ARAKKHA MEDIA

"ရက္ခိုင်ဒေသမှ ဖြေရှင်းရန် ကျန်နေသေးသည့် အကျပ်အတည်းများ"

အတွေးအမြင်ဆောင်းပါး
မောင်မိုးဇ -ရေးသားသည်။

မြန်မာနိုင်ငံ အနောက်ဖက်ကမ်းရိုးတန်းမှာ တည်ရှိတဲ့ ရက္ခိုင်ဒေသဟာ ပဋိပက္ခများ၊ အုပ်ချုပ်ရေးနှင့် လူသားချင်းစာနာမှုဆိုင်ရာ အခက်အခဲတွေကို ညည်းညူပြစရာဒေသတခု ဖြစ်လာနေပါတယ်။ လက်ရှိ တော်လှန်ရေးအစိုးရဖြစ်တဲ့ ရက္ခိုင်အမျိုးသားအဖွဲ့ချုပ်မှာ နိုင်ငံရေး၊ စီးပွားရေးနှင့် ပညာရေးကဏ္ဍတွေမှာ ပြင်းထန်တဲ့ အကျပ်အတည်းတွေနဲ့ ရင်ဆိုင်နေရပြီး ဒေသခံပြည်သူတွေကလည်း အခက်အခဲများစွာ ရင်ဆိုင်ကြုံတွေ့နေရတာ ထင်ရှားပါတယ်။

ရက္ခိုင်​ဒေသရဲ့ နယ်မြေအများစုကို အာရက္ခတပ်တော်က ထိန်းချုပ်ထားတယ်ဆိုပေမယ့် ပြီးခဲ့တဲ့ရာသီမှာ တိုက်ပွဲတွေတောက်လျှောက် ဖြစ်တာကြောင့် ဆန်စပါးအပါအဝင် တခြားစိုက်ပျိုးရေးလုပ်ငန်းတွေ မလုပ်နိုင်ခဲ့ပါဘူး။ ရက္ခိုင်ကမ်းလွန်ဒေသမှာ အကြမ်းဖက်စစ်ကောင်စီရဲ့ ရေတပ်စစ်သင်္ဘော (နေဗီ) ရှိနေတာကြောင့် ဒေသခံပြည်သူလူထုဟာ ကမ်းရိုးတန်းငါးဖမ်းလုပ်ငန်းများကို ကောင်းမွန်စွာ မလုပ်ကိုင်နိုင်သေးပါဘူး။ ဒါတွေက ပြည်သူလူထုရဲ့ အကျပ်အတည်းကို ပိုဆိုးရွားစေပါတယ်။

တော်လှန်ရေးသန္ဓေမမှန်တဲ့ ရိုဟင်ဂျာအမည်ခံ အစ္စလာမ်မစ် စစ်သွေးကြွ လက်နက်ကိုင်အုပ်တွေကလည်း အကြမ်းဖက်စစ်ကောင်စီအလိုကျ ဘူးသီးတောင်-မောင်တောဒေသက အရပ်သားပြည်သူလူထုကို ပစ်မှတ်ထားပြီး အကြမ်းဖက်သတ်ဖြတ်မှုမျိုး မကြာမဏလုပ်လာပါတယ်။ ဒါဟာဒေသတွင်း တည်ငြိမ်အေးချမ်းရေးနှင့် လူမှုရေးသဟဇာတဖြစ်မှုတွေအတွက် အဟန့်အတား ဖြစ်ပေါ်စေပါတယ်။

ဘယ်နိုင်ငံမှာမဆို တော်လှန်ရေးအစိုးရတစ်ရပ်အနေနဲ့ တည်ဆောက်ရေးကာလမှာ စိန်ခေါ်မှုနှင့်အခက်အခဲတွေရှိစမြဲ ဖြစ်ပါတယ်။ ဒေသတွင်းသတင်းမီဒီယာတွေဟာ ဒါကိုပဲ ဦးတည်ပြီး အပြစ်တင် ဝေဖန်တာမျိုး မြင်တွေ့လာရပါတယ်။ လက်ရှိ အခက်အခဲအကျပ်အတည်းတွေကို ရက္ခိုင်ပြည်သူလူထု တရပ်လုံး တာဝန်ယူဖြေရှင်းကြဖို့လည်း လိုအပ်လာပါတယ်။

◼ နိုင်ငံရေးအကျပ်အတည်း

ရခိုင်ပြည်ရဲ့ နယ်မြေ ၉၀ ရာခိုင်နှုန်းကို အာရက္ခတပ်တော်ကထိန်းချုပ်ထားတယ်ဆိုပေမယ့် တည်ငြိမ်မှုမရှိသေးပါဘူး။ အဓိကအကြောင်းရင်းကတော့ အကြမ်းဖက်စစ်ကောင်စီဟာ အရပ်သားပစ်မှတ်တွေကို လေကြောင်းကတစ်ဆင့် ဗုံးကြဲတိုက်ခိုက်ခြင်းနှင့် ကုန်သွယ်ရေးလမ်းကြောင်းတွေကို ဖြတ်တောက်ထားခြင်းတို့ ဖြစ်ပါတယ်။

၂၀၂၃ ခုနှစ်ကုန်ပိုင်းကစလို့ အကြမ်းဖက်စစ်ကောင်စီနှင့် အာရက္ခတပ်တော်တို့ကြား ဖြစ်ပွားနေခဲ့တဲ့ တိုက်ပွဲတွေကြောင့် ဒေသခံ သိန်းနှင့်ချီ အိုးအိမ်စွန့်ခွာ ထွက်ပြေးနေကြရပါတယ်။ တစ်ဖက်မှာလည်း အကြမ်းဖက်စစ်ကောင်စီ မီးမွှေးခဲ့တဲ့ လူမျိုးရေးပဋိပက္ခတွေ ဆက်လက်ဖြစ်ပွားမှုဖြစ်ပြီး၊ ဒါက နိုင်ငံရေးအကျပ်အတည်းကို ပိုမိုဆိုးရွားထိခိုက်စေပါတယ်။

၂၀၂၁ ခုနှစ် အကြမ်းဖက်စစ်ကောင်စီရဲ့ အာဏာသိမ်းမှု နောက်ဆက်တွဲအကျိုးဆက်တွေဟာ နိုင်ငံကို Fall State အဖြစ်သို့ ရောက်ရှိသွားပါတယ်။ အကြမ်းဖက်စစ်ကောင်စီရဲ့ အုပ်ချုပ်မှုယန္တရားဟာ ပျက်ပြားနေပြီ လူ့အခွင့်အရေးများနှင့် ဒေသခံလူထုများမှာ ကြောက်ရွံ့စိတ်ဖြင့်သာ နေထိုင်ရပြီး၊ နိုင်ငံရေးလုပ်ငန်းစဉ်နှင့် မူဝါဒဆိုင်ရာ ပြဿနာများတွေကို ​များပြားလာပါတယ်။

ဒီလို နိုင်ငံရေးအကျပ်အတည်းကာလမှာ တချို့သော မီဒီယာတွေက အာရက္ခအမျိုးသားအဖွဲ့ချုပ်အပေါ် အပြုသဘောမဆောင်ပဲ အပြစ်တင်ဝေဖန်သံတွေလည်း ကျယ်လောင်လာပါတယ်။ ဒါဟာ အာရက္ခပြည်သူ့တော်လှန်ရေးအစိုးရတရပ်အတွက် နိုင်ငံရေးအရ ထိုးနှက်ချက်လိုဖြစ်နေပါတယ်။ နိုင်ငံရေးအကျပ်အတည်းကို ဖြေရှင်းနိုင်မှ ဒေသတွင်း တည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးလမ်း လမ်းစဥ်တွေကို ဖြေရှင်းနိုင်မှာ ဖြစ်ပါတယ်။

◼အစ္စလာမ်မစ် စစ်သွေးကြွများ ခြိမ်းခြောက်လာမှု

ဘူးသီးတောင် ၊ မောင်တောတိုက်ပွဲတွေမှာ အကြမ်းဖက်စစ်ကောင်စီဟာ အစ္စလာမ်မစ် စစ်သွေးကြွ လက်နက်ကိုင်တွေကို မဟာမိတ်အဖြစ် အသုံးခဲ့ပါတယ်။ ၎င်းမြို့နယ်တွေကို အာရက္ခတပ်တော်က သိမ်းပိုက်ပြီးသည့်တိုင် မီး,စ တချို့ကို အကြမ်းဖက်စစ်ကောင်စီ အဆိုပါအဖွဲ့တွေကို လက်နက်တပ်ဆင်ပြီး အမွေထားခဲ့ပါသေးတယ်။ အစ္စလာမ်မစ် စစ်သွေးကြွ အဖွဲ့တွေဖြစ်တဲ့ RSO ၊ ARSA ၊ ARA နဲ့ Rohingya Islami Mahaaz တို့ဟာ Four Brother Alliance ဆိုတဲ့ အဖွဲ့ကို ပြီးခဲ့တဲ့လက ဖွဲ့စည်းခဲ့ပါတယ်။

Four Brother Alliance အဖွဲ့ဟာ ဘူးသီးတောင်မြို့နယ်နှင့် မောင်တောမြို့နယ်များအတွင်း အရပ်သားတွေကို ပစ်မှတ်ထားပြီး အကြမ်းဖက် သတ်ဖြတ်မှု လက်ရဲဇက်ရဲလုပ်ဆောင်လာပါတယ်။ ၂၀၂၄ ခုနှစ်၊ ဒီဇင်ဘာလ ၂၄ ရက်၊ ကြိမ်ချောင်း-တောင်ပြိုလမ်းမှာ စျေးလာဝယ်တဲ့ အရပ်သားကားတစ်စီးကို အဆိုပါ အစ္စလာမ်မစ် စစ်သွေးကြွတွေအဖွဲ့က ဝင်ရောက်တိုက်ခိုက်မှုကြောင့် အရပ်သားတစ်ဦး သေဆုံးပြီး ၁၀ ဦးခန့်ဒဏ်ရာရခဲ့ပါတယ်။ ဒီ့အပြင် တခြား အရပ်သားတွေကို ဖမ်းဆီးသတ်ဖြတ်မှုတွေလည်း ရှိပါတယ်။

နိုင်ငံတကာရောက် လူ့အခွင့်အရေး အမည်ခံ အခွင့်အရေးသမားတွေဟာလည်း အာရက္ခတပ်တော်အပေါ် နိုင်ငံရေး အောက်လုံးထိုးကာ နိုင်ငံတကာမှာ အိုးမဲသုတ်နေကြပါတယ်။ ဘင်္ဂလားဒေ့ချ်နိုင်ငံမှာရှိနေတဲ့ လူဦးရေ ၇ သိန်းကျော်ဟာ ရက္ခိုင်ပြည်သူလူထုနှင့်ဆက်ဆံရေး မပြေလည်ရင် အိမ်ပြန်ဖို့ မျော်လင့်ချက်မဲ့နေမှာပဲဆိုတာကို သိဖို့လိုအပ်ပါတယ်။

Four Brother Alliance အဖွဲ့ဖြစ်တဲ့ အစ္စလာမ်မစ် စစ်သွေးကြွ အဖွဲ့ဟာ ဒေသခံပြည်သူလူထုရဲ့ အသက်အိုးအိမ်စည့်စိမ်ကို ခြိမ်းခြောက်မှုပြုလုပ်နေပါတယ်။ ဒါဟာ အာရက္ခပြည်သူ့ တော်လှန်ရေးအစိုးရတရပ်အနေနဲ့ State Bulding နိုင်ငံတည်ဆောက်ရေးကိစ္စ၊ ဘင်္ဂလားဒေ့ချ်နဲ့ ကုန်သွယ်ရေးကိစ္စရပ်တွေမှာ ကြီးမားတဲ့ စိန်ခေါ်မျိုး ဖြစ်နေပါတယ်။ ဘူးသီးတောင်-မောင်တောဒေသ တည်ငြိမ်အေးချမ်းရေးနှင့် လုံခြုံရေးအတွက် ပြည်သူလူထုအနေနဲ့လည်း ပြည်သူ့ စစ်သင်တန်းတွေ တက်ရောက်ထားကြဖို့ လိုအပ်ပါတယ်။

◼ စီးပွားရေးအကျပ်အတည်း

နိုင်ငံရေး မတည်ငြိမ်မှု၊ လျှပ်စစ်ဓာတ်အားပြတ်တောက်မှု၊ လမ်းပန်းဆက်သွယ်ရေးပြတ်တောက်မှုတွေကြောင့် နိုင်ငံတွင်း ကုန်စျေးနှုန်း မြင့်တက်ကာ စီးပွားရေးကပ်ဆိုက်နေပါတယ်။ ဒီဒဏ်ကို ပိုပြီးခံရတာက ရက္ခိုင်ပြည်သူလူထုတွေကပဲ ဖြစ်နေတယ်။ ကုလသမဂ္ဂအဖွဲ့အစည်းတွေရဲ့ ထုတ်ပြန်ချက်များအရ လူဦးရေ သန်းနှင့်ချီ အစာအာဟာရပြတ်လတ်မှုအန္တရာယ်ကို ရင်ဆိုင်ရမယ်လို့ဆိုတယ်။ ဒါဟာ ရက္ခိုင်ဒေသ လူဦးရေ ၉၀ ရာခိုင်နှုန်းရဲ့ လူနေမှုဘဝကို ပြင်းထန်စွာ သက်ရောက်မှုရှိနိုင်ပါတယ်။

ရက္ခိုင်ဒေသဟာ စိုက်ပျိုးရေးနှင့်မွေးမြူရေးကို အဓိကထားလုပ်ကိုင်တဲ့ဒေသဖြစ်ပါတယ်။ မြို့သိမ်းတိုက်ပွဲတွေကြောင့် လယ်ယာစိုက်ပျိုးရေးများရပ်တန့်ခဲ့တာကြောင့် ဒေသတွင်း စီးပွားရေးဟာ အလွန်အမင်းကျဆင်းပြီး ကုန်စျေးနှုန်းများ မြင့်တက်မှုနှင့် အလုပ်အကိုင်အခွင့်အလမ်းရှားပါးမှုပြဿနာ ပိုကြီးထွားလာပါတယ်။

ဓာတ်မြေသြဇာများ စျေးနှုန်းမြင့်တက်ခြင်း၊ လောင်စာဆီများ စျေးနှုန်းမြင့်တက်ခြင်းအပါအဝင် လက်ရှိ စပါးစျေးမကောင်းတဲ့အတွက် တောင်သူလယ်သမားများအနေနဲ့ လာမယ့်နှစ်မှာ စိုက်ပျိုးရေးလုပ်ငန်းများ ပုံမှန်လုပ်နိုင်မလားဆိုတဲ့ မေးခွန်းမျိုး မေးမြန်းလာကြပါတယ်။

စီးပွားရေးအကျိုးဆက်များကြောင့် အခြေခံလိုအပ်ချက်များအတွက် စျေးနှုန်းများ မြင့်တက်လာပြီး၊ ပြည်သူလူထုဟာ စားဝတ်နေရေးကျပ်တည်းလာပါတယ်။ လက်ရှိအချိန်ထိ စျေးကွက်များနှင့် အရင်းအမြစ်များ လက်လှမ်းမမီခြင်းကို အားလုံးအသိပင်ဖြစ်ပါတယ်။ ဒါကို ဒေသတွင်းမီဒီယာတွေအနေနဲ့ highlight ပြီး လိုအပ်တာထက် ပြစ်တင်ဝေဖန်နေခြင်းမျိုးက အပြုသဘော မဆောင်ပါဘူး။

◼ ပညာရေးအကျပ်အတည်း

ဒေသတခု ဖွံ့ဖြိုးတိုးတက်ရေးဟာ ဒေသခံပြည်သူလူထုရဲ့ ပညာရေးအဆင့်အတန်းပေါ်မှာ အများကြီးမူတည်နေပါတယ်။ မြို့နယ်အများစုမှာ တိုက်ပွဲများရပ်တန့်သည့်တိုင် လေကြောင်းအန္တရာယ်ကြောင့် ရက္ခိုင်ဒေသရဲ့ ပညာရေးကဏ္ဍဟာ မလည်ပတ်နိုင်သေးပဲ အခြေအနေဆိုးဝါးနေဆဲဖြစ်ပါတယ်။ ဒါဟာလည်း ရက္ခိုင်ဒေသအတွက် ကြီးမားတဲ့ အကျပ်အတည်းတခုဖြစ်နေပါတယ်။

လက်ရှိ ကလေးသူငယ်အများစုဟာ ပဋိပက္ခနှင့် စီးပွားရေးဆိုင်ရာအခက်အခဲများကြောင့် အနာဂတ်တွေ ဝေဝါးနေဆဲဖြစ်ပါတယ်။ ပဋိပက္ခကြောင့် မိသားစုစားဝတ်နေရေးကျပ်တည်းလာရာမှ ကျောင်းထွက်ရသူများပြားမှုဟာ အလွန်စိုးရိမ်ဖွယ်ဖြစ်နေပါတယ်။ ပညာရေးကို ကျောခိုင်းခြင်းဟာ ဆင်းရဲတွင်းသံသရာထဲက ရုန်းထွက်ဖို့ ခက်ခဲစေပါတယ်။

ပညာရေးကဏ္ဍ ပုံမှန်လည်ပတ်နိုင်ရေး အာရက္ခတပ်တော်အတွက် နောက်ထပ်စိန်ခေါ်မှုတွေလည်း ရှိလာနိုင်ပါတယ်။ စစ်ပွဲတွင်း ပျက်စီးဆုံးရှုံးခဲ့ရသော အဆောက်အဦပြဿနာ ၊ ပညာရေးလုပ်သား (သို့) ပညာရေးဝန်ထမ်းမလုံလောက်မှုပြဿနာတွေလည်း ရှိလာနိုင်ပါတယ်။ ပညာရေးကဏ္ဍ ပုံမှန် မလည်ပတ်နိုင်သေးတဲ့အပေါ် ပြည်သူလူထုရဲ့ မွေးခွန်းတွေဟာလည်း ပိုမိုကျယ်လောင်လာပါတယ်။

◼ အခြားကဏ္ဍရပ်များ

စစ်ဘေးရှောင်စခန်းထဲ လူဦးရေသိန်းနှင့်ချီနေထိုင်နေရတဲ့ ရက္ခိုင်ဒေသကို လူသားချင်းစာနာ ထောက်ထားမှု အကူအညီတွေကို ပိတ်ဆို့ခံထားရပါတယ်။ ဒါဟာ အခြေခံဝန်ဆောင်မှုများဖြစ်တဲ့ အစားအစာ၊ ကျန်းမာရေးစောင့်ရှောက်မှုကို အလှမ်းပိုဝေးစေနိုင်ပါတယ်။ ပြည်တွင်း၊ ပြည်ပအလှူငွေတွေလည်း ရက္ခိုင်ပြည်ထဲ ထင်သလောက်မရပါဘူး။

နှစ်ဖက်တိုက်ပွဲတွေကြောင့် ပျက်စီးဆုံးရှုံးမှုဟာ အင်မတန်ကြီးမားပါတယ်။ ပဋိပက္ခများနှင့် ဘဝပြန်လည်ရပ်တည်နိုင်ရေးကိစ္စဟာ ပြည်သူလူထုတစ်ယောက်ချင်းစီတိုင်းအတွက် စိတ်ကျန်းမာရေးပြဿနာများ လွန်စွာဆိုးရွားစေပါတယ်။ ဒါကြောင့် စိတ်လူမှုရေးပိုင်းဆိုင်ရာ နှစ်သိမ့်ဆွေးနွေးခြင်း -Psycho Social Support ကိစ္စရပ်တွေလည်း လုပ်ဆောင်ဖို့ လိုအပ်လာပါတယ်။

ရက္ခိုင်ဒေသ ၉၀ ရာခိုင်နှုန်းကို အာရက္ခပြည်သူ့တော်လှန်ရေးအစိုးရက ပိုင်ဆိုင်ထားပြီဆိုပေမယ့် အကြမ်းဖက်စစ်ကောင်စီဟာ အရေးပါတဲ့ လမ်းတံတား ၂၀ ကျော်ကို မှိုင်းခွဲဖျက်ဆီးခဲ့ပါတယ်။ ဒါဟ ဒေသတွင်း ကုန်စည်စီးဆင်းရေးလုပ်ငန်းလည်ပတ်ရေးကို များစွာထိခိုက်ပါတယ်။ ယင်းအပြင် စစ်ပွဲကာလအတွင်း လမ်းနှင့် နေရာအများစုကို အကြမ်းဖက်စစ်ကောင်စီက မှိုင်းထောင်ခဲ့သည့်အတွက် စိုက်ပျိုးရေး၊ မွေးမြူရေး၊ လမ်းပန်းဆက်သွယ်ရေးကဏ္ဍတွေ ပုံမှန်လည်ပတ်ဖို့ ခက်ခဲနေအုံးမှာ ဖြစ်ပါတယ်။

ရက္ခိုင်ဒေသဟာ နဂိုကတည်းက ထိလွယ်လျလွယ်ဖြစ်နေတဲ့ ဒေသတခုဖြစ်​ပါတယ်။ စိန်ခေါ်မှုများနေတဲ့ တော်လှန်ရေးအစိုးရတစ်ရပ်ကို အပေါ်စီးက အပြစ်ဖို့ဝေဖန်ထောက်ပြမှုတွေဟာ မဖြစ်သင့်ပါဘူး။ မီဒီယာတွေအနေနဲ့လည်း အဆိုပါကဏ္ဍရပ်တွေမှာ အပြုသဘောဆောင်တဲ့ ဝေဖန်ထောက်ပြမှုမျိုး လိုအပ်ပါတယ်။

ရက္ခိုင်ဒေသဟာ လက်ရှိအချိန်ထိ အဖက်ဖက်က ပိတ်ဆို့ခံထားရတဲ့ ဒေသတစ်ခုအဖြစ်ရှိနေပါသေးတယ်။ ဒီနေရာမှာ အရေးကြီးဆုံးက ရက္ခိုင်ပြည်သူလူထုရဲ့ Resilience - ခံနိုင်ရည်စွမ်းအား ပိုမိုမြင့်မားနေဖို့ လိုအပ်တယ်။ ဒီလိုအကျပ်အတည်းဒဏ်ကို ခံနိုင်မှ အာရက္ခပြည်သူထုမျော်မှန်းတဲ့ ကိုယ့်ကံကြမ္မာ ကိုယ်ဖန်တီးခွင့် ​ရကြမှာဖြစ်ပါတယ်။ ရက္ခိုင့်ပညာတတ်အသိုင်းအဝိုင်းတွေအနေနှင့်လည်း လက်ရှိ Defato - ဒေသတွင်း အာဏာရှိသူ အာရက္ခတပ်တော်နှင့်အတူတကွ အခက်အခဲ အကျပ်အတည်း အားလုံးကို ဝိုင်းဝန်းဖြေရှင်းကြဖို့ လိုအပ်ပါကြောင်း တင်ပြအပ်ပါတယ်။

မောင်မိုးဇ

One Nation News သတင်းဌာနတွင် "အခက်အခဲနှင့် ဖိအားများလာသည့် ရက္ခိုင်ဒေသ"ဆောင်းပါးအား "ရက္ခိုင်ဒေသမှ ဖြေရှင်းရန် ကျန်နေသေးသည့် အကျပ်အတည်းများ"ခေါင်းစဥ်ပြောင်းကာ တင်ပြခြင်းပါသည်။

ဒေါ်စောမြတ်ရာဇာလင်းဦးဆောင်သည့် ALP အဖွဲ့သည် စစ်တွေမှ လူငယ် ၄ ဦးကို ပြန်ပေးဆွဲ ဖမ်းဆီးခေါ်ဆောင်ကာ မိသားစုဝင်ထံမှ ငွေညှစ်တောင်းခံနေကြောင်း ဆို

အာရက္ခမီဒီယာ ၊ ဖေဖော်ဝါရီ ၁၁၊ ၂၀၂၅

ရက္ခိုင်ပြည် မြို့တော် စစ်တွေတွင် အကြမ်းဖက်စစ်ကောင်စီတပ်နှင့် ပူးပေါင်းဆောင်ရွက်နေသည့် ရခိုင်ပြည်လွတ်မြောက်ရေးပါတီ ALP အဖွဲ့သည် လူငယ် ၄ ဦးကို မတရားဖမ်းဆီးခေါ်ဆောင်သွားပြီး မိသားစုဝင်ထံမှ ငွေညှစ်တောင်းခံနေကြောင်း မြို့ခံများက ပြောဆိုသည်။

ဖေဖော်ဝါရီ ၉ ရက်နေ့ မနံနက် ၉ နာရီဝန်းကျင်တွင် မင်းဂံအကွက် ၁၄ ရှိ ABC မိဘမဲ့ကလေးဂေဟာ အနီးမှ လူငယ် ၄ ဦးကို ဖမ်းဆီးခေါ်ဆောင်သွားခြင်းဖြစ်သည်။ အဆိုပါ လူငယ်လေးဦးမှာ မောင်ဇော်နိုင်ဦး၊ မောင်နီတူးချေ ၊မောင်ပုချေ ၊ မောင်ဆန်းကိုဦး တို့ကို ALP တပ်ဖွဲ့ဝင်များ ဖမ်းဆီးခေါ်ဆောင်သွားပြီး ၎င်းတို့ရုံးစိုက်ရာ မီးလောင်ကွင်း ALP ရုံး၌ ဖမ်းဆီးထားကြောင်း သိရသည်။

ALPထံ ဖမ်းဆီးထားရသည့် လူငယ် ၄ ဦး၏ မိသားစုဝင်များမှာ သွားရောက်တွေ့ခွင့်ရရှိသော်လည်း အနီးကပ် တွေ့ခွင့်မပေးပဲ အဝေးကနေတွေ့ခွင့်ပြုခဲ့ကြောင်းဆိုသည်။ အဆိုပါ လူငယ်တွေကို ပြန်လွှတ်ပေးရန် မိသားစုဝင်တွေက တောင်းဆိုခဲ့သော်လည်း ALP ဘက်မှ လူငယ်တွေ ပြန်လွတ်လိုပါက ပိုက်ဆံပေးရန် လိုအပ်ကြောင်း ပြောဆိုသည်ဟု စုံစမ်းသိရှိရသည်။

ဒေါ်စောမြတ်ရာဇာလင်း ဦးဆောင်းသည့် ALP တပ်ဖွဲ့ဝင်ချို့သည် စစ်တွေမြို့ပေါ်၌ ဒေသခံပြည်သူပိုင် ပစ္စည်းများ ဥစ္စာများကို အကြမ်းဖက် စစ်ကောင်စီနှင့် ပူးပေါင်းကာ ခိုးယူရောင်းစားမှုတွေလုပ်ဆောင်လျက်ရှိသည်ဟု စစ်တွေမြို့ ဒေသခံများထံမှ သိရှိရသည်။

ဓာတ်ပုံ - ALP ခေါင်းဆောင် ဒေါ်စောမြတ်ရာဇာလင်း ( ပုံဟောင်း )

One Nation News သတင်းဌာနသည် အာရက္ခမီဒီယာိ၏ မိတ်ဖက်သတင်းဌာန တခုဖြစ်သည်။

အမှတ် ၉၉ ခြေလျင်တပ်မဌာနချုပ် ဗျူဟာမှူး ဒုတိယ ဗိုလ်မှူးကြီး ကျော်ကျော်သက်ကို အာရက္ခတပ်တော်က အရှင်ဖမ်းမိထား

အာရက္ခမီဒီယာ ၊ ဖေဖော်ဝါရီ ၁၁၊ ၂၀၂၅

ရက္ခိုင်ရိုးမတောင်တန်း ကံမြင်ကန်နှင့် ဂုတ်စည်းရိုးတိုက်ပွဲတွင် အမှတ် ၉၉ ခြေလျင်တပ်မဌာနချုပ်မှ ဗျူဟာမှူး ဒုတိယ ဗိုလ်မှူးကြီး ကျော်ကျော်သက်ကို အာရက္ခတပ်တော်က အရှင်ဖမ်းဆီးရရှိကြောင်း စစ်ရေးသတင်းရင်းမြစ်တခုက ပြောဆိုသည်။

ဖေဖော်ဝါရီလဆန်းပိုင်းအတွင်း ဖြစ်ပွားခဲ့သော ဂုတ်စည်းရိုးတိုက်ပွဲတွင် ၎င်းကို ခြေထောက်ဒဏ်ရာနှင့်အတူ ဖမ်းဆီးရရှိခဲ့ခြင်းဖြစ်ပြီး ဗျူဟာမှူး ဒုတိယဗိုလ်မှူးကြီးသည် အမှတ် ၉၉ ခြေလျင်တပ်မဌာနချုပ်၊ အမှတ် ၉၉၂ နည်းဗျူဟာအဖွဲ့မှ ဖြစ်ကြောင်း သိရှိရသည်။

အမှတ် ၉၉၂ နည်းဗျူဟာမှ ဒုတိယဗိုလ်မှူးကြီး ကျော်ကျော်သက် ဦးဆောင်သော အင်အား ၃၆၀ ပါ စစ်ကြောင်း ဇန်နဝါရီလ ၁၂ ရက်နေ့ ရမည်းသင်းမှ အမ်း-ပဒါန်းလမ်းပိုင်းသို့ ထွက်လာခဲ့ကြောင်း၊ ယင်းနောက် ကံမြင့်ကန်ဒေသ ဝန်းကျင်ကို လမ်းကြောင်းထိန်းသိမ်းရေး ဆောင်ရွက်ရန် စစ်ကောင်စီက ညွှန်ကြား စေလွှတ်ခြင်းဖြစ်ကြောင်း သိရှိရသည်။

ဇန်နဝါရီလ ၁၃ ရက်နေ့ ည ၈ နာရီဝန်းကျင်အချိန် ကံမြင့်ကန်ဒေသသို့ ရောက်ရှိခဲ့ပြီး အာရက္ခတပ်တော်က အမှတ် ၄၁၉ စစ်ကြောင်းများ တည်ရှိရာ နယ်ခြားဘုရားကုန်း စေတီကို တိုက်ခိုက်ခဲ့ကြောင်း၊ ယင်းနောက် ကံမြင့်ကန် အနီးမှာ ရှိတဲ့ ကိုင်းငုန်းကို ထပ်မံတိုက်ခိုက်ခံခဲ့ရပြီး ပွိုင့် ၁၄၅၅ တောင်ကုန်းကို ဆုတ်ပေးခဲ့ရကြောင်း သိရှိရသည်။

စစ်ကြောင်း စတင် စစ်ထွက်လာချိတွင် အင်အား ၃၆၀ ကျော်ရှိပြီး ဒုတိယဗိုလ်မှူးကြီး ကျော်ကျော်သက် ဒဏ်ရာရချိန်တွင် အင်အား ၇၀ ကျော်သာ ကျန်ရှိတော့ကြောင်း၊ စစ်အင်အား အများဆုံးစုမှ သေဆုံးခဲ့ပြီး ဒဏ်ရာရအင်အားလည်း များပြားကြောင်း၊ ထို့ပြင် ပျောက်ဆုံးသူအင်အားများလည်းရှိကြောင်း၊ ဒဏ်ရာရရှိသူ ၁၀၀ နီးပါးရှိခဲ့ပြီး ဆေးရုံမပို့နိုင်သဖြင့် သေဆုံးသူများလည်းရှိကြောင်း၊ ဒဏ်ရာရရှိသူများကို ကံမြင့်ကန်ဒေသမှ ဂုတ်စီးရိုးသို့ ပြောင်းရွှေ့ခဲ့ကြောင်း၊ ဂုတ်စီးရိုးမှတစ်ဆင့် ပဒါန်းတပ်နယ်သို့ စစ်ယာဉ်တန်းဖြင့် ပို့ဆောင်ပေးခဲ့ကြောင်း သိရှိရသည်။

ယင်းနောက် ဇန်နဝါရီလ ၃၁ ရက်နေ့ ဂုတ်စီးရိုးဒေသကို အာရက္ခတပ်တော် တိုက်ခိုက်ခဲ့ကြောင်း၊ ယင်းနောက် ဒုတိယဗိုလ်မှူးကြီး ကျော်ကျော်သက်နှင့် အင်အား ၂၀ ဦးခန့်ဖြင့် ဂုတ်ကြီးဒေသသို့ ဆုတ်ခွာခဲ့ကြောင်း၊ ၃ ရက်ခန့် ဆုတ်ခွာပြီးနောက် ပွိုင့် ၁၃၉၉ နေရာတွင် အခြေပြုရင်း ဒဏ်ရာရရှိပြီး အာရက္ခတပ်တော်က အရှင်ဖမ်းမိရရှိခဲ့ခြင်းဖြစ်ကြောင်း သိရှိရသည်။

စစ်သုံ့ပန်း ဗျူဟာမှူး ဒုတိယဗိုလ်မှူးကြီး ကျော်ကျော်သက်သည် ၁၉၉၈ ခုနှစ်တွင် စစ်တက္ကသိုလ် ဗိုလ်လောင်းသင် တန်း အမှတ်စဉ် ၄၃ ကို တက်‌ရောက်ခဲ့သူဖြစ်ကြောင်း သိရှိရသည်။

ဓာတ်ပုံ - ဖမ်းဆီးရမိခဲ့သည့် ဗျူဟာမှူး ဒုတိယဗိုလ်မှူးကြီး ကျော်ကျော်သက်

One Nation News သတင်းဌာနသည် အာရက္ခမီဒီယာ၏ မိတ်ဖက်သတင်းဌာန တခုဖြစ်သည်။

ကျောက်တော်မြို့နယ် နန်းတက်‌ကျေးရွာပတ် ဝန်းကျင်ကို အကြမ်းဖက် စစ်‌ကောင်စီ ဂျက်ဖိုင်တာဖြင့် ဗုံးကြဲမှုကြောင့် အရပ်သား ၁ ဦးသေဆုံးပြီး နောက်ထပ် ‌၄ ဦးဒဏ်ရာရ
အာရက္ခမီဒီယာ ၊ ဖေဖော်ဝါရီလ (၁၀)၊ ၂၀၂၅
အာရက္ခဒေသ၊ ကျောက်တော်မြို့နယ်၊ နန်းတက်ကျေးရွာပတ်ဝန်းကျင်သို့ အကြမ်းဖက် ဖက်ဆစ်စစ်တပ်မှ မနေက ညနေ ၃ နာရီကျော်ခန့်မှာ ဂျင်ဖိုက်တာဖြင့် ဗုံးကြဲတိုက်ခိုက်မှုကြောင့် အရပ်သား အမျိုးသမီး(၁) ဦးသေဆုံးပြီး နောက်ထပ် (၄) ဦးဒဏ်ရာရရှိသွားကြောင်း သိရသည်။
"မနေ့က ညနေ ၃ နာရီ‌ကျော်လောက်ရှိမယ်ဗုံးလာကြဲတာ၊နှစ်ခါလာပစ်တယ်၊ဂျက်တိုက်ကနေပစ်တာ စိုက်ခင်းမှာလုပ်နေတဲ့သူတွေဆီ ဗုံးစထိသွားတယ်၊ မိန်းကလေးတစ်ဦးသေတယ်၊နောက်ထပ် လေးဦးဒဏ်ရာရသွားပါတယ်"ဟု ဒေသခံတစ်ဦးက ပြောဆိုသည်။
ပြီးခဲ့သည့် ဇန်နဝါရီလ (၁၁) ရက်နေ့ကလည်း ကျောက်တော်မြို့ပေါ်ရှိ ရပ်ကွက်တချို့ကို အကြမ်းဖက် စစ်ကောင်စီတပ် က ဂျက်ဖိုက်တာဖြင့် သုံးကြိမ်တိုင်တိုင် ဗုံးအရေအတွက် (၁၅) လုံးခန့်ကြဲချခဲ့သည်။ အဆိုပါ ဗုံးကြဲ ပစ်ခတ်တိုက်ခိုက်မှုဖြစ်စဉ်အတွင်း အပြစ်မဲ့ ဈေးရောင်း၊ ဈေးဝယ်၊ လမ်းသွားလမ်းလာ အရပ်သားပြည်သူတချို့ သေ ဆုံး၊ ဒဏ်ရာရမှုများရှိခဲ့ပြီး ဈေးဆိုင်တန်း၊ နေအိမ်အဆောက်အအုံများ ထိခိုက်ပျက်စီးမှုများလည်း ရှိခဲ့ပါသည်။
ဓာတ်ပုံ - အကြမ်းဖက်စစ်ကောင်စီ၏ ဂျက်ဖိုက်တာပုံ
One Nation News သတင်းဌာနသည် အာရက္ခမီဒီယာ၏ မိတ်ဖက်သတင်းဌာန တစ်ခုဖြစ်သည်။

မောင်တောမှာ စစ်လက်ကျန် ဗုံးပေါက်ကွဲလို့ မွတ်ဆလင် လူငယ်တစ်ဦး သေဆုံးပြီး နောက်ထပ် လေးဦး ဒဏ်ရာရ
AK ၊ ဖေဖော်ဝါရီ ၁၀၊၂၀၂၅
ရက္ခိုင်ပြည်၊ မောင်တောမြို့နယ်၊ ရွှေဇားဂုံးနားမွတ်ဆလင်ရွာမှာ ယနေ့ နံနက်ပိုင်းက စစ်လက်ကျန်ဗုံးပေါက်ကွဲလို့ မွတ်ဆလင် လူငယ်တစ်ဦး သေဆုံးပြီး လေးဦး ဒဏ်ရာရသွားကြောင်း ဒေသခံများက သိရှိရသည်။
သေဆုံးသူမှာ အသက် ၂၂ နှစ်အရွယ် ဖေရုစ်ခါန်ဖြစ်ပြီး ဒဏ်ရာရရှိသူတွေကတော့ အသက် ၂၃ နှစ်အရွယ် မောင်မြင့်နိုင် (ခ) ကိုမာမတ်နူရ်၊ အသက် ၃၀ နှစ်အရွယ် မာမတ်ဇူနိုင်၊ အသက် ၁၈ နှစ်အရွယ် မာမတ်ဟူဆောင်းနှင့် အာရ်တာအာမောက်တို့ဖြစ်ကြောင်း ဒေသခံများထံမှ သိရှိရသည်။
ဖေရုစ်ခါန်သည် ယနေ့ ဖေဖော်ဝါရီလ ၁၀ ရက်၊ မနက် ၁၀ နာရီလောက်မှာ အပေါင်းအသင်းများနှင့် လဘက်ရည်ဆိုင်မှာ လဘက်ရည်သောက်နေတုန်း ရွာထဲက ကောက်ရလာသည့် စစ်ကျန်ဗုံးသီးတစ်လုံးကို ထုကစားမိရာကနေ ပေါက်ကွဲမှုဖြစ်ကြောင်း ဆိုသည်။
အဆိုပါ ဗုံးပေါက်ကွဲမှုကြောင့် ကိုဖေရုစ်ခါန်၏ ပေါင်နှစ်ဖက်စလုံးပွင့်ထွက်ကာ လက်နှစ်ဖက်မှာလည်း ပြတ်ထွက်သွားပြီး နေရာမှာပင် ပွဲချင်းပြီးသေဆုံးသွားခဲ့ကြောင်း သိရှိရပါသည်။
Photo - ဖေဖော်ဝါရီလ ၁၀ ရက်၊ နံနက်က မောင်တောမြို့နယ်၊ ရွှေဇားဂုံးနားရွာတွင် စစ်ကျန်ဗုံးသီးတလုံးပေါက်ကွဲ၍ သေဆုံး၊ ဒဏ်ရာရရှိသူများအား တွေ့ရစဥ် (Photo - APM)
@AKMediaLiveNew1

