قصائد الشاعر حيدر العماري

@hussen112233

قناة نشر القصائد الحسينية للشاعر حيدر العماري

قصائد الشاعر حيدر العماري (Arabic)

قصائد الشاعر حيدر العماري هي قناة تهتم بنشر القصائد الحسينية للشاعر حيدر العماري. حيدر العماري هو شاعر مبدع يعبر عن مشاعره وأفكاره من خلال قصائده التي تتميز بالعمق والجمال. يتميز أسلوبه الشعري بالرقة والعذوبة، مما يجعل قصائده تلامس قلوب القراء والمستمعين. يتميز الشاعر حيدر العماري بقدرته على استخدام الكلمات ببراعة لتوصيل رسالته بشكل مؤثر ومميز. تجمع قصائد الشاعر حيدر العماري بين الفلسفة والجمالية، وتعكس وجهات نظره الشخصية حول مواضيع مختلفة. إذا كنت تهتم بالشعر وتبحث عن قصائد تثري مشاعرك وتحمل لك رسالة، فإن قناة 'قصائد الشاعر حيدر العماري' هي المكان المناسب لك. انضم إلينا الآن واستمتع بمشاهدة أروع قصائد الشاعر حيدر العماري وتذوق جمالية كلماته الرائعة.

قصائد الشاعر حيدر العماري

29 Sep, 22:39

الهاشمي الشجاع

2,413

قصائد الشاعر حيدر العماري

17 Sep, 14:56

محمد بميلاده دگ نبض الگلب
محمد نـنـثر ورد طول الدرب

نبينااااا —. شفيعناا

من نبي الرحمه اتأسست هاي الرساله
علمنه عالحب والأمل واجمل عداله
من صار مولد حضرته الماكو بجماله
والغيم أنشودة مطر بالحب قراله

محمد للظايع عيونه وطن
محمد بچفوفه نعبرها المحن

حبيبنا …. شفيعنااا

——

بااجمل تهاني من الگلب محفل بدينه
فرحتنه مره بكل سنــه هايــه تجـينه
ميلاد اجمل ما نعـم ربــنـه علــيـنه
من الامام الصادق - الصـادق نبـيـنه

محمد بطاريه يندار الگمر
محمد والواله ابن عمه انتصر

اميرنا - شفيعنااا

——

الما واله ابن عم النبي يخسر حياته
ويحير باجر بالگبر ساعت مـمـاتـه
امبين تره الواله علي وذيـچـه صفاته
يمشي بطريق الحق يظل رغم الشماته

محمد مادور بناسه طمع
محمد مثل الشمس لينه طلع

ضيائنا - شفيعنااا

——

خسران دنيا واخره ومـالـه مكـانـه
الـما واله اني عم النبي بهذا زمانـه
بالدين منجامل ابد ماكو اسـتـهانه
الرايد علي - يصرخ علي حيدر حمانه

محمد بااسمه اختصر كل العمر
محمد وي علي تأشيرة نصر ✌️

نجاتنا - شفيعنااا

حيدر العماري

894

قصائد الشاعر حيدر العماري

15 Sep, 15:57

ياصاحـب زمـاني
من افراگـك اعاني
تعال وطمن العيون
ياحرزي وأماني

عشت حتى اسمع اخبارك تچـويني واحب نارك
صح مـامــلتـقي ويـاك لـكن گـلـبـي مخـتارك

من اشوف الماي أتخيل تفاصيـلك
اليحب انسان يدعـيله وتجي ادعيلك
يـبو صـاح دخـيـلك رايـد اشكـيـلك
دلـيـني ابـمـكـانـك خاطر امشـيـلك

وجـهك امـنيـاتي
يا كلشي بحياتـي
أدعي اتلاگـه وياك
يادمعت صلاتي

—-

عـايش گوه من دونك اخذني من ايدي لعيونك
اسـألـمن يمهدي اعليـك خاطـر اعـرف شلـونـك

الجفن شبـاچ ويصـيـح النظر وينـك
زغيره الدنيـا والـوادم عـكس عيـنـك
يطـين الله انـخلقنه وصرنه من طينك
اخاف الدنيـا تگـضـي وماكو چفـيـنك

يالساكن خيالي
يالشاغلي بـالـي
بعيد وعايش وياي
غالي واغله غالي

——-

ايـضـيع ابـيـتـه اليعوفـك والله مـوفـقـه اليشـوفك
اذا هـب الهـوه اتـلگـاك أحـس انـمـدت اچفـوفك

