የደቀ መዝሙርነት ት/ቤት - Classroom

ትምህርት ሁለት - መለኮት
========================

ውድ ተማሪዎች:
የመጀመሪያው ትምህርት ተጥናቅቆ ወደ ሁለተኛው ደርሰናል:: ይህ ትምህርት ለአንድ ሳምንት ብቻ ይቆያል:: አርብ ለት ፈተና ይሰጣል:: መልካም ጥናት


ትምህርት 2 መግቢያ:
========================

“እውነተኛ አምላክ የሆንኸውን አንተንና የላክኸውንም ኢየሱስ ክርስቶስን ያውቁ ዘንድ ይህች የዘላለም ሕይወት ናት።”
— ዮሐንስ 17:3

ስለ እግዚአብሄር ያለን ግንዛቤ በሌላው የህይወታችን አቅጣጫዎች ሁሉ ባለን አስተያየት ላይ ፣ እንዲሁም የህይወትን ጥያቄዎች እንዴት እንደምንረዳና እንደምንመልስ ትልቅ ተፅዕኖ ያሳድርብናል፡፡

ከሁሉም በላይ ደግሞ ስለእግዚአብሔር ማንነት ሊታወቅ የሚችለውን በትክክል ካልተረዳን ራሳችንን ለመረዳት አዳጋች ይሆንብናል፤

ስለ እግዚአብሄር ያለን መረዳት የተሳሳተ ከሆነ ስለራሳችን ያለን መረዳት የተሳሳተ ይሆናል!


በዚህች ትንሽ አዕምሮአችን ይህንን ጥልቅ ሀሳብ ሙሉ ለሙሉ ለመረዳት መሞከር ውቂያኖስን በትንሽዬ ማንኪያ ጨልፎ ከመጨረስ ቢከብድም ልናውቀው የሚገባንን እና የምንችለውን ከቃሉ እናጠናለን፤ ደግሞም በመንፈሱ አማካይነት ሊያስተምረን ቃል ለገባልን ለመድሃኒያለም ምስጋና ይሁን!

በርግጥም ሁሉን ቻይ የሆነ እግዚአብሄር አለ? ካለስ እግዚአብሄር ማነው?

በመጽሀፍ ቅዱስ ውስጥ እግዚአብሄር በተለያየ ስሞች መጠራት ለምን አስፈለገው? እነዚያ ስሞችስ ምን ትርጉም ይኖራቸው ይሆን ?

የእግዚአብሄር ሊተላለፉ የሚችሉ እና ሊተላለፉ የማይችሉ ባህርያትስ ምን ምን ናቸው?

ስላሴ የሚለው ሀሳብ መጽሀፍ ቅዱሳዊ ነውን ? ምን ማስረጃ አለ? ምን ማለትስ ነው?

ሰብዓዊውን ዘር በማዳን እቅድ ውስጥ ስለእግዚአብሄር አብ ሚና መፅሀፍ ቅዱስ ምን ይላል?

እግዚአብሄር ወልድ ማን ነው? ሰውን ለማዳን ሰብዐዊውን ተፈጥሮ መውሰድ ለምን አስፈለገው? ከእግዚአብሄር አብ ጋርስ እኩል ነው? ከሆነስ በተለያዩ ቦታዎች አብ ከእኔ ይበልጣል ብሎ ለምን ተናገረ?

መንፈስ ቅዱስ ማን ነው? መንፈስ ቅዱስ በእውነት አምላክ ነው ወይስ? ሰብዓዊውን ዘር በማዳን እቅድ ውስጥ ስለመንፈስ ቅዱስ ሚና መፅሀፍ ቅዱስ ምን ይላል?

መጽሐፍ ቅዱስን በተመለከተ ተጨማሪ ማብራሪያዎችን ለመማር ይህን የምስል ውይይት ተከታተሉት። ተባረኩ

የእግዚአብሔር ቃል:
=======================

ከአስተማሪው

ውድ ተማሪዎች:-
የዚህ ሳምንት ጥናት ከላይ እንዳነበባችሁት የመጽሐፍ ቅዱስን ታሪክና የእግዚአብሔርን ቃል ተአማኒነት የሚያስተምሩ ናቸው::

በዚህ ዘመን የእውነት ጠላት የሆነው ሰይጣን ሰዎችን በማደናገር ከእውነት እንዲርቁ ይጥራል:: ሰዎች በትክክል በመጽሐፍ ቅዱስ የተፃፈውን እውነት እንዳይረዱ በታዋቂ ሰዎች: ሰባኪዎች: ሐሰተኛ ነብያትና አስተማርዎችን በመጠቀም ሐሰትን እያስፋፋ ነው::

ከዚህ ጥፋት እንዴት ማምለጥ ይቻላል?

