በርትዕት ሀይማኖት

ነሐሴ 16/2016 #እናታችን_ኪዳነ_ምህረት

                   "የእናታችን ማርያም ትንሣኤና እርገት"

👉በስመ #አብ_ወወልድ_ወመንፈስ_ቅዱስ አሐዱ አምላክ አሜን አምላካችን መድኃኒታችን #ኢየሱስ_ክርስቶስን በክብር ለምናመሰግንበት #ለእናታችን_ማርያም_ትንሣኤና_ዕርገት መታሰቢያ አመታዊ ክብረ በዐል እንኳን አደረሰን

👉 #የእናታችን_የድንግል_ማርያም እድሜዋ 64 ሲሆን በእናት አባቷ ቤት  3 ዓመት በቤተመቅደስ 12 ዓመት ጌታን ፀንሳ በቤተ ዮሴፍ 9 ወር ከ 5 ቀን ከልጇ ከወዳጇ ጋር 33 ዓመት ከ 3 ወር ከቆየች በኋላ ዓለምን ለማዳን በእለት አርብ ጌታችን በመስቀል በተስቀለም ጊዜ የሚወዳት እናቱን ለሚወደው ደቀመዝሙር ለዮሐንስ እነኋአት እናትህ በማለት የአደራ ልጆቿ እንድንሆን ያደራ እናታችን እንድትሆን በቀራንዮ በእግረ መስቀል ስር ለኛ ለሁላችን ሰጥቶናል

👉ነሐሴ 16 ቀን አስደናቂውን የእመቤታችንን #የዕርገቷን በዓል ቅድስት ኦርቶዶክሳዊት ተዋሕዶ ቤተ ክርስቲያናችን በታላቅ ድምቀት ታከብራለች የእመቤታችን ማርያምን ሱባኤ በፍጹም በረከት እንድንፈጽም ያደረገን ልዑል እግዚአብሔር ምስጋና ይግባው ጣዕመ ፍቅሯን ያላረቀችብን እመቤታችንን ምስጋና ይግባት የአባቶቻችን #ሐዋርያት በረከትና ረድኤት ለሁላችንም ይድረሰን

👉የእመቤታችን የእረፍቷ ጊዜ ሲደርስ ጥቂት ታመመች እመቤታችን የአምላክ እናት እንደመሆኗ መጠን ሕመም ባይገባትም የሰው ልጅ እንደመሆኗ መጠን ነው የታመመችው አገልጋይዋ ቅዱስ ዮሐንስ በኤፌሶን ወንጌልን እያስተማረ ሳለ #በመንፈስ_ቅዱስ ትዕዛዝ በደመና ተጭኖ ወደ እመቤታችን መጣ ሌሎችም ቅዱሳን ሐዋርያት በጸጋ አውቀው በደመና ተጭነው መጡ ሁሉን የምታጽናና እመቤት ሐዋርያትም ሲያጽናኗት #ልጅሽ_አምላካችን_ነውና ደስ ይበልሽ አሏት

👉እመቤታችንም በአልጋዋ ጠርዝ ተቀምጣ ከዚህ ከኃላፊው ዓለም ወደ ዘላለማዊው ዓለም እንደምሄድ በምን አወቃችሁ አለቻቸው ሐዋርያትም ‹#መንፈስ_ቅዱስ በደመና ጭኖ እንደ ዓይን ጥቅሻ ያመጣን አንቺ ወደ ዘላለማዊ ሕይወት ልትሄጂ ስለሆነ ነው አሏት እመቤታችንም ድምጿን ከፍ አድርጋ ጌታዬ #ፈጣሪዬ_ኢየሱስ_ክርስቶስ ሆይ ክቡር ምስጉን የሆነ ስምህን ፈጽሜ አመሠግናለሁ የእኔን አገልጋይህን መከራ ተመልክተህ ድንቅ አድርገህልኛልና ከእንግዲህ #ትውልድ ሁሉ ያከብሩኛል ያመሠግኑኛል አለች

👉 #ቅዱሳን_ሐዋርያትም ከእነሱ መለየቷን ሲያውቁ ትባርካቸው ዘንድ እያለቀሱ ጠየቁ ወላዲተ አምላክም እጇንም በላያቸው ላይ ዘርግታ ባረከቻቸው በዚያን ጊዜ የክብር ባለቤት ልጇ እልፍ አእላፍ መላእክት አጅበውት እያመሰገኑት መጥቶ አረጋጋት በሰማይ ያዘጋጀላትን ተድላ ደስታ ነገራት ጌታችንም ከገነት ያመጣውን አፒሊያኖስ የሚባል መዓዛው ለነፍስ የሚጣፍጥ የሚመስጥ አበባ በአፍንጫዋ እያሸተተች በጆሮዋ የመላእክትን ምስጋና እየሰማች ያለ ጣር ያለ ጋር በተመስጦ በደስታ ነፍሷ ከሥጋዋ ተለየ

