Auto Mechanic Book

ရဲစွမ်းသတ္တိနဲ့ ခိုင်မာသော စိတ်သည်သာ အဓိက

အင်အားနည်းခြင်း များခြင်းသည် အဓိကမဟုတ် ၊ ကြံရည်ဖန်ရည်နဲ့ ရဲစွမ်းသတ္တိသာရင် အဓိကဖြစ်တယ်။ ဒီတိုက်ပွဲကို နိုင်အောင် ငါတို့တိုက်ကြမယ် ဆိုပြီး မြစ်တဖက်ကမ်းကို ရအောင်ကူးပြီး ရန်သူတွေကို အနိုင်တိုက်ခဲ့တဲ့ ဘုရင့်နောင်ကျော်ထင်နော်ရထာဆိုတာ သမိုင်းမှာ အရမ်းထင်ရှားခဲ့တဲ့ ဘုရင်တပါးပေါ့။ ကျနော်တို့သင်ခဲ့ရတဲ့ နောင်ရိုးတိုက်ပွဲအကြောင်းပါ။ လူတစ်ယောက်ဟာ ဒီအလုပ်ကို အောင်မြင်အောင်လုပ်မယ်ဆိုပြီး စိတ်ပိုင်းဖြတ်လိုက်တယ်ဆိုရင် သူ့မှာသတ္တိတွေရလာပါတယ်။ ပါဋ္ဌိလိုဆိုရင် စိတ္တအဓိပတိပါဘဲ ၊ စိတ္တဗလ (စိတ်အင်အား) တွေရလာပြီဘဲဖြစ်ပါတယ်။ စိတ္တဓိပတိ အားကောင်းတွေလူတွေဟာ လွန်စွာသတ္တိရှိသူတွေဖြစ်ပါတယ်။ ကမ္ဘာ့သမိုင်းမှာ ဂိုးလီးယက် နဲ့ ဒေးဗစ်ဆိုတဲ့ အလွန်နာမည်ကြီးတဲ့ ပုံပြင်လေးတစ်ပုဒ်ရှိတယ်။ လူငယ်လေး ဒေးဗစ်ဟာ အလွန်ကြီးမားတဲ့ လူ့ဘီလူးကြီး ဂိုးလီယက်ကို လောက်လွှဲလေးနဲ့ အနိူင်ယူခဲ့ပါတယ်။ ဒုတိယ ကမ္ဘာစစ်မှာ နာဇီဂျာမနီက ဥရောပတစ်ခုလုံးကို တိုက်ခိုက်သိမ်းပိုက်ပြီး ရုရှား မော်စကို ကိုစစ်အား တစ်သန်းခွဲလောက်နဲ့ ဝင်တိုက်တယ်။ အဲ့အချိန် ရုရှားမှာ တပ်အင်အား ၅သိန်းတောင်မပြည့်ပါဘူး။ 1941 ဒီဇင်ဘာမှာ ဂျာမနီရဲ့ GE တပ်တွေက ရုရှားနယ်နမိတ်ထဲ ရောက်နေပြီ အဲ့ကစလို့ အင်အားကောင်းကောင်းနဲ့ ထိုးစစ်ဆင်လာလိုက်တာ မော်စကိုမရောက်ခင် လီနင်ဂရက်မှာ ဂျာမနီတပ်တွေ ဝိုင်းဝန်းပိတ်ဆို့ပြီး ချေမုန်းခံရတယ်။ ဂျာမနီက အင်အားတောင့်တင်းသော်လည်း သူ့ထက် အင်အားနည်းတဲ့ ရုရှားရဲ့ ချေမုန်းခြင်းကိုခံရပါတယ်။ ပြောချင်တာက အင်အားနည်းခြင်းများခြင်းသည် ပဓာနမဟုတ် စိတ်ဓာတ်ခိုင်မာခြင်း နှင့် သတ္တိဗျက်တ္တိသာလျှင်ပဓာနဖြစ်ပါတယ်။ ကိုယ့်ထက် အင်အားကြီးလဲ ဂရုစိုက်စရာမလိုပါ။ စိတ်ဓာတ်အင်အားမရှိတဲ့လူတွေ သတ္တိနည်းတဲ့လူတွေချည်း စုဖွဲ့တစ်ခုဟာ လူတစ်သိန်းပင်ဖြစ်လင့်ကစား လက်ဖတ်ရည်ဆိုင်ထိုင်ပြီး မိန်းမလိုမိန်းမရ သောက်တင်းတုတ်နေရုံမှလွဲဲပြီး ဘာမှမတတ်နိုင်ပါဘူး။ လူစွမ်းကောင်းတွေချီးမွန်းတဲ့ စိတ္တဗလ ၊ သူရသတ္တိမျိုး ကျင့်ဆောင်မွေးမြူနိူင်ကြပါစေ 🙇🙏

ဒေါ်လာဘီလျံ ၄၄၀ ကျော် ချမ်းသာလာတဲ့ ကမ္ဘာ့ပထမဆုံးသူဌေး

အီလွန်မတ်စ်ကတော့ ရာစုနှစ်အတွင်း အချမ်းသာဆုံးလူသားဆိုတာ ငြင်းမရပါဘူး။

ဒီတစ်ပတ်ထဲမှာပဲ Tesla နဲ့ SpaceX တည်ထောင်သူ အီလွန်မတ်စ်က သမိုင်းမှာ ပထမဆုံး ဘီလျံ ၄၀၀ ကျော် ချမ်းသာတဲ့ ပုဂ္ဂိုလ်ဖြစ်လာတာပါ။ SpaceX ရှယ်ယာဈေးတက်ပြီးနောက် အီလွန်မတ်စ်ရဲ့ ကြွယ်ဝမှုထဲမှာ ဒေါ်လာဘီလျံ ၅၀ ရောက်လာခဲ့တာကနေ အခုလို ချမ်းသာလာတာပါ။

Bloomberg Billionaires Index အရ အီလွန်မတ်စ်ရဲ့ ချမ်းသာမှုက ဒေါ်လာ ၄၄၇ ဘီလျံ ရှိပါတယ်။ အီလွန်မတ်စ်ရဲ့ နောက် ကမ္ဘာ့ဒုတိယမြောက်အချမ်းသာဆုံးသူဌေးဖြစ်တဲ့ Amazon သူဌေးတောင် ဒေါ်လာ ၂၄၉ ဘီလျံနဲ့ အဝေးက လိုက်နေတာပါ။ တတိယအချမ်းသာဆုံးသူဌေးကတော့ Meta တည်ထောင်သူ မတ်ခ်ဇူကာဘတ် ဖြစ်ပြီး သူကတော့ ဒေါ်လာ ၂၂၄ ဘီလျံ ချမ်းသာပါတယ်။

အီလွန်မတ်စ်ဟာ လျှပ်စစ်ယာဉ် ၊ အာကာသခရီးသွားလာရေး နဲ့ ပြန်လည်ပြည့်ဖြိုးမြဲစွမ်းအင်ပိုင်းဆိုင်ရာ စီးပွားရေးလုပ်ငန်းတွေ ပိုင်ဆိုင်ပါတယ်။ X လူမှုကွန်ရက် ၊ xAI နဲ့ Neuralink တို့လို AI နဲ့ အာရုံကြောသိပ္ပံဆိုင်ရာလုပ်ငန်းတွေလည်း သူ့လက်အောက်မှာပဲ ရှိပါတယ်။

သူ့ရဲ့ ပုဂ္ဂလိကအာကာသကုမ္ပဏီ SpaceX ဟာ ဒေါ်လာ ဘီလျံ ၃၅၀ ဝန်းကျင်တန်ကြေးရှိလာပြီး ကမ္ဘာ့တန်ဖိုးအမြင့်ဆုံး ပုဂ္ဂလိကလုပ်ငန်းဖြစ်လာပါတယ်။ အီလွန်မတ်စ်ရဲ့ ချမ်းသာမှုက စတော့ဈေးကွက်အားကောင်းမှုနဲ့ ချိတ်ဆက်နေပါတယ်။ သမ္မတဟောင်း ဒေါ်နယ်ထရမ့် တကျော့ပြန်ရွေးကောက်ပွဲအောင်နိုင်မှုနဲ့အတူ အီလွန်မတ်စ်ပိုင် Tesla ရှယ်ယာတွေ တက်လာတာကလည်း သူ့ပိုင်ဆိုင်မှုထဲ ဘီလျံပေါင်းများစွာ ထပ်ဖြည့်လိုက်တာပါပဲ။

အခုခေတ်ရဲ့ ရာစုနှစ်ထဲက အချမ်းသာဆုံးသူဌေးတွေကို ပြန်ကြည့်လိုက်ရင် ဂျွန်ဒီရော့ခ်ဖဲလား (၁၉၁၈) - ဒေါ်လာ ၁.၂ ဘီလျံ ၊ ဟင်နရီဖို့ဒ် (၁၉၄၀) - ဒေါ်လာ ၁ ဘီလျံ ၊ ဟန့် (၁၉၅၀) - ဒေါ်လာ ၁ ဘီလျံ ၊ ဟောင်းဝပ်ဒ် ဟုချ်(၁၉၆၀) - ဒေါ်လာ ၁ ဘီလျံ ၊ ဒန်နီယယ် လုဒ်ဝစ်ဂျ်(၁၉၈၀) - ဒေါ်လာ ၂ ဘီလျံ ၊ ဆမ် ဝေါ့လ်တန်(၁၉၉၂) - ဒေါ်လာ ၈.၆ ဘီလျံ ၊ ဘီလ်ဂိတ်စ်(၁၉၉၉) - ဒေါ်လာ ဘီလျံ ၁၀၀ ၊ ဝါရင်ဘတ်ဖတ် (၂၀၀၈) ဒေါ်လာ ၆၂ ဘီလျံ ၊ ဂျက်ဖ်ဘီဇော့စ်(၂၀၂၁) - ဒေါ်လာ ၁၇၇ ဘီလျံတို့ကို တွေ့ရမှာပါ။

အီလွန်မတ်စ်ကတော့ မနှစ်ကအထိ ဒေါ်လာ ၂၁၉ ဘီလျံ ချမ်းသာပါတယ်။ အခုဆို သူ့ချမ်းသာမှုက ၂ ဆကျော် တက်လာခဲ့ပြီလို့ ဆိုရမှာပါ။ ဒီရာစုအတွက်တော့ သူ့လောက်ချမ်းသာတဲ့သူလည်း မပေါ်သေးဘူးလို့လည်း ပြောနိုင်ပါတယ်။

ကျနော့် မိတ်ဆွေ စက်ဆရာညီကိုများ သာယာသော မဂ်လာညချမ်းလေးဖြစ်ပါစေ 👨‍🔧😍🙏

အမေ ဖြစ်စေချင်တဲ့ အတိုင်းမဖြစ်တာ ခွင့်လွှတ်ပါ အမေ 🙇🙏

ကျနော့် အမေက ပညာတတ်ကြီး သိပ်ဖြစ်စေချင်တာ ပညာရေးကိုဦးစားပေးတယ်။ အိုးထဲ ဆန်မရှိတာထက် သူ့သား ကျောင်းမုန့်ဖိုး မရှိတာကို ပိုစိုးရိမ်တဲ့ အမေ။ သူ့သားကို ပင်ပင်ပန်းပန်းကျောင်းထားပြီး ဆရာဝန်သိပ်ဖြစ်စေချင်ခဲ့တယ်။ ဆရာဝန်တွေက ဖြူဖြူသန့်သန့်လေးနဲ့ အဲယားကွန်းခမ်းထဲမှာ နကျပ်လေးနဲ့ သက်သက်သာသာလုပ်ရတဲ့ အလုပ်မျိုးဖြစ်တာမို့ပါ။ ဆိုလိုရင်းက ပင်ပင်ပန်းပန်းမလုပ်စားစေချင်ဘူး။ ဒါပေမဲ့ အမေ ဖြစ်စေချင်သလို ဖြစ်မလာခဲ့ဘူး။ အမေ့သားက ကပြစ်ကညှစ် ကပိုကယို ဖြစ်သလိုနေ ဖြစ်သလိုစား ပင်ပင်ပန်းပန်း လုပ်ကိုင်စားသောက်ရတာကို မွေ့လျော်တယ်။ အခုလိုတွေ ပင်ပင်ပန်းပန်း လုပ်ကိုင်စားသောက်နေတာ အမေတွေ့ရင် အတော်လေးစိတ်မကောင်းဖြစ်မိမှာပါ။ ကိုယ်ဘာတွေ လုပ်နေလဲ ဘာတွေဖြစ်နေလဲ အမေ့ကိုလုံးဝမပြောဘူး။ လကုန်ရင် အမေ့အတွက်ဆိုပြီး ပေးလိုက်တာဘဲ ဒီလိုဘဲ လုပ်လာတာ ဆယ်စုနှစ်တစ်ခုရှိပြီ ၊ ခွင့်လွှတ်ပါ အမေ့ ဒါသားဝါသနာမို့ပါ။ အမေဖြစ်စေချင်တဲ့ ဆန္ဒမပြည့်ပေမဲ့ သမ္မာအာဇီဝကျကျ လုပ်ကိုင်စားသောက်နေတဲ့ အတွက် သူတော်ကောင်းတွေလဲ ချီးမွန်းပါတယ်။ အမေ့သား အဆင်ပြေပါတယ်။ အမေလဲ သက်ရှည်ကျန်းမာပါစေ 🙇🙏

အမှားလုပ်တာမဟုတ်ဘူးနော်
ကျနော်လုပ်တာမှားသွားတာ 🤔

လူ့လောက၌ ဉာဏ်အမြော်အမြင်ရှိသော သူသည် သူ၏ ပတ်ဝန်းကျင်ရှိ လူအများကို ငြိမ်းအေး ချမ်းမြေ့စေတတ်၏။
အကျည်းအတန်အရုပ်ဆိုးသည့်
လူမှုအနိဋ္ဌာရုံတို့ကို ဖယ်ရှား၍ ဣဋ္ဌာရုံတို့ဖြင့် လှပ တင့်တယ်စေတတ်၏။

