Конспект @konspektor Channel on Telegram

Конспект

@konspektor

Тарбия биз учун ё ҳаёт - ё мамот, ё нажот - ё ҳалокат, ё саодат - ё фалокат масаласидир.

Абдулла Авлоний

Реклама: @pekin8017

Конспект (Uzbek)

Конспект номли Telegram kanali ushbu platformada o'zga yangiliklar va ma'lumotlar bilan ta'minlaydi. Kanalda har kuni yangi maqolalar, darslar, va foydali tavsiyalar paydo bo'ladi. Konspirativ aytishimiz kerak bo'lgan dasturlar, kitoblar, va hikoyalar bo'yicha xabarlarni ham topishingiz mumkin. Kanalda o'z o'qituvchilar tomonidan tayyorlangan original materiallar ham mavjud. Konspetkanaliga obuna bo'lib, o'z bilim va ma'lumotlarini oshirish imkoniyatiga ega bo'ling! Obuna bo'lish uchun @konspektor ga murojaat qilishingiz mumkin. Sizga yangi bilim va ma'lumotlar bilan ta'minlovchi jiddiy va foydali kanalni kuzating. Ta'minot: @pekin8017

Конспект

01 Feb, 00:22

Агар ҳали ҳам ғазабланаётган бўлсанг, демак ўзинг билан бўлган курашинг тамом бўлмабди.

Агар ҳали ҳам хафа бўлаётган бўлсанг, демак кўнгил уйингни ғиштлари мустаҳкам эмас.

Агар ҳали ҳам (бировларни) айблаётган бўлсанг, демак фикринг етарлича тиниқлашмабди.

Агар ҳали ҳам "мен" демоқдан воз кечолмаган бўлсанг, демак тизгининг ҳали ҳам нафсингни қўлида ва сен хали хам бу тутқунликдан чиқолмабсан.

Агар ҳали ҳам мусибатлардан ғамгин бўлаётган бўлсанг, демак яшашнинг асл моҳиятини англаб етмабсан.

Aгар ҳали ҳам шикоят қилаётган бўлсанг, демак ҳақиқатни кўролмаяпсан...

Ҳазрати Шамс Табрезий

@konspektor
10,673
Конспект

31 Jan, 08:03

Дуода гап кўп

Бир хотиннинг эри жуда кўп сафар қиларди. Шунинг учун у эри ва фарзандларининг фитнага тушиб қолишидан қўрқар эди. Бир куни эри унга:
— Ғалати ишлар бўляпти. Масалан, ҳаром нарсаларга қараш, номаҳрамлар билан гаплашиш ёки шунга ўхшаш шариат ман қилган нарсалардан мени нимадир тўсяпти, — деди. Бошқа куни катта ўғли келиб:
— Ойижон! Менга нима деб дуо қиляпсиз? Курсдошларим билан қизлар коллежига борсам, юрагим сиқилиб, қайтгим келади. Курсдошларим қизларнинг телефон рақамини беришса, ўша қизлар билан телефонда гаплашганимда юрагим шунақанги сиқиладики, гапни тугатмагунимча ёзилмайди. Ёлғиз ўзим интернетда ўтирсам ҳам, нимадир мени ҳаромга қарашдан тўсади, — деди.

Шунда она ҳар намоз кетидан қуйидаги дуони ўқишини айтди:
— Аллоҳумма, инний аставдиъука дийний ва амаанатий ва зурриятий ва завжий, ва қолбий ва қолби зурриййатий ва қолби завжий ва самъиҳим ва абсориҳим ва жамииъи жаваариҳим (Маъноси: Аллоҳим! Динимни, омонатимни, фарзандларимни, эримни, қалбимни, фарзандларимнинг қалбини, эримнинг қалбини, уларнинг қулоғини, кўзларини ва барча аъзоларини Ўзингга топширдим. Уларни барча гунох ишлардан сакла).

@konspektor
14,864
Конспект

31 Jan, 00:25

Ассалому алайкум ва роҳматуллоҳи ва барокатуҳ!

Азизлар, барчангизга Саййид-ул айём (кунлар саййиди), ҳажжул Масокин (мискинлар ҳажи) бўлмиш Жума айёми муборак бўлсин!
Аллоҳим умрингизга мазмун, ризқингизга барака, танингизга соғлик, руҳингизга осойишталик, қалбингизга хотиржамлик, оилангизга файзу баракот, барча мусулмон ахлига соғ-омонлик ато қилсин.
Аллоҳ оқибатимизни меҳрли, охиратимизни хайрли, икки дунёмизни саодатли қилсин.
Умрингизнинг  ҳар  бир  куни АЛЛОҲ МУҲАББАТИ ила ўтсин.

@konspektor
32,719
Конспект

30 Jan, 17:01

Бир куни семиз шайтон билан ориқ шайтон учрашиб қолишибди.
- Нима бунча ориқлаб кетдинг? - деб сўрабди семиз шайтон.
- Нимасини айтасан!? Мен бириктирилган инсон овқатланишидан аввал "бисмиллоҳ" дейди, оч қоламан, кийинишидан аввал "бисмиллоҳ" дейди, кийимсиз қоламан, уйига киришидан аввал "бисмиллоҳ" дейди, кўчада қоламан. Ўзинг-чи, нима бунча семириб кетдинг?
- Мен бириктирилган одам овқатланишидан аввал "бисмиллоҳ" демайди, овқатига шерик бўламан, кийинишидан аввал "бисмиллоҳ" демайди, кийимига шерик бўламан, аёли билан яқинлик қилишидан аввал "бисмиллоҳ" демайди, аёлига шерик бўламан...

@konspektor
19,983
Конспект

30 Jan, 05:13

Дўстнинг қарори

Икки бадавлат дўст бор эди. Уларнинг ўзаро меҳр-оқибатига ҳамма ҳавас қиларди. Тақдир тақозоси билан улардан бири камбағал бўлиб қолди. У шу даражада камбағаллашдики, ҳатто, сўнгги молини ҳам сотишга мажбур бўлди. Фақирлик «оловли кўйлак» деганлар. Бу бечора эса бирданига бу «кўйлак»ни кийгани учун телба бўлаёзди. Нима қилишини билмай қолди.

Ниҳоят, бой дўстига мурожаат қилишга мажбур бўлди. Унинг эшигини тақиллатди. Бой хизматкорларига: «У одамни қувиб юборинглар, даф бўлсин!» дея бақирди. Хизматчилар бечора камбағални эшикдан шундай қувдиларки, фақир довдираб, мажнун каби ақлини йўқотди, бутун дунё унга сўнгсиз азоблар берадиган зиндондай кўриниб кетди. Уйига шуурсиз, худди ўлик каби қайтди. Ўз-ўзига: «Ҳа, демак дунё шунчалик зиндон, одамлар шу қадар ваҳшийлашган экан, энг сўнгги умид ўлимдир» дея қарор қилди.

Бир қоғозга шундай васиятнома ёзди: «Оҳ, ҳаёт! Қанчалар аччиқ экансан. Уни фақат бошимга тушганда англадим. Ҳозир ҳар тарафим тақдир олови ичида ёнаяпти. Бошқа хеч кимдан умидим қолмади». Арқонни қўлига олиши билан уйнинг эшиги қаттиқ тақиллади. Эшикнинг бемаҳал тақиллаши уни ҳайратлантирди.

Бой дўсти бир қарияни чақириб унга шундай деган эди:
-Боринг! Бу ҳамёндаги олтинни олинг. Фақир бўлиб қолган дўстимга бу отасининг пули эканлигини айтиб, қўлига беринг. Вақтида қайтаролмадим деб, кечирим сўрангу, кетинг. Асло мен хақимда гaп очманг, - деди. Қария ҳозир фақирнинг эшигини шу боис тақиллатарди. Ўлишга чоғланиб турган фақир эшикни очди. Қария камоли таъзим билан салом берди ва:
- Болам! Анча йил аввал раҳматли бобонгдан минг олтин қарз олган эдим. Шуни бугун келтирдим, — деди...

Олтинни кўриб йигитнинг кўзлари ёшланди. Бошқадан умид йўқлигини билган йигит бу олтинларни режа билан сарфлади. Ҳеч кимга пулини олдирмади. Кундан-кунга иши ривожланди. Уй солиб, дўконлар очди. Жосус бу ҳолни бойга етказди. Бой дўсти: «Бўлди, энди дўстимнинг зиёратига борамиз», — деди.

Зиёрат қилгани келган дўстини фақир дўсти яхши қарши олмади. Қувиб солишни ҳам ўйлади. Бошида минг турли ёмон фикр кезди. Бой дўсти: «Биз сен билан содиқ дўстмиз» дейиши билан фақир дўсти чидай олмади:
-Ёлғон! - деди ва унга аччиқ сўзларни айтишни бошлаши билан бой дўсти:
-Билсанг, сен учун қанча изтироблар чекдим. Сенинг энг ғамли пайтингда фалон қариядан сенга пул жўнатган мен эдим. Яна фалон куни фалон соатда минг олтин юборган мен эдим, - деди.

Йигит бу сўзларни эшитиб ҳайрон бўлди:
-Нега бундай қилдинг? - деди у бой дўстига:
-Дўстим! Агар пулни мен берганимда, менга асир бўлар эдинг. Ҳолбуки сени жуда яхши кўраман. Сени ҳаётга қайтариш орзусида эдим. Аллоҳга ҳамдлар бўлсинки, бугун сени ҳаётда мустақил ва ўз ўрнингни топган ҳолда кўриб турибман, — деди.

Хулоса:
Бу қиссадан ҳисса шуки, кишига энг катта ёрдам уни мустақил яшашга тайёрламоқдир. Энг яхши сармоя ҳам шудир. Киши юксалиши учун унинг энг муқаддас ҳаққи - ўз эркини ўзида қолдириш энг яхши ёрдамдир. Кишилар мана шундай ёрдам туфайлигина улғаядилар.

@konspektor
25,896
Конспект

30 Jan, 00:20

Қиёмат куни баъзи аёлларнинг тили 70 зиро (тахминан 40 м) бўлиб осилиб юрар экан. Шунда одамлар "Бу қандай аёллар" деб сўрашганда фаришталар жавоб қилар эканки, "Тили билан эрини ранжитган аёллар".

Муҳтарама аёллар, эрларингизни рози қилмасдан ҳеч қандай Жаннатни хаёлингизга келтириб ўтирманг!

@konspektor
20,650
Конспект

29 Jan, 17:03

Аёл йўлда кетаётиб, ерга нималарнидир чизаётган бир болага кўзи тушиб:
- Ҳой бола, нима қиляпсан? - деди
- Жаннатни бўлаклаб сотяпман.

Боланинг бу жавоби аёлни хурсанд қилди.
- Менга ҳам сотасанми?
- Ҳа, сотаман.
- Неча пул туради?
- 20 лира.

Аёл болага пулни бериб, ўша куни ухлаб туш кўрибди, тушида аёл жаннатда юрганмиш.

Эртаси кун кўрган тушини эрига айтиб берибди, эри шошилганча ўша боланинг олдига бориб, худди аёли каби савол сўрабди.
- Ҳой бола, нима қиляпсан?
- Жаннатни бўлиб сотяпман.
- Менга ҳам сотасанми?
- Ҳа, сотаман.
- Неча пул туради?
- 1 000 000 лира.
- Вой, сан нималар деяпсан, кечагина аёлимга 20 лирага сотдин-ку?
- Амаки аёлингиз жаннатни олиш учун эмас, кўнглимни олиш учун 20 лира бердилар, сиз эса жаннатни олиш учун беряпсиз.

Жаннатга эришиш шунчалик осон, шунчалик қийин,  жаннат на арзон на қиммат. Жаннатни олмоқ учун эзилган, қийналган, зулм остидаги инсонларнинг кўнглини олмоқлик керак.

@konspektor
28,671
Конспект

29 Jan, 11:57

• Агар 10 йил табибларсиз қолсак, даволанишни йўқотамиз.
• Агар 10 йил муҳандис-инженерларсиз қолсак, тартиб-интизомни йўқотамиз.
• Агар 10 йил адвокатларсиз қолсак, адолатни йўқотамиз.
• Аммо 10 йил муаллимларсиз қолсак, табибларни ҳам, адвокатларни ҳам, муҳандисларни ҳам йўқотамиз.

@konspektor
40,490
Конспект

29 Jan, 08:01

Бир янги уйланган йигит тақдиридан қувониб, хотинини амакисига мақтаб қолибди. Амакиси жиянига насиҳат қилиб ўтирмай, оқшомда ўз уйига меҳмон бўлиб боришини тайинлабди.

Жияни келгач, амаки хотинига тарвуз олиб келишни буюрибди. Хотин олиб келибди. Амаки тарвузни кўриб: "Буниси яхши эмас, бошқасини олиб кел", дебди. Хотин итоат билан иккинчисини олиб келибди. Шу тарзда эрнинг хоҳишига қараб, ўн марта бошқа тарвузга қатнабди. Аммо лом-мим демабди...

Жияннинг таклифи билан эртасига амаки меҳмонга борибди. Жиян ҳам хотинига тарвуз келтиришни буюрибди. Биринчи тарвузни кўриб: "Бу яхши чиқмайди, бошқасини олиб кел", дебди. Жувон итоат билан иккинчи тарвузни олиб келибди. Жиян бундан мамнун бўлиб, амакисига "Кўрдингизми?" дегандай кулиб қарабди-да, "Бу ҳам бўлмайди, бошқасини олиб кел", дебди. Учинчи тарвузни ҳам бўлмайдига чиқариб, қайтармоқчи бўлганида жувон:
– Нима, бир арава тарвуз тушириб қўйганмисиз, ҳали унисини, ҳали бунисини олиб кел, деяверасиз. Бор-йўғи учта тарвуз бор уйда, ёқмаса, туринг-да, яхшисини ўзингиз танлаб олинг. Мен танлашни билмайман! – деб норозилигини баён қилибди.

Шунда амаки жиянига деган экан:
– Кўрдингми, жиян, сен кўпам мақтанавермагин. Менинг уйимда бир донагина тарвуз бор эди. Хотиним яхши феълли, фаросатли бўлгани учун менга эътироз билдирмай, ўша битта тарвузни ўн марта олиб келди. Лекин бирон марта итоатсизлик билан гап қайтармади, лабини ҳам бурмади.

Фаросатли аёл йўғини ҳам саришта қилади, фаросатсиз эса борини ҳам эплолмайди!

@konspektor
20,006
Конспект

29 Jan, 00:25

Саломлашишнинг етмишта  савоби бор. Шундан олтмиш тўққизтаси салом берганники, биттаси эса алик олганникидир.

Ассаламу Алайкум ва Раҳматуллоҳи ва Барокатуҳ

Кунингиз,
Умрингиз,
Йўлингиз очиқ,
Мушкулингиз осон,
Ҳожатингиз равон бўлсин.

@konspektor
49,868
Конспект

28 Jan, 17:03

Ҳолвапаз уста бир куни болаларининг олов ёқиш учун тўплаган ўтинлари орасидан тўғри ва текис бўлганларини ажратиб олаётганига кўзи тушади.

— Нимага уларни ажратиб оляпсизлар?- дея сўрайди болаларидан.
— Тўғри ва текисларини ажратяпмиз, болта, ўроқ, кетмонга даста бўлади,- дейди болалари.

Ҳолвапаз ерга чўккалаб, кўзида ёш билан самога тикилади:

— Ўтинларининг ҳам тўғриси оловда ёнишдан қутулиб қолар экан. Инсон қачон дўзах оловидан қўрқиб ўзини тўғрилайди?!..

@konspektor
27,970
Конспект

28 Jan, 08:04

Нима учун оналарнинг оёқлари оғришини биласизми?

• Аллоҳ таоло онанинг бачадонидаги суюқликни ҳаддан ташқари шўр қилиб қўйган.
• Шунинг натижасида, бачадон ичидаги ҳомила вазнсиз ҳолатда бўлади.
• У доим суюқликнинг юқори қисмида бўлади. Болага озуқа киндигидан онага боғланган ришта орқали осонгина келиб туради.
• Ҳомилага келадиган озуқа онанинг тишлари ва суякларининг эриши орқали қопланади.
• Ҳомиладор аёл тўйиб таом истеъмол қилмаса ёки кўпроқ вақт оч қолса, ҳомилага келадиган озуқа онанинг тишлари ва суякларининг эриши орқали қопланади.
• Шунинг учун аксарият аёлларнинг ёши ўтгани сайин тишлари тўкилиши, тизза ва оёқларининг оғриши кузатилади.
• Кошкийди, онасининг тиззаси ёки оёғи нима учун оғриётганини фарзанд билганида, фақат ўзини ўйлайвермасдан қандай қилиб онасини рози қилиш устида бош қотирган бўлар эди.
• Расулуллоҳ саллаллоҳу алайҳи васаллам бежиз: "Жаннат оналар оёғи остидадур" демаганлар.

@konspektor
42,699
Конспект

28 Jan, 04:04

Онадан сўрадилар:
— Қайси фарзандингизни кўпроқ яхши кўрасиз?
Шунда она жавоб берди:
— Уйга келгунича кўчадагисини, соғайиб кетгунича беморини, катта бўлгунича кичигини ва ўлгунимча ҳаммасини!

@konspektor
34,257
Конспект

28 Jan, 00:07

Бургут ва бургутча

Қари бургут жарлик устидан учиб борарди. Унинг елкасида ўғилчаси ўтирарди. Бургутча ҳали ёш бўлгани учун бу жарликдан учиб ўтолмасди. Бургутча отасининг елкасида ўтирганича деди:

– Дадажон! Ҳозир сиз мени елкангизда кўтариб учяпсиз, катта бўлганимда мен сизни елкамда кўтариб юраман.

– Йўқ, ўғлим, – деди ота бургут ғамгинлик билан. – Катта бўлганингда елкангда ўз болангни олиб юрасан...!

@konspektor
31,450
Конспект

27 Jan, 17:01

ПОРАНИНГ ЗАМОНАВИЙ СИНОНИМЛАРИ:

Туғруқхонада — “Суюнчи”
Боғчада — “Падарка”
Мактабда — “Парда пули”
Бозорда — “Патта пули”
“ГАИ”ларда — “Иштарап”
Ўқишга киришда — “Ҳўкиз”
Ишга киришда — “Йўтал”
Божхонада — “Чўтал”
Қассобларда — “Пичоқ учи”
Мухбирларда — “Қалам учи”
Машина олишда — “Шапка”
Мансаб ошишида — “Папка”
Ер беришда — “Қозиқ тортиш”
Кадастрда — “Чизиқ тортиш”
Ҳокимликда — “Ҳужжат”
Қозиларда — “Муддат”
Банкда — “Бонус”
Умумий номи — “Левый”!..

@konspektor
38,058
Конспект

27 Jan, 08:01

КИМ КИМЛИГИНИ ҚАНДАЙ БИЛАМИЗ?

Қуйидаги фактларни мулоҳаза қилинг.

Жаҳонда фоҳишалик энг кўп тарқаган давлатлар:

1. Таиланд (буддавий).
2. Дания (масиҳий).
3. Италия (масиҳий).
4. Германия (масиҳий).
5. Франция (масиҳий).
6. Норвегия (масиҳий).
7. Бельгия (масиҳий).
8. Испания (масиҳий).
9. АҚШ (масиҳий).
10. Финландия (масиҳий).

Дунёда ўғрилик жинояти авжига чиққан мамлакатлар:

1. Дания ва Финландия (масиҳий).
2. Зимбабве (масиҳий).
3. Австралия (масиҳий).
4. Канада (масиҳий).
5. Янги Зелландия (масиҳий).
6. Ҳиндистон (ҳиндукий).
7. Англия (масиҳий).
8. АҚШ (масиҳий).
9. Швеция (масиҳий).
10. Жанубий Африка (масиҳий).

Гиёҳвандлик нисбати энг юқори бўлган юртлар:

1. Молдавия (масиҳий).
2. Белоруссия (масиҳий).
3. Литва (масиҳий).
4. Россия (масиҳий).
5. Чехия (масиҳий).
6. Украина (масиҳий).
7. Андорра (масиҳий).
8. Руминия (масиҳий).
9. Сербия ( масиҳий).
10. Австралия (масиҳий).

Қотиллик жинояти юқори даражада бўлган давлатлар:

1. Гондурас (масиҳий).
2. Венесуэла (масиҳий).
3. Белиз (масиҳий).
4. Салвадор (масиҳий).
5. Гватемала (масиҳий).
6. Жанубий Африка (масиҳий).
7. Цент-Китс ва Невис (масиҳий).
8. Багама ороллари (масиҳий).
9. Лесото ( масиҳий).
10. Ямайка (масиҳий).

Дунё мамлакатлари энг хавфли мафиялар:

1. Якуза (динсиз).
2. Агбирус (масиҳий).
3. Вах Сенг (масиҳий).
4. Ямайка Бус (масиҳий).
5. Примеро (масиҳий).
6. Орион дўстлиги (масиҳий).

Шундан кейин ҳам оламда зўравонлик ва террор сабаби - ислом дейишадида, уни тасдиқлашимизни хоҳлашади.

Биринчи жаҳон урушини бошлаган ким?! Мусулмонлар эмас!

Иккинчи жаҳон уришини бошлаган ким?! Мусулмонлар эмас!

Хиросима ва Нагасакига атом бомбаси ташлаган ким?! Мусулмонлар эмас!

Австралиянинг 20 миллионлик ерли аҳолисини ўлдирган ким?! Мусулмонлар эмас!

Жанубий Америкада 100 миллион қизил танлиларни ўлдирган ким?! Мусулмонлар эмас!

Шимолий Америкада 50 миллион қизил танлини ўлдирган ким?! Мусулмонлар эмас!

Африкалик 180 миллион инсонни қул қилиб, улардан 88% ини океанга улоқтирганлар ким?! Мусулмонлар эмас!

Аввало ғайридинлар наздида террор таърифи нималигини билиб олишимиз лозим. Уларга кўра, агар мусулмон бўлмаган киши террор қилса, жиноятчи ва агар мусулмон шу ишни қилса террорчи бўлади.

Икки стандартли иккиюзламачилик сиёсатидан воз кечиш вақти келди. Ўлчовлар тўғри қўйилса террор ҳақиқати юзага чиқади. Ким террорчи ва ким унинг қурбони экани маълум бўлади.

Бу тўғридаги тушунчам ва қаноатим равшан бўлгани учун баралла ва ҳижолат бўлмай айтаман.

@konspektor
31,826
Конспект

27 Jan, 00:25

Бахтни инсонлар катта, эришиб бўлмас нарса деб ўйлашади. Аслида бахт ўз қўлларимизда!

Бизда бор нарсаларни фарқига бориб, улардан завқланишда бахт. Нега ҳамма ўзини бир қолипга солишга уринади? Нега яхши кийиниб, яхши жойларда ўқийдиганларни ҳамма бахтли деб ўйлайди?

Аслида бахт ўзимизда бор! Ёнимизда!

Бахт бу — фарзандимиз борлиги, ота-онамиз ёки суяна оладиган ёримиз, дардлаша оладиган опа-сингил, ака-укамиз борлигидир!

Булардан ҳеч бўлмаса бир донаси бор бўлса ҳам бизни бахтсизман дейишимиз бироз кулгули ҳолат.

Бахт — фарзандингни кулгусида мужассам;
Бахт — ота-онангнинг сендан рози ҳолатда дуо қилишида мужассам;
Бахт — тоғдек суяна оладиган ёрингда мужассам;
Бахт — сен хурсандлигингда сендан кўп хурсанд бўладиган, хафалигингда сендан кўп хафа бўладиган опа-сингил ака-укангда мужассам!

Шунинг учун бахтсизман дема, Аллоҳ барчага бахтни берган. Фақат сен уни фарқига бор ва бахтли яша!

@konspektor
34,733
Конспект

26 Jan, 16:32

Аксар одамларимизнинг ҳаётдаги энг асосий приоритетлари:
• уй қуриш;
• машина олиш;
• тўй қилиш;
• умрага бориш.

Аксар одамларимизнинг диний ақийдаси:
• жумага бориш;
• рамазонда рўза тутиш;
• Ҳайит намозига бориш;
• Қуръонни азиз деб билиб, баланд ва ҳеч ким тегмайдиган жойга ўраб қўйиш.

Аксар одамларимизнинг одатлари:
• бировнинг хаққини беришга мутлақо шошилмаслик;
• ёлғонни кўп ва хотиржам ҳолда гапириш;
• жанжаллашсаям, ҳазиллашсаям, телефонда ҳам, фарзандининг олдида ҳам сўкиниб гаплашиш;
• ўз уйидан бошқа исталган жойга ахлат ташлаш;
• бировлар учун ўта муҳим, лекин ўзи учун фойдасиз ишларга қиё боқмаслик;
• фарзанди билан жиддий мавзуларда гаплашмаслик;
• китоб ўқимаслик;
• телефонида асосан тралливали олди-қочди нарсалар кўриб ўтириш;
• сохтамулозамат, бошқалар учун ўзини бекамукўст ва ақлли қилиб кўрсатишга максимал даражада ҳаракат қилиш...
• ҳаётда қиладиган қарийб 70% юмушини - атрофидаги одамлар, дўсту-душман нима деб ўйлашини назарда тутган ҳолда амалга ошириш...

@konspektor
31,247
Конспект

26 Jan, 00:25

• Бир йиқилдим — пишдим, икки йиқилдим — кучлироқ бўлдим, туртилдим — хулоса чиқардим, хато қилдим — оқ-қорани ажратдим.
• Муҳими, йўлимда давом этяпман, таслим бўлмадим, ҳаёт мактабида — моҳир муаллим қўлида кунда-кунга чархланиб боряпман. Синовига шукр қилиб, дардига сабр қилиб, зарбасига қалқон бўлиб, юришдан тўхтамаяпман.
• Бир кун, албатта, кўзлаган мақсадимга эришганимда «шу кунлар ҳам бўлган эдия», дея ортимга табассум билан назар соламан.
• Унутманг, ҳамма нарса ўткинчи, ҳатто шу залворли имтихонлар ҳам. Қоқилган тақдирингизда ҳам, қаддингизни тик тутиб, манзил сари давом этинг.
• Йўл-йўлакай учрайдиган тўсиқлару гап-сўзларга парво қилманг. Биргина суянчингиз бор бу — РОББИНГИЗ. Шуни унутманг!

@konspektor
30,117
Конспект

25 Jan, 17:02

Бургут ўз фарзандларига қандай қилиб ота танлашини биласизми?

Бу жараён жудаям ҳайратланарли кечади. У дарахт ёки бирор бутадан кичик шохча синдириб олади, уни тумшуғида тутганча баландга кўтарилади ва тумшуғидаги шохча билан айлана бошлайди. Атрофида нар бургутлар йиғилиб парвоз этади. Шу пайт у тумшуғидаги шохчани тушириб юборади ва кузатади. Бургутлардан бири шохчани тутиб олиб, оҳисталик билан унга олиб келиб топширади. У эса шохчани олиб, уни яна ташлаб юборади. Бургут  яна тутиб олади, яна унга қайтаради. У эса яна ташлаб юборади... Ва бу ҳолат жуда ҳам кўп марта такрорланади. Агар нар бургут маълум муддат давомида ва бир неча марта тушириб юборилган шохчани ҳар сафар тутиб келтириб берса, бургут ўша нар бургутни танлайди ва улар бирга яшай бошлайди.

Хўш, ушбу ҳаракатларда қандай маъно яширин? Буни уларнинг кейинги ҳаётидан тушуниб оласиз...

Улар биргаликда тоғ чўққисига кўтарилади, мустаҳкам ўсимлик пояларидан ин қуради ва иккала бургут ҳам танасидан ўз тумшуғи билан патларини юлиб, инларини тўлдиради, барча тешикларни ёпиб, уяни юмшоқ ва шинам маконга айлантиради. Она бургут бу ерга тухум қўяди ва иккаласи полапон бургутчалар дунёга келишини кута бошлайди. Бургутчалар тухумдан чиққач(улар жуда кичкина, заиф ва яланғоч ҳолатда бўлади), ота-онаси уларни то бироз қувватга киргунича парваришлайди. Қанотлари билан ёмғирдан, қуёш нурларидан асрайди, уларга сув, озуқа ташийди, ва бургутчалар аста катта бўлиб боради. Уларнинг патлари ўсиб, қанотлари ва думлари бақувватлашади. Ҳали бироз кичик бўлса-да, уларни пат қоплайди. Шу пайт ота ва она бургут вақт келганини англайди...

Ота бургут уя четига қўниб олиб, инни қанотлари, тумшуғи билан уриб силкитади. Қизиқ, нима учун? Чунки, у уядан ҳамма пат ва пухни тушириб юбориши,  бошида ўзлари шох-шаббадан ясаган скелетнигина қолдириши керак. Полапонлар эса, ушбу қаттиқ, ноқулай уяда ўтиришар экан, нима бўлаётганини тушунишмайди ҳам: ахир ота-оналари уларга жуда ғамхўр ва меҳрибон эди-ку. Бу орада она бургут қаердандир кичик бир балиқчани тутиб келиб, атайин полапонларига кўриниб турадиган узоқликка қўниб олиб,  уни аста майдалаб ея бошлайди.  Полапонлар уяда туриб очлигини билдириб чуғурлай бошлайди. Ахир, илгари бундай эмасди-ку...   Ота-онаси уларга емиш берарди, сув берарди. Энди эса ҳаммаси тамом бўлди: инлари қаттиқ ва ноқулай, ота-онаси эса уларга озуқа ҳам бермаяпти.
Нима қилиш керак? Ахир оч қолишди-ку. Индан чиқишга ҳаракат қилиш керакмикин?
Шундай қилиб, полапонлар аста ҳаракатга кела бошлайди ва илгари ҳеч қачон уриниб ҳам кўрмаган ҳаракатларни бажаради. Агар ота-оналари уларни эркалатишда давом этаверишса, улар кейинроқ ҳам ҳаракат қилишга журъат қилмаган бўлармиди...

Полапонлар уяларидан судралиб чиқа бошлайди. Оҳ, мана, кичиккина полапон тушиб кетмоқда, ахир уя тоғ четида, ноқулай харсанглар орасида жойлашган-ку. Полапон аввал силлиқ харсанг узра бироз сирғалиб, кейин жарликка томон қулайди. Ва шу пайт, қачонлардир она бургут улоқтирган шохчаларни тутиб келтирган ота бургут ёрдамга шошади. У ўзини катта тезликда пастга отиб елкасига полапончасини қўндириб қайтади.

Бу ҳол бир неча марта такрорланади. Полапон ноқулай уя ва силлиқ харсангдан пастга томон қулайверади, ота бургут уни тутиб келаверади.
Бургутларнинг бирорта полапони ушбу жараёнда ҳалок бўлмас экан.

Ва, ахийри, қулашларнинг қайси биридадир полапон бургутча ҳаракат қила бошлайди. У ўз қанотларини ёйиб, шамол ёрдамида парвоз қила бошлайди. Шу тарзда бургутлар полапонларини учишга ўргатишади. Кейин эса, уларни ўзлари билан бирга олиб, озуқа топишни ўргатишади.

Бу биз учун фарзандларимизни тарбиялашимизда ажойиб ўрнакдир. Уларни иссиққина уяда эркалатиб олиб ўтирмаслик жуда ҳам муҳим! Улар ўзлари балиқ тута олиш ҳолатига етганларида ҳам, уларни балиқ билан таъминлайвермаслик нақадар зарур! Лекин, ўз кучимизни, вақтимизни, ақлимизни, билим ва кўникмаларимизни ишга солиб, ғамхўрлик билан, биз уларга учишни ўргатмоғимиз лозим! Она бургут шохчани улоқтириш орқали ўз фарзандаларига ота танлаши бежиз эмас. Ахир у фарзандлари халок бўлишини хоҳламайди

@konspektor
39,991
Конспект

25 Jan, 08:02

Бугунги аксарият мусулмонлар ҳақида аччиқ ҳақиқатлар...

— Иймони бор — ихлоси йўқ:
— Жойнамози бор — намози йўқ;
— Ҳижоби бор — ҳаёси йўқ;
— Соқоли бор — тақвоси йўқ;
— Тасбеҳи бор — зикри йўқ;
— Қуръони бор — тиловати йўқ;
— Суви бор — таҳорати йўқ;
— Таоми бор — шукри йўқ;
— Ҳаёти бор — маъноси йўқ;
— Иши бор — баракаси йўқ;
— Пули бор — ҳаловати йўқ;
— Илми бор — амали йўқ...

Бугун амал бор — ҳисоб йўқ;
Эртага ҳисоб бор — амал йўқ...

Фикр қилинг!

@konspektor
28,197
Конспект

25 Jan, 00:25

Ассалому алайкум ва роҳматуллоҳи ва барокатуҳ.

Мўжиза - қишнинг яна бир
тонги муборак булсин!

Барчамизга қиш тонгларининг софлигидек ва қорларининг оқлигидек пок ниятлар хамрох бўлсин.

Аллоҳим дуоларимизга ижобат, фарзандларимизга салоҳият, ибодатларимизга гўзаллик, ризқимизга барака берсин! Ўзи қўллаб, ишларимизни осон ва унумли қилсин!

Беморларимизга шифо, адашганларимизга ҳидоят, қалбимизга поклик берсин!

Яхшилик ва яхшилар дойим ҳамроҳингиз бўлсин!

@konspektor
21,356
Конспект

24 Jan, 17:03

Таҳорат ҳукмларида ҳам мўъжизалар бор...

Исломда беҳикмат ҳеч бир амалга тарғиб этилмайди. Ҳар бир нарса ўта мукаммал низом ва тенгсиз тафаккур билан ишлаб чиқилиб, Одам қавмига тақдим этилган.
Дақиқа нуқталаригача ўрганган саринг жуда катта сир асрорни англайсан, Ҳақнинг синоатини очаверасан...
Қуйидаги воқеани бугун сизларга илиндим:

«...бой деган биродарим бор. Ўзиям кўҳна бойлардан. Бизнинг юртимизда Америка, Европа, Россия-ю, Хитой билан ҳамкорликда тижорат қилишни шу биродарим бошлаб берган. Ниҳоятда давлатманд одам, ҳеч бир нарсага танқислик кўрмаган. Ўша биродаримнинг биттагина ўғил фарзанди бор эди. Вояга етиб, мўйлаблари сабза уриб қолган вақтда хасталаниб қолди. Йигитчанинг бошида оғриқ пайдо бўлиб, шу даражада безовталанар эдики, унча-мунча дори наф қилмас эди. Отаси шифокорман деганнинг ҳаммасига ўғлини кўрсатди. Пулдан муаммоси йўқ эди, шу сабабли дунёнинг исталган нуқтасидаги тиббий муолажаларни олдирди, бироқ фойдаси бўлмади. Таассуфлиси эса, ҳеч бир давлатда ҳеч бир шифокор аниқ ташхис қўёлмас эди. Текширув аппаратлари мияда ножўя ҳеч нарсани топиб беролмас эди. Йигитчанинг бошида нима сабабдан оғриқ туриб безовталаниши мавҳумлигича қолаверарди. Хуллас, биродаримнинг миллиардлаб йиққан бойлиги яккаю-ягона ўғлининг жонига оро кирмади. Йигитча омонатини топширди... У вафот этгач, хорижлик шифокорлар отасидан касаллик сабабини аниқлаш мақсадида бошни ёриб кўришга рухсат олишди. Амалиёт бажарилди... Касаллик сабаби аниқланди... Йигитчанинг миясига туташган бурун соҳаси йўлларида жуда шаффоф қурт бор экан. Бу қуртни, шаффоф ва рангсиз бўлганлиги учун, текширув аппаратларида аниқлашнинг иложиси бўлмаган. Амалиётни олиб борган хорижлик шифокор биродаримизга шу гапларни айтган эди:

"Ниҳоят, фарзандинга азоб берган дарднинг ечимини топдик, афсуски, жуда кеч.

Мен шифокор сифатида ОДДИЙГИНА СОВУҚ СУВДА, эшитаяпсанми, ОДДИЙГИНА СОВУҚ СУВДА ўладиган қуртни аниқлай олмай битта беморни йўқотганимдан афсусланаман.

Бироқ сен мусулмон бўла туриб фарзандингни бирор марта таҳорат олишга, таҳорат олганда бурнини ачиштириб, динингда буюрилгани каби, сув тортишга ўргатмаганинг учун мендан кўпроқ қайғуришга мажбурсан.

Агар фарзандинг бир марта таҳорат олиб, бурнини ачиштириб ювганда эди бу қуртдан халос бўларди..." - дебди.

Ҳар сафар таҳорат олганимда шу воқеа беихтиёр ёдимга келаверади.

Уч бор оғизда сувни ғарғара қилиш, қулоқларни ювиш, бошга масҳ тортишнинг ҳам ўзига яраша ҳикматлари бор.

@konspektor
33,529
Конспект

24 Jan, 11:16

БУРГУТДАН ИБРАТ

Бургутлар жуда узоқ, 70-80 йилгача яшайди. Аммо бу ёшга етиш учун 40 ёшида жудаям қийин шартни бўйнига олишига тўғри келади.

Яъни, бундай: 40 ёшда бургутнинг тирноқлари қаттиқлашиб, эгилувчанлигини(эластиклик) йўқотгани сабабли, ўлжасини тутолмайдиган бўлиб қолади. Ов қилолмайди. Тумшуғи ўсиб, кўксига қараб қайрилади. Қанотлари қарийди, оғирлашади. Патлари қалинлашиб, учиш машаққатга айланади. Бу ҳолатда бургут икки йўлдан бирини танлашга мажбур: ё ўлим ёки янгидан ҳаёт бошлаш учун азобли ва жуда оғир ўтадиган юз эллик кунлик муддат.

Бургут иккинчи йўлни танласа, тоғ тепасидан, баланд қоядан уя вазифасини ўтайдиган муносиб жой топади. Ке­йин тумшуғини қоя деворига қаттиқ-қаттиқ ура бошлайди. Ниҳоят тумшуғи узилиб тушади. Бир муддат кутгандан сўнг, ўсиб чиққан янги тумшуғи билан тирноқларини узиб ташлайди. То янги тирноқлар ўсиб чиққунча, оғир ва қалин патларини юлади. Азоб ва матонат билан ўтган беш ой бургутга яна йигирма йил, балки ундан ҳам узоқроқ ҳаёт кечиришига йўл очади. Беш ойдан кейин бургут машҳур янгидан туғилиш парвози учун қанот қоқади!..

...Баъзан инсонларга ҳам бургутлардек йўл тутиш зарур бўлади. Яъни, тақдири синиб, "хаммаси тугади"-дея тушкунликка тушган жойида, қайта тикланиш учун, уни орқага тортадиган, келажак йўлини тўсадиган ёмон хотиралар, ёмон одатлардан воз кечиши керак бўлади. Осон бўлмайди албатта, лекин бир нарса дилга умид беради – бу қийинчиликлар бургутдаги каби яна-да баланд, яна-да шавқли, зафарли парвозларга йўл очади!

@konspektor
22,929
Конспект

24 Jan, 08:02

Мени уялтирган xитойлик бола....

Кеча ўғлимни ўқишга юбормадим. Ҳаво совуқ илмидан кўра саломатлиги муҳимроқ дея , оналик ҳиссиётларим панд берди десам ҳам бўлади. Ишга келиб интернетдан бир ҳикояни ўқиб қолдим. Ишонинг куни билан ўзимдан, фитратимдан хафа бўлдим. Бугунги куннинг энг долзарб мавзусига мос ушбу ҳаётий воқеани сизлар билан ҳам бўлишгим келди...
9 даража совуқда 4,8 километр йўлни пиёда босиб ўтган 8 ёшли мактаб ўқувчисининг интернетни «портлатган» ҳикояси...
Хитойнинг мактаб ўқитувчиси интернетга жойлаган ўқувчининг сурати нафақат интернетни балки менинг виждонимни ҳам портлатди десам тўғри бўларди..✨✨
Хитойлик Ванг Фуман исмли болакай жуда камбағал оиладан ва у ўқишни қашшоқликдан қутулишнинг ягона йўли деб ҳисоблайди. У ҳар куни мактабга деярли 5 километр пиёда боради. Маълум бўлишича, ўша куни эрталаб ҳаво ҳарорати 30 дақиқа ичида 9 даражага тушиб кетган, аммо бола бош кийимсиз ва енгил куртка кийган ҳолда 4,8 километр пиёда юриб борган. Шу куни унинг мактабида имтиҳон бўлиши керак бўлган. Бола имтиҳонга улгуриб 100дан 99 баллни қўлга киритган. Вангнинг ўқитувчиси музлаб имтиҳонга улгуриб, қаҳрамонлик кўрсатган ўқувчисини шу ҳолида суратга олиб ўзининг ижтимоий тармоқдаги саҳифасига жойлайди. Ва ушбу сурат интернет фойдаланувчиларини боланинг тақдирига бефарқ қолдирмади, улар бир неча кун ичида 3 миллион юань (450 минг АҚШ доллар) ортиқ пул йиғишди. Йиғилган пул мактабларни иситиш, бола яшайдиган Юванг провинциясининг камбағал болалари учун иситиш мосламалари ва иссиқ кийим-кечак сотиб олишга етди. Вангнинг мактабига эса лаборатория, компьютер синфлари билан жиҳозлаб берилган. Ушбу маблағлар эвазига мактаб ёнидан узоқдан қатнайдиган Ванг сингари болалар учун иссиқ ётоқхона қуриб берилди. Мактабнинг маблағи кам бўлгани учун Хитойнинг чекка провинцияларидаги мактабларида ҳам иситишга шароит йўқ, шу сабабдан синфлар иситилмайди, болалар устки кийимда дарсда ўтиришади. Ванг Фуман эса бувиси ва синглиси билан жуда ёмон аҳволда яшайди. Унинг ҳатто иссиқ кийимга маблағи етарли эмас. Боз устига бола сурункали гипотермиядан азият чекар экан – бу доимий совуқдан келиб чиққан иссиқлик етишмовчилиги. Бундан унинг қўллари шишиб, бармоқлари итоат қилмайди. Машҳур бўлиб кетган боладан олинган интервьюда Ванг камбағал болаларни совуқдан қутқариш учун пул йиғишга ёрдам берган барчага миннатдорчилик билдирди ва улғайгач, ҳамманинг ҳақини қайтаришга ваъда берди.

Биласизми гоҳида, ҳозирги авлод ёшлари жуда иродасиз, қийинчиликларга биз каби, дош беролмайди дея кўп гапирамиз, фарзандларимизга тез-тез танбеҳ берамиз . Балки, ўзимиз болаларимизни ҳаддан ташқари аяганимиз сабабли, улар шу даражада тушиб қолмоқда. Мен ёшлик пайтимни эсладим ва бирон марта ҳаво совуқ бўлганлиги сабабли ота –онам мени мактабдан олиб қолишганлигини эсла олмайман. Бугун, маҳалламизда кўпчилик болалар ҳаво совуқ дея мактабга боришмади. Агарда, ҳар бир она, мен каби боласини меъёридан ошиқ авайласа, уларни ҳаётда дуч келиши мумкин бўлган ҳолатлардан ҳимоя қилса, эртага бизнинг келажагимиз иродасиз ва ҳаётий зарбаларга тез таслим бўлиб улғаядиган ожиз фарзандлар қўлида қолмайдими....
Аслида, биз оналар болаларимизга сен ва мен кўраётган ҳаётимиздаги бу ҳолатлардан чиқишнинг ягона йўли бу илм олиш, дея уқтиришимиз уларни кўпроқ илм олишга чорлаганимиз манфаатлироқдир…

Зебо Намозова

@konspektor
51,549
Конспект

24 Jan, 00:25

Қуръон рақамларда

• 30 пора;
• 114 сура;
• 6236 оят;
• 77.439 сўз;
• 323.015 ҳарф;
• 4 марта Муҳаммад;
• 136 марта Мусо исми;
• 25 марта Исо исми;
• 43 марта Нуҳ исми;
• 145 марта Ҳаёт ва ўлим сўзи;
• 4 марта Иссиқ ва совуқ;
• 24 марта Эркак ва аёл;
• 77 марта Жаннат ва дўзах;
• 115 марта Дунё ва охират;
• 25 марта Иймон ва Куфр;
• 88 марта Фаришталар ва шайтон;
• 34 марта Сажда сўзи;
• Қуръон: 22 йил 02 ой 22 кунда нозил бўлди;
• Энг катта сура Бақара 286 оят;
• Энг кичик сура Кавсар сураси 3 оятдан иборат.

