ግጥም ብቻ 📘 @getem Channel on Telegram

ግጥም ብቻ 📘

@getem

✔በየቀኑ ምርጥ ምርጥ የጥበብ ስራዎችን ለማግኘት የቻነላችን ተከታይ ስለሆኑ እናመሰግናለን።

✔ @getem @serenity13
✔ @wegoch @Words19
✔ @seiloch @shiyach_bicha
✔ @zefenbicha

@leul_mekonnen1

ግጥም ብቻ 📘 (Amharic)

ግጥም ብቻ 📘 ከዚህ በላይ በተለያዩ ታሪኮች እና መረጃዎችን በተመለከተ እንከመናለን። ይህ ግጥም ብቻ የሚለያዩት አገልግሎት በዚህ በቀላሚ ምርጥ ምርጥ የጥበብ ስራዎችን ለማግኘት ተከታይ ስለሆኑ በዚህ ግጥም ብቻ ይከታተሉ። በበዓል ከተለያዩ አማርኛ ታሪካቸውንና መረጃዎቸውን ስንለይ እናመሰግናለን።

ግጥም ብቻ 📘

15 Jan, 07:41

ድንኳን አይጥሉለት፣
ጥየቃ አያውቀው፣
ሰአቱን መጠበቅ ቀን ማወቅ አይለቀው፤
ሁሌ አብሮ አይኖር፣
ሁሌ መጪ እንግዳ፣
ሁሌ ምቾት ነሺ የሰባት ቀን እዳ፤
ሁሌ ተባበይ ባይ፣
በመጣ በታየ፣
ሁሌ የመድሎ ልጅ በጾታ የለየ፤
ሁሌ ፊት አደብዛዥ፣
የዙር አመል ከላሽ፣
ሁሌ ተጠባቂ ሁሌ መቶ ረባሽ፤
የልምላሜ መልክ፣
ከመባረክ ጓዳ፣
የሔዋን እጣ ነው ክቡር የሤት እዳ።

By @eyadermoges1

@getem
@getem
@paappii
763
ግጥም ብቻ 📘

14 Jan, 19:45

አንቺን ያየ ምድር አንቺን ያየ ሰማይ

ስንት ዐመት ቀጠለ በስፍር ዕድሜው ላይ?

።።።።።።።።

በጠለቅሽበት ጥግ

መውጣት ስላቅ ሆነ ፀሐይ ቀረች አፍራ

እኔም ደስታ እንዳለው

ማልቀስ ይከብደኛል በሳቅሽበት ስፍራ።

የት ቆሜ እንባ ላፍስስ የት ልበል እዬዬ

በሳቅሽ የፈካ

አይታዘበኝም ዛፍ ቅጠሉ እያዬ?

ምድር እንዳይንቀኝ

በወንዙ በሀይቁ ቀልዬ እንዳልገኝ

በነፋሱ ትዝብት እንዳላንስ ወድቄ

ለፍጥረት እይታ በሳቅ አሸብርቄ

እስቃለሁ ለጉድ እንከተከታለሁ

እንጂማ

ሳቅሽ ዳር ብፈለግ የእውነት የታለሁ?



እና የኔ ኪዳን

መቼ ልትወጪ አሰብሽ?

እንዳያፍር ምድር እንዳያፍር ሰማይ

እግዜሩም አልሠራም ጠልቆ ሚቀር ፀሐይ!

አባባይ ሆንኩልሽ የእሹሩሩ ካድሬ

ጨለማውን በሳቅ ሳባብል አድሬ

እንቅልፍ ቢወስደው ከዛለ መዳፌ

እንባ እየናፈቁ መሳቅ ሆነ ትርፌ።

እንደሰው ሲደክመው ሌቱ ሲያንቀላፋ

አማጥኩኝ ለለቅሶ እህህህ አልኩኝ ለሳጌ

ሁሌ ምገኘው ግን ከፈገግታሽ ግርጌ።

የሳቅሽን ዘቢብ

ምን መልአክ ቀመሰው ምን አማልክት አየው

የፈገግታ ጭረት ፊቴ ማይለየው?

አንቺ…

ሕይወት ክንብል አለ ቆመ ተዘቅዝቆ

ዘላለም ይሠራል አንድ ቀን ተስቆ?



ዙሪያዬን ሳቅ ከቦኝ እምን ላይ ልደገፍ

እንባዬ ያምረዋል እዚም እዛም መርገፍ።

ያሰኘኛል ዋይታ

ዕድሜዬን ማዋዛት በሀዘን ማለዘብ

ግን ትልቅ ሀጢአት ነው

ከቁርባን ፊት ቀርቦ ቁርባኑን መታዘብ።

ሜሮን ነበር ሳቅሽ ሀዳስ የሳቅ ጠበል

ፅድቅ ነበር ለሰው

ያንድ ቀን ደስታሽ ስር ዳስ ሠርቶ መጠለል።



መቼ ልትወጪ አሰብሽ?

መቼ ልትመጪ አሰብሽ?

በፍጥረት ልብ ላይ ጎጆውን ቀልሶ

ሳቅሽ አንጀት በላ እንዳራራይ ለቅሶ።

አበባው ይስቃል

ቅጠሉ ይስቃል

እሾሁ ይስቃል ድንጋዩ ይስቃል

አፈሩ፣ እሳቱ ነፋሱ ይስቃል

አንዴም ሳያነባ ሰው እንዴት ይፀድቃል?

ሳቅሽ ወንጌል ሆነ ምጻት መፋረጃ

ውስጤ እንባ ደርድሬ

ለብይን ብጠራ አቋቋሜን እንጃ!

አቤት አቤት አቤት

ከአምላክ ከፍጡር ከማነው ወገኑ

ሺህ ኩነኔ መሃል ሳቅሽ መጀገኑ!

አንቺ የሳቅ ኪዳን

ሩቅ ነሽ ለህመም ቅርብ ነሽ ለመዳን

እኔ ግን ተመኘሁ

በፈገግታሽ በኩል እንባዬን ልነካ

አንቺ…

ማልቀስ በመፈለግ ሳቅ ይረክሳል ለካ።



አንድ ቀን ስቃልኝ

ስፍር ዕድሜዬ ላይ ዕድሜ መርቃልኝ

የሰማይ የምድሩን መሳቅ አስለምዳው

ልክ እንዳመጣጧ ብትጠልቅ ወዲያው

ሕይወት ድፍት አለ ቆመ ተዘቅዝቆ

ዘላለም ይሠራል አንድ ቀን ተስቆ?

By yadel Tizazu

@getem
@getem
@paappii
2,123
ግጥም ብቻ 📘

14 Jan, 19:03

አንተ እንባዬ ምረጥ
ልግለጥህ?
ልዋጥህ?
ላፍንህ?
ልልቀቅህ?
ላፍስስህ
ላምቅህ?
ምን ላርግህ? ምከረኝ
ምንድነህ? ንገረኝ

እህል ትሆን ጠፊ?
ወይስ ሽል ነህ ገፊ?
በጊዜ ልወቅህ...
ላቅርብ ወይ ላርቅህ...
አጫጅ ነህ አራሚ?
ተጓዥ ነህ ከራሚ?
አላፊ ነህ ቋሚ?
ምንድነህ?
ምን ላርግህ?
ላግድህ?
ላውርድህ?
ጋርጄ ልካድምህ?
አውርጄ ልካድህ?
ቢያፍኑህ ቀሪ ነህ?
ቢለቁህ ኗሪ ነህ?

እንባዬ ምን ላድርግህ?
ላስርግህ?
ልጥረግህ?
እንዳ'ይን እንዳ'ፍንጫ
ቋሚ መገለጫ
መታወቂያ መልኬ ፡ ሆነህ ትኖራለህ?
ወይስ ላ'ንዴ ወርደህ፡ በዚያው ትቀራለህ?

አንተ እንባዬ ምረጥ
ላብስህ?
ላልብስህ?
ወይስ እንዳላየ፡
ከኔ የወጣ ሁሉ፡
የኔ አይደለም ብዬ
ልተውህ እንባዬ?

ወይስ ልገላገል?
እውነቱን ልናገር?
እንዲህ ነህ እንዲያ ነህ
እያልኩኝ ከማበል
አላውቅህም ልበል?

By #red-8

@getem
@getem
@paappii
2,578
ግጥም ብቻ 📘

12 Jan, 18:23

ሰይፉ ወርቁ

@getem
@getem
4,861
ግጥም ብቻ 📘

09 Jan, 09:31

አለመሳቅ እኮ ይቻላል...
-----------------------

አለመሳቅ እኮ ይቻላል -
አለማልቀስ ነው ጭንቁ፣
የመንፈስን እንጉርጉሮ -
በመንፈስ እምባ ማመቁ፣

ውስጥ ውስጡን እየደሙ -
በቀቢፀ ተስፋ መድቀቁ፣
ለተስለመለመች እውነት -
የደም ደብዳቤ ማርቀቁ፣

በቅሬታ ሰደድ እሳት -
ህዋሳትን መጨፍለቁ፣
አለመሳቅ እኮ ይቻላል -
አለማልቀስ ነው ጭንቁ።

- ደበበ ሰይፉ

@getem
@getem
@paappii
8,205
ግጥም ብቻ 📘

09 Jan, 06:30

መኖር መኖር መኖር!

(በእውቀቱ ስዩም)

በማይ በምሰማው
አንዳንዴ ስገረም
ህይወት ከናላማው
ስህተት ይሆን እንዴ፤ በሞት የሚታረም?
ማለት ይቃጣኛል
የዚህ ዓለም ኑሮ
ጥያቄ ወርውሮ
ምላሽ ያሳጣኛል፡፡

ደሞ አንዳንዴ ሳስብ
ስለሰው ልጅ ስራ
የሰናፍጭ ቅንጣት በምታክል ጥበብ
የሚንድ ተራራ
በጨለመ ምድር፤ ብርሃን እሚዘራ
በሰማይ ጎዳና፤ ወፍ የሚያሰማራ
ባህርን የሚያጠምድ ፤መብረቅ የሚገራ፤

ከቀለሞች መሀል ፤ ምስል የሚያነቃ
ከዝምታ መሀል፤ የሚያፈልቅ ሙዚቃ
በቃሉ በጣቱ
በቅመም ቅንጣቱ
ዘልቆ የሚያክመኝ
እንደ ሳንዱቅ ከፍቶ፤ መልሶ እሚገጥመኝ
ይህንን ሁሉ ሳይ፤ ህይወት እየጣመኝ
መኖር መኖር መኖር፤ መኖር ነው የምመኝ ፤

@getem
@getem
7,585
ግጥም ብቻ 📘

08 Jan, 21:00

ባያቸውስ ኖሮ ?
(ሚካኤል አስጨናቂ)

እርግት ያለች ወተት
ስክን ያለች ቡና …
ይሄን ችኩል ዘመን
አልዋጀችምና …
ተንገበገብኩላት
ተሳተብኝ አቅሌ
ሆንኩላት ባተሌ ።

ጥልል እንደ ጠላ
ኩልል እንደ ጠበል
ከአንገቷ ስር ገነት
ገድ ጥሎኝ ብጠለል
አ..ን..ሰ…ፈ…ሰ…ፈ…ች….ኝ
አ…ር..ገ…ፈ...ገ…ፈ…ች…ኝ
ቃላት ሳ’ተነፍስ
ጥርሶቿን ሳትገልጥ
ቅቤ ሆነ ልቤ..
ገጽዋ ላይ ሲቀልጥ ፤

ያን ጊዜ ተቃናች !
ብታጣብኝ ኩራት
ስስ ጎኔ ቢገርማት
(ዓይኖቿ ፍም እሳት)
አንገቴን ሰበርኩኝ
ፈርቼው ይሄን ፍም
ቢሆንም …
ቢሆንም …
ለዓይኖቿ አፀፋ
መስጠት ሳልፈልግም
ለንቋሳው
……………………….. ተንጋለልሁ
ለዚ’ች ሞቃት ግርግም
:
ደረቷ ላይ ፍግም !

@getem
@getem
@paappii
6,605
ግጥም ብቻ 📘

07 Jan, 17:12

ቢሆንም


ፍቅር ይሉት ጣጣ  ሲፀነስ
ሰው ከሰውነቱ ላይ  ሲቀነስ
አይተናል
          
አይተናል  የነበር ፍቅር ሲለፈፍ
በከሸፈ ፍቅር   ጤንነት ሲቀሰፍ
አይተናል


ፍቅር  የመርገምት ቃል እስኪመስለን
ከእጦት በላይ  ንቀታቸው ያቆሰለን
አይተናል


በጫማቸው  በረገጡን
ከትቢያ ላይ  ባስቀመጡን
ላቀመሱን የፍቅርን ፅዋ  መራር ጣዕም
ልክፍት ነውና
    ይሄው እስከዛሬ  እንፅፋለን ግጥም


ቢሆንም

በዬ ዘፈኑ  ሆድ የባሰን
የናፍቆት ህመም የዳበሰን
አንድ ሰው ለመውደድ   ዘመናት ያነሰን
ስንት አፍቃሪ አለን
         የትዝታ ፈረስ  ወስዶ  ሚመልሰን


የማይመጣ እንደሚጠብቁ  ቢታወቅም ቅሉ
በአልኮል በሲጋራ  በጫትም ገረባ የተጠለሉ
ከእልፍ አእላፍ የበዙ   ስንት ልቦች አሉ ?


By kerim
@poem2513

@getem
@getem
@getem
7,371
ግጥም ብቻ 📘

07 Jan, 14:25

እንኳን አደረሳችሁ✝️

@getem
6,631
ግጥም ብቻ 📘

07 Jan, 08:47

✨✨
.
ልደትህን ሳስብ
ሳነሳና ስጥል

በጥሞና ሆኜ
ደግሞ ሳሰላስል

ንጉሥ ሆነህ ሳለ....

በጠባብ ሰዉነት
ከሰማይ መዉረድህ

ከበጎቹ ግርግም
ወርደህ መተኛትህ

ነገረ ልደትህ
በታወሰኝ ቁጥር

እኔን ይገርመኛል
እጹብ ያስብለኛል

የዓለምን ደስታ
ብስራትን የሰሙ

እነዛን እረኞች
መሆን ያስመኘኛል።

By ዔደን ታደሰ
@ediwub
@getem
@getem
7,934
ግጥም ብቻ 📘

05 Jan, 17:16

የነገዬ ምርኩዝ የትናንት መፅናኛ

የህይወቴ ትርጉም የጊዜ መዳኛ

መራመጃ መንገድ ህመምን አስረሽ

የፅልመቴ መብራት እኔን አስታዋሽ


          ጣዕም ሰጭ ስኳር ህይወት ማጣፈጫ

          የዛሬን ትካዜ

          የዛሬን ፍዛዜ

          በያልፋል ደስታ ስሜት መቀየጫ


የዋሻ ውስጥ ጮራ ፍንጣቂ ብርሀን

የህይወቴ ካርታ የመርከቤ ካፕቴን

ትርጉም አልባን እኔን ሀዘን የወረረኝ

ከጥልቅ ትካዜ ውስጥ ወዝውዞ ያነቃኝ

ተስፋ ነው ሻማዬ...

ተስፋ ነው ሻማዬ

የትናንትን ፅልመት ዛሬን ያበራልኝ
     
By ዘይድ ሁሴን
   ታህሳስ -27 -2017

@getem
@getem
@getem
9,321
ግጥም ብቻ 📘

04 Jan, 17:28

.............



ትብታብ አይደለም ድግምት
ደብተራ አይደለም አስማት
ንጹሕ ፍቅር ነው ምናኔ
ለሚወዱት የመሞት ጭካኔ
እንኳን አሁን፤ከገላዬም ደም ቢነጥፍ
ደምስሬም ጅማቴም
ስምክን ነው የሚጥፍ
ዘረ ደሀ አፈቀርሽ
ዘራችንን አረከሽ
ብለው ቢያጠምቁኝም
ለፍቅርህ ስለሆን
የክፉዋች ጸበል፤መድን አይሆነኝም
ይልቅ በዛብህ፤አንጀትክን ሰብስብ
ከዛሬ ይልቅ፤ነገህን አስብ
አይዞህ በዛብህ፤ይህን ቀን ቻለው
ሰብለ ወንጌልህ
ከአትሮንስ ወርጄ ተጠፍሬያለው
ግን አትሳቀቅ፤ይህም ቀን ያልፈል
የክፉ ጅራፍ፤ጽናት ይጽፉል
የሚለው ቃሏን፤ከፍቅሩ ሰምቶ
በተስፋ አባብሎ፤ልቡን አጽናንቶ
ከተማ ገብቶ ቢጠብቃትም
ወንጌሉን ካሻው አላገኛትም
የእግዜር ኑዛዜ፤የእውነት ቃሉ
የአዳም ጥፋት፤የአምላክ አምሳሉ
የሄዌን ስህተት፤ክፉይ አካሉ
አትብላ ካለው፤ከፍሬው በልቶ
ፍቅርን በደለው፤የሞት ሞት ሞቶ
ግን በበዛብህ፤ቃሉ ልዩ ነው
ከህይወት መስቀል፤አዳኙ ማነው
አዳም ከበላው፤በለስ ሲያላምጥ
ከወንጌል ይልቅ፤ልቡን ሲያስበልጥ
ፍቅርን በደለው፤የኑሮ ጣጣው
በቃሉ አኑሮ በእውነቱ ቀጣው
ድሮም ያን ጊዜ፤በኦሪት ዘመን
ክፉ ጎልያድ፤በሀይል ሲዘምን
ጉልበቱን ነስቶ፤መሬት ያኖረ
ጠጠሩ ሳይሆን፤እምነት ነበረ
በማፍቀር እምነት፤ነፍሱን አጽንቶ
ቢጠብቃትም ከተማ ገብቶ
ወንጌሉን አጣት፤ከባዕድ ሀገር
የህመም ጥልቁን፤ለማን ይናገር
ህልሙን አለሙን፤ሁሉንም ትቶ
አቅሉን እስኪስት፤ወንበዴ እጅ ገብቶ
በፍቅር መስቀለ የተሰቀለ
ኤሎሄ አይደለም፤ሰብለ ነው ያለ
የእግዜር ማቅ ለባሽ፤አንቺ መነኩሴ ሴት
እረፍትን ፍለጋ፤ከገባሽበት ቤት
ካልጋ ያገኘሽው፤እሱ ነው ወንጌልሽ
ጣር ባሰረው ድምጸት
ሰ...ሰ..ሰብለ ብሎ የሚልሽ
እንዲ ነው ፍቅር፤እንዲ ነው ስቅለት
እንዲ ነው መሞት፤እንዲህ ነው ድህነት
ፍቅር ቢበድል፤የእውነት ልኩ
ወንጌል ያጣ ሰው፤ወንጌል ነው መልኩ

Based on ፍቅር እስከ መቃብር

    by  @Mad12titan

@getem
@getem
@getem
8,317
ግጥም ብቻ 📘

03 Jan, 17:43

አቀርቃሪ አሉኝ፣
ቀና ብሎ ማየት መራመድ ሲሸሸኝ፣
ሊያብድላት ነው አሉኝ፣
በቁሜም በሕልሜም ቅዠት ሲረብሸኝ።

ሊረታ ነው አሉኝ፣
ስንቀጠቀጥላት ስሟ ትዝ ሲለኝ፣
ትክክል ናቸው ወይ፣
እኔ ከምወስን እናንተ ንገሩኝ?

By @eyadermoges1

@getem
@getem
@getem
8,449
ግጥም ብቻ 📘

03 Jan, 10:19

❝ ሣቅ ተከሽኖ ግጥም ተመጥኖ ❞ ታላቅ የመክፈቻ ፕሮግራም በግዮን ሆቴል !

