Peshqadam Karvoni

Ustoz-shogird an'analari yoqolib ketdi

Lekin, Peshqadam maktabida tashkil etilgan "Tasviriy san'at" kursi o'quvchilari aynan shu an'ana bo'yicha hunar o'rganadilar.

🏆 Kurs davomida:

– xalqaro ko'rik tanlovlar ishtirokchisi;
– "Go'zal xat" ko'rgazmasi shahar bosqichi g'olibasi;
– rassomlik bo'yicha oliy ma'lumotli mutaxassis;
– "Zulfiya" mukofoti sovrindori;
– mahoratli ustoz Nigora Nazirovadan tasviriy san'at va xattotlikka doir bilimlarni olishingiz mumkin.

📆 Kurs 23-noyab soat 9:00 da boshlanadi.

Ilk sinov darsi bepul!
(Keyingi darslarda ishtirok etish to'lov asosida bo'ladi.)

❗️Joylar soni cheklangan.
📌 Sinov darsida ro'yxatdan o'tganlar ishtirok etadilar.

Ro'yxatdan o'tish uchun hoziroq quyidagi manzilga murojaat qiling:

@peshqadam_maktabi_admin1
@peshqadam_maktabi_admin1
@peshqadam_maktabi_admin1

🕊Telegram  | 📱Instagram
📱Facebook | 📺YouTube

🌟 Loyihamizga yangi a’zolar qabul qilindi!

🏛 “Kutubxonalar tashkil qilish va ularni kitoblarni bilan ta’minlash” yoʻnalishi yana 2 nafar a’zoga koʻpaydi. 20- noyabr kuni Ustoz Odinaxon Muhammad Sodiq va a’zolar oʻrtasida hamkorlik shartnomasi imzolandi.

Ulardan biri Fargʻona viloyati, Margʻilon shahri, Soyboʻyi mahallasida oʻzining shaxsiy kutubxonasini tashkil qilgan Moʻminova Feruza opa boʻlsalar, yana birlari esa Samarqand viloyati, Kattaqoʻrgʻon tumani kengashi deputati, “Sevan ul-hikma” maktabi asoschisi, Abduvali Ergashovdir.

“Sevan ul-hikma” maktabi matematika, IT, ingliz va arab tillariga ixtisoslashtirilgan boʻlib, hozirda 250 dan ziyoda oʻquvchilar ushbu ziyo maskanida tahsil oladi.
Quvonarli jihati maktabning kattagina kutubxonasi ham mavjud boʻlib, nafaqat maktab oʻquvchilari, balki tuman aholisi ham ushbu kutubxonaning kitoblaridan bepul foydalanish imkoniga ega. 6000 ga yaqin kitoblar ushbu ziyo maskanidan oʻrin olgan. Kitobxonlar soni ham kundan kunga ortib bormoqda.

📚Yangi kutubxonalar uchun loyihamiz nomidan kitoblar taqdim etdik va kelajakdagi hamkorliklarimiz haqida kelishib oldik. Hamkorligimiz barcha uchun manfaatli va xayrli boʻlishini tilab qolamiz!

Telegram | Instagram | YouTube | Facebook

✨ Hisobot tadbiri boʻlib oʻtdi

📖 Bugun "Peshqadam Karvoni" loyihasi "Kitobxonlikni rivojlantirish" yo‘nalishining hisobot majlisi hamda "Irmoqlar" kitobxonlik jamiyatining bir yillik tadbiri bo‘lib o‘tdi.

🎁 Tadbirimiz yo‘nalish faoliyatini boshlagandan to hozirgi kunga qadar qilingan ishlar aks etgan video namoyishi bilan boshlandi. Keyin esa navbat a’zolarning yil davomida qilgan ishlarining jonli hisobotiga berildi. Bunda a’zolar o‘z hisobotlarini mehmonlarga tanishtirdilar. Yo‘nalish doirasida yil davomida eng ilg‘or bo‘lgan ikki nafar a’zo — Yulduz Farruxbek qizi va Dilnoza Hasan qizilar taqdirlandilar.

✍️ Yo‘nalishimizning faxriy a’zosi, yozuvchi Erkin Malik ham kitobxonlik borasida qilayotgan ishlarini biz bilan bo‘lishdir. Ulug‘ yoshda ekanliklariga qaramay u kishining kitob o‘qishga targ‘ib bo‘yicha qilayotgan ishlari barchamizni ruhlantirdi.