@konspektor
6,110
Конспект

23 Jan, 17:05

Султон Сулаймон вафотидан олдин уч нарсани васият қилган экан:

1. Тобутини давлатининг энг зўр табиблари қабрга кўтариб боришини;

2. Бор бойликлари - жавоҳиру олтинларини қабргача борадиган йўлга сочиб қўйишларини;

3. Тобутидан икки қўлини чиқариб қўйишларини.

Сарой пешволари ҳайрон бўлиб, буни сабабини сўрашибди.


Султон Сулаймон қуйидаги жавобни берган экан:

1- Замонанинг энг зўр табиблари тобутимни кўтаришсин, одамлар кўришсин, энг зўр табиб ҳам Аллоҳдан келган ажал олдида ожиздирлар, ўлим ҳақ.

2-Бор бойликларимни йўлга сочиб қўйинглар, одамлар кўришсин, инсон ҳар қанча мол-дунё йиғиб ҳам, уни охиратига олиб кетолмайди.

3-Қўлларимни тобутдан чиқариб қўйинглар, одамлар кўришсин, қандай катта давлат султони бўлиб, қандай катта бойликларга эга бўлиб, саройларда яшаган бўлсамда, қабрга қуруқ қўл билан кетаяпман.

Бу дунёда фақат яхшилик қолади. Яхшилик қилишдан хеч қачон чарчаманг.

@konspektor
12,919
Конспект

23 Jan, 08:03

Аллоҳ 3 нарсани 3 нарса ичига яшириб қўйди.

1. У ўз ғазабини гуноҳ ичига яшириб қўйди ва қайси гуноҳлигини айтмади, биз кичкина санаган гуноҳ ичида эҳтимол Аллоҳнинг ғазаби бор, эҳтиёт бўлайлик;
2. У ўз раҳматини савоб ичига яшириб қўйди ва қайси савобдалигини айтмади, кичкинами каттами савоб ишларни қилайлик, Аллоҳнинг раҳматини топамиз, Иншаоллоҳ;
3. У ўз дўстларини бандалари ичига яшириб қўйди ва кимлар ичидалигини айтмади. Биз ҳақир санаган, ижирғанган одам Аллоҳнинг дўстидур, эҳтиёт бўлайлик.

@konspektor
17,687
Конспект

23 Jan, 00:25

Барча ҳис-туйғулар бир оролга дам олиш учун отланишибди. Ҳис-туйғулар яхши дам олишаркан, оролда кутилмаган хабар тарқалди: тўфон яқинлашаётган эмиш ва барчага оролни тарк этиш тавсия қилинибди. Бу қўққис хабар барчани шошириб қуйиб, ҳамма қайикларга шошилибди. Ҳатто, шикастланган қайиклар ҳам тузатилиб ишга солинибди.
Фақат Меҳр кетишни истамасмиш. Унинг ҳали қиладиган ишлари бор экан. Осмонда қора булутлар суза бошлагач, у ҳам кетиши кераклигини тушуниб етибди. Бахтга қарши, қайиқларда бўш жой йўқ эди. Меҳр атрофга илинж билан аланглабди. Шу пайт Бойлик қайиқда ўтиб қолибди.
- Мени қайиғингизга олинг, Бойлик, - деб илтимос қилибди Меҳр.
- Йўқ, - дея жавоб берибди Бойлик, - қайиғим кимматбаҳо нарсалар - олтин ва кумушга тўла. Сенга жой йўқ.

Бироздан кейин Манманлик ўтибди. Meҳp унга:
- Менга ёрдам бер, Манманлик! Бир ўзим қолиб кетдим, мени ўзинг билан олиб кет,  - деб қичқирибди.
- Йуқ, ололмайман. Қайиғим ифлос оёқларинг туфайли булғанишини истамайман! - деб жавоб қилибди Манманлик.

Сўнг Афсус ўтибди. Меҳр ундан ҳам мадад сўрабди. Лекин ижобий жавоб олмабди:
- Ололмайман. Мен хафаман. Якка ўзим қолишни ҳоҳлайман.

Кейин Қувонч ўтибди. Меҳр яна ёрдам сўраб мурожаат қилибди. Бироқ Қувонч шу қадар хурсанд эканки, атрофга қараб, бировларнинг ғамини еёлмас экан.

Меҳр тобора ҳолдан тойиб, умидсизланиб борарди. Шу он биров уни чақирибди:
- Кел, Меҳр, мен сени олиб кетаман.

Меҳр ким бу қадар олижаноблик қилганига ҳайрон бўлиб, қайиққа сакраб чиқиб олибди ва кўнгли хотиржам тортибди.
Қайиқда ўтиргач, Меҳрнинг кўзи Илмга тушибди. У ҳайратини яширолмай, қизиқиб сўрабди:
- Ҳеч ким мени қайиғига олишни истамаётган пайтда ким мени мардлик қилиб олиб кетишга рози бўлди, Илм?
- Уми? Вақт эди, - деб жилмайганча жавоб берибди Илм.
- Нега Вақт мени қайиғига олиб, хавфсизлигимни таъминлади?
- Чунки фақат Вақтгина сенинг буюклигинг ва нималарга қодирлигингни билади. Фақат Меҳр хотиржамлик ва кувонч олиб келади, - деб табассум билан жавоб қилибди Илм.

Ҳа, фаровонликда меҳрни писанд қилмаймиз. Обрўимиз борида ҳам меҳр ҳақида унутамиз. Ҳатто, қувонч ва ғамда ҳам меҳр ёдимиздан кўтарилади. Фақат вақт ўтиши билангина меҳрнинг муҳимлигини англаб етамиз.
Шундай экан нимани кутяпмиз? Келинг, меҳрни ҳаётимизнинг бир парчасига айлантирайлик!

@konspektor
18,225
Конспект

22 Jan, 17:02

ЎҒИЛ ФАРЗАНДЛАРГА

Кимнинг ўғил фарзанди бўлса, мен бу дунёдан ўтиб кетганимдан кейин, опа-сингилларингдан доим ҳабар олиб тургин деб айтаверинг, айтаверинг, умрингиз тугагунча айтинг.

Чунки қиёматда эркаклар опа-сингилларидан ҳабар олмагани учун сўроқ бўлар экан. Ота-онадан кейин опа-сингиллардан ҳабар олиш ака-укаларнинг зиммасида экан.

Ривоятларда шундай дейилади: Бир солиҳ киши биродарлари билан қабристоннинг олдидан ўтиб кетаётиб бир қабрга дарахтнинг новдасини қўйдилар.
Шу қабрдаги одам қабрда азобланябди, шу новда сўлигунча азоби енгиллаб туради дедилар.

Одамлар бу одам қандай гуноҳ қилган деб у кишидан сўрасалар:
— Бу йигитнинг бутун танаси ёнябди фақатгина ўнг қўли ёнмаябди дейишди.

Сабаби у опа-сингилларидан ҳабар олмаган. Бир куни бир дўсти билан кетаётиб шу кўчада менинг опам яшайди деб, ўнг қўли билан кўрсатгани учун ўнг қўли ёнмаябди. Шунчаки кўрсатиб қўйгани учун Аллоҳ ўнг қўлини азобдан қутқарди. Икки дона нон олиб бориб кўрганда бутун танаси азобдан қутилган бўларди дедилар.

Буни кўпчилик билмайди шунинг учун буни билмаганларга тарқатинг, жигарларимизни охират азобидан ўзинг асра эй меҳрибон Яратган эгам!!!

@konspektor
19,722
Конспект

22 Jan, 08:03

Бир йигит донишманднинг олдига келиб, салом аликдан сўнг:
- Тақсир, ҳаққимга дуо қилсангиз, мен ҳам бадавлат бўлиб кетсам ва кўп кўп эҳсонлар қилсам”, деди. У зот:
- Ўғлим, бой бўлсангиз ўзгариб қолишингиз ҳам мумкин, ана кўринг, минг-минглаб бойлар бор, лекин кўпчилиги эҳсон қилишдан қочади. Сиз бой бўлмасингиздан туриб ҳам эҳсон қилаверинг”, - деб айтди.
- Менинг ҳеч нарсам йўқ-ку, қандай эҳсон қиламан?
- Тўрт мучангиз бутун ва бешта аъзоингиз – кўз, оғиз, қулоқ, қўл, оёқларингиз соғлом, шулар билан эҳсон қиласиз”.
- Илтимос, кенгроқ тушунтириб беринг. Кўзим билан қандай эҳсон қиламан?
- Одамларга меҳр назари билан қаранг, ҳеч кимга ҳасад билан қараб “бу одам бунча бойликни қаердан олди, у нима иш қилар экан, бойлигини менга берса эди”, деган ўйларга борманг. Аёлларга шафқат назари билан қаранг, шаҳват билан эмас. Чунки биринчидан, у сизга номаҳрам, иккинчидан, ҳар бир аёл ё кимнингдир қизи ёки кимнингдир хотини бўлади. Одамларга қўлингиздан келганча меҳр кўрсатингки, токи улар ҳам сизга меҳр билан жавоб қайтаришсин. Қуёшни кўрмайсизми, ҳаммага бирдек кулиб қарайди, шу сабабли уни ҳамма яхши кўради”.
- Оғзим билан қандай эҳсон қиламан?
- Оғзингизни фақат яхши, хайрли сўзлар айтишга хизмат қилдиринг. Ёлғон, бўҳтон, сўкиш сўзларини айтишдан узоқ бўлинг. Бировларни сохта такаллуф ва мақтовлар билан ўзингизга оғдиришга уринманг.
-Қулоғим билан қандай эҳсон қиламан?
-Қулоғингизни ёмон сўзлар, ёмон суҳбатларга тутманг; ғийбат бўлаётган жойдан қочинг, агар кучингиз етса, ўша ғийбатни тўхтатинг ёки ғийбат қилинаётган инсонни ҳимоя қилинг, бу сиз учун фойдали бўлади; ногоҳ бирор ножоиз суҳбатга йўлиқиб қолсангиз, ўзингизни эшитмаганга олиб, ўша жойдан узоқлашинг ва бу суҳбатни ҳеч ерда ошкор қилманг.
- Қўлим билан қандай эҳсон қиламан?
- Қўлингиз билан солиҳ амаллар бажарасиз; имконингиз борича одамларга ёрдам қиласиз; бирор жойда ёмон ишни кўриб қолсангиз, қўлингиз билан тўхтатинг, шунда ўша ёмонлик қилмоқчи бўлганларга Аллоҳ йўлида яхшилик қилган бўласиз.
— Оёғим билан қандай эҳсон қиламан?
- Гуноҳ иш бўлаётган, бирор фитна уюштирилаётган жойларга қадам босмайсиз, яхши иш бўлаётган жойларга, ишларга қараб юрасиз. Шундан кейин донишманд йигитнинг ҳақига дуойи хайр қилибди. Йигит эса хурсанд бўлиб:
- Сизга катта раҳмат! Менда шундай кенг имкониятлар борлигига эътибор бермас эканман, албатта, айтганларингизни қиламан дебди. Донишманд эса:
“ - Болам, ҳимматингизни баланд тутсангиз Раззоқ Эгам қўлингизга давлат берганини билмай ҳам қоласиз”, - дея йигитни узоқ дуо қилибди. Йигит рахмат айтиб, дилига юксак ниятлар тугиб, донишманднинг ҳузуридан чиқибди.

@konspektor
21,709
Конспект

22 Jan, 00:25

• Ҳаром — ҳаромдир! Маданиятга айланса ҳам.
• Ҳалол — ҳалолдир! Масхара қилинса ҳам.
• Фарз — фарздир! Ишингиз тўғри келмаса ҳам.
• Хато — хатодир! Ҳамма қилаётган бўлса ҳам.
• Тўғри — тўғридир! Ҳеч ким қилмаса ҳам.

@konspektor
25,317
Конспект

21 Jan, 17:02

ОЛТИН  СЎЗЛАР

🍀 Дунё катта бир мактабдир. Унда ҳар қанча чўққига эришмагин, ўлим шаҳодатини олишинг муқаррар. Шундай экан кибрланмасдан одобли ва ахлоқли инсон бўлиб яшагин.

🍀 Ёстиқ бой ва фақирнинг, катта ва кичикнинг, шаҳзода ва қўриқчиларнинг бошини кўтаради. Лекин унда фақатгина виждони хотиржамлар сокин уйқуга кета оладилар...

🍀 Ҳар бир кунингизни  гўзал ўтказишингиз, сиз учун одатий хол бўлиб қолсин. Самимий, одобли, меҳрибон, саҳий, очиқ кўнгил бўлинг. Чунки соҳиби кетганда, ундан муҳр - хотира қолади...

🍀 Сенга биров "Сени ҳурмат қиламан" деса ишонмагин. Сухандонлар ҳам ҳеч кимни танимай, кўрмай туриб "ҳурматли томошабинлар" деб айтишади )))

🍀 Ҳозирги замонда "қаҳрамон" деб қиличи бор инсонни эмас, балки виждони бор инсонни ҳақиқий "қаҳрамон" деса ярашади.

🍀 Баъзи инсонлар ҳаётимизда ҳудди сониялардек, баъзилари эса ҳудди дақиқалардек, яна бошқалари эса ҳудди бир умрдек гап. Уларни фақат ўлимгина  хотираларимиздан ўчира олади...

🍀 Кўринишинг билан фахрланма. Чунки уни сен яратмагансан. Насабинг билан ҳам фахрланма. Чунки уни сен танламагансан. Лекин ахлоқинг билан фахрлан. Чунки унга зийнатни "СЕН" бергансан...

🍀 Биров сенга ахлоқсиз гаплари билан қўполлик қилса, ғазабланма. Балки жилмай. Чунки у ўзининг феъл атворини сенга намоён этибди. 

🍀 Бахт бу - биз эга бўлмаган нарсага эришишимиз эмас, балки биз эга бўлган нарсамизнинг қийматини билишимиз, тшуниб етишимиз БАХТдир.

«Ҳикматлар саодатга етаклар » китобидан

@konspektor
24,719
Конспект

21 Jan, 14:33

Уйғонмаган қанча билмайди ҳеч ким...

@konspektor
24,954
Конспект

21 Jan, 14:03

Илм олиш сирлари

1. Қибла томонга қараб дарс қилинг. Қибла томонга қараб дарс қилсангиз, олган билимингиз зиёда ва баракали бўлади.
2. Мақсад қўйинг. Дарс қилишга ёки китоб ўқишга ўтирганингизда ўз олдингизга мақсад қўйинг. Уни якунламагунча ўрнингиздан турманг.
3. Чалғитувчи омилларни чекланг. Дарсни ҳеч ким сизни чалғитмайдиган жойда қилинг. Телефонингизни ўчириб қўйинг ва бор диққатингизни илм олишга қаратинг.
4. Ўтирган холда дарс қилинг. Ҳеч қачон ётган холатингизда китоб ўқиманг, дарс қилманг. Чунки ухлаб қолиш эхтимолингиз жуда юқори.
5. @raimbaev_elmurod блогига обуна бўлинг. Бу блог сизнинг илм олишга бўлган меҳрингизни янада оширади. Илм олишдаги қийинчиликларни енгиб ўтишга ёрдам беради.

Обуна бўлинг 👉🏻 @raimbaev_elmurod
12,489
Конспект

21 Jan, 08:03

Раҳматли бувимнинг дугоналари бўларди. Фарзандлари вафот этиб кетганми ё бола кўрмаганмиди, эсимда йўқ, кунда-кунора бизникига келардилар. Бир куни ўша аёл бизни мақтаб қолдилар:
- Ўртоқ, невараларингга кўз тегмасин, бир-биридан ақлли, бир-биридан доно-я! Қандоғам бахтли экансан!

Мен ғурурланиб бувимга қарадим. Ичимда: "Хозир бувимам бизни мақтайдилар, айниқса мени!" деб маҳтал турибман. Лекин бувим...
- Э, қўй, мақтама буларни! Бола-чақанинг фитна эканини билмайсан-да! Сен шукрингни кўпайтир. Бу неваралар бор бўлсин-у, лекин... - у ёғига аллақанча менга ёқмаган гапларни айтдилар. Болалигимга бориб, бувимдан хафа бўлдим. Кечгача тўрсайиб юрдим. Кечки пайт бувим мени ёнларига чақирдилар.
- Бояги гапларимга хафа бўлдинг-а? - дедилар. Мен баттар тумшайдим.
- Ҳали ақлинг тўлишмаган-да, қизим, шунга хафа бўлдинг. Қулоғингда бўлсин, улғайиб, фарзанд кўрсанг, фарзанди йўқ аёлларнинг олдида болаларинг билан зинҳор мақтанма! Уйи йўқнинг олдида уйингни мақтама! Пули йўқ, ночорнинг олдида тўкинлигинг билан мақтанма! Пиёда қолганларнинг олдида уловингни мақтама! Айб бўлади!
- Нимаси айб бўлади?
- Унинг ношукрлиги кўпаяди, ичида ҳасад уйғониши мумкин, ўксиши мумкин, бир дардига ўн дард қўшилиши мумкин... Буларга сабаб бўлиб қолмаслик керак. Бировнинг ўкинчдан бўйни букилишига сабабчи бўлиш айб... йўқ, гуноҳ бўлади, қизим...

Бу ўгитлар ҳаётимда шунчалар кўп асқотдики... Сизларга ҳам илиндим мана.

© Дилфуза Комил

@konspektor
18,389
Конспект

21 Jan, 02:39

Замон тез, фурсат оз, Ҳар лаҳза зиқдир,
Ҳар лаҳза зиқлиги билан қизиқдир.
Ҳаёт йўли надир? Қабр тошида
Икки сана аро қисқа чизиқдир.

© Эркин Воҳидов

@konspektor
20,527
Конспект

21 Jan, 00:10

ВАТАН.

Ҳақиқий ватанпарварлик жарангдор ваъзларда эмас, ичи бўш даъволарда эмас, аксинча бизга ҳар куни рўбарў келадиган ва бизнинг ватанга бўлган севгимизни синов остига қўядиган кичкина ишларда кўринади.
Масалан, сен деразангдан ташқарига улоқтирадиган ахлат ватаннинг биқинига санчилган пичоқдир!
Сендан икки сония вақт олмайдиган, сен имзо қўйишинг лозим бўлган қоғозларнинг ойлаб офисингда тўпланиб туриши ватан биқинига санчилган пичоқдир!
Ташқарида сени кутиб турган кишилар навбати турнақатор бўлсада сен компютер ўйнаб ўтиришинг ватан биқинига санчилган пичоқдир!
Оммавий ҳожатхоналар уйингдагидек тоза турмаслиги ватан биқинига санчилган пичоқдир!
Давлат ишига кеч келиб барвақт кетсанг ватанпарварлик ҳақида гапирма!
Мактабларда фарзандларимизга яхши дарс бермасдан, соатим ўтса бўлди деяпсанми, ватан ҳақида оғиз кўпиртирма!
Тўловларни, солиқларни тўлашдан қочаяпсанми ватанпарварликдан гапирма!
Бир идорага ишламангда номингни ўтказиб қўйиб иш стажига эга бўлаяпсанми, ватанпарварлик ҳақида лоф сотма!
Халқнинг бошига иш тушганида ўзи арзон бўлган дори-дармонни, озиқ-овқатни қиммат сотаяпсанми, ватанпарварлик ҳақида гапирма!

Ватанни ҳимоя қилиш фақат армиянинг вазифаси эмас. Сайлгоҳлардаги скамейкаларни Исроил келиб бузиб кетмайди. Мактаб, мадраса ва олийгоҳлардаги столни яҳудийлар келиб синдиришмаяпти. Ошхонамиздаги ахлат халтасини Нетаньяҳу келиб кўчанинг ўртасига улоқтирмаяпти. Ҳар куни янгиликларда эшитаётганимиз бюджетдаги пулларни, халқ мулкини яҳудийлар ўғирлашмаяпти. Буларнинг барчасини биз ўзимиз қилаяпмиз. Биз аслида ватанга нисбатан душманимиздан ҳам йиртқичроқмиз агар билсанг!

Абдулқодир Полвонов

@konspektor
20,256
Конспект

20 Jan, 17:01

Бир олимдан "Бу юрт қачон юрт бўлади?" деб сўрашганда, "Жума намозига келган жамоат бомдод намозига ҳам келса..." деб жавоб берган экан...

@konspektor
17,708
Конспект

20 Jan, 08:05

ИҚРОРНОМА

​Бир аёл турмуш қурганидан 17 йил ўтиб, қуйидаги гапларни айтиб қолдирмоқда;
"Ишончим комил, эркаклар Аллоҳ яратганларининг ичида энг чиройли яратилгани экан.
- У қўлида борини опа-синглиси, қизи, онаси, аёли, набиралари учун сарфлаб юбораверар экан.
- Ўзини навқирон йигитлигини, соғлигини аёли ва болалари учун қурбон қилар экан. Ҳар куни меҳнат, гоҳида жуда кечга қолиб ишлайди-ю, шикоят хам қилмас экан.
- Эркак, гарчи тирикчилик ишлари билан машғул бўлса ҳам, болаларининг келажагини қуриш учун тинмай меҳнат қилар экан, тиришар экан. Оиласини мустаҳкамлашга уринар экан. Шундай бўлса-да, турли-туман маломатларга қолар эканлар.
- У ишида хўжайинидан ёқимсиз гапларни эшитиб келиб, гоҳида ота-онасидан, гоҳида аёлидан даккилар хам эшитар экан. Шунда хам ислоҳ этишга уринар экан.
- Агар, ўзини чалғитиш учун айлангани чиқиб кетса, маъсулиятсиз эр. Уйда қолса, дангаса ва ялқов!
- Фарзандларини тарбиялаш учун қаттиқ текса уларга, миннатчи ёки, вахший. Агар бироз эркин қўйса, болаларининг тарбиясига бепарво.
- Аёлини ишлашдан қайтарса, оилада диктатор. Ишлашига рухсат берса, текинхўр. Шундай бўлса хам, болаларини ўзидан яхшироқ бўлишига умид билан, тинмай шикоятсиз меҳнат қилар экан.
Болалари учун дунёдаги энг зўр мукофотларни олиб беролмаса ҳам, ўзи қодир бўлган энг яхши совғаларни ҳадя этар экан.
Она 9 ой фарзандини кўтариб юрса, ота бир умр уни маъсулиятини кўтариб ўтар экан. Билдимки, агар, уйнинг эркаги саломат бўлса, дунё саломат қолар экан.

Ҳар бир ота ва ҳар бир эрни ҳурматини жойига қўйинглар азиз аёллар. Сизлар учун қанча қурбонликлар қилганини билмайсизлар."

Арабчадан таржима қилинди.

@konspektor
32,254
Конспект

20 Jan, 00:10

Қачон йўлда чумолини кўрсанг уни босмагин. Бу билан Аллоҳнинг розилигини истагин. Шоят, Аллоҳ таоло чумолига раҳм қилганинг сабабли сенга ҳам раҳм
қилса!

Чумоли ҳам Аллоҳга тасбеҳ айтишини эслагин. Уни ўлдириш билан шу тасбеҳни тўхтаб қолишига сабабчи бўлма!

Қачон сув ичаётган қуш олдидан ўтиб қолсанг, уни чўчитиб учириб юборма ва бу билан Аллоҳнинг розилигини истагин. Шоят, Аллоҳ таоло қалблар бўғизга тиқилиб қоладиган Қиёмат кунида шу амалинг сабабли сенга омонлик берса!

Қачон чуқурга тушиб, ноилож қолган мушукни кўрсанг, уни чиқариб қўй ва бу билан Аллоҳнинг розилигини истагин. Шоят, Аллоҳ таоло шу амалинг сабабли сени ёмон ҳолатда ўлишдан асраса!

Қачон дастурхонни қоқар экансан ушоқларни ҳашоратлар ейишини ният қилгин ва бу билан Аллоҳнинг розилигини истагин.

Қачон ерни қор қопласа ховлинга оч қолган қушлар учун дон дун сепиб қўй ва бу билан Аллоҳнинг розилигини истагин. Шоят, Аллоҳ таоло шу амалинг сабабли сенга ўйламаган тарфингдан ризқ етказса!

Ҳатто, ушбу калималарни бошқаларга тарқатишда яхшиликни етказиш ниятида бўлгин! Шоят, Аллоҳ таоло шу ниятинг сабабли сени дунё ва охират ташвишларидан озод қилса!

Ҳар қандай яхшиликни кичик санамасдан қилавер. Билмайсанки, Жаннатга киришингга қайси яхшилик сабаб бўлади...

©️ Шайх Солиҳ Мағомисий

@konspektor
43,846
Конспект

19 Jan, 17:03

УСТУН

Сочимни олдириб келдим. Тап-тақир бошимга разм солиб отам хўрсинди.
– Кетяпман, дегин.
– Кетяпман, ота.
– Қаергалиги маълум бўлдими?
– Маълум. Афғонга дейишяпти. Яна... ким билсин?
– Совуқ хабарнинг ёлғони бўлмайди. Демак, урушга кетяпсан...
Отам бошини сарак-сарак қилди. Оғир уҳ тортди – ўпка-жигари узилиб кетгандай иҳради: «Ҳой бола-я, ҳой бола...» Ичидан бир иҳроқ отилиб чиқди. Устунга суяниб, менга тош қотиб термилиб турдида:
– Отамни уруш ўлдирганини биласан-а, – деди ниҳоят. – Уч ёшимда етим қолдим. Отам мени етим қилди. Лекин, лекин сен мени етим қилма, болам... - дея отам ўпкаси тўлиб ўкириб йиғлаб юборди...
Оёқ-қўлим бўшашиб, силлам қуриб супага ўтириб қолдим...
Назаримда, шу устун бўлмаганда отам қулаб тушарди. Ўша пайт шу устун отамнинг бошидаги осмонни ҳам суяб турарди гўё...
Мен урушга кетдим. Ўт-олов ичида саргардон кезларимда қулоқларим остида ўша ялинч жаранглаб турди: «...Сен мени етим қилма, болам!..» Госпиталда тиғ остида ётганимда ўша илтижо жаранглади: «Сен мени етим қилма, болам...»
Даҳшатли жанглар олдидан Парвардигорга ялиндим: «Эй, худо, ўзинг асра, мен ўлмайин, отам етим қолмасин...»
Мен қайтдим. Мен бир урушни кўрдим. Отам икки урушни – мен ва отаси туфайли икки урушни кўрди. Тўғри, урушнинг катта-кичиги бўлмайди. Фақат бир нарса таскин беради: «Менинг урушим» отамни етим қилмади.
Худога шукр, отажоним ҳаёт! Умри узоқ бўлсин, саксон ёшга қараб кетди. Ҳовлимиз ўртасида ўша устун ҳали ҳам турибди. Яқинда мен уйимизни тамирладим. Устун атрофини тўртбурчак қилиб одам бели баробарида мармар девор билан ўрадим. Чунки устунни ағдариб ташлашга журъатим етмади... У устун оғир кунда отамни суяган эди... Мен отамга устун бўлолмаган кез шу устун отамга суянч бўлган эди...

@konspektor
17,012
Конспект

19 Jan, 14:57

Мўминларга шайтондан ҳимояланиш учун учта қўрғон бор:
1. Масжид;
2. Аллоҳни зикр этиш;
3. Қурьон ўқиш.

Бугун биз буларнинг баридан йироқ бўлганлигимиз учун шайтонга таслим бўляпмиз!

@konspektor
15,660
Конспект

19 Jan, 08:01

ДУО ва ҚАРҒИШ...

Бир сўз бор, ким қандай тушунар билмам,
Ёмонлик кўрганлар, оҳиста айтсин...
Кимгадир бу жумла, қилар кўп алам,
Биздан қайтмагани, ҳудодан қайтсин...

Мушкулимиз осон қилган яхшилар,
Бизнинг қадримизни билган яхшилар,
Кўнглига яхшилик илган яхшилар,
Биздан қайтмагани, ҳудодан қайтсин...

Севгимиз назарга илмаган гўзал,
Ҳаттоки қадримиз билмаган гўзал,
Ошиққа илтифот қилмаган гўзал,
Биздан қайтмагани, ҳудодан қайтсин...

Сўрасам ёрдамин аямаган дўст,
Кибр сўқмоғига йўламаган дўст,
Заррача ёмонлик тиламаган дўст,
Биздан қайтмагани, ҳудодан қайтсин...

Иғво фитналарга ташлаб кетганлар,
Йўлимиз азобга бошлаб кетганлар,
Маҳзун кўзимизни ёшлаб кетганлар,
Биздан қайтмагани, ҳудодан қайтсин...

Чиройли дуоми ёки бир қарғиш,
Ким қандай тушунар ўзи учун иш,
Дўстларим, душманим, бегона, таниш,
Биздан қайтмагани, ҳудодан қайтсин...

Зоҳид Зиё

@konspektor
19,000
Конспект

19 Jan, 05:08

• Олдинги додаларимиз оғир эдилар!
• Ҳозиргилари енгил!

• Олдинги бувиларимиз қўлларига хина қўйишга ҳам ҳаё қилар эдилар!
• Ҳозиргиларнинг лаки бор!

• Олдинги эркакларимиз аёлларига бош эдилар!
• Хозир аёллари уларга бошлар!

• Олдинги аёлларимиз маънили эдилар!
• Ҳозир беъманилари кўп!

• Олдинги ёшлар бошларини эгиб, эшитар эдилар!
• Ҳозир катталарни бошларини эгмоқдалар!

• Олдинги куёвлар пўлат эди.
• Ҳозиргилар пахта!

• Олдинги келинларнинг юзлари қизариб турар эди.
• Ҳозир эса гезариб туради!

• Олдинги йигитларнинг билагида кучи бор эди.
• Ҳозир тиллари кучли!

• Олдинги қизларнинг истараси бор эди.
• Ҳозир бўёғидан бошқа нарсаси йўқ!

• Олдинги болаларга ота-оналари ўргатар эдилар!
• Ҳозир ота-оналарига болалар ўргатмоқдалар!

@konspektor
27,244
Конспект

19 Jan, 00:15

Мусулмонлар диёрида бирор камбағал кўрсангиз, аниқ билингки, у жойда бир бой унинг хаққини емоқдадир.

©️ Шайх Шаровий

@konspektor
19,631
Конспект

18 Jan, 17:03

РИЁКОР БЎЛМАНГ!

Анчадан бери кўришмаётган, қишлоқда турадиган қариндошимиз оламдан ўтганлари ҳақида хабар келди. Ғариб, камбағал аёл эдилар. Қачон ҳол сўрасам доим "ҳаммаси яхши, жуда яхши" дердилар. Биз учун ҳам у кишида ҳаммаси бир текисда эди. Асл ҳолат эса...
Марҳуманинг хонадонларига борганимизда ҳаммаси аён бўлди. Ховли-жойлари жуда эски, фарзандларининг кийимлари ҳам жуда ҳароб аҳволда эди. Раҳмим келиб, ачиниб кетдим. Шундай ҳам яшаш мумкинми!? Бирор марта шикоят қилмабдилар, бетобликларини ҳам айтмабдилар...
Маросимлар ўтаётган кезда қизлари билан суҳбатлашиб қолдим. "Нега аҳволларини айтмадилар, нега биз билмадик, нега бунчалик ҳолда эканлигингиздан бехабар қолдик?" дедим. Қизларининг жавоби менинг ҳайратимни ошириб, тушкунлигимни беш баттар қилди.
«Опа, уни қўятуринг, фейсбукка сиз қўйган расмларингизни баъзан онамга кўрсатардим, Дубайга-ю, Мисрга борганингизни, Истанбулдаги саёҳатингизни, энг чиройли ресторанларда тановул қилганингизни, Европага учганингиз-у, Бутик дўконлардан кийим ҳаридларингизни, ҳаммасини кўрсатгандим. Баъзан "опанг нима қиляпти экан, саҳифасини очиб кўрсатчи!?" деб қолардилар...
Охирги пайт расмларингизни кўрсатгим ҳам келмай қолди, чунки, сизни шоҳона ҳаётингизни ҳар сафар кўргандан кейин "кимлардир ҳаётида камчиликсиз, ҳоҳлаган ерига бориб, истаган кийимини кийиб, кўнгли тусаганини олиб юрибди... Нега менда бунинг бирортаси ҳам йўқ? Нега менинг умрим фақат қийинчилик, етишмовчиликда ўтяпти? Ё одам эмасманми? Ёки яхши яшашга менинг ҳаққим йўқми? Мен ҳам одамман-ку!?" деб, сиқилиб қолардилар. Умрларининг охиригача сизнинг расмларингиз, яшашингизни расмларингиз орқали томоша қилиб, эзилиб ўтдилар. Расмларингизни бекор кўсатибман» деб, йиғлаб юборди...
Мен дахшатга тушдим, карахт эдим, тилларим карахт, ҳушларим карахт, ўзим карахт эдим. Тасалли учун бирор сўз, калима тополмасдим...
Ўша кундан кейин қариндошимнинг ўлимига мен ўзимни айбдордай кўра бошладим...
Уйга келибоқ, саҳифаларимга қўйган расмларимнинг ҳаммасини ўчирдим. Ресторанлар ҳам, курортлар ҳам, Дубай, Мисрлар ҳам кетди... Қайтиб бундай расм қўймайман деб аҳд қилдим. Баъзан шундай фароғатда яшаётганини суратга олиб, қўйганларга кўзим тушиб қолади. "Қўйманг, сиздан ғариброқ одамлар бор, уларда ҳам кўнгил бор, орзу бор, уларнинг кўнгилларини янчманг" дегим келади...
Ҳар сафар саёҳатга борганимда, кийим олганимда, ресторанга кирганимда ўша қариндошим эсимга келаверади...

Салим АЙЮБИЙ

@konspektor
20,206
Конспект

18 Jan, 08:04

— Энг яхши совға нимадир? — деб сўрашди донишманддан.
— Меҳр-муҳаббатдир, — деб жавоб берди донишманд.
— У қандай кўрсатилади?
— Эътибор ва эҳтиром билан.

©️ Далай Лама

@konspektor
17,867
Конспект

18 Jan, 00:15

Агар бомдод намозига уйғонмасанг, ҳаётингга бир назар солгинда, зудлик билан уни кўриб чиқиб, ислоҳ қилгин. Бомдод намози мунофиқлар учун машаққат бўлгани боис, Аллоҳ таоло Ўзининг аҳли ва хос кишиларини бомдод намозига уйғотади.

Аллоҳим! Бизларни бомдод ўқийдиган хос бандалардан бўлишимизни насиб қилгин. Омийн!

@konspektor
25,684
Конспект

17 Jan, 17:03

Машҳур олимга иккита савол беришибди:

— Инсониятнинг қайси ҳаракати сизни ҳайратга солган?

Олим бирма-бир санай бошлади:
— Болаликдан зерикадилар ва тезроқ улғайишга шошиладилар. Вақти келиб, болаликни соғинадилар;
— Пул топаман деб соғликни йўқотадилар, аммо соғликни қайтариш учун яна пул сарфлайдилар;
— Эртанги кунни ўйлаб ҳавотир оладилар-у бугунни унутадилар. Шунинг учун ҳам на бугунни, на эртани деб яшайдилар. Дунёдан яшамагандек ўтиб кетадилар.

Гал иккинчи саволга келди
— Сиз уларга нимани тавсия қиласиз?

Олим жавоб берди:
— Ҳеч кимни ўзингизни яхши кўришга мажбурламанг;
— Муҳими, ҳаётда кўп нарсага эга бўлиш эмас, кам нарсага эҳтиёж сезишдир;
— Сизни яхши кўрадиган инсонлар кўпчилик. Аммо улар туйғуларини қандай ифода этишни билмаётган бўлишлари мумкин;
— Баъзан бошқалар томонидан кечирилибгина қолмай, ўзингизни кечира олишингиз ҳам керак.

@konspektor
23,482
Конспект

17 Jan, 08:00

Бир шаҳарда одамлар гўзал бир бино қуришибди.

У  жуда кўркам эди. Устунлари, нақшлари, гумбазлари, пештоқлар, хуллас ҳамма ҳамма нарсаси жуда гўзал эди.
Келган одамлар устунларни, чиройли бўёқлар билан чизилган нақшларни, пардаларию пештоқларини мақтар эди.
Лекин, бинони энг баланд қисмида томга қоқилган бир мих ҳақида ҳеч ким гапирмасди. Бир куни мих ўйлаб қолибди: “ҳамма
қисмларни, ҳатто оёқни тагида ётган гиламни ҳам
мақташади, мен ҳақимда биров эсламайди ҳам.
Демак мени бу бинога бирор фойдам йўқ”, деб турган
жойидан суғрилиб ўзини пастга ташлабди.
Ўша куни қаттиқ шамол бўлиб, михсиз қолган томни ўша қисмини шамол учириб юборибди, қаттиқ ёмғир ёғиб хонани ичига кўп сув кирибди.
Бўёқлар бўялиб кетибди, гиламлар лойқага ботибди, пардаларни расвоси чиқиб, пештоқларгача зарар кўрибди.
Ва мих буларни кўриб, одамлар уни гапирмагани, у ҳақида билмагани билан унинг бу хонага аҳамияти қанчалигини англабди.

Қиссадан хисса шуки, базан сезилмасада ҳар бир инсоннинг бу ҳаётда ўз ўрни бор, улар ҳам шу жамиятнинг муҳим бир бўлаги ҳисобланади.

@konspektor
21,844
Конспект

17 Jan, 00:15

Эр ва аёлга маслаҳат

Агар аёлингиз ғазабингизни келтирса, Аллоҳни эсланг! 
Ғазабни бошқара олишга аёл кишидан кўра кўпроқ қодир эканлигингиз учун, талоқ бериш ҳуқуқини Аллоҳ унгамас, сизга берди...

Агар эрингиз ғазабингизни келтирса, Аллоҳни эсланг... 
Эр кишидан кўра кўпроқ сабр қила олганлигингиз учун Аллоҳ Жаннатни сизнинг оёқларингиз остига қилиб қўйди...

Ҳаётингизни гўзал ўтказиш иккингизнинг қўлларингизда...
Шу озгина ҳаётни дўзаҳга айлантирмай, чиройли яшанг... 

@konspektor
20,677
Конспект

16 Jan, 17:05

ҚАЛБИ СИНГАНЛАРГА...

   Италиялик машҳур актриса Софи Лорен режисёр Витторио де Сика билан дўст эди. Иккаласи ҳам Италиянинг Наполи шаҳридан эди. Иккаласи ҳам ниҳоятда камбағал оиладан чиққан эди.
   Лондонга боришганда Софи Лорен бор йиққан тақинчоқларини ўғирлатиб қўйди. Йиғлашга тушди. Шунда Витторио унга шундай деди:
- Эй Софи! Йиғиларингни яшириб қўй. Иккимиз ҳам Наполининг энг фақир оиласидамиз. Куллар орасидан чиқиб ўзимизни бунёд қилдик. Мол келиб-кетадиган нарса. Илтимос, нарсалар учун йиғлама!
   Софи Лорен баттар йиғлаб Витториога деди:
- Сен ҳеч нарсани тушунмайсан. Улар менинг ажралмас бўлагимга айланиб қолган эди!
  Шунда Витторио ўзининг ҳикматга айланиб қолган жумласини айтди:
- Ҳеч қачон сен учун йиғлай олмайдиган нарсалар учун йиғлама!

   Зиён кўриш ҳаётнинг бир қисми эканлигини тушунишимиз лозим. Ўрнини тўлдиришнинг иложи бўлган нарсалар узоқ хафа бўлишга арзимайди.
   Бошимизга зиён тушганда ўзимизга назар солайлик. Агар оёқда тик турган бўлсак демак ҳали Аллоҳнинг раҳмати бизни тарк қилмабди!

Абдулқодир Полвонов

@konspektor
22,719
Конспект

16 Jan, 08:04

Намозингни ҳеч қачон тарк қилма!
Бир мартта сажда килиш учун ҳаётга қайтарилишини орзу қилиб ётган миллионлаб вафот этганлар бор...

@konspektor
17,585
Конспект

16 Jan, 06:02

• Жаннатни хоҳласанг, намозни;
• Бойликни хоҳласанг, истиғфорни;
• Муҳаббатини хоҳласанг, табассумни;
• Бахтни хоҳласанг, Қуръонни лозим тут!

@konspektor
21,951
Конспект

16 Jan, 00:15

Айтишларича мазкур Қуръони Карим 18 асрга тегишли бўлиб, унинг чети буклаганда Каъбанинг тасвири пайдо бўлар экан...

@konspektor
24,088
Конспект

15 Jan, 17:01

ҚАЧОН ШУКР ҚИЛАСАН?

– Оилали киши билан ўтириб қолдим, у завқ шавқ билан оила қурмаган пайтдаги ҳолатини гапириб берди.

– Оила қурмаган киши билан ўтириб қолдим, у оилалилар ҳаётини ҳасад қилиб гапирди.

– Бадавлат одам билан гаплашиб қолдим, у завқ шавқ билан оддий ва соддадил одамлар ҳақида гапирди.

– Камбағаллар билан гаплашиб қолдим, улар камбағалликларидан нолиб, бойликка ошиқ эканларини айтдилар.

– Зиёли киши билан гаплашдим, у жоҳиллик ҳукмрон сурган даврдаги илмдан шикоят қилиб қолди.

– Жоҳил кимса билан гаплашдим, у илмга эриша олмаганидан шикоят қилар эди.

– Қария билан гаплашдим, у ёшлик пайтини орзу қилиб гапирарди.

– Ёш бола билан гаплашдим, у қачон сизлар каби катта бўламан, дер эди.

Кейин ўзим якка ўтириб, ўзимга ўзим булар ҳақида гапирдим. Шунда нафсим менга уларни барчалари бахтли, аммо уларда розилик етишмайди, деб айтди.

Аллоҳим! Аввалда ҳам, охирида ҳам ва барча ҳолатларда ҳам Сенга ҳамд бўлсин!

@konspektor
23,527
Конспект

15 Jan, 08:01

Эркак киши ишсиз қолмасин экан. Бир вақтлар қўлим қўлимга тегмай савдоларим тез юрарди, бошимни қашишга вақтим бўлмасди. Бир куни чарчаганимдан "Эй Худойим, мен ҳам одамларга ўхшаб уйда ётиб дам олсамку" деб юбордим. Орадан ҳеч қанча ўтмай ишларим ўз-ўзидан тақа-тақ тўхтаб қолди.

Шу бўйи уйда ётганимча бир йил ишсизликдан кўчага чиқолмадим. Ўлгудек зерикардим, уйда ётавериб ёрилгудек бўлардим. Шунинг учун ниятни яхши қилиш керак экан. Аллоҳ таоло ҳалолдан ризқингизни беряптими, Ўзидан куч-қувват сўраб, ҳечам чарчадим деманг. Газни босинг))

@konspektor
24,091
Конспект

15 Jan, 02:26

• Ражаб экин-тикин ойи!
• Шаъбон суғориш ойи!
• Рамазон йиғим-терим ойи!

• Аллоҳим! Бизлар учун Ражаб ва Шаъбонни баракотли қилгин ва бизларни Рамазонга етказгин!

@konspektor
21,381
Конспект

15 Jan, 00:10

ХИЖРИЙ ОЙЛАР

Хижрий йил ҳисоби бўйича 12 ой мавжуддир. Бу ойларни ҳар биримиз билишимиз ва фарзандларимизга ўргатишимиз лозимдир.

