Ethio Adiss_mereja/ትኩስ ዜና🇪🇹 እና ትኩስ እስፖርት

የባለቤቱን ህይወት በአሰቃቂ ሁኔታ ያጠፋው ተከሳሽ የሞት ፍርድ ተወሰነበት

#Ethiopia | የወንጀል ድርጊቱ የተፈፀመው በቦሌ ክፍለ ከተማ ወረዳ 4 ክልል ልዩ ቦታው አርሴማ ፀበል እየተባለ ከሚጠራው አካባቢ ነው። ሟች ወ/ሮ አልማዝ እሸቱ ተከሳሽ ፀሀዬ ቦጋለ ከተባለው ግለሰብ ጋር ትዳር መስርተው የሚኖሩ ጥንዶች ነበሩ።

ነሀሴ 27 ቀን 2014 ዓ/ም ከቀኑ 5:00 ሰአት ሲሆን ተከሳሽ ሟች አልማዝ እሸቱን ከሌላ ወንድ ጋር ትገናኛለሽ ስልክ ትደዋወያለሽ በሚል ጥርጣሬ ተነሳስቶ ሟች ለጉዳይዋ ከቤት ለመውጣት ልብስ ለብሳ ጫማ ለማሰር ባጎነበሰችበት ወቅት በሊጥ መዳመጫ እንጨት ማጅራቷን በመምታት ህይወቷ እንዲያልፍ በማድረግ የሟችን አስክሬን በመኖሪያ ቤቱ ውስጥ ባለው መጸዳጃ ቤት ውስጥ በማስገባት የግራ እግሯን ከዳሌዋ እስከ ባቷ ያለውን የሰውነት ክፍሏን በመቁረጥ፣ ስጋዋን በመመልመልና በመክተፍ የመጸዳጃ ሲንክ ውስጥ ውስጥ በመክተት ቀሪውን የሰውነት ክፍሏን ደግሞ መፀዳጃ ቤት ውስጥ ይደብቃል፤ የፖሊስ የምርመራ መዝገብ እንደሚያስረዳው ተከሳሽ ፀጋዬ ቦጋለ የአልማዝ መጥፋት ላሳሰባቸው ለቤተሰቦቿ እና ለስራ ባልደረቦቿ ገዳም እንደሄደች ለማሳመን ሞክሯል።

ሆኖም በመኖሪያ አካባቢው የተለየ ሽታ መከሰቱ ያሳሰባቸው የአካባቢው ነዋሪዎች ለፖሊስ ያቀረቡትን አቤቱታ መነሻ በማድረግና ወደ አካባቢው በመሄድ የሟችን አስክሬን በማንሳት ወንጀል ፈፃሚውን በቁጥጥር ስር ያውለዋል፡፡

ተከሳሹ ላይ የሚቀሩ የምርመራዎችንና ተጨማሪ ማስረጃዎችን በማሟላት የወንጀል ድርጊቱን መፈፀሙን በሰጠው ቃል ከማረጋገጡም ባሻገር የወንጀል አፈፃፀሙን የሚመለከታቸው የሕግ ባለሙያዎችና ታዛቢዎች በተገኙበት መርቶ አሳይቷል።

ጉዳዩን ሲከታተል የቆየው የፌደራል ከፍተኛ ፍርድ ቤት ልደታ ምድብ 2ኛ ወንጀል ችሎት ነሃሴ 28 ቀን 2016 ዓ/ም በዋለው ችሎት ተከሳሽ ፀሀዬ ቦጋለ ጥፋተኛ ሆኖ በማግኘቱ በእድሜ ልክ ፅኑ እስራት እንዲቀጣ ከተወሰነ በኋላ ውሳኔውን በመቃወም ጉዳዩን ለፌደራል ጠቅላይ ፍርድ ቤት ይግባኝ ቀርቦ የፌደራል ጠቅላይ ፍ/ቤት ጥር 12 ቀን 2017 ዓ/ም በዋለው ችሎት ተከሳሽ በሞት እንዲቀጣ ወስኖበታል።

ዘገባ:-ኢንስፔክተር እመቤት ሀብታሙ

ልታስመርቀዉ ከቤተሰቦቿ ተደብቃ የመጣች እጮኛዉን ጭካኔ በተሞላበት ሁኔታ የገደለዉ ግለሰብ በ20 ዓመት ጽኑ እስራት ተቀጣ።

በደቡብ ኢትዮጵያ ክልል ጋሞ ዞን አርባምንጭ ከተማ አስተዳደር ጉርባ በሚባል ቀበሌ የገዛ እጮኛዉን ጭካኔ በተሞላበት መልኩ በአሰቃቂ ሁኔታ በስለት አንገቷን በመቁረጥ ሕይወቷ እንዲያልፍ ያደረገዉ ወጣት በፅኑ እስራት መቀጣቱን የአርባ ምንጭ ከተማ አስተዳደር ፖሊስ መምሪያ አዛዥ ም/ኢንስፔክተር ጋፋሮ ቶማስ ለቲክቫህ ኢትዮጵያ ተናግረዋል።

የወንጀል ድርጊቱ የተፈፀመዉ ነሐሴ 16/2016 ዓ/ም በአርባምንጭ ከተማ ጉርባ ቀበሌ ነው።

ተከሳሽ ዮናስ ጫፊቄ የተባለው ግለሰብ የጂንካ ዩኒቨርሲቲ 1ኛ  ዓመት ተማሪ የሆነችዉን ሟች ሊዲያ ዮሐንስ እሱን ለማስመረቅ ወደ አርባ ምንጭ ከተማ በመጣችበት ተከራይቶ በሚኖርበት ቤት አሰቃቂ ድርጊቱን መፈፀሙን የምርመራ መዝገቡ ያስረዳል።

