Жиззах вилояти божхона бошқармаси

8 январь – Прокуратура органлари ходимлари куни!

Ҳурматли прокуратура органи ходимлари! Бугунги касб байрамингиз муборак бўлсин!

Юртимизда қонун устуворлигини таъминлашдек масъулиятли ва шарафли вазифани садоқат билан бажариб келаётган соҳанинг барча ходимларига омад, ишларига ривож ҳамда муваффақият тилаймиз!

#donolar_bisotidan
#kun_hikmati

Донолар бисотидан

Битта дарахтдан миллионта гугурт донаси ясалади. Битта гугурт донаси билан миллионлаб дарахтларга ўт қўйилади. Шунинг учун ҳаётингдаги миллионлаб ижобий ишларингга таъсир қилмаслиги учун битта ҳам салбий иш қилма!

Доктор Иброҳим Фиқий.

Сўнгги кунларда пойтахт аэропортида нақд хорижий валюталарни яширинча олиб чиқишга бўлган уринишлар ортди. Божхоначилар салкам 110 минг АҚШ доллари миқдоридаги нақд хорижий валюталарнинг ноқонуний олиб чиқилишига чек қўйишди.

Жумладан, Нью-Йоркка парвози олдидан йўловчилардан бири қўл сумкасидаги 42 200 АҚШ доллари ҳақида божхона ходимларига на оғзаки, на ёзма тарзда маълум қилишни “унутиб” қўйибди.

Истанбулга учиб кетаётган 2 нафар йўловчилардан бирининг 19 900 АҚШ долларини, иккинчисининг эса 18 200 АҚШ долларини қўл сумкаларида “бамайлихотир” олиб чиқишга уринишлари наф бермади.

Янги йилнинг илк кунида эса Пекинга сафарга отланган хорижий фуқаро йўловчи божхона декларациясида ва божхона ходимларининг оғзаки сўрови пайтида маълум қилмасдан туриб, 12 200 АҚШ долларини олиб чиқаётган вақтида тўхтатиб қолинди.

Шунингдек, божхона ходимлари Бишкекка учиб кетаётган йўловчининг 4450 АҚШ долларини ва Нью-Йоркка учиб кетаётган йўловчининг 11 810 АҚШ долаларини ноқонуний олиб чиқишга бўлган уринишини бартараф этишди.

Ҳозирда мазкур ҳолатлар юзасидан божхона текширувлари давом эттирилмоқда.

Рақамларга кўра, республикамиз божхоначилари ўтган 2024 йилда 37,5 млрд сўм  эквивалентидаги валюта қимматликларининг божхона чегаралари орқали ноқонуний олиб ўтилишига чек қўйишди.

Эслатиб ўтамиз, амалдаги қонунчиликка кўра жисмоний шахслар фақатгина эквиваленти 100 млн сўмга тенг ёки ундан ошмайдиган миқдордаги нақд валюта маблағларини Ўзбекистон Республикасидан божхона назорати қоидаларига риоя этган ҳолда чекловларсиз олиб чиқишлари мумкин.

#donolar_bisotidan
#kun_hikmati

Донолар бисотидан

Нодон ўгитида хато бўлиши муқаррардир, душман насиҳатида эса алдов бўлиши шубҳасиздир. Унисидан алданма ва бунисига ўзингни алдатма.

Алишер Навоий

2024 йилда Ўзбекистондан энг кўп экспорт қилинган TOP-4 товарлар

Ватан, тинчлик, садоқат, жасорат, мардлик ва мустаҳкам армия!

Жиззах вилояти божхона бошқармасида ташкил этилган расмлар танловида ушбу жиҳатларга алоҳида эътибор қаратилди. Ўзбекистон Республикаси Қуролли кучлари ташкил этилганлигининг 33 йиллиги ҳамда Ватан ҳимоячилари куни муносабати билан ўтказилган “Менинг армиям – менинг фахрим” мавзусидаги танловда божхона ходимларининг фарзандлари ва курсантлар ўзлари чизган ижодий тасвирлар билан иштирок этишди.

Тадбир давомида юртимиз чегаралари дахлсизлиги ва унинг тинчлигини таъминлашга муносиб ҳисса қўшиб келаётган ҳарбийлар, уларнинг машаққатли хизмати, замонавий армия, ҳарбий техникалар ва қурол-аслаҳалар акс эттирилган суръатлар мутахассислар томонидан алоҳида баҳолаб борилди.

Мухтасар айтганда, ҳар бир ижодий ишда халқ ва армия бирдамлигини мустаҳкамлаш каби эзгу ғоялар мужассам.

#donolar_bisotidan
#kun_hikmati

Донолар бисотидан

Уч нарсани: оилангни, қалбингни ва қадрингни ҳеч қачон қурбон қилма.

#bojxona_dunyo_buylab

БОЖХОНА ДУНЁ БЎЙЛАБ!