اخذني وياك سكت الدمعه التريدك
أحـس غرگـان ومـتـاني تـمـد ايـدگ
شايـبـنـه بدمـعتـه ايـبـيـن اولـيدك
يريت تـگـول يمـتـه اتـمر مواعـيدك

يمته اتحلي عيني
وتسكت ونيـنـي
بدونك گلبي متعوب
تعـبنـي حنيني

——

اريد اشكـيـلك اغيـابك وانسه عيوني يم بابك
ماريد الهوى ابـلـياك اني العاشـگ اترابـك

بـلايـه اوداع بـس چنـك توادعـنـه
العـمر ينـعاش من دونـك بلا معنه
انـــه ودمـعـت افـراگـك توالـمنه
صـور ماكو عله صوت الناعي من طحنه

حـاچيـك الـدمعـتي
بـيك امگـضي وكـتي
مدري انـت ياصـوب
بس ماخذ صـفنـتـي

#الشاعر حيدر العماري

765

قصائد الشاعر حيدر العماري

30 Aug, 22:44

https://t.me/husseinaldraji

827

قصائد الشاعر حيدر العماري

30 Aug, 15:42

استشهاد الرسول (ص)
لسان حال الزهراء (ع)

الما عدهه ابو اتكض الضلـع
ومـا تــگـدر اتــكـض الـدمـع

لا تــبــتـعـد

ضاگت عليه ارض وسمه
أنه الـــــعــزيــزه فاطــمه

لا تــبــتـعـد

—-

يالمدلل عزيزة گلبك اهواي
اريدك - تظل يمي يغـالي
اذا تتركني وحدي اتضيگ دنياي
اخافن - يجن سود اليالي

عـذابي يـزيــــد من اتـفـارگ العين
شــفـت فرگـاك مـــن اتغير حسـين
ثگيل افـراگ وجهــك زاد الونــيـن
يطين الله البعد ما مثلك اي طين

يالفرگــتــك كـسرت ظهــر
بعــيـوني متـوازي الـمـطر
ضل مستعد
تغبش علـينه امعـلـمه
أنه العـــزيـزه فاطمــه
لا تبتعد

حنين وتوجعك دمعات الايتام
غيابك - ينـزل دمـع عيــني
تـتـفگد الطـير ايـجـوز مانــام
ابحنانك - يعايفني بونيني

اذا تـتركـنـي بعــدك ااخ الاضلــوع
ونار الـبـاب ماتـطفــيـهـه الدمــوع
والبــاب العلــيه ابحـقــد مدفـــوع
ومن العصره بويه النفس مگطوع

عالعين يابـويه انسطـر
والضلــع مـني يـنكـسر
چن ينمرد
من الضلع تنزل دمه
أنه العــزيـزه فاطـمه
لا تبتعد

من تغيب ياهـو ايسد العـيـون
وداعك - يــفــززلي البـواچي
يشيخ الگاع وحزام اليفزعون
گطرتك - لـلـگـصه خـواچي

يالمــوصي الـورود اتحلي بالريــح
يسيــف ابحـربك وحبك مراجيــح
اوگـــف ياجبـل ماصـدگ اطـيـــح
هاي انــه العزيــزه اليمك اتصيـــح

افتحلي عيـنك ياضـوه
لا تمشي وتضـيع الهـوه
من ما ترد
وبلا جروح امألمه
أنه العزيزه فاطمه
لا تبتعد

چنت يمي واحس العالم بخير
ولكن - غــيابــك عـذابـي
خطارك گبل حته العــصافــير
عفتهن ـ يتامه عله بابي

اعــزاز اهــواي باچـر تلـــزم الباب
بدمعهم والحسافه تسولف اعتاب
شيصبرهم عليك اطويل الاغياب
الدنيا اتصير ظلمه ابفگد الاحباب

بالـعين طيـفك يـندفن
اتـروح ويظـل الحـزن
ابناسك يهد
وتبچي حماي الحمه
أنه العـزيـزه فاطـمه
لا تبتعد

ابعباتي امسح ادموعي والحسافات
ونينك - يعذبني سمعته
الأبو يابـوي نعـمه وصعـبه لو مـات
احسك - نفس صدري خنگته

الأبو من يروح تبقه الوحشه لو راح
ضلـمه ايصير كلشي وماكو مصباح
وداعــأ بـعــد ماتوصـلــني الافــراح
يـــابــت البــعد والــدهـه تــــرتــاح