👉ጌታችንም ንፅህት ነፍሷን የብርሃን መጎናፀፊያ አልብሶ በመላእክት ዝማሬ ጥር 21 ቀን ወደ ሰማይ አሳረጋት ነብዩ ዳዊት ‹"ነፍሴ ሆይ ወደ እረፍትሽ ግቢ እግዚአብሔር መልካም ነገርን አድርጎሻልና›" እንዳለ መዝ.114÷7 #እመቤታችንም በልጇ ደስታ ወደ ሰማይ እረፍቷ ገባች

👉በሌላ ታሪክ #እመቤታችን በእረፍቷ ጊዜ ጌታችን ሲመጣ "ልጄ ወዳጄ እኔ አንተን ወልጄ እንዴት እሞታለሁ በእውኑ ሞት ለእኔ ይገባኛልን ብላ ጠይቃው ነበር "እሱም በሲዖል የሚሰቃዩትን ነፍሳት አሳይቷት እናቴ እነዚህ በሲዖል የሚሰቃዩት ነፍሳት የሚያገኙት እረፍት ባንቺ ሞት ነው ሲላት የሞቷን መልካምነት
በሲዖል ለሚሰቃዩት ነፍሳት ነፃ መውጣት መሆኑን የተረዳችው እመቤታችን "ልጄ ሆይ ለእነዚህስ አይደለም አንዴ ሰባቴ ልሙትላቸው"ብላ በፍቃዷ እዳረፈች ሊቃውንት ይተርካሉ

👉ወዳጆቼ እመቤታችን ለእኛ ለልጆችዋ ሰባቴ ለመሞት በነፍሷ የተወራረደች እናት ሆና ሳለ በዚህም እመቤታችንን በነፍስ ፍቅር አለመውደድ ማለት ከጣዕመ ፍቅሯ መሰደድ በቁም ለሲዖል እሳት መማገድ ነው #እመቤታችን_ማርያምን አለማመስገን ማለት በነፍስ በሥጋ ከፀጋ ፍቅሯ መራቆት ለሰይጣንና ለሠራዊቱ ተላልፎ መሰጠት ነው ከወለላይቱ ከአዛኝቱ ጣዕመ ፍቅር መለየት ማለት ከሞቱት በላይ ከሚኖሩት በታች ሆኖ በቁም መሞት ነው

👉ከዚህ በመቀጠል አብይ ነጥቡ የወላዲተ አምላክ #ማርያም #ትንሣኤና_እርገቷ ነዉ በእለተ እረፍቷ የተፈፀመዉን የመሠወር ሚስጢር ያየ ዮሐንስ ሲሆን የመጨረሻውን ትንሣኤና ዕረፍት ለማየት የታደለዉ #ቶማስ ብቻ ነዉ

👉በወቅቱና በቦታዉ ያልነበረው ቶማስ የትንሣኤዋንና የእርገቷን ምስጢር ተገልፆለት ለሐዋርያት በነገራቸው ጊዜ መቃብሩን ከፍተዉ ቢያዪት ባዶዉን ስላገኙት #ትንሣኤዋንና_እርገቷን ለማየት በአመቱ ነሐሴ አንድ ቀን እንደገና ሌላ ፆመ ሱባኤ በመግባትና ፈጣሪያቸዉን በመለመን በነሐሴ 16ኛዉ ቀን ጌታችን መድኃኒታችን #ኢየሱስ_ክርስቶስ እመቤታችንን መንበር ቅዱስ ጴጥሮስን ረዳት ካህን ቅዱስ እስጢፋኖስን ቀዳሚ ዲያቆን አድርጎ ቀድሶ አቁሩቧቸዋል ሐዋርያትም የዚህ ድንቅ ሚስጢር ተካፋይ ሆነዋል

👉አባቶቻችን ሐዋርያት የእመቤታችንን እረፍቷን ትንሣኤዋን እርገቷን በፆምና በፀሎት አይተዉ የህሊና እረፍታቸውን የደመደሙት እመቤታችን ለትንሣኤዋ ተጨባጭ ምልክት በእርገቷ ጊዜ #ለቅዱስ_ቶማስ የሰጠችዉን ሰበን ለበረከት ከተካፈሉ በኋላ ነዉ ለኛም የቃል ኪዳን ልጆቿ በረከት ረድኤቷ ለሁላችንም ይድረሰን "አሜን" ✝️ 💒 ✝️

እንኳን ለእመቤታችን ቅድስት ድንግል ማርያም የዕርገት በዓል በሰላም አደረሳችሁ !

