تراث القصائد الحسينية

@hha19789

قصائد تراثية مكتوبة

تراث القصائد الحسينية (Arabic)

هل تبحث عن مكان لاكتشاف والاستمتاع بتراث القصائد الحسينية؟ إذا كانت الإجابة نعم، فقناة Telegram الجديدة الخاصة بنا والتي تحمل العنوان 'تراث القصائد الحسينية' هي المكان المثالي بالنسبة لك! يقدم لك هذا القناة مجموعة من القصائد التراثية المكتوبة بأسلوب راقي ومميز. يمكنك الاستمتاع بقراءة القصائد الحسينية الجميلة والاستماع إلى كلماتها العميقة والمؤثرة. من ألحان موسيقى إلى كلمات تعبر عن مشاعر عميقة، تحتوي هذه القناة على مجموعة متنوعة من القصائد التي ستأسر قلبك وعقلك. ستجد في هذه القناة قصائد عن الحب، الفراق، الوطن، والكثير من المواضيع الأخرى التي تهمك. إذا كنت من عشاق الأدب والشعر التقليدي، فإن هذه القناة هي مكانك المفضل للاستمتاع بالحسن والجمال المتجسد في كلمات القصائد الحسينية التراثية. اشترك الآن في قناة 'تراث القصائد الحسينية' على Telegram واستمتع بمشاهدة وقراءة أروع القصائد التراثية المكتوبة بأسلوبها الخاص. لن تجد مكانا آخر يقدم لك هذا التنوع الغني من القصائد الحسينية بشكل مباشر وممتع. اكتشف جمال اللغة والثقافة من خلال هذه القناة المميزة وشارك الكلمات الجميلة مع من تحب. نحن ننتظرك لتنضم إلينا الآن!

تراث القصائد الحسينية

11 Nov, 12:51

💔😭

3,042

تراث القصائد الحسينية

01 Nov, 13:14

#تراث
موقف السيدة الزهراء روحي فداها في المحشر

فكر يا صحيح الـدّيـن بالبضعه ورتبتها
واخلص بالولايه زين واتبصّر شكايتها
ــــــــــــــــــــــــــــــــــــــ
صاحت يا عَـدِل ياللي ابكل اللي سدى تدري
اجهلو قدري واريد الـيـوم يارب ينعرف قدري
يجيها النّدا من الجبار أمرچ بالحشر يجري
وتطب للحشر والاملاك ملزومه بطاعتها
ــــــــــــــــــــــــــــــــــــــ
للموقف تطب وتشوف كل واحد بعنوانه
امن ابعيد اليواليها بجبينه يلوح نيشانه
تلگطهم بعفو الله و تظل أمّة الخسرانه
وهَـبْـهَبْ تلگط الباقي وتْكَـرْدِسْـهُم بحفرتها
ــــــــــــــــــــــــــــــــــــــ
الموقفها بعد ترجع ويأتيها ندا الباري
أبوچ المصطفى والـزّوج قاسم جنتي وناري
الجنه بشيعتج دشي وقري اليوم بجواري
تجر ونه وعلى الخدين لازم تهل دمعتها
ــــــــــــــــــــــــــــــــــــــ
وتنادي احكم يرب الناس بيني وبين عدواني
خصوص البالجزل والنار جاني المنزلي عاني
واريد انـظر عزيزي حسين ذاك القرح اجفاني
ومن تنظر الشخص حسين اه ياعظم صرختها
ــــــــــــــــــــــــــــــــــــــ
تنادي مهجتي يَحسين ياهو الگطع أوصالك
ظامي تنذبح يبني وتگضي بالظما اطفالك
يبني والخيم بالنار شبوها على عيالك
وچم حرمه وطتها الخيل يبني اباب خيمتها
ــــــــــــــــــــــــــــــــــــــ
وتالي ترفع ايديها ومنها الچبد موجوعه
وتضج الرسل والأملاك والكل تهمل دموعه
تشوف ايدين مرفوعه وبيها چفوف مگطوعه
وتنزل غضبة الباري على أهداها بدَعوتها

الشاعر المرحوم ملا عطية الجمري

(318)
#اللهم_عجل_لوليك_الفرج

6,169

تراث القصائد الحسينية

31 Oct, 03:35

#تراث

حين للزهره الوصي واراها
هاجت احزانه اوغده ينعاها

آه لـمّن نفض چفّه امن التراب
جذب حسره ولذعه جمر المصاب
گام يتأوّه اوبي ماضي الصواب
اوذكر حالة سلوته اوسلواها