АҚШнинг Ўзбекистондаги элчихонаси: Ўзбекистонда рақамлаштиришни кенгайтириш мақсадида USAID 287 нафар божхоначи аёлларнинг IT кўникмаларини оширишга кўмаклашди.
********
СHINA-EAEU: Евроосиё иқтисодий комиссияси кенгаши Хитойнинг диаметри 520 мм.дан ошмайдиган графит электродларига нисбатан 5 йил муддатга антидемпинг божини жорий этишга қарор қилди.
*******
U.S. Customs and Border Protection: 27-28 декабрь кунлари АҚШ божхона хизмати ва Дала операциялари бошқармаси вакиллари Жаҳон савдо кўприги орқали 6,3 млн АҚШ доллари қийматидаги метамфетамин ва марихуанани олиб ўтишга бўлган уринишни фош қилишди. Гиёҳвандлик воситалари елим солинган челаклар ва механик анжомлар орасига яширилган.
*******
Россия Федерал божхона хизмати: Владивосток аэропортида божхоначилар Пхеньянга парвоз қилаётган йўловчи ўзи билан 12 дона Ҳимолай айиқларининг музлатилган панжаларини олиб чиқишга уринганини фош қилишди.

❓Ўзбекистонга нечта телефонни божсиз олиб кириш мумкинлигини биласизми?

❗️Энди олиб келаётган телефонларингизни йўловчи божхона декларациясида албатта, кўрсатинг!

✅ Бу сизни ортиқча харажатлардан халос этади!

Ўзбекистон Республикаси Президенти Шавкат Мирзиёев Санкт-Петербург шаҳрида Олий Евроосиё иқтисодий кенгашининг навбатдаги йиғилишида кузатувчи мақомида иштирок этди.
—
Президент Республики Узбекистан Шавкат Мирзиёев в городе Санкт-Петербурге принял участие в очередном заседании Высшего Евразийского экономического совета в статусе наблюдателя.

#Mirziyoyev #sammit #YOII #hamkorlik

Prezident.uz|Facebook|Instagram|YouTube|X

Йиғилишда Ўзбекистон ва ЕОИИ давлатлари ўртасидаги савдода тариф ва нотариф чекловларни қўлламаслик масаласини экспертлар даражасида ишлаб чиқиш таклиф этилди.

Ўзбекистон етакчиси тадбир якунида имзоланаётган Ягона божхона транзити тизими тўғрисидаги битимда мамлакатимизнинг иштирок этиши, шунингдек, божхона чегаралари орқали олиб ўтилаётган товарлар ва транспорт воситалари тўғрисида электрон маълумотлар алмашинувини тез фурсатда жорий этиш тарафдори эканини таъкидлади.

#qonunchilikdagi_yangiliklar

2025 йил учун Ўзбекистон Республикасининг Давлат бюджети тасдиқланди.

❓Ўзбекистонга нечта телефонни божсиз олиб кириш мумкинлигини биласизми?

❗️Энди олиб келаётган телефонларингизни йўловчи божхона декларациясида албатта, кўрсатинг!

✅ Бу сизни ортиқча харажатлардан халос этади!

Жиззах вилоят мусиқали драма театрида Президент арчаси тадбири ўтказилди.

Унда вилоятдаги ижтимоий ҳимояга муҳтож, ота-она қарамоғисиз қолган, имконияти чекланган болажонлар таклиф этилди. Эсда қоларли лаҳзаларга бой бўлган театр томошалари ва эртак қаҳрамонларининг саҳнада гавдалантирилиши кичкинтойлар қувончига қувонч қўшди.

Байрам тадбирида вилоят ҳокими ҳамда вилоят ташкилотлари раҳбарлари қаторида божхона бошқармаси бошлиғи Ф.Артиков ҳам иштирок этди.

Тадбир доирасида масъуллар томонидан болажонларга президент совғалари топширилди.

Inson qadri uchun
#2dec #uzbekiston24

mtrk.uz | Youtube | Facebook | Telegram | uztv.tv | TV-dastur

#qonunchilikdagi_yangiliklar

“Ўзбекистон Республикаси божхона чегарасидан электр узатиш тармоқлари орқали ўтказилаётган электр энергиясини божхона назорати ва божхона расмийлаштирувидан ўтказиш тартиби тўғрисида”ги Низомда “электр энергияси” тушунчаси таҳрирланди.

Электр энергияси – товарнинг бир ўзида ишлаб чиқарилиши (сақланиши) ва истеъмол қилиниши билан тавсифланадиган алоҳида тури.

Ўзбекистон Республикасига олиб кирилиши ва олиб чиқилиши таъқиқланган ҳамда руҳсат этиладиган товарлар

❇️Жиззах вилояти божхона бошқармасига бириктирилган шаҳар 3-сонли умумий ўрта таълим мактабида ўтказилган навбатаги дарс машғулотида ушбу мавзуда бўлди.

❇️Унда юридик ва жисмоний шахслар томонидан товарларни божхона чегарасидан ўтказишнинг ҳуқуқий асослари, нормалари, тартиби, товарларни божхона чегарасидан олиб ўтиш мақсадлари ва чекланган меъёрлари ҳамда ундирилиши лозим бўлган божхона тўловлари хусусида ўқувчиларга тушунчалар берилди.

✅Шунингдек, юртимизга олиб кирилиши таъқиқланган, хусусан, контрабанда товарлари, контрафакт маҳсулотлар, совуқ қуроллар, дори воситалари ҳамда қонунда белгилаб берилган бошқа турдаги буюмлар хусусида ўқувчиларга ҳуқуқий тушунчалар берилди. Мавзу юзасидан ўқувчилар божхона ходимига турли саволлар билан юзланиб етарли кўникмаларга эга бўлишди.