"ሰላም ለዕርገተ ሥጋኪ ዘተወጥነ ቦቱ ዕርገተ ቅዱሳን ሰብእ ዘበኀቤኪ ተአኲቱ ለሊቃ ካህናት አሮን ማርያም ሠርጐ ትርሢቱ ሠዑለ ይኩን በልብስኪ እንተ ላዕሉ ወታሕቱ ፍሬ ከናፍር ወአፍ ውዳሴኪ ዝንቱ"

"እመቤቴ ማርያም ሆይ አንቺን ለሚያመሰግኑ ቅዱሳን ሰዎች ሁሉ የዕርገታቸው መመሪያ ለሆነ ዕርገተ ሥጋሽ ሰላምታ ይገባል ድንግል እመቤቴ ሆይ የሊቀ ካህናቱ የካህኑ የአሮን የሽልማቱ ጌጥ ነሽ እኮን በአንደበታችን የሚነገረው የምስጋናሽ ፍሬ ሁሉ በውስጥም በውጭም ላለው ልብስሽ ላይ በስዕል መልክ ተቀርጾ ይኑር"

          መልክዓ ፍልሰታ

https://t.me/BirrMineBot?start=647974516

#መኑ_ከመ_አምላክ

ሚካኤል ሆይ የችግረኛውን ሁሉ ጸሎት ፈጥነው ለሚሰሙ አዕዛኖችህ ሰላምታ ይገባል የይቅርታ መልአክ ሆይ ችግሬን አቃልልኝ ጭንቀቴን አስወግድልኝ ምክርን ትለግሰኝ ጥበብንም ታስተምረኝ ዘንድ አባት እንዳደረኩህ አንተም ልጅ አድርገኝ።

ውዳሴው እንደ ማር የጣፈጠ እንደ ባሕር የሰፋ ንዑድ ክቡር የሆነ የመላእክት አለቃ
ሚካኤል ማለት በዕብራይስጥ ቋንቋ
ሚ-መኑ
ካ-ከመ
ኤል- አምላክ
ማለት ሲሆን በአንድነት ሲነበብ መኑ ከመ አምላክ (እንደ እግዚአብሔር ያለ ማን ነው) ማለት ነው፡፡ አንድም ለእግዚአብሔር አሸናፊ ድል አድራጊ የቸርነትና የርህራኄ መገኛ መዝገብ ማለት ነው፡፡ ይህ ታላቅ መልአክ ዮሐንስ ወንጌላዊ በራዕዩ ‹‹በእግዚአብሔር ፊት የሚቆሙትን ሰባቱን መላእክት አየሁ›› ብሎ ከተናገረላቸው መላእክት ውስጥ የሚመደብ ሲሆን የሰባቱም ሊቃነ መላእክት አለቃ እንዲሆን እግዚአብሔር መርጦ ሹሞታል፡፡ ይህ ታላቅ መልአክ ያደረጋቸው የሠራቸው እጅግ ብዙ የሆኑ ተአምራት አሉት፡፡ ስለዚህ ስለ ታላቁ መልአክ ቅዱስ ሚካኤል ክብር፤ ጠባቂነትና አማላጅነት ከአባቶቻቸው የተማሩትን በኑሮአቸው ያዩትን አባቶቻችን ጽፈዋል፡፡ ስለ ቅዱስ ሚካኤል ከጻፉት አባቶች መካከል የተወሰኑትን ለመጥቀስ ያክል
+ ዮሐንስ አፈወርቅ
+ ኤዎስጣቴዎስ ዘአንፆኪያ
+ ቅዱስ መቃርዮስ
+ ቅዱስ ያሬድ
+ አባ ጊዮርጊስ ዘጋስጫ
+ የእስክንድርያው ሊቀ ጳጳስ አባዲማቴዎስ ናቸው፡፡ እኛም የአባቶቻችንን አንደበት አንደበታችን አድርገን እናመሰግንሀለን በዚህ ክፉ ዘመን ጥበቃህም አይለየን!

ሰአሉ ለነ ሀና ወኢያቄም
ዘወለድክሙ እመ ለመድኅነ ዓለም"

"የዓለም መድኃኒት እናትን የወለዳቹሃት ሀና እና ኢያቄም ለምኑልን"

#ጾመ ፍልሰታ

#አአትብ_ማለት_አለብህ!