  ዘሃ ኢቨንትስ ከግዮን ሆቴል ጋር በመተባበር የሚያዘጋጀው የኪነጥበብ ምሽት ፤ 4ተኛ መድረኩን አርብ ታህሣሥ 25 - 2017 ዓ.ም ምሽት ከ10 : 30 ጀምሮ ያቀርባል ።

ጋሽ አያልነህ ሙላት ፣ ሠዓሊ እሸቱ ጥሩነህና ኮሜዲያን ደረጄ ሀይሌ የክብር እንግዶቻችን ናቸው ።

  የምሽቱ ፈርጥ ልዩ የክብር እንግዳችን አርቲስት ዓለም ፀሀይ ወዳጆ ናት ።

ደራሲና ገጣሚ ኤፍሬም ስዩም እና ሰለሞን ሳህለ ውብ ስራዎቻቸውን ያቀርባሉ ።

  ኮሜዲያን ናሆም በየነ መድረኩ ላይ ይደምቃል ፤ የአብጸጋ ተመስገን የተከሸነች ወግ አዘጋጅቷል ፤ ፈገግታ ባንድ ጥዑም ሙዚቃዎቹን አሰናድቷል ፣ ሒስ ፣ አጭር ፊልም ፣ ስዕልና ሌሎች ብዙ ትርዒቶች ተዘጋጅተዋል ።

  ለበለጠ መረጃ በ 0935697143 ይደውሉ ።

የ YouTube ቻናላችንን ሰብስክራይብ በማድረግ ቤተሰብ ይሁኑ 👍

https://youtube.com/channel/UC9ItbVvxXMLV7QIT-rCJyTg?si=Mj5GlhjsE1ZvBtjM

@getem
@getem
9,638
ግጥም ብቻ 📘

02 Jan, 19:37

ዕዳዋ የለብኝ~አበዳሪ አይደለች
ደም አልተቃባችኝ~ዘመድ አልገደለች
አላስቀየመችኝ~ተናግራ ክፉ ቃል
እንከን አጣሁ ተብሎ~ሰው እንዴት ይራቃል?
ወይ አይደለች ሻማ~ጨርሼ አላነዳት
አንዳች አልሰረቀች~እንዳላሳድዳት
እንዴት ብለከፍ ነው~ስትርቅ የምወዳት?

ዘማርቆስ
By @wogegnit

@getem
@getem
@getem
8,823
ግጥም ብቻ 📘

02 Jan, 06:48

ነበርሽ ፤…
የጠዋት ፀሐይ
በቀስታ ደም የምታሞቅ ።

ነበርሽ ፤…
የዓለት ስር አበባ
ድንጋይ ተደብቆ የሳቃት ።

ነበርሽ ፤…
ልሙጥ የሻይ ብርጭቆ
ወገብሽ የሚያቃጥል ፤

ቀስ አድርገው
አለሳልሰው
እፍፍ ብለው
ልካቸው ድረስ አብርደው
በከንፈርሽ የሚቀምሱሽ ፤

ነበርሽ ፤…
ለሕይወት ተኩል
ለሞት አምስት ጉዳይ ።

ቴዎድሮስ ካሳ

@getem
@getem
@getem
10,361
ግጥም ብቻ 📘

30 Dec, 10:19

ለተለያዩ የማስታወቂያ፣ የዘፈን ክሊፕ እና ድራማዎች ስራዎች በአዲስ አበባ ውስጥ ብቻ የሚኖሩ ሰዎችን ካስት ማድረግ እንፈልጋለን። - እድሜያቸው ከ35-45 - ከ25-30 - ከ10-18 ያሉ ወንዶችን እና ሴቶችን በአስቸኳይ እንፈልጋለን። የሚከተሉትን በቴሌግራም ይላኩልን። - 1 ሙሉ ሰውነት የሚያሳይ ፎቶ - 1 ከወገብ በላይ - 1 ፈገግታ የሚያሳይ ፎቶዎችን - ስም ስልክ እና እድሜ በሚከተለው አድራሻ ይላኩልን። https://t.me/Ribki30 ስልክ የሚደወልላቸው ለስራው ሲመረጡ ብቻ ስለሆነ በትዕግስት ይጠብቁ ዘንድ እንጠይቃለን።
11,599
ግጥም ብቻ 📘

28 Dec, 04:54

@getem
     @getem
          @getem
12,803
ግጥም ብቻ 📘

27 Dec, 09:20

ወዳንቺ እዘረጋለሁ!
ባድግ ብዬ
ባውቅ ብዬ
አንዳች ምስጢር ተረድቼ ባልፍ ብዬ!

መቃብር ቤቴን ማሞቂያ
የሙት መንደሬን ማድመቂያ
ካለፉም ወዲያ መታወቂያ…
የምትሆን
አንድ ሀተታ
አንድ እውነታ
የህይወትን ምናልባት
የመኖርን እልባት
አውቃት ነበር እንድልባት
ወዳንቺ እዘረጋለሁ!

ከሰማይ በታች አዲስ ነገር
ከምድር ከፍ ብሎ የሚነገር
“የከንቱ ከንቱ” የምትባል
የአላዋቂን ፈላስፋ
በአፍጢሙ የምትደፋ
ስታቅፊ ዐለም እንደሚጠቀለል
ስትገፊም ሰውነት ከላባ እንደሚቀል
ስትስሚ ኢምንት እንዲሆን ጠፈሩ
ስትነክሺም ማንነት እንደሚበተን አፈሩ…

ይቺን ምስጢር ተረድቼ ባልፍ ብዬ
የህይወት መስመሬን ማንቂያ
ውሎ አዳሬን መደበቂያ
ተስፋ ህልሜን መታረቂያ
የምትሆን
አንዲት ሁነት
አንዲት ኪነት
የመክረምን ፍልስምና
ከንቱነት ላይ ውብ አድርጋ ሸምና
ታውቀኝ ነበር እንድልባት
ወዳንቺ እዘረጋለሁ ካልተረሳሁ ምናልባት።

By Yadel Tizazu

@getem
@getem
@paappii
12,686
ግጥም ብቻ 📘

26 Dec, 17:18

“ስኬተኛ ማነው ?”
ብዬ ጠየቅኋቸው
ታዋቂ አመጡልኝ
ይሄ ነው መልሳቸው ።

አልተዋጠልኝም !
አልተረቱልኝም …

አሳዩኝ ከበርቴ
ባለ ንብረት ፣ ነዋይ
እንደዚህ ያለውን
ቀና ብዬም አላይ።

አልተዋጠልኝም !
አልተረቱልኝም …

አመጡልኝ ምሁር
ፊደል የቆጠረ
የተመራመረ
ይሄም አልሰመረ።

አልተዋጠልኝም !
አልተረቱልኝም …

ጠሩ ባለ ጥበብ
በጥሁፍ በቅኔ
ያስገኘልን ረብ
(በርግጥ ጥሩ ነበር
እንደዚህ ሲታሰብ )
መልስ ግን አይደለም።

አልተዋጠልኝም !
አልተረቱልኝም …

አንድ አጩ ቀጥሎ
ጽድቁን አደላድሎ
ያናናቀ ሞቱን…
የቃል ጥሩር ለብሶ
ያስታጠቀ ነፍሱን…

አገኙብኝ መልሱን !

(ሚካኤል አ)

@getem
@getem
@getem
11,073
ግጥም ብቻ 📘

25 Dec, 09:22

ሎጥ ነሽ
🦘

ቅጥልጥል ፥ብግንግን ፥እርር እምር  ፤
ዝምም፥ ልምም ፥እድር ፤
እፍን፥ እምቅ ፥ላጀብ ፥ብድር ፤
ለወዝ ላይላፋ ፥ለዳገቱ ስብር ፤
ተንስኢ ላስነግር ፥በዋጉ ሰው አንዲር ፤
እኛ...እ'ድር..እኔ ላብር ፥ለራስ ሳድር ፣
ላለም ደረት ንፍት፥ ለራስ አንገት ስብር

'
'
ላክል ፤
ባክል ፤

ላንስ ፤
ዳንስ ፤

አይሆን ላይሆን ፥
ላገር ስሪያ ማሰሪያ ፣
መች አምሳሏ ነበረ፥
ያከበረችው ጥያ ፣
ቀጥ ብላ ማንጋጠጥ፥
ሎጥነሽ ወይ ?ኢትዬጵያ....
'
'
ግዕዝ ሙላት 🦘
@geez_mulat

@getem
@getem
@getem
10,471
ግጥም ብቻ 📘

24 Dec, 06:12

በድቅድቅ ጨለማ ወንበሬን አውጥቼ

መሀል መሬት ላይ ጨረቃ እሞቃለው

ወፎች ሲዘምሩ ቁጭ ብዬ አደምጣለው

ወደ ላይ ቀና ስል...

የጨረቃ ብርሃን አይኔን ይወጋኛል

ሙቀቷ እሳት ሁኖ በላብ ያጠምቀኛል



           ''አ      ዎ!      አሁን ይበቃኛል''

          ''ከዚ በላይ ብቆይ ምቀልጥ ይመስለኛል''

          ብዬ አሰብኩና...



ጥላውን ፍለጋ ወደ ቤቴ ገባው

ከቆጡ አልጋዬ ለመተኛት ሳስብ...

የ አልጋው ዝቅታ ሰላም ስላልሰጠኝ

ከፍ ካለው ቁርበት ከላይ ተንጋለልኩኝ..



አይኖቼን ገልጬ ድብን ብዬ ተኛሁ

ሰዉን እየረበሽኩ በደንብ አንኮራፋሁ

እንቅልፌ ሲመጣ ...

እንቅልፌ ሲመጣ ከ ሰመመን ነቃሁ;




          ነግቷል መሰለኝ ሰማዩ ጨልሟል

          ኮከቦችም አሉ ደመናም ደምኗል

          ሊዘንብ ነው መሰል ልብሴን ቶሎ ላስጣ

          ዝናብ ዘንቦ ሳያልቅ ፀሀይዋ ሳትመጣ::



    ✍ ዘይድ ሁሴን
   ታህሳስ -15 -2017

@getem
@getem
@getem
11,432
ግጥም ብቻ 📘

23 Dec, 20:35

አቦ.. እግዜር ተወኝ
'
'
ለምንድነው የማትጠራኝ
ለምንድነው የጠፋሁት
ቅዳሴው ሲሰማኝ
ቢራ ቤት ነው የነበርኩት

ለምን ከፋኝ በጭስ መሃል
ሳየው ያንተን የአምላክ ምስል ፣
መከራም እንዲህ ነው
ባለበት እዳ ነው አምላኩን የሚስል ፣

በቢራው አራፋት
በጃምቦው ብርጭቆ
ሀዘንህ ሲታየኝ ፣
ጨልጬ ብጠጣው
የማላይህ መስሎኝ ፣

ባዶ እስኪቀር የስካሬ ሞራል ፣
በማላውቀው ታምር
በማውቀው ቤተስኪያን
ድምፅህ ልጄን ይላል ፣

ለምን

ለምን እኔን ጠራህ
አሉህ አይድል በአጥርህ ፈርጡ
እነሱን ያዛቸው እኔን እንደሆነ
የለሁ ካጥረ ገጡ ፣

ተወኝ ልጠጣበት
ተወኝ አታሰማኝ የእርጋታህን ቃል ፣
ሙዚቃ ስጨምር ጭፈራ ሳበዛ
ለሽንት እንደወጣሁ
ያንተ ድምፅ ይሰማል ፣

ለምን...?እኔ መረጥክ
ተወኝ እግዜር ባክህ
ተወኝ ተወኝ አቦ ፣
አንድ በግ ስትፈልግ
ጠፍተው እንዳይቀሩ
ያሉልህ በደቦ ፣

እንዲህ ስናገር በሲጃራው መሃል
በጭሴ ውስጥ ቅርፁ
ያንተን መልክ ያሳያል

በስካሬ መሃል ይታየኛል እኔ
የሰከረ አምላክ የሰከረ ምስል ፣
አምላክም እንዲህ ነው
ባለበት እዳ ነው ጠፊ ልጁን ሚስል ፣

'
ግዕዝ ሙላት 🦘
@geez_mulat

@getem
@getem
@getem
9,911
ግጥም ብቻ 📘

23 Dec, 20:31

@getem
@getem
@getem
8,742
ግጥም ብቻ 📘

23 Dec, 20:23

የዚች አለም ችግር
     ሁሌም ወደኋላ
የተራበው ቀርቶ
     የጠገበው በላ
እንዲህ ነው ምሳሌው
ሲተነተን ፍቺው
አንቺም የሌላ ሰው
እኔም ደግሞ ያንቺው

አወይ የኔ ህይወት
አወይ የኔ ተድላ
የማፈቅርሽ እኔ
የሚበላሽ ሌላ

ዮኒ
     ኣታን @yonatoz

@getem
@getem
@getem
8,320
ግጥም ብቻ 📘

23 Dec, 10:09

ድልድይ ቢሆን ልብህ
ወደ ህይወት መሄጃ
ሞቼ አለመቅረቴን
መነሳቴን እንጃ
ማሻገርህን ያየ
ቢመሰክርም ሰው
ትረፍ ለሌላ ሟች
እኔ እንደሁ ሳይህ ነው
የምትፈራርሰው

By ዘማርቆስ

@getem
@getem
@paappii
8,405
ግጥም ብቻ 📘

23 Dec, 10:08

..........


በመዳፌ ጠፈር ዳሳሽ
በኣይኖቼ ህዋን አሳሽ
አፈር ድንጋዩን መርማሪ
ፀሀይን በጥፊ ኣብራሪ
ጨረቃን በኩርኩም ቀባሪ
በውርቅያኖስ የምግሞጠሞጥ
ከንፋስ እጥፍ የምሮጥ
ጉም ዘጋኝ በመዳፌ
በኖህ መርከብ ቀዝፌ
ከጥፋት ውሀ ተርፌ
ቅንጥብ ዘንባባ ቀጥፌ
ኣዲስ ምዕራፍ የማበስር
ብኩርናዬን የማልሸጥ በምስር
በኮከብ ወደም ምጫወት
የማድር ከኣብርሀም ቤት
እንግዳ ያልሆንኩኝ እንግዳ
የሩቅ ዘመድ የቅርብ ባዳ
ከጲላጦስ ሸንጎ የምፋረድ
በደመና ይምራመድ
   ከሰባሰገሎች ኣንዱ
ወርቅ እጣን ከርቤ የገበረ
ንጉሱን ከበረት ኣይቶ እረኛውን ያከበረ
ከድንጋይ ከህጻናት ጋር
ሆሳእና ብሎ የዘመረ
እኔ ነኝ ብኩኑ ባሪያህ የጥበብህ ማሳያ
የሀዲስ ኪዳን ነብይ የኦሪት ሀዋርያ
   በሀሳቤ እሩቅ ተጎዝ
ባካሌ ከቅርብ የማድር
ቅንጣት እምነት የጎደለኝ
የሚነቅል የተራራን ስር
እንኳንስ በደመና ላይ
በጠፈር ሰማይ ምድሩ
ሸክም ሆኖ የከበደኝ
የኣካሌ ክፋይ ኣፈሩ
ጉም መጨበጥ የምመኝ
የእጄን መና ለቅቄ
በሀሳብ ከኣብርሀም ያደርኩ
ከመንገድ መሀል ወድቄ
በኮከብ ወደሙ ቀርቶ
ጠጠር ማንሳት ያቃተኝ
ፍቅር መስቀል ይመስል
በየቀን የሚያቃትተኝ
አንድ ቀን ጠግቦ ለማደር
ብኩርናዬን የምሰዋ
ባገሬ መኖር ያቃተኝ
እንኳን በጠፈር ህዋ
ኣንድ ጉንጭ ውሀ የምለምን
ውርቂያኖስ መሉ ተፍቼ
ከሰገባ የማድር
ከስልክ እንጨት ስር ተኝቼ
ከጥፋት ውሀ ታዳሚ
ወይ ኣልድን ወይ ሰጥሜ ኣልሞት
እስትንፋስ አልባ የሆነ
የምኖሮ ትርጉም ኣልባ ህይወት
የኖህም መርከብ የራቀኝ
ለምግብ ጥንብ ኣንሳ የነቀኝ
መሲህ ፍለጋ ወጥቼ
ነብይ ይዜ የተመለስኩ
ሰባሰገል ተብዬ
ከሄሮድስ ጭፍሮች ያበርኩ
እንኳንስ ፀሀይ በጥፊ
ውቧን ጨረቃ በኩርኩም
ዝንብ ሽ ማለት ያቃተኝ
ሀሳቤ ብናኝ እንደ ጉም
እኔ ነኝ ብኩኑ ፍጡርህ
በህልሜ ሁሌ ከደጅህ
ስነቃ ከተራራው ስር
ደራሽ በሌለበት ምድር
በሲቃ ድምጽ የምጣራ
ከመብረቅም በሚያስፈራ
የቅንጣት እምነቴ ተራራ ኣነቅል ቢለኝ
ተራራ ያሸከመኝ
ከገነት ያላደርኩ ከሲኦል ያልገባው
መሲሁን ጠቋሚ ኣንድ ኮከብ ያጣው
ወይ ድኜ ኣልድን ከስሜ አልጠፋ
ከፈራጅ ችሎት ዳኛ የማስከፋ
እኔ ነኝ ብኩኑ ፍጡርህ
ወድቄ ያለው ከግርህ
ፍቅርህን የምሻ ልቤን ኣሽችቼ
ልክ እንደ ኣይሁድ ጎኑን ወግቼ
ከእቅፍህ ውስጥ ማደር የምመኝ
ብኩኑ ልጅህ
ባሪያህ እኔ ነኝ


   By  @Mad12titan

@getem
@getem
@getem
9,256
ግጥም ብቻ 📘

22 Dec, 12:25

የደስታ ሰማይ - በር መክፈቻ፣
ይገኛል መስሎሽ - በመብረር ብቻ፣

በተዋስሽው ክንፍ - ሽቅብ ስትመጥቂ፣
የደመና ሆድ ስትሰነጥቂ ፣
(ድንገት ከአየር ላይ)
በባለ ክንፉ - ስትነጠቂ፥

በማይገመት - በማይጠበቅ ፣
በእድል ጨፈቃ - በጊዜ ለበቅ፣
በጊዜ ለበቅ - በማይመከት፣
ስትገረፊ -
ደንግጠን ሽቅብ - ስንመለከት፣
ስንመለከት የማታ ማታ፥
ያዘልሽው ላባ -
የአንቺ እንዳልሆነ - ትዝ ያለሽ ለታ፥

ወዮ የዛን 'ለት - ለመንደራችን፤
ወዮ ለመሬት፥
ወዮ ለጆሮ - ወዮ ለዐይናችን፤

By Michael Minassie

@getem
@getem
@paappii
7,957
ግጥም ብቻ 📘

22 Dec, 07:28

ህይወት ሞልታ አትሞላም
    ወይ ጎላ አትጎድል
ቁልፉ ስኬት ሲሆን
ውድቀት ዋነኛው ድል

ስቃይ እና ደስታ...ድሎት እና ችግር
       ምን ቢሆን ጣዕሙ
ሁሉም እርግፍ ይላል
       ባንቺ ከተሳሙ
"ደስታ ምንም ነው
ስቃይ አይታሰብም
ለእንደኔ እና እንዳንቺ
ብቻ ሳሚኝ አንቺ"

ብዬ ነበር ብዬ ነበር

ሆኖ አንገትሽ ሌላ ዘንዳ
እያየሁት ዛሬ ባይኔ
አትረሳህም እለዋለው
ለተጎዳው ባንቺ ጎኔ
የቀን ሳቄን ከሳቅሽ ጋር
እንዳልሳቅነው ተያይዘን
ሲመሽ ሲጠልቅ ሁሉም ነገር
ስንቱ ቀናት ደበዘዘን
አይኔ ይበቃል ለመረዳት
ባላወጣው የፍቅሬን ቃል
እንደወደድኩሽ ነው...
ድፍን ሐገር ያውቃል

ውድቀት ቢሆን ሲመሽ ጊዜው
ይበቃኛል ለቀኑ ዕድል
ህይወት እንደዚህ ነች
ወይ ሞልታ አትሞላም
ወይ ጎላ አትጎድል።

አሳየሽኝ ስቃይ ድሉን
ከዚም ከዛም እያጣቀሽ
ተኮሳትረሽ ያው ወርቅ ነሽ
ትገያለሽ ደግሞ ስቀሽ

አስረዳሁሽ በአይን ወሬ
ልብሽ ከቶ ምኑን ነቃ
አንቺም ሂጂ ይለይልኝ
እኔም ደግሞ ልርሳሽ በቃ።


ዮኒ
    ኣታን @yonatoz

@getem
@getem
@getem
7,995
ግጥም ብቻ 📘

21 Dec, 20:06

...........