ወጣቷ " እጮኛዬ ይመረቅልኛል " በሚል ደስታ ከቤተሰቦቿ ተደብቃ ተከሳሽ ተከራይቶ ወደ ሚማርበት  ቤት መጥታ በዋዜማዉ ለምረቃዉ የሚሆኑ የዲኮር፣ የዳቦና ለስላሳ መጠጦችና በቡና ዝግጅት ቤቱን አሰማምራ በምሽቱም ግቢ ዉስጥ ያሉ ተከራዮችን ጠርተዉ ከሸኙ በኋላ ሟች ሀገር ሰላም ብላ በተኛችበት ከሌሊቱ 7 ሰዓት ገደማ እራሷን መከላከል በማትችልበት ሁኔታ በቢላዋ አንገቷን አርዶ መግደሉን የምርመራ መዝገቡን ዋቢ አድርገው ፖሊስ አዛዡ ገልፀዋል።

ፖሊስ አዛዡ አክለው እንደገለጹት ፥ በወቅቱ በተደረገዉ ማጣራትም ሆነ በክስ መዝገቡ ላይ እንደሰፈረዉ ወንጀለኛው  " ወደ ዩኒቨርሲቲ በሄድሽበት ሌላ የወንድ ጓደኛ ይዘሻል " በሚል ነው በር ዘግቶ አሰቃቂ የወንጀል ድርጊቱን የፈጸመው።

ፖሊስ በዚህ ዘግናኝ ወንጀል ዙሪያ ተገቢዉን ማጣራትና ምርመራ አድርጎ ለዐቃቤ ሕግ ማቅረቡን አስታውቀዋል።

ዐቃቤ ሕግም ክስ በመመስረት ለፍርድ ቤቱ ተከሳሽ የወንጀል ድርጊቱን መፈፀሙን የሰዉ፣ የሰነድና የህክምና ማስረጃዎችን በማቅረብ አስረድቷል።

በቀረቡ ማስረጃዎች እና ምስክሮች ግራ ቀኙን ሲያጣራ የቆየዉ የጋሞ ዞን ከፍተኛዉ ፍርድ ቤት በቀን 29/5/2017 ዓም በዋለዉ ችሎት ተከሳሽ ዮናስ ጨፊቄ በተከሰሰበት በአሰቃቂ ሁኔታ ነብስ የማጥፋት ወንጀል ጥፋተኛ መሆኑን በማረጋገጥ በ20 ዓመት ፅኑ እስራት እንዲቀጣ መወሰኑንም ኢንስፔክተር ጋፋሮ ቶማስ ለቲክቫህ ኢትዮጵያ ተናግረዋል።

ጡረተኛዋ እናት ከሌሊቱ 9:45 ተገኝተው እንባ አራጩ 😢

#Ethiopia | ወ/ሮ አስናቀች መኮንን ለ30 ዓመት የባንክ ሰራተኛ ኾነው ኖረው አሁን በጡረታ ላይ ይገኛሉ እድሜ ልካቸውን ለፍተው ያፈሩትን ባለ አንድ ክፍል ኮንዶሚንየም ቤት እና የጣት ቀለበታቸውን ለመቄዶንያ ሰጡ።

ያስተላለፉት መልዕክት እንባ በእንባ የሚያደርግ ነበር።

ይህ በኾነ አፍታ ቆይታ በኋላ አቶ ዮሴፍ የተባሉ የካናዳ ካልጋሪ ነዋሪ ደውለው "ቀለበታቸውን መልሱላቸው እኔ የቀለበቱን ዋጋ አሁኑኑ እከፍላለሁ" አለ። ስጦታውን አበርክተው የወጡት እናት ተመልሰው እንዲመጡ ከተደረገ በኋላ ኹኔታው ሲነገራቸው እኔ አንድ ጊዜ ሰጥቻለሁ መልሼ አልወስደውም ባይኾን ቀለበቱ ተጫርቶ ተጨማሪ ገቢ ይሰብሰብበት ሲሉ ምላሻቸውን ሰጥተዋል።

እንዴት ያለ መባረክ ነው?

ያሬድ ሹመቴ

#ቀን_አንድ

የመቄዶንያ የገቢ ማሰባሰቢያ 101 ሚሊዮን ብር ደረሰ

#Ethiopia | በሚያስደንቅ ፍጥነት እየተከናወነ የሚገኘው የመቄዶንያ የገቢ ማሰባሰቢያ 101 ሚሊዮን ብር፣ በዜልና ካሻ-አኘ የገንዘብ ማስተላለፊያ 275,000 ዶላር፣ እንዲሁም በጎፈንድ ሚ ደግሞ 111, 003 ሺ ዶላር በላይ የተሰበሰበ ሲሆን በመርሃ ግብሩ በርካታ ልብ የሚነኩ ስጦታዎች እየተደረጉ ነው።

በተወዳጇ አርቲስት እፀህይወት መሪነት የተያዘው የቀለበት ቻሌንጁ እንደቀጠለ ነው፡፡

ያስጀመረን ያስጨርሰናል!
#ቀጥታ#Live

😭❤️

* ባጎረስኩኝ
* እጄን ተነከስኩኝ

አክስቱን የገደለ ግለሰብ በቁጥጥር ስር ዋለ

በአዲስ አበባ በቦሌ አራብሳ ወይንሸት የምትባል አንዲት ግለሰብ ክክፍል ሀገር የወንድሟን ልጅ ወደ አዲስ አበባ አምጥታ ስራ እንዲይዝ

* ራሱን እንዲችል ቤቷ ውስጥ
አስቀምጣ እያኖረችው ነበር

ነገር ግን አንድ ቀን ከፍሪጅ ውስጥ አይብ አውጥተህ እራትህ ብላ ትለዋለች እሱም ፍሪጅን ሲክፍት ለምን ቀስ ብለህ አትክፈትም ስትለው