1. የቃሉን እውነት እንዲገልጥልን በትህትና እንለምን:

የእግዚአብሔር ቃል የሚጠናው በጸሎት ከሆነ ለደካማው የሰው ሕሊና ግልጽ የማይሆኑ እውነቶችን በመንፈስ ቅዱስ ብርሃን ማስተዋል ይቻላል:: በራሳችን ማስተዋል አንደገፍ!

“በፍጹም ልብህ በእግዚአብሔር ታመን፥ በራስህም ማስተዋል አትደገፍ” ምሳሌ 3:5

2. በግል ማጥናትን እንልመድ

እንዳለመታደል ሆኖ መጽሐፍ ቅዱስን ብዙዎች ይፈሩታል: በግል አንብበው የሚረዱት ስለማይመስላቸው ሌሎች እንዲተረጉሙላቸው ይፈልጋሉ:: በእርግጥ በቃሉ እውቀት ከተባረኩ ሰዎች ትምህርት መቅሰም ትክክል ቢሆንም "ሕጻናትን ጠቢባን የሚያደርገው" መንፈስ ለእያንዳንዳችንም የማስተዋል ችሎታን ይሰጠናል:: እንደ ቤሪያ ሰዎች ሰፊ ልብ ይዘን "ነገሩ እንዲሁ ይሆንን?" እያልን መመርመር ይገባናል!! የሐዋርያት ሥራ 17:11

3. በኃይማኖት ድርጅት ልምምድ መነጽር የእግዚአብሔርን ቃል ከመወሰን መቆጠብ

ቃሉን ስናጠና የምናምነውን ኃይማኖት እንዲደግፍልን ጥቅሶችን መሰብሰብ ሳይሆን ጠቅላላው የቃሉ መልእክት ምንድነው? በሚል መንፈስ ሊሆን ይገባል:: አዲስ ነገርን ለመማር: ለማወቅ: በተማርነው ደግሞ ለመለወጥ የተዘጋጀ ልብ ያስፈልገናል:: ይህ ሲሆን የቃሉን ሙሉ በረከት እናገኛለን!


4. ቃሉን አንብበን "ከሕይወቴ በዚህ ቃል መሰረት መለወጥ ያለበት ምንድነው?" ብለን መጠየቅ አለብን

እያንዳንዱ በመጸሐፍ ቅዱስ ያለ ቃል ብርቅየ ነው:: ለተቀበሉት የሕይወት ሽታ ላልተቀበሉት ደግሞ የሞት ሽታና እና ፍርድ ይሆናል:: አንብበን ችላ ካልነው በረከቱ ያመልጠናል:: ምናልባትም የዘላለም ሕይወትን ልናጣ እንችላለን::

የተቀበሉት ግን ልክ እንደ ዘማሪው "ብዙ ምርኮ እንዳገኘ በቃልህ ደስ አለኝ" የሚሉበት ዘመን ይመጣል:: መዝሙር 119:162

ተባረኩ!

ፈተናውን ለመስራት ትምህርቶቹን በደንብ እያጠናችሁ እያመሳክራችሁ ቢሆን የበለጠ ትባረካላችሁ!

https://forms.gle/ZZTZmXxz1t8co1Q46

ውድ ተማሪዎች:
በትምህርቱ እንደተባረካችሁ እምነታችን ነው:: ዛሬ አመሻሽ ላይ የዚህ ትምህርት ፈተና ይለጠፋል::

ተባረኩ!!

ከአስተማሪው ማስታወሻ
=========================

ውድ ተማሪዎች:
በዚህ ጥናት እንደተባረካችሁና ለሕይወታችሁ የሚጠቅም እውቀት እንደቀሰማችሁ ተስፋ አለን::

የእግዚአብሔር ቃል አለማት ተፈጥረውበታል:: ኃይል አለው! ሕያው ነው!! የዚህ ትምህርት ዋና አላማም ይህ ቃል አመጣጡን: ስልጣኑን: እውነተኛነቱን እና በአንባቢው ሕይወት ላይ የሚያመጣውን በጎ ተጽእኖ እንድናውቅ ነው::