ኢትዮጵያዬ ልጄን ውለጅ
አንደወጣ ቀረ ከደጅ
አፈር ምሶ የቀበረ
ውለጅ ይላል እያረረ
ከገጠሩ
     ከመንደሩ
          ከጎዳና ከድንበሩ
ለዘላለም ለማይደላው
ለምን ? ልጄን ልጅሽ በላው!


By @mad12titan

@getem
@getem
@getem
7,525
ግጥም ብቻ 📘

21 Dec, 18:09

ጣዕሙን የሚያውቀው
(ሳሙኤል አለሙ)

እንደ ሌላው
እንደ ሌላው፤
ሰርክ...
ጉንጭሽ ጋ አይደረስም
ረ------ጅም ነው ኬላው።

እያዩት...
ያስውላል።
ዕሮብ ለት
እያዩት...
ያፆማል።
አርብ ዕለት

እንደ እኛው
እንደ እኛው፤
አንቺ...
ከቶ አልተፈጠርሽም
በቀን ስድስተኛው።

ለምን...?
አይባልም።
አይጠየቅም።
እንዴት...?
አትለውም።
አትከራከርም።

ከአፈሩም ፣ ከውኃውም
ከእስትንፋሱም ፣ ሌላም
አለው... ሌላም...ሌላም
ሌላም አለው ያከለበት፤
ወተቱን እንዳ---
ፈሰሰ---
---በት
ጉንጭሽን የሳመው።
ጣዕሙን የሚያቀው።

ሳሙኤል አለሙ
@Samuelalemuu

@getem
@getem
7,686
ግጥም ብቻ 📘

21 Dec, 16:26

‘’ይሄስ ቀን ባለፈ
ፅልመት በገፈፈ
ጥለሽኝ ብትሄጂ
በወጣሽ ከቤቴ
ጉዷ ባለቤቴ …
እህህ እያልኩኝ
እንዲህ እያማጥሁኝ
አደባባይ መኃል
የማልናገረው …
ብዙ ህመም ነበረ
ደሜን ያመረረው ።’’
በማለት የፃፈ
አንድ ባል ነበረ !
‘ምን ሆነህ ነው? ‘ ስለው
እየተማረረ …
'ላንተ ከተናገርኩ
ስንቱን እንደቻልሁት
ይሄን ግጥም ታድያ
ለምን ነው የፃፍኩት ? '

ብሎ መለሰልኝ !

(ፈርቷት ነው መሰለኝ🙄)

#ሚካኤል አ

@getem
@getem
@getem
7,535
ግጥም ብቻ 📘

20 Dec, 14:04

አሁን 👉 https://tiktokcreativeawards.com/categories/17 👑👏👏
👆
9,928
ግጥም ብቻ 📘

19 Dec, 18:15

ይቅርታዬ


ምን ቢሰማኝ ሰላም ወይ ጥል ምን ብኳትን ያለው ሊሆን ምን ብታመም ለማገግም ምን ብሰቃይ ዳግም ልስቅ ይታየኛል ፋኖሶቹ ከዐይኔ ሳይርቅ ይታየኛል ሙሉ ተስፋው እኔን ሊያደምቅ፤ ይታየኛል ከስሬ ነው ከልቤ ስር አድማስ ያለው፤ ከእግሮቹ ነኝ ከመዳፉ መቼም አርቅ ከበራፉ፤ እሱን ይዤ ያጣሁበት እሱን ብዬ ያፈርኩበት፤ ቀን አላውቅም ብጠይቁኝ ግን .......... ምስክር ነኝ ላመንኩበት ልንገራችሁ እጁን ያዙት ችላ ቢልም አትልቀቁት፤ ምክንያት አለው ሲፈትንም እያዳነኝ ዝም አልልም ።

By bline asefa

@getem
@getem
@getem
8,689
ግጥም ብቻ 📘

19 Dec, 16:02

አንዴ ብቻ ይድላኝ
አንዴ ብቻ ልረፍ
አንዴ ብቻ ልኑር
አንዴ ብቻ ልትረፍ
ፋታ ብቻ ላግኝ እንደምፈልገው
እንዴት እንደማለቅስ እኔ ነኝ የማውቀው ።

By Habtamu Hadera

@getem
@getem
@getem
7,890
ግጥም ብቻ 📘

18 Dec, 19:43

@Tizita21
@getem
@getem
8,954
ግጥም ብቻ 📘

18 Dec, 12:46

(ድንገት)
አንዱን ወጣት አየሁት ፤

አይኔ እስኪፈቅድ ተከተልሁት ።

እያየሁት ... እየሄደ ...
እያየሁት ... እየሄደ ...
በሰው ማዕበል ተጋረደ ።
ጠፋ ፥
ተሰወረ ደብዛው ።

እንግዲህ ...
አዕምሯችን ታሪክ ፈጥሮ ካላንዛዛው
ወይ በምናብ ካላወዛው
ሰው መነሻው አይታወቅም
መጨረሻውም እንደዛው ።

By HAB HD

@getem
@getem
@paappii
9,422
ግጥም ብቻ 📘

18 Dec, 11:51

\ ዱ ባባ /

ሁለት ሰው ነበሩ...
በገንገን ወንዝ ዳር
በዱባባ ገጠር ፣
አንዱ እንዲፈቀር
ላንዱ የሚፈጠር ፣
አንዱ እንዲቆጠር
አንዱ የሚሰበር ፣
አንዱ እንዲራመድ
አንዱ ነፍስ የሚበር፣

ደሞ አንዱ አለ...
አንዱን ለመሆን
ከአንድ የሚሰፋ ፣
ሻማውን አቅልጦ
በስንጥር ክብሪት
በሰከንድ ሚጠፋ ፣
ላያወጣው ነገር
የሻርኩ ጉንጭ ላይ
ምራቅ የሚተፋ ፣

አንደኛዋ አለች
እናት ምትባል
ወላድ የምትባል ፣
በጉምዝ  አንቀልባ
ልጇን ከወንዝ ሰዳ
እሷ እየሳቀች
ባሏ ቤት ያነባል ፣
እነሱ እያሉ
ማች ልጇ ይረባል ፣

ዱ ባባ ብትልም
ልጇን ደራሽ ወስዶ
ከውሃ ስትጠማ ፣
ቀን ከፈረደ
በህፃን ትጠራለች
የአንዲት ገጠር ስሟ፣

ዳስ ቢሆንም ከቶ
ያገሩ ኩራቱ
ከአንድ እጅ ቢበልጥም ፣
ሁለት አለኝ ተብሎ
ተአምር ቢፈጠር
ልጅ ሞቱን አይሰጥም ፣

እዳ እና እፍርቱ
በጉምዟ ሲናሻ
በዱ'ባባ መሃል ፣
አንድ ህፃን አለ
ከገንገን ወንዝ ላይ
ሬሳው ይጮኻል፣

በቀጭን ታሪክ ስር
የሚጠና ስም ላይ
ገጠር እንዲባል ፣
መቀንጨር ነው መልሱ
ላልተወለደ ልጅ
መኖርም ያባባል፣

ሁለት ሚባል የለም
ሞትም አንድ ነው ስሙ፣
በገዛ ከንፈር የገዛ ጉንጭን
እንዴት ነው ምትስሙ

ለዚህች እናት ታዝኖ
በህፃኗ ሞት ላይ
ሁለት ስሜት የለም
ወይ አልቅስ ለስቃይ
ወይ ገርሞህ ሳቅ ይታይ

@geez_mulat
ግዕዝ ሙላት 🦘

@getem
@getem
@getem
7,558
ግጥም ብቻ 📘

06 Dec, 17:10

ልጠብቅሽ?!
ትመጫለሽ ብይ ቆማለው ከመንገድ
በአንቺ ተስፋ ቆርጭ አልሄድ
የፍቅራችንን ትላንት እያሰብኩኝ
በትላንትናችን ነጋችንን እያለምኩኝ
ግን አንቺ ጥለሽኝ ሄድሽ
እጠብቅሻለው እያልኩኝ ትመጫለሽ
እዛው ነኝ ጥለሽኝ የሄድሽበት ቦታ
አለ ልቤ በፍቅርሽ እደተረታ
ትመጫለሽ እያልኩኝ ከዛሬ ነገ
እደምትመለሽ ልቤ ተስፍ እያደረገ
እዛው ነኝ የቆምንበት ቦታ
ልቤ አንቺንስ በማንም አይተካ
ብያደክመኝም መቆሙ ከመንገድ
ብሉኝም ሄዳለች አንተ ሄድ
እጠብቅሻለው እዛው ቦታ ላይ ሁኝ
እደምትመለሽ መንገዱን አምኝ

By Bini

@getem
@getem
@getem
3,260
ግጥም ብቻ 📘

05 Dec, 15:39

............


ሳሚኝ እና ልዳን፤ዳሺኝ በመዳፍሽ
ፊደል አቁስሎኛል፤አትሸንግይኝ ባፍሽ
ነካኪው ገላዬን፤ያካሌን ጉዳንጉድ
ኣፌ ቃላት ይርሳ፤እንጩህ እንደጉድ
ዳሺኝ እና ልንቃ፤በድን ነው ህይወቴ
ኣዝምማ ከብዳለች፤የወረስኳት ቤቴ
ኣላወድስሽም በሽንገላ በቃላት
ሆድሽን ላያባባው፤ነፍሴን ላይደልላት
ሀጥያት ነው ቢሉንም፤ካህንና ቄሱ
ተይ ጽድቁን ለነሱ
ይልቅ ለኔና ኣንቺ
ሳሚኝ እና ልዳን፤ዳሺው ኣካላቴን
የልቡን ኣያቅም፤ኣትስሚ ኣንድበቴን
ቃሉን እንጠየፍ፤ልናቀው ትዛዙን
በነገና ዛሬ ቀናት ፍቺ የገዙን
ሆነው እስከሚያዩት፤ደርሰው በኛ ቦታ
ሀጥያትን እንውደድ፤ሰው እንሁን ላፍታ
ልዳሰው ገላሽን፤ያካልሽን ጉዳንጉድ
ሳሚኝ እና ልዳን፤ልሳምሽ እንደጉድ
ፍቅር የጸነሰው፤ዝሙት እንደማይወልድ
ተዳሩ ቢሉ እንኳ፤መዳራት ለነሱ
በረከሰ ኣንድበት፤ስምሽን ለሚያረክሱ
ባይገባቸው እንጂ የመሳምሽ ምሱ
ጽድቁን ተይ ለነሱ


      By @Mad12titan

@getem
@getem
@getem
4,724
ግጥም ብቻ 📘

05 Dec, 15:38

ኤሎሄ

ይሄውልሽ ጉዴ ብሎ ቢል ገጣሚው
ቃላቶቹ ገዙኝ ፡
አንቺጋ እደርስ እንደሆነ በጥበብ
ሊያስጉዙኝ ፡፡

አውቃለው መደረስ እንደሌለለ
አውቃለው ሩቅ ነሽ፡
መሆኑን አውቃለው ጥበበኛው እሱ
እግዜር የከለለሽ።

ቢሆንም

በሆሄ እንድስልሽ በምናብ እንዳይሽ
በጥበብ ባረከኝ በቃል እንዲፈጥርሽ
የቃላትን ሀይል እንድረዳ
ጥበብን በስንኝ እንድቀዳ
አንቺን ነሳኝእና ቃላት አስነከሰኝ
ብዕር እንዳነሳ ብሶት አቀመሰኝ
አይ እግዜሩ
እውነት ቸርነት ነው? ደግነት ነው ይሄ
ፅዋህን አንሳልኝ አባት ሆይ ኤሎሄ።


by kerim
@poem2513

@getem
@getem
@getem
4,367
ግጥም ብቻ 📘

04 Dec, 20:08

ርዕስ ከአንባቢያን

አምላኬ ባትረዳኝ ብትከዳኝ እንደሰው 
ሀጥያቴን ብትቆጥር በደሌን ብትጠቅሰው
እንኳንስ በአንተ ዘንድ አልመችም ለሰው
ታዲያ እኔ ልጅህ.......
ክፋት ያገረሸ ተንኮል ያጠለሸ ሰውነት አዝዬ
ከፊትህ ቆሜያለሁ ዛሬም ማረኝ ብዬ
ምን ይሆን ምላሽህ አልልም በአንተ ፊት
ምክንያት.......
ባትምረኝ ከጥፋት ባታወጣኝ ከመዓት
አልኖርም አንድ ቀን እንኳንስ ለአመታት።
                            
BY፦LIONEL

@getem
@getem
@getem
4,897
ግጥም ብቻ 📘

04 Dec, 18:21

--------አልጋዬ--------

ሆድ ያባውን፣ ብቅል ያወጣዋል፣
እያሉ ፣ስንቱን ዘርጥጠዋል፣
ብሶት ንዴታቸውን፣ አውጥተዋል፣
የብቅሉ ትኩሳት፣ ነግቶ ሲያልፍላቸው፣
በሀፍረት አንገት፣ መድፋታቸው፣

እኔ ግን፣ እንዲ አልኩ
ምሳሌውን፣ ወደራሴ ቀየርኩ

ሆድ ያባውን፣ ዕንባ ያወጣዋል ብዬ
አነባለሁ ተሸሽጌ፣ ገብቼ ጓዳዬ
መከፋቴን ምታውቅ፣ የውስጤን ስብራት
ባዶነቴን ያየች፣ ብሶቴን ማወጋት
አልጋዬ ሚስጥረኛዬ፣ ጩኸቴን አድማጬ
በጣም እወድሻለሁ፣ ከሁሉ አብልጬ።


በሳምሪ የዝኑ ልጅ

@getem
@getem
@getem
4,955
ግጥም ብቻ 📘

03 Dec, 14:42

..............


የተራቡ ነፍሶች፤ፍቅርን የተጠሙ
የደከሙ ጆሮ፤ልብን የሚሰሙ
የታረዙ ኣይኖች፤ከውበት የሸሹ
የጎደፈ ቆዳ፤በኑሮ የቆሸሹ
ደብዛዛ ኮከቦች፤ያደመቁት ሰማይ
ከዚህ ሁሉ መሀል፤ቆንጆ ሴት ኣማላይ
ውበት ለራበው ዓይን
ሀሴት የምትመግብ
ፍቅር ለጠማው ጆሮ
የነፍስ ጥኡም ዜማ፤የህሊና ምግብ
ለጎደፈ ገላ፤የዘላለም ኣልባስ
ብርሀን እንደ ኮከብ፤ከጨለማው እራስ
     ብቻ ግን ቆንጆ ሴት
ከተመሳቀለ የህይወት ሸራ ላይ
ምንም ቢሸሽጓት፤ጎልታ የምትታይ
ብርሀን ያልሆነች፤ወይንም ጨለማ
ከሁሉም ለሁሉም፤ጋር የምትስማማ
ቆንጆ ሴት ኣማላይ
ጉድፍ ከበዛበት፤የኑሮ ሸራ ላይ
ኣልባስ ሆና ልትኖር
ከጎደፈ ገላው፤ከፈገግታው ሰማይ
.
..
ወደሱ ተጠጋች፤ወደ ግራ ጎኑ
ካለሷ ላለፈው፤ለባከነው ቀኑ
ዋስ እንኳ ባትሆን፤ለሀዘኑ ጠበቃ
ከእቅፋ እንዲደበቅ፤ኣቀፈችው ኣጥብቃ
ምን ኣይነት መክሊት ነው፤እንዴት ያለ ጸጋ
ህመሜ የሚፈወስ፤ከእቅፋ ስጠጋ
የምን ሀዘን ስቃይ
በፍቅር ልንሳፈፍ፤ከደመናው በላይ
ከኑሮ ሸራ ላይ
የምንመኘውን ስእል፤ስሎ ማየት
ከረሀብ
ከሀዘን
ከችግር መለየት
ምን ያለ ሀይል ነው፤እንጃ ግን ኣላቅም
ብቻ ግን እቅፋን፤ይዛለው ኣለቅም
ልክ እንደ ክርስቶስ
እንደ ሀዲስ ኪዳን
እንዴት መታደል ነው
በእቅፎቿ መዳን


By @Mad12titan

@getem
@getem
@getem
5,744
ግጥም ብቻ 📘

03 Dec, 08:44

ያምላክ ጥላ ወዴት አለ
እባክህን ፀሀይ በዛ
በወዝ እንኳ ስናማኻኝ
ዕንባችን በአይን ወዛ

እባክሽን እመቤቴ
ክንድሽ እሳት በታቀፈው
ይቺን ሀገር ውሰጂልን
እቅፍሽን እንቀፈው

@geez_mulat
ግዕዝ ሙላት

@getem
@getem
@paappii
5,325
ግጥም ብቻ 📘

02 Dec, 18:58

..............

ሚዛኑ ቢያደላ፤ጊዜ ሆኖ ዳኛ
ቋንቋ ቀለም ሆነ፤የሰው መመዘኛ
ትገል እደው ግደል፤ታድን እንደው ኣድን
ጠባሳ ኣይዝም፤መርቅዞ የሚድን
ብዬ ባዜምበት
ይፈትለው ጀመረ፤ቃል ኣጠቃቀሜን
ምንሽር ኣንስቼ፤ላላሳየው ኣቅሜን
ማንስ ገሎ ዳነ፤ማን ሞቶ ተረሳ
ፍጻሜው ሰይፍ ነው፤ሰይፍ ለሚያነሳ
ስለዚህ ትርጉሙን
ሀገር ማለት ብባል ?
ሀገር ማለት ሰው ነው ኣልልም ደፍሬ
ሀገር የሚሆን ሰው
ኣታለች ሀገሬ

    By @Mad12titan

@getem
@getem
@paappii
6,498
ግጥም ብቻ 📘

02 Dec, 18:55

.. ለአንድ ቃል

ስንቱን ውርደት ታግሰን ኖርን
ስንቱን አሽሙር ተውን ንቀን
ስንት በደል ውጠን ሳቅን
እምባ እና ሳግ ፡ እያነቀን።

ስንት ንቀት አይተን አለፍን
ስንት ቅጥፈት ቆመን ሰማን
ስንት ስድብ ችለን ሄድን
ውስጣችንን እያደማን
ስንት ፈሪ ቀለደብን
ስንት አጎብዳጅ አስረገጠን
እርጥብ ላንቃ ፍቆ ሚወርድ
ፍርፋሪ ለሚሰጠን

ስንቱ ደጁ ወስዶ አሰጣን
እንዳረጀ የአበባ ገል
ስንቱ ለማኝ አርጎ አበላን
ህሊናውን ለመታገል

ስንት ጊዜ ሙግት ገባን
ላጉል ተስፋ  ሞትን አጨን
ስንት ጊዜ  ለማመስገን
እግዜሩ ላይ እምባ ረጨን?