ዘሎ አንቋት

አክስቱን በጭቃኔ መልኩ ህይወቷ እንዲጠፋ ካደረገ በኃላ ሙሉ የሰውነቷን ክፍልን በ*** ረጥ

* ሽንት ቤት

እና

* ትቦ ውስጥ ጥሏታል::

የአዲስ አበባ ፖሊስም የወይንሸት የሰውነት ክፍል ከየቦታው ፈላልጎን የቀብር ስነስርዓቷ እንዲፈፀም አድርጏል::

ወይንሸት ለቤተሰቦቿ በጣም ደግ እና ቤተሰቦቿን የምትረዳ ልጅ ነበረችም ተብሏል::

ፍርዱን ተከታትለን እናሳውቃለን::

📷 AAP

💔😭

🌴🌴🌴

#Arabic

" የአረብኛ ቋንቋ ትምህርት ለማስጀመር ዝግጅት ተጠናቋል " - የስልጤ ዞን ትምህርት መምሪያ

የስልጤ ዞን ትምህርት መምሪያ በዞኑ ውስጥ ባሉ 45 ትምህርት ቤቶች የአረቢኛ ቋንቋ ትምህርት ሊጀመር እንደሆነ አሳውቋል።

ለዚህም ሁሉም ዝግጅት መጠናቀቁን ፤ የመማሪያ መፅሀፍትም መሰናዳታቸውን ገልጿል።

የስልጤ ዞን ትምህርት መምሪያ ኃላፊ አቶ ሹክራላ አወል ምን አሉ ?

" በዞኑ ካሉ ትምህርት ቤቶች መካከል በ45 ትምህርት ቤቶች በፓይሌት ደረጃ የአረብኛ ቋንቋ ትምህርት ለማስጀመር ከ1-3ኛ ክፍል ማስተማሪያ መጽሀፍ ዝግጅት ተጠናቋል።

የመማሪያ መጽሀፍ የትውውቅ እና አረቢኛ ለማስተማር ለተመለመሉ መምህራን ስልጠና ተሰጥቷል።

ተማሪዎች ከእንግሊዝኛ በተጨማሪ ያሉ የውጭ ቋንቋ ቢማሩ ከራሳቸው አልፎ ለሀገር ከፍተኛ ጠቀሜታ አለው።

ከአረቡ ሀገር እየተስፋፋ ካለዉ ሰፊ የስራ ዕድል ተጠቃሚነት አንፃር አረብኛን ቋንቋ ከታች ጀምሮ ተማሪዎች ቢማሩ ተመራጭ ነው።

እንዲሁም ሀገራችን ከአጎራባች ሀገሮች ጋር በተለይም ከአረቡ ዓለም ጋር ለምታደርገዉ የጋራ ጥቅምን መሰረት ያደረገ መልካም ግንኙነት ለመመስረት ያግዛል " ብለዋል።

ይህ መረጃ ባለቤትነቱ የስልጤ ዞን ኮሚኒኬሽን ነው። #SilteZoneCommunication

😮

በርበሬ 🌶️ 🌶️🌶️

ዘንድሮ በበርበሬ ምርቷ የምትታወቀው ሀላባ ቁሊቶ
እንዲህ አምርተን ለተጠቃሚ ለማድረስ ችር ጉድ እያልን ነው ስለዚህ ህብረተሠቡ በርበሬ ምርት እጥረት ስጋት ውስጥ አይገባም

እንዲሁም የበርበሬን ዋጋው እንዲረክስ እንዳደርጋለን

በርበሬ ሲፈልጉ ሀላባ ቁሊት በርበሬ አለልዎት እያሉ ይገኛል::

Via Bediru (Xv)

😮😮😮

🌴🌴🌴

የአንድ ሳምንት ልጇን አን*ቃ የገደለች*ው የ14 ዓመት ታዳጊ እናት በቁጥጥር ስር ዋለች

በደቡብ ኢትዮጵያ ክልል በባስኬቶ ዞን ተጠርጣሪዋ የ14 ዓመት ታዳጊ ስትሆን በላስካ ከተማ 02 ቀበሌ ልዩ ስሙ ባዳይስ መንደር ተብሎ በሚጠራዉ አካባቢ የወንጀል ድርጊቱ ተፈፅሟል።

የክስ ዝርዝሩ እንደሚያስረዳው ተከሳሽ ሰናይት እንዳለ የተባለችዉ ታዳጊ የባስኬቶ ዞን ኗሪ ስትሆን በቁጥጥር ስር ልትዉል የቻለችዉ ልጇን በመግ*ደልና በመጣል ወንጀል ተጠርጥራ መሆኑን የባስኬቶ ዞን ፖሊስ መምርያ አስታውቋል።

ግለሰቧ የመዉለጃ ጊዜዋ ሲቃረብ ከባስኬቶ ወደ ጅንካ በመሄድ ከቀናት በኋላ በጅንካ ሆስፒታል የወለደች ሲሆን የሆስፒታሉ ሰራተኞች ብቻዋን መሆኗን አይተዉ ቤተሰብ የለሽም ወይ በማለት ሲጠይቋት ዘመድ የለኝም የሚል ምላሽ በመስጠቷ ሰራተኞቹ ልዩ ድጋፍና ክትትል ቢያደርጉላትም በሶስተኛዉ ቀን ከሆስፒታሉ በማምለጥ ወደ ባስኬቶ መመለሷ ተገልጿል።

በመቀጠልም ተከሳሽዋ የማሽላ እርሻ ዉስጥ ልጇን አን*ቃ በመግ*ደልና በመጣል ወደ ትዉልድ ስፍራዋ መመለሷን የደቡብ ኢትዮጵያ ፖሊስ ኮሚሽን ህዝብ ግንኙነት እና ገጽታ ግንባታ ዳይሬክተር ኢንስፔክተር አሸናፊ ኃይሌ ለብስራት ሬዲዮ ቴሌቪዥን ተናግረዋል ።