በአንዲት ገዳም ውስጥ አንድ ጀማሪ መነኩሴ መኖሩ ታወቀ በዓቢይ ፆም ውስጥ እንቁላል ያምረዋል። አምሮቱ ሊተወው አልቻለም። በኋላ ጠብሶ ሊበላ ያስብና እንቁላሉ ሲጠበስ እንዳይሸትና የእሳት ጭስ እንዳይታይ ተደብቆ በጧፍ ነበልባል እንቁላሉን ሳይሰብረው ከነቅርፊቱ ለመጥበስ ይሞክራል። #ቀሽም_ጥበብ_ድኩም_አስተሳሰብ_ሙት_ሕሊና ያለው ሰው የሕይወት አቅጣጫው በዚህ ይወጠናል ለራሱ ምውት ሌላውን ቀታሊ ይሆናል ድንገት የገዳሙ አበምኔት በዚያ ሲያልፍ አየውና «ምነው በፆሙ! እንዴት እንዲህ ታደርጋለህ ጾም ሲፈታ አይሻልም?» ቢለው መነኩሴውም «ሰይጣን አሳሳተኝ» አላቸው። ለካስ ይኽን ሁሉ ድርጊት ሰይጣን ሆዬ በቀዳዳ አጮልቆ በአግራሞት ትርኢቱን እየተከታተለ ነበርና፣ መነኩሴው «ሰይጣን አሳሳተኝ» ሲል የሰማ ሴጣን {ሰይጣን} «ኧረ ውሸቱን ነው እኔ ራሴ ይኽን ዘዴ ያለ ዛሬም አላየሁት» አለ ይባላል።

ለዝንጉዎችና ለክፉዎች ሰይጣን ሰይጣንን ያሳስተዋልን? እንላቸዋለን። አንዳንድ ጊዜ እግዚአብሔርን ንቀው ለዓይነ ሰብእ ብቻ ጻድቅ ለመሆን የሚደክሙትን ከሰው ይልቅ እግዚአብሔርን መፍራት ይገባል እንላቸዋለን። ከእግዚአብሔር ቁጣና ተግሳጽ ይልቅ የሰዎች ትዝብት የሚበልጥባቸው ሰዎች በየደጃችን እጅግ ብዙ ናቸው።
ከእግዚአብሔር መደበቅ አይቻልምና ስለ ሰው ሳይሆን ስለ እግዚአብሔር ሀሳብ ብቻ የምንገዛበት ርቱዕ ሕይወት ያስፈልገናል። የእግዚአብሔርን ሕግ በሰዎች ፊት ብንፈጽምና እውነተኞች ብንሆን ሐሰተኞች ሰዎች ከማህበራዊ ኑሮ ሊያገሉን ይችላሉ ነገር ግን ከእግዚአብሔር መንግሥት ሊለዩን አይችሉም።

በክፋትና በልቡና ጠማማነት ከሰይጣን በልጠው ሰይጣንን የሚያሰለጥኑ ሰዎች በሕይወታችን በሥራችን በእያንዳንዱ ሥጋዊና መንፈሳዊ ጉዳዮቻችን ውስጥ አሉ። ጠንቅቅ! አአትብ ያለው ያሳትታል።

#አባ_ፀጋ_ዘአብ

በ2024 የዓለም ኦሎምፒክ ስፓርታዊ ውድድር መክፈቻ ሥነሥርዓት ላይ የተካሄደውን አስነዋሪ ትዕይንት አስመልክቶ

“ይእዜ ኀሥረ ክብሮሙ ወተኀፍረ ገጾሙ ወተቃወመቶሙ ኀጢአቶሙ ከመ ኀጢአተ ሰዶም ወገሞራ አስተርአየት ወተዐውቀት ላዕሌሆሙ፤ አሌ ላ ለነፍሶሙ እስመ መከሩ እኩየ ምክረ ላዕለ ነፍሶሙ፡- ዛሬ ክብራቸው ተዋረደ፣ የፊታቸውም ዕፍረት ይመሰክርባቸዋል ኀጢአታቸው እንደ ሰዶምና እንደ ገሞራ ኀጢአት ተቃወመቻቸው በላያቸውም ተገልጣ ታወቀች፡፡ ክፉ ምክርንም መክረዋልና ለነፍሳቸው ወዮላት፡፡
ኢሳ.3 ፥ 9”