1. Муҳаррам.
2. Сафар.
3. Робийъул-аввал.
4. Робийъус-соний.
5. Жумадул-увла.
6. Жумадул-охир.
7. Ражаб.
8. Шаъбон.
9. Рамазон.
10. Шаввол.
11. Зул-қаъда.
12. Зул-ҳижжа.

Ражаб ойи ҳақида

. "Ражаб” сўзи қандай маънони англатади?

   Араб тилидаги “ражаб” сўзи ўзбекчада “улуғлаш”, “ҳурматлаш” маъноларини ифода этади. 

Ражаб ойи қандай ой?

– Ражаб ойи – Аллоҳ таоло уруш қилишни ҳаром қилган (зулқаъда, зулҳижжа, муҳаррам, ражаб) ойлардан биридир.  

  Ражаб ойининг дуоси

Пайғамбаримиз алайҳиссалом Ражаб ойи кирганида мазкур дуони қилар эдилар: “Аллоҳумма  барик лана фи ражабин  ва шаъбона ва баллиғна Рамазона “ “Эй Аллоҳ, бизлар учун Ражаб ва Шаъбон ойларини баракали қилгин ва бизни Рамазон ойига (омонликда) етказгин!”.


Дуо

Дуо қабул бўладиган 18 ўрин ва вақт

   Қуръон ўқигандан сўнг.
    Каъбани кўрганда.
  Ёмғир ёғаётганда.

  Душман билан рўбару келганда.
   Зулм ва адолатсизликка учраганда.
   Жамоат ва кўпчилик билан дуо қилганда.
   Фарз намозидан кейин.

   Саждада.
  Аллоҳ таолонинг гўзал исмларини айтиб дуо қилганда.
   Тонг вақтида.
   Пайшанбадан жумага ўтар кечаси ва бутун жума куни давомида.

  Ражаб ойининг биринчи кечасида.
✨ Шаъбон ойининг ўн бешинчи кечасида.
   Ҳар икки ҳайитнинг биринчи кечасида.

   Арафа кунида.
   Рамазон ойи куну тунларида.
  Қадр кечасида.
Ифтор пайтида.

@konspektor
27,438
Конспект

14 Jan, 17:01

Сизга онангиздан кейин энг меҳрибон аёл — опа-синглингиздир. Шунингдек, отангиздан кейин энг мушфиқ эркак — ака-укангиздир. Ака-ука ва опа-сингилларнинг борлиги — абадий дўстларингизнинг борлигидир. Улар болаликдан бошланган илк дўстларингиздир. Улғайганингизда эса суянадиган қоя ҳам улардир. Ота-онангиздан сизга қоладиган энг улкан мерос ҳам улардир. Уларни ҳурмат қилиб қадрланг!

Эй Аллоҳ, опа-сингил ва ака-укаларимиз ҳамиша кўзимизни қувнатиб турсин! Улар бизнинг ва биз уларнинг маҳзунлик кўз ёшини кўрмайлик!

@konspektor
24,476
Конспект

14 Jan, 08:00

Фаҳрлансак арзийди!

Каъба мусулмонларнинг Ҳаж ва Умра қиладиган жойига айланган ўша даврдан ҳозиргача Каъба 14 марта таъмирланган. Каъбанинг Пайғамбаримиз давридаги эшиги Туркиянинг Истамбул шаҳридаги
музейида сақланади. Турклар ҳукмронлик қилган йиллари олиб кетган экан. 1943 йили Абдулазиз ибн Сауд қимматбаҳо ёғочдан эшик ясатган (30000 риёлга). 1977 йили Подшоҳ Фаҳд ибн Сауд 250 кг соф тилладан эшик ясатди. Тилла эшикка ўймакорлик санъати билан оятлар ёзиш танловини ўтказди. Танловда Наманганнинг
Тўрақўрғон туманидан 1927 йили бориб қолган Абдураҳмон қори
ғолиб бўлиб топилади. Подшо уни тилла эшикка хат битиш учун таклиф қилади. Қори хатни ҳеч қандай ҳақ олмай ёзишни, фақат эшикнинг бир четига «Абдураҳмон Намангоний» деб ёзиб қўйишларини илтимос қилади. Подшо олдин кўнмасдан, кейин розилик берган экан. Борсангиз, кўрасиз.

Кисва - Каъбанинг устига ёпилган ёпғич - Каъбапўш. Пайғамбаримиз Муҳаммад (с.а.в.) 630 йилда Маккага келганларида Каъба устидаги кисвани кўриб, Ямандан келтирилган матодан янги кисва қилдирган эканлар. Кисвалар доим чет элдан келтирилар, ҳар йили Қурбон ҳайити, Ҳаж мавсуми олдидан янгисига алмаштирилар экан. 1938 йили Саудия подшоси Абдулазиз мутахассисларни тўплаб, кисвани энди хориждан олиб келмай, шу ерда тайёрлашни маслаҳат беради. У шу йилдан бошлаб Макка шаҳрида тайёрлана бошланган. Энг қизиғи 1938 йилда подшо Абдулазизхоннинг йиғилишида наманганлик юртдошимиз Аббосхон қори Абдулҳамид қори ўғли ҳам бўлган экан. У киши «Масжидул ҳарам»да чироқбон (электрик, монтёр) бўлиб ишлар экан. Аббосхон подшонинг таклифини эшитиб, рухсат сўраб: «Мен муҳожирман, Ватанимда бўз, алак, реза тўқиганман, агар рухсат этсангиз, шу ерда цех қуриб, кисва тўқишга ҳаракат
қилсам» дебди. Подшо рози бўлган. Аббосхон Қурбон ҳайитигача янги кисва тайёрлаб, Каъбага борган ҳожилар олдида кийдиради. Подшо хурсанд бўлиб Аббосхонга «Кисватул Каъба» деган фабрика қурдириб беради. 1977 йили фабрика кенгайтирилиб, Германиядан янги дастгоҳлар келтирилади. Битта кисва бир йил давомида тайёрланади ва унда 250 нафар ишчи ишлайди, 700 кило табиий ипак қора рангга бўялади. Мустаҳкам пахталик астарни бириктириш учун эса 120 кило олтин ва кумуш симлар ишлатилиб олтин ва кумуш шакллар билан безатилади. Унга камида 17 000 риёл ёки 5 ярим миллион доллар сарфланади. Ҳозирда юртдошимиз Аббосхоннинг фабрикасида бир йилда 3 та кисва тайёрланади. Иккитаси Мадинадаги Расулуллоҳ қабрлари устига, биттаси Каъбага ёпилади. Ёпиш маросимида подшо қатнашади.
Аббосхон қори 1907 йилда туғилганлиги 10 ёшида «Қуръон»ни тўлиқ ёд олганлиги ва 1928 йили Макка шаҳрига келиб қолганлиги айтилади. 2002 йилида Маккага борган юртдошларимиз Аббосхон қорини 98 ёшда хали ҳам фабрика раиси эканлигини айтишган. Унинг катта ўғли - ҳарбий қўмондон, яна икки ўғли - дўкондор эканлигини. Подшо бу улуғ зотни Саудия фуқаролигига қабул қилганлигини айтишган. Жуда кам одам бу номга эга бўлади.

Ўзбекнинг номи ўша соф олтиндан ясалган Каъбанинг эшигида ҳам ёниб турипти. Каъбанинг устига ёпилган ёпғич - Каъбапўшни ўзбегимнинг усталари асос солган фабрикада ишлаб чиқарилади. Дунёда шунча миллат турганида нега айнан шу замидан чиққан инсонларга бундай шарафлар насиб этган?

@konspektor
62,618
Конспект

14 Jan, 00:30

Курашга, юзга урмайдиган спортга ўғилларингизни қизиқтиринг. Фақат шеърият ва маънавиятга эмас.
Эртага ўз ватанини ҳимоя қилишига тўғри келиб қолса, акопларда йиғлаб юрмасин, уйимни соғиндим, кетамааан деб.

Мусулмон одам дағал бўла олиши ҳам керак. Эркаклик гармонлари ривожлансин. Қурбонлик ва қассоблик қилишни ҳам ўргансин.

Борган сари янги авлод хезалаклашиб кетяпти, "Уммон"га эргашиб. "Миллион"га эргашиб. Клипларда қизлар кетидан ялиниб қўшиқ айтиб.

Кўп кулиш, аёллик гармонларини ривожлантиради. Эркак киши дағал, севимли, мустақил ва ақллик бўлиши керак.

@konspektor
33,998
Конспект

13 Jan, 17:02

Бир одам жаннатда сайр қилиб юрса юқоридан бир томчи сув томибди. У томчини ифори шунчалар ёқимлилигидан бутун борлиқ ажиб ифорга бурканди... Таажубда қолган одам ҳайратдан юқорига боқди.

Шу пайт у фариштага савол берди."Бу қандай  ифор бўлди. Мен жаннатда бўлсамда бундай ғаройиб ифорни ҳидламагандим?" Фаришта аста жаннатий одамни қўлларидан тутиб биргаликда томчи томган томонга кўтарилади. Юқорида бояги одамни жаннатий  ховлисидан минг баробар гўзал ва хушбўй ифорли жаннат турарди...

Унда бир одам ўтирар эди. Шунда фаришта деди: "Сени жаннат ҳовлингга томган томчи ушбу мўминни пешона тери эди"... Таажубда қолган одам яна сўради: "Мен ҳам тириклигимда Аллоҳни буюруқларини бажарганман: Айтчи, уни мендан фарқи нимада? Нега унинг Жаннати олий? Шунда фаришта:  "Аллоҳ ҳузурида ҳар иккингизни даражангиз бир. Аммо бу мўмин "СУБҲАНАЛЛОҲ"ни сендан бир неча марта кўп айтган"

@konspektor
14,994
Конспект

13 Jan, 08:03

Вақт ўтади. Катта мансабдор ёки пулдор ҳам бўларсан. Балки, дунёнинг энг қиммат ресторанларида овқатланарсан. Лекин ҳеч бир емак мана шу чанг босган неъматларчалик лаззатли бўлмайди. Бу даврнинг қадри бўлак. Шунинг учун жамики инсон борки, шу кунларни соғинаверади...

@konspektor
21,268
Конспект

13 Jan, 00:34

– Ҳаётида муваффақият қозонган одамни кўрмадим. Агар кўрган бўлсам, ота-онасига яхшилик қилиш насиб қилган одам бўлади.

– Ғам-андуҳсиз одам йўқ. Лекин «Бу шунчаки дунё» деб табассум қиладиган одам топилади.

– Сиқилган пайтингизда йиғламанг, балки, шукур қилинг,

– Энг яхши дўст дунё сенга кулиб боққанда ҳасад қилмайди, дунё сендан юз ўгирса, сени ташлаб кетмайди.

– Виқор ва ҳайбатли бўлишнинг сабаби  камгапликдир. Жамол ва чиройнинг сабаби табассумнинг самимийлигидандир.

– Инсон таълим олган нарсаларнинг энг чўққиси, ҳар бир фикрни эшитиб, уни ҳурмат қилишидир. Ундан қаноатланиши шарт эмас.

– Ким онасига яхшилик қилишдан маҳрум бўлса, барча яхшиликлардан маҳрум бўлибди!

@konspektor
16,372
Конспект

12 Jan, 17:04

Бир кун Намруд Иброҳим алайҳиссаломни оловга отишга қарор қилди. Шундай катта гулхан ёқадики, ўзи оловга яқинлашолмайди. Бир муборак зот бир чумолининг оловни ўчириш учун оғзига сув олиб, узоқдан келаётганини кўрди. Аммо оловга яқинлаша олмасдан, сувни гулханга яқин бир жойга тўкяпти. Авлиё зот чумолидан сўрабди:
— Сен нима қиляпсан?
— Асти сўрама, Аллоҳнинг пайғамбарини оловга отмоқчилар. Шу оловни ўчиришга ҳаракат қиляпман.
— Сенинг бу кичик жуссанг билан ташиган бир томчи сувинг улкан гулханни ўчира оладими?
— Жаноби Аллоҳ ҳар кимдан унинг кучига қараб хисоб сўрайди. Менинг кучим етгани шу.

Нариги тарафдан бир илон тинмай оловга пуфлаб, уни кучайтирмоқда. Ундан сўрабди:
—-Нимага бундай қиляпсан?
— Бугун байрам. Бир пайғамбар ёнади.

Бу илон ҳам кучи етадиган даражада ёмонлигини қилмоқда. Демак, буюк Аллоҳ ҳайвонларни икки гуруҳ қилиб яратганидек, инсонларни ҳам икки гуруҳда яратган: бири — оловни кучайтирадиганлар, иккинчиси — оловни ўчирадиганлар.

Жаноби Ҳақ бизни оловни ўчирадиганлардан қилсин!

@konspektor
19,385
Конспект

12 Jan, 08:00

ОНА...

Онасидан бошқа кимсаси йўқ қизга совчи келди. Қиз сўраб келган йигитлар билан учрашганда:
- Онамни мендан бошқа ҳеч кимлари йўқ. Тўйдан кейин ҳам биз билан яшашларига рози бўлсангиз, мен сизни рад этмайман, - дерди. Албатта бундай талаб ҳаммага ҳам ёқмасди. Лекин, улардан бири рози бўлди.

Тўйлари бўлди. Қиз ва куёв оналарига беназир хизмат қилишди. Орадан бир неча йиллар ўтиб волидалари вафот этди. Қиз кўзёши тинмай йиғларди. Ҳожаси:
- Бу дунёга келишимиз бордек, кетишимиз ҳам бор. Албатта, биз Аллоҳникимиз ва, албатта, биз Унга қайтувчимиз, - деди.
Аёл:
- Аллоҳ бу дунёдаёқ менга жаннатдан бир эшик очган эди! Энди у йўқ! Онам менга муҳтож эмасдилар. Уларни Аллоҳ ташлаб қўймасди. Менсиз ҳам яшаб ўтишлари мумкин эди... Онамга мен муҳтожроқ эдим. Уларга хизмат қилиб, савоб қозониш менга керак эди! - деди.

Эри аёлидаги лутфни кўриб, Аллоҳга беадад шукр айтди. Чунки, у ўз онасига меҳрибон бўлмаган фарзанд бошқаларга ҳам марҳаматли бўлмаслигини биларди. Аллоҳ уларга икки ўғил ва икки  қиз  ином этти ва улар хам солиҳ  ва  солиҳа  фарзандлар бўлиб  улғайишди.

✨✨✨ Хулоса ✨✨✨

🗝 Ота - оналарнинг борлиги жаннатга калитдир.

«Мени онамга меҳрибон қилди ва жабр-ситам қилгувчи, бадбахт қилмади» (Марям: 32).

Ким бахтсиз бўлса, ота - онасига бўлган муносабатига назар солсин! «Ота-онангизга яхшилик қилинг!» (Анъом: 148).

Соатлаб қўлида телефон титиб, ҳар хил номаҳрамлар билан пул сарфлаб гаплашиб, ўз ота - онасига қўнғироқ қилиб ярим дақиқа гаплашиш эсига келмайдиганлар бор. Аллоҳ асрасин!

«Роббинг фақат Унинг Ўзигагина ибодат қилишингни ва ота-онага яхшилик қилишингни амр этди. Агар ҳузурингда уларнинг бирлари ёки икковлари ҳам кексаликка етсалар, бас, уларга «уфф» дема, уларга озор берма ва уларга яхши сўз айт!»
(Исро: 23).

@konspektor
18,517
Конспект

12 Jan, 00:33

Қиёмат куни ҳамма бир-биридан қочади. Фақат Қуръон ҳофизлари ўз ота-оналарини ахтарадилар ТОЖ кийдирилиши учун...

Қуръонга дарс, вазифа ёки ўқиб қўйилиши шарт бўлган мажбурият сифатида қараманг! Балки Уни муҳаббат, солиҳ амал ва ЖАННАТ калити ҳисобида муносабатда бўлинг!

Бир ўйлаб кўринг!
Муккасидан кетган телефонингиз, ўлишингиз биланоқ, сиздан ажралади. Бошқаларники бўлади. Қуръон эса, биздан олдин қабримизга бориб туради.

Энди айтингчи, қанча вақтингизни бу иккиси учун сарфлайсиз?

@konspektor
20,491
Конспект

11 Jan, 17:02

Пайғамбаримиз Мухаммад (саллоллоху алайхи васаллам) севган 10 та озиқ-овқат

1) Арпа
У организмни зарарли моддалардан тозалайди, овқат хазм қилишни йўлга қўяди ва ичакда фойдали бактериялар ўсишига имкон беради.

2) Хурмо (финик)
Пайғамбаримиз ( ﷺ ) уйда хурмосиз озиқ-овқат бўлмайди, деганлар. У соч ва тери учун фойдали, шунингдек, кўриш қобилияти билан боғлиқ ва жигар касалликлари олдини олишда ёрдам беради. У юрак учун хам фойдали.

3) Анжир
Хазм қилишни яхшилайди ва хорғинликда ёрдам беради.

4) Узум
Пайғамбар ( ﷺ ) қонни тозаловчи, тетикликни оширувчи, буйракларни мустахкамлаб, ичакларни тозаловчи узумни яхши кўрганлар.

5) Асал
Овқат хазм қилишни яхшилайди, қувватни тиклайди, иммунитетни оширади.

6) Тарвуз
Пайғамбар ( ﷺ ) тарвуз айниқса хомиладор аёллар саломатлиги учун фойдали, деганлар. Унинг таркибидаги ферментлар ичакнинг нормал фаолият юритишини таъминлайди. "Тарвузни истеъмол қилган хар қандай хомиладор аёл ташқи кўриниши чиройли ва феъл-атвори хам гўзал бўлган болани дунёга келтиради", - деганлар пайғамбар ( ﷺ ).

7) Сут
Пайғамбар ( ﷺ ) тозалиги бўйича сутга тенглаша оладиган бошқа хеч қандай ичимлик йўқлигини айтганлар. Сут белни ва мияни бақувват қилади,у кўриш қобилиятини ва хотирани яхшилайди.

8) Қўзиқорин
Мухаммад пайғамбар ( ﷺ ) у кўз учун яхши восита эканлигини айтганлар. Қўзиқорин организм учун тўйимли ва осон ҳазм бўладиган махсулотдир.

9) Зайтун ёғи
У тери, соч учун ажойиб восита, шунингдек, кексайиш жараёнини секинлаштиради ва овқат хазм қилишни яхшилайди.

10) Анор
Пайғамбар ( ﷺ ) анор 40 кунт ичида шайтондан ва ёвуз ниятлардан тозалашини айтганлар.

@konspektor
18,458
Конспект

11 Jan, 08:02

Инсонлар билан муомала қилишда Қуръони Каримдаги Хужурот сурасидан 9 та васият:

1. Адолатли бўлинглар!
2. Ислоҳ қилинглар!
3. Текшириб кўринглар!
4. Масхара қилманглар!
5. Мазах қилманглар!
6. Лақаблар қўйиб олманглар!
7. Ғийбат қилманглар!
8. Жосуслик қилманглар!
9. Кўп гумондан четланинглар!

@konspektor
20,151
Конспект

11 Jan, 00:10

Бахтли яшамоқ учун нима қилиш керак?

1. "Ижобий фикрли нонушта"
Эрталаб барвақт уйғонганда кўпроқ нима ҳақида ўйлайсиз? Биз эрталаб уйғониб, нима ҳақида ўйлаган бўлсак, ўша фикр амалга ошади. Мен сизга эрта тонгдан яхши фикрлар билан тўйинган, витаминли, ижобий фикрли нонушталарни тавсия қиламан. Бу ижобий фикрлар фақат бугун учун эмас, балки сизнинг келажагингиз учун яратилади.

2. Ижобий фикрли нонушта рецепти:
- бугун энг яхши куним;
- бугун менинг гўзал тонгим;
- мен дунёдаги энг бахтли инсонман;
- мен учун омадлар оҳанрабодир ;
- бугунги кун менга муваффақият олиб келади;
- бугун менга ҳаёт чиройли кун тақдим қилмоқда;
- бугун ҳаётимнинг янги куни бошланди;
- ўрнингдан тур,(исмингизни айтинг), сени улуғ ишлар кутмоқда!

3. "Сеҳрли эликсир":
Ўзингиз ёқтирган пиёлага илиқ минерал ёки оддий сув солинг. Пиёлани қўлингизга олинг ва лабингизга яқинлаштиринг. Сиз “Сеҳрли элексир” тайёрлаяпсиз. Ярим овозда сиз бу ҳаётда нима ҳохлаётганингизни, нималар кераклигини ва нимага эришмоқчи эканлигингизни пичирлаб айтинг.
Масалан, мен соғлом ва бой бўлишни, мен бахтли бўлишни, мен севимли ва керакли бўлишни истайман. Мен чиройлиман ва омадлиман, муваффақиятлиман.

4. "Кўзгу".
Кўзгуга тўғри келасиз ва ўз аксингизга қувонч ва муҳаббат билан салом беринг. Ўзингизга табассум қилинг ва ким эканлигингизни эсланг. Иқтидорли, омадли, муваффақиятли шахс, жуда яхши инсон, ажойиб эркак ёки аёл. Ўзингизга Аллоҳнинг ноёб мўъжизаси эканлигингизни эслатинг.

5. "Эшик"
Остона эшигидан чиқаётган пайтингизда ўзингизга:
"Бугун энг омадли, муваффақиятли, баракали кун" ёки "Мени ва менинг йўлларимни барча коинот қўллаб- қувватлаяпти", “Янги кунга дадиллик билан қадам қўй”, “Муваффақият сенинг томонда”, “Сен ёлғиз эмассан, сен билан - бутун коинот бирга!”. деб айтинг.

Ҳар куни шу нонуштани тайёрлаб ва истеъмол қилиб борсангиз, сизнинг ҳаётингиз сезиларли даражада ўзгаради.

@konspektor
19,125
Конспект

10 Jan, 17:03

Вафот этишингиз билан, биринчи бўлиб қўл телефонингиз сизни тарк этади. Ўқиган Қуръонингиз эса қабрингизда Ҳам сиз билан бирга қолади. Иккисига қанча вақт ажратиб турганингизга эътиборли бўлинг!

@konspektor
18,713
Конспект

10 Jan, 08:05

Ҳар сафар "Ўткан кунлар"ни ўқиганимда Кумушга ўхшаган оқила қизларни келин қилишни худодан сўраганман.

Эрталаб Нозимахон қизим "Ойижон, нима егингиз келяпти?" -йўқлаб бормоқчиман деб қолдилар, кўнглим тусаганини айтдим. Ишдан келсам, неварам Ҳожарбегимни етаклаб кириб келдилар...

—Ойижон, яхши туш кўрдим,
—Хайрли бўлсин, болам, муборак бўлсин, —дедим.
— Бу тушни кўрган одам муборак зиёратга борар экан.

—Илоҳим, ўғлим билан Маккага боринглар, Аллоҳим байтига чақирсин!—деб дуо қилсам, ихлос билан нозик қўлларини юзига босдилар.
Кейин жилмайиб
—Мана, келдим—ку муқаддас зиёратга, Маккайи мукаррамамни олдида турибман, дея менга ишора қилдилар...

Ўзимнинг Кумушбибим.

Кетаётиб ҳар доимгидек, қўлларимни ўпиб, маҳкам бағрига босиб "Ойижон, сизни чиндан жудаям яхши кўраман",—деб хайрлашдилар...

Ким айтади яхши келинлар йўқ деб? Фақат ниятни яхши қилинг, Аллоҳим, албатта, ижобат қилади...Иншааллоҳ

Феруза Салходжаева

@konspektor
22,206
Конспект

10 Jan, 00:10

Миллиардер, “Apple” компанияси асосчиси Стив Жобс 56 ёшда ошқозон ости бези саратони касаллиги туфайли вафот этган. Унинг сўнгги сўзлари:

— ҳозир мен касалхонада ётиб, бутун умримни эсласам, менда мавжуд бўлган барча бойлик ўлим олдида ҳеч нарса эмаслигини ҳис қиламан;
— ўзингизга муносабатингизни яхшиланг ва бошқаларга ҳам ҳурматда бўлинг;
— вақт ўтган сайин 30$ ёки 300$ турадиган соатлар бир вақтни кўрсатишини ҳис қила бошлайсиз;
— биз 150 000 $ ёки 30 000 $ лик машина билан юрсак ҳам мақсад ва масофа бир хил эканлигини, 300$ ёки 10$ шаробни ичсак ҳам бир хил “маза”ни ҳис қилишни бошлаймиз;
— Сиз яшаётган 300 кв метр ёки 3000 кв метрли уй ичида барибир ёлғизсиз ва бошқалар билан тенгсиз. Сизнинг ҳақиқий бахтингиз бу дунёдаги моддий нарсалар ўткинчи эканлигини ҳис қилиш;
— Самолётга биринчи класс ёки эконом классга чиқсангиз ҳам, парвоз қилаётган самолетингиз қуласа сиз ҳам у билан бирга қулайсиз;
— ҳақиқий бахт дўстингиз ёки бирор инсон билан чин дилдан суҳбатлашганингиздадир!

@konspektor
39,484
Конспект

09 Jan, 17:00

Болаларингиз ухлаётганларида қодир бўлганингизча уларга дам солинг. Ёдлаган дуо ва зикрлардан ўқиб, Фотиҳа ва муъаввизатайн (Ихлос, Фалақ ва Наас сура)ларни пичирлаб ўқиб, уларнинг бошларини, жисмларини силанг. Шайтонлар, токи қўлларида телефонлар бор экан, уларнинг бошларидадир. Кўчаларда юрганларида атрофларидадир. Уларнинг кўпларининг жисмлари ҳасадчи ва ёмон кўзи борларнинг сабабидан тешилай дейди. Баъзи бечора фарзандларимиз бир умр отанинг руқясисиз ва онанинг унга паноҳ тилаб ўқийдиган дуоларисиз яшаб ўтишади. Кейин эса (ўша ота-оналар) фарзанднинг ҳоли ёмонлиги ва оғир дардларга мубтало эканидан шикоят қилишади.

Уйларингизни Бақара сурасининг тиловати билан тўлдиринг, зикру дуолар билан қўрғон қилинг,  фарзандларингизни унга одатлантиринг. Шунда барака камаймайди, эр ва хотин ўртасида келшимовчиликлар кўпаймайди. Шайтонлар оила аъзоларининг ақллари ва қалбларига ҳужум қилолмайди. Магарам бу яхшиликни (яъни дуо ва зикрларга эътиборсиз бўлиб) зое қилсаларгина шундай бўлади.

Холид Ҳамдий

@konspektor
23,523
Конспект

09 Jan, 08:01

Танишимни илтимоси билан бир хонадонга иш билан бордик. Хонадонда ёшлари саксон бирга кирган онахон истиқомат қилар экан. Тикувчилардан қолган қийқимлардан чойнак кийдиргич, чойнакни тагига қўядиган нарсалар ва кўрпа қовиб тирикчилик қилар экан.
Тан олиш керак, юртимиздаги кўплаб қариялар билан гаплашсангиз энсангиз қотади, бўлар бўлмас гаплар билан бошингиз оғрийди. Аммо онахонни юзларидан нур ёғар, ҳар-бир каломлари Қурон ва ҳадисдан иборат. Хуллас, гаплашсангиз қалбингиз ором топади. Юмуш билан келганим ҳам эсимдан чиқиб кетди. Мириқиб суҳбатлашдим. Онахонни айтиб берган бир воқеалари эса жуда ҳам тўлқинлантирди. Қуйида шу воқеани келтираман:

"Ёшим саксонга қараб яқинлашгани сари, Аллоҳдан чин кўнгилдан дуо қилардим. Ҳар намозимда "я, Аллоҳ, байтингни тавоф қилишни менга насиб айла", деб дуо қилардим. Чолимдан эрта тул қолдим. Бир ўғлим тақдир тақозоси билан қамалиб қолди. Икки қизим уйли жойли бўлиб, ўзидан тинчиб кетган. Бир неварам билан ўзим яшайман. Умр бўйи кўрпа қовиб, қийтимлардан бир нарсалар ясаб, ҳалол тирикчилик қилдим. Аллоҳга шукр, ризқимни берди. Орттира олмаган бўлсам ҳам зориқиб, бировдан тиланмадим. Ҳажга кетаётганларни кўрсам юрак бағрим оқиб кетарди. Йиғлаб дуолар қилардим. «Аллоҳ, менга ҳам насиб айла», деб тинимсиз нола қилардим. Эй, болам, бир кун эшик тақиллади. Чиқсам Маҳалладан экан. "Она тез кийиниб чиқинг, иш бор" дейишди. Кийиниб, ортларидан эргашдим. Тўғри банкка олиб боришди. Бир дунё пулни кассага топшириб, қўл қўйишимни сўрашди. Нима бўлаётганини тушунмай анграйиб турсам, бир йигит "Ҳолажон, қўлни қўяверинг, ҳали ҳурсанд бўласиз", деди. Пулни тўлаб чиқдик. Бояги йигит қўлимга ‌5‌0‌0‌ $ (беш юз доллор) пул бердида: "Ҳажга борасиз. Тайёргарликни кўраверинг" - деди. Бошим айланиб, тилим калимага келмай қолди. Бир оздан сўнг ўзимга келиб "ҳой, боласи тушмагур, тушунтир, нима бўляпти ўзи?" дедим. "Мен ҳам билмайман, она. Бир яхши одам бошқа бир йигитчадан пул жўнатиб, шу ҳайрли ишга мени масъул қилибди. Биз ҳам ким бу ишни қилганидан бехабармиз. Дуо қилиб қўяверасиз", деди.
Аллоҳнинг мўжизасига тан бердим. Дуолар қилдим. Йиғлаб йиғлаб тайёргарликни кўрдимда, ҳажга жўнадим. Ҳаждаги воқеалар ўзи бир дунё. Ҳамма амалларни бажардик. Аллоҳдан мени байтини кўришга сабабчи бўлган инсон ҳаққига дуо қилдим. Арконларни бажариб, ортга қайтиш бошланди. Уйга қайтар эканман, уйимни холатидан бир оз ҳижолат чекдим. Таниш билишлар зиёратга келса, бироз ноқулай бўлади, деб ўйладим ўзимча. Уйга келиб, не кўз билан қарайки дарвозам бошқа. Уйимни танимадим. ичлари оҳланиб, бир чиройли, кўз кўрса қувнайдиган холатга келтирилибди. Буни ҳам ўша кўринмас одам қилганмиш. Ўша воқеаларга икки йилдан ошди. Ҳали ҳам ўша инсон ҳаққига дуо қиламан. Кимлигини эса билмайман. Дунёда яхшилар бор экан - қиёмат бўлмайди"
Мана, эшитган воқеам мана шу. Мен жуда таъсирландим. Ғоибона яхшилик қилган инсон ҳаққига мен ҳам дуо қилдим. Онахон тўғри айтдилар: "Яхшилар бор экан, қиёмат бўлмайди".

@konspektor
28,855
Конспект

09 Jan, 00:10

Бир кунлик хаётимизнинг закоти!

• Бомдод 4 ракат;
• Пешин 10 ракат;
• Аср 4 ракат;
• Шом 5 ракат;
• Хуфтон 9 ракат
• жами: 32 ракат.
• Намозни уйда ўқисангиз, ҳар ракатига камида бир дақиқа вақт кетади, демак 32 дақиқа.
• Азон ва такбирларга жами 5 дақиқа кетса, 37 дақиқа бўлади.
Бир кун (кеча-кундуз)да 1440 дақиқа бўлса, шундан 37 дақиқаси 2,5% ни ташкил этар экан.
• Бир кунлик ҳаётимизнинг закоти!!!

@konspektor
22,033
Конспект

08 Jan, 17:00

Имом Ибн Жавзий айтадилар:

* Дунё ғамини елкангизга ортиб олманг. У - Аллоҳники;

* Ризқ келишидан ташвиш тортманг. У - Аллоҳдан;

* Келажакни қайғурманг. У - Аллоҳнинг қўлида;

* Қалбингизни йиғлатган ҳаётдан нолиманг. Унинг ўрнига, Аллоҳим, дунё ва охиратда бир яхши эваз бергин, дея дуо қилинг. Зеро, хафалик сажда билан барҳам топиб, шодлик дуо ила қадам ранжида қилур;

* Бировга қилган яхшилигингизни ҳам, бировнинг ғамини аритганингизни ҳам, кўз ёшини артиб, қалбига қувонч олиб кирганингизни ҳам  Аллоҳ ҳеч қачон унутмас;

* Яхшилик кўрмасангиз ҳам яхшилик қилинг. Одамлар учун эмас, Аллоҳ яхшилик қилувчиларни севгани учун шундай қилинг ва шу қоидага биноан ҳаёт кечиринг;

* Очиққўл бўлинг ва шу билан  мусибатларингиз кетади. Билингки, садақангизни олаётган одамдан кўра уни беришга ўзингиз муҳтожроқсиз.

"Қалам" учун арабчадан Муқим Маҳмуд таржимаси

@konspektor
27,096
Конспект

27 Dec, 08:01

Донишмандларнинг насиҳатлари:

–Отлар ичган ердан сув ичинг, чунки отлар ҳеч қачон ифлос сувни ичмайди.

–Ётоғингизни мушук ухлайдиган жойга солинг, чунки мушук хотиржам жойда ухлайди.

–Қурт тушган, лекин тешиб чиқмаган мевани енг, чунки қурт доимо меванинг пишганини танлайди.

–Дарахтни юмронқозиқ кавлаган ерга ўтқазинг, чунки ўша ер ҳосилдор бўлади.

–Уйни илон исиниб ётган жойга қуринг, чунки ўша жой мустаҳкам ва чўкмайдиган бўлади.

–Қушлар иссиқ кунда панага қочган ерни қазисангиз сув чиқади, чунки қушлар сув бор ерни билади.

–Қушлар билан бир вақтда ухлаб, улар билан бир вақтда уйғонинг - зеро бу муваффақият йўлдир.

–Кўпроқ сабзавот истеъмол қилинг, шунда ўрмон ҳайвонлари каби оёқларингиз кучли ва юрагингиз бақувват бўлади.

–Имкон топганингизда сувда сузинг, шунда ерда ўзингизни худди сувдаги балиқдек енгил ҳис қиласиз.

–Имкон қадар осмонга кўпроқ қаранг, шунда фикрларингиз равшан ва тиниқлашади.

–Ўзингизни хотиржам ва сокин тутишга одатланинг, шунда қалбингизга сакинат кириб, руҳингиз ором топади.

@konspektor
10,674
Конспект

27 Dec, 00:30

🧡Психологларнинг машҳур ибораси бор: "Яшаш бу ёмғир остида рақс туша олиш дегани".

🧡Бу эса, муаммоларинг бор вақтда ҳам ҳаётдан завқ олиб яшаш лозим. Муаммолар тугашини кутсанг, умринг ҳам ўтиб кетади, деган маънони англатади. Ҳаёт бор экан,  доим у ёки бу муаммога учрашимиз табиий...

🧡Пулим кўпайса, ишим яхшиланса, кейин яшайман, кейин завқ оламан, дейилса, бунинг охири бўлмайди.

🧡 Аслида, муаммога - бу ҳаётий вазият ёки масала деб қаралса, ҳаммаси осон кечади!

🧡Юқоридаги видеода ҳозир ва шу кунда яшаётган, ҳалол, кўзи тўқ инсоннинг ўз холи-касбидан нолиш ўрнига ҳаётдан завқ олаётганини кўрдим, сизчи?

@konspektor
17,951
Конспект

26 Dec, 17:00

Зино махфий бўлса, гуноҳи икки зинокорга бўлади. Зино ошкора бўлса, гуноҳи барчага бўлади, касофати ҳам ҳаммага уради.

• Ўн йиллар аввал Тошкентга борганимда ёқамни ушлар эдим. Аёлларни кийимидан ҳайратда қолардим. Кўп ўтмай ўзимизда ҳам худди шундай кийимлар пайдо бўлди. Тиззадан баланд кийиш уят ҳисобланмай қолди. Бу вақтда Тошкентда кийим ўлчами янада калталашганига гувоҳ бўлдим. Юбка, деса юбкага нисбатан ҳақорат ҳисобланадиган турсикларга ўтиб кетилибди. Яна ўн йилга бормай, мени шаҳрим шундай юришини ўйласам даҳшатга тушаман.
• Ўтган йили Тожикистонга бордим. Аёллар биздаги тўқсонинчи йилларда юрибди. Бизда кийиб юрган кийимлари билан аёллар у ерга борса, фоҳишага бўлгани каби муносабат кўради.
• Ажрашиш уят бўлмай қолди. Ажрашган келин чиройли бўлса, пули бор биттаси дарров топиляпти. Ҳали эридан иддаси чиқмай, устига юриб қўя қоляпти.
• Авваллари келинни ушлаб олишни камдан-кам эшитар эдим. Ҳозирда фалончи келинини ушлаб олибди, фалончини келини қочиб кетибди, фалончи хотинини ўртоғи билан ушлаб олибди, деган гаплар кўпайганидан, ҳаммани келини юряпти, деган хаёлга боради одам.
• Тиктириш мода бўлди. Битта ифлос доктор арзимаган пулга тиктириб беради. Ану аёл шу баҳона юзини "ёруғ" қилиб олади. Эркак жониворлар ҳам янги усулини ўйлаб топган. Уч кун яқинлик қилмаса парда йиртилар экан, деб уч кун кутиб ўтирибди. Ўз жуфти ҳалолига ишонмай, бу каби иш қилгандан ўлган афзал. Етиб келганимиз шу.
• Ошхоналар, чойхоналарга кундузи киришни иложи йўқ. Аёллар "Игрушка", "гап" ўйнайди. Дунёвийлар бўлса, ҳа, майли, дейди одам. Саттан ҳожи акаларни хотинлари, ҳожи оналар, ҳижобли аёллар...
• Дин бехабарларини тушунарсан. Аммо диндорларини қандай тушуниш мумкин? Гўёки ҳижобда. Аммо кийиб олган кийимидан калта юбкаликлар ҳам хижолат бўлиб кетади. Муслима деганда икки энлик бошидаги рўмоли бор, бўлди. Эгнидаги кийимлари "астағфируллоҳ", дейдиган даражада. Ҳижобдан мақсад нима эди? Авратни ёпишми ёки бошни ёпиб, кетни очишми? Ҳижобдан мақсад пардаланиш, эркаклар нигоҳидан қочиш бўлса, ҳозирги ҳижоблиларни терилган қошлари, шиширилган лаблари, олма терадиган кўзлари ҳижоб ҳақидаги тасаввурларни сочиб юборади.
• Шаҳарда машҳур ҳожи акалар бор. Шуларни синглисини расман иккита эри бор. Икки эр бир-бирини танийди. Пулни кучидан индамай яшайверади. Аёл истаган куни биринчи эри билан, истаган куни иккинчи эри билан ётади.
• Ижтимоий тармоқлардан эр топиш янги модага айланди. Эрсиз аёл эр топса чидаса бўлади. Аммо эри бор аёллар, икки-учта ақлли гапларни ёзадиган ифлос эркаклар сабаб, кап катта хотин бўлганда, фарзандларини бўйи ўзидан ўтганда ажрашиб, оиласини бузиб, ўша "Гапдонга" эрга тегмоқчи бўлиб юрибди.
• Қайсидир аёл эри билан уришиб уйига келса, ёки эри Россияга кетса пойлаб ўтирадиган одам қиёфасидаги махлуқлар бор. Эри кетиши билан, бўри каби ташланади.
• Шаҳарда аввал дискотека деган нарса бўлмас эди. Ҳозирда тўртта дискотека бемалол фаолият олиб боряпти. Ичида фаҳш, фоҳишалар қатори туппа-тузук аёллар юрганига нима дейиш мумкин?
• Фоҳишалар Дубайга, Истанбулга бориб келиб яхши машиналар миняпти. Уларни шу ҳаётига орзуманд баъзи аёллар Дубай сари отланишни орзу қилиб яшаяпти.
• Бир йигит ҳазил қилиб эълон ёзибди "ўн ёшгача бўлган қизлар билан танишаман. Қолганига ожиданя тушяпман", деб. Кулгили, бир вақтни ўзида ачинарли нарса. Яхши қиз топа олмай қийналиб юрган бўйдоқ укаларим, жиянларимни кўрсам раҳмим келиб кетади. Қиз кўп, деймиз. Аммо яхши қизни остонасида кунига беш-олтитадан совчи.
• Хиёбонлар, паркларда қиз ва йигитлар бемалол ўпишиб, ялашиб, қапишиб ўтирибди. Ҳеч кимни ҳеч ким билан иши йўқ. "Тур падарингга лаънат", дейдиган одам йўқ.
• Юқорида ёзганимдай, зино очиқ бўлса - гуноҳи ҳаммага бўлади. Гуноҳларга кўникиб қолдик. Энди касофати ҳам барчамизга бўлади. Бунисига қандай кўникамиз билмадим...

@konspektor
11,412
Конспект

26 Dec, 08:00

Қадим замонда бир одам уйланди. Биринчи куни онаси ва хотини билан дастурхон атрофида ўтириб, янги келинчак бўлгани учун аёлига таомнинг катта қисмини алоҳида эътибор, мулозамат билан узатди. Арзимаган бир қисмини эса ўта беэътиборлик билан онасининг олдига дақ этиб қўйди. Хотини донишманд аёл эди. Ҳозироқ мени талоқ қилишини сўраб туриб олди. Эр сабабини сўраган эди:
— Қон тортади, сиздан бола кўриб, шу она каби хор бўлишни истамайман, — деб жавоб берди аёл.

Минг афсуски, айрим аёллар эри тарафидан қайнонасидан кўра кўпроқ иззат кўрсалар, ўзларича ғолиблик нашъасини сурадилар. Билмайдиларки, ҳар ким экканини ўради. Емоқнинг қусмоғи ҳам бор. Алқисса, аёл талоғини олиб, эридан ажрашди. Вақт ўтиб Аллоҳ унга бошқа бир яхши эрни насиб этди. Йиллар ўтди, бола-чақали бўлди.

Бир куни туя устидаги кажава ичида борарди. Болалари атрофида парвона бўлиб, хизматига шай турардилар. Йўлда бир карвонга дуч келдилар. Карвон ортида абгор аҳволдаги ёши катта бир киши ялангоёқ пиёда борарди. Унга ҳеч ким эътибор бермас эди. Болаларига ўша одамнинг олдига олиб боришларини сўради. Олиб боришгач, ҳалиги одамга деди:
— Мени танидингизми? Мен сизнинг собиқ хотинингиз бўламан. Сизга қон тортади, ҳар ким экканини ўради, демаганмидим? Кўряпсизми, болаларим мени қандай иззат-ҳурмат билан олиб юришибди. Энди ўзингизнинг аҳволингизга бир қаранг. Бунинг сабабини биласизми? Сиз онангизни хорлаган эдингиз. Мана энди жазойингизни оляпсиз...

@konspektor
19,667
Конспект

26 Dec, 01:00

Абу Бакр р.а. вафот этиб, халифалик Умар р.а.га топширилди. Умар р.а. давлат ишлари билан машғул бўладилар. Ҳужжатларни бирма-бир кўздан кечириб чиққан Умар р.а. сандиқларнинг биридан бир идиш топадилар. Дирҳам билан тўла идишнинг ичида бир қоғоз ҳам бўлади. Қоғозда шундай ёзилган бўлади:

"Мен Расулуллоҳнинг халифаси Абу Бакр, хилофотим давомида давлат хазинасидан (байтулмол) менга ажратилган маошни олишга ҳаё қилдим, бир дирҳамини ҳам ишлатмадим. Чунки, менинг мақомим рисолатни ҳақ-ажр эвазига эмас, фақат ва фақат Аллоҳ розилиги учун етказган Расулнинг мақомидир. Кунимни эса ўз ғайратим билан ўтказдим. Мендан кейин бўладиган халифанинг маоши шу идишнинг ичидаги дирҳамдан тўлансин. Давлат хазинасига киритилсин!"

