ኢትዮ - ኮን ሬድዮ ፕሮግራም/Ethio con radio perogram/

❇️የሲሚንቶ ዋጋ በሲሚንቶ አምራች ፋብሪካዎች እንዲወሰን ተደረገ

🔷የንግድ እና ቀጠናዊ ትስስር ሚኒስቴር ለሲሚንቶ ፋብሪካ ድርጅቶች በጻፈው ደብዳቤ ከጥቅምት 29 ቀን 2017 ዓ.ም ጀምሮ  ምርታቸውን በፍትሃዊ ዋጋ  እንዲያቀርቡ መወሰኑን አስታውቋል፡፡

🔷ከዚህ ቀደም የሲሚንቶ ምርት የፋብሪካ መሸጫ ዋጋ በሚኒስቴር መስሪያ ቤቱ እየተወሰነ ለገበያ ሲሰራጭ የቆየ ቢሆንም በአዲሱ የአሰራር ሂደት ግን አምራች ፋብሪካዎች ሙሉ ሀላፊነቱን በመውሰድ በነጻነት ምርታቸውን ለገበያ እንዲያቀርቡ እና ገበያውን እንዲያረጋጉ ሃላፊነት መስጠቱን ሚኒስቴሩ እውቁልኝ ብሏል፡፡

🔷የሲሚንቶ ፋብሪካዎቹ የተሰጣቸውን ሀላፊነት በተጠያቂነት ስሜት እና በፍትሃዊ የዋጋ ተመን ማህበረሰቡን እንዲያገለግሉም መወሰኑን ገልጾ ከዚህ ቀደም አገልግሎት ላይ ይውል የነበረውን መመሪያ 940/2015 ማንሳቱን ይፋ አድርጓል፡፡

ኢትዮ ኮን ህዳር 23፤ 2017

Live stream finished (1 hour)

Live stream started

👉 የዛሬ ምሽት ህዳር 23 ቀን 2017 ዓ.ም ኢትዮ ኮን ሳምንታዊ ፕሮግራም

🚧የሬድዮ ፕሮግራሙ በኢትዮጵያ የኮንስትራክሽን ኢንደስትሪ የሚያጋጥሙ ተግዳሮቶችን በመንቀስ የመፍትሄ አቅጣጫ የሚጠቀሙ ፕሮግራሞችን እንዲሁም የተለያዩ የኮንስትራክሽን ባለሙያዎችን በመጋበዝ ዘርፉ ላይ ያላቸውን የሙያ ክህሎታቸውንና ልምዳቸውን የሚያካፍሉበት ሳምንታዊ የሬድዮ ፕሮግራም ነው፡፡

📷በዛሬ ፕሮግራማችን፡-

👷የእንግዳ ሰዓት

አቶ ዮፍታሔ ዩሀንስ የዛሬ እንግዳችን ናቸው፡፡
በአይቲ እና በቴሌኮም ፕሮግራም ላይ በመስራት 17 ዓመት ልምድ ያካበቱ ባለሙያ ናቸው፡፡ ታድያ የአቶ ዮፍታሔ ከኮንስትራክሽን ዘርፍ ጋር ምን አገናኛቸው እንደምትሉ መገመት አያዳግትም፡፡ ለዚህ ምላሽ ምሽት በሚኖረን የቀጥታ ስርጭት ፕሮግራማችንን ጠብቃችሁ ትከታተሉን ዘንድ ከወዲሁ በአክብሮት ነው የምጋብዘው፡፡

❇️ በርካታ የሆኑ ልምዶችና ዕውቀቶችን የምታገኙበት በመሆኑ ሰዓቱን ጠብቃችሁ ፕሮግራሙን እንድትከታተሉ በድጋሚ በአክብሮት እጋብዛችኋለሁ፡፡

✍️📞☎️ የምታነሱት ሀሳብ አስተያየትና ጥያቄ ከአሁን ሰዓት ጀምሮ በዚሁ በቴሌግራም ገፃችን ላይ አድርሱን፡፡

🥍📻🕰 ምርጫችሁ አድርጋችሁ ምሽት
ከ2፡30 — 3፡30 ሰዓት በአሀዱ ሬድዮ 94.3 ላይ በቀጥታ ስርጭት ፕሮግራም ጋር ይሁን!

