الأسود لايگ اعلينه بعدها
عيني اتشوف *  ذيج الاجفوف
الدفعت الباب وأثر سطره اعله خدها
باب الجذوع   *   كاسر ضلوع
نعصرت الزهره وطفت نجمة سعدها
ياحسافه  *   اعله الترافه
الزهره من نار الحقد ذابل وردها
.........
والمحنه ندفنت وياج بغيابج
مانسيتج ماطفة شمعة شبابج
موتج اذاني ولجم گلبي بسهامه

*******

ضيعيتج * فاركيتج
اني ودموع اليتم عالباب أتاني
يصب دمعنه  *  للمحنه
والحسن بدموعه يسئلني اجاني
هوايه مشتاگ  *  نار الفراگ
خويه هم يجمعني ابـ أمي زماني
لو لفه موت  *   تصير البيوت
وحشه مثل الغار وتضيع الأماني
........
الهوه المابي عطر منج . نسيمه
يخنگ الريه وشوف البيت هيمه
واليشيع امه مخنوگ بكلامه

*******

ذكرياتج  *   وي بناتج
والليالي الحلوه ويه أمنه الزجيه
طبعه الموت  *   يهدم بيوت
يخيم اعليها الحزن صبح ومسيه
ماشي جناز  *  تدفن عزاز
يعينك الله ياعلـي بهاي الرزيه
اغله الاحباب  *  جوه الاتراب
ينخطف لونه ويموت ابلا منيه

.......
يعينك ياعلي جرحك عذابك
منحني ودمعاتك تصب اعله بابك
واليفارگ دمعته تسبق كلامه

*******

يم الحسين  *  ياضوه العين
صغير عمري ودمعتي بفكدج جبيره
يعاشر النوح  *  الكلبه مجروح
بروحه تنور وحطب يلهب سعيره
زينب شلون  *  تغمض العيون
تلقبت ام الحزن ذيج الأميره
الهوه الهاب  *  يحرك الباب
اليعيش ابلايه ام يجهل مصيره

.......
تورثت بيت الحزن واسمي الحزينه
وكل حمام الدوح اخذ مني ونينه
وحته بابج للحزن لابس لثامه
*******
علي محسن الفرطوسي

إذا سألوني روحـــك تنتعش ويـن
اگلهم شي اكيد ابمجلس احسين
و اگلهم دمعتي امن تهل
مي بــــارد عليَّ ينـــــزل
ابمجلس احسين
ــــــــــــــــــــــــــــــــــــــــــــــــ ـــــــ
گالولي لـــــــو زاد التعــب
               ســـــــافر و رَيِّحها الروح
لشي دولة من هاي الـدول
              و اشتم هوه الله المفتوح
و انه گلــت هــــذا الحچي
               صح هوَ شــرعاً مسموح
بس انه من اتعـــب صدگ
                احضر عزه للمــــذبوح

من ابچي لحـبيبي روحي ترتاح
و يزيح المتاعب دمعي لو ساح
جرحي لجله من يصِل
مي بـــــارد عليَّ ينزل
ابمجلس احسين
ــــــــــــــــــــــــــــــــــــــــــــــــ
لو حيلي يوگع مـــــــن مرض
                      و ابأزمة آمُر صحـــــية
لمستشفى مـــــــا ادخل ابد
                       و ادخل عله احسينية
دكتـــــــوري رادود العــــــزه
                       يعرف العـــــــلة البيه
يكتبـــــــلي راچيتة دمـــــــع
                       تنوخذ كــــــل لطمية

بصوته يردلي صحتي الملا بالحال
لـــو بعــــد الثگيلة يقـــــــره نزَّال
و اذا بالشــور يسترسِل
مي بـــــارد عليَّ ينــزِل
ابمجلس احسين
ــــــــــــــــــــــــــــــــــــــــــــــــ
مجلس ابو الاكبــــر أبـــو
                  يصبحلي مــن اعتازه
لــــو موت ماعوفه و علي
                  احضرله و انه اجنازة
و لو نفرض انصاب ابكسر
                  و اعله الحضور اتوازه
أولكم لأبعـــــــد عـــــــزه
                   أوصـــــــله بالعـكازة

ما يمنعني عنها شما عليّ صـار
دنية ابلا مجـالس تنحـسب نار
و اكيد ابنصها من ادخِل
مـي بــــــارد عليَّ ينـزِل
ابمجلس احسين
ــــــــــــــــــــــــــــــــــــــــــــــــ
بالصين لو نصبوا عـــــزه
                   و لو بعـــد اكثـر أبعَد
هـــم اعتنيله ابدمــــعتي 
                    كاشـخ بثوبي الاسوَد
جمرة ابدليلي امن الخيم
                    و جمر الخيم ما يبرَد
هوَ انه مـــــن دون اللطم
                    باعداد الاموات انعَد

امشيله اعله راسي وين ما چان
دفو المجلس لگيته و انه بردان
و لو اعطش عطش يكتِل
مي بـــــــارد عليَّ ينـــزِل
ابمجلس احسين
ــــــــــــــــــــــــــــــــــــــــــــــــ
بكل مجلس ادخل اشعـره
               مَنجم جواهر لو فــــوت
و الخَدَم مـــا چنهــم خَدَم 
               چنهم عقيق و ياقــــوت
المـــــــوت ما يرحــم بشر
               و الكــــل تصير ابتابوت
بس خادم احسين الصدگ
               ميموت حتى امن يموت
             
رادود و خطيب و شـــــــكو  لطَّام
و كل شاعر حُسيني من ذَهَب خام
بعيني من اشـــوف الكِل
مي بـــــــارد عليَّ ينــزِل
ابمجلس احسين
ــــــــــــــــــــــــــــــــــــــــــــــــ
ما ينتهي لطم الصــــدر
                   مستمر مـن جيل لجيل
واحدنه مــا راضـــع لبن
                   راضــع سلاســل زنجيل
ادعي الإلـــــــه و أسـأله 
                    يبعدني عن قال و قيل
و اتظل دمعتي للخـــيم
                     طول السنة دم اتسيل

مـن عاشور ابقه امتاني عاشـور
يرب زيِّدني حرگة ابجاه الانحور
رضاة الزهرة لـو حَصِّل
مي بـــــــارد عليَّ ينزِل
ابمجلس احسين
ــــــــــــــــــــــــــــــــــــــــــــــــ
الحمدلله
علي حسين الكناني

✦︙ تم بدء التشغيل

✦︙ الاسم : نسيتك | الرادود باسم ا
✦︙ المدة : 11:53
✦︙ طلب : قناة الرادود والملحن امير الفتلاوي

وُلد العفافُ وكلّ ذكر طيّب
لمّا وُلِدتِ وأزهرت بكِ يثربُ
متباركين بمولد السيدة زينب عليها السلام.

عطر الله صباحكم بسعادة
تمحو اﻻحزان
ويقين يزيد اﻻيمان
وصحة تعافي اﻻبدان
ونسمات ملؤها اﻹطمئنان
وسخر لكم من الأقدار أجملها
ومن الأمور أسهلها
ومن حوائج الدنيا أيسرها
ومن الارزاق أوفرها
حفظكم الله في كل زمان ومكان
وجعل يومكم هذا يوم خير وامان

#صباح_الخير🌹

✦︙ تم بدأ مكالمة جماعية جديدة .

✦︙ في ( قناة الرادود والملحن امير الفتلاوي )

✦︙ إنضمامكم يبهج قلب محمد وآل محمد وآلـﷺـه 🌹 .