Ҳаёти Абу Бакр р.а. билан мусобақалашиб ўтган Умар р.а. қоғозни ўқиб ўтириб қолдилар. Йиғлаб шундай дейдилар:
— Нақадар буюксан, эй Абу Бакр! Ҳаётлигингда сендан ўзиб кетишимга фурсат бермадинг. Вафот қилиб ҳам имкон бермаяпсан...

@konspektor
22,951
Конспект

25 Dec, 17:00

Аёл қадри

Эр ўз аёлидан сўради:
«Эркак уйланганда нима йўқотади ва нима топади?»
Аёли табассум билан жавоб берди:
«Эркак ўз ёлғизлигини, кичик қарорларни мустақил қабул қилиш эркинлигини ва янги масъулиятлари ҳақида ўйламасдан ҳаракат қилиш қобилиятини йўқотади. Бунга жавобан эса, ҳаётидаги шерикни, фарзандларининг онасини ва ҳаётда илиқлик уфуриб турган уйни топади».
Эр кулиб сўради: «Унда бахт-саодатчи?»
Аёли табассум билан жавоб берди: «Бахт-саодат, азизим, бу ўзимиз яратадиган нарса. Агар никоҳ биз учун мажбуриятларни, хурсандликни ва муваффақиятни бўлишишни англатса, биз бахтли бўламиз. Аммо агар биз унга йўқотиш сифатида қарасак, доимо норозилик ҳиссини туямиз».

Эр унинг сўзларини мулоҳаза қилиб, яна сўради: «Сен мени кўпроқ севасанми ёки болаларингни?»
Аёли иккиланмай жавоб берди: «Болаларимни.»
Эр ажабланиб сўради: «Нега?»
Аёли жавоб берди: «Чунки улар менинг бир бўлагим, қоним ва жоним.»
Эр кулиб: «Унда мен-чи?»
Аёли кулиб жавоб берди: «Сиз эса бу турмушимдаги шериксиз, баъзан мени хурсанд қиласиз, баъзан эса асабимни бузасиз!»
Бу суҳбатдан сўнг эр ўйланиб қолди: «Ростдан ҳам эр-хотин муносабати қурбонликлар устига қуриладими ва бу қурбонликлар қадрланадими?»

Жамиятимизда аёл оиланинг асосий тиргакларидан бири ҳисобланади. У кечалари уйқусиз қоладиган она, овқат тайёрлайдиган, болаларини ўқитадиган, тарбиялайдиган, уйни тозалайдиган, ғамхўрлик қиладиган ва қўллаб-қувватлайдиган аёлдир. У ҳаётнинг барча оғирликларини жимгина ўз елкасида кўтаради ва чарчоққа қарамай, табассум қилиб яшайди.

Шунга қарамай, бордию оила аъзоларидан бири муваффақиятсизликка учраса, бармоқлар дарҳол аёлга қаратилади:
— Боланинг ўқиши орқага қолса, «Она қаерда?» дейишади.
— Боланинг хулқи ёмон бўлса, «Она уни тарбияламабди!» дейишади.
— Эрнинг ҳаётидан қониқмаганлигида, «Хотин етарли эътибор бермабди!» дейишади.
— Уй тартибсиз бўлса, «Она ўз вазифасини бажармабди!» дейишади.

Аммо ҳақиқат шуки, аёл оилада улкан рол ўйнайди. У ҳақиқий мактаб, ҳатто ундан ҳам устундир. У — жароҳатни даволовчи шифокор, қадриятларни сингдирувчи мураббий, маслаҳат берувчи маслаҳатчи ва каттаю кичикка ғамхўрлик қилувчи меҳрибон инсон.
У ҳаёт ҳикматини сақлайдиган кутубхона, меҳр-муҳаббатни беғараз бахш этадиган юрак, оиланинг суянчиғи бўлган қўллаб-қувватловчи устундир.
Шунинг учун, каттаю кичик масъулиятларни зиммасига олган, ўз тинчлиги ва бахт-саодатидан бошқалар учун воз кечадиган, барча қийинчиликларга қарамай атрофидаги инсонларга хурсандлик улашадиган аёлга чуқур ҳурмат билан эътибор қаратмоқ лозим.

Эй аёл, табассум қил ва ўзинг билан фахрлан. Чунки сен авлодларни тарбияловчи, дунёдаги куч ва муҳаббат манбаисан.

@konspektor
23,315
Конспект

25 Dec, 08:00

Биласизми қадрдон, ўн йил ўтиб бугун қайси бренддан кийинганингиз, кимлар билан ва қаерда вақтичоғлик қилганингиз аҳамиятга эга бўлмай қолади!

Аксинча, қандай яшаганингиз, кимларга яхшилик қилганингиз, вақтингизни кимга ва нималарга сарфлаганингиз ва ўтган вақт давомида нималарни ўрганганингиз аҳамиятли саналади.

Шундай экан, бугунги ўй хаёлларимиз нималар билан банд, вақтимизни нима учун ва ким учун сарфлаяпмиз, тафаккур қилайлик.

@konspektor
13,160
Конспект

25 Dec, 01:00

Ҳеч эътибор берасизми, табиатда ҳаммаси жойида:
• ҳеч бир эшак отлар уюрига етакчи бўлишга уринмайди;
• ҳеч бир қўнғиз асалариларга бол йиғишдан ваъз ўқимайди;
• ҳеч бир тошбақа сиртлонларнинг тез чопиш салоҳиятини муҳокама қилмайди;
• ҳеч бир капалак ўзини чумолилардан кўра меҳнаткаш ҳисоблаб, лоф урмайди;
• ҳеч бир ит арслонга ақл ўргатмайди;
• ҳеч бир дарахт ўз мевасини ўзи емайди;
• ҳеч бир гул ўзи учун ифор сочмайди;
• ҳеч бир гиёҳ ўзи ўсган ернинг нобоплигидан шикоят қилмайди...

Одамлар орасида эса ҳамма нарса пала-партиш, ҳеч ким ўз ўрнида эмас:
• номуссизлар иффатлиларга ахлоқдан ўгит беради;
• мияси тузукроқ ишламайдиган одамлар оқилларга бош бўлиш ҳаракатида;
• ўғрилар тўғриларга адолатдан баҳс этади;
• ёлғончилар ҳақгўйларга ҳақиқатдан ваъз ўқийди;
• омилар зиёлиларга ақл ўргатади;
• билмайдиганлар билгичларни пойгакда қолдиради;
• ҳеч нарса яратмаганлар яратилганларга хўжайинлик қилади...

"Ахир улар самовот ва Ер мулклари ҳақида, Аллоҳ яратган нарсалар тўғрисида ва ажаллари яқинлашиб қолган бўлиши мумкинлиги хусусида ўйламайдиларми?!" ("Аъроф" сураси, 185-оят)

Дилфуза КОМИЛ

@konspektor
24,917
Конспект

24 Dec, 17:01

Ҳаётда асқотадиган 50 та зарур қоида:

1. Ҳеч қачон бирор киши билан ўтирган ҳолда қўл бериб сўрашманг.

2. Музокарада ҳеч қачон биринчи бўлиб таклифни берманг.

3. Агар сизга сир айтилган бўлса, уни сақлай билинг.

4. Агар бировнинг машинасини миниб туриш учун олган бўлсангиз, қайтараётганингизда бакини ёқилғига тўлдириб қўйишни унутманг.

5. Бирон ишни қилсангиз иштиёқ билан қилинг, бўлмаса умуман у ишга қўл урманг.

6. Қўл бериб кўришганда маҳкам тутинг ва суҳбатдошингизнинг кўзига қаранг.

7. Якка ҳолда сафарга чиқиб кўринг.

8. Қайғуга ботган пайтингизда сизга хурсандчилик бағишлаган одамни ҳечам йўқотманг.

9. Ҳаётингизни узайтирмоқчи бўлсангиз, маслаҳат олишдан тортинманг.

10. Ўқиш ёки ишхонада янги келган одам билан бирга овқатланинг.

11. Ғазабда хат ёзсангиз тугатгандан сўнг, ўқиб чиқинг, ўчиринг ва қайта ёзинг.

12. Овқатланиш вақтида иш, сиёсат ёки дин ҳақида гаплашманг.

13. Мақсадларингизни ёзиб қўйинг ва уларга эришинг.

14. Ўз фикрингизни ҳимоя қилинг, лекин ўзгаларга ҳурматли ва бағрикенг бўлинг.

15. Яқинларингизга қўнғироқ қилинг ва уларни зиёрат қилинг.

16. Ҳеч нарсадан афсусланманг, ҳаммасидан сабоқ олинг.

17. Обрў ва вафо сизнинг шахсингизда бўлиши керак.

18. Қарзга пул берманг, агар қайтарилмаслигини билсангиз.

19. Бирон нарсага ишонинг.

20. Эрталаб уйқудан уйғонганда ётоғингизни йиғинг.

21. Ҳаммомда ювинаётганда қўшиқ айтманг.

22. Ўсимлик парвариш қилинг ёки боғ яратинг.

23. Имконият пайдо бўлганда осмонни кузатинг.

24. Қобилиятларингизни аниқлаб, улардан фойдаланинг.

25. Қилаётган ишингизни сева билинг, ёки уни тарк этинг.

26. Ёрдам керак бўлганда ёрдам сўрашдан тортинманг.

27. Кимгадир кичик бўлса ҳам бир қадриятни ўргатинг.

28. Сизга ёрдам кўрсатган одамга миннатдорчилик билдиринг.

29. Қўшниларингизга меҳрибон бўлинг.

30. Бирон кишининг бир кунини саодатли қилинг — шунда сизга ҳам хурсандлик бағишлайди.

31. Ўз нафсингиз билан беллашинг.

32. Йилда ҳеч бўлмаганда бир марта соғлигингизни тиббий муолажа қилдиринг.

33. Соғлигингизга эътиборли бўлинг.

34. Ҳар доим табассум билан салом беринг.

35. Тез ўйланг, лекин секин сўзланг.

36. Оғзингиз овқатга тўла ҳолда гапирманг.

37. Оёқ кийимингизни тоза тутинг, тирноқларингизни олинг ва ҳар доим кўринишингизни озода сақланг.

38. Ўзингиз билмайдиган масалаларда фикр билдирманг.

39. Ҳеч қачон ҳеч кимга ёмон муомала қилманг.

40. Ҳаётда гўёки умрингизни охирги кунидек яшанг.

41. Хотиржам бўлиш имконини берадиган фурсатни ҳеч қачон қўлдан берманг.

42. Ҳар қандай кишининг меҳнатини тан олинг.

43. Камтар бўлинг.

44. Ўз илдизларингизни ҳеч қачон унутманг.

45. Имкон туғилганда саёҳатга чиқинг.

46. Қўрқувдан воз кечинг.

47. Ғойибона сизни ҳимоя қилган одамни йўқотманг.

48. Ҳеч қачон таслим бўлмасдан ўз муваффақиятингизни қидиринг.

49. Адолатли бўлинг; сизнинг ёрдамингизга муҳтож бўлганларни ҳимоя қилинг.

50. Ёлғизлик онларидан завқланишни ўрганинг.

@konspektor
24,229
Конспект

24 Dec, 10:08

Айтишларича, Германияда мактаб ва олийгоҳларда фуқароларга ҳам, муҳожирларга ҳам, эмигрантларга ҳам ўқиш бепул экан. Немислар сахий эмас. Аммо улар илмсизликнинг нархини ҳисоблаб чиқишган. Таълим бериш илмсизликка қараганда анча арзон бўлиб чиққан!

Мисрда эса Азҳарга ўқишга кира олмаган абитуриентга бериладиган стипендияга бир ой бемалол яшаш, ўқиш мумкин. (Яъни, ўқишга кира олмаган абитуриентлар кетмасдан ўқийверади).

Бизда эса китобларни, контрактларни қиммат қилмоқчи бўлаяпмиз. Ҳатто абитуриент ва мактабга энди борадиган болакайлардан ҳам пул умидвормиз.

@konspektor
24,172
Конспект

24 Dec, 08:00

• Баъзилар 22 ёшда институт ёки университетни тамомлайди лекин, муносиб иш топиш учун 5 йил кутади.
• Баъзилар 25 ёшида копмания раҳбари бўлади ва 50 ёшида оламдан ўтади.
• Баъзи бошқалар 50 ёшида компания раҳбари бўлади ва 90 йилгача умр кўради.
• Барак Обама 50 ёшида нафақага чиқган бўлса, унинг бир вақтлар витце президенти бўлган Жо Байден 78 ёшида АҚШ президенти бўлди.
• Баъзилар турмуш қурган вақтда баъзилар ҳали ҳам бўйдоқ бўлади.
• Бу дунёда ҳар ким ўз вақт ўлчови билан яшайди.
• Сизнинг аторфингиздаги одамлар гўёки сиздан анча одимлаб кетганга ўхшаб кўринади, баъзилар эса сиздан ортда қолаётгандек.
• Уларга хасад қилманг фақат хавас кўзи билан боқинг.
• Шунинг учун ўзингизни хотиржам тутинг.
• Сиз кеч қолмадингиз. Сиз одимлаб ҳам кетмадингиз.

@konspektor
17,283
Конспект

24 Dec, 01:00

Фарзандларингизга "Фотиҳа" сурасини, таҳорат қилишни, намоз ўқишни ва Аллоҳга ибодат қилишни ўргатиб қўйинг.

Зурриёдингизга буларни ўргатиш бахтини бошқага бериб қўйманг.
Сабаби, фарзандингиз шулар билан нажот топади. Сабаби фарзандингизни ҳаётида мана шу ишлар ҳар куни бир неча марта такрорланиб ва ҳар бири учун ўлимингиздан кейин ҳам савоб олиб турасиз, иншааллоҳ.

Маҳмуд Усмон

@konspektor
19,071
Конспект

23 Dec, 17:00

Таниш бир акамиз бўлардилар, Аллоҳ рахмат қилсин. Бир куни суҳбатимиз чоғида ажойиб гап айтиб қолдилар:
- Фарзандларим ҳар кун ухлашдан олдин эртак айтиб беришларини сўрашарди. Уларни жойларига ётқизиб, қайсидир қахрамонлар, маликалару - шахзодалар ҳақида эртак айтиб берардим. Бир кун ажойиб фикр келиб қолди, Аждарҳо ҳақида афсона айтгунча, фарзандларим тарбияси билан шуғуллансамчи!?
Шу оқшом янги эртак айтиб бердим:
- Бир бор экан, бир йўқ экан, қадим замонда Абдуллоҳ деган бола бор экан. У ҳар куни тонгда бомдод намозини ўқишга ўрнидан эрта турар экан. Намозни ўзига яраша шартлари бор экан. Аввал тахорат қилиш керак экан. Биринчи, қўлини уч марта "бисмиллах" деб ювар экан. Кейин ўнг қўлига сув олиб уч марта оғзини чайқар экан...
Фарзандларим зерикиб қолмасин деб кейинги сафар Абдуллоҳ деган болани бирор қишлоққа юбораман, олдидан ҳовуз чиқиб қолади, у яна хар сафаргидек тахоратини бошлайди...
Кейин қудуққа дуч келади, дарёга боради, қайиққа тушади, от боқади, қўй боқади, лекин бари-бир тахорат қилиб намоз ўқийверади...
Биласизми, бу эртакларим бошланиши ҳар ердан бўлгани билан бир ерда тугарди, кунлар ўтгандан кейин қайси эртак бўлса ҳам сув олдига етиб келганда фарзандларим бир-бирига гап бермасдан:
- У ёғини мен биламан, қўлини бисмиллах деб уч марта ювади, кейин яна қўлига сув қуйиб.... - деб давом эттирадиган бўлди. Менинг ҳикматли эртагим самарасини берди -дея кулиб қўйдилар...

Ён дафтарингизга ёзиб қўйинг, зора сизнинг хам фарзандларингизга фойдаси тегса, эртакчи амакини эса дуо қилиб қўйинг, мени хам қўшиб қўярсиз.
Дуоларингиздан умидворман.

@konspektor
17,990
Конспект

23 Dec, 13:30

Фақат яхши гумонда бўлинг, чунки дилингиздан, тилингиздан чиққан сўзлар ният деб қабул қилинади...

Бир аёл деди:
«Худо хоҳласа, мен албатта солиҳ инсонга турмушга чиқаман! У билан бахтли ҳаёт кечираман». Айтгани бўлди.

Деди:
«Мен университетда ўқишга қабул қилинишимга ишонаман ва шунга интиламан! Ўзим истаган мутахассисликга кираман!». Айтгани бўлди.

Унга дедилар:
«Етар шунча туққанинг! Болалар чарчатишдан бошқасига ярашмайди».
Деди:
«Аллоҳ ёрдам беради. Фарзандаларим қобил, кўзимнинг қувончи бўлишади». Айтгани бўлди.

Эри катта туҳматга қолиб қамалди. Дедилар:
«Эринг туҳматга қолиб қамалди. Яқин орада чиқмаса керак. Унинг фақат ўлиги чиқади».
Деди:
«Йўқ, Худо хоҳласа, албатта чиқадилар. Мен уларни жуда ҳам чиройли кутиб оламан». Айтгани бўлди. Эрининг қандай чиққани ҳаммани ҳайратда қолдирди.

Бир киши деди:
«Мен ишдан ҳайдалишдан қўрқаман. Шунинг учун ишсиз қоладиган кунларимга ҳам пул йиғмоғим керак!» Айтгани бўлди. Ишдан бўшатилди.

Нимага бизнинг айтганларимиз рўёбга чиқади?

Чунки Аллоҳ таоло: «Бандам Мени қандай ўйласа, шундайман!» дейди. Агар Аллоҳ ҳақида чиройли гумон қилса, ўзига яхши. Ёмон ўйласа, ўзига ёмон.

Шунинг учун ҳам Мусо алайҳиссалом Нил дарёсига келиб, қочишга йўл қолмаганда ҳам Роббилари ҳақида чиройли гумон қилдилар. Қавмлари: «Энди қўлга тушдик» дейишса ҳам, улар: «Йўқ! Албатта, Роббим мен билан, У менга тўғри йўлни кўрсатур» дедилар. Аллоҳ уларнинг айтганларини рўёбга чиқарди. Ақл бовар қилмас ҳолда дарё қоқ иккига бўлинди. Йўл очилди.

Ҳатто арзимас нарсалар ҳақида гапириш, ўйлашда ҳам диққат қилинг!

Дойим некбин (оптимист) бўлинг! Аллоҳ ҳақида чиройли гумон қилинг! У - КАРИМ, У РОҲИМ!

Ёмонлик ҳақида ўйламанг! Агар қийин вазиятга тушиб қолсангиз «Инна маъия Роббий саяҳдийн»  (Албатта, Роббим мен билан, У менга тўғри йўлни кўрсатур) деб айтинг!

@konspektor
28,152
Конспект

23 Dec, 13:00

⚡️ Дангасаликдан бутун умрга қутилиб, аниқ мақсад қўйиш ва унга интизом билан эришишингизда ёрдам БEПУЛ бермоқчиман

Исмим Давронбек Турдиев, 11 йилдан бери мияни ривожлантириш билан шуғулланиб келаман.

🚀 Шу пайтгача 40 000 дан ортиқ инсонларга дангасаликдан қутулиб, ўз мақсадларига интизом билан эришишларига ёрдам бердим.

24-25-26 декабрь кунлари соат 20:00 да "Мақсад 2025" номли мутлоқ БEПУЛ онлайн вебинар ташкил қиляпман.

Ҳаволани босиб ёпиқ каналга қўшилишга улгуринг чунки вақт чекланган.

👉 Ҳозироқ БEПУЛ қўшилишга улгуринг
👉 Ҳозироқ БEПУЛ қўшилишга улгуринг
👉 Ҳозироқ БEПУЛ қўшилишга улгуринг
9,021
Конспект

23 Dec, 08:00

Таом пишираётганда:
• "Ихлос" сурасини ўқимоқлик, таомни еювчиларни ҳидоят ва ихлосларига васила бўлади;
• "Кавсар" сурасини ўқимоқлик эса, таомни лаззатли бўлишига васила бўлади;
• "Аттаҳиёту" ни ўқимоқлик, таомни баракотли бўлишига васила бўлади.

Аёлларингизга айтинглар, таом пишираётган вақтда таҳоратли ва робитали бўлсинлар.

Бу хилда пишган таомда зулмат бўлмас. Баданга шифо, қалбга даво бўлади! Ибодатга қувват, иймонга нур бўлади. Иншааллоҳ!

@konspektor
19,304
Конспект

23 Dec, 06:56

Ибн Жавзий айтaди:

Боланг етти ёшгача сенинг райҳонингдир. Кейин ўн тўрт ёшгача сенинг ходимингдир.

Ўн беш ёшдан кейин сенинг шеригингдир. Агар яхшилик қилсанг дўстинг бўлади. Ёмонлик қилсанг душманинг. Шу ёшга етгач уни сўкилмайди ҳам урилмайди ҳам.

@konspektor
18,316
Конспект

23 Dec, 06:56

PAWScoin🐾 Darmodingizni oshiring. 💵

💸Paws Tanglar 30 - dekabr kuni sotuvga chiqadi.Shoshiling❗️

✅Ro'yhatdan  o'ting va Paws tangalarini  bepul ishlab toping.

👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻

https://t.me/PAWSOG_bot/PAWS?startapp=p3jFrk32
9,539
Конспект

23 Dec, 04:00

ФАРЗАНДГА ҚУРЪОН ЎРГАТИШНИНГ 35 УСУЛИ

1.  Қуръон ўрганиш ва ўргатишнинг аҳамиятини билдиринг.

2.  Қуръон ўрганиш босқичларини эслатиб ўтинг: ўрганиш,ўқиш,англаш,татбиқ қилиш ва ўргатиш.

3.  Гўдак  ётган хонада Қуръон ўқинг.

4.  Ўқиётганингизда ёнингизга келса ҳайдаманг.

5.  Қисқа сураларни ўқиётиб болага ҳам такрорлатинг.

6.  Бола ҳар куни Қуръон ўқиётганингизни кўрсин.

7.  Қуръон энг кўп ўтирадиган уйингиз турида ҳаммага кўриниб турсин.

8.  Ҳарфларни ўйинлар орқали ўргатинг.

9.  Қуръон ўқишни 6-7 ёш атрофида бошлаш мумкин.

10.  Яхши муаллим топинг.

11.  Сабрли бўлинг.

12.  Хатоларни чиройли тарзда тўғирланг.

13.  Имкон қадар кўпроқ такрорлатинг.

14.  Ўқиганини ёздиринг.

15.  Қуръонга ўтиш кунини белгиланг.

16.  Қуръонга ўтилган куни
болани табрикланг ва унга Қуръон совға қилинг.

17.  Оз бўлса ҳам ҳар куни Қуръон ўқишига эришинг.

18.  Қуръон ўқиш одоблари билан таништиринг.

19.  “Аъузу”, “Бисмиллаҳ”нинг маъносини ўргатинг.

20.  Қуръонни хатм қилиш режасини тузиб чиқинг.

21.  Бомдод намозидан сўнг Қуръон ўқишга одатланинг.

22.  Ўрганганини, албатта, сизга ўқиб эшиттирсин.

23.  Қуръоннинг энг яқин дўст эканини тушунтиринг.

24.  Қуръонни ёдлашга  унданг.

25.  Муборак кун ва кечаларда кўпроқ ўқисин.

26.  Иложи бўлса гуруҳ бўлиб ўқишни ташкиллаштиринг.

27.  Совға бериб туринг.

28.  Биринчи хатм тугаши биланоқ иккинчисини бошлатинг.

29.  Рамазонни бошқача ўтказинг.

30.  Қуръоннинг маъноси, туширилиши ҳақида маълумот беринг.

31.  Қуръон маъноларини ўрганишга қизиқтиринг.

32.  Қуръонда барча саволга жавоб ва барча муаммога ечим борлигини англатинг.

33.  Қуръон ишорат этган илмий мавзуларга эътиборини қаратинг.

34.  Қуръондаги пайғамбарлар қиссаларидан қандай қилиб ибрат олиш кераклигини, Қуръон кимларни мақтаб,кимларни маломат қилганини ўргатинг.

35.  Қуръондаги ўхшатишлар ва ҳикоялардан намуналар келтиринг.

@konspektor
12,239
Конспект

23 Dec, 01:00

Ассалому алайкум вараҳматуллоҳи ва баракатуҳ

Омонмисиз, қадрдон!

Дуоларимиз такрор! Тилакларимиз ўша-ўша...

Бугунингиз хайр-барокатларга тўла бўлсин деймиз, ҳар бир кунингиз ҳотиржамликка йўғрилсин.

Аллоҳим хонадонингизга барокатини, раҳматини, мағфиратини ва тугамайдиган, ўзгармайдиган неъматларини сочиб қўйсин!

Роббим Сизни муҳтожликдан, қашшоқликдан, дардмандликдан, дангасаликдан,  қарздорликдан, туҳмат ва  бало кулфатлардан Ўзи асрасин!
  
Кун давомида яхшилар ва яхши кайфият ҳамроҳингиз бўлсин!

@konspektor
19,205
Конспект

22 Dec, 17:01

• Касаллик насибангдир, даво излаш эса сенинг қароринг!
• Уйланиш насибангдир, талоқ эса сенинг қароринг!
• Ҳаётингдаги шахслар насибангдир, уларни ҳаётингда асраб қолишинг эса сенинг қароринг!
• Фарзанд насибангдир, унинг тарбияси эса сенинг қароринг!
• Ота-она насибангдир, уларнинг розилигини олиш сенинг қароринг!
• Демак насибаларингдан эмас айнан қарорларингдан жавобгар бўласан!
• Шуни унутма!

Ғолиб Сафо

@konspektor
20,832
Конспект

22 Dec, 08:01

Бир одам Шайх Муҳаммад Содиқ Муҳаммад Юсуф Раҳимаҳуллоҳга:

- Ҳазрат, фарзандим сизга ўхшасин деб Муҳаммад Содиқ деб исм қўйган эдим, лекин фосиқ чиқиб қолди, деб савол берганида, Ҳазрат шундай жавоб берган эканлар:

- Ўғлинг Муҳаммад Содиқдек бўлиш учун ўзинг унинг отаси Муҳаммад Юсуфдек бўлишинг керак.

Ўзимизни ислоҳ қилайлик, Азизлар...

@konspektor
22,387
Конспект

22 Dec, 04:00

• Қўлингдан келмайдиган ишга ваъда берма, қўлингдан келадиган ишга ҳам ваъда берма.
• Қўлингдан келмайдиган ишга ваъда берсанг, уятга қоласан, қўлингдан келадиган ишни эса ваъда бермасдан ҳам бажарса бўлаверади.

Ўткир Ҳошимов

@konspektor
19,117
Конспект

22 Dec, 01:00

Ассалому алайкум ва раҳматуллоҳи ва барокатуҳ!

Хайрли тонг, Қадрдон!

Ҳар тонгимиз Бисмиллоҳ ила бошланиб, ҳар кунимиз Алҳамдулиллаҳ ила якунлансин. Барчамизга дунё ва охиратимизни саодатга боғлайдиган хайрли амаллар қилиш насиб этсин!!

Кўнгил поклиги, қалб ва руҳ хотиржамлиги, ақл соғломлиги,  тану-жон омонлиги доимий ҳамроҳимиз бўлсин!!

Қалбимиз ва дуоларимиздаги азиз инсонларимизни Аллоҳим паноҳида асрасин!!

Аллоҳ ҳар биримизнинг хонадонимизга файзу-барокат, кетмас давлат, шукронаи неъмат ва тинчлик-тотувлик ато этсин!

Янги кунга "Бисмиллаҳ!"...

@konspektor
21,986
Конспект

21 Dec, 17:01

Капалакдек умрингда чумолидай меҳнаткаш бўл, асал аридек фақат гулларга қўниб, ўзинг емасангда — бол тўпла ва инъом эт, ўз оилангни шердек ҳимоя қил, фойдали илм эгаси бўлсанг — булбулдек сайраб ўзгаларни хушнуд эт, кези келганда нодон олдида балиқдек сукут сақлашни ҳам бил, бургутдек баландга уч ва илм-фан чўққиларини забт эт, ҳаёт йўлида туядек сабрли бўл, илон — чаён каби ўзгаларга озор берма, товусдек гўзаллигингга мағрурланиб ўтма, маймундек эрмакчи бўлсанг — шоқолдек ўлаксага зор бўласан, эзгу ишларга учқур от каби чопиб бор, атрофга боқ, яна сенга вафодорликни, тонг саҳарда туришни ўргатадиганлар билан бир қаторда ўзининг даюс сифатини юқтирадиган ёки паразитдек ҳаётни сенга ибрат учун кўрсатиб турган бир қанча маҳлуқотлар бор…

Ҳушёр бўл, оқу қорани ажрата бил...

@konspektor
21,545
Конспект

02 Dec, 17:00

Биласизми, инсон қалби шишадан ясалган идишга ўхшайди. Қаттиқроқ тегсанг синиши мумкин. Чил-чил бўлган идиш эса ўрнига тикланмайди. Демак билмасдан бир-биримизнинг қалбимизни синдириб қўймайлик. Қалбларни меҳр нурига тўлдирайлик. Чунки, эртага бугунни топиб бўлмайди...

@konspektor
3,801
Конспект

02 Dec, 08:00

Дўстлар!

Бир куни ўғил уйланиш мақсадида тўй бошлабди, тўйга тайёргарлик кўрар экан ишлари кўпайиб кетибди. Ҳолдан тойган ўғил отасига илтимос қилибди:
— Отажон, илтимос, мана дўстларимнинг телефон рақамлари уларга телефон қилиб тўйга таклиф қилинг, — дебди.
— Яхши ўғлим, албатта, қўнғироқ қиламан, — жавоб берибди ота.

Тўй куни куёвнинг бор-йўғи икки дўсти келибди. Ўғилнинг жаҳли чиқиб:
— Ота сизга барча ўртоқларимга қўнғироқ қилишни сўраган эдим-ку, — дебди. Шунда ота:
— Ўғлим, мен сен айтгандай қилдим, лекин уларга сен катта бир муаммога ўралашиб қолганингни, айнан бугун шу соатда шу жойга ёрдамга етиб келишларини сўрадим. Кўриб турибмизки, барча ДЎСТЛАРИНГ шу ерда, қолганлари бегоналар. Биз ҳам уларга бегонамиз, — дея жавоб берибди

Инсон умри давомида бир ёки икки нафар ҳақиқий дўст топади. Агар шундай дўстларингиз бўлса, сиз бахтли инсонсиз. Ҳозироқ улардан хабар олинг ва ушбу ҳикояни улар билан ҳам ўртоқлашинг, токи улар ҳам сизнинг борлигингизни сезиб туришсин.

@konspektor
13,309
Конспект

02 Dec, 01:02

1) Одамларни ўзингизга хаддан ортиқ яқин олманг. Шунда биласиз уларни сизга мухтожлиги борми ёки йўқ. Масофа сақланг ва ҳурматингизни билинг.

2) Қуруқ гапга асло ишонманг. Хозирги даврда қуруқ сўзни баҳоси арзон..

3) Сизни керак билган ва сиз билан фахрланувчи инсонларни қадрланг. Сизни керак билмаган инсонларнинг ортидан қувламанг..

4) Одамларни ўзини оқлаш учун топган сўзларига ишонманг. Агар хоҳиш бўлса ҳар қандай холатда имкон топиб бажаради..

5) Сиз одамларни ўз дунёқарашингиз  билан баҳоламанг. Сиз кимлар учундир нималаргадур тайёрдирсиз аммо, у инсон сиз учун ҳеч нарса қилишга тайёр бўлмаслиги мумкин ёки бунинг акси.

@konspektor
16,936
Конспект

01 Dec, 17:01

Мен боламни дейман, болам боласини дейди.

Инсон ўзи жуда қизиқ бир мавжудот. Пул, бойлик, дунё, мансаб топиш мақсадида елади, югуради. Фарзандларимга бир нарса ташлаб кетай дейди, лекин фарзанд ота-она қайтарган ишни қайтараверади, яъни боласини ҳақида қўпроқ қайғураверади. Чунки биз шундай яралганмиз.

Дунё наркобаронларининг отаси ҳисобланган Пабло Эскобар бир куни оиласи билан полиция тақибидан қочади ва оила кўчада тунаб қолади. Болалари совуқ қотмасин деб дунёнинг энг ашаддий жиноятчиси гулхан ёқмоқчи бўлади, лекин ўтин топа олмагач 2 миллион долларни эрталабгача ёқиб чиқади. Ваҳоланки, у ўша кеча наркотик сотиб ўша пулни топган эди ва айнан шу пуллар туфайли полиция чангалига тушишига бир баҳя қолган эди.

Агар ота-онанингиз ҳаёт бўлишса, ҳозироқ уларни қучоқлаб ўпиб қўйинг, ҳолларидан хабар олинг. Энг ашаддий жиноятчида бор бўлган пуллар сизда бўлмаслигини мумкин, лекин унда бўлган меҳр сизда ортиғи билан бўлиши шарт.

@konspektor
14,142
Конспект

01 Dec, 08:00

СИЛАИ РАҲМ НИМА ?

Силаи раҳм – қариндошларинг билан алоқа қилмоқлигинг, уларни зиёрат қилмоқлигинг, улар билан бирга ўтирмоғинг ва уларнинг ҳолларидан доимо хабардор бўлиб туришингдир.
Силаи раҳм – қариндошингни қўлидан тутиб, Аллоҳ таоло томон етакламоғингдир. Мана шу Аллоҳ таоло ирода қилган силаи раҳмдир.

Қариндош ва яқинларингни сендан бошқа кими бор?
Ёру биродарларингда сендан бошқалари хам бор, аммо, қариндош ва яқинларингни сендан бошқа ҳеч кими йўқ.
Ота она ва қариндошларинг зиёратига бардавом бўл.

Муҳаммад Ротиб Набулсий

@konspektor
22,583
Конспект

01 Dec, 01:01

• Камроқ ўйланг, кўпроқ яшанг;
• Камроқ қайғуринг, кўпроқ хурсанд бўлинг;
• Камроқ гапиринг, кўпроқ тингланг;
• Камроқ тортишинг, кўпроқ келишинг;
• Камроқ томоша қилинг, кўпроқ бажаринг;
• Камроқ шикоят қилинг, кўпроқ қадрланг;
• Камроқ қўрқинг, кўпроқ севинг.

Бугунги кун қайтиб келмайди, бугунги кун билан яшанг, эртани ўйлаб бугундан қуруқ қолманг.

@konspektor
18,858
Конспект

30 Nov, 17:01

Аёлимнинг озгина кайфияти йўқ эди. Унга баъзида "Сизни яхши кўраман" деб хабар юбориб тураман. Бугун шу хабарни контактдан юборишда "Онаси"га юбораман деб, "Онам"га юборворибман.

Ташқарига чиқиб келсам, онам 6 марта қўнғироқ қилибдилар. Дарров қўнғироқ қилдим. Қалтираб хавотирда тинмай соғлигимни сўраяптилар. "Хеч бунақа ёзмасидинг" дейдилар... Тинчлантирдим. Шунақа ёзгим келганини айтдиму, шу хабарни нега ҳеч онамга юбормаганман ёки охирги марта қачон ўзларига айтганман деб, ўзимни койидим.

Ростдан ҳам, шу сўзни ҳар куни ҳамма яқинларимизга айтишимиз керак, айниқса онамизга..!

@konspektor
16,844
Конспект

30 Nov, 08:00

Қизил билан текширсанг, ажрашаман!
⠀
Ҳеч хаёлингизга келганми, мактабда дафтарни қизил ручкада текшириш, ажралишлар сонига таъсир қиладиган омиллардан бири экан, бизнинг шароитимизда бу муҳим омиллардан бири ҳам дейишимиз мумкин.
⠀
Қанақасига бундай бўлиши мумкинлиги тўғрисида олдин ҳам ёзган эдим, лекин янада тушунарлироқ бўлиши учун бугун шу мавзу ҳақида мисолларда икки оғиз гапириб бераман!
⠀
Инсон зоти биологик мавжудот, биз доимо ўрганамиз, янгиликлар яратамиз, интиламиз ва ривожланамиз. Ана шу хусусиятимиз билан биз ҳайвонот оламидан ажралиб турамиз, лекин ҳайвонот оламида ҳам биз ҳавас қилгулик одат бор, ҳайвонлар бир-бирининг хатосини қизил ручка билан ниқтаб кўрсата олмайди.
⠀
Энди бир эслаб кўринг, мактаб давримизда, ўқитувчимиз дафтар қизил ручкада текширар эди тўғрими? Ҳатто шундай бўлганки, бир пайт хато қилган пайтимда, ўқитувчимнинг қизил ручкаси қолиб кетган эди ва “бугун қизил ручкам қолиб кетибди, синф дафтарларингизни уйга олиб кетиб текшириб келаман”, деб айтган эди.
⠀
Бўлса, бордир, шу қизил ручка қанақа қилиб ажралишга сабаб бўлиши мумкин деб сўрашингиз мумкин, айнан шу ҳолат бола онгида фақат хатоларга эътибор бериш кераклигини, тўғри ёзилган нарсаларга унча эътибор бермаса ҳам бўлади деган ғояни шакллантирар экан, эътибор берганмисиз, бизнинг амалдорларга бирор мансаб топширилса, дарҳол эски амалдорнинг хатосини топиб ўзини кўрсатиш устида ишлайди, бу ҳам ўша “қизил ручка” принципининг асорати, ёшлигимиздан фақат хатолар устида ишлаймиз, яхши қилинган ишлардан эса кўз юмиб ўтиб кетаверамиз, эски кундалик дафтаримни очиб қарасангиз, унда хатолар устида ишлаш деган мавзуларга ҳам кўзингиз тушади.
⠀
Ана энди “қизил ручка” принципи рўзғорда қандай ўрин эгаллайди, биринчи навбатда янги турмуш қурган ёшлар ва албатта катталар хато топиш ишлари билан банд бўлишади, масалан, янги тушган келиннинг тонг саҳар 5 да кўчани супурмабди, маҳалладаги оқсоқолга салом бермай ўтиб кетибди, келинсалом қилганда куёвнинг катта аммасига салом бериш эсидан чиқиб қолибди деган бемаъни гап-cўзлар қулоғимизга чалиниб қолади.
⠀
Лекин маҳаллага янги тушган келин палон чет тилини яхши билар экан, фалон спорт бўйича чемпион экан ёки яқинда фалон мамлакатдаги математика олимпиадасида ўқувчилари олтин олишибди деган гаплар жуда ҳам бизга ёқавермайди. Чунки биз ёшлигимиздан хатолар устида ишлаганмиз, хатоларга алоҳида урғу бериб келганмиз. Натижада бизнинг миямизда хато топиш учун алоҳида ҳужайра пайдо бўлиб биз уни йиллар давомида каттартириб ривожлантириб борамиз.
⠀
Лондонда яҳудийларнинг бир мактабида бўлган эдим, уларда барча дафтарлар ўқувчи қандай ручкада ёзган бўлса, ўша ручкада текширилар экан ва биринчи навбатда тўғри ёзилган сўз ёки мисолга эътибор берилар экан, масалан ўқувчи 210 та сўздан иборат диктант ёзди, ўқитувчи уни текшириб, 18 та хато топди, ўқитувчи хатоларга эмас, тўғри ёзилган сўзларга эътибор берар экан ва 18 та хато эмас, балки 192 та тўғри сўз деб ёзар экан.
⠀
Бу билан улар болага кейинчалик хатолардан тўғри хулоса чиқаришга имкон берар экан. Бу эса аста-секин болада яхши нарсаларга кўпроқ эътибор бериш керак деган одатни шакллантирар экан.
⠀
Шунинг учун ўқувчилар дафтарини қизил ручкада текшириб уларда хато топиш одатини шакллантиришимиз келажакда унинг ҳаётига салбий таъсир қилиши мумкин.

@konspektor
21,895
Конспект

30 Nov, 01:00

- Инсон ҳаётдаги энг катта душмани бу – унинг ўзи.

- Инсон ҳаётидаги энг ахмоқона қилиғи бу – ёлғон ишлатиши.

- Инсон ҳаётидаги энг катта қоқилиш бу – унинг ишончсизлигидир.

- Инсон ҳаётидаги энг катта кулфати бу –  ҳасад.

- Инсон ҳаётидаги энг катта қайғуси бу –  ўзини йўқотиши.

- Инсон ҳаётидаги энг катта айби бу –  ношукрлиги.

- Инсон ҳаётидаги энг арзигулик афсуси бу – ўз қадрини билмаслиги.

- Инсон ҳаётидаги энг тахсинли ҳолати бу – йиқилганидан кейин ўзини ўнглай олиши.

- Инсон ҳаётидаги энг катта йқотиш бу – умидининг сўниши.

- Инсон ҳаётидаги энг улкан ютуғи бу – соғлиги ва ақли.

- Инсон ҳаётидаги энг улкан қарзи бу – ҳақиқий ҳиссиётлари.

- Инсон ҳаётидаги энг буюк қобилияти бу – унинг улкан қалби.

- Инсон ҳаётидаги энг улкан юпанч бу – унинг эзгу ишлари.

@konspektor
19,710
Конспект

29 Nov, 17:00

Қизларимизни кеч турмушга чиқишидан хавотир олмаслик ҳақида.

Яқинда атрофда биз билган, таниган, кеч турмушга чиққан қизлар ҳақида гаплашиб қолдик. Кеч деганда 25 ёшдан кейин турмушга чиққанларни назарга тутяпмиз. Орасида 34 ёшда турмушга чиққанлар ҳам бор. Биз таниганлар аксари камида магистратурани ўқиган, кенг дунёқарашли қизлар. Эътибор берсак, улар оилада ўртача оилалардан анча бахтли экан.
Сабабларини таҳмин қилдик:
а) бу қизларда дунёқараш ўртача контингентдан анча кучли, ўқиш ва ҳаётий тажриба дунёқарашни шакллантирган;
б) уйидагилар мажбурлагани учун эмас, оила қуришга тайёр бўлиб турмуш қурган. Шу томондан оилани кўпроқ қадрлайди;
c) ҳаётий тажриба сабаб муаммоларга нисбатан совуқроқ қарай олади. Умуман шахс сифатида кўпроқ шаклланган;
д) бунақа қизларга одатда кучли аёллардан қўрқмайдиган, ўзи ҳам характер жиҳатдан кучли бўлган, уларни қабул қилиб биладиган эркаклар уйланади. Натижада бу қизларга шахс сифатида кучлироқ эркаклар насиб этади. Биз билганларга эътибор берсак, аксарининг турмуш ўртоғи ўқиш, карьерада ёки бизнесда катта ютуқларга эришган.

Эътибор берсак, биз билган кенг дунёқарашли кеч турмушга чиққан бирор қиз мажбурликдан оила керак бўлгани учун турмушга чиқмаган, ҳаммаси кеч оила қуриб, лекин молиявий томондан анча оёққа турганлиги учун яхшироқ яшаб кетишган.

Шу учун ҳам кеч турмушга чиқиш ёки кеч уйланиш муаммо эмас. Одам имкони борича ўзига, шахсий ривожига инвестиция қилавериши керак. Бу келажакдаги оиласи ва фарзандлари учун ҳам фойдали бўлади. Ота-оналар ҳам қиз фарзандини шошириб ҳали 20га етмасдан турмушга бергандан кўра, уларни таълимига инвестиция қилса яхши бўларди деб ўйлайман.

Фируз Аллаев

@konspektor
16,759
Конспект

29 Nov, 08:01

МЕНИ ЙЎҚЛАБ КЕЛМАЙСАНМИ, ЖОН БОЛАМ...

Елкам эзар дунёларнинг ташвиши,
Тор кўринар кўзларимга кенг олам.
Ниш уради соғинч тинмай кўксимга,
Мени йўқлаб келмайсанми жон болам?

Шу бўлдими орзу қилган тилагинг,
Енгилдими нафсингга курагинг, Наҳот кўнди менсизликка юрагинг,
Мени йўқлаб келмайсанми жон болам?