09:00  01.12.2024

XONADONLARDAN QO'LBOLA ALKOGOL, NOQONUNIY DORILAR TOPILDI

#Jizzax

muxbir: Nabijon Ergashev

https://t.me/zamon_lavhalar

#donolar_bisotidan
#kun_hikmati

Донолар бисотидан

Сизга узатилган ҳамма қўлни тутаверманг, чунки инсон ниқобидаги неча шайтонлар бордир.

Жалолиддин Румий

Божхона қўмитасида ходимларнинг ижтимоий-сиёсий ҳамда ҳуқуқий билимларини янада оширишга қаратилган тарғиот тадбири бўлиб ўтди

Тадбирни очар экан, Божхона қўмитаси Раиси ўринбосари О.Чориев жорий йилнинг 19-20 ноябрь кунлари Давлатимиз Раҳбари иштирокида ўтказилган Олий Мажлис Қонунчилик палатаси ва Сенатининг биринчи мажлислари ҳамда Вазирлар Маҳкамасининг яқин ва узоқ истиқболга мўлжалланган ҳаракатлар дастури муҳокамасида кўтарилган устувор вазифалар, таклиф ва ташаббусларни ҳар бир божхона ходими билиши лозимлигини таъкидлади.

Шу мақсадда Божхона қўмитаси ва унинг ҳудудий бошқармалари томонидан шахсий таркибнинг ҳуқуқий ва сиёсий билимларини оширишга қаратилган тадбирлар тизимли равишда ташкил қилинмоқда.

Тадбирда Тошкент халқаро университетининг профессор-ўқитувчиси Гулчеҳра Маткаримова кўргазмали маърузаси билан иштирок этиб, Янги Конституция асосида ўтказилган илк сайловдаги ўзгаришлар ва унинг натижасида шаклланган Қонунчилик палатаси ҳамда Сенат фаолиятидаги янгиланишлар юзасидан атрофлича тўхталиб ўтди.

Эътборли томони, эндиликда Парламент ва Ҳукумат ўртасидаги ҳамкорлик бутунлай янгича ва фаол кўриниш касб этади, ишлаб чиқиладиган ҳар бир қонун лойиҳаси жамиятдаги долзарб масалалардан келиб чиқади.

Эслатиб ўтамиз, бу йилги парламент сайлови биринчи марта аралаш сайлов тизими асосида ўтказилди.

Сайлов натижасига кўра, Қонунчилик палатасига 150 нафар депутат сайланди. Уларнинг 57 нафари аёллар, 11 нафари 35 ёшгача бўлган йигит-қизлар бўлди. Умуман, бу йил қуйи палата таркиби қарийб 60 фоизга янгиланди.

Шунингдек, Сенат таркибида ҳам сезиларли ўзгаришлар бўлди. Янги Конституцияга мувофиқ, ҳудудлардан сайланадиган ва президент томонидан тайинланадиган сенаторларнинг умумий сони 100 тадан 65 тага қисқарди.

Тадбирда божхона ходимлари ўзларини қизиқтирган саволларга жавоблар олишди.

Axborot 24 | Rossiya federal bojxona xizmati delegatsiyasi bilan uchrashuv
#30nov #uzbekiston24

mtrk.uz | Youtube | Facebook | Telegram | uztv.tv | TV-dastur

#bojxona_dunyo_buylab

БОЖХОНА: ДУНЁ БЎЙЛАБ!

Бугун Сизни қизиқарли виртуал саёҳатга таклиф қиламиз!

Дунё бўйлаб кўплаб давлатларда божхона музейлари фаолият юритади. Ҳаттоки, Солиқ ва божхона музейларининг Халқаро ассоциацияси ҳам ташкил қилинган.

Ташкилотнинг бош қароргоҳи эса Будапештда жойлашган. Бу бежиз эмас. Венгрия божхонаси тарихини акс эттирувчи илк музей эса бундан 94 йил муқаддам – 1930 йилда ташкил этилган.

Ушбу ҳавола орқали Сиз Австрия, АҚШ, Белгия, Венгрия, Германия, Ирландия, Корея, Латвия, Люсембург, Нидерландия, Португалия, Украина, Финландия, Франция, Хитой, Чехия ва Швецарияда жойлашган божхона музейларига виртуал саёҳат қилишингиз мумкин.

Мазкур музейлардаги қизиқарли экспонатлар билан яқиндан танишиб, божхона ишининг нақадар серқирра эканлигига гувоҳ бўласиз.

Жиззах вилояти божхона бошқармасида “Яшил макон” умуммиллий лойиҳасининг кузги мавсуми давом этмоқда

Ходимлар томонидан бошқарма ҳудудида ва Зомин туманидаги "Мурувват" интернат уйида манзарали дарахтлар экилди.

“Жиззах” ТИФ божхона постида мактаб ўқувчилари учун “Очиқ эшиклар” куни ташкил этилди

Ёшларни ватанпарварлик руҳида тарбиялаш, уларни божхона соҳасига қизиқтириш ва соҳа билан яқиндан таништириш мақсадида ташкил этилган мазкур тадбирда ўқувчиларга божхона пости фаолияти яқиндан таништирилди.