غيابك…يمهدي شكد صعب شفته
غيابك….((حمل متعاجز وشلته))
حبيبي…..عليك الزهره وين انته

…….……………………………………
ارجو المعذرة مولاي….اذا جان العتب حارگ
گلبك لاكن اتأذيت…..واحس ابروحي متضايگ
كد ما كثرن الصفنات….((ربعي اتكلي ها عاشگ))
حقهم والله ما يدرون…..هاي اوصاف المفارگ

اني افز والباقي من الطيف المه
والعشك نحو الخلود اتقوده كلمه
اكتب اسمك عالهوى وبعدين اشمه

اريدك……عسى ما بس عطر قابل
اريدك…..تبلل سنبلي الذابل
حبيبي…..لقائك لو حلم ردته
…………………………………………..
الاية السته وثمانين….ابسورة هود كاتبها
وكل ساعه اسأل القران….دليني اعلى صاحبها
اخويدم يحسب العاشور….هيچ ايامك احسبها
الليالي المرت ابيعقوب…..لو ما انت ما احبها

يمته ابوس ايدك بعد يوم التلاقي
خيط اريدن من قميصك لاشتياقي
ارد اكلك كلشي يفنى وانت باقي

شسوي……اذا ردت اطمئن عنك
شسوي… ولا هدهد وصل منك
حبيبي……اليفارگ يحترك سكته
…………………………………………….
افر السبحه اعد ايام….وشما تكضي ارد ابدي
طالت فرگتك مولاي….واني ادري الخلل عندي
اعلى بيبان الحسينيات…..ادوّر مثل المجدّي
وعلي شتدور ايصيحون…واكللهم على المهدي

الما تبع خطواتك ايضيع ابطريقه
اني اليفكر ابغيرك مو صديقه
يا ندى الغبشه اعلى كل ورده ابحديقه

رجائي……قنوع واكتفي ابنظره
رجائي…..اشم چفيتك الخضره
حبيبي….واخلص گلبي من علته
……………………………………………
هواي اسمع حچي امن الناس….سراب وكلشي ما يعني
مثل مشاگف الغرگان………..لا يسمن ولا يغني
كافي امن الدموع اشبيك…بطّل كلشي ما تجني
واني وداعت العباس….….غيرك محد ايهمني

(اي حمل متعاجز وشلته اعلى متني)
امن الثقه اشما اسوي احسك سامحتني
اشلون اخونك وانت عالحب علمتني

اتاني…..اضل وعنودي حيل انه
اتاني…..لحد ما اذل المتانه
حبيبي….أنه الما ينسى سالفته
……………………………………………..
متى يا اخر العنقود……..من ذرية الزهرة
متى الهدهد يجيب اخبار….منك بيهن البشرة
غدا يدعوكم الموعود…..مجلس داخل الحظره
الله يالسوالف هاي……ماي اعذيبي وابصحره

هاي الاخبار التسر گلب الزچيه
وتنطي للّطامه بالمجلس هديه
وتشمل انفاسك يغايب ريه ريه

واشوفك……وضل ساجد على اعتابك
واشوفك….وانوخ ناگتي ابابك
حبيبي…..واكولن حلمي حققته
………………………………………………
علي البوحمد الموسوي

✦︙ تم إنهاء المكالمة الجماعية .

✦︙ في ( قناة الرادود والملحن امير الفتلاوي )

✦︙ مدتها : 559 يوم .

ام البنين
ــــــــــــــــــــــــــ

من المرض شافيني.
خادمچ تدريني.
يم الگمر.

،،،،،،،،،،،،،،،،،،،،،،،،١،،،،،،،،،،،،،،،،،،،،،،،،،،
من الألم دگيت بابچ.  وادري بابچ مايرد
انه خادمكم گصدتكم. واشتغل عدكم عبد
ادعي  اهل بيت الرساله. والفرج عدكم اجد.
والدوه عدكم لگيته.  بغيركم ما اعتقد

انخه ام الكافل.
بدمع عيني السايل.
طحت بخطر.
يم الگمر
،،،،،،،،،،،،،،،،،،،،،،،،،،،٢،،،،،،،،،،،،،،،،،،،،،،،،،،

ما اريد امشي الطبيب. وانتي مولاتي الطبيب
بصدليتكم دوانه. . وكل مرض عدكم يطيب،
ضاگت الدنيه ونخيتچ.  وارده احلفچ بالغريب.
حاجتي يمچ عفتهه.  وادري يمچ  ماأخيب.

وجهي الچ انطيته.
وبابچ اتعنيته.
انتي الفخر.
يم الگمر
،،،،،،،،،      ،،،،،،،،،،،،،،،،،،،،،،،،،٣،،،،،،،،،،،،،،،،،،،،،،

وين اروحن  فقط انتم. عدكم الحل  والعلم.
من اطيحن الكم افزغ.  بغيركم ما التزم.
يادواي البيكم اشفه. والله منكم والنعم.
بأربع اولادچ احلفچ.  لاتخليني أهم.

محنتي شماتكبر
راح يمكم تزغر.
يزول الخطر.
يم الگمر
،،،،،،،،،،،،،،،،،،،،،،،،٤،،،،،،،،،،،،،،،،،،،،،،،،،،،،،،،

اتتي ضحيتي  بحياتچ.  للحسين وثورته.
انطيتي اولادچ هديه. للبتول ونصرته.
ابو فاضل اهده عينه  واليمين ويسرته.
هالوفي وابن الوفيه. لسه تشهد رايته.

الماي بسمه الشافي
يجري  نهره الصافي
تحته النهر.
يم الگمر
،،،،،،،،،،،،،،،،،،،،،،،،،،،،،٥،،،،،،،،،،،،،،،،،،،،،،،،،،،

للوفه نهرين يجرن. نهر انتي والگمر
نهر يجري بالمدينة. وكربله بيهه نهر.
اثنينكم باب الحوائج. رحمة صرتوا للبشر
ماتردون الگصدتكم. كل كسر بيكم جبر

بيكم  اتمسكنه
غيركم ماعدنه.
طول الدهر
يم الگمر
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،

حيدر موسى الرميثي

https://t.me/amarr_hasnn?livestream=0928a8388cca0399a8

اللهم صل على محمد وال محمد وال

❤️ عطر الله انفاسك ملاتي

الله الله ❤️

#منقحه


زينب لفت يم حسين... لاجن گابعه بالهم
تگله ياهو دگ الباب... وعليمن هالفزع ملتم
///////////////////////////////////////
تعنت خايفه لحسين من سمعت الباب اندگ
طبت گعدت اگباله وتهل ادموعها وتشهگ
تگله اشعدهم اويانه وعلينه هجمو أبيا حگ؟!!!