#နိဒါန်း
#ကြာ

" သူဌေးဖြစ်ဖို့ ဆန္ဒမစောပါနဲ့ "

ခရမ်းချဉ်သီး ပွဲစားတစ်ယောက်
ပြောခဲ့ဖူးတဲ့ စကားလေးကို သွားသတိရမိတယ်။ ငါ့မှာ ပိုက်ဆံ သိန်းသုံးရာရှိရင် ငါ သိန်းနှစ်ရာပဲ ထုတ်ရင်းတယ်။ တစ်ရာက မတော်တဆ ရှုံးသွားခဲ့ရင် ပြန်ရင်းဖို့ အရင်းအနှီးအနေနဲ့ ချန်ထားတယ်။

ငါ့ဂိုဒေါင်က ကုန်ချိန် ခြောက်သောင်းဆန့်ရင် လေးသောင်းပဲထည့်တယ်။ နှစ်သောင်းက ကြိုက်စျေးရရင် ထပ်ထည့်ဖို့ ချန်ထားတယ်။

ဘာကြောင့်လဲဆိုတော့ ငါက ဆင်းရဲသားဘဝက နေတက်လာတာ။ ငါ့မှာရှိသမျှပုံအောပြီး လုပ်လိုက်လို့ မတော်တဆ ရှုံးသွားခဲ့ရင် ဆင်းရဲတဲ့ဘဝကို ငါပြန်ရောက်သွားမှာ ကြောက်တယ်တဲ့။

သူပြောတဲ့စကားနဲ့ ကျနော့ အဖေပြောတဲ့ စကားနဲ့ သွားတူနေတယ်။

ငါ့သား အလုပ် လုပ်ရင် ရေကာတာစီမံကိန်းနဲ့ လုပ်ရတယ်ကွ။ ရေကာတာ စီမံကိန်းဆိုတာက ကုန်ထမ်းသမား တစ်ယောက်ဟာ အချိန်သုံးဆယ်ကို ထမ်းနိုင်တဲ့အားရှိရင် အချိန်နှစ်ဆယ်ပဲ ထမ်းသင့်တယ်။

ဘာကြောင့်လဲဆိုတော့ မတော်တဆ ချော်လဲရင် ကိုယ့်ကိုယ်ကို ပြန်ထောက်နိုင်ဖို့ အားကျန်နေသေးတယ်။ အချိန်သုံးဆယ် နိုင်တဲ့လူက အချိန်သုံးဆယ်ဝိတ်ကြီးကို ထမ်းထားလို့ မတော်တဆ ချော်လဲလို့ကတော့ သွားပြီ။ ပြန်ထနိုင်ဖို့ မလွယ်တော့ဘူး။

ကျနော် မြင်ရသလောက်လဲ အလုပ် လုပ်ရင် ပရမ်းပတာ သူဌေးဖြစ်ခွေးဖြစ် ရှိသမျှပုံအောပြီး လုပ်တဲ့လူတွေ ပြုတ်သွားကြတာများတယ်။ စေ့စေ့စပ်စပ်နဲ့ ချင့်ချင့်ချိန်ချိန် လုပ်တဲ့လူတွေပဲ အောင်မြင်သွားကြတာ များတယ်။

အရမ်းကြီး မအောင်မြင်ရင်တောင်မှ အမှားနည်းတယ်ပေါ့ဗျာ။

စစ်မှန်တဲ့ အောင်မြင်မှု့ဆိုတာက နေ့ချင်းညချင်း ဝုန်းကနဲ လုပ်လို့ရတဲ့ အရာမဟုတ်ပါဘူး။ တစ်ဆင့်ခြင်းတစ်ဆင့် ဖြည်းဖြည်းချင်း တည်ဆောက်ယူရတဲ့ အရာပါ။

ဘာကြောင့် ဒီစကားပြောရလဲဆိုတော့ ကျနော်တို့လို လူငယ်တွေတော်တော်များများက အရမ်းအောင်မြင်ချင်ကြတယ်။

အဲဒီမှာ ဆန္ဒတွေစော လောဘတွေကြီးပြီး အမှားတွေကို လုပ်မိတော့တာပါပဲ။ အမှန်က ခေါင်းအေးအေးထားပြီး တည်တည်ငြိမ်ငြိမ် ချင့်ချင့်ချိန်ချိန်လေးနဲ့ ကိုယ့်ရည်မှန်းချက်ပန်းတိုင်ကို ချီတက်ရင် ပန်းတိုင်ကို မုချမသွေရောက်ပါတယ်။

ပျာယာမခပ်ဖို့ လောဘမကြီးဖို့
ဆန္ဒတွေ မစောဖို့တော့ လိုပါတယ်။

အဆင့်မကျော်စေချင်

စစ်ဘုရင်ကြီးဖြစ်ချင်ရင် တပ်သားဘဝကနေ စရတယ်။ ဒါကလက်တွေ့ဆန်တဲ့သဘောတရားမို့လား ရုံကြီးကြီးဖွင့်ချင်တယ်ဆိုရင် ရုံသေးသေးလေးကိုတောင် အောင်မြင်အောင်မလုပ်နိုင်ဘဲနဲ့ ရုံအကြီးကြီးကို ဘယ်လိုထိန်းမလဲ ၊ ကျနော်တစ်ယောက်ထဲ ကား ၆ စီးကို maintenance လုပ်နိုင်တယ်ဆိုပေမဲ့ ၁၀ စီးဆိုရင်မရတော့ဘူး။ ဇာတ်တော်ထဲမှာ ပါတဲ့ ဗန္ဓုလစစ်သူကြီးတစ်ယောက် သူ့ချစ်သူကောင်မလေးကိုခိုးပြေးတော့ နောက်ကနေ စစ်သည်တစ်ထောင်လိုက်တာ မြှားတစ်ချက်နဲ့ တစ်ထောင်လုံးသေအောင်သက်နိုင်တယ်တဲ့ အဲ့လို မြှားပစ်ဖို့ ဒူးတစ်ဖက်ထောက်ပြီး အားယူလိုက်တာ နွေခေါင်ခေါင်လမ်းပေါ်မှာ မောင်းနေတဲ့လှည်းဘီးတောင် မြေကြီးထဲ ဘီးတစ်ဝက်လောက်ကျွံဝင်သွားတယ်ဆိုဘဲ ၊ အဲ့ဒါဂျင်းပါဗျာ။ စိတ်အားကိုယ်အား ပြည့်စုံလှပါတယ်ဆိုတဲ့ ယောကျာ်း တစ်ယောက်မှာရှိတဲ့ အားက အလွန်ဆုံးရှိလ ၂ယောက်အားပေါ့။ ကျနော်လူ ၂ယောက်လုပ်တဲ့အလုပ်ကိုတစ်ယောက်ထဲ လုပ်နိုင်တယ်။ ၂ညတိတိမအိပ်ဘဲ အလုပ်လုပ်လုပ်ဖူးတယ်။ တစ်ရက် ၃နာရီလောက်ဘဲအိပ်ပြီး တစ်ပတ်တိတိအလုပ်လုပ်ဖူးတယ်။ ဒီထက်ပိုလုပ်ရင်လဲ သေဖို့ဘဲရှိပါတော့တယ်။ ဒါတောင် သေရင်သေပလေ့စေဆိုပြီး လုပ်တာပါ။ ပုံမှန်ဆို မလုပ်နိုင်ဘူး။ ပြောချင်တာက အဆင့်မကျော်ဖို့ပါဘဲ။ ငယ်ငယ်က Roll Royce လောက်စီးချင်ခဲ့တာ ၊ တကယ်တန်းကျ ကိုယ့်ပိုက်ဆံကိုယ်ရှာတော့ Fit တောင်စီးနိုင်ဖို့မလွယ်ဘူး။ မလွယ်ဘူးဆိုတာ ဒီမှာမို့ပါ။ USA မှာ လပိုင်းလောက်နဲ့ကားစီးလို့ရတယ်။ ပြောချင်တာက မိမိကိုယ်ကိုယ် manager မလုပ်နိူင်ဘဲ တခြားသူတွေကို management မလွယ်ဘူးဆိုတာပါ။ အသေးအမွှားလေးတွေကို control မလုပ်နိုင်ဘဲ အကြီးကြီးတွေ သွားလုပ်လို့မရဘူး။ ခင်ဗျား Bank အကောင့်ထဲ သိန်း ၅၀ လောက်မရောက်သေးဘဲ ၅၀၀ လောက်ချမ်းသာချင်လို့မရဘူး။ စိတ်ကူးမယှဥ်ချင်စမ်းပါနဲ့ အချိန်လေးရှိတုံး လက်တွေ့ဆန်ဆန် အလုပ်လုပ်ပြီး အောင်မြင်မှုတစ်ခုပြီးတစ်ခု သိမ်းပိုက်ရယူပါ။ ဒါအမှန်ကန်ဆုံးပါဘဲ။

၁၉၅၄မတိုင်ခင်အထိ လူတွေက တစ်မိုင်ကို 4 မိနစ်အောက် မပြေးနိုင်ခဲ့ကြဘူး။ ပြေးလို့မရဘူးလို့ ယုံကြည်နေကြတယ်။

1954 မှာ Roger Bannister ဆိုတဲ့ အပြေးသမားက ပထမဆုံးအနေနဲ့ တစ်မိုင်ကို 3 မိနစ် 59.4 စက္ကန့်နဲ့ ပြေးပြီး အဲဒီစံချိန်ကို ချိုးနိုင်ခဲ့တယ်။

စိတ်ဝင်စားဖို့ကောင်းတာက သူစံချိန်ချိုးပြီး နှစ်လအကြာမှာ John Landy က 3 မိနစ် 58 စက္ကန့်နဲ့ ထပ်ချိုးသွားတယ်။ အဲဒီနောက်မှာတော့ အခြားအားကစားသမားတွေလည်း 4 မိနစ်အောက်ကို ဆက်တိုက် ရောက်လာကြတယ်။

ဒီဖြစ်ရပ်က ဘာကိုပြောချင်တာလဲဆို - လူတွေရဲ့ စိတ်ထဲမှာ "မဖြစ်နိုင်ဘူး" လို့ စွဲနေတဲ့ အတွေးက တကယ့်အဟန့်အတားကြီး ဖြစ်နေခဲ့တာ။ တစ်ယောက်က ဖြစ်နိုင်တယ်ဆိုတာ သက်သေပြလိုက်တာနဲ့ အခြားသူတွေပါ လုပ်ဆောင်နိုင်သွားကြတယ်။

လူတော်တော်များများက Data နဲ့ Fact ကို ယုံကြည်ပြီးတော့ Visionary ကို လက်မခံချင်ကြဘူး။

Data က အတိတ်ကို ပြောပြတာ။
Vision က အနာဂတ်ကို မှန်းဆတာ။

ဒါကြောင့် တချို့ဟာတွေက Data နဲ့ မတိုင်းတာနိုင်သေးပေမယ့် ဖြစ်လာနိုင်တယ်ဆိုတဲ့ ယုံကြည်ချက်က အရေးကြီးတယ်။

Photo Credit: The New York Times

ယခုလက်ရှိမှာ Elon Musk ဟာ
1 စက္ကန့်ကို 656 USD
မြန်မာငွေနဲ့ဆိုရင် ၂၉ သိန်းကျော်ခန့်
ဝင်ငွေရှိပါသတဲ့

၁ ရက်ဝင်ငွေ USD.57 Million ခန့်

သူဟာ အရမ်းစာဖတ်သူဖြစ်ပါတယ်
သူသိချင်တဲ့အကြောင်းအရာကို မရ ရအောင်
လေ့လာရှာဖွေတတ်သူ ဖြစ်ပါတယ် ။

သူဟာ ဖြစ်လိုစိတ် အားကြီးသလို
ကြိုးစားမှုကလည်း အရမ်းအားကောင်းသူပါ ။

#TBH_Lab
***

ကျွန်တော်တို့ ဖုန်းကို လက်မလွတ်တမ်း
အသုံးပြုနေကြပေမယ့်လည်း
တကယ်တမ်း စာအုပ်တွေကို လက်လွှတ်လို့
မရနိုင်ပါဘူး

ဘာဖြစ်လို့လဲဆိုရင်
အချို့သော အချက်အလက်တွေဟာ
စာအုပ်တွေထဲမှာပဲ ရှိနေတတ်လို့ဖြစ်ပါတယ်

စာအုပ်တွေကလည်း ရှိနေဦးမှာဖြစ်ပြီး
စာအုပ်ဖတ်ခြင်းရဲ့အရသာကို သိသော
ဖတ်ရှုသူတွေလည်း ရှိနေကြဦးမှာဖြစ်ပါတယ် ။

ဆန္ဒနဲ့ဘဝ ထပ်တူဖြစ်နိုင်ကြပါစေ
#စာချစ်သူ

အလုပ်ကို လုပ်ချင်ချင် မလုပ်ချင်ချင်
နေ့ကော ညကော ပင်ပင်ပန်းပန်းနဲ့
ကြိုးစားပြီး လုပ်ရတဲ့ Work Hard ကာလ
ဆိုတာ လူတိုင်းမှာရှိတယ်။

ဘယ်သူမှ သဘောမကျကြတဲ့
ငွေအတွက် ကိုယ်က အလုပ်လုပ်ပေးရပြီး
ငွေကကိုယ့်ကို ခိုင်းစားတဲ့ကာလ တခုပေါ့။

သူဌေးတွေမှာလည်း Work hard ကာလ
ဆိုတာ ရှိသလို ဝန်ထမ်းတွေမှာလည်း
အဲဒီ Work hard ကာလဆိုတာ ရှိတယ်။

အဲဒီ Work hard ကာလကို
ကျော်လွန် သွားတော့မှ...

