Justice For Arakan

@justiceforarakan1

@justice4arakan

Justice For Arakan (English)

Are you passionate about advocating for human rights and social justice? Look no further than the Telegram channel 'Justice For Arakan', also known as '@justiceforarakan1' and '@justice4arakan'. This channel is dedicated to raising awareness about the ongoing humanitarian crisis in the Arakan region, also known as Rakhine State, in Myanmar. The channel provides regular updates on the plight of the Rohingya people, who have been subjected to discrimination, violence, and displacement. 'Justice For Arakan' serves as a platform for activists, journalists, and concerned individuals to come together to demand accountability, justice, and support for the Rohingya community. By joining this channel, you will stay informed about the latest developments, access reliable resources, and participate in advocacy campaigns to help those in need. Together, we can make a difference and stand united in the fight for justice in Arakan. Join us today and be a voice for the voiceless.

Justice For Arakan

25 Oct, 15:51

မြောက်ဦးမြို့နယ်၊ လောင်းကြက်ရွာမှ အချုပ် တရားခံ တဦး သီဆုံးမှုဖြစ်စဉ်
JFA၊ အောက်တိုဘာ ၂၅

၂၀၂၃ ခုနှစ်၊ အောက်တိုဘာ ၂၄ ရက်နိညည့် ၈ နာရီ၊၂၀ မိနစ်ခန့်က မြောက်ဦးမြို့နယ်၊ လောင်းကြက်ရွာတွင် သားဖြစ်သူအား အဖဖြစ်သူက ကတ်ကျစ်နန့် ထိုးသတ်မှုတခုဖြစ်ပွားခသည်။

ယင်းဖြစ်စဉ်အရ အဖ ဦးအောင်မင်းစိန်၏ သား အသက် ၂၉ နှစ်အရွယ် ကိုအောင်မင်းသန်းသည် ၂၀၂၃ ခုနှစ်၊ အောက်တို ဘာ ၂၄ ရက်နိညည့် ၈ နာရီ ၂၀ မိနစ်ခန့်တွင် အရက်သီစာသောက်စားမူးယစ်ပြီး တအိမ်တည်းနီ အစ်မဖြစ်သူအား မခံမရပ်နိုင်အောင် ဆဲဆိုကြိမ်းမောင်းလျက် အစ်မဖြစ်သူ၏ လိုင်ပင်းကို ဖျစ်သတ်နီသောကြောင့် ဖခင်ဖြစ်သူ ဦးအောင်မင်းစိန်(၆၂နှစ်)က သားဖြစ်သူအားဟန့်တားခသည်။

ကိုအောင်မင်းသန်းသည် ဖခင်၏ဟန့်တားမှုကို မလိုက်နာဘဲ ဖခင်ဖြစ်သူကို ပြန်လည် လုံးထွီး တိုက်ခိုက်စဉ် ဦးအောင်မင်းစိန်က ကတ်ကျစ်နန့်ထိုးသွင်းရာတွင် ထိုးသွင်းဒဏ် ရာ (၁၉)ချက်နန့် အစ်မဖြစ်သူ၏ နီအိမ် ဂြောက်၌ ကိုအောင်မင်းသန်း လဲကျ သီဆုံးခသည်။

ဒေအမှုနန့် ပတ်သက်၍ လူသတ်တရားခံ ဦးအောင်မင်းစိန်အား ယင်းနိ ညည့် ၁၁ နာရီခန့်က အာရက္ခပြည်သူ့အစိုးရ၏ မြောက်ဦးမြို့နယ်ရဲတပ်ဖွဲ့၊ အမှတ်(၄) နယ်မြီရဲစခန်းက ဖမ်းဆီးခပြီး ယင်းရဲစခန်း၌ပင် ၎င်းအားထိန်း သိမ်းထားခပါသည်။

ဦးအောင်မင်းစိန်အား ထိန်းသိမ်းထားခသည့် နီရာသည်ကျန်းမာရီးနန့်ညီညွတ်၍ ကောင်းမွန်သော အိပ်ဆောင်တခုဖြစ်ပြီး၊ ပျဉ်ခင်းထားသည့် အခန်းအတွင်း ထိန်းသိမ်း ထားခြင်းဖြစ်ကာ ၎င်း အတွက်လိုအပ်သော ပုဆိုး စသည့် အသုံးအဆောင်များကိုလည်း မိမိရို့တပ်ဖွဲ့ဝင်များက စနစ်တကျ ထုတ်ပီးထားခပါသည်။