@1onenationnews

ကျောက်ဖြူမြို့တွင် အကြမ်းဖက် စစ်ကောင်စီ သေနတ်နှင့် ပစ်သတ်မှုကြောင့် အပြစ်မဲ့အရပ်သားပြည်သူ ၁ ဦးသေဆုံးပြီး ၂ ဦးဒဏ်ရာရ
AK၊ ဖေဖော်ဝါရီ ၁၀၊ ၂၀၂၅
အာရက္ခပြည်၊ ကျောက်ဖြူမြို့နယ်မှာ ဖေဖော်ဝါရီ ၉ ရက်နေ့၊ နံနက်ပိုင်းက အကြမ်းဖက် ဖက်ဆစ် စစ်ကောင်စီတပ်ကနေ သေနတ်နှင့် ပစ်ခတ်မှုကြောင့် အပြစ်မဲ့အရပ်သားပြည်သူ ၁ ဦးသေဆုံးပြီး၊ ၂ ဦး ထိခိုက်ဒဏ်ရာရသွားကြောင်း ဒေသခံများထံမှ သိရှိရသည်။
သေဆုံးသွားသူမှာ ကျောက်ဖြူမြို့နယ်၊ သစ်ပုတ်တောင်တိုက်နယ်၊ စိုင်ခြုံရွာက ဦးအောင်သန်း(၅၄ နှစ်)ဖြစ်ပြီး ဒဏ်ရာရသွားသူနှစ်ဦးကတော့ ဦးသန်းမြင့်(၅၆ နှစ်)နှင့် ဒေါ်မကြူ (၅၀ နှစ်)တို့ ဖြစ်ကြသည်။
ယမန်နေ့က မနက် ၆ နာရီခွဲအချိန်လောက်မှာ ကျောက်ဖြူမြို့နယ်၊ ရှောက်ချောင်းရွာအနီး ကင်းပုန်းဝပ်နေသည့် အကြမ်းဖက် ဖက်ဆစ် စစ်ကောင်စီ တပ်ဖွဲ့ဝင်များက သေနတ်ဖြင့် ပစ်ခတ်ခဲ့ကြောင်း ရွာသားတစ်ဦးက အတည်ပြု ပြောဆိုသည်။
အဆိုပါ ပစ်ခတ်မှုကြောင့် ဦးအောင်သန်းမှာ နေရာမှာပင် ပွဲချင်းပြီးသေဆုံးသွားခဲ့ပြီး ဦးသန်းမြင့်မှာလည်း ဒဏ်ရာပြင်းပြင်း ထန်ထန်ရသွားကြောင်းသိရပြီး စိုင်ခြုံရွာကနေ ရှောက်ချောင်းရွာဘက်သို့ ခြေကျင်ဈေးရောင်းသွားသည့် ဒေါ်မကြူလည်း အခင်းဖြစ်ပွားသည့် နေရာသို့ ဖြတ်သွားစဥ် ကျည်ဆံထိမှန် ဒဏ်ရာရသွားကြောင်း သိရရသည်။
အကြမ်းဖက် ဖက်ဆစ်စစ်ကောင်စီတပ်မှ ပစ်ခတ်မှုများကြောင့် သေဆုံးသွားသည့် ဦးအောင်သန်းရုပ်အလောင်းနှင့် ဒဏ်ရာရသွားကြသည့် ဦးသန်းမြင့်၊ ဒေါ်မကြူတို့ကို ဓညဝတီရေတပ်စခန်းဌာနချုပ်(ဓရစ)သို့ ဖမ်းဆီးခေါ်ဆောင်သွားကြောင်း သိရှိရသည်။
Photo - CJ
One Nation NewsAK-Media Liveᴀʀᴀᴋᴋʜᴀ ᴍᴇᴅɪᴀ

တိုက်ပွဲတိအတွင်း ထိန်းသိမ်းထားသော စစ်သုံ့ပန်းမိသားစုဝင်များနှင့် အရပ်သားအကျဉ်းသားများ စုစုပေါင်း ၁၀၀ ကျော်ကို အာရက္ခတပ်တော် လွတ်ပေး

အာရက္ခမီဒီယာ ၊ ဖေဖော်ဝါရီ ၁၀၊ ၂၀၂၅

အာရက္ခဒေသ တိုက်ပွဲများအတွင်း အာရက္ခတပ်တော် ထိန်းသိမ်းထားသော စစ်သုံ့ပန်းမိသားစုဝင်များနှင့် အရပ်သားအကျဉ်းသားများထဲမှ လွှတ်ပေးသင့်သည့် အရပ်သားတချို့ကို အာရက္ခတပ်တော်(AA) က ယမန်နေ့ ဖေဖော်ဝါရီ ၉ ရက်နေ့မှာ ပြန်လွှတ်ပေးလိုက်ကြောင်း သိရှိရသည်။

အာရက္ခတပ်တော်သည် တိုက်ပွဲကာလအတွင်း လက်ရဖမ်းမိ ထိန်းသိမ်းထားခဲ့သည့် စစ်သုံ့ပန်းမိသားစုဝင်များမှ လွှတ်ပေးသင့်သည့် သုံ့ပန်းမိသားစုဝင် ၁၁၆ ယောက်နှင့် အကြောင်းအမျိုးမျိုးကြောင့် ဖမ်းဆီး ထိန်းသိမ်းထားခဲ့သော အရပ်သား အကျဉ်းသား ၂၆ ယောက်ကို ပြန်လွှတ်ပေးခြင်းဖြစ်ကြောင်း ဆိုသည်။

လွတ်မြောက်လာသူ စစ်သုံ့ပန်းမိသားစုဝင် အမျိုးသား ၄၀ ယောက်နှင့် အမျိုးသမီး ၇၆ ယောက်ပါဝင်ပြီး အရပ်သား အကျဉ်းသား ၂၆ ယောက်ကတော့ အမျိုးသားများဖြစ်ရာ ပြန်လွတ်လာသူ အများစုသည် အကြမ်းဖက် ဖက်ဆစ် စစ်ကောင်စီ ထိန်းချုပ်မှုမရှိသော လွတ်မြောက်နယ်မြေများကဖြစ်ကြောင်း သိရှိရသည်။

ပြန်လွတ်ပေးသူအားလုံးကို အာရက္ခတပ်တော်က အခမ်းအနားနှင့်တကွ မိသားစုဝင်ထံသို့ ပြန်အပ်နှံလိုက်ကြောင်း စုံစမ်းသိရပါသည်။

အာရက္ခဒေသ တိုက်ပွဲများအတွင်း အာရက္ခတပ်တော်က လက်ရဖမ်းမိထားသည့် စစ်သုံ့ပန်းများနှင့် သုံ့ပန်းမိသားစုဝင်များထဲက ပြန်လွှတ်ပေးရန် လျာထားသည့် ယာယီ ထိန်းသိမ်းထားသော နေရာကို အကြမ်းဖက် ဖက်ဆစ် စစ်ကောင်စီက လူမဆန်စွာ ဂျက်ဖိုက်တာဖြင့် ဗုံးကြဲတိုက်ခိုက်မှုကြောင့် စစ်သုံ့ပန်းများနှင့် သုံ့ပန်းမိသားစုဝင် ၁၀၀ ကျော် သေဆုံးပြီး ၁၂၀ ကျော် ထိခိုက် ဒဏ်ရာရခဲ့သည်။

ဓာတ်ပုံ - ပြန်လွတ်ပေးလိုက်သည့် စစ်သုံ့ပန်းမိသားစုဝင်များနှင့် အကျဥ်းသားများ /APM

One Nation News သတင်းဌာနသည် အာရက္ခမီဒီယာ၏ မိတ်ဖက်သတင်းဌာန တခုဖြစ်သည်။

မြေပုံမြို့နယ်အတွင်း ဆိုင်ကယ်ဦးထုပ် စစ်ဆေးနေမှု ကြမ်းတမ်းနေပြီး လိုအပ်သည်ထက် ပိုဒဏ်ပေးနေ

အာရက္ခမီဒီယာ ၊ ဖေဖော်ဝါရီ ၈၊၂၀၂၅

မြေပုံမြို့နယ် အတွင်း ခရီးသွား ပြည်သူလူထုကို ယာဉ်အန္တရာယ် ကင်းစင်ရေးနှင့် လုံခြုံချောမွေ့စေဖို့ဆိုကာ ဖမ်းဆီးစစ်ဆေးမှုများ ၊ အပြစ်ပေးအရေးယူမှုများတွင် လိုအပ်သည်ထက်ပိုမို ကြမ်းတမ်းနေကြောင်း ဒေသခံပြည်သူများက ပြောဆိုသည်။

"ခရီးသွားပြည်သူတွေကို ဆိုင်ကယ်ဦးထုပ်မဆောင်းရင် ဖမ်းတယ်။ အကြိမ်ရေအများကြီး ထိုင်ထ လုပ်ခိုင်းတယ်။ ဒိုင်းထိုးခိုင်းတယ်။ လက်ရှိ ဆိုင်ကယ်ဦးထုပ်က ဝယ်မရဘူး။ ရှိရင်တောင် စျေးကြီးပါတယ်။ ဒဏ်ပေးတာက အတော်လေး ဆိုးနေပါတယ်။ ဒါကို အထက်လူကြီးတွေကြပ်မတ်ပေးဖို့လိုပါတယ်"ဟု မြေပုံမြို့ဒေသခံတစ်ဦးကပြောဆိုသည်။

အာရက္ခပြည်မှာ ကုန်းလမ်းသွားလာရေးတွင် ဆိုင်ကယ်ကို အဓိကအားဖြင့် အသုံးပြုနေခြင်းဖြစ်ပြီး ပြည်သူလူထုအပေါ် လျော့ပေါ့အပြစ်ပေးသင့်ကြောင်း ပြောဆိုလာကြသည်။ လက်ရှိ ရက္ခိုင်ဒေသတွင် ဆိုင်ကယ်ဦးထုပ်တစ်လုံးကို ၆၀၀၀၀ ကျော်ကျပ်အထိ စျေးနှုန်းများ အဆမတန်မြင့်တက်နေပြီး ရှားပါးနေကြောင်း သိရှိရသည်။

ဆိုင်ကယ်စီးလျှင် ဆိုင်ကယ်ဦးထုပ်ဆောင်းကြဖို့၊ ဆိုင်ကယ်တစ်စီးမှာ လူ ၂ ဦးထက်ပိုမစီးဖို့၊ ဆိုင်ကယ်ကို တစ်နာရီမှာ မြို့တွင်း ၂၀ ကီလိုမီတာနှင့် မြို့ပြင် ၆၀ ကီလို မီတာ ထက် ပိုမမောင်းကြဖို့၊ ညအချိန် ဆိုင်ကယ်စီးရင်လည်း မီးထွန်း စီးကြဖို့ကို အာရက္ခပြည်သူ့တော်လှန်ရေးအစိုးရက အထူးကြပ်မတ်ဆောင်ရွက်လျက်ရှိပြီး၊ စည်းကမ်းမလိုက်နာပါက သတိပေးချက်နှင့် အညီ ပြစ်ဒဏ်ပေးနေကြောင်း သိရှိရသည်။

ပုံစာ - အာရက္ခဒေသအတွင်း ပြည်သူ လူထုများ ယာဥ်တိုက်မှု မဖြစ်ပွားရအောင် ယာဉ်စည်းကမ်း၊ လမ်းစည်းကမ်း လိုက်နာကြဖို့ အာရက္ခပြည်သူ့တော်လှန်ရေးအစိုးရက ဆောင်ရွက်နေသည်ကို တွေ့ရစဥ်။ (Arakan Princess Media)

One Nation News သတင်းဌာနသည် အာရက္ခမီဒီယာ၏ မိတ်ဖက်သတင်းဌာန တခုဖြစ်သည်။

စစ်တွေမြို့ရှိ အကြမ်းဖက်စစ်ကောင်စီတပ်စခန်းများကို လေးဖက်လေးတန်မှ လက်နက်ကြီးများဖြင့် အာရက္ခတပ်တော် ပစ်ခတ်တိုက်ခိုက်

အာရက္ခမီဒီယာ ၊ ဖေဖော်ရီလ ၈၊ ၂၀၂၅

စစ်တွေမြို့ကို ဝိုင်းရံပိတ်ဆို့ထားသော အာရက္ခတပ်တော်မှ စစ်တွေမြို့ရှိ အကြမ်းဖက်စစ်ကောင်စီ စခန်းနေရာစုံအား လေးဖက်လေးတန်မှ လက်နက်ကြီးမျိုးစုံဖြင့် ယမန်နေ့ ဖေဖော်ရီ ၇ ရက် ညနေ ၁၁ နာရီမှစတင်ပြီး ယနေ့ မိုးထ ၅နာရီထိပစ်ခတ်တိုက်ခိုက်ကြောင်း သိရှိရသည်။

ယခင် အပြန်အလှန်ပစ်ခတ်မှုအချို့ရှိခဲ့သော်လည်း ဇန်နဝါရီလ နောက်ပိုင်း အာရက္ခတပ်တော်မှလက်နက်ကြီးတုန့်ပြန်ပစ်ခတ်မှုမရှိဘဲ အကြမ်းဖက်စစ်ကောင်စီဖက်က တဖက်သတ်ပစ်ခတ်နေခဲ့ရာမှ ယမန်နေ့ည ၁၁နာရီခန့်မှ ယနေ့နံနက်ပိုင်းအထိ
အာရက္ခတပ်တော်မှ ပြင်းပြင်းထန်ထန် စတင်ပစ်ခတ်မှုရှိလာသောကြောင့် စစ်တွေမြို့ ထိုးစစ်စတင်တော့မည်ဟု ဒေသခံများက ခန့်မှန်းနေကြပါသည်။

အကြမ်းဖက်စစ်ကောင်စီသည် စစ်တွေမြို့တွင် အရပ်သားကျေးရွာအများစုကို နှင်ထုတ်ကာ ခံစစ်အခိုင်အမာ ပြုလုပ်ထားပြီး စစ်တွေအခြေစိုက်တပ်ရင်းများမှ ရသေ့တောင်မြို့နယ်၊ ပုဏ္ဏားကျွန်းမြို့နယ်၊ပေါက်တောမြို့နယ်များသို့လက်နက်ကြီးဖြင့် ပစ်ခတ်မှုများ ဆက်တိုက်ပြုလုပ်နေခြင်း ဖြစ်သည်။

အာရက္ခတပ်တော်မှ မြို့ပေါင်း၁၅မြို့အထိ သိမ်းပိုက်ထားပြီး မာန်အောင်၊ကျောက်ဖြူအပါအဝင် စစ်တွေမြို့သုံးမြို့သာကျန်ရှိနေပြီး လက်ရှိ အကြမ်းဖက်စစ်ကောင်စီ အသက်သွေးကြော ကပစ စက်ရုံများရှိရာ မကွေးတိုင်း ပဲခူးတိုင်းနှင် ဧရာဝတီတိုင်းအစပ်အထိ အာရက္ခတပ်တော်နှင့် မဟာမိတ် ပူးပေါင်း တပ်များက ထိုးစစ်ဆင်တိုက်ခိုက်လျက်ရှိသည်။

ဓာတ်ပုံ - ဟောင်ဝှစ်ဇာ လက်နက်ကြီးနှင့်အတူတွေ့ရသော အာရက္ခစစ်သည်များ

One Nation News သည် အာရက္ခမီဒီယာ၏ မိတ်ဖက်သတင်းဌာန တခုဖြစ်သည်။

အာရက္ခမီယာ

ဟုတ်

ဘင်္ဂလားဒေ့ချ် ထောက်လှန်းရေးအေဂျင်စီ (DGFI)က ဒုက္ခသည်စခန်းမှ မူဆလင်လူငယ်များကို အထူးစစ်သင်တန်းပေးနေ

အာရက္ခမီဒီယာ ၊ ဖေဖော်ဝါရီ ၂၊ ၂၀၂၅

ဘင်္ဂလားဒေ့ရှ် မူဆလင် ဒုက္ခသည်စခန်းမှ လူငယ်များကို ဘင်္ဂလားဒေ့ရှ်စစ်ထောက်လှမ်းရေးအေဂျင်စီ (DGFI) က အထူးပြောက်ကျားစစ်ဆင်ရေးသင်တန်းပေးနေကြောင်း အိန္ဒိယသတင်းဌာန Northeast News အရ သိရှိရသည်။

ဘင်္ဂလားဒေ့ရှ်စစ်ထောက်လှမ်းရေးအေဂျင်စီ (DGFI)သည် ဒုက္ခသည်စခန်းမှ ကိုယ်စားလှယ်များနှင့် တွေ့ဆုံဆွေးနွေးပွဲတစ်ခုကို ဇန်နဝါရီ ၁၉ ရက်နေ့တွင် ပြုလုပ်ခဲ့ပြီး အဆိုပါအစည်းအဝေးကို အာရကန်ရိုဟင်ဂျာကယ်တင်ရေးတပ်မတော်(ARSA) ၊ ရိုဟင်ဂျာသွေးစည်းညီညွတ်ရေးအဖွဲ့(RSO) မှ ကိုယ်စားလှယ်များ တက်ရောက်ခဲ့ကြောင်း ဆိုသည်။

ဘင်္ဂလားဒေ့ရှ်နိုင်ငံ ၊ ကော့ဘဇားခရိုင် ၊ ကုတူပါလောင် ဒုက္ခသည်စခန်း၊ နာရာပါရာ စခန်း၊ ဘာချာဆာစခန်းများမှ လူငယ်များကို ရွေးချယ်ပြီး ဘင်္ဂလားဒေ့ရှ်စစ်ထောက်လှမ်းရေးအေဂျင်စီ(DGFI) က အထူးပြောက်ကျားစစ်ဆင်ရေးသင်တန်းပေးရန် အဆိုပါအစည်းအဝေးက ဆုံးဖြတ်ခဲ့ကြောင်း သိရှိရသည်။

အစည်းအဝေးသည် ၂၀၂၄ ခုနှစ် ဒီဇင်ဘာလတွင် အာရက္ခတပ်တော်(AA) က မောင်တောမြို့ကို သိမ်းပိုက်နိုင်ခဲ့ပြီးနောက် ဘင်္ဂလားဒေ့ရှ်စစ်ထောက်လှမ််းရေးအေဂျင်စီ(DGFI)က ပထမဆုံး ခေါ်ယူပြုလုပ်ခဲ့သည့် အစည်းအဝေးဖြစ်သည်ဟု သိရသည်။

ဇန်နဝါရီလ ၂၄ ရက်နေ့က ရက္ခိုင်ပြည် ၊ မောင်တောနှင့် ဘူးသီးတောင်မြို့နယ်တွင် အာရက္ခတပ်တော် (AA) အား ARSO အဖွဲ့နှင့် RSO အဖွဲ့တို့က ပူးပေါင်းတိုက်ခိုက်ခဲ့သည်။ ယင်းမှာ ဘင်္ဂလားဒေ့ရှ်စစ်ထောက်လှမ်းရေးအေဂျင်စီ (DGFI) က သင်တန်းပေးထားသည့် မူဆလင်ပြောက်ကျားစစ်သားများ၏ ပထမဆုံးတိုက်ခိုက်မှုဖြစ်ကြောင်း Northeast News သတင်းဌာနက ဖော်ပြထားသည်။

ဓာတ်ပုံ - အစ္စလာမ်မစ် စစ်သွေးကြွ ARSA အကြမ်းဖက်အဖွဲ့

Source; Northeast News - https://nenews.in/neighbours/bangladeshs-dgfi-meets-rohingya-refugees-in-coxs-bazar-to-train-guerrilla-fighters/19365/

One Nation News သည် အာရက္ခမီဒီယာ၏ မိတ်ဖက်သတင်းဌာန တခုဖြစ်သည်။

မူဆလင်အုပ်စုတွေအနေနှင့် အကြမ်းဖက်စစ်ကောင်စီဟာ ရက္ခိုင်ဒေသတွင်း အကြီးအကျယ်စစ်ရှုံးနေပါတယ်။ စစ်ရှုံးစစ်အုပ်စုနှင့် ပူးပေါင်းနေတာဟာ ကောင်းကျိုးတစုံတရာ မရရှိနိုင်ပါဘူး။ ဒီအချက်ကို ရခိုင်ပြည်လွတ်မြောက်ရေးပါတီရော မူဆလင် လက်နက်ကိုင်တွေကပါ သတိကြီးကြီး ထားသင့်ပါတယ်။

အကြမ်းဖက်စစ်ကောင်စီနှင့် ပူးပေါင်းနေတဲ့ အစ္စလာမ်မစ် စစ်သွေးကြွ အကြမ်းဖက်သမားတွေ အနေနဲ့ အာရက္ခတပ်တော်ထံ အချိန်မီ လက်နက်ချ အလင်းဝင်ကြဖို့ လိုအပ်ပါတယ်။ အလားတူ ဒေါ်စောမြတ်ဇာရာလင်းဦးဆောင်တဲ့ ရခိုင်ပြည်လွတ်မြောက်ရေးပါတီ ALP အနေနဲ့ အကြမ်းဖက်စစ်ကောင်စီနဲ့ ပူးပေါင်းတာကို ရပ်တန့်ပြီး လက်နက်စွန့်ဖို့ လိုအပ်ပါမယ်။

အာရက္ခတပ်တော်ဟာ ပလက်ဝ၊ မောင်တော၊ အနောက်ပိုင်းတိုင်းစစ်ဌာနချုပ်ရှိရာ အမ်းမြို့၊ သံတွဲမြို့လို ခံစစ်အားကောင်းတဲ့ မြို့ကြီးတွေကို အနိုင်ယူပြနိုင်ခဲ့ပါတယ်။ ကျောက်ဖြူလို ၊ စစ်တွေလို ဘယ်လမ်းက ထိုးစစ်ဆင် ဝင်တိုက်တိုက်ရနိုင်တဲ့ မြို့တွေကို သိမ်းပိုက်နိုင်ဖို့ မခက်ခဲပါဘူး။

စစ်တွေ၊ ကျောက်ဖြူ၊ မာန်အောင်မြို့တွေဟာ အာရက္ခတပ်တော်ရဲ့ နောက်ဆုံးပိတ်တိုက်ရမယ့် စစ်ပွဲတခုဖြစ်နေပါတယ်။ ဒါကြောင့် ၎င်းမြို့တွေမှာရှိနေတဲ့ ပြည်သူလူထုအနေနဲ့ အကြမ်းဖက်စစ်ကောင်စီဟာ အရပ်သားပြည်သူလူထုကို ရန်မူတတ်တာမို့ အချိန်မီ ဘေးကင်းရာကို ရှောင်တိမ်ထားဖို့လိုအပ်ပါတယ်။

ရက္ခိုင်စစ်မြေပြင်မှာ အကြမ်းဖက်စစ်ကောင်စီအတွက် နိုင်ပွဲလုံးဝ (လုံးဝ)မရှိသေးပါဘူး။ ဒီတခါလည်း အာရက္ခတပ်တော်သာ ထိုးစစ်ဆင်လာခဲ့ရင် စိတ်ဓာတ်ရေးရာအရ ကျဆင်းပြီးသား အကြမ်းဖက်စစ်ကောင်စီတပ်သားတွေအနေနဲ့ အကွဲအပြဲရှုံးနိမ့်ဖို့ရာ သေချာနေပါတယ်။

ဒါကြောင့် အကြမ်းဖက်စစ်ကောင်စီတပ်သားတွေအနေနဲ့ ဒီစစ်ပွဲကာလအတွင်း အသက်ရှင်သန်ကျန်ရစ်ချင်ရင် နီးစပ်ရာ အာရက္ခတပ်တော်၏ ပြည်သူ့အာဏာပိုင် အဖွဲ့ထံတွင် လက်နက်ချအလင်းဝင်ဖို့လိုအပ်ပါတယ်။ ဒါမှမဟုတ် အရပ်သား ပြည်သူလူထုအပေါ် စစ်ရာဝတ်မှုတွေ ဆက်လက်ပြီး ကျူးလွန်ပါက ရက္ခိုင်မြေဟာ မရာဏလမ်းတခုဖြစ်တယ်ဆိုတာ ကောင်းကောင်းသိလာပါလိမ့်မယ်။

မောင်မိုးဇ

One Nation News သည် အာရက္ခမီဒီယာ၏ မိတ်ဖက်သတင်းဌာန တခုဖြစ်ပါသည် ။

@topfans AK-Media Live

"မြို့တော် စစ်တွေကို ထိုးစစ်ဆင်လာခဲ့သော်"

သတင်းဆောင်းပါး
မောင်မိုးဇ -ရေးသားသည်

မင်းချောင်းတံတားကို အကြမ်းဖက်စစ်ကောင်စီက မှိုင်းခွဲဖျက်စီးခဲ့ပြီးတဲ့ နောက်ပိုင်း စစ်တွေမြို့ဟာ ကုန်းလမ်းအဆက်အသွယ်ပြတ်တောက်ကာ ရေပတ်ပတ်လည်ဝိုင်းရံနေတဲ့ ကျွန်းတခုဖြစ်လာခဲ့ပါတယ်။ ရက္ခိုင်ဒေသရဲ့မြောက်ပိုင်းမှာ တစ်ခုတည်းသာ ကျန်ရှိတော့တဲ့ မြို့တော် စစ်တွေကို အကြမ်းဖက်စစ်ကောင်စီတပ်တွေဟာ ခံစစ်အခိုင်အမာ တည်ဆောက်ထားပါတယ်။

စစ်ငွေ့ရိပ်သန်းလာတာနဲ့အမျှ စစ်တွေမြို့နယ်ထဲမှ ကျေးရွာအများစုက ရွာသားတွေကို နှင်ထုတ်ပြီး အဲဒီရွာတွေမှာ လက်နက်ကြီး အထိုင်စခန်းချခြင်း ၊ ခံစစ်ပြင်ဆင်ခြင်း၊ ကျွန်းပတ်ပတ်လည်ကို မှိုင်းထောင်ခြင်းနှင့် လက်ဖြောင့်တပ်သားတွေကို နေရာချထားခြင်းတွေကို အကြမ်းဖက်စစ်ကောင်စီက တစိုက်မတ်မတ် လုပ်ဆောင်လာပါတယ်။

တခြားတဖက်မှာလည်း စစ်တွေမြို့နယ်မှ ဒုတိယအင်အားစုဖြစ်တဲ့ မူဆလင်တွေကို စစ်သင်တန်းတွေပေးပြီး အကြမ်းဖက်စစ်ကောက်စီဟာ သူတို့ရဲ့ တပ်အင်အားကို ဖြည့်တင်းနေခဲ့ပါတယ်။ လက်ရှိ စစ်တွေမှာ မူဆလင်လက်နက်ကိုင် ၂၀၀၀ ခန့်ရှိကြောင်း ဒေသတွင်းသတင်းရင်းမြစ်တွေက ဆိုထားပါတယ်။

စစ်တွေမြို့ဟာ ပေါက်တောမြို့နယ် ၊ ပုဏ္ဏားကျွန်းမြို့နယ်၊ ရသေ့တောင်မြို့နယ်တို့နဲ့ နယ်မြေချင်းထိစပ်နေပါတယ်။ စစ်တွေမြို့နယ်အနီးတဝှိုက်မှာ အာရက္ခတပ်တော်နဲ့ အကြမ်းဖက်စစ်ကောင်စီတပ်တို့ လက်နက်ကြီးပစ်ခတ်မှု ၊ ဒရုန်းပစ်ခတ်မှုနှင့် စနှိုက်ဘာ ပစ်ခတ်မှုတွေ ရှိလာတယ်လို့ ပြီးခဲ့တဲ့ ဇန်နဝါရီ ၂၇ ရက်နေ့မှာတော့ အာရက္ခတပ်တော်ဖက်က ဆိုပါတယ် ။

တကယ်လို့ စစ်တွေကို အာရက္ခတပ်တော်က ထိုးစစ်ဆင်လာမယ်ဆိုရင် လက်ရှိ အကြမ်းဖက်စစ်ကောင်စီ အသုံးပြုနေတဲ့ ရေကြောင်းနှင့် လေကြောင်းပါ ဆုံးရှုံးသွားနိုင်ပြီး စစ်တွေမြို့ပေါ်မှာရှိတဲ့ အကြမ်းဖက်စစ်ကောင်စီတပ်သားတွေဟာ လှောင်အိမ် ထဲဝင်သွားတဲ့ သားကောင်တွေ ဖြစ်သွားလိမ့်မယ်လို့ စစ်ရေးလေ့လာသူတစ်ဦးက ဆိုပါတယ်။

"တပ်တော်က ထိုးစစ်ဆင်လာရင် စစ်ကောင်စီရဲ့ခံစစ်နဲ့ မတားနိုင်လောက်ဘူး။ တပ်တော်မှာ စစ်ရေးကျွမ်းကျင်တဲ့ တပ်သားတွေ၊ စိတ်ဓာတ်ပိုင်းဆိုင်ရာတွေနှင့် လက်နက်ပိုင်းတွေက စစ်တိုက်ဖို့ အကောင်းဆုံးအနေအထားရှိနေတယ်။ ထိုးစစ်သာ တကယ်ဆင်လာရင် ရေကြောင်းနဲ့ လေကြောင်းပါ ပိတ်သွားနိုင်တယ်။ စစ်တွေမှာရှိတဲ့ စစ်ကောင်စီတွေက လှောင်အိမ်ထဲက သားကောင်ဖြစ်သွားပါလိမ့်မယ်" ဟု သုံးသပ်ပါတယ်။

အကြမ်းဖက်စစ်ကောင်စီဟာ အစ္စလာမ်မစ် စစ်သွေးကြွ မူဆလင် လက်နက်ကိုင်တွေဖြစ်တဲ့ ARSA ၊ ARA ၊ RSO အဖွဲ့တွေကို စစ်ရေယာဥ် (နေဗီ)တွေနဲ့ မောင်တောမြို့နယ်မှတဆင့် စစ်တွေသို့ ခေါ်ဆောင်ထားပါတယ်။ သို့ပေမယ့်လည်း အကြမ်းဖက်စစ်ကောင်စီအတွက် ကြီးမားတဲ့ သင်ခန်းစာတစ်ခု ရှိနေပါတယ်။ အဲဒါကတော့ အစ္စလာမ်မစ် စစ်သွေးကြွ မူဆလင်လက်နက်ကိုင်တွေကို အသုံးပြုခဲ့ပေမယ့် ဘူးသီးတောင်-မောင်တောကျဆုံးသွားခဲ့တာဖြစ်ပါတယ်။

တစ်ရက်ထက် တစ်ရက် စစ်တွေမြို့တဝှိုက်မှာ စစ်ငွေ့ရပ်တွေ ပိုမိုမြင်တွေ့လာရပါတယ်။ ရက္ခိုင်တိုက်ပွဲအစပိုင်းမှစတင်ကာ အကြမ်းဖက်စစ်ကောင်စီဟာ စစ်တွေမြို့ကို ခံစစ်အခိုင်အမာယူထားပြီး အစ္စလာမ်မစ် အစွန်းရောက် စစ်သွေးကြွ မူဆလင်တွေကို စစ်သင်တန်းနှင့် လက်နက်တွေ တပ်ဆင်ပေးထားပါတယ်။

လက်ရှိ စစ်တွေမြို့ရဲ့ ထွက်ပေါက်တွေနဲ့ ဘေးပတ်လည်ကို အာရက္ခတပ်တော်က ဝန်းရံပိတ်ဆို့ ထားတယ်။ အာရက္ခတပ်တော်နဲ့ အကြမ်းဖက်စစ်ကောင်စီတို့ကြား စစ်တွေတဝိုက် စစ်ငွေ့သမ်းလျက် လက်နက်ကြီးတိုက်ပွဲတချို့ဖြစ်ပွားနေကြောင်း ဒေသတွင်း စစ်ရေးကျွမ်းကျင်သူတွေက ထုတ်ဖော်ပြဆိုလာပါတယ်။

"စစ်တွေမြို့ကို မကြာခင် တပ်တော်က ထိုးစစ်ဆင်လာနိုင်တယ်။ ဒါကတော့ နောက်ဆုံး အဆုံးအဖြတ်ပေးမယ့် တိုက်ပွဲဖြစ်လာလိမ့်မယ်" စစ်ရေးသုံးသပ်သူတစ်ဦးက ပြောဆိုပါတယ်။

ဘူးသီးတောင်-မောင်တောဒေသက အရပ်သားနေအိမ်တွေကို အစ္စလာမ်မစ်အစွန်းရောက် စစ်သွေးကြွ အကြမ်းဖက်သမား မူဆလင်တွေဟာ အကြမ်းဖက်စစ်ကောင်စီအလိုကျ ပျော်ပျော်ရွှင်ရွှင်နှင့် မီးရှို့ဖျက်ဆီးခဲ့ပါတယ်။ အဆိုပါဒေသမှ ရက္ခိုင်နေအိမ်တွေကို မူဆလင် ပျူစောထီးတွေ မီးရှို့ဖျက်စီးခဲ့သလိုမျိုး စစ်တွေမှာ ကြုံလာနိုင်ကြောင်း စစ်ရေးကျွမ်းကျင်သူတချို့က ထောက်ပြဝေဖန်လာကြပါတယ်။

အလားတူဖြစ်ရပ်မျိုးတွေ ထပ်ဖြစ်လာပါက ရက္ခိုင်နှင့် မူဆလင် လူမျိုးတွေကြား လူမျိုးရေးသဟဇာတဖြစ်ရေးကို ထိခိုက်စေနိုင်ပြီး အမုန်းတရားတွေလည်း ပိုတိုးလာနိုင်ပါတယ်။ မူဆလင်တွေသိထားဖို့က ရန်သူနဲ့ပူးပေါင်းပြီး စစ်ရာဝတ်မှု ကျူးလွန်မှုကို ဘယ်နိုင်ငံမှာမှ ခွင့်လွတ်ပေးရိုးမရှိပါဘူး။

လက်ရှိမြေပြင်သတင်းများအရ စစ်တွေမြို့နယ်မှ ရွာပေါင်း (၂၀)နီးပါးကို အကြမ်းဖက်စစ်ကောင်စီက နှင်ထုတ်ခဲ့ပြီး အဆိုပါရွာတွေကို ဖြိုဖျက်ရန်အတွက် မူဆလင်တွေကို ရောင်းစားထားကြောင်း သိရှိရတယ်။ စစ်တွေမြို့ဟာ ဘူးသီးတောင်လိုမျိုး ဖျက်ဆီးခံရနိုင်ပြီး ပြစ်မှုကျူးလွန်သူ အကြမ်းဖက်စစ်ကောင်စီတပ်သားဖြစ်ဖြစ် ၊ မူဆလင်ပျူစောထီးဖြစ်ဖြစ်၊ ရက္ခိုင်လူမျိုးဖြစ်ဖြစ် စစ်ရေးကာလပြီးတဲ့အချိန် ထိုက်သင့်တဲ့ပြစ်ဒဏ်ပေးဖို့ လိုအပ်ပါတယ်။

ဘူးသီးတောင်မြို့မှ အရပ်သားနေအိမ် ၂၅၀၀ ကျော်ကို မူဆလင်လက်နက်ကိုင်များနှင့်အတူ မီးရှို့ဖျက်ဆီးခဲ့ကြောင်း အကြမ်းဖက်စစ်ကောင်စီတပ်မှ ဗိုလ်မှူးလှိုင်ဝင်းထွန်း ပြောဆို

အာရက္ခမီဒီယာ | ဇန်နဝါရီ ၂၉၊ ၂၀၂၅

ဘူးသီးတောင်မြို့သိမ်း တိုက်ပွဲတွင် အစ္စလာမ်မစ် စစ်သွေးကြွ မူဆလင် လက်နက်ကိုင်များနှင့်ပူးပေါင်းကာ အကြမ်းဖက်စစ်ကောင်စီတပ်သည် ဘူးသီးတောင်မြို့မှ အရပ်သား ရက္ခိုင်နှင့် ဟိန္ဒူလူမျိုးများ၏ နေအိမ် ၂၅၀၀ ကျော်ကို မီးရှို့ဖျက်ဆီးခဲ့ကြောင်း ဝန်ခံပြောဆိုလိုက်ခြင်း ဖြစ်သည်။

ဗိုလ်မှူး လှိုင်ဝင်းထွန်းသည် စစ်တက္ကသိုလ် ဗိုလ်လောင်းသင်တန်းအမှတ်စဥ် ၄၉ သင်တန်းဆင်းဖြစ်ပြီး ဘူးသီးတောင်အခြေစိုက် ခမရ ၃၅၃ ခြေမြန်တပ်ရင်းတွင် တာဝန်ထမ်းဆောင်နေသူဖြစ်ကာ မူဆလင်လက်နက်ကိုင်များနှင့် ပူးပေါင်းပြီး ဘူးသီးတောင်မြို့တွင်း လုံခြုံရေးတာဝန် ထမ်းဆောင်ခဲ့​ကြောင်း ဆိုသည်။

အကြမ်းဖက် စစ်ကောင်စီနှင့် သောင်းကျန်းသူ အာဆာအဖွဲ့ပူးပေါင်းပြီး ဘူးသီးတောင်မြို့နယ်တွင် မွတ်ဆလင် ၇၅၀ အား အကြမ်းဖက် သင်တန်းပေး၍ စစ်ရေး လှုပ်ရှားခြင်း၊ တိုက်ပွဲဝင်တိုက်ခိုက်ခဲခြင်းများ လုပ်ဆောင်ခဲ့ကြောင်း ဗိုလ်မှူး လှိုင်ဝင်းထွန်းက The Diplomat သတင်းဌာနသို့ ပြောဆိုခဲ့ဖူးသည်။

အကြမ်းဖက်စစ်ကောင်စီအရာရှိ ဗျူဟာမှူး ဗိုလ်မှူးကြီး တင်မိုးအောင်နှင့် စရဖ ဗိုလ်ကြီး ခိုင်မင်းဇော်တို့သည် ဘူးသီးတောင်မြို့ရှိ အများပြည်သူ နေအိမ်များအား မီးရှို့ရန် အကြမ်းဖက် စစ်ကောင်စီနှင့် အကြမ်းဖက် သင်တန်းဆင်း မွတ်ဆလင် စစ်သွေးကြွ လက်နက်ကိုင်များအား စေခိုင်းခဲ့ခြင်း ဖြစ်ကြောင်း ၎င်းက ပြောသည်။

အကြမ်းဖက် သင်တန်းပေးထားသည့် မွတ်ဆလင် စစ်သွေးကြွ လက်နက်ကိုင်များနှင့် အကြမ်းဖက် စစ်ကောင်စီတပ်ဖွဲ့ဝင်များသည် ဘူးသီးတောင်မြို့ရှိ လူနေအိမ်များကို မီးရှို့ဖျက်ဆီးခြင်းများ လုပ်ဆောင်နေချိန်တွင် နေအိမ်များမှ ပစ္စည်းများအား ယူဆောင်ခဲ့ကြသည်ဟုလည်း သူက ပြောဆိုထားသည်။

အကြမ်းဖက် စစ်ကောင်စီသည် ARSA၊ ARA၊ RSO အစ္စလာမ်မစ် စစ်သွေးကြွ မွတ်ဆလင်လက်နက်ကိုင် အဖွဲ့များနှင့် စစ်သင်တန်းပေးထားသည့် မူဆလင်များအား ဘူးသီးတောင်နှင့် မောင်တောတိုက်ပွဲများတွင် အသုံးပြုခဲ့ပြီး ရက္ခိုင်နှင့် မူဆလင်လူမျိုးများကြား လူမျိုးရေးပဋိပက္ခဖြစ်အောင် ဆောင်ရွက်မှုများ ရှိခဲ့သည်။