የእርሻዉ ባለቤቶች ለስራ ወደስፍራዉ ሲመጡ የህፃን ልጅ አስክሬን ማግኘታቸዉን ለፖሊስ በሰጡት ጥቆማ መሰረት ፖሊስ አስክሬኑን በማንሳት አስፈላጊዉን ምርመራ በማድረግ ከላስካ ከተማ ማዘጋጃ ቤት ጋር በመተባበር ስረአተ ቀብር መፈፀሙን ገልጿል።ፖሊስ ተጠርጣሪዋን ለመያዝ ባደረገዉ ክትትል በባስኬቶ ዞን ቦክቡጫ ቀበሌ በቁጥጥር ስር አዉሎ በምርመራ እያጣራ መሆኑን ኢንስፔክተር አሸናፊ ኃይሌ ለብስራት ሬዲዮ ቴሌቪዥን ተናግረዋል።

(ዳጉ ጆርኔል)

🌴🌴🌴

🙏🙏🙏❤️❤️❤️

የራሱን የሰርግ መልስ ፕሮግራም አቋርጦ የአንዲትን ወላድ እናት ህይወት ያተረፈው ዶክተር 😮

ትናንት እሁድ በማዕከላዊ ኢትዮጵያ ክልል በሀዲያ ዞን በሆሣዕና ከተማ በንግስት እሌኒ መሐመድ መታሠቢያ ሆስፒታል የታዘብኩትን አንድ ሠናይ ተግባር ላካፍላችሁ።

ይህ ጀግና ወጣት ትናንት እሁድ በራሣቸው የመልስ ፕሮግራም ላይ ባሉበት የአንዲትን ወላድ እናት ህይወት እንድያድኑ መልዕክት ስደርሳቸው

ሙሽሪቷንና አጃቢ እንግዶቻቸውን አስፈቅደው የመልስ ፕሮግራሙን አቋርጠው ሆስፒታል በመምጣት የተሣካ ኦፕሬሽን በማድረግ ከእግዚአብሔር ጋር የወላዲቷን ህይወት ከነህፃኗ ማትረፍ ችለዋል።

እንደ ዶ/ር በየነ ዓይነት ለሙያቸው ክብር የሚሰጡ፣ የሰው ህይወት ለማዳን የገቡትን ቃለ-መሃላ የሚጠብቁ፣ በጎ ህልናና መልካም ሥነ-ምግባር ያላቸው ቅኖችን ፈጣሪ ያብዛልን።

ዶ/ር በየነ አበራን አለማድነቅ
ወይም አለማመስገን ንፉግነት ነው!!

ዶ/ር በየነ እናመሰግናለን ‼️🙏

Via Adinaw Mitiku

🙏🙏🙏

🌴🌴🌴

🙏🙏🙏❤️❤️❤️

የራሱን የሰርግ መልስ ፕሮግራም አቋርጦ የአንዲትን ወላድ እናት ህይወት ያተረፈው ዶክተር 😮

ትናንት እሁድ በማዕከላዊ ኢትዮጵያ ክልል በሀዲያ ዞን በሆሣዕና ከተማ በንግስት እሌኒ መሐመድ መታሠቢያ ሆስፒታል የታዘብኩትን አንድ ሠናይ ተግባር ላካፍላችሁ።

ይህ ጀግና ወጣት ትናንት እሁድ በራሣቸው የመልስ ፕሮግራም ላይ ባሉበት የአንዲትን ወላድ እናት ህይወት እንድያድኑ መልዕክት ስደርሳቸው

ሙሽሪቷንና አጃቢ እንግዶቻቸውን አስፈቅደው የመልስ ፕሮግራሙን አቋርጠው ሆስፒታል በመምጣት የተሣካ ኦፕሬሽን በማድረግ ከእግዚአብሔር ጋር የወላዲቷን ህይወት ከነህፃኗ ማትረፍ ችለዋል።

እንደ ዶ/ር በየነ ዓይነት ለሙያቸው ክብር የሚሰጡ፣ የሰው ህይወት ለማዳን የገቡትን ቃለ-መሃላ የሚጠብቁ፣ በጎ ህልናና መልካም ሥነ-ምግባር ያላቸው ቅኖችን ፈጣሪ ያብዛልን።

ዶ/ር በየነ አበራን አለማድነቅ
ወይም አለማመስገን ንፉግነት ነው!!

ዶ/ር በየነ እናመሰግናለን ‼️🙏

Via Adinaw Mitiku

🙏🙏🙏

🌴🌴🌴

አንጋፋው ጋዜጠኛ ዜናነህ መኮንን ከዚህ ዓለም በሞት ተለየ።

አንጋፋው ጋዜጠኛ ዜናነህ ፥ በኢትዮጵያ ራዲዮና ቴሌቭዥን እንዲሁም በዴቼ ቬለ ሬድዮ ለረዥም ዓመታት አገልግሏል።

ጋዜጠኛ ዜናነህ ለረዥም ጊዜያት ባደረበት ህመም ህክምናውን ሲከታተል ከነበረበት እስራኤል ቴል አቪቭ ዛሬ ጠዋት ኣፏል።

በስልሳ ስምንት ዓመቱ ከዚህ ዓለም በሞት የተለየው አንጋፋው ጋዜጠኛ ዜናነህ አዘዞ ጎንደር ነው የተወለደው።

ከ1970ዎቹ እስከ ሰማኒያዎቹ አጋማሽ ድረስ በኢትዮጵያ ራዲዮ እና ቴሌቪዥን ድርጅት በተለይ በዜና አንባቢነት አገልግሏል።

በ1980ዎቹ አጋማሽ ወደ እስራኤል ያቀናው ዜናነህ በህመም ተዳክሞ ከሥራው እስኪርቅ ድረስ በኢየሩሳሌም የዶቼ ቬለ ራዲዮ ዘጋቢ በመሆን ሲያገለግል ቆይቷል።