አለማችን እንዲሁም አገራችን በክፋት ሰራዊት ተጽእኖ ክፉኛ እየተመታች ነው:: ብዙዎች የሰማይን አምላክ እናመልካለን በሚሉበት ዘመን የዘረኝነት መስፋፋት: የወንጀል መበርከት: የራስ ወዳድነት በሕብረተሰብ ውስጥ እንደ ትክክለኛ ነገር መቆጠር እጅግ አሳሳቢ ነው::

ቅዳሜ እሁድ ቤተክርስትያን የዋለ ሰው ከሰኞ እስከ እርብ በመስሪያ ቤት በሙስና: ስራን እና ኃላፊነትን በሚገባ አለመወጣት ሕይወት ለምን ይኖራል? ቤተክርስትያን የሚመላለስና የሚጸልይ ወጣት ለምን ጨካኝ: ዘረኛና ጎጠኛ ይሆናል? በኃይማኖት ካባ ሌብነትና ዝርፊያ ለምን ተስፋፋ? በየመንደሩ የፈላው የሰባኪና የነብይ ብዛት ምንጩ ምንድነው? ይህ እውነተኛ የመንፈስ ቅዱስ ስራ ከሆነ ለምን ሕዝቡ የሕይወት መለወጥ ማግኘት ተሳነው? የሚሉና ሌሎች ጥያቄዎች በአዕምሮየ ይመላለሳሉ::

መልሱ የእግዚአብሔርን ቃል አለማወቅ: ኃይሉን አለመረዳትና ራስን በጌታ ጸጋ ለመለወጥ ፈቃደኛ አለመሆን ነው!!

ከዚህ ጥናት በሁዋላ እነዚህን የግል ጥያቄዎች ሁሉም ተማሪ ሊጠይቅ ይገባል::

1. ይህን የተማርኩትን ነገር በምን መልኩ ተግባራዊ ላድርገው?

2. የምሄድበት ቤተክርስትያን ወይም የማምንበት የእምነት ስርአት በእውነተኛው የእግዚአብሔር ቃል ላይ የተመሰረተ ነው ወይ? ወይስ ስለተመችኝና ስለኖርኩበትና ስላደግሁበት ነው ዝም ብየ የምመላለሰው?

3. በግል ሕይወቴ ያሉትን ግድፈቶች እንዳሻሽል ይህ ቃል እንዴት ሊረዳኝ ይችላል?

4. ይህን እውቀት ለሌሎች እንዴት ማጋራት እችላለሁ?

ስለ እነዚህና ሌሎች ግላዊ የውሳኔ ጥያቄዎች ለመወያየት ካስፈለገ የዚህን ሳምንት አስተማሪ በውስጥ መስመር ማናገር ይቻላል::

መልካም ጥናት! ተባረኩ

የደቀ መዝሙርነት ት/ቤት - Classroom pinned «ትምህርት 1:- ቅዱሳን መጻሕፍት ======================== ውድ ተማሪዎች: ይህ የመጀመሪያው ትምህርት በይፋ የሚለቀቅበት ቀን ነው። የዚህ ትምህርት ትኩረት "መጽሐፍ ቅዱስ" ነው። ቅዱሳን መጻሕፍት በሰብአዊ ሰው ድነት ላይ ያላቸውን ሚና ለማስተዋል እንዴት እንደተጻፉ: ማን እንደጻፋቸው: በአጻጻፋቸው ላይ የሰውን እና የእግዚአብሔርን ሚና በሰፊው ማጥናት ተገቢ ነው። የእግዚአብሔርን…»

ትምህርት 1:- ቅዱሳን መጻሕፍት
========================

ውድ ተማሪዎች:
ይህ የመጀመሪያው ትምህርት በይፋ የሚለቀቅበት ቀን ነው። የዚህ ትምህርት ትኩረት "መጽሐፍ ቅዱስ" ነው።

ቅዱሳን መጻሕፍት በሰብአዊ ሰው ድነት ላይ ያላቸውን ሚና ለማስተዋል እንዴት እንደተጻፉ: ማን እንደጻፋቸው: በአጻጻፋቸው ላይ የሰውን እና የእግዚአብሔርን ሚና በሰፊው ማጥናት ተገቢ ነው።

የእግዚአብሔርን ቃል ተአሚነት ማወቅ ለመንፈሳዊ ሕይወት ጠንካራ መሰረት መጣል ነው::

ይህ ትምህርት በጽሑፍና በድምጽ የታገዘ ነው:: ጽሑፎቹን መጀመሪያ ካነበባችሁ በሁዋላ የድምፅ መልእክቶቹ ይለጠፋሉ:: በመጪው አርብ ሳምንት የመጀመሪያውን ፈተና ትወስዳላችሁ!!