ရဲတပ်ဖွဲ့ဝင်များက ၎င်းအားဖမ်းဆီးစဉ် ကလည်း သတ်ပုတ်ရိုက်နှက်ခြင်းလုံးဝမဟိခသည့်အပြင် သက်ကြီးပိုင်းဖြစ်၍ လက်ထိပ်မခတ်ဘဲခေါ်ဆောင်လာခခြင်း ဖြစ်သည်။

ဦးအောင်မင်းစိန်သည် နဂိုကပင် သွီးတိုး၊ နှလုံး ရောဂါအခံဟိသူဖြစ်ပြီး၊ သားဖြစ်သူ၏ ရိုက်နှက်ခြင်းကို (၂) ကြိမ်တိုင်တိုင်ခံထားရကာ မိမိသားကို မိမိသတ် မိသည့် စိတ်ပိုင်းဆိုင်ရာ ဖိစီးမှုနန့်အတူ အခင်းဖြစ်ပွားစဉ်အတွင်း သားဖြစ်သူနန့် လုံးထွီးသတ်ပုတ်ခမှုကြောင့် ရင်ဖတ်အောင့်သည်ဟုလည်း ၎င်းက ပြောဆိုခသည်။

ယင်း တညည့်တာ ထိန်းသိမ်းထားစဉ်ကာလအတွင်း ဦးအောင်မင်းစိန်သည် ၂၀၂၃ ခုနှစ်၊ အောက်တို ဘာ ၂၅ ရက်နိ၊ စော စော ၁ နာရီကျော်ခန့်တွင် (၁)ကြိမ်၊၂ နာရီကျော်၌ (၁) ကြိမ် အပေါ့လားခပြီး၊ မိုးထ ၆ နာရီ ၂၀ မိနစ်ခန့်ရောက်သော အခါ တာဝန်ကျ ရဲတပ်ဖွဲ့ဝင်မှ အချုပ် တရားခံ ဦးအောင်မင်းစိန်အား အပေါ့၊အလီး လားရန် နှိုးရာ၌ မှောက်ခုံအနီအထားဖြင့် သီဆုံးနီသည်ကို တွိခရသည်။

သီဆုံးမှုနန့်ပတ်သက်၍ ရက္ခိုင်အမျိုးသားအဖွဲ့ချုပ် ULA မှ တာဝန်ဟိပုဂ္ဂိုလ်များက အောက်တိုဘာ ၂၅ ရက်နိ မိုးထပိုင်းတွင် သီဆုံးသူ၏ မိသားစုဝင်များကို ခေါ်ယူတွိဆုံကာ ဦးအောင်မင်းစိန်၏ သီဆုံးမှုဖြစ်စဉ်အား ယှင်းပြခပါ သည်။

သီဆုံးသူ၏ မိသားစုဝင်များက ဦးအောင်မင်းစိန်မှာ နှလုံးရောဂါ နန့် သွီးတိုးရောဂါဟိ ပြီး နှလုံးမကြာမကြာရပ်တန့်လိဟိကြောင်း၊ ဒေဂုသီဆုံးမှုသည် နဂိုခံရောဂါဖြင့် သမရိုးကျ သီဆုံးလားခြင်းရာဖြစ်ပြီး၊ သီဆုံးမှုနန့် ပတ် သက်၍ ULA/AA တပ်ဖွဲဝင်များအပေါ် သံသယလုံးဝမဟိပါကြောင်း ရိုးသားပွင့်လင်းစွာပြောဆိုလားကတ်ပါသည်။