ဗီဒီယို - ဗိုလ်မှူးလှိုင်ဝင်းထွန်း ဝန်ခံထွက်ဆိုမှု

One Nation News သတင်းဌာနသည် အာရက္ခမီဒီယာ၏ မိတ်ဖက်သတင်းဌာန တခုဖြစ်သည်။

AK-Media Live @topfans ᴀʀᴀᴋᴋʜᴀ ᴍᴇᴅɪᴀ One Nation News

စစ်ကောင်စီမှ ဖုန်း၊ အင်တာနက် သုံးတဲ့နေရာကို လေယာဉ်နဲ့ ဗုံးကြဲ မြင်းခြံမှာ ဒါဇင်ချီသေဆုံး
AK ဇန်နဝါရီ - ၂၆
မန္တလေးတိုင်း၊ မြင်းခြံမြို့နယ်၊ မြင်းခြံ - ဆီးမီးခုံ ကားလမ်းပေါ်က ဆင်းဂွတ်ကျေးရွာကို ဒီမနက်ပိုင်း စစ်အုပ်စုက တိုက်လေယာဉ်နဲ့ ဗုံးကြဲပြီး ရဟတ်ယာဉ်နဲ့ နာရီဝက်နီးပါးကြာ ပစ်ခတ် သတ်ဖြတ်ခဲ့ရာ လူ ဒါဇင်နဲ့ချီ သေဆုံးပြီး သေဆုံးသူ၊ ဒဏ်ရာရဟု ဒေသခံ သတင်းရင်းမြစ်တွေက ပြောပါတယ်။
ဇန်နဝါရီလ ၂၆ရက် ဒီကနေ့ မနက် ၈နာရီကျော်အချိန် မြင်းခြံမြို့နယ်၊ ဆင်းဂွတ်ကျေးရွာ၊ အနောက်ပိုင်းက စာသင်ကျောင်း၊ နေအိမ်တွေနဲ့ လမ်းသွားလမ်းလာ ပြည်သူတွေကို စစ်အုပ်စုက တိုက်လေယာဉ် တစ်စီးနဲ့ ဗုံးလာကြဲ ပြီးနောက် ရဟတ်ယာဉ် တစ်စီးနဲ့ နာရီဝက်ခန့်ကြာ ပစ်ခတ် သတ်ဖြတ်တာလို့ ဆိုပါတယ်။
ထပ်မံ ရရှိတဲ့ သတင်းအရ လမ်းသွားလမ်းလာ ပြည်သူတွေ၊ တော်လှန်ရေး ရဲဘော်တွေနဲ့ ရွာခံတွေ အပါအဝင် သေဆုံးသူ ၄၀ ဝန်းကျင် ရှိပြီး ဒဏ်ရာရသူ များတယ်လို့ ဆိုပါတယ်။
“ဆင်းဂွတ်ရွာ၊ ရွာအနောက်ခြမ်းက စာသင်ကျောင်းနဲ့ အနီးတဝိုက်ကို စိတ်ကြိုက်ပစ်သွားတာ။ ဂျက်ဖိုက်တာ (တိုက်လေယာဉ်) တစ်စီး၊ ရဟတ်ယဉ်က တစ်စီး။ ဂျက်ဖိုက်တာနဲ့ ဗုံးကြဲပြီး ရဟတ်ယဉ်နဲ့ စိတ်ကြိုက် ပတ်ပစ်တာ။ မနက်၈နာရီလောက်မှာ ဂျက်ဖိုက်တာက တစ်ခေါက်ပဲ၊ ရဟတ်ယဉ်က မိနစ်၂၀လောက် ပတ်ပစ်တာ။ ကလေးတွေရော၊ လယ်ခင်းသွားတဲ့ လှည်းတွေနွားတွေ၊ လူတွေရော သေတယ်။ ရဟတ်ယဉ်နဲ့ပစ်တာက ပိုသေကုန်တာ။ လောလောဆယ် လမ်းပေါ်တင် တောသွားတောလာ ၁၄ ယောက် သေတယ်။ ကျောင်းထဲနေတဲ့ ဆရာမတစ်ဦးလည်း သေတယ်။ စာသင်ကျောင်းထဲက အလောင်းက မီးလောင်ပျက်စီး၊ အရေအတွက် အတိအကျ မသိရ” လို့ ဒေသခံ သတင်းရင်းမြစ်က ပြောပါတယ်။
ကနဦး ရရှိထားတဲ့ အချက်အလက်တွေအရ ဆင်းဂွတ်ရွာကနေ ယာတောကို လှည်းနဲ့သွားတဲ့ မိသားစု သုံးယောက် ကို ရဟတ်ယာဉ်နဲ့ ပစ်သတ်လို့ နွားတွေရော၊ မိသားစု သုံးယောက်လုံး သေဆုံးသလို ကလေးသူငယ်တွေ ဖြစ်တဲ့ မောင်တိုးတိုး ၁၁ နှစ်၊ မောင်ကျော်ဆောင်၊ မောင်ညိုသန်းနဲ့ မောင်ညိုသန်းရဲ့ ညီ ကိုးနှစ်အရွယ် ကလေးတစ်ဦး တို့လည်း သေဆုံးတယ်လို့ ဆိုပါတယ်။
“ကျောင်းဘေးက အိမ်တွေက တချို့ ဆေးရုံ အရေးပေါ်ဖြစ်နေတယ်။ အတိအကျက အဆက်အသွယ် ပြတ်နေတယ်” လို့ ဒေသခံတစ်ဦးက ပြောပါတယ်။
ကနဦး သတင်းအရ စာသင်ကျောင်းနဲ့ စာသင်ကျောင်းဘေးက နေအိမ်နှစ်လုံး ပျက်စီးတယ်လို့ ဆိုပါတယ်။
ဆင်းရွတ်ကျေးရွာဟာ မြင်းခြံမြို့ရဲ့ မြောက်ဘက် ၁၂ မိုင်အကွာ၊ မြင်းခြံနဲ့ ဆီမီးခုံ ကားလမ်းပေါ်မှာ တည်ရှိပြီး သိမ်ရွာ၊ ကျားတိုင်း၊ ဆင်းဂွတ်ဆိုတဲ့ သုံးရွာအပူးလိုက် ကျေးရွာအုပ်စုကြီးဖြစ်တယ်လို့ ဆိုပါတယ်။
အဲ့ဒီနေရာဟာ ဖုန်းနဲ့ အင်တာနက် ဝန်ဆောင်မှု ပေးတာထက်၊ စစ်အုပ်စုက ဖုန်းလိုင်းတွေ ဖြတ်တောက်ထားချိန် ဖုန်းလိုင်း အနည်းငယ် မိတဲ့အတွက် လာရောက် စုဝေး အသုံးပြုကြတာလို့လည်း ဒေသခံတချို့က ဆိုပါတယ်။
ပြီးခဲ့တဲ့ ရက်ပိုင်းအတွင်းက စစ်အုပ်စု လက်သပ်မွေးထားတဲ့ မြင်းခြံနယ်က ပျူစောထီးတချို့ကို တော်လှန်ရေး တပ်တွေက သုတ်သင်ရှင်းလင်းခဲ့ပြီးနောက် စစ်အုပ်စုက အငြိုးထားကာ မြင်းခြံနယ်ထဲ လေကြောင်း ဗုံးကြဲ သတ်ဖြတ်တာတွေ ကျူးလွန်နေတာ ဖြစ်ပါတယ်။
၂၀၂၄ ဩဂုတ်လ ၁၀ရက်ကနေ အခု ၂၀၂၅ ဇန်နဝါရီလ ၁၁ ရက်အထိ ငါးလ အတွင်း မြင်းခြံခရိုင် လေးမြို့နယ်ဖြစ်တဲ့ မြင်းခြံ၊ တောင်သာ၊ နွားထိုးကြီးနဲ့ ငါန်းဇွန်နယ်ထဲ စစ်အုပ်စုက လေယာဉ်၊ ရဟတ်ယာဉ်နဲ့ စက်တပ်လေထီးတွေ အသုံးပြုကာ ဗုံးကြဲသတ်ဖြတ်မှု အကြိမ် ၁၁၀ ကျော် ကျူးလွန်ခဲ့ပြီး ကလေးသူငယ် နဲ့ အမျိုးသမီးတွေ အပါအဝင် ဒေသခံ ၅၇ ဦး သေဆုံးကာ ရာနဲ့ချီ ဒဏ်ရာ ရခဲ့ပါတယ်။
မြင်းခြံနယ် ဆင်းဂွတ်ရွာကို စစ်အုပ်စုက တိုက်လေယာဉ်နဲ့ ဗုံးကြဲပြီး ရဟတ်ယာဉ်နဲ့ ပစ်ခတ် သတ်ဖြတ်လို့ သေဆုံးသူတွေနဲ့ ဗုံးကြဲခံရတဲ့ စာသင်ကျောင်း/Photo – Google၊ ပေးပို့
@MFP
AK-Media Liveᴀʀᴀᴋᴋʜᴀ ᴍᴇᴅɪᴀ

ဗန်းမော်လေဆိပ်အတွင်း KIA နှင့် အကြမ်းဖက်စစ်ကောင်စီတို့ တိုက်ပွဲပြင်းထန်ဖြစ်ပွား
AK - ဇန်နဝါရီ ၂၆ ၊ ၂၀၂၅
ကချင်ပြည်၊ ဗန်းမော်မြို့ ၊ ဗန်းမော်လေဆိပ်တွင် ကချင်လွတ်လပ်ရေးတပ် KIA နှင့် အကြမ်းဖက်စစ်ကောင်စီတို့ တိုက်ပွဲပြင်းထန်ဖြစ်ပွားနေကြောင်း ဒေသတွင်းမီဒီယာများဖော်ပြချက်အရသိရှိရသည်။
" ယနေ့ချိန်မှာ ဗန်းမော်လေဆိပ်ကို KIA တပ်တွေဝင်ရောက်တိုက်ခိုက်နေပြီး စစ်ကောင်စီဘက်က အထိနာနေတယ်လို့ယူဆရတယ်" ဟုဆိုသည်။
ဗန်းမော်လေဆိပ်ကို KIA ကဝင်တိုက်ရာတွင် လေယာဥ်ကွင်းတစ်ခြမ်းကို သိမ်းပိုက်ထားပြီး လေယာဥ်ကွင်းထဲတွင် မီးလောင်နေသည်ကို ဆိုရှယ်မီဒီယာပေါ်တွင် ပျံနှံ့နေသည့် ရုပ်သံဗီဒီယိုဖိုင် အရသိရှိရသည်။
ထို့အပြင် ယမန်နေ့ ၊ ဇန်နဝါရီလ ၂၅ ရက်နေ့ ၊ ညနေပိုင်းအချိန်တွင် ဗန်းမော်မြို့ ၊ စစ်ကောင်စီ၏ အမှတ် ၇၀၀၆ သံချပ်ကာတပ်ရင်းကို သိမ်းပိုက်နိုင်ခဲ့ကြောင်း KIA ပြန်ကြားရေးတာဝန်ခံ ဗိုလ်မှူးကြီးနော်ဘူက ပြောသည်။
ဗိုလ်မှူးကြီးနော်ဘူ၏ ပြောစကားမှာ "သံချပ်ကာ ကားသိမ်းတာကတော့မှန်ပါတယ် မနေ့က ညနေပိုင်း ၃နာရီ ၄၅ မိနစ်မှာသိမ်းတာရှိပါတယ်။ နောက်တစ်ချက်ကတော့ လေယာဥ်ကွင်းသိမ်းတာတော့ အတည်မပြုနိုင်သေးဘူး။ အားလုံးလိုပါသေးတယ်။ သံချပ်ကားကတော့ တပ်ရင်းဌာနကို သိမ်းလို့ပါသွားတာဖြစ်ပါတယ်" ဟု ဆိုသည်။
အမှတ် ၇၀၀၆ သံချပ်ကာတပ်ရင်းကို KIA ကသိမ်းပိုက်ခဲ့သည်ကို ဗိုလ်မှူးကြီးနော်ဘူက အတည်ပြုပြောဆိုခဲ့သော်လည်း ရရှိခဲ့သည့် သံချပ်ကာကားအရေအတွက်ကို ထုတ်ဖော်မပြောဆိုခဲ့ပေ။
ဇန်နဝါရီလ ၂၄ ရက်နှင့် ၂၅ရက်အတွင်း အမတ ၃၆၆ နှင့် အမှတ် ၇၀၀၆ သံချပ်ကာတပ်ရင်းကို KIA ကအပြီးသတ်သိမ်းပိုက်နိုင်ခဲ့ပြီး သံချပ်ကာကား ၉ စီးကို သိမ်းပိုက်ရရှိခဲ့ကြောင်း ဒေသတွင်းမီဒီယာများဖော်ပြချက်အရသိရှိရသည်။
လတ်တလော စစ်ကောင်စီတက လေကြောင်းတိုက်ခိုက်မှုများ၊ လက် နက်ကြီး ပစ်ခတ်မှုများကို အကြီးအကျယ်လုပ်နေပြီး ဒရုန်းများပါ တိုက်ပွဲအတွင်း အသုံးပြုခုခံနေကြောင်းသိရှိရသည်။
၂၀၂၄ ခုနှစ် ဒီဇင်ဘာလ ၄ ရက်နေ့မှစတင်၍ ဗန်းမော်မြို့နှင့် မံစီမြို့တို့ကို အပြီး သတ်တိုက်ခိုက်သိမ်းပိုက်ရန် KIA က အပြင်းထန်ထိုးစစ်ဆင်တိုက်ခိုက်နေပြီး ဇန်နဝါရီလ ၈ ရက်နေ့တွင် မံစီမြို့တစ်ခုလုံးကို အပြီးသတ်သိမ်းပိုက်နိုက်ခဲ့ပြီး ဗန်းမော်မြို့တစ်ခုလုံးကိုသိမ်းပိုက်နိုင်ရန် KIA က ဆက်လက်ထိုးစစ်ဆင်တိုက်ခိုက်လျှက်ရှိသည်။
@SM
AK-Media Live ᴀʀᴀᴋᴋʜᴀ ᴍᴇᴅɪᴀ
#arakkhamedia
#myanmarpolitical
#myanmar

အာရက္ခပြည်အတွင်းမှာ တရားဥပဒေချိုးဖောက်ပြီးတော့ ကျူးလွန်တဲ့ပြစ်မှုဟူသမျှကို ကျွန်တော်တို့ နိုင်နိုင်နင်းနင်း တရားစီရင်နိုင်တယ်
AK-01-26-2025
"ကျွန်တော်တို့ ULA/AA က ချမှတ်ထားတဲ့ စစ်သုံ့ပန်းဆိုင်ရာ စည်းမျည်းစည်းကမ်းတွေကိုလည်း အတိအကျ လိုက်နာကျင့်သုံးတဲ့ အဖွဲ့အစည်းဖြစ်ပါတယ်။ ဒါကြောင့်လည်းပဲ ထောင်ချီတဲ့စစ်သုံ့ပန်းတွေကို ဆေးဝါးကုသ ပေးပြီးတော့ ကျွန်တော်တို့ ကောင်းကောင်းမွန်မွန် ကျွေးမွေးစောင့်ရှောက်ထားတာ ဖြစ်ပါတယ်။ တရားစီရင်ရေးစနစ်နဲ့ပတ်သက်ပြီး ပြောရမယ်ဆိုရင်တော့ ကျွန်တော်တို့မှာ တရားဥပဒေတွေလည်းရှိတယ်၊ တရားရုံးတွေလည်းရှိတယ်၊ တရားစီရင်တဲ့လုပ်ထုံးလုပ်နည်းတွေလည်း ရှိပါတယ်၊ ဒါကြောင့် အာရက္ခပြည်အတွင်းမှာ တရားဥပဒေချိုးဖောက်ပြီးတော့ ကျူးလွန်တဲ့ပြစ်မှုဟူသမျှကို ကျွန်တော်တို့ နိုင်နိုင်နင်းနင်း တရားစီရင်နိုင်တယ်၊ တရားမျှတမှုရအောင်လည်း လုပ်ဆောင်ပေးနေပါတယ်။ ပြင်ပအကူအညီမလိုအပ်ပါဘူး" အာရက္ခတပ်တော် ပြောရေးဆိုခွင့် ရှိသူ ဦးခိုင်သုခမှ သတင်းထောက်များအား ဖြေကြားချက်။
#arakkhamedia
#Myanmar
#myanmarpolitical
#defance

"ရက္ခိုင်ဒေသ ပြန်လည်ထူထောင်ရေးနှင့် ကလေးသူငယ်ကဏ္ဍ"

အတွေးအမြင်ဆောင်းပါး
မောင်မိုးဇ - ရေးသားသည်။

ကလေးသူငယ်တွေဟာ ဒေသတစ်ခုရဲ့ နောင်အနာဂါတ်ဖြစ်တယ်ဆိုတာကို နိုင်ငံတိုင်း လက်ခံထားပြီးသားဖြစ်ပါတယ်။ ကမ္ဘာပေါ်က နိုင်ငံတွေမှာ နိုင်ငံရဲ့လူသားအရင်းအမြစ်တွေဖြစ်တဲ့ ကလေးသူငယ်တွေကို ပြုစုပျိုးထောင်ရေးနှင့် စောင့်ရှောက်ရေးလုပ်ငန်း နည်းမှန်၊ လမ်းမှန်ဖြစ်ဖို့ အစွမ်းကုန်ကြိုးပမ်းလာကြပါတယ်။

စစ်ရေး ပဋိပက္ခထဲ ဆယ်စုနှစ်နဲ့ချီ ပိတ်မိနေခဲ့တဲ့ ရက္ခိုင်ဒေသမှာ ကလေးသူငယ် ပြုစုပျိုးထောင်ရေးနဲ့ စောင့်ရှောက်ရေးလုပ်ငန်းဟာလည်း အရေးကြီးတဲ့ လုပ်ငန်းတရပ်အနေနဲ့ ရှိနေပါတယ်။ ဇန်နဝါရီလ ၂၂ ရက်နေ့က ကျောက်တော်မှာ လသားအရွယ် ကလေးတစ်ဦးကို မိခင်ကိုယ်တိုင် မွေးစားဖို့ပေးတဲ့ဖြစ်ရပ်ဟာ ရက္ခိုင်ဒေသတွင်း ကလေးသူငယ် စနစ်တကျ ပြုစုပျိုးထောင်ရေးနှင့် စောင့်ရှောက်ရေးလိုအပ်နေကြောင်း ဖော်ပြနေပါတယ်။

မိရင်းဘရင်းများက မစောင့်ရှောက်နိုင်တဲ့ ကလေးသူငယ်တွေကို အကြမ်းအားဖြင့် အခြားနည်းဖြင့် ပြုစုစောင့်ရှောက်ခြင်း (Alternative Care) နည်းလမ်းတွေနဲ့ စောင့်ရှောက်ကြပါတယ်။ အခြားနည်းဖြင့် ပြုစုစောင့်ရှောက်ခြင်းမှာ (က) ဆွေမျိုးသားချင်းများက ပြုစုစောင့်ရှောက်ခြင်း (Kinship Care)၊ (ခ) မိဘရင်းသဖွယ်ပြုစုရှောက်ခြင်း (Foster Care)နှင့် (ဂ) သင်တန်းကျောင်း အခြေပြုစောင့်ရှောက်ခြင်း ဆိုပြီး ရှိကြပါတယ်။

မြန်မာနိုင်ငံမှာကတော့ အကြောင်းအမျိုးမျိုးကြောင့် မိဘ(သို့) အုပ်ထိန်းသူမဲ့ ဖြစ်သွားရတဲ့ ကလေးသူငယ်တွေ၊ မိသားစုဝင်များတွေနှင့် အတူနေထိုင်ခွင့်မရရှိတဲ့ ကလေးသူငယ်တွေကို ကလေးပြုစုရေးနှင့် သင်တန်းကျောင်း၊ ကလေးသူငယ်စောင့်ရှောက်ရေး ဂေဟာတွေမှာ စောင့်ရှောက်ထားလေ့ရှိပါတယ်။

သတိထားစရာအနေနဲ့က​တော့ ကလေးသူငယ်တွေဟာ မိသားစုဆွေမျိုးသားချင်းနှင့် ရပ်ရွာပတ်ဝန်းကျင်တွေမှာ နေထိုင်ကြီးပြင်းခြင်းသာ အကောင်းဆုံးဖြစ်ပြီး သင်တန်းကျောင်း/ဂေဟာများသို့ ပို့အပ်စောင့်ရှောက်ခြင်းကို မဖြစ်မနေမှသာ နောက်ဆုံးနည်းလမ်းအဖြစ် အသုံးပြုသင့်တယ်လို့ ပညာရှင်တွေက ထောက်ပြကြပါတယ်။

◼ အချက်အလက်များက ပြောသော ရက္ခိုင်ဒေသမှ ကလေးသူငယ်များ အခြေအနေ

၂၀၁၅-၂၀၁၆ ခုနှစ်မှာ ကျန်းမာရေးဝန်ကြီးဌာနနှင့် USAID မှ Myanmar Demographic Health Survey (MDHS)ကို တစ်နိုင်ငံလုံးအတိုင်းအတာအားဖြင့် ကောက်ယူခဲ့ပါတယ်။ အဆိုပါ MDHS အချက်အလက်များအရ ရက္ခိုင်ဒေသရဲ့ ကလေးငယ် ၃၅ ရာခိုင်နှုန်းဟာ အစာအဟာရမပြည့်ဝမှုကြောင့် ပုညှက်နေတယ်လို့ ဆိုပါတယ်။ ဒီပမာဏဟာ တစ်နိုင်ငံလုံးမှာ ကလေးသူငယ်ပုညှက်မှုနှုန်းအမြင့်ဆုံးဒေသတခုအဖြစ် ရပ်တည်နေတာဖြစ်ပါတယ်။

ကိုယ်ဝန်ဆောင် အမျိုးသမီးတွေဟာ ကိုယ်ဝန်ဆောင်စဥ်နဲ့ ကလေးမွေးဖွားစဥ်မှာ အစာအဟာရမပြည့်ဝကြဘူးလို့လည်း အဆိုပါ MDHS အချက်အလက်က ဆိုပါတယ်။ နောက်ထပ် တချက်က​တော့ အမျိုးသမီး ၂၂ ရာခိုင်နှုန်းဟာ ကိုယ်ဝန်ဆောင်စဥ်နဲ့ ကလေးမွေးဖွားစဥ်ကာလအတွင်း ( Physical Violence) ရုပ်ပိုင်းဆိုင်ရာ အကြမ်းဖက်မှုခံခဲ့ရပြီး ၉ ရာခိုင်နှုန်းဟာ (Sexual Violence) လိင်ပိုင်းဆိုင်ရာ အကြမ်းဖက်မှုခံခဲ့ရတယ်လို့ဖော်ပြထားပါတယ်။

ဒါကြောင့်လည်း ၂၀၁၇ ခုနှစ်ကစတင်ပြီး ရက္ခိုင်ဒေသတွင်း ကိုယ်ဝန်ဆောင်များနှင့်အသက် (၂) နှစ်အောက်ကလေးသူငယ်များအား ငွေကြေးထောက်ပံ့ပေးရေးအစီအစဥ် (Maternal and Child Cash Transfer Program- MCCT) ကို အကောင်အထည်အဖော်ဆောင်ရွက်ပြီး ကိုယ်ဝန်ဆောင်စကနေ ကလေး အသက် ၂ နှစ်ပြည့်တဲ့အထိ အစာအဟာရကြွယ်ဝပြီး ဦးနောက်စွမ်းရည်ပိုင်း ဖွံ့ဖြိုးစေဖို့ ယခင်အစိုးရက ထောက်ပံ့ကြေးပေးခဲ့ပါတယ်။

သို့ပေမယ့် နိုင်ငံတွင်း စာတတ်မြောက်မှုအနိမ့်ဆုံးဒေသမှာ အစာအဟာရပိုင်းနဲ့ပတ်သက်တဲ့ အသိပညာလုံလုံလောက်မရရှိတာတွေအပြင် အုပ်ချုပ်ရေးမှူးနဲ့ အစိုးရဝန်ထမ်းတချို့ရဲ့ အကျင့်ပျက်ခြစားမှုတွေကြောင့် ရက္ခိုင်ဒေသက MCCT program ဟာ ထင်သလောက် မအောင်မြင်ခဲ့ပါဘူး။

ကုလသမဂ္ဂအဖွဲ့တွေနဲ့ နိုင်ငံတကာအဖွဲ့တွေကတော့ ပဋိပက္ခထဲ နှစ်ပေါင်း ဆယ်စုနှစ်နဲ့ချီ ပိတ်မိနေခဲ့သော ရက္ခိုင်ဒေသမှာ ကိုယ်ဝန်ဆောင်မိခင်တွေနှင့် ကလေးသူငယ်တွေဟာ အစာအဟာရချို့တဲ့မှု ပြဿနာနဲ့ ငတ်မွတ်ခေါင်းပါးမှုဒဏ်ကို ခံစားနေရကြောင်း သတိပေးထားပါတယ်။

◼ ကလေးဘဝ ရှေ့ဆောင် ရက် ၁၀၀၀

ဘဝတစ်လျောက်လုံး ဦးနောက်စွမ်းရည်ပိုင်းနဲ့ ခန္ဓာကိုယ်ဖွံ့ဖြိုးမှုဟာ ကိုယ်ဝန််ဆောင်စဥ်မှ ကလေးအသက် (၂)နှစ်ပြည့်တဲ့ထိ လူ့ဘဝရဲ့အစော ရက်(၁၀၀၀)မှာ အခြေခံတယ်လို့ ပညာရှင်တွေက ဆိုပါတယ်။ ဒါကြောင့် ကိုယ်ဝန်ဆောင်စဥ်နဲ့ ကလေး အသက် (၂)နှစ်ကာလအတွင်း လုံလောက်တဲ့ အစာအဟာရတွေ ရရှိဖို့လိုအပ်ပါတယ်။ ဒါမှသာ ဦးနောက်စွမ်းရည်ပိုင်းနဲ့ ခန္ဓာကိုယ်ဖွံ့ဖြိုးမှုတွေကို အထောက်အကူပြုနိုင်မှာပါ။

ကမ္ဘာ့ကုလသမဂ္ဂအဖွဲ့အစည်းတချို့ကတော့ ရက္ခိုင်ဒေသရဲ့ လူဦးရေ ၆ သိန်းခန့်ဟာ လာမည့်နှစ်အတွင်း ငတ်မွတ်ခေါင်းပါးမှုနှင့်ကြုံတွေ့နိုင်ကြောင်း သတိပေးထားပါတယ်။ ဒါဟာလည်း နဂိုကတည်းက အစာအဟာရလုံလုံလောက်လောက် မရရှိတဲ့ ရက္ခိုင်ဒေသက ကလေးသူငယ်တွေအပေါ် များစွာ သက်ရောက်မှုရှိလာနိုင်ပါတယ်။

ကလေးသူငယ်တွေဟာ ဦးနှောက်စွမ်းရည်ပိုင်းနဲ့ခန္ဓာကိုယ် ဖွံ့ဖြိုးတိုးတက်ရေးအတွက် အစာအဟာရကဏ္ဍကို မျက်ကွယ်ပြုလို့ မရနိုင်ပါဘူး။ အနာဂါတ်မှာ နိုင်ငံတာဝန်ကို လက်လွဲ ယူလာကြမယ့် လက်ရှိကလေးသူငယ်တွေကို ဘဝရှေ့ဆောင် ရက် ၁၀၀၀ ကာလအတွင်း အစာအဟာရပိုင်း လုံလုံလောက်လောက်ရရှိစေဖို့ စီမံကိန်းတွေနဲ့ အကောင်အထည်ဖော်ဆောင်ရွက်ကြဖို့ လိုအပ်ပါတယ်။

◼ ကလေးသူငယ်စောင့်ရှောက်ရေး နည်းလမ်းများ

အခြားနည်းဖြင့် ပြုစုစောင့်ရှောက်ခြင်း (Alternative Care) ဆိုတာ အခြေအနေ တစ်ရပ်ရပ်ကြောင့် မိရင်းဖရင်းပြုစုစောင့်ရှောက်မှုဆုံးရှုံးသွားသော (သို့) မရရှိသော ကလေးသူငယ်တွေကို အား မိရင်းဖရင်းလို ပြုစုစောင့်ရှောက်မှု နည်းလမ်းတစ်ခုခုနဲ့ ပြုစုစောင့်ရှောက်ခြင်း ဖြစ်ပါတယ်။ ဒီအထဲမှာ ဆွေမျိုးသားချင်းများက ပြုစုစောင့်ရှောက်ခြင်း၊ သင်တန်းကျောင်း အခြေပြု ပြုစုစောင့်ရှောက်ခြင်း၊ ယာယီပြုစုစောင့်ရှောက်ခြင်း စတဲ့ နည်းလမ်းတွေ ပါဝင်ပါတယ်။

ကလေးပြုစုရေး၊ သင်တန်းကျောင်း၊ ဂေဟာတွေမှာ စောင့်ရှောက်ခြင်းဆိုတာ စွန့်ပစ်ကလေး၊ လမ်းပေါ်နေကလေးတွေနဲ့ အခြေအနေတရပ်ရပ်ကြောင့် ပြုစုစောင့်ရှောက်ဖို့လိုအပ်တဲ့ ကလေးသူငယ်တွေကို အဆိုပါကျောင်းတွေမှာ အခြေပြုပြီး ကျန်းမာဖွံံ့ဖြိုးရေး၊ စိတ်ပိုင်းဆိုင်ရာ ၊ စာရိတ္တပိုင်းဆိုင်ရာ ဘက်စုံဖွံ့ဖြိုးမှုရရှိစေဖို့ အခြေခံအလေ့အကျင့်ကောင်းတွေနဲ့အတူ စနစ်တကျပြုစုပျိုးထောင် စောင့်ရှောက်ခြင်းကို ဆိုလိုပါတယ်။

သို့ပေမယ်လည်း သင်တန်းကျောင်းအခြေပြုစောင့်ခြင်းဟာ ကလေးသူငယ်ဖွံ့ဖြိုးအတွက် လိုအပ်သည့် ချစ်ခြင်းမေတ္တာ ၊ ပတ်ဝန်းကျင်နှင့်ထိတွေ့ဆက်ဆံမှုတို့ကို မရရှိတာကြောင့် သင်တန်းကျောင်းသို့ ပို့အပ်စောင့်ရှောက်ခြင်းကို မဖြစ်မနေမှသာ နောက်ဆုံးနည်းလမ်းအဖြစ် အသုံးပြုသင့်တယ်လို့ ပညာရှင်တွေက ထောက်ပြထားကြပါတယ်။

ဆွေမျိုးသားချင်းများက ပြုစုစောင့်ရှောက်ခြင်း (Kinship Care) ဆိုတာ ကလေးသူငယ်၏ ဆွေမျိုးရင်းချာများက တရားဝင်ဖြစ်စေ၊ အလွတ်သဘောဖြစ်စေ ခေါ်ယူစောင့်ရှောက်ခြင်း ဖြစ်ပါတယ်။

မိဘအရင်းသဖွယ်ပြုစုစောင့်ရှောက်ခြင်း (Foster Care) ဆိုသည်မှာ စိစစ်ကြီးကြပ်ရေးအဖွဲ့က စီမံခန့်ခွဲပြီး အရေးပေါ်ကာလ၊ ကာလတိုနှင့် ကာလရှည်အဖြစ် ကလေးသူငယ်များအား ဆွေမျိုး တော်စပ်မှုမရှိတဲ့ မိသားစုများက မိဘအရပြုစုစောင့်ရှောက်ခြင်းကိုဆိုလိုပါတယ်ယင်းသဖွယ်ပြုစု စောင့်ရှောက်ခြင်းမှာ အလွတ်သဘောစောင့်ရှောက်ခြင်းနှင့် တရား၀င်စောင့်ရှောက်ခြင်းတို့ ပါဝင်ပါသေးတယ်။

Terre des hommes-Lausanne(Tdh-L) အဖွဲ့ကတော့ ၂၀၁၅ခုနှစ်မှ စတင်ပြီး မိသားစု(သို့) ဆွေမျိုးသားချင်းတွေရဲ့ စောင့်ရှောက်မှုကို လုံးဝမရရှိနိုင်သည့် ကလေးသူငယ်တွေအတွက် ရပ်ရွာအတွင်း သင့်လျော်တဲ့ အုပ်ထိန်းသူအား ရွေးချယ်၍ ပြစုစောင့်ရှောက်ပေးတဲ့ လုပ်ငန်းစဉ်ကို ရန်ကုန်တိုင်းနှင့် မန္တလေးတိုင်းတွေမှာ လက်တွေ့အကောင်အထည်ဖော်ဆောင်ရွက်ခဲ့တယ်လို့ ဆိုတယ်။ အဆိုပါစောင့်ရှောက်မှုလုပ်ငန်းဟာ အောင်မြင်တယ်လို့လည်း သိရပါတယ်။

ကလေးသူငယ်တွေအတွက် အကောင်းဆုံးအကျိုးစီးပွားဆိုတာ ကလေးသူငယ်၏ အသက်ရှင်သန်ရေး၊ ဖွံ့ဖြိုးတိုးတက်ရေး၊ ကာကွယ်စောင့်ရှောက်မှုရရှိရေးနှင့် လူမှုအဖွဲ့အစည်းတွေမှာ ပါ၀င်ဆောင်ရွက်ခွင့် ရရှိစေရေးတို့ဖြစ်ပါတယ်။ ယင်းအပြင် ကလေးသူငယ်၏ ရုပ်ပိုင်းဆိုင်ရာ၊ စိတ်ပိုင်းဆိုင်ရာ၊ အကျိုးဖြစ်ထွန်းမှု အများဆုံး ဖြစ်စေသည့် ကလေးသူငယ်အခွင့်အရေးများ ရရှိခံစားရေးတို့ဖြစ်ပါတယ်။

နိဂုံးအားဖြင့် ပဋိပက္ခအတွင်း နှစ်ပေါင်းဆယ်စုနှစ်နှင့်ချီပိတ်မိနေခဲ့သော ရက္ခိုင်ဒေသမှာ စစ်ရေးကာလအတွင်း ခိုကိုးရာမဲ့သွားတဲ့ ကလေးသူငယ်တွေ၊ ဆင်းရဲနွမ်းပါးမှုကြောင့် ကလေးသူငယ်အခွင့်အရေး (အစာအဟာရချို့တဲ့မှု၊ ပညာရေး၊ ကျန်းမာရေး) လျစ်လျူခံထားရတဲ့ ကလေးသူငယ်တွေ အများကြီးပါပဲ။ ဒီကလေးသူငယ်တွေကို မိဘရင်းသဖွယ်ပြုစုရှောက်ခြင်းနဲ့ စနစ်တကျပြုစုပျိုးထောင် စောင့်ရှောက်ပေးရင် လူသားအရင်းအမြစ်ကို မြှင့်တင်ရာရောက်ပါတယ်။

သဘာဝဘေးကြောင့်ဖြစ်ဖြစ်၊ စစ်ပွဲကြောင့်ဖြစ်ဖြစ်၊ အခြားတခုခုကြောင့်ဖြစ်ဖြစ် မိဘမဲ့ဖြစ်ခဲ့ရသော ကလေးသူငယ်များ၊ ဆင်းရဲနွမ်းပါးမှုကြောင့်ဖြစ်ဖြစ် ၊ တခြားကိစ္စတခုခုကြောင်းဖြစ်ဖြစ် အထူး စောင့်ရှောက်ရန်လိုအပ်တဲ့ ကလေးသူငယ်တွေကို နည်းမှန်၊ လမ်းမှန်နဲ့ ပြုစုပျိုးထောင် စောင့်ရှောက်ကြရမှာပါတယ်။ ယခုအချိန်မှာ ကလေးသူငယ်တွေကို နည်းမှန်၊ လမ်းမှန်နဲ့ ပြုစုပျိုးထောင်စောင့်ရှောက်ပေးနိုင်မှ အနာဂါတ်အတွက် အဖိုးတန် ရတနာတွေဖြစ်လာမယ်ဆိုတာကို အားလုံး လက်ခံထားကြဖို့ ​​​မျှော်လင့်ရင်း နိဂုံးချုပ်အပ်ပါတယ်။

မောင်မိုးဇ
One Nation News @topfans AK-Media Live

လက်ရှိအချိန်ထိ ရက္ခိုင်ဒေသ (၉၀) ရာခိုင်နှုန်းအထိကို အာရက္ခတပ်တော်က ထိန်းသိမ်းနိုင်ပြီဆိုပေမယ့် ပြန်လည်နေရာချထားရေးနဲ့ ထူထောင်ရေးကဏ္ဍ၊ လူမှုသဟဇာတဖြစ်ရေးကဏ္ဍ၊ စီးပွားရေးကဏ္ဍ၊ ပညာရေး၊ကျန်းမာရေးကဏ္ဍနှင့် လမ်းပန်းဆက်သွယ်ရေးကဏ္ဍတွေဟာ အာရက္ခပြည်သူလူထုတစ်ရပ်လုံး အင်တိုက်အားတိုက် ဆက်တိုက်ရမယ့် စစ်ပွဲတရပ်အဖြစ် ဖြစ်တည်နေပါတယ်။

ပညာကိုအခြေခံတဲ့ လူမှုပတ်ဝန်းကျင်တစ်ခုဖြစ်ဖို့ အာရက္ခပြည်သူလူထုတစ်ရပ်လုံး ဝိုင်းဝန်းကြိုးစားမှ ရပါမယ်။ ပြည်သူလူထုတစ်ရပ်လုံးကို အဖိုးတန် နိုင်ငံ့သားကောင်းရတနာတွေဖြစ်ကြဖို့နဲ့ ခေတ်မီတဲ့ကမ္ဘာကြီးထဲ လူဝင်ဆန့်ဖို့ ကြိုးစားဖို့ လိုအပ်ပါတယ်။ အဆိုပါစိန်ခေါ်မှုတွေကို ဖြေရှင်းနိုင်ရင်တော့ ပထဝီနိုင်ငံရေးအားသာချက်ရှိပြီးသားဖြစ်တဲ့ အာရက္ခဒေသဟာ ကမ္ဘာ့အလယ်မှာ အချိန်တိုအတွင်း လက်မ,ထောင်နိုင်မှာ ဧကန်မလွဲပါကြောင်း တင်ပြအပ်ပါတယ်။

မောင်မိုးဇ
အာရက္ခမီဒီယာ

One Nation News
@topfans ᴀʀᴀᴋᴋʜᴀ ᴍᴇᴅɪᴀ AK-Media Live

"ပစ္စုပ္ပန်နှင့် အနာဂတ်မှာ ရက္ခိုင်တွေ ထပ်တိုက်ရမယ့် စစ်"

သတင်းဆောင်းပါး
မောင်မိုးဇ -ရေးသားသည်။

မြန်မာနိုင်ငံရဲ့ အနောက်ဖက်အစွန် ဘင်္ဂလားပင်လယ်အော်ဘေးမှာ တည်ရှိတဲ့ ရက္ခိုင်ပြည်ဟာ အလွန်လှပသာယာတဲ့ ဒေသတခု ဖြစ်ပါတယ်။ ရက္ခိုင်​ဒေသမှာ လယ်ယာစိုက်ပျိုးရေးအတွက် လွင်ပြင်ကြီးများ၊ သားငါးပုစွန်ပေါများတဲ့ မြစ်ချောင်းအင်းအိုင်များ၊ ပထဝီနိုင်ငံရေးအရ အိန္ဒိယသမုဒ္ဒရာထွက်ပေါက်ဖြစ်နေတာကြောင့် အင်အားကြီးနိုင်ငံတွေကပါ မျက်စိကျစရာနေရာဖြစ်နေပါတယ်။

ရက္ခိုင်ဒေသမှာ မြို့နယ် ၁၇ ခုရှိပြီး လက်ရှိ ရက္ခိုင်ဒေသက မြို့နယ်အများစုဖြစ်တဲ့ (၁၄)မြို့နယ်၊ ရက္ခိုင်ဒေသရဲ့ နယ်မြေ ၉၀ ရာခိုင်နှုန်းကို တော်လှန်ရေးတပ်ဖွဲ့ အာရက္ခတပ်တော် AA က သိမ်းပိုက် ထိန်းချုပ်ထားပါတယ်။ စစ်ရေးပဋိပက္ခဒဏ်ကို (၁၀) စုနှစ်ကြာ ခံစားခဲ့ရပြီး နိုင်ငံတွင်း ဖွံ့ဖြိုးမှု အနိမ့်ဆုံး၊ ဆင်းရဲနွမ်းပါးမှုနှုန်းအမြင့်ဆုံးနဲ့ ကုန်စျေးနှုန်း အမြင့်မားဆုံးဒေသတခုဖြစ်နေတဲ့ ရက္ခိုင်ဒေသကို ပြန်လည်ထူထောင်ရေးဟာ ထင်သလောက်မလွယ်ကူနိုင်ပါဘူး။