የኢትዮጵያ አየር መንገድ በ5 ቢሊየን ፓውንድ በቢሾፍቱ ከተማ የሚገነባው "ሜጋ ኤርፖርት ከተማ" ፕሮጀክት ይፋ ተደረገ

የኢትዮጵያ አየር መንገድ በ5 ቢሊየን ፓውንድ በቢሾፍቱ ከተማ የሚገነባው "ሜጋ ኤርፖርት ከተማ" ፕሮጀክት ይፋ ሆኗል።

ከአዲስ አበባ በ25 ማይል ርቀት ላይ በምትገኘው ቢሾፍቱ አቅራቢያ የሚገኘው ይህ የወደፊት አየር ማረፊያ በ2029 ሲጠናቀቅ እስከ 110 ሚሊዮን መንገደኞችን በዓመት የሚያስተናግድ ትልቅ ተርሚናል እና አራት ማኮብኮቢያዎችን ይይዛል ተብሏል።

በኢትዮጵያ አየር መንገድ ከዳር አል ሀንዳሳ አማካሪዎች ጋር በመተባበር የሚመራው ይህ የ5 ቢሊዮን ፓውንድ ፕሮጀክት ኢትዮጵያን በአለም አቀፍ ንግድና ቱሪዝም ዋና ተዋናይ ለማድረግ ያለመ እንደሆነ ተመላክቷል።

በአሁኑ ወቅት የአዲስ አበባ ቦሌ ዓለም አቀፍ ኤርፖርት መጨናነቅ ቢያጋጥመውም "ሜጋ ኤርፖርት ከተማ" ይህን ችግር በመቅረፍ የኢትዮጵያን ኢኮኖሚ ያሳድጋልም ተብሎለታል።

(አማ)

ከአርክቴክቶች ማህበር የተሰጠ መግለጫ

3⃣ ቀናት ብቻ ቀሩት

በስልጠናው ለመሳተፍ የሚያስችሎትን ፎርም  በትክክል መሙላትዎን እርግጠኛ ይሁኑ

☑️ለመመዝገብ ከታች በተያያዘው ሊንክ በመግባት ፎርሙ የሚጠይቀውን የግል መረጃዎችዎን በትክክል ይሙሉ
👇👇👇👇👇👇👇👇

https://forms.gle/J4ktYcejEXcKJsV8A

በዶሮ ቅርፅ የተሰራው የዓለማችን ትልቁ ሕንፃ

በፊሊፒንስ የሚገኘው በዶሮ ቅርፅ የተሰራ የዓለማችን ትልቁ ሕንፃ ለሆቴል አገልግሎት የተገነባ ነው፡፡

ይህ ግዙፉ ሆቴል 6 ፎቆች ያሉት ሲሆን ቁመቱ ከ114 ሜትር በላይ ሆኖ በውስጡ 15 ክፍሎች መያዙም ተነግሯል፡፡

በኔግሮስ ኦክሲደንታል ደሴት ላይ በሚገኘው ካምፑስቶሃን ሃይላንድ ሪዞርት ኮረብቶች አናት ላይ የሚገኘው ሆቴሉ ሌላ ለየት የሚያደርገው ነገር የሆቴሎቹ ክፍሎች መስኮት አልባ መሆናቸው ነው፡፡