سولفلي يماي العين
لاتخفي عليّ يحسين
عليمن هالفزع صوبين
وليش اگلوبنه انعصرت وكلشي بدارنه غيّم
/////////////////////////////////////

بجه لمن سمعها احسين وشبگها واختلف وضعه
يگلها اشلون اسولفلج واعرف گلبج وطبعه
يختي اليمشي يم الباب يرجع منكسر ضلعه

والله اليدري والنجار
شثگلها خويه باب الدار
واخاف أيخونه البسمار
والله ايساعد المعصور عالعاصر الما يهتم
//////////////////////////////////////

تگله وجارنه يحسين شو ليهسه ما فازع؟
يخي شمتاني اول جار و الله اموصي بالسابع
يگلها ابداره ضل كاعد الأمس لاگيته بالجامع

تگله جا نسه العشره!!؟؟
الماكل خبزة الزهره
وحد الله نوّه ايعبره
الهضيمه البارحه الكرار ابابه واگف امحزم

///////////////////////////////////////

يگلها الماله اسم ياحيف يغيّر اسمج واسمي
ويطيّح محسن اعله الگاع ويخلّي عالثرى مرمي
تگله من هذاك الباب اضمن وين ضلع أمي

وبده يگلها بنواعيه
تره الهدو ثلثميه
ومحد گال علويه
واصبري لو سمعتي فلان  بأسم جدنه الرسول يذم
///////////////////////////////////////

تلّثم كل خشب بالگاع اوگف عالباب يتحّضر
شيغير نية الحطاب النوّه ايهزر گلب حيدر
ومدري اشجم ضلع منها يزينب راح يتكّسر

أمن اليوم أنسي كل فرحه
وضمي المهد والرحه
صباح الله انعصر صبحه
وماندري الحياه يالون گدما شفنه لون الدم
///////////////////////////////////////

ويختي باجر البسمار رمح يتحول بصدري
َيرجع كل حطب يفزع على اخيامي وعلى عطري
وباجر كسر ضلع امي تشوفي واضح بظهري

نار اليوم احفظيها
ورسالة ضيم احسبيها
باجر ما تطفيها
وقرار أخذي ألمن اتصيرين من تشب بالمخيم


تضمين الشاعر عبد الحسين الشرع

أحمد ماجد الكلابي

قصيده يحق الامام المنتظر عج
بعنوان (شوق العشاق،)

وزن المجرشه


يالمهدي طال اغيابك ــ منتظره هاي احبابك
تدعي الك صبح ومسه
عجل يــبن خـير النسه
           اظهر وصفي احسابك
                

             ;;:::::::::::::::::::::::::::::::::::::::::::

يمته يموعود الفـرج وهـــــلالك امتــــانينه
تبزغ عليــنه امن الغرب وبنــــورك اتضوينه
وتملي الارض قسط وعدل من الظلم ملينه
ضيعنه شبـــان اشكـــثر جوه الثـره ضمينه

بدم الشهاده امنومسه ــ انصار الك متحمسه
اتضمد جراح اصوابك
اظهر وصفي احسابك

          :::::::::::::::::::::::::::::::::::::::::::

يايوم تلفــي الكربله اتشرب الحسين اميه
خشب السانه امن العطش بحرورة الظهريه
وصوب المعاره لورحـت اهنـــاك تلكه ابنيه
يم جســم ابوهه تشتكي عل باگو الترچيه

تلكه طفل يمه هوه ــ وجروحهم تنزف سوه
أشكد عظيم امصابك
اظهر وصفي حسابك

     ::::::::::::::::::::::::::::::::::::::::::::::::

يايوسف الزهره العجل انهض وحيي انصارك
وشـــد بعزمهم سيـــدي وياهـــم أخذ بثــارك
يا حجــة الله عالبشــر رب السمه مختـــــارك
دولـه كريــــمه دولتــك وتگصــــد الك زوارك

بوجـودك ألهم ينسه ــ عطرك نضل نتنفسه
عطفك يعــم احــبابك
اظهر وصفي احسابك

       ::::::::::::::::::::::::::::::::::::::::::::

ماكو مثل عطفك ابد لاغيرك يحس بينه
عينك علينه ماغفت بالشــده تحظر لينه
يالتعلم السـر والعلن وكل ذنب المسوينه
موأهل أحنه الطلعتك لانسـوه وتمر بينه

كل مذنب ابابك رسه ــ بحبك دليله تارسه
وعليــنه متســد بابك
اظهر وصفي احسابك
                                     
          :::::::::::::::::::::::::;;;;:::::::::::::::

خسران دنيه وأخره الينكر يمهدي اوجــودك
وما ينقـــــبل مـــنه عمل الـه يقــر بعهـــودك
خل يقره احاديث النبي وآيات ربنه اشهودك
امن الباري أموقع ســـند تحكم الامـه ابزودك

الينكر وجودك مو وفي ــ امن الشيعه باچر ينفي
العالــــم تقبل اعتابك
اظهر وصفي احسابك

         :::::::::::::::::::::::::::::::::;;;;;;;;;;;

وينه اليضدك خل يجي عـدنه ادله اهوايه
يقــــره البيـــان الشافعــي البي أدله برايه
وشكم حديث امن النبي القرأن بي كم ايه
عـدنه ادله امبرهنه صـــدكنه موبس هايه

اصحابه بيه متنومسه ــ وظله عليهم عاكسه
سجلنه من اصحابك
اظهر وصفي حسابك


المصدر ;البيان في اخبار صاحب الزمان
(ص 30 )الشافعي
  :::::::::::::::::::::::::::::::::::::::::::::::::                
            
تم بعون الله تعالى
10/5/2018/
✍ام زين العابدين اللامي
ملاحظه /من يرغب قراءة القصيده من الرواديد يذكز هذا الاسم /زين العابدين الزبيدي (والله ولي التوفيق)
مشكول الذمه ليوم الدين من يتلاعب بالاسماء

((قال الامام علي عليه سلام ))
#للقائم منا غيبة امدها طويل كأني بالشيعه يجولون جولان النعم في غيبته يطلبون المرعى فلا يجدونه ألافمن ثبت منهم على دينه لم يقس قلبه لطول أمد غيبة امامه فهو معي  وفي درجتي يوم القيامة #

قصيده بحق مولاتي السيده فاطمه العليله

ما ينحمل فرگاهم ،، ياروحي موتي اوياهم
الـــــمن باقــــــيه چا ما تموتيـــن
حسين وكل هلچ بالطف مطاعين
                      ياروحي

//////////////////////////////////////


يا روحـي المشـو عن عينـچ اعزاز
مــوتي اولا تضــلين
اليغيب حسين عنه سنينه شتفيد
مره اتصــير السنين
عمر وبلايه ابوي اعتــبره خلصان
وانتي بحالي تدرين
ابچي اعله الجفاني اشما تملكين
مـن ادمـــوع ياعين

حسين الاخذ آمالي ،، بس هوه عندي الغالي
وانتي ابهالأمر ياروحي تدرين
المـن باقــــيه چا ما تموتيـــــن
               ياروحي

///////////////

بقيت اتبــع أثرهـــــم حـد الاغروب
خفـت واليل چلـــچل
اديرن وجهـي المــن والوكت خوف
زغيــره ومعرف الحل
صـــــعبه الدنيا صـــارت كلها وياي
بعد يا شــــــده تسهل
الگمر فارگني مو بس والدي الراح
وجسمي اعليهم انحل

وشل دمعها اعيوني ،، الراحو دمه يبچوني
راحو كل هلي وماضلي امعين
المن باقـــــــــيه چا ما تموتين
                   ياروحي

///////////////


شــد ضعن ارحيل وســـافر ابعـيد
ابوي وعــــــذباني 
اخــذ كل الاهل حـتى النســــاوين
اوياهم ما خذاني
بقيت ادعــي يلاهي تعجل الموت
عگــب الفــارگاني 
كحل اعيوني ابوي ابشوفته ارتاح
وحارب بي زماني

بس يمه تنسر عيني ،، راح الذي يسليني
نحيله وضاله بس تهمل العين
المن باقـــــيه چا ما تموتـــين
                   ياروحي