ရက္ခိုင့်တော်လှန်ရေးတပ် အာရက္ခတပ်တော်ဟာ များမကြာမီ ရက္ခိုင်ဒေသတခုလုံးကို ထိန်းချုပ်နိုင်လိမ့်မယ်လို့ နိုင်ငံရေးနဲ့ စစ်ရေးလေ့လာသူတွေက ထုတ်ပြောထားကြပါတယ်။ သို့သော်လည်း ဗမာအစိုးရအဆက်ဆက်လက်အောက်မှာ ပညာရေးအဆင့်အတန်းနိမ့်ကျပြီး အကျင့်ပျက်ခြစားမှု၊ လာဘ်ပေးလာဘ်ယူမှု၊ အဂတိလိုက်စားမှု၊ မူးယစ်ဆေးဝါးရောင်းဝယ်ဖောက်ကားမှုလုပ်ငန်းတွေနဲ့ ထွန်းကားပြီးသား ဒေသတခုဖြစ်တာကြောင့် ရက္ခိုင်ပြည်သူ၊ ပြည်သားတွေရဲ့အနာဂတ်အတွက် တိုက်ရမယ့် စစ်များဟာ ဆီးကြိုစောင့်ဆိုင်းနေပါတယ်။

◼ ပြန်လည်နေရာချထားရေးနှင့် ပြန်လည်ထူထောင်ရေး

Internal Displacement Camps(IDPs) တွေဟာ ၂၀၁၂ ခုနှစ် အရေးအခင်းကတည်းက ရက္ခိုင်ဒေသထဲ ရှိခဲ့တာပါ။ နောက်ပြီး ၂၀၁၈ ခုနှစ် နောင်းပိုင်းကာလ အာရက္ခတပ်တော်နှင့် မြန်မာစစ်တပ်တို့ကြား ဖြစ်ပွားခဲ့တဲ့ တိုက်ပွဲတွေကစပြီး ဒေသခံတွေဟာ စစ်ဒဏ်ကြောင့် ဘေးလွတ်ရာသို့ နေရပ်စွန့်ခွာတိမ်းရှောင်နေကြရပါတယ်။ နိုဝင်ဘာ ၁၁ ရက်နေ့မှာ အာရက္ခတပ်တော် AAရဲ့ ထုတ်ပြန်ချက်တွေအရ ရခိုင်ပြည်အတွင်း နေရပ်စွန့်ခွာစစ်ရှောင်နေသူ ၆သိန်းခန့်ရှိပြီး လူသားချင်းစာနာထောက်ထားမှုအကူအညီများ အရေးပေါ်လိုအပ်နေကြောင်း ဆိုပါတယ်။

အာရ​က္ခတပ်တော်နှင့် စစ်ကောင်စီတပ်တို့ ဖြစ်ပွားတဲ့ စစ်ဘေးဒဏ်ကြောင့် မြို့ပေါ်ရပ်ကွက်တွေနှင့် ကျေးရွာတွေမှာ အရပ်သားလူနေအိမ်၊ ပြည်သူပိုင်အဆောက်အဦသိန်းချီ ပျက်စီးဆုံးရှုံးခဲ့ရပါတယ်။ စစ်ရေးကာလပြီးလို့ ပြန်လည်ထူထောင်ရေးလုပ်တဲ့အချိန်မှာ အရပ်သားပြည်သူလူထုတွေအနေနှင့် လူ့ဂုဏ်သိက္ခာရှိစွာ နေထိုင်နိုင်ရေးအတွက် စိန်ခေါ်မှု တစ်ရပ်ဖြစ်လာနိုင်ပါတယ်။

ရက္ခိုင်ဒေသရဲ့ ပြန်လည်နေရာချထားရေးနဲ့ ပြန်လည်ထူထောင်ရေးကို နိုင်ငံတကာအဖွဲ့အစည်းများအနေနဲ့ အကူအညီပေးဖို့ လိုအပ်ပါတယ်။ ယင်းအပြင် နိုင်ငံတကာကိုရောက်ရှိနေတဲ့ ရက္ခိုင်လူမျိုးပညာတတ်တွေကလည်း ရက္ခိုင်ဒေသပြန်လည်ထူထောင်ရေးလုပ်ငန်းတွေမှာ တာဝန်သိစိတ်နဲ့ပူးပေါင်းပါဝင်ပေးကြဖို့လည်း လိုအပ်ပါတယ်။

◼ လူမှုသဟဇာတဖြစ်ရေး

နိုင်ငံတကာစာမျက်နာပေါ်မှာ ရက္ခိုင်ဒေသဟာ ပဋိပက္ခထူပြောတဲ့ ဒေသတခုအဖြစ် ရှုမြင်ကြသလို ရက္ခိုင်တွေဟာ မွတ်ဆလင်လူမျိုးတွေအပေါ် အနိုင်ကျင့် ဗိုလ်ကျတယ်လို့ ရှုမြင်ကြပါတယ်။ စစ်ကောင်စီ အာဏာတည်မြဲရေးအတွက် ဖန်တီးခဲ့တဲ့ ဘာသာရေး၊ လူမျိုးရေး အဓိကရုဏ်းတွေရဲ့ သက်ရောက်မှုဟာ နှစ်ဖက်အသိုင်းအဝိုင်းအပေါ် လက်ရှိအချိန်ထိ ယုံကြည်မှုတည်ဆောက်ဖို့ ခက်ခဲနေဆဲဖြစ်ပါတယ်။

ဒါကြောင့် ရက္ခိုင်ဒေသအတွင်း ဗုဒ္ဓဘာသာကိုးကွယ်သူတွေနဲ့ မွတ်ဆလင်တွေအကြား လူမှုသဟဇာတဖြစ် ရေးဟာ တည်ဆောက်ဖို့ လိုအပ်ဆဲ ယန္တရားတစ်ခုအဖြစ် ရှိနေပါသေးတယ်။ ၁၉၈၂ နိုင်ငံသားဥပဒေအရ နိုင်ငံသားဖြစ်ခွင့်ရရေး လက်ရှိအချိန်ထိ ငြင်းခံနေရတဲ့ မူဆလင်တွေအနေနဲ့ အာရက္ခတပ်တော်နဲ့ ပြေပြေလည်လည်ဖြစ်ဖို့ လိုအပ်ပါလိမ့်မယ်။ ဒါမှသာ နိုင်ငံသားဖြစ်ခွင့်နဲ့ နိုင်ငံသားအခွင့်အရေးတွေကို ရရှိနိုင်မှာ ဖြစ်ပါတယ်။

သို့ပေမယ့်လည်း လက်ရှိအချိန်ထိ လက်နက်ကိုင်ဆောင်ပြီး ရက္ခိုင်ဒေသမြောက်ပိုင်းမှာ အရပ်သားပြည်သူလူထုကို ပစ်မှတ်ထားတိုက်ခိုက်နေတဲ့ အစ္စလာမ်မစ် အစွန်းရောက် အဖွဲ့တွေရှိနေသေးတာကြောင့် ရက္ခိုင်နှင့် မူဆလင်တွေကြား လူမှုသဟဇာတဖြစ်ရေးဟာ အလှမ်းကွာနေမှာ ဖြစ်ပါတယ်။ အတူယှဥ်တွဲနေထိုင်ရေး (Social Harmony) ၊ လူမှုသဟတဖြစ်ရေး (Social Cohesion) ကို လိုလားပါက မူဆလင်များအနေနဲ့ အာရက္ခတပ်တော်နှင့် ပူးပေါင်းဆောင်ရွက်ကြဖို့ လိုအပ်ပါမယ်။

◼ ပြန်တည်ဆောက်ရမယ့် အစိုးရယန္တရား

အာရက္ခတပ်တော်ဟာ ရခိုင်ဒေသအတွင်း နယ်မြေထိန်းချုပ်မှုတွေ ပိုမိုသိမ်းပိုက်ရရှိလာပါတယ်။ သတင်းအချက်အလက်တွေအရ အာရက္ခတပ်တော်ဟာ ၂၀၂၁ ကာလလောက်ကတည်းက ဒေသအုပ်ချုပ်ရေးအစီအမံကို အကောင်အထည်ဖော် လုပ်ဆောင်လာတယ်လို့ ဆိုပါတယ်။ သို့သော်လည်း အတွေ့အကြုံပိုင်း၊ လူသားအရင်းအမြစ်ပိုင်းတွေအရ လိုအပ်မှုတချို့ရှိတာကြောင့် အုပ်ချုပ်စီမံရေးပိုင်းကိစ္စတွေမှာ လိုအပ်မှုရှိနေဆဲလို့ သုံးသပ်နိုင်ပါတယ်။

အဆိုပါ လိုအပ်မှုရှိတာကို အခွင့်ကောင်းယူပြီး အာရက္ခတပ်တော်အပေါ် အတိုင်းထက်အလွန်အပြစ်ဖို့နေကြတာလည်း တွေ့နိုင်ပါတယ်။ ဒီအထဲအနည်းငယ်ခွဲခြမ်းစိတ်ဖြာရရင် ယခင်အစိုးရဝန်ထမ်းဟောင်းများ၊ အာရက္ခအမျိုးသားအဖွဲ့ချုပ်ရဲ့ အုပ်ချုပ်ရေးယန္တရားထဲ နေရာမရရှိသူများ၊ တော်လှန်ရေးစိတ်ဓာတ်မရှိသူ (သို့) လူတန်းစားအသိစိတ်မရှိသူတွေကို မြင်တွေ့ရပါတယ်။

ဘယ်နိုင်ငံမှာမဆို တော်လှန်ရေး အစိုးရသစ်တရပ်အနေဖြင့် ယန္တရားလည်ပတ်မှုမှာ လိုအပ်မှုရှိမှာပဲ ဖြစ်ပါတယ်။ ဒါတွေကို အာရက္ခပြည်သူလူထုတရပ်လုံးက အကောင်းဆုံးတည်ဆောက်ကြရမှာ ဖြစ်ပါတယ်။ စစ်ကောင်စီရဲ့ အစိုးရယန္တရားဟာ နှစ်ပေါင်းဆယ်နှစ်ချီ အကျင့်ပျက်ခဲ့ပါတယ်။ ဒါကိုအမြစ်ဖြတ်ဖို့ လက်ရှိ တာဝန်ရှိသူအဆင့်ဆင့်အနေနှင့်လည်း အစိုးရယန္တရားထဲ လာဘ်ပေးလာဘ်ယူကိစ္စ၊ အကျင့်ပျက်ခြစားမှု၊ အဂတိလိုက်စားမှုတွေကို တင်းတင်းကျပ်ကျပ် စိစစ်အရေးယူဆောင်ရွက်ရန် လိုအပ်ပြီး SMART ကျတဲ့ အစိုးရတရပ်ဖြစ်အောင် တည်ဆောက်ကြရမှာဖြစ်ပါတယ်။

◼ စီးပွားရေးကဏ္ဍ

စစ်အစိုးရအဆက်ဆက် ရက္ခိုင်ဒေသမှာ စက်ရုံ၊ အလုပ်ရုံ ထူထောင်ပေးခြင်းနဲ့ အလုပ်အကိုင်အခွင့်အလမ်းကဏ္ဍတွေကို မျက်ကွယ်ပြုခဲ့ကြပါတယ်။ ပုဏ္ဏားကျွန်းစက်မှုဇုံ ၊ ကျောက်ဖြူစီးပွားရေးစီမံကိန်းတို့ဟာလည်း လက်ရှိအချိန်ထိ လေပေါ်မှာ ကွယ်ပျောက်နေဆဲ ဖြစ်နေပါတယ်။

ရက္ခိုင်ဒေသဟာ ကုန်ကြမ်းထုတ်လုပ်မှုအားကောင်းပေမယ့် ကုန်ချောထုတ်လုပ်နိုင်ခြင်း အင်မတန်ရှားပါးပါတယ်။ ဒါကြောင့် ရက္ခိုင်ဒေသမှာ ကြွယ်ဝတဲ့ ပင်လယ်စာတို့လို ကုန်ကြမ်းတွေကို ကုန်ချောထုတ်လုပ်နိုင်ဖို့ အရေးကြီးပါတယ်။

ဒါကြောင့် ရက္ခိုင်ပြည် ပြန်လည်တည်ဆောက်ရေးမှာ တနိုင်တပိုင် စီးပွားရေးလုပ်ငန်းတွေနဲ့ ခေတ်မီကိုယ်ပိုင်လုပ်ငန်းတွေ လုပ်ကိုင်နိုင်ရေး ပညာရှင်တွေရဲ့အကူအညီတွေကိုရယူကာ စနစ်တကျမွေးထုတ်ပေးဖို့ လိုအပ်ပါတယ်။ စီးပွားရေးစနစ်ကောင်းမွန်ခြင်းဟာ ဒေသဖွံ့ဖြိုးတိုက်တက်းရေး၊ တည်ငြိမ်အေးချမ်းရေးတွေနဲ့ ချိတ်ဆက်နေတာကို သတိပြုဖို့ လိုအပ်ပါတယ်။

◼ ပညာရေးနှင့် ကျန်းမာရေးကဏ္ဍ

မြန်မာနိုင်ငံရဲ့ ပညာရေးအဆင့်အတန်းကတော့ အားလုံးသိကြတဲ့အတိုင်း အတော်လေး ညံ့ဖျင်းပါတယ်။ ဒီပညာရေးစနစ်က မွေးထုတ်ပေးထားတဲ့ ပညာတတ်လူတန်းစားဟာလည်း နိုင်ငံတကာနဲ့ရင်ဘောင်တန်းနိုင်ဖို့ ဘယ်လိုမှ မဖြစ်နိုင်ပါဘူး။ ဒါကြောင့် နိုင်ငံတကာအဆင့်အတန်းမီတဲ့ ပညာရေးစနစ်တခုကို အရေးတကြီးအကောင်အထည်ဖော်ကြဖို့ လိုအပ်ပါတယ်။

အလားတူမြန်မာနိုင်ငံရဲ့ ကျန်းမာရေးအဆင့်အတန်းဟာလည်း အရည်အသွေးမပြည့်မီပါဘူး။ ဆေးရုံ၊ ဆေးပေးခန်းတွေ လိုအပ်သလို ပရော်ဖက်ရှင်နယ်ကျတဲ့ ကျန်းမာရေးဝန်ထမ်းတွေ မွေးထုတ်ပေးဖို့လိုအပ်ပါတယ်။ ၂၀၁၅-၂၀၁၆ ခုနှစ်မှာ ကောက်ယူခဲ့တဲ့ Myanmar Demographic Health Servey (MDHS) အရ ရက္ခိုင်ဒေသဟာ ကိုယ်ဝန်ဆောင်အမျိုးသမီးများနှင့် မွေးကင်းစကလေးငယ်များ အဟာရချို့တဲ့မှု၊ ခန္ဓာကိုယ်ပုညှက်မှုအမြင့်ဆုံးဒေသတခုလို့ ဖော်ပြထားပါတယ်။

လူဦးရေ စုစုပေါင်း (၃)သန်းကျော်သာရှိသော ဒေသအတွက် လူ့စွမ်းအားအရင်းအမြစ်ကို ဦးစားပေးဆောင်ရွက်နိုင်မှ နောင်တစ်ချိန် အာရက္ခပြည်သူတစ်ရပ်လုံး မက်ခဲ့တဲ့ ရက္ခိတအိပ်မက်ကို အကောင်အထည်ဖော်နိုင်မှာပဲ ဖြစ်ပါတယ်။ ပြည်သူလူထုတရပ်လုံး ကျန်းမာရေးစောင့်ရှောက်မှု လက်လှမ်းမီစေရေး ကျန်းမာရေးဝန်ဆောင်မှုလုပ်ငန်းမျိုး တည်ဆောက်ကြဖို့လိုအပ်ပါတယ်။

၂၁ ရာစုရဲ့ ကမ္ဘာကြီးဟာ အရှိန်အဟုန်နဲ့ ဖွံ့ဖြိုးတိုးတက်လာနေပါတယ်။ ခေတ်မီ ကမ္ဘာကြီးထဲ လူဝင်ဆန့်ဖို့ ခေတ်ပညာတတ်အသိုင်းအဝိုင်းတွေလိုအပ်ပါတယ်။ ပညာဖြင့် တည်ဆောက်ထားတဲ့ လူမှုပတ်ဝန်းကျင် တစ်ရပ်ဖြစ်ဖို့ အာရက္ခပြည်သူတစ်ရပ်လုံး အတွေးအခေါ်ကောင်းကောင်းနဲ့ အမြင်ကျယ်ဖို့ လိုအပ်ပါတယ်။ လူသားတန်ဖိုးမြှင့်မားဖို့နဲ့ ဥပဒေစည်းမျဥ်း၊ စည်းကမ်းတွေကို လိုက်နာပြီး နိုင်ငံနဲ့လူမျိုးအပေါ်ချစ်တဲ့ နိုင်ငံသားကောင်းတွေပေါ်ထွက်လာဖို့ ပညာရေးကသာ လမ်းပြလုပ်ဆောင်နိုင်တယ်ဆိုတာ သတိပြုကြဖို့လိုအပ်ပါတယ်။

◼ လမ်းပန်းဆက်သွယ်ရေး

နဂိုကတည်းက ရက္ခိုင်ဒေသဟာ လမ်းပန်းဆက်သွယ်ရေး အင်မတန်ခက်ခဲဲတဲ့ ဒေသတစ်ခုဖြစ်ပါတယ်။ ဒေသဖွံ့ဖြိုးတိုးတက်ရေးဟာ လမ်းပန်းဆက်သွယ်ရေးကဏ္ဍအပေါ် များစွာသက်ရောက်မှု ရှိနေပါတယ်။

ပထဝီအနေအထားအရ မြစ်ချောင်းအင်းအိုင်ပေါများတဲ့ ရက္ခိုင်ဒေသမှာ လမ်း၊ တံတား၊ အဆောက်အဦကဏ္ဍကို ဦးစားပေးတည်ဆောက်ကြဖို့ လိုအပ်ပါတယ်။ လမ်းပန်းဆက်သွယ်ရေးကဏ္ဍဖွံ့ဖြိုးလာမှသာ ဒေသတွင်း ပညာရေးကဏ္ဍ ၊ ကျန်းမာရေးကဏ္ဍနဲ့ ဒေသဖွံ့ဖြိုးတိုးတက်ရေးကဏ္ဍတွေ ဦးမော့လာနိုင်မှာ ဖြစ်ပါတယ်။

ရက္ခိုင်ဒေသဟာ အပေါ်မှာ တင်ပြခဲ့သလို လူ့စွမ်းအားအရင်းအမြစ်နည်းပါးပြီး ဒေသတွင်းစာတတ်မြောက်မှုအနိမ့်ဆုံး၊ ဒေသဖွံ့ဖြိုးတိုးတက်မှု အနှေးဆုံးနဲ့ အလုပ်အကိုင်အခွင့်အလမ်းတွေ နည်းပါးပြီး ဆင်းရဲနွမ်းပါးတဲ့ ဒေသတခုအဖြစ် နိုင်ငံတွင်းမှာ နှစ်ပေါင်း ဆယ်နှင့်ချီရပ်တည်ခဲ့တာဖြစ်ပါတယ်။

အာရက္ခဒေသ တိုက်ပွဲသတင်းများ အာရက္ခတပ်တော်ထုတ်ပြန်

၂၀၂၅ ခုနှစ်၊ ဇန်နဝါရီလ (၂၀) ရက်

အာရက္ခဒေသအတွင်း၌ အာရက္ခတပ်တော်မှ သိမ်းပိုက်ရန် ကျန်ရှိနေသည့် အဓိက မြို့ကြီးသုံးမြို့ ဖြစ်ကြသော စစ်တွေ၊ ကျောက်ဖြူ၊ မာန်အောင်မြို့များထဲမှ စစ်တွေမြို့နှင့်အနီးတစ်ဝိုက်တွင် ဖက်ဆစ် အကြမ်းဖက် စစ်ကောင်စီသည် လက်နက်ကြီး၊ လက်နက်ငယ်၊ ဒရုန်း၊ စနိုက်ဘာများဖြင့် တောက်လျှောက် ပစ်ခတ်တိုက်ခိုက်နေသကဲ့သို့ လေကြောင်း၊ ရေကြောင်းများမှလည်း ရမ်းသန်းပစ်ခတ်တိုက်ခိုက်မှုများမှာ နေ့စဉ်နှင့်အမျှရှိနေခဲ့သည်။ အထူးသဖြင့် ဒရုန်းတိုက်ခိုက်မှု အပါအဝင် လေကြောင်းတိုက်ခိုက်မှုများမှာ ပိုမိုများပြားခဲ့သည်။

၂၀၂၅ ခုနှစ်၊ ဇန်နဝါရီလ (၂၀) ရက်၊ နေ့လယ် (၁) နာရီ (၁၂) မိနစ်အချိန်တွင် ဖက်ဆစ်အကြမ်းဖက် စစ်ကောင်စီသည် စစ်တွေမြို့နယ်၊ ကံ့ကော်ကျွန်းရွာမှ ၎င်း၏တစ်ဖက်ကမ်းရှိ ဝါဘိုကျေးရွာအတွင်းသို့ ဒရုန်းများဖြင့် ဗုံးကြဲ တိုက်ခိုက်ခဲ့သောကြောင့် ဝါဘိုကျေးရွာအတွင်းရှိ အရပ်သားလူနေအိမ်တချို့ မီးလောင်ပျက်စီးခဲ့ရသည်။

ဖက်ဆစ်အကြမ်းဖက်စစ်ကောင်စီ၏ အနောက်ပိုင်းတိုင်း စစ်ဌာနချုပ် နှင့် အမ်း၊ တောင်ကုတ်၊ ဂွမြို့ များမှ ၎င်းတို့၏ စစ်စခန်းများအားလုံးကို တစ်ခုမကျန် လက်လွှတ်လိုက်ရပြီးနောက်တွင် ရက္ခိုင်ရိုးမ နှင့် နယ်နိမိတ် ထိစပ်လျက်ရှိသော ရိုးမတောင်တန်း နှင့် ရက္ခိုင်-ပဲခူးအစပ်၊ ရက္ခိုင်-မကွေးအစပ်၊ ရက္ခိုင်-ဧရာဝတီတိုင်း အစပ် နှင့် ရက္ခိုင်ရိုးမ-ဧရာဝတီတိုင်းအစပ်တို့တွင် ဖက်ဆစ် အကြမ်းဖက်စစ်ကောင်စီ နှင့် အာရက္ခတပ်တော် တို့သည် တိုက်ပွဲများ ဆက်လက် ပြင်းထန်နေခဲ့သည်။

အမ်းမြို့နယ်အတွင်း ကမြင်းကန် (ကံမြင်ကန်)၊ ပိန်းရေစမ်း၊ ကြက်ရေစမ်း ကျေးရွာ အနီးပတ်ဝန်းကျင် (တစ်နည်းအားဖြင့်) အမ်း-ပဒါန်း ကားလမ်းမအနီး၌ အပြန်အလှန် ထိုးစစ်၊ ခံစစ်များနှင့်အတူ တိုက်ပွဲများ ဆက်လက် ဖြစ်ပွားနေခဲ့သည်မှာ တစ်ပတ်ကျော်ခန့် ကြာမြင့်ခဲ့ပြီဖြစ်သည်။ တပ်မ (၈၈)၊ (၉၉) လက်အောက်ခံတပ်ရင်းများ၊ မကွေး၊ ကပစ မှ တပ်ဖွဲ့ဝင်များပါဝင်သည့် ရန်သူ့ တပ်ရင်းများနှင့် ၂၀၂၅ ခုနှစ်၊ ဇန်နဝါရီလ (၁၁) ရက်နေ့ ကတည်းကပင် စတင်ထိတွေ့ဖြစ်ပွားလျက်ရှိသည်။

ရန်သူသည် မိမိတို့တပ်ဖွဲ့ဝင်များရှိရာနေရာသို့ အကြိမ်ကြိမ် ထိုးစစ်ဆင်တိုက်ခိုက်ခဲ့သော်လည်း အထိအခိုက် အကျအဆုံးများစွာဖြင့် ဆုတ်ခွာထွက်ပြေးရသည်မှာလည်း အကြိမ်ကြိမ်ရှိခဲ့ပြီဖြစ်သည်။ ဤတစ်ပတ်ကျော် ကြာတိုက်ပွဲများအတွင်း ရန်သူ့အလောင်းအမြောက်အမြားကို သိမ်းဆည်းရမိသကဲ့သို့ လက်နက်ခဲယမ်း၊ စစ်အသုံးအဆောင်ပစ္စည်းအများအပြားတို့ကိုလည်း သိမ်းဆည်းရမိခဲ့ပြီး ရန်သူသုံ့ပန်းအချို့ကိုလည်း ဖမ်းဆီးရမိခဲ့သည်။

ရက္ခိုင်-ဧရာဝတီတိုင်း အစပ်၏ နေရာအချို့၊ ပွိင့် (၃၆၉) ကုန်း နှင့် ဧရာဝတီတိုင်း၊ ရေကြည်မြို့၊ ချင်းစုကျေးရွာအနီးတွင်လည်း တိုက်ပွဲများဆက်လက်ဖြစ်ပွားနေခဲ့သည်။

နောက်ဆက်တွဲ တိုက်ပွဲသတင်းများရှိပါက ဆက်လက်တင်ပေးသွားပါမည်။

ပုံစာ - ၂၀၂၅ ခုနှစ်၊ ဇန်နဝါရီလ (၁၃) ရက်မှ (၁၉) ရက်နေ့များတွင် အမ်းမြို့နယ်အတွင်း ကမြင်းကန် (ကံမြင်ကန်)၊ ပိန်းရေစမ်း၊ ကြက်ရေစမ်း ကျေးရွာအနီးပတ်ဝန်းကျင်တိုက်ပွဲများ၌ သိမ်းဆည်းရမိသော လက်နက်ခဲယမ်းများ၊ စစ်အသုံးအဆောင်ပစ္စည်းများ၊ သုံ့ပန်း နှင့် ရန်သူ့အလောင်းတချို့

သတင်းနှင့်ပြန်ကြားရေး
အာရက္ခတပ်တော်

“မောင်တောကျရှုံးပြီးနောက် အာရက္ခဒေသ အခြေအနေက ဘင်္ဂလားဒေ့ရှ်နှင့် ဒေသတွင်း သက်ရောက်မှု” ဆွေးနွေးပွဲ ဘင်္ဂလားဒေ့ရှ်တွင် ပြုလုပ်

AK ၊ ဇန်နဝါရီ ၆

ငြိမ်းချမ်းရေးနှင့် လုံခြုံရေး လေ့လာရေး ဘင်္ဂလားဒေ့ရှ် အင်စတီကျု (BIPSS) သည် “မောင်တောကျရှုံးပြီးနောက် ရခိုင်အခြေအနေက ဘင်္ဂလားဒေ့ရှ်နှင့် ဒေသတွင်း သက်ရောက်မှု” ခေါင်းစဉ်ဖြင့် မူဝါဒရေးရာ ဆွေးနွေးပွဲတစ်ရပ်ကို ၂၀၂၄ ခုနှစ် ဒီဇင်ဘာလ ၂၈ ရက်နေ့က ဒါကာတွင် ကျင်းပခဲ့ကြောင်း ပရိုသော်မ်အာလို သတင်းတစ်ရပ်တွင် ဖော်ပြထားသည်။
အဆိုပါ ဆွေးနွေးပွဲသို့ လုံခြုံရေးဆိုင်ရာ သုတေသီများ၊ သံတမန်ဟောင်းများနှင့် လေ့လာသူများ အပါအဝင် မူဝါဒရေးရာ အဆင့်မြင့် ပညာရှင်များလည်း တက်ရောက်ခဲ့ကြောင်း ထုတ်ပြန်ချက်တစ်ရပ်ကို ကိုးကား၍ ပရိုသော်မ်အာလိုက ဖော်ပြသည်။
ဘင်္ဂလားဒေ့ရှ်နှင့် ၂၇၁ ကီလိုမီတာ ထိစပ်နေသည့် ရခိုင်ဒေသတွင် AA ထိန်းချုပ်မှု အားကောင်းလာပြီး ဒေသတစ်ခုလုံး၏ ၈၀ ရာခိုင်နှုန်းအထိ သိမ်းပိုက်ထားသည်။
ယခုဆွေးနွေးပွဲ၌ ရခိုင်ဒေသတွင် လက်ရှိ ဖြစ်ထွန်းပြောင်းလဲမှုများ၊ အဆိုပါ ဖြစ်ထွန်းများက ဘင်္ဂလားဒေ့ရှ်နှင့် ဒေသတွင်း၌ မည်သို့ ရိုက်ခတ်မှုရှိသည်ကို အဓိက ဆွေးနွေးခဲ့ကြခြင်း ဖြစ်သည်။
BIPSS ဥက္ကဌ အငြိမ်းစားဗိုလ်မှူးကြီး မူနီရူဇမန်က ဆွေးနွေးပွဲတွင် သဘာပတိအဖြစ် ဆောင်ရွက်ကာ လစ်ဗျား သံအမတ်ဟောင်းနှင့် ယခင် မြန်မာ့စစ်ရေး လေ့လာရေးတာဝန်ခံ အငြိမ်းစားဗိုလ်မှူးကြီး ရှာဟီဒူးဟာ့ခ်၊ အရှေ့-အနောက် တက္ကသိုလ် လက်ထောက်ပါမောက္ခ ပါဗက်ကယ်ရင်အာဘာစီတို့က ဦးဆောင်ဆွေးနွေးခဲ့ကြောင်း သတင်းတွင် ဖော်ပြချက်အရ သိရသည်။
ဘင်္ဂလားဒေ့ရှ်အနေဖြင့် သံတမန်ရေးနှင့် စစ်ရေး နှစ်မျိုးလုံးပါဝင်သည့် ချဉ်းကပ်မှုတစ်ရပ်ကို ဟန်ချက်ညီညီ ဆောင်ရွက်ကာ AA နှင့် ထိတွေ့ဆက်ဆံရေးသည် မဟာဗျူဟာမြောက် လိုအပ်ချက်တစ်ရပ် ဖြစ်ကြောင်း ဆွေးနွေးသူများက အလေးထား ပြောကြားခဲ့ကြောင်း သတင်းတွင် ဖော်ပြထားသည်။
ပြင်ပအင်အားစုများသည် ရခိုင်ကို ရေလမ်းကြောင်းမှတစ်ဆင့် ချိတ်ဆက်ဆောင်ရွက်ရန် ကြိုးပမ်းနေကြသည်ဖြစ်ရာ ဘင်္ဂလားဒေ့ရှ်အနေဖြင့် အာရက္ခတပ်တော်နှင့် ဆက်ဆံရေး ထူထောင်ရန် လေးဖင့်နေလျှင် အခွင့်အရေးများ လက်လွတ်သွားနိုင်သည်ဟု သဘာပတိ အငြိမ်းစားဗိုလ်မှူးကြီး မူနီရူဇမန်က ဆွေးနွေးတင်ပြသည်။ အိန္ဒိယက မြန်မာ့မူဝါဒကို ပြန်လည်သုံးသပ်နေသည့် အချိန်၌ ဘင်္ဂလားဒေ့ရှ် အနေဖြင့်လည်း မိမိတို့၏ အကျိူးစီးပွားကို ကာကွယ်ရန်အတွက် ပြတ်ပြတ်သားသား ဆုံးဖြတ်ရတော့မည်ဟု သူက ယူဆသည်။
ရခိုင်ဒေသသည် ဘင်္ဂလားပင်လယ်အော် ရေလမ်းကြောင်း ထွက်ပေါက် ရရှိနေခြင်း၊ သယံဇာတ ပေါများခြင်း၊ လူမျိုးအများအပြား စုစည်းနေထိုင်ခြင်း စသည်တို့ကြောင့် မဟာဗျူဟာကျကျ အရေးပါနေသည်ဟုလည်း မူနီရူဇမန်က မှတ်ချက်ပြုသည်။
ရခိုင်ဒေသသည် တရုတ်-အမေရိကန် မဟာဗျူဟာ ပြိုင်ဆိုင်မှုတွင်လည်း အရေးပါသောနေရာတွင် ရှိနေသလို တရုတ်၏ ရပ်ဝန်းနှင့်လမ်း စီမံကိန်းနှင့် BCIM (ဘင်္ဂလားဒေ့ရှ်၊ တရုတ်၊ အိန္ဒိယ၊ မြန်မာ) စီးပွားရေးစင်္ကြံ အတွက်လည်း ရခိုင်သည် အထူးအရေးပါနေသည်။ တရုတ်-မြန်မာ ရေနံနှင့် သဘာဝဓာတ်ငွေ့ပိုက်လိုင်း စီမံကိန်းတွင်လည်း ရခိုင်သည် အရေးပါသည့် ပင်မနေရာဖြစ်သည်။
အာရက္ခတပ်တော်နှင့် ဆက်ဆံခြင်းသည် လက်တွေ့ကျသည့် ချဉ်းကပ်မှုဖြစ်ပြီး ရှုပ်ထွေးသည့် ပထဝီနိုင်ငံရေး အခင်းအကျင်းများကြောင့် AA နှင့် တိုက်ရိုက်ဆက်ဆံရန် မဖြစ်နိုင်လျှင်လည်း အလွတ်သဘော ဆက်ဆံရေး လမ်းကြောင်းများ ဖွင့်ထားသင့်သည်ဟု လက်ထောက်ပါမောက္ခ ပါဗက်ကယ်ရင်အာဘာစီက ၎င်း၏ အယူအဆကို တင်ပြသည်။ ထို့ပြင် AA လွှမ်းမိုးမှု အားကောင်းလာခြင်းကြောင့် အိန္ဒိယ အရှေ့မြောက်ပိုင်း ပြည်နယ်များတွင် လက်နက်ကိုင် ထကြွမှုများ ပိုအရှိန်မြင့်လာကာ နယ်စပ်ဒေသ လုံခြုံရေးအပေါ် သက်ရောက်မှု ရှိလာနိုင်သည်ကိုလည်း သူက သတိပေးသည်။
မြန်မာ့ပဋိပက္ခကြောင့် တောင်အာရှနှင့် အရှေ့တောင်အာရှတွင် အကျပ်အတည်းကြီးတစ်ရပ် ထွက်ပေါ်လာနိုင်သလို အာဖဂန်နစ္စတန်တွင် နှစ်ပေါင်းလေးဆယ်ခန့် ကြုံခဲ့ရသည့် လက်ဝေခံစစ်ပွဲ (Proxy War) နှင့် အလားသဏ္ဍာန်တူ ပုံစံတစ်ရပ် ထွက်ပေါ်လာနိုင်ခြေ ရှိသည်ကိုလည်း ပါဗက်ကယ်ရင်အာဘာစီက ထောက်ပြသည်။
မွတ်ဆလင်ဒုက္ခသည် အရေးတွင်မူ သူက AA ၏ မျှော်မှန်းချက်ဖြစ်သော အာရက္ခအိပ်မက် (Arakan Dream) သည် ဗမာအမျိုးသားရေးဝါဒတွင် အမြစ်တွယ်ပြီး ‘ဘင်္ဂါလီကင်းစင်သည့် အာရက္ခပြည်’ ပုံစံဖြစ်ရာ မွတ်ဆလင် (သူ့အခေါ် ရိုဟင်ဂျာ) အခန်းကဏ္ဍ မပါရှိကြောင်းလည်း သူက ဆိုသည်။
အငြိမ်းစားဗိုလ်မှူးကြီး ရှာဟီဒူးဟာ့ခ်ကလည်း အာရက္ခတပ်တော်နှင့် ထိတွေ့ဆက်ဆံခြင်းသည် ဘင်္ဂလားဒေ့ရှ်အတွက် သူနိုင်ကိုယ်နိုင်အခြေအနေ (Win-Win Situation) ဖြစ်ပြီး နိုင်ငံ၏ လုံခြုံရေးနှင့် စီးပွားရေး အကျိုးစီးပွားများကို တိုးတက်စေမည်ဟု ယူဆသည်။ ရခိုင်ပြည်၏ နိုင်ငံရေး အခင်းအကျင်း ပြောင်းလဲမှုသည် ဘင်္ဂလားဒေ့ရှ်အတွက် ကြုံတောင့်ကြုံခဲ အခွင့်အရေးဖြစ်ပြီး နိုင်ငံ၏ အကျိုးစီးပွားအတွက် ဒေသတွင်း၌ အထူးသဖြင့် အိန္ဒိယနှင့် ညှိနှိုင်းမှုများ ပြုလုပ်နိုင်မည်ဟု သူကယူဆသည်။
ရခိုင်ပြည်အတွက် လိုအပ်သည့် လယ်ယာထွက်ကုန်ပစ္စည်းများ ထောက်ပံ့ခြင်း ကဲ့သို့ စီးပွားရေး ကုန်သွယ်မှုများသည် နှစ်ဘက်

ပုဏ္ဏားကျွန်းမြို့နယ်မှ အရပ်သားရွာကို အကြမ်းဖက်စစ်ကောင်စီ ဂျက်ဖိုက်တာဖြင့် ဗုံးကြဲ

အာရက္ခမီဒီယာ ၊ ဇန်နဝါရီ ၅ ၊ ၂၀၂၄

ရက္ခိုင်ပြည်၊ ပုဏ္ဏားကျွန်းမြို့နယ် အောင်ဇုံပြင်ကျေးရွာနှင့် တောင်ပေါက်ကျေးရွာအနီးကို ယနေ့ ဇန်နဝါရီ ၅ ရက် ညနေ ၄ နာရီခန့်တွင် အကြမ်းဖက် စစ်ကောင်စီက ဂျက်တိုက်လေယာဉ်ဖြင့် ဗုံးကြဲတိုက်ခိုက်ခဲ့ကြောင်း ဒေသခံများထံမှ သိရှိရသည်။

အကြမ်းဖက် စစ်ကောင်စီ၏ ဗုံးကြဲတိုက်ခိုက်မှုကြောင့် တောင်ပေါက်ကျေးရွာအနီးတွင် မွတ်ဆလင် အမျိုးသမီးနှစ်ဦး သေဆုံးခဲ့ပြီး အောင်ဇုံပြင်ကျေးရွာတွင်လည်း အရပ်သားတစ်ချို့ ထိခိုက်သေဆုံးကြောင်း သတင်းရင်းမြစ်က ပြောသည်။

“ပုဏ္ဏားကျွန်းမြို့နယ် တောင်ပေါက်ဖက်မှာ မွတ်ဆလင်အမျိုးသမီး ၂ ဦး၊ ကလေးတစ်ဦး သေဆုံးတယ်။ အောင်ဇုံပြင်မှာလည်း အရပ်သားတစ်ချို့ ထိခိုက်ဒဏ်ရာရရှိသွားတယ်။ ဂျက်ဖိုက်တာနဲ့လာပစ်တာပါ။ စစ်တွေဖက်က လက်နက်ကြီးနဲ့လည်း အတွဲလိုက်ပစ်ပါတယ် ” ဟု အဆိုပါဒေသခံက ပြောဆိုသည်။

ပြီးခဲ့သည့် ဒီဇင်ဘာလ ၃၁ ရက်နေ့ကလည်း ပုဏ္ဏားကျွန်းမြို့နယ် ယိုးတရုတ်ကျေးရွာကို အကြမ်းဖက် စစ်ကောင်စီက လေကြောင်းတိုက်ခိုက်ခဲ့သည့်အတွက် အရပ်သား ၅ ဦးသေဆုံးပြီး ၁၀ ဦးထက်မနည်း ထိခိုက်ဒဏ်ရာ ရရှိခဲ့ကြသည်။

ပုံစာ - အကြမ်းဖက် စစ်ကောင်စီလေကြောင်းတိုက်ခိုက်မှုကြောင့် ပျက်စီးသွားသည့် အိန္ဒိယသုံးဘီးတစ်ဦးအား တွေ့ရစဉ်

"ကျနော်တို့ သိရသလောက် သရီကုန်ဘောင်ရွာ ဗုံးကြဲခံရတဲ့ကိစ္စ၊ အောင်မင်္ဂလာဘုန်းကြီးကျောင်း ဗုံးကြဲခံရတဲ့ကိစ္စ၊ ဖားဝပ်ချောင်း ကထိန်ပွဲ ဘုန်းကြဲခံရတဲ့ကိစ္စတွေက ၆ မိုင်ဆရာတော်ပဲ သူရိန်ထွန်းကို သတင်းပေးခဲ့တဲ့ အထောက်အထားရတယ်လို့ သိရတယ်" မောင်တောမှ အမည်မဖော်လိုတဲ့ သတင်းရင်းမြစ်တခုက ပြောဆိုပါတယ်။