ስንት ጊዜ ስም ተሰጠን
ተፈረጅን በመደዳ
ስንት ጊዜ አንገት ደፋን
ሰንዝሮ እንኳን ለማይጎዳ

ስንት ጊዜ ተቋቋምን
ያልተሰማ ያልታየ ግፍ
ስንት ችግር አቅፈን ኖርን
ዘለላ እምባ ሳናረግፍ

ስንቱን ቻልነው አንጀት ቋጥረን
"ቃል" ይመስል የስኬት ባል
ስንት ሲዖል ዋኝተን ወጣን
"ኮራውብህ" እስክንባል?

by @mikiyas_feyisa
@getem
@getem
@paappii
5,430
ግጥም ብቻ 📘

02 Dec, 07:38

የዱር አበባ

የገጣሚ ቴዎድሮስ ካሳ የግጥም መፅሐፍ የፊታችን ቅዳሜ ሕዳር 28 ከ ቀኑ 11 ፡ 00 ጀምሮ መገናኛ በሚገኘው ሞሰብ የሙዚቃ ማዕከል ቅጥር ግቢ ውስጥ በድምቀት ይመረቃል ።

በእለቱ ሁላችሁም ተጋብዛችኋል።

@getem
8,405
ግጥም ብቻ 📘

02 Dec, 06:45

Canvases for Sale

25cm * 30cm
8 canvas
Price 2500
Order Us @Cher46

@seiloch
5,987
ግጥም ብቻ 📘

30 Nov, 16:26

--------💕አትጥፊ ከቤቴ💕--------
እኔ አቅም አልባ ሀጥያት ያደከመኝ፣
መፈጠር ትርጉሙ ጠፍቶኝ ያባዘነኝ፣
የዓለም ብልጭልጯ ስቦ ያባከነኝ።

ሞትን ያላሰበው ይህ ሞኝ ልቤ፣
ዛሬ አቅም አጥቶ ወድቋል ከአንዱ ግርጌ።
ልጥራሽ ድንግል ብዬ ስሚኝ እመቤቴ፣
ሀጥያት ባቆሸሸው ባደፈው እኔነቴ፣
ድረሺልኝ ድንግል ሳጠፋ ህይወቴ።

የሰውነት እድፍ ይለቃል በውሃ ፣
የልብስም እድፍ ይነፃል በውሃ ፣
ነፍሴ ቆሽሻለች ልትቀር ነው በረሀ፣
ድንግል ጥሪኝና ልንፃ በንስሀ።

ከአምላክ የተሰጠሽ ልዩ ስጦታዬ፣
ከጭንቀት ገላጋይ ሀጥያትን ማብቂያዬ።
ለልቤ ሠላሟ ፈውስ ነሽ ለህይወቴ፣
ወላዲተ አምላክ አትጥፊ ከቤቴ።


                   በሳምሪ የዝኑ ልጅ
                    
@getem
@getem
@getem
7,948
ግጥም ብቻ 📘

30 Nov, 07:29

.........


   ኣይሁዳዊ ኣማነኝ
ሰቅለኀዋል ቢሉኝ፤ ኣሮ ይስቃል ጥርሴ     ኣይቀርም ኣምናለሁ፤ይጠብቃል ነፍሴ
..
..
ላልሞገታቸው
ዳሰውት ኣይተውት፤ኣምነዋል መምጣቱን
መሢሕ ባጣ ጊዜ፤እክዳለሁ ሞቱን

ቀላል መሰላቸው፤ለሰቀለ ማመን
ልጇን ለገደለ፤እናት ኣትለመን
ሞቷል ያልኩ እንደሆን
እኔ ገዳይ ልሆን
ዶሮ ቢጮህ እንኳ
    እጠብቀወለሁ ጆሮዬን ደፍኜ
ስገርፈው ኣላወኩት
               ከሸንጎ ላይ ሀኜ



ኣይሁዳዊ ኣማኝ ነኝ
ድንግል እደጠፋ፤በሀገሩ ሳቀው
መሢሕ እንዲወለድ
ነፍሴ የሚናፍቀው

       By @Mad12titan


@getem
@getem
@getem
7,672
ግጥም ብቻ 📘

28 Nov, 20:26

ሢቃተ ሆሄ


   ጬኸት....
      ጬኸት
          ጬኸት
የሆሄያት ሲቃ
የሙሾ ድለቃ
ቃል ለዛውን ቢያጣ
ቅኔ ወዙ ቢነጣ
ሆሄያት ታመሙ
ሢቃ ድምጽ አሰሙ
       ያን ጊዜ
ገጣሚ ብእሩን ኣነሳ፤ከሆሄያት ድርድር
ከህመም ከሢቃ፤ስንኙን ሊያዋቅር
    ደራሲ ኣነባ
    የሆሄያት እንባ
ከወረቀቱ ላይ
ከነተበው ልቡ፤ከዘመኑ ሲሳይ
    ደራሲ ኣነባ
    የሆሄያት እንባ
ህይወቱን ሊገርፈው
በቅኔ ሊዘርፈው
ሆሄ ደረደረ
ቃላት ሰበጠረ
ሀረግ ኣዋቀረ
ሆሄያትም ታመሙ
ሢቃ ድምጽ ኣሰሙ
  ስንኙም ቤት መታ
  ግና የ ማታ ማታ
ሚስኪኑ ገጣሚ ቤት ለመታው ግጥሙ
በቆሰሉ ሆሄያት ህመም በሚያዜሙ
ፊደል ኣቀናብሮ በቃል በዘመነ
ቤት ለመታ ግጥሙ
ቤት መድፊያ እሱ ሆነ


ተጻፈ by @Mad12titan

@getem
@getem
@getem
8,281
ግጥም ብቻ 📘

28 Nov, 06:52

"ደደብ" አለ ተበሳጭቶ
አይሆኑ ንክ ስነካካው
ምስኪን ነብስን የገፋ ለት
በምን ነበር የተመካው
እሳት መዞ ካፎቱ ላይ
ግንባሬ ላይ አስቀመጠው
'ተኩስ' አልኩት በጀግንነት
ድኩም ነፍሴን ምን በወጣው

የተነፋው የታች ቦርጩ
በደሃ ኪስ የጠገበ
የሱን ጎጆ ልስን ሲያበጅ
የኛን ድንኳን አረገበ
ሽፍን ጭንብል ለፊቱ መልክ
ቢፈለስፍ ጥሩ መስሎ
ባዶ እንደሆን ያው ባዶ ነው
እንጨት አይሆን ክሰል ከስሎ
ዲግሪ ዲስኩር ተጫጭኖ
ምሁር ነኝ ቢል የተማረ
የኛን ህይወት ጣል አድርጎ
የሱን ህይወት አሳመረ

"እናት አልባ"....አልኩት
በጭካኔ መንፈስ
አይኑ ካይኔ ፈጦ
ተኮሰብኝ እሳት ጥይት
ካፎቱ ላይ ሹል አውጥቶ
ደም ይረጫል ከደረቴ
ወለል ክፍሉን አበስብሶ
የተበደልኩ እኔ ሳለሁ
ይገለኛል ከሱም ብሶ

ዙፋን አርጎት ወንበር ስልጣን
       ለተመካ በሰዓቱ
ጊዜ እንደሆን ሰው አይደለም
     ያሳየዋል ሁሉን ፊቱ
ከዕለታት መሐል አንዲት ዕለት ቆጥሮ
ክፍያ አለው ሁሉም ምላሽ
አይዘገይም ጊዜ ቀጥሮ

"ደደብ" አለ ተበሳጭቶ
አይሆኑ ንክ ስነካካው
ምስኪን ነብስን የገፋ ለት
በምን ነበር የተመካው
እሳት መዞ ካፎቱ ላይ
ግንባሬ ላይ አስቀመጠው
'ተኩስ' አልኩት በጀግንነት
ድኩም ነፍሴን ምን በወጣው

ተኮሰብኝ አካሌ ላይ
ገድል ፃፈ...ሰብሮ ገድል
በጊዜ ላይ ለነገሰ
አያነሳም የፅዋ ድል

ለፍቶ መና...ለፍቶ ከንቱ
በሆነባት በዚች አለም
የጊዜ ነው እንጂ
የሰው ጀግና የለም


ዮኒ
    ኣታን @yonatoz

@getem
@getem
@getem
9,300
ግጥም ብቻ 📘

27 Nov, 16:31

እንባ

ጥቋቁር ደመና፤ከጋረደው ሰማይ
ከባህር ከወንዙ፤ከውርቂያኖሱ ላይ
ተኖ የጎደለ፤እንባ ኣለ የሚታይ
የአንደኛዉ ለቅሶ፤ለአንደኛዉ ሲሳይ።

ተጻፈ by @Mad12titan

@getem
@getem
@getem
7,954
ግጥም ብቻ 📘

27 Nov, 05:01

ዕለት ዕለት፤
ቀን እና ሌት፤

በሃሳቤና ግብሬ፤
በከንቱ ምግባሬ፤
ጌታዬን ቸንክሬ፤

በሚስማር ወጋሁት፤
ዳግመኛ ሰቀልኩት፤
በመስቀል አዋልኩት፤

ልክ እንደ ፃዲቅ ሰዉ፤
ራሴን ቆጥሬ፤
ሌላዉን ስኮንን ፤
ቃሉን ተዳፍሬ፤

ያደፈዉ መንፈሴን፤
በነጭ ነጠላ ፤
በአልባስ ሸሽጌ፤
ይምረኝ እንደሆን፤
እጠብቀዋለዉ፤
እርሱን......
ተስፋ አድርጌ፤


ዔደን ታደሰ

@ediwub
@getem
@getem
9,475
ግጥም ብቻ 📘

27 Nov, 05:01

ጊዜ የጻፈው ግጥም

ሀገሬ ስትቆስል
አቁስሏን በስንኝ ልስል
ግጥሜን ላሰፍር ሌጣ ወረቀት ላይ
የቁስሏን መዳን የኔን ማርፈድ ሳላይ
ግጥሜን ሳበቃ
ከምእናቤ ኣለም ከሀሳቤ ስነቃ
የሀገሬ ቁስል ጠባሳዋ ድኖ
የጻፍኩትኝ ግጥም
ጠበቀኝ ጥቅስ ሆኖ

ገጣሚ @Mad12titan

@getem
@getem
@getem
7,628
ግጥም ብቻ 📘

26 Nov, 19:19

ከእባብ ቆዳ ትል ይውጣ
የሰው ህሊና በቁም ይፍሰስ
እየተላጠ ቆዳው በደም
የአምላክ ዙፋን በሰው ይርከስ ፣

ሌት አጋንንት ይሰማሩ
መናፍስት ነፍስን ይግዙ
ክዋክብት ይረጋግፉ
በአምላክ ፊት ይጠልዝዙ

ጥንቆላ ገደል ይግባ
ገደል ገብቶ ቤቱን ይስራ
መተት ሁሉ ይንሰራፋ
የጠንቋይ ስም ባለም ይብራ

ሰማዬ ደም ይልበስ
ትል ይትፋ ምድር ሁሉ
ዳቢሎስ ነጭ ይልበስ
በሰው እቅፍ ይታለሉ

ሳር ቅጠሉ እባብ ይሁን
ወንዙ ሙሉ ጫካ መንፈስ
ንፁሃን ይደራመስ
እባብ ባለም ነጥቆ ይንገስ

ያለንበት ባለም  ሁሉ፥
እኛ ሁሉ የምንሆነው
እባብ ልንገል ምናሴረው
ለእባብ ነበር የምንወልደው ፣
እንዲህ ነበር ያገሬ ሰው ፣
ከሰይጣን ጋር ሚዋሰበው
እንዲህ ነው ያገሬ ሰው...
ራሱን ነው ያረከሰው...

@geez_mulat
ግዕዝ ሙላት

@getem
@getem
@paappii
8,267
ግጥም ብቻ 📘

26 Nov, 18:26

( አግዘኝ ...)
=============

ጌታ .....
አየህልኝ አይደል
ክንዴን ተንተርሳ ይህችን ደግ ሴት
አቅፈዋት ይቅርና ገና ስትታሰብ
የምትሞላ በሀሴት !!

እውነቷን ውበቷን ሰጥታ ለእኔነቴ
ከአንተ በታች አምናኝ ስትገባ ቤቴ
አመሌ እሾህ ሆኖ ወግቶ እንዳያደማት
ነገዬ ጨልሞ ረዝሞ እንዳይደክማት
ሰላም እንዳትራብ መውደድ እንዳይጠማት

አበርታኝ አደራ ...
ከፊት ይልቅ ዛሬ አትለይ ከጎኔ
ከሌለኸኝ በቀር ፍቅሯን ለብቻዬ
አልችለውም እኔ !!!


By @kiyorna

@getem
@getem
@paappii
7,266
ግጥም ብቻ 📘

25 Nov, 08:39

አጎት

አጎት መካሪዬ ፣ ጋሻ መከታዬ፣
አባት ፣ወንድም፣ ጓደኛ፣ ነህ ሀለኝታዬ።

ሀ ሁ.....በቆጠርኩበት ፣ በጥንቱ ጊዜያት፣
ብዕር ይዘህ መርተህ ፣ ደረስኩ ላለሁበት።

ልክ እንደ ጓደኛ ፣ ሁነህ ስትጫወት፣
ሚስጥሬን ነግሬህ ፣ ምክር ምትሞላበት፣
አጎትየው ልብህ ፣ ፍቅር  ነው የሞላበት።


                   በሳምሪ የዝኑ ልጅ
                   16-03-2017 ዓ.ም


@getem
@getem
@getem
2,404
ግጥም ብቻ 📘

25 Nov, 08:38

ፍካሬ ዓለም
_____

(እሳት ወይ በረዶ)

የዓለምን ፍፃሜ.. ቀድመውን ያሰሉ
ትንቢት ተናጋሪ.. ብዙ ፃፎች አሉ፣
ምድር የምትጠፋው
በእሳት ነው የሚሉ።

ሌሎች በፊናቸው.. ጥልቅ የመረመሩ
የእሳቱን ፍፃሜ.. የተጠራጠሩ፣
የምድሪቱን መጥፊያ.. በውል ሲቀምሩ
በረዶ ይላሉ።

በፍካሬ ዓለም.. እጅግ ተመስጬ
ልመርጥ ብሞክር.. መፅሐፍ ገልጬ...
አንዴ በነበልባል... ደግሞ በአመዳይ፣
ምድር ስትከፈን.. ሲደረመስ ሠማይ፣
በትኩስ ቀዝቃዛው.. ዓለሙ ተንዶ...
መጥፊያችን ቸገረኝ... እሳት ወይ በረዶ?

ካየሁት ከማውቀው፣
ነገሩን ሳስበው....
ከነበልባል ስሜት.. ምኞት ካልተገራ፣
ከሚንቀለቀለው... የቁጣ ገሞራ፣
ከደምፍላት ግልቢያው
ልጓም ካላበጀ
እየገነፈለ ሀገሩን ከፈጀ... ፣
ካየሁ ከሰማሁት..
ነገሩን ሳስበው...
አላወላውልም እመሠክራለሁ፣
እሳት ኃይለኛ ነው!
በእሳት ትጠፋለች ዓለም በፍፃሜ፣
ከሚሉትም ጋራ ይሠምራል አቋሜ።

ነገር ግን ምድሪቱ
የምትጠፋበቱ፣
ሁለቴ ደጋግሞ ይሁን ከተባለ፣
ለመጥፊያ፣ ለመጥፊያ...
ሌላም መንገድ አለ፦

በቀዘቀዘ ልብ... ጥላቻ ሲነግስ...
በቀል ሲያንሠራራ.. ቂሙ ሲወራረስ...፣
ጥላቻ በርክቶ.. ማዕበል ሲያስነሳ
ሰውን ሰው ሲበላ፣ ዘመንን ሲነሳ...
ይህንም አውቃለሁ...
እመሠክራለሁ...፣
ለመቅሰፍት ለመቅሰፍት..
ለመጥፊያ ለመጥፊያ፣
በረዶም በቂ ነው
ዓለምን ለማጥፊያ
እንደ እሳት ቋያ።

— ሮበርት ፍሮስት፣ Fire and Ice (1920)፣
/ዝርው ትርጉም የራሴ/


@getem
@getem
@paappii
2,379
ግጥም ብቻ 📘

25 Nov, 07:00

ለስጦታ ሥዕል ማሳል ምትፈልጉ በ +251984740577 ይደውሉ።

ወይም @gebriel_19 ላይ አናግሩኝ

@seiloch
@seiloch
2,534
ግጥም ብቻ 📘

23 Nov, 03:40

ፍንዳታ
.
.
መቃብር ባልገባም፤
በለቅሶ በዋይታ፤
እርግጥ ነዉ ሞቻለሁ፤
የፈነዳሁ ለታ።
@ediwub
@getem
@getem
4,552
ግጥም ብቻ 📘

23 Nov, 03:40

...ቃሌን
ውበት እረጋፊ አላቂና አብቂ
ስስትን ማልሻ አፍቃሪህ ናፍቂ
ገደብ የማላውቀው እኔ ያንተ ጠባቂ
አርጅተን እስክንሔድ በሽበት ተከበን
ቃሌን አላጥፈውም አፈቅራለው አንተን
BY
@Hanipia

@getem
@getem
@Hanipiagetem
4,154
ግጥም ብቻ 📘

22 Nov, 17:40

።።።።።።።።ቃል የለኝም።።።።።።።።

አልቆጭም በማፍቀሬ ፣
አልተጎዳሁ በማረሬ።
ዉስጤን ቢያመኝ ብትርቂኝም፣
አንቺን የግል ማድረግ ብያቅተኝም።
።።።። ለመሄድሽ ቃል የለኝም።።።።።
ልቤ ቆስሎ ባያገግም፣
ለፍቅርሽም ባያስደግም።
አንቺን ለማየት ብታደልም፣
በመድረክሽ ብታደምም።
።።።።።ሄድሽ ብዬ አልገግምም።።።።
የሄድሽ እለት ልቤ ቢተክዝም፣
ለሌላ ሴት እንዲህ አልፈዝም።



የምር ከፍቶኝ በነበረ ሰዐት የተፃፈ ግጥም
ቀን አርብ 03:24 ማታ
ማጀቢያ ሙዚቃ : ዳዊት ፅጌ ( ልቤ ሰዉ )
ምንጭ: እሷ ( ግራ ለገባት )
ገጣሚ: እኔ ( መሄዷን እያወቀ ላፈቀረ )