  የ2024 የዓለም ኦሎምፒክ ስፓርታዊ ውድድርን በማስመልከት ባለፈው ዓርብ በአውሮፓውያን ዘመን አቆጣጠር July 26 በፈረንሳይ ፓሪስ ከተማ የመክፈቻ ሥነ ሥርዓት በተካሄደበት ወቅት በመላው ክርስቲያኖች ዘንድ ከፍተኛ ክብር የሚሠጠውን ምስጢረ ቊርባንን ያቀለለ፣ የተመሳስይ ጾታ ጋብቻን፣  የግብረ ሰዶማውያንን እኩይ ተግባር በወገንተኛነት የተደገፈ ትርኢት ማሳየታቸውን በዓለም ዜና ማሰራጫ ተመልክተናል።
      በየዐራት ዓመቱ በሚከናወነው የዓለም ኦሎምፒክ ስፖርታዊ ውድድር የመክፈቻ ሥነሥርዓት ላይ የቀረበው የረከሰ ድርጊት ሲታይ በተቀደሰው ምሥጢረ ቊርባን ላይ የተፈጸመ የድፍረት ኃጢአት ነው፡፡ በተጨማሪም የሃይማኖትን ነጻነት የሚጋፋ፣ ጾታ የሚለውጡ ሰዎችን የሚያበረታታና በአጠቃላይ በክርስትና ሃይማኖትና በክርስቲያኖች ላይ የተፈጸመ ቀጥተኛ ጥቃት ስለሆነና ከሰለጠነው ዓለም የማይጠበቅ፣ የሌሎችን የእምነት የባህልና የማኅበራዊ ዕሴት ማክበር ልዩ ቦታ በሚሰጠው የኦሎምፒክ ስፖርታዊ ጨዋነት ላይ አሉታዊ ተጽዕኖ የሚፈጥር፣ በቅዱሳት መጻሕፍት፣ በሰው ልጅ ሰብዓዊ አኗኗር ፈጽሞ ተቀባይነት የሌለው ተግባር ነው፡፡
      በመሆኑም አንዱ የሌላውን የእምነትና የአምልኮ ነጻነት በማክበር እንዲኖር በሃይማኖት ቀኖናት ብቻ ሳይሆን በዓለማችን ላይ ባሉት ሀገራት የሰብአዊ መብትና የእምነት ሕግጋት የተደነገገ ሆኖ ሳለ ከኦሎምፒክ ስፖርት ጋር በማይገናኝ ሁኔታ በውድድሩ መክፈቻ ትዕይንት የተፈጸመው አስነዋሪ ተግባር ሃይማኖታችንን የሚጋፋ፣ መንፈሳዊ እሴቶቻችንን የሚያጠፋ ክብረ ነክና ሊወገዝ የሚገባው ሰይጣናዊ ድርጊት በመሆኑ የኢትዮጵያ ኦርቶዶክስ ተዋሕዶ ቤተክርስቲያን ቋሚ ሲኖዶስ በጽኑ አውግዞታል፡፡ የዓለም አቀፍ የኦሎምፒክ ኮሚቴና ጉዳዩ በቀጥታ የሚመለከታቸው አካላትም ይህንን በመላው ክርስቲያኖች ዘንድ ከፍተኛ ቁጣ የቀሰቀሰውን ጸረ-ሃይማኖት የሆነ አስነዋሪ ድርጊት በመኮነን የአምኮልን መብትና ነጻነት እንዲያስከብሩ፣ ድርጊቱን በግልጽ እንዲቃወሙ ቋሚ ሲኖዶስ መንፈሳዊ ጥሪውን ያስተላልፋል፡፡
                ሐምሌ 22 ቀን 2016 ዓ.ም.
                    አዲስ አበባ ኢትዮጵያ

Statement from the Permanent Synod of the Ethiopian Orthodox Tewahedo Church

Regarding the scandalous scene  at the opening ceremony of the 2024 World Olympic Games

The shew of their countenance doth witness against them; and they declare their sin as Sodom, they hide it not. Woe unto their soul! For they have rewarded evil unto themselves.  (Isa. 3:9)

In the opening ceremony of the 2024 World Olympic Games, that took place on Friday, July 26 2024 in in the city of Paris, France, we saw a scandalous scene that degrades the sacrament of Holy Communion, which is highly respected by all Christians and promotes same-sex marriage, homosexual activities and anti-Christian cults.

The act of showing such scene is a blasphemous sin against the sacrament of Holy Communion; it violates religious freedom and encourages transsexuals. In general, the scene is a direct attack on the Christian religion and Christians. Such act is unacceptable both in human life style and Christian scriptures.

The shown disgraceful act is forbidden and condemned not only by religious canons but also by the laws of the various countries in the world. The disgraceful act that was openly broadcasted on the world stage is a satanic act that should be condemned. Therefore, the Permanent Synod of the Ethiopian Orthodox Tewahedo Church strongly condemns and sends a spiritual call to all affiliated bodies to condemn the disgraceful act that has aroused great anger among the Christian religion and all Christians, to respect the rights and freedom of worship, and to openly oppose the act.