//////////////

كل لحضه التمر بيه اشتهي الموت
من تعرض صورهم
هلي وعـزاز عنــــدي ازغـار واكبار
فدوه آني الذكرهم
بچيــت اشـگد بچيت وما يردون
اويا دمعه التردهم
اتبـــعي آثار ضــعن الاهل ياروح
وموتي اويالنحبهم

صح الدروب ابعيده ،، بس روحي ابوي اتريده
ماريد العمر من بعد الحسين
المن باقــــيه چا ما تموتيـــن
               ياروحي

/////////////

الچ گالوا نرد مـن بعد الاغياب
بقيت اشگد اســائل
لا الأكبــر أجه ولاجـاني عباس
يطمنوني ابرســائل
غير الدمع والحسـرات والنوح
ما امــــــلك وسائل
يهيد شلون ها ياروحي وينام
العنه اگليببه شـايل

حسرات يخلص ليلي،، وكل لحظه ينهد حيلي
وراهم عدله گولي شگد تضلين
المـــن باقــــيه چا ما موتيــــن
                ياروحي

////////////////

تم بعون الله تعالى
بقلم خدمة  اهل البيت ع
الشاعره ام زين اللامي
والشاعر ضياء الكناني
نســالـكم الـدعـاء

اداء والحان رووووعه 🌸👍ملأ أمير الفتلاوي

كلمات الشاعر ✍🌸 هاني الحياوي


https://t.me/amarr_hasnn

إيماني حُبكُم وآفتخر بايماني
واعله الطريق المُختَصَر دَلاَّني
شِعاري...إلكم انتمي
شِعاري...يبقى فاطمي

حُبكُم ايقربني لله ويكتمل بي ديني
هالعشگ نَوَّر حياتي ويضوي كل اسنيني
يختصرلي كل طريق الخالقي ايودِّيني
دوم اگول ابخير آني كونچ اتوفقيني

خِدِمتِچ للخَدَم نِعمه..وفَخَر يا أم ابو اليمه
ينشدونه ونجاوبهم..بَياض اوجوهه الخدمه

عالَم خِدِمتِچ أفتخر خَّلاَّني
واعله الطريق المُختَصَر دلاني
شعاري...إلكم انتمي
شعاري...يبقى فاطمي

مثل ما عطر الزياره بي تطيب انفاسي
أشعر ابجوِّ المجالس أحله جَو لحساسي
أنسه روحي وبعزائچ هايم وماناسي
يم حسن مادام اخدمچ الله يرفع راسي

مُوالي وباصِم ابعَشرَه..عِشِگ للدُّوم مو فَترَه
دُعائي وأُمنِيَة عمري...أموت ابخدمة الزهره

عايش واموت وخادمچ عنواني
واعله الطريق المُختَصَر دَلاني
شعاري...إلكم انتمي
شعاري...يبقى فاطمي

ذكرچ الطاهر عباده وآنه بي مِتفاخِر
كوثر العِز والكرامه واليضدِّچ خاسِر
أشهَدُ أنَّ اليحبِّچ گلبه بالحُب عامِر
واليحب هاي المآتم وجهه أبيض باچر

المجالس هاي مَحلاهه..تلم الخَدَم شفناهه
مادام النَّبي ايحبهه...يحبهه الباري معناهه

يسري العشگ مَسرَه الدِّمَه ابشرياني
واعله الطريق المُختَصَر دلاَّني
شعاري...إلكم انتمي
شعاري...يبقى فاطمي

بالطقوس وبالشعائر كلمن وقانونه
عدنه قانون العباده امحَبِّتِچ مضمونه
خِدمِتِچ سِر الهِدايه وخَلهم ايلومونه
من دَمِعتَه بالقيامه الخادم ايعرفونه

اليصب لمصابچ الدمعه..ينول الجاه والرفعه
وبالمحشر يعرفونه...كلمن باچي عالبضعه

والكم بنيت ابگلبي بيت احزاني
واعله الطريق المُختَصَر دَلاَّني
شعاري...إلكم انتمي
شعاري...يبقى فاطمي

بالتَوَلِّي وبالتَبَرِّي مِلتِزم كل خادم
لازم انوضح الحقايق عالمنابر لازم
حرب للحاربكم احنه وسِلِم لِلِّي ايسالِم
يالثارات الزچيه انَّادي وَيَّه القائم

يرف مهدينه بالرايه..نضل يالزهره وفايه
نجي ان شاءالله ونزورچ..شرط نلفيچ مشايه

واعله العهد راعي الأمر يلگاني
واعله الطريق المُختَصَر دَلاَّني
شعاري...إلكم انتمي
شعاري...يبقى فاطمي

سيد علي الموسوي

: #يسلهم_كل_جفن



يسلهم كـل جفـن وانه السَهـر صيتي
انا مخاوي الحزن من راحت أم بيتي
بعـد بيـها اشتـضل يا راحـه عـافيـتي

ـ**"-

أنّا ابـمـوج الـــدمع يا ســائلاً عـني
ضحك سن الشماته بغربتي و ؤني
علي الضيغم جنت والحاذروا مني
أنّا ابفـگد الخليل اليوم شو محني

اگلـب ذكـرياتي وعشـرتي اوياهه
أيا وسفه الترب من عندي طفاهه
يا روحــي يريـت الـدنيه مـا جيتي

ـ**"-

اسـولف وي بابي وخنگتي ابصدري
ابـدال الزهره لو عصرك اخذ عمري
أنا ابصلب الجبل بس افگدت صبري
شفت غاليتي من عدها الدمه يجري

اگـوم و اوگـع امن الصدمه والحسره
كسرت انته الضلع من فاطمه الزهره
وتـؤن وتـنـتـخي واسـمعـهه غـالـيـتي

ـ**"-

المصيبه التدمي گلبي وهدمت حالي
انا بجـفي ادفـنـت محـبـوبـة العـالـي
انـــازع بالـحــزن والـدمـعـه تــبـرالـي
شيّصبـره الـدفـن بجفـوفه كـل غـالي

انـازع مـا الـي واحـد يـسـاعـدنـي
انا بـفگـد الـزجـيه مـنـهـدم متـني
يمصيبة علي عمري انتي طفيتي

ـ**"-

يحل وكت الصلاه وبظهري جم ميله
وعلى امصلاية الـزهره فـقط شيـله
اصيحـن طــولــي ياهــوه اليتــچـيله
انا واحـــد فـگـد عمره وفـگـد حيله

انا الامشي وجفـوفه تلـزم ابظهره
لقد حَـل الأسى من ضيعت گمـره
امــوتـن هـاي انا جـانـت تره نيتي

ـ**"-

اشـوف اولادي من ثكل الحزن ذبلت
حـرت والحيره من هالنايبه اشتدت
احس روحي صلاة المحتضر صلت
مـا رد الــفـرح والــزهــره مــــا ردت

بعد شـلي بحـيـاتي وشـلـي بالدنيه
من ثكـل الحــزن ما تمشـي رجـليه
يا هـل نــايـبه ظـهـري تـره احنيّتي

ـ**"-

الدهر قاسي الدهر ما يـرحم وكـاسر
بـاجـر جــم ضلــوع ايــطـشر الحــافر
مصـيــبة فـــاطـمه بــوابــة الـعــــاشر
ما يـرحم زمــاني وهـل الحـزن كـافر

علي انه ومـصـايـب شـايـل اهـوايه
وشماتي اشكد تـره وبظهري سلايه
يا لچــمت كسر كـل حيلي هـديـتي