ငွေ အရင်းအနှီးတွေ၊
အတွေ့အကြုံတွေ လုံလုံလောက်လောက်
ရသွားတော့မှ Work Smart ကာလဆိုတာကို
ရောက်တာ။

Work smart ကာလမှာကျတော့
ငွေအရင်းအနှီးနဲ့ အတွေ့အကြုံ
ရှိနေပြီ ဆိုတော့ Work Hard ကာလကလို
အရမ်း မပင်ပန်းတော့ဘူး။

ရှိထားတဲ့ငွေကို ရထားတဲ့
အတွေ့အကြုံနဲ့ ဥာဏ်ရှိရှိ
ပြန်ပြီး ခိုင်းစားရတာမျိုးပေါ့။

ငွေကို ကိုယ်က ပြန်ပြီး ခိုင်းစားနိုင်ဖို့
ငွေကကိုယ့်ကို ခိုင်းတာကို အရင်ခံရတတ်တယ်
ဆိုတာကို ပြောပြချင်တာပါ။

အခု ငွေအတွက် အလုပ်လုပ်နေရလို့
စိတ်ဓာတ်မကျနဲ့။ အားမလျော့နဲ့။

အချိန်တန်ရင် ငွေကို ပြန်ခိုင်းစားနိုင်ဖို့
အတွေ့အကြုံနဲ့ အရင်းနှီးစုနေရတယ်
ဆိုတဲ့စိတ်နဲ့ ဆက်လျှောက်ပါ။

တနေ့ ငွေကို ပြန်ပြီး
ခိုင်းစားနိုင်လာပါလိမ့်မယ်

Sint Nyi
23.11.24

မက္ခလိဂေါသာလပြောတဲ့ အချိန်တန်လျှင် ဖြစ်လာလိမ့်မယ် ဆိုတာ ဘယ်တော့ အချိန်တန်မှန်းမှ မသိဘဲ။ တမျှော်လင့်လင့် ဖြစ်နေရမှာပဲ။ တကယ်ပဲ ရလာမလား၊ မရတော့ဘူးလားဆိုတာ ဝေခွဲမရဘဲ သံသယအထွေးအရှုပ်တွေနဲ့ စောင့်နေရတဲ့ဘဝဟာ အလွန်အားငယ်စရာကောင်းတဲ့ အဖြစ်ပါပဲ။
ဂေါတမဗုဒ္ဓဟာ အဲဒီမက္ခလိဂေါသာလရဲ့ အမြင်မျိုး အယူအဆ အပြောအဆိုမျိုးကို လုံးဝလက်မခံဘူး၊ ဗုဒ္ဓအလိုအရကတော့ သတိနဲ့၊ ဝီရိယနဲ့၊ အသိနဲ့ တကယ်လက်တွေ့ မိမိဖြစ်ချင်ရချင်တာကို ကြိုးစားအားထုတ်ယူရမယ်၊ ကြိုးစားရင်ရမယ်၊ ကြိုးစားရမယ်လို့ အမြဲအားပေးတယ်၊ စိတ်ပျက်အားလျော့နေဖို့ပြောတာမျိုး ဗုဒ္ဓစာပေတွေမှာ မရှိပါဘူး။

#ကြမ္မာကိုရိုးမယ်ဖွဲ့ကြသူများ
#နောင်တကင်းရာသို့
#နန္ဒသိန်းဇံ

Join Auto Mechanic Book on Viber https://invite.viber.com/?g2=AQAQ1ahWjd9Y1lKYFByc2gySBOsIO67n0iJbrJ9T5nhsaqTc05CLuqV53C7DKape

ကျနော့် channel နဲ့ group ထဲမှာ ညစ်ညမ်း တာတွေ ၊ ကားနဲ့မဆိုင်တဲ့ အလောင်းကစား ၊ နိုင်ငံရေး စတာတွေ တင်ရင် တခါတည်း ban ပါတယ်။ လိုအပ်ရင် ဂရုထဲမှာ လိုက်ရှာပြီး တခါတည်း ရာသတ်ပန်ထုတ်ပါမယ်။ Channel နဲ့ gp ၂ ခုလုံးကို အမြဲစောင့်ကြည့်ပါတယ်။ မိန်းမကျင့် မိန်းမကြံနဲ့ စုံထောက်လိုလို ဘာလို tracking လိုက်နေတဲ့ သခင်အားရ ကျွန်ပါးဝ ကောင်တွေကိုလဲ တခါတည်းပြောထားပါ့မယ်။ သတ္တိရှိရင် လာခဲ့ပါ။ ငါဘယ်မှာရှိလဲမင်းတို့သိနေတာဘဲ။ ကိုယ့်အလုပ်ကိုယ်လုပ်ကြလို့ဘဲ ပြောချင်တယ်။ ကျနော့်လေးစားချစ်ခင်ရတဲ့ ညီကိုများကိုတော့ လေးစားလျှက်ပါ ၊ စိတ်အနှောက်ယှက်ဖြစ်သွားရင် sorry ပါ 🙇🙏

အာစရိယဟူသည် .... ငြိမ်းချမ်းမှုရဲ့ အဓိပ္ပါယ်

လောကမှာ ဆရာများစွာရှိပါတယ်။ ဒါပေမဲ့ ဘာသာရေးနဲ့ပတ်သက်လာရင် ပထမဆုံး လက်ဦးဆရာက ပါမောက္ခနန္ဒသိန်းဇံ လို့ခေါ်တဲ့ ဒသနဆရာကြီး နန္ဒသိန်းဇံဖြစ်ပါတယ်။ ကျနော် အထက်တန်းလောက်ကစပြီး ဆရာကြီးစာအုပ်တွေနဲ့ စတင်ထိတွေ့ခွင့်ရခဲ့ပါတယ်။ ဆရာကြီးရဲ့ စိတ်အဆင့်ဆင့်မြင့်တက်မှုသဘာဝ စာအုပ်ကို အရမ်းကြိုက်တယ်။ သူ့ထက်ပိုမြင့်တဲ့ ကိုယ့်ကျင့်တည်ကြည်ခြင်းနှင့် အဆင့်မြင့်ခရီးစဥ် ၊ ဘဝအဓိပ္ပါယ်နဲ့ ဘဝသစ္စာ စတဲ့ စာအုပ်တွေက အကြိုက်ဆုံးစာအုပ်တွေပါ။ ဆရာကြီးက အနောက်တိုင်းအတွေးအခေါ်အယူအဆ နဲ့ ဗုဒ္ဓဒဿန တွေကို နှိုင်းယှဥ်ရေးသားတဲ့ နေရာမှာ အရမ်းနာမည်ကြီးတယ်။ ဘဝမှာ ဘယ်ဟာက ဘဝအဓိပ္ပါယ်ရှိတာလဲ ၊ ဘယ်ဟာကိုလုပ်ရမလဲဆိုတာ ရှင်းရှင်းလင်းလင်းသိလာတယ်။ စာပေရေးသားမှုနဲ့ ပတ်သက်ရင် ဆရာကြီးမြသန်းတင့်ရဲ့ အရေးသားတွေကိုသဘောကျမိတယ်။ ကျနော်တို့ရဲ့ လေးစားအားကျမိတဲ့ ဆရာမောင်စိန်ဝင်း ပုတီးကုန်းကတော့ အင်ဂျင်နီယာလဲဖြစ် စာရေးဆရာလဲ ဖြစ်တော့ နောက်ပိုင်းကျ သူ့ကဗျာတွေ သူ့စာအုပ်တွေကိုလဲ နှစ်သက်သဘောကျလာတယ်။ ဆရာမောင်စိန်းဝင်းပုတီးကုန်းနဲ့ အပြင်မှာ ၂ခါလောက်ဆုံဖူးတယ်။ ဆရာကြီးကလဲ မင်းတို့လူငယ်တွေ ကြိုးစားကြကွာ ဇွဲမလျော့နဲ့ သတ္တိရှိရှိ အလုပ်လုပ်ကြ စသဖြင့်အားပေးစကားတွေပြောတယ်။ ငယ်ငယ်တုံးကတော့ ကောင်းကင်တမွတ်ကြယ်ကိုစွတ်လဲ မလွှတ်စတမ်းရနိုင်စွမ်း၏ ဘာညာနဲ့ ကားထွင်မယ် စွန့်ဦးတီထွင်လိုတဲ့စိတ်ပြင်းပြခဲ့ပေမဲ့ နောက်ပိုင်းကျတော့ ဘဝကို ကိုယ့်ရဲ့ဖြစ်တည်မှုအတိုင်း ကျေနပ်လက်သင့်ခံပြီး ငြိမ်းချမ်းစွာ လုပ်ကိုင်ဖို့လောက်ဘဲ မက်မောတော့တယ်။ အနာဂတ်ဆိုတာကိုလဲ မကြံတော့သလို အတိတ်ကိုလည်း မပြန်တော့ဘူး။ ပစ္စုပ္ပန်မှာဘဲ ယောနိသောမနသီကာယဖြင့် နေနိုင်အောင် ကြိုးစားပါတော့တယ်။ ဒါဟာဘဲ ဘဝအဓိပ္ပါယ်နဲ့ ဘဝသစ္စာဘဲမလား

ဘယ်သူမှ မသိပါဘူးကွာ ဆိုပြီး customer ကားကို လုပ်ချင်သလိုလုပ်လို့မရပါဘူး။ ကားဆိုတာ တစ်ဘီးဘဲလှိမ့်လှိမ့် နှစ်ဘီးဘဲ လှိမ့်လှိမ့်နာတာက နာတာဘဲ။ မိမိကိုယ်တိုင်က အလွဲသုံးစားလုပ်နေရင်တော့ ကိုယ့်တပည့်တွေက ကိုယ့်လိုဘဲ လိုက်မှာပါဘဲ။ ကားက ဝါယာကြိုးလေး ၂ ချောင်းလောက်ဆက်တာကို အင်ဂျင်ပါချရမယ်လို့ အကြီးကြီးတွေ လျှောက်​ပြော ကားကို ၃ရက်လောက်ထားခိုင်း ပြီးရင် ရှိသမျှဆီတွေအကုန်မောင်းပြစ် ၊ customer က မသိရှာဘူး။ ပြောရဲဆိုရဲ customer နဲ့တွေ့ရင် အရှက်ကိုဗျန်းဗျန်းကွဲတာဘဲ။ မှတ်မိလို့ပြောရအုံးမယ် တခါက ဝပ်ရှော့မှာ အရက်ဝယ်ကြက်ဖမ်း တောက်တိုမရခိုင်းတဲ့ ကောင်လေးက customer ရဲ့ ခရောင်းကားကို သူ့ဆော်လိုက်ပို့မလို့ဆိုပြီး ညဘက်ကြီး အလွဲသုံးစားလုပ်ပြီး ယူသုံးသတဲ့ ပြန်လဲပြန်ရော အဲ့ကားနဲ့ဘဲ KTV ထပ်သွားသေးတယ်။ ဒီကောင်တွေ customer ကားကို ညလုံးပေါက်စိတ်ကြိုက်ကို ဖြိုနေတော့တာ customer သာထိုအဖြစ်ကိုသိရင် အတော်လေးရင်ခံနေမှာ။

အလွဲသုံးစားလုပ်ခြင်း

ကားပိုင်ရှင် အုံနာတွေက ကိုယ့်ကို ယုံကြည်လို့ ကားလာထားသွားတယ်။ ဒါကိုကိုယ်က ကိုယ့်ရဲ့ကိုယ်ရေးကိုယ်ထာကိစ္စတွေအတွက် အလွန်အမင်းအသုံးမချရရဘူး။ ကိုယ့်ရဲ့လုပ်ပိုင်ခွင့်ထက်ပိုလွန်သွားပြီး တလွဲ အသုံးချသလိုဖြစ်သွားပြီ။ ဥပမာ ဆိုကြပါစို့ မိမိကို တိုင်ပြည်တစ်ခုအား ဘုရင်တပါးက ခဏအုပ်ချုပ်ခိုင်းတယ်ဆိုကြပါစို့ အဲ့တိုင်းပြည်ကြီးကို အလွဲသုံးစားလုပ်မှာလား။ တွေးကြည့်ရင်ကျယ်ပြန့်တယ်။ ကျနော့်ရုံမှာ ညသိပ်ကားလက်မခံဘူး။ မဖြစ်မနေလက်ခံပြီဆိုရင် အုံနာဘုတ် နဲ့ ဝှီးတက်ကို ပြန်ယူသွားခိုင်းတယ်။ တခါတုံးက ညသိပ်ကားတစ်စီးပြင်ဖူးတယ်။ အုံနာက ကားထားဖို့ ဂွတိဂွကျနိူင်တော့ မှတ်ပုံတင်ပေးလိုက်တယ် (မယုံလို့မဟုတ်) သူ့ဘက်က အဆင်မပြေလို့ပါတဲ့။ ကျနော့်ဆီမှာ ကားတွေကိုပေါက်ပန်းလေးဆယ်မောင်းပြီး ဟိုတိုက်သည်တိုက်လက်မခံဘူး။ တပည့်တွေကိုလည်းကားပေးမမောင်းခိုင်းဘူး။ ကားထားခဲ့ရင်လဲ မိမိအိမ်ကို ကားယူသွားတာမျိုး ၊ အရက်ဆိုင်သွားတာမျိုး ၊ မာဆက်သွားတာမျိုးမလုပ်ဘူး။ ဒါဟာ စည်းကမ်းဘဲ။ လိုအပ်လို့ ကားမောင်းစမ်းတာဘဲရှိမယ်။ ကားထဲက ဆီတွေကိုအကုန်မောင်းပြစ်တာမျိုး ၊ ကိုယ့်ကားမဟုတ်ဘဲ အသက်ကုန်ဖြိုပစ်တာမျိုးမလုပ်ပါဘူး။

အလုပ်ရှိတာကောင်:ပါတယ် နေ့တိုင်းကြီးကျ

ငတိုး (ခင်မောင်တိုး)

သီချင်းတွေနဲ့လွမ်းစေ..လို့
အလွမ်းမပြေအောင်ခြေရာထား
သွားနှင့်တဲ့..မင်း...

