Мазкур жараёнларда божхона органлари ҳам муносиб иштирок этиб, мамлакатимизнинг иқтисодий, ижтимоий, сиёсий ва маданий ривожига ўз ҳиссаларини қўшиб келишмоқда.
✅ Якунига етаётган йилда 17 мингга яқин ташқи иқтисодий фаолият қатнашчиларига божхона тўловларидан 49,6 трлн сўмлик имтиёз ва преференциялар қўлланилди, 6,6 трлн сўмлик божхона тўловларини кечиктириб тўлашга рухсат берилди.
✅ Давлат бюджетига ундирилган божхона тўловлари ўтган йилга нисбатан 8 фоизга ошишига эришилди.
✅ 9 мингга яқин ҳолатда 914 млрд сўмлик товарлар, 35 млрд сўм эквивалентидаги валюта қимматликлари, 76 млрд сўмлик заргарлик буюмлари, 63 млрд сўмлик тамаки маҳсулотларининг ноқонуний айланувига чек қўйилди.
✅ Жорий йилда божхона органлари томонидан 1 тоннадан зиёд гиёҳвандлик воситалари, , 554 минг дона психотроп ва кучли таъсир этувчи моддалар, 49 дона қурол, 3010 та ўқ-дорилар ашёвий далил сифатида олинди.
✅Соҳани рақамлаштириш ҳисобига экспортда 91 фоиз, импортда эса 75 фоиз декларациялар соддалаштирилган тартибда расмийлаштирилди. Бунда 54 мингдан ортиқ экспорт ва импорт декларацияларининг расмийлаштируви инсон омилисиз амалга оширилди.
✅Энг асосийси, божхона тартиботларини соддалаштириш орқали 6 мингга яқин экспортёр ҳамда 20 мингга яқин импортёрнинг ортиқча сарф-харажати ва вақти тежалишига эришилди.
✅ Ижтимоий объектларни қўллаб-қувватлаш, қурилиш, таъмирлаш ва реконструкция қилиш йўналишларида Тошкент шаҳри, Жиззах, Сирдарё, Фарғона ва Қашқадарё вилоятларида 7 та “Саховат” ва “Мурувват” уйлари қурилиб, фойдаланишга топширилди.
✅ Ушбу муассасаларга давлат даромадига ўтказилган 4 млрд сўмга яқин 821 та телевизор ва 204 та кондиционер, 1 млрд сўмдан ортиқ кийим-кечаклар ҳамда кундалик эҳтиёж учун зарур бўлган 100дан ортиқ жиҳозлар беғараз топширилди.
✅Хорижий инвестициялар билан ишлаш йўналишида
474 та лойиҳалар ижросида 7 млрд доллардан ортиқ хорижий инвестициялар ўзлаштирилишини мувофиқлаштириш ишлари ташкил этилди.
✅ Озиқ-овқат маҳсулотлари ва қадоқлаш буюмларини ишлаб чиқаришга қаратилган 5,3 трлн сўмлик 375 та янги лойиҳалар ишга туширилди.
Мазкур лойиҳаларнинг амалга оширилиши ортидан 12 мингга яқин янги иш ўринлари вужудга келди.
✅“Божхона ҳудудида қайта ишлаш” режимини оммалаштириш орқали ушбу режимидан фойдаланаётган тадбиркорлар сонини 350 тага етказилиб, қайта ишланган товарлар экспорти бир йилнинг ўзида 42 фоизга ёки 305 млн долларга кўпайиб, 1 млрд долларни ташкил этди.
✅Энергия тақчиллиги қопланишини таъминлашга қаратилган топшириқлар доирасида эса жорий йилнинг бугунги кун ҳолатига 98 124 та объектга 965 МВт қуёш панеллари ўрнатилиши назорат қилинди.
✅Бу жараёнларда божхона органларининг ўзи ҳам муносиб иштирок этмоқда. Ҳозирга қадар 71 та божхона объектига 3,8 МВт қуёш панеллари ўрнатилиб, 5 млрд сўмдан ортиқ бюджет маблағлари электр энергия истеъмолидан иқтисод қилинди.
❗️Йиғилишда эришилган натижаларга маҳлиё бўлмасдан, соҳа олдида турган муаммоли масалалар, такомиллаштиришни кутиб ётган норматив-ҳуқуқий ҳужжатлар ва ахборот тизимлари, тартибли ташкил этишга муҳтож бўлган назорат тартиботлари устида кўпроқ ишлаш зарурлиги таъкидланди.
Шу боисдан келгуси йилда фаолиятда йўл қўйилаётган хато ва камчиликларни бартараф этиш ва янада юқори кўрсаткичларга эришишни таъминлашга хизмат қилувчи қатор таклифлар муҳокама қилинди ва 2025 йил учун устувор йўналишлар белгилаб олинди.