မောင်တောမြို့မှ ဗုဒ္ဓဘာသာ ဆရာတော်တွေဟာ စစ်ကောင်စီအရာရှိတွေနဲ့ ပတ်သက်ဆက်နွယ်မှုတွေ ရှိကြပြီး သတင်းပေးတွေ လုပ်ကြပါတယ်။ လက်ရှိတွင် မောင်တောမြို့ပေါ်က တချို့သော ဆရာတော်တွေဟာ ပြည်မထဲသို့ တိမ်းရှောင်နေကြပါတယ်။ စစ်ကောင်စီအရာရှိပိုင်းတွေနဲ့ ဆက်စပ်မှုရှိကြောင်း တခြားနာမည်ရှိသော ဆရာတော်တွေကိုလည်း စောင့်ကြည့်ဖို့လိုအပ်ပါကြောင်း တင်ပြအပ်ပါတယ်။

မောင်မိုးဇ
One Nation News AK-Media Live

"မောင်တောဒေသ၊ ခရိုနီဘုန်းကြီးများနှင့် စစ်ကောင်စီ အရာရှိကြီးများ"

မောင်မိုးဇ -ရေးသားသည်

"ညီလေး........( ) ကျောင်းက ဆရာတော်ပါ"
"ဟုတ်ကဲ့ ဘုန်းဘုန်း.....ဦးတော်ပါ"

ဒါက မောင်တောမြို့နယ်တောင်ပိုင်း စစ်ဆေးရေးဂိတ်တခုမှာ အဖြူရောင်ကားတစ်စီးက ကားမှန်ကိုချပြီး ဂိတ်တာဝန်ကျ နယ်ခြားစောင့်ရဲတပ်သားကို လှမ်းပြောနေတာပါ။ မောင်တောက စစ်ဆေးရေးဂိတ်တွေမှာ သာမန်အရပ်သားတွေဟာ မှတ်ပုံတင်ကိုယ်စီထုတ်ပြီး အစစ်အဆေးခံကြရပါတယ်။ မှတ်ပုံတင် နည်းနည်းဟောင်းနွမ်းတာဖြစ်ဖြစ်၊ ဓာတ်ပုံ မထင်မရှားတာဖြစ်ဖြစ် ကားပေါ်ကခေါ်ချပြီး ဒဏ်ငွေဆောင်ခိုင်းပါတယ်။ သို့ပေမယ့် အရာရှိကြီးတွေ ကိုးကွယ်တဲ့ ဗုဒ္ဓဘာသာ ဆရာတော်တွေကတော့ ဒီလိုဂိတ်တွေကို ကျော်ခွခွင့်ရှိပါတယ်။

အကြမ်းအားဖြင့် မောင်တောမြို့ဟာ ၂၀၁၂ ခုနှစ်နောက်ပိုင်း မူးယစ်ဆေးဝါးနဲ့ ကြီးပွားလာကြသလို အရာရှိကြီးတွေ၊ ဘာသာရေးခေါင်းဆောင်တွေလည်း မူးယစ်ဆေးဝါးနဲ့ ပတ်သက်ကြကြောင်း သက်သေအထားအထောက် အများကြီး တွေ့ရပါတယ်။

၂၀၁၇ ဖေဖော်ရီလ ၅ ရက်နေ့မှာ မောင်တောမြို့ရဲ့ နာမည်ကြီး ဗဟိုကျောင်းကကျောင်းထိုင်ဆရာတော်ဟာ မောင်တောင်မြို့နယ်တောင်ပိုင်း ဗောဓိကုန်းစစ်ဆေးရေးဂိတ်မှာ မူးယစ်ဆေးဝါးတွေနဲ့အတူ ဖမ်းဆီးခံလိုက်ရပါတယ်။ အဆိုပါကျောင်းဝန်းထဲ ရှာဖွေ စစ်ဆေးစဥ်မှာ ကျောင်းဆောင်ထဲမှ မူးယစ်ဆေးပြား ၄၂ သိန်းကျော် အပါအဝင် လက်ပစ်ဗုံး၊ ကျည်ဆံတွေပါ ဖမ်းဆီးရမိခဲ့ဖူးပါတယ်။ ကာလပေါက်စျေးအားဖြင့် ကျပ်သိန်းပေါင်း ၈၄၈၀၀ ကျပ်တိတိတန်ဖိုးရှိကြောင်း မူးယစ်ဌာနက သတင်းထုတ်ပြန်ခဲ့ပါတယ်။

၂၀၁၃ မေလ ၁၂ ရက်နေ့ကလည်း မောင်တောမြို့ထဲမှ ပရဟိတကျောင်းဝန်းထဲမှာ ခေတ္တလာရောက်တည်းခိုတဲ့ ဘုန်းကြီးတပါးထံမှ မူးယစ်ဆေးဝါး ကာလပေါက်စျေး ကျပ်သိန်း ၁၈၀၀ ဖိုးကို ဒုတိယရဲမှူးကြီး မင်းအောင်နဲ့အဖွဲ့က ဖမ်းဆီးရမိခဲ့ဖူးပါတယ်။ ဒါကြောင့် မောင်တောဒေသက ဗုဒ္ဓဘာသာဆရာတော်တချို့ဟာ မူးယစ်ဆေးဝါးနဲ့ ပတ်သက်နေကြောင်း ပြောဆိုကြခြင်း ဖြစ်ပါတယ်။

မောင်တောမြို့ဟာ ဘင်္ဂလားဒေ့ချ်ကို မူးယစ်ဆေးဝါးတွေသယ်ယူတဲ့ လမ်းကြောင်းမှာ တည်ရှိတာကြောင့် ဒီဒေသမှာ မူးယစ်ဆေးဝါးအလုံးအရင်းနဲ့ မကြာခဏဖမ်းဆီးရမိကြောင်း ၂၀၁၈ ခုနှစ် ဇန်နဝါရီလ ၂၇ ရက် ဘီဘီစီသတင်းမှာ ဖော်ပြပါတယ်။

ဘူးသီးတောင်-မောင်တောကားလမ်း သုံးမိုင်စစ်ဆေးရေးဂိတ်မှာ ၂၀၁၈ ခုနှစ်က ဘူးသီးတောင်အခြေစိုက် စကခ - ၁၅ မှ ဗိုလ်မှူးအဆင့်စီးလာတဲ့ ကားပေါ်မှာ မူးယစ်ဆေးပြား သိန်းနဲ့ချီဖမ်းမိခဲ့ဖူးပါတယ်။ မောင်တောမြို့မှ ဌာနဆိုင်ရာအကြီးအကဲတွေနဲ့ တိုက်ရိုက်ပတ်သက်မှုရှိတဲ့ တချို့သော မူးယစ်ဆေးဝါးတွေဟာ ပိုင်ရှင်မဲ့ဖြစ်သွားတတ်ပါတယ်။

"၂၀၁၇ ၊ ၂၀၁၈ လောက်မှာ ရဲနဲ့ တပ်မတော်သားတချို့ကို မူးယစ်ဆေးဝါးတွေနဲ့ ဖမ်းမိတာရှိတယ်။ မူးယစ်ဆေးဝါး ကုန်ကူးမှုမှာ တပ်ကအရာရှိကြီးတွေပါဝင်ပတ်သက်နေတာကြာပါပြီ"ဟု နိုင်ငံရေးလေ့လာသူ ဦးမောင်မောင်စိုးက ၂၀၂၀ ခုနှစ်မှာ ဗွီအိုအေ သတင်းဌာနကို ဖြေဖူးပါတယ်။

တချို့ဆရာတော်ကြီးတွေဟာ ဌာနဆိုင်ရာအကြီးအကဲတွေနဲ့ ပူးပေါင်းပြီး မူးယစ်ဆေးဝါးကုန်ကူးခြင်းလုပ်ငန်းကို သူရဲ့ဒကာ၊ ဒကာမတွေနဲ့ပူးစပ်လုပ်ပါတယ်။ "မောင်တောမှာ ဆရာတော်တွေ ခရီး သွားလာရတာ လွယ်ကူတယ်။ ဒါကြောင့် တချို့ဆရာတော်တွေက သူ့တို့ရဲ့ဒကာ၊ ဒကာမအရင်းအနှီးနဲ့ မူးယစ်ဆေးဝါး ကုန်ကူးတယ်" မောင်တောမြို့က ဒေသခံတစ်ဦးက မှတ်ချက်ပြုပါတယ်။

မောင်တောမြို့မှ တချို့သော ဗုဒ္ဓဘာသာဆရာတော်တွေဟာ မူးယစ်ဆေးဝါးကရရှိတဲ့ ငွေတွေကြောင့် ကိုယ်ပိုင်ဇိမ်ခံကားအကောင်းစားတွေကို ဝယ်စီးနိုင်ကြပါတယ်။ ကိုယ်ပိုင်အဆောက်အဦတွေကိုလည်း စိတ်ကြိုက်ဆောက်လုပ်ကြတယ်။ ဘူးသီးတောင်-မောင်တောဒေသမှာ ဘာသာရေးဟာ မတော်လောဘသမားတွေအတွက် ကြားခံတခုသာ ဖြစ်လာပါတော့တယ်။

မောင်တောက မူးယစ်ဆေးဝါးနဲ့ကြွယ်ဝချမ်းသာလာတဲ့ တချို့သော မူးယစ်ကုန်သည်တွေဟာ ဗုဒ္ဓဘာသာ ဘုန်းကြီးကျောင်းတွေမှာ နာမည်ကြီးအဆိုတော်တွေငှားရမ်းကာ သိန်းရာချီ ၊ထောင်ချီအကုန်အကျခံပြီး ကထိန်ခင်းခြင်း၊ ရှင်ပြုခြင်းတွေကို လုပ်ဆောင်ကြပါတယ်။ ဒါဟာလည်း မောင်တောဒေသရဲ့ ဓလေ့တခုလိုဖြစ်နေပါတယ်။

ပြီးခဲ့တဲ့နှစ်က ကျောင်းသူ ၂ နှစ်ကို ညှင်းပန်းနှိပ်စက်မှုကြောင့် အာရက္ခတပ်တော်ထံမှာ ဖမ်းဆီးခံလိုက်ရတဲ့ နံသာတောင်ပရဟိတဆရာတော်ဟာလည်း မူးယစ်ဆေးဝါးမှု ၊ ကိုယ်ပိုင်စီးပွားရေး ထူထောင်မှု၊ ဌာနဆိုင်ရာအကြီးအကဲတွေအပါအဝင် စစ်တပ် သတင်းပေးမှုတွေကြောင့် နာမည်ကျော်ဇောပါတယ်။

ပြီးခဲ့တဲ့လက ၆ မိုင်ကျောင်း ဆရာတော်ကို စစ်တပ်ကိုသတင်းပေးမှုတွေကြောင့် အာရက္ခတပ်တော် ဖမ်းဆီးထိန်းသိမ်းလိုက်ပါတယ်။ ယခင်က ၆ မိုင်ဆရာတော်ဟာ မောင်တော-ဘူးသီးတောင် ကားလမ်းပိုင်း ၆ မိုင် နယ်ခြားစောင့် စစ်ဆေးရေးဂိတ်အနီးမှာ သီတင်းသုံးနေထိုင်ခဲ့ပါတယ်။

၂၀၁၇ ခုနှစ်အရေးအခင်းပြီးမှာတော့ မောင်တော မြို့နယ်၊ ရွာသာယာရွာအနီး မောင်တော-ဘူးသီးတောင် ကားလမ်းဘေးမှာ ကိုယ်ပိုင် ကျောင်းဆောက်ပြီး နေထိုင်ပါတယ်။ ၆ မိုင်ဆရာတော်ဟာ စကခ - ၁၅ တပ်မမှူး ဗိုလ်မှူးချုပ် သူရိန်ထွန်းအပါအဝင် စစ်ကောင်စီအရာရှိကြီးတွေနဲ့ ပတ်သက်မှုရှိပြီး ဒေသတွင်းက စစ်ရေးအခြေအနေတွေကို သတင်းပေးလုပ်ခဲ့တယ်လို့ ဒေသခံက ဆိုတယ်။

ကမ်းထောင်းကြီးမြို့ ဆေးရုံနှင့် စာသင်ကျောင်းကို စစ်ကောင်စီက ဂျက်တိုက်လေယာဥ်ဖြင့် ၂ ကြိမ်တိုင် ဗုံးကြဲတိုက်ခိုက်၊ သက်ကြီးပိုင်းအမျိုးသမီး ၁ ဦးသေဆုံးပြီး ဆေးရုံနှင့် စာသင်ကျောင်း လုံးဝ ပျက်စီး
AK-ဇန်နဝါရီ ၃၊ ၂၀၂၅
ရက္ခိုင်ပြည် မြေပုံမြို့နယ် ကမ်းထောင်းကြီးမြို့ရှိ ဆေးရုံနှင့် စာသင်ကျောင်း အကြမ်းဖက် စစ်ကောင်စီက ယနေ့ နံနက် (ညိည့်) ၁၂ နာရီကျော်တွင် ဂျက်တိုက်လေယာဥ်ဖြင့် ၂ ကြိမ်တိုက် ဗုံးကြဲတိုက်ခိုက်ခဲ့သည့်အတွက် သက်ကြီးပိုင်းအမျိုးသမီး တစ်ဦးသေဆုံးသွားပြီး ဆေးရုံနှင့် စာသင်ကျောင်းလည်း လုံးဝ ပျက်စီးသွားကြောင်း သိရသည်။
ကမ်းထောင်းကြီးမြို့ရှိ ဆေးရုံးနှင့် စာသင်ကျောင်းတို့အား ညိည့် ၁၂ နာရီ ၃၈ မိနစ်တွင် တစ်ကြိမ် ၁၂ နာရီ ၄၈ မိနစ်တွင် တစ်ကြိမ် ၂ ကြိမ်တိုင် ဗုံး ၃ လုံးကြဲချ တိုက်ခိုက်ခဲ့သည့် အသက် ၇၀ နှစ်အရွယ် ဒေါ်မမသိန်း ဒဏ်ရာပြင်းထန်စွာဖြင့် သေဆုံးသွားပြီး ဆေးရုံနှင့် စာသင်ကျောင်းလည်း လုံးဝ ပျက်စီးသွားခဲ့ကြောင်း ဒေသခံ တစ်ဦးက ပြောသည်။
“ ၁၂ နာရီခွဲကျော်လောက်မှာ ပထမ တစ်လုံးကျတယ်။ နောက်ထပ် ၁၀ မိနစ်လောက်မှာ နောက်ထပ်တစ်ကြိမ် ထပ်လာပစ်တယ်။ အဘွားအို တစ်ယောက် လက်နက်ကြီးကျည်ထိ ဒဏ်ရာနဲ့ သေသွားပါတယ်။ ဆေးရုံနဲ့ စာသင်ကျောင်းကတော့ ဘာမှမကျန်ဘူး။ အားလုံးပြိုထွက်သွားပါတယ်။” ဟုပြောသည်။
ပြီးခဲ့သည့် ဧပြီလ ၂ရက်၊ ညနေ ၅ နာရီကျော်အချိန်တွင်လည်း ကမ်းထောင်းကြီးမြို့ကို အကြမ်းဖက် စစ်ကောင်စီအဖွဲ့က Jet Fighter ၂စီးဖြင့် လာရောက် ဗုံးကြဲတိုက်ခိုက်ခဲ့သောကြောင့် အရပ်သား ၃ဦး သေဆုံးခဲ့ရပြီး ၃ဦးထက်မနည်း ထိခိုက်ဒဏ်ရာခဲ့သည်။
ထို့အပြင် မတ်လ ၂၉ရက်နေ့တွင် အကြမ်းဖက် စစ်ကောင်စီ၏ မြေပြင်တပ်နှင့် စစ်သင်္ဘောနေဗီပေါ်မှ ကမ်းထောင်းကြီးမြို့ကို လက်နက်ကြီးဖြင့် ပစ်ခတ်မှုကြောင့် ပြည်သူ ၅ ဦးဒဏ်ရာရရှိခဲ့ပြီး၊ မတ်လ ၂၄ ရက်နေ့က ကမ်းထောင်းကြီးမြို့ ဆေးရုံအား အကြမ်းဖက်စစ်ကောင်စီက ဂျက်ဖိုက်တာ ၂ စီးဖြင့် ဗုံးကြဲတိုက်ခိုက်ဖျက်ဆီးခဲ့ပြီး ဆေးရုံသန့်ရှင်းရေးဝန်ထမ်းအမျိုးသမီး ၁ ဦးပြင်းထန်ဒဏ်ရာရရှိခဲ့ကြောင်း သိရှိရသည်။
News By -Arakan Bay News-ABN
#akmedialive
AK-Media Live

အိန္ဒိယ နှင့် ပါကစ္စတန် နှစ်နိုင်ငံ နျူကလီးယား စက်ရုံများစားရင်းများ ဖလှယ်ခဲ့ကြသည်
==================================
အာရက္ခမီဒီယာ- ဇွန်နဝါရီ ၃
၀၁၊၀၁၊၂၀၂၅ ခုနှစ်တွင် အိန္ဒိယနှင့်ပါကစ္စတန်နှစ်နိုင်ငံကြား ၁၉၈၈ ခုနှစ်၌ သဘောတူညီချက်အတိုင်း သံတမန်လမ်းကြောင်းမှတစ်ဆင့် အပြန်အလှန် လဲလှယ်ခဲ့ကြသည်ကို နိုင်ငံခြားရေးဝန်ကြီးဌာန (MEA) မှပြောကြားခဲ့သည်။
ထိုသတင်းအချက်အလက် လဲလှယ်မှု့အစီစဉ်သည် နှစ်ပေါင်းသုံးဆယ်ကျော်ကြာ လုပ်ဆောင်လာမှု့ကို ဆက်လက်၍ လုပ်ဆောင်လာခြင်းဖြစ်ပြီး နှစ်နိုင်ငံကြား၌ နျူကလီးယားစက်ရုံများကို တိုက်ခိုက်ခြင်းမပြုရန် တားမြစ်ထားသည့် နှစ်နိုင်ငံသဘောတူညီချက်အရ ၎င်းတို့၏ နျူကလီးယားတပ်ဆင်မှုစာရင်းကို ယခုသတင်းပတ် ဗုဒ္ဓဟူးနေ့တွင် အပြန်မလှန်ဖလှယ်ခဲ့ကြခြင်းဖြစ်သည်။
ထိုလဲလှယ်မှု့တွင် နျူကလီးယား တပ်ဆင်မှုနှင့် စက်ရုံများကို တိုက်ခိုက်ခြင်း တားမြစ်ခြင်းဆိုင်ရာ သဘောတူညီချက်အရ အကျုံးဝင်သည့် နျူကလီယား တပ်ဆင်မှုနှင့် အဆောက်အဦးများစာရင်းကို ဖော်ပြထားသည်” ဟု ထုတ်ပြန်ချက်တွင် ဖော်ပြထားသည်။
၎င်းသဘောတူညီချက်သည်လည်း ၁၉၈၈ခုနှစ် ဒီဇင်ဘာလ ၃၁တွင်သဘောတူညီမှု့လက်မှတ်ကို နှစ်နိုင်ငံကြားလက်မှတ်ထိုးကာ ၁၉၉၁ ခုနှစ် ဇန်နဝါရီလ ၂၇ ရက်နေ့တွင် အသက်ဝင်ခဲ့သည်။
ထိုသဘောတူညီချက်အရ နှစ်စဉ် ဇန်နဝါရီလ၏ ပထမနေ့တွင် သဘောတူညီချက်အရ အကျုံးဝင်မည့် နျူကလီးယား တပ်ဆင်မှုများနှင့် စက်ရုံများအကြောင်း နိုင်ငံများအား အချင်းချင်း အသိပေးရန် ညွှန်ကြားထားသည်။
(Hang Suon Khuol Zou မှ မြန်မာဘာသာပြန်ဆိုသည်။)
R/F-The Indian express
(နိုင်ငံတကာ သတင်း)
#akmedialive
#IndiaPakistanConflict
#Nuke
#geopoliticalchallenges
#bodder

၂၀၂၅ ခု နှစ်သစ်ကူး ဆုတောင်း အစီအစဉ်
#2
အာရက္ခမီဒီယာ -ဇွန်နဝါရီ ၁ .၂၀၂၅
( ဆုတောင်းပေးကြသည့် ရဟန်းရှင်လူများအား ကျေးဇူးတင်ရှိပါသည်။)
၂၀၂၅ နှစ်သစ်မှာ ဘေးအန္တရာယ်အမျိုးမျိုးမှ ကင်းဝေးပြီး လိုရာဆန္ဒ အ၀၀ ပြည့်ဝနိုင်ပါစေ။
အာရက္ခမီဒီယာမှ ဆုမွန်ကောင်းတောင်းအပ်သည်။
#arakkhamedia
#akmedialive
#wishyouwerehere
#peaceworldwide

၂၀၂၅ ခု နှစ်သစ်ကူး ဆုတောင်း အစီအစဉ်
အာရက္ခမီဒီယာ -ဇွန်နဝါရီ ၁ .၂၀၂၅
( ဆုတောင်းပေးကြသည့် ရဟန်းရှင်လူများအား ကျေးဇူးတင်ရှိပါသည်။)
၂၀၂၅ နှစ်သစ်မှာ ဘေးအန္တရာယ်အမျိုးမျိုးမှ ကင်းဝေးပြီး လိုရာဆန္ဒ အ၀၀ ပြည့်ဝနိုင်ပါစေ။
အာရက္ခမီဒီယာမှ ဆုမွန်ကောင်းတောင်းအပ်သည်။
#arakkhamedia
#akmedialive
#wishyouwerehere
#peaceworldး

မှတ်မှတ်သားသား ဗိုလ်ချုပ်မိန်းခွန်းများ
(ကောက်နုတ်ချက်)
AK-Review
#arakkhamedia
#review
#AkReview
#akmedialive
#G1
#tunmyatnaing

အာရက္ခပြည် မောင်တောမြို့ အနီး ပင်လယ်ကမ်းခြေ၌ ဝေလငါးကြီးသောင်တင်၍သေဆုံးခဲ့သည်ကို Aung San Naing Facebookမှနေ
တင်ပြထားသည်ကို တွေရပါသည် ။
(သတင်းတို)
#arakkhaland
#Maungdaw
#Myanmar

ပုဏ္ဏားကျွန်းမြို့နယ် ၊ ယိုးတရုပ်ရွာကို မြန်မာစစ်တပ်တပ်ဗုံးကြဲ (အပြစ်မဲ့အရပ်သားအာရက္ခပြည်သူ (၅)ဦးသေဆုံး ၊ (၁၀)ဦးဒါဏ်ရာရာရှိ )

၂၀၂၄ခုနှစ် ၊ ဒီဇင်ဘာလ (၃၁)ရက်နေ့ နေ့လည် (၁)နာရီ (၂၃)မိနစ်တွင် မြန်မာစစ်တပ်က ဂျက်ဖိုက်တာဖြင့် ပုဏ္ဏားကျွန်းမြို့နယ် ၊ ယိုးတရုပ်ရွာ သို့ ဗုံး(၄)လုံးကြဲချခဲ့သည် ။ အဆိုပါဗုံးကြဲမှုကြောင့် စစ်ဘေးရှောင်နှင့် ဒေသခံ အပြစ်မဲ့အရပ်သား အာရက္ခပြည်သူ (၃)‌ဦးမှာ ပွဲချင်းပြီးနေရာတွင်သေဆုံးပြီးခဲ့ပြီး (၁၂)ဒါဏ်ရရှိခဲ့သည် ။ အဆိုပါ (၁၂)ဦးထဲမှ ဆေးကုသမှုခံယူရန် ပို့ဆောင်စဉ် လမ်းခရီးတွင် (၂)ဦးသေဆုံးခဲ့သည် ။

ပွဲချင်းပြီးသေဆုံးသွားသူများမှာ ပုဏ္ဏားကျွန်းမြို့နယ် ၊ တန်းခိုးကျေးရွာ မှ စစ်ဘေးရှောင် တစ်ဦး ၊ ကွန်းတောင်ကျေးရွာမှ စစ်ဘေးရှောင် တစ်ဦး နှင့် ယိုးတရုပ်ရွာသားတစ်ဦးတို့ဖြစ်ကြသည် ။

အသက်မသေဆုံးဘဲ ကျန်ရှိသော လူနာများကို အာရက္ခပြည်သူ့အစိုးရ ၊ ကျန်းမာရေးဌာနတွင် ဆေးကုသမှုခံယူလျက်ရှိပါသည် ။
Video By PYA -ပုဏ္ဏားကျွန်းလူငယ်များအစည်းအရုံး

တပတ်အတွင်း သတင်းသုံးသပ်ချက်
Weekly Analysis News
အာရက္ခမီဒီယာ ဒီဇင်ဘာ ၃၁
အာရက္ခပြည် ၉၀ရာနုန်း အထိစိုးမိုးထိန်းချုပ်ပြီး အာရက္ခတပ်တော်မှ ငြိမ်းချမ်းရေး စကားပြောဖို့ ကမ်းလှမ်းစတိတ်မတ်ကြောင့် အမြင်နှင့် တပတ်အတွင်း ထူခြားသတင်း ကောက်နုတ် သုံးသပ်ချက်။
သိန်းထွန်းဇံနှင့် မြင့်ဇော် တင်ဆက်သည်။
#akus
#arakkhamedia
#weeklynewsanasis
#todaymyanmar
#myanmarcivilwar
#cnacnfindia
#highlightseveryone
#theintunzan
#myitzaw

ကရင်နှစ်သစ်ကူးနေ့ဆုတောင်းသဝဏ်လွှာပို့သည့် အကြမ်းဖက်စစ်တပ်က နှစ်သစ်ကူးနေ့တွင် သထုံနှင့် ဖာပွန်သို့ လေကြောင်းမှ ဗုံးကြဲ
AK-ဒီဇင်ဘာ ၃၁ ရက် ၊
ကရင်လူမျိုးတို့မြတ်နိုးတန်ဖိုးထားသော ကရင်အမျိုးသားနှစ်သစ်ကူးနေ့သို့ ဆုမွန်ကောင်းတောင်း သဝဏ် လွှာပေးပို့သည့် မင်းအောင်လှိုင်၏ စစ်ကောင်စီတပ်က ကရင်နှစ်သစ်ကူးနေ့တွင် ကရင်အမျိုးသားအစည်းအရုံး-ကေအဲန်ယူ နယ်မြေ သထုံခရိုင်နှင့် ဖာပွန်ခရိုင်အတွင်းရှိ ကျေးရွာများသို့ လေကြောင်းဖြင့်ဗုံးကြဲ တိုက်ခိုက်ခဲ့ကြောင်း နယ်မြေသတင်းအရင်းအမြစ်များအရ သိရသည်။
KNU အုပ်ချုပ်မှုအရ တပ်မဟာ(၅) ဖာပွန်ခရိုင်၊ ကတိုင်တိ၊ ဘောကြို့လယ်ကျေးရွာအပါအဝင် ၎င်းနှင့်နီးစပ်သည့် တပ်မဟာ(၁)နယ်မြေ၊ သထုံခရိုင်ရှိ ကြသောင်းဆိပ်ရွာနှင့် ပျဥ်းမပင်ဆိပ်ကျေးရွာတို့တွင် ယမန်နေ့ ဒီဇင်ဘာလ(၃၀)ရက် ကရင်နှစ်သစ်ကူးနေ့ ညပိုင်းမှစ၍ စစ်ကောင်စီမှ လေကြောင်းဗုံးကြဲတိုက်ခိုက်မှုများ လုပ်ဆောင်ခဲ့ခြင်းဖြစ်သည်ဟု ဒေသခံများက ဆိုသည်။
ကြသောင်းဆိပ်နှင့်ပျဥ်းမပင်ဘက်တွင် စစ်တပ်လေကြောင်းဗုံးကြဲချမှုကြောင့် ကျောင်းသား တစ်ဦးထိခိုက်ဒဏ်ရာရရှိခဲ့သလို ကျန်ဒေသခံများမှာလည်း ပုန်းခိုနေထိုင်ခဲ့ရကြောင်း ကြသောင်းရွာခံအမျိုးသမီးတစ်ဦးက ကေအိုင်စီသို့ ပြောသည်။
“ပျဉ်းမပင်ဆိပ် ရွာနဲ့ ကြသောင်းဆိပ်ရွာကြားမှာ ၃ လုံး လာကြဲချသွားတယ်။ ရွာအထက်ပိုင်းဘက်မှာလည်း ကြဲတယ်။ ကျောင်းသားတစ်ယောက်တော့ နည်းနည်းထိသွားတယ်။ ကြဲလည်းကြဲတယ်။ ပစ်လည်းပစ်တယ်။ ရွာသားတွေကတော့ဒီလိုပဲ ပုန်းအောင်းနေရတယ်ပေါ့။” ဟု ၎င်းအမျိုးသမီးက ပြောသည်။
ယင်းသို့လေကြောင်းတိုက်ခိုက်မှုများကြောင့် သထုံခရိုင်အတွင်းရှိ ကျေးရွာများတွင် ကရင်နှစ်သစ်ကူးနေ့ကို လူစုလူဝေးဖြင့် ထင်ထင်ရှားရှားမပြုလုပ်ရဲတော့သလို အကြောက်တရားဖြင့် ပုန်းအောင်းနေထိုင်ရသည်ဟုလည်း KNU သထုံခရိုင်/တပ်မဟာ(၁)တာဝန်ရှိသူနှင့် ထိုဒေသခံများကဆိုသည်။
တပ်မဟာ (၁)တပ်မဟာ မှူး ဗိုလ်မှူးချုပ် စောစိုးမြင့်ထွေးက “နှစ်သစ်ကူးမနက်မှာတင် သတင်းတွေကြားရတော့ အခမ်းအနားလုပ်ထားတဲ့ဟာတွေဖြုတ်ပြီး ရွာသားတွေလည်း လယ်ထဲလိုက်ပြေးသူပြေး၊ တချို့ကလည်းမြောင်းထဲဆင်းပြေးပေါ့။ ညကလည်း တစ်ညလုံးလေယာဥ်လာဝဲတယ်။” ဟု ၎င်းက ကေအိုင်စီသို့ ပြောသည်။
ဒီဇင်ဘာလ၂၉ ရက်နေ့က ဖာပွန်မြို့နယ်၊ ကတိုင်တိအခြေစိုက် စစ်ကောင်စီ၏စစ်ဗျူဟာ ၁ စခန်းမှ တပ်ဖွဲ့ဝင်များနှင့် ကရင်အမျိုးသားလွတ်မြောက်ရေးတပ်မတော်-KNLA ပူးပေါင်းတပ်များ နှစ်ဖက် တိုက်ပွဲဖြစ်ပွားပြီးနောက် ယခုလိုလေကြောင်းတိုက်ခိုက်မှုများကို စစ်ကောင်စီဘက်မှ လုပ်ဆောင်ခဲ့ခြင်းလည်းဖြစ်သည်။
ကတိုင်တိစခန်းကိုတိုက်ခိုက်စဥ် KNLA နှင့်အတူ ယင်းနယ်မြေတွင် စစ်ရေးလှုပ်ရှားလျက်ရှိသည့် နယ်ခြားစောင့်တပ်-BGF ၁၀၁၃ တပ်ရင်းမှ တပ်ဖွဲ့ဝင်များလည်း ပူးပေါင်းတိုက်ခိုက်လျက်ရှိသလို တပ်ရင်းတစ်ရင်းလုံး KNU ထံပူးပေါင်းသွားသည့် ကောလာဟလများ ပေါ်ထွက်နေသော်လည်း ကေအိုင်စီအနေဖြင့် သီးခြားအတည်ပြုနိုင်ခြင်းမရှိပေ။
မင်းအောင်လှိုင်စစ်တပ်က ကရင်အမျိုးသားနှစ်သစ်ကူးနေ့အတွက် ပေးပို့သည့်ဆုတောင်းသဝဏ်လွှာအတွင်း ပဋိပက္ခကင်းပြီး တိုင်းပြည်တည်ငြိမ်အေးချမ်းစေရန် တိုင်းရင်းသားပြည်သူများ စုပေါင်းလုပ် ဆောင်ရမည်ဖြစ်သည်ဟု ဆိုထားသည်။
သို့ရာတွင် စစ်ရေးပစ်မှတ်မဟုတ်သည့် ကရင်လူမျိုးများနေထိုင်ရာ ကျေးရွာများသို့ ကရင်လူမျိုးတို့၏ နေ့ထူးနေ့မြတ်မချန် ပစ်ခတ်တိုက်ခိုက်မှုကြောင့် ခံရသည့်ကျေးရွာနှင့်အနီးတဝိုက်ရွာရှိ ဒေသခံများမှာ ဘေးလွတ်ရာသို့ထွက်ပြေးရှောင်ရှားနေရသည်ဟုလည်း မြေပြင်သတင်းအရင်းအမြစ်များမှ သိရသည်။
R/F -KIC News
Photo: KIC & CJ

အကြမ်းဖက်စစ်ကောင်စီမှ ကရင်နှစ်သစ်ကူးနေ့အခမ်းအနားကို လေကြောင်းဖြင့် ဗုံးကြဲ
AK-ဒီဇင်ဘာလ (၃၁) ရက်
၂၀၂၄ ခုနှစ်၊ ဒီဇင်ဘာလ (၃၀) ရက်နေ့တွင် ကရင် ပြည်နယ်၌ ကရင်နှစ်သစ်ကူးနေ့အခမ်းအနားကျင်း ပရာနေရာရှိ ကရင်ပြည်သူများကို ပစ်မှတ်ထားကာ အကြမ်းဖက်စစ်ကောင်စီမှ လေကြောင်းဖြင့် ရည် ရွယ်ချက်ရှိရှိ ဗုံးကြဲချသည်ဟု KUN ထုတ်ပြန်ချက်အရ သိကြသည်။
အကြမ်းဖက်စစ်ကောင်စီသည် နိုင်ငံရေးပြဿနာကို နိုင်ငံရေးနည်းလမ်းဖြင့် တွေ့ဆုံဆွေးနွေးကြရန် မကြာသေးခင်ကပင် ဖိတ်ခေါ်မှုပြုလုပ်ခဲ့သော်လည်း
ယခုကဲ့သို့ စစ်ရေးပစ်မှတ်မဟုတ်သည့် အများပြည်သူကို ပစ်မှတ်ထားအကြမ်းဖက်ပြီး ဗုံးကြဲတိုက်ခိုက်နေခြင်းဖြစ်သည်။
ယခုကဲ့သို့ လူမျိုးတမျိုး၏ နှစ်သစ်ကူးပွဲတော်ကို ဗုံးကျဲတိုက်ခိုက်ခြင်းသည် ကရင်လူမျိုးများအပေါ် ရည်ရွယ်ချက်ရှိရှိ လူသားမျိုးနွယ်အပေါ်ကျူးလွန်သည့် ရာဇဝတ်မှုအဖြင့် ပြစ်မှုမြောက်သည်ဟု KUN ၏ ထုတ်ပြန်ချက်တွင် ဖော်ပြထားသည်။
KUN ၏ ထုတ်ပြန်ချက်
#akmedialive
#civilwar
#knu
#Myanmar
#karen

အကြမ်းဖက် စစ်ကောင်စီ၏ စစ်ရေယာဥ် (နေဗီ)မှ ပေါက်တောနယ်ဖက်သို့ လက်နက်ကြီးပစ်ခတ်

AK ၊ ဒီဇင်ဘာ ၃၁ ၊ ၂၀၂၄

စစ်တွေမြို့အနီးတွင် ရပ်တန့်ထားသော အကြမ်းဖက် စစ်ကောင်စီ၏ စစ်ရေယာဥ် (နေဗီ)မှ ပေါက်တောဖက်သို့ ယနေ့ ဒီဇင်ဘာလ ၃၁ ရက်နေ့ နံနက် ၆ နာရီမှစတင်ပြီး လက်နက်ကြီးများဖြင့် အဆက်မပြတ် ပစ်ခတ်နေကြောင်း ဒေသခံများထံမှ သိရှိရသည်။

“ဒီနေ့ မနက် ၆ နာရီကျော်လောက်မှာ စပစ်တယ်။ ၉ နာရီလောက်မှ ရပ်သွားတာပါ။ ဆင်တက်မော်ကျွန်းဖက်သို့ လက်နက်ကြီးတွေနဲ့ ပစ်တာ။ လက်နက်ကြီးကစုစုပေါင်း အချက် ၂၀ လောက်ပစ်တယ်။ ထိခိုက်မှုအခြေအနေကိုတော့ မသိရသေးပါဘူး" ဟု ပြောသည်။

ဒီဇင်ဘာ ၂၇ ရက်နေ့ကလည်း အကြမ်းဖက်စစ်ကောင်စီ၏ လက်နက်ကြီးသည့် တောင်ဦးရွာမှ ဒေါ်မြသိန်းဝေ၏ နေအိမ်တွင် ကျည်တည့်တည့်ထိမှန်ခဲ့ခြင်းဖြစ်ပြီး ၎င်း၏ ရင်ဘတ်တွင် ထိမှန်ကာ နေရာတွင် သေဆုံးသွားခဲ့ခြင်းဖြစ်ကြောင်း ရွာသားများက ပြောသည်။

စစ်တွေမြို့တွင် အာရက္ခတပ်တော်နှင့် အကြမ်းဖက် စစ်ကောင်စီအဖွဲ့တို့ကြား လက်နက်ကြီးများဖြင့် နှစ်ဖက် အပြန်အလှန် ပစ်ခတ်မှုများရှိနေကြောင်း သတင်းကြားသိရပြီး စစ်ကောင်စီဖက်က ရသေ့တောင်၊ ပေါက်တော၊ ပုဏ္ဏားကျွန်း နယ်များဖက်ရှိ အရပ်သားကျေးရွာများအား လက်နက်ကြီး၊ လေကြောင်းတို့ဖြင့် ယခုရက်ပိုင်းအတွင်း သိသိသာသာ တိုက်ခိုက်မှုများရှိလာကြောင်း သတင်းရရှိသည်။

အကြမ်းဖက် စစ်ကောင်စီ၏ ဒရုန်းနှင့် လေကြောင်းတိုက်ခိုက် ပစ်ခတ်မှုကြောင့် ပြီးခဲ့သည့် ၂၀၂၃ ခုနှစ် နိုဝင်ဘာလ ၁၃ ရက်နေ့မှ ၂၀၂၄ ခုနှစ် နိုဝင်ဘာလ ၁၃ ရက်နေ့အထိ တစ်နှစ်အတွင်း ရက္ခိုင်ပြည်တွင်းတွင် ပြည်သူ ၇၈၅ ဦးသေဆုံးခဲ့ရသည်ဟု HDCO ၏ အစီရင်ခံစာအရ သိရသည်။



#akmedialive
#OneNationNews
#arakkhaland

" သတိ "
တေးရွီး - စစ်မင်းအောင်
တေးဆို - လူဇော် ( AK )
Studio - Home Studio
Edit - AK
အချုပ်အချာအာဏာကျရှုံးခြင်း ၂၄၀-နှစ်ပြည့် အမှတ်တရအနီနန့် သီဆိုထားရေ တေးခြင်းဝါသနာရှင် ကိုလူဇော်(AK)ဧ့ ဒုတိယမြောက် ဖန်တီးမှုမှတ်တိုင်ကို ခံစား/နားဆင် အားပီးကတ်ပါမေ။
#akmedialive
#AKTV
#arakkhamedia
#RakhineMusic
##revolutionary
#240ArakanFD