July 29, 2024
Addis Ababa, Ethiopia

እመቤታችን ቅድስት ድንግል ማርያም ግንቦት ፩ ቀን ተወለደች በኦሪቱ ሕግና ሥርዓት መሠረት በዘሌ 12:6 እንደተጻፈው ዛሬ ሐምሌ 20 ቀን ደግሞ በተወለደች በ80 ቀኗ ከርግብ ግልገል ጋር ወደ መቅደስ ወሰዷት።

ርግብየ ሠናይት ለተባለችው ለመልካሟ ንጽሕት ርግብ ርግብን ይዘውላት መቅደስ ዘኢትትነሠት የማታልፍ የማትፈርስ መቅደስ የተባለችዋን  አማናዊት መቅደስ ወደ ኦሪቱ መቅደስ ወሰዷት።
የእመቤታችን ረድኤት በረከቷ ይደርብን።

ወር በገባ በ 10 የሐዋርያው ቅዱስ ናትናኤል  ወርኀዊ መታሰቢያ በዓሉ ነው ።

+ ቅዱስ ናትናኤል +

=> ቅዱሱ ሐዋርያ የተወለደው ከእሥራኤላውያን ወላጆቹ ጌታችንበተወለደበት ዘመን አካባቢ ነው:: ይህ በምን ይታወቃል ቢሉ እርሱ  ሕጻን እያለ ሔሮድስ 144,000 ሕጻናትንሲፈጅ እርሱ ግን
በእግዚአብሔር ጥበብ ተርፏል::

=> እናቱበቅርጫት ውስጥ አድርጋ የበለስ ዛፍ ላይ አስቀምጣው ተደብቃ  ታጠባው ነበር:: ለሐዋርያው ወላጆቹ ያወጡለት ስም  ስምዖን ሲሆን ጌታችን ኢየሱስ  ክርስቶስ ደግሞ ናትናኤል ብሎታል:: በባልንጀሮቹ ሐዋርያት ደግሞ የቃናው ስምዖን (ገሊላ ቃና አካባቢ ስላደገ) አንዳንዴም
ቀናተኛው  ስምዖን ይሉት ነበር:: ምሑረ ኦሪት ነበርና ዘወትር ለሕግ ይቀና ነበር::

=> በገሊላ ቃና ሰርግ  የደገሰው ዶኪማስ የቅዱስ
ናትናኤል የአጎት  ልጅ ነው:: ጌታና ደቀ መዛሙርቱን ዶኪማስ የጠራበት አንዱ ምክንያትም ይሔው  ነው::

=> ቅዱስ ናትናኤል ኦሪትን ከገማልያል ተምሮ:
ከበለስ ቁጭ ብሎ ይተክዝ ነበር:: 'መሲሕ
ምነው ቀረህ' እያለም ይተክዝ ነበር:: ማዕምረ ኅቡዓት  አምላካችን ክርስቶስ ይህንን አውቆ
በፊልዾስ አማካኝነት ጠርቶታል:: ናትናኤል ለጊዜው ተከራክሮ ነበር:: በሁዋላ ግን የጌታችንን
ማንነት በደቂቃዎች ተረድቶ አምኗል:: ጌታችንም "ክዳት ሽንገላ በልቡ ውስጥ የሌለበት ንጹሕ  እሥራኤላዊ" ሲል አመስግኖታል::

=> ሐዋርያው ቅዱስ ናትናኤል ከጌታችን እግር ሥር ምስጢረ መንግስተ ሰማያትን ተምሮ: በጸጋ መንፈስ ቅዱስም  ሰክሮ ብዙ አሕዛብን ከጨለማ
(ጣኦት አምልኮ) ወደ ብርሃን (አሚነ ክርስቶስ) መልሷል::  እጅግ ብዙ መከራንም ተቀብሏል::
የጌታችን ወንድም የተባለ ቅዱስ ያዕቆብ
በአይሁድ ከተገደለ  በሁዋላም ቅዱስ ናትናኤል የኢየሩሳሌም  2ኛ ኤዺስ ቆዾስ ሆኖ አገልግሏል:: ከአይሁድም ዘንድ ብዙ መከራ  ደርሶበታል::

=> በመጨረሻም  በሰማዕትነት  አልፏል:: በገድለ ሐዋርያት  ላይ እንደተጠቀሰው ቅዱሱ ሰማዕት
የሆነው በ150 ዓመቱ ነው:: ያ ማለት ደግሞ ከሐዋርያት አባቶች በመጨረሻ ያረፈው እርሱ ነው
ያሰኛል::

=>እግዚአብሔር በቅዱስ ናትናኤል ምልጃ
ሃገራችንን ከጥፋት:
ሕዝቦቿንም ከመቅሰፍት ይሰውርልን::
ከበረከቱም አይለየን አሜን ፫ ::

እንኳን ለመጥምቀ ዩሀንስ የልደት በዓል በሰላም አደረስን ።
❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️❤️

የቤተ ክርስቲያን አስራ አራቱ/14/ ቅዳሴዎች ምን ምን ናቸው???