ገጣሚ : @papiel16

@getem
@getem
@getem
4,788
ግጥም ብቻ 📘

22 Nov, 15:42

መናፈቅ ማለት …
ከወትሮው በድንገት
ከከተማ ግፊያ
ከሰፊው ገበያ
ከሰው ትርምስ
ከህይወት ግብስብስ
አረፍ ብለው ባልጋ
ከራስ ጋር ሲወጋ
የአስቴር እና ኤፍሬም
አባባይ ሙዚቃ ...
አንጀትንን ሲገርፍ
ትዝታን ሲያነቃ
እንዲህ ይመስለኛል !
..
መናፈቅ ማለት..
በቡሄ አመሻሽ
እርግት ባለ ሰማይ
ልጅነት ሲወያይ
ሲሸት የኩበት ጭስ
የአሪቲ ቃና መንደርን ሲዳብስ
ውብ አደይ አበባ ምድሪቷን ሲያነግስ
እንዲህ ይመስለኛል !
..
መናፈቅ ማለት ..
እኔና አንቺ አፍረን
ከዓይን ተሸሽገን
ከመስቀል ዳመራ
ሸሽተን ከጓደኞች
ፈልገን ሰዋራ ...
ተቃቅፈን እየሄድን
ውሎን ስንጋራ
ስትሰጪኝ ፖፖቲን
‘’ፖስት ካርዴስ ?’’ ብለሽ
ኪሴን ስትዳብሽኝ
እንዲህ ይመስለኛል ።
..
መናፈቅ ማለት …
ትምህርት ሊዘጋ ወቅት
ድራማ ተውነን
በሰኔ ሰላሳ ለመታየት ደምቀን
በድራማው መኃል
ፈልገን ስህተት
ከልብ የሳቅን ዕለት
ከሳቅን በኋላ
ኩሪፊያ ሲከተለን ...
ድፍን ሶስት ወራትን
ያለመገናኘት ፍርሀት ሲውጠን
ስትሰናበችኝ በጥልቁ ዝምታ
ዓይንሽን እያየሁ
ዓይኖቼን እያየሽ
የቆዘምን ለታ …..
እንዲህ ይመስለኛል ።
..
መናፈቅ ማለት …
የሽፍታ ፍርሀት
ነፍስያን ሳይንጣት
በ አራት እግር ጉዞ
የመኪናን መስኮት
በራስ ተመርኩዞ
የገጠርን መስመር
አንዱን መንገድ ይዞ
ተራራውን ማየት
እሸቱን መጎምዠት
ከገበሬ ቁና
በቆሎ መሸመት
የፀሀይዋን ግባት
አሻግሮ መቃኘት
እንዲህ ይመስለኛል።
…
መናፈቅ ማለት …

(ሚካኤል አ )


@getem
@getem
@getem
4,653
ግጥም ብቻ 📘

21 Nov, 19:33

እንደምትወዳት ንገራት,

(በእውቀቱ ስዩም)
ሕይወት የብድር በሬ፥መቼ ሁሌ ይጠመዳል
ለጊዜው ብቻ የመጣ፥ ጊዜው ሲደርስ ይሄዳል
የተሰጠህ ጸጋ ሁሉ፥ ደሞ ካንተ ይወሰዳል::

ቀለበት፥ አምባር አይደሉም
እጅህ ላይ ሁልጊዜ የሉም
-ቀናት ሳምንታት ወራት
ዛሬውኑ ፥አሁኑኑ፥ እንደምትወዳት ንገራት::

አበቦች ሁሉ ሳይረግፉ
ምኡዝ ሽታዎች ሳይጠፉ
ያጸድ በሮች ሳይቆለፉ
በንቦች ጎዳና ላይ፥ተርቦች ሳይሰለፉ
በንፋስ ክንፍ ሳይመታ
ሕይወት የላምባ መብራት
አሁንኑ ዛሬውኑ ፥እንደምትወዳት ንገራት፤

ርቃ ሳትገሰግስ
ገና ስንቋን ስትደግስ
እንዲሁ እንዳማረባት
ቀልብህ እንደቀረባት
መቃብር በመዳፉ
እንደጠጠር ሳይቀልባት
አፈሩን ሳትዛመድ
ወደማትቀባው አመድ
ወደማትስበው አየር
ሳትቀየር
አንትም አንደበት ሳለህ፥ እሷም ጆሮ ሳያጥራት
ዛሬውኑ! አሁኑኑ! እንደምትወዳት ንገራት።

@getem
@getem
@paappii
5,522
ግጥም ብቻ 📘

21 Nov, 19:05

ወደድኩሽ ካለኝ በኃላ......

ስደዉል ስልኩን ቢዘጋም
ስቀጥረዉ ቢቀርብኝ
መልዕክቴን አይቶ ዝምቢል
በድንገት ባገኘዉ እንኳ በፍጥነት ከኔ ገሸሽ ቢል....

እኔ ልሙት ይወደኛል.......

ቢፈራኝ ነዉ እንጂ ፍቅሬ ቢያስጨንቀዉ
ምን እላት እያለ ስለሚ'ያሳስበዉ
ስልኩን የማይመልስ ትቶኝ የሚሮጠዉ

ሌላ ጊዜ እድል ቀንቶኝ
በአንዲቷ ቀን ካፌ ቀጥሮኝ
አይኖቹ ከስልኩ
አያየኝም ብዬ ያልኩ
ሌላ ሴት እያየ በድንገት ሲጠቅሳት
አይኔ ካይኑ ተገጫጨ
የያዘዉ ብርጭቆ ከእጆቹ አሟለጨ

ፈገግ አልኩ ደነገጠ
ምንን ያህል ቢወደኝ ልቡ የቀለጠ?
አወይ አጋጣሚ ብዬ ተገረምኩ
ይሄኔ ሲያየኝ ደንግጦ ነዉ አልኩ

እኔን ይንሳኝ ይወደኛል ስላችሁ
ደግሞ የዛሬዉን ጉዱን ልንገራችሁ

መጥሪያ አምጥቶ እጆቼ ላይ አስቀመጠ
ላገባ ነዉ ብሎ ልክ እንደ ልማዱ ደሞ ፈረጠጠ

ገለጥኩት.......
የልቤ ከምላት ከኔዉ ጓደኛ ጋር
የሚሆናት አጋር

ምን ያክል ቢወደኝ
እንዴት ቢሳሳልኝ
አወይ የሱ ፍቅር

የልቤ ምላትን እንደ ልቡ አድርጐ
እኔን ለማስደሰት ሚያገባት ሰርጐ

ይወደኝ አይደለ?

💕ትዝታ ወልዴ(@Tizita21)

@getem
@getem
5,139
ግጥም ብቻ 📘

20 Nov, 15:29

#የእንቢታሽ ሱሰኛ!
(ሚካኤል አስጨናቂ)

አንቺን በማሰብ ውስጥ መደሰት ለምጄ
ፍቅርሽ ሱስ ሆኖብኝ ... ማንነቴን ክጄ
ባንቺ መወድስ ስም ክታብ አሰርቼ
ስምሽን አንግቼ …

እንደ አሞራ ዙሬሽ ፣ አንዣብቤ በላይ
አንቺን ሳይሽ ፣ ‘ዋይ ፣ ዋይ …’

አጃኢብ ነው መቼም!

ስትሄጅ ተራመድሁ... ስትቆሚ ቆሜ 
ባንቺ ስፍር ልኬት.. .በጠርዝ ተመድሜ
ከዕድሜ ከዘመኔ ፣ ዓመታት ቆንጥሬ
ከእንቢታሽ ጋራ ፣ በእልህ ሰክሬ
ስንኞችን ጭሬ.. .
አንቺን በመጀንጀንጀን ፣ ልማድ ተጠፍሬ
በሚጣፍጥ ህመም ...
ብቻዬን በአርምሞ ፣ ስብሰለስል ኖሬ

ከሀሳቤ ማግስት ... በስንኜ ድርድር 
ቃላት ድል ነስተውሽ ፣ በኃይላቸው በትር
እኔም በተራዬ ፣ መፈቀር ስጀምር
“ፍቅርህን ተቀበልሁ” ያልሽኝ ጊዜ ‘ለታ 
ፍቅርሽ ጥሎኝ ጠፋ ፣ ትዝታሽ ተረታ።

(እንቢ በይኝ ዳግም
እልህን ላጣጥም ። )

@getem
@getem
@getem
6,882
ግጥም ብቻ 📘

20 Nov, 13:57

አዎ !
ለጊዜውም ቢሆን ፤ ግፍ ያደነዝዛል
በደል ያስተክዛል
ጊዜም ጠብን ሽሮ ፤ ወደፊት ይጓዛል
በልብ ሰሌዳ ላይ ፤ ቂም ይደበዝዛል
በነገ ያመነ
ልጁን ቀብሮ መጥቶ ፤ ሚስቱን ያስረግዛል ።

By bewuketu Seyoum

@getem
@getem
@paappii
5,856
ግጥም ብቻ 📘

20 Nov, 07:11

ከሞት ወዲያ
-------------

ከሞታችን ወዲያ
በሠማይ ቤት ያለው፣
ልዩ ዞን ወረዳ
ክልል ምንትሴ
ብሔር ያልቦደሰው፣
አንድ ንጉሥና
አንድ መንግሥት ነው።

- ኤሚሊ ዲኪንሰን፣
(1830-1886 እኤአ)

@getem
@getem
@paappii
6,154
ግጥም ብቻ 📘

19 Nov, 19:01

አዲስ አበባ የምትገኙ ከ 38 - 43 አመት ያላቹ ወንዶች እና ሴቶች ለተለያዩ ማስታወቂያዎች እየመለመልን ስለሆነ በደንብ የሚታዩ ጥሩ 3 ፎቶዎችን ከስልካቹ ጋር @Ribki30 ላይ ላኩልን።

ስልክ ቁጥራችሁን መላክ አትርሱ!
5,635
ግጥም ብቻ 📘

19 Nov, 09:54

( ዛሬም እንጉርጉሮ )
================

ይህ ልባችን
እስከ ስሩ እስከ ጥጉ ቢበረበር
ኩራታችን የገደለው ስንት ፍቅር
ውስጡ ነበር ....

ህይወታችን
በቅን ዳኛ በጥቂቱ ቢመረመር
ማፈራችን ያሳለፈው ስንት ጸጋ
ገጥሞት ነበር ...

በትነነው ስናበቃ
የሰጠንን ቁና ሰፍሮ
አይከብድም ወይ
አምጣ እያሉ ዛሬም ለእግዜር እንጉርጉሮ ??

By @kiyorna

@getem
@getem
@paappii
6,965
ግጥም ብቻ 📘

19 Nov, 05:50

(...)

የምኞት መጨለም
የትዝታ መናድ
በወዳጅ መጠላት
ባመኑት ሰው መካድ
ሲኖሩት አይደለም
ሲያስቡት ነው ከባድ ።

By HAB HD

@getem
@getem
@paappii
6,393
ግጥም ብቻ 📘

18 Nov, 18:01

እኔ ቅብዝ ቅብዝብዚት
ችኩል ችኩልኩሊት
ወረት ወርትሪትሪት
አቋም አልባ ሽክርክሪት

ቀን ለሰላት የምፋጠን
ጎህ ሲቀዳድ የ'እግዜር መቅደሱን የማጥን።

ድንጉጥ ድንጉጥጉጢት
ፓስተር ይዞኝ መፅሀፍ ሲገልጥ
የጌታ ነኝ ብዬ ማቀልጥ።

እኔ ልጂት
ጅላ ጅሊት
ቂላ ቂሊት

ያዋቂ ቤት ተንበርካኪ
የ'አትሮንሱ ፊት ሰባኪ
ቀን የሚያምረኝ ቲሪኪሚሪኪ
ማታ ሚያምረኝ መጠጥ ዉስኪ
የማለዳዉ ቅዱስ ባሪያ
የከሰዓት የ'አላህ ባሪያ
የፓስተሩ አማካሪ
ድምብር ደምበርባሪ።

💕ትዝታ ወልዴ(@Tizita21)

@getem
@getem
7,470
ግጥም ብቻ 📘

18 Nov, 07:12

...ሊገለኝ ነው

ህይወት ሳታከትም የእንባዬ ጠብታ
ትመጣ ከሆነ የታመምኩኝ ለታ
አይህ እንደሆነ ለደቂቃ ላፍታ
ናፍቆት ሊገለኝ ነው ታምሜያለው በቃ
By
@Hanipia
@getem
@getem
@getem
6,802
ግጥም ብቻ 📘

18 Nov, 07:12

እሆናለሁ አመስጋኝ

እንደው ቀለህ ወተህ
ቀንሶልኝ ፍቅርህ
ልቤም ረጋ ብሎ
ስምህ ከአፌ ወቶ
የማይበት ቀኑ ለኔም ሲመጣልኝ
እኔም እንደሌላው እሆናለሁ አመስጋኝ

@Eltene937
@getem
@getem
@getem
6,833
ግጥም ብቻ 📘

17 Nov, 16:56

የተዘጋች እልፍኝ
(ሚካኤል አስጨናቂ)

አንደኛው ሲያንኳኳ
በሌት በቀን ሳያርፍ…
ላንዳንዱ ተከፍቷል የትኛውም በራፍ።

ያን ጊዜ ተንጋለልሁ ፣ አረፍ አልሁ ባልጋ
እግዜር ያላትን ቀን ፣ እሷኑ ፍለጋ ፤
ዛሬም ግን ጠብ አይልም ፣ ቢመሽም ቢነጋ።

ዕድል የቀናለት ፣
ቃታ ቢፈቱበት ፣ ቆመው ፊት ለፊቱ
ዕድል አልባ ይሞታል ፣ ሳይወጣ ከቤቱ።

አልሆነም ተኝቼም ፣
አልቀናም ነቅቼም ፣
ፍዝ ሆኜ በረታሁ ፣ ዳግም ለማንኳኳት
በሯን ማን ይክፈታት ?
ፍዝ ሆኜ በረታሁ ፣ ሰለስኩ ሆኜ ጥሩ
ተከፈተ በሩ …
ጓጓሁኝ ለመዝለቅ
ተስፋዎቼ በሩ…
አየሁት ያን እልፍኝ - አየሁት ያን ጓዳ
እንዲህ እንዲያ እያልኩኝ ፣ ብዙ ሳወላዳ
ያቺ ክፉ ሳሎን ፣ ብዙ ነፍሶች ማግዳ
ባገኛት ተከፋሁ…
መመኘቴን ጠላሁ።

ምናለ ባልጓጓሁ ?
እጄን ባላነሳሁ?
ለኔ ያላለውን ፣ እልፍኝ ለመቃኘት ፤
ለካስ ዕድል ኖሯል
ዕድለ ቢስ ሆኖ ፣ ውጪም ላይ መገኘት።

@getem
@getem
@getem
7,666
ግጥም ብቻ 📘

17 Nov, 12:45

ስለወደድኩሽ ነው ፥ ወይስ ?

የሚውረገረገው ፥ ሽንጥሽ
እንቅስቃሴና ፥ ዳንስሽ
የአረማመድሽ ፥ አጣጣል
ከሁሉም ነገር ይበልጣል ?

ዓለሜ ከሆንሽ 'ኋላ ፥
ዓለም ሆናለች ፥ ምንም !
ቆይ ይሄ ነገር አይገርምም ?!

እንዲህ የገዘፍሽብኝ ፥ ከአዕምሮዬና ከልቤ
በእርግጥ አንቺ ሰፍተሽ ነው ፥ ወይስ እኔ ጠብቤ ?

By HAB HD

@getem
@getem
@paappii
6,162
ግጥም ብቻ 📘

17 Nov, 12:45

እ ግ ዜ ር...አትቆጣን
እ ኛ ን.....እንዳታጣን






,

@geez_mulat
ግዕዝ ሙላት

@getem
@getem
@getem
6,047
ግጥም ብቻ 📘

17 Nov, 10:59

አዲስ አበባ የምትገኙ በፅዳት የተያዘ ቆንጆ ቤት ያላቹ ለተለያዩ ማስታወቂያዎች ቤቶችን እያየን ስለሆነ የኪችን የሳሎን እና የመኝታ ቤት በደንብ የሚታዩ ጥሩ ፎቶዎችን ከእያንዳንዱ 3 ከስልካቹ ጋር @Ribki30 ላይ ላኩልን።
4,044
ግጥም ብቻ 📘

17 Nov, 04:15

ስርቻ የጣለህን ሰንካላ ዕድልህን ፥
አትርገመው የትም ፣
አምነህ ብቻ ቀና ቀን ይለዋወጣል ፥
ህይወት ሳታከትም ፣
ሲገፉህ ተገፋ ወደ አምባው አናት ፥
ወደ ተራራው ጫፍ ፣
ሊያደርቁት ሲጥሩ ሲቀነጣጥቡት ፥
ይበዛል ቅርንጫፍ ፣
በዕምነት የያዝከውን ትልምህን አትጣለው ፥
አያምልጥህ ከእጅህ ፣
እንደ ክረምት ወንዝ ይሞላል ጎተራህ
ይባረካል ደጅህ።


( ©እስራኤል )

@AdamuReta
@AdamuReta


@getem
@getem
@getem
6,692
ግጥም ብቻ 📘

15 Nov, 10:44

ዘመኑ የፅልመት የሚሰማው ሁከት
ሰላማችን ድፍርስ የሰፈነው እልቂት
የተመታ ህይወት
ላይቀየር ምንም ሁልጊዜ መጨነቅ
ይሄም ህይወት ሆኖ ዝንት አለም መቧጨቅ
ህዝቤ ሆይ ተጠንቀቅ
ሁሉም ነገር ይቅር ከፈጣሪህ ታረቅ
ከንቱ አለም ትተህ ስለእርሱ ተጨነቅ !!
                                  