ـ**"-

أشـدْ ضـيم وقـهـر ضـمّ الـدهـر لـيه
واضلـوعي تـره اعله الـريـح مـرچـيه
بخيالي اشجم صور واشجم حزن بيه
شـفـت زينـب يـويـلي تمشي مسبيه

تماشيهه الاجــانب خـويه صيحتها
عله جمر الخـيم يا ويـلـي طيحتها
زينـب جــم گـلـب يا بـويـه أذيـتـي


ـ**"-

- خيري الصفراني

           زينب لفت يم حسين لكن بالكلب جمره
          تكله ياضوه عيوني  راحت فاطمه الزهره
                    ____
            طبت كعدت كباله مجروحه وتهل العين
       تصيح الحكلي يبن امي صوت امي اجيبه منين
       بعد ياهو اليكول اسمي وبعد ياهو اليكول حسين
                     سولفلي يبعد الروح
                    بعد الزهره وين نروح
                    بقينه بس نعد جروح
       يتامه واليتم جتال خله بكل نفِس كسره
                        _
          منها كلشي ماشفنه عافتنه وبعدنه زغار
       طفت شمعتنه ياخويه الجانت تضوي ليل الدار
       راحت والضلع مكسور ونابت بالصدر بسمار
                 ضلع امي اسمعت طكته
                   يخويه وكلبي صبرته
                   تخيلتك طحت انته
        عطشان واجتي الخيل تسحكك والعدد عشره
     
                        __
           جنت لمن تجي للبيت يمه شلونج تنادي
          وهيه تكلك شلونك يروحي واغله اولادي
           هسه منهو يتلكاك وامنه لحكت الهادي
                     امنه الكلها حنيه
                    راحت واني محنيه
                      ياريت الكسر بيه 
          وضلت فاطمه يمنه واخونه المحسن نكبره
                       __
     يكلها يختي شحجيلج موت امي كسر كلبي
       من اليوم المشت لليوم وحكج تيهت دربي
         عاللي منها حرموني باجر اشتكي لربي
                  ليش امي يعصروها
                  وباب الجنه حركوها
                   بعلي بغضا يأذوها
         وابونه موصه ذاك اليوم لمن هجمت الزمره
                        __
           يزينب الله كاتبها واحنه زغار نتيتم
       ونار الحركت النه الباب تحرك يختي المخيم
         ولابد ماتشوفيني وشيبي يكطر من الدم
                     كلشي باجر نشوفه
                   اساسه فلان وجفوفه
                   يختي وهذي معروفه
     السقيفه والشمر واحد نفس الطينه والفكره
                       ___
        تكله خويه سولفلي  بعد جم لوعه كدامي
         يكلها بيمن ابديلج كبالج انذبح ضامي
        امانه بركبتج يختي امشي واترك ايتامي
                    باجر من تودعيني
                   تره بصدري تشميني
                  امانه من امي تنطيني
     ثوب البي اموت هناك بذيج الهيمه والصحره
 
____
سيد معتز الحسيني
تضمين ابيات السيد عبد الحسين الشرع

يحسين الله يصبرك
رديت لازم ضهرك
امك فاطمه وين
تبدي اجروحك امنين
يحسين الله يصبرك
*
شفتك تنوح ودمعتك تجريها
وكل ساعه حجرة فاطمه اطب ليها
لازم عباة الزهره وتشم بيها
جروحك جبيره ومحد ايداويها

كل ساع تشبك زينب
ووياك تبجي وتنحب
غربة الدنيه يحسين
تبدي جروحك امنين
يحسين الله يصبرك
*
ليل الحزن يبن الزجيه ايبجيك
وباجر تجور بكربله الدنيه عليك
اكبال اختك اشلون الشمر يذبح بيك
ومن الذبح ترفس يخويه برجليك

عالسيف ينزف دمك
امن الكاع ياهو ليلمك
شيال العلم وين
تبدي جروحك امنين
يحسين الله يصبرك
*
بضلع الزجيه خويه شفتك حاير
ويحسين بيك اشلون يوم العاشر
يروح ويرد اعليك راح الحافر
وللخيل ملعب انته بالطف صاير

ايسحكون راح ضلوعك
وتسيل خويه دموعك
بزينب تدوي نارين
تبدي جروحك امنين
يحسين الله يصبرك
**
نار الدوت بالباب يبن الكرار
اهون يخويه ومو مثل ذيج النار
بحرك الخيم تتراكض ازغار اكبار
وانه يخويه بعايله راح احتار

الأيتام كلها بكتري
والصوط طبعها ضهري
اشمسح دمعة العين
تبدي جروحك امنين
يحسين الله يصبرك
****
كسر الخواطر كلي ياهو يجبره
ماتت احلامك خويه ويه الزهره
كلش حنين وكلبك انته اشكبره
كبل الهله للخيل فاتح صدره

هالناس بيش اطلبك
اويالخيل يطلع كلبك
ويبسون النساوين
تبدي جروحك امنين
يحسين الله يصبرك
****
تمت
تحسين الخفاجي

⌔︙ 𝙎𝙊𝙉𝙄𝘾 𝙎𝙊𝙐𝙍𝘾𝙀
———————————
• متوفر تنصيب بوتات حمايه على سورس سونك سرعة خيالية مع تسلية و العاب و بحقوقك و بالأسم يلي تريده و تگدر تخلي قناتك اشتراك اجباري و تصعدها و انت المطور الأساسي ✅
———————————
• متوفر تنصيب بوتات تشغيل الموسيقى و الأدعيه و القران الكريم في المكالمات الجماعية على سورس سونك بحقوقك و تگدر تخلي قناتك اشتراك اجباري و تصعدها و انت المطور الأساسي #⃣
———————————
• متوفر رشق اعضاء تلگرام للمجموعات و القنوات ضمان عدم النزول و اسعار مرتبة 🗂
———————————
• متوفر تفعيل تلگرام مميز ( النجمة ) بأسعار منافسة و رخيصة داخل الحساب و خارج الحساب و يوجد شهر و 3 شهور و 6 شهور و سنة كاملة ايضاً ⭐
———————————
• متوفر سيرفرات VPS بسرعة خيالية و بأسعار رخيصة بأحجام و سعات متعددة و مناسبة ⚡️
———————————
• متوفر تنصيب مصانع حماية بحقوقك و اسم سورسك و انت مبرمج السورس و الك تحكم كامل و يجيك وارد شهري ✅
———————————
• متوفر تنصيب مصانع موسيقى بحقوقك و اسم سورسك و انت مبرمج السورس و الك تحكم كامل و يجيك وارد شهري 🤑
———————————
🔴للتواصل و الأستفسار🔴
———————————
للأخوة 💎 اضغط هنا
للأخوات 💎 اضغط هنا
للمحظورين 💎 اضغط هنا
———————————
حسين مطور السورس 💎
العلوية مطورة السورس 💎

قصيدة لمصاب فاطمة الزهراء عليها السلام

المفــارگ اعـزّ الناس عنده
يموت ومايظل مجروح ودّه
علي الله اليعينه
دفن بيده الحنينه
يموت ومايظل مجروح ودّه
...........

حِنَه ظهره / على الزهره/ بتابوت المنية الزهره ممدوده
تعوفيني / يضي عيني / يحاچيها علي ودمعاته بخدوده
يون يمها / يكلّـمها / ضلع مكسور منها وعين ممروده
يودّعـــها /  يشيّعها / على متونه النعش شاله وذبل عِوِده

قالع باب خيبر محني ظهره
شايل نعش روحه ونور عمره
ولا يگطع ونينه
دفن بيده الحنينه
يموت ومايظل مجروح ودّه
...........