Сочларимга оқ оралаб қолдим мен,
Бўғзимда жон дил яралаб қолдим мен,
Кўзларим тўрт йўл мўралаб толдим мен,
Мени йўқлаб келмайсанми жон болам?

Ортиб борар хавотирим кун сари, Керак эмас менга дунёнинг зари, Арзимайди бир сўзимга ҳеч бари, Мени йўқлаб келмайсанми жон болам?

Кўзларимнинг нурлари ҳам қочгандай,
Юрагимда дарду алам тошгандай,
Бир оёғим қабрим томон шошгандай,
Мени йўқлаб келмайсанми жон болам?

Жаҳонгир Каримжонов

@konspektor
14,136
Конспект

29 Nov, 01:01

Бир донишманд айтган эди:
"Мен ҳамиша ўзимни бахтиёр сезаман. Биласанми нега?
• Чунки мен ҳеч қачон, ҳеч кимдан, ҳеч нарса кутмайман! Кутиш бу — азоб.
• Ҳаёт қисқа. Шундай экан, ўз ҳаётингизни севинг!
• Ҳамиша кулиб боқинг!
• Гапиришдан олдин тингланг!
• Ёзишдан олдин ўйланг!
• Пулни сарфлашдан олдин ишлаб топинг!
• Аразлашдан олдин кечиришни билинг!
• Оғритишдан олдин ҳис қилинг!
• Нафратланишдан олдин севинг!
• Ўлишдан олдин яшанг".

@konspektor
25,409
Конспект

28 Nov, 17:01

ЯХШИЛИКЛАР ТАБАССУМДАН БОШЛАНАДИ

Кичкина қизалоқ тушкун кайфиятдаги нотаниш одамга чиройли табассум қилди. Табассум нотаниш одамнинг кайфиятини кўтарди. Кейин негадир яқин орада унга ёрдам қўлини чуўзган дўстига рахмат айтмаганини эслади. Нотаниш одам дўстига ажойиб бир смс мактуб ёзиб унинг қўл телефон манзилига жу'натди...
Дўсти мактубни укиб севинганидан ресторанда овкатланганида офитциант кизга берадиган одатий чойчакасидан кўпроқ қилиб бериб кетади. Официант киз биринчи бор бундай чойчака олаётганди. У кечга якин уйига кайтар экан, топган пулларидан бир кисмини хар гал йўлнинг бир четида турадиган фақир одамнинг қалпоғига ташлаб кетди.
Икки кундан бери туз тотмаган фақир кимса киздан миннатдор бўлиб, боши осмонга етди. Одам овкатланиб олгач, баланд бино ертўласида жойлашган кулбаси томон йўл олди. У шу қадар бахтли эдики, йўл четида совукдан қалтираётган ташландиқ кучукчани бағрига босди. Кучукча совукдан қутулганига хурсанд бўлиб яйради, иссиккина хонада эрталабгача югуриб уйнади.
Кечаси бинони тутун коплади. Кайердандир ёнғин чиқди. Тутун хидини сезган кучукча каттик акиллай бошлади. Аввалига фақир одам, кейинрок эса барча қўни-қўшнилар уйғонди. Ота-оналар хавфда қолган болаларини бағирларига олиб химоя килдилар ва уларни ўлимдан асраб қолдилар...
Бу яхшиликларнинг барчаси биргина табассум туфайли содир бўлган...

@konspektor
21,331
Конспект

28 Nov, 09:41

Набавий мўъжиза

Замонавий технологиялар Расулуллоҳ соллаллоҳу алайҳи васалламнинг 1400 йил олдин "жаннат дарвозасининг кенглиги" борасида айтган сўзларини тасдиқлади.

Абу Ҳурайра (р.а.)дан ривоят қилинади: Расулуллоҳ (с.а.в) дедилар:
"Муҳаммаднинг жони Унинг измида бўлган Зотга қасамки, жаннат эшикларининг икки қаноти ораси (даги масофа) Макка ва Ҳажар ўртасидаги масофадек ёки худди Макка ва Бусро ўртасидаги масофадекдир". (Имом Муслим ривояти)

Ҳадисдан бу икки масофа тенглиги тушунилади.

XX асргача ушбу икки узоқ жой орасидаги масофани аниқ ўлчаш имкони мавжуд эмасди. Сунъий йўлдошлар орқали эса Макка ва Бусро, Макка ва Ҳажар вилояти орасидаги масофа ўлчаниб, бу икки масофа бир хил 794 мил, яъни 1273 км.га тенг эканлиги аниқланди.

Субҳаналлоҳ!
GOOGLE MAP орқали кўришингиз ҳам мумкин.

Ихтиёр Абдураҳмонов

@konspektor
19,796
Конспект

28 Nov, 08:01

Агар бирор муаммога дуч келсангиз, қуйидагиларни эсланг ва шукур қилинг:

• ҳар қандай муаммо вақтинчадир;
• бу менинг тақдиримда ёзилган экан, шунинг учун содир бўлди ва бошқача бўлиши мумкин эмас эди;
• мендан ҳам чандон оғир аҳволдаги қанча одамлар бор, ахир, менинг аҳволим улардан яхшироқ-ку;
• бундан ҳам баттарроғи бўлиши мумкин эди;
• агар бунга сабр қилсам, Аллоҳ таоло мени ажр-савоб ила мукофотлайди.

Агар шуларни қалбан тафаккур қилсангиз, муаммо анча енгиллашганини ҳис қиласиз...

@konspektor
19,168
Конспект

28 Nov, 01:01

ТАБИАТДА ҲЕЧ НАРСА ЎЗИ УЧУН ЯШАМАЙДИ:

— Ариқ ўз сувини ичмайди.
— Дарахтлар ўз мевасини емайди.
— Қуёш ўзи учун порламайди.
— Гуллар ўзи учун гулламайди.

Ҳатто инсонлар ҳам, «Мен ўзим учун яшайман» дейишса ҳам, барбир кимдир улар учун ҳаётларининг мазмуни ҳисобланади. Яратиқ борки, ўзи учун бўлмаган нарсаларни бошқаларга бериш билан бахтлидир. Гуллар кимларнингдир кўнглини шод айлайди. Сув эса кимларгадир ҳаёт беради...

Сиз ҳам меҳр улашинг, табассум улашинг, ҳамдард бўлинг, дўст бўлинг... ва албатта берганарингиздан ортиғига эришасиз...

Шундай бўлингки, атрофингиздагилар сиздек яқини борлигига шукроналар айтсин!

@konspektor
36,819
Конспект

27 Nov, 17:00

ОТА-ОНАДАН КЕЙИН...

Ота-онадан кейин бош бўлиб қолган фарзанднинг назари тўқ бўлиши керак! У ўз манфаатларини охирги ўринга қўйишга мажбур, яъни, энг адолатли, энг саҳий ва барча жигарларига бирдай меҳрибон бўлиши шарт.

Агар фарзандлари иноқ бўлмаса, ота-онанинг эришган мартабаси, шон-шуҳрати, обрўси тупроқ билан биттадир!
Жигарларни бир-бирига кўнглини иситиш ҳам санъат, ҳам юки оғир маъсулият! Оға-иниларга бош бўлиб қоладиган фарзанднинг энг муҳим иши қариндошлар орасидаги гинани йўқотишдир.

@konspektor
26,436
Конспект

27 Nov, 08:01

Хат

Эртага бир отанинг ёлғизгина ўғилнинг туғилган куни етти ёшга
тўлади. Ота севимли ва ёлғиз ўғли учун нима совға олиш ҳақида
узоқ ўйлади. Ниҳоят бу тилаклар ва истакларини хатга тушуришга қарор
қилди ва чиройли сўзлар ахтара бошлади.Кейин бу иш ўзига эриш
туюлди. Жимжимага ҳожат борми. Kўнглимдагиларни ёзсам кифояку!
Шундай ҳаёллар қўлига қалам оларкан жилмайиб қўйди: Хат ёзмай қўйганимга ҳам анча бўлибди дея ёза бошлади:

“Менинг паҳлавон жасур ўғлим сени жуда яхши кўраман ҳаммада кўпроқ соғинаман!
Кичкинагина қулочингни катта очиб дадажон сизни шунча яхши кўраман деганингдек қўлларимни дунёга сиғдирар даражада очишни ва мен ҳам шунча яхши кўраман дейишингни истайман.
Икковимизнинг куч синашларимиз эсингдами? Ишон ҳар гал ростдан ҳам кучли бўлганинг учун ён бермаганман.
Менинг туғилган куним эслайсанми? Бобонг сенга олиб келган шоколадни емасдан дадам келса бераман деб мени кутиб кутиб ухлаб қолардинг. Ўшанда юзчангга термилиб кўнглим қувончга тўлганди. Ҳар тонг яна кеч келасизми дадажон деб сўраганинг кейин Майли ухлаб қолмай кутиб ўтираман хўпми деб кулиб қўйганинг сира ҳаёлимдан чиқмаяпти. Майли сени ҳам кўп безовта қилдим. Ухла
болажоним. Хотиржам ухла сенинг ёнингга қачон бораман билмайман. Биз албатта учрашамиз мени кутгин а ўғлим. Сени яхши кўраман. Даданг!!!”

Туни билан кўз ёш тўкиб ёзган бу сатрли мактубини ота автоҳалокатда ҳалок бўлган ёлғиз ўғлининг қабри чеккасига кўмиб келди.

Қадрли тезликни ошириб автомобил хайдайдиган дўстим сиздан илтимос, омонат дунёда бировнинг яқин инсонидан жудо бўлишига сабабчи бўлманг. Тезликни мейёридан ошириб хайдашингиз сизни жонингизга қасд қилишингизга ўхшайди. Қадрли биродарим имкон қадар бошқаларга яхшилик қилинг, Аллох сиздан рози бўлсин!

©️ In'om

@konspektor
23,500
Конспект

27 Nov, 01:01

Етимники кирдими, қус. Йўқса ҳаёт қустиради

(Бўлган воқеа)

Қўқондан Тошкентга икки мошина бўлиб, қурбон байрамини қариндошлар билан нишонлаш учун йўлга чиқдик. Отам, онам, орқада мен, тиззамда укам, синглим ва аммам. Иккинчи мошинада амаким оиласи билан... Йўлда кутилмаган мусибатга учрадик. Бизнинг мошинани йўлнинг у тарафидан келаётган камаз уриб юборди. Кўзимни очганимда касалхонада эдим. Ҳаммаёқ қий-чув, йиғи-сиғи... Бир онда ота-онам, аммам ва синглимдан айрилдим. Байрамимиз азага айланди.
Укам билан бувимникига кўчиб ўтдик. Кўп ўтмай бувим ҳам вафот этдилар. Амаким ва янгамнинг қўлида ҳаётнинг аччиқ, зарбаларига тик турган ҳолда яшай бошладик. Отамдан қолган уй-жой, мол-мулк ҳаммаси амакимнинг номига ўтди. Онамнинг тилла тақинчоқлари эса янгамни бисотига кирди. Биз ҳали ёш бўлганимиз учун, ҳеч нарса демасдан амаким ва янгамга итоат қилиб яшаб юравердик. Орадан 4 йил ўтди. Мен 16 ёшга кирдим.
Амакимнинг қизи эса 17 га. Иккимизга совчилар кела бошлади. Тақдирни қаранг-ки, ака-укага қўш келин қилиб узатадиган бўлдилар. Етимнинг кўрган куни қурсин...
Ҳамма яхши нарсалар опамга, менга эса шукр ҳақида насиҳатлар. Онамдан қолганлар менга етади деб ўзимни овунтираман. Адашган эканман. Янгам онамдан қолган тилла тақинчоқларни менга эмас, қизига тақди. Наилож қўлимдан нима ҳам келар эди. Аллоҳга солдим. Унинг Ўзи нақадар адолатли Зот! Ҳаёт ҳали олдинда.
Тўй ҳам ўтди...
Мен ҳомиладор бўлдим.
Овсинимда эса ҳа деганда янгилик бўлавермади. Аллоҳнинг инояти билан мен иккинчимни ҳам омон-эсон туғиб олдим. Овсинимнинг куни эса шифокорма шифокор ўтар эди. Орадан 4 йил ўтди. Овсиним ҳомиладор бўлди. Ҳамма ҳурсанд. Лекин уларнинг байрамлари узоққа етмади. Овсинимни қовуғидаги қаттиқ оғриқ билан касалхонага ётқизишди. Бола бачадонда ўлиб қолган экан. Шифокорлар болага қўшиб, бачадонни ҳам олиб ташладилар. Муллакам овсинимнинг даволаниши, дори-дармонига онамдан қолган тиллаларни сотиб ишлатиб бўлган эди.
Опам кўп яшамади, яшаттирмадилар. Ажрашиб кетди. Муллакам бошқасига уйланди.
Мен ҳозир амакимнинг бир фарзандининг ҳаётини айтдим холос... Қолган уч фарзандининг бошига келган ишлар ҳақида гапиришни истамадим. Етим ҳаққи бу дунёда ҳам, у дунёда ҳам буюрмайди. Ақли бор инсон бошига келадиган мусибатлардан тўғри хулоса чиқариб олади.

@konspektor
21,981
Конспект

20 Nov, 17:00

Етти авлодингиз қандай номланишини биласизми?

1. Фарзанд
2. Невара
3. Чевара
4. Эвара
5. Панневара
6. Овора
7. Бегона

@konspektor
5,438
Конспект

20 Nov, 08:00

Имом Ибн Жавзий айтадилар:

* Дунё ғамини елкангизга ортиб олманг. У - Аллоҳники;

* Ризқ келишидан ташвиш тортманг. У - Аллоҳдан;

* Келажакни қайғурманг. У - Аллоҳнинг қўлида;

* Қалбингизни йиғлатган ҳаётдан нолиманг. Унинг ўрнига, Аллоҳим, дунё ва охиратда бир яхши эваз бергин, дея дуо қилинг. Зеро, хафалик сажда билан барҳам топиб, шодлик дуо ила қадам ранжида қилур;

* Бировга қилган яхшилигингизни ҳам, бировнинг ғамини аритганингизни ҳам, кўз ёшини артиб, қалбига қувонч олиб кирганингизни ҳам  Аллоҳ ҳеч қачон унутмас;

* Яхшилик кўрмасангиз ҳам яхшилик қилинг. Одамлар учун эмас, Аллоҳ яхшилик қилувчиларни севгани учун шундай қилинг ва шу қоидага биноан ҳаёт кечиринг;

* Очиққўл бўлинг ва шу билан  мусибатларингиз кетади. Билингки, садақангизни олаётган одамдан кўра уни беришга ўзингиз муҳтожроқсиз.

Арабчадан Муқим Маҳмуд таржимаси

@konspektor
15,709
Конспект

20 Nov, 04:00

ЎЙЛАБ КЎРДИНГИЗМИ?

— Мол-дунёйимиз ортди, аммо ҳузур-ҳаловатимиз йўқолди;
— Қулайликлар ортди, аммо вақтимиз камайди;
— Дорилар кўпайди, касалликлар озаймади;
— Кеч ётиб, эрталаб чарчоқ билан уйғонамиз;
— Кам китоб ўқиймиз, кўп телевизор кўрамиз;
— Кўп гапирамиз-у, кам эътибор берамиз;
— Пул топишни ўргандик, сарфлашни эплолмадик;
— Ойга учиб-қайтишни биламиз, лекин қўшнимиз билан кўришишга икки қадам босолмаймиз;
— Фазода нималар бўлаётганини биламиз-у, ички кечинмаларимиздан хабаримиз йўқ;
— Ҳавони тозалаймиз, лекин руҳларимиз кир;
— Режалар тузамиз-у, натижалар кўринмайди;
— Шошилишни ўргандик, сабрни ёддан чиқардик;
— Танишларимиз кўп, ҳақиқий дўстларимиз кам;
— Ютуқларимиз кўп, негадир қувончимиз оз.

"Бахтли ҳаёт сари" китобидан

@konspektor
14,100
Конспект

20 Nov, 01:00

Ассаламу алайкум ва роҳматуллоҳи ва барокатуҳ

Омонмисиз, қадрдон...
Муродбахш чоршанба тонгги муборак бўлсин!

Қалбингиз Аллоҳнинг уйи!
Кўксингиз меҳрнинг чашмаси!
Кўзингиз гўзаллик шайдоси!
Қўлларингиз ҳайрнинг аскари!
Оёқларингиз яхшиликнинг чопари!

Турган-битганингиз Мусаввир зотнинг "санъат асари!"

Илм сизга тутилди, дунё сизга яралди; тунлар оромингиз учун, кунлар касби корингиз учун бино бўлди, Аллоҳ шундай яратибдими, демак ҳеч бири бежиз эмас!

Қалбингизни эгасига очинг...
Меҳр бисотингизни сочинг...
Кўзларингиз гўзаллик нурига,
Қўлларингиз дуонинг зўрига,
Оёқларингиз Покнинг ҳузурига
Сизни еткизмагунича толмасин!

Сизни йўқлаб келган бу тонг ҳайрли ишларга дебоча бўлсин!

@konspektor
13,332
Конспект

19 Nov, 17:01

ТЎЙ ФОЖЕАСИ

Яқинда эндигина элликка кирган яхши бир акани тупроққа қўйдик. Ичагида яраси бор экан. Шу очилиб кетибди. Аммо бу одамни ўлдирадиган дард эмас. Ҳарқалай, қолоқ бўлса ҳам медицинамизнинг бунга ақли етади. Бироқ марҳум шифохонага бормаган.
— Нега шифохонага олиб бормадингизлар? — дедим ҳайрон бўлиб.
Аёли ерга қарайди. Болалари онасига хўмраяди. Бир амаллаб масаланинг тагига етдим.
Ака яқинда набирали бўлибди. Тўнғич қизи ўғилли бўлиб, шунга бешик тўйи олиб бориши керак экан. “Бешик тўйи”нинг харажати катта эмиш. “Агар мен касалхонага тушиб қолсам тўй беролмай қоламиз”, деб ота шўрлик шифохонага бормаган ва бир ҳафта давомида қон туфлаб юраверган.
— Бир неча марта айтдим, лекин ҳар сафар: “Қудаларнинг олдида уятли бўлиб қоламиз, қизингнинг кўнгли ўксийди”, деб бормадилар, — дейди аёли.
Хуллас, шу одам ўлди. Бир тийинга қиммат анъанани, бемаврид ғурурни деб ўлиб кетди.
Муҳтарам ўзбеклар, тўйлар фожеасидан қачон қутилади? Қачон эс киради бизга? Биз қачон тонналаб гуруч дамлаб тўй қилишнинг фазилат эмаслигини тушунамиз?
Ажабо, бир аср илгари Беҳбудий ҳазрат ҳам худди шундай нолиб ёзган эканлар. Орадан 100 йил ўтибди ҳамки, ҳамон ўша “қўшиқ”!

@konspektor
17,226
Конспект

19 Nov, 08:01

Энг заиф одам сир яшира олмайдиган одамдир.

Энг кучли одам ғазабини юта олган одамдир.

Энг сабрли одам камбағаллигини яшира олган одамдир.

Энг бой одам насиб қилганига қаноат қилган одамдир.

@konspektor
19,317
Конспект

19 Nov, 01:02

“Аллоҳнинг неъмати” дея ниқобламанг!

Айрим аёлларимизда устма-уст, баъзан нимагадир қасдма-қасд туғиш одати бор. Шу йўл билан янги оилада мустаҳкам илдиз отиш, эрни маҳкам ушлаб олиш ниятидагилар ҳам бисёр.

Ўзбекнинг шундоқ ҳам болажонлиги ортидан юқоридаги каби омиллар қўшилиб, ҳозир постсовет ҳудудида аҳолиси яшин тезлигида ўсиш бўйича яққол биринчимиз. Лекин бунинг ортидан келиб чиқадиган ишсизлик, аёллар соғлигидаги муаммолар, оилавий зиддиятлар, болалар руҳиятидаги салбий ўзгаришлар, иқтисодий етишмовчиликларни ўйлашгаям эринамиз.

Яна бир оғир жиҳат – оилани, фарзандлар сонини режалаштириш гўё биз учун табу, мутлақ ёпиқ мавзу. Кимгадир бу ҳақда тушунча бермоқчи бўлсанг ўзининг эътиқоди ҳаминқадар бўлсада, сени салкам динсизликда айблай бошлайди. “Аллоҳнинг неъмати, ризқни ўзи беради...” деб оғзингга уради.

Фарзанд Яратганнинг неъмати эканлигига, тирик жон борки ризқи етиб туришига ҳеч шубҳа йўқ. Лекин устма-уст туққан, ўзи ёш, қўлида ёш бола, бунинг устига рўзғорнинг минг ташвишига ўралиб бораётган аёлнинг яна ҳомиладор бўлиши стресс келтириб чиқармайдими? Бундай вазиятда Аллоҳнинг бир неъматига зўрма-зўраки эришаман деб, шунгача берилган бошқа неъматлар – тинчлик ва соғликка рахна солиб қўйилмаяптими?

Биламан, эътиқоди “мустаҳкам”лар ҳозироқ етиб келишади ва изоҳларда кўпик сачратиб мени ёмонлашни бошлашади. Лекин буни ёзишимга туртки бўлган эълонга бир кўз югуртириб кўринг:

“199? й туғилган, 4 фарзандини ёлғиз катта қиляпти, ҳозирда ҳомиладор. Эри билан бирга яшамайди ва эри оила таъминотида қатнашмайди. Ҳозир аёлга “Буйрак етишмовчилиги, ҳомила тушиш хавфи” каби ташхислар қўйилган ва бир неча хил муолажалар тайинланган. Даволаниш учун 1,5-2 млн сўм маблағ сув ва ҳаводек зарур. Яхшилар, ёрдам беринг...”

Хулоса ўзингиздан!

Аброр Зоҳидов

@konspektor
13,035
Конспект

18 Nov, 17:01

5 муҳим ўгит

- Ҳаромдан сақлансанг инсонларнинг энг кўп ибодат қилгани бўласан.
- Аллоҳ таолонинг сенга берганига рози бўлсанг одамларнинг энг бойи бўласан.
- Қўшнингга яхшилик қилсанг ҳақиқий мўмин бўласан.
- Ўзинг яхши кўрган нарсани бошқаларга раво кўрсанг ҳақиқий мусулмон бўласан.
- Кўп кулма. Ҳаёт ўйин-кулгидан иборат деб ўйлама. Чунки кўп кулиш -  ҳаётни ўйин-кулги деб қабул қилиш қалбни ўлдиради".

Термизий, Аҳмад ибн Ҳанбалнинг "Ғам-қайғусиз яшай десангиз" китобидан.

@konspektor
20,518
Конспект

18 Nov, 08:00

ФАРЗАНДЛАРИМИЗДАГИ ҚОБИЛИЯТ ЙЎҚОЛИШИНИНГ БАЗИ САБАБЛАРИ:

1. Юзга уриш миядаги 300-400 ҳужайрани ўлдиради. Бошни силаш эса мияда янги ҳужайралар пайдо қилади.

2. Электрон ўйинлар ижтимоий ақлни, луғавий зийракликни барбод қилади.

3. Боланинг фикрлари устидан кулиш, у тақдим қилган ишларни тақдирламаслик натижасида ундаги мотивация пасайиб кетади.

5. Боланинг ёшлигидан у билан суҳбат қуриш эшигининг ёпиқлиги.

6. Таълим бериш давомида сув ичишни камайтириши (миянинг 85% и сувдан иборат. Ҳар 45 дақиқада 1 стакан сув ичиш зарур.)

7. Ўқувчининг қобилияти ва қизиқишларини ҳисобга олмай ўқитиш самарали натижага олиб келмайди.

@konspektor
20,243
Конспект

18 Nov, 01:01

АСЛ ЭРКАК

Бир куни машинамда ўтиргандим. Машинам олдига бир болакай яқинлашди:
- Амаки машинангизни ғилдиракларини ювиб берайми?? Кўп сўрамайман. Қанча берсангиз ҳам розиман...
Бой эмасман. Лекин ўзимга тўқман, хаётда. Ёнимдан 1000 сўм чиқариб унга узатдим. Болакай пулни кўргач юзи тундлашди:
- Амаки мен тиланчи эмасман.
Шундай дея орқасига қараб кета бошлади. Чақирдим, олдимга келди. Ҳаётда биринчи марта шунақа ноқулай вазиятга солган болакайни учратгандим. Юзлари бироз қорайган, жемферининг тирсакларига ямоқ қўйилган боланинг қўллари эса мағзаваданми, ҳар ҳолда бошқа жойларидан оқроқ эди. Ўзим қилган ишимдан ҳижолат бўлиб болакайга “менга машина фаралари ва ойналарини артиб бер” дедим, у бўлса яна мени ҳайратга солишда давом этди:
- Амаки менинг латта ва совуним фақат ғилдирак ювишга мўлжалланган. Мен ойналарингизни хунук қилишни хоҳламайман...
- Хоп унда ғилдиракларни ювақол - дедим..
У ғилдиракларни юваркан ундан оиласи хақида сўрадим. Кам гапирди. Отаси бундан ярим йил олдин вафот этганини, онаси бўлса бетоб бўлиб қолганини, боқувчи бўлиб фақат ўзи ишлаётгани, топганини рўзғорга ва онасининг дори дармонига сарфлаётганини айтди. Эпчиллик ва хафсала билан қилган меҳнатини кўриб ва унинг шароитини билиб ёрдам бўлар деб ёнимдан 15минг чиқардим..
- Амаки бир ғилдиракни 500дан баҳоланг. Менга 2000 берсангиз етади. Меҳнатим бераётган пулизга арзимайди...
Томоғимга бир нима тиқилиб қолди... Қўярда қўймай, илтимос қилиб пулни бердим. Болакай пулни чўнтагига жойлаб “рахмат” айтиб, кейинги машина томон илдам юриб кетди. Орқасидан қарарканман қўлида оддий челак ва латта билан ҳалол пул топаётган, шимларини шимариб олган ва аҳён аҳён бурнини тортиб қўядиган бу йигитча кўз олдимда михланиб қолди. Машинани ўт олдирар эканман Яратганга илтижо қилдим:

Аллоҳим шундай ЭРКАКни дунёга келтирган аёлнинг дардига ўзинг шифо бер..!!

@konspektor
17,707
Конспект

17 Nov, 17:00

Япон тилида “басит, аҳамиятсиз, бетайин” каби сўзлар йўқ. Чунки яшаш тарзида учрамаган нарса луғатга ҳам кирмайди. Худди ўзбек тилидаги “истихола” сўзи каби. Ўзбек тилидан бошқа тилда бу сўз йўқ. Кўп миллатларни кўрдим, фақат ўзбеклардагина истихолага дуч келдим. Айниқса, туркларда умуман бир нарсадан тортиниш, истихола килиш деган тушунчани ўзи йўқ. Истихола қилиб турган бирини кўрса, бу “эзик” дейишади.

Ахлоқ ва одоб қотилига айланиб кетаётган бу дунёмизда бирдан кўнглим япон бўлишни тусаб қолди. Нега?

Ҳажга кетаётган эдик. Аэропортда паспорт назоратидан ўтяпмиз, гуруҳимиздаги бир опа тинимсиз бир нималар еб-ичиб, ахлатини оёғини остига ташлаб кета бошлади. Атрофда ҳар хил миллат бор, инглизлар, японлар... Улар ғалати-ғалати қараб қўяётган эди. “Туба хоним, ахлатингизни менга беринг, ахлат кутисига ташлаб келаман”, — дедим секингина. “Қўявер, ҳеч кимга сездирмасдан, кўрсатмасдан отиб юбораяпман”, — деди.

Аллоҳ-чи?!

У ҳам сезмай қоляптими, кўрмай қоляптими, ажабо? Баъзан қилаётган амалларимизни.

Пайғамбаримиз соллалоҳу алайҳи ва салламдан: “Одоб нима?” – деб сўрашганида “Диннинг ярмиси”, – деб жавоб берган эдилар. Яримта дин билан ҳажга кетяпмиз...

Японияда ҳеч ким майда-чуйда ахлатларни ҳам йўлларга ташламайди, ахлат қутисига ҳам отмайди. Сумкасига солиб уйига олиб келади ва уйидаги мусорга ташлайди. Японлар ҳамма нарсага аҳамият беради, қиймат беради, ҳеч кимга бетайин деб қарамайди. Ўша учун ҳам бу сўзлар луғатига кирмаган. Динимизнинг ярми ўша тарафларга қочиб кетаётгандек...

Япониядан нефть чиқмайди, газ, тилла конлари йўқ, аммо бой мамлакат – одоб захиралари бор. Бундан 10 йил аввал америкалик 6 нафар профессор Японияга боришади. Фақатгина бир мақсадда японлар қандай қилиб муваффаққият ва тараққиётга эришмоқда, буни ўрганиш учун боришганди. Яна қаршиларига японларнинг ахлоқи чиқиб келди. Улар ўз ишини, касбини, ҳалолликни ибодат даражасида қилишарди.

Япон аёллари университетда профессор бўлса ҳам, эрталаб вақтли туриб эрига нонуштани ўзи тайёрлайди ва эрининг оёқ кийимларини тозалайди. Эрталаб уйидан аёлининг меҳри ва ҳурмати билан нонушта қилган киши, албатта, бундан руҳланади ва бор имкониятини ишига касбига беради. Сир эди бу ҳам.

Жалолиддин Румийга кўра: “Одоб – ақлнинг ташқи либосидир”. Либосларимиз ҳам у тарафларга қочиб кетаётгандек. Ҳа, биз динимизни яхши биламиз, беш маҳал намоз ўқиймиз. Бироқ, намоз бир кунда беш маҳал, одоб эса йигирма тўрт соат фарздир.

Марзия САЙДАМ

@konspektor
30,509
Конспект

17 Nov, 08:02

Бозорга бораётган эдим. Одамлар гавжум ўтадиган кўча бошида йўлка четидаги панжарага бир унниқиб кетган қалин жимпир илиб қўйилибди. Этагига бир қоғоз қистирилган, унга йирик-йирик ҳарфлар билан қўлда нималардир ёзилган эди. Ўтган-кетган бир оз тўхтаб, ўқиб, сўнг йўлида давом этарди.
Диққатимни тортди. Тўхтаб, ўқий бошладим:

"Мен муҳтожман. Нимагадир кейинги пайтлар хеч ким менга қарамай қўйди. Бошқалар мендан ҳам муҳтожроқ бўлиб қолгандир деб ўйладим. Бу қиш кунлари кимдир совуқдан дийдираб юрган бўлса, олсин, кийсин деб бор-йўғим битта жимпиримни илдим. Олганга хурсанд бўламан, Оллоҳ ёрдамчиси бўлсин!" деб ёзилган эди қоғозда.

Ичимда бирнима ғимирлади... Сўнг кетдим.
Юмушларимни битириб шомга яқин яна шу йўлдан ўтдим. Бояги жимпир ҳам, ёзув ҳам хаёлимдан кўтарилган экан, одамларнинг тўпланиб тургани эсимга туширди.
Узун панжаранинг уч-тўрт метр қисмига ёзгию қишки турли-туман кийим - кўйлаклар, кастим-шимлар, жимпирлар, палтолар, қалпоқлар... илиб ташланган, бари тоза, қимматбаҳо экани кўриниб турар эди. Панжарага тақаб қўйилган катта қоғоз қути оёқ кийимларию бошқа яна нималардир билан лиқ тўла.
Тўпланганларнинг кўзи қути қопқоғига ёпиштирилган катта қоғоздаги ёзувларда. Хамма ўқиб муҳокама қилар эди.
Қизиқиб, мен ҳам кўз югуртирдим:

"Мен бойман. Кийимларим ҳам кўп. Қишда совқотмайман. Аммо хатингни ўқиб (уни худди менга ёзгандайсан), ўзимни яхшиликка сендан кўра муҳтожроқ ҳис этдим. Совуқдан жунжикдим гўё. Сен қолдирган жимпирни олиб кийган эдим, танамга илиқлик югурди. Умримда бунақа илиқликни туймаганман. Энди бу жимпирни ҳар қишда кияман! Ўрнига уйдаги бор кийимимни олиб келиб илдим. Булар сенинг ва сен каби яхши инсонларнинг ҳаққи. Адашиб, менда тўпланиб қолибди. Олиб хаққингни ҳалол эт, дўстим!"

Бозордан кийим-кечак олиб қайтаётган эдим. Ичимда бирнима ғимирлади. Оғир елим халтани у қўлимдан бу қўлимга олиб, йўлимда кетавердим...

Нуруллоҳ Муҳаммад Рауфхон

@konspektor
19,440
Конспект

17 Nov, 01:00

Фарзандингизни уйғотишдан олдин унинг ёнида уч дақиқа ўтириб, паст овозда "Оятул курси" билан икки "Қул аъузу" сураларини ўқинг. Кейин уни оҳиста уйғотинг. Бақир-чақир ўрнига тасбеҳ айтинг. Аллоҳни севдирадиган сўзлар айтинг, "Аллоҳ ризқимизни кенг қилсин", "Аллоҳ сизларни ёрлақасин" денг. Фарзанд Аллоҳни яхши кўриб улғайса, У Зотга гуноҳ қилишдан қўрқади, солиҳ амаллари билан тенгдошлари орасида ажралиб туради.

Эй Мусо алайҳиссаломни чақалоқ пайтида сақлаб қолган Зот! Ўғил-қизларимизни ҳаёт фитналаридан сақла! Аллоҳим! Фарзандларимизни солиҳлардан, ота онасига яхшилик қилувчилардан қил!

@konspektor
21,859
Конспект

16 Nov, 17:01

Қачонки қизингни ухлатишга ётқизганингда, унга ярим тунда уйидан қочиб кетишга одатланган Золушка ҳақида эртак айтиб берасан ва қизинг ўзини ўша эртак қаҳрамони ўрнида тасаввур қилиб уйқуга кетади. Хўш, қизингни ўз ота-онасининг гапига кирмай қўйганига ким айбдор экан? Қадриятлари тескари бўлиб қолган ғарб тарбиясини фарзандларингга ўзинг сингдирмаяпсанми?

Наҳот сен ўша Золушка ўрнига, уйқудан олдин, қизингга Ҳадича, Оиша, Осиё оналаримиз ва бошқа аёллар хақида ривоятлар айтиб бера олмасанг? Ахир ушбу зотлар ҳаётида ота-онасига, жуфтига итоатнинг гўзал намунаси кўрсатилмаганми?

@konspektor
16,394
Конспект

16 Nov, 08:01

НОЧОРГА ЁРДАМ БЕРИШНИНГ МУКОФОТИ

Абдуллоҳ ибн Муборак икки йилда бир ҳаж қилар эди. У шундай ҳикоя қилади: "Ҳаж қиладиган йилим беш юз динор олиб, туя сотиб олиш учун Кўфадаги туя бозорига чиқдим. Бораётиб қарасам, бир аёл ўлган ўрдакнинг патини юлаётган экан. Олдига бориб:
— Буни нима қиласиз? — дедим. Аёл:
— Ишинг бўлмасин, Аллоҳнинг бандаси, — деди. Бу гапдан бироз шубҳаланиб, ўрдакни нима қилмоқчилигини қайта-қайта сўрайвердим. Ниҳоят, аёл сабабини айтди:
— Сиримни очишга мажбур қилдингиз, Абдуллоҳ. Аллоҳ сизга раҳм қилсин. Эрим вафот этди, тўртта қизим билан қолдим. Бугун туз тотмаганимизга тўрт кун бўлади. Шунинг учун бизга ўлимтик ҳалол бўлди. Бу ўрдакни тозалаб, қизларимга олиб бормоқчиман.

Ичимда: "Эй Ибн Муборак! Шўринг қурсин, кўзинг қаёқда эди?" дедим. Аёлнинг этагига бор пулларимни тўкиб, "Уйингизга боринг, бу пулларга керакли нарсаларни олинг", дедим. Ўша йили Аллоҳ қалбимдан ҳаж қилиш истагини олиб қўйди. Ҳожилар қайтиб келгач, улар орасидаги қўшниларим ва дўстларим билан кўришмоқчи бўлиб чиқдим. "Аллоҳ ҳажингизни қабул қилсин, амалингизга мукофот берсин" десам, улар ҳам: "Аллоҳ сизнинг ҳам ҳажингизни қабул қилсин, амалингизга мукофот берсин", дейишар эди. Мен ҳайрон бўлиб, "Қандай ҳаж? Ахир Кўфадан чиққаним ҳам йўқ-ку!" десам, улар "Қанақасига, ахир ўзингиз Фалон жойда бизга сув улашдингиз-ку! Фалон жойда баъзи амалларни бажаришга ёрдам ҳам бердингиз", дейишарди. Бу гапни кўпчиликдан эшитдим, аммо уларнинг келишиб олишлари мумкин эмасди. Бунинг сабабини ўйлаб ўйимга етолмай, уйқуга ётдим. Тушимда Набий соллаллоҳу алайҳи васалламни кўрибман. У зот: "Ажабланма, Абдуллоҳ. Бир ночор аёлга ёрдам берганинг учун Аллоҳдан сенинг суратингда сенинг номингдан ҳаж қиладиган бир фаришта яратишини сўраб дуо қилдим", дедилар.


Ғиёсиддин Ҳабибуллоҳ, "Солиҳлар гулшани" китобидан

@konspektor
28,739
Конспект

16 Nov, 03:40

Дейишади...

• Эрта турмушга чиқсанг, "эрсираган" дейишади;
• Кечроқ турмушга чиқсанг, "ўтириб қолган" дейишади;
• Ўзингдан ёши каттароққа тегсанг, "чолга тегибди" дейишади;
• Кичкинага тегсанг, "ёш болани бошини айлантириб тегвоган" дейишади;
• Тенгдошингга турмушга чиқсанг, "эр-хотин ёшида фарқ бўлиши керак" дейишади;
• Тўйдан кейин Аллоҳ фарзанд берса, "зўрға турганаканде" дейишади;
• Агар фарзанд ато этмаса, "бу туғмасакан" дейишади;
• Содда кийиниб юрсанг, "ҳижоб ичида ижод" дейишади;
• 16 ёшингда "эрта катта бўб қоган" дейишади;
• 30 ёшингда эса, "қариб кетипдими?!" дейишади;
• 1-хотин бўлсанг, "буни эрини аниқ иккинчи хотини бор" дейишади;
• 2-хотин бўлсанг, "бировни бахтини ўғиpлаган" дейишади;
• Интернетдан фойдалансанг, "эри даюс" дейишади;
• Фойдаланмасанг, "онги пас" дейишади;
• Бир нимадан хафа бўлсанг, "ношукур" дейишади;
• Хурсанд бўлсанг, "бахтни яшириш керак, кўз тегади" дейишади;
• Шароитинг оддий бўлса, "ночор" дeйишади;
• Ўзингга тўқ бўлсанг, "порахўр" дейишади;
• Озғин бўлсанг, "сал семирса, ўладими?!" дейишади;
• Тўлача бўлсанг, "сал озса, бўмидими?!" дейишади;
• Ўғил туғсанг, "энди қиз керак" дейишади;
• Қиз туғсанг, "ўғил хам туғволишиз керак" дeйишади;
• Фарзанд сони кам бўлса, "қоматини ўйлаб кам туққан-да" дейишади;
• Фарзанди кўп бўлса, "вой Худо туғвурарканде аа" дейишади;

Улар аввал ҳам гапиришган, ҳозир ҳам гапиришди, кейин ҳам гапиришади. Ўзингиз учун яшанг. Улар доим гапиришади.

@konspektor
25,536
Конспект

16 Nov, 01:00

АЧЧИҚ ҲАҚИҚАТЛАР

1. Негадир доим кўнглимизни оғритгандан эмас - кўнглимизга қарайдиган инсонлардан аламимизни оламиз...

2. Бизни севганларга озор берамизу - севмаган инсонларга поёндоз бўламиз...

3. Тўғри йўл кўрсатганни ёмон кўрамизу - эгри йўлга бошлаганни ортидан доим қолмаймиз...

4. Яхши кўрган яқинларимизга, касал биродарларимизга вақтимиз йўғу, етти ёт бегонаникига ошга боришга ҳар доим вақт топамиз...

5. Оиласи ночорроқ синглимизга ҳар хил бахоналар билан ёрдам бермаймизу лекин - халқни кўзига қозон-қозон ош қилиб зиёфат берамиз...

6. Ота-онамизни ҳафтада бир бора кўриб келишга фурсат йўқ - аммо улфатлар билан ўтиришга ҳар доим ҳам тайёрмиз...

7. Аёлимизга бир неча калима ширин сўзимизни аяймизу — лекин кўчадаги аёлларга гўзал калималар орасидан гўзалларини аямаймиз...

8. Озгина пулимизни йўқотиб қўйсак қанча асабимиз бузилиб хафа бўламизу — аммо ҳеч қандай бойликка сотиб олиб бўлмайдиган вақтимизни арзимаган кишилар, бекорчи бўш нарсаларга сарфлаётганимизга ачинмаймиз...

@konspektor
26,307
Конспект

15 Nov, 17:01

Бошқаларни хурмат қилинг.

Олам шундай яралганки, хаётингизда учрайдиган ҳар қандай одам сиз учун муҳим ва қимматли ахборот, кутилмаган янгилик олиб келади. Фақат одамлар кўпинча манманлиги туфайли буни сезмайди. Синчков ва сезгир бўлинг! Бошқаларга хурматсизлик кўрсатиб, сиз биринчи навбатда ўзингизни бехурмат қилган бўласиз. Эсда тутинг, бошқа одамнинг олами, туйғулари муқаддас ва дахлсиздир. Сизнинг атроф оламга бўлган хурматингиз - сизнинг бахт- саодатингиз гаровидир.

Самимий бўлинг.

Одамларнинг фақат яхши, ижобий хислатларини кўришга интилинг. Эсда тутинг, хар бир одамда исталган хислат бор. Ниятларингиз тоза ва самимий бўлса, одамлар сизга ўзининг энг яхши томонларини кўрсатади.

@konspektor
18,366
Конспект

15 Nov, 10:01

СИЗНИ СОҒИНДИМ ОНАЖОН!!!

( Ҳаётий бўлган воқеъа )

–Ушбу воқеа Малайзия давлатининг пойтахтидаги катта бир кафеда бўлиб ўтган.