BY: LIONEL

@getem
@getem
@paappii
266
ግጥም ብቻ 📘

15 Nov, 04:23

ዓለም ዘጠኝ ዓለም በቃኝ
( ©እስራኤል )


በአፈኛ አንደበት ፥ ስሜን ሳላጎድፍ
ዘምቼ ሳልማርክ ፥ ወይ ጦሜ ሳልገድፍ
በነገስታት መንበር ፥ ተሹሜ ሳልነ'ግስ
ተጠርጌ ሳልወድቅ ፥ ልክ እንደ ግሳንግስ
መብቴን ለማስጠበቅ፥ ሹመኛ ሳልሞግት
ወይ ጥገት አስሬ ፥ ጠዋት ሳላልብ ግት
በአንገቴ ላይ ገመድ ፥ በደረቴ ሳንጃ
አጣማጅ አጥቼ ፥ ሆኜ ባልፍ ቀንጃ
እንደዚህ ባለ ፍርድ ፥ ለሞት ድግስ ቢያጩኝ
ዘብጥያ ጥለውኝ ፥ ጠጉሬን ካልላጩኝ
አቦ ምኑን ኖርኩኝ።
በአማላጅ ልመና ፥ ተነጥፎልኝ ኩታ
ሰርክ እጅ ካልነሱኝ ፥ ለእግዚሐር ሰላምታ
በመላ በጥበብ ፥ ለፍርድ በአደባባይ
አንዱን በተናጠል ፥ ሌላውን በጉባይ
እንደ አርያም መንግስት ፥ፍትህ እያሰፈንኩኝ
አንዴ ርትዕ ሆኜ ፥አንድየ እየበደልኩኝ
በነቃፊ ምላስ ፥እየተወደስኩኝ
በአፋቸው ሾተል ፥ካልተተረትርኩኝ
አቦ ምኑን ኖርኩኝ።

ጠፈር እንደሚያደምቅ ፥
እንደ ሶ'ብይ ሳቅ፣
በየአውራጃው ሁሉ ካልተወደስኩበት ፥
በተሰጠኝ አህላቅ፣
በዕምነት ተቀብዬ በክብር ካልመለስኩኝ
የወሰድሁትን ሃቅ፣
ዘመን በዘመን ላይ፥ ኮተቱን ቢደርብ
እንደ ንስር ሳል'ከንፍ ፥ እንደ አሳ ሳልሰ'ርብ
እንደ ጉልበተኛ ፥ደዌ ካልደቆሰኝ
ጎርሼ ለማደር ፥ ቤሳ ካላነሰኝ
አንጀቴ ካልላላ ፥ ትንንሹ ነገር
ሆዴን ካላባሰኝ፤
የሰው ፊት አይቼ ፥ ዕድሌን ካልረገምሁ
ካልተሸማቀቅሁኝ ፤
አቦ ምኑን ኖርኩኝ።


@AdamuReta
@AdamuReta


@getem
@getem
@getem
1,666
ግጥም ብቻ 📘

14 Nov, 18:13

, ዕ ድ ል

የት ነሽ ዕድል የትስ ብዬ ልፈልግሽ
ከሁሉም በላይ ነው እና ያንቺ ማዕረግሽ
እስኪ ላግኝሽና ለእኔም ይድረሰኝ ወግሽ
ዕድል የት ነሽ ዕድል የትስ ብዬ ልፈልግሽ

ፍጥረት በዕድሉ ሊኖር የተፃፈለትን ትቶ
ከማይሆነው ሊጋባ ከሚሆነው ተፋትቶ
ከአላህ ከእግዚሔሩ ጋር ተጋጭቶ
አንዱ ካንዱ ያለዕድል ከዕድል ተፋጭቶ
ተጎናትሮ ተሟሙቶ ላይፈጥር ዕድል
ዕልህን
ታጥቆ ይዘምታል ፅናትን በቅናት ሊገድል
ዕድል ዕድል ዕድል የት ነሽ ዕድል
አንቺን ስፈልግ እኔ እራሴን እዳልገድል
ዕድል የት ነሽ ዕድል የትስ ብዬ ልፈልግሽ
ከሁሉም በላይ ነው እና ያንቺ ማዕረግሽ
እስኪ ላግኝሽና ለእኔም ይድረሰኝ ወግሽ

By @Habtishe01

@getem
@getem
@getem
2,727
ግጥም ብቻ 📘

14 Nov, 17:02

ሰላም ይሄ ተስፋ የተጣለበት አዲስ airdrop ነው።

https://t.me/nordom_gates_bot/open?startapp=Dp2sj2

እድሎን ይሞክሩ!!
3,076
ግጥም ብቻ 📘

13 Nov, 17:47

አዲስ አበባ የምትገኙ ከ 38 - 43 አመት ያላቹ ወንዶች እና ሴቶች ለተለያዩ ማስታወቂያዎች እየመለመልን ስለሆነ በደንብ የሚታዩ ጥሩ 3 ፎቶዎችን ከስልካቹ ጋር @Ribki30 ላይ ላኩልን።

ስልክ ቁጥራችሁን መላክ አትርሱ!
4,801
ግጥም ብቻ 📘

13 Nov, 16:24

በመኖር አጸድ ውስጥ
(በእውቀቱ ስዩም)

ጊዜ ከሰው መሀል- መርጦ ሲያቀማጥል
ማጣት አለ ደሞ፥
የወለዱትን ልጅ፥ ጉድፍ ላይ የሚያስጥል
በተፈሰከ ቀን፥ ጾምን የሚያስቀጥል::

እድልና ትግል በሚጫወቱበት
በደልዳላው ስፍራ
አለቃና ጭፍራ-
-ቃል ሲለዋወጡ፥ ውልና መሀላ
“አብረን እናድጋለን” ቢባል ለይስሙላ
ወንዙን ሳያጎድል ፥ሐይቁ መች ሊሞላ፤

ጸሐይ ብትወጣ
ፍጥረት በጠቅላላው ጸጋዋን ቢቀበል
የደመናም ጠበል፥
ለሁሉ ቢደርስም
አንደኛው አያድግም፥ አንዱን ሳያከስም::

@getem
@getem
@paappii
4,798
ግጥም ብቻ 📘

12 Nov, 18:08

በቀን እንደሞትኩ...
(ሳሙኤል አለሙ)

ከአፈሩ አፈሩን ጥለነው
ከሰማዩ ሰማያቱን አልፈነው
ሄድን ሄድንና...
ከፈጣሪ የፍርድ መንበሩ ጋር ደረስን፤
ተረኛ ነበርና...
ደጃፉ ላይ ወንበር ስበን ተቀመጥን።
ተረኛ እስኪጠራ ፥ እስኪገባ ፈጣሪው ጋ
ትዝ ይለኛል ፥ ባንዲት ርዕስ ስናወጋ።

ሞትኩኝ...
የሚላስ የሚቀመስ አጥቼ
ሞትኩኝ...
"ትን" ብሎኝ ብፌ አሰናድቼ
ሞትኩኝ...
አልጋ ላይ ላመታት እንዳልነበርኩ ማቅቄ
ሞትኩኝ...
ስዝናና ውዬ ስመለስ ደክሞኝ መሪ ለቅቄ
ሞትኩኝ...
በተኛኹበት ወዳጄ ባልኩት በሰው ታንቄ
ሞትኩኝ...
ሞትኩኝ ሲሉ ፥ ኹሉ ኹሉም በየተራው
በቀኑ እንደሞተ ፥ ኹሉ ሰው ሚያወራው።

እኔ ግን...
እኔ ግን...
በቅጡ መኖሬን
በቅጡ መሞቴን ስላላወኩ
በቀኔ ሳይሆን በቀን እንደ ሞትኩ
አስታውሼ ነበር ፥ የተናገርኩ!


ሳሙኤል አለሙ
@Samuelalemuu

@getem
@getem
5,473
ግጥም ብቻ 📘

11 Nov, 10:07

( መጋረጃ ... )
==============

የልብሽ በር መስታወት ነው
ሠርክ የሚያሳይ ትላንትሽን
ዘውትር ከእርሱ እያፈጠጥሽ
አታበላሽ ተይ ነገሽን ....

አትስበሪው አትቆልፊው
ከመታገል ላይቀር ፍርጃ
ተከልለሽ ምታርፊበት
እንኪ የፍቅሬን መጋረጃ !!

By Kiyorna

@getem
@getem
@paappii
6,137
ግጥም ብቻ 📘

10 Nov, 16:01

ሰባራ ልብ

ሰባራ ልብ የፃፈው ከንቱ ግጥም
ስሜትን ሰቅዞ ባይዝም እንኳ ባይጥም
ያፍቃሪን ሰው ህይዎት ባይለውጥም
እኔ ግን እፅፋለሁ ፊደልን አያይዤ
ከተውሽኝ ቦታ ሰባራ ልቤን ይዤ

የጨረቃ የክዋክብት ድብቅ መረብ
ሰማይ ወርዶ ከምድር ጋር ቢቀራረብ
የሌት ነፋስ
ብርድና ውርጭ ገላዬ ላይ ቢረባረብ
በዶፍ ዝናብ ምድር ቢጥለቀለቅ
እኔ እንደው ከተውሽኝ ከዛ ቦታ አለቅ
ታነሽኝ እንደው መተሽ አንሽኝ
እባክሽ ከሰው አታነሽኝ
መልኬ ቢገረጣም ባንቺ ፍቅር ደዝዤ
ብዙ መንገድን በሃሳቤ ተጉዤ
እጠብቅሽ አለሁ ሰባራ ልቤን ይዤ

By @Habtishe01

@getem
@getem
@getem
7,151
ግጥም ብቻ 📘

10 Nov, 06:52

ፍቺ በቃ ህይወት  እመቤቴን
አከሰልሽው አይደል ሰውነቴን
በቃ ተዪኝ ህይወት አልሰማሽም
የ'ስካሁን ገተታው አልበቃሽም?

ይመራል ኪዲዬን እዘኚልኝ

እኔም ልቅመስ እንጂ
ከውበቱ
እኔም ልኑር እንጂ
ከድሎቱ
አግቺኝ ማርሽን
ባናት ባናት
አቱኚብኝ እንጂ
የእንጀራ እናት

አይደብርሽም ግን ላንቺ እራሱ
ቀን በቀን ፈተና መነስነሱ
ተዪው ጅራፍሽን ወዲያ ጣዪው
አንጃግራንጃ ነው አርቲቡርቲ
እኔም እንደሰዎ ተመችቶኝ
እግዚአብሄር ይመስገን  ልበል እስቲ

አቦ ተመቺኛ  የኔ ቅመም
ስህተት ሰራህ ብለሽ አታኩርፊ
ልበ ቢስነቴን እያስታወስሽ
ጥቂት ጥፋቶቼን በሼ እለፊ

እመቤቴን ህይወት
ተረጋጊ
በአመት አንዴ እንኳን
እረፍት አርጊ
የት ሄድብሻለው
ካንቺ ጉያ
እረገጥሺኝ እኮ
እንደ አህያ

እመቤቴን ህይወት ከፋኝ በጣም
አመቤቴን ህይወት ተሳቀኩኝ
ከመኖር በስተቀር ዝቅ ብዬ
ሌላ ክፉ ነገር ምን አረኩኝ

እንዴ...

ፍቺ በቃ ወደዛ  አድቢልኝ
እንዳይኮረኩመኝ እጅሽ ታኮ
ብቻዬን አንጋለሽ አትደልቂኝ
እኔም ይከፋኛል  ሰው ነኝ እኮ

እንዴ..

ተስፋ እንኳን አድዪኝ ምናለበት
ለመኖር ልጓጓ  ብማረርም
እንደ ተልባ አትውቀጭ ሙከራዬን
ትዝብት ነው ትርፉ ሞት አይቀርም!


ፍቺኝ በቃ ህይወት!

© @mikiyas_feyisa
@getem
@getem
@paappii
7,074
ግጥም ብቻ 📘

10 Nov, 06:42

ግጥም መፃፍ ምንም ነው
       በፈጠርኩት አንዳች አለም
ለደረሰብኝ ግን ግጥም ሚባል የለም

ይገርመኛል አንዳንድ ግዜ
     ግጥም ግጠም ስትይ ላንቺ
ጠንቋይ ለሱ አያውቅም ነው
             አንቺም ለኔ አትመቺ
ይገርመኛል አንዳንድ ግዜ
     እኔን ፃፈኝ ስትይ በቃል
ቃል ይከዳል
ቃል ይርቃል ለሚወዱት ይታወቃል
አንዱን ሃሳብ ለመጨበጥ
         ሃሳብ የትም ባክኖ ይቀራል
ለሚወዱት ለልብ ወዳጅ
     ግጥም መግጠም ያስቸግራል

የመውደዴን ትርጉም
በቃላት ሳልነግራት
    ታውቀዋለች ካይኔ
ግጥም ምንም ነው
ቃላት ምንም ነው
ለእንደሷና እንደኔ

አስር ብንዋደድ ብንከንፍ በፍቅር
ቃል የለኝም ላንቺ ግጥሙም ተይው ይቅር
ዝም ብዬ ልውደድ
ዝም ብዬ ላፍቅር

ገጣሚ ብባልም በሃሳብ በመስጠም
ላንቺ ሲሆን ጊዜ
ሲከብድ ግጣም መግጠም


ዮኒ
    ኣታን @yonatoz

@getem
@getem
@getem
6,689
ግጥም ብቻ 📘

08 Nov, 18:15

<<ምኗን ስመሃት ነው?>>
<<ማንም ያልነካትን ቦታ>>
<<ከአንገቷ ነው ከደረቷ?>>
<<ከምትፅፍበት ከጣቷ>>
<<እንዴት አርጓት ነበር?>>
<<ጥላኝ እስከምትበር>>
<<በል ንስሃ ግባ>>
<<አንድኛዬን...ቤቴ ስትገባ>>

ዘማርቆስ

@getem
@getem
@getem
8,121
ግጥም ብቻ 📘

07 Nov, 18:59

✨✨✨ይነጋል✨✨✨✨
በዔደን እና አየሁ ተፅፎ እንደቀረበ
@topazionnn
@getem
@getem
9,566
ግጥም ብቻ 📘

07 Nov, 13:42

ላገባሽ ነው እንዳታገቢኝ
'
'

አመጣጤ እንዳየሽው
ሚያምር መስሎሽ አትሸወጅ
ምላስ ስንት ያሳልማል
ወንድ እስኪዝ በእጅ

አልጋየ ላይ እትት ስልሽ
ስታለፊኝ ከሌት አዳር
የሴት ልብ ሞኝ ነው
ከተወራ ስለትዳር

ላግባሽ ግን አታግቢኝ
ላግባሽስ አልፈልግም
ካልጋ ቤት ካልሆን በቀር
በቀለበት አንሰርግም

/ ላገባሽ ግን አልፈልግም.../

የሴት ጫካ ገብቼ
ሳድን ሳካልል
አንቺን ድንግል ህፃን
ጣለሽ ከመሃል

እንደው ላልጋ አስቤሽ
ላግባሽ ላግባሽ ስልሽ
ጠዋት ልፈታሽ ነው
አትመኝኝ ባክሽ

አግባኝ አግባኝ አትበይ
አፈቀርኩህ ፍቅር
ምናምንቴ ትዳር ፥
ኩችኩች ሆታሄ
ምናምንቴ ቁማር ፣
እኔ አልታመንም
እሽ ካልሽ ግን
ላግባሽ ከአንሶላየ ጋር ፥

አንሶላ ውስጥ ገብተሽ
" ልስጥህ ሴትነቴን "
ጠዋት እንለያይ
መልሽ ቀለበቴን

ቢጃማ አወላልቀሽ
ፊቴ ስትቆሚ
በራቁት ሰመመን
ወንድ ልጅ ዝም ካለ
ይቅርብሽ ማመን

ማፍቀሬን ሳስመስል
አይደለም የሴት
የአጋንንት ልብ ሸውዶ ይገዛል
ተይ አትመኝኝ
ወንድ ልጅ ሲያሸንፍ
ዝምታ ያበዛል

ላገባሽ ነው አልጋዬ ውስጥ
ልጥልሽ ነው ጥሎሽ ዕንባ
ላንድ ቀን ከሆነማ
ለአንድ አዳር እንጋባ

@geez_mulat
ግዕዝ ሙላት

@getem
@getem
@paappii
10,777
ግጥም ብቻ 📘

06 Nov, 09:35

#የኔ_ሴት
.
.
.
ያየኝ የለም ቆላ አልወጣሁም ደጋ፣
አልንከራተትም የኔን ሴት ፍለጋ።
ይሁን ካለ አምላክ ከፈቀደው ጌታ፣
ያመጣት የለም ወይ ካለሁበት ቦታ።

✍️ ዓቢይ ( @abiye12 )


@getem
@getem
@getem
9,888
ግጥም ብቻ 📘

04 Nov, 19:35

።  ።  ካለሽ አለሁ።። 

አንቺ ጎኔ ካለሽ ፀሀዪ ይደምቃል፣
ፍቅርሽ ገደብ የለዉ ከፍቅርም ይልቃል።
አንቺ ጎኔ ካለሽ ጨረቃ ታንሳለች፣
ዉበቷ ያንስና ታቀረቅራለች።
አንቺ ጎኔ ካለሽ ሳቄ ይመነጫል፣
ምንም ሆነ ምንም ጥርስን ያስከፍታል።
ገነትን ሳላየዉ ገነቴ ነሽ ብልም፣
ገነት እንደሚያምር አልጠራጠርም።
የሚያስጠላዉ ነገር
አንቺ ጎኔ ካልኖርሽ ፀሀይ ትጠፋለች፣
ማማሯ ያልቅና ወዲያው ትረግፋለች።
አንቺ ጎኔ ካልኖርሽ የለችም ጨረቃ፣
አንቺን ለመፈለግ ገብታለች መሰለኝ ባሕር ዉስጥ ጠልቃ፣
   ሄዳለች ርቃ።
ገነት እንደሚያምር ባልጠራጠርም፣
አንቺ ሲኦል ካለሽ መምጣቴ አይቀርም።
ስለዚህ ፍቅርዬ
የትም ብትገቢ እንጦሮጦስ ገደል፣
ተዘጋጅቻለሁ መከራን ልቀበል።
ምንም ብትሆኚ ሁሌ አፈቅርሻለዉ፣
ገሀነብም ግቢ እኔ ካለሽ አለሁ።

ማትስ ትምህርት እየተማርኩ xን ስፈልግ የተፃፈ ግጥም
ቀን ማክሰኞ 08:00 ቀን
ማጀቢያ ሙዚቃ : አለምአየሁ ኤርጶ ( ባይተዋር )
ምንጭ : እሷ ( xን እየፈለገች )
ገጣሚ : እኔ ( ስፈልግ አንቺን አገኘዉ )
.
By @papiel

@getem
@getem
@getem
11,680
ግጥም ብቻ 📘

04 Nov, 10:22

የመስቀል ወፍ ቢልኳትም
መናፈቅን አታወጣው
መልስ ቶሎ እየተባለች
አክርማ ነው 'ምታመጣው

ዘማርቆስ

@getem
@getem
@getem
10,096
ግጥም ብቻ 📘

04 Nov, 07:41

አዲስ አበባ የምትገኙ ወላጆች ለተለያዩ ትምህርታዊ ማስታወቂያዎች ከ14-17 አመት ያሉ ወንድ ልጆችን እየመለመልን ስለሆነ በደንብ የሚታዩ ጥሩ 3 ፎቶዎችን ከስልካቹ ጋር @Ribki30 ላይ ላኩልን።
2,083
ግጥም ብቻ 📘

03 Nov, 19:24

, ጥላ ነው አመልሽ

ሰማይ አንቃሮ የሚያዬው
መቼም ሳይደክመው አንገቴን
ኮከብ መቁጠሬን አልተውም
እንጨት ሰብሬ ጎጆ መስራቴን

ኖረሽ ሳትጠቅሚ ለሀገር
እኛም ሳናውቀው ሞተሽ
ተናገርሽ አሉ እጅ አውጥተሽ
ከመቃብር ላይ ዎተሽ
እሳር ቅጠል ሆኖ አንቺ እንደው ዘመድሽ
የኔ አዘን የኔ እንባ የኔ ሞት አይገድሽ
አንቺ እንደው መባከን ነው ድልሽ
አንቺ እንደው ጥላ ነው አመልሽ

ጥላ የዛፍ ጥላ የቤት ጥላ የቆጥ ጥላ
ከጨረቃ
ከኩቫኩብት ከፀሀይ ብርሃን ጋር የሚጣላ
ክፉ አመልሽ ጠዋት ታይቶ ማታ ጠፊ
ሲናገሩሽ ተሎ አኩራፊ ታዳሚሽን ገራፊ
ደጋፊና መራጭሽን ሆነሽ ገፊ
ታዲያ ለዚህ ሁሉ ወዳጅሽ ሳጠቅሚው
በምን አቅምሽ ነው
ከጥበብ ጋር ግብግብ የምትገጥሚው
ከሞትሽበት ከመቃብር ገና ዎተሽ
በጥላቻ ከፈታሻት ሚስትሽ ገና ታርቀሽ
ይልቅ ክፉ ጥላ አመልሽ
ጠልፎ እንዳይጥልሽ

By @Habtishe01

@getem
@getem
@getem
11,669
ግጥም ብቻ 📘

03 Nov, 19:04

እግዜር ግን ታያለህ?
እሷ እኛን ለመርዳት
መፈሸን ሳያምራት
በረዣዥም ቀሚስ ፣ እግሯን ብትሸፈን
ፀጉሯን በቀይ ሻሽ ፣ አግታ ብታፍን ፤
ብትመጥን ፣ ሳቋን
ብትሰበስብ ፣ ጣቷን
ብትሸሽ ፣ ብትሰወር
ቀን ባትወጣ ሰፈር
እኛን ላለመጣል
በውበቷ ዘገር …
ብትለፋ ብ’ተጋ
ለነፍሳችን ዋጋ
ከፈጠርካት ኋላ
ከስማም እንድታምር
ተሰናክለን ቀረን…
እሷ ምንም ብ’ጥር።

፡
በማን ልትፈርድ ይሆን?