Президент Шавкат Мирзиёев Тошкент атрофида "яшил" белбоғ барпо этиш доирасидаги дарахт экиш тадбирида иштирок этди

Prezident.uz|Facebook|Instagram|YouTube|X

#bu_qiziq
#fototarix

Камарга илинган тилла соатлар, пайпоқ ичига яширилган валюта, пойабзал ичидаги тилла тангалар...

“Фототарих” рукнимизда бу гал ҳам ҳали ҳеч қаерда эълон қилинмаган эксклюзив фотосуратларни эътиборингизга ҳавола қиламиз.

Турли товар-моддий бойликларни, жумладан тилла ва валюталарни божхона назоратидан яширинча олиб ўтиш учун ҳуқуқбузарлар ҳар хил найранг ва усулларни қўллашади.

Лекин, бу “топқирлик”ларини илгари бошқалар такрорлаган бўлиши мумкинлиги ҳақида ўйлаб ҳам кўришмайди.

Эътиборингизга бундан 63 йил аввал Тошкент аэропортида божхона ходимлари томонидан аниқланган божхона қонунбузилишлари акс этган тарихий фотосуратларни тақдим қиламиз.

Эслатиб ўтамиз, 1961 йилда Тошкент аэропортидан Индонезия, Ҳиндистон, Бирма ва Афғонистонга парвозлар амалга оширилган.

Жиззах вилояти божхона бошқармасида “Яшил макон” умуммиллий лойиҳасининг кузги мавсуми давом этмоқда

🌳Мухтарам Президентимиз ташаббуси билан юртимизда илгари сурилган “Яшил макон” умуммиллий лойиҳаси доирасида олиб борилаётган ишлар она табиатни асраш, ҳудудларни кўкаламзорлаштириш ва гўзал масканга айланишида муҳим аҳами ят касб этади. Ушбу хайрли ишларда Жиззах вилояти божхона бошқармаси ходимлари ҳам фаол иштирок этиб, юрт ободлигига ўзларининг муносиб ҳиссаларини қўшишмоқда.

🌳Хусусан, бошқарма ҳудудига вилоятнинг иқлим шароитига мос бўлган мевали ва манзарали дарахт кўчатлари экилди. Ҳашарда ходимлар уюшқоқлик билан иштирок этиб, ўзлари фаолият олиб бораётган масканнинг тобора обод ҳудудга айланишига сабабчи бўлишди.

🌳Маълумот учун, жорий йилнинг кузги мавсуми давомида бошқармага 4000 туп дарахт кўчатлари экиш бўйича белгиланган режа 101%га бажарилди. Жумладан, бошқарма майдони, Зомин туманидаги “Мурувват” интернат уйи, “Қўшкент” ва “Учтўрғон” чегара божхона постлари ҳамда “Жиззах” ТИФ божхона постига жами 4050 туп мевали ва манзарали дарахтлар экилди.

#donolar_bisotidan
#kun_hikmati

Донолар бисотидан

Донишманд - баққолнинг дўконига ўхшайди: борини индамай кўрсатиб қўяди. Нодон эса лашкар ноғорасининг ўзи: овози баланду ичи бўм-бўш...

Саъдий

Pirotexnika vositalari yo'q qilindi

muxbir: Mirzaolim Rustambekov

#Toshkent shahri

15:00 22.11.2024

@hududtv

Бугун илк бор кенг жамоатчилик иштирокида йирик миқдорда - 4 млн донадан зиёд пиротехника воситалари йўқ қилинди.

Жиззах шаҳрида қайта тикланувчи энергия манбаларидан унумли фойдаланиш ва бу орқали электр энергиясини иқтисод қилишга қаратилган кўргазмали учрашув ташкил этилди

❇️Тадбирда Жиззах вилояти божхона бошқармаси бошлиғи, шаҳар ҳокими ва прокурори, тегишли мутасаддилар ҳамда тадбиркорлар иштирок этишди. Учрашув давомида иқтисодиёт тармоқлари ва ижтимоий соҳа объектларининг энергия самарадорлигини янада ошириш, энергия тежовчи технологиялар ва қайта тикланувчи энергия манбаларини кенг жорий этиш замон талаби эканлиги тушунтирилди.

❇️Шунингдек, мулоқот чоғида ҳозирги кунда вилоятда қайта тикланувчи энергия манбаларини арзон ва сифатли тарзда ўрнатиш хизмати билан шуғулланувчи ташкилотлар ҳамда ишлаб чиқарувчи корхоналар мавжудлиги, қуёш панеллари ва коллектор иситгичлари ўрнатишнинг афзалликлари, нархи ва сифати тўғрисида батафсил маълумотлар бериб ўтилди.

❇️Учрашувда 60 дан ортиқ тадбиркорлик субъектлари иштирок этиб, улар томонидан ўз ишлаб чиқариш объектлари ва яшаш ҳонадонларига ушбу қурилмаларни ўрнатиш борасида келишувлар амалга оширилди.

Мамлакатимизнинг COP29даги Миллий павильонида Ўзбекистон Республикаси Президенти Шавкат Мирзиёев ва Жаҳон савдо ташкилоти бош директори Нгози Оконжо-Ивеаланинг учрашуви бўлиб ўтди.
—
В Национальном павильоне нашей страны на COP29 состоялась встреча Президента Республики Узбекистан Шавката Мирзиёева с генеральным директором Всемирной торговой организации (ВТО) Нгози Оконджо-Ивеалой.