-Кун яримлаб қолган, кафе одамлар билан гавжум, кўпчилиги ёшлар ва ўрта ёшдаги аёл ва эркаклар эди. Бирдан кафе эшигидан 4-5 та башанг кийинган одамлар кириб келди, қўлларида видео камера ҳам бор, ҳамманинг кўзи уларда, шунда улардан бири сўз бошлади:
–Ҳурматли хонимлар ва жаноблар, узр озгина вақтингизни оламиз, мақсадимиз шуки ҳозир биргаликда психологик тест ўтказамиз, шартлар оддий, ҳозир хаммангизга коғоз ва қалам тарқатамиз, кейин кетма-кетлик билан савол ўкийман, сизлар фақат кетма-кетлик билан жавоб ёзасизлар холос.
Ҳамма ҳайрон, ҳеч ким, ҳеч нарсага тушунгани йўқ, шундай бўлсада юзларидаги кулгу билан розилик ифода этиб туришарди.
Келганлардан бири ҳаммага қоғоз ва қалам тарқатиб чиқди ва биринчи сўз бошлаган бошловчиси яна сўз бошлади.
-Демак ҳамма диққат билан эшитсин ва фақат ўйлаб жавоб ёзинг, демак бошладик биринчи савол:
1- Сиз онангизни яхши кўрасизми?
Ҳамма шошилганча жавоб ёзди!!!
2- Сиз унга охирги марта қачон, онажон сизни яхши кўраман деб айтдингиз?
Ҳамма жим, жавоб ёзмоқда!!!
3- Сиз охирги марта қачон онангизни маҳкам бағрингизга босдингиз?
Иштирокчиларнинг кўзида қандайдир маъюслик сезила бошлади!!!
4- Сиз қачон охирги марта онангиз билан бирга ўтириб овқатландингиз?
5- Сиз қачон охирги марта онангизни бирор жойга айлантиргани олиб бордингиз?
6- Сиз қачон онангизга бирор нима совға қилдингиз?
___Кафедаги хўрандалар боягина биринчи саволга, енгиллик билан шошилиб жавоб ёзган эдилар, энди кўринг!!! Бошлари пастга эгилган ҳолда қўлларидаги қаламлар ёзиш ўрнига қалтирар эди!!!
Бошловчи яна саволни давом эттирди:
7- Сиз онангизни нимани яхши кўришини биласизми?
Бошловчи саволларни тез ўқий бошлади!!
8- Онангиз ҳозир нимани хоҳлаётганини биласизми?
9- У ҳозир кимни соғинаётганиничи?
-Охирги саволим ҳурматли ватандошлар, деб сўнгги саволни ўқиди:
10- Бир кун келиб уни йўқотишингизни биласизми, уни қайтиб ҳеч қачон кўрмаслигингизничи?
-Бошловчи саволни тугатди ва кафедаги одамларга назар солди, уларнинг кўзлари ёшланиб қўлларидаги қоғозда ўз изини қолдирганди, гўёки ҳамма саволларга кўзёшлар жавоб бергандек эди!!! Бошловчи буларни анча вақт кузатиб турди ва сўз бошлади:
-Ушбу психологик тестимиз орқали кўзингизга ёш келтирганимиз учун узр сўраймиз, бу бизнинг навбатдаги тестимиз эди, лекин ҳар сафар саволларга фақатгина кўзёшлар жавоб берябди, жавоб варақалари ўзларингизда қолсин эсталик учун, ҳолбуки бу сизга ибрат бўлсин, деб кафедан чиқиб кетди!!!
-Улардаги жавоб ўрнига кўзёшларнинг сабаби шу эдики: улар ота-оналари билан бирга яшашмас эди, балоғат ёшига етгач ўз йўлини танлаб шу йўлда ортига қарамай кетаётганлар эди, шу сабаб улар саволларга жавоб бера олишмади!!!
-Лекин бизни юртда ундай эмас, минг бор шукр, барча фарзандлар ота-оналари билан бирга!!!
-Шундай бўлсада азиз ватандошим, юқоридаги саволларни бир-бор ўзингизга бериб кўринг, ишонаманки сиз албатта ҳамма саволга жавоб ёзасиз!!!
___Ушбу мақолам орқали мусофир юртларда юрган ватандошларим, кўнглингизни эзган бўлсам минг бор узр!!! Чунки ҳозир мен ўзим ҳам узоқ манзиллардаман, бу воқеани СОҒИНЧ алами остида ёздим!!!
___Азизлар яқинларимиз ёнимизда эканлигида қадрига етайлик!!!

Абдулхаков Дадахон

@konspektor
28,718
Конспект

15 Nov, 05:01

Онага муносабат

3 ёшда — "Менинг онам — энг зўр она";
5 ёшда — "Онажоним, сизни яхши кўраман";
10 ёшда — "Тўғри йўл кўрсатувчим";
18 ёшда — "Оббо, қўйсангиз-чи, она";
25 ёшда — "Ҳаётимга аралашманг";
30 ёшда — "Она, ҳозир вақтим йўқ";
40 ёшда — "Қариялар уйида сизга яхши қарашади";
50 ёшда — "Онам вафот этибдилар";
60 ёшда — "Онам бўлганларида эди";
65 ёшда — "Бир кўриш учун бутун умримни берардим";
70 ёшда — "Ўғлим, нега қариялар уйига келдик?"
— "Бу ерда сизга яхши қарашади".

@konspektor
19,153
Конспект

15 Nov, 01:01

Ота ўғлига:
— Юрганингда қадамингни ўйлаб босгин, — деди. Ўғли:
— Отажон, аввало сиз эҳтиёт бўлинг, чунки мен сизнинг изингиздан боряпман, — деди.

@konspektor
18,125
Конспект

14 Nov, 17:01

ОНАНГ БЎЛАРКАН...

Толеъ кулаверса ишинг юришиб,
Атрофингга дўст-у ошно тўларкан.
Дард чексанг юраги зир-зир увишиб,
Дармон излагувчи онанг бўларкан.

Адашиб қилсанг бир хато ё гуноҳ,
Омад ҳам олисга кетаркан ногоҳ.
Боламни Ўзинг авф этгин Ё Аллоҳ,
Дея бўзлагувчи онанг бўларкан.

Вақт вафо қилмайди, омонат кунлар,
Ҳасратлар этганда бағрингни хунлар.
Жойнамоз устида чўк тушиб тунлар,
Сен деб тизлагувчи онанг бўларкан.

Кафтимда ўстирган гул-у, лолам деб,
Кўзимда қалқиган қувонч жолам деб.
"Ўзим ўргилайин сиздан болам" деб,
Суйиб сизлагувчи онанг бўларкан.

Ғурурдан гоҳ бошинг осмонга тегиб,
Юрсанг қайтарар жим кибрингни эгиб.
Қалбингга иймоннинг уруғин экиб,
Ҳаққа юзлагувчи онанг бўларкан.

Сўзлар:- болам дунё тургунча турсин,
Жами яхшилиг-у хайрни кўрсин.
Ҳасратин менга бер, қувониб юрсин,
Дея сўзлагувчи онанг бўларкан.

Кулсанг қувонади, йиқилсанг суяр,
Кўнглингни сендан-да яхшироқ туяр.
Зарра ғам чексанг минг баробар куяр,
Бахтинг кўзлагувчи онанг бўларкан.

Дилобар Ўролова

@konspektor
17,174
Конспект

14 Nov, 12:02

БИР КАМ ДУНЁ

50 йиллик турмушимиздан сўнг, мен бир куни аёлимга тикилиб қарадим ва дедим: "50 йил олдин уйимиз кичкинагина эди, эскигина машинамиз бор эди, униққан диванда эски оқ-қора телевизор кўриб ўтирардик, лекин мен хар куни 19 ёшли гўзал билан бирга эдим. Энди эса, хашаматли катта уй эгасиман, кўплаб қиммат машиналарим бор, кенг ётоқхонамга катта экранли телевизор қўйилган, лекин хар куни 69-ёшли аёл билан биргаман. Шу сабаб турмушимдан қониқмаслик хисси пайдо бўляпти"
Аёлим жуда хам ақлли аёл. У бу сўзларимдан ранжимади, мен билан талашиб-тортишмади хам. У менга, бемалол 19 ёшли қиз топиб, уйланишим мумкинлигини, ўзи эса менга худди аввалгидек кичкина кулба, униққан диван, оқ-қора тасвирли телевизор топиш учун қўлдан келганча харакат қилишини айтди.

@konspektor
14,716
Конспект

14 Nov, 08:05

Психолог МИХАИЛ ЛAБКОВСКИЙ дан БОЛAЛAРНИ ТAРБИЯ ҚИЛИШ БЎЙИЧА 12 МAСЛAҲAТ

1. Бахтсиз одамлар бошқаларни бахтли қилишга ёки уларни бахтли бўлишида ёрдам беришга қодир эмаслар. Фарзандларингизга бахтни ўргатишдан олдин, бу нима эканлигини англаш яхшидир.

2. Кўпинча бир оилада бутунлай бошқача характерли фарзандлар улғайишади: бири доим қийналиб юрса, иккинчиси дунёдаги ҳамма нарсага осонлик билан эришади. Ота-оналарнинг ўзлари ўғиллари ва қизлари қандай қилиб ўзларининг аниқ нусхаларига айланганини сезмайдилар ҳам.

3. Тўлақонли тарбия учун болаларнинг озиқ-овқатига, кийим-кечак ва даволанишига бўлган жисмоний эҳтиёжларини қондиришнинг ўзи етарли эмас. Аммо кўплаб ота-оналар фарзандларининг ривожланиши учун шундай ғамхўрлик қилишнинг ўзи етарли деб ҳисоблашади.

4. Болалигида бола билан қандай мулоқот қилсангиз, улар сизнинг кексалигингизда сизга шундай муносабатда бўладилар.

5. Aгар бошланғич мактабда, болангиз ёрдамингизсиз дарсларни яхши тушунмаса, сиз узоқ вақт давомида дарслари билан шуғулланишингизга тўғри келса, муаммо болада эмас, балки мактабдадир. Мактабни ўзгартириш керакдир.

6. Болаларни жазолаш мумкин ва баъзан керак. Лекин сиз болани ва унинг ҳаракатини аниқ ажратишингиз керак.

7. Чўнтак пуллари олти ёшдан бошлаб боланинг ёнида бўлиши керак. Катта пуллар эмас албатта, лекин сарфларига мунтазам аралашиш керак эмас.

8. Болалар учун ўз ҳаётини ўтказиш, нима қилиш ва нима қилмаслик кераклигини ҳал қилиш, улар учун муаммоларини ҳал қилиш, амбицияларингиз, умидларингиз, кўрсатмаларингиз билан уларга босим ўтказиш керак эмас. Сиз кексайганизда, улар қандай яшайдилар?

9. Мен доимий яқин назоратга қаршиман. Бола оиланинг уни севиши, ҳурмат қилиши ва унга ишонишига ишонч ҳосил қилиши керак.

10. Ўсмир хонасидаги тартибсизлик унинг ички ҳолатига мос келади. Унинг руҳий оламида ташқи тартибсизлик мана шундай ифодаланади.

11. Тарбия беришда ўрнак бўлиш керак, фақат қандай яшашни тушунтиришнинг фойдаси кам.

12. Болалар билан муаммолар ҳақида эмас, балки уларни қандай ечиш, режаларни амалга ошириш ҳақида гаплашиш керак.

@konspektor
15,476
Конспект

14 Nov, 08:00

⚡️ Уй жойлар бозоридаги 100 дан ортиқ таклифлар бир жойда.

— Кадастрга эга
— Тайёр таъмирланган
— Котлован ҳолатидаги уйлар.
— Муддатли тўловга уйлар

👉 Уй-жойларни кўриш
10,561
Конспект

14 Nov, 01:00

Мен сизларга бир таклифни айтаман. Мен ўзим буни ҳар куни бомдод намозидан кейин айтиб чиқаман:
1. "Астағфируллоҳал ъазийм ва атубу илайҳ" 100 марта.
2. "Аллоҳумма солли ъала саййидинаа Муҳаммадин ва ъалаа олиҳи ва саҳбиҳи ва саллим" 100 марта.
3. "Субҳаналлоҳи валҳамдулиллаҳи ва лаа илааҳа иллаллоҳу валлоҳу акбар" 100 марта.
4. "Субҳаналлоҳи ва биҳамдиҳи субҳоналлоҳил ъазийм" 100 марта.
5. "Лаа ҳавла валаа қуввата иллаа биллаҳи" 100 марта.
6. "Ҳасбияллоҳу ва ниъмал вакийл" 100 марта.
Бу нарсани айтишга тахминан 20 минут ёки ундан бироз кўпроқ вақт кетади холос. Сиз бу зикрларни айтинг, уёғини Аллоҳга ҳавола этинг. Ўзининг мадади, ёрдамини ато этиш Унга хосдир.

Шайх Муҳаммад Ротиб Наблусий

@konspektor
16,623
Конспект

13 Nov, 17:00

ОНАМ

Россияга кетишимни эшитган онам қаршилик қила бошладилар. Билиб юрибман, нима қилсалар ҳам, ишламасам ҳам ёнларида бўлишим керак. Дадам ўта қаттиққўл одам. "Ишласин, талтайтириб юбординг. Бу ерда бири икки бўлмайди. Четга чиқиб пул топиб келсин, ана ҳаммани боласи чет элда!"
Онам отамга гап қайтармайди, аммо ичидан эзилади. Аслида, ўзимнинг ҳам бегона, совуқ юртларга боришга кўзим учиб тургани йўқ. Аммо дадамнинг ҳар кунги тергашларидан безиб кетдим. Ўқишга киролмагач, машина тузатадиган устага шогирд тушдим. Ҳунарлик бўлдим. Қани энди асбоб-ускуналарим бўлса-ю ўзим устахона очсам, аммо унга пул керак...
Ҳужжатларимни тўғирлаб юрган куним онам бир гап айтиб қолдилар.
—Ўғлим, бугун совчиликка бораман.
Довдираб қолдим. Ҳаяжонланиб давом этдилар
—Дугонам Фазилатни қизини кўргансан. Бўй-басти келишган, оппоқ пахтадек қиз.
—Дадам-чи, олдиларидан ўтдингизми?
—Шунинг учун даданг ихлос қилган оилани қизини топдим-да. Дадангни ўзим кўндираман.
Уйда ортиқча пулимиз йўқлигини билардим. Хаёлимдан ўтганини дарров сездилар
—Пулни ўйлама! Тўй қилганга Аллоҳим ўзи етказади. Кейин кўнгиллари бузилдими, кўзлари намланди, ўзларини бироз тўхтатиб яна аввалгидек кўтаринкилик, орзумандлик билан давом этдилар
—Ана Карима холанг юз минг билан тўй бошлаганман, қолганини худойим ўзи етказган дечпди. Ман Аллоҳга таваккал қилдим, болам, - дедилар.
Мен нима дейишимни билмасдим, қишлоғимиз йигитлари билан келишиб қўйганмиз. Арзонроқ бўлиши учун.Россияга Қозоғистон орқали кетмоқчи эдик.
Хуллас, ўша куни онам бечора катта холамнинг кўйлагини, кичик холамнинг оёқ кийимини кийиб, оналаридан қолган бисотлари— билакузугу, оғирлигидан бўйниларида осилиб қоладиган тилла занжирларини тақиб совчиликка кетдилар
Негадир сал хомушроқ қайтиб келдилар.
Дадамнинг
—Айтим сенга, бу бекорчига ҳеч ким қиз бермайди, деб, яна баланд дорга осилганингга ўлайми? Бўлди, юрт қатори ишлаб келсин!
Онам титраб турган пастки лабини тишлаб, ерга қараганча индамай ўтирар эдилар.
Эртаси куни тонг саҳардан қаёққадир кетдилар. Тушга яқинлашганда қўлларида бир даста пул билан қайтиб келдилар.
—Тур болам, ўзингга устахона очиб бераман. Бозорга борамиз, нима керак бўлса олиб бераман. Мустақил иш бошлайсан, тиллаларимни ҳаммасини сотдим. Турақол! — дедилар. Онам яна ўзларининг ишчан ҳолатларига қайтган эдилар.
Маълум бўлишича, кеча совчиликка борган жойлари иш жойимни сўраган экан. Мен эса отам айтгандек бир бетайинман!
Ўша пул баракали бўлди. Керакли нарсаларни харид қилиб уйдан машина тузатадиган устахона очдим. Устозим иши оғирроқ, ёки эгаси инжиқроқ машиналарни менга жўната бошлади.
Ойим эса ҳар сафар ҳали у холамнинг, ҳали бу холамнинг кўйлагини кийиб совчиликка қатнар эдилар...
Тақдир экан, биринчи очган эшикларига қайтиб бориб, розилик олиб келдилар. Ўша куни кичик холам билан совчиликка борган онам
—Гулбаҳор холанг бошқача-да, йўлдан икки кило мева билан олтита патир олиб берди, биратўласи нон ушатиб қайтдик,—дедилар.
Тўй яқинлашган сари дадамнинг ҳам кайфияти кўтарилиб, ойимга кўмаклаша бошладилар. Қариндош-уруғлар қарашиб, бир чиройли, файзли тўй бўлди... Мен чет элга кетмадим. Сабаби, энди фарзанд кутаётган рафиқам, эшигимиз тагида навбат кутиб турадиган машиналарни таъмирлашдек севимли ишим бор эди...
Ҳикоям чўзилиб кетди-а?
Энди эса асосий гапга ўтаман. Мени онам зир югуриб, чора топиб олиб қолганидан хабардорсиз. Шерикларим кетган автобус Қозоғистон чўлларида ҳалокатга учраб ёниб кетди...
Совчиликка кийиб бориш учун либоси бўлмаса-да, қалбида Яратганга бўлган буюк ишончи бўлган жон фидо оналар фарзандларнинг чин бахти, қайсидир маънода қўриқловчи фариштаси ҳамдир...

Феруза Салходжаева

@konspektor
17,703
Конспект

13 Nov, 08:00

17 НАРСА ҚАБР АЗОБИДАН НАЖОТ БЕРАДИ:

1. Ота-онага яхшилик қилиш.
2. Намоз.
3. Рамазон рўзаси.
4. Ҳаж ва умра.
5. Яхшиликка буюриб, ёмонликдан қайтариш.
6. Аллоҳ таолодан қўрқиш.
7. Аллоҳдан умидвор бўлиш.
8. Аллоҳ ҳақида яхши гумонда бўлиш.
9. Доимо таҳоратли юриш.
10. Доимо Аллоҳнинг зикрида юриш.
11. Жунубликдан дарҳол ғусл қилиш.
12. Қариндош-уруғчилик алоқаларини тиклаш (силаи раҳм).
13. Ҳусни хулқ.
14. Гўдаклигида вафот этган фарзанд.
15. Аллоҳдан қўрқиб йиғлаш.
16. "Лаа илааҳа иллаллоҳ"ни кўп айтиш.
17. Расулуллоҳ соллаллоҳу алайҳи васалламга салавот айтиш.

"Ва эслатгин. Албатта, эслатиш мўминларга манфаат берур" ("Зориёт" сураси, 55-оят).

@konspektor
24,855
Конспект

13 Nov, 01:01

"САБОҚ"

Мусофирман, баъзан ишдан бўш вақтларда буюртма бўлиб қолса сантехника ишлари билан ҳам шуғулланиб тураман.
Бир куни бир рус киши телефон қилди.
-- Ало.. сен сантехникмисан? Рақамингни дўстим берди, янги "кир ювиш машинаси" сотиб олган эдим шуни жойига ўрнатиш керак.
-- Хўп ўрнатиб берамиз, фақат хозир ишдаман, кечқурун ишдан кейин борсам бўладими?
-- Ҳа бўлади, фақат ёнингга битта шерик олиб кел "кир ювиш машинаси" пастда машинам юкхонасида турибди, кўтариб лифтгача олиб келиш учун сенга бир ёрдамчи керак бўлади.
-- Хўп кечга борамиз, мана шу рақамда ватсапим бор уй манзилингизни тўлиқ ёзиб юборинг,- дедим.
Кечқурун ишдан чиқиб, ёнимга яқинда Ўзбекистондан келган ёши ўн саккиздан ошган қишлоқдош йигитни шерик қилиб олдимда айтилган манзилга йўл олдик.
Яп-янги кир ювиш машинасини лифтда ўн тўққизинчи қаватга олиб чиқиб,кўрсатилган жойига кўйиб ўрнатаяпмиз.
-- Зўр машина экан-а ака, мен бунақасини биринчи марта кўришим,-деди ёш шеригим.
-- Ҳа машинанинг зўри экан, энг сўнгги моделлардан бири, кирларни ювиб ўзи қуритиб ҳам беради.
-- Қойил қолдим, ўзимизда ҳам бормикан?
-- Ўзимизда ҳам бор, бу жойда бор нарсанинг ҳаммаси Ўзбекистонда ҳам бор,-дедим.
-- Уйлансам битта оламан янгисидан,-деди шеригим машинага ҳавас билан тикилиб туриб.
-- Нега уйлансанг?-сўрадим.
-- Хотиним қўлда кир ювиб қийналиб юрмайди-да,-дейди у.
Бошига бир шапалоқ туширдим.
-- Вох! Оғриди, нега урасиз?
-- Бунақа ишламайдиган каллани уриб туриш керак, ҳозир ким юваяпти кирларни уйларингда?
-- Онам, синглим ювади.
--Улар шу пайтгача ҳам қўлда ювган-ку сенларнинг кир кийимларингни, улар қийналса майлими? Нега онам учун оламан, синглим учун оламан, ҳозир оламан демайсан? Улар учун ачинмайсанда, ҳали йўқ хотин учун ачинасан?
Нега ниятни тўғри қилмайсан?
Нега орзуингда бўлса хам Онангга енгиллик тиламайсан?
-- Узр ака.
-- Узрни онангдан сўра, сенга ҳайрон қоламан баъзида, у куни ҳам кўчада кетаётсак ёнимиздан чиройли сўнгги урфдаги машина ўтиб кетса, зўр машина экан-а, янгисидан олсам, орқасига хотинимни миндириб юрсам дейсан.
Барака топгур, отанг тирик онанг тирик, аввал уларни миндириб юрай деб ният қил!
Тўғри ният қилишни ўрган, уйингга телефон қил, отажон, онажон битта янги машина олишни ният қилдим, сизларни миндириб юраман, дуо қилинг, ниятларимга етай деб айт.
Ота-онанг дуо қилса машина ҳам оласан, хотин ҳам оласан, уни ҳам миндирасан кейин,-дедим.
-- Тўғри айтасиз,-дея шеригим ер чизиб қолди.

@konspektor
21,476
Конспект

12 Nov, 17:00

Кекса отахон ҳар куни маҳалладаги бир болакайнинг яланг оёқ, резина тўп билан футбол ўйнаётганига кўзи тушарди. Бир куни дўконга бориб пойабзал олди ва болага тутқазди:
— Буни кийиб ол, болажоним, сенга деб олдим.
Болажон қувончдан қийқириб юборди ва шу заҳоти пойабзални кийиб олди. Сўнг соч-соқоли оппоқ бобога ҳайрат билан тикилиб:
— Сиз Аллоҳмисиз? — дея сўради. Кекса кишининг қўл-оёғи қалтираб, лабини тишлади ва:
— Астағфируллоҳ, болам, ундай демагин.

Қўл-оёқчалари кир, қалби дунёдаги энг тоза нарсадан ҳам покиза болакай яна ҳайрат тўла нигоҳларини бобога қадади:
— Унда сиз Аллоҳнинг дўсти экансиз-да! Чунки мен кеча тунда Аллоҳга пойабзалим йўқлигини айтгандим, менга пойабзал юборгин, дея йиғлагандим...

Отахон кўз ёшларини кўрсатмаслик учун болани бағрига босди...

Дарҳақиқат, ҳаётимизга яхшиликлар Аллоҳнинг суйган бандаларидан келар эканда? Биз ҳам яхшилик илинжида буни илиндик. Сиз ҳам шерик бўлинг...

@konspektor
33,305
Конспект

12 Nov, 08:00

ВИЖДОН АЗОБИ
(Ҳаётий воқеа)

Одам тафтини одам олади. Яқинда бир ҳамшаҳарим ўз хатолари бошқаларга ибрат бўлишини истаб, дардини менга очди:

“Раҳматли отам биз – икки ака-укага алоҳида-алоҳида ҳовли қилиб берганлар. Мен тижорат билан шуғулланиб, тез орада уй-жойимни замонавий услубда таъмирладим, қимматбаҳо автоулов ҳам олдим. Қурилишда оддий ғишт терувчи бўлиб ишлайдиган акамнинг топганлари асосан рўзғор тебратишга кетарди. Бир маҳаллада яшасак-да, акамни тўй-маъракада учратардим, холос. Атайлаб уйларига бориб дийдорлашмасдим, сабаби, мендан қарз сўрашларидан чўчирдим. Акам катта қизларини узатганда, меҳмонлар қатори бордим, тўёна бермадим. Иккита ўғил жиянларим мактабда аъло баҳоларга ўқишган бўлса-да, олий ўқув юртига ҳужжат топширишмади. Чунки контракт асосида ўқишга тўғри келса, бунга имконлари йўқ эди. Улар ўқиш ва уйланиш харажатларини ишлаб топиш учун давлат ташкилотининг ҳужжати билан чет элга ишга кетишди.

Бу орада менинг ишларим яна ҳам ривожланиб, хусусий фирмамни очдим. Бегоналарни иш билан таъминлаб, ўз жигарларим бошини силамадим. Умрлари оғир меҳнат билан ўтган акам бирор марта ҳам мендан моддий ёрдам сўрамадилар. Бу ҳолат менга айни муддао эди.

Кейин акам тез-тез касал бўладиган бўлиб қолди. Бу тўғрида хотиним қўшнилардан хабар топарди. Мен эса ўзимни билмасликка олардим. Дардлари тобора оғирлашди. Ўша пайтда маҳаллий шифокорлар акамни чет элда – Ҳиндистонда жарроҳлик муолажаси билан даволатиш мумкинлигини айтишибди. Жиянларимнинг топганлари чет юртга бориш-келиш йўлкирасию яна муолажаларга тўлашга етмаслиги аниқ эди. Мендан пул сўрашларидан ҳадиксираб, оилам билан чет элдаги оромгоҳга жўнаб кетдим. Биз у ерда сайру саёҳатда юрганимизда, акам оламдан ўтди. Жиянларим тезда уйга қайтишиб, оталарини ҳурмат билан охирги йўлга кузатиб, маъракаларини ҳам ўтказишибди.

Дам олишдан қайтганимиздан кейин акамнинг уйига бирров кириб чиқдим. Бир куни кечки пайт уйимда ўзимга ўхшаган меҳмонларни зиёфат қилаётгандим. Хотиним мени чақириб, ташқарида жияним сўраб келганини айтди. Мен эса нозик меҳмонлар билан бандлигимни баҳона қилиб, ёнига чиқмадим. Сабаби, мендан пул сўраб қолишлари мумкинлигидан ҳамон ҳадикда эдим.

Кейин хотиним қўлимга бир конверт тутқазди, жияним қолдириб кетган экан. Очиб қарасам, акам мени елкаларига кўтариб тушган болалик суратимиз (мен роппа-роса ўн ёш кичик эдим) ҳамда икки энлик мактуб: «Укажон, раҳматли ота-онам “Ягона жигарингга ўзинг ота-оналик қил, яхши-ёмон кунларида доим ҳолидан хабар ол”, деб сени менга омонат қолдириб кетган эдилар. Мен қўлим калталиги сабабли сенга ёрдам бера олмадим. Энди сени ёлғиз Аллоҳга омонат қолдириб кетяпман. Ота-онамизнинг руҳлари рози бўлсин. Сени ҳар куни беш маҳал намозларимда дуо қилдим».

Ўша лаҳзаларда бошимдан гўё қайноқ сув тўкилгандек бўлди. Бойиб кетишим, тўкину фаровон яшашимга акамнинг дуолари ҳам сабабчи бўлган экан-да! Ўша кундан буён руҳан эзиламан, ичимда туганмас бир азоб… Энди уйимдаги барча ҳашамлар, тўкинликлар кўзимга ўтдек кўринади. Яқинда бир амри маъруфда домланинг қариндош-уруғчилик ҳақлари ҳақидаги маърузасини эшитганимдан буён (аслида, олдин ҳам кўп эшитганман-у, бепарво эдим) дардим дунёга сиғмай қолди: “Қиёмат куни аҳволим нима бўлади?”

Мен суҳбатдошимнинг айтганларини орттирганим ҳам, камайтирганим ҳам йўқ. Аллоҳ ҳаммамизни гуноҳлардан асрасин, тавба қилганларга раҳм этсин. Аввало бу дунё давлатига маҳлиёлик сабаб икки дунёмизни бой беришдан асрасин.

@konspektor
24,320
Конспект

11 Nov, 08:00

Ёши 35, 40, 50 ва ундан юқорига чиққанлар учун тавсиялар:

1. Йилда бир марта қон олдиргин (ҳижома), гарчи бирор касаллик ва дардинг бўлмаса ҳам.
2. Чанқоқлик ёки сувга эҳтиёж сезмасангда, доим сув ичиб юришга одатлан. Соғликка путур етишидаги асосий муаммо- танадаги сув етишмовчилигидир.
3. Дунёнинг иши зиммангда бўлса ҳам спорт билан шуғуллан. Пиёда юриш, сузиш ёки бирон турдаги спорт билан шуғулланиб, аъзоларни ҳаракатлантириб туриш лозим.
4. Овқатланишни камайтир. Одам боласи учун қаддини тутиб туришига бир неча луқма кифоя қилади. Овқатга жуда иштаҳа қўйиб, очкўзларча ейишни бас қил. Чунки кўп овқат яхшиликка олиб бормайди. Бутунлай емасдан ҳам қўйма, балки миқдорини озайтир.
5. Имкони борича машина минмасликка ҳаракат қил. Бирор жойга боришни истасанг пиёда юриб бор. Масалан, масжид, дўкон, зиёрат ва ҳоказоларга юриб боришни одат қил.
6. Ғазаб ва асабийлашишни тўхтат. Ишларга кўз юмиб, бепарвороқ бўлишга ҳаракат қил. Безовта бўлинадиган ишларга аралашаверма. Бундай қилишинг соғлигингга путур етказади ва кўринишингни хунуклаштиради.
7. Молингни қуёш остида қолдириб, ўзинг соя остида ўтир, деб айтилган мақолдаги кишидек бўл. Ўзинг ва атрофингдагилар ҳаққини паймол қилма. Мол дунё бизга хизмат қилиши учун яратилган, биз мол дунёга хизмат қилиш учун эмас.
8. Бирор кишини деб нафсингни ҳасрат ва надоматга тўлдирма. Амалга ошира олмаган нарсангга ҳам афсус чекиб ўзингни койима. Ўзингни билмаганга солиб ол. Балки унутишга ҳаракат қил.
9. Тавозуъли ва камтар бўл. Мол дунё, мансаб, куч қувват ва нуфузинг такаббурлик ва ғурур билан барбод бўлади.
Тавозуълик – одамларни сенга муҳаббатли қилиб, Аллоҳ наздидаги қадрингни оширувчи фазилатдир.
10. Сочингга оқ оралаши ҳаётинг охирлаганини англатмайди. Балки, афзал ҳаёт энди бошланганини билдиради. Шундай экан, келажакка умид ва Аллоҳнинг зикрига машғуллик билан вақтингни ўтказ. Сафар қил ва ҳалол нарсалардан баҳраманд бўл.
11. Ҳеч қачон намозни қолдирма. Намоз, дунёда ҳамда мол дунё ва фарзандлар фойда бермайдиган охиратда фойда келтирувчи қоғозингдир.

@konspektor
13,977
Конспект

11 Nov, 01:01

АКА  ОТА  ЎРНИДАДИР

Саъид ибн Амр ибн Осдан ривоят қилинади:
"Расулуллоҳ соллаллоҳу алайҳи васаллам:
"Ака-укаларнинг каттасининг кичикларидаги ҳаққи отанинг боладаги ҳаққичадир", дедилар".

(Абу Довуд ва Байҳақий ривоят қилишган).

Аканинг укаларидаги ҳаққи отанинг боласидаги ҳаққи кабидир. Шунинг учун оилада ота вафот этиб кетса, катта ўғил бошлиқ бўлиб қолади. Бошқа фарзандлар, яъни унинг укалари, сингиллари - ҳаммалари отага қандай итоат қилишса, катта акага шундай итоат қилишлари лозим. Чунки бу нарсани Расули Акрам соллаллоҳу алайҳи васаллам айтиб турибдилар.

Бинобарин, отага оқ бўлишдан сақлангандек, акаларнинг ҳам дилини оғритиб қўйишдан эҳтиёт бўлиш, уларнинг иззат-ҳурматини ўрнига қўйиш укаларига, сингилларга вожибдир.

Мусулмонларда бу ҳадиси шарифга яхши амал қилиб келинган. Оилаларда отадан кейин катта ака бошлиқ бўлиб қолган. Оиладаги бошқа ўғил-қизлар уни ота ўрнида ҳурматлаганлар, унга итоатда бўлганлар.

"Кексаларни эъзозлаш" китобидан.

@konspektor
15,805
Конспект

10 Nov, 17:00

Яқинда мусулмон бўлган бир яҳудий ҳикоя қилади:

“Бир мусулмон инсон билан шерикликда анча йиллар тижорат билан шуғулландик. Ишимиз жуда катталашди. Катта фойдалар қилдик. Вақти келиб, иккимиз ажралишга қарор қилдик. Ўртадаги молимизни ҳисобладик. Иккимизнинг улушимиз аниқ бўлди. Шундан сўнг мусулмон шеригим менга деди:
— Мана шу мол ҳам сенга бўлсин.
— Нима учун?
— Биз сен билан шунча йил иш қилдик. Кўп фойдалар қилдик. Бизнинг динимизда «қул ҳаққи» деган бир гап бор. Бу жиддий масала. Яна бирор жойда сенинг ҳаққинг менга ўтиб кетган бўлмасин. Мен ғайри муслим бир инсоннинг ҳақидан қўрқаман. Меники сенга ўтган бўлса, мен розиман.
— “Қул ҳаққи” нима дегани?
— Мен бу масалани сенга тафсилоти билан тушунтира олмайман. Лекин, нозик масала эканини биламан. Истасанг, бу масалани яхшилаб тушунтириб берадиган бир домладан сўраймиз.

Бир илм одамининг олдига бордик. “Қул ҳаққи” тўғрисида маълумотлар олдик. Инсонларнинг молини ноҳақ ейишликнинг жуда нозик томонларигача англатди.

Мен у ердан чиқиб тўғри ўз динимнинг, яъни яҳудий олимининг олдига бордим. Ундан сўрадим:
— Мусулмонларда “қул ҳаққи” деган тушунча бор экан. Мусулмонлар ҳаётларида бу нарсадан жуда эҳтиёт бўлар эканлар. Бизда бу ҳақда нима дейилган?
— Бизда агар “қул ҳаққи” деган тушунча бўлганда, ҳеч бир иш қилолмаган бўлардик.
Бизда ҳар нарса “ҳалол”.
Бир нарса, хусусан, мусулмонга тегишли бўлган бир молни агар тортиб ололсанг, бу сенинг учун савоб иш ҳисобланади....

Қандай разиллик!

Мусулмонлардачи?
Мусулмонларда бир мол, гарчи душманинг қўлида бўлса ҳам, уни ҳимоя қилишга буюрилган...

Қандай олийжаноблик!

Уйга қайтиб, дарҳол мусулмон бўлдим.»

Бир ғайри муслимни мусулмон бўлишини истасангиз, уни масжидларга олиб борманг. Маърузалар тинглатманг. Фақат, улар билан тижорат қилар экансиз, дуруст ҳаракат қилинг.
Бировнинг ҳаққига риоя қилинг.
Гўзал воиз бўлишингиз шарт эмас.
Ислом одоби билан безанинг!
Шунинг ўзи етади!

Шоолим Шомансур

@konspektor
12,191
Конспект

10 Nov, 08:00

Ота бўлиш, она бўлиш илм бўлгани каби ака-ука, опа-сингил бўлиш, тўғрироғи шу мартабада тура олиш ҳам илм экан!

Шу нуқтаи назардан қарасак, бу борада саводи камларнинг ғоят кўплиги аён бўлади.
Жигарнинг яхши-ю ёмонидан кечиб бўлмас, ундан нари кетиб бўлмас! Оға-инилар бир-бирларини нафақат жисмонан ёки моддиян, балки қалбан тўлдирадилар. Қалбни эса фақат илоҳий мўъжизаларгина тўлдира олади. Биродар, жигарчилик шу мўъжизаларнинг биридир. Жигарбандингиз яқинлашган сари сизга ота-онангизнинг ҳиди, тафти келаверади.
Ака-укаси борнинг ҳеч қачон отаси ўлмайди! Опа-синглиси борнинг эса ҳамиша онаси тирикдир.

@konspektor
20,255
Конспект

10 Nov, 01:00

Бир миллатнинг маданиятини йўқ қилиш учун уч восита қўлланади:
1. Оилани бузиш;
2. Таълимни барбод қилиш;
3. Бошқарувни издан чиқариш.

Оилани бузиш учун онани йўлдан ур. Токи, у уй бекаси бўлишдан уяладиган бўлиб қолсин.

Таълимни барбод қилиш учун ўқитувчини хўрла. Жамиятда унинг ҳеч қандай вазни қолмасин. Ҳатто уни ўқувчилари ҳам топтасин.

Бошқарувни издан чиқариш учун олимлар ва мутафаккирларнинг шаънини булға, обрўсини тўк, улар ҳақида шубҳани уйғот. Токи, уларга ҳеч ким эргашмасин, қулоқ солмасин.

@konspektor
25,473
Конспект

09 Nov, 17:01

Ҳаётимга келиб-кетган ҳар бир инсондан миннатдорман. Улар сабаб кучли бўлдим. Улар сабаб сергакландим. Энди ҳар бир босган қадамимда эҳтиёткорман. Аввалгидек одамларга осонликча ишониб кетмаяпман, ҳаммани ўзимдек қабул қилмай қўйдим.

Менимча, улғайдим — синовлар, тўсиқлар, зарбалар, йўқотишлар, хиёнатлар ва воз кечилишлар мени улғайтирди. Назаримда, шаддодлик ва қувноқлик ўрнини босиқлик эгаллади. Энди аввалгидай қизиққон ва шартаки эмасман. Оддий нарсалардан ҳаяжонланадиган кўнглим ўрнини совуққонликка бўшатиб берди. Бепарволик ва бефарқликни, айниқса, ёлғизликни дўст тутиниб олдим.

Эҳ, одамлар, ҳақсиз, нима десангиз ҳам тўғри. Бу сизнинг фикрингиз. Мен аллақачон улар билан ҳисоблашмай қўйдим.

@konspektor
14,771
Конспект

09 Nov, 11:13

Америкалик психолог олим Харв Экер узоқ кузатишлар олиб бориб, бой, ўртаҳол ва камбағал инсонлар ўртасидаги психологик фарқни ўрганди. Натижада инсоннинг миллионер ёки камбағал бўлиши унинг меҳнатига ёки билимига боғлиқ эмаслиги аниқланди.

Харв Экер қуйидагича фикр билдиради:

➖Бой инсон ҳар бир нарсанинг фойда томонини ўйлайди. Камбағал эса салбий томонини;

➖ Кўп бой инсонлар доимий илм олишга интилади. Камбағал инсонлар эса ҳамма нарсани биламан деб ўйлайди;

➖ Бойлар меҳнати ва натижасига қараб даромад олишни, камбағаллар эса ишлаган вақтига қараб пул топишни маъқул кўради;

➖ Пули кўп инсонлар муваффақиятли инсонларга ҳавас қилса, пули кам инсонлар ҳасад ўтида ёниб юради;

➖ Бойлар кўпроқ пул топиш учун тинимсиз ҳаракат қилади. Камбағаллар эса вақтини бой бўлишни орзу қилиш билан ўтказиб юборади;

➖ Бой инсонлар глобал муаммолар ҳақида ўйлашса, камбағал инсонлар кичик муаммолардан сиқилиб ўз соғлиғини хавф остига қўйишади;

➖ Бой инсонлар таваккал қилишдан қўрқмайди. Камбағал инсонлар эса етти ўлчаб, бир кесишни яхши кўради.

Аслида жуда кўп нарса инсоннинг ўзига боғлиқ. Дангасалик, меҳнатдан қочиш муваффақиятсизликка етаклайди. Шу сабабли Худо қачон берар экан деб эмас, ҳаракат қилганга Худо беради деб яшашга мослашиш лозим.

@konspektor
22,772
Конспект

09 Nov, 11:13

U juda qiyinchilik paytida dunyoga keladi. Yoshlikdanoq uydan chiqib ketadi. Tirik qolish uchun qo‘shiq aytib kun ko‘radi. Bir kuni konserti vaqtida joniga qasd qilishadi. Ushbu qahramon va qotilni toping.
9,953
Конспект

09 Nov, 08:01

Аллоҳ берган умрни роҳат ва саломатликда яшаш учун Пайғамбаримиз қуйидагиларга албатта амал қилишимизни буюрганлар:

1. Доимо ҳалол-покиза овқатларни истеъмол этиш.
2. Таомни жуда иссиқ ҳам, жуда совуқ ҳам емаслик.
3. Узоқ чайнаб, шошилмай ейиш.
4. Овқатдан олдин ва кейин қўлларни ювиш.
5. Дастурхонга иштаҳали ҳолатдагина келиш, кўп таом емаслик.
6. Овқатланиш давомида кўп суюқлик ичмаслик.
7. Қишда кўпроқ ёғли, ёзда эса енгилроқ овқатлар ва кўкатларни тановул қилиш.
8. Хурмони кўп истеъмол этиш.
9. Узум, хурмо ва зайтун Аллоҳга шукр этишимизда сиҳат ва қувват беради.
10. Чарчаган пайтлар ширинлик ейиш.
11. Синиқ идишдан фойдаланмаслик.
12. Дастурхон устида яхши кайфиятда бўлиш, ёлғиз овқатланмаслик.
13. Таомдан сўнг дуо ўқиб Аллоҳга шукр қилиш.
14. Ҳар ойда бир кун рўза тутиш, токи ички аъзолар дам олсин.
15. Асал еб туриш, у минг дардга даводир.
16. Сут ичиб, устидан балиқ емаслик, чунки бу қонни бузади. Қуръони каримнинг ҳеч бир ҳукми замонавий илмга зид келмаганидек, Пайғамбаримизнинг (алайҳиссалом) бу тавсиялари ҳам тиббиётнинг ўзгармас қонунлари каби яшаб, исбот топиб келаётгани сир эмас.

"Ҳидоят" журналидан

@konspektor
18,416
Конспект

09 Nov, 01:01

.... Ҳаётда сизни хафа қилувчилар кўпайса, демак кечиришни унутибсиз...
       
.... Кечирувчан, раҳмдил бўлинг, шунда хафа қилувчилар камайганини кўрасиз...
       
.... Йиққан молу давлатингиз қўлдан кетдими, демак қалб бойлиги тўплашни унутибсиз. Энди қалб бойлигига эришиш йўлида сабр йиғиш вақти келди.…
       
.... Бошингиз қарздан чиқмай қолдими, демак шукурни унутибсиз ёки Яратганнинг амрига ғилоф иш қилибсиз.…
       
.... Атрофингизда сиздан хафа булувчилар кўпайса, билинг, дилозор ва такаббур бўлиб қолибсиз.
       
Ақл-ҳушингизни йиғиб олинг, кибр~ҳавони йиғиштириб, дилларга меҳр улашинг, ана шундагина ҳаётингиз ўзгаради..
       
....  Фарзандингиз қайсарлик, ўзбошимчалик қила бошласа, билинг, ўзингиз шундайсиз. Ўзингизни ўнгланг, чунки фарзанд ота-она учун кўзгудир.…
       
....  Лавозимингиз ошдими, билинг, атрофингизда лаганбардорлар кўпаяди. Эътиборли бўлинг, бундай ёлғон "дўст"ларни чин дўстларингиз билан алмаштириб қўйманг...!

@konspektor
20,800
Конспект

08 Nov, 17:00

Уйланиш ташвишида юрган 25 яшар йигит, тинмай йиғлаётган 4 яшар болага деди: "Бунча йиғлайсан, маза қилиб овқатланиб, мультфильм кўриб ётмайсанми? Бирор ўйловинг бўлмаса. Сенга ҳавасим келяпти...".

Маошини у ойдан бу ойга етказаётган 35 яшар эркак, уйланиш ташвишида юрган 25 яшар бўйдоққа деди: "Бунча сиқиласан? Уйланарсанам, жонинга ҳам тегар. Мана, қарагин, аҳволимни. Сенга жуда ҳавасим келяпти...".

Бизнеси ўхшамаган ва банкрот бўлиб боши ташвишдан чиқмаётган 55 яшар киши, 35 яшарга деди: "Борига шукур қилинг. Кам маош олсангизам, қулоғиз тинч. Мана, умрим бўйи боримни берган бизнесим касодга учраб, қулоғимгача қарзга ботиб кетдим. Сизга қанчалик ҳавас қилаётганимни тасаввур ҳам қилолмайсиз..".

Унинг гапини эшитиб турган 70 яшар чол деди: "Бунча сиқиласан? Менга ўхшаб, белинг қақшаб, оёғинг қалтирамаяпти-ку, ўрнингда бўлганимда тоғни уриб, талқон қилардим. Ҳавасимни келтирма...".