မောင်စိန်ဝင်း(ပုတီးကုန်း)
15/11/24

မိုက်တယ် ကိုယ်တွေ အလုပ်စလုပ်တုံးက ဝင်ဝင်ချင်း ၁၈၀၀၀၀ တဲ့ ၃နှစ်စာချုပ်နဲ့ 😖

ဟူးမန်းရေ အောက်ဒိုးဆားဗစ်လိုက်လား 😂

လုပ်ရပ်က က စကားလုံးတွေထက်ပိုပါတယ်

သူငယ်ချင်း မင်းကို ငါယုံတယ်ကွာ ၊ ဒီလောကမှာမင်းကိုငါအယုံကြည်ဆုံးဘဲ။ အဲ့လိုပြောပြီး အရေးအကြောင်းရှိလို့ သူငယ်ချင်း မင်းကားလေးခဏငှားဆိုတော့ ငါသွားစရာရှိသေးလို့ ကားမအားဘူး။ အဲ့လိုသူငယ်ချင်းမိတ်ဆွေမျိုးကြုံဖူးလား။ နောက်ပြီး လူငယ်တွေကို ပျိုးထောင်ပေးမယ် ၊ လူငယ်တွေဘဲ ကိုယ်တို့က ပံ့ပိုးပေးမယ်ဆိုပြီး သူ့အကျိုးသူကြည့်နေတဲ့ ဆရာသမားတွေလဲ ကြုံဖူးကြမှာပါ။ ကျနော်အများကြီးကြုံဖူးတယ်။ လူတွေက အပြောလောက်ဘဲရတာပါ။ ကိုယ့်အတ္တနဲ့ ယှဥ်ရင် သူများစဥ်းစားပေးတာနည်းတယ်။ သူများအတွက် မစဥ်းစားပေးလဲ သိပ်တော့ပြဿနာမရှိပါဘူး။ ဒါပေမဲ့ မိတ်ဆွေတို့နဲ့ ပတ်သက်နေတဲ့ ပတ်ဝန်းကျင်မှာ အ​ပြောကောင်းတဲ့လူတွေကို သတိထား။ အများအကျိုးကို သယ်ပိုးမယ်ဆိုတဲ့ လူတွေမြင်ဖူးပါတယ်။ အဲ့လူတွေ ၁၀၀ မှာ ၉၀ လောက်က သူ့တို့အကျိုးကိုဘဲ ကြည့်ကြတာများတယ်။

လူလိမ်တွေက စကားကြွယ်တယ်
လူလည်တွေကစကား ချိုတယ်
လူညာတွေက စကာကွန့်တယ်
လူမှန်တွေက စကားပျက်တယ်။
လူတော်တွေက စကားမလှဘူး။
လူကောင်းတွေက စကားနည်းတယ်။

လူတိုင်းအတွက် ချမ်းသာစွာနေထိုင်နည်း

A Recipe for Your Well-being

၁။ နံနက်စောစောထပါ။
Wake up early in the morning.

၂။ ကိုးကွယ်ရာ ဘုရားရှိခိုးပါ။
Pray to the God you believe in.

၃။ ၁၅မိနစ်ခန့် တရားထိုင်ပါ။
Sit in meditation for about 15 minutes.

၄။ စိတ်ကို ရှင်းထားပါ။
Clear your mind.

၅။ မိမိခန္ဓာကိုယ်ကို သုံးသပ်ပါ။
Observe your body or physical sensations.

၆။ မိမိစိတ်ကို သုံးသပ်ပါ။
Observe your mind or thoughts.

၇။ မိမိကိုယ်ကို မေတ္တာပို့ပါ။
Immerse yourself in loving kindness.

၈။ စင်္ကြာဝဠာတစ်ခွင် မေတ္တာပို့ပါ။
Spread your loving kindness throughout the entire universe.

၉။ ကောင်းသောစိတ်ကို အခြေခံပါ။
Focus on positivity.

၁၀။ ကျန်းမာစေရန် နေထိုင်စားသောက်ပါ။
Lead a healthy lifestyle.

၁၁။ မိတ်ဆွေကောင်းထားပါ။
Surround yourself with good friends.

၁၂။ သန့်ရှင်းစွာ နေထိုင်ပါ။
Live a virtuous life.

ကိုယ်စိတ်နှစ်ဖြာ ကျန်းမာချမ်းသာကြပါစေ။
May you all achieve physical and mental well-being.

(ဆရာတော် ဦးဥတ္တမသာရ)
by the Ven. U Uttamathara

Translation: Dr.Soe Than

Photo credit to the original uploader.

အသက်ရှင်ပါ
မနက်မင်္ဂလာလို့
နှုတ်ဆက်ဖို့..
..
အမှောင်ကျလည်း
ဦးနှောက်ထဲမှာလင်းနေပါစေ..

အဆက်အသွယ်မရလည်း
နှလုံးသားထဲမှာနွေးနေပါစေ.

ပြန်ဆုံမည့်ရက်
အရုဏ်တက်ကို
အသက်ဆွဲဆန့်ကြိုနိုင်ကြပါစေ..

မောင်စိန်ဝင်း(ပုတီးကုန်း)

တိုက်စစ်မှ ခံစစ်သို့

Nissan ကနေ အလုပ်သမား 9000 လောက်ရှော့မယ်လို့ Nissan CEO မာကိုတိုက ပြောပါတယ်။ အခုနှစ်ပိုင်းမှာ Nissan ကားတွေရောင်းအားကျလာတာလဲ ပါပါတယ်။ မြန်မာပြည်စျေးကွက်ကို မပြောပါဘူး။ တစ်ကမ္ဘာလုံးအတိုင်းအတာနဲ့ဆိုရင် ယခင်နှစ်တွေလောက် ရောင်းအားမကောင်းတော့တာအမှန်ပါ။ တရုတ်စျေးကွက်မှာဆိုရင် BYD ရဲ့ တခြားတခြားသော car maker တွေနဲ့ အပြိုင် အတော်လေးရုန်းကန်ရတယ်။ Nissan CEO Mr.မာကိုတိုကတော့ ဒါဟာ Nissan ကုမ္ပဏီကို ကျစ်ကျစ်လစ်လစ်နဲ့ ရေရှည်မှာ တည်မြဲစေဖို့ဖြစ်ပါတယ်။ သူတို့လဲ သူတို့ရဲ့ Down Faw ကိုကြိုတွေးထားပုံရပါတယ်။ မှတ်မှတ်ရရ 2015 လောက်ကထင်တယ် မြန်မာပြည် Nissan Myanmar ရဲ့ CEO ဂျပန်လူမျိုးတစ်ယောက်က သူ့ဆီမှာ အလုပ်လာလုပ်ဖို့ ကျနော့်ကို ကမ်းလှမ်းဖူးတယ်။ သွားမလုပ်ဖြစ်ပါဘူး။ မြန်မာပြည်မှာလဲ နာမည်ကြီး ဝပ်ရှော့တွေ ပိတ်ကုန်ကြပြီ ၊ မရတော့ဘူး ခေတ်ကာလ အနေထားနဲ့ Nissan လို ကုမ္ပဏီကြီးတွေတောင် Fail နိုင်တဲ့ အနေထားဘဲ ၊ လုပ်ငန်းတွေ ကြီးတာ သေးတာ အရေးမကြီးပါဘူး။ အဲ့လုပ်ငန်းကို မ Fail သွားအောင် ဘယ်လောက်အတိုင်းအတာထိ ထိန်းထားနိုင်မလဲ အဲ့ဒါအရေးကြီးတယ်။

R154-Service-Manual.pdf

လူမှန် နေရာမှန်

Social media မှာဘဲ ဖြစ်ဖြစ် ၊ အရပ်ထဲမှာဘဲ ဖြစ်ဖြစ် ကိုယ်နဲ့ same batch တွေ သူတို့ကိုယ်သူတို့ အင်ဂျင်နီယာလို့ ပြောရင် သိပ်ကို လေးစားအားကျမိတာ ၊ ငယ်ငယ်တည်းကလဲ အင်ဂျင်နီယာဘဲ ဖြစ်ချင်ခဲ့တာ။ ဒါပေမဲ့ ကိုယ်ကျင်လည်နေတဲ့ လောကမှာတော့ အင်ဂျင်နီယာလို့ပြောရင် ဝိုင်းသမ မဲ့ကောင်တွေချည်းဘဲ။ အရင်တုံးက လိုင်းပေါ်မှာ ဟိုရေးသည်ရေးနဲ့ အတော်လေးလဲ Follower များလာတော့ နာမည်ကြီး စက်ဆရာတစ်ယောက် က ခေါ်ပြီး မင်းလားကွ အင်ဂျင်နီယာပေါက်စ ဆိုပြီး ခေါ်ဖြဲတာခံရဖူးတယ်။ ပါးပါးနပ်နပ်နဲ့ ရှောင်ထွက်ရခဲ့ရဖူးတယ်။ နာမည်ကြီးကားကုမ္ပဏီတစ်ခုမှာ အလုပ်လုပ်တုံးကလည်း မင်းတို့ကောင်တွေ တစ်ကောင်မှမရှိလဲ ငါ့ကုမ္ပဏီမပျက်သွားဘူးဆိုတဲ့ သူဌေးနဲ့လည်း ကြုံဖူးတယ်။ ဒါကြောင့်တခါတလေ ကိုယ်နဲ့အံ့ဝင်ဂွင်ကျဖြစ်တဲ့ နယ်ပယ်တစ်ခုခုကို သွားချင်တဲ့ စိတ်ကူးလဲရှိခဲ့ဘူးတယ်။ ဒါပေမဲ့ အခြေအနေအရ ကိုယ်ဖြစ်ချင်တာထက် ကိုယ်ဖြစ်နေတဲ့ လက်ရှိနယ်ပယ်မှာဘဲ ဇာတ်မြုတ်နေဖြစ်တော့တယ်။ ဒါ့ကြောင့် same batch တွေ သူတို့နာမည်ရှေ့မှာ Engr လို့ခေါင်းစဥ်တပ်ရင် အရမ်းကို လေးစားအားကျမိတာအမှန်။ ကိုယ့်ရဲ့ နေရာအမှန်က ဒီနေရာထင်ပါရဲ့ Engr လဲ မဟုတ်တော့သလို အဲ့ဒါကိုလဲ စွန့်လွှတ်လိုက်ပါပြီ။

စီးပွားရေးလောကမှာ Network တစ်ခုကောင်းကောင်းရဖို့ဖြစ်စေ
လူမှုဆက်ဆံရေးအရ အသိုင်းအဝိုင်းတစ်ခုကို ဝင်ဆန့်နိုင်ဖို့ဖြစ်စေ
လူတွေက ကိုယ့်ထက်ပိုသိ၊ပိုတော်၊ပိုပိုက်ဆံရှိတဲ့သူတွေနဲ့ပဲ ပေါင်းဖို့သင်းဖို့ပြောကြတယ်

သူဌေး၁၀ယောက်နဲ့ပေါင်း
၁၁ယောက်မြောက်သူဌေးက ကိုယ်ဖြစ်မယ် ဘာညာ

Base တူမှ Power ချင်းပေါင်းလို့ရတာကိုတော့ မေ့ထားကြတယ်

လောကမှာ Level , Role , Segment အလွှာ ဆိုတာရှိတယ်
သူဌေး , သူဌေးချင်းမှာတောင်
သာမန်သူဌေးလေးနဲ့ သန်းကြွယ်သူဌေး ..အဆင့်မတူဘူး
Community လဲ မတူဘူးပေါ့ဗျာ
ကျန်တာကိုတော့ မပြောတော့ဘူး

တစ်ကယ့်အကောင်ကြီးကြီး စူပါမာစတာသူဌေးကြီးတွေ
မျက်နှာ ထောက်စရာ ရှိတာတောင်
အကျိုးစီးပွားနဲ့ပတ်သတ်ရင်
အချင်းချင်းတောင်
တက်နင်းသွားတာ
ကိုယ်တွေ့ကြုံဖူးတာတွေ ပြောပြချင်တာ

အစ်ကိုဆရာတစ်ယောက်ပြောခဲ့ဖူးသလိုပေါ့
ကိုယ်က ငါးမန်းမဟုတ်ပဲ
ငါးမန်းဖြစ်ချင်ဇောနဲ့
ငါးမန်းအုပ်ထဲ ဝင်ကူးရင်
ငါးမန်းစာပဲ ဖြစ်သွားလိမ့်မယ် တဲ့

စီးပွားရေးလောကမှာ
တစ်ချက်လေးများမှားရင်
ဒီနေ့ မှန်ကင်းကနေ
မနက်ဖြန် ထင်းပုံလဲဖြစ်သွားတတ်တာမျိုး

ဒီလောကမှာ
ထာဝရ မိတ်ဆွေ
ထာဝရ ရန်သူဆိုတာမရှိဘူး
ထာဝရ အကျိုးစီးပွားပဲရှိတယ်

Oakker (Digital Nomad)

Good idea 🛠

Professional ဆိုတာ ရှင်းရှင်းလေးပါ။
" လုပ်စရာရှိတာ ဆက်လုပ်တာပဲ "
စိတ်ဓာတ်ကျလည်း လုပ်စရာရှိတာ ဆက်လုပ်တယ်။
ပျော်လည်း လုပ်စရာရှိတာ ဆက်လုပ်တယ်။
အများက တစ်လမ်းသွားနေလည်း လုပ်စရာရှိတာ ဆက်လုပ်တယ်။
တချို့တွေ Ethic ဖောက်နေလည်း လုပ်စရာရှိတာ ဆက်လုပ်တယ်။ ဘာဖြစ်လို့လဲ ?
ရှင်းပါတယ် ..
သူ လုပ်နေတဲ့ အလုပ်ကို သူချစ်လို့ ...
Professional ဖြစ်ချင်ရင် ကိုယ်လုပ်တဲ့ အလုပ်ကို အဆုံးစွန်ထိ ချစ်လိုက်.. ဒါပဲ။