تاخذهه روجات التعب
كل مغرب اتخضر عتب
مثل الورد
خانـگـهه للوالد ضمه
أنه العزيــزه فاطــمه
لا تــبــتـعد

لـ حيدر العماري

837

قصائد الشاعر حيدر العماري

29 Aug, 10:38

استشهاد الرسول ص

الشـال بابك خـيـبر -- لـلـنــعـش مايـگـدر
ياعــلي ياعــلي ياعلي ياحيـدر

مات ابــن عمه وتـــبده حيـله المرجــف الزلـــم
الچان بچفوفه يــطشر جــيش وبكــيفــه يـــلم
هسـه ثگلان عله جسمه من الحزن حته الهـدم
مثــل ما ينــثــلـم سـيـفـه عــلي واگــف مـنـثلم

الخوف مـنـه اتـكـتر الشال بابك الخيــبـر
ياعلي ياعلي ياعلي ياحيدر

من يضب ايده عله سيفه ترخه فرسان الحرب
الكـاسر اضهور العسـاكـر هـسه مكسور الـگـلب
الماي گـصـته اعدال زمزم واگف ودمعه يصب
دمعه يتــبده محـنـه ولــون وجــهــه ينـگـــلب

من الــوداع اتـغـير -- الـشال بابك خـيـبـر
ياعلي ياعلي ياعلي ياحيدر

الودع اعـزاز علـه گـلـبه يـنـلــچـم لـمن يـحـن
ايشوف هاي الدنيا كلها بعينه مو دنــيا سـجن
علي الـمـبـچي الأعـادي لازم اصــفاحـه ويون
التـندفـن بالگاع اخوتـه امنيـته هـوه اليندفن

ولا يـضـل امـكـدر -- الشال بابك خيـبر
ياعلي ياعلي ياعلي ياحيدر

الزهره تـذبل وي ابــوها - زهره وتـفارگ مـطر
علي صبرها بدمعـته والـگــلـب منــه انـكـســر
بويه صاحـتله دخـيلك ماكو رجـعـه بهالســفـر
عطشـت روحــي مــحـنـه ويــن رايــح يانـهـر

شــلون بويـه اتصـبـر -- الشال بابك خـيـبـر
ياعلي ياعلي ياعلي ياحيدر

شـالو اجـنازة حبـيـبه وياعلي دمـعـه انسچب
والجنازه التمشي گوه يـثـگـل اعليها الـعـتـب
صوفرت كل الــوجوه وصارت ابلـون الذهـب
مو تعب ثـگـل الجــنازه لــكــن الذكــره تــعب

يرجف وچانت حر -- الـشال بابك خيـبـر
ياعلي ياعلي ياعلي ياحيدر

لـ حيدر العماري

734

قصائد الشاعر حيدر العماري

24 Aug, 10:27

للخدام -

راجع البيتي ودمعي باارداني
خادم يصبر بالبچي الثاني

شايل غراض الموكب باأيدي
تابوت چنهن لازغر أخواني

وحشه اشكبرها من ارجع البيتي
بـلـه اشتگـلـها وترضـه حـنيـتي

——

هواي السنه وين الـيصـبروني
بـگلبـي العـليـله اتصيح تانوني

وين انطي وجـهـي والدرب خالي
زوار ماكو فرغن عـيـونـي

مو صوت واضح بالشكل نوحي
راح الأگــلـه يـا بعد رووحـي

—-

ايصيح دخيل عيونك احساسي
يـبـكربلـه بس عايش براسي

من الرايه تبعد چنها عن عيني
تاخذ وياها كل هوى انفاسي

يفرغ الشارع والـبـچـي ابـعيـني
أتمـنـه اصيحن فدوه تـانـيـنـي

——-

يحسين كون ارجعلك بحيلي
ارجع اخدمك فدوه تدعيلي

من هسه احسب بااصبع ادموعي
لسنه الجايه اشبعد باقيلي

اتمــنه يــبقه الزاير اگـبـالـي
يسميه ابوي الغالي واعگـالي

—-

الشاعر حيدر العماري

1,109

قصائد الشاعر حيدر العماري

16 Aug, 12:22

مشاعر خدام الحسين (ع)
في أخر ايام الخدمة

أخـر يـوم مـن أحـلى ايـام
تبدي الوحشه عله الخدام
نحسب يمتـه ايرد الـعـام - باأخر يوم

أخر يـوم ويــا المــشــايه بــهـاي الــخـدمـه
النسمه التدخل صدر الخادم چنـها اتلـچـمـه
مو بس وجهـا الحيره اتـبـيـن حتى بـا أسمـه

