Farg‘ona viloyat prokuraturasi

Фарғона вилояти прокурори Б.Исмоилов ташаббуси билан Қувасой шаҳрида эҳтиёжманд оилалар ўртасида “Фаровонлик сари” шиори остида тадбирлар ташкил қилинди.

Тадбирда эҳтиёжманд оилаларнинг ишсиз аъзоларини бандлигини таъминлаш, тадбиркорликка ўргатиш, оилавий тадбиркорликни йўлга қўйиш мақсадида бўш иш ўринлари ярмаркаси ташкил этилди, 34 нафар хотин-қизларга касаначилик фаолиятини йўлга қўйиш учун тикув машиналари берилди, оилалардаги хотин-қизлар, болалар, кексалар тиббий кўрикдан ўтказилиб, даволанишлари учун имтиёзли йўлланма ва зарур дори-дармон воситалари берилди.

Эҳтиёжманд оилаларнинг фарзандларини спорт ҳамда мактабдан ташқари таълимга кенг жалб қилиш бўйича мини футбол мусобақаси, кутубхонлик танловлари ўтказилиб, тадбир давомида концерт дастури ва байрам дастурхони ташкил этилди.

Шунингдек, оилалардаги фарзандлар чет тилларини чуқур ўрганишлари учун бепул тўгараклар фаолияти йўлга қўйилди.

Тадбир якунида, мусобақа ва танлов ғолиблари ҳамда иштирокчилари қимматбаҳо совғалар, ўқув адабиётлари билан тақдирланди.

Бундан ташқари, “Яшил макон” умумиллий ҳаракати доирасида эҳтиёжманд оилалар иштирокида кўчатлар экилди.

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Вилоят прокурори ўринбосари О.Тошматов раҳбарлигидаги ишчи гуруҳи томонидан Вазирлар Маҳкамасининг 06.07.2024 йилдаги “Иқтисодиёт тармоқлари, ижтимоий ва энергетика соҳаси объектлари ҳамда кўп квартирали уй-жой фондини 2024 - 2025 йиллар куз - қиш даврида барқарор ишлашга тайёрлашни таъминлаш чора-тадбирлари тўғрисида”ги 388/28 – сонли Қарори ижроси юзасидан ижтимоий соҳа объектларни куз-қиш мавсумига тайёргарлик аҳволи ўрганилди.

Хусусан, ишчи гуруҳи томонидан Қўқон шаҳар, Фурқат ва Риштон туманидаги мактаб ва мактабгача таълим муассасаларида қиш мавсумига қозонхоналарнинг тайёрлиги, хоналарда ҳаво ҳарорати меъёри, таълим олувчиларга яратилган шароитлар ўрганилди.

Шунингдек, ижтимоий соҳа объектларида  аниқланган камчиликлар юзасидан масъулларга тегишли кўрсатма ва топшириқлар берилди.

Ўрганишлар давом эттирилмоқда.

👉https://t.me/FargonaViloyatProkuraturasi