ሆቴሉ የዶሮ ቅርጽ ያለው ትልቁ ሕንፃ በመባልም በዓለም ድንቃድንቅ መዝገብ ላይ መስፈር ችሏል።

የሆቴሉ ባለቤት ታን ሲናገር" ይህን ሕንጻ የሰራሁት በሺዎች የሚቆጠሩ ሰራተኞችን ለመቅጠር እና የወፍ ዘር ለኔግሮስ ሕዝብ ያለውን ጠቀሜታ ለማክበር እና ለማሳየት ነው" ብሏል፡፡

በሆቴሉ የመኝታ ዋጋ ለአራት ሰዎች የሚሆን አንድ ክፍል ከ80 የአሜሪካ ዶላር በታች ሲሆን እስከ ሰባት ለሚደርሱ ሰዎች የሚበቃው ክፍል ደግሞ 120 ዶላር ገደማ ወጪ ይጠይቃል ተብሏል።

ከቅርብ ጊዜያት ወዲህ አካባቢው ለመዝናኛ ተመራጭ እየሆነ የመጣ ሲሆን፤ በዶሮ ቅርጽ የተሰራውን ግዙፍ ሕንፃ ለመመልከትም በርካቶች ወደ ስፍራው እያቀኑ መሆኑን ሲኤንኤን ዘግቧል፡፡

(Ebc)

ባለ 13 ወለሉ የልደታ ክፍለከተማ አስተዳደር ሕንፃ ግንባታ ሙሉ ለሙሉ ተጠናቆ ለአገልግሎት ዝግጁ ተደረገ።

በከተማ አስተዳደሩ ስር የሚገነቡ የመንግስት አገልግሎት መስጫ ተቋማትን በባለቤትነት የማከናወን ኃላፊነት የተሰጠው የአዲስ አበባ ዲዛይንና ግንባታ ስራዎች ቢሮ በርካታ ቁጥር ያላቸው ግንባታዎችን በጥራትና በፍጥነት በማከናወን ለአገልግሎት እያበቃ ይገኛል።

ከነዚህ ፕሮጀክቶች ውስጥ አንዱ የሆነውና በስራ ተቋራጭ አፈፃፀም ውስንነት ተገምግሞና የቀደመ ውሉ ተቋርጦ ዳግም ከቆመበት እንዲቀጥል የተደረገው የልደታ ክፍለከተማ አስተዳደር 2B+G+11 ሕንፃ ግንባታ ሙሉ በሙሉ ተጠናቋል።

ከ1.1 ቢሊየን ብር በላይ ተመድቦለት በ 3000 ካ.ሜ. ቦታ ላይ የተገነባው ይህ የክፍለከተማ አስተዳደር ሕንፃ ለተለያዩ ፅ/ቤቶች የሚውሉ ቢሮዎችን ጨምሮ እያንዳንዳቸው 1,224 እና 459 ሰዎችን ማስተናገድ የሚችሉ ሁለት የመሰብሰቢያ አዳራሾች ፣ 30 ተሽከርካሪዎችን በቤዝመንት እንዲሁም 65 ተሽከርካሪዎችን በውጪ የማስተናገድ ዓቅም ያላቸው ፓርኪንጎች ፣ ጂምናዚየም ፣ የሕፃናት ማቆያና መጫወቻ ፣ ሬስቶራንት ፣ የመረጃ ክፍል ተሟልተውለታል።

ከዚህ በተጨማሪ አቅመ ደካማ እና የአካል ጉዳት ያለባቸው የሕብረተሰብ ክፍሎችን ከግምት ያስገቡ 4 ዘመናዊ ሊፍቶች የተገጠሙለት ሲሆን ለአገልግሎት ሰጪውና ለአገልግሎት ፈላጊው ምቹ እና ሳቢ ከባቢን የሚፈጥር የአረንጓዴ ስፍራዎች የፕሮጀክቱ አካል ተደርገዋል።