حمل روحه / على جروحه / توجّه للمگابر يدفن البضعه
مصيبتـــها / وجنازتــها / على متون الامام ويهمل الدمعه
يخط جدمه / وثگَل هَمّه / شمس دنياه علي غابت بلا رجعه
مشت عنّه / كثر ونّه / علي بلا فاطمه ما ينوصف وضعه

تغيّر لون وجهه ومات حيله
يونّ يم الگبر سهران ليله
تصب دمعات عينه
دفن بيده الحنينه
يموت ومايظل مجروح ودّه
...........

علي الصابر / ولاگادر / بعد يحمل مصيبة فاطمة الزهره
بجرح گلبه / ودمع غربه /حفر بيده الگبر للأغله من عمره
علي هايم / بلِحِد فاطم / نزل ويّاها حيدر يسچب العبره
يحاچيــها / ينـاغيـــها / يخاف عله الضلع لا ينلچم كسره

يهيل اترابها بهيده عليها
على صواب الضلع واضع اديها
بچه ويلطم جبينه
دفن بيده الحنينه
يموت ومايظل مجروح ودّه
...........

گعد ينحب / ابو زينب / على اتراب الزجيه طاحن دموعه
حچه وياها / تمنّاها / بدال ضلوع فاطم كسرو ضلوعه
يعافيتي / يضي بيتي / عكب عينج بقت جم روح مفجوعه
يمقهوره / الچ صوره / بگلب حيدر تظل للموت مطبوعه

غفه لحظات يم گبر الزجيه
سمعها تصيح ياحامي الحميه
ارجع للحزينه
دفن بيده الحنينه
يموت ومايظل مجروح ودّه
...........

تشب ناره / اجه لداره / علي ولن شاف زينب تبچي مهضومه
شبگ بنته / علت ونّته / وين امي الزجيه تنشده مالومه
الك عتبي / شنو ذنبي / ليش امن الزغر من عدها محرومه
حِنَه عليها / يواسيها / يگلها لا تهيجي جروحي ملچومه

يزينب صبري يبنيتي الحبيبه
باجر عينج تشوف المصيبه
حسين امگطّعينه
دفن بيده الحنينه
يموت ومايظل مجروح ودّه

سيد زيد الفحام
_________

تم حذف قناة الشاعرة ام ياس الساعد بالخطأ
نروجو من خدام الامام الحسين ع
الاشتراك بالقناة الجديدة لطفا
https://t.me/Alsaidyh

المرحوم جواد الجياشي
من شعراء الشطرة الذين اجادوا كتابة الابوذية فكان من المجيدين المقلين رغم كتابته لها في سن متأخره لكنه رغم قلة كتاباته كانت من أجمل ماكتب في هذا اللون ولد ومات في مدينة الشطرة وكان لطيف المعشر محبوبا يأنس بمشاكساته الصغير والكبير عاش اعزبا وكان يرى الكل من عائلته فكانت عائلته الشطرة الحبيبه . ردد ابياته وتغنى بها الكثير لجودتها ورصانة اسلوبه رغم انه كان اميا لايقرأ ولايكتب ...غنى له المطرب رعد الناصري والقيصر كاظم الساهر والمطرب حسام الرسام وغيرهم الكثير .... رحم الله شاعرنا جواد الجياشي وهذه دعوة للاستمتاع بما جادت به قريحته ..


طرت عالخاطر ايامك ومرت
ذكرته ونشفت ارياكي ومرت
اعتصم مرات انه بصبري ومرات
اتضعضع والوسيعه اتظيج بيه
***
من منكم نشد عني شلوني
طحت وعداي فزعولي شلوني
احبابي من جفو عني شلوني
غديت ازحف زحف فوك الوطيه
***
يلاهي الوكت فد مره ترايار
عليه وشد حبل بيه ترا يار
اخوي بعيد مو عني ترايار
يمي ولا نشد بالصار بيه
***
رك حيلي ونظر عيني معاراك
وكضيت العمر وي وكتي معاراك
ردتت طيفك يمر بيه معاراك
لجن النوم ظل يصعب عليه
*
غنى له المطرب رعد الناصري هذا البيت

احبابي الاعز من صحتي صحتهم
جفوني ولاضمايرهم صحتهم
بهدمي اعمت وبلساني صحتهم
اسمعو وشافو فلا ردو عليه
*
خزن جرح البكلبي ولمني
الفظل للثوب ساترني ولمني
اعذره المادره بحالي ولمني
كتلني المطلع ويلوم بيه
****
الدهر ظالم على الانسان لايار
ومايرحم بتوت الكلب لايار
لامنهم صديج الفزع لايار
ولامن راضع وياهم سويه
*
جفوني وبس اديه بكن يومين
وراهم والدقيقه اعدال يومين
نسو حجي الحجوه وياي يومن
احلفو مانفترك حد للمنيه
**
اعضامي منين مارتجي تلام
وعلي وكت المنام هموم تلام
المثل روحي غلط ياناس تلام
عبنهه مفاركه البيهم حميه
****
تركني بغير مابين ميالي
عليه وصار ماياسع ميالي
طحت ويشوفني وصحته ميالي
ومنع كلمن اجه فزاع اليه
*
كثرت لدي الاصدقاء حتى تشوش بالي
لو اني غربلت اصحابي معآ
لم يبق لي منهم سوى الغربال

اظلل عالصديج وعلي ماظل
وينه العن طريجه اليوم ماظل
اغربل بالربع ظليت ماظل
سوى الغربال ثابت بين اديه
*
حجيك لليعرف الحجي سدره
ظل ايصير الك بالصيف سدره
وين البي محنه ويدك سدره
ويساعدني اعله وكتي الخان بيه
**
جدمك ماخطه فد يوم مراك
الي ويشيوف جسمي عليك مراك
عسل عندي تراه ايصير مراك
وعسل غيرك شري يصبح عليه
****
هنا يلمن جهل رادك وردته
دليلي وذبلت بشوكك وردته
وين الكه المثل حالي وردته
المصايب اه وشكي الصار بيه
**
اجزعت روحي من فعالك تراهاي
عله ساعه اصبح مع الواحش تراهاي
وسط حشاي الك عله تراهاي
حدر ضلعي الكصير اوجرت بيه
****
اياعمري الكظه وماشاف راحات
اعظ بشفاي حيل افركت راحات
الليالي الماحسبت تروح راحات
وجتني الماردتها تمر عليه
**
كثر همه دليلي وضعف هماي
ولامن منتخي ويشيل هماي
بيهيمه بصيف ضاع الدرب هماي
مامش والعطش اثر عليه
**
شخلص من هواك شوكت شفتك
تطوقت بغرامك حين شفتك
طريح انه ودواي بلمه شفتك
يصل لشفاي وشفه من المنيه
**
شلون ايام وكتي وياك هايت
بحزن وانه من الشمات هايت
اصيح ولاصديج الكال هايت
مع الشامت وكف ينظر عليه
**
ملك يلبين خوانه وكومه
يميزونه بقدر حجيه وكومه
صداقة هل وكت كعده وكومه
اذا جار الوكت شحوا عليه
***
هلبت زلت جدامك ويتني
وتشوف شلون نيرانك ويتني
صبر ماظل بعد عنده ويتني
دليلي شوكت جيتكم عليه
**
جفاكم عم على اعيوني وركهه
وزماني السحك بضلوعي وركهه
شجره انه اصبحت طايح وركهه
وسموم الصيف بس يخفك عليه
**
حيل الدهر طكاني ويرني
وبعد كثر بنيرانه ويرني
يحادي للضعن شدني ويرني
السحل اشوه من الشمات اليه
***
ايا عمري الكضه مني ترامر
وعليه شما جره من الله ترامر
موش بعوز اجي يمك ترامر
بعوزت شوفتك اتعز عليه
*