جلس فوگ الگبر لاچنَّه اشجلس
بالچفن چبده اوبالزهره اختلس
ليث لاچن بيه شاة الهم فرس
والمهجته الهظم نابه ارعاها

التفت لاچنّه الگبر المصطفه
صاح يامن بيك جمر الغي طفه
وافتِك امتّك لاچن الوفه
عكس ما وصّيتهم ياطاها

وانته حي والموت ما يمّك دنه
ساس باطلها على الشر انبنه
لـمّن اخيالك امن الدنيه انفنه
كسر فَي اخيالها ابدنياها

اوبعد جرح امصاب فگدك ماخدر
اوما العهدك صار عالوادم شهر
خوش جبره البين جابر والدهر
اخذ منّي فاطمه اونحّاها

لاچن ابسنّتك اتعزّه يجب
والصبر اجمل اوعند الله احتسب
ما أمِل لاچن بدلاّلي تشب
نار يرمي الطير لفح اسناها

يبو ابراهيم الوديعه اتعنّتك
اختبرها اوشوف حالة بضعتك
لابد اتخبرك على شر امتّك
بالغليل المعتلگ بحشاها

سمت الوديعه لهلها من ترد
سالمه اولا من صدع بيها يجد
آه الاّ اوديعتك ليها تصد
ويل كل الويل من آذاها

وجّلب ابيمناك من عدها الجسم
اوشوف يبن العم ضلعها المنهشم
اوسگط محسنها اوبالمتون الوسم
اوحمرة اللّي لايحه ابعيناها

والذي يفني الصبر عنّي اويزيل
تندفن بضعتك سر بسواد ليل
گال ابو السبطين ودموعه تسيل
حمر من اسويد گلبه اجراها

طب لعد داره اوسد دونه الباب
وانفرد للنوح وحده او للمصاب
اوگعد لاچن بين شبليه الشباب
گعدة المغبون حامي احماها

يلتفت لابنه الحسن مكظم حزين
شاف ابو محمّد يسح دمعة العين
والتفت هالنوب لعزيزه الحسین
ينحب اعله امّه اوعلى فرگاها

اشلون زينب حالها ابذاك المحل
حال يشجي الصخر ويهد الجبل
حمر من الگلب مدمعها همل
تندب امها اوتصرخ اوتنعاها

الشاعر المرحوم الشيخ عبود غفلة

(317)
#اللهم_عجل_لوليك_الفرج

5,284

تراث القصائد الحسينية

24 Oct, 09:57

#تراث #نعي
لمصاب سيدة الخلق والوجود
روحي فداها

يويلي من عصرها الرجس طاحت
أو على فضه ابرفيع الصوت صاحت
اجتها ومن لگتها تون ناحت
يمها أو هيه عالغبره رميه

يمها اگعدت يتهامل دمعها
المصاب الصـار عـالزهرا صدعها
صاحت من درت كسروا ضلعها
اويلي اعليچ والونه خفيه

هاي اللي فلا خطرت على البال
مصيبه المــا تخلي اعلى المحب حال
ظلعچ ينكسر بالباب منگال !
عگب ما ظمت الهادي الوطيه

عفه گلب الوصي ويا عظم صبره
يشوف اللي جـرى ابعينه وينظره
سلم للإله ابهاي أمره
وظل يجذب الحسره اعله الزچيه

ما مل من بچاه إلها ولا هاد
أو مر اعليه صار الشرب والزاد
هم اللي ابگلبه لو بالاطواد
تلفها ولا بگت منها بگيه

المرحوم الشيخ
محمد سعيد المنصوري

(316)
#اللهم_عجل_لوليك_الفرج

5,942

تراث القصائد الحسينية

23 Oct, 05:17

كل شخص يزور يومياً السيدة الزهراء صلوات الله عليها بهذه الزيارة بنية السلامة لصاحب الزمان وقلبه الشريف وتعجيل لفرجه

من اليوم إلى نهاية الليالي الفاطمية
(إلى الرواية الثالثة)
ولا إشكال أن فاتته سهواً

فإنه يشاركني بكل زيارة للإمام الحسين عليه السلام وبقية المعصومين
وكل عمل صالح
من اليوم إلى نهاية الليالي الفاطمية

