Amharic Amazing short story (አስገራሚ አጫጭር ታሪኮች😲)

አንድ መምህር የሀምሳ ብር ኖት ወደ ላይ ከፍ አድርጎ በመያዝ ለተማሪዎቹ ማን ነው ይህን የሚፈልግ አላቸው። ሁሉም እጃቸውን በማውጣት ቲቸር እኔ..... እኔ ..... ማለት ጀመሩ። መምህሩ ብሯን በእጁ ጭምድድ ካደረጋት በኋላ ዳግም ወደላይ ከፍ አድርጎ አሁንስ ማነው መውሰድ የሚፈልግ አላቸው። ሁሉም ተማሪዎች አሁንም እጃቸውን በማውጣት ልክ እንደመጀመሪያው እኔ..... እኔ እያሉ ጩኸታቸውን ቀጠሉ። መምህሩ ብሯን መሬት ላይ ከጣላት በኋላ በጫማው እየረጋገጠ አቆሸሻት። ከዚያ ወደ ላይ ከፍ በማድረግ አሁንስ ማነው መውሰድ የሚፈልግ አላቸው። ተማሪዎቹ ብሯን በዋዛ ሊያሳልፏት ስላልፈለጉ ልክ እንደመጀመሪያዎቹ ጊዜያት እጆቻቸውን በማውለብለብ ቲቸር እኔ..... እኔ.... ማለታቸውን ቀጠሉ።
መምህሩ ብሯን (ልጆቹን በማስጎምጀት እንዳይከሰስ እንጂ) ወደ ኪሱ በመመለስ የዛሬው ትምህርታችሁ እዚህ ላይ ያበቃል። ቀዳደህ ካልጣልካት በስተቀር በማሸት፡ በማቆሸሽና በመረጋገጥ የዚህችን ወረቀት ዋጋ መቀነስ እንደማይቻለው ሁሉ እናንተንም ሰዎች ሊያንቋሽሿችሁ፡ ሊያሳንሷችሁ፡ ሊያዋርዷችሁ፡ ሊያፌዙባችሁ፡.......ጥረት ቢያደርጉም ትክክለኛ ዋጋችሁን ሊቀንሱ እንደማይችሉ እወቁ። ይህን ካወቃችሁ ከውድቀት በኋላም መነሳት ትችላላችሁ። ሁሉም ትክክለኛ ዋጋችሁን እንዲያውቅ ማድረግ ትችላላችሁ። ነገር ግን ትክክለኛ ዋጋችሁን የረሳችሁ እና በራስ መተማመናችሁን ያጣችሁ ቀን ሁሉንም ነገር ማጣታችሁን እወቁ!!

#መጋራት_ባህላችን_ነው
t.me/asgrami_tarikoche

አንድ ማየት የተሳነው ሰውዬ ሁልጊዜ ማታ ማታ የእጅ መብራት ፉኖስ በእጁ ይዞ ይሄዳል።ታዳያ የሚያዩ የጎረቤት ሰዎች "አንተ ሰውዬ አለማየትህ ሳያንስ ደግሞ አበድ እንዴ? እንዴት ቀን እና ለሊት የማትለይ ፣ ሁልጊዜ ጨለማ የሆነብህ ሰውዬ ምን ሊያደርግልህ የእጅ መብራት ይዘህ ትዞራለህ ምን አይነት ሞኝነት ነው?!'' እያሉ በመጠየቅ ይሳለቁበታል።

ይህ ማየት የተሳነው ሰውዬም በትዕግስት ሲሰማቸው ከቆየ በኋላ በትህትና እንዲህ አላቸው ''እውነት ነው ማየት አልችልም ነገር ግን መብራት ያልያዙ ሰዎች በመንገዴ ሲመጡ እንዳንጋጭ ይጠቅማል በማለት ለሁላችንም ደህንነት በማሰብ ነው የያዝኩት ፣የእጅ መብራት መያዜ ብርሃኑን እኔ አላየሁትም ማለት አልጠቀመኝም ማለት ሳይሆን ሁላችንም መንገዳችንን በሰላም እንድንጓዝ ይጠቅማል።

መብራት ሳይዙ ፊት ለፊቴ የሚመጡት ሰዎች ያዩኛል፣ከሩቅ ያለ ሰው ደግሞ ምን አልባት መንገድ የጠፋበት ይሆን እና የፋኖሱን ብርሃን ተከትሎ ለመጓዝ ይረዳው ይሆናል ብዬ በማሰብ ነው በጨለማ መብራት ይዤ የምጓዘው'' በማለት ያወቅን መስሏቸው ሲሳለቁና ሲቆጡት የነበሩትን ሰዎች አለማስተዋላቸውን እና ስህተታቸውን እንዳውቁ ሲያደርጋቸው አፍረው ተመለሱ።

በህይወት ውሰጥ የሚገጥሙን አንዳንድ ጉዳዩችም እንዲሁ ናቸው።ስለ እኛ ደህንነት ብለን ስናደርጋቸው ከእኛ ይልቅ ለሌሎች ይበልጥ ጠቃሚ ሆነው ልናገኛቸው እንችላለን። በዚህ ድርጊታች ተደስተን ለሌሎች መልካም አስተዋፅኦ ማበርከታችንን ስንቀጥል አዛኝ እና ተቆርቋሪ የሚመስሉ ሰዎች መጥተው ያምሃል? ፣ምን አደከመህ! ፣ምን አገባህ! ምናምን የሚሉ ብዙ አስተያየት ሰጭ ሰዎች ይመጣሉ።