♦ အလုပ်ခေါ်စာ ♦
အင်ဂျင်ပိုင်း ကျွမ်းကျင် (လုပ်သက် ၁နှစ်ခွဲ ၂နှစ်အထက်) အလိုရှိပါသည်။

၃၀ အောက် ဖြစ်ရမည်။
ဆက်သွယ်ရန် 👨‍🔧👇

☎ 09890609025

မိမိကိုယ်ကို ဘယ်လိုမြင်သလဲ? အဲ့ဒါအဖြေ

ဆရာကြီးမင်းသိမ်ခ ပြောတာလေးသတိရမိတယ်။ မိမိကိုယ်ကို ဘယ်တော့မှ အပြစ်မတင်ပါနဲ့တဲ့ ၊ အဆိုးဆုံး အယုတ်မာဆုံး လုပ်ရပ်တွေကိုလုပ်နေတဲ့ ဒေဝဒတ်ကြီးတောင် နောင်ပွင့်မဲ့ ပစ္စက ဘုရားလောင်းတဲ့ ၊ သွားရှုပ်လို့မရဘူး။ ဘယ်လောက်ဆိုးတဲ့လူတွေဖြစ်နေပါစေ တချိန်မှာ ဆရာကြီးလဲဖြစ်နိုင်ပါတယ်။ ကိုယ့်ကိုယ့်ကို ဘာကောင်ကြီးဖြစ်မှန်းမသိဘဲ မိမိကိုယ်ကို အထင်မသေးသင့်ပါဘူး။ တခြားသူတွေ မြင်နေတဲ့ အမြင်နဲ့ မိမိကိုယ်ကို မြင်တဲ့ အမြင်ကလဲ မတူသေးပါဘူး။ တခြားသူကို အထင်ကြီးနေတာထက် မိမိကိုယ်ကိုယ်အထင်ကြီးတာက ပိုကောင်းပါတယ်။ ဘာလို့ဆိုတော့ မိမိဘဝကို မိမိကိုယ်တိုင်ထုစစ်ရမှာမို့လို့ပါ။ တချိန်တုံးက ဂေါ်မစွန်ခဲ့တဲ့ ကောင်လေးတစ်ယောက်က တချိန်မှာ ပျိုတိုင်းကြိုက်တဲ့ နှင်းဆီခိုင်လဲ ဖြစ်နိုင်သေးတာဘဲ။ မိမိကိုယ်ကို အထင်မသေးမိပါစေနဲ့ တခြားသူတွေ အထင်သေးတာကိုလဲ ဂရုစိုက်စရာမလိုပါဘူး။

" ကမ္ဘာကြီးကိုကယ်တင်ချင်ရင် အရင်ဆုံး မင်းအိပ်ရာမင်းအရင် သိမ်းလိုက်ပါ "

ကျနော့်ရဲ့ အောင်မြင်မှုက ကမ္ဘာကြီးကို ကယ်တင်ဖို့လဲ မဟုတ်ဘူး။ ကျနော့်အမေ့ကို စျေးဖိုးလောက်လောက်ငှငှ ပေးဖို့ရယ် ၊ အဝေးသင်တတ်နေတဲ့ ညီမလေးကို ကျောင်း စရိတ်ထောက်ပံ့ဖို့ရယ် ၊ ပင်စင်နီးနေပြီဖြစ်တဲ့ အဖေ့ကို လစဥ် ကွမ်းဖိုးဆေးဖိုး ဆိုင်ကယ်ဆီဖိုး စတာတွေ ပေးဖို့ရယ်ဖြစ်ပါတယ်။ ဒါလေးတွေ လုပ်ပေးနိုင်ဖို့ လစဥ်နဲ့ အမျှ ကြိုးစားရုန်းကန်နေရတယ်။ ကျနော်အောင်မြင်ချင်တာပေါ့ ဟုတ်ပါတယ်။ ကျနော့်မှာလဲ ကိုယ်ပိုင်ဆန္ဒလေးတွေရှိတယ်။ ဒါပေမဲ့ ကျနော့်ရဲ့ ဆန္ဒလေးတွေ နောက်ပို့ထားတယ်။ မိသားစုရဲ့ တာဝန်တစ်ခုလုံးက ကျနော့် ပုခုံးပေါ်မှာဖြစ်လို့ ကျနော်မနားရဲသေးဘူး။ အကယ်၍သာ ကြိုးစားတိုင်းအရာထင်မယ်ဆိုရင် ကျနော့် ဒါ့ထက်အောင်မြင်ချင်ပါသေးတယ်။ ကိုယ့်မိသားစုတောင် ဦးမဆောင်နိုင်သေးဘဲနဲ့ ကြီးကြီးကျယ်ကျယ်မပြောချင်သေးပါဘူး။ ဟုတ်ကဲ့ ကျနော် ကိုယ့်အိပ်ရာတော့ ကိုယ်ပုံမှန်သိမ်းပါတယ်။

မဂ်လာ ညချမ်းပါ ညီကိုတို့ 😍👨‍🔧🙏

ခုန စကားကို ပြန်ဆက်ရရင် ဆရာက ကျောင်းမှာဆိုရင် လက်တွေ့ပိုင်းကို ပြရတယ်။ တခါက သစ်တောကျောင်းကကျောင်းသားတွေ အင်ဂျင်ပိုင်းဆိုင်ရာ လက်တွေ့လာလုပ်တော့ ဆရာကသင်ပြပေးရတယ်။ အဲ့မှာ ဆရာက အင်ဂျင်တစ်လုံးကို ခွဲစိတ်ပြီး တိုင်မင်ကောက်တော့ တိုင်မင်ကလွဲနေတယ်။ ဆရာက မျက်စိသိပ်မကောင်းဘူး။ အဲ့မှာ ကျနော့်က ဖျက်ဖျက်လက်လက်နဲ့ တိုင်မင်ကိုကောက်ချိန်လိုက်တယ်။ မှန်သွားတော့ လက်တွေ့လာလုပ်တဲ့ သစ်တောကျောင်းသားတွေက ကျနော့်ကိုချီးကျူးကြတယ်။ ဒီကောင်လေးအရမ်းတော်တယ်ပေါ့။ အဲ့မှာ ဆရာ့က မိမိထက်ပိုတော်ကြောင်း စသဖြင့် ဆရာ့ကိုဝင်ကာပြောပေးပါတယ်။ ဆရာလဲ လူကြားထဲမှာအတော်လေးလဲဂုဏ်တတ်သွားစေပြီး မျက်နှာမှာလဲ ပြုံးယောင်သန်းနေတာကို ကျနော်ရိပ်မိပါတယ်။ ပြောချင်တာက ဆရာ့ထက် ပိုမတော််ပါစေနဲ့ ကိုယ့်ဟာကိုယ် ဘယ်လောက်ဘဲ တော်နေပါစေ ဆရာ့ရှေ့မှာတော့ ကိုယ့်ဟာ ဆရာ့လောက်မတော်ကြောင်း ဆရာသိပါစေ ၊ ဒါလေးက ဆရာနဲ့တပည့်ကြားအရမ်းအရေးကြီးတယ်။ ကျနော့် WS မှာ လကုန်လို့ တပည့်တွေနဲ့ စကားစမည်ပြောရင် ဒါလေးထည့်ပြောပါတယ်။ တချို့တပည့်လေးတွေက ပညာလေးထက်လာရင် မာန်လေးတွေဝင့်လို့ ဆရာကို အာခံချင် ၊ လဒလောက်တော့ ဌက်တိုင်းလှပါတယ်ဆိုတာမျိုးလေးတွေရှိပါတယ်။ ဒါမျိုးစိတ်က လုံးဝမထားသင့်တဲ့ စိတ်ပါ။ အဲ့လိုလေးပေါ်လွင်နေတယ်ဆိုရင်တောင် သတိထားပြီး ဖျောက်ရမယ်။ ကျနော် အခုလိုလေးတွေ ကြိုးကြိုးစားစား လုပ်နေတာသိရင် ဆရာအရမ်းဝမ်းသာမှာ။ ဆရာ့ကိုအရမ်းလွမ်းတယ်။ ဆရာနဲ့မဆုံရတာ ဆယ်နှစ်ကျော်လောက်ရှိတော့မယ်။ ကျနော့်ဆရာရဲ့ ဂုဏ်ကို အောက်မေ့ပြီး ဦးခိုက်ရှိခိုးပါတယ် ဆရာကျန်းမာပါစေ ❤👨‍🔧🙏

ဆရာထက် တပည့်ပိုမတော်မိစေနဲ့

လွန်ခဲ့တဲ့ ဆယ်နှစ်ကျော်က ကျနော့်မှာ ကျောင်းတက်ရင်း ဒီဇယ် ၊ ဓာတ်ဆီ အင်ဂျင်တွေအကြောင်း လက်တွေ့သင်ပေးခဲ့တဲ့ ဆရာတစ်ယောက်ရှိတယ်။ ဆရာက အရမ်းတော်ပါတယ်။ တကယ်လဲ စိတ်ကောင်းစေတနာကောင်းရှိတယ်။ ဆရာက အင်ဂျင်တွေကို အခြေခံကစပြီး သေသေချာချာသင်ပေးတယ်။ အတန်းမှာ အမြဲတမ်းမရှိပေမဲ့ ဆရာအိမ်မှာတော့ အမြဲတမ်းရှိတယ်။ ဆရာမှာ့ ဘူး ၊ ချဥ်ပေါင် ၊ ဖရုံ စသဖြင့် စုံစိနေတဲ့ စိုက်ခင်းလေးတစ်ခုရှိတယ်။ အင်ဂျင်တွေ မခွဲဘူးဆိုရင် ကျနော်က စိုက်ခင်းမှာ ရေလောင်း ပေါင်းသင်မြတ်နှုတ်ရတယ်။ တခါတလေ ဆရာကအရက်လေးဘာလေးသောက်ချင်တယ်ဆိုရင် ၂မိုင်လောက်ဝေးတဲ့ အေးဂျင့်ဆိုင်လေးဆီကို စက်ဘီးနဲ့အပြေးလေးသွားဝယ်ရပေးတယ်။ အမြည်းအတွက် ကြက်ဥကြော်လေးပါ ကြော်ပေးရတယ်။ ဒီလိုဆရာဆီမှာ လက်တွေ့ပညာသင် ၊ တဘက်မှာလဲ ကျောင်းစာသင်ရင်း ၄နှစ်လောက်ကြာသွားတယ်။ စက်ပြင်တာဝါသနာပါပြီး လက်တွေ့ချည်းဘဲ ဖိလုပ်နေလို့ ဘာသာစုံကျတော့ ဆရာက အုပ်ထိန်းသူအနေနဲ့ အတန်းပိုင်းဆရာမဆီမှာ လက်မှတ်လိုက်ထိုးပေးရသေးတယ်။ သူတို့အချင်းချင်းရင်းနှီးကြတယ်။ အခုလိုစာမေးပွဲတွေကျနေတာကိုအိမ်ကမသိ သိရင်အကျိတ်ခံရမှာကိုး ကျနော်မိဘတွေက ပညာရေးကို အတော်လေးဦးစားပေးတယ်။ ဘွဲ့ရရင် ဌာနဆိုင်ရာမှာ AE တို့ SAE တို့လို အင်ယာတွေဖြစ်ပြီး လူကြီးအကပ်ကောင်းရင် အတော်လေးချမ်းသာကြတာကိူး ၊ အဖေအထက်က အရာရှိတွေဆိုရင် ဘယ်ဂိုထောင်ကိုကိုင်လိုက်တာ ဘယ်လောက်ရသွားတယ် ကားဘယ်နှစ်စီးစသဖြင့် ပွပေါက်တွေရှိနေတော့ သူ့သားကို အဲ့လိုဖြစ်ချင်ပုံရပါတယ်။ အမေပြောနေကျစကားလေးရှိတယ်။ နင်တို့ကို ပညာသင်ပေးတာ " ဘော့ပင်လေးကိုင်ပြီး ပန်ကာအောက်မှာ သက်တောင့်သက်သာနဲ့ နေနိုင်အောင်လို့ဟဲ့ " အဲ့စကားကို ကိုယ်သိပ်နားမလည်ဘူး။

ညီကိုများ အားလုံး သာယာသော မဂ်လာညချမ်းလေးဖြစ်ပါစေ ❤👨‍🔧🙏

1JZ-GTE (Mark ll)

ဒီချန်နယ်ထဲမှာရှိတဲ့ ကျနော်လေးစားချစ်ခင်ရတဲ့ ညီကိုမောင်နှမများအားလုံး ဘေးကင်းချမ်းသာကြပါစေ ❤👨‍🔧🙏