فداك روحي سيدي
#اللهم_عجل_لوليك_الفرج

5,638

تراث القصائد الحسينية

18 Oct, 17:40

🙏😞

6,806

تراث القصائد الحسينية

18 Oct, 03:50

#تراث

#گعدية فضائل فاطمية

للزهره عنوان...يزهر بالأكوان
ماينطفي نوره...يزهر ابكل صوره
للزهره عنوان
ــــــــــــــــــــــــــــــــــــــ
گبل ايجاد الوجود اقتضت للمعبود قدره
اوگبل ما يبتدي ابخلق العالم اوتكوين أمره
من سنه نور التقدس صاغ قدسية الزهره

من نشأت الكون اكملت
قدسية الزهـــره زهت
اوشمس الديانة أزهرت
اوبزغ للإسلام بدره

واتبـادر النور...بالعالم اينور
نـور المعموره...اويزهرابكل صوره
للزهره عنوان
ــــــــــــــــــــــــــــــــــــــ
اوغصت ببحور المعاني الغامضه واطلبت درها
شاهدت در الثمين ابعصمة الزهره اوثمرها
اوشاهدت عترة محمد نور يتلاطم بحرها

يالمحب لامـرك راجعه
بالنور واعرف مطلعه
من الشفيعه امشفعه
لو ردت تسمع خبرها

إنشد التنزيل...وابضوه التأويل
آيـاته مذكوره...اويزهر ابكل صوره
للزهره عنوان
ــــــــــــــــــــــــــــــــــــــ
طرت بجناح العقيدة او أثر توفيقي معيني
اولازمت ايمان گلبي اونوَّر الإيمان عيني
شفت تمهيد العوالم بالشرع دستور ديني

أعني الرسول اوعترته
اوخلق العوالم زينته
من نـور عصمة بضعته
اوثبت بالعصمه يقيني

وابناظري لاح...للزهره مصباح
آثاره مأثوره...اويزهر ابكل صوره
للزهره عنوان
ــــــــــــــــــــــــــــــــــــــ
ابناظر اللي شفت باري الكون والذروه العليه
طالعت سورة الكوثر وإعرفت فضل الزچيه
جعل ذرية محمد منها والحيدر هديه

نعمة الباري الدائمه
حلت الحماي الحمه
فاطمه اوعصمة فاطمه
هالهديه الجوهريه

أنجبت للديـن...صفوة ميامين
واتشرع دستوره...اويزهر ابكل صوره
للزهره عنوان
ــــــــــــــــــــــــــــــــــــــ
هذا تكوين الزچيه اونورها السامي مقامه
عاشت ابحجر النبوه اوماتت ابجنب الإمامه
اوبعد أبينلك شرفها اليظهر ابيوم القيامه

ابأفق الرساله امهلهله
ابنور الإمامه امجمله
ابتاج الشفاعه امكلله
من إلشرّفها كرامه

واتشاهد النـاس...للعصمه نبراس
يتشعشع ابنـوره...اويزهر ابكل صوره
للزهره عنوان
ــــــــــــــــــــــــــــــــــــــ
اشلون وگفة حزن وقفت فاطمه ابساعة المحشر
حامله راس الحسين اودمه من نحره ايتفجر
بالحسن تقسم على الله وابأجر گلبه التفطر

تدعي اومقدمة الدعه
ترفع اچفوف امگطعه
من السگط بالمشرعه
بيها ذنب الكون يغفر

تشفع للإسلام...تسأل العلام
بضلـوع مكسوره...اويزهر ابكل صوره
للزهره عنوان
ــــــــــــــــــــــــــــــــــــــ
بعد تتقدم ابشكوه اوتفجع الكونين بيها
او أجر شكواها الكرامه اوبالشفاعه امسجليها
تسأل الباري ابمصيبة زينب اوهجرة سبيها

ياربي تسمع شكوتي
وياك أصالح دعوتي
امن النار تنجد شيعتي
او بالخلد تنعم عليها

واحنه ابهالإحسان...ندخـل بالإجنان
بذنوب مغفوره...اويزهر ابكل صوره
للزهره عنوان

الشاعر المرحوم
الشيخ كاظم المنظور الكربلائي

(315)