#Mirziyoyev #uchrashuv #JST #hamkorlik

Prezident.uz|Facebook|Instagram|YouTube|X

Жиззах вилояти божхона бошқармаси "Гендер тенгликни таъминлашда энг фаол ҳудудий давлат органи деб топилди.

Жиззах вилояти ҳокимлигида “Йил аёли” ва “Гендер тенглик фаоли” миллий танловларининг вилоят босқичи ғолиблари тақдирланди

Тантанали тадбирда вилоят ҳокими Э.Салиев иштирок этиб, вилоятнинг фаол ва ташаббускор хотин-қизлари ҳамда уларни қўллаб-қувватлаб келаётган ташкилот раҳбарларини эътироф этди.

Хусусан, хотин-қизларнинг оила ва жамият ҳаётида фаоллигини ошириш, уларнинг ҳуқуқларини муҳофазалаш ва ҳар томонлама қўллаб-қувватлашга доимий эътибор қаратиб келаётган ташкилот сифатида Жиззах вилояти божхона бошқармаси эътироф этилиб, "Гендер тенгликни таъминлашда энг фаол ҳудудий давлат органи (ташкилоти)" номинацияси бўйича тақдирланди.

Эслатиб ўтамиз, бу йил вилоятда “Гендер тенглик фаоли” миллий танловининг шаҳар ва туман босқичида жами 83 нафар номзодларнинг фаолияти ўрганиб чиқилиб, шулардан 9 нафари танловнинг Республика босқичига тавсия этилди. Улар орасида вилоят божхона бошқармаси бўлим бошлиғи Маҳорат Қосимованинг ҳам номзоди бор.

#bojxona_dunyo_buylab

Каналимизда янги рукн

БОЖХОНА: ДУНЁ БЎЙЛАБ!

Кеча Бразилиянинг Рио-де-Жанейро шаҳрида Жаҳон божхона ташкилотининг Технологиялар бўйича халқаро конференцияси ва кўргазмаси ўз ишини бошлади.
"Рақамли чегаралар: божхонада янги ва анъанавий инновациялар" шиори остида бўлиб ўтаётган нуфузли анжуманда дунёнинг 117 та давлатидан 1300 га яқин экспертлар иштирок этмоқда.
————————-
АҚШ чегара ва божхона хизмати Мексика ва АҚШни боғловчи Фарр халқаро кўприги орқали салкам 1 тонна метамфетаминни олиб ўтишга уринишни фош қилишди.
10 ноябрь куни аниқланган мазкур ҳолатда синтетик гиёҳвандлик воситалари транспорт воситаси тиркамасига юкланган қалампирлар орасига яширилган.
————————
Россияда Чита божхоначилари Хитойга кетаётган сайёҳлик авотбусидаги багажлар ичидан 111 дона кит тишлари ва 171 дона морж тишлари олиб ўтилаётганини фош қилишди.
Уларнинг умумий қиймати 1,2 млн рублни ташкил қилмоқда.

Diyor yangiliklari

Bojxonachilar tomonidan pirotexnika vositalari yashirilgan xonadon fosh etildi

#donolar_bisotidan
#kun_hikmati

Донолар бисотидан

Сени ҳурмат қиладиганларнинг сони эмас, сифати қизиқтирсин: аҳмоқларга ёқмаслик - инсон учун мақтовга сазовор фазилат!

Сенека

#hamkasblarimiz_ijodidan

Ҳамкасбларимиз ижодидан

ВАТАН АСЛИ БОЖХОНАДАН БОШЛАНАДИ!

Дерлар: “Ватан дарвозадан бошланади”.
Дерлар: “Ватан остонадан бошланади”.
Нокамтарга йўйманг мени, ватандошим,
Ватан асли божхонадан бошланади.

Елвизакда бирор гиёҳ унмайди,
Карвон йўлга чимлар босиб бўлмайди,
Дарвозасиз ҳеч ким шаҳар қурмайди.
Ватан асли божхонадан бошланади.

Мусофирда ҳеч ким султон бўлолмас,
Эгасиз юрт асло Ватан бўлолмас,
Посбони бор элга ғаним келолмас,
Ватан асли божхонадан бошланади.

Одамлар бор қорни оч-у, кўзи тўқ,
Одамлар бор, ўзи тўқ-у, кўзи сўқ.
Беватанда эътиқод йўқ, иймон йўқ.
Ватан асли божхонадан бошланади.

Оғир дамда дўст хиёнат қилса - дард.
Ичар ошга ғаним оғу солса – дард.
Посбони бор эл ризқига юқмас гард.
Ватан асли божхонадан бошланади.


Божхоначи! Қаддинг кўтар, мард ўғлон,
Сарҳадларда алп йигитлар берди жон!
Муқаддасдир тўкилган ҳар томчи қон!
Ватан асли божхонадан бошланади.

Саидакбар, Ботир, Бурхон ёш эди,
Қўлдошали, Равшан ҳам тенгдош эди,
Тўхтамишнинг кўзларида ёш кетди:
“Ватан асли божхонадан бошланади”.

Улуғ касбнинг этагини тутдик биз,
Ватан учун жонимизни тикдик биз,
Бу хақ сўзни асло инкор этманг Сиз,
“Ватан асли божхонадан бошланади”.