" ይህ ዶቼ ቨለ ነው !! " ከሚለው የዲቼቬለ ሬድዮ ጣቢያ መለያ አንስቶ የተለያዩ ዝግጅቶች መክፈቻም የአንጋፋው ጋዜጠኛ ድምፅ ነው።

የዶቼ ቬለ አድማጮች ዜናነህን ከመካከለኛው ምስራቅ በእስራኤል አረብ ግጭት እና ጦርነቶች ብሎም በቀጣናው በሚነሱ ፖለቲካዊ ዘገባዎች ያውቁታል።

የዜናነህ መኮንን የቀብር ሰነ ስረዓት ቴል አቪቭ ውስጥ በሚገኝ ፓርክ ያኮም መካነ መቃብር እንደሚፈጸም ልጁ ቢታንያ ዜናነህ ገልጻለች።

ዜናነህ ባለትዳር እና የሶስት ሴቶች ልጆች አባት ነበር።

#ዶቼቨለ

" በተፈጸመባት ግርፋት ክፉኛ ተጎድታለች፤ የአካሏ ግራ ክፍል አይሰራም። የራስ ቅሏ ተሰብሯል " - የቤተሰብ አባል

በኦሮሚያ ክልል ፣ በምስራቅ ቦረና ዞን ዋጪሌ ወረዳ ' የሽማግሌዎችን ትዕዛዝ አላከበረችም ' በሚል ከዛፍ ጋር ታስራ በባለቤቷ ክፉኛ የተደበደበችና የተገረፈች የ3 ልጆች እናት በአስጊ ጤና ሁኔታ ላይ እንደምትገኝ የቤተሰብ አባሏ ተናገሩ።

በአሁኑ ወቅት በሐዋሳ ሆስፒታል በህክምና ላይ የምትገኘው ኩሹ ቦናያ የተባለችው እናት በደረሰባት ግርፋት ክፉኛ ተጎድታ " የአካሏ ግራ ክፍል አይሰራም። የራስ ቅሏ ተሰብሯል " በማለት የቤተሰብ አባሏ ገልጸዋል።

የአካባቢው አቃቤ ሕግ በበኩላቸው ግርፋቱን መፈጸማቸው የተጠረጠሩ ባለቤቷን ጨምሮ 8 ግለሰቦች በቁጥጥር ስር ውለው ምርመራ መካሄዱን ተናግረዋል።

በቁጥጥር ስር ከዋሉ ግለሰቦች መካከል የቅጣት ውሳኔውን አስተላልፈዋል የተባሉት ሽማግሌዎች የዋስትና መብታቸው ተከብሮ ሲለቀቁ ባለቤቷ ግን አሁንም በቁጥጥር ስር እንደሚገኝ ገልጸዋል።

ጃርሶ ቡሌ (ዘመዷ) ምን አሉ ?

" ኩሹ ቦናያ የ3 ልጆች እናት ናት።

ገበያ ላይ አስሮ የመግረፉ ድርጊት የተፈጸመው ባለፈው ወር መስከረም 9/ 2017 ዓ.ም. ነው።

ግርፋቱ የተፈጸመባት ባለቤቷ ገልገሎ ዋሪዮ ይባላል።

ኩሹ እና ባለቤቷ ገልገሎ በትዳር 12 ዓመት ቆይተዋል

በኑሯቸው ችግር ውስጥ ሲወድቁ ባለቤቷ ወደ ውትድርና ይገባል። በውትድርና 4 ዓመት ያህል ቆይቷል።

እሷ ልጆቿን ለማሳደግ ብቻዋን ስትጥር ነው የቆየችው።

ገልገሎ ከውትድርና ከተመለሰ በኋላ ግን ባለቤቱን መደብደብ ይጀምራል።

በተደጋጋሚ ወደ ቤተሰቦቿ እየሸሸችም ሁኔታዎች ሲረጋጉ ወደ ቤቷ ትመለስ ነበር።

ገልገሎ ከውትድርና ከተመለሰ በኋላ ከባለቤቱ ጋር መስማማት አለመቻሉም ፤ ዘወትር ባለቤቱን እና ልጆቹን ይደበድብ ነው።

በአገር ባህል መሰረት ሽማግሌዎች በባለትዳሮቹ መካከል የተፈጠረውን ችግር ለመፍታት በተደጋጋሚ ለሽምግልና ተቀምጠዋል።

ችግሮች ሳይፈቱ ሲቀሩ ወደ አባቷ ቤተሰብ ሸሸች። ሽማግሌዎች ተነጋግረው ባለቤቷ ጠባዩን እንዲያሻሽል እርሷም ወደ ቤቷ እንድትመለስ መከሯት።