ጥያቄ ካላችሁ በውስጥ መስመር መላክት ትችላላችሁ!

ውድ ተማሪዎች:

በኮርስ መምሪያው መሰረት የመጀመሪያው ትምህርት የሚለጠፈት ጊዜ ደርሷል:: ነገ ይለጠፋል::

ሳምንቱን ሙሉ አጥንታችሁ አርብ ለት ፈተና ይሰጣል:: ፈተናው በቴሌግራም የሚሰጥ ነው::

መጽሕፍ ቅዱስ እና ማስታወሻ ደብተር ይዛችሁ በሚገባ እንድታጠኑ እናሳስባለን! ተባርኩ!!

የደቀ መዝሙርነት ት/ቤት - Classroom pinned «መጽሐፍ ቅዱስን በግል: በጥልቀት: በጸሎትና በትህትና መመርመር እጅግ አስፈላጊ ነው:: አስተማሪዎች: ቀሳውስትና ካህናት ያሉትን በመስማት ብቻ ጠንካራ እና የሰይጣንን ፈተና ማለፍ የሚችል ሕይወት መመስረት አይቻልም:: ውድ ተማሪዎች: ከላይ የተለጠፈው ጸሑፍ ትምህርት ቤቱ ሁሉም የመጸሐፍ ቅዱስ ተማሪ ሊያደርገው የሚገባም ነገር አስቀምጧል:: አንብቡት! ተባረኩ!!»

መጽሐፍ ቅዱስን በግል: በጥልቀት: በጸሎትና በትህትና መመርመር እጅግ አስፈላጊ ነው:: አስተማሪዎች: ቀሳውስትና ካህናት ያሉትን በመስማት ብቻ ጠንካራ እና የሰይጣንን ፈተና ማለፍ የሚችል ሕይወት መመስረት አይቻልም::


ውድ ተማሪዎች:

ከላይ የተለጠፈው ጸሑፍ ትምህርት ቤቱ ሁሉም የመጸሐፍ ቅዱስ ተማሪ ሊያደርገው የሚገባም ነገር አስቀምጧል:: አንብቡት!


ተባረኩ!!

ውድ ተማሪዎች፡

የትምህርቱን መመሪያ በዚህ ጽሑፍ ውስጥ ታገኛላችሁ። ጥልቅ እና አስፈላጊ የሆኑ ትምህርቶች ተካትተዋል።

ላልሰሙ አሰሙ። ያልተመዘገበ ዘመድ፤ ወዳጅ ቤተሰብ ካላችሁ አስመዝግቡ!


ተባረኩ።

ትምህርት ቤቱ

ውድ አዳዲስ ተማሪዎች:

እንኳን ወደ ትምህርት ቤታችን ገጽ በሰላም መጣችሁ:: ለትምህርቱ የሚያስፈልጉ ዝግጅቶችን ከነገ ጀምሮ መጠቆም እንጀምራለን::

ምናልባት ከዚህ በፊት ገጻችንን ተቀላቅላችሁ በተለያየ ምክንያት ትምህርቱ ያመለጣችሁ አሁንም እንደገና ከታች ያለው የመመዝገቢያ ፎርም በመሙላት ተመዝግባችሁ መማር ትችላላችሁ!

ጥያቄ ካላችሁ በውስጥ መስመራችን ላኩልን!

https://t.me/AYBibleClubVirtual

እግዚአብሔር ይባርካችሁ!

https://forms.gle/eRvb3pWDskXy7KVJ7

የደቀ መዝሙርነት ት/ቤት - Classroom pinned «https://forms.gle/eRvb3pWDskXy7KVJ7»