လက်ရှိမြန်မာနိုင်ငံ၏ ပြည်တွင်းရေး အခင်းအကျင်း၊ အဖြစ်အပျက် များကို စစ်ရေးဖြင့် ဖြေရှင်းသည်ထက် နိုင်ငံရေးနည်းလမ်းများဖြင့်ဖြေရှင်းရန် အမြဲတမ်း အသင့်ရှိပါကြောင်း ရက္ခိုင်အမျိုးသားအဖွဲ့ချုပ်/အာရက္ခတပ်တော် (ULA/AA) ထုတ်ပြန်ကြေညာ
ထုတ်ပြန်ကြေညာချက်
အမှတ်၊ (၁၈/၂၀၂၄)
၁၃၈၆ ခုနှစ်၊ နတ်တော်လကွယ်နိ
၂၀၂၄ ခုနှစ်၊ ဒီဇင်ဘာလ (၂၉) ရက်
ရက္ခိုင်အမျိုးသားအဖွဲ့ချုပ်/အာရက္ခတပ်တော် (ULA/AA) သည် အာရက္ခပြည်သူလူထုတစ်ရပ်လုံး၏ ထောက်ခံမှုနှင့်အတူ အာရက္ခဒေသအတွင်းနေ လူမျိုးပေါင်းစုံ၏ အမျိုးသားတန်းတူရေး၊ ဒေသတစ်ခုလုံး ဖိနှိပ်အုပ်ချုပ်သူတို့လက်အောက်မှ လွတ်မြောက်ရေးတို့အတွက် တစိုက်မတ်မတ် ကြိုးပမ်းဆောင်ရွက်လျက်ရှိသော အဓိက ရှေ့ဆောင် လက်နက်ကိုင်တော်လှန်ရေး ဆင်နွှဲနေသည့် နိုင်ငံရေးအဖွဲ့အစည်းတစ်ခုဖြစ်ပါသည်။
အာရက္ခပြည်သူ့တော်လှန်ရေးအစိုးရသည် အာရက္ခဒေသအတွက် အကျိုးစီးပွားဖြစ်ထွန်းသော၊ ဒေသဖွံ့ဖြိုးတိုးတက်ရေးကို အထောက်အကူပြုသော မည်သည့်နိုင်ငံခြားရင်နှီးမြှုပ်နှံမှုမျိုးကိုမဆို အသိအမှတ်ပြု ကြိုဆိုပြီး ရင်းနှီးမြှုပ်နှံရေးလုပ်ငန်းများ၊ စီမံကိန်းများနှင့် ရင်းနှီးမြှုပ်နှံလုပ်ကိုင်ကြသောသူများ၏ လုံခြုံရေး၊ အသက်အန္တရာယ်တို့ကို မိမိတို့အနေဖြင့် အထူးဂရုစိုက် ကာကွယ်စောင့်ရှောက်သွားမည်ဖြစ်သည်။ လာရောက် ရင်းနှီးမြှုပ်နှံကြသော နိုင်ငံခြားရင်းနှီးမြှုပ်နှံမှု၊ စီမံကိန်းများ ဆက်လက်လည်ပတ်နိုင်ရေးအတွက် မိမိတို့အဖွဲ့ အစည်းသည် အဆိုပါ ကုမ္ပဏီများနှင့် ပူးပေါင်းဆောင်ရွက်သွားမည့်အပြင် အကျိုးတူပူးပေါင်းဆောင်ရွက်ရန် ကိုလည်း လိုလားပါသည်။
၂၀၂၃ ခုနှစ်၊ နိုဝင်ဘာလ (၁၃) ရက်နေ့မှစတင်ခဲ့သော အာရက္ခဒေသအတွင်းမှ အာရက္ခတပ်တော်၏ ထိုးစစ်များသည် မိမိတို့ အာရက္ခဒေသအတွင်းနေ ပြည်သူလူထုတစ်ရပ်လုံး၏ လိုလားသောဆန္ဒနှင့် အာရက္ခ ဒေသနေ လူမျိုးပေါင်းစုံ လွတ်မြောက်ရေးကို အဓိကရည်ရွယ်ပြီး အဖိနှိပ်ခံမြန်မာပြည်သူလူထုတစ်ရပ်လုံး စစ်အာဏာရှင်စနစ်အောက်မှ လွတ်မြောက်ရေးအတွက်လည်း တိုက်ရိုက် အထောက်အကူပြုမည်ဟု အကြွင်းမဲ့ ယုံကြည်ပါသည်။ ထို့အပြင် မိမိတို့ အဖွဲ့အစည်းသည် အဖိနှိပ်ခံ မြန်မာပြည်သူလူထုတစ်ရပ်လုံး၏ လိုလား တောင့်တသော နိုင်ငံရေးမျှော်မှန်းချက်များ တစ်လုံးတစ်ဝတည်း ရရှိစေရေးအတွက် မားမားမတ်မတ် ဆက်လက် ရပ်တည်ပြီး မြန်မာပြည်အတွင်းမှ တိုင်းရင်းသားညီအစ်ကိုများ၏ အကောင်းဆုံးသော ညီအစ်ကို မိတ်ဆွေအဖြစ် ဆက်လက်ရပ်တည်သွားမည်ဖြစ်သည်။
လွန်ခဲ့သောနှစ်ကာလများ၌လည်း တရုတ်ပြည်သူ့သမ္မတနိုင်ငံ၏ တက်ကြွသော ဦးဆောင်မှုအောက်တွင် တရုတ်-မြန်မာ နယ်စပ်ဒေသတည်ငြိမ်ရေး၊ အကြမ်းဖက်မှုများပပျောက်ရေး၊ အွန်လိုင်းလောင်းကစား (ကျားဖျင်) တိုက်ဖျက်ရေး စသည့်ကဏ္ဍရပ်များတွင် မိမိတို့အဖွဲ့အစည်းသာမက ကိုးကန့်၊ တအာင်း အဖွဲ့အစည်းများနှင့်အတူ “ဟိုင်ဂင်သဘောတူညီချက်” ရရှိသည်အထိ မိမိတို့သည် စိတ်အားထက်သန်စွာဖြင့် တက်တက်ကြွကြွ ပူးပေါင်း ပါဝင်ခဲ့ပါသည်။ ယခုလည်း မိမိတို့သည် လက်ရှိမြန်မာနိုင်ငံ၏ ပြည်တွင်းရေး အခင်းအကျင်း၊ အဖြစ်အပျက် များကို စစ်ရေးဖြင့် ဖြေရှင်းသည်ထက် နိုင်ငံရေးနည်းလမ်းများဖြင့်ဖြေရှင်းရန် အမြဲတမ်း အသင့်ရှိပါကြောင်း ထုတ်ပြန်ကြေညာအပ်ပါသည်။
ရက္ခိုင်အမျိုးသားအဖွဲ့ချုပ်
AK-Media Liveᴀʀᴀᴋᴋʜᴀ ᴍᴇᴅɪᴀ
#AAInfoDesk
#akmedialive
#highlightseveryonefollowers2024
#statement

Statement
No. (18/2024)
December 29, 2024

The United League of Arakan/Arakan Army (ULA/AA) is a political organization engaged in an armed struggle for the national equality of all ethnic groups within the Arakan region and their liberation from the oppressive rulers, with the full support of the Arakan people. Our organization is actively working towards achieving freedom for the people of Arakan, united in their effort to free themselves from oppression.

The Arakan People's Revolutionary Government (APRG) welcomes and recognizes all foreign investments that will bring benefits to the Arakan region and assist in its development and progress. The government will take special care to ensure the security and safety of those involved in investment activities, projects, and businesses. In order to ensure the continued operation of foreign investments and projects, our organization will cooperate with the companies involved and also seeks mutually beneficial collaboration.

The Arakan Army's offensives, launched since the 13th of November, 2023, have primarily been aimed at fulfilling the aspirations of the Arakan peoples and achieving the liberation of all ethnic groups within the region. We firmly believe that our efforts also directly contribute to the liberation of the entire population of Myanmar. Furthermore, our organization will continue to stand firmly and steadfastly to ensure that the political aspirations of the entirety of Myanmar's oppressed population are realized in unison. We will also remain true brethren and friends to our ethnic brothers and sisters within Myanmar.

In recent years, under the active leadership of the People's Republic of China, our organization, along with the Kokang and Ta’ang groups, has vigorously collaborated in various sectors, including border stability between China and Myanmar, the eradication of violence, and the suppression of online gambling (Kyar Phyant). We worked tirelessly to reach the 'Haigeng Agreement’. Likewise, we always remain open to resolving the current internal issues through political means rather than military solutions.

United League of Arakan (ULA)


DISCLAIMER: The English version of this statement serves as a translation of the original Burmese text for informational purposes only. In case of any discrepancies, the Burmese original shall prevail.

အာရက္ခတပ်တော်မှ ဂွမြိုအား အပြီးသတ်သိမ်းပိုက်
--------------------
အာရက္ခမီဒီယာ ဒီဇင်္ဘာ ၂၉
ဂွမြို့ စစ်ရေးအခြေအနေနှင့်ပတ်သတ်၍ အာရက္ခတပ်တော် ပြောရေးဆိုခွင့်ရှိသူ ဦးခိုင်သုခအား ဆက်သွယ်မေးမြန်းချက်-
AK-Media Live ᴀʀᴀᴋᴋʜᴀ ᴍᴇᴅɪᴀ
#akmedialive
#arakkhamedia
#ULAAA
#ukhaingthukha
#Myanmar
#everyonehighlightsfollowers
#civilwar
#SAC

Formation Mini Album ဖြန့်ဝီဖို့ အခြေအနေတိကို တေးသံရှင် ရီလှိုင်းပြာနန့် တွိဆုံခြင်း
AK-၂၈ ဒီဇင်ဘာ ၂၀၂၄
December 30 ရက်နိ့မာ ထွက်ဟိလာဖို့ဖြစ်တေ Formation Mini Album ဖြန့်ဝီဖို့ အခြေအနေတိကို တေးသံရှင် ရီလှိုင်းပြာနန့် တွိဆုံခြင်း အစီအစိုင်။
အာရက္ခပြည် စစ်ပွဲကြား အခက်အခဲဆုံးအချိန်မှာ Formation Mini Album ကိုဖြန့်ဗျာလ် တချို့ကို စစ်ရှောင်ပြည်သူတိကို ကူညီထောက်ပံ့ပီးလားဖို့ အစီအစဉ် ဟိပြီးကေ အာရက္ခတေးချစ် ပရိတ်သတ်တိအတွက် အကောင်းဆုံးအားပီးကပ်ပါလို့တေးသံရှင် ရီလှိုင်းပြာက တိုက်တွန်းထားပါရေ။
လူဇော် အာရက္ခမီဒီယာမှ စီစဉ်တင်ဆက်သည်။
AK-TV Arakan Ethnics - https://www.youtube.com/@ak-tvaep
AK-TV Entertainment - https://www.youtube.com/@ak-tventertainment
AK-TV Interviews - https://www.youtube.com/@AK-TVPolitics
AK Media Live - https://www.youtube.com/c/AKMediaLiveNewsAnalysis
https://web.facebook.com/akmedia2
https://www.facebook.com/ArakkhaMedia
https://x.com/AKMediaLiveNew1
https://t.me/arakkhamedia
#RakhineMusic
#akmedialive
#AKTV
#RakhineMusic
#Relaiprars
#formationminialbum
#MeGaMusicProduction
#ရခိုင်တေးခြင်း
#အာရက္ခ

ရခိုင်တွင် စိုက်ပျိုးထားသည့် အာဆီယမ် (ခေါ်) ဘိန်းစာရွက်ပင်များကို AA ဖျက်ဆီး (သတင်းတို)
အာရကၡမီဒီယာ ၊ ဒီဇင်ဘာ၂၈
အာရက္ခပြည်မှ မြိုနယ်အချိုတွင် စိုက်ပျိုးထားကြသည့် အာဆီယမ် (ခေါ်) ဘိန်းစာရွက်ပင်များကို ရက္ခိုင်ပြည်သူ့အာဏာပိုင်အဖွဲမှ ဦးဆောင်ပြီး ULA/AA တပ်ဖွဲဝင်များ၊ အာရက္ခပြည်သူ့လုံခြုံရေးနှင့် တရားဥပဒေစိုးမိုးရေးဌာနမှ တပ်ဖွဲဝင်များ၊ အုပ်ချုပ်ရေးဌာနဆိုင်ရာတို ပူးပေါင်းကာ မီးရှိဖျက်ဆီးမှုများ လုပ်ဆောင်နေကြောင်း သိရသည်။
ယမန်နေ့ ဒီဇင်ဘာ ၂၇ ရက်မှစ၍ အာဆီယမ် (ခေါ်) ဘိန်းစာရွက်ပင်များ စိုက်ပျိုးထားသည့်နေရာများသို သွား‌ရောက်ကာ ဖျက်ဆီးမှုများလုပ်နေပြီး ထိုအပင်များကို နောက်ထပ် လုံးဝမစိုက်ပျိုးရန်နှင့် စိုက်ပျိုးသူများကိုလည်း ဥပဒေနှင့်အညီ ထိထိရောက်ရောက် အရေးယူသွားမည်ဟု သတိပေးခဲ့ကြောင်း သိရသည်။
ဘိန်းစာရွက်ပင်များကို သောက်သုံးခြင်းအားဖြင့် ကျန်းမာရေးကို ဆိုးဆိုးဝါးဝါး ထိခိုက်စေနိုင်ကြောင်းကိုလည်း အသိပညာပေးမှုများ ပြုလုပ်ခဲ့ကြောင်း သိရသည်။
အာဆီယမ် (ခေါ်) ဘိန်းစာရွက်ပင်များကို ပုဏ္ဏားကျွန်း၊ ကျောက်တော်နှင့် ဘူးသီးတောင် စသည့် မြိုနယ်တိုတွင် အများအားဖြင့် စိုက်ပျိုးကြပြီး ကျောက်တော်နှင့် ပုဏ္ဏားကျွန်း မြိုနယ်များအတွင်း သုံးစွဲမှုပိုများနေကြောင်း သိရသည်။
အာဆီယံဆေးရွက်ကို မူယစ်ဆေးအဖြစ် သောက်သုံးနေခြင်း၏ အကျိုးဆက်အဖြစ် ကျန်းမာရေးကဏ္ဍတွင် စိုးရိမ်စရာဖြစ်လာနိုင်ပြီး၊ ရေရှည်သုံးစွဲပါက မှတ်ဉာဏ်အားနည်းခြင်း၊ စိတ်ဓာတ်ကျလွယ်ခြင်း၊ ကင်ဆင် စသည့် အထွေထွေရောဂါများ ဖြစ်လာနိုင်ကြောင်း ကျန်းမာရေးအသိုင်းအဝိုင်းက ပြောဆိုကြသည်။
ပုံစာ - အာဆီယမ် (ခေါ်) ဘိန်းစာရွက်ပင်များကို အာရက္ခတပ်တော်က မီးရှိဖျက်ဆီးနေသည်ကို တွေ့ရစဉ်။ ဓာတ်ပုံ - APM
AAK-Media Live#akmedialive
#ULAAA
#arakkhaland
#arakkhapolice

ULA/AA မှ ဒေါ်လာ သန်းပေါင်း သောင်းနှင့်ချီသော တရုတ်စီမံကိန်းများကို ထိန်းချုပ်ထား
AK-ဒီဇင်ဘာ ၂၈
ရခိုင်ပြည်တွင် သန်းပေါင်းသောင်းချီတန်သည့် တရုတ်ရင်းနှီးမြှုပ်နှံမှုစီမံကိန်း စုစုပေါင်း ၁၁ ခုရှိသည့်အနက် ၁၀ ခုကို ၂၀၂၄ ခုနှစ် ဒီဇင်ဘာ ၂၄ ရက်အထိ အချက်အလက်တွေအရ အာရက္ခတပ်တော် (AA) က ထိန်းချုပ်ထားကြောင်း သိရသည်။
အမေရိကန်ဒေါ်လာ ၁၀၉၀ သန်းရှိသော သဘာဝ ဓာတ်ငွေ့ပိုက်လိုင်း၊ အမေရိကန်ဒေါ်လာ ၁၁၀၀၀ သန်းရှိသော မန္တလေး-ကျောက်ဖြူရထားလမ်း၊ အမေရိကန်ဒေါ်လာ ၁၅၀၀ သန်းရှိသော ရေနံပိုက်လိုင်း၊ အမေရိကန်ဒေါ်လာ ၉၆၀၀ သန်းရှိသော ကျောက်ဖြူရေနက်ဆိပ်ကမ်းနှင့် အထူးစီးပွားရေးဇုန်၊ အမေရိကန်ဒေါ်လာ ၁၈၀ သန်းရှိသော ကျောက်ဖြူ သဘာဝဓာတ်ငွေ့သုံး စွမ်းအင်စီမံကိန်းတို့ ဖြစ်ပြီး စုစုပေါင်း အမေရိကန်ဒေါ်လာ သန်းပေါင်း ၂၃၃၇၀ ကို အာရက္ခတပ်တော် AA က ထိန်းချုပ်ထားခြင်းဖြစ်သည်။
အာရက္ခတပ်တော် AA သည် သံတွဲမြို့နယ် ငပလီမြို့ရှိ ဘီလီယံနှင့်ချီ တန်ဖိုးရှိသော စစ်ကောင်စီနှင့် ဆက်စပ်သော စီးပွားရေးလုပ်ငန်းရှင်များ၏ ဟိုတယ်နှင့်စီမံကိန်းများကိုလည်း သိမ်းပိုက်ထားကြောင်း သိရသည်။
ကျောက်ဖြူ-အမ်း ရထားလမ်း၊ အမ်း လေအားလျှပ်စစ်စီမံကိန်း၊ မန္တလေး-ကျောက်ဖြူကားလမ်း၊ ကျောက်ဖြူ-နေပြည်တော် ကားလမ်း၊ သံတွဲ လေအားလျှပ်စစ်စီမံကိန်းတို့ကိုလည်း AA က ထိန်းချုပ်ထားပြီး စီမံကိန်းများ၏ တန်ဖိုးများအား မသိရသေးပေ။
သံတွဲနဲ့ အမ်းမြို့တွေမှာရှိတဲ့ လေအားလျှပ်စစ်စီမံကိန်းတွေကို အပြည့်အဝထိန်းချုပ်ထားတာဖြစ်ပြီး ကျောက်ဖြူရေနက်ဆိပ်ကမ်းနဲ့ အထူးစီးပွားရေးဇုန် စီမံကိန်း၊ မန္တလေး-ကျောက်ဖြူ ရထားလမ်းစီမံကိန်း၊ ကျောက်ဖြူ-နေပြည်တော် ကားလမ်းစီမံကိန်း၊ တရုတ်-မြန်မာ ရေနံနဲ့သဘာဝဓာတ်ငွေ့ပိုက်လိုင်းအပါအဝင် ကုန်သွယ်ရေးလမ်းကြောင်းတွေကို တစိတ်တပိုင်း ထိန်းချုပ်ထားသည် ဆို၏။
ဖော်ပြပါ အချက်အလက်များသည် ISP Myanmar မှ စုဆောင်းထားသော အချက်အလက်များသာဖြစ်ပြီး မြေပြင်အခြေအနေနှင့် အနည်းငယ်ကွဲလွဲနိုင်ပါ သည်။
AK-Media Live
ᴀʀᴀᴋᴋʜᴀ ᴍᴇᴅɪᴀ
#akmedialive
#Myanmar
#civilwar
#ULAAA
#ISPMyanmar
@followers
@topfans

စစ်တွေမြို့ရှိ အကြမ်းဖက်စစ်ကောင်စီတပ်ရင်းများက ပေါက်တောမြို့နယ်သို့ လက်နက်ကြီးဖြင့် ပစ်ခတ်နေ

AK ၊ ဒီဇင်ဘာ ၂၇ ၊ ၂၀၂၄

ရက္ခိုင်ပြည်၊ စစ်တွေမြို့၊ အထိုင်တပ်ရင်းများမှ ပေါက်တောမြို့နယ်ဖက်သို့ ယနေ့ ညနေ ၈ နာရီ ၁၅ မိနစ်ကစတင်ပြီး လက်နက်ကြီးများဖြင့် ပစ်ခတ်နေကြောင်း ဒေသခံများထံမှ သတင်းရရှိသည်။

"စစ်တွေဖက်က ပေါက်တောမြို့နယ်ဖက်သို့ လက်နက်ကြီးနဲ့ပစ်တာ ၁၁ ခေါက်ရှိပါပြီ။ ညနေ ၈ နာရီလောက်မှာ ပစ်တာပါ။ ဘယ်နေရာတွေကျလဲဆိုတာတော့ မပြောတတ်သေးပါဘူး၊ စစ်တွေက တပ်ရင်းတွေကိုAA ဝင်တိုက်နေတယ်ဆိုတာတော့ မဟုတ်သေးပါဘူး "ဟု သတင်းရင်းမြစ်တခုက ပြောဆိုသည်။

အကြမ်းဖက်စစ်ကောင်စီ၏ ကျောက်တန်းစစ်ဆေးရေးဂိတ်နှင့် စစ်တွေဒကစကို ထိုးစစ်ဆင်တိုက်ခိုက်နေကြောင်း နိရဥ္ဇရာ သတင်းဌာန၏ ဖော်ပြုမှုအပေါ် အဆိုပါ သတင်းရင်းမြစ်က ငြင်းဆိုထားသည်။

စစ်တွေတွင် အကြမ်းဖက်စစ်ကောင်စီသည် ရခိုင်ပြည်လွတ်မြောက်ရေးပါတီ - ALP နှင့် ဒုက္ခသည်စခန်းများမှ စစ်သားစုဆောင်းထားသည့် မွတ်ဆလင် စစ်သင်တန်းဆင်းလူငယ်များကို လက်နက်တပ်ဆင်ပေးကာ ပြည်သူလူထုအပေါ် ဖမ်းဆီး၊ သတ်ဖြတ်မှုများနှင့် နေအိမ်များကို ဖောက်ထွင်းမှုများ နေ့စဥ်ရက်ဆက် ကျူးလွန်နေကြောင်း သတင်းရရှိသည်။

ဒီဇင်ဘာလ ၂၁ နှင့် ၂၄ ရက်နေ့တွင်လည်း အကြမ်းဖက်စစ်ကောင်စီနှင့် ရခိုင်ပြည်လွတ်မြောက်ရေးပါတီ ALP အဖွဲ့သည် စစ်တွေမြို့ ကသည်းရပ်ကွက်နှင့် မကျည်းမြိုင်ရပ်ကွက်များကို ဝင်ရောက်ကာ နေအိမ်များကို အင်အားသုံး စစ်ဆေးမှုများပြုလုပ်ပြီး အရပ်သားများကို အားဓမ္မဖမ်းဆီးသွားကြောင်း သတင်းရရှိသည်။

စစ်တွေမြို့ ပွိုင့်ကမ်းခြေ၊ ဆပ်ရိုးကျချောင်းဝ ၊စစ်တွေ-ကျောက်တော်ထွက်ဝ ၊ စစ်တွေ-ကျောက်ဖြူ ထွက်ဝစသည့် စစ်တွေမြို့ကို ဝင်ရောက်နိုင်သော ရေလမ်းကြောင်းထွက်ပေါက်တွေမှာ နေဗီ စစ်သင်္ဘော ၁၀ စီးကျော်နှင့် စစ်တွေမြို့ ကို ပတ်လည်လုံခြုံရေး တိုးမြှင့်ချထားကြောင်းလည်း စုံစမ်းသိရှိရသည်။

ဓာတ်ပုံ - အကြမ်းဖက်စစ်ကောင်စီ တပ်သားများ

#civilwar
#Myanmar
#arakkhaland
#ULAAA
ᴀʀᴀᴋᴋʜᴀ ᴍᴇᴅɪᴀ
One Nation News
@topfans
#akmedialive

အကြမ်းဖက်စစ်ကောင်စီနှင့် ဆက်နွှယ်သည့် အရက်၊ ဘီယာများကို အာရက္ခတပ်တော် ရဲတပ်ဖွဲ့ ဖမ်းဆီးအရေးယူ

AK ၊ ဒီဇင်ဘာလ ၂၇၊ ၂၀၂၄

ရက္ခိုင်ဒေသတွင်းက အာရက္ခတပ်တော် (AA) သိမ်းပိုက်ထားသည့် မြို့နှင့် ကျေးရွာများမှာ ဒီဇင်ဘာလ ၂၀ ရက်နေ့ကစပြီး အရက်၊ ဘီယာ တင်သွင်းရောင်းချမှုများကို တားမြစ်ပိတ်ပင်ထားကြောင်း အာရက္ခတပ်တော် စစ်ဒေသများက ထုတ်ပြန်ထားသည်။

အဆိုပါကိစ္စနှင့် စပ်လျဥ်း၍ အာရက္ခတပ်တော်၏ ရဲတပ်ဖွဲနှင့် ဒေသအုပ်ချုပ်ရေးပူးပေါင်းအဖွဲ့များသည် တရားမဝင် အရက်ရောင်းချမှုများကို ဖမ်းဆီးအရေးယူမှု လုပ်ဆောင်နေကြောင်း ဒေသခံများထံမှ သိရှိသည်။

အာရက္ခဒေသတွင် ဒေသထွက် အရက်ကလွဲပြီး ကျန်သည့် အရက်အမျိုးအစားများ တင်သွင်းရောင်းချခွင့် ပိတ်ပင်ထားကာ တွေ့ရှိပါက ဖမ်းဆီးအရေးယူမှုများ ပြုလုပ်နေကြောင်း ဒေသဆိုင်ရာ သတင်းရင်းမြစ်များအရ သိရှိရသည်။

ဓာတ်ပုံ - မူးယစ်ထုတ်ကုန်များအား AA မှ ဖမ်းဆီးနေသည် တွေ့ရစဉ်။

ᴀʀᴀᴋᴋʜᴀ ᴍᴇᴅɪᴀ
#OneNationNews
#ArakkhaPolice
#Agov
AK-Media Live@topfans

ရက္ခိုင်ပြည်၊ အမ်းမြိုနယ်၊ အကြမ်းဖက် ဖက်ဆစ် စစ်ကောင်စီ၏ အနောက်ပိုင်းတိုင်းစစ်ဌာနချုပ် (နပခ) အား အာရက္ခတပ်တော်မှ တိုက်ခိုက်သိမ်းပိုက်ခဲ့သည့် ရုပ်သံမှတ်တမ်း
Video record of the Arakan Army capturing the fascist SAC's headquarters of Western Command (NaPaKha)

၂၀၂၄ ခုနှစ်၊ ဒီဇင်ဘာလ (၂၆) ရက်
December 26, 2024

ဘင်္ဂလားဒေချ့်ဒုက္ခသည်စခန်းတွင် အာဆာနှင့်အတူ ရပ်တည်ကြောင်း မွတ်ဆလင်များ ဆန္ဒထုတ်ဖော်
One Nation News ၊ ဒီဇင်ဘာ ၂၅၊ ၂၀၂၄
ဘင်္ဂလားဒေချ့်ကယ်ဆယ်ရေးစခန်းတွင် အာဆာနှင့် အတူရပ်တည်ကြောင်း ဒုက္ခသည်စခန်းမှ မွတ်ဆလင်များ ယနေ့ ဒီဇင်ဘာ ၂၅ ရက်နေ့တွင် ဆန္ဒထုတ်ဖော်ခဲ့ကြောင်း သိရှိရသည်။
အဆိုပါဆန္ဒပြပွဲကို အစ္စလာမ်ဘာသာရေး ခေါင်းဆောင်များနှင့် ဒုက္ခသည်စခန်းမှ မွတ်ဆလင် ထောင်ချီပါဝင်ခဲ့ပြီး ဘာသာရေးခေါင်းဆောင်များက စည်းရုံးဟောပြောခဲ့ကြောင်း သိရှိရသည်။
လူမှုကွန်ယက်တွင် ထွက်ပေါ်လာသော ဗီဒီယိုရုပ်သံအရ "ရက္ခိုင်ပြည်ရဲ့ စစ်မြေပြင်ကို ဘယ်တော့မှ ဆုတ်ခွာမသွားတဲ့ ARSA အဖွဲ့မှ Ata Ullah Abu Amar Jonuni နှင့်ရပ်တည်ကြောင်းနှင့် အာရကန်ကယ်တင်ရေးတပ်-အာဆာကို အားပေးထောက်ခံကြောင်း" ပြောဆိုစည်းရုံးခဲ့ကြသည်။
မြန်မာစစ်တပ်နှင့် မွတ်ဆလင်တို့ကြားဖြစ်ပွားခဲ့သော ၂၀၁၇ ခုနှစ်၊ အရေးအခင်းအပြီး ဘူးသီးတောင်-မောင်တောမှ မွတ်ဆလင် (၇)သိန်းကျော်သည် ဘင်္ဂလားဒေ့ချ်နိုင်ငံသို့ ထွက်ပြေးခဲ့ရပြီး အဆိုပါ ဒုက္ခသည်စခန်းတွင် နေထိုင်ကြခြင်းဖြစ်သည်။
အာရက္ခတပ်တော်မှဆင်နွဲသည့် ဘူးသီးတောင်-မောင်တောမြို့သိမ်းတိုက်ပွဲတွင် အဆိုပါဒုက္ခသည်စခန်းမှ မွတ်ဆလင် လူငယ် ထောင်ချီသည် အကြမ်းဖက်စစ်ကောင်စီဖက်က လက်နက်ကိုင်ကာ အာရက္ခတပ်တော်ကို တိုက်ခိုက်ခဲ့ကြောင်းလည်း အချက်အလက်များအရ သိရှိရသည်။
ဗီဒီယို - ယနေ့ဟောပြောသော ရုပ်သံ
One Nation News

အမ်းမြိုနယ်၊ အနောက်ပိုင်းတိုင်းစစ်ဌာနချုပ် (နပခ) ဌာနချုပ် အပါအဝင် အာရက္ခတပ်တော်မှ အပြီးသတ်သိမ်းပိုက်ပြီးနောက် အကြမ်းဖက် ဖက်ဆစ် စစ်ကောင်စီ၏ အမ်း၊ ရုံးဌာနများရှေ့တွင် တွေ့ရသော အာရက္ခစစ်သည်တော်များ။
အမ်း နှင့် ဂွသို စစ်ကူလာသော ဖက်ဆစ် အကြမ်းဖက် စစ်ကောင်စီ၏ စစ်ကြောင်းနှစ်ခုစလုံးအား အာရက္ခ တပ်တော်မှ အချိန်တိုအတွင်း အပြတ်အသတ် ချေမှုန်းတိုက်ခိုက်နိုင်ခဲ့သော တိုက်ပွဲသတင်းအာရက္ခတပ်တော်မှ ထုတ်ပြန်

အမ်းမြို့နယ်၊ အနောက်ပိုင်းတိုင်းစစ်ဌာနချုပ် (နပခ) ဌာနချုပ်အတွင်းမှ နေရာအများစု (နပခဌာနချုပ်ဂွင်တစ်ခုသာကျန်) နှင့် အမ်းလေဆိပ်တို့အား အာရက္ခတပ်တော်မှ အပြီးသတ်သိမ်းပိုက်ပြီးနောက် အကြမ်းဖက် ဖက်ဆစ် စစ်ကောင်စီ၏ အမ်း၊ ရုံးဌာနများရှေ့တွင် တွေ့ရသော အာရက္ခစစ်သည်တော်များ
ဓာတ်ပုံများ အာရက္ခတပ်တော် ထုတ်ပြန်။

ဓာတ်ပုံ သတင်း

အမ်းမြို့နယ်၊ အနောက်ပိုင်းတိုင်းစစ်ဌာနချုပ် (နပခ) ဌာနချုပ်အတွင်းမှ နေရာအများစု (နပခဌာနချုပ်ဂွင်တစ်ခုသာကျန်) နှင့် အမ်းလေဆိပ်တို့အား အာရက္ခတပ်တော်မှ အပြီးသတ်သိမ်းပိုက်ပြီးနောက် အကြမ်းဖက် ဖက်ဆစ် စစ်ကောင်စီ၏ အမ်း၊ ရုံးဌာနများရှေ့တွင် တွေ့ရသော အာရက္ခစစ်သည်တော်များ
ဓာတ်ပုံများ အာရက္ခတပ်တော် ထုတ်ပြန်။

ဓာတ်ပုံ သတင်း

အမ်း နှင့် ဂွမြို့သို့ စစ်ကူလာသော ရန်သူ့စစ်ကြောင်းများအား အာရက္ခတပ်တော်မှ ဖြတ်တောက်ချေမှုန်း တိုက်ခိုက်စဉ်အတွင်း လက်ရဖမ်းဆီးရမိသော ရန်သူ့အလောင်းများ၊ စစ်သုံ့ပန်းအချို့ နှင့် လက်နက်ခဲယမ်းမီးကျောက်များ (ရုပ်သံဖိုင်)

ရှိကျင်းပင် အစိုးရ၏ မှားယွင်းနေသော ပေါ်လစီကို ကမ္ဘာလုံးဆိုင်ရာလှုပ်ရှားမှုဖြင့် ဆန္ဒဖေါ်ထုတ်မည်

သံတွဲမြို့ကို အကြမ်းဖက်စစ်ကောင်စီ လေကြောင်းဗုံးကြဲတိုက်ခိုက်၍ ၁ ဦးသေ၊ ၃ ဦးဒဏ်ရာရ

အာရက္ခမီဒီယာ| ၂၅ နိုဝင်ဘာ ၂၀၂၄

အာရက္ခဒေသ သံတွဲမြို့နယ်တွင် ယမန်နေ့ ၂၄ ရက် နံနက် အကြမ်းဖက်စစ်ကောင်စီ ဂျက်ဖိုက်တာဖြင့် ဗုံးကြဲတိုက်ခိုက်မှုကြောင့် ​ဒေသခံပြည်သူ ၁ ဦး သေဆုံးခဲ့ပြီး ၃ ဦး ဒဏ်ရာရရှိသွားခဲ့ကြောင်း ဒေသခံများမှ ပြောသည်။

သေဆုံးသူတွေမှာ သံတွဲမြို့နယ်၊ မရိုးဘေးရွာမှ သစ်ငုတ္တိုရွာတွင် စစ်ရှောင်နေသော မောင်ခိုင်ဇော် (၁၆နှစ်) ဖြစ်ပြီး သစ်ငုတ္တိုရွာမှ မခိုင်ဇင်ထွေး(၁၈ နှစ်)၊ ဦးသိန်းတင်(၄၉ နှစ်)နှင့် ဦးတင်ရွှေ (၇၇ နှစ်)တို့ ဖြစ်သည်။

နိုဝင်ဘာ ၂၄ ရက် နံနက် ၁၁ နာရီခွဲတွင် အကြမ်းဖက်စစ်ကောင်စီ၏ ဂျက်ဖိုက်တာတစ်စီးသည် သစ်ငုတ္တိုရွာအား ဗုံး ၁ လုံးကြဲချခဲ့ကြောင်း ဒေသခံများမှ ပြောသည်။

၎င်း ဗုံးကြဲချမှုကြောင့် သစ်ငုတ္တိုရွာမှ ဦးသိန်းတင်၏ နေအိမ်တွင်ကျရောက်ပေါက်ကွဲခဲ့သဖြင့်  အိမ်ထဲရှိ မောင်ခိုင်ဇော်သည် ဗုံးစထိမှန်ကာ  နေရာတွင် သေဆုံးသွားကြောင်း ဆိုသည်။

ထို့အပြင် မခိုင်ဇင်ထွေး၊ ဦးသိန်းတင်နှင့် ဦးတင်ရွှေ တို့သည်လည်း ဒဏ်ရာ ပြင်းပြင်းထန်ထန် ရရှိခဲ့သလို၊ ဦးသိန်းတင်၏ နေအိမ်သည်လည်း လုံးဝ ပျက်စီးသွားကြောင်း သိရသည်။

လက်ရှိတွင် တောင်ကုတ်မြို့၌ တိုက်ပွဲများ ပြင်းထန်နေပြီး အာရက္ခတပ်တော် AA ၏ ဘက်ပေါင်းစုံ ထိုးစစ်အား ခုခံနိုင်ခြင်းမရှိသောကြောင့် အကြမ်းဖက် စစ်ကောင်စီတပ်ဖွဲ့ဝင်များအားလုံး တပ်မ စကခ ၅ နှင့် ခမရ ၅၄၄, ၃၄၆ တပ်ရင်းသို့ ဆုတ်ခွာသွားပြီဖြစ်ကြောင်း သိရသည်။

ပုံစာ-ပေါက်တူးရွာထဲသို့ အကြမ်းဖက် စစ်ကောင်စီတပ် လေကြောင်းဗုံးကြဲခဲ့သောပုံ (Photo-CJ)

အာရက္ခမီဒီယာ၊
YouTube: https://youtu.be/hyXV57MIOkY
Telegram: https://t.me/arakkhamedia

သံတွဲမြို့ကို အကြမ်းဖက်စစ်ကောင်စီ လေကြောင်းဗုံးကြဲတိုက်ခိုက်၍ ၁ ဦးသေ၊ ၃ ဦးဒဏ်ရာရ

အာရက္ခမီဒီယာ| ၂၅ နိုဝင်ဘာ ၂၀၂၄

အာရက္ခဒေသက ဂီတ၊ အနုပညာသမားရို့၏ စိန်ခေါ်မှု

AK TV - 24 Nov 2024

သရုပ်ဆောင် ဒါရိုက်တာ၊ ဂျေဖြိုး

Link >> https://youtu.be/U6u9zcL-opQ

#အာရက္ခဂီတ
#အာရက္ခအနုပညာ
#အာရက္ခဒေသက
#ArakanMusic

Our Way
ငါတို့လမ်း - အစီအစဉ်
11/10/2024 AK
Khaisa (Mara) ၏
ထင်မြင်ယူဆ ပြောဆိုချက်။
#arakkhamedia
#akmedialive
#aktv
#ourway
#highlightseveryonefollowers2024
#akinterview
#ourway
#everyonehighlights

ရက္ခိုင်မှ စစ်ဘေးရှောင်များအား Rakhaing Development Foundation (RDF) နဲ့ တခြား ပရဟိတအဖွဲ့များ စားနပ်ရိက္ခာကူညီ

အာရက္ခမီဒီယာ| ၂၃ နိုဝင်ဘာ ၂၀၂၄

အာရက္ခတပ်တော် နန့် စစ်ကောင်စီ အကြမ်းဖက်တပ်များ နှစ်ဖက်တိုက်ပွဲများ ဖြစ်စဉ်အတွင်း ရက္ခိုင်ပြည်မှ ရက္ခိုင်နန့် ရက္ခိုင်မျိုးနွယ်စုဝင်များ အိမ်နီးချင်းနိုင်ငံ ဘဂ်လာဒေချ့် သို့ နယ်စပ်ဖြတ်ကျော်ကာ တိမ်းရှောင်လာနေမှုတွေ များပြားလာကြောင်း သိရသည်။

အဆိုပါ စစ်ဘေးရှောင်များမှာ နယ်စပ်တလျှောက် အခက်အခဲပေါင်းစုံအား ကျော်ဖြတ်ကာ ဝင်ရောက်၍ ရက္ခိုင်ရွာများတွင် ကြုံသလို ဒုက္ခခံပြီး နေထိုင်လျှက်ရှိကြောင်းလည်း ဆိုရှယ်မီဒီယာဘလော့ဂါများ တင်ပြ၍ တွေ့မြင်ရသည်။

အဆိုပါ ဒုက္ခသည်များအား ယနေ့ ဘဂ်လာဒေချ့်နိုင်ငံရှိ Rakhaing Development Foundation (RDF) မှ ဦးဆောင်၍ စစ်ရှောင်ဒုက္ခသည်
မိသားစု (၁၀၀) လူဦးရေ (၃၀၀)အား ဆန် တလစာ (၁၅ kg) ဆီ (၁) လီတာ တစ်ပုလင်း လှုဒါန်းနေကြောင်း အာရက္ခမီဒီယာက ကွင်းဆင်း အင်တာဗျူးရယူခဲ့ပါသည်။

RDF အဖွဲ့မှ ကနဦးလည်း တက္ကနာနယ်စပ်သို့ ရောက်ရှိလာသော စစ်ရှောင်ဦးရေ (၃၀၀) အားလည်းဆန် ဆီ တလစာ ကူညီခဲ့ကြောင်းဆိုသည်။

ဘဂ်လာဒေချ့်နိုင်ငံရှိ (RDF)အဖွဲ့ဟာ ဘဂ်လာဒေချ့်နိုင်ငံတွင် အစိုးရတရားဝင် မှတ်ပုံတင်ထားသော ရက္ခိုင်ပရဟိတ တိုးတက်ရေးကို အဖက်ဖက်က ဆောင်ရွက်နေတဲ့ အဖွဲ့တစ်ခုဖြစ်ကြောင်း သူတို့က စစ်ရှောင်များသာ မကပဲ ဘဂ်လာနိုင်ငံရှိ ရက္ခိုင်လူမျိုး မျက်စေ့ရောဂါဖြစ်နေသူ တစ်ဦးအားလည်း မျက်စေ့ခွဲစိပ်မှုအား ကူညီခဲ့ကြောင်း သိရသည်။