እርሷ ግን ነገሩን በደንብ እንዲያጤኑት ወደ ቤቷ ብትመለስ አንደሚገላት’ ተናገረች።

የሽማግሌዎቹን ቃል አላከበረችም በሚል ሽማግሌዎቹ ታስራ እንድትገረፍ ወስነውባታል።

የሽማግሌዎቹ ውሳኔ የቦረናን ባሕል አይወክልም ፤ ይህ የጥቂት ሰዎች ውሳኔ ነው።

በሚኖሩበት አካባቢ ባለ ዛፍ ላይ አሰሯት። ይህንን ያደረጉት ልጇ እያለቀሰ፣ ሌሎች ቆመው እያዩ ነው።

በስፍራው ተገኝተው የነበሩ በሙሉ ፎቶ እንዳያነሱ፣ ቪድዮ እንዳይቀርጹ ተከልክለው ነበር።

ስትገረፍ ከዋጪሌ ዱብሉቅ አንድ መኪና በድንገት መጣ።

አንድ ልጅ ከመኪናው ወርዶ ቪድዮ መቅረጽ ጀመረ ፤  በዚህም የተፈጸመውን ወንጀል ሌሎች ሊያዩት ይችለዋል።

የሦስት ልጆች እናት የሆነችው ኩሹ በዛፍ ላይ ታስራ በባለቤቷ ግርፋት ከደረሰባት በኋላ ክፉኛ ተጎድታለች።

የአካሏ ግራ ክፍል አይሰራም። የራስ ቅሏ ተሰብሯል።

የቤተሰብ አባላቶቿ የደረሰባትን ወድያውኑ አልሰሙም ነበር። ለሳምንት ያህል ሕክምና ሳታገኝ ቆይታለች።

ወንጀሉ አንደተፈጸመ ወድያውኑ ቪድዮው አልተለቀቀም ነበር። ከሳምንት በኋላ ነው ሰው ያየው። ወላጆቿም የሆነውን ያዩት ከቪድዮው ላይ ነው።

መጀመርያ በአሬሮ ሆስፒታል በኋላም ወደ ያቤሎ ሆስፒታል ሄዳ ሕክምና የተከታተለች ቢሆንም የተሻለ ሕክምና በማስፈለጉ ወደ ሐዋሳ ሆስፒታል ተልካለች። "

የዋጪሌ ወረዳ አቃቤ ሕግ ኃላፊ የሆኑት አቶ ጉዮ አሬሮ ጥቃቱ በቃቃሎ መንደር መፈጸሙን እና ከተፈጸመ ከሳምንት በኋላ ሪፖርት መደረጉን ተናግረዋል።

" መረጃው እንደደረሰን የምርመራ ቡድን በማዋቀር መረጃ መሰብሰብ ጀምረናል " ብለዋል።

ተጠርጣሪዎቹ በቁጥር ስር ውለው ፍርድ ቤት ከቀረቡ በኋላ ሽማግሌዎቹ የዋስትና መብታቸው ተከብሮ ሲለቀቁ ባለቤቷ ግን አሁንም በእስር ላይ እንደሚገኝ ጨምረው ተናግረዋል።

" ክስ ለመመስረት የሕክምና ማስረጃ እንፈልጋለን። አሁንም የሕክምና ክትትል እያደረገች በመሆኑ መረጃው ገና ተጠናክሮ አልቀረበልንም። ሕጋዊው ጉዳይ ግን ሂደቱን ጠብቆ ይቀጥላል " ሲሉ ተናግረዋል።

ይህ መረጃ ባለቤትነቱ የቢቢሲ አማርኛው አገልግሎት ነው።

ቪድዮ፦ ከማህበራዊ ሚዲያ

በዚህ ሲዝን 100% በሜዳቸው ያደረጓቸውን ጨዋታዎች ያሸነፉ በአውሮፓ 5ቱ ታላላቅ ሊጎች 4 ቡድኖች ብቻ ናቸው።

- ባየር ሙኒክ
- ፒኤስጂ
- ኤሲ ሚላን
- አትሌቲኮ ማድሪድ
@EthioAdiss_mereja

ዛሬ የሚደረጉ ጨዋታዎች !

🇪🇸 በስፔን ላሊጋ

04:00 | አላቬስ ከ ቫላዶሊድ

🇩🇪 በጀርመን ቡደስሊጋ

03:30 | ዶርትሙንድ ከ ሴንት ፓውሊ

🇫🇷 በፈረንሳይ ሊግ 1

03:45 | ሞናኮ ከ ሊል

🇸🇦 በሳውዲ ፕሮ ሊግ

03:00 | አል ሸባብ ከ አል ናስር
@EthioAdiss_mereja

ሰላማዊ ውሎ .. መልካም ቀን ! 😎

SHARE @EthioAdiss_mereja

ሚኬል ሜሪኖ፡-

"አርሰናልን የሚያህል ትልቅ ክለብ ባንተ ላይ ፍላጎት ሲኖረው በጣም ይገርማል። እሱን ያቀረበልህን ጥያቄ ሁለት ጊዜ ማሰብ የለብህም ፤ እዚህ ያለው ሁሉም ነገር ድንቅ ነው አሰልጣኙ ደጋፊዎቹ እስካሁን ሁሉም ነገር ለኔ ግርምት ሆኖ ቆይቷል።

በአርሰናል ቤት ያደረኩት መጀመሪያ ጨዋታዬን መቼም የማልረሳው ልምድ ሆኖኛል ።" ሲል ተናግሯል ።@EthioAdiss_mereja

#Update: በናይጄሪያ ነዳጅ ጫኝ ቦቴ ላይ በደረሰው ፍንዳታ የሟቾች ቁጥር ከ150 አልፏል

አደጋው የተከሰተው ሹፌሩ በአገሪቱ የማጂያ ከተማ አቅራቢያ ሊደርስ ሲል ተሽከርካሪውን መቆጣጠር ባለመቻሉ መሆኑን የፖሊስ ቃል አቀባይ ላዋን ሺዩ አደም ለአናዱሉ ተናግረዋል።

በተከሰተው አደጋ ቦቴው የያዘውን ነዳጅ ማፍሰስ መጀመሩ ሲስተዋል፤ ቦቴው የያዘው ነዳጅ መፍሰስ መጀመሩን የተመለከቱ ነዋሪዎች ነዳጁን ለመቅዳት ሲሞክሩ ፍንዳታ በመከሰቱ ምክንያት በርካታ የአንድ አካባቢ ነዋሪዎች ለህልፈት ተዳርገዋል።