Салом-алик дарвозадан бошланади,
Обод Ватан остонадан бошланади,
Божхонадир асли Ватан остонаси,
Ватан эса божхонадан бошланади.

Акмал Саидов
Тошкент вилояти божхона бошқармаси “Ғишткўприк” чегара божхона пости катта инспектори, божхона хизмати подполковниги

Божхона қўмитасида "Сен кучлисан" лойиҳаси доирасида бемор болажонлар учун ташкил қилинган экскурсия тафсилотлари "Узрепорт" телеканалида ёритилди.

Айни кунларда БМТнинг Наркотиклар ва жиноятчилик бўйича бошқармаси ҳамда Жаҳон божхона ташкилотининг “Контейнерлар ташувини назорат қилиш” минтақавий дастури доирасида Тошкент шаҳрида Стратегик савдо товарлари ва экспорт назорати (Strategic Trade and Export Control - STEC) бўйича миллий тренинг ҳафталиги иккинчи бор ўз ишини бошлади. Бу каби ҳафталик илк бор ўтган йили Самарқанд шаҳрида ўтказилган эди.

Тренингда Божхона қўмитаси масъуллари билан бирга Ўзбекистон Республикаси Президенти Администрацияси ҳузуридаги Наркотикларни назорат қилиш миллий маркази ҳамда Инвестициялар, саноат ва савдо вазирлиги вакиллари иштирок этишмоқда.

Тадбирдан кўзланган асосий мақсад стратегик савдо товарлари ва экспорт назорати тамойиллари, ҳуқуқбузарлик шакллари, хавф профилларини ишлаб чиқиш ва улардан фойдаланиш, товарларни идентификациялаш усуллари ва веб-платформалардан фойдаланиш, бўйича дастур иштирокчилари ҳамда порт назорати гуруҳлари аъзоларининг билим ва тажрибасини оширишга қаратилган бўлиб, тренинг дастуридан амалий машғулотлар хам ўрин олган.

Машғулотлар БМТ халқаро эксперти Эржан Сака томонидан  олиб борилмоқда.

Тренинг 15 ноябрга қадар давом этади.

#Jizzax_bojxona

TAMAKI MAHSULOTLARINING NOQONUNIY AYLANMASIGA QARSHI KURASH YO'NALISHIDA BOJXONADA AMALGA OSHIRILAYOTGAN CHORA-TADBIRLAR

Жиззах вилоятининг Ғаллаорол туманида қуввати 220 МВт бўлган қуёш фотоэлектр станцияси тўлиқ қувватда ишга туширилди. Ҳозирда лойихани топшириш ишлари олиб борилмоқда.

✅Мазкур лойиҳа ва унинг қурилиш жараёнини кўздан кечириш мақсадида Жиззах вилояти божхона бошқармаси бошлиғи бошчилигидаги масъуллар ҳудудда бўлиб, қуёш панелларининг ишчи ҳолатини ўрганишди. Ушбу фотоэлектр станциясини қуриш учун туман ҳудудидан жами 562,6 гектар ер майдони ажратилган.

✅Ўзбекистон Республикаси Президентининг 2022 йил 14 январдаги “Жиззах вилояти Ғаллаорол туманида қуввати 220 мвт бўлган фотоэлектр станцияси қурилишини ташкил этиш чора-тадбирлари тўғрисида”ги ПҚ-86-сон қарорига асосан Бирлашган Араб Амирликларининг “Masdar” компанияси томонидан туманда қуёш фотоэлектр станцияларини қуриш лойиҳалари бўйича ишлар амалга оширилмоқда. Ушбу лойиҳага 150 миллион АҚШ доллари миқдорида тўғридан-тўғри хорижий инвестиция жалб этилган.

✅ Ҳозирги кунда лойиха бўйича ишга туширилган 220,0 МВтлик қуёш панеллари бўйича маълумотлар Божхона қўмитасининг “яшил энергия” платформасига киритилган.

✅Маълумот учун, лойиҳани амалга ошириш давомида Хитойдан шу кунга қадар қиймати 107,1 млн. АҚШ долларига тенг асбоб-ускуналар импорт қилинган бўлиб, уларга нисбатан 114,9 млрд. сўм миқдорида божхона тўловларидан имтиёзлар қўлланилган.

Жиззах вилоятининг Ғаллаорол туманида қуввати 220 МВт бўлган қуёш фотоэлектр станцияcи тўлиқ қувватда ишга туширилди

Ҳурматли фуқаролар!

Энди ўзингиз билан четдан олиб келаётган уяли алоқа воситаларини албатта йўловчи божхона декларациясида кўрсатинг!

Бу сизни ортиқча харажатлардан ҳалос этади!

Божхона қўмитасида Ахборот коммуникация технологиялари ва киберхавфсизликни таъминлаш бошқармаси ходимлари учун ўқув машғулотлари ташкил этилди.

Бугунги кунда ахборот технологиялари соҳасида малакали кадрларни тайёрлаш муҳим аҳамиятга эга. Айниқса, тармоқлардаги ахборот хавфсизлигини таъминлаш ва киберхуружларни олдини олишда юқори малакали мутахассислар зарур. Шу мақсадда, Fortinet компаниясининг халқаро даражадаги мутахассислари М.Лебедов, А.Гиль ва Ю.Захаровлар томонидан ўқув амалий семинар ўтказилди.