በል እና ሚስት ፍቺ ሊፈፅሙ ፍርድ ቤት ቀረቡ ዳኛው 3 ልጆች አላቺሁ እንዴት ልትካፈሉ ነው ብሎ ጠየቃቸው ሁለቱም ከተማከሩ በኋላ አንድ ልጅ ወልደው ከ 9 ወር በኋላ መተው እኩል ለመካፈል ተስማምተው ሄዱ
ከዘጠኝ ወር በኋላ ግን መንታ ወለደች 😂

ይህ አሜሪካዊ ስሙ ኢሳያስ ማቴዎስ ይባላል።
አሜሪካን አይዶል ላይ ቀርቦ እንዲህ አለ... 

"ልጅ እያለሁ እንደንማኛውም ልጅ ብዙ ምኞትና ተስፋ ነበረኝ። አድጌ፣ ተመርቄ፣ ስራ ይዠ፣ ሚስት አግብቸ፣ ልጆችን ወልጀ፣ በቤተክርስቲያን በዘማሪነት እያገለገልኩ በደስታና በስኬት የመኖር ትልቅ ህልምና ተስፋ ነበረኝ። ነገር ግን ከዚህ ሁሉ አንዱም አልተሳካልኝም። ምክንያቱም 18 ዓመት ሲሆነኝ በአንድ በተረገመች ዕለት ምንም በማላውቀው ጉዳይ ፖሊሶች በዘረፋ ተጠርጥረሀል አሉና ያዙኝ። ኧረ ንፁህ ነኝ ብልም የሚሰማኝ ጠፋና ተዘርፈዋል የተባሉት ሰዎች ይመስላል ስላሉ ብቻ የእድሜ ልክ እስራት ተፈረደብኝ። ያለ ጠያቂ ለ54 ዓመታት በአንድ ክፍል ውስጥ ተቆለፈብኝ።

መጀመሪያ አካባቢ ተስፋ ቆረጥኩ። ቆየት ብዬ ግን ይህ ነገር የእግዚአብሔር አላማ ይሆናል ብዬ በፀጋ መቀበል ጀመርኩ። ከዚያም ያለ አጃቢ ባንድ፣ ያለ ምንም ሙዚቃ መሳሪያ፣ በባዶ ክፍል ውስጥ በየቀኑ እግዚአብሔርን በመዝሙር ማመስገን ጀመርኩ። ብዙ አመታት ያለምንም ለውጥ ነጎዱ...

ከ54 ዓመታት በኃላ መዝገቤን በአጋጣሚ ሲያየው አላግባብ እንደተፈረደብኝ የተገነዘበ አንድ ወጣት የህግ ባለሙያ ወደእኔ መጣና ጉዳዬ እንደገና እንዲታይ(Judicial review) ሊያደርግ እንደሆነ ነገረኝ። ተስፋ ባላደርግበትም ይቅናህ አልኩት። በአጭር ጊዜ ውስጥ ጉዳዩን እንደገና አሳይቶ በ72 ዓመቴ በነፃ እንድለቀቅ አደረገኝ።
ስወጣ ግን ምንም ነገር አላገኘሁም። ቢሆንም እግዚአብሔር ይመስገን እዚያ እያለሁ በነፃነት በመኖራቸው እቀናባቸው የነበሩት ብዙዎች በህይወት የሉም። እኔ ግን ዛሬ ላይ ንፁህ አየር እየተነፈስኩ የማለዳ ፀሀይ በነፃነት እየሞቅኩ በህይወት አለሁ። በህይወት መኖር ብቻ ሳይሆን አንድ ቀን በህዝብ ፊት እዘምራለሁ ብዬ ስመኘው የኖርኩት ምኞቴ እውን ሆኖልኝ ይሄው በእናንተ ፊት ቆሜ እግዚአብሔርን ላመሰግን ስለሆነ ደስተኛ ነኝ" አለና በለስላሳ ድምፁ....
"በሀሰት በከሰሱኝ ጊዜ፣ የሚሰማኝ አጥቸ በተፈረደብኝ ጊዜ፣ ከ50 ዓመታት በላይ ያለበቂ ምግብና ልብስ፣ ያለጠያቂ ወገን በአንድ ክፍል ውስጥ በተዘጋብኝ ጊዜ፣ አለም ሁሉ በረሳኝ ጊዜ፣ አበቃልኝ ብዬ ተስፋ ቆርጨ ቀኑም ሌቱም በጨለመብኝ ጊዜ ከጎኔ ያልተለየኸው አባቴና አምላኬ እግዚአብሔር ሆይ ከልቤ አመሰግንሀለሁ!" እያለ በእንባ ታጅቦ መዝሙሩን ያንቆረቁረው ጀመር።
ይህኔ ከአወዳዳሪዎች እስከመድረክ አስተናባሪዎች፣ ከታዳሚዎች እስከጥበቃዎች አዳራሹ በሙሉ በለቅሶ ተናጋ።

መልካም ጊዜ!
©ከሀቅ እና ድንቅ ገጽ የተወሰደ