ယင်းနောက် အောက်တိုဘာ ၂၅ ရက်နိ နိခင်း ၁ နာရီ ၅၀ မိနစ်တွင် ဦးအောင်မင်းစိန်၏ ရုပ်အလောင်းကို မိသားစုထံသို့ လွှဲပြောင်းပီးအပ်လိုက်ပြီးနောက် ညဇာ ၃ နာရီ မိနစ် ၃၀ တွင် အလောင်းအား လောင်းကြက်ရွာ သင်္ချိုင်း၌ ကောင်းမွန်စွာ မြီမြှုပ်သင်္ဂြိုလ်ခကတ်ကြောင်း သိဟိရပါသည်။

ဒေသတင်းတိကို တပြိုင်တည်းသိလိုပါက အောက်ဖော်ပြပါ Facebook Page Link တွင်လည်း လားရောက်ကြည့်ရှုနိုင်ပါသည်။
https://www.facebook.com/Justice4arakan

9,845

Justice For Arakan

25 Oct, 14:54

ဆရာမ ဒေါ်နှင်းယုနွယ် သတ်ဖြတ်ခံရမှုနန့် ပတ်သက်၍ ဆောင်ရွက်ထားဟိမှုအခြေအနီ

JFA ၊ အောက်တိုဘာ ၂၅

ရသေ့တောင်မြိုနယ်၊ မယူကမ်း၊ ကျွန်းပေါ် ပေါက်တောကျေးရွာမှ အလပြဆရာမ ဒေါ်နှင်းယုနွယ် သည် ၂၀၂၃ ခုနှစ်၊ စပ်တမ်ဘာလ ၁၆ ရက်နိမိုးထ ၉ နာရီခန့်က ၎င်း တာဝန်ကျရာ ပန်းဖော်ပြင်အလယ်တန်းကျောင်းသို့ စာပြရန်လားရောက်စဉ် ပေါက်တော-ပန်းဖော်ပြင်လမ်းမကြီးဘေး၌ မိုးထ ၉ နာရီ မိနစ် ၃၀ ခန့်က ဆရာမဒေါ်နှင်းယုနွယ်မှာ လိုင်လှီးသတ်ဖြတ်ခံရပြီး သီဆုံးနီကြောင်း တွိခရသည်။

အမှုနန့်ပတ်သက်၍ အာရက္ခပြည်သူ့အစိုးရ၊ ရသေ့တောင်မြို့နယ် ရဲတပ်ဖွဲ့သည် ဆရာမ ဒေါ်နှင်းယုနွယ်၏ ရုပ်အလောင်းအား အယင်ဆုံးတွိဟိခသူ မျက်မြင်သက်သီ ၁၀ ယောက်နန့် မောင်မောင်အေးအပါ အဝင် သံသယဟိလူ ၆ ယောက်ကို စပ်တမ်ဘာ ၁၇ ရက်နိတွင် ကနဦး ခေါ်ယူ စစ်ဆီးမိန်းမြန်းခပါသည်။

ယင်းသို့ ရဲတပ်ဖွဲ့က စစ်ဆီးနီစဉ်အတွင်း စပ်တမ်ဘာ ၁၉ ရက်နိညည့် ၉ နာရီ၊ မိနစ် ၃၀ခန့်တွင် တရားခံ မောင်မောင်အေးသည် ထမင်း စားပြီး၍ အဆောင်ထဲ၌ ထိန်းသိမ်းထားစဉ် ထွက်ဗြီးလွတ်မြောက်လားခသည်။

ထွက်ဗြီးလားခသူ မောင်မောင်အေးအား မိမိရို့ရဲတပ်ဖွဲဝင်များမှ စပ်တမ်ဘာ ၂၆ ရက်နိ နိခင်း တွင် ပြန်လည် ဖမ်းဆီးရမိခပြီး ရဲလုပ်ငန်းစဉ်အတိုင်း ဥပဒေနန့် အညီ ဆက်လက်စစ်ဆီးမှုများ ပြုလုပ်ခရာ မောင်မောင်အေးကိုယ်တိုင် ၎င်းအနီနန့် ဆရာမဒေါ်နှင်းယုနွယ်ကို အမှန်အကန် သတ်ဖြတ်ခကြောင်း အောက်တိုဘာ ၁၁ ရက်နိတွင် ဝန်ခံထွက်ဆိုခပါသည်။