ကျနော်က မော်တိုဗေးရှင်းစပီကာတွေဆို သိပ်အမြင်ကြည်တာမဟုတ်ဘူး။ အလုပ်မလုပ်ဘဲ တော်ကီလောက်နဲ့ ဦးနှောက်ဖောက်စားနေတဲ့ လူတွေဆိုရင် ဝေဖန်သရော်စာတွေ ရေးနေကျပါဘဲ။ ပါးပါးနပ်နပ်နဲ့ ပိုက်ဆံရှာတဲ့လူတွေဆိုရင် (ပင်ပန်းမဲ့ဇာတာ) ဝေးဝေးက ရှောင်လေ့ရှိတယ်။ ဒီဆရာရဲ့ သင်တန်းကို တတ်ဖြစ်ပုံက ဒီလိုဗျ။ ညီကိုလိုရင်းနှီးချစ်ခင်ရတဲ့ လုပ်ငန်းတူ မိတ်ဆွေက သူ့ပိုက်ဆံ စိုက်ထုတ်ပေးပြီသင်တန်းကို ဖင်တွန်းပို့လို့တတ်ဖြစ်သွားတယ်။ ဒီဆရာက သူနယ်ပယ်မှာတော့ အတော်လေးအောင်မြင်တဲ့ဆရာပါဘဲ။ စီးပွားရေးပိုင်းကို ရှီရှောင်မဟုတ်ဘဲ။ တကယ်အလုပ်ဖြစ်အောင်လုပ်ထားတာတွေရှိတယ်။ ဖြစ်ချင်တော့ သူနဲ့ကျနော်က ကျောင်းတူပါတယ် (မေဂျာတူ) ၊ ပုဂ္ဂိုလ်ခင်တော့ တရားမင်ဆိုသလို ၊ ဒီဆရာက ဝိပဿနာအားထုတ်တယ်လို့သိရတယ်။ ဒီဆရာကို ကြိုက်တာက အလုပ်အရမ်းလုပ်ပြီး သူ့ရဲ့ တနေ့တာကို စည်းကမ်းနဲ့သွားတာလေးသဘောကျတယ်။ ချုံ့ပြောရရင် ဘဝကို ကုသိုလ် ၊ ပညာ ၊ ဥစ္စာ (၃) ချက်ကို plan နဲ့သွားတာလေးသဘောကျတယ်။ plan နဲ့သွားတဲ့လူက ပရမ်းဗဒါ လုပ်နေတဲ့လူထက် ပိုပြီးအလုပ်တွင်တာလေး သိမှတ်သားရတယ်။ သူ့သင်တန်းတတ်လိုက်တာ အဲ့ဒါလေးရပါတယ်။

အိပ်ဇောဆင်ဆာဖြုတ်ရင်း ရလာတဲ့ ဆုဒ်လာဒ်လေးတွေ 👨‍🔧
တော်ရုံ လူပေလူတေ မဟုတ်ရင် ဒါမျိုးတွေမလုပ်နိုင်လောက်ဘူး။ လူငယ်တွေ ကားပြင်တာစိတ်မပါတော့တာ ဒါ့ကြောင့်လဲပါမယ်။ အုံနာက ဂျီတိုက်တာတမျိုး ၊ ဆင်ဆာကဖြုတ်ရခက်တာတစ်မျိုး ၊ ဂွထည့်ဖို့နေရာမရှိတာတမျိုး ၊ အိပ်ဇောကပူတာတစ်မျိုး ဒါမျိုးတွေ ကြောက်နေရင် ဒီအလုပ်တွေကမလုပ်တာကောင်းပါတယ်။ ဝါသနာပါတဲ့လူတွေကတော့ ပျော်နေတာဘဲ 😊

အကြိုက်ဆုံး ကားတစ်စီး
IRV (1JZ-GTE)

ကျစိမ့် တစ်ခွက်
ဆေးလိပ်တစ်လိပ်
စူးရှရှအတွေးတစ်ခု
ပြင်းပြတဲ့ ဆန္ဒတစ်စုံ
အားလုံးဘဲ မဂ်လာညချမ်းပါဗျာ 👨‍🔧❤🙏

မဂ်လာညချမ်းပါ မိတ်ဆွေတို့ 🙏

မှန်တာကို ပြောရဲ ၊ မှန်တာကိုလုပ်ရဲ ၊ မှန်တာကိုကြံစည်ရဲတာကို သတ္တိဟုခေါ်ပြီး ထိုသတ္တိမျိုးကို မမွေးရဘူးလို့ ဘယ်ဘုရားမှမဟောခဲ့ပါဘူး။ သူတော်ကောင်းစိတ်ဖြင့် ခန္ဓီအကျင့်မြတ်ကို ကျင့်နေသည့်တိုင်အောင် မှန်တာကိုပြောရဲရမယ် ၊ မှန်တာကိုလုပ်ရဲရမယ်။ မဂ်ပေါက်ဖိုလ်ဝင် ခန္ဓီအစစ်ကတော့ ကိလေသာကို သည်းခံတာဖြစ်ပါတယ်။ မိတ်ဆွေတို့အနေနဲ့ ဒါမျိုး ခန္ဓီကို မွေးရမှာဖြစ်ပြီး တခြားသော အ​ကြောင်းအရင်းကြောင့်ဖြစ်လာတဲ့ မည့်သို့သော မတရားမှုမျိုးကိုမှ သည်းခံစရာမလိုကြောင်း မျှဝေလိုပါတယ် ❤🙏

" ခန္ဓီပရမံ တိသိက္ခာ "

ရဟန္တာနဲ့ပုဂ္ဂိုလ်ထူးများ (ဓမ္မစရိယဦးဌေးလှိုင်) စာအုပ်ထဲက ပါဌိစာလေး တစ်ကြောင်းဖြစ်ပါတယ်။ ပုံမှန်အားဖြင့် ဒီစကားလေးက သိပ်မလေးနက်ပေမဲ့ နက်နက်နဲနဲ တွေးကြည့်လိုက်ရင် အရမ်းကိုအဓိပ္ပါယ်ပြည့်ဝတဲ့ စာစုလေးဖြစ်ပါတယ်။ ကျနော် အမှတ်မမှားဘူးဆိုရင် ရဟန္တာလို့ လူသိများတဲ့ သပိတ်အိုင်ဆရာတော်ကြီးရဲ့ လက်စွဲစာထင်တယ် (သိပ်မသေချာ ပြန်ဖတ်မှသိမယ်) ၊ မူရင်းကတော့ မြတ်စွာဘုရား ဟောထားတာပါ။ မြန်မာလိုရှင်းရှင်းလင်းလင်းပြောရရင် သည်းခံခြင်းက သီလထဲမှာအမြတ်ဆုံးဘဲတဲ့ ၊ မြေကြီးကို ဖနှောက်နဲ့ပေါက်တဲ့အခါ မြေကြီးက ဘာဖြစ်သွားလဲ ဆိုလိုရင်းက မြေကြီးလိုပမာထားပြီးသည်ခံရမယ် (ပုဂ္ဂိုလ်ထူးစိတ်ဓာတ်) ၊ ဇာတ်တော်ကြီး ဆယ်ဘွဲ့ မှာ ဘူရိဒတ်နဂါးမင်းရဲ့ သည်းခံပုံကိုကြည့် ၊ မြွေအလပ္ပါယ်ဆရာ က နဂါးမင်းရဲ့ ခန္ဓာကိုယ်ကို ကြိုးတွေနဲ့ဖောက်သီပြီး ဖမ်းသွားတာကို သည်းခံတဲ့စိတ် ၊ ဆိုလိုရင်းက သည်းမခံနိုင်တဲ့အထိ သည်းခံခြင်းကို ဆိုလိုတာပါ။ ခန္ဓီ နဲ့ အဝီရိယ ကွာခြားပုံကို အောက်မှာရှင်းပြပါအုံးမည်။ ခန္ဓီဆိုတာ ကိုယ့်ထက်အားနည်းတဲ့လူကို သည်းခံတာမှ ခန္ဓီအစစ် ၊ အင်အားခြင်းမမျှလို့ ကြောက်ပြီးသည်းခံတာမျိုးက ခန္ဓီအစစ်မဟုတ်ပါဘူး။ ရဲရင့်မှုနည်းတဲ့ အဝီရိယဖြစ်ပါတယ်။

" တွန့်ဆုတ်ခြင်း "

ကျနော်က အလုပ်လုပ်ရင် သိပ်ကို တွန့်ဆုတ်တဲ့လူဗျ။ ကျနော်လုပ်တဲ့ အလုပ်တွေက တွန့်ဆုတ်မှုကြောင့်ဘဲ တချို့ ရသင့်တဲ့အရာတွေကို မရတော့တာမျိုးကြုံခဲ့ဖူးတယ်။ တကယ်တော့ တွန့်ဆုတ်မှုဆိုတာ ထိနမိတ္တလွန်ကဲတဲ့ ကိလေသာစေတသိတ်ရဲ့ လွှမ်းမိုးမှုကြောင့်ဖြစ်တယ်။ အလုပ်တစ်ခုခုလုပ်ဖို့ဆိုရင် ကျနော်က အဲ့အလုပ်ကိုလုပ်ရင်ကောင်းမလား ၊ မလုပ်ရင်ကောင်မလား အချိန်တော်တော်ကြာကြာ တွေးနေတာမျိုးရှိတယ်။ ဒါပေမဲ့ လုပ်ပြီဆိုရင်တော့ ဘယ်လိုအကြောင်းကြောင့်နဲ့မှ အားလျော့သွားခြင်းမရှိဘဲ အောင်မြင်သည်အထိ လုပ်တတ်တဲ့ ဇွဲလုံ့လမျိုး ကျနော်မှာရှိတယ်။ ကျနော်က အလုပ်အများကြီးမလုပ်ဘူး။ လုပ်ရင်လဲ ထိုအလုပ်ကို ဆုံးခမ်းတိုင်အောင်လုပ်လေ့ရှိတယ်။ ပုဂ္ဂိုလ်ကြီးတစ်ယောက်က ကျနော့်ကိုပြောဖူးတယ်။ မင်းက ဘာဘဲလုပ်လုပ် ကောင်းတာဘဲဖြစ်ဖြစ် ဆိုးတာဘဲဖြစ်ဖြစ် ဇောက်ချလုပ်တတ်တယ်။ ကောင်းတာလုပ်ရင်လဲ တာဝတိံတာထိတက်မဲ့ကောင် ၊ ဆိုးတာလုပ်ရင်လဲ အဝီဝိထိဆင်းမဲ့ကောင်းဘဲ ဒါကြောင့် ကောင်းတာဘဲလုပ်ဖို့အကြံပြုပါတယ်။ ထိုပုဂ္ဂိုလ်ကြီးဆက်လက်ပြောသွားသည်မှာ မင်းရဲ့ မလျော့တဲ့ဇွဲကြောင့်ဘဲ အချိန်တစ်ခုရောက်တဲ့အခါ မင်းလိုချင်တဲ့အောင်မြင်မှုတစ်စုံတရာကို ရကိုရလိမ့်မယ်။ မြန်တာကြာတာတော့ရှိတာပေါ့။ ဒါပေမဲ့ ကျနော်ရဲ့ ဘဝကို သုံးသပ်ကြည့်တဲ့အခါမှာ ကိုယ်လိုချင်တဲ့ အောင်မြင်မှု့တွေက နှေးကွေးနေတာကိုတွေ့ရှိရတယ်။ ဘာကြောင့်နှေးကွေးနေတာလဲလို့ကိုယ့်စိတ်ကိုယ်ကို အချိန်ယူကာပြန်ဆန်းစစ်ကြည့်လိုက်တော့ အော်ငါ့မှာ ထိနအားကြီးတဲ့ တွန့်ဆုတ်တဲ့စိတ်ရှိနေလို့ဘဲ။

မြတ်စွာဘုရား ဇနကမင်းသားဘဝမှာ ပင်လယ်ထဲ သဘော်ပျက်တော့ ကျန်တဲ့သဘော်သားတွေက ဘာလုပ်ရမလဲ ယောက်ယက်ခတ်နေတဲ့ အချိန်မှာ ဘုရားလောင်း ဇနကမင်းသားဟာ တွန့်ဆုတ်မှုမရှိဘဲ လုပ်သင့်တာကိုလုပ်ပြီး ဟိုးသဘော်ရွတ်တိုင်ထိပ်ပေါ်တက်တယ်။ လှိုင်းလေကြားမှာ သဘော်ကလဲ မြုတ်လုဆဲဆဲ လေလဲတိုက်လာတော့ တဘက်ကိုယိမ်းသွားတဲ့ ရွတ်တိုင်ထိပ်ကနေ အားပြုပြီး သဘော်နဲ့ဝေးရာ ပင်လယ်ပြင်ထဲကို ခုန်ချပြီး မရပ်မနား ၇ရက်တိတိ ပင်လယ်ပြင်ထဲမှာ ကူးခတ်နေရဲ့ နောက်ဆုံးမှာ ကယ်မဲ့သူရှိလို့ အသက်ချမ်းသာယာရခဲ့တယ်။ ဘုရားလောင်းမဟာဇနကမင်းသားရဲ့ ​လုပ်ပုံလုပ်နည်းကို လေ့လာကြည့်တဲ့အခါမှာ အရေးပေါ်အခြေအနေကြုံလာတဲ့အခါမှာ ဘယ်လိုလုပ်ရမလဲ သိနိုင်တဲ့ဉာဏ် ၊ ဖြစ်ပေါ်လာတဲ့အခြေအနေကို မတွန့်ဆုတ်ဘဲ လုပ်ရဲတဲ့စိတ် ၊ ၇ရက်လုံးလုံးအားသွန်ခွန်စိုက်ကြိုးစားအားထုတ်တဲ့ဇွဲ ဒီ (၃) ချက်ကိုတွေ့ရှိရတယ်။ ကျနော်သာဆို ဘာလုပ်ရမှန်းမသိဘဲ တွန့်ဆုတ်နေတာနဲ့ဘဲ ပင်လယ်ထဲ ရေနစ်ပြီးသေမှာဘဲ။ မြတ်စွာဘုရားကတော့ မဟာပုရိသဖြစ်လို့ ထိုအချက်တွေပြည့်စုံနေတယ်လို့ မိတဆွေတို့ဆိုရင် ဆိုနိုင်ပေမဲ့ ကျနော်တို့လဲ ထိုလိုမျိုးစိတ်တွေ ရရှိလာအောင်ကြိုးစားရမှာဘဲ။