الدنيا لوجفت محد يردهه
وعليك من الخطه روحك يردهه
النفس موعيب من تلبس يردهه
عيب اعله النفس تعمل رديه
***

دوم الدوم جنت انته عبالي
وترد الريح عن جسمي عبالي
علي ماتبخل بكلشي عبالي
بنفاه وضيعت وجهك عليه
***

عدني هنا يهل راحل متاراك
بقساوه شمافعل شوكك متاراك
اخبرك ليه ذبل عودي متاراك
رك بحين شح وصلك عليه
،***
سرو وعيون عذالي تراهم

شصبر والعكل مني تراهم
انحلت مومن كبر سني تراهم
التراكم والتشوفه صار بيه
***
اضمتني الدنيا فلما جئتهامستسقيآ
مطرت عليه الدنيا مصائبآ
الشجره الي زرعته وياك مطرت
وغير ارسومكم اعله البال مطرت
ضميت ورحت عود استقي مطرت
مصايب اه حيل اوجرت بيه
***
اياك بجفه المجفي اتصيح ويه
ولو نيران اله بحشاي ويه
يكلبي العاف ويهك عوف ويه
وحسبه شمات الك مثله سويه
***

ايا عمري الكضيته منعاني
بحزن والشوف ركت منعاني
من منكم فزعلي منعاني
زماني حيل شد جوره عليه
****

دليلي بكل شخص عكبك ميلهه
عزيز وشوفتك عيني ميلهه
اشتهت طيفك بنومتهه ميلهه
اكرهت كلمن تشوفه اعله الوطيه
***

انحلت مابيه اكل جدمي و همه
ودليلي كثرت الامه و همه
نزل وايجار ماينطي و همه
يدبج عالسطح ويزيد اذيه
***

الفنيت الخاطره عمري شفاني
الي وماصح دوه العلتي شفاني
زماني مارحم حالي شفاني
رجيج وكام يتمرجل عليه
*

بشفاكه الوكت حب غيري ونامن
الناس همومهه ذره ونامن
امنين النوم اجيبنه ونامن
وبلجي ارسومكم يطرن عليه
****

الدهر ماينفعه تعتعت ولالك
وجرحي ماشفه بعدك ولالك
الي ريت الكبر يصبح ولالك
شهم وتجيبك الغيره عليه
**

ماحن للرضع منه والك حان
دليلي وشامت جفوفه والك حان
تعال بساعك الحكلي والك حان
اليوم البيه جنت مذخور اليه
**

لساني عن ضجر طرواك ماجان
بسبب لن بدليلي الك ماجان
الكلشي اني حسبت حساب ماجان
يكع حملي وتكف شامت عليه
***
ايل لمه البشفاك لويوصل اشفاي
اسبوع اضل بالكيض ماضوكن الماي
علام اكطعت شفك منشافي
وانه الماغاب اسمك منشافي
لمه منشفاك يحصل منشافي
شكو منك مرض مثر عليه
*

تغير لون وجهي وصار نوماي
وكباحه احنه وره المجفين نوماي
صعب والله عليه يصير نوماي
مساهر والهموم تحيط بيه
****
وله من مساجله كتب فيها اغلب شعراء مدينة الشطرة
دوم الدوم للخوان حيهم
صديجي ورحت اشوفه وزرت حيهم
شله اجلابه عليه وصاح حيهم
حرامي وفزع الوادم عليه
****

نحل جدمي بصعوبه وكام يسري
كضه عمري ودليلي بجمر يسري
يدنيا موش دوم العسر يسري
ولو يومين واقبل بالمنيه
***
وغنى له رعد الناصري وكاظم الساهر وحسام الرسام هذا البيت

ايا عمري الكضه وماشاف راحات
اعظ بشفاي حيل افركت راحات
ليالي الماردته تروح راحات
وجتني الماردته تمر عليه
**

الدهر ماينطي الك تنبيه ونذار
جم حيد الرموه بسهم ونذار
احاه احاه كلبي انجرح ونذار
ملح وفراككم يصعب عليه
***

احبك من يصاحب ونت ذره
ويذر بحشاي وكتي ونت ذره
الشماته اجرحو كلبي ونت ذره
بملح ويصير ملحك يود اليه
***

الج يالزهره خادم    وحك رب العوالم
***
دلالي   فاطمه دكاته
والمجلس   عاشك اقراياته
كل خادم   ردد بصرخاته
ما عوفج   كلمه خطها بذاته

اشما يكصي  اشما عاند  وياي الزمن
ما عندي  بالدنيه  غير ام الحسن
مولاتي  ودمعاتي لمصابج جرن

بخدمتج عكلي هايم   وحك رب العوالم
**
يالحبج  يسري ويشرياني
من زغري   هالعشك غذاني
لعيونج   الله كلشي انطاني
يالزهره   مجلسج روحاني

للمحشر  ماعوفج  بالدم وقعت
اختاريتج  يالحره  وغيرج ما ردت
شيعي انه ومن زغري بيج اتعلكت

اوضح كلشي لازم   وحك رب العوالم
*



انه اعرف حاجتي تكضيها
والشده   فاطمه اتحليها
وكفاتج   كلها تحلف بيها
والوادم   خيرج مغطيها

يالبابج  دكيته  وناديتج مدد
والمرضه  تشافيهم  وانتي ام الشدد
الما عنده  ذريه  اترزقينه بولد

شفت بيج المكارم   وحك رب العوالم
**
اهواي اجزع   عالضلع خليني
يالزهره   نضرتج تكفيني
للخدمه   فاطمه وفقيني
من خيرج   رايد اترزقيني

حبيتج وبحبج  يالزهره افتخر
مولاتي  ولضلوعج  ضحيت العمر
وبالمجلس من اطلب  تنطيني اشكثر

وصرت بالخدمه هايم   وحك رب العوالم
****





مجنونج  وافتخر مجنونج
ومضحي  كلشي لجل عيونج
ماعيشن   فاطمه من دونج
بالمجلس   انه رايد عونج

حزميني  بحزامج  يا شمس الامل
وحي الله بنص بيتج  جم مره نزل
يالجاهج كبرني وخلاني جبل

اليعوفج هذا واهم   وحك رب العوالم
**
تمت
تحسين الخفاجي

موشح للزهراء عليها السلام

إليا مدى البسمار لمّن صابها
ومثل طبگ كتاب طبگو بابها

_  ١  _

المثل فاطم كارثه گالوا وإن
عليها مثل المطر ضل يجري الحزن
باب من اجذوع وثگيلة وزن
انطبگت ومحسن وگع بعتابها

_  ٢  _

انطبگت عليها ونزف دم الصدر
وبين سوط ونار وصياح وعصر
ما تحس إله وچفنها منسطر
ومن صدرها للجدام اخضابها

_  ٣  _

من صدرها بعد متشم الهوه
وعينها من اللطمه مابيها ضوه
تعب حيدر كثر ما دور دوه
لفاطمة وما صح دوة لصوابها