ယင်းနောက် ဆရာမဒေါ်နှင်းယုနွယ်ကို သတ်ဖြတ်ခပုံ နန့်ပတ်သက်၍ အခင်း ဖြစ်ပွားခသည့်နီရာ၌ တရားခံ မောင်မောင်အေးကသရုပ်ပြဆောင်ရွက်ခပြီး ၎င်း၏ ထွက်ချက်အရ ဆရာမဒေါ်နှင်းယုနွယ်ကို သတ်ဖြတ်ရာ၌ အသုံးပြုခသည့် သက်သီခံပစ္စည်း(ဒါးမ)ကိုလည်း မိမိရို့တပ်ဖွဲ့ဝင်များမှ ရှာဖွီဖော်ထုတ်ရဟိထားကာ အမှုကို ဥပဒေနန့်အညီ စစ်ဆီးစီရင်နိုင်ရီး စနစ်တကျ ဆက်လက်ဆောင်ရွက်လျက်ဟိပါသည်။

ဒေသတင်းတိကို တပြိုင်တည်းသိလိုပါက အောက်ဖော်ပြပါ Facebook Page Link တွင်လည်း လားရောက်ကြည့်ရှုနိုင်ပါသည်။
https://www.facebook.com/Justice4arakan

8,267

Justice For Arakan

24 Oct, 14:45

မနွယ်သန္တာဝင်း သတ်ဖြတ်ခံရမှုနန့်ပတ်သက်၍ တရားစီရင်မှု အနီအထား
JFA ၊ အောက်တိုဘာ ၂၄

၂၀၂၂ ခုနှစ်၊ ဩဂတ်စ်လ ၁၅ ရက်နိ၊ ညဇာ ၄ နာရီက မနွယ်သန္တာဝင်းသည် ၎င်းအလုပ်လုပ်နီသည့် စစ်တွေမြို့၊ မေယုလမ်းဟိ Luminous လူသုံးကုန်ပစ္စည်းအရောင်းဆိုင်အတွင်း၌ ထိုးသွင်းဒဏ်ရာများနန့် သီဆုံးနီကြောင်း တွိ့ဟိခသည်။

အဆိုပါလူသတ်မှုဖြစ်စဉ်နန့်ပတ်သက်၍ မနွယ်သန္တာဝင်း ၏ ဖခင်ဖြစ်သူ ဦးဆန်းဝင်းက ၂၀၂၂ ခုနှစ်၊ ဩဂတ်စ် ၁၈ ရက်နိတွင် အာရက္ခပြည်သူ့အစိုးရ၏ ရဲတပ်ဖွဲ့ထံ ပုဒ်မ ၃၀၂(လူသတ်မှု)ဖြင့် အမှုဖွင့်တိုင်းတန်းခရာ ရဲတပ်ဖွဲ့မှလည်း မနွယ်သန္တာဝင်းအလုပ်လုပ်နီသော Luminous ဆိုင်မှ မန်နေဂျာ မျိုးမြင့်ဇော်အပါအဝင် သံသယဟိသူ ၃ ယောက်အား ဥပဒေလုပ်ထုံးလုပ်နည်းများနန့်အညီ ဖမ်းဆီးစစ်ဆီးခပါသည်။

ရဲတပ်ဖွဲ့စစ်ချက်အရ တရားခံမျိုးမြင့်ဇော်၏ ဝန်ခံထွက်ဆိုချက်၌ မနွယ်သန္တာဝင်းအား သတ်ဖြတ်ခသည့် ခိုင်လုံသောအကြောင်းခြင်းရာအ‌ထောက်အထားများကို တွိ့ဟိရသဖြင့် ၂၀၂၂ ခုနှစ်၊ စပ်တမ်ဘာ၂၂ ရက် နိတွင် ၎င်းအား ရာဇသတ်ကြီးဥပဒေပုဒ်မ ၃၀၂ (၁) (ဂ) နန့် အာရက္ခပြည်သူ့အစိုးရ၊ တရားရေးဌာန၊ ဗဟိုတရားရုံးမှ တိုက်ရိုက်ကြီးကြပ်လမ်းညွှန်မှုဖြင့်ဒေသတရားရုံး၌ တရားစွဲတင်ခပါသည်။