በፍንዳታው ለሞቱ ከ150 በላይ ሰዎች የጅምላ የቀብር ስነስርአት መካሄዱን አልጀዚራ ዘግቧል። የሟቾች ቁጥር የጨመረውም በርካቶች በመንገድ ላይ የፈሰሰውን ቤንዚን ለመቅዳት ሲሞክሩ በመሆኑ ነው።

በዛሬው እለት በአደጋው ​​የሞቱት ሰዎች ቁጥር 157 መድረሱን የዘገበው አልጀዚራ በጂጋጋ ግዛት የሚገኙ የጤና ባለሙያዎች ከ100 በላይ ተጎጂዎች በሆስፒታሎች ህክምና እየተደረገላቸው መሆኑን ተናግረዋል። የሟቾች ቁጥር ሊጨምር እንደሚችልም ተነግሯል።

አሽከርካሪው ጉዳት እንዳልደረሰበት ሲገለፅ ፖሊስ ምርመራ ለማድረግ ወደ እስር ቤት ወስዶታል።

የሀገሪቱ ምክትልፕሬዝዳንት ካሺም ሼቲማ ለተጎጂ ቤተሰቦች የሐዘን መግለጫ ያስተላለፉ ሲሆን በናይጄሪያ የነዳጅ ትራንስፖርት ደህንነት ፕሮቶኮሎችን በተመለከተ አጠቃላይ ግምገማ እንዲደረግ ጠይቀዋል።@EthioAdiss_mereja

“ ለጨዋታው ዝግጁ መሆን አለብን “ ዴክላን ራይስ

የመድፈኞቹ የመሐል ሜዳ ተጨዋች ዴክላን ራይስ ቡድናቸው ለነገው የፒኤስጂ ጨዋታ ዝግጁ መሆን እንዳለበት አሳስቧል።

“ ፔኤስጂ ጥሩ ቡድን ነው “ ሲል የገለፀው ዴክላን ራይስ ለጨዋታው ዝግጁ መሆን ይጠበቅብናል በማለት ተናግሯል።

“ ከዚህ በፊት ከፔኤስጂ ጋር ተጫውተን አናውቅም ስለዚህ ለጨዋታው ጎጉተናል ዝግጅታችን ጥሩ ነው" ሲል ዴክላን ራይስ ጨምሮ ተናግሯል።
@EthioAdiss_mereja

ዲክላን ራይስ ስለ ፒኤስጂ ፦

" አሁን በውድድሩ ጠንካራውን ቡድን አግኝተናል ፤ በኤምሬትስ ልዩ ምሽት እናሳልፋለን ።"

" ብዙው ጊዜ እንደዚህ አይነት ትላልቅ ቡድኖች የሚገናኙቴ በሩብ ፍፃሜ እና በግማሽ ፍፃሜ ነው ፤ አሁን ግን ገና በሁለተኛው ጨዋታችን እንገናኛለን ፤ እናም ለጨዋታው በደንብ ተዘጋጅተናል።" ሲል ተናግሯል።
@EthioAdiss_mereja

በዚህ የውድድር ዘመን በፕሪሚየር ሊጉ በክፍት ጨዋታ ብዙ የግብ ዕድሎች የፈጠሩ ተጫዋቾች :-

◉ 15 - ኮል ፓልመር
◉ 15 - ዴጃን ኩሉሴቭስኪ
@EthioAdiss_mereja

#MANCHESTER_UNITED  ባለፉት 15 የፕሪሚየር ሊግ ጨዋታዎች ነጥብ በመሰብሰብ ከመርሲሳይዱ ክለብ ኤቨርተን ዝቅ ብሎ ተቀምጧል።

▪ኤቨርተን፦ 21
▪ማን ዩናይትድ፦ 19
@EthioAdiss_mereja

“ ከፒኤስጂ ጋር መጫወት የሚፈልግ ቡድን የለም “ አሽራፍ ሀኪሚ

የፒኤስጂው የመስመር ተጨዋች አሽራፍ ሀኪሚ “ እኛን መግጠም የሚፈልግ ቡድን የለም “ ሲል በቡድኑ ጠንካሬ እምነት እንዳለው ገልጿል።

“ በጣም እርግጠኛ ነኝ እኛን መጋፈጥ የሚፈልግ የአውሮፓ ክለብ የለም “ የሚለው አሽራፍ ሀኪሚ በተጨዋቾች መካከል ጠንካራ ግንኙነት አለ ጥሩው ጎናችን ይህ ነው ብሏል።

“ አርሰናል ለመጫወት አስቸጋሪ የሆነ ቡድን ነው ፤ በአዲሱ አቀራረብ ለእኛ በጣም አስፈላጊው ጨዋታ ነው።" አሽራፍ ሀኪሚ
@EthioAdiss_mereja

#VisitAmhara

ግሸን ደብረ ከርቤ !

ግሸን ደብረ ከርቤ በኢትዮጵያ ኦርቶዶክስ ተዋህዶ እምነት ተከታዮች ዘንድ በአንጋፋነታቸው ከሚታወቁት ቅዱሳን ሥፍራዎች አንዷ ናት፡፡

የእምነቱ ተከታዮች እንዲሁም ሌሎች የገዳሟን ታሪክ ማወቅ የሚፈልጉ ሰዎች በየጊዜው ወደ ግሸን ይጓዛሉ፡፡

በተለይ ከመስቀል በዓል እስከ መስከረም 21፣ ጥር 21 እንዲሁም መጋቢት 10 ወደ ግሸን የሚጓዘው ሕዝብ በመቶ ሽዎች ይቆጠራል፡፡

በረከት ለማግኘት፣ ታሪክ ለማወቅ እና ለመፈወስ ግሸን ለእምነቱ ተከታዮች ቀዳሚ መዳረሻ ናት፡፡

በኢትዮጵያ የሀይማኖት ቱሪዝም ታሪክ ብዙ እንግዶችን በማስተናገድ ግሸን ከቀዳሚዎች መካከል ትገኛለች፡፡

ነገ መስከረም 21 ታላቁ የግሸን ደብረ ከርቤ ቅድስት ማርያም ክብረ በዓል ይከበራል፡፡

እንኳን አደረሳችሁ !