(ሚካኤል አ)

@getem
@getem
@getem
9,851
ግጥም ብቻ 📘

03 Nov, 09:41

አዲስ አበባ የምትገኙ በፅዳት የተያዘ ቆንጆ ቤት ያላቹ ለተለያዩ ማስታወቂያዎች ቤቶችን እያየን ስለሆነ የኪችን የሳሎን እና የመኝታ ቤት በደንብ የሚታዩ ጥሩ ፎቶዎችን ከእያንዳንዱ 3 ከስልካቹ ጋር @Ribki30 ላይ ላኩልን።
6,929
ግጥም ብቻ 📘

03 Nov, 09:07

የዘዉትር ምኞቴ
.
.
.
ከምድር ርቆ፤
በሰማይ መንሳፈፍ፤
ከምርምር ረቆ፤
በደስታ መሰለፍ።

ችግር ግሳንግሱን፤
ከመሬት ወርዉሮ፤
ጭንቅና ህመሙን፤
ስቃዩን አባርሮ፤

ከወፎች ዝማሬ፤
በጋራ መቋደስ፤
በምናብ ሀገሬ፤
ተፈጥሮን ማወደስ።
.........................................
በዔደን ታደሰ እንደተፃፈ
@ediwub
@getem
@getem
@getem
8,278
ግጥም ብቻ 📘

03 Nov, 04:57

ጓደኝነት ይዞኝ
ቃል ሆኖኝ ሰንሰለት
እንዴት እንደሚከብድ አፈቀርኩሽ ማለት!

እፈራለሁ እንዳልነገርሽ የውስጤን ውስጥ ጉዳጉዱን
እንዳትርቅህ የሚል ሃሳብ አሳሰበኝ እግዞ ስንቱን
ይበላኛል ንዴት ስሬን
አይታከክ እንዳላከው
ምን ስትይኝ ፈዛዛ ሆንኩ
ንፁህ ልቤን የባረከው
እቀናለሁ ሳይሽ ደግሞ
ሆኖ አንገትሽ ሌላ ዘንዳ
እህትህ ናት ይላል ልቤ
አካል ስጋ ሆኖ ባዳ
ጉደኛ ነኝ ኧረ እኔማ
ጉዴ ገና ያላለቀ
ጓደኛ ነን በሚል ሰበብ
እሳት ፍቅሬ ያልተወቀ
አልታጠኩም የድፍረት ሻሽ
ለመናገር የፍቅሬን ቃል
ይነደዋል የዋህ ሆዴ
ጥርሴ ደግሞ ስንቴ ይስቃል
ሲያወሩሽ ባያቸው እንደው የድንገቱን
    አሳሰበኝ እግዚኦ ስንቱን።

ጓደኝነት ይዞኝ
ቃል ሆኖኝ ሰንሰለት
እንዴት እንደሚከብድ አፈቀርኩሽ ማለት!

ዮኒ
    ኣታን @yonatoz

@getem
@getem
@getem
8,016
ግጥም ብቻ 📘

02 Nov, 18:43

, ፍልቅልቅ

ለጋው ሽንጥሽ ጯርቃ እጆችሽ
ጣፋጭ ማዛ ውብ ጠረንሽ ጨዋታዎችሽ
የልጅነት ፍልቅልቅ ጥርስና አይኖችሽ

አሁንማ ተቀይረው ጎልማሳ ሆነው
በቨሰለ ድርብ ስጋ ተሸፍነው ተከድነው
እንደድሮው ባይታዪም ከሩቅ ገነው
ብቻ ግን ባዬኋቼው ዳግመኛ የኔ ሆነው

መቼም እኔ ጭቀቴ ሀሳቤ ብዙ
ያባክነኛል ያንቺ ፍቅር መዘዙ

ማዕበል ፍቅርሽ ከልቤ ላይ ቋያ ፈጥሮ
ህዋሳቴን ያናውጣል እስትፋሴን ተቆጣጥሮ
ውብ ቀለምሽ ጣፋጭ ማዛሽ ጎልቶ ነጥሮ
ዳንኩኝ ስል ይገለኛል ይጥለኛል አሽቀጥሮ

By @Habtishe01

@getem
@getem
@getem
7,424
ግጥም ብቻ 📘

02 Nov, 18:21

ለሀሳቤ ረሀብ
ነሽ ጥም
ቀን ከሌት ባስብሽም
አላስታግስ
አልረካሽም


ሌት ነሽ ብርሀናማ
ሲነጋጋ
ወይ ሲጨልም
መልክሽ መንታ
ሆኖ አይለይም ።






አለሽኝ እያልኩ እያለ
ደሞ የሄድሽ ይመስለኝና
ህልም ነው ብዬ እንደመባነን
ከሀሳብ እንደመንቃት እልና

ሌላ ህልም

ሌላ ሀሳብ
.
.
.
.
.
.
.
ምክያስ አለምሰገድ (mik)

@getem
@getem
@getem
7,427
ግጥም ብቻ 📘

02 Nov, 06:57

ማሰብ ከሌለበት ፥
ዓለም እስኪበተን ፣
መሰብሰብ እስኪገባን ፥
በደንብ እንበተን ፣

@geez_mulat
ግዕዝ ሙላት

@getem
@getem
@paappii
7,720
ግጥም ብቻ 📘

01 Nov, 14:16

እግዜር ግን ታያለህ
እውነት አይን አለህ

እግዜር ታደምጣለህ
እውነት ጆሮ አለህ

እስኪ አይን ካለህ...
ተመልከት ተመልከት ያለብንን ዕዳ
እውነት ካደመጥክስ የለቅሶውን ፍዳ
እንዴት አታዝንም ወይ?
......ሀገር...... እንዲ ታርዳ ?
.
.
@geez_mulat
ግዕዝ ሙላት

@getem
@getem
@paappii
8,633
ግጥም ብቻ 📘

31 Oct, 09:39

አንቺን ነበር የፈለኩት
ላንቺ ነበር የተሳልኩት

ወይ አለችኝ ህልም ብላ
ጋኔል አለች ጨለም ብላ
መቼ ሰማች ወይብላ

የጠራናት ከአመት ቁስል
ሞተን ቆየን መጣሁ ስትል

ደከምኩኝ እስካለሽ
ተብከነከንኩ በየአፍ
ይቅናህ በይኝ እንዳገኝሽ
አልደረስኩም ስንቱን ባልፍ

ደሜን ማነው ያባከነው
ሞቴን ብቻ ሚመነዝር
አንቺን ከእኔ እያራቁ
ቃሉን ደግመው የሚያሰምር
ማነው አንቺን የሚያፈቅር ?
ማነው አንቺን አምኖ ሚያድር
ማነው ላንቺ የሚሰክር ?

ከእኔ ብቻ ዕንባ ዕንባ
ከእኔ ሌላ ህመም አለ?
ወይ'ብላም አጠራኝም
ኮሶ ብቻ መድን ካለ

ኑሮሽን እንድሸከም
ወንድሞቼን ፈለኳቸው
ተከዜ ላይ ጎርፉን ሆነው
ወድቀው ነው ያየኋቸው

ሶስት አይን ጥቁር ያላት
ሀዘን ጫንቃ የበዛባት
ይቺ ሀገር ሀገር ሳትሆን
የሲኦል በር ማለፊያ ናት !

@geez_mulat
ግዕዝ ሙላት

@getem
@getem
@getem
9,326
ግጥም ብቻ 📘

31 Oct, 08:38

ገነቴ
የልጅነቴ
ደስ የምትለኝ ፍርሃቴ
የምታሳደኝ ልክፍቴ
ገነቴ የኔዋ ገነት
የሰፈራችን እመቤት
አባዬ
ሊገርፈኝ
ለበጥ
ሲቆርጥ
በርሬ ወደ'ሷ ምሮጥ ።
በቀሚሷ የምትሸሽገኝ
በእቅፏ የምትከልለኝ
«በሞቴ» እያለች «በሞቴ»
ገነቴ
የልጅነቴ
እንደ ጥላ
እንደ ቡችላ
የማልጠፋ ከኋላዋ
«ማነው ?» «ምንሽ ነው ?» ሲሏት
ገልመጥ አድርጋኝ በኩራት
«ባሌ ነው» ምትል «የኔ ባል»
ያውም በሰዎች መሐል !
ድንብር - ድንብርብር ብዬ
ሮጬ የምሸሸጋት
ተሸሽጌ የምፈልጋት
እየወደድኩ የምሰጋት
ገነቴ
የልጅነቴ
የምታሳደኝ ልክፍቴ
የሆነ 'ለት
አንድ ጠዋት
ካለች ብዬ
እንደ ሁልጊዜዬ
( ሳላንኳኳ )
በሩን ከፈትኩ - የቤቷን
አየሁት - ጡቷን ክፍተቷን
ደንግጬ ሮጥኩኝ ወደ ቤቴ ...
ከዚያማ ...
ከዚያ ኋላማ ገነቴ
ገነቴ የልጅነቴ
እንደ ምትሃት
እንደ አስማት
ሐኪም የማያውቃት
ቃልቻ ዱዓ ያላስለቀቃት
ሳልወድ የግዴን የምታመናት
የሌት አድባሬ ፥ የህልሜ ዛር ናት ።

By Habtamu Hadera

@getem
@getem
@paappii
7,637
ግጥም ብቻ 📘

29 Oct, 14:23

የቱ ጋር መሰለህ…
(ሚካኤል አ)

መባቻ ጅምርህ
የነፍስህ ድባቴ
ውድቀት እንግልትህ
ያኔ …
ባሽትሪ መያዣ ፣ በሲጋራ ብናኝ
በርጋፊ ቅጠል ፣ ድባቧ የሚቃኝ
በዛች ጠባብ ክፍል
ምጥን መሰብሰቢያ
ዙሪያህን ሰው ሞልቶህ
ቀንህን ማጣፊያ
ለአፕላይ ግብዣ የተዘረጋች ጣት
በሚግተለተል ጢስ ፣ ሰንቃልህ እሳት
እሷን ለመቀበል ስትፈግግ ባ’ክብሮት
የሰበብ አስባብ ጢስ
ቀረ ቤትህን ወርሶት።
፡
የቱ ጋር መሰለህ?
፡
በቀይ መብራት ፍካት
በቅልቅል ሽቶ አዲስ አይነት ክርፋት
በጭላጭ ብርጭቆ ተላኮበት ድራፍት
ከስፒከር ማህፀን ሙዚቃ ተለቆ
ጭፈራ እና ዳንሱ አንድ ላይ ተዛንቆ
የቀይ ሴትን ታፋ ዓይንህ በስስ ሰርቆ
በምራቅህ ድርቀት ጉሮሮህ ተጨንቆ
ጠቅሰህ ስትጠራት
ያቺን የሞት ብልቃጥ
ከባቷ ፈልቅቀህ ዕፅዋን ስትቀምሳት
በገላህ ፍሰሀ መቅደስህን ናድካት ።
፡
የቱ ጋር መሰለህ?
፡
የልጅነት ልምድህ
ከሰንበት ቤት ገዳም
ምልልስ ብርታትህ
በዋዛ ሲቀየር
የያሬዱ ወረብ
በእስክስታ ሲዛወር
ስትዘነጋ ፀሎት
ሳይንስ ከእምነት ልቆት
ኒቼ ቦታ ሲወርስ የየኔታን መንበር
የነፍስህ ቁዘማ መንደርደሪያ ነበር።
፡
ትዝ አለህ?
፡
ዘር መራጭ ስትሆን
የደም ሴል መንጣሪ
ጆሮህ ዳባ ሲለብስ
ለፍጥረት እንግልት
ለህፃናት ጥሪ…
መንገድህ ሲሳለጥ
በ V 8 መኪና
ዝርግ አስፓልት ሲመስልህ
ጉርብጥብጥ ጎዳና ፤
ስቆልኛል ስትል ጥርሱን የነከሰ
እንባው አንሸራሽሮህ ጌታ ዘንድ ደረሰ።
፡
ያን ጊዜ ተከፋህ!
፡
ጥሬ እየቆረጥክ ሆድህ ሲመረመር
እስቲም ሳውና ገብተህ ፊትህ ሲጭበረበር
በድሎትህ መኃል
ገላን የሚያኮስስ የእሾህ ስንጥር ነበር።
፡
ትዝ አለህ?
፡
መኝታህ በምቾት ተሞልቶ በአጀብ
እንቅልፍህ ሲናጠብ?
፡
ትዝ አለህ?
፡
በውድ ቀለም ቤቶች ልጆችህ ሲማሩ
ከግብረገብ ታዛ ተናንሰው ሲቀሩ?
፡
ትዝ አለህ?
፡
የጉያህ መልካም ሴት
የአጥንትህ ፍላጭ
‘አሁን ከምን ጊዜው
ሆነችብኝ ምላጭ? ‘
ብለህ ስትቆዝም … ?
፡
እንዲያ ነው አይዋ…
ግፍ ፅዋው ሲሞላ
በትሩን አይመርጥም።
፡
ትዝ አለህ?
ታወሰህ?
የቱ ጋር መሰለህ?
የተፈታው ውሉ
የጎደልክ ከሙሉ
‘ኧረ ስከን’ ሲሉ
ከዕድሜ የተማሩ
የጋሽ ውቤን ምክር
የእመት ጉሌን ዝክር
ረግጠህ ስትበር…
ስትሻገር ፣ ስጥስ
የምስኪናን ድንበር
የዛሬ ውድቀትህ ፣ በግጥም ሊነገር
ክንፍህ የተመታው ይሄን ጊዜ ነበር።
ትዝ አለህ?
፡
አዎን እሱ ጋር ነው!

@getem
@getem
@getem
8,772
ግጥም ብቻ 📘

29 Oct, 06:57

ኧረ ወገን
እየሰራን Major ሌላ ታሪክ ነው ይዞ እየመጣ ያለው!!

https://t.me/major/start?startapp=454803628
8,622
ግጥም ብቻ 📘

29 Oct, 06:24

, አሻጋሪ እና ተሻጋሪ

አሻጋሪው ከፊት ቆሞ ፎቶ ይነሳል
ተሻጋሪው ከኋላ ቆሞ ይተኩሳል
አሻጋሪው አምሮ ተሞሽሮ ይደንሳል
ተሻጋሪው ፅልመት ለብሶ ያለቅሳል
አሻጋሪው ምድርን ጭሮ ይቆፍራል
ተሻጋሪው ዘመድ አዝማ እያነባ ይቀበራል
አሻጋሪው ላገር ፈጠርኩ ያለው ልማት
ተሻጋሪው የቁም ፍርጃ ሆነበት ማት
ላንድም ቀን እርቅ ሳይፈጥሩ ሲገዳደሉ
አንድ ቀን ወደሰማይ አብረው ይሄዳሉ

By @Habtishe01

@getem
@getem
@getem
9,293
ግጥም ብቻ 📘

28 Oct, 19:12

አፌ ቃላት ቢያጣ:
ልቤ ቢመኝሽም:
ሌላ ሰው ጋር ሆነሽ
ዳግም ቢያስብሽም:
    አልተቀየምኩሽም።

አልተቀየምኩሽም አፍቅሪ ሌላ ሰዉ:
ብጎዳም ግድ የለኝ ህጉንም
ብጥሰው ።
ደፍሬ ተጨንቄ አስቤ ቃል መርጬ ፣
አይንሽን ልክ እንዳየዉ ተመለስኩ ፍቅሬን ዉጬ።
ልነግርሽ ያሰብኩትን የፍቅሬን ፍቅር ቃላት ፣
እንዳየሁሽ ተዘጋብኝ ፣
ሰማይ ምድሩ ተናጋብኝ።
ልሳኔ ወዴት ገባ እንዲያ እንዳለፈለፈ ፣
አይንሽን እንዳየ የት ጥሎኝ አለፈ።
እረ በየት በኩል የቱስ ባህር ዋጠዉ ፣
አንዴ ተናግሮልኝ የትም ወንዝ ያስምጠዉ።


By @Papiel16

@getem
@getem
@getem
8,352
ግጥም ብቻ 📘

28 Oct, 16:35

አዲስ አበባ የምትገኙ በፅዳት የተያዘ ቆንጆ ቤት ያላቹ ለተለያዩ ማስታወቂያዎች ቤቶችን እያየን ስለሆነ የኪችን የሳሎን እና የመኝታ ቤት በደንብ የሚታዩ ጥሩ ፎቶዎችን ከእያንዳንዱ 3 ከስልካቹ ጋር @Ribki30 ላይ ላኩልን።
7,357
ግጥም ብቻ 📘

28 Oct, 07:04

በማስመጥ ልምድሽ እየደለልሽው
ልቤን ምንጭ ውሃ የምታደርጊው
አትሽኮርመሚ ባይሆን ላግዝሽ
ምን አይነት ባል ነው የምትፈልጊው?

እንደኔው አይነት?
ግን ደግሞ ሀብታም
አባካኝ ይሁን ወይስ ስስታም ?
አለባበሱስ
መልኩስ
ቁመቱስ
እንደኔው ይሁን ቁርጥ እራሴን
ሱሪዬን ወስዶ ይቀይር ኪሴን?

እሺ ፀባዩስ?
አሁንም የኔው ተጫዋች ፍቅር
ሁሉንም ይውረስ?  የትኛው ይቅር?
አንዳንዱ ማለት  መሳቅ ማበዴ
ተዛዝሎ መሮጥ የደሃ ቀልዴ?

አዪዪዪዪ ..
አትማይ
አልፈርድብሽም ትተሽ ስለሄድሽ
ስልጣን ገንዘቡ ስለማረከሽ
ቅንጡ ቤቱ ድር ሲያደራበት
በእኔ ኪራይ ቤት ምን አሳከከሽ

ሚሉሽን ተዪ
ከመውደድ በላይ ምቾት ይበልጣል
ኑሮ ካማረ ፍቅር እራሱ
ሲያድር ይመጣል

ጥሩ ነው ያረግሽው
ምን አንጓተተሽ መጥቶ ላይጠቅም
መያዝ ነው እንጂ
ጊዜያዊ ስሜት  አያዛልቅም።

ይኸውልሽ ውዴ
ወንድ ባዳ ነው አስር ይወዳል
ብትወጂው እንኳን
ያለፈለት ለት  ትቶሽ ይሄዳል።
ወጣት አትመኝ
ወርቅ ልብሽን የትም አታስጪ
ቦርኮ አይጠቅምሽም
ለልጅሽ ስትይ ያለው ምረጪ

ትተሺኝ ሂጂ
አምነሽ ቁረጪ ልብሽ ቢፈራም
እስከምታረጅ
ፍቅር ህልም እንጂ ጎጆ አይሰራም።

የኔ ውብ አለም
የኔ ተወዳጅ
ልቤን ዶግ አመድ የምታደርጊው
አንቺ አትልፊ  እኔው ልዳርሽ
ምን አይነት ባል ነው የምትፈልጊው?