အမှု၌ တရားလိုအပါအဝင် လိုပြသက်သီ ၁၃ဦးနန့် တရားခံအပါအဝင် ခံပြသက်သီ ၄ ဦးရို့အား နှစ်ဖက်ရှိနီများနန့်တတူ အမှုစစ်ဆီးရာ တရားခံသည် မနွယ်သန္တာဝင်းအား မုဒိမ်းကျင့်ရန် အားထုတ်စဉ် အတွင်း လူသတ်မှု ကျူးလွန် ခကြောင်းပေါ်ပေါက်သဖြင့် ၂၀၂၂ ခုနှစ်၊ အောက်တိုဘာ ၃၁ ရက်နိတွင် ဒေသတရားရုံး၌ ၎င်းအားစွဲချက်တင်ခပြီး၊ ၂၀၂၃ ခုနှစ်၊ ဖေဖော်ဝါရီ ၃ ရက်နိတွင် ပြစ်မှုထင်ရှားသဖြင့် ရာဇသတ်ကြီး ပုဒ်မ ၃၀၂(၁) (ဂ) အရ တရားခံအား "မသီမချင်း ကြိုးကွင်းစွပ်သတ်စီ" ဆိုပနာ သီဒဏ်အမိန့်ချမှတ်ခပါသည်။

ရာဇသတ်ကြီး ဥပဒေပုဒ်မ ၃၀၂(၁)(ဂ) အရ တရားခံတဦးဦးသည် ထောင်ဒဏ် ၇ နှစ်နန့်အထက်ကျထိုက်သည့် ပြစ်မှုတခုခုကို ကျူးလွန်စဉ် လူသတ်မှုကိုကျူးလွန်လျှင် ယင်းတရားခံကို သီဒဏ်ပီးရမည် ဟု ပြဋ္ဌာန်းထားပါသည်။

မနွယ်သန္တာဝင်း သတ်ဖြတ်ခံရမှုတွင် သီဒဏ်ချမှတ်ခံရသူ တရားခံသည် တရားရုံးအဆင့်ဆင့်၌ အယူခံများ တင်သွင်းခသော်လည်း တရားရုံးအဆင့်ဆင့်က ၎င်း၏ အယူခံကိုပလပ်ကာ မူလရုံးအမိန့်ကို အတည်ပြုသဖြင့် သီဒဏ်ဆက်လက်တည်ဟိနီသည့်အတွက် ၎င်းအနီနန့် အာရက္ခပြည်သူ့အစိုးရ၏ အကြီးအကဲ၊ ရက္ခိုင်အမျိုးသားအဖွဲ့ချုပ် ULA ဥက္ကဋ္ဌ ထံသို့ ပြစ်ဒဏ်ကို သက်ညှာလျော့ပေါ့ပီးရန် ၂၀၂၃ ခုနှစ်၊ စပ်တမ်ဘာ ၁၈ ရက်နိတွင် အသနားခံစာတင်ထားကြောင်း သိဟိရသည်။

ဒေသတင်းတိကို တပြိုင်တည်းသိလိုပါက အောက်ဖော်ပြပါ Facebook Page Link တွင်လည်း လားရောက်ကြည့်ရှုနိုင်ပါသည်။
https://www.facebook.com/Justice4arakan

5,133

Justice For Arakan

23 Oct, 16:27

အာရက္ခပြည်သူ့အစိုးရ၊ တရားဥပဒေရီးရာဌာန၏ ၂၀၂၃ ခုနှစ်၊စပ်တမ်ဘာလအထိ တရားစီရင်ပြီးစီးမှုအခြေအနီ။

အာရက္ခပြည်သူ့အစိုးရ၊ တရားဥပဒေရီးရာဌာန၏ ကုန်ခသည့် ၂၀၂၂ ခု နှစ်ကုန် လက်ကျန် အမှုစုစုပေါင်း ၂၈၈၂ မှု ကျန်ဟိနီခပြီး၊ ယင်းတွင် ရာဇဝတ်မှု ၉၉၉မှု နန့် တရားမမှု ၁၈၈၃ မှု ပါဝင်သည်။

