በሐገራችን ልክ ያልሆነ ነገር በዝቷል፡፡ አብዛኛው ሰዉ ልክ በሌለው ጥጋብና ልክ በሌለው ድህነት ውስጥ ነው ያለው፡፡ መካከለኛ የሚባለው ወይ ከልክ በታች፤ ወይ ከልክ በላይ ሆኗል፡፡ ብዙ ሰው ጤንነቱ ልክ አይደለም፡፡ ፍቅሩ ልክ አይደለም፤ ንግዱ ልክ አይደለም፤ ፖለቲካው ልክ አይደለም፤ ስራው ልክ አይደለም፡፡ ጠቡ ራሱ ልክ አይደለም፡፡ ብዙ ሰው በትንሽ በትልቁ የሚጣላው በማያጋጨው ነው፡፡ ብዙ ሰው አቅሙን፣ መጠኑን፣ ልኩን አያውቅም፡፡ የሰውነት ዋጋውን አሳንሷል፡፡ ሠራተኛው ፍዝ፣ ሹመኛውም ንክ፤ ሲስተሙ ልክ አይደለም፡፡ ሰራተኛው ልክ ካልሆነ ዳታውም ልክ አይሆንም፡፡ ልክ ያልሆነ ዳታ ትክክለኛ ሪፖርት አያስገኝም፡፡ ልክ ባልሆነ መረጃ የሚገኘው የሪፖርት ውጤትም ልክ ያልሆነ ነው የሚሆነው፡፡ ውሳኔ ሰጪውን ያሳስታል፡፡ በተሳሳተ መረጃ የሚገኘው ዕውቀትም ሐገርን አደጋ ላይ ይጥላል፡፡ ሲስተሙ የማይሰራው የሚሰሩ እጆች በማነሳቸው ነው፡፡ ሲስተም አይደለም የሌለው፤ ሰው ነው የሌለው፡፡ ወስላቶች በመብዛታቸው የተነሳ ጠማማ ሃሳቦች ሐገራችንን አጥለቅልውታል፡፡ ጠማማ እውቀት ደግሞ አገም-ጠቀም ነው የሚሆነው፡፡ ከእይታው የተንሸዋረረ፤ ከምልከታው የተጣመመ፤ ከሃሳቡ የተዛነፈ በተግባሩም ልክ አይሆንም፡፡ ከስር መሠረቱ የተንሻፈፈ ሃሳብ ትክክለኛ ዕውቀት አያመጣም፡፡
ጳጳሱ፣ ሼኩ፣ ባለስልጣኑ፣ ምሁሩ፣ ተማሪው ልክ አይደለም፡፡ መጠኑ ይለያይ እንጂ የብዙዎቻችን አካሄድ ልክነት ይጎድለዋል፡፡ ልክ አለመሆናችንን ራሱ ለመረዳት ልከኛ አስተሳሰብ የለንም፡፡ ስህተትን በጨዋነት አምኖ የሚቀበል፤ የሌሎችን ጥፋትንም በትህትና የሚናገር የለም፡፡ ሁሉም ይጮሃል፤ ማንም ማንንም አይሰማም፡፡ ሁከት ነግሷል፤ ረብሻ ጦፏል፤ ሰላም ጠፍቷል፡፡ ወንድም ወንድሙን እያሳደደ ነው፡፡ ተሳዳጁና አሳዳጁ የሚሳደዱት እኔ ነኝ ልክ በሚል እቡይነት ነው፡፡ በጊዜ ሰንሰለት ቦታ እየተለዋወጡ ልክነትን አፈር እያስጋጡ ሲሳደዱ ይኖራሉ፡፡