#اللهم_عجل_لوليك_الفرج

7,497

تراث القصائد الحسينية

12 Oct, 10:58

اقسم عليكم بمصاب السيدة الزهراء صلوات الله عليها
من بعد دعائكم لولي النعمة صاحب الزمان روحي فداه

لاتنسوا خادمكم صاحب القلب المظلم
المتقلب على سادته واولياء نعمته
محمد وآل محمد

من دعائكم في صلاح قلبه وحاله
عسى ان يرحمني ربي بدعائكم 💔😞

7,089

تراث القصائد الحسينية

12 Oct, 10:01

#تراث
القصائد التراثية للسيدة فاطمة روحي فداها

1.. نفسي على زفراتها محبوسة
2.. باب كلها اجذوع وثجيلة وزن
3.. قال سليمٌ قلتُ يا سلمانُ
4.. أنشد يا جرح ماذيك يا حيدر من الزهره
5.. إنّ حديــث البـــاب ذو شجــون
6.. يا عيني كتي الدمع سچاب
7.. گعدت یم ابنها ابكربلا الزهره
8.. یعینی ابچي اودمعج خل يـهـل دم
9.. ابوذيات 1
10.. ابوذيات 2
11 ..ياعين خلي دمعچ يكت عالوجن جروان
12..على الزهره يكلبي انجسم نصين
13.. تاللهِ لا أنسَى ابنَ فَاطِمَ والعِدَى
14..عليمن من صفه الجمهور عليمن يهجم اعله الدار
15..همومي طود يذبل ما حملها
16 .. على الزهره يكلبي انجسم نصين
17.. تاللهِ لا أنسَى ابنَ فَاطِمَ والعِدَى
18 .. قُل للمغيّب تحتَ أَطباقِ الثّرى

7,179

تراث القصائد الحسينية

11 Oct, 22:30

آه فاطمة 😭💔

6,171

تراث القصائد الحسينية

11 Oct, 13:21

المرحوم السيد جاسم الطويرجاوي

6,900

تراث القصائد الحسينية

11 Oct, 13:20

#تراث
(عليمن من صفه الجمهور)

ندبة لصاحب الزمان
لمصاب السيدة الزهراء روحي فداهما

عليمن من صفه الجمهور عليمن يهجم اعله الدار
عليمن حطب سد الباب عليمن تشب بيه النار
عليمن ينبت البسـمار الخله ابكل گلب بسمار 😭
عليمن والظلع كسروه عليمن عصرو الزهره
ــــــــــــــــــــــــــــــــــــــ
عليمن حيدر ابداره عليمن حاط بيه الجيش
عليمن علي اشلون انگاد اوحگه اشلون يغدر ليش
اشلون الصخرة الصمّه وأثر صدع بيها الريش
علي كل الفخر حازه واكبر كل فخر صبره
ــــــــــــــــــــــــــــــــــــــ
عليمن بچت منعوها تنوح اونعت والدها
مدينه اصبحت مرتده اولا واحد يساعدها
غصبها واسگطو محسن وكسر الظلع چايدها
اوسوط امتونها ويـلاه او حمره عينها بسطره
ــــــــــــــــــــــــــــــــــــــ
عليمن بضعة المختار عن النوح منعوها
الأراكه التستظل بيها عداوه اوبغض گطعوها
عوالي اوفدك ورث إلها ابيا دين استحلوها
الباطل غصب حگ الحگ هظيمه اوصار تحت أمره
ــــــــــــــــــــــــــــــــــــــ
عليمن ماتت الزهره لا صرخه ولا رنه
علي بليل غسلها نعم عندك خبر منه
دفنها اوضاع مدفنها بعد من ينشد عنه
بعد ما يندره لليوم وانته اليوم بيه أدره
ــــــــــــــــــــــــــــــــــــــ
عليمن جدك الكرار معزول اوسكن داره
ابوجوده هظمة الزهره واهو الما ينهظم جاره
تاره ينعه ابن عمه اويذكر فاطمه تـاره
يشوف ايامها ابذله اوعبره امکسره ابصدره