የደቀ መዝሙርነት ት/ቤት - Classroom pinned Deleted message

https://forms.gle/eRvb3pWDskXy7KVJ7

መግቢያ
በኃጥያት መውደቃችን የመለኮትን ንግግር በቀጥታ እንዳንሰማ አድርጎናል። እግዚአብሔር አምላክ በቀጥታ ሊናገረን ስላልቻለ በጸጋው በተለያዩ መንገዶች የፍቅር ቃሉን ላከልን። በብዙ ዘመናት በተለያዩ መንገዶች ከተናገረን በሁዋላ በመጨረሻው ዘመን በልጁ በክርስቶስ ኢየሱስ አማካኝነት ተናገረን። ቃሉ ሥጋ በመሆነ ጸጋንና እውነትን ተመልቶ በመካከላችን ተመላለሰ። ሙት የሆነው መንፈሳዊ ጆሮአችን ሊሰማው ስላልቻለ እንደጠላት ቆጠርነው። ሥጋዊው ጆሮ የሥጋን እንጂ የመንፈስን ድምጽ ሰለማይሰማ በፍቅር ሲቀርበን አልተቀበልነውም። “የምናገራችሁን ሁሉ አሁን ልታስተዉሉት አትቸሉም” በማለት በመንፈሳዊ ጎዳና የጀመርነውን እድገት በመንፈስ ቅዱስ ስጦታው እንድንቀጥል አደረገ።

የመጽሐፍ ቅዱስ አስተምህሮት በሰው ሁለንተዊ የሕይወት ግንኙነትና ብልፅግና ላይ ወሳኝ ተፅዕኖ አለው። ለማህበረሰብ ደህንነት መሰረታዊ የሆኑ፤ የቤተሰብን ጥምረት ጠብቆ ለማኖር የሚጠቅሙ፤ ለአንድ አገር ብልፅግና የመሰረት ድንጋይ የሆኑ፤ ለግለሰብ የአላማ ጥንካሬ፤ ደስታ፤ ሞገስና የዘላለም ሕይወትን ለማግኘት ማረጋገጫ የሚሆኑ መሰረታዊ መመሪያዎችን ይገልጣል። የመጽሐፍ ቅዱስ ትምህርት ወሳኝ መዘጋጃ የማይሆንበት ምንም አይነት የሕይወት ደረጃና ልምምድ የለም። የእግዚአብሔር ቃል ሲጠና እና ሲነብብ የሰው ፍልስፍና ከሚሰጠው ጠቅላላ እውቀት በላይ ጠንካራ እና ሕያው የሆነ የአዕምሮ ጥንካሬን ይሰጣል። ለሰዎችም የባህርይ ጥንካሬ፤ አስተማማኝነትን፤ ማስተዋልን እና መልካም ፍርድን እየሰጠ ለእግዚአብሔር ክብርና ለአለም በረከት ያሳድጋቸዋል።

የእግዚአብሔር ቃል ሕይወታችንን በሙሉ የሚቆጣጠር፤ የኑሮ መመሪያችን፣ የሕሊና ሕጋችን ሊሆን ይገባዋል። የንግግራችን መለኪያ፤ የቃላችን መሰረት፤ የፍርዳችን መነሻ፤ የእምነታችን ምክንያት፤ የዝማሪያችን ምንጭ፤ የመነሳትና የመቀመጣችን እንዲሁም ሁለንተናችን ነው። የትምህርት፤ የቤተሰብን፤ የስራ፤ የእረፍት፤ የማንነት፤ የኢኮኖሚ መሰረታችን የእግዚአብሔር ቃል ይሁን። ወደ ከነዓን ከመግባታቸው ትንሽ ቀደም ብሎ እግዚአብሔር ለእስራኤላዉያን ያስታወሳቸው ይህንኑ ነበር። “እኔም ዛሬ አንተን የማዝዘውን ይህን ቃል በልብህ ያዝ። ለልጆችህም አስተምረው፥ በቤትህም ስትቀመጥ፥ በመንገድም ስትሄድ፥ ስትተኛም፥ ስትነሣም ተጫወተው። በእጅህም ምልክት አድርገህ እሰረው፤ በዓይኖችህም መካከል እንደክታብ ይሁንልህ። በቤትህም መቃኖች በደጃፍህም በሮች ላይ ጻፈው”። ኦሪት ዘዳግም 6:6-9

ይህ ትምህርት እርስዎንና ቤተሰብዎን በእግዚአብሔር ቃል ለማነጽ፤ እንዲሁም የኢየሱስ ደቀ መዝሙር በመሆን ለሌሎች ይህን የከበረ ቃል ያሰሙ ዘንደ ለማስታጠቅ የተዘጋጀ ነው። በጸሎትና በትጋት ሲጠና መንፍስ ቅዱስ ሕይወትን በቃሉ ይለውጣል። በሁሉም ቦታ የክርስቶስን መንፈስ ለማንጸባረቅ ያግዛል።


የወጣቶች መጽሐፍ ቅዱስ ማሕበር
ደቀ መዝሙርነት ትምሕርት ቤት
አዲስ አበባ
ኢትዮጵያ

Channel created