የእኛ ሰው ልክ-ልክሽን ይነግርሻል እንጂ ልኩን አያሳውቅሽም፡፡ በትክክሉ መንገድ የሚመራ የለም፡፡ ትክክለኛ ወዳጅ፣ ዘመድ፣ ባልደረባ፣ መሪ ወዘተ ያጣነው ትክክሉን መንገድ ስለሳትነው ነው፡፡ እንደማህበረሰብ በተሳሳተ ጎዳና ላይ ያለን ይመስለኛል፡፡ እውነትን ያስመለክቱናል፣ በጎነትን ያስተምሩናል የምንላቸው የሃይማኖት አባቶች እንኳን በተሳሳተ መንገድ እየነጎዱ ነው፡፡ ተምረዋል የምንላቸው አብዛኞቹ ሰዎች የጥቅም ጥገኞች ሆነው ለሀገርና ለወገን ከመስራት ይልቅ ለሆዳቸው አድረዋል፡፡ ህሊናን ጥሎ ለሆድ አሽከር መሆን ያሳፍራል፡፡ በየሚዲያው የምንሰማውና የምናየው ጉድ እንደሀገር የወደቅንበት ነው፡፡ ልክነታችን ተደርምሷል! ሃይማኖታችን ተንዷል፤ ምግባራችን ተበላሽቷል፤ ሰውነታችን ጨቅይቷል፡፡ መቼ ይሆን እንደግለሰብም እንደሀገርም ልክ የምንሆነው?????
@getmnaleloch
ጳጳሱ፣ ሼኩ፣ ባለስልጣኑ፣ ምሁሩ፣ ተማሪው ልክ አይደለም፡፡ መጠኑ ይለያይ እንጂ የብዙዎቻችን አካሄድ ልክነት ይጎድለዋል፡፡ ልክ አለመሆናችንን ራሱ ለመረዳት ልከኛ አስተሳሰብ የለንም፡፡ ስህተትን በጨዋነት አምኖ የሚቀበል፤ የሌሎችን ጥፋትንም በትህትና የሚናገር የለም፡፡ ሁሉም ይጮሃል፤ ማንም ማንንም አይሰማም፡፡ ሁከት ነግሷል፤ ረብሻ ጦፏል፤ ሰላም ጠፍቷል፡፡ ወንድም ወንድሙን እያሳደደ ነው፡፡ ተሳዳጁና አሳዳጁ የሚሳደዱት እኔ ነኝ ልክ በሚል እቡይነት ነው፡፡ በጊዜ ሰንሰለት ቦታ እየተለዋወጡ ልክነትን አፈር እያስጋጡ ሲሳደዱ ይኖራሉ፡፡
የእኛ ሰው ልክ-ልክሽን ይነግርሻል እንጂ ልኩን አያሳውቅሽም፡፡ በትክክሉ መንገድ የሚመራ የለም፡፡ ትክክለኛ ወዳጅ፣ ዘመድ፣ ባልደረባ፣ መሪ ወዘተ ያጣነው ትክክሉን መንገድ ስለሳትነው ነው፡፡ እንደማህበረሰብ በተሳሳተ ጎዳና ላይ ያለን ይመስለኛል፡፡ እውነትን ያስመለክቱናል፣ በጎነትን ያስተምሩናል የምንላቸው የሃይማኖት አባቶች እንኳን በተሳሳተ መንገድ እየነጎዱ ነው፡፡ ተምረዋል የምንላቸው አብዛኞቹ ሰዎች የጥቅም ጥገኞች ሆነው ለሀገርና ለወገን ከመስራት ይልቅ ለሆዳቸው አድረዋል፡፡ ህሊናን ጥሎ ለሆድ አሽከር መሆን ያሳፍራል፡፡ በየሚዲያው የምንሰማውና የምናየው ጉድ እንደሀገር የወደቅንበት ነው፡፡ ልክነታችን ተደርምሷል! ሃይማኖታችን ተንዷል፤ ምግባራችን ተበላሽቷል፤ ሰውነታችን ጨቅይቷል፡፡ መቼ ይሆን እንደግለሰብም እንደሀገርም ልክ የምንሆነው?????
@getmnaleloch