ይህ ሕንፃ ከቀደሙት የክፍለከተማ አስተዳደር ሕንፃዎች ልምድ የተወሰደበትና የመዲናዋን የዕድገት ደረጃ እንዲሁም የስማርት ሲቲ ትልም ከግምት አስገብቶ ዘመናዊ ቴክኖሎጂዎችን በማካተት የተከናወነ ሲሆን በግንባታ ስራው ባማኮን ኢንጂነሪንግ በስራ ተቋራጭነት እንዲሁም ኔማድ ኢንጂነሮችና አርክቴክቶች ኃ/የተ/የግ/ማ በአማካሪነት ተሳትፈውበታል።

የዚህ ህንፃ መገንባት የበርካታ ፋይናንስ ተቋማት መቀመጫ ለሆነው የልደታ ክፍለከተማ አስተዳደር አገልግሎት ትልቅ ዓቅም መፍጠር ከማስቻሉም ባለፈ አስተዳደሩ ለህንፃ ኪራይ የሚያወጣውን ከፍተኛ መዋለ ንዋይ በማስቀረት ረገድ ትልቅ ፋይዳ የሚኖረው ይሆናል።

(አግስቢ)

🏢🚧የህንጻ አዋጁ መሻሪያ ረቂቅ ሰነድ ማብራሪያ እስቲ ሀሳብ አስተያየታችሁን አካፍሉን.....

ማስታወቂያ

ለአስራ አንዱም ክ/ከተሞች ዲዛይንና ግንባታ ስራዎች ጽ/ቤት  ኃላፊዎች በሙሉ

የአዲስ አበባ ከተማ አስተዳደር ዲዛይንና ግንባታ ስራዎች ቢሮ ከፕሮጀክት ማኔጅመንት ኢኒስቲትዩት ጋር በመተባበር በተለያዩ የምህንድስና ዘርፎች ለ10 ተከታታይ ቀናት በሁለተኛ ዙር ስልጠና ይሰጣል።

ስለሆነም ስልጠናው የፊታችን ህዳር  16/2017  ዓ.ም የሚጀምር መሆኑን እየገለፅን ሁሉም የክ/ከተማ ዲዛይንና ግንባታ ስራዎች ጽ/ቤት ኃላፊዎች ይህን አውቃችሁ ባለሙያዎች በስልጠናው እንዲሳተፉ እንድታደርጉ ስንል ጥሪ እናስተላልፋለን።


ዲዛይንና ግንባታ ስራዎች ቢሮ
ሕዳር 13/2017

የአዲስ አበባ ከተማ የአፍሪካ ስማርት ከተሞች አዋርድ ተሸላሚ ሆናለች!

ከተማ አስተዳደሩ ሽልማቱን ያገኘነው በከተማችን እየተስራ ባለው የኮሪደር ልማት እና ተያያዥ የመሠረተ ልማት ግንባታዎች ፣ ከተማችንን ለነዋሪዎቿ ለመኖሪያ ምቹ በማድረግ እና ተያይዞም በተተገበረው የአረንጓዴ አሻራ ትግበራ ፤ ቴክኖሎጂ ተኮር የመሠረተ ልማት ዝርጋታ እና አቅርቦት ለነዋሪዎች ያለውን አስተዋፅዖ ጭምር በመለየት የተሰጠ ነው ።

የአዲስ አበባ ከተማ አስተዳደር ባስመዘገባቸው አመርቂ ውጤቶች በናይሮቢ በመካሄድ ላይ ባለዉ የአፍሪካ ስማርት ከተሞች የኢንቨስትመንት ጉባኤ ላይ ተሸላሚ መሆን ችላለች።

የአዲስ አበባ ከተማ ከሌሎች ስማርት የአፍሪካ ከተሞች ጋር ተወዳድራ ሽልማቱን ከሚወስዱ ሶስት ከተሞች መካካል አንዷ መሆን የቻለች ሲሆን ፤ ክብርት የአዲስ አበባ ከተማ አስተዳደር ከንቲባን በመዋክል የተላከው የልኡኳን ቡድን ሽልማቱን ተቀብለዋል።