Ўқув машғулотида Fortinet қурилмаларининг тармоқ хавфсизлигини таъминлашдаги ўрни ва унинг асосий функциялари, тармоқлараро хавфсизлик қурилмаларини созлаш жараёнлари, имкониятлари ва хавфсизлик сиёсатларини амалга ошириш тартиби ҳамда ишчи станциялар хавфсизлигини таъминлаш усуллари юзасидан ходимларга зарурий кўникмалар берилди.

Шунингдек, машғулот давомида ахборот хавфсизлиги таҳдидларини таҳлил қилиш ва ҳимоя қилиш усуллари, киберхавфсизлик статистикасини йиғиш ва мониторинг қилиш, киберхавфсизликни таъминлаш қурилмаларининг марказий бошқарув тизимини яратиш ва созлаш борасида ходимларнинг тушунчалари бойитилди.

Қолаверса, семинарда соҳа администраторлари учун онлайн масофавий лаборатория машғулотлари ҳам ташкил этилди. Ушбу лабораторияда назарий билимларни амалий кўникмаларга айлантириш имкониятини яратиш билан бирга, реал вазиятларда Fortinet компанияси маҳсулотлари ёрдамида хавфсизликни таъминлаш чоралари ўрганилди. Семинар якунида иштирокчиларга тегишли сертификатлар тақдим этилди.

#qonunchilikdagi_yangiliklar

Ўзбекистон Республикаси Вазирлар Маҳкамаси томонидан 2024 йил 30 октябр куни «Ўзбекистон Республикаси ҳудуди орқали транзит олиб ўтишда божхона назоратини амалга ошириш тартиби тўғрисидаги низомни тасдиқлаш ҳақида»ги 717-сон қарори қабул қилинди.

Қарорга биноан

– Ўзбекистон Республикаси ҳудуди орқали тамаки маҳсулотлар транзитини амалга оширишда тўланиши лозим бўлган божхона тўловлари суммасини божхона органининг депозит ҳисобварағига қўйиш;

– тамаки маҳсулотлари бўйича божхона органларига дастлабки электрон маълумотларни тақдим этиш тартиби;

– тамаки маҳсулотларни республика ҳудудига олиб кириш ҳамда ҳудудидан олиб чиқишда божхона назорати ва расмийлаштирувидан ўтказиш тартиби;

– тамаки маҳсулотларни божхона назоратидан ечиш ҳамда божхона органининг депозит ҳисобварағига қўйилган пул маблағлари қайтариш тартиби;

– қонунчилик талабларининг бузилиши натижасида товарларни Ўзбекистон Республикаси ҳудудидан олиб чиқиш имконияти мавжуд бўлмаганда, товарларни божхона назоратидан ечиш ҳамда божхона органининг депозит ҳисобварағидаги пул маблағларини республика бюджетига ўтказиш тартиби белгиланди.

#donolar_bisotidan
#kun_hikmati

Донолар бисотидан

Ўз ваъдасида турмаган, турли-туман важ-карсонлар кўрсатувчи кимса ҳеч қачон мард ва ҳимматли инсон бўлолмайди.

Маҳмуд аз-Замахшарий

Мамлакатимиз ижтимоий-иқтисодий тараққиёти ҳамда унинг иқтисодий хавфсизлигини таъминлашда божхона органлари томонидан бир қатор самарали ишлар амалга оширилмоқда. Бунда эса тизимда фаолият олиб бораётган ходимларнинг алоҳида ўрни бор.

Ушбу жиҳатларни инобатга олган ҳолда Божхона қўмитаси Раиси ўринбосари О.Ибрагимов раҳбарлигидаги Ишчи гуруҳ томонидан ходимларни ижтимоий ҳимоя қилиш борасидаги ишларни янада фаоллаштиришга қаратилган навбатдаги йиғилиш бўлиб ўтди.

Унда Божхона қўмитаси марказий комиссияси таркибидан иборат Ўзбекистон Республикаси Соғлиқни сақлаш вазирлиги, Ички ишлар вазирлигининг Тиббиёт бошқармаси, Марказий поликлиниканинг малакали тиббиёт мутахассислари иштирок этиб, божхона ходимлари ва уларнинг яқин қариндошларини даволаниши билан боғлиқ мурожаатлар муҳокама қилинди.

Якуний муҳокама натижалари бўйича божхона ходимлари ва уларнинг яқин қариндошлари даволанганлиги учун ажратиладиган моддий ёрдамларнинг асослилиги ва қонунийлигига оид асосий йўналишлар белгилаб олинди.

Бугун Президент Шавкат Мирзиёев Навоий вилоятига ташриф буюради. Сафар давомида йирик саноат объектлари ва ишлаб чиқариш корхоналари, ижтимоий соҳа ташкилотлари билан танишиш, янги лойиҳаларга старт бериш режалаштирилган.

Ташриф доирасида давлатимиз раҳбари ҳудудни ижтимоий-иқтисодий ривожлантириш бўйича келгуси устувор вазифаларни белгилаб беради.  
—
Сегодня Президент Шавкат Мирзиёев посетит Навоийскую область. В ходе поездки предусматривается ознакомление с крупными промышленными объектами и предприятиями, организациями социальной сферы, запуск новых проектов.