ايلـم الموكب بروحـه الحنينه
وبدمعه حزينه
يربي ايصيح رد الخدمه لـيـنـه

حرگه بگلبه وچنـهـا اخيام
باأخر يـوم من احـلى ايـام

باأخر يوم

——-

يامحلاها الـمـه اتـصــير ويـا اهـل الــفـزعـه
عشرة خدمه وكـلها احــساس وغيره ودمـعه
الـخادم عـين المـوكب صـارت عيـن الـربـعه

تكـبر حيـرتـه وغـصـه بـلـهاتـه
ونـسـمـعـه بصلاتـه
يدعي أطول الخـدمه وحـيـاتـه

الحسره الـتطلع كسرت جـام
باأخر يــوم من أحــلى ايـام

باأخر يوم

——

ايـلـم الموكـب بس الــخادم حيـره اطــشره
اليركض چـان عله الــزوار - ويـاهــو ايـعبـره
بـا أخـر يــوم اتــغـيــر حـالـه ولازم ظــهـره

حـط روحـه وحچي عيونه بجنـطتـه
ولـلـموكب نـظرتـه
رافـع راسه بـس نـزلـت دمـعـتـه

شايل باايـده اهـواي احـلام
باأخر يــوم من أحــلى ايـام

باأخر يوم

——-

انرد للـبـيت ونـبـدي اهـنـانه انـعيش الغـربـه
بـلا زوار شـلـون انـخـلـص الدنـيـا الـصـعــبـه
الـيــلـزم بــيـده الـزايـر يــرجـع - لازم گـلـبـه

لحسين التعب نـعتـبره راحه
ماردنه استراحه
الموكب ينـتـهي وتبدي المناحه

وتـبدي جروحـه الـما تلـتـام
باأخر يــوم من أحــلى ايـام

باأخر يوم

——-

#حيدر العماري

1,851

قصائد الشاعر حيدر العماري

14 Aug, 20:48

https://youtu.be/SrecdFfvn20?si=cZ8P1WYV_VMaim0o

875

قصائد الشاعر حيدر العماري

13 Aug, 08:15

الأمام الحسن (ع)

اتـخـيل هسه ينزف نحري
افراگ الخوه يكسر ظهري

——

اول سـهــم يوصـل الصدري الــيلـه
اگبالي الحسن من شفته خلص حيله
اكبر أخـوتـه واحـنـه الـنـتــچـيــلـه
چف الدمعتي وچف رفعـتـه ادعـيـله

قبله اتمنـه ايخلص عمري
افراگ الخوه يكسر ظهري

——

اگبالي الحسن تذبل وتبچي عيونه
يباوع النحري وگـالي ايــذبـحـونه
بدون الأخو هالـعـمر بـاهت لونه
شلون العمر يخلص ويمشي بدونه

عايش بـعـده چني بگـبـري
افراگ الخوه يكسر ظهري

—-

العايف اخوه اشلون عايش يومـه
تـثـگـل علـيـًه الدنيا من اهمومه
ايمر التعب بعيونه ساعت نومـه
وبالـيـاعلي والـ اااخ وكت الـگـومه

مـا يتشـافه ودايم كسري
افراگ الخوه يكسر ظهري

——

مو بس حزن لا چنـها طيحت رايه
ومو دمع چن عباس طايح مـايـه
ردت الحسـن بالطف يكون ويايه
واحـد اوگـفـاتـــه يمي اهـوايــه

قبلي بنحره يضحي أدري
افراگ الخوه يكسر ظهري

—-

شگد صعبه زينب هيچ اخوي تشوفه
صعبه وچبـير البـيت مد اچـفـوفـه
بعيون زينب بقـت للـطـف خــوفـه
الحسن راح - العدو جتـنـه اسيوفه