*//መልስ//፦*

1ኛ፦ ቅዳሴ ሐዋርያት
2ኛ፦ ቅዳሴ እግዚእ.
3ኛ፦ ቅዳሴ ማርያም
4ኛ፦ ቅዳሴ ዮሐንስ ወልደ ነጎድጎድ
5ኛ፦ ቅዳሴ ሰለስቱ
6ኛ፦ ቅዳሴ አትናቴዎስ
7ኛ፦ ቅዳሴ ባስልዮስ
8ኛ፦ ቅዳሴ ጎርጎርዮስ
9ኛ፦ ቅዳሴ ኤጲፋንዮስዲዮስቆሮስ

10ኛ፦ ቅዳሴ ዮሐንስ አፈወርቅ
11ኛ፦ ቅዳሴ ቄርሎስ
12ኛ፦ ቅዳሴ ያዕቆብ
13፦ ቅዳሴ ዲዮስቆሮስ
14ኛ፦ ቅዳሴ ጎርጎርዮስ ካልዕ

ሃይማኖት ማለት ምን ማለት ነው? ሃይማኖት ከማን የተሰጠ ሥጦታ ነው??

*//መልስ/*

“ሃይማኖት ወይም እምነት” አምነ አመነ ከሚለው የግእዝ ግሥ የተገኘ ዘር ወይም ስም፤ ፤ ሲሆን ትርጉሙም አንድን እውነት መቀበል፤ በአንድ ክፍል ላይ ተስፋ ማድረግ ወዘተ ማለት ነው።
ስለ እምነት ወይም ሃይማኖት ምሥጢራዊ ትርጉም ሐዋርያው ቅዱስ ጳውሎስ እንደሚከተለው በግልጽ አስቀምጦታል፡
👉 “እምነትም ተስፋ ስለምናደርገው ነገር የሚያስረግጥ የማናየውንም ነገር የሚያስረዳ ነው” ዕብ.11፡1 በዚህ ቃል መሠረት እምነት ተስፋ የምናደርገው ነገር ሁሉ እርግጠኛ ስለመሆኑ፤ የማናየውንም ነገር የሚተርክ የሚያስተምር ነው።

በመቀጠልም ሐዋርያው “ዓለሞች በእግዚአብሔር ቃል እንደተዘጋጁ ስለዚህም የሚታየው ነገር ከሚታዩት እንዳልሆነ በእምነት እናስተውላለን” ዕብ.11፡3 ይላል ። በመሆኑም እምነት ስለፈጣሬ ዓለማት እግዚአብሔር ያለውን
እውነት እንዲሁም ከእርሱ ዘንድ ያለውን ተስፋችንን
የሚያስረዳ፤ የሚያረጋግጥልን እውነት፤ ሁሉንም የምናይበት የልብ መነጽር ነው። ስለዚህ መንፈሳዊውን  ለማወቅና የአምላክን  ለመሳተፍ ማመን እጅግ ተፈላጊና መሠረታዊ ነገር ወይም ምሥጢር ነው።

ከዐራቱ ወንጌላውያን በስዕሉ ላይ አንበሳ ከጎኑ ሆኖ የሚሳለው ማን ነው❓
ሀ// ቅዱስ ማቴዎስ
ለ// ቅዱስ ማርቆስ
ሐ// ቅዱስ ሉቃስ
መ// ቅዱስ ዮሐንስ

​​✝በጸሎት ውስጥ በመትጋት ብዛት ወደ #እግዚአብሔር መድረስ ትችላላችሁ !!

#እግዚአብሔርን ከወደዳችሁት ትጸልያላችሁ ። አብዝታችሁ የምትጸልዩ ከሆናችሁ ከቀን ወደ ቀን ለእርሱ ያላችሁ ፍቅር እየጨመረና እየጠለቀ ይሄዳል ። ይህ ደግሞ የተለመደ ነገር ነው ምክንያቱም አንድ ሰው ከወደዳችሁ ከእርሱ ጋረ መነጋገርን ትወዱታላችሁና ። ከእግዚአብሔር ጋር መነጋገር ጸሎት ነው ።

በመጸለይ እንዴት መጸለይ እንዳለባችሁ ታውቃላችሁ ። ለማለት የፈለግሁት ወደ እርሱ ፍቅር በሚመራችሁ መንገድ ከእርሱ ጋር እንዴት መነጋገር እንዳለባችሁ ትማራላችሁ ለማለት ነው ።