ဆရာတော်အရှင်ဇနကာဘိဝံသံရေးထားတဲ့ ကိုယ့်ကျင့်အဘိဓမ္မာကျမ်းရဲ့ အလိုရ ထိုကဲ့သို့ ကြိုးစားအားထုတ်မှုမျိုးကို ဝီရိယလိုဘဲ သုံးနှုန်းခဲ့တယ်။ " ဝီရိယ ဟူသည် မိမိလုပ်ကိုင်ရမဲ့ လုပ်ငန်းဆောင်တာတွေမှာ ​မကြောက်မရွံရဲရဲရင့်ရင့် လုပ်ကိုင်ဆိုင်ရွတ်တဲ့သဘော " ကျနော်ကတော့ ကိုယ့်ကိုယ်ကို ဝီရိယ အားနည်းသေးလို့ ​တွန့်ဆုတ်နေတာဘဲလို့ သုံးသပ်ပါတယ်။ အဲ့လိုမဖြစ်ဖို့လဲ ကိုယ့်ကိုယ်တိုက်တွန်းမိပါတယ်။ မိတ်ဆွေတို့ကော ကျနော်လို့ဖြစ်ဖူးလားခင်ဗျ။ ဖြစ်ဖူးရင် ဆွေးနွေးကြည့်ပါအုံး ❤🙏

ငါထင်ရာ ငါလုပ်မယ်ဆိုတဲ့ ခေါင်းဆောင်တွေ အဓိက ဦးဆောင်တဲ့ အသင်းအဖွဲ့က ကျရှုံးမှာပါဘဲ 😊☝👨‍🔧

ဘဝကလည်း ထူးဆန်းတယ်။ ကြိုတင်တွက်ဆမထားတာတွေဘဲ ဖြစ်လာတာမျိုး ကံဇာတ်ဆရာရဲ့ ဇာတ်ညွှန်းအတိုင်း ကြုံရာအခန်းက အကယ်ဒမီ ရအောင်ကပြရတာမျိုး မိတ်ဆွေတို့ကြုံဖူးကြမှာပါ။ ကောင်းကံတွေ ဘယ်လောက်လုပ်လုပ် အတိတ်ဘဝရဲ့ အကုသိုလ်ကံမကုန်သေးဘူးဆိုရင် ကောင်းကျိုးကတော့ရအုံးမှာမဟုတ်သေးဘူး။ ဒါကို ငါကကောင်းတာတွေဘဲ လုပ်တယ်။ ကောင်းတာတွေလဲ မဖြစ်ပါဘူးလို့လဲပြောစရာမလိုပါဘူး။ ကံအကျိုးပေးတွေက ဇော (၇) ချက်နဲ့သွားတာပါ။ သူ့ဇောနဲ့ သူ့အချိန်ကိုက်နေရင် အကျိုးကပေးကိုပေးတယ်။ ကျနော်သိပ်မမှတ်မိတော့လို့ ဘဝတစ်ခုမှာ ဘုရင်ကြီးတပါး တိုင်းခန်းလှည့်လည်ရင်း နေကလဲပူ ချွေးကလဲထွက် ပါလာတဲ့အဝတ်အဖြူရောင်လေးကို ထုတ်ပြီး ချွေးထုတ်ရင်း အဲ့ဒီအဝတ်လေး အဖြူကနေ အမဲဖြစ်သွားတဲ့ ဖြစ်ရပ်လေးကို အနစ္စသဘောအနေနဲ့ သတိလေးတချက်နဲ့ ဆင်ခြင်မိတယ်။ အဲ့ကောင်းကျိုးလေးက တချိန်မှာ ရဟန္တာဖြစ်လောက်တဲ့အထိ အကျိုးပေးသွားတယ်။ မြတ်စွာဘုရား ဘဝတစ်ခုမှာ လက်ဝှေ့သမားဖြစ်တော့ ပြိုင်ဘက်တွေကို ခါးချိုးချိုးပြီး အနိုင်ယူခဲ့တာ ​ဘုရားလဲဖြစ်ကော တရားတစ်ပုဒ်တောင်ဆုံးအောင်မဟောနိုင်ခဲ့ဘူး ခါးနာလွန်းလို့ ဇီဝကလဲ ကုလို့မရနိုင်ဘူး။ ကံအကျိုးပေး ဆန်းကျယ်ပုံ ဘုရားလဲမလွန်ဆန်နိုင်ပါဘူး။ ဒါ့ကြောင့် ကောင်းကံတွေ ဖန်တီးပါ အဲ့လိုဖန်တီးရင် ကောင်းကျိုးတွေဖြစ်လာမယ်ဆိုတာလဲ ယုံကြည့်ပါ။ မကောင်းကံတွေ တက်နိုင်သလောက်ရှောင်ပါ အဲ့ဒါတွေကမကောင်းကျိုးတွေဖြစ်လာမယ်ဆိုတာကလဲ သေချာတာမို့ တတ်နိူင်သလောက်ရှောင်ရှားပါ။ ကောင်းကျိုး ဆိုးကျိုး ဘယ်အချိန်ဖြစ်မလဲဆိုတာကတော့ အပေါ်က အကြောင်းအကျိုး တိုက်ဆိုင်လာရင်ဖြစ်မယ်။ မြန်မြန်ဖြစ်မလား ၊ နှေးနှေးဖြစ်မလားဆိုတာကတော့ ကံဇာတ်ဆရာအလိုတော်တိုင်းပါဘဲ။ ဒါတွေကိုမယုံကြည်ရင် ဘဝကတော့ ခါးပြီ ၊ အဲ့လိုလူတွေဟာ အယူမှားအမှတ်မှားကြောင့် လောကန္တိတ်ငရဲမှာ သွားခံရလိမ့်မယ်။

သီးတင်းကျွတ်အခါသမယမှာ သတ္တဝါအားလုံး ဘေးကင်းချမ်းသာကြပါစေ 👨‍🔧❤🙏

" ကောင်းတာလုပ်တိုင်း ကောင်းတာဖြစ်သလား "

" ကောင်းတာလုပ်ရင် ကောင်းကျိုးဖြစ်မယ် ၊ ဘယ်အချိန်ဖြစ်မလဲ ၊ အကြောင်းညီညွှတ်တဲ့အချိန်ဖြစ်မယ် သဘောပါလား " ဆရာတော်ဥူးသုမဂ်လ (ဒယ်အိုး)

ကျနော်တို့က ချစ်စနိုးနဲ့ ဗိုလ်သုလို့ခေါ်တဲ့ ဒယ်အိုးဆရာတော်ဖြစ်ပါတယ်။ ကျနော်ကျောင်းသွားတဲ့အခါ ဆရာတော့်ကျောင်းရှေ့က အမြဲဖြတ်ရတော့ ဆရာတော်ကိုအမြဲဦးတိုက်လျှက် ၊ ဒဲ့ဒိုးပြောတတ်ပြီး တရားတစ်လုံးချင်းစီမှာ ထိလွန်အားကြီးလို့ ဆရာတော်ကိုတော်တော်များများက သိပ်ကြည့်မရဘူး။ သို့ပေမဲ့ ဆရာတော်ရဲ့ ပရိတ်သတ်အင်အားက ကြောက်စရာ။ တရားတပွဲလုပ်ဖို့ ၂နှစ်လောက်ကြိုဖိတ်တာတောင်နာရဖို့မသေချာဘူး။ ဆရာတော်က ကျနော်တို့ရှိတုံးကတောင် Mazda MX5 အနီရောင်လေးစီးတယ်။ ကျနော်တို့ကျောင်းမှာ ဆရာတော်ကို ၂ကြိမ်လောက်ဖိတ်ပြီး တရားဟောစေဖူးတယ်။ ကျနော်တို့ ပါချုပ်ကြီးနဲ့ဆရာတော်က အရမ်းရင်းနှီးတယ်လို့လဲ ကြားသိရတယ်။ ကျနော်လဲ ဆရာတော့်တရားဆိုရင် ကြိုက်လွန်းလို့ အပုဒ် ၁၀၀ အထက်နာကြားဖူးတယ်။ ကဲထားပါ ပြောချင်တာက

ကောင်းတာလုပ်ရင် ကောင်းတာဖြစ်မယ်လို့ မယုံကြည်ရင် ဗုဒ္ဓဘာသာမဟုတ်ဘူး။ တချို့လူတွေ ကောင်းတာဘဲလုပ်ပေမဲ့ ဘဝက ဘာတစ်ခုမှကောင်းတာဖြစ်မလာဘူး။ တချို့လူတွေ ကောင်းတာဘာတစ်ခုမှမလုပ်ပေမဲ့ ကံကောင်းလိုက်တာ

" အမရေ အဲ့ဒါက အရင်ထဲက ကျိုးနေတာပါ။ အဲ့လိုကျိုးနေလို့ ကွိုင်တစ်လုံး အလုပ်မလုပ်လို့ misfire ဖြစ်ပြီး ကားတုန်နေတာပါ။ အမ မယုံရင် ကျနော်ကွိင်တစ်လုံး အသစ်ဆန်းကြည့်ပေးမယ် ကုဒ်မပျောက်ဘူး တုန်တာမပျောက်ဘူးဆိုရင် ပိုက်ဆံမပေးပါနဲ့ဗျာ "

" ကဲအဲ့ဒါဆို မြန်မြန်သွားဝယ် ၊ ငါအလုပ်ရှိသေးတယ်။ ဟဲ့သူဟာ အော်ဂျင်နယ်ကောရပါ့မလား "

" ရှိနိုင်လောက်ပါတယ်။ အမ ခဏနော် ကျနော်ဆိုင်ကိုဖုန်းဆက်ပေးပါ့မယ်ဗျာ "

ကျနော်မိတ်ဆွေကားပစ္စည်း
ဆိုင်ကိုဖုန်းဆက်လိုက်တော့ ရှိတယ်တဲ့ လာယူပါတဲ့။ ဒါနဲ့၃လုံးလောက်ယူလာပြီး တပ်စမ်းကြည့်လိုက်တော့ စက်နိုးသွားပြီး ကုဒ်ဖျတ်စရာမလိုဘဲ တန်းပျောက်သွားသလို ကားလဲအရင်လိုတုန်မနေတော့ဘူး။ စကားမစပ်လုပ်ရင်းကိုင်ရင်းနဲ့ ရေပြန်ဘူးအဖုံးလေးက လွတ်ကျသွားတယ်။ ပြန်ရှာတော့ ဘယ်နားညှပ်နေမှန်းမသိဘူး။ ရှာလို့ကိုမတွေ့တော့ဘူး။ ရေပြန်ဘူးအဖုံးဗျာ။ ဘယ်မှာရှာရှာဝယ်လို့ရပါတယ်။ စျေးလဲ သိပ်မရှိပါဘူး။ ပြန်ဝယ်ပေးမယ်ပြောတော့ လက်မခံပါဘူး။ တွေ့အောင်ရှာပေးပါတဲ့ အသစ်ဝယ်ပေးတာမလိုချင်လို့ ဆရာတပည့်တွေ ခေါင်းမီးတောက်အောင် လူ ၅ယောက်မျက်စိ ၁၀လုံးရှာလဲမတွေ့ပါဘူး။ ကားဂွင်က အရမ်းကျဥ်းလို့မတွေ့တော့ပါဘူး။ ဒါနဲ့ မိတ်တွေတစ်ယောက်ဆိုင်ကဘဲ သွားဝယ်ပြီး နေချင်းအပြီးပြန်ဝယ်ထည့်ပေးလိုက်ပါတယ်။

ကျနော် customer တစ်ထောင်လောက်နဲ့ ဆုံဖူးပေမဲ့ ဒီလို customer မျိုးနဲ့တော့ အခုမှကြုံဖူးတာဖြစ်ပါတယ်။ အတွေ့အကြုံတစ်ခုကတော့ တချို့ customer တွေက မိမိကားကို အရမ်း sensitive ဖြစ်လွန်းနေတာရယ်။ သူတို့ကိုယ်သူတို့ confidence အရမ်းများနေတာရယ် ၊ မဂ္ဂင်းနစ်တွေကို သူတို့အိမ်အလုပ်သမားသာသာလောက်ဘဲ သဘောထားတာရယ်။ အပြုသဘောဆောင်တဲ့ ညှိနှိုင်းမှုတွေလက်မခံတာရယ် ၊ ပြောရဆိုရခက်ခဲတာတွေ​ကြောင့် customer Complaine ကတော့ အတော်လဲ ခက်ခဲသွားပါတယ်။ ဒါကြောင့်

တစ်ခုခုပြင်တော့မယ်ဆို အလွန်သတိထားနိုင်မှတော်ကာကြမယ်။ သူများနဲ့ရတဲ့ခလေး ကိုယ့်ခလေးမဖြစ်စေဖို့ သတိကြီးကြီးထားရမယ်။

လေးစားမှုမရှိဘူး ၊ အထင်မကြီးဘူးဆိုရင် အစထဲက ကားလက်ခံမပြင်ပေးပါဘူးလို့ ကြိုပြောထားသင့်ပါတယ်။ မဟုတ်ရင် ပိုက်ဆံရတာက တစ်ကျပ် ၊ အားရုံနောက်တာက တစ်သောင်းဖိုးလောက်ဖြစ်နေပါလိမ့်မယ်။

မှတ်ချက် ။ အပေါ်က စကားထဲမှာ Nissan Juke နိုင်လားဆိုတဲ့စကားပါပါတယ်။ ကျနော်ပြောပြမယ်ဗျာ။ မြန်မာနိုင်ငံမှာ BE(Mechanical) ISO / ME.Qualified / Thesis (Automotive) (above 10yrs experience) ရထားတဲ့ ကျနော့်အဖို့ ဒီစကားက ရိုင်းတယ်လို့ဆိုနိုင်တယ်။ ကိုယ့်ကိုယ်ကိုလဲ တော်တယ်လို့မဆိုလိုပါ။ ဒါလောက်ကတော့ လုပ်ရင်လဲဖြစ်ပါတယ်။ ကျနော်မှမဟုတ်ဘူး တခြားသူလဲလုပ်ရင်ဖြစ်မှာပါဘဲ။ စက်ဆရာကိုဟိုဟာနိုင်လား ဒီဟာနိုင်လားဆိုတာ ရိုင်းတယ်။ အဲ့ကြောင့် မနိုင်ဘူးပြောလိုက်တာပါ။ တကယ်လဲမနိုင်ပါဘူး။ မရင်ရင်တော့ lift နဲ့မရတာပါဘဲ 😅