🧕 Shu bilan birga "Irmoqlar" loyihasi doirasida ham qilingan bir yillik ishlar taqdimot ko‘rinishida ko‘rsatib berildi. Loyihaning boshidan boshlab koordinatorlik qilib kelayotgan a’zomiz o‘z hisobotlarini taqdim qildilar.

📚 Tadbirimizga aziz ustozlarimizning tashrifi va manfaatli nutqlari o‘zgacha fayz bag‘ishladi. Jumladan, ustoz Hasanxon Yahyo Abdulmajid ayol-qizlar ta’limida ahamiyat qaratish kerak bo‘lgan jihatlar borasida juda ham manfaatli nutq qilib berdilar.

📚 Bugungi tadbirimizning ikkinchi qismi Abdulla Qodiriyning yangi nashr etilgan "O‘tkan kunlar" kitobi taqdimotiga ataldi. Taqdimotni esa Abdulla Qodiriyning nabiralari ustoz Sherkon Qodiriy qilib berdilar. U kishining nutqlari ham manfaatlarga boy bo‘ldi, "O‘tkan kunlar"ning biz anglamagan jihatlarini kashf etdik.

🎶 Taqdimotdan so‘ng "O‘tkan kunlar" romanining madhiyasiga aylanib ketgan "O‘rtar" taronasi Soliha Jumadilova tomonidan ijro qilindi.

📚 So‘ng ustoz Odinaxon Muhammad Sodiq so‘zga chiqdilar, a’zolarning ishlarini e’tirof etdilar hamda kitob o‘qishning ahamiyatini aytib o‘tdilar. Shuningdek, Qur’ondan keyingi muqaddas kitobning yurtidan bo‘lganimiz uchun ham hammadan ko‘p kitob o‘qishimiz kerakligini ta’kidladilar

📔 Shuningdek tadbir davomida "Eng yaxshi sovg‘a — kitob" va "Ilmiy faoliyat" yo‘nalishi doirasida e’lon qilingan maqolalar tanlovi g‘oliblari ham taqdirlandi.

✅ “Kitobxonlikni rivojlantirish” yoʻnalishiga rivoj, a’zolarning faoliyatiga esa muvaffaqiyatlar tilaymiz!

Telegram | Instagram | YouTube | Facebook

✨ Hazrat, u kishining hayotlari, qoldirgan ilmiy meroslari hali hanuz ko‘pchilikni ilhomlantirib kelmoqda. Hofiz Aziz Po‘latov ham u zotdan ilhomlanib bugunga qadar hazratimiz haqida 40 dan oshiq she’rlar bitib, ijro qilib kelmoqdalar.

🎵 Keling, bugun hofizning "Ilmiy faoliyat" yo‘nalishining yillik sarhisob tadbirida ijro qilgan navbatdagi qo‘shig‘ini e’tiboringizga havola qilamiz va hazratni yodga olamiz.

Siz ham hazratdan ilhomlanasizmi ❓
Ilhomlansangiz qanday holatlarda ❓

Telegram | Instagram | YouTube | Facebook

✨ Loyihamizning misrlik yangi a’zosi bilan tanishing

🛫 Ustoz Odinaxon Muhammad Sodiq yaqinda Misr Arab respublikasiga safar qildilar. Safar chog‘ida esa "Peshqadam Karvoni" loyihasi uchun xayrli bir ish amalga oshirildi. U ham bo‘lsa ustoz Odinaxon Muhammad Sodiqning ustozlari Samih Abdulloh Abdulvoqiy Mutavalliy hazratlari bilan "Mutaxassislar tayyorlash" yo‘nalishi doirasida shartnoma imzolanishidir.

🏛 Ustoz Misr Arab respublikasi, Qohira shahrida istiqomat qiladilar. Hozirda Qohira universiteti usulid din kulliyotining hadis bo‘limi ustozi, dotsent, shu bilan birga, Azhari sharif butunjahon fatvo markazi a’zosi, Azhari sharif universitetida Islom bilimlari fakultetining abituriyentlarni o‘qitish bo‘limi mudarrisi, bir necha xalqaro markazlarda inson rivojlanishi yo‘nalishi bo‘yicha voiz hamdirlar.