В рамках визита глава государства также определит дальнейшие приоритетные задачи социально-экономического развития региона.

Facebook|Instagram|X

#donolar_bisotidan
#kun_hikmati

Донолар бисотидан

Ўз вужудингга тафаккур айлагил, ҳар не истарсен, ўзунгдин истагил.

Алишер Навоий

Жиззах вилоятида куч тузилмалари ва ҳуқуқни муҳофаза қилувчи органлар ходимлари ўртасида миллий этноспортнинг “От пойгаси” турнири ўтказилди

🏇🏻Мамлакатимизда от спортини ривожлантириш, уни аҳоли ўртасида энг оммавий спорт турларидан бирига айлантириш, иқтидорли иштирокчиларни танлаш, саралаб олиш ва уларни профессионал спортчилар сифатида тайёрлаш мақсадида ташкил этилган мазкур мусобақада Жиззах вилояти божхона бошқармаси ходимлари ҳам фаол қатнашишди.

🏇🏻Беллашув давомида малакали чавандозлар яхши тайёргарлик ва юқори маҳоратга эга эканликларини амалда намоён этди. Жами 20 дан ортиқ иштирокчилар беллашган мазкур мусобақада божхона ходимлари яхши натижа кўрсатиб, кучли 5 лик гуруҳига киритилди.

🏇🏻Мусобақа якунида ташкилотчилар томонидан ғолиб ва фаол иштирокчилар диплом ҳамда эсдалик совғалар билан тақдирланишди.

Божхона институтида “Божхона тизими тараққиёти олдидаги янги чиқишлар, устувор йўналишлар ва тенденциялар: дунё нигоҳида” мавзусида халқаро илмий-амалий конференция бўлиб ўтди.

Конференцияда Божхона қўмитаси Раиси ўринбосари Н.Мусамухамедов иштирок этиб, бугунги кунда хорижий ташкилотлар билан ҳамкорликда Ўзбекистон божхона хизмати органлари фаолияти самарадорлигини ошириш, соҳани рақамлаштириш бўйича доимий тажриба алмашиб бориш ва келгусида ҳамкорликдаги ишларни янада кенгайтириш юзасидан ўз фикр-мулоҳазаларини билдирди.

Шунингдек, тадбирда Россия божхона академияси, Озарбайжон ва Қозоғистон божхона хизматлари соҳавий вакиллари, Ўзбекистон Республикаси Қуролли Кучлари Академияси ва Божхона институти профессор ўқитувчилари ҳамда етакчи мутахассислари иштирок этиб, ташқи савдони ривожлантиришга қаратилган қатор масалаларни муҳокама қилишди.

Хусусусан, Янги Ўзбекистонда интелектуал божхонани ривожлантириш, божхона хизматини ривожлантириш стратегиясининг устувор вазифлари, халқаро стандартлар ҳамда илғор амалиётнинг Ўзбекистон божхонасига имплеминтацияси ва божхона тизими учун малакали кадрларни тайёрлашда замонавий тажрибаларнинг аҳамияти борасида томонлар ўзаро баҳс-мунозара олиб борилди, конструктив таклифлар ишлаб чиқилди.

❗️Заргарлик буюмларига импорт божхона божи камайтирилади

Ўзбекистон Республикаси Президентининг 2024 йил 23 июлдаги “Заргарлик буюмларини ишлаб чиқариш соҳасини янада ривожлантириш ва унинг рақобатбардошлигини таъминлаш чора-тадбирлари тўғрисида”ги ПФ-104-сон Фармонига кўра 2024 йил 1 ноябрдан:

✅ чет элда ишлаб чиқарилган заргарлик буюмларини, башарти улар бўйича божхона тўловлари амалга оширилганлигини тасдиқловчи ҳужжатлар бўлмаса, сотувга қўйиш ва чакана савдода реализация қилиш ман этилади;

❕Бунда ушбу тартиб бухгалтерия ҳисоби қонунчилигига мувофиқ 2024 йил 1 сентябргача расмийлаштирилган (кирим қилинган) заргарлик буюмларига нисбатан татбиқ этилмайди.

✅ қимматбаҳо металларнинг ҳамда қимматбаҳо металлар билан қопланган металларнинг чиқиндилари ва парчалари лицензия асосида экспорт қилинадиган махсус турдаги товарлар рўйхатига киритилади;

✅ Асиллик инспекциясининг хулосаси бўлмаган ярим тайёр заргарлик буюмларини Ўзбекистон божхона ҳудудидан ташқарига олиб чиқиш ман этилади;

✅ жисмоний шахсларга оғирлиги 200 граммгача бўлган кумушдан ҳамда 65 граммгача бўлган олтин ва бошқа қимматбаҳо металлардан ясалган тайёр заргарлик буюмларини йўловчи божхона декларациясини тўлдирмасдан, ушбу миқдорлардан ортиқ бўлганларини йўловчи божхона декларацияси асосида Ўзбекистон божхона ҳудудидан ташқарига олиб чиқишга рухсат берилади;

✅ 2027 йил 1 январгача Ўзбекистонга олиб кириладиган тайёр заргарлик буюмларига нисбатан импорт божхона божлари 20 фоиздан 10 фоизгача камайтирилади.