@EthioAdiss_mereja

#Tigray

" ስም በማጥፋት የሚፈታ የትግራይ ችግር የለም " - አቶ ጌታቸው ረዳ

የትግራይ ጊዚያዊ አስተዳደር ፕሬዜዳንት አቶ ጌታቸው ረዳ ዛሬ መስከረም 19/2017 ዓ.ም ከትግራይ ደቡባዊ ምስራቅ ዞን ተወካዮች ጋር  በመቐለ የሰማእታት ሃወልት አዳራሽ ተወያይተዋል።

ፕሬዜዳንት ጌታቸው ረዳ " ጊዚያዊ አስተዳደሩ ተልእኮዎቹ በአግባቡ እንዳይወጣና እንዳይፈፅም ከቅርብና ከሩቅ የሚያጋጥሙት መሰናክሎች በመመከት በትኩረት ይሰራል "
ብለዋል።

" ስም በማጥፋት የሚፈታ የትግራይ ችግር የለም " ያሉት ፕሬዜዳንቱ " የህዝብ ህልውና ለማረጋገጥ የምንሰራዎች የጋራ ስራዎች በአንድነት መፈፀም አለባቸው " ሲሉ አክለዋል።

ፕሬዜዳንት አቶ ጌታቸው ዛሬ ከደቡባዊ ምስራቅ ዞን ተወካዮች በመቐለ የሰማእታት ሃወልት አዳራሽ ያካሄዱት ህዝባዊ ውይይት የነበረው መልክ ቲክቫህ ኢትዮጵያ የመቐለ ቤተሰብ ታዝቧል።

" በዶ/ር ደብረፅዮን ገ/ሚካኤል እና በአቶ  ጌታቸው ረዳ የሚመራ ህወሓት " ተብሎ ለሁለት ከተከፈለ በኋላ ዛሬ በፕሬዜዳንት አቶ ጌታቸው መሪነት በመቐለ የተካሄደው ህዝባዊ ውይይት ከባድ ድባብ ነበረው።

ውይይቱ መስከረም 13/2017 ዓ.ም ሊካሄድ  ታቅዶ ይፋ ባልሆነ ምክንያት ወደ መስከረም 19 / 2017 ዓ.ም የተሸጋገረ ነድ።

ዛሬ በህዝባዊ ውይይቱ ለመሳተፈ በመቐለ ዙሪያ ከሚገኙ የደቡባዊ ምስራቅ ዞን ወረዳዎች ዶግዓ ተምቤን ፣ እንደርታ ፣ ሕንጣሎ ወጀራት ፣ ሳምረ ሳሓርቲ የተውጣጡ የህዝብ ተወካዮች በአራት አቅጣጫ ወደ መቐለ ሲገቡ በከተማዋ መግብያ የፓሊስ ፍተሻ ገጥሟቸው ነበር።

በተያያዘ ህወሓት ለዓመታት በብቸኝነት ለፓለቲካዊ ስብሰባዎቹ ሲጠቀምበት የነበረውን የሰማእታት ሃወልት አዳራሽ ለመግባት የተሰበሰበው ህዝብ የአዳራሹ ቁልፍ በሰአቱ ባለመከፈቱ ከአዳራሹ ውጭ ፀሐይ ላይ እንዲቆይ ተገዷል።

ፕሬዜዳንት አቶ ጌታቸው ከተምቤን ፣ ዓዲግራት ፣ ማይጨውና ፣ መኾኒ ቀጥለው በእንዳስላሰ ሽረ ሊያካሂዱት ያቀዱት ህዝባዊ ውይይት በአዳራሽ ውስጥ በተፈጠረ አለመደማመጥና ግርግር ተቋርጦ ነበር።

ዛሬ በመቐለ ከደቡባዊ ምስራቅ ዞን ተወካዮች ያካሄዱት ውይይት " ተጨማሪ ድጋፍ ያስገኝላቸዋል ፤ የሚታየው ህዝባዊ መነቃቃት ሃሳብን በነፃነት የመግለፅና የመሰብሰብ ዴሞክራሲ መብቶች ያጎለብታል " የሚሉ ብዙሃን አስተያየት ሰጪዎች ጎን ለጎን " ፕሬዜዳንቱ የሚታይ የሚዳሰስ  ነገር ሳይሰሩ በህዝብ ደጋፍ እየሰከሩ ነው " የሚሉ አልታጡም።   

በመቐለ ዙሪያ የሚገኘው የደቡባዊ ምስራቅ ዞን ዶ/ር ደብረፅዮን በሚመሩት ህወሓት የፓሊት ቢሮ አባል የሆኑት ወ/ሮ ሊያ ካሳ ምትክ አቶ ፀጋይ ገብረተኽለ ዋና አስተዳዳሪ ሆኖው እንዲሰሩ በጊዚያዊ አስተዳደሩ በቅርቡ መሾማቸውን መዘገባችን ይታወሳል።

በፕሬዜዳንት አቶ ጌታቸው ረዳ መሪነት ከትግራይ ደቡባዊ ምስራቅ ዞን ተወካዮች  በተከናወነው ህዝባዊ ውይይት የጊዚያዊ አስተዳደሩ ከፍተኛ የስራ ሃላፊዎች መገኘታቸው ቲክቫህ ኢትዮጵያ የመቐለ ቤተሰብ ዘግቧል።

 @EthioAdiss_mereja