ይህ አዋርድ ለአዲስ አበባ ከተማ ሊሰጥ የቻለበት ዋነኛ ምክንያት በኮሪደር ልማት ከተማይቱን ለነዋሪዎቿ ምቹ እና ተስማሚ ለማድረግ የተገኘውን አመርቂና ውጤታማ ተግባር መሰረት በማድረግ መሆኑን እና በአርንጓዴ አሻራ የአየር ለውጥ ተጽዕኖን ለመቀነስ እየተተገበረ ያለውን ተምሳሌታዊ ተግባር በማስመልከት እንደሆነ ተገልጿል ። በተጨማሪም ሰው ተኮር ስማርት ከተሞች ለትውልድ መገንባት የሚለውን የከተማነት ሀሳብ በከተማይቱ ተግባራዊ በመደረጉ ነው። እንዲሁም ዘመናዊ እና ምቹ ከተማን ለመፍጠር ለአብንትም የእግረኞች መሄጃ እና የሞተር አልባ ተሸከርካሪዎች መንገድ ደረጃውን በጠበቃ ቴክኖሎጂ መገንባታቸውን መሰረት በማድረግ መሆኑን በሽልማት ስነስርዓቱ ላይ ተገልጿል።

ከዚህም በተጨማሪ በአዲስ አበባ ከተማ ውስጥ ስማርት በቴክኖሎጂ የተደገፉ አገልግሎት እና የዘመኑን ቴክኖሎጂ ታሳቢ ያደረጉ መሠረተልማት ዝርጋታዎች እንዲሁም ስማርት የነዋሪዎች እና የዜጐች ተኮር ከባቢዎች መገንባታቸው፤ ተያይዘው የተፈጠሩ ሰፊ የሥራ ዕድል ፈጠራ ፤ እና ብቁ እና አመቺ ልማት ቴክኖሎጂን የተደገፍ አገልግሎት አሰጣጥ ሂደታቶች በመተግበራቸው ከተማይቱ ይህንን ሽልማት እንድታገኝ አድርጓታል ተብሏል።

የአዲስ አበባ ከተማ አስተዳደር ተሸላሚ መደረጉ ለሀገራችን የገጽታ ግንባታ የሚያበረክተው አስተዋጽዖ ትልቅ ትርጉም የሚሰጠው መሆኑን በመድረኩ ላይ ተገልጿል።

በአፍሪካ አህጉር ለሚገኙ መሰል ዋና ከተሞች ተምሳሌት የሚሆን ተብሏል።

ይህ የአፍሪካ ስማርት ከተሞች የኢንቨስትመንት ጉባኤ በዋናነት በኬንያ መንግስት፣ በናይሮቢ ካውንቲ እና ናይሮቢ በሚገኘው በተመድ የሰዎች ሰፋራ (UN-Habitat) እና ሌሎች አጋር አካላት በትብብር የተዘጋጀ መሆኑ ታውቋል።

በዝግጅቱ ላይ የአዲስ አበባ ከተማ አስተዳደር አመራሮች ልዑካን ቡድን እየተሳተፉበት የሚገኙ ሲሆን በተመሳሳይ ሁኔታ ከተለያዩ የአፍሪካ ሀገራት የተወጣጡ ሚነስትሮች፣ ከንቲባዎች፣ የተለያዩ አህጉራዊ እና አለም አቀፍ ድርጅቶች ተወካዮች ተሳታፊ መሆን ችለዋል።

በናይሮቢ የሚገኘውን የኢ.ፌ.ዲ.ሪ ኤምባሲን በመወከል ክቡር አምባሳደር ደመቀ አጥናፉ በሽልማት ስነ ስርአቱ ላይ ተገኝተዋል ።

የቀጣዩን 2025 ጉባኤም አዲስ አበባ የምታስተናግድ መመረጧም ተገልጿል።

(አኮቢ)