Jamiyat o’zi ijtimoiy vazifalarni bo’lib olganidek, ammo biri e’tiborli biri esa mutlaqo oddiy holdek:
Erkak ko’chada ishlaydi-bu uni vazifasi.
Ayol uyda ish qiladi—bu uni vazifasi.
Erkak pul topib charchaydi,ayol ham jismoniy ish qilib charchaydi.
Erkak uyga dam olishga keladi-ayol uyda qolaveradi.Erkak biroz hordiq chiqarib chalg’ish uchun do’stlari bilan playstationga borib birga-bir kontr urvoradi yoki biror joyda kechasi choy ichib 3-4 soat gaplashib o’tiradi.
Ayol uyida qoladi.Vazifasi tugamagan:24/7
Dam olishi bu-mizg’ib olish deb o’ylashsa kerak.
Chalg’ish uchun bir yilda bir marta zo’rg’a dugonalari bilan ko’rishadi,na ko’chaga aylantirgani chiqariladi.
Mayda chuda gap nega ko’payadi,nega noshukrligi oshadi?
Mana sababi:chalg’ishi uchun ham ishxonasiga qamab qo’yilgan ishchini ko’rganmisiz?
Ayol uyini tark etishi,eng komfort hayotidan ketishi,tug’ishi, organizmini ongli ravishda tiklanishi dargumon bo’lgan holda o’rtaga qo’yilishi—- tabiiy jarayondek qabul qilinishi mana nima jahlimni chiqaradi!
Ha, ayol u tug’averadi.
Ha,ayol u uyini tark etaveradi.
Ha,ayol u yana uchinchi yil uchinchisini tug’aversin katta qilib oladi.
Ha,ayol yuz kishilik mehmon nima bo’libdi, ming kishiniyam kutib tashiydi.
Men buni jamiyat ongida normal qabul qilinishidan ko’ra, ayol-qizlarni o’zida normal qabul qilinishiga hayron qolaman.
Hoy, sen o’z uyingni ota-onangni tashlab yetti yot begonanikiga ishonib ketayapsan, bu normal emas.Bu katta gap!
Bilasanmi, qancha emotsional va ruhiy stresslarni, adoptatsiya jarayonidagi katta qiyinchiliklarni yelkangga olayapsan?
Hoy, sen yigirmata suyak sinishi og’riga chidab bola dunyoga keltirding.Yarim oyog’ing narigi dunyoda edi.Yana soppa-sog’lom bolang.Seni ichingdan tirik odam chiqdi.Normal qabul qilma!
Bilasanmi,sen organizmingni yarmidan voz kechding.Vitamin,ovqating,kisloroding to’liq ikkiga ajraldi.Butunlay organizming o’zgarishiga rozi bo’lding!
Bu normal emas, bu mo’jiza.Bu katta gap!
Kecha o’n ikkida turayotgan erka qiz eding.Bugun jamiyatni ahmoqona stereotiplariga amal qilib, barcha istaklaringdan voz kechding.Hamma diskomfortlarni qabul qilib olding.
Bir qo’ling- rakvinada,biri supurgida.
Bu norma emas.
Sen ishlayapsan,sen jismoniy mehnat qilayapsan.Shunchaki maoshing yo’q xolos.
Iltimos,bajarayotgan va qabul qilgan ko’pgina shartlar,amallarni norma dema.Va hech nima qilmaslikda ayblama o’zingni.Shunchaki meni va seni shunday “tabiiy hol” deb o’rgatishgan xolos.