ယင်းနောက် ထိုင်းနိုင်ငံ အခြေစိုက်လေးဝတီမျိုးချစ်လူငယ် ပရဟိတအသင်းမှ ဥက္ကဌ ကိုခိုင်ထွန်းလင်းမှလည်း ဘဂ်လာရောက် စစ်ရှောင်
များအား ဆန် ဆီ စောင် အနွေးထည်များ တာကာ (၅၀၀၀၀) ခန့် ကူညီလှူဒါန်းခဲ့ကြောင်း သိရသည်။

ဘဂ်လာရောက် စစ်ရှောင်များအား အာရက္ခမီဒီယာမှ မေးမြန်းရာ “အခုလို လာရောက် ကူညီပေးတဲ့ အလှုရှင်များကို အထူးကျေးဇူးတင်ရှိပါတယ် ကျွန်မတို့ အဓိက ပြောချင်တာက စားနပ်ရိက္ခာ လတိုင်းလာလှူတာတော့ မရှိပါဘူး အလှူရှင် မရှိတဲ့ အချိန်ဆို ကျွန်မတို့ ဘာသာစကားလည်း မကျွမ်းတော့ နေ့စား အငှါးလုပ်ရတာတွေတော့ ရှိပါတယ် ခုဆို ဆောင်းရာသီအတွက် အနွေးထည် စောင် ခြင်ထောင်တွေ မကျမ္မာတဲ့
အချိန် ဆေးဝါးတွေ လိုအပ်နေပါတယ်” ဟုဆိုသည်။

စစ်ရှောင်များတွင် ပါလာတဲ့ ခလေးတွေရဲ့ ပညာရေးကိစ္စကို မေးတဲ့အခါ သူတို့က ပညာရေးထက်အိုးမဲ့အိမ်မဲ့ဘဝကနေ တနေ့စာ
စားသောက်နိုင်ဖို့ အလှူရှင်များ ဘယ်ကပေါ်လာမလဲ ဆိုတဲ့ အားကိုးရှာနေတဲ့ မျက်နှာပုံရိပ်တွေအလှူရှင်မရှိရင် အငတ်ဘေးကြုံရမှာကို တွေးပူကြောင်းဆိုရှာပါတယ်။

အာရက္ခပြည် အေးချမ်းသွားရင် အိမ်ပြန်မလား မေးခွန်းကိုတော့ အားရဝမ်းသာနဲ့ “ကျွန်မတို့ ချက်ချင်း ပြန်မှာပါ “ လို့ အားတက်သရော ဖြေကြားခဲ့သလို ပရဟိတအဖွဲ့မှ လူတစ်ဦးကလည်း ယခုလို မှတ်ချက်ပြုခဲ့ပါတယ်။

“ဒီ စစ်ရှောင်တွေ သူတို့ဝမ်းသာအားရ အိမ်ပြန်မယ်ပြောတယ် တကယ်လို့ သူတို့အိမ်ပြန်ရင်ကော အိမ်ဆိုတာရော ရက္ခိုင်ပြည်မှာ ရှိနေပါတော့မလား အကြမ်းဖက် စစ်ကောင်စီရဲ့ လူမဆန်တဲ့ ဗုံးမိုးရွာတာကြောင့် မီးလောင်ပြင် အိမ်တိုင်တွေသာ ရှိနေပြီး သူတို့ရဲ့ အိမ်ဆိုတဲ့ နေရာကိုကော ဒါ ကျွန်မတို့ရွာ ကျွန်မတို့အိမ်ဆိုပြီး အတိအကျ ပြောနိုင်တော့မယ် မထင်ပါဘူး" ဟုဆိုပါတယ်။

အာရက္ခမီဒီယာ၊
YouTube: https://youtu.be/hyXV57MIOkY
Telegram: https://t.me/arakkhamedia

ရက္ခိုင်မှ စစ်ဘေးရှောင်များအား Rakhaing Development Foundation (RDF) နဲ့ တခြား ပရဟိတအဖွဲ့များ စားနပ်ရိက္ခာကူညီ

အာရက္ခမီဒီယာ| ၂၃ နိုဝင်ဘာ ၂၀၂၄

" လက်တစ်စုံ "
တေးရွီး - စစ်မင်းအောင်
တေးဆို - လူဇော် ( AK )
Studio - Home Studio
Edit - AK
လူသားတိုင်းရင်ထဲက ကိုယ်ချင်းစာတရားကိုယ်စီနန့် ရင်ငွိ့တိမျှဝီပီးနိုင်ကတ်ဖို့ ရည်ရွယ်ယင်း တေးခြင်းချေတစ်ပုဒ် ဖန်တီးဖြိုက်ပါရေ ၊ အကြံပြု / အားပီးမှုတိကို ကြိုဆိုပါယင့်။
လူဇော် ( AK )
Arakkha Music - https://youtu.be/DEFOD3aEWYI
#ရခိုင်တေးခြင်း
#ရခိုင်သီချင်း
#အာရက္ခ
#ArakanMusic
#ArakanSong
#RakhineMusic
#RakhineSong

အာရက္ခရေပိုင်နက်အတွင်းသို့ ကျူးကျော်ဝင်ရောက် ငါးခိုးဖမ်းခဲ့သော ဘင်္ဂလားဒေ့ရှ်နိုင်ငံသား ရေလုပ်သား (၂၀) ဦးအား စစ်ဆေးမှုများပြုလုပ်ပြီးနောက် ဘင်္ဂလားဒေ့ရှ်သို့ လွှဲပြောင်းအပ်နှံဟု အာရက္ခတပ်တော်(AA) ထုပ်ပြန်

(မူရင်းထုတ်ပြန်ချက်)

အာရက္ခရေပိုင်နက်အတွင်းသို့ ကျူးကျော်ဝင်ရောက် ငါးခိုးဖမ်းခဲ့သော ဘင်္ဂလားဒေ့ရှ်နိုင်ငံသား ရေလုပ်သား (၂၀) ဦးအား လိုအပ်သောခေါ်ယူစစ်ဆေးမှုများပြုလုပ်ပြီးနောက် ငါးခိုးဖမ်းသမားများအား ပြန်လည်လွှဲပြောင်းအပ်နှံခြင်းဆိုင်ရာ သတင်းထုတ်ပြန်ချက်

၂၀၂၄ ခုနှစ်၊ နိုဝင်ဘာလ (၂၀) ရက်

၂၀၂၄ ခုနှစ်၊ နိုဝင်ဘာလ (၅) ရက်နေ့တွင် အာရက္ခရေပိုင်နက်အတွင်းသို့ ကျူးကျော်ဝင်ရောက်ကာ ငါးခိုးဖမ်းနေသော ဘင်္ဂလားဒေ့ရှ်နိုင်ငံဘက်မှ ငါးဖမ်းလှေ အစီး (၆၀) ခန့်ကို အာရက္ခတပ်တော်၊ ကမ်းခြေစောင့် လုံခြုံရေးတပ်ဖွဲ့ဝင်များမှ တွေ့ရှိခဲ့သဖြင့် ခေါ်ယူဖမ်းဆီးခဲ့ရာ ငါးဖမ်းလှေ (၁၅) စီး (စက်တပ်၍ ၂ စီး၊ စက်မပါဘဲ ၁၃ စီး) နှင့် ဘင်္ဂလားဒေ့ရှ်နိုင်ငံသား ရေလုပ်သား (၂၀) ဦးကို ဖမ်းဆီးရမိခဲ့သည်။ ၎င်းဘင်္ဂလားဒေ့ရှ်နိုင်ငံသား ရေလုပ်သား (၂၀) ဦးကို မိမိတို့ဘက်မှ (၂) ရက်ကြာ ထိမ်းသိမ်းထားခဲ့သည်။ လိုအပ်သော စစ်ဆေးမေးမြန်းမှုများကို ပြုလုပ်ခဲ့ပြီးနောက် ၂၀၂၄ ခုနှစ်၊ နိုဝင်ဘာလ (၇) ရက်နေ့တွင် ဘင်္ဂလာဒေ့ရှ် နယ်ခြားစောင့်တပ် (BGP) လက်ထဲသို့ ကောင်းမွန်စွာ ပြန်လည်အပ်နှံခဲ့ပြီးဖြစ်ပါသည်။

မိမိတို့စစ်ဆေးမေးမြန်းချက်များအရ ၎င်းဘင်္ဂလားဒေ့ရှ်နိုင်ငံသား ရေလုပ်သား ငါးခိုးဖမ်းနေကြသော သူများမှာ ဆင်းရဲနွမ်းပါးသူများဖြစ်ပြီး မိသားစုစားဝတ်နေရေးအကျပ်အတည်းများကို ငါးဖမ်းခြင်းဖြင့် အသက်မွေးဝမ်းကျောင်းပြုကာ ဖြေရှင်းနေကြသူများဖြစ်ကြောင်း သိရှိရသည်။ သို့သော်လည်း နောက်နောင် အာရက္ခပိုင်နက်ထဲသို့ ကျူးကျော်ဝင်ရောက်ပြီး ငါးဖမ်းခြင်းများမပြုလုပ်ရန် ခံဝန်ကတိလက်မှတ်ထိုးပြီးမှ လွှဲပြောင်းပေးအပ်ခဲ့ခြင်းဖြစ်သည်။

အခြားတစ်ဖက်တွင် မိမိတို့ အာရက္ခတပ်တော် အနေဖြင့် အကြိမ်ကြိမ် ငါးခိုးဖမ်းနေကြသော ဘင်္ဂလားဒေ့ရှ်နိုင်ငံသား ရေလုပ်သားများ၏ မိသားစုစားဝတ်နေရေး အကျပ်အတည်းများကို ထောက်ထားငဲ့ညှာမှုနှင့်အတူ သက်ညှာပေးခဲ့ခြင်းဖြစ်သည်။ ထို့အပြင် ဘင်္ဂလားဒေ့ရှ်အစိုးရနှင့် မိမိတို့အဖွဲ့အစည်းအကြားရှိ နှစ်ဖက်နယ်စပ်ရေးရာကိစ္စရပ်များတွင် ပူးပေါင်းဆောင်ရွက်မှု ယခင်ထက် ပိုမိုအားကောင်းလာစေရန် ရည်ရွယ်၍ မည်သည့်ပြစ်ဒဏ်မျှပေးခြင်းမရှိဘဲ ငါးခိုးဖမ်းသမားများကို ချက်ချင်းပြန်လွှတ်ပေးခဲ့သော်လည်း ငါးခိုးဖမ်းလှေများကိုမူ ယနေ့တွင်မှ ပြန်လည်ပေးအပ်နိုင်ခဲ့သည်။

ဤကဲ့သို့ ရက်အနည်းငယ်ကြန့်ကြာနေရခြင်းမှာ မောင်တောဒေသ၌ စစ်ရေးပြင်ထန်နေမှုများနှင့် ငါးဖမ်းလှေများထိမ်းသိမ်းထားရာနေရာမှ ပြန်လည်ပေးအပ်မည့်နေရာသို့ ပို့ဆောင်ရာတွင် ဖက်ဆစ်အကြမ်းဖက်စစ်ကောင်စီ၏ လေကြောင်းရန်အန္တရာယ်ကို သတိထားနေရသောကြောင့် ပင်ဖြစ်သည်။

၂၀၂၄ ခုနှစ်၊ နိုဝင်ဘာလ (၂၀) ရက်နေ့တွင်မှ အဆိုပါ ငါးဖမ်းလှေ (၁၅) စီး (စက်တပ်၍ ၂ စီး၊ စက်မပါဘဲ ၁၃ စီး) ထဲမှ (၇) စီးကို ဘင်္ဂလာဒေ့ရှ် နယ်ခြားစောင့်တပ် (BGP) သို့ ပြန်လည်လွှဲပြောင်းပေးနိုင်ခဲ့ပါသည်။ ကျန်ငါးဖမ်းလှေ (၈) စီးကိုလည်း လုံခြုံရေး အာမခံချက်ရှိသောအချိန်တွင် ဆက်လက်လွှဲပြောင်းပေးအပ်သွားမည်ဖြစ်သည်။

နောင်နောက်များ၌ မိမိတို့ အာရက္ခရေပိုင်နက်အတွင်းသို့ ယခုကဲ့သို့ ကျူးကျော်၍ ငါးခိုးဖမ်းရန် ဝင်ရောက်လာမည်ဆိုပါက မည်သူ့ကိုမဆို မိမိတို့၏ တရားဥပဒေနှင့်အညီ စစ်ဆေး၊ အပြစ်ပေး အရေးယူသွားမည်ဖြစ်သည်။

သတင်းနှင့်ပြန်ကြားရေး
အာရက္ခတပ်တော်

ကချင်ပြည်နယ်၊ ကန်ပိုင်တည်မြို့အား KIA ဦးဆောင်သော တပ်ဖွဲ့များ စတင်တိုက်ခိုက်၊ မြို့ထဲ တိုက်ပွဲ အပြင်းအထန်

အာရက္ခမီဒီယာ| ၂၀ နိုဝင်ဘာ ၂၀၂၄

တရုတ် - မြန်မာနယ်စပ်ကုန်သွယ်ရေးအတွက် အရေးပါသော ကံပိုင်တည်(ကန်ပိုက်တီး) မြို့အား ယနေ့ နိုဝင်ဘာလ ၂၀ ရက်နေ့ နံနက် ၉ နာရီ ၃၀ မိနစ်အချိန်တွင် KIA ဦးဆောင်သော PDF တော်လှန်ရေးတပ်များက ကချင်ပြည်နယ်၊ ကန်ပိုက်တီးမြို့အား စတင်တိုက်ခိုက်ခြင်းဖြစ်ပြီး မြို့ထဲတွင်လည်း တိုက်ပွဲ အပြင်းအထန် ဖြစ်ပွားနေကြောင်း သိရသည်။
အကြမ်းဖက် စစ်ကောင်စီတပ်ဖွဲ့ဝင်များသည် ကန်ပိုက်တီးမြို့ထဲရှိ ဟိုတယ်တွင် တပ်စွဲ နေရာယူထားပြီး အပြင်းအထန်ခုခံနေကြောင်း သိရှိရသည်။

လတ်တလော အကြမ်းဖက် စစ်ကောင်စီတပ်ဖွဲ့ဝင်များ၏ မိသားစုဝင်များ၊ Non CDM ဝန်ထမ်းများ၊ ပြည်သူ့စစ် မိသားစုဝင်များက တရုတ်ပြည်ထဲသို့ ပြေးဝင်နိုင်ရန် တရုတ်ဘက်မှ နယ်စပ်ဂိတ်ဖွင့်ထားပေးကြောင်း၊ KIA တပ်များက တဖြည်းဖြည်း မြို့ထဲသို့ တိုးဝင်လာနေကြောင်း သိရှိရသည်။

ကန်ပိုက်တီးသည် အကြမ်းဖက် စစ်ကောင်စီလက်အောက်မှ ကချင်အထူးဒေသ ၁ တွင် နောက်ဆုံး ကျန်ရှိနေသော မြို့ဖြစ်ပြီး KIA ဦးဆောင်သော PDF တော်လှန်ရေးတပ်များမှ ကချင်အထူးဒေသ ၁ တစ်ခုလုံးရှိ တပ်စခန်းများ နယ်ခြားစောင့်စခန်းများနှင့် မြို့များကို ထိန်းချုပ် သိမ်းပိုက်ရရှိထားပြီဖြစ်သည်။ 

ကချင်အထူးဒေသ(၁) ကို KIA က အောက်တိုဘာလကစလို့ ထိုးစစ်ဆင်တိုက်ခိုက်ခဲ့ပြီး ပန်ဝါ၊ ချီဖွေ၊‌ ဆော့လော်၊ ဖီမော်မြို့တွေကို ဆက်တိုက်သိမ်းပိုက်ခဲ့ကာ ကံပိုင်တည်မြို့သာ ကျန်ရှိပြီး ဒီအထူးဒေသရဲ့ ၉၀ ရာခိုင်နှုန်းကို ထိန်းချုပ်ထားနိုင်ပြီလို့ KIA ပြန်ကြားရေးတာဝန်ခံ ဗိုလ်မှူးကြီး နော်ဘူမှ ပြောသည်။

ဓာတ်ပုံ - ယနေ့ ကန်ပိုက်တီးမြို့ထဲတွင် ပစ်ခတ်မှုများဖြစ်ပွားနေစဉ်။

အာရက္ခမီဒီယာ၊ #007ZM
YouTube: https://www.youtube.com/@ArakkhaMedia
Telegram: https://t.me/arakkhamedia

ကချင်ပြည်နယ်၊ ကန်ပိုင်တည်မြို့အား KIA ဦးဆောင်သော တပ်ဖွဲ့များ စတင်တိုက်ခိုက်၊ မြို့ထဲ တိုက်ပွဲ အပြင်းအထန်

အာရက္ခမီဒီယာ| ၂၀ နိုဝင်ဘာ ၂၀၂၄

၁၉/၁၁

KIA ဌာနချုပ်နယ်မြီအတွင်းဟိ ဝေကြိုင်ဘွမ်၊ ဗိုလ်သင်တန်းကျောင်း၌ စစ်ပညာသင်ယူနီကတ်သော အာရက္ခတပ်တော်မှ ဗိုလ်လောင်း (၈) ဦးနန့် အခြားသောတိုင်းရင်းသားတော်လှန်ရီးလက်နက်ကိုင် အဖွဲ့အစည်းအချို့မှ ဗိုလ်လောင်းများအပါအဝင် စုစုပေါင်းဗိုလ်လောင်း (၂၃) ဦးရို့သည် ၂၀၁၄ ခုနှစ်၊ နိုဗမ်ဘာလ (၁၉) ရက်နိတွင် အကြမ်းဖက် ဖက်ဆစ် စစ်ကောင်စီတပ်မှ လက်နက်ကြီးများဖြင့် အလစ်အငိုက်အကောက်ကြံ ပစ်ခတ်တိုက်ခိုက်ခမှုကြောင့် အဆိုပါ KIA ဗိုလ်သင်တန်းကျောင်းဝင်းတနီရာ၌ တပြိုင်နက်တည်း အသက်ကြွီလွင့်ခရသည်။

ဂနိ ၂၀၂၄ ခုနှစ်၊ နိုဗမ်ဘာလ (၁၉) ရက်နိဆိုလျှင် အဆိုပါ ဗိုလ်လောင်းများ တိုင်းပြည်နန့် လူမျိုးအတွက် တာဝန်ထမ်းဆောင်ယင်း အသက်ပီးဆပ်ခရသည်မာ (၁၀) နှစ်တင်းတင်းပြည့်မြောက်ခဗျာယ်ဖြစ်သည်။ အာရက္ခတပ်တော် အနီဖြင့် နိုဗမ်ဘာလ (၁၉) ရက်နိကို ရောက်တိုင်း အဆိုပါ ဗိုလ်လောင်းများအတွက် ဝမ်းနည်းအောက်မိဖွယ် အထိမ်းအမှတ် အခမ်းအနားကို စစ်ရီး၊ နိုင်ငံရီး အခြေအနီပေါ်မူတည်၍ပြုလုပ်ခြင်း၊ ဗိုလ်လောင်းများလဲလျောင်းရာ အာဇာနည်ကုန်းတွင် လွမ်းသူ့ပန်းခွေများချကာ ဂါရဝပြုခြင်း၊ တပ်စခန်းများတွင် အောင်လံတဝက်လွှင့်ခြင်းများကို နှစ်စဉ်နှစ်တိုင်းပြုလုပ်ခသည်။

ဂနိ (၁၀) နှစ်ပြည့်နိတွင်လည်း စစ်ရီးအခြေအနီအရ ကျဆုံးဗိုလ်လောင်းများအတွက် ဝမ်းနည်းအောက်မိဖွယ် အထိမ်းအမှတ် အခမ်းအနားကို အကျဉ်းချုပ်မျှသာ ပြုလုပ်နိုင်ခသည်။ အာရက္ခတပ်တော်အနီဖြင့် နိုဗမ်ဘာလ (၁၉) ရက်နိကို ဇာခါလေ့သင့် မိလိမ့်မည်မဟုတ်ပေ။ ထို့အပြင် အဆိုပါ ဗိုလ်လောင်းများ၏ တိုင်းပြည်နန့် လူမျိုးအတွက် အသက်ပီးဆပ်ခမှုများကိုလေ့ အမြဲတမ်း သတိရနီကတ်မည်ဖြစ်သည်။

၂၀၂၄ ခုနှစ်၊ နိုဗမ်ဘာလ (၁၉) ရက်
#19/11

မင်းပြားမြို့နယ်တွင် ကျေးရွာ ၂၀ကျော်က လူပေါင်း ရာကျော်လောက် ငှက်ဖျားရောဂါဖြစ်၊ ၅ ဦး သေဆုံးခဲ့

အာရက္ခမီဒီယာ| ၁၈ နိုဝင်ဘာ ၂၀၂၄

အာရက္ခဒေသ မင်းပြားမြို့နယ်မှာ ကျေးရွာပေါင်း ၂၀ ကျော်က လူပေါင်း ရာနှင့်ချီကာ ငှက်ဖျားရောဂါ ခံစားနေရပြီး သေဆုံးသူ ၅ ဦးအထိ ရှိနေတယ်လို့ Arakan Princess Media တွင် ဖေါ်ပြထားသည်။

ပြီးခဲ့သည့် အောက်တိုဘာလတွင် ငှက်ဖျားရောဂါ ကူးစက်နေသူ ၁၅၀ ကျော်ရှိပြီး ယခု နိုဝင်ဘာလတွင်လည်း ၃ ဒါဇင်ထက်မနည်း တိုးလာကြောင်း ရွာသားများက ပြောပြကြသည်။

ငှက်ဖျားရောဂါ ဖြစ်နေကြသည့်ရွာများမှာ ကျီးမချေ၊ ကျီးမကြီး၊ င/လင်ကြီး၊ နတ်ထောက်၊ ခွီးချီးမြောင်၊ ဇိုင်ချောင်း၊ ပန်းမြောင်း၊ ထိန်ပင်၊ ရွှီတောင်၊ အညှင်းတောင်၊ ပုလဲတောင်၊ မင်းဖူး၊ ဒိုင်းသား၊ ဝါးတောင်၊ မြင်းကဆိပ်၊ ခွဆုံ စရှိသော ကျေးရွာများပြောကြသည်။

အကြမ်းဖက်စစ်ကောင်စီမှ အာရက္ခဒေသကို ကုန်စည်တင်သွင်းခြင်း၊ ဆေးဝါးအပါအဝင် ဖြတ်လေးဖြတ်ဖြင့် ပိတ်ပင်ထားခြင်းကြောင့် ဆေးဝါးပြတ်လပ်၍ ဆေးရုံ၊ ဆေးခန်းများ လည်ပတ်နိုင်ခြင်းမရှိသလို ကျွမ်းကျင် ဆရာဝန်များ၊ သူနာပြုများမှာလည်း စစ်ရှောင်သွားကြခြင်းကြောင့်ဖြစ်သည်။

၎င်း ငှက်ဖျားရောဂါဖြစ်ရခြင်းသည် ခြင်မှတစ်ဆင့် ကူးစက်တာဖြစ်ပြီး အဆိုပါ ခြင်ကောင်များမှတစ်ဆင့်လည်း လူအချင်းချင်း ကူးစက်မှုဖြစ်ပွားခြင်း ဖြစ်သည်။

ပုံစာ - မင်းပြားနယ်မှ ချင်းရွာများအား ရေကြီးရေလျှံမှုဖြစ်ပွားပြီးနောက် AA မှ ကျန်းမာရေးစောင့်ရှောက်မှုပြုလုပ်နေစဉ် (ဓါတ်ပုံ - AA)

အာရက္ခမီဒီယာ၊ #007ZM
YouTube: https://youtu.be/j47Un1QtJRg
Telegram: https://t.me/arakkhamedia

မင်းပြားမြို့နယ်တွင် ကျေးရွာ ၂၀ကျော်က လူပေါင်း ရာကျော်လောက် ငှက်ဖျားရောဂါဖြစ်၊ ၅ ဦး သေဆုံးခဲ့

အာရက္ခမီဒီယာ| ၁၈ နိုဝင်ဘာ ၂၀၂၄

https://www.tiktok.com/@arakkha.media/video/7436480527772749086?is_from_webapp=1&sender_device=pc&web_id=7436676311361734199

Our Way
ငါတို့လမ်း - အစီအစဉ်
11/10/2024 AK
Khaisa (Mara) ၏
ထင်မြင်ယူဆ ပြောဆိုချက်။
#arakkhamedia
#akmedialive
#aktv
#ourway
#highlightseveryonefollowers2024
#akinterview
#ourway
#everyonehighlights

မြန်မာနိုင်ငံလုံးဆိုင်ရာ ရဟန်းတော် သမဂ္ဂ ဥက္ကဋ္ဌ အရှင်ခေမာစာရနှင့်တွေ့ဆုံမေးမြန်းချက်

အာရက္ခဒေသ တိုက်ပွဲသတင်းများ

၂၀၂၄ ခုနှစ်၊ အောက်တိုဘာလ (၂၂) ရက်

အာရက္ခဒေသအတွင်း၌ ဖက်ဆစ် အကြမ်းဖက်စစ်ကောင်စီ နှင့် အာရက္ခတပ်တော်တို့၏ တိုက်ပွဲများမှာ မောင်တော၊ အမ်း၊ ကျိန္တလီမြို့ ပတ်ဝန်းကျင်များတွင် နေ့စဉ်ရက်ဆက် ဖြစ်ပွားလျက်ရှိနေသကဲ့သို့ တောင်ကုတ်မြို့ပတ်ဝန်းကျင်၌လည်း တိုက်ပွဲများ ရံဖန်ရံခါဖြစ်ပွားလျက်ရှိသည်။

စစ်တွေမြို့ရှိ ဖက်ဆစ်အကြမ်းဖက်စစ်ကောင်စီ၏ တပ်စခန်းများမှနေ၍ ပေါက်တော၊ ပုဏ္ဏားကျွန်း၊ ရသေ့တောင်မြို့များဘက်သို့ ပစ်ခတ်တိုက်ခိုက်နေသကဲ့သို့ ကျိန္တလီ၊ ကမ်းသာယာမြို့များမှလည်း တိုက်ပွဲဖြစ်ပွားရာနေရာများသို့သာမက တိုက်ပွဲဖြစ်ပွားခြင်းမရှိသော နေရာများ၊ မြို့၊ ရွာများသို့ပါ လက်နက် ကြီးများဖြင့် ပစ်ခတ်တိုက်ခိုက်လျက်ရှိသည်။ ပင်လယ်ပြင်တွင် တပ်စွဲထားသော အကြမ်းဖက် စစ်ကောင်စီ၏ စစ်သင်္ဘောကြီးများပေါ်မှလည်း လက်နက်ကြီးများဖြင့် ပစ်ခတ်တိုက်ခိုက်ခြင်း၊ လေကြောင်းမှ ဗုံးကြဲတိုက်ခိုက်ခြင်းများကိုလည်း နေ့တိုင်းပြုလုပ်လျက်ရှိသည်။ ဤကဲ့သို့ စစ်ကောင်စီ၏ ပစ်ခတ်တိုက်ခိုက်မှုကြောင့် အပြစ်မဲ့အရပ်သားပြည်သူများ သေဆုံး၊ ဒဏ်ရာရရှိမှုတို့မှာ နေ့တိုင်းဖြစ်ပျက်လျက်ရှိသည်။

မောင်တောမြို့တွင် ဖက်ဆစ်အကြမ်း ဖက်စစ်ကောင်စီ၏ နခခ (၅) စခန်းတစ်ခုသာ ကျန်ရှိနေပြီ ဖြစ်သော်လည်း မောင်တော နှင့် ဘူးသီးတောင်မြို့များ၌ အာရက္ခတပ်တော်မှ လောလောဆယ် လက်လှမ်းမမှီသေးသော နေရာအချို့နှင့် တောထူထပ်သောတောင်တန်းများထဲတွင် ARSA၊ RSO၊ ARA အစွန်းရောက်အကြမ်းဖက် လက်နက်ကိုင်တပ်ဖွဲ့ဝင်များသည် တပ်စခန်းများကို အခိုင်အမာတည်ဆောက်ပြီး ခိုအောင်းလျက်ရှိကြသည်။ ထို့အပြင် ၎င်းနေရာများကို ဗဟိုပြုထားပြီး ARSA၊ RSO၊ ARA အစွန်းရောက် အကြမ်းဖက် လက်နက်ကိုင်တပ်ဖွဲ့ဝင်များမှ အရပ်သားပြည်သူလူထုများအား လာရောက်ဖမ်းဆီး ခေါ်ဆောင်သွားခြင်း၊ အကြမ်းဖက် သတ်ဖြတ်သွားခြင်း၊ ပြန်ပေးဆွဲခြင်း၊ ငွေညှစ်ခြင်းတို့ကို ဆက်တိုက် ကျူးလွန်လုပ်ဆောင်လျက်ရှိသည်။ ထို့အတူ အချို့နေရာများ၌ ဖက်ဆစ်အကြမ်းဖက်စစ်ကောင်စီနှင့် ARSA ၊ RSO၊ ARA အစွန်းရောက်အကြမ်းဖက် လက်နက်ကိုင်တပ်ဖွဲ့ဝင်များသည် ပူးတွဲစစ်ရေးလှုပ်ရှားကာ မိမိတို့အား လာရောက်တိုက်ခိုက်မှုများ ရှိခဲ့သည်။

ဤအစွန်းရောက် အကြမ်းဖက်လက်နက်ကိုင်တပ်ဖွဲ့များ၏ အကြမ်းဖက်အန္တရာယ်မှာ အာရက္ခဒေသ အတွင်း၌သာမက ဘင်္ဂလားဒေ့ရှ်-အာရက္ခ နယ်စပ် နှစ်ဖက်တွင်နေထိုင်ကြသော အရပ်သားပြည်သူ လူထုများအတွက်ပါ များစွာစိုးရိမ်စရာ ကောင်းလှပါသည်။ ဤဖြစ်ရပ်များမှာ စိန်ခေါ်မှု အသစ်တစ်ခု ဖြစ်လာခဲ့ပြီး ဒေသတွင်းငြိမ်းချမ်းရေး၊ တည်ငြိမ်ရေး၊ ပြည်သူ့လုံခြုံရေးတို့ကို စိန်ခေါ်လျက်ရှိသည်။

ထို့ကြောင့် မိမိတို့ အာရက္ခတပ်တော်သည် မောင်တော နှင့်ဘူးသီးတောင်မြို့ပတ်ဝန်းကျင်များ၌ ARSA ၊ RSO ၊ ARA အစွန်းရောက် အကြမ်းဖက် လက်နက်ကိုင်တပ်ဖွဲ့ဝင်များ ခိုအောင်းနိုင်သော နေရာများ နှင့် စစ်ကောင်စီမှ သင်တန်းပေးထားပြီး ၎င်းတို့လက်နက်တပ်ဆင်ပေးထားသော မူဆလင်လက်နက်ကိုင် အချိုတို့အား လိုက်လံရှင်းလင်းလျက်ရှိသောကြောင့် ယခုရက်များအတွင်း မိမိတို့နှင့် ARSA အစွန်းရောက် အကြမ်းဖက်လက်နက်ကိုင်တပ်ဖွဲ့ဝင်များသည် ဘူးသီးတောင်မြို့နယ်၊ ခရုချောင်း (မူဆလင်) ကျေးရွာ၏ အနောက်မြောက်ဘက် (၆.၂) ကီလိုမီတာအကွာအဝေး၌ရှိသော တောင်တန်းတွင် ၂၀၂၄ ခုနှစ်၊ အောက်တိုဘာလ (၁၉) ရက်၊ နေ့လယ် (၁၂) နာရီ (၁၀) မိနစ်၌ စတင်ထိတွေ့တိုက်ပွဲဖြစ်ပွားခဲ့သည်။

ထို့နောက်တွင် အဆိုပါ ပတ်ဝန်းကျင်များ၌ ထိတွေ့တိုက်ပွဲ (၅) ကြိမ်ခန့်ဖြစ်ပွားခဲ့ပြီး ARSA အစွန်းရောက် အကြမ်းဖက်လက်နက်ကိုင်တပ်ဖွဲ့ဝင်များ အခိုင်အမာစခန်းချနေထိုင်ခဲ့သော နေရာ (၄) နေရာ၊ အကြမ်းဖက် စစ်ကောင်စီမှ တပ်ဆင်ပေးထားသော လက်နက်ခဲယမ်းများအပြင် အစွန်းရောက်အကြမ်း ဖက်လက်နက် ကိုင်တပ်ဖွဲ့ဝင် အလောင်းအချို့တို့ကို သိမ်းဆည်းရမိခဲ့သည်။

အလားတူ ၂၀၂၄ ခုနှစ်၊ အောက်တိုဘာလ (၂၂) ရက်၊ နေ့လယ် (၁၂) နာရီ (၁၀) မိနစ်ခန့်အချိန်တွင်လည်း မောင်တောမြို့နယ်၊ ဂြင်းတောစခန်း၏ အရှေ့ဖက် (၃.၇) ကီလို မီတာအကွာ၌လည်း ထွက်ပြေးနေသော ARSA အစွန်းရောက် အကြမ်းဖက်လက် နက်ကိုင် တပ်ဖွဲဝင်များနှင့် မိနစ်အနည်း ငယ်ခန့်ကြာ ထိတွေ့တိုက်ပွဲ ဖြစ်ပွားခဲ့သေးသည်။

တစ်ပြိုင်နက်တည်းတွင် ထွက်ပြေးလွတ်မြောက်နေသော အစွန်းရောက်အကြမ်းဖက်လက်နက်ကိုင် တပ်ဖွဲ့ဝင်များ နှင့် အကြမ်းဖက်စစ်ကောင်စီမှ စစ်သင်တန်းပေးပြီး လက်နက်တပ်ဆင်ပေးထားသော မူဆလင်တပ်ဖွဲ့ဝင်များကို မိမိတို့မှ လိုက်လံရှင်းလင်းတိုက်ခိုက်လျက်ရှိသည်။

သတင်းနှင့် ပြန်ကြားရေး
အာရက္ခတပ်တော်

မောင်တောကို အကြမ်းဖက်စစ်ကောင်စီ ဂျက်ဖိုက်တာဖြင့် ဗုံး ၁၁ လုံး ထပ်မံ ကြဲချ၊ ဇူလ မူဆလင်ရွာ မီးလောင်

အာရက္ခမီဒီယာ| ၄ နိုဝင်ဘာ ၂၀၂၄

အာရက္ခဒေသအတွင်း အကြမ်းဖက် စစ်ကောင်စီသည် အပြစ်မဲ့ပြည်သူများနေထိုင်သည့် ရပ်ရွာများအား နေစဉ် ဗုံးကြဲတိုက်ခိုက်လျက်ရှိပြီး နိုဝင်ဘာ ၃ ရက်တွင်လည်း မောင်တောမြို့နယ်၊ ဇူလ မူဆလင်ရွာအား ပေါင် ၃၀၀ ဗုံး ၁၁ လုံးဖြင့် (၂) ကြိမ်တိုင်တိုင် လာရောက်ကြဲချတိုက်ခိုက်ခဲ့၍ ဇူလရွာ၌ လူနေအိမ် အများအပြား မီးလောင်ပြာကျ သွားခဲ့ရသည်။

အကြမ်းဖက် စစ်ကောင်စီသည် ၎င်းဇူလရွာအား နိုဝင်ဘာ ၃ ရက်နေ၌ နံနက် ၁၀ နာရီ ၁၇ မိနစ်တွင် ပေါင် ၃၀၀ ဗုံး ၅ လုံး၊ ၁၀ နာရီ ၂၃ မိနစ်တွင် ပေါင် ၃၀၀ ဗုံး ၆ လုံး စုစုပေါင်း ဗုံး ၁၁လုံးအား နှစ်ကြိမ်တိုင်တိုင် ကြဲချခဲ့သည်။

ထိုဗုံးသီးများ ကျရောက်ပေါက်ကွဲမှုကြောင့် ဇူလရွာရှိ လူနေအိမ် ၃ ဆောင် မီးစလောင်ခဲ့ပြီး၊ ယင်းအိမ်များမှတဆင့် တရွာလုံးရှိ အိမ်အများအပြား ကူးစက် မီးလောင်ပြာကျ လားခဲ့သည်။

အာရက္ခမီဒီယာ၊ #007ZM
YouTube: https://youtu.be/j47Un1QtJRg
Telegram: https://t.me/arakkhamedia

New York မြို့မှာ ကျင်းပခဲ့တဲ့ Action Day For Burma အခမ်းအနားသို့ တက်ရောက်ခဲ့သည့် မှတ်တမ်းရုပ်သံ Arakan American Community AAC မှ ထုတ်ပြန်
November 3, 2024
ကုလသမဂ္ဂ စုံစမ်းစစ်ဆေးရေးအရာရှိ Mr. Tom Andrew က သူ့ရဲ့နောက်ဆုံး အစီရင်ခံစာနဲ့ မြန်မာနိုင်ငံရဲ့ လက်ရှိအခြေအနေတွေ၊ အကြမ်းဖက် စစ်အုပ်စုအပေါ်မှာ နိုင်ငံတကာအနေနဲ့ ဒိထက်ပိုမိုထိရောက်တဲ့ အရေးယူမှုတွေဆောင်ရွက်နေမှုတွေအကြောင်းတွေကို (နိုဝင်ဘာ/၃၀/၂၀၂၄) တွေ့ဆုံမှုမှာပြောကြားဆွေးနွေးသွားခဲ့တာဖြစ်ပါတယ်။ မြန်မာ(ဗမာ)အရေးဆောင်ရွက်သူများတက်ရောက်ခဲ့ပြီး NUG အစိုးရဝန်ကြီးများလည်းတက်ရောက်ခဲ့ကြပြီး AAC မှ အာရက္ခပြည်အရေးနှင့်ပတ်သတ်၍ မြေပြင်ပကတိအခြေအနေမှန်နှင့် ငြိမ်းချမ်းရေး၊ လူသားအားလုံးအတွက် လူ့အခွင့်အရေးရရှိစေရန်လိုအပ်သလို အပြန်အလှန် မေးခွန်းထုတ်မေးမြန်းခဲ့သည်ဟုသိရသည်။

အာရက္ခတပ်တော်နှင့် အကြမ်းဖက်စစ်ကောင်စီတို့ အမ်းမြို့မှာ တိုက်ပွဲပြင်းထန်

အာရက္ခမီဒီယာ| ၂ နိုဝင်ဘာ ၂၀၂၄

အမ်းမြို့နယ်တွင် ဖက်ဆစ်အကြမ်းဖက်စစ်ကောင်စီ၏ အနောက်ပိုင်းတိုင်းစစ်ဌာနချုပ် (နပခ) တစ်ခုလုံးအား အာရက္ခတပ်တော်မှ အပြီးသတ် သိမ်းပိုက်နိုင်ရန် အသည်းသန် ထိုးစစ်ဆင်တိုက်ခိုက်နေသည့်အတွက် အမ်းတိုက်ပွဲ ဆက်လက်ပြင်းထန်နေသည်ဟု ရက္ခိုင်အမျိုးသားအဖွဲ့ချုပ်/အာရက္ခတပ်တော် (ULA/AA) ပြောခွင့်ရ ဦးခိုင်သုခမှ ပြောသည်။

"အမ်းမြို့ နောက်ဆုံးအခြေနေကတော့ အမ်းအခြေစိုက် အကြမ်းဖက်စစ်ကောင်စီရဲ့ တပ်စခန်းတွေ အားလုံးနီးပါးနဲ့ တိုက်ပွဲတွေ ဆက်လို့ပြင်းထန်နေတယ်။ ကျနော်တို့ အာရက္ခတပ်တော်က အနောက်ပိုင်းတိုင်းစစ်ဌာနချုပ် တစ်ခုလုံးကို အလုံးစုံ သိမ်း ပိုက်နိုင်ဖို့ အပြင်းအထန် ကြိုးစားနေပါတယ်" ဟု ဦးခိုင်သုခမှ ပြောသည်။