© @mikiyas_feyisa
@getem
@getem
@paappii
8,449
ግጥም ብቻ 📘

27 Oct, 11:53

, የታለች ሄዋኔ

ከእግራ ጎኔ ላይ ቆርሰኸ የፈጠርካት
የህይዎቴን አጋር ለኔ ያስቀመጥካት
ንገረኝ አምላኬ የት ነው የደበካት
የታለች ሄዋኔ መቼስ ይሆን ወደኔ ምትልካት

ስጋዬን እንዳላሰክስ ከማትሆነኝ ሄዋን
እስክሰጠኝ ቼኮልኩ አምላክ የኔን ሄዋን
ፍቅሯን ተጠማኋት ናፈኩት ገላዋን

መቼስ ለእኔ ብለህ እግዚሔር ከዋልክልኝ
ፀሎቴንም ሰምተክ ፈቃድህ ከሆነልኝ
አደራ ሄዋኔን እስከክብሯ ላክልኝ።

By @Habtishe01

@getem
@getem
@getem
8,830
ግጥም ብቻ 📘

26 Oct, 07:01

የሙህር አፍቃሪ


የሙህር አፍቃሪ በፍቅር የተቀጣ
በቆንጆ ልጅ ውበት
ጥበቡን ተነጥቆ እሱነቱን ያጣ
ሀሳብ በመወጠን ሲያወርድ ሲያወጣ

ኩርምት ባለ አንጀቱ ተጠብሶ እየሳቀ
ከለታት አንድ ቀን እንዲህ ሲል ጠየቀ
ከእግዚሔር የተሰጠኝ ጥበብና እውቀቴ
ፍቅርን የሳልኩበት የታል ወረቀቴ
እያለ ዘመኑን ይገፋል
እንባውን አፍስሶ እንደ ውሃ ያጎርፋል
ፍቅርን እየሳለ ውበትን ይፅፋል
ይፅፋል ይፅፋል ይፅፋል ይፅፋል
ስንቱ የጥበብ ንጉስ ምሁር እንዳልነበረ
የማይገባውን ሰው እያፈቀረ
የጎዳና ፃፊ አፍቃሪ ሆኖ ቀረ።

By @Habtishe01

@getem
@getem
@paappii
4,098
ግጥም ብቻ 📘

26 Oct, 06:16

@getem
@getem
@getem

By fiyameta
3,649
ግጥም ብቻ 📘

25 Oct, 17:08

ጨረቃ


ነፋሱ ይነፍሳል
ውርጩ ይጋረፋል
አራዊት ይጋፋል
ሰካራም ይዘፍናል
ጨለማውም ገኗል


ፍቅርሽ ነው የጎዳኝ
በሌት እያዜምኩት
ቀጠሮ ይዤ ነው
ደጅ የተቀመጥኩት
ከጨረቃ ጋራ
የሆዴን ላወራት
ህመሜን ልነግራት

እንዴትነሽ ጨረቃ አንቺ እንደምን አለሽ
ለኔ አትታይኝም ምን ነው የከለለሽ
ምነዋ ጨረቃ ለኔ የለግምሽው
ፍርሀቴን እያወቅሽው
ለጥቁሩ ጨለማ ቦታ የለቀቅሽው
ምነዋ ጨረቃ
ቀረሽ በፈረቃ

ህልቆ መሳፍርቱ
ቢከትም ከቤቱ
እዬጠበኩሽ ነው ልቤን አምነዋለሁ
ታረፍጃለሽ እንጂ አትቀሪም አውቃለሁ

አትቅሪ ጨረቃ

By Kerim

@getem
@getem
@paappii
4,458
ግጥም ብቻ 📘

25 Oct, 17:07

( እያጠፉ ማረኝ ... )
==============

አምላኬ ...
ልቤ ከመንፈስህ
በቅጽበት ሲለያይ በቅጽበት ሲገጥም
ዘፈኔን ሳልጨርስ ትዝ ይለኛል ወረብ
የአባቶቼ ጥምጥም .....

ዘርፌ ስመለስ ፊትህ ተንበርክኬ
ለጉድ አነባለሁ
ዘሙቼ ሳበቃ በኃጢአት አልጋዬ
ጸጸት እጀምራለሁ
ብቻ ትቼሀለሁ ብቻ አልተውኩህም
ህግህን አፍርሼም ትናፍቀኛለህ
ልቤ አይረሳህም ....

እንጃ ለሰው ጆሮ
ነገር አኳኋኔ ቢጥምም ባይጥምም
በሞትክበት ቅጽበት ላዳንከኝ ደግ አባት
በበደሌ ቅጽበት ማረኝን አልተውም !!

@Kiyorna

@getem
@getem
@paappii
3,792
ግጥም ብቻ 📘

25 Oct, 15:02

, ( እንኳንም አወኩሽ )

እንኳንም አወኩሽ እንኳን አፈቀርኩሽ
ፀንተሽ ባትገኝም ፀንቼ እንዳመንኩሽ
እንኳንም አወኩሽ እንኳን አፈቀርኩሽ

አንቺን አቶ መኖር ህይዎት ቢከብደኝም
ለፍቅርሽ ታምኘ መሞቴ አልከፋኝም
አንቺ ግን ጨካኝ ነሽ
ሙት ብለሽ ገለሽኝ ግን አልቀበርሽኝም
ፍቅርሽ ማዕበል ሰርቶ ቢፈጀኝ እንደፍም
ለደስታሽ እዬኖርኩ ደስታሽን አልነቅፍም

እንኳን ጥለሽኝ ሄድሽ ከወደድሽው ጋራ
እንኳን ጥለሽኝ ሄድሽ ካፈቀርሽው ጋራ
እኔ እንደው
በደስታሽ እኖራለሁ ናፍቆትሽን ስጋራ
አዬሽ የከዳን መርቆ ሸኝቶ ሚናፍቅ
የእኔ አይነቱ አፍቃሪ የት ይገኛል ቢጠበቅ

By @Habtishe01

@getem
@getem
@getem
4,059
ግጥም ብቻ 📘

25 Oct, 09:08

አዲስ አበባ የምትገኙ ብቻ ከትምህርት ጋር የተገናኙ ማስታወቂያዎችን ለመስራት ከ10-15 አመት ያሉ ሴት እና ወንድ ካስቶች እየመለመልን ስለሆነ 3 የተለያዩ ፎቶዎችን ወላጆች ከስልካቹ ጋር @Ribki30 ላይ ላኩልን።
4,389
ግጥም ብቻ 📘

24 Oct, 17:13

የአንቺ ፍቅር ግራ የኔ ደሞ መሀል ፣
አንቺ እንድታምኚኝ በ44ቱ መማል።
ሆኖብኝ ፍቅርሽ የህልም ዉብ አዳራሽ ፣
መነሻ የሌለዉ ያላገኘ ደራሽ።
አንቺ አንድ አይነት ሰዉ ማትለዋወጪ፣
እኔ በአንቺ ፍቅር ፀባዮቼን ቀጪ።
ወይ የአንቺ አልሆንኩ ወይ የሌላ ሰው፣
በልቤ ይዤልሽ በዉሸት ልካሰዉ።



አንቺ ስትወጪ በብሶት የተገጠመ
ቀን ሰኞ 05:10 ሌሊት
ማጀቢያ ሙዚቃ : ልዑል ሲሳይ (አልጠላሽ)
ምንጭ:(እሷ)(ለዘላለም ተፈቃሪ)
ገጣሚ: እኔ (ለጊዜዉ አፍቃሪ)

Papiel16

@getem
@getem
@getem
5,362
ግጥም ብቻ 📘

24 Oct, 12:40

ሲኖር የሚገርመኝ
አይደለም እንደ ሟች
ይሄ ሁሉ ተጓዥ ፣ ይሄ ሁሉ ዘማች ፤
ሁሉም ጥሬ አሳሽ ፣ ስብስብ ነው የዶሮ
አነር ያድነዋል ፣ እንደ ዱር መንጥሮ።
ከስብስቡ መኃል ፣ ባለቀን ሲነጠቅ
ሌላው ዶሮ ይጮኃል ፣ ፈርቶ በመሳቀቅ።
ሲሞላ ግን አፍታ
እየው አበክረህ
ወንድሙን የሸኘ
ያን አልቃሻ ዶሮ
ጥሬ ይናጠቃል
ዛሬም እንደ ዱሮ።
አይገርምም ?
አይደንቅም?
የሞት ማግስት ወጉ
አነርን ይረሳል የዶሮ ዝንጉ።
🐓

(ሚካኤል አ)

@getem
@getem
@getem
5,300
ግጥም ብቻ 📘

23 Oct, 19:25

ለግጥም አፍቃሪያ በሙሉ:-

የፊታችን ቅዳሜ አራት ኪሎ በሚገኘው በ #ዋልያ_መፅሃፍ_መደብር የ50ገጣሚያን ስራ የሆነው #ክንፋም_ከዋክብት የተባለው የግጥም መድብል ይመረቃል። እናም የለቱ ለት በ10 ሰአት ላይ በአካል በመገኛት ቀኖትን ያሳምሩ!!


@getem
@getem
5,841
ግጥም ብቻ 📘

23 Oct, 19:24

ያየህ ሰዉ በሙሉ ብርቱ ነዉ ይልሀል
ስትደክም አያዉቁህም በደጉ ያሙሀል

ታለቅሳለህ አይደል ትደክማለህ አይደል
ይርብሀል ይጠማሀል አይደል?

አንተም እንደሰዉ ተሰብረህ ተከፍተህ ታዉቃለህ አይደለ?

እንዴት አወክበት ........
እያነቡ እስክስታ
ማነዉ ያስተማረህ......
ስቆ ማለፍ
አይቶ መተዉ
ተማሮ ማመስገን
ተዳክሞ መጀገን

ማን😊

💕ትዝታ ወልዴ(@Tizita21)

@getem
@getem
5,473
ግጥም ብቻ 📘

21 Oct, 19:25

ጠያቂ
👇
ካየ ወዲያ በዓይኑ
እጣ ሲጣጣሉ
በልብስ ፣ በከፈኑ
ኢየሱስ ላይ ጅራፍ
እየሱስ ላይ በትር
ሳቁን ነጠቁበት
የዛን ደቀ መዝሙር።
ከፍቶት ቆየ ዘመን
በእንባና በሀዘን…
ቆየ ሳይገልጥ ከንፈር
ኑሮው ሲመረመር
ከዛች ቀን በቀር…
ያ ምስኪን ሙሽራ
በኗሪነት ተስፋ
የሰርጉን አልባሳት
ሸማውን ሊያሰፋ
በገቢያ ፣ እስኪያው
መቼ ነው ዮሀንስ
ትንሽ የፈገገው?

መላሽ
👇
ትንሽ ከንፈር መግለጥ
የፊት ገፅ መለወጥ
መስሎን እንጂ መሳቅ
የሀዘንን ቅኔ
ከቶ ስለማናውቅ
በዚህ በከተማ
በዚህ በትርምስ
በሰው ነጭ ግብስብስ
ነገን አለሁ ብሎ ፣ በሚኳትነው
ስንቱ ሞት መልዓክ ነው
ትንሽ ፈገግ ብሎ
በሳቅ የሚያለቅሰው!

(ሚካኤል አ)

@getem
@getem
@getem
7,213
ግጥም ብቻ 📘

21 Oct, 19:12

, ፃዲቅ መሳይ

ነጠላ ለባሽ ፃዲቅ መሳይ
ውብ ሸጋ ልጅ አምሮባት ሳይ
ድንገት ተንደርድሬ ተጠጋኋት
ትኩር ብዬ ደግሞ አዬኋት
አዬኋት አው አዬኋት
ድብቅ ሚስጥር የልቤን በር ከፈትኩላት
ትገባ እንደው ብዬም ፈቀድኩላት
ልቧን ሳላውቅ ከሷስ ሌላ አለም ይብቃኝ
እያልኩ አወራለሁ መስሎኝ ልፅድቅ ምታበቃኝ
ፃዲቅ ያልኳት ለነብሴ የምትሆን
እንኳን ለኔ ለራሷም ሳትሆን
ነጠላ ለባሽ ፃዲቅ መሳይ ያረባች
ለራሷም ሳትሆን እኔን ይዛኝ ሲኦል ገባች

By @Habtishe01

@getem
@getem
@paappii
6,638
ግጥም ብቻ 📘

19 Oct, 07:10

እንቆቅልሽ ?
ምን አውቅልሽ
ድንግል ልጅ አገርድ ሁለት ልጆች ያሏት
አንድኛው ሲገላት ሌላው የሚሞትላት
ይቺ ምስኪን እናት መልስልኝ ማናት
ብለሽ ስጠይቂኝ
ምናውቅልሽ ስልሽ ሀገር ስጠኝ ያልሽኝ
ሁሉ በእጄ ብለሽ መልኳን ያጠፋሽው
የዝች እናት ሀገር
ግማሽ ገፅታ ነኝ ገለሽ የቀበርሽው

   By ዮም ብዕር

@getem
@getem
@getem
9,406
ግጥም ብቻ 📘

19 Oct, 07:02

የት ልንደርስ?
(ሳሙኤል አለሙ)

[እ--ወ--ድ--ሃ--ለ--ው
እ--ወ--ድ--ሻ--ለ--ው]
ባንዲት መኺና ፥ ሞልተው ሊሳፈሩ
መልዕክት መጣና
ተቀጣጠሩ።

እንደ ደረሱ...
ከአፍ መናኸሪያ ፥ ወደ ልብ ሊጓዙ
ለጉዞኣቸው መዳረሻ
ቆሎውን ኩኪሱን ገዙ።

ሊሞላ...ሊሞላ...ሊሞላ
ሊሞላ ሲል
አንተ ነ-ሃ
አንቺ ነ-ሻ
በመሃል ስንባባል
ለካስ ቃል ይደነግጣል።

ይኸው እያቸው...
የሞላውን ትተው ፥ በኔና ባንቺ ኩርፊያ
ይኸው እያቸው...
ወደ መጡበት ፥ ሊመለሱ በጥድፊያ
ይኸው እያቸው...
የጋራ ቃላችንን
ነጥለን ስናሳፍራቸው።

[እ]--[ወ]--[ድ]--ሻ--[ለ]--[ው]
--- --- --- --- --- --- ---
[እ]--[ወ]--[ድ]--ሃ--[ለ]---[ው]

#ሳሙኤል_አለሙ
@Samuelalemuu


@getem
@getem
8,542
ግጥም ብቻ 📘

18 Oct, 20:39

ደብተራ የዘወረበት
ከጠንቋይ የተዋለበት
ሰንካላ መዉደድ ታቅፎ
ተፈጥሮን ከነፍሱ ፍቆ

አለት ልቤ ያልኩትን ፍቅሩ መቶ ደወረዉ
ሴጣን ለርሱ ሳያስቀር እንዴት በሙሉ ቸረዉ?
ይህን ያህል መዉደድ እሱን ከየት አምጥቶ ተማረዉ?

💕ትዝታ ወልዴ(@Tizita21)

@getem
@getem
7,891
ግጥም ብቻ 📘

17 Oct, 17:32

የተሸጡ እውነቶች
____^____


ኧረ ተይ ሀገሬ፣ ኧረ ተይ ኧረ ተይ
ፀሐይሽን ከድተሽ ጨረቃ አትከተይ።
እስኪ ተመልከቺ...
መድኃኒት ውጬ ሞትኩ - መርዝ ወግተውኝ ነቃሁ፣
ስጨርስ ጀመርኩኝ - ስጀምር አበቃሁ፣
ቁልቢ ተገኘ ቋራ ያስቀመጥኩት
አራምባ ላይ ታየ፣ ቆቦ ላይ ነው ያልኩት
ጣዝማ ማር ቀምሼ፣ መረረኝ እንደ ሬት
እንዲህ ነው የሚሆን፣ እውነቶቿን ሽጣ በከበረች መሬት።


___^___

- ደሱ ፍቅርኤል፣
ተይው ፖለቲካን...


@getem
@getem
@paappii
9,195
ግጥም ብቻ 📘

17 Oct, 15:50

ሀ እና ለ

የቀመስኩት ሁሉ
የሰማሁት ሁሉ
     ጣዕሙ ቢመሳሰል
     ጀመርኩኝ መብሰልሰል ።

    እሰልፉ የለለ ሆነና እድሉ
     ከራስ መጠማጠም ...

ጀመርኩ
           ከምላስ ጋር ቁሮሾ
         ከጆሮ አምባጓሮ....

  መብሰልሰል   ሀ

       ኑረንም መልካም ነው
       ጠፍተንም መልካም ነው
ሆነና ነገሩ  
    የሄደን ላይመልስ
ከንቱ እየፈጠነ
ሰው ማለት የዋሁ
        ከንቱ እየደከመ
የራቀ ሲመስለው
     እልፍ  እየቀረበ
ስንቱ  ተከተተ ?
ሞትም  መንገድ ይሆን ?
ስንቱን አስከተለ ?

ለ

    ሸኛችን ቢለያይ
        ሞታችንስ ያው ነው
           ግን  ምላስ
                 ግን ምላስ.....
   ጆሮ ይታዘበው
   ግጣም ያላደለው
    በቃኝ እማይችለው...

              ምክያስ አለምሰገድ (mik)

@getem
@getem
@getem
8,754
ግጥም ብቻ 📘

17 Oct, 11:13

የድሮው አምላክ
'
'
አዲሱ አምላክ ገና አልመጣም
የቀድሞ አምላክ አገናኜን ፣
ቢያንስ ቢያንስ ባያድሰን ፥
ለትዝታ እስኪፈጥረን ፥
አዲሱ አምላክ እስኪ ተወን ፣
'
'
@geez_mulat
ግዕዝ ሙላት

@getem
@getem
@paappii
7,789
ግጥም ብቻ 📘

17 Oct, 05:17

እስቲ ልመርቅሽ
        እስቲ ደሞ ልጣሽ
የልብሽን አይቶ እግዜር ከኔ ያውጣሽ
.


ዮኒ
      ኣታን @yonatoz

@getem
@getem
@getem
9,008
ግጥም ብቻ 📘

16 Oct, 19:25

ልሳነ አፍቅሮት

ለቃል
   ለትዕዛዙ
      ብርሀንም
      ጨለማም
       ተገዝቷል ።
      
    ለበጋ
          ወቅቱ በጋ
     ሆኗል።
ለማበብ
      አበባ ፈክቶ
               ደምቆ
              አሸብርቋል ...።
  .......
.....
ኩሉ አላፊ
       ወፈላሲ
    ሆኖ ሳለ



ከማስበው
     ስሩ
            ስሩ
ከውስጥ
          ከውስጥ
ከልቤ ላይ
እሷን መጥራት
መጥቀስ አለ
ቃል የሆነ
አልፋ ኦሜጋ
ልሁን ያለ
     
                  ምክያስ አለምሰገድ(mik)

@getem
@getem
@paappii
8,655
ግጥም ብቻ 📘

16 Oct, 18:36

ረክሶ ነው እንጂ
እግዜር ሚባል አልማዝ
ይሻማበት ነበር
ፍጡር እንደቁስ ጓዝ

ረክሳ ነው እንጂ
ማሪያም ሚሏት ሀምሎ
ቤት አያጣም ነበር
ልብ 'ሚባል ኪሎ

ቀንሶ ነው እንጂ
ሰው ሚባል ሳጥናኤል
ወንበሩን ባልሸጠው
ለእነ ሊቅ ሚካኤል

ቅዱስ ሚካኤልስ
ይጠብቃል ሰውን
ቅዱስ ገብርኤልስ
ያወጣል እሳትን
እግዜር ግን ዝም ነው
ያቺን ቀን ያላትን

ሀገር ሚባል ዕዳ
ቃል ሚያክል ሚካኤል
ሸጦታል አሉ ሰውን ለሳጥናኤል

እግዜሩ ቢረክስ ገነት ይወደዳል
ሳጥናኤል ቢረክስ ሲኦል ሰውን ያጣል
ሰው ሰውን ካጣ ሰው ከየት ይገባል ?

ጨለማው ላይ ሆነሽ
ስሜንም አትጥሪ
ጊዜ ሚጠብቅ ሰው
አይባልም ፈሪ
እባክሽን ዓለም
ባይሆን አምላክ ፍሪ


@geez_mulat
ግዕዝ ሙላት

@getem
@getem
@paappii
7,110
ግጥም ብቻ 📘

16 Oct, 18:35

ጥያቄ

ሊሰጠኝ ከሚችል ከብዙ ስጦታው ሞልቶ የተረፈኝ
ከሰው ከሀብት ከፍቅር ሁሉ የተሰጠኝ
ባልጎደለ ኑሮ እኝ እኝ የሚያስብለኝ
ምን ይሆን የጎደለኝ
ምን ይሆን የመረረኝ

By Yodan

@getem
@getem
@paappii
7,052

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.