၂၀၂၃ ခုနှစ်၊ ဂျန်နဝါရီလမှ စပ်တမ်ဘာလအထိ တရားဥပဒေရီးရာဌာနသို ရာဇဝတ်မှု ၁၃၉၁မှု နန့် တရားမမှု ၁၇၂၁ မှု၊အမှုစုစုပေါင်း ၃၁၁၂ မှု တိုင်တန်းခကတ်ပါသည်။

၂၀၂၃ ခုနှစ်၊ ဂျန်နဝါရီလမှ စပ်တမ်ဘာလအထိ ဖြီယှင်းနိုင်ခသည့် အမှုစုစုပေါင်း ၃၄၂၂ မှုဟိပြီး၊ ယင်းတွင် ရာဇဝတ်မှု ၁၅၄၀ မှု နန့် တရားမမှု ၁၈၈၂ မှု ပါဝင်သည်။

၂၀၂၃ခုနှစ်၊ စပ်တမ်ဘာလအထိ ဖြီယှင်းရန်ကျန်ဟိနီ သော အမှုစုစုပေါင်း ၂၅၇၂ မှုဟိပြီး ယင်းတွင်ရာဇဝတ်မှု ၈၅၀ မှုနန့် တရားမမှု ၁၇၂၂ မှု ပါဝင်သည်။

ဖော်ပြပါ အချက်အလက်များတွင် တရားမမှုသည် ရာဇ ဝတ်မှုထက် များနီရခြင်းမှာ တရားမမှု ၏သဘောသဘာဝအရ အမှုဖြီယှင်းရာ၌ ရာဇဝတ်မှုထက် ကြန့်ကြာတတ်သောကြောင့် ဖြစ်သည်။

ဒေသတင်းတိကို တပြိုင်တည်းသိလိုပါက အောက်ဖော်ပြပါ Facebook Page Link တွင်လည်း လားရောက်ကြည့်ရှုနိုင်ပါသည်။
https://www.facebook.com/Justice4arakan

4,399

Justice For Arakan

23 Oct, 15:25

အားလုံး သာလီစွပါ။

ချစ်ခင်လေးစားတန်ဖိုးထားရပါသော အာရက္ခပြည်သူ၊ပြည်သားများ အားလုံးကို ဂါရဝထားလျက် အသိပီးအပ်ပါသည်။

ဤ Justice for Arakan page သည် အာရက္ခပြည်သူ့အစိုးရ၊ တရားဥပဒေရီးရာဌာန၏ တရားဝင် သတင်းစာမျက်နှာ Page ဖြစ်ပါသည်။

အာရက္ခပြည်သူ့အစိုးရ၊ တရားဥပဒေရီးရာဌာနသည် မိမိရို ကိုင်တွယ်ဖြီယှင်းပီးနီသည့် အမှုအခင်းများအား ပြည်သူများ အချိန်နန့် တဗြီးညီသိဟိနိုင်စီရန် ရည်ရွယ်လျက် Justice for Arakan Page ကိုဖွင့်လှစ်ဆောင်ရွက်ရခြင်းဖြစ်ပါသည်။

ဤ Justice for Arakan Page တွင် မိမိရို တရားဥပဒေရီးရာဌာမှ ကိုင်တွယ်ဖြီယှင်းပီးနီသော အမှုအခင်းများ၊ တရားဥပဒေရီးရာဌာန၏ ဆောင်ရွက်ချက်များ၊ မှုခင်းကျဆင်း ပပျောက်ရီးဆိုင်ရာ အသိပညာပီးကဏ္ဍများကိုလည်း ဖော်ပြထားပီးမည်ဖြစ်ပါသည်။

အာရက္ခပြည်သူလူထုများအနီနန့် အာရက္ခမှုခင်းရီးရာ သတင်းအချက်များအား အချိန်နန့်တဗြီးညီ သိဟိလိုပါက Justice for Arakan ကို Telegran Channel အပြင် Facebook Page https://www.facebook.com/Justice4arakan ကလည်း ဝင်ရောက်လေ့လာဖတ်ရှုနိုင်ပါကြောင်း အသိပီးဖိတ်ခေါ်အပ်ပါသည်။

Justice For Arakan