ဓားခုတ်ရာ လက်ဝင်လျှိုမိခြင်း

မနက်စောစောစီးစီး Nissan Juke တစ်စီးဖုန်းဆက်လာတယ်။ " မောင်လေးရေ နင်တို့ဆိုင်ဘယ်မှာလဲ " အမကား ချက်မီးလင်းပြီး ကားတုန်သလိုဖြစ်နေလို့ လာစစ်ချင်လို့ပါ .... ဟုတ်ကဲ့ပါ အမ လာခဲ့ပါဗျ။

" နင်တို့ Nissan Juke နိုင်လား "
မနိုင်ဘူး အမ ၊ တခါမှမပြင်ဖူးဘူး "

" ဟုတ်လား ၊ ချက်မီးလင်းနေတာ ကွန်ပြူတာကော စစ်လို့ရလား "

" ရပါတယ် စစ်ပေးပါ့မယ် "
ကွန်ပြူတာစစ်ပြီး Read Fault လုပ်လိုက်တော့ Ignition misfire ကုဒ်ပေါ်နေတယ်။ တပည့်လေးတွေကို ပလပ်နဲ့ပလပ်ကွိုင်တွေစစ်ခိုင်းလိုက်တယ်။ အဲ့မှာ တပည့်လေးက ပလပ်ကွိုင်ကို ဆွဲဖြုတ်လိုက်တော့ အရင်းကနေ ကပ်ကျိုးပြီး အတံကအထဲမှာစိုက်ပြီး ကျန်ခဲ့ပါရော။ Nissan တွေမှာအဲ့လိုမျိုးက ဖြစ်တာရှားပေမဲ့ အခုဟာက အရင်ထဲက ကျိုးနေပုံရတယ်။ နပ်နဲ့အပေါ်ကနေ ကပ်ဆွဲထားတာပါ။ အဲ့အချိန်မှာ ကားပိုင်ရှင် အမျိုးသမီးက ထကောပါလေရော။ ဘာဖြစ်တယ် ညာဖြစ်တယ်။ ငါ့ကားသွားပြီ စသဖြင့် ပေါက်ပေါက်ဖောက်ပါလေရော။ ထိုအမျိုးသမီးစိတ်တိုသွားပြီး
" ကဲ နင်တို့ဆရာခေါ် ၊ ငါ့ကားဘာလုပ်ပေးမှာလဲ " အဲ့ပြဿနာခုရှင်းပေး "

" ဆရာက ကျနော်ပါဘဲ ၊ အော်အေး နင်လား ၊ ဟုတ်ပါတယ်။ အဲ့ဒါဘယ်လိုလုပ်ရမလဲ ၊ ဝယ်လို့လွယ်လား ၊ ပစ္စည်းရှားတယ်နော် "

လူငယ်တွေကို ရွှေချထားမှ
တိုင်းပြည်အနာဂတ်ကောင်း
မယ် 👨‍🔧🙏
(ဆရာဦးအောင်သင်း)

လူငယ်တွေ ရွှေချမဲ့အစား ဝိချနေကြတာတော့တွေ့တယ်။ ထန်းလို လူငယ်တွေ အစား နှမ်းလိုလူငယ်တွေ များလာတဲ့အချိန်မှာ လူငယ်တွေကို တတ်သလောက်ကူညီပေးဖို့စဥ်းစားမိတယ်။ အတ္တဆန်တဲ့ လူငယ်တွေကြား အနတ္တဆန်တဲ့ လူငယ်တစ်ယောက်ဖြစ်အောင်ကြိုးစားရင်း လောကဓံကို ရင်ကော့ပြီးလျှောက်ကွာလို့ ပြောတဲ့ ဆရာဦးအောင်သင်းကိုလဲ အခုချိန်မှာသတိရမိတယ်။ မိသားစုအတွက် ၊ ကိုယ့်ပတ်ဝန်းကျင်အတွက် ၊ ကိုယ့်အလုပ်အတွက် စံပြလူငယ်တစ်ယောက်ဖြစ်အောင်
ကြိုးစားရင်း 👨‍🔧❤🙏

Dirty hand !!
Clean money !!

လက်ခနာ ကိုက ဆင်းရဲပင်ပန်းမဲ့ လက်ဘဲ 😊

အကျွတ်အလွတ် သီတင်းကျွတ်

သီတင်းကျွတ်ဆိုတာ နယ်နယ်ရရမဟုတ်ဘူး ၊ ဗုဒ္ဓဘာသာမြန်မာလူမျိုးတွေရဲ့ အထွဋ်အမြတ်ထားရာ အဘိဓမ္မာအခါတော်နေ့ လို့လဲ အများသိထားကြတဲ့ နေ့ထူးနေ့မြတ်ဖြစ်ကြပါတယ်။ ဒီနေ့ဖြစ်ပေါ်လာပုံက ကျနော်တို့ မြန်မာလူမျိုးအများစုကိုးကွယ်အားထားရတဲ့ ရှင်မြတ်စွာဘုရား မယ်တော်မာယာရှိရာ နတ်ပြည်မှာ အဘိဓမ္မာတရားတော်ကို ပြောကြားခဲ့ပြီး လူ့ပြည်ကိုပြန်ဆင်းလာတဲ့အချိန် လူတွေက မြတ်စွာဘုရားကို ဆီမီးတွေ နံ့သာတွေထွန်းပြီး အောင်ပွဲရစစ်သူကြီး အိမ်ပြန်ချိန် ဝိုင်းဝန်းဂုဏ်ပြုကြတဲ့ အချိန်ဖြစ်ပါတယ်။ ဒီလိုအချိန်မှာ မြန်မာလူတွေအနေနဲ့ မြတ်စွာဘုရားကို ပူဇော်ကြသလို ကိုယ့်ထက်အသက်ဂုဏ်ဝါကြီးတဲ့ လူကြီးမိဘတွေကိုလဲ ပူဇော်ကန်တော့ကြတဲ့ လေးစားစရာကောင်းတဲ့ နေထူးနေ့မြတ်လဲဖြစ်ပါတယ်။ ဒီလိုနေ့မျိုးမှာ ကုသိုလ်တရားတွေနဲ့ မွှေ့လျော်ကြဖို့ ကြိုးစားသင့်တယ်။ ဒါပေမဲ့ တွေ့နေကြရတဲ့ အမှန်တရားတစ်ခုက လူငယ်တွေဟာ ဒီလိုနေ့ရက်တွေကို တန်ဖိုးထားရမှန်းမသိဘဲ လူငယ်ဘာသာဘာဝ Hotel သွားပြီး ဆော်နဲ့ အရက်သွားသောက်နေလေရဲ့။ ကျနော်လဲ အသက် ၃၀ မပြည့်သေးတဲ့ လူငယ်ပါဘဲ။ ပဌာန်းသံတွေ တရားသံတွေလွှင့်ပျံနေတဲ့ ဒီလိုနေ့ရက်တွေမှာ ဒါမျိုးတွေ ဆင်ခြင်သင့်တယ်။ စကားမစပ် ကန်တော့ဖို့ အမေ့အိမ်ပြန်ရောက်

ရုံကြီးတွေကို ကြောက်တဲ့ ကားအုံနာ

တလောက ကျနော်နဲ့ အလွန်ခင်မင်ရင်းနှီးတဲ့ မိတ်ဆွေတစ်ယောက်ရဲ့ ကားလေးပြင်ပေးရင်
" သူအိမ်မှာရှိတဲ့ Fit GE6 လေးပြင်တာ စျေးကြီးပြီး စိတ်တိုင်းမကျကြောင်း ၊ ပြင်ပြီးမှ ကားက စက်မကြာကြာထိုးရပ်ပြီး မောင်းလို့ပါမရလို့ ဆွဲကားနဲ့ပါဆွဲသွားရကြောင်း " အာလာပ သာလာပ ပြောရင်းစပ်မိလို့ ထိုအပြစ်ကို ဖောက်သယ်ချနေတယ်။ ကျနော်က ဘယ်ဝပ်ရှော့လဲမေးတော့ အဲ့နေရာက နာမည်ကြီးဝပ်ရှော့တစ်ခုဖြစ်ကြောင်း ပြောလေတယ်။ ကျနော်က ဟာအစ်ကိုရယ် အဲ့ဒါကျနော်မိတ်ဆွေဝပ်ရှော့ပါဘဲ ၊ ဘာများအဆင်မပြေလို့လဲဗျာဆိုတော့ ၊ သူလဲအားနာသွားပုံရတယ်။ ထွေထူးဆက်မပြောတော့ဘဲ အဲ့ရုံမှာရှိတဲ့ သူကားကိုပြင်ပေးတဲ့ စက်ပြင်ညီလေးက လိုအပ်ချက်ရှိသွားလို့ဖြစ်မှာဆိုပြီး ဖာထေးပြောသွားပါတယ်။ ကားပြင်တဲ့ customer ဆိုတာ အများစုက
☝ ရုံကြီးတာကိုကြိုက်တယ်
☝ ရုံကြီးတာကိုကြိုက်တယ်
☝ ရုံကြီးတာကိုကြိုက်တယ်
အများစုက ရုံကြီးရင်ကို အရာအားလုံးကောင်းသွားပြီလို့ တရက်သေယူဆကြတာများတယ်။ အဆင်မပြေသေးခင်အထိပေါ့။ အဆင်မပြေသော်ငြားလဲ ရုံကြီးတာကို ခွင့်လွှတ်ပြီး ကျန်တာတွေကိုမပြောဘဲ မြိုသိပ်လိုက်ကြတာများတယ်။ ဥပမာပေးရရင် ကျနော်ငယ်ငယ်က မြန်မာဆန်ဆန် ရုပ်လေးချောရင်ကို တခြားအရာအားလုံး အမှတ်ပေးချင်မိတာ။ နောက်ပိုင်း အသက်ကြီးလာတော့မှ play ခံရလွန်းလို့ အဲ့လိုမိန်းမတွေ မြင်ရင်ကို ကြောက်သွားတဲ့အထိပါဘဲဗျာ။ ပြောချင်တာက လာပါပြီ။ စက်ပြင်တဲ့အခါ ရုံကျယ်ကျယ်ဝန်းဝန်းနဲ့ လုပ်ရတာ အင်မတန်ကောင်းပါတယ်။ လုပ်ရတာ မဂ္ဂင်းနစ်အနေနဲ့ အသက်ရူချောင်ပြီး customer တွေအနေနဲ့လည်း ကျယ်ကျယ်ဝန်းဝန်းနဲ့ အဆင်ပြေတယ်။ ဒါပေမဲ့ customer တွေအနေနဲ့ ရုံကြီးတာသေးတာထက် 👨‍🔧👇
✅ စက်ပြင်ဆရာတွေတော်ဖို့လိုတယ် ၊ သေချာလုပ်ပေးဖို့လိုတယ်
(BE.Mechanical လိုဘွဲ့ရ စက်ပြင်တွေပြင်ပေးရင်ပိုကောင်းတယ် ၊ ကိုယ်ဆရာတို့ ရောဂါဖြစ်တယ် ပါရဂူနဲ့ပြမလား ၊ ဘိန်းဓောဆရာနဲ့ပြမလား)
✅ မိမိကားကို ဂရုတစိုက်ပြင်ဖို့လိုတယ် ၊ နပ်တစ်လုံးကအစ
✅ စျေးနှုန်းမှန်ဖို့လိုတယ်
(ကားပေါ်ကြည့်ပြီးစျေးတင်ရိုက်တာမျိုး ၊ Lexus ဆိုတစျေး ၊ probox ဆိုတစျေး)
✅ After service ကောင်းဖို့လိုတယ် (fb မှာ ကော့မန့်လာရေးရင် ban လိုက်တာမျိုး ၊ အုံနာကို အုံနဲ့ကျင်းနဲ့ဖြဲလွှတ်တာမျိုး ၊ Complaine တတ်ရင် ရုံပိုင်ရှင်က စက်ပြင်ခေါင်းဆောင်နဲ့ထားခဲ့ပြီး အုံနာမမြင်အောင် ထွက်ပြေးနေတာမျိုး မဖြစ်ဖို့လိုတယ်)
✅ ဆက်ဆံရေး ပြေပြစ်ဖို့လိုအပ်ပါတယ် (ဘုနဲ့ဘောက်) .... ဒါတွေကို အဓိက မကြည့်ဘဲ ရုံကြီးတာဘဲ ကြည့်နေရင် ဟိုစကားလိုပေါ့ လှတာမက်ရင် ညစာခက်လိမ့်မယ်ဗျာ 

သီတင်းကျွတ် အခါသမယမှာ ကျနော်မိတ်ဆွေ ညီကိုမောင်နှမများ ဘေးကင်းရန်းရှင်း အန္တရယ် ကင်းကြပါစေ 👨‍🔧❤🙏

လောကဓံ အလှည့်အပြောင်း တစ်ချက်ကြောင့် ကိုယ်ရှာထားတဲ့ ပစ္စည်းဥစ္စာဆိုတာ အချိန်မရွေး ကုန်သွားနိုင်ပါတယ်။

ဘ၀ကို 'တစ်' ကနေ ပြန် စ,ရတော့မယ်ဆို 'ပညာ' တတ်ထားမှ နည်းနည်း ခံသာပါမယ်။

အဲ့တာကြောင့် အသက်ငယ်တုန်း ပညာကို ရသမျှနည်းနဲ့ ကြိုးစားရှာဖွေ သင်ယူပါ။

တိုးတက်တဲ့ နိုင်ငံ ရောက်လေလေ 'ပညာ' ရဲ့ တန်ဖိုးက သိသာလေလေပါပဲ။

အားလုံး ခေတ်ကို ရင်ဘောင်တန်းနိုင်တဲ့ ပညာတွေ သင်ယူနိုင်ကြပါစေ။

ဥဒေါင်းမင်းလဲ ရှင်ဘုရင်ရဲ့ အန္တရာယ်ကျော့ကွင်းကို