الشاعر المرحوم عبدالامير الفتلاوي

#اللهم_عجل_لوليك_الفرج

8,129

تراث القصائد الحسينية

09 Oct, 10:40

#تراث

يافارس بدر وحنين وبيوم الوفه فتاك
تصبر یا علی چمدوب صبرك عجب الاملاك
ــــــــــــــــــــــــــــــــــــــ
صبرك عجب المخلوگ وأملاك السمه كلها
وامصيبتك ياكرار ما من نبي اليحملها
من جاك الرجس للدار ونيته ابنار يشعلها
ماهابك يبو الحسنين وانته المحد اليدناك
ــــــــــــــــــــــــــــــــــــــ
من يدناك يابو احسين وانته الطيعية الجن
لاچن العجب تصبر او تسمع بالزچيه اتون
ابين الباب والحايط عصرها واسگطت محسن
او رض اضلوعها الطاغي او روعها ولا راعاك
ــــــــــــــــــــــــــــــــــــــ
روع بضعة الهادي ابصدرها نبت البسمار
من عگب الفعل هذه تعده أو طب لعند الدار
گادك بالحبل يا حيف وانته حيدر الكرار
تندب حمزه وجعفر ما منهم لفه يحماك
ــــــــــــــــــــــــــــــــــــــ
ما منهم لفاك امعين بس ام الحسن واحسين
لاچن طلعت ابيا حال اتنادي او تهل دمع العين
خلوا عن ابن عمي لفرع واگلب الكونين
رد العبد يضربها يريت اتشوفها عيناك
ــــــــــــــــــــــــــــــــــــــ
ريت اتشوفها عيناك أو ضلع ام الحسن مكسور
واجنين السگط بالباب والدم من صدرها ايفور
او من طلعت وراك اتصيح خلوه والدمع منثور
مارديت تحميها للمسجد لفت وياك
ــــــــــــــــــــــــــــــــــــــ
للمسجد لفت تنحب يويلي والدمع محمر
ماردت لعند الدار اله اوياك يا حيدر
ظلت من بعد هذه گلبها ابنار يتوجر
لمن گضت مظلومه من ظلم السده امن اعداك
ــــــــــــــــــــــــــــــــــــــ
ظلموا يا علي الزهره لما ماتت ابغصتها
أو حين الي علمغسل شفت اصواب جثتها
گمت تنحب يبو الحسنين أو عينك تهل دمعتها
هذا الي جره اعليها عبّاد الوثن من جاك
ــــــــــــــــــــــــــــــــــــــ
أو كل الجره على الزهره بارض الطف جره واكثر
هجمتهم على الزهره صارت هجمت العسكر
ابكسر الضلع صدر احسين تحت اخيولها اتكسر
بسگاط الجنين الطاح طفل لحسينها ويتاماك

السيد علي بن السيد حسين الهاشمي

(314)
#اللهم_عجل_لوليك_الفرج

7,256

تراث القصائد الحسينية

28 Sep, 15:11

عندما وصل خبر موت ابان بن تغلب الى الامام الصادق عليه السلام قال: اما والله لقد أوجع قلبي موت ابان. 😭

آجرك الله سيدي ياصاحب الزمان
أعان الله قلبك وأنت ترى شعيتك
وأنصارك يقتلون ويقهرون 😭💔

لا صوت الناعي بفقدك أنه
يوم على آل الرسول عظيم

وإنا لله وإنا اليه راجعون 💔

9,338

تراث القصائد الحسينية

28 Sep, 08:06

بسم الله الرحمن الرحيم

إِنْ يَنْصُرْكُمُ اللَّـهُ فَلا غالِبَ لَكُمْ ✌️
وَ إِنْ يَخْذُلْكُمْ فَمَنْ ذَا الَّذِي يَنْصُرُكُمْ مِنْ بَعْدِهِ وَ عَلَى اللَّـهِ فَلْيَتَوَكَّلِ الْمُؤْمِنُونَ