🔍 Ustozning ta’limiy va ilmiy faoliyatlari juda ham boy. Ularning tarjimayi hollari va faoliyatlari haqida quyidagi havola orqali batafsil bilib olishingiz mumkin:
https://islom.uz/maqola/19816

A’zomiz bilan hamkorligimiz xayrli va manfaatli bo‘lsin!

Telegram | Instagram | YouTube | Facebook

📢 "Eng yaxshi sovg‘a — kitob" tanlovi g‘oliblari aniqlandi.

Jamiyatimiz orasida keraksiz buyum va latta-puttalar emas, balki kitob oldi-berdisini targ‘ib qilishda faol ishtirok etgan tanlovimizning barcha ishtirokchilariga tashakkur bildiramiz va g‘oliblarni e’lon qilamiz.

🌟 1-g‘olibimiz: 1067 ta ovoz bilan Madiyorova Baxtiyorxon.
🌟 2-g‘olibimiz: 960 ta ovoz bilan Junaydullayeva Mahliyoxon.
🌟 3-g‘olibimiz: 793 ta ovoz bilan Bozorova Gulnoza.

🏆 Shu bilan birga jamoamiz bilan o‘zining sepiga kitoblar uchun joy ajratgan va boshqa ayol-qizlarga ham namuna bo‘la olgan Ne’matova Madinani ham g‘oliblikka munosib deb topdik.

Gʻoliblarimizni tabriklaymiz! Ularga tez orada aloqaga chiqib, loyihamizning "Kitobxonlikni rivojlantirish" yo‘nalishining sarhisobga tadbiriga taklif qilamiz va taqdirlaymiz.

👍 Bizdan uzoqlashmang. Hali bundan-da qiziq tanlovlarimiz oldinda.

Telegram | Instagram | YouTube | Facebook

⌛️Ovoz berish yakuniga yetdi, ishtirok etgan barcha obunachilarga rahmat!

🏆 Tanlov gʻoliblarini aniqlashda bizga yelkadosh boʻling!

⌛️ Ikki oydan beri davom etib kelayotgan “Eng yaxshi sovgʻa — kitob” nomli tanlovimiz ham oʻz nihoyasiga yetdi. Tanlovdan maqsad xalqimiz orasida kitob oldi-berdisini rivojlantirish va shu orqali kitobxonlikni rivojlantirish edi. Tanlovimizdan koʻzlangan maqsadga yetdik degan umiddamiz.

🔍 Endigi ishimiz esa gʻoliblarni aniqlash. Bu borada doimgidek sizning yordamingizga suyanamiz. Sizdan iltimosimiz shuki, ishtirokchilar orasidan bizga 2 nafar gʻolibni aniqlashda koʻmaklashsangiz.

👇 Quyida ishtirokchilarning suratlariga biriktirilgan havola va ovoz berishingiz uchun soʻrovnoma qoldiramiz. Eng koʻp ovoz yigʻgan ikki kishi gʻolib deb topiladi.

1-ishtirokchi — Qoraboyeva Dilfuza
2-ishtirokchi — Namozova Fayruza
3-ishtirokchi — Ermatova Yasharxon
4-ishtirokchi — Abdusattorova Muslima
5-ishtirokchi — Xaydarova Gavhar
6-ishtirokchi — Ne’matova Madina
7-ishtirokchi — Madiyorova Baxtiyorxon
8-ishtirokchi — Junaydullayeva Mahliyoxon
9-ishtirokchi — Turopova Nodira
10-ishtirokchi — Sobirjonova Odina
11-ishtirokchi — Muharram Muzaffar qizi
12-ishtirokchi — Bozorova Gulnoza
13-ishtirokchi — Ishtayeva Marhamatxon.

📝 Ovozlar 17-noyabr 00:00 gacha qabul qilinadi. Xolis ovozlaringizni kutib qolamiz.

Telegram | Instagram | YouTube | Facebook

#kutubxonalar_tanlovi

📒 Eng yaxshi sarmoya — ta’limga qilingan sarmoya!

📍 Toshkent shahar
📖 Sunnatovlar xonadoni

Telegram | Instagram | YouTube | Facebook