_  ٤  _

الفاطمه حيدر يجي بدمعه ويرد
ايصل عليها الضلع لو صار البرد
لحد ما ماتت وهي بعمر الورد
ماتت الزهرا بعز اشبابها

_  ٥  _

ماتت الزهرا ومحمرت العين
والحسن شابگ نعشها والحسين
نادت الأملاك نحي الحسنين
يا علي عن فاطمه وثيابها

مصطفى الشافعي

صار الغروب
وانتي يازينب وحيده
صار الغروب
ودمعتج تكتب قصيده
الليل لوچلچل ظلامه
يرتفع صوت اليتامه
ـ ـ ـ ـ ـ ـ ـ ـ ـ ـ ـ ـ ـ 

ترجع الوادم طبــع لوصار الغروب
تلتم ويجمعه بيـــــت وتنسد البوب
وانتي وحدج بالغرب مابين الدروب
لاخيم لابيت عـــــندج لاكو محبوب

ابين الاجناب
وحدج والدنيه ليل
ابين الاجناب
واليتامه تريد حيل 
ومحد يهــــود ينامه
يرتفع صوت اليتامه
ـ ـ ـ ـ ـ ـ ـ ـ ـ ـ ـ ـ ـ 

هاي اول مــــــــره يازينب وحيده
وهاي اول ليله عــــن اهلج بعيده
عاده بيام الشـــــدد عونك تريده
والاخو بالغربه يحــــــتاز لعضيده

ياهو تنخيه
وانتي كل اهلج مشو
ياهو تنخيه
هاي عازات الاخو
الينتخي تفزع عمامه
يرتفع صوت اليتامه
ـ ـ ـ ـ ـ ـ ـ ـ ـ ـ ـ ـ ـ 

انتي جانت خيـــــمتج مابين الاحباب
اثر لجدامج گبـــــــل ماشافته اجناب
شلون ليلج راح تگضــــــينه ع التراب
وانتي عرش الله گبل صايرلج احجاب

موكبج جان
هيبه متوسط هلج
موكبج جان
وخلفه يمشي كافلج
موكب تحرسه الامامه
يرتفع صـوت اليتامه
ـ ـ ـ ـ ـ ـ ـ ـ ـ ـ ـ ـ ـ 

جان عندچ بـس ألچ بسماچ عالي
گمر ماغاب وخـــسف طول الليالي
عليچ ليل الله يچـــــل وبغير والي
جنت اميره وشو سبيه وسفه تالي

كافلج جان
هوه حارس للصبح
كافلج جان
وهسه راسه ع الرمح
راس وبلايه عمامه
يرتفع صوت اليتامه
ـ ـ ـ ـ ـ ـ ـ ـ ـ ـ ـ ـ ـ 

انتي مصحف خاص وانتي البسمله 
وجان بـــــــــس عباس يقره يرتله
من الطفوله انتي چــــــــنت معلعله
وهسه اجتـــــج فوگ حزنج كربله

هيبت حسين
انتي يانور الجلاله
هيبت حسين
نبي ويتامج رساله
وانتي بالغار الحمامه
يرتفع صوت اليتامه
ـ ـ ـ ـ ـ ـ ـ ـ ـ ـ ـ ـ ـ 

وي فجر باجر يــصعدوج بهزلهم
وحدچ وصعبـــه اذا تنضر زلمهم
تنجتف ايدج غـصب گوه بحبلهم
انتي دمعه بعينچ وهمه بضحكهم

دربج بعيد
وصعب ممشاها الهزل
دربج بعيد
اليوگع يجره الحبل
اسم الله ماكو ولاسلامه
يرتفع صـــوت اليتامه




علي مظلوم الجناحي

١

ندري اليصلي ويلتفت تبطل صلاته
والعنك ايدير الگلب ترخص غلاته
هوه اليموت بخدمتك دامت حياته

كل ما تنلچم يحسين رفت رايتك
على صدري أدگ مخنوگ آنه بعبرتك

البل گوّه باچين
هم تؤجر العين
هاي المحنّه
يلغالي دمك
بدموعي أرسمك
ونه اعله ونه

((()))

٢

يلگاعد بوسط الگلب يمرخص الأحباب
ودموعي مو بيد الجفن عاشورك الباب
انفتحت حسينيات إلك تجمعلك أصحاب

بالموكب أنركب دموع ونوزعها اله
والرايد بچي حيّاه يمنه اندلـله

نتسوّگ هموم
للگلبه ملچوم
معزب دمعنه
نواسي اليلطمون
ونداين اعيون
زينه الربعنه

((()))

٣

يلعلمتنا   شنهو معنى الناس للناس
يلجمّعت كل الوفه وسميته عباس
يحسين يل بس بعلي  وبحسين تنقاس

ياريت بگلب عاشور طاحت لچمتك
حرگو خيم ويضحكون شافو دمعتك

وهالحرگه لليوم
ابگلبك يمظلوم
ماضنها تبرد
وشتنسه منهم
ونته الأجلهم
دمعك على الخد

((()))

٤

يا أكبر جروح السمه ودموع الأحزان
يحسين يمبچي الحَجر  من قبل الإنسان
ياجنة مسگيه بدمع حارسها رضوان

يانهر الورد بالروح تروي زيارتك
العطش ماعطشك يحسين خضره احچايتك

بروحي اشتريتك
بگلبي هويتك
عاشگ حضرتك
بسمك حياتي
وروح أمنياتي
ورايد نضرتك

((()))

٥


يلعلمتنا اعله العشگ علمنا الفراگ
مابين دگات الگلب هم إلك نشتاگ
هنيالنه من صرنه الك نتسمه عشاگ

هنا ثار الگلب يحسين شفته بمجلسك
ومن نلطم بچفنه تصير ريحة محبسك

نبچي ونريدك 
تجمعنه بيدك
تسجل اسمنه
احنه بخدمتك
فدوه المحبتك
خدامك إحنه

خليني اخدمچ يم حسن
ماريد شهره ولا ثمن
يافاطمه يافاطمه

وياچ مادور ثمن...شلي ابثمن مابي دمع
رايدلي دمعه يم حسن...وبالمجلس ابچي اعله الضلع
وادموعي لجلچ لو جرن
ماريد شهره ولا ثمن
يافاطمه...يافاطمه

خليني اذوبن بالعزه...واشبع بچي واشبع قهر
إنطيني دمعه ابمجلسچ...كون الدمع مثل المطر
واعيوني أقبل لو عمن
ماريد شهره ولا ثمن
يافاطمه يافاطمه

انطيني حيل اعله اللطم...شديلي عزمي من ادگ
باب الله ياحيف وأسف...بالنار گالو محترگ
بيهه السماوات انچون
ماريد شهره ولا ثمن
يافاطمه يافاطمه

يالزهره خسفيلي الصدر...خليني احسن بالوجع
عيشيني كسرة خاطرچ...بابچ عليچ امن اندفع
وصفحات الاحلام انطون
ماريد شهره ولا ثمن
يافاطمه يافاطمه

لوعيني لوعة محسنچ...يافاطمه وحين الهوه
دم البراءه من نزف...بالنار خافنه انچوه
عرش الله للمحسن حزن
ماريد شهره ولا ثمن
يافاطمه يافاطمه

موتيني موتت زينبچ...من فزت وإنتي ابگبر
خليني لحسين وحسن...لمصيبتچ أبچي اشكثر
أرد انتحب طول الزمن
ماريد شهره ولا ثمن
يافاطمه يافاطمه

سيد علي الموسوي