በጸሎት ውስጥ በመትጋት በጸሎታችሁ ውስጥ ወደ ምትናገሩት ወደ እያንዳንዱ ቃል ጥልቀት ልትደርሱ ትችላላችሁ ። ከዚህ በተጨማሪ ከቀን ወደ ቀን ይበልጥ ወደ #እግዚአብሔር እየተጠጋችሁ ትመጣላችሁ ከእርሱ ጋር ለመነጋገርም ትናፍቃላችሁ ። ስለሆነም ጸሎት እንዴት #እግዚአብሔርን መውደድ እንዳለባችሁ ያስተምራችሗል ።
እንዲህ ባለ ጠባይ በጸሎታችሁ ውስጥ #ከእግዚአብሔር ጋር ተነጋገሩ አንደበታችሁ ከእርሱ ጋር እንዴት መነጋገር እንዳለባችሁ እየለመደ ይመጣል ። ይህ ደግሞ አዲስ ቋንቋ መማር የሚፈልግ ሰው ይመስላል ። ይህ ሰው ይህን ቋንቋ በሚገባ ባያውቅና መጀመርያ ላይ ቢሳሳትም እንኳ ይህን ቋንቋ መናገር አለበት ። ብዙ ጊዜ በመደጋገም ግን አንደበቱ ቋንቋውን ይለማመደዋል በሚገባ እስከሚጠቀምበት ድረስም ቀላል እየሆነለት ይመጣል ።

በእናንተም ቢሆን እንዲሁ ነው ይበልጥ #ከእግዚአብሔር ጋር እየተነጋገራችሁ ስትመጡ አንደበታችሁ ይበልጥ ከእርሱ ጋር መነጋገርን እየለመደ ይመጣል ። ከዚህ በኋላ በፍቅር ስሜት ውስጥ ሆናችሁ ከእርሱ ጋር መነጋገርን ታውቃላችሁ ።

     አቡነ ሺኖዳ ሳልሳዊ

የእመቤታችን አባት  ኢያቄን ከነገደ__...ሲሆን ቅድስት ሐና ደግሞ ከነገደ.... ናት??_ሌዌ

ሀ/ ሌዊ፣ ይሁዳ

ለ/  ይሁዳ ፣
.
ሐ/ ሌዌ ፣ ብንያም

መ/መልስ የለም

ንጽሕት ድንግል በእውነት አምላክን የወለደች እንደሆነች እንናገራለን እግዚአብሔር ቃል ከእርሷ ሥጋን ተዋሕዷልና። በማለት ስለ እመቤታችን ክብር የመሰከረው አባት ማነው??_

ሀ/ቅዱስ ቄርሎስ ዘእስክንድርያ
ዘእንዚናንዙ
ለ/ ቅዱስ ሳዊሮስ  ዘአንጾኪያ

ሐ/ ቅዱስ ጎርጎርዮስ

መ/ ቅዱስ ቴዎዶጦስ ዘዕንቆራቅ

*//መልስ//* ሐ/ ቅዱስ ጎርጎርዮስ ዘእንዚናንዙ

✝ #እግዚአብሔርን_ተስፋ_አድርግ

ለመንጋው ሁሉ በጎ እንደሚመኝ እንደ መልካም እረኛ #እግዚአብሔርም በፍጥረታቱ በሙሉ ያለምንም ጥርጥር በዝምታ ይሠራል። ይሁን እንጂ ሰዎች በመከራ ውስጥ ሆነው #የእግዚአብሔር መልስ ከዘገየባቸው እንደማይሰራ አድርገው ያስባሉ። እነርሱ #እግዚአብሔር አይሰራም በሚያስቡበት ሰዓት ሁሉ እርሱ ግን ለእነርሱ በጥልቅ እየሰራ ነው። ሰዎች ይህንን ስለማይገነዘቡ #የእግዚአብሔርን ሥራና የስራውን ውጤት ፈጥነው ለማየት ይፈልጋሉ። እነዚህ ሰዎች ግን በእምነታቸው ያመኑትን በዓይነቻቸው እስኪመለከቱ ድረስ ሊቆዩ ይገባቸዋል።" #እግዚአብሔርን ተስፋ አድርግ በርታ ልብህም ይጽና #እግዚአብሔርን ተስፋ አድርግ፡፡" መዝ 26 ፥ 14።

ከዐራቱ ወንጌላውያን በስዕሉ ላይ አንበሳ ከጎኑ ሆኖ የሚሳለው ማን ነው❓
ሀ// ቅዱስ ማቴዎስ
ለ// ቅዱስ ማርቆስ
ሐ// ቅዱስ ሉቃስ
መ// ቅዱስ ዮሐንስ