من سورة آل عمران الآية ١٦٠

9,209

تراث القصائد الحسينية

25 Sep, 03:48

#تراث

يَمتى يالغايب تِزم الراية ؟
وصلت جيوش الكفر للثاية
ــــــــــــــــــــــــــــــــــــــــــــــ
ما يَبو صالح بعد ظَنّة و أمل
ينتصر دينك على أتباع الهُبل
من جميع الناس أيّس و انخدل
و لا دوه غيرك يــصـح ألـدايــه
ــــــــــــــــــــــــــــــــــــــــــــــ
تلگه منها الدين چم سيف و رمح
و عـلّـگــت راياتها وياه للــگُــبــح
سَـــدّت البـيـبـان ويّــاه للصــلــح
و لا وساطة تـفيـد ، لا مشّـايّـــة
ــــــــــــــــــــــــــــــــــــــــــــــ
آه يالـمــحــجــوب و الآه شـتفــيد ؟
گطع چبدي و حسرتي لحيلي تبيد
شَــرك صار الديــن للــرايد يــصـيـد
يــعلن بإسمه و يِـــصَــل لـلغــايـــة
ــــــــــــــــــــــــــــــــــــــــــــــ
بين ألــف هَــدّام لـــو بانــي بِـنَــه
أعليه شـيلحّگ و كل ساعة بسنـه
لا تــظِـن الــديـــن يِظــفـر بالمُنه
الهدم حــاصــل - فاگـد البـنّـاية
ــــــــــــــــــــــــــــــــــــــــــــــ
و السبب معروف ما يخفى أعلى أحد
فاگـــده الإيـمـــان بـــالله الـأحـــــد
هالذي ذَلــهــا و گــطـع عـنها الـمـدد
و هدَف صارت للـعِدَه الــرمّـــايّــة
ــــــــــــــــــــــــــــــــــــــــــــــ
تـظـهـر الإيمــان لاچـــن الــگــلـــوب
معشـعشـة بيـها الگُــبايــح و العيـوب
گـــلــوبــنا اسودّت و لاچــن الذنــوب
تـنـجـلـي ! هــيهــات هـــاي حـچـايـة
ــــــــــــــــــــــــــــــــــــــــــــــ
ما تــگــلــي مـنــين ياتيــنا الــفـــرج
و للسمه الإحـسان لَــم ظَعنه و عـرج
گلنا الأبــيــض أسود بـعكــس النهج
و اتّــبـعــنـا الـــزُمـــرة الــغـوايّـــة
ــــــــــــــــــــــــــــــــــــــــــــــ
آه لــولا الخــوف چـنت أكشــف أســرار
تــشـمّــت العــدوان و تــخــلّـف مَـــرار
لاچن اسكت مَضـض عن گـوم الأشــرار
و أرد أخـــلّــي الــســالــفـةمــغـطّــايــة
ــــــــــــــــــــــــــــــــــــــــــــــ
المــن تحـشّــم يَــمـفـطــور الــچـــبــد ؟!
مــالــها الأمّــــة ال عـليـــه تعــتـمــد
كل فـــرد مـــن عـــدهــم اخــتــار اللحد
و مِـــن جَــبـيــنا الـخــجــل فــاگــد مايه
ــــــــــــــــــــــــــــــــــــــــــــــ
طــاش سَــهـمك و اخـتفـى الحُــرّ الأمـين
يــظــهــر الــعفّــة و يـــمـد خفيـة اليميــن
جيــب نَـــوط الأخـــضــر و دونَــك الديـن
اتــسلّــمــه الــمـا بــيــه إلــي صــرمــايــة
ــــــــــــــــــــــــــــــــــــــــــــــ
إلـمَــن تـحــشّــم الــزمــرة ؟ يا شـبـاب ؟!
عـــافـــت الـــيـجــري و تعــنّــت للـسـراب
طـايـــشــة و مــثـــل النــسَــه لبست ثياب
و من تــرشــده يــگـــول أصـــوب رايـــه

الشاعر المرحوم عبود غفلة

#اللهم_عجل_لوليك_الفرج

(100)

9,806

تراث القصائد الحسينية

14 Sep, 22:20

[مولاي]

فَلَو تَطاوَلَتِ الدُّهُورُ وَتَمادَتِ الأعمارُ لَم أزدَد فِيكَ إلاّ يَقِيناً وَلَكَ إلاّ حُبّاً وَعَلَيكَ إلاّ مُتَّكَلاً وَمُعتَمَداً وَلِظُهُورِكَ إلاّ مُتَوَقِّعاً وَمُنتَظِراً وَلِجِهادي بَينَ يَدَيكَ مُتَرَقِّباً 💔

فَأبذُلُ نَفسي وَمالي وَوَلَدي وَأهلي وَجَمِيعَ ما خَوَّلَني رَبّي بَينَ يَدَيكَ وَالتَّصَرُّفَ بَينَ أمرِكَ وَنَهيِكَ.🙏

من زيارة سيد القلوب روح الحياة وروحي
سيدي صاحب الزمان صلوات الله عليه

وهي التي تبدأ ب(السلام عليك ياخليفة الله)