Қабрда ётган марҳум уларга қараб нидо қилди: "Барчангизга ҳавасим келяпти, чунки сизда тавба қилиш имконияти бор. Қани эди менда шундай имконият бўлганида эди, бутун ҳаётимни унга фидо қилардим...".

@konspektor
24,646
Конспект

08 Nov, 08:01

Тўғри танлов

Қийин йўлни танласанг:
– ривожланасан;
– рақобатчинг кам бўлади;
– қадринг баланд бўлади;
– ўзинг каби инсонлар, ғолиблар орасида бўласан.

Аллоҳдан муаммони ечимини сўрама, уни енгиш учун куч-қувват, ақл-заковат сўра.

@konspektor
19,821
Конспект

08 Nov, 01:01

Муаллимлардан бири ўқувчисидан сўради:
— Қани, айт-чи, 3 билан 2 нима бўлади?

Шунда ўқувчи:
— Нимага нисбатан, устоз? Бу – ҳолатга қараб ўзгариб туради, — деб жавоб берибди. Муаллим:
— Яъни, қандай? —деб савол ташлабди. Ўқувчи:
— Масалан: 3 дан 2 ни олсак 1 қолади. Бу — Аллоҳнинг Бирлигига далолатдир. Агар 3 га 2 ни қўшсак, 5 бўлади. Бу — Исломнинг 5 шарти, ёҳуд 5 вақт намоз деган сўз. Шом 3 ракат фарз ва 2 ракат суннатдан иборатдир.

Агар 3 ни 2 га кўпайтирсак, натижа 6 бўлади. Бу — иймоннинг 6 шартига ишоратдир. Йўқ, агар 3 ва 2 сонларини кетма-кет ўқисак, унда 32 бўлади. Бу — Исломнинг энг асосий 32 та фарзини ифодалайди. Бундан ташқари, Қуръони Каримнинг 32-сураси Сажда сурасидир. Бу — фақат Аллоҳга сажда қилишимизни яна бир бор ёдга солади.

Энди, 3 ва 2 эмас, балки 2 ва 3 сонлари кетма-кет келса, 23 бўлади. Бу — Расулуллоҳ (с.а.в.) нинг роппа-роса 23 йиллик пайғамбарлик даврини ифодалайди. Сиз буларнинг қайси бирини сўрагандингиз, устоз? Шояд, 3 ва 2 сонларини қўшмай, алоҳида-алоҳида сўраётган бўлсангиз, унда 3 — ғуслнинг фарзи, 2 эса — елкамиздаги яхши ва ёмон амалимизни барчасини қолдирмай ёзиб турувчи 2 фариштадирдир...

@konspektor
35,874
Конспект

07 Nov, 17:01

Муаммо кимники

Сичқон уйда юрар экан бир четга қопқон қўйилганини кўрди.

Бир-икки кундан кейин ҳўрознинг олдига бориб: «Эй хўроз, кел шу қопқонни олиб қўямиз. У ҳаммамизга халақит беряпти», деди. Хўроз унга жавобан «Бу менинг муаммоим эмас. Кимнинг муаммоси бўлса, ўша ҳал қилсин», деди.

Сичқон: «Майли», деди-да, қўйнинг олдига бориб, унга «Эй қўй, кел шу қопқонни олиб қўямиз. Бу ҳаммамиз учун хатарли», деб таклиф қилди. Қўй ҳам хўроз сингари «Бунинг менга алоқаси йўқ экан. Муаммо кимники бўлса ўша ҳал қилиш керак», деди.

Сичқон энди молнинг олдига борди: «Эй мол, шу қопқонни олиб қўяйлик. Бу ҳаммамизга халақит бераяпти». Мол: «Бу менинг муаммоим эмас», деди…

Кунларнинг бирида қопқонга илон тушиб қолди. Чиқишга ҳаракат қилиб, уёқ-буёққа талпиниб, шу ерда юрган уй эгасининг аёлини чақиб олди.

Хўжайин аёлини касалхонага олиб борди. Енгил муолажадан кейин дўхтир ҳўжайинга «Биз қўлимиздан келганини қилдик. Энди уйга олиб бориб, яхши овқатлардан қилиб беринг. Товуқ шўрва бўлса янада яхши бўларди», деди.

Хўжайин уйга келибоқ катакдаги хўрозни сўйиб, шўрва қилди…

Эл-улус: «Фалончининг аёли бетоб эмиш, бориб йўқламасак бўлмас», деб бирин-кетин зиёратга кела бошлади. Хўжайин ўйланиб, «Қардош, қариндош, дўстлар – бари келяпти. Энди бир эҳсон қилай», деди-да, қўрадаги қўйни сўйишга жазм қилди…

Орадан кўп ўтмай аёлнинг касали оғирлашиб, вафот этди. Хўжайин маъракаларни ўтқизиш учун молни ҳам сўйиб юборди…

…Масалнинг қизиқ жойи шундаки, «Бу менинг муаммоим эмас», деганларнинг биронтаси омон қолмади. «Муаммо меники», деб жон кyйдирган сичқон эса ҳамон тирик…

@konspektor
36,426
Конспект

07 Nov, 08:00

• Зингмунд Фрейд: "Аёл фақат эркакларнинг нафсини қондириш учунгина ярайдилар (шунга яратилганлар)".
• Томассо Де Акуино: "Аёл зоти табиатнинг хатоси. Жонзотларнинг бузилган сувидан яратилган".
• Иоанн Дамашқи́й: "Аёл — қайсар эшак".
• Артур Шопенгауэр: "Аёллар сочи узун, ақли калта жониворлардир".
• Яҳудийларнинг бузилган Тавротларида: "Тангрим, сенга ҳамду санолар бўлсинки, мени аёл қилиб яратмадинг" дейилган.

Ислом аёллар ҳақида нима дейди?

• "Ва яхшилик ила уларнинг бурчлари муқобилида ҳақлари ҳам бордир" (Бақара: 228 оят).
• "Улар ила яхшиликда яшанг" (Нисо: 197 оят).
• "Аёлларга доимо яхшилик қилинг! Улар сизнинг ҳузурингизда омонатдирлар!" (Абу Довуд ривояти)
• "Аёллар эркакларнинг (тўлдирувчи) парчасидир" (Аҳмад ривояти).

Ислом аёлларни жуда улуғласада, ғайридинлар, исломофоблар улар ҳақида юқоридагидек фикр юритиб туриб, яна "Ислом аёлларга зулм қилди. Ғарб уларга эркинлик берди" деб даъво қиладилар.

@konspektor
17,606
Конспект

07 Nov, 01:00

Саодат

"Унга фақатгина сабр қилганларгина эришади!" - Фуссилат сураси 35-оят.

Ҳаётда ҳар истакларингизни амалга оширадиган сеҳрли чироқ йўқ. Бу дунёда Аллоҳнинг сизга аталган неъматлари борки, бутун дунё қаршилик қилсада, у неъматлар сизники бўлади. Ва сиз маҳрум бўлишингиз керак бўлган неъматлар ҳам борки, инсонлар ва жинлар бир бўлиб уни сизга топиб бермоқчи бўлишса ҳам топиб бера олишмайди.

Битта муҳим дарс бор. Буни доим ёдингизда тутинг: "Сизда бор бўлган неъматларни кўп деб билинг. Маҳрумликни арзимас деб билинг. Уни ўтиб кетишига ишонинг. Қолгани елкангизга ортиб олган ғам ва хаёлий бахтдан бошқа нарса эмас. Қаноат қилинг, ана шунда рози бўласиз. Саодат қаноатнинг ёнидадир!".

@konspektor
18,035
Конспект

06 Nov, 17:00

Бир гуруҳ олимлар тадқиқот ўтказишибди. Мақсад: машҳур худосизлар ўлимлари олдидан нима дейишганини аниқлаш.
Мана натижалар:

(ўқиётганда “тавба, тавба” деб турсак яхши бўлади, деб ўйлайман)

Фридрих Ницше.

Эсини йўқотиб қўйган. Кучукдай ҳуриб темир қафас ичида жон берган.

Вольтер. Буюк масхарачи.

Якуни мудҳиш бўлган. Тун бўйи кечирилишини сўраб дод солиб чиққан. Ҳамширасининг сўзлари: “Европанинг ҳамма пулини берса ҳам Вольтернинг ўлимидек ўлимни кўришни истамайман”.

Давид Хьюм – атеист.

Ўлими олдидан тинимсиз: “Мен оловнинг ичидаман!” деб дод солган. Ўлими даҳшатли бўлган.

Наполеон – император.

Унинг табиби қуйидагини ёзган: “Император ёлғизликда, ҳамма уни ташлаб кетган ҳолда ўлди. Унинг ўлим билан олишуви мудхиш бўлди...”

Карл IX.

“Мен ҳалок бўлдим! Мен буни тушуниб турибман”.

Гоббс – инглиз файласуфи.

“Мен мудхиш зулматга сакраш олдида турибман”.

Ленин.

Эси оғган ҳолда ўлди. Стол, стуллардан гуноҳлари учун кечирим сўраган...
Қаранг-ки, у миллионлаб одамлар учун раҳнамо ва идеал бўлган!

Ягода. Совет яширин полицияси бошлиғи.

“Худо мавжуд бўлиши керак! У мени гуноҳларим учун жазолаяпти”.

Зиновьев: – Лениннинг ҳамроҳи.

Сталин буйруғи билан отиб ташланган. “Қулоқ тут, Исроил, Худомиз – Якка Худодир!” – бу атеистик давлат раҳбарларидан бирининг охирги сўзлари.

Ярославский.

Интернационал атеистик ҳаракати президенти: “Ўтинаман, китобларимнинг ҳаммасини ёқиб юборинг! Муқаддасга бир қаранг! У анчадан бери мени кутяпти. У шу ерда!”

Джон Леннон.

Машхурлигининг чўққиси (1966 й.) пайтида Американинг етакчи журналига берган интервьюсида Ийсо алайҳиссалом тўғрисида: “Бугун биз ундан машҳур бўлиб кетдик!” деган. Ажабланарлиси – уни отиб ўлдирган қотил унинг айнан машҳурлигини тортиб олишни, яъни машҳур одамнинг қотили сифатида машҳур бўлишни, мақсад қилган экан.

Бразилия сиёсатшуноси Танкредо ди Амейдо Невес.

Сайлов пайтида: “Агарда мен 500000 овоз олсам ҳатто Худо ҳам мени президентлик лавозимидан тушира олмайди!”, деган.
У шунча овоз олди. Аммо президент бўлишидан бир кун олдин касал бўлиб ўлди.

Бразилиялик композитор, қўшиқчи, шоир.

Рио де Жанейрода ўтказилган шоуда сигаретасининг тутунини осмонга пуфлаб: “Бу сенга, Худо!”, деди. 32 ёшида СПИДдан ҳалок бўлди.

Титаникни ясаган инженер.

Ясаш ишлари якунлангандан кейин репортёрлар кеманинг қай даражада ҳавфсиз эканлигини сўрашганда: “Энди уни Худо ҳам чўктира олмайди!”, деган экан. Албатта ҳар бир киши у билан нима содир бўлганини жуда яхши билади.

@konspektor
35,824
Конспект

06 Nov, 08:00

Бир онанинг дуоси

​“Яхшиликлардан бирортасини паст санаманг...”

Кекса бир аёл автобусга минди.  Аммо ўтиришга бўш ўриндиқ топа олмади. Бир киши онахонга эҳтиром кўрсатиб, ўрнини бўшатиб берди.  Аёл раҳмат айтиб, “Илоҳим,  сенга ҳар йили ҳажга бориш насиб этсин”, дея уни дуо қилди. Жой берган одам кейинчалик айтади: “Онахоннинг ўша дуосидан сўнг, тўққиз марта ҳаж қилдим. Ўртаҳол,  камбағал инсон бўлсам-да, Меҳрибон Аллоҳ бу улуғ амални қайта ва қайта адо этишни муяссар этди”.

Зеро, Расулуллоҳ соллаллоҳу алайҳи васаллам: “Яхшиликлардан бирортасини паст санаманг...” деганлар.

Имом Муслим ривояти

@konspektor
24,531
Конспект

06 Nov, 01:00

Германияда болаларнинг дунёқарашини кенгайтириш учун масжидга экскурсия қилишди ва улардан сажда қилишни сўрашди. Сўнгра улардан сажда пайтида нималарни ҳис қилганликларини сўрадилар. Уларнинг жавоблари, экскурсияга олиб борганларни ҳайратда қолдирди. Мана болалар қандай жавоб беришди:
— Мен Исони эшитдим;
— Мен Худо билан гаплашдим;
— Мен энди черковга бормайман;
— Мен дунёдаги деразадан жаннатга қарадим;
— Aгар мен мусулмон бўлсам, мендан ғазабланмайсизми?;
— Бу ёга ва медитацияга қараганда анча ёқимли экан;
— Менинг пешонамдан оғриқ ерга оқиб тушди;
— Мен мусулмонларнинг Худосини кўрдим, У мени ҳам меҳр билан таклиф қилди;
— Юлдузлар менга яқинлашди ва мен уларни томоша қилдим;
— Мен ёрқин одамларни кўрдим, Худо уларни яхши кўрарди;
— Биз осмонга енгил машиналарда бордик;
— Мусулмонларнинг Худоси немис тилини биладими?

@konspektor
25,079
Конспект

05 Nov, 17:01

Қуръонда "Яхшилик"  сўзи 167   марта ва "Ёмонлик" сўзи ҳам 167  марта такрорланган...

Баъзан кимгадир яхшилик қилсангиз,  эвазига юзингизга тупиришади,  сабабсиз четга суришади,  турли ҳил жазолар ўйлаб топишади...
Сиз эса бир четда юрак чангаллайсиз,  гавдангиз эгилиб катта сўроқ шаклига кирасиз:  "Нима учун?!"
"Қайси айбим учун?!"
Кейин кимдир келади,  сизни қўллайди,  ёрдам беради ва ҳеч қандай таъмасиз...

Шулар Аллоҳнинг нажот чопарларидир.
 
Биласизми,  улар нега сизга ёрдам беришади?
Ўша яхшилик ва ёмонлик тарозисининг ўқи қийшаймаслиги учун,  ёмонлик ортиқ тош босмаслиги учун...
Агар сиз ҳам - айни дамда изтироблар ичида бўлсангиз,  яхшилиги унутилган, ўзи ҳам, исми ҳам ўчирилганлар  рўйхатда бўлсангиз, ташвишланманг, сабр қилинг...

Яхшилик дунёда қанча бўлса, ёмонлик ҳам ўшанча...

Яхшилик тутган чопарлар сиз томон шошганда, кимларгадир ёмонлик илинган йўқловчилар - меҳмон бу дамда...

Дунё шунақа!

Умму Зайнаб

@konspektor
24,712
Конспект

05 Nov, 11:06

Бир одам жаннатда сайр қилиб юрса юқоридан бир томчи сув томибди. У томчини ифори шунчалар ёқимлилигидан бутун борлиқ ажиб ифорга бурканди... Таажубда қолган одам ҳайратдан юқорига боқди.
   Шу пайт у фариштага савол берди.
"Бу қандай  ифор бўлди. Мен жаннатда бўлсамда бундай ғаройиб ифорни ҳидламагандим?"
    Фаришта аста жаннатий одамни қўлларидан тутиб биргаликда томчи томган томонга кўтарилади. Юқорида бояги одамни жаннатий  ховлисидан минг баробар гўзал ва хушбўй ифорли жаннат турарди...
     Унда бир одам ўтирар эди.
Шунда фаришта деди:..
    "Сени жаннат ҳовлингга томган томчи ушбу мўминни пешона тери эди"...
       Таажубда қолган одам яна сўради: "Мен ҳам шу мўмин одам каби тириклигимда Аллоҳни буюруқларини бажарганман:
    Айтчи, уни мендан фарқи нимада? Нега унинг Жаннати олий?
    Шунда фаришта: "Аллоҳ ҳузурида ҳар иккингизни даражангиз бир. Аммо бу мўмин "СУБҲАНАЛЛОҲ"ни сендан бир неча марта кўп айтган"

@konspektor
21,971
Конспект

05 Nov, 11:00

⚡️10 йилга бўлиб тўлашга

✅ Таъмирланган уй жойлар!

👉 Уй-жойларни кўриш
11,153
Конспект

05 Nov, 08:01

Қиёмат куни ўғлингиз Аллоҳ ҳузурида:
— Отажон, нима учун мени чет элга саёхат қилиш учун олиб бормагансиз, деб даъво қилмайди.
— Отажон, нима учун менга компьютер ва уяли телефон олиб бермагансиз, деб даъво қилмайди.
— Отажон, нима учун менга данғиллама ховли қуриб бермагансиз хамда мазали овқатлар билан сийламагансиз, деб даъво қилмайди.

Лекин Қиёмат куни:
— Отажон, Аллоҳга қандай ибодат қилишни нима учун ўргатмагансиз?!
— Отажон, нима учун менга Қуръон ўқишни ўргатмагансиз?!
— Отажон, нима учун намоз ўқимаганимда мени бундан қайтармагансиз?! деб даъво қилади.

@konspektor
20,938
Конспект

05 Nov, 01:01

Расулуллоҳ саллаллоҳу алайҳи васаллам:

“Сизлар менга олти нарсанинг кафолатини беринглар, мен ҳам сизларга жаннатнинг кафолатини бераман” дедилар.

1. Гапирганда рост сўзланглар.
2. Ваъда берсангиз устидан чиқинглар.
3. Омонат қўйилса, хиёнат қилманглар.
4. Фаржни (яъни жинсий аъзоларингизни ҳаромдан) сақланглар.
5. Кўзларингизни(номаҳрамдан),
6. Қўлларингизни ҳаромдан тийинглар.

Имом Аҳмад ривояти.

@konspektor
16,884
Конспект

04 Nov, 17:00

Психологик таҳлил

1. Агар инсон оддий нарсаларга ҳам кулаверса, демак, у жуда ёлғиз.
2. Агар одам жуда кўп ухласа, демак, у ғамгин.
3. Агар инсон тез, лекин кам гапирса, демак у ниманидир яширмоқда.
4. Агар инсон жуда кўп миқдорда ва тартибсиз равишда овқат, еса билингки унда стресс бор.
5. Агар кимдир йиғлаб ўз ғамини чиқара олмаса, у жудаям кучсиз.
6. Агар инсон кичик нарсаларга ҳам йиғласа, у айбсиз ва юмшоқкўнгилдир.
7. Агар инсон кичик ва арзимас нарсаларга ҳам жахл қилса, демак бу инсоннинг муҳаббатга мухтожлигини билдиради.

@konspektor
20,057
Конспект

04 Nov, 08:02

• Аллоҳ сени соғинса, Унга гапиришингни хоҳласа, сени намозга қоим қилиб қўяди;
• Агар сен билан ёлғиз қолишни хоҳласа, тунда таҳажжудга уйғотиб қўяди;
• Агар сени жаннатга олиб кирмоқчи бўлса, Сенга ибодат қилишни осон қилиб қўяди.
• Сенга яхшиликни истаса, илм бериб уни амалига собит қилиб қўяди;
• Агар сени кечиришни хоҳласа, тилингни тавбага муяссар қилиб қўяди;
• Агар сенга саодат бермоқчи бўлса, қалбингни кенг қилиб қўяди;
• Агар сени севса... Аллоҳим, бизларга хам насиб қилгин. Насиб қилгин. Насиб қилгин!!!

@konspektor
33,313
Конспект

04 Nov, 01:00

Шахсий ривожланиш учун инвестиция қилишнинг 36 йўли
⠀
1. Таълимга оид шоуларни кўринг
2. Онлайн тарзда билимлар ўрганинг
3. Электрон китоблар ёки китоблар ўқинг
4. Оилангиз билан алоқаларни мустаҳкамланг
5. Дўстларингизни ақл билан танланг
6. Ноқобил дўстлардан узоқлашинг
7. Ўзингизга мураббий топинг
8. Бизнес бошланг
9. Янги машғулотларни бошланг
10. Тил ўрганинг
11. Ўз олдингизга мақсадлар қўйинг
12. Ўз кунингиз ва ҳафтангизни режалаштиринг
13. Ўз ҳаётингиз учун режа тузинг
14. Шукроналикни унутманг
15. Медитация билан шуғулланинг
16. Спорт билан шуғулланинг
17. Кўпроқ кўникмаларни ўрганинг
18. Камроқ спиртли ичимликлар истеъмол қилинг
19. Ўз фикрларингиз ҳақида кўп ҳам қайғурманг
20. Соғлом овқатланиш тарзига риоя қилинг
21. Овқат пиширишни ўрганинг
22. Вақтли ухлаб вақтли уйғонинг
23. Ортга суришни тўхтатинг
24. Вақтингизни тўғри тақсимланг
25. Кун тартибингизга амал қилинг
26. Кўпроқ саёҳат қилинг
27. Пулингизни тежанг
28. Пулингизни инвестиция қилинг
29. Тажрибалар учун кўпроқ пул сарфланг
30. Ҳар куни ўзингизни янги синовлар билан синанг
31. Муваффақиятни кўра билинг
32. Кечиримли бўлинг
33. Доимо розилик олишга бўлган ҳаракатингизни тўхтатинг
34. Ташқи кўринишингиздан мамнун бўлинг
35. Аудио китоблар эшитинг
36. Ушбу маслаҳатлатга амал қилинг

@konspektor
20,150
Конспект

03 Nov, 17:00

ЯНА ОНАМГА...

Азалдан бор эди одамзод насли,
Бугун ҳам кимни деб яшашлари рост
Яшаш мумкинмикан онасиз асли-
Бахт унинг борлиги эмасми, эй дўст?

Онам, асли сизку, таҳсинга лойиқ,
Меҳру садоқатда тенги йўқ тимсол!
Ўйласам сизчалик яқин кишим йўқ,
Сиздан ҳам дардлиси йўқдир эҳтимол?!

Тўққиз фарзанд туғиб, учисин яна-
Минг бир куйган ҳолда тупроққа берган
Отам фироғида ўксиниб, ёна-
Ўттиз саккиз йил фақат болам, деб келган

Нелар кўрмадингиз, азиз онажон,
Бор бўлса, гапирсин деворнинг тили!
Бизни деб қанчалар йўқотиб дамни,
Йўқотгансиз қанча бизни деб бахтни?!

Ўйласам ваҳима босар дилимни,
Сизни йўқотган кун мен учун ўлим!
Онажон, ишонинг мен энди сизни
Жон каби қадрлаб, жонимдай севгум!!!

Эй менинг фариштам, эй буюк қудрат,
Сизни таърифлашга ожизман нетай?
Зарра куйинишга бермайин фурсат,
Битта кулгунгизга жоним бахш этай!!!

****
Ўн беш йил курашиб дард билан,она
Бугун сиз сўз айтмай кетиб қолдингиз.
Онажон, қайдасиз, қайтинг деб йиғлаб-
Минг бир армон билан қолди қизингиз...

Сапарова Юлдуз. Ўз онасига бағишлаб ёзилган шеьр.

@konspektor
15,899
Конспект

03 Nov, 08:01

• "Фотиҳа" сураси - Aллоҳнинг қаҳридан сақлайди.
• "Ясин" сураси - Охиратда чанқоғингизни қондиради.
• "Воқеа" сураси - Камбағалликдан, очликдан сақлайди.
• "Мулк" сураси - Қабр азобидан сақлайди.
• "Ихлос" сураси - Иккиюзламачи, ёмонлардан сақлайди.
• "Фалақ" сураси - Кулфатдан сақлайди.
• "Нас" сураси - Ёмон ҳаёллардан сақлайди.
• "Юсуф" сураси - Юрак сиқилиши, мазлумлик, ғам қайғуда фойда.

@konspektor
19,921
Конспект

03 Nov, 01:01

АЛЛОҲДАН сиз учун соғлиқ сўрадим!
РОББИМДАН сизга деб умр тиладим!
Булоқдек тиниқ бу гўзал қалбизга,
Нурли бир чиройли ТАҚВО тиладим!
Бу гўзал қалб учун МАҒФИРАТ сўраб,
Оҳир дам кучли  бир ИЙМОН тиладим!
Азоби ҚАБРдан ОМОНЛИК сўраб,
МУНКАР НАКИР саволин осон тиладим!
Қиёматда АРШнинг соясин сўраб,
ҲОЖАМ даргоҳидан ЖАННАТ тиладим!
ФИРДАВСда Росулим суҳбатин сўраб,
РОҲМАНИР-РОҲИМНИ ВАСЛИН тиладим.

@konspektor
30,937
Конспект

02 Nov, 17:01

Оталаримиз аср намозидан сўнг дўконларини ёпар, шу кунги берилган ризқга қаноат қилар, шомдан олдин таомланар, хуфтон намозини ўқиб ухлар ва ўз вақтида бомдод намозига турар эдилар. Шунда жисмлари дам олиб, асаблари жойида бўлар эди.

Бугун эса кеч 11 да овқатланамиз, 1 да ухлаймиз ва 9 да уйғонамиз...

Аллоҳнинг кўрсатган йўлини ўзгартирдик. Натижада Аллоҳ бизни саломатлигимизни беморликка ва роҳатланишимиз ўрнини чарчоққа алмаштириб қўйди..

Шайх Муҳаммад Мутаваллий Шаъровий раҳимаҳуллоҳ

@konspektor
30,762
Конспект

02 Nov, 16:52

🔥 Аллоҳ томонидан яратилган ва инсон қўли билан қурилган Ер юзидаги энг гўзал жойларни ҳар куни кўриб боришни хохлайсизми? Унда сизларга Компас телеграм каналини тавсия қиламан.

1. 🇨🇭 Швейцария тоғлари;
2. 🇰🇿 Қозоғистон, Остона масжиди;
3. 🇸🇦 Макка, Саудия Арабистони;
4. 🇵🇹 Португалия. Мадейра тоғлари.;
5. 🇮🇸 Исландия ороллари;
6. 🇺🇿 Ўзбекистон. Ғелон қишлоғи;
7. 🇹🇷 Истанбул, Туркия;
8. 🇺🇸 Нью-Йорк, АҚШ;
9. 🇮🇹 Италия;
10. 🇨🇳 Шанҳай, Хитой.

Бутун дунё бўйлаб ташриф буюришга арзийдиган шаҳарларнинг 15 000 дан ортиқ видеоларини бир жойга жамлаган телеграм каналга аьзо бўлинг ва мазза қилинг: 👉 https://t.me/uzkompas

Компас - Саёҳат қилинг - саломат бўласиз!
14,205
Конспект

02 Nov, 08:00

Инсоф

Газ плитамиз яхши ишламай қолди. Уста қидириб, ажиб ҳолатларга дуч келдим. Биринчи уста инновацион экан: "Уйимга опкеб ташанг, вақтим бўлса кўриб, айтаман. Бир кўриб қўйишим 300 минг бўлади. Тузалса ҳам, тузалмаса ҳам шу гап".

Иккинчи устани руслар инсофли, ҳам билмайдиган нарсаси йўқ, дейишганига шу миллатга мансуб устанинг рақамини топиб, дардимни айтдим. Плитанинг русумини сўради. "Артел", дейишим биланоқ хайр-маъзурниям насия қилди.

Яна бир устани мақташганди, уйига беш марта бордим, ярим ставкада ҳоким-поким бўлиб ҳам ишласа керак, умуман уйидан тополмадим.
Охири, маҳалладаги отахонлардан бири билан гаплашиб, шу мавзудан сўз очгандим, у бир тенгдош танишининг манзилини айтди. Узоқроқда яшайди-ю, лекин ишининг пири, деди.

Топиб бордим. Йўл-йўлакай гаплашиб келдик. 73 ёшда эканлар, ўғил-қизлари уйли-жойли бўлиб кетишган. Эрмак учун, зерикиб қолмаслик учун шундай ишларни қилиб турамиз-да, ўғлим, дедилар худди бу иш айбдек. Уйга келиб, 20 минутда ишни тугатган уста газни ёқиб берди, на ҳид бор, на бошқа муаммо. Яна: "Ўзим великда келаверардим-у, уйим сал узоқда, чарчаб қоламан бу иссиқда" дедилар. Уйларига обориб қўйишда ҳам суҳбатлашиб кетдик. Икки кун олдин туғилган кунларига ўғиллари машина совға қилишганини айтиб қолдилар. Табрикладим.

Уйларига етгач, иш ҳақи қанча бўлади, дедим. Э, қўйсанг-чи, шу арзимаган иш учун пул олсам, менинг манзилимни айтган оғайнимнинг ҳурмати қаерда қолади, деди.
Мен эса қанча сўрасалар беришга тайёр эдим. Шу боис пул олмасалар, хафа бўлишимни айтдим.
Майли, ундоқ бўлса, ўн минг бер, мингдан-минг розиман, дедилар.
Кўзимдан ёш чиқиб кетди. 50 мингталик бердим. Худди у киши мени эмас, мен у кишининг ишини бажаргандек узоқ дуо қилдилар яна.

Инсоф дегани мана шу бўлса керак.

Мақсуд Жонихонов

@konspektor
26,041
Конспект

02 Nov, 01:01

Японни емаскан тўйнинг ташвиши,
Камчиқим тўй қилар ожиз забонлар,
Шу ҳам тўй бўптими? Мeхмон-қирқ киши,
Қандай тўй қилишни билмас Японлар.

Айтилмаган одам қилмайди гина,
Овоза қилмайди кибрга мина,
Исрофгарчилик йўқ, қадди урсин-а?
Қандай тўй қилишни билмас Японлар.

Йўқдир "мeбeл-сeбeл, сарпо, сeплари,
Қилмайди қиз кўрди, юз кўр, чаллари,
Бир хил тўй қилади бой, қашшоқлари,
Қандай тўй қилишни билмас Японлар

Тўйлари тўйларга кeтмас уланиб,
Мeбeл талаб қилмас нафсга буланиб,
Қудага лўлидeк дeб турмас тиланиб,
Қандай тўй қилишни билмас Японлар.

Тўйда ичиб олиб қилмас "кўпкари",
Ортиқча ҳаражат, куёв навкари,
Йўқдир қиммат-қиммат машиналари,
Қандай тўй қилишни билмас Японлар.

Ўн бeш йил топганин сочмас бир кунда,
Балким,ривожланиш сабаби шунда,
Қарз тўлаб юрмайди тўй ўтган кундан,
Қандай тўй қилишни билмас Японлар.

Нeчталаб санъаткор айтиш бирровга,
Пулингни бeргандeк худди бировга,
Ёки сочишдeк гап уни хавога,
Қандай тўй қилишни билмас Японлар.

Йигитлар уйланар ақли етганда,
Бeли оғриб топган пули етганда,
Бахтли бўлармиди зўрррр тўй бeрганда,
Қандай тўй қилишни билмас Японлар.

Қайнона ташимас қирқ кунлаб мазар,
Куёв тиланмайди, қилади ҳазар,
Аслида ким мўмин, тавба , алҳазар,
Қандай тўй қилишни билмас Японлар.

Дабдабали тўйни қилиш ўрнига,
Бизнeсни бошлайди ўша пулига,
Ёш оила тушволар ўзин йўлига,
Қандай тўй қилишни билмас Японлар.

Бир кунлик тўйни дeб, бўлай дeб устун,
Қудалар қоқмайди бир бирин пўстин,
Шароитга қараб қилавeр, дўстим,
Тўйингни устидан кулмас Японлар,
Қандай тўй қилишни билмас Японлар.

Эскилардан қолган ҳикмат-у, ҳадис,
Ҳeч қачон кам бўлмас, камтар инсонлар,
Камбағал бўларди, шаксиз, шубҳасиз,
Биздeк тўй қилишни билса Японлар.

Баҳодир Искандаров

@konspektor
38,100
Конспект

01 Nov, 17:00

Бугунимиз...

Ташқари -10 даража совуқ. Йўл юзида эгни юпунроқ, дийдираб турган одам қўлини базўр кўтараяпти. Тўхтадим, эшикни очиб ака фалон жойгача (манзилни айтишни хоҳламадим) 2000 сўм бўладими деди титраб. Совиб қолибсиз ўтиринг дедим. Эгни юпун, оёқ кийими юпқалиги сабаб совуқ жонидан ўткан, дийдирабгина машинага ўтирди. Бироз йўл юргач, исинди чоғи секин гапира бошлади:
- Таксида юрадиган бола эмасман, жонимдан ўтиб кетти совуқ, оёқдан сув ҳам ўтган мажбур сизни тўхтадим.
- Совуқда нима қилиб юрибсиз деб, сўрадим мен.
- Болларни бир хурсанд қилай деган эдим. Сиз мени олган жойда, бурчакда Гўшт дўкон бор кўрган бўлсангиз. Ўша ерда арзон қийма сотаётган экан, килоси 60 минг сўм. Ҳар доим гўштга қурбим етмайди, бир қийма олиб келиб болаларни хурсанд қилмоқчи эдим. Буёғи қиш, совуқ, кучлироқ овқат ейилмаса болалар кўп касал бўлади, дори - дармонга пул қайда дейсиз.
- Қийма олдингизми, яна сўрадим мен.
- Олдим ака, ярим килога мўлжаллаб пул олган эдим. Пиёда келдим, пиёда кетаман деган эдим. Қарасам кун совуқ, 28000 сўмлик қийма олдим, 2000 сўмга йўлкира қилаяпман. Сал иссиқроқ бўлганда пиёда кетар эдим.
- Уйингиз иссиқми, яна сўрадим мен.
- Кўчадан кўра иссиқроқ, кулади. Ҳовлида тураман, газ йўқ, свет кунига 1 соатча берилаяпти, шунда ҳам иккита лампа ёқилса биттаси хира бўлиб қолади. Сув йўқ 1 ҳафтада бир келади, шунда ёмкостга йиғиб оламиз, мана 3 кундирки у ҳам музлаган. Овқатни амаллаб кўмир аралаш ўтинда қилаяпмиз. Ўзим чинни заводда ишлайман, кечадан бир оз вақтга таътилга чиқдик, газ йўқ, иш тўхтади. Хўжайин барака топсин, бир мунча пул берди. Хуллас яшаяпмиз ака шукр.
Лой, сирпанчиқ йўллар оралаб, пасқам уйлар томон кириб бораяпман, кимдир ойналарини целлофан билан, кимдир латта билан беркитган. Атроф бир мунча тутун, ҳамма топганини ёқиб исинаяпти. Нарироқда электри йўқ столба турибти, икки столба ораси футбол ўйнаётган болалар учун дарвоза вазифасини бажараяпти. Сариққа бўялган газ қувурлари маҳалла бошидан узиб ташланган, балки ёзда болаларга турник сифатида ас қотар бу қувурлар...
Уёғига ўйлагим ҳам келмади...

@konspektor
13,358
Конспект

01 Nov, 08:01

Аёллар учун шаръий 30 қайтариқ

1. Соч улаш;
2. Татуировка (татуаж).
3. Атир сепиб кўчага чиқиш;
4. Номаҳрам эркакларга зийнатларини кўз- кўз
қилиш;
5. Эри чақирганида, монеълик қилиш;
6. Эри билан орасидаги нозик муносабатларни
бошқаларга айтиш;
7. Эри сафарга кетмаган, ёнида бўлган кунлари изн
олмасдан рўза тутиш;
8. Эрига осийлик қилиш;
9. Уйидан эрининг изнисиз бировга нарса бериш;
10. Сабабсиз эридан талоғини сўраш;
11. Қариндош - уруғларга ҳурматсизлик қилиш;
12. Номаҳар эркак билан хилватда қолиш;
13. Номаҳрам эркаклар билан қўл бериб кўришиш;
14. Номаҳрамларга қараш;
15. Эркакларга ўхшашлик (кийиниш, феъл - атворда, соч турмагида эркакларга тақлид қилиш);
16. Бегона аёлнинг сифатларини эрига айтиш;
17. Аёл кишининг авратига қараш;
18. Маҳрамсиз сафарга чиқиш;
19. Ҳожатсиз кўчага чиқиш;
20. Мусибат пайтида ўкириш, юзига уриб йиғлаш,
кийимларини йиртиш;
21. Ғийбат, чақимчилик, жосуслик, зулм қилиш;
22. Уч кундан кўпга ўз яқинларидан аразлаш;
23. Жанозага эргашиш;
24. Қабрларни зиёрат қилиш, агар қилса ҳам, талвасага тушиш, қабрни қучоқлаш, куфр сўзларини айтиш;
25. Силаи раҳмни кесиш;
26. Коҳин, фолбин, мунажжимларга бориш;
27. Фарзандларини қарғаш;
28. Хизматчиларга озор бериш;
29. Қўшниларга азият бериш;
30. Эридан бошқасига уч кундан кўп аза тутиш. Эри учун тўрт ой ўн кун тутиши шарт.

@konspektor
18,529
Конспект

01 Nov, 01:01

"Яхши ният эгасини жаннатга олиб киради"

Аллоҳ наздида инсоннинг нияти жуда муҳимдир.

Инсоннинг амали, хатти - ҳаракат доираси чегараланган ва тўсиқлар билан ўралган бўлиши мумкин. Аммо унинг қалби ва онгидаги ниятга, мақсадга, ғояга тўсиқ, чегара қўйиб бўлмайди.  Инсон уддалай олмаса-да, яхши ва гўзал ниятда бўлиши, юксак мақсадларни кўзлаши керак. Яхши ният ва эзгу мақсадлар мўминни абадий жаннатга сазовор этади.

@konspektor
25,053
Конспект

31 Oct, 17:01

Аллоҳ таоло Ўзидан нимани сўрашни тақиқлаган?

Ривоят қиладиларки, кунларнинг бирида
Мусо алайҳиссалом:

– Ё Раббим! Сен менга Тавротни инъом этдинг, мен билан суҳбатлашдинг. Аммо мен тўртта нарсадан қўрқаман ва битта нарсадан умид қиламан, – деди.
Аллоҳ таоло:
– Нима экан улар? – деб сўради.
– Ё Раббим! Мен қашшоқликдан, ўлим олди талвасасидан, Қиёмат даҳшатидан ва қабр азобидан қўрқаман. Аммо Сен менга ато қилган пок муҳаббатдан умид қиламан, – деди.
Шундан кейин Аллоҳ таоло бундай деди:
– Эй Мусо! Агар қашшоқликдан қўрқсанг, тонгда ибодат қил ва зухо намозини ўқи! Қашшоқликдан қутуласан. Ўлим олдидан бўладиган талвасадан қўрқсанг, шом намозидан кейин нафл намози ўқи. Ўзингни қабр азобидан халос қилишни истасанг, таҳажжуд намозига эътиборли бўл. Агар ражаб ойида рўза тутсанг, Қиёмат даҳшати ваҳимасидан эмин бўласан.

Эй Мусо! Мендан тўртта нарсани сўрама, Мен уларни ҳеч кимга бермаганман, сенга ҳам бермайман:
1. Ўзингга ҳеч қачон керак бўлмайдиган бойликни Мендан сўрама, Кўриб турибсанки, бутун яралмишнинг Менга эҳтиёжи бор.
2. Мендан ғайб илмини сўрама. Бу илмни Мендан бошқа ҳеч ким била олмайди. Фақат Менинг Ўзим хабар қилганларимни билишинг кифоя.
3. Мендан ўзинг ҳақида одамлар тарқатган турли миш-мишларни тўхтатишни сўрама. Мен уларни яратувчи ва ризқлантирувчиман. Мен уларни тирилтираман ва ўлдираман. Мен уларни жаннатга ёки дўзахга тушираман. Шунга қарамасдан, улар Мен ҳақимда ҳақиқатни гапирмайдилар. Шу қилиқларига сабр қиламан, уларнинг тилини кесиб олганим йўқ. Сен учун ҳам бу ишни қилмайман.
4. Мендан бу дунёда абадий қолишни сўрама. Боқий қолувчи фақат Менман. Барча яралганлар ўткинчидир.

“Анварул ошиқийн”дан олинди. Таржимон Робия ЖЎРАҚУЛОВА

@konspektor
22,663
Конспект

31 Oct, 09:01

Нега кўз ёши тузли шўр бўлади?

Олимлар аниқлашича, агар кўзни намлаб турувчи ва ундан оқувчи кўз ёшлари таъмсиз ёки ширин бўлса, кўз ёши тузли бўлмаса, -5° градус совуқда кўз музлаб қотиб қолар экан. Тузли шўр кўзларимиз -70° градус совуқликкача чидай олар экан. Зероки, ер юзидаги энг паст совуқлик ҳарорати -70° градусни ташкил қилади.

"Батаҳқиқ, Биз инсонни энг яхши суратда яратдик" (Тийн сураси, 4 оят)

@konspektor
22,070
Конспект

31 Oct, 09:00

⚡️Янги уйларни қидиряпсизми?

2024 - 2025 йилда қуриладиган янги уйлар нархлари ва рўйхати.

👉 Уйларни кўриш
12,643
Конспект

31 Oct, 08:00

Ҳолвапаз уста бир куни болаларининг олов ёқиш учун тўплаган ўтинлари орасидан тўғри ва текис бўлганларини ажратиб олаётганига кўзи тушади.
— Нимага уларни ажратиб оляпсизлар? — дея сўрайди болаларидан.
— Тўғри ва текисларини ажратяпмиз, болта, ўроқ, кетмонга даста бўлади, — дейди болалари.

Ҳолвапаз ерга чўккалаб, кўзида ёш билан самога тикилади:
— Ўтинларининг ҳам тўғриси оловда ёнишдан қутулиб қолар экан. Инсон қачон дўзах оловидан қўрқиб, ўзини тўғрилайди?!

@konspektor
22,723
Конспект

31 Oct, 04:09

Инсоннинг баҳоси бу дунёда ўзи олгани билан эмас, ўзидан қолгани билан белгиланади.

Ўткир Ҳошимов

@konspektor
16,117
Конспект

31 Oct, 01:01

Фаришта момомнинг саришталик сабоқлари

Раҳматли момом ҳар гал бизникига меҳмонга келганларида, аввало, акаларим ва менга зимдан разм соларди. Гарчи, касби шифокор бўлмаса-да, табиблик хислати бор момо бўйларимиз қанчага чўзилгани, ранг-рўйимиздан соғ ёки беҳол эканимизни билишга уринарди.

Кўнгли таскин топса, ойимни алқар, хафа бўлганда эса бизларга эътиборли бўлишга чақирарди. Кези келганда унинг ойимга танбеҳ берганларини эшитиб, ҳайрон бўлардим. Эндиликда ўзим ҳам она бўлиб, турмуш ташвишлари, фарзанд тарбиясида момоларимиз кўмагига муҳтож бўлишимизни тушуниб етдим.

Оналардан қизларга мерос бўлиб келаётган ҳақиқий Шарқ аёлларига хос эзгу фазилатлар ҳамиша бардавом бўлади. Жумладан, рўзғорни қандай тутишни момоларимиз биздан кўра яхши билишади. Улардан оддийгина кўрпачаларни тартиб билан, гулини гулига, рангини рангига мослаб йиғишни ўрганасиз.

Момом сандиқ қаерда туриши керак, қайси гилам қаерга тўшалиши лозим, кўрпалар уйнинг қай томонига йиғилиши зарур – барчасини ҳар гал эринмасдан тушунтирарди. Ўша кезларда беихтиёр, уларнинг дид-фаросатларига қойил қолардим. Фаришта моможоним маслаҳатлари билан уйимиз янада файзли бўлар эди. Улар бу ишларни аёл кишининг зийнати деб биларди. Оила қурган невара қизларининг турмуш ўртоқларини исми билан чақиришини уят санарди. Шунинг учун қайинака, қайинука, қайинопа ҳамда сингилларни исми билан эмас, уларни ўзларига хос хислат ва фазилатлари билан ёки бошқа бир исм билан чақиринглар, дея қайта-қайта тайинларди. “Қайнотангдан ҳамиша уял, қайнонангнинг иззатини қил, уларга яхши муносабатда бўл”, дерди. “Уйингни, фарзандларингни шундай озода тутгинки, сендан биров жаҳлланиб турса-да, буларни кўриб, кўнгли юмшасин. Айниқса, эркаклар озодаликни, чиройни хуш кўришади”, деб насиҳат қилганлари ҳамон ёдимда.