تبدي اسيوفه وبالموت ادري
افراگ الخوه يكسر ظهري

#حيدر العماري

1,076

قصائد الشاعر حيدر العماري

01 Aug, 16:53

https://youtu.be/KdUh-cj7qnM?si=Uk2TDpwPVOYCI-ta

1,296

قصائد الشاعر حيدر العماري

01 Aug, 14:35

https://youtu.be/QtuMEGTWLwo?si=yYjGHQKqNcpQ6WTx

1,260

قصائد الشاعر حيدر العماري

27 Jul, 23:36

https://youtu.be/C99YFiEhtso?si=4S_bR2HTJsMCfBYe

1,488

قصائد الشاعر حيدر العماري

26 Jul, 12:41

مو بااسمك الموكب بااسم (الحسين)
عــوف افـــلان اريــده ومـاأريـده

واذا يحضر المجلس سلـبي الأخـلاق
المجلس غير تصحـيـح العقـيـده

اذا عـفــته بعـــيــد وصــار منــبـوذ
ومالطـمـت علــى العبـــاس أيــده

باچـر من يـبوگ بـنــفـس الأيديــن
لأن حست احساس اتظل وحيده

الـزم أيـــده گـلـه اتفـــضـل اهــنا
وگله اسمع كلام من المــحــاضر

واذا يخلص المجلس أحچي وياا
گله اتقـدم اشكم خــطوه باچــر

لأن نتخلق باأخـــــلاق الحــسين
اشما زاد التـــقرب عالمـــنــابـــر

ومثـل الجاي ضيف اتلاگه ويا
وشتريد بخدمتك صار حاضـر

خاطر من تكرمه الخاطر حسين
حسين يخلي لـلـخـدام خـاطـر

خلـه يگول والله الخدمـه تأسيس
لـــلــذمـه وضــــمـير ولـلـمـشاعـر

حسين العاشر ايفرده من الاعيال
خاطر نــنـجــمــع باايام عاشــر

لـ حيدرالعماري

1,477

قصائد الشاعر حيدر العماري

24 Jul, 12:43

https://youtu.be/6m1h8jDRSlc?si=-jFXsD55maGo9aRi

1,384

قصائد الشاعر حيدر العماري

20 Jul, 09:07

‎الامام السجاد (علية السلام) عند دفن الاجساد

‎لـمـيـتهم بس طشروني - فوگ جرحي مرضوني
‎مره وحده احبابي ماتو - والف مره موتـونـي

‎ضـيــعـوني الچـانـو ايدلـون بـيـه
‎اعظام ابوي وعمي واخواني بااديه
‎الخيل من گدما سحگ بيها وأذيه
‎حتى اصابعهم بااديهم مو سـويه

‎جمـعـت اعـظـام ومادري ابدي امنيـن
‎ذني العمي وذني اخواني وذني حسين

‎اصغار ذني مال اخوتي - روحي اشتانين مـوتي
‎بالحوافر اهلي ضاعــو - وانه حاير ضـيـعوني

——

عمي من الگاع اجمعه - غيره غيره
مو عيـونه (صدره) لخـيامه يـديـره
حسين ابوي الهيـبه ياشيخ العشيره
والله دنيا وهسه ينشال بحــصـيره

بدون اثياب حسين الساتر چـان النـاس
كلشي انداس وحتى الشبـگه من العباس

هيچ شفته اگبال عيني ايحرك اظلوعي ونيني
بين اديه وادري راحو افراگ موت ومايجوني

——

جمعتهم حيره حيره ولچـمـه لچـمه
ياخنـگـتي وبيهم اجمع نسمه نسمه
حسين صـابغ كل كتر بالــگـاع دمـه
مـو فقـط بالشوف اعرفه شم اشمه

صدره امكسـر چـن محروگ وبـي دخـان
امبين چان امفـارگ قبل المـوت اخـوان

امفارگ من الخيمه غالي وهسه مثله يصير حالي
همه ياروحي استراحـو - وانه كلش تعـبونـي

——

الهسه صوت اظلوع ابوي با أذني اسمعه
اهنانه طاحت چم يتـيـمـه اهنـانـه دمعه
حسين من الحافر اشكم وصـله ظـلـعـه
اكثر من اثـنـيـن صـاير حتـى اصـبـعـه

اهنانه رقيه ابـلا ترچيـه اتنوح اهــواي
اهنـا عبدالله الـيابس نحره امتـاني الماي

اهنانه من خافن خواتي اااخ منهن ذكرياتي
بالحوافر گلبي داسـو ريتها ولا حيرونـي

——

لـنـهر لمن رحـت مخـطـوف مـايـه
خــاف بـس لا شايل الـعــبـاس رايـه
اهنانه اثـار المــشــي من الســبايـه
الـعمـتي منـا وابـتـدت ثورة عبــايه

منـا تبـدي الثوره البـيـها الجيش ايتام
من حسين تروح اتـقـاتل صوب الشام

للقصر تمشي الغريبه اهنانه هيبه وغادي هيـبه
علي رد اعلينه صاحو نسبـي بـيهم ماسبوني

#حيدر العماري

1,776