အကြမ်းဖက်စစ်ကောင်စီမှလည်း လေကြောင်း ပစ်ကူပြီး လက်နက်ကြီး အမြောက်အမြားဖြင့် သုံး၌ အပြင်းအထန် ခုခံနေတယ်လို့ သူက ဆိုသည်။

လက်ရှိ အမ်းမြို့ (နပခ) အနီးအနားတွင် စစ်ကောင်စီတပ်စခန်းများအား အာရက္ခတပ်တော်မှ သိမ်းပိုက်ထားပြီး ထွက်ပေါက်ပိတ်မိနေတဲ့ အကြမ်းဖက် စစ်ကောင်စီတပ်ဖွဲ့ဝင်များသည် ၎င်းတို့ လုပ်နေကျ နည်းလမ်းအတိုင်း အနီးအနားရှိ ရပ်ရွာများအား မီးရှို့၍ ဆုတ်ခွာ ထွက်ပြေးသွားကြောင်း သိရသည်။

အောက်တိုဘာ ၃၁ ရက်နေ့ ညနေပိုင်တွင်လည်း အကြမ်းဖက် စစ်ကောင်စီသည် (နပခ) အနီးရှိ ချင်းကုန်းရွာနှင့် ပြောင်းချောင်းရွာ နှစ်ရွာအား အင်အား အလုံးအရင်းဖြင့် ဝင်ရောက်ကာ မီးရှို့ဖျက်ဆီးသွားခဲ့ကြောင့် သိရသည်။

ယင်းအပြင် အမ်းမြို့ထဲ၌ အရပ်သားပြည်သူများအား အကြမ်းဖက်စစ်ကောင်စီသည် မြို့တွင်းထဲတွင် ပိတ်လှောင်ထားပြီး လူသားဒိုင်းကာအဖြစ် အသုံးပြုနေသလို တချိန်တည်းတွင် အမ်းမြို့ထဲမှ အရပ်သားပြည်သူများနေထိုင်သည့် ရပ်ကွက်များအား လေကြောင်းမှ ရွယ်ချက်ရှိရှိ ပစ်မှတ်ထား ဗုံးကြဲတိုက်ခိုက်ခဲ့သဖြင့် အပြစ်မဲ့အရပ်သားပြည်သူ၂၀ ခန့် သေဆုံးခဲ့ပြီး အများအပြား ပြင်းထန်ဒဏ်ရာ ရရှိသွားခဲ့ရသည်။

အာရက္ခတပ်တော် (AA)သည် အမ်းမြို့နယ်ရှိစစ်ကောင်စီ၏ အနောက်ပိုင်းတိုင်း စစ်ဌာနချုပ်တစ်ခုလုံးအား အပြီးသတ် သိမ်းပိုက်နိုင်ရန် အသည်းအသန် ထိုးစစ်ဆင် တိုက်ခိုက်လျှက်ရှိသည်။

ပုံစာ- ကျောက်တော် မြို့သိမ်းတိုက်ပွဲတွင် တွေ့ရသော AA တပ်ဖွဲ့ဝင်များ (Photo-AA)

အာရက္ခမီဒီယာ၊ #007ZM
YouTube: https://youtu.be/j47Un1QtJRg
Telegram: https://t.me/arakkhamedia

အာရက္ခတပ်တော်နှင့် အကြမ်းဖက်စစ်ကောင်စီတို့ အမ်းမြို့မှာ တိုက်ပွဲပြင်းထန်

အာရက္ခမီဒီယာ| ၂ နိုဝင်ဘာ ၂၀၂၄

ပုံစာ- ကျောက်တော် မြို့သိမ်းတိုက်ပွဲတွင် တွေ့ရသော AA တပ်ဖွဲ့ဝင်များ (Photo-AA)

ရခိုင်ပြည် အမ်းမြို့နယ် အနောက်ပိုင်းတိုင်းစစ်ဌာနချုပ် အမှတ် ၂ ကုတင် ၃၀၀ စစ်ဆေးရုံမှ တပ်သားနှစ်ဦး အာရက္ခတပ်တော် AA ထံ အလင်းဝင်

အာရက္ခမီဒီယာ| ၁ နိုဝင်ဘာ ၂၀၂၄

တပ်သားသစ် ရင်ထွေး အသက် ၃၀ နဲ့ မင်းသူကိုဟာ အသက် ၂၇ နှစ်တို့ဟာ ပဲခူးတိုင်း အုတ်ဖိုမြို့နယ် နှစ်ဦးတို့ဟာ အောက်တိုဘာလ ၃၁ ရက်နေ့ မွန်းလွဲ ၁ နာရီ ၃၀ မိနစ်အချိန်က အမ်းမြို့နယ် အနောက်ပိုင်းတိုင်းစစ်ဌာနချုပ် အမှတ် ၂ ကုတင် ၃၀၀ စစ်ဆေးရုံကနေ ထွက်ပြေးလာခဲ့ကြတာ ဖြစ်ပါတယ်။

အာရက္ခမီဒီယာ၊ #007ZM
YouTube: https://youtu.be/j47Un1QtJRg
Telegram: https://t.me/arakkhamedia

အကြမ်းဖက်စစ်ကောင်စီမှ အမ်းမြို့နယ်တွင် ကျေးရွာ ၂ ရွာအား မီးရှို့ ဖြစ်စီး

အာရက္ခမီဒီယာ| ၃၁ အောက်တိုဘာ ၂၀၂၄

အကြမ်းဖက်စစ်ကောင်စီမှ အမ်းမြို့နယ်တွင် ကျေးရွာ ၂ ရွာအား မီးရှို့ ဖြစ်စီး

အာရက္ခမီဒီယာ| ၃၁ အောက်တိုဘာ ၂၀၂၄

ယနေ့ အောက်တိုဘာ ၃၁ ရက် ညနေ ၅ နာရီကျော်ခန့်မှစ၍ အကြမ်းဖက် စစ်ကောင်စီသည် အမ်းမြို့နယ်မှ  ပြောင်းချောင်းရွာနှင့် ချင်းကုန်းရွာကို မီးရှို့ဖျက်စီးသွားခဲ့ကြောင်း ဒေသအတွင်း သတင်းအရင်းမြစ်များထံမှ သိရသည်။

အရပ်သားပြည်သူများ သေဆုံးမှုနှင့် ထိခိုက်ဒဏ်ရာ ရရှိခြင်း ရှိမရှိကို ဆက်လက်စုံစမ်းနေဆဲ ဖြစ်သည်။

အမ်းမြို့ထဲတွင် ကျော်ပိတ်မိနေသော အရပ်သား ဒေသခံပြည်သူ ၁,၀၀၀ အား ခမရ ၃၇၁ တပ်ရင်း အကြမ်းဖက် စစ်ကောင်စီတပ်ဖွဲ့ဝင်များမှ လူသားဒိုင်းကာအဖြစ် ပြုလုပ်မည်ကို ဒေသခံများက စိုးရိမ်နေကြသည်။

အမ်းမြို့ အား အရပ်လေးမျက်နှာမှ ထွက်ပေါက်လမ်းများအား အာရက္ခတပ်တော် AA မှ ပိတ်ဆို့ထားပြီး အကြမ်းဖက်စစ်ကောင်စီ၏ တပ်ဟခန်းများအား တစ်ခုပြီးတစ်ခု သိမ်းယူနေပြီး လက်ရှိတွင် အမ်းမြို့တစ်ခုလုံး ရရှိနိုင်ရေးအတွက် အာရက္ခတပ်တော် AA နှင့် ပူးပေါင်းတတပ်ဖွဲ့တို့မှာ အရှိန်ဟုတ်မြှင့် ထိုးစစ်ဆင် တိုက်ခိုက်လျှက်ရှိသည်။

အကြမ်းဖက်စစ်ကောင်စီသည် စစ်ရှုံးနေ၍ အာရက္ခဒေသအတွင်း နေ့စဉ်နဲ့အမျှ တိုက်ပွဲမရှိဘဲ အရပ်သားများနေထိုင်သည့် မြို့၊ရွာ ဘာသာရေးအဆောက်အဦးနှင့် ဆေးရုံ၊ဆေးခန်းများအား ရှုံးမဲမဲကာ ရည်ရွယ်ချက်ရှိရှိ တိုက်ခိုက်လျှက်ရှိသည်။



အာရက္ခမီဒီယာ၊ #006ZM
YouTube: https://youtu.be/aiqvZ6hHXco
Telegram: https://t.me/arakkhamedia

◾️အကြမ်းဖက် တပ်သားများတင်ဆောင်နေသည့် MI-17 ရဟတ်ယာဉ် ပစ်ခတ်ခံရသည့် ရုပ်သံဖိုင်

အာရက္ခမီဒီယာ| ၃၁ အောက်တိုဘာ ၂၀၂၄

အမ်းမြို့တွင် အကြမ်းဖက် စစ်ကောင်စီတပ်က တပ်သားများအား MI-17 ရဟတ်ယာဉ်နှင့် တင်ဆောင်နေစဉ် ပစ်ခတ်ခံရသည့် ရုပ်သံဖိုင် လူမှုကွန်ယက်တွင်ပျံ့နှံ့နေသည် မည်သည့်နေရာတွေ ဘယ်နေရာမှာဖြစ်ပျက်ခဲ့တယ်ဆိုတာ အတည်ပြုနိုင်ခြင်းမရှိသေး။

အာရက္ခမီဒီယာ၊ #006ZM
YouTube: https://youtu.be/aiqvZ6hHXco
Telegram: https://t.me/arakkhamedia

တပတ်အတွင်း သတင်းသုံးသပ်ချက်
Weekly Analysis News
အောက်တိုဘာလ ၂၇၊၂၀၂၄ အာရက္ခမီဒီယာ
သိန်းထွန်းဇံနှင့် မြင့်ဇော် တင်ဆက်သည်။
#akus
#arakkhamedia

ဗမာပြည်သူတွေ လွတ်မြောက်ရေးအတွက် လက်တွေ့ကျကျ တော်လှန်နေတဲ့ ဗမာအမျိုးသား တော်လှန်ရေးတပ်မတော် ဥက္ကဌ ဗိုလ်နဂါးအား ဆက်သွယ်မေးမြန်းချက်
အာရက္ခမီဒီယာ - အောက်တိုဘာ ၂၇
“အာဏာရှင်တော်လှန်ရင်း အာဏာရှင်စိတ်မွေးရင် ဒီတော်လှန်ရေးမှာ အာဏာရှင်ဖြုတ်ချရင်တောင် အာဏာရှင်ရှိနေဦးမှာပါ” BNRA ဒေသ အတွင်း NUG လက်အောက်ခံတပ်တွေ အာဏာရှင်ဆန်ဆန် နိုင်လိုမင်းထက်ပြု အင်အားသုံးဖြေရှင်တာထက် ဒီတော်လှန်ရေးမှာ စုစုစည်းစည်း စစ်ကောင်စီကို ဘယ်လိုအမြစ်ဖြတ်ရင်ကောင်းမလဲ ဆိုတာအရေးကြီးတယ်။ စစ်အာဏာရှင်တိုက်ဖျက်ရေးနှင့် ဗမာပြည်သူတွေ လွတ်မြောက်ရေးအတွက် လက်တွေ့ကျကျ တော်လှန်တိုက်ပွဲဖေါ်ဆောင်နေတဲ့ ဗမာအမျိုးသားအမျိုးသားလွတ်မြောက်ရေးတပ်မတော်၏ ဒီကနေ့ တော်လှန်ရေး ပကတိ မြေပြင်အခြေအနေနှင့် ပတ်သတ်၍ ဗမာအမျိုးသား တော်လှန်ရေးတပ်မတော် ဥက္ကဌ ဗိုလ်နဂါးအား ဆက်သွယ်မေးမြန်းချက်။
သိန်းထွန်းဇံ မေးမြန်းတင်ဆက်ထားပါတယ်။
@AKMediaLive

စစ်ကူရောက်လာသော ခမရ (၅၃၀) မှ တပ်သား တော်လှန်ရေးထံ အဖက်ခံ
အာရက္ခမီဒီယာ| ၂၅ အောက်တိုဘာ ၂၀၂၄
တိုက်ပွဲဖြစ်ပွားသည့်နေရာအား စစ်ကူရောက်လာသော ခမရ (၅၃၀) မှ တပ်သားသည် သူ၏ စစ်ကြောင်း လမ်းပျောက်ပြီး ကျန်ခဲ့တာဖြစ်သည့်အတွက် ရွေးချယ်စရာမရှိသည့်အဆုံး တော်လှန်ရေးတပ်ထံ လက်နက်ချ အဖမ်းခံခဲ့ခြင်း ဖြစ်သည်။
KNDF Battalion-02
သတင်းနှင့်ပြန်ကြားရေး
အာရက္ခမီဒီယာ၊ #006ZM
YouTube: https://pse.is/6bymug
Telegram: https://t.me/arakkhamedia

အကြမ်းဖက်စစ်ကောင်စီမှ လားရှိုးမြို့ ဗုံးကြဲတိုက်ခိုက်၍ ရိုးရာ ဆန်အရက်ချက် စက်ရုံနှင့် အဆောက်အဦးများ မီးလောင်ပျက်စီးခဲ့ပြီး စက်ရုံဝန်ထမ်းများ ထိခိုက်မှုရှိ

အာရက္ခမီဒီယာ| ၂၃ အောက်တိုဘာ ၂၀၂၄

ရှမ်းမြောက်၊ လားရှိုးတွင် ယနေ့ အောက်တိုဘာ ၂၃ရက် မနက် ၈ နာရီကျောအချိန်၌ အကြမ်းဖက်စစ်ကောင်စီ လေကြောင်း ဗုံးကြဲခိုက်ခဲ့သဖြင့် အရက်ချက်စက်ရုံ အဆောက်အဦးများ မီးလောင်ပျက်စီးသွားခဲ့ကြောင်း MNDAAမှ ထုတ်ပြန်ထားသည်။

အာရက္ခမီဒီယာ၊ #006ZM

YouTube: https://pse.is/6bymug
Telegram: https://t.me/arakkhamedia

အကြမ်းဖက်စစ်ကောင်စီ၏ အနောက်ပိုင်းတိုင်းစစ်ဌာနချုပ် တပ်ဆေးရုံအား အာရက္ခတပ်တော် AA ထိန်းချုပ်

အာရက္ခမီဒီယာ| ၂၃ အောက်တိုဘာ ၂၀၂၄

အာရက္ခဒေသ အမ်းမြို့နယ်တွင် အနောက်ပိုင်းတိုင်းစစ်ဌာနချုပ်၏ အရေးပါသည့် အမှတ် ၂ ကုတင် ၃၀၀ ဆန့် အကြမ်းဖက် စစ်ဆေးရုံအား အာရက္ခတပ်တော် AA မှ အောက်တိုဘာလ ၂၁ ရက်နေ့တွင် ထိုးစစ်ဆင်တိုက်ခိုက်ပြီး ထိန်းချုပ်နိုင်ခဲ့သည်ဟု ဒေသအတွင်း သတင်းအရင်းမြစ်များမှ သိရသည်။

တချိန်တည်းမှာဘဲ အကြမ်းဖက်စစ်ကောင်စီ၏ စစ်ဖက်ရေးရာလုံခြုံရေးတပ်ဖွဲ့ အနောက်ပိုင်းတိုင်းစစ်ဌာနချုပ် (နပခ)၊ အမှတ်၂ ကုတင် ၃၀၀ တပ်မတော်စစ်ဆေးရုံအပါအဝင် ၃၇၃ ခြေမြန်တပ်ရင်း၊ ၃၇၄ အမြောက်တပ်ရင်း၊ ၉၄၆ ဆောက်လုပ်ရေးအင်ဂျင်နီယာတပ်ခွဲ၊ ၃၄၅ စက်လက်နက်ပစွည်းတပ်ခွဲများအား အာရက္ခတပ်တော် (AA) မှ ထိုးစစ်ဆင် တိုက်ခိုက်နေသည်ဟု သိရသည်။

အကြမ်းဖက် စစ်ကောင်စီတပ်ရင်းများသည် အာရက္ခတပ်တော်၏ ထိုးစစ်ကြောင့် နယ်မြေတချို့အား တပ်ဆုတ်စွန့်ခွာပြီး ဝရုံန်းသုံးကား ထွက်ပြေးကာ တပ်ဆေးရုံအား အမ်းမြို့ အမှတ် ၂ အခြေခံပညာအထက်တန်းကျောင်းတွင် နေရာပြောင်းရွှေ့၍ ယာယီဖွင့်ထားပြီး ဒဏ်ရာရ အကြမ်းဖက်တပ်သားများအား ဆေးကုသမှု ပြုလုပ်ပေးနေကြောင်း သိရသည်။

အာရက္ခတပ်တော်မှ အမှတ်၂ ကုတင် ၃၀၀ ဆေးရုံ၊ ကုတင် ၁၀၀ ဆေးရုံ၊ ရဟတ်ယာဉ်ကွင်း၊ အမ်းလေဆိပ်၊ အမှတ် ၁၀ တပ်ထိန်းတပ်ခွဲတို့အား သိမ်းပိုက်ထားသည့်အတွက် အကြမ်းဖက်စစ်ကောင်စီ၏ လေယာဉ်ကွင်းနှင့် ရဟတ်ယာဉ်ကွင်းများအား အသုံးပြု၍ မရသည့်အတွက် ဒဏ်ရာရတပ်ဖွဲ့ဝင်များသည် ဆေးကုသမှု မခံယူရသဖြင့် သေဆုံးသူများရှိကြောင်း စုံစမ်းသိရှိရသည်။

အာရက္ခတပ်တော်မှ အကြမ်းဖက်စစ်ကောင်စီ၏ တပ်စခန်းများအား အနီးကပ် ထိုးစစ်ဆင် တိုက်ခိုက်နေသည့်အတွက် အနောက်ပိုင်းတိုင်းစစ်ဌာနချုပ်အပါအဝင် အကြမ်းဖက်စစ်ကောင်စီ၏ တိုက်ခိုက်ရေးတပ်စခန်းများ အကျအဆုံးများ၍ အကြမ်းဖက်တပ်ဖွဲ့ဝင်များ ဝရုံန်းသုံးကား ထွက်ပြေးနေကြောင်း သိရသည်။

အာရက္ခတပ်တော် AA မှလည်း ယခုလို ထွက်ပြေးနေသည့် အကြမ်းဖက် ဖက်ဆစ်တပ်ဖွဲ့ဝင်များအား လိုက်လံရှာဖွေပြီး နယ်မြေရှင်းလည်းမှုများ လုပ်ဆောင်နေကြောင်း AA ၏ ထုတ်ပြန်ချက်က ဆိုသည်။

ပုံစာ – ရခိုင်ပြည်နယ်၊ အမ်းမြို့ရှိ၊ အနောက်ပိုင်းတိုင်း စစ်ဌာနချုပ်ကိုတွေ့ရစဉ် (Photo – MPA _BNA)
အမ်းလေယာဉ်ကွင်း (Photo-CJ)

အာရက္ခမီဒီယာ၊ #006ZM

YouTube: https://pse.is/6bymug
Telegram: https://t.me/arakkhamedia

အကြမ်းဖက်စစ်ကောင်စီ၏ အနောက်ပိုင်းတိုင်းစစ်ဌာနချုပ် တပ်ဆေးရုံအား အာရက္ခတပ်တော် AA ထိန်းချုပ်

အာရက္ခမီဒီယာ| ၂၃ အောက်တိုဘာ ၂၀၂၄

အကြမ်းဖက်စစ်ကောင်စီနှင့် အကြမ်းဖက်စစ်သင်တန်းဆင်းအဖွဲ့များအား တိုက်ခိုက်သိမ်းပိုက်နိုင်ခဲ့ကြောင်း AA ထုတ်ပြန်

အာရက္ခမီဒီယာ| ၂၂ အောက်တိုဘာ ၂၀၂၄

အာရက္ခဒေသအတွင်း၌ ဖက်ဆစ် အကြမ်းဖက်စစ်ကောင်စီ နှင့် အာရက္ခတပ်တော်တို့၏ တိုက်ပွဲများမှာ မောင်တော၊ အမ်း၊ ကျိန္တလီမြို့ ပတ်ဝန်းကျင်များတွင် နေ့စဉ်ရက်ဆက် ဖြစ်ပွားလျက်ရှိနေသကဲ့သို့ တောင်ကုတ်မြို့ပတ်ဝန်းကျင်၌လည်း တိုက်ပွဲများ ရံဖန်ရံခါဖြစ်ပွားလျက်ရှိသည်။

စစ်တွေမြို့ရှိ ဖက်ဆစ်အကြမ်းဖက်စစ်ကောင်စီ၏ တပ်စခန်းများမှနေ၍ ပေါက်တော၊ ပုဏ္ဏားကျွန်း၊ ရသေ့တောင်မြို့များဘက်သို့ ပစ်ခတ်တိုက်ခိုက်နေသကဲ့သို့ ကျိန္တလီ၊ ကမ်းသာယာမြို့များမှလည်း တိုက်ပွဲဖြစ်ပွားရာနေရာများသို့သာမက တိုက်ပွဲဖြစ်ပွားခြင်းမရှိသော နေရာများ၊ မြို့၊ ရွာများသို့ပါ လက်နက် ကြီးများဖြင့် ပစ်ခတ်တိုက်ခိုက်လျက်ရှိသည်။ ပင်လယ်ပြင်တွင် တပ်စွဲထားသော အကြမ်းဖက် စစ်ကောင်စီ၏ စစ်သင်္ဘောကြီးများပေါ်မှလည်း လက်နက်ကြီးများဖြင့် ပစ်ခတ်တိုက်ခိုက်ခြင်း၊ လေကြောင်းမှ ဗုံးကြဲတိုက်ခိုက်ခြင်းများကိုလည်း နေ့တိုင်းပြုလုပ်လျက်ရှိသည်။ ဤကဲ့သို့ စစ်ကောင်စီ၏ ပစ်ခတ်တိုက်ခိုက်မှုကြောင့် အပြစ်မဲ့အရပ်သားပြည်သူများ သေဆုံး၊ ဒဏ်ရာရရှိမှုတို့မှာ နေ့တိုင်းဖြစ်ပျက်လျက်ရှိသည်။

မောင်တောမြို့တွင် ဖက်ဆစ်အကြမ်း ဖက်စစ်ကောင်စီ၏ နခခ (၅) စခန်းတစ်ခုသာ ကျန်ရှိနေပြီ ဖြစ်သော်လည်း မောင်တော နှင့် ဘူးသီးတောင်မြို့များ၌ အာရက္ခတပ်တော်မှ လောလောဆယ် လက်လှမ်းမမှီသေးသော နေရာအချို့နှင့် တောထူထပ်သောတောင်တန်းများထဲတွင် ARSA၊ RSO၊ ARA အစွန်းရောက်အကြမ်းဖက် လက်နက်ကိုင်တပ်ဖွဲ့ဝင်များသည် တပ်စခန်းများကို အခိုင်အမာတည်ဆောက်ပြီး ခိုအောင်းလျက်ရှိကြသည်။ ထို့အပြင် ၎င်းနေရာများကို ဗဟိုပြုထားပြီး ARSA၊ RSO၊ ARA အစွန်းရောက် အကြမ်းဖက် လက်နက်ကိုင်တပ်ဖွဲ့ဝင်များမှ အရပ်သားပြည်သူလူထုများအား လာရောက်ဖမ်းဆီး ခေါ်ဆောင်သွားခြင်း၊ အကြမ်းဖက် သတ်ဖြတ်သွားခြင်း၊ ပြန်ပေးဆွဲခြင်း၊ ငွေညှစ်ခြင်းတို့ကို ဆက်တိုက် ကျူးလွန်လုပ်ဆောင်လျက်ရှိသည်။ ထို့အတူ အချို့နေရာများ၌ ဖက်ဆစ်အကြမ်းဖက်စစ်ကောင်စီနှင့် ARSA ၊ RSO၊ ARA အစွန်းရောက်အကြမ်းဖက် လက်နက်ကိုင်တပ်ဖွဲ့ဝင်များသည် ပူးတွဲစစ်ရေးလှုပ်ရှားကာ မိမိတို့အား လာရောက်တိုက်ခိုက်မှုများ ရှိခဲ့သည်။

ဤအစွန်းရောက် အကြမ်းဖက်လက်နက်ကိုင်တပ်ဖွဲ့များ၏ အကြမ်းဖက်အန္တရာယ်မှာ အာရက္ခဒေသ အတွင်း၌သာမက ဘင်္ဂလားဒေ့ရှ်-အာရက္ခ နယ်စပ် နှစ်ဖက်တွင်နေထိုင်ကြသော အရပ်သားပြည်သူ လူထုများအတွက်ပါ များစွာစိုးရိမ်စရာ ကောင်းလှပါသည်။ ဤဖြစ်ရပ်များမှာ စိန်ခေါ်မှု အသစ်တစ်ခု ဖြစ်လာခဲ့ပြီး ဒေသတွင်းငြိမ်းချမ်းရေး၊ တည်ငြိမ်ရေး၊ ပြည်သူ့လုံခြုံရေးတို့ကို စိန်ခေါ်လျက်ရှိသည်။

ထို့ကြောင့် မိမိတို့ အာရက္ခတပ်တော်သည် မောင်တော နှင့်ဘူးသီးတောင်မြို့ပတ်ဝန်းကျင်များ၌ ARSA ၊ RSO ၊ ARA အစွန်းရောက် အကြမ်းဖက် လက်နက်ကိုင်တပ်ဖွဲ့ဝင်များ ခိုအောင်းနိုင်သော နေရာများ နှင့် စစ်ကောင်စီမှ သင်တန်းပေးထားပြီး ၎င်းတို့လက်နက်တပ်ဆင်ပေးထားသော မူဆလင်လက်နက်ကိုင် အချိုတို့အား လိုက်လံရှင်းလင်းလျက်ရှိသောကြောင့် ယခုရက်များအတွင်း မိမိတို့နှင့် ARSA အစွန်းရောက် အကြမ်းဖက်လက်နက်ကိုင်တပ်ဖွဲ့ဝင်များသည် ဘူးသီးတောင်မြို့နယ်၊ ခရုချောင်း (မူဆလင်) ကျေးရွာ၏ အနောက်မြောက်ဘက် (၆.၂) ကီလိုမီတာအကွာအဝေး၌ရှိသော တောင်တန်းတွင် ၂၀၂၄ ခုနှစ်၊ အောက်တိုဘာလ (၁၉) ရက်၊ နေ့လယ် (၁၂) နာရီ (၁၀) မိနစ်၌ စတင်ထိတွေ့တိုက်ပွဲဖြစ်ပွားခဲ့သည်။

ထို့နောက်တွင် အဆိုပါ ပတ်ဝန်းကျင်များ၌ ထိတွေ့တိုက်ပွဲ (၅) ကြိမ်ခန့်ဖြစ်ပွားခဲ့ပြီး ARSA အစွန်းရောက် အကြမ်းဖက်လက်နက်ကိုင်တပ်ဖွဲ့ဝင်များ အခိုင်အမာစခန်းချနေထိုင်ခဲ့သော နေရာ (၄) နေရာ၊ အကြမ်းဖက် စစ်ကောင်စီမှ တပ်ဆင်ပေးထားသော လက်နက်ခဲယမ်းများအပြင် အစွန်းရောက်အကြမ်း ဖက်လက်နက် ကိုင်တပ်ဖွဲ့ဝင် အလောင်းအချို့တို့ကို သိမ်းဆည်းရမိခဲ့သည်။

အလားတူ ၂၀၂၄ ခုနှစ်၊ အောက်တိုဘာလ (၂၂) ရက်၊ နေ့လယ် (၁၂) နာရီ (၁၀) မိနစ်ခန့်အချိန်တွင်လည်း မောင်တောမြို့နယ်၊ ဂြင်းတောစခန်း၏ အရှေ့ဖက် (၃.၇) ကီလို မီတာအကွာ၌လည်း ထွက်ပြေးနေသော ARSA အစွန်းရောက် အကြမ်းဖက်လက် နက်ကိုင် တပ်ဖွဲဝင်များနှင့် မိနစ်အနည်း ငယ်ခန့်ကြာ ထိတွေ့တိုက်ပွဲ ဖြစ်ပွားခဲ့သေးသည်။

တစ်ပြိုင်နက်တည်းတွင် ထွက်ပြေးလွတ်မြောက်နေသော အစွန်းရောက်အကြမ်းဖက်လက်နက်ကိုင် တပ်ဖွဲ့ဝင်များ နှင့် အကြမ်းဖက်စစ်ကောင်စီမှ စစ်သင်တန်းပေးပြီး လက်နက်တပ်ဆင်ပေးထားသော မူဆလင်တပ်ဖွဲ့ဝင်များကို မိမိတို့မှ လိုက်လံရှင်းလင်းတိုက်ခိုက်လျက်ရှိသည်။

သတင်းနှင့် ပြန်ကြားရေး
အာရက္ခတပ်တော်

YouTube: https://pse.is/6bymug
Telegram: https://t.me/arakkhamedia

အကြမ်းဖက်စစ်ကောင်စီနှင့် အကြမ်းဖက်စစ်သင်တန်းဆင်းအဖွဲ့များအား တိုက်ခိုက်သိမ်းပိုက်နိုင်ခဲ့ကြောင်း AA ထုတ်ပြန်

အာရက္ခမီဒီယာ| ၂၂ အောက်တိုဘာ ၂၀၂၄

ပေါက်တောမြို့နယ်တွင် ၆ နှစ်အရွယ် ကလေးငယ် ၁ ဦး ရေနစ်သေဆုံး

အာရက္ခမီဒီယာ| ၂၂ အောက်တိုဘာ ၂၀၂၄

ရက္ခိုပြည်၊ ပေါက်တောမြို့နယ်တွင် အသက် ၆ နှစ်အရွယ် ကလေးငယ် ၁ ဦး မြောင်တွင် ရေချိုးရန်သွားစဥ် ရေနစ် သေဆုံးသွားကြောင်း သိရသည်။

သေဆုံးသွားသူမှာ ပေါက်တောမြို့နယ် ဂြစ်ချောင်းကျေးရွာမှ အဖ ဦးသန်းရွှေ၏သား အသက် ၆ နှစ်အရွယ် ဦးမင်းဌေးဖြစ်သည်။

ထိုကလေးငယ်သည် ပြီးခဲ့သည့် အောက်တိုဘာလ ၂၀ ရက်နေ့ နံနက် ၉ နာရီခန့်တွင် ရွာ၏ အနောက်ဖက်တွင်ရှိသည့် မြောင်တွင် ရေချိုးရန် အဖော်အမျိုးသမီး ၃ ဦး အမျိုးသား ၁ ဦးတို့နှင့်အတူ သွားရောက်စဥ် မြောင်အတွင်း ရေနစ်သေဆုံးခဲ့ကြောင်း ရွာသား တစ်ဦးက ပြောသည်။

“အဲဒီမြောင်က ရွာအနောက်ဖက်မှာ ရှိတာ၊ ပေ ၂၀၀ လောက်ပဲ ဝေးပါတယ်။ အဲဒီကလေးနဲ့အတူ နောက်ထပ် ၄ ယောက်ပါတယ်။ အဲဒီကလေးက မြောင်အထက်ဖက်သို့ တက်ပြီး ရေသွားချိုးတာမှာ ရေနစ်သေဆုံးသွားတာပါ။” ဟုပြောသည်။

ရေနစ်သေဆုံးခဲ့သည့် ရုပ်အလောင်းအား ထိုမြောင်အတွင်း ၆ ပေခန့် နက်သည့် ရေအိုင်တွင် ရေနစ် သေဆုံးလျှက် ယင်းနေ့ နံနက် ၉ နာရီခွဲခန့်တွင် ရှာဖွေတွေ့ရှိခဲ့ကြောင်း သိရသည်။

Ref: ABN - News

YouTube: https://pse.is/6bymug
Telegram: https://t.me/arakkhamedia

တော်လှန်ကြယ်စင်တပွင့် ကြွေလွင့်သွားပါခြင်း (ခ) ဘဒ္ဒန္န္တစန္ဒာဝါရ ရဟန်းတော်ပျံလွန်

အာရက္ခမီဒီယာ| ၂၁ အောက်တိုဘာ ၂၀၂၄

ယနေ့ ရက္ခိုင်သက္ကရာဇ် (၁၃၈၆ ) ခုနှစ် ဝါကျွတ်လပြည့်ကျော် (၄)ရက် အရုဏ်တက် (၄)နာရီ(၂၆)မိနစ် အချိန်တွင် ဘဒ္ဒန္ထ စန္ဒာဝရ ရဟန်းတော် သိက္ခာတော် (၁၅)ဝါ အသက်(၅၀) သည် ဘုရားဟန္တာသော်မှ မလွန်ဆန်နိုင်ပါသော သခ်ါရ တရားအရ ဘဝနတ်ထံ ပျံလွန်တော် မူသွားကြောင်း သတင်းရရှိပါသည်။

ကိုယ်တော်ကြီး ဘဒ္ဒန္တစန္ဒာဝရ အသျှင်ဘုရားသည် ဇာတိ ရက္ခိုင် ပြည် ကျောက်တော်မြို့နယ် ကျောက်တလုံး ရွာသား တစ်ဦး ဖြစ်ကြောင်းသိရသည်။

လက်ရှိတွင် ဘဂ်လာဒေချ့် နိုင်ငံ ရွာတော်ခရိုင် နတ်ကျောက်သရီမြို့နယ် လက်ပံရွာတွင် သီးတင်းသုံး၍ (၉၆)ပါးရောဂါဖြင့် ပျံလွန်တော်မူသွားကြောင်း ခက်မင်ရွာ ဆရာတော်ဘုရားက မိန့်တော် မူပါသည်။

ဘဒ္ဒန္တစန္ဒာဝရ ရဟန်းတော်အား ဘဂ်လာဒေချ့် နိုင်ငံတွင် “လှကျော်သောင်း ပန်းဇင်း”ဟု လူသိ များကာ ရဟန်းတော်သည် (၁၉၉၄) ခု နှစ် နိုဝင်ဘာလတွင် ဇာတိရွာအား စွန့်ခွါ၍ ဘဂ်လာဒေချ့်နိုင်ငံ အခြေစိုက် ယခင် ဗိုလ်ရာဇာဦးဆောင်သော အာရ်ကန်အာရ်မီ (အေအေ) တပ်တွင် ရဲဘော်အဖြစ် တာဝန်ထမ်း ဆောင်ရန် ရောက်လာခဲ့ကြောင်း တော်လှန်ရေး လုပ်ဖော်ကိုင်ဖက် ကိုအောင်သန်းမှ ရှင်းပြပါသည်။

ရက္ခိုင့်တော်လှန်ရေးအား (၁၉၉၁) ခု နောက်ပိုင်းတွင် ထိုင်းနယ်စပ်မှခေတ်မီ တိုးတက်သော သင်္ဘောငယ်များ လက်နက်ခဲယမ်းများဖြင့် ဗိုလ်ရာဇာမှ ဦးဆောင်ကာ ယခင် ဘဂ်လာနိုင်ငံအခြေစိုက် (NUFA) ပါတီအား (NUPA) ပါတီအဖြစ် ဖွဲ့စည်းတည်ထောင်ကာ လက်နက်
ကိုင်တပ်အားလည်း အေအေ တပ်မတော်အဖြစ် အမည်ပေးကာ ဦးဆောင်ခဲ့ကြောင်း သိရပါသည်။

ယင်းနောက် ဗိုလ်ရာဇာအား အိန္ဒိယနိုင်ငံ အက်ဒမန်ကျွန်းတွင် ဇာတိမြန်မာနိုင်ငံသား အိန္ဒိယထောက်လှမ်းရေး တပ်မှ “ဂရိတ်ဝေါ” ဆိုသူနှင့် မြန်မာ့ထောက်လှမ်းရေးတို့ ပူးပေါင်းကာ ခေါင်းဆောင်များအား လူမဆန်စွာ လုပ်ကြံသတ်ဖြတ် ခဲ့ကြသည်ဟု လည်း သိရှိရပါသည်။

ဗိုလ်ရာဇာနှင့်အတူ ရက္ခိုင် ကရင်ခေါင်းဆောင် (၅)ဦး လုပ်ကြံခံရပြီးနောက်ပိုင်း (NUPA) အေအေ တပ်မတော်သည် အင်အားနည်းလာ၍ ရဲဘော် လှကျော်သောင်းလည်း လူဘဝကနေ ရဟန်းဘောင်ဝင်ရောက်ကာ ဘဝနတ်ထံ ပျံလွန်တော်မူသည့် အချိန် ထိ အာရက္ခ အမျိုးသား တော်လှန်ရေးကို သစ္စာမဖောက် ဒူးမထောက် လက်မမြှောက်ပဲ ဘဝနတ်ထံပျံလွန်တော် မူသွားခြင်း ဖြစ်ကြောင်း သိရပါသည်။

ပျံလွန်တော်မူသွားပါသော ဘဒ္ဒန္တ စန္ဒာဝရသည် ဘဂ်လာဒေချ့်နိုင်ငံ စစ်တကောင်း တောင်တန်းဒေသ သံဃကောင်စီ အဖွဲ့ဝင်တစ်ဦးဖြစ်ကြောင်း ဇိနမဉ္စူသာသနပန်းကုံးကျောင်း ပရဟိတဆရာတော်ဘုရား ဘဒ္ဒန္တစန္ဒမာလာ က မိန့်ကြားတော် မူပါသည်။

ကြွင်းကျန်ရစ်ပါသော ဥတုဇ ရုပ်ကလပ်တော်အား ခေတ်ကာလ အပြောင်းအလဲ စစ်တကောင်းတောင်တန်းဒေသလည်း ဖြစ်နေသည့်အတွက် အန္တိမအဂ္ဂိစျာပနအားအကျဉ်းရှုံး၍ (၂၅.၁၀.၂၀၂၄) သောကြ်ာနေ့တွင် ရွာသူရွာသားများက ကတလားအနည်းငယ်ဖြင့် ပူဇော်ပြုလုပ်လားရန် ရဟန်းတော်များ အစည်းအဝေးကျင်းပကာ ဆုံးဖြတ်ခဲ့သည်ဟု ခင်မင်ရွာ ဆရာတော်မှ မိန့်ကြားတော်မူပါသည်။


YouTube: https://pse.is/6bymug

Telegram: https://t.me/arakkhamedia

တော်လှန်ကြယ်စင်တပွင့် ကြွေလွင့်သွားပါခြင်း (ခ) ဘဒ္ဒန္ထစန္ဒာဝါရ ရဟန်းတော်ပျံလွန်

အာရက္ခမီဒီယာ| ၂၁ အောက်တိုဘာ ၂၀၂၄

◾️Breaking News - စစ်ဘေးရှောင်ရင်းလှေမှောက်၍ လူ ၈၀ လောက်ပျောက်ဆုံး

အာရက္ခမီဒီယာ| ၂၁ အောက်တိုဘာ ၂၀၂၄

တနင်္သာရီတိုင်း ပုလောမြိုနယ်တွင် အကြမ်းဖက်စစ်ကောင်စီမှ လေကြောင်း‌ဗုံးကြဲမှုအား ကြောက်ရွံ့ပြီး ညတွင်းချင်း စစ်ရှောင်ကြရာတွင် ၎င်းစစ်ဘေးရှောင်များ စီနင်းလာသော လှေတိမ်းမှောက်၍ လူဦးရေ အယောက် ၁၀၀ ရေထဲ မျောပါသွားခဲ့ပြီး အချို့အား ဆယ်ယူရရှိထားပေမယ့် ကျန်လူ ၈၀နီးပါးလောက်မှာ ပျောက်ဆုံးနေသေးကြောင်း သိရပါတယ်။

လှေတိမ်းမှောက်ပြီး သေဆုံးရာတွင် ၁လသား ကလေးငယ်ပါ၀င်ပြီး အမျိုးသမီးများနှင့် သက်ကြီးရွယ်အိုများလည်း ပါ၀င်ကြောင်း သိရှိရသည်။

YouTube: https://pse.is/6bymug
Telegram: https://t.me/arakkhamedia