Момом раҳматли мана шу пандларини то умрининг сўнггигача невара-ю чеваралардан дариғ тутмади. Аслида барча ўзбек оналарининг эзгу тилаги, амали ҳам шудир. Ахир, бежизга Шарқ аёлларининг ҳаё-ибоси, латофати, миллий одоби эътироф этилмайди.

@konspektor
18,163
Конспект

30 Oct, 17:00

Кўк кит Ер юзидаги бугунги кунда энг катта мавжудот ҳисобланади. У овқатланиши учун кунига 3,5 тоннадан кам бўлмаган балиқ истеъмол қилиши керак. Бир кунига 3,5 тонна емишни ризқини биттагина маҳлуқига етказиб қўйган Зот ҳақида билатуриб ўзингнинг ризқинг хусусида безовта бўляпсанми?!

Аллоҳдан ёрдам сўра, ризқ сабабларини ушла ва Аллоҳга ишон.

@konspektor
21,010
Конспект

30 Oct, 12:49

Олтин қоидалар

1. Болаларингизни бой бўлиш истагида эмас, бахтли бўлиш истагида тарбияланг. Катта бўлганларида нарсаларнинг нархини эмас, қадрини биладиган бўладилар.
2. Таомни худди доридек истеъмол қилинг. Бўлмаса дорини овқатдек ейдиган бўласиз.
3. Сизни яхши кўрганлар 100% сабаб бўлса ҳам сизни тарк этмай, сизнинг ёнингизда қолиш учун битта бўлса ҳам сабаб топадилар. Ёмон кўрганларга эса юзта сабаб ҳам кифоя қилмайди.
4. Одам бўлиш билан одамийлик орасида жуда катта фарқ бор.
5. Агар сиз тез юрмоқчи бўлсангиз, ёлғиз кетинг! Лекин агар узоққа бормоқчи бўлсангиз, бирга кетинг!

@konspektor
25,558
Конспект

30 Oct, 08:00

Ўғил бола ва қиз болани фарқи

Қиз болани ўз олами, ўз эртаги бор. Бу оламида эса отаси доим қирол бўлиб қолади

@konspektor
17,537
Конспект

30 Oct, 01:00

Меҳмон кўп ташриф буюрадиган хонадон – Аллоҳга суюкли хонадондир.

Каттаю, кичикларга бирдек эшиги очиқ уй нақадар гўзал. Бундай уйга осмондан раҳмат ва барака нозил бўлур.

Расулуллоҳ саллаллоҳу алайҳи васаллам: "Аллоҳ бир қавмга яхшиликни истаса, уларга ҳадя ато қилади", деганларида, саҳобалар: "Ўша ҳадя нима экан?" деб айтишди. Шунда у зот: "(Бир хонадонга) меҳмон ризқи билан кириб келиши, кетишида бўлса ўша хонадон аҳлининг гуноҳини олиб кетишидир", дедилар. (Абу Нуъайм ривояти).

Яна Расулуллоҳ саллаллоҳу алайҳи васаллам: "Меҳмон жаннатга йўлловчидир", дедилар.
Яна Расулуллоҳ саллаллоҳу алайҳи васаллам: "Ким Аллоҳга ва охират кунига иймон келтирса, меҳмонини ҳурмат қилсин", дедилар.

Имом Бухорий ва Муслим ривояти

@konspektor
30,903
Конспект

26 Oct, 01:00

Ассалому алайкум ва роҳматуллоҳи ва барокатуҳ.

Хайрли тонг, қадрдон! Шанба тонгги барчамизга муборак булсин! Бу кунда Аллоҳ дуоларимизга ижобат, фарзандларимизга салоҳият, ибодатларимизга гўзаллик, ризқимизга барака берсин!  Ўзи қўллаб, ишимизни осон ва унумли қилсин! Беморларимизга шифо, адашганларимизга ҳидоят, қалбимизга поклик берсин!

Яхшилик ва яхшилар дойим ҳамроҳимиз бўлсин!

@konspektor
4,303
Конспект

25 Oct, 17:01

Фарзандимизни ҳулқидан нолишимиз, аслида ўзимиздан нолишимиз.

Уни бирор ишни уддалай олмаётганидан кимгадир гапираётган вақтимиз ўзимиз нимани амалга ошириб қўйганимизга бир эътибор берайлик.

Чунки, у нимадир чиройли бажариши, чиройли сўзларни гапириши ва чиройли амаллар кўрсатиб бериши аслида бизнинг ўзимизга боғлиқ.

Биз нима бўлсак, фарзандимиз ҳам шу бўлади...

@konspektor
6,143
Конспект

25 Oct, 08:00

Мен бахтлиман

Кунлардан бир куни бир подшоҳ касал бўлиб қолибди. Уни даволаш учун бутун дунёдан табибларни чақиришибди, лекин ҳеч бири подшоҳни даволай олмабди. Шунда уларга бир донишманд маслаҳат қилибди: агар бир бахтли одамни топиб, унинг кўйлаги подшоҳга кийдирилса, у тузалади. Бахтли одамни топиш учун дунёнинг ҳамма томонига чопарлар жўнатилибди. Лекин ҳеч ким "Мен бахтлиман", деган одамни топа олмабди. Кимдир бой, лекин касал, яна кимдир соғ, аммо камбағал, бошқаси бой, соғ, бироқ оиласи нотинч – хуллас, ҳамма нимадандир нолир эди.
Бир куни тунда подшоҳнинг ўғли шаҳар кўчаларини айланиб юрса, бир ҳовлидан кимнингдир гапини эшитиб қолибди. У: "Яхши ишладим, пулимни олдим, қорним тўйди, энди маза қилиб ухлайман. Мендан бахтли одам йўқ", дебди. Подшоҳнинг ўғли севиниб кетиб, тезда хизматкорларини жўнатибди. Катта пул эвазига ўша одамнинг кўйлагини олиб келишни тайинлабди. Хизматкорлар ҳовлига кириб шаҳзоданинг буйруғини бажармоқчи бўлишибди, лекин қарашса, ҳалиги "бахтлиман" деган одам шунчалар қашшоқ эканки, ҳатто эгнида кўйлаги ҳам йўқ экан.

Хулоса: Эй инсон, билгинки, бахт матоҳда эмас. Одам ўзини бир муддат бўлсада бахтли ҳис қилиши учун бой бўлиши шарт эмас, балки борига шукр қилиши кифоя.

Акбаршох Расулов 

@konspektor
16,888
Конспект

25 Oct, 00:01

Жума куни, кимга нимани раво кўрсангиз ўшани сўранг дейишади. Мен сизларга шу жойларда ахли оилангиз билан бирга ибодат қилишингизни Аллоҳдан сўрадим!

Жуманинг хайри ва барокати сизга бўлсин Қадрдон!

@konspektor
25,189
Конспект

24 Oct, 17:01

Жаннатнинг саккизта дарвозаси бўлиб, Қиёмат куни ҳар дарвозага фаришталар туриб олишади. Уларнинг юзлари оппоқ бўлиб, табассум билан у ерга кираётган мўминларни олқишлаб, қаршилаб туришади.

Жаннат дарвозаларининг номлари қуйидагичадир:
1. Намоз дарвозаси – бундан намозни қолдирмасдан адо этганлар киради.
2. Ғазот дарвозаси – бундан ғазот қилганлар киради.
3. Райён дарвозаси – бундан рўзадорлар киради.
4. Садақа дарвозаси – бундан садақа берувчилар киради.
5. Айман дарвозаси – бундан ҳисоб китоб қилинмайдиганлар киради.
6. Афв қилувчилар дарвозаси – бундан одамларни афв қилиб кечирувчилар киради.
7. Зикр дарвозаси – бундан Аллоҳни зикр қилганлар киради.
8. Ҳаж дарвозаси – Байтуллоҳни ҳаж қилувчилар киради.

@konspektor
17,263
Конспект

24 Oct, 14:01

- Одамзод нима учун кафтдек ҳовлисига гул экади? Ундан кўра шолғом экса, қозонига тушади-ку.

- Одамзод нима учун булбул чах-чахини эшитганда энтикиб кетади? Ундан кўра булбулни шўрвага солиб пиширса, нафсини қондиради-ку.

- Одамзод нима учун осмонда чарақлаб ётган юлдузларни кўриб, кўнгли завққа тўлади? Юлдузлар унинг ҳамёнидаги тиллалар эмас-ку.

- Одамзод нима учун китоб ўқиётиб, суюкли қаҳрамони ўлиб қолса йиғлайди? Уни ёзувчи "ичидан тўқиб чиқаргани"ни билади-ку?

- Одамзод нима учун ўзга юртларга бориб беҳисоб мол-дунё орттирсаю, иттифоқо болалиги кечган кулбаси тушига кириб қолса, туни билан йиғлаб чиқади? Ахир у шоҳона қасрда яшайди-ку.

- Одамзод нима учун боласининг бошида алла айтади? Гўдак алла эшитмаса ухламайдими?

- Одамзод нима учун неварасини етаклаб неча замон аввал ўтиб кетган бобосининг қабрини зиёрат қилади? Марҳумни улар кўрмайдилар-ку?!

- Гап шундаки, Одамзодни ҳайвонотдан ажратиб турадиган чегара бор. Бу чегаранинг номи Маънавият деб аталади.

Ўткир ҲОШИМОВ

@konspektor
19,843
Конспект

24 Oct, 13:02

Telegram tekin ammo vaqt bilan toʻlov qilingani uchun QIMMAT

Azizlar! Sunday qimmatli boʻlgan telegramdan maksimal foyda olishingiz uchun shu kanalga obuna boʻlishingiz kerak.

Buyerda kitoblar, ilm-fan, oʻqish va yozish texnikalari, shaxsiy rivojlanish va bloging, iqtiboslar haqida kitoblarga teng bilimlarni olasiz!

Boshqalar umrini behuda oʻtkazayotganda siz telegramdagi eng foydali kanalda fikrlash va dunyoqarashingizni oʻstirib, hayotingizni yaxshilaysiz.

Bilasizlar sizlarga eng eng eng yaxshisini tavsiya etamiz. Oʻzingiz bir oʻtib koʻring!

Kanalga qoʻshilish! 👈

https://t.me/kariymulloh
https://t.me/kariymulloh
https://t.me/kariymulloh
9,458
Конспект

24 Oct, 08:01

Бир замонлар қирол, ўз саройига келадиган йўл устига катта ҳарсанг тош қўйдирди. Тижоратчилар, карвончилар, сарой хизматчилари бу йўлдан ўтар эдилар.
Уларнинг ҳаммаси бу катта қоянинг атрофидан айланиб ўтиб саройга кирар эдилар....

Бир куни бир қишлоқлик одам шу йўлдан юриб келди. Кўрсаки, айни одамлар юрадиган йўл устида каттагина ҳарсанг тош ётибди. Дарҳол, устидаги чакмонини ерга отиб, одамларга ноқулайлик туғдираётган бу катта тошни олиб ташлашга киришди.
Бир қанча муддат астойдил ҳаракат қилиб, терлаганча тошни йўлнинг четига суриб қўйишга муваффақ бўлди..

Чакмонини қайта кияркан, тошнинг ўрнида бир халтача ётганини кўради. Халтачани қўлига олди. Халта олтин билан тўла эди. Ичида эса, подшоҳнинг бир хати ҳам бор эди: «Бу олтинлар, харсанг тошни йўлдан олиб ташлаган ЯХШИ ОДАМга тегишлидир».....

Қирол одамларга шу йўл билан муҳим ДАРС беришни ихтиёр қилган эди: «Ҳар бир тўсиқ - инсонларга қулайлик яратиш орқали савоб олишимиз учун бир ИМКОНдир!»

@konspektor
18,148
Конспект

24 Oct, 01:00

Ассалому алейкум ва роҳматуллоҳи ва барокатуҳ.

Барчамизга яна бир тонг нашидасидан бахраманд бўлиш насиб этибди, Алҳамдулиллаҳ! Ҳаёт такрорланмас.. умр қисқа... ҳар бир онимиз эса ғанимат... Ҳар бир отаётган тонгларимизни, ўтказаётган кунларимизни шукроналик хисси ила табассум билан қарши олайлик.. Аллоҳ ушбу тонгда барчамизни муродимизни хосил, мушкулларимизни осон қилсин, қилган яхши ниятларимизни ижобат айлаб, ҳайру-барокатларини зиёдаси билан тухфа этсин..

Иймонимизни бут, сабримизни кенг, виждонимизни пок қилсин..  Яқинларимизни Ўзи паноҳида соғ-омон асрасин... Бугунги  пайшанба  кунимиз   ҳушхабарларга бой бўлсин!

@konspektor
17,114
Конспект

23 Oct, 17:01

Ёш йигит Каъбада туриб фақат: "Эй тўғриларнинг, ҳаромдан ҳазар қилган бандаларининг ёрдамчиси - Аллоҳим, Сенга ҳамду санолар бўлсин!" - дея такрорларди.

Ёнидаги кишилардан бири ҳайратланиб сўради: - Биродар, нега фақат 1 та жумлани қайтаряпсиз, бошқа сўрайдиган тилагингиз йўқми?

Йигит бир пас жим тургач, ўз ҳолатига шундай изоҳ берди: - Бундан 7-8 йил олдин ҳам зиёратга келганимда, Каъбадан минг тилла танга солинган ҳамён топиб олдим.

Ичимда васваса бошланди: "Олтинларни олу чўнтагингга сол. Энди улар сеники, истаганингча харжласанг бўлади..."

Лекин бу гаплар шайтондан эканлигини ўз - ўзимга уқтирдим: "Йўқ, бу пуллар меники эмас, улардан фойдаланишим ҳаром".

Шу асно: " Ҳамёнимни йўқотдим, топиб олган борми?" - деган овоз эшитилди. Ҳалиги одамдан ҳамённинг таърифини, ичида қанча пул бўлганлигини сўрадим.
Гапларидан ҳамён унга тегишлилиги маълум бўлди - омонатни эгасига топширдим.

У менга суюнчи деб 30 тилла танга берди. Қўлимда пул билан бозорга йўл олдим ва у ерда болани мақтаб сотишаётгани устидан чиқдим.
Бояги боланинг тоза - покизалиги эътиборимни тортди.

Нархини сўрадим, 30 тилла эканини айтишди. Пулни бериб, асир болани сотиб олдим. Орадан бир - икки йил ўтди. Бола менга одоб ва садоқат билан хизмат қилди. Бир куни у билан бирга кетар эканмиз, қаршимиздан уч киши чиқди.

Шунда бола менга: "Хожам, сизга бир сирни очай - мен Форс амирининг ўғлиман. Келаётган кишилар эса отамнинг одамлари. Улар мени сотишингизни сўрайдилар, сиз яхши одамсиз, 30 минг олтиндан камига кўнманг. Қўрқманг, улар сизга зарар етказишмайди", деди.

Шундай қилиб асиримни ўттиз минг тиллага сотдим. Бу пуллар билан катта тижорат бошладим ва тез орада бойиб кетдим. Шундай кунларнинг бирида яқинларим: "Обрўли бир оиланинг қизи бор, отаси яқинда вафот этди. Сени шу қизга уйлантирмоқчимиз", деб қолишди. Мен рози бўлдим.

Тўй бўлди, никоҳ кечаси келиннинг сеплари орасида бир ҳамён диққатимни тортди. Рафиқамдан: "Бу нима?" - деб сўрадим.
У: "Отамнинг ҳамёни, ичида 970 тилла танга бор. Отам бу ҳамённи бир йили Каъбада йўқотган, топиб берган кишига 30 тангасини берган эканлар. Қолганини эса менга ҳадя қилиб, сепимга қўшганлар".

Қарангки, ўшанда Каъбада мен топиб олган олтинлар аслида ҳам ризқим экан. Агар эгасига бермаганимда ҳаром йўл билан келган бўларкан...

Такдиримизда биз учун аталган ризқимизга албатта эга бўламиз, факат ҳаром еки ҳалол йул оркали эга булишни узимиз хал қиламиз...

@konspektor
26,227
Конспект

23 Oct, 08:00

• Қийин замонлар кучли инсонларни шакллантиради;
• Кучли инсонлар енгил замонларни шакллантиришади;
• Енгил замонлар кучсиз одамларни шакллантиради;
• Кучсиз одамлар қийин замонларни шакллантиришади...

Хулоса шуки, фарзандларингизнинг енгил замон кўришига йўл қўйманг! Акс ҳолда, кучсиз авлодни шакллантирган бўласиз...

©️Ибратдир дунё

@konspektor
22,260
Конспект

23 Oct, 07:00

Сизларни Ҳоким ёрдамчиси каналига аъзо бўлишингизни тавсия қиламан!

Нафақа ва моддий ёрдам ажратиш;
100,0 млн сўмгача гаровсиз кредитлар;
33,0 млн сўмлик имтиёзли кредитлар;
Аҳоли ва тадбиркорлар учун субсидиялар;
Жамғармалар рўйхати;
Хориждаги иш ўринлари;
Аҳолига ер майдонлари ажратиш;
Коммунал тўловларда имтиёзлар;
Имтиёзи (120,0 млн сўм) )ипотека кредитлари;


Янги имтиёз ва икониятлар ва шу каби янгиликлар ҳоким ёрдамчиси каналида.

Қўшилсангиз кам бўлмайсиз!

КАНАЛГА ҚЎШИЛИШ УЧУН БОСИНГ
https://t.me/hokim_yordamchilar
11,150
Конспект

23 Oct, 05:46

Қўлида қилич тутган минглаб ғайридинлар мен учун хавф туғдирмайди. Қўлида май тутган мусулмонлар эса мен учун хавфли.

Салоҳиддин Айюбий

@konspektor
18,789
Конспект

23 Oct, 04:46

Ҳали бирор жойда чиқиб улгурмаган расмий янгиликлар, Ҳукумат коридорларидан инсайд хабарлар, ҳуқуқий маълумотлар, долзарб муаммолар ва уларга бериладиган ечимлар ҳақида биринчилардан бўлиб Generalissimus Телеграм каналида ўқишингиз мумкин.

Обуна бўлишни тавсия қиламан:

https://t.me/generalissimo_marshal
11,589
Конспект

23 Oct, 01:00

Сизга дунёдаги энг гўзал тилакларни тилагим келди:


Тилайман мўминлик ибодатини,
Жаннати инсонлар хуш одатини.
Қуръондек ҳаловат, иймондек ҳузур,
Ҳам икки дунёнинг саодатини.

Тилайман Умардек мард феъли одил,
Ҳам Абу Бакрдек бир дўсти оқил.
Муҳаммад кўнглидек покиза кўнгил,
Ҳам икки дунёнинг саодатини.

Тилайман бахт қасрин учқур отларин
Бухорий тафаккур, хаёлотларин.
Ҳам солиҳ фарзандлар камолотларин
Ҳам икки дунёнинг саодатини.

Тилайман юрт узра тинчлик зиёсин,
Салмоннинг тақвосин, Усмон ҳаёсин
Аталган сенга деб она дуосин,
Ҳам икки дунёнинг саодатини.

Тилайман тоғларнинг маҳобатини,
Зулфиқор тутган мард салобатини.
Дилдаги пок ният ижобатини,
Ҳам икки дунёнинг саодатини.

@konspektor
27,404
Конспект

22 Oct, 17:01

ЭҲ, НОМАРД....

Сотувчи ҳикояси

Бозорда қанд - қурс, ширинликлар сотаман. Ҳайит куни ёнимга бир йигит келди. Бир гапириб ўн куладиган , хушчақчақ йигит.
–Ака, қурбонлик қилдим уйга меҳмон чақиргандим, ширинликларингиздан берсангиз.
–Ҳўп дея айтган нарсаларидан торта бошладим.
–Бу пистами?
–Ҳа, Эронники, килоси бир юз етмиш минг..
–Тортинг шундан ҳам ярим кило.
Пистани тортарканман, бир гапириб ўн кулаётган йигит маъюс бўлиб қолди. Пистани узатарканман, йигитнинг кўзларидан ёш тирқираб чиқаётганини кўрдим,.
–Нима бўлди сизга, таажжуб билан сўрадим йигитдан.
–Мен номард эканман, онам саксонга киряптилар, дўстларим учун писта олаяпман, аммо ОНАМГА бирор марта шу пистадан олиб бормабман. Мендан ҳам номард одам борми бу дунёда...

Рустам ЗОИР

@konspektor
18,140
Конспект

22 Oct, 08:00

Инглиз тилини ўрганиш учун 10 та сабаб

1. Babbel маълумотига кўра, ер юзида 7.5 миллиард инсон бўлса, шулардан 20% инсонлар инглиз тилини билишар экан. Ҳар 5 одамдан бир киши инглиз тилини билиши ёки тушуниши айни ҳақиқат деб қарасак, инглиз тилини билган одам дунёнинг қайси нуқтасига борса ҳам сўзлаша олар экан.

2. Инглиз тили илм-фан, техналогиялар, туризм ва дипломатик алоқалар тили ҳисобланади. Келинг хоҳлаган дастурлаш тилини олайлик, барчаси инглиз тилида ёзилган. Энг яхши китоблар, мақолалар инглиз тилида чоқ этилади. Дипломатик муносабатлар барчаси инглиз тилида юритилади.

3. Инглиз тили 53 давлат расмий тили ҳисобланади. Аҳоли зич давлатларнинг аксарияти инглиз тилида сўзлашади.

4. Дунё бўйлаб 400 миллиондан ортиқ инсонлар инглиз тилида сўзлашувчи оилаларда улғайишган, ва биринчи она тили сифатида айнаш шу тилдан фойдаланашиди.

5. Инглиз тили медиа тили ҳисобланади. Биринчи маълумот инглиз тилида оммага татбиқ қилинади. Инглиз тилини билган одам, биринчилардан бўлиб дунё янгиликларидан баҳраманд бўладилар.

6. Инглиз тили интернет тили. Кўпгина веб саҳифалар, платформалар, иловалар инглиз тилида ёзилган. Инглиз тилини билсангиз, кўпгина қизиқ форумлар, замон билан ҳамнафас баҳс-мунозараларда иштирок этишингиз мумкин.

7. Инглиз тили осон алифбодан ташкил топган. Бошқа тилларга солиштирганда ўрганиш осон. Ўрганиш учун манбалар кўплиги бўйича ҳам инглиз тили туради.

8. Инглиз тили қизиқ тил. Уни ўрганишни бошлаган одам ҳечқачон зерикмайди. Осон ўрганиш усуллари мавжуд. Барча маълумотлар инглиз тилида бўлгани учун, атроф-муҳит инглиз тилига бой. Шуни инобатга олсак, инглиз тилини ўрганишга саёҳат жуда осон кечади.

9. Энг яхши олийгоҳлар, ўқув курслари, онлайн курслар инглиз тилида. Сиз билган MIT, Harvard, Oxford университетлари программалари барчаси инглиз тилида. Дунёнинг энг нуфузли 1000 та университети инглиз тилида программалар таклиф қилишади. Касб мутахасислари инглиз тилини билишади. Дастурлаш тили мутахасистлари барчаси инглиз тилини билиши талаб қилинади.

10. Инглиз тилини билишингиз сизни бошқа давлатларга қўрқмасдан кўчиб ўтиб озроқ вақт яшаб, ўқиб, ишлашингизга замин яратади. Миграция учун йўл бу инглиз тили ҳисобланади. Америка, Австралия, Канада, Янги Зелландия ва Европанинг кўпгина давлатлари инглиз тилида ўқиш, ишлаш ва яшаш имконларини беради.

@konspektor
20,485
Конспект

22 Oct, 04:54

Намознинг кўзга фойдаси

Германияда бир кўз шифокори қабулига келган мусулмон йигитни текширади. Текшириб бўлиб унга савол беради:
— Сен намоз ўқийсанми?
— Менинг кўзимдаги дард билан намознинг қандай алоқаси бор. Мендан намоз ўқиш-ўқимаслигимни сўраяпсиз?
— Агар сен намоз ўқисанг, ўқиб бўлиб, икки томонга салом бераётгандаги ҳаракатни қилганингда бу касаллик сенда бўлмасди...

Изоҳ: Яъни, салом бераётганда икки елкамизга салом берамиз, шунда кўзимиз ҳаракатланади. Кўз ҳаракатланиши кўзнинг саломатлиги ва нури учун фойдали. Кўз машқларида бу бор. Субҳаналлоҳ, намоз ибодатимизда кўзимиз учун ҳам сиҳат бор экан. Шу ўринда Расулуллоҳ соллаллоҳу алайҳи васалламнинг "Намоз - кўзимнинг нури", деган маънодаги ҳадислари ёдга тушади. Роббимиз биздан талаб қилган ибодатлар ҳам руҳимиз, ҳам танамиз учун шифодир. Роббимиз бизнинг ибодатларимизга муҳтож эмас, аксинча, биз уларга муҳтожмиз.

Германиялик шифокор сўзида давом этиб:
— Арабларда кўзойнак ишлатилиши камдан-кам. Сабаби эса, улар ўнгдан чапга қараб тўғри ўқийдилар. Биз европаликлар эса, лотинчани чапдан ўнгга қараб ўқиймиз. Холбуки, яратилишга кўра, кўз ўнгдан чапга қараб ўқишга мослаштирилган.

Шифокор кейинчалик Исломни қабул қилиб мусулмон бўлади.

Абдуллоҳ Раҳимбоев таржимаси ва изоҳи

@konspektor
25,235
Конспект

22 Oct, 01:01

Ассалому алайкум ва раҳматуллоҳи ва барокатуҳ!

Хайрли тонг, Азизлар! Барчангизга муродбаҳш тонг муборак бўлсин!

Ҳар тонгимиз Бисмиллоҳ ила бошланиб, ҳар кунимиз Алҳамдулиллаҳ ила якунлансин. Барчамизга дунё ва охиратимизни саодатга боғлайдиган хайрли амаллар қилиш насиб этсин!! Кўнгил поклиги, қалб ва руҳ хотиржамлиги, ақл соғломлиги,  тану-жон омонлиги доимий ҳамроҳимиз бўлсин!!

Ҳамиша, ҳар ерда ва ҳар ишда омад ёр, Яратган эгам ўзи мададкор бўлсин, Иншааллаҳ! Қалбимиз ва дуоларимиздаги азиз инсонларимизни Аллоҳим паноҳида асрасин!! Аллоҳ ҳар биримизнинг хонадонимизга файзу-барокат, кетмас давлат, шукронаи неъмат ва тинчлик-тотувлик ато этсин!

@konspektor
21,114
Конспект

21 Oct, 17:01

Боламдан тотлиси йўқ дейди аёл

Аёлга бердилар бугун бир савол,
Дунёда энг тотли айтгинчи дархол,
Новвотми, оққандми, шакар ёки бол?
Боламдан тотлиси йўқ деди аёл.....!!!

Яна сўрадилар, айтгин яширмай,
Энг хушбуй гул қайси: атиргул, лола?
Бир лаҳзада берди жавоб ўйламай,
Энг хушбуй хилқат бу шубҳасиз - бола.....!!!!!

Аёл борки бари, қилади орзу,
Уй, бойлик, тақинчок, пари жамоли,
Қай бирин хоҳлайсан, айт секин деди:
Менга кифоядир болам камоли......!!!!!

@konspektor
19,096
Конспект

21 Oct, 08:01

Қуёшда қолган сувни ичманг!

Кўп эътибор бераман бозорларда, дўконларда қуёш тушиб турадиган жойларга сувларни қўйиб қўйган бўлади. Айниқса ёзда "оптом"чиларда блоклаб сувлар ташқарида қуёшда туради.

Ҳеч ким назорат қилмайди, ҳеч кимга керак ҳам эмас... Шунчаки устини ёпиб қўйса ҳам бўлади, лекин шуни ҳам қилмайди.

Қуёшда қолган сувни 2 та хавфли тарафи бор:
1. Саратон касаллигини ривожланиш хавфини оширади.
2. Сув ҳароратини кўтарилиши ундаги ичак таёқчаларини кўпайишига, бу эса ичак инфекциялари ривожланишига олиб келади.

Авваллари бу сувни "офтоба сув" дейишган ва терида турли касалликларни келтириб чиқаришини билганлар ҳаттоки ювиниш учун ишлатишмаган.

Шайх Муҳаммад Содиқнинг "Кифоя" китоби, таҳорат бўлимида қуёшда исиган сувга таҳорат қилиш макруҳлиги ёзилган. Нафақат замонавий тиббиёт, балки динимиз ҳам бежизга 14 асрдан бери бундай сувлардан фойдаланишдан қайтармаган...

@konspektor
18,393
Конспект

21 Oct, 01:00

Ассалом алайкум ва роҳматуллоҳи  ва барокатуҳ!

Аллоҳ насиб этган яна бир беғубор тонг муборак бўлсин!

Ушбу тонгда қилган барча орзу-ниятларингиз ва эзгу тилакларингиз ижобат бўлсин!

Феълингизни кенглиги, назарингиз тўқлиги нур бўлиб чеҳрангизга файз баҳшида этсин. Бу дунёда ҳар бир қадамимиз синов, ҳар бир кўрганимиз сабоқ эканлиги  англаб туриш туйғусидан , улардан ўзимизни юксалтирадиган хулосалар чиқариш идрокидан бенасиб этмасин!

Бу куннинг файзи ва барокати ҳамрохингиз бўлсин, қадрдон!

@konspektor
16,245
Конспект

20 Oct, 17:02

Орзу

Фарзандим дунёга келди. Бу хабарни «Самолётга улгура олармиканман?» деган хавотирли ҳаёл билан банд пайтимда эшитдим... Мен ҳали у, ҳали бу жойларда сафарда эканман, юришни ўрганди, гапиришни ҳам... бир оз катта бўлгач, «Сизга ўхшашни хоҳлайман, дадажон. Катта бўлганимда худди сиздек бўламан», деган гапини эшитиб, бошим осмонга етди.
Кун бўйи ишхонамга неча марталаб телефон қилар, «Қачон келасиз? Эртароқ қайтинг», деб такрорларди.
― Хўп, ўғлим, хўп, иложи борича эртароқ бораман, кейин бирга ўйнаймиз...
Шу тарзда йиллар ўтди. Ўғлим ўн ёшга кирди. Туғилган кунига копток совға қилдим. Жудаям суюнди. Бўйнимдан қучоқлаб, раҳмат айтди. Кейин:
― Дада, бирга ўйнамаймизми? ‌ деди қувноқ овозда.
― Ўйнаймиз, албатта, ўғлим. Фақат ҳозир эмас, ишларимни битирай, хотиржам бирор жойга бориб, яйраб тўп тепамиз.
― Ростан оборасиз-а? – сўради севиниб. Кейин қўшиб қўйди: - Катта бўлсам, сизга ўхшайман!
Ўғлим олдин мактабни, кейин университетни яхши баҳоларга тугатди. Дипломини олган куни қучоқлаб табрикладим: «Сен билан фахрланаман», дедим кўзимга ёш тўлиб. Ўша куни у билан гаплашгим келди. «Бугун бир суҳбатлашиб ўтирайликми?» дедим. «Зўр бўларди, дада. Қанча йиллардан бери холи ўтириб гаплашмадик, - жавоб берди. – Лекин, дада, хафа бўлманг, бугун ўртоқларимга сўз берганман-да...»

Кейин нафақага чиқдим. Нафақадаги одамда энг кўп нарса бўш вақт. Зерикканимда узоқ шаҳарда ишлаётган ўғлимга телефон қилардим, унинг эса гаплашишга камдан-кам фурсати бўларди, доим бир жойга шошилиб турарди. «Вақт топишим билан бораман, дадажон. Ўзимам соғиндим. Ишларни кўрмайсизми, кундан-кунга кўпайса кўпайяпти, камаймайди. Балки келаси ҳафтага имкон топарман...»

Аммо ўғлимнинг «келаси ҳафта»си ҳеч келмади. Бир сафарги шундай суҳбатдан кейин битта ҳақиқатни тушундим – ўғлим мақсадига етибди. Доим менга ўхшашни орзу қиларди. Улғайиб, худди менинг ўзим бўлибди...

@konspektor
16,570
Конспект

20 Oct, 08:00

Бемор қилма яқинларимни!

Қўлим очиб нидо қилай ўзинга.
Тингласанг бас оҳу нолаларимни.
Ишончим юксакдир қудратларинга
Роббим бемор қилма яқинларимни.

Бошлари ёстиққа тегиб қолмасин.
Беморлик қаддини эгиб қолмасин.
Дунёлардан буткул безиб қолмасин
Роббим бемор қилма яқинларимни.

Бу ўтинчдир сенга йўқ қўймадим шарт.
Буюклар буюги ўзингсанку мард.
Кундан кун англадим соғлик олий бахт.
Роббим бемор қилма яқинларимни.

Улар жонимдаги жонажонларим
Улар билан гўзал ҳар бир онларим
Улар касал бўлса ёмон ҳолларим
Роббим бемор қилма яқинларимни

Беш кунлик дунёда юриб саломат.
Уйнаб кулишсинлар беармон ҳар вақт.
Дуоларим ўзинг айла ижобат.
Роббим бемор қилма яқинларимни.

Яшасинлар паноҳингни остида.
Соғ юришсин тупроғингни устида.
Ўзинг асра ғанимлар қастидан.
Роббим бемор қилма яқинларимни.

@konspektor
20,461
Конспект

20 Oct, 01:00

Қизимга ўгитлар.

Жоним қизим!

Фидоий бўл; лекин ўзингни, қадр-қийматингни, соғлигингни ҳеч ким учун фидо этма.

Мулоҳазали бўл; лекин инсонларни ўйлашни ўзингни ўйлашдан олдинга қўйма!

Шафқатли бўл; лекин ўз шафқатинг билан аввал ўзингни қучишни унутма.

Қалбинг меҳрга лиммо лим тўла бўлсин; лекин меҳрни ҳар истаган учун бериб, ўзингдан воз кечма.

Очиқ юзли бўл; лекин қошларингни ўйишинг керак бўлган вақтда, ўзингни кулишга мажбурлаб, чегарангни босишларига йўл қўйма!

Даволовчи бўл; лекин ўзинг жароҳатламаган яраларнинг жавобгарлигини зиммангга олиб, юрагингга залвор юклама!

Билимли бўл; лекин “мен ҳамма нарсани биламан” деган жоҳилона ўйга енгилиб қолма!

Эҳтиромли бўл; лекин ўзини ҳурмат қилмаган, бошқаларни ҳурмат қилолмаслигидек буюк ҳақиқатга орқангни ўгирма!

Меҳнаткаш бўл; лекин меҳнату машаққатга ўзингни буткул топшириб, ғанимат лаҳзаларинг қийматини йўқотма.

Бор бўлгин, ёр бўлгин, шод бўлгинки; бу ҳайҳотдай дунёда сендан биттагина бор! Ўзингдаги “Сен”ни асраб-авайла гўзал қизим, ҳар доим сени шундай дуо қиламанки, зинҳор ўзингни йўқотма, марваридим...

@konspektor
20,805
Конспект

19 Oct, 17:01

Фарзь ва қарз

Ота-онага яхшилик қилиш ҳам фарз, ҳам қарздир:
— фарз сени жаннатга етакласа;
— қарз эса фарзанларингдан ўзинга қайтади!

@konspektor
18,128
Конспект

19 Oct, 08:01

Қанийди учраса шундай бир одам:
Сен ёқа бўлганда у ҳам енг бўлса.
Ёши, мартабаси тенг бўлмаса ҳам,
Aлбатта сен билан кўнгли тенг бўлса.

Қанийди учраса шундайин бир зот,
Гаплашсак жайдари ёронларга хос.
Дейлик: юлдузларда бормикан ҳаёт,
Қайси дармондори қайсимизга мос.

Қанийди учраса шундай суҳбатдош,
Бир-бирин асабин арралашмаса.
Бири кўз бўлганда, бири бўлса қош,
Суҳбатга ғийбат ҳеч аралашмаса.

Aбдулла Орипов

@konspektor
20,926
Конспект

19 Oct, 01:01

Қалбингиздаги гўзал гапларни яқинларингиздан қизғанманг. Қуйидаги сўзларни айтиб туринг, мўжизани ўшанда кўрасиз!..

-Яхшиям борсан!
-Борингга шукур!
-Сени ҳар сонияда соғинаман!
-Ҳаёт сен бор учун гўзал!
-Ҳаммасини бирга уддалаймиз!
-Бахтимга дойим омон бўлгин!
-Мен сени яхши кўраман!

Унутманг, ғурур бор жойда шодлик бўлмайди.

@konspektor
19,576
Конспект

18 Oct, 17:02

Отанг бор ҳовлига кирасан эркин,
Онанг бор илинар — дастурхон тўкин.
Ишонгин биродар, улардан кейин -
Ийманиб қоласан меҳмон бўлишга...

@konspektor
24,315
Конспект

18 Oct, 07:16

Катта ният!

Мактабни тамомлаганимизга 15 йил бўлибди. Бир куни ҳизмат сафарим мобайнида 4 нафар синфдошлар учрашиб қолдик. Ўқувчилик давримиз ва ўтган ҳаётимиз ҳақида қизиқ сухбатлар қилдик.  Ўшанда мен улардан хозирги эришганлари ҳақида сўрадим. Улар бирма-бир гапириб беришди:
Нодир: Мен севган қизимга уйландим,  машинам бор, шаҳар марказидаги кўп қаватли уйларнинг биринчи, иккинчи қавати билан бирга ер тўласини хам сотиб олдим.
Аброр: Мен яхши оиланинг қизига уйландим шаҳар марказидан 3 хонали квартирам ва машинам  бор.
Баҳодир: Мен ҳам қишлоғимдаги бир қизга уйландим қишлоқда 4 хоналик уйим бор, 2 та хонаси ремонт бўлмаган, машина ҳам ололмадим. Энди ҳарактдаман...

Мен ҳам ўзимнинг эришганларим ҳақида айтиб бўлгач, яна қизиқиб сўрадим:
Дўстлар! Мактабни битираётганимизда келажакда қандай яшашни ва нималарга эришишни хохлагандингиз? Нодир ва Аброр "Айнан ҳозирги эришганларимизни хохлагандик" деб бир хилда жавоб беришди.  Баҳодир эса, "Худойимнинг  менга ҳам атагани бордир, бирор нарсага эриша оларканминми деб ўйлардим ўшанда", деб жавоб берди. Мен улардан яна сўрадим, "Бундан бошқа яна кўпроғини ният қилмаганмисизлар?" Ўшанда биз бир бирмизга қараб ўйланиб қолдик ва шунга амин бўлдикки, ниятларни катта қилишимиз, унга эришишга имонимиз ва ишончимиз ҳам кучли бўлиши керак экан.  Аллоҳим, қилган ниятларимизга яраша беради, Иншааллоҳ!

Аҳмади Эверест

@konspektor
19,605
Конспект

18 Oct, 01:01

Фарзандлар беш хил бўлади:

1. Ота-онаси айтганидек иш тутмайди. Бундайлар ота-онага оқ бўлганлардир.
2. Ота-онаси айтганидек иш тутса ҳам, ўзи уни чин дилдан истаб қилмайди. Бундайлар савобдан маҳрумдирлар.
3. Ота-она айтганидек иш тутади, уларга нисбатан номаъқул муомала ҳам қилади. Масалан хўрсинади, «уф» дейди, миннат қилади. Булар гуноҳкорлардир.
4. Ота-онаси айтганларини чин дилдан бажаради. Бундайлар савоб ҳам олади. Аммо булар кам.
5. Ота-оналари истаётган нарсани ҳали айтиб улгурмасиданоқ сезиб бажарадилар. Булар ота-онага яхшилик қилувчилардир. Аммо бунақалар анқонинг уруғидек ниҳоятда ноёб.

@konspektor
25,599
Конспект

17 Oct, 17:01

• Аёлларнинг ўзларини эркакка тенглаштиришлари — ахмоқлик.
• Улар эркакдан анча устундирлар.
• Чунки аёлга нима берсангиз, улар уни ортиғи билан сизга қайтаради.
• Агар сиз унинг танасига уруғ берсангиз, сизга уни фарзанд қилиб қайтаради.
• Агар сиз аёлга уй қуриб берсангиз, сизга уни шинам маскан қилиб қайтаради.
• Агар сиз унга масаллиқлар берсангиз, у сизга таом беради.
• Агар сиз унга биргина табассум ҳадя қилсангиз, у сизга бутун юрагини тортиқ қилади.
• Аёл зоти ўзига берилган ҳар қандай нарсани кўпайтиради ва мўл-кўл қилади.
• Шу сабабли агар унга бирорта ифлослик қилсангиз, бир дунё ахлатни қабул қилиб олишга тайёр туринг...

Вилльям Голдинг (Британиялик ёзувчи 1911-1991)

@konspektor
20,643
Конспект

17 Oct, 07:23

БИР ТИЙИНЛИК ҲАМЁН

Бир камбағал бечора йўлда кетаётса олдидан бир хамён чиқиб қолибди. Ичини очиб қараса, бир тийин танга бор экан, камбағал ота-онам анчадан бери сут ичмаганди, бу пулга уларга сут олиб бораман деб ўйлаб, турган экан хамён оғирлашибди...
Ичини очиб қараса хамёнда ўн танга турганмиш.
Камбағал: - «Ё, Худо қудратингдан...» - деб ҳайрон бўлибдида, ундан кўра бу пулга битта сигир оламан, шунда ота онам ҳам, фарзандларим ҳам, ҳар куни тонгда сут ичадиган бўлишади, деб ўйлаган экан хамён яна оғирлашибди...
Бу сафар уни ичида анчагина пул турган экан. Камбағал ўтган қиш ота онам роса совуқдан қийналишганди, хоналари таъмирсиз эди, бу пулга ота онамни хонасини тамирлайман деб ўйлаганди хамки, хамён янаям оғирлашибди...
Ўша пайт камбағални нафси тутиб, хотиним анчадан бери "бу уйда яшамайман", деб айтаётганди,  ундан кўра, эски уйни ота онамга қолдириб, янги уй олиб кўчиб кетамиз, деб ўйлаган экан, ҳамён аввалги холатига қайтиб қолибди..?!
Яъни, ичидаги хамма пул йўқолиб, фақатгина ўша бир тийин қолибди.

Хаётингиз гўзал бўлиши учун аввало хаёлларингиз халол ва поклик ила гўзал бўлиши керак. Унутманг, ҳаётингиздаги ҳар бир вазият ўй-хаёлларингиз натижасидир...

@konspektor
26,446
Конспект

17 Oct, 06:23

Юз йилда ҳам сўзини, ҳам юзини ўзгартирмаган нашрни биласизми?
Бу – ҳаммамизга қадрдон “Муштум” журнали!
“Муштум”нинг телеграм каналига шахсан ўзим обуна бўлиб,
маза қилаяпман:

Ҳам кулдиради, ҳам куйдиради!

“Муштум”, барибир – МУШТУМ-да! 👉 @mushtumjurnali

➡️ Каналга обуна бўлинг 👇👇👇
https://t.me/mushtumjurnali
14,403
Конспект

17 Oct, 01:01

Ассалому алайкум ва роҳматуллоҳи ва барокатуху.

Биласизми?! Энг яхши, чиройли ризқ мол-мулк эмас.
Балки...
Хотиржам, қаноатли қалб,
Равшан ақл, соғлом фикр,
Тан сиҳатлик,
Онанинг дуоси
Отанинг меҳри,
Ака-уканинг борлиги,
Фарзанднинг кулгуси,
Дўстнинг эътибори,
Аллоҳ учун яхши кўриб дуо қилувчи инсоннинг борлиги сиз учун энг афзал ризқдир.

Аллоҳ бу неъматларини сиздан канда қилмасин!
Қайси биридир узулган бўлса, ўрнини ундан яхшиси билан тўлдирсин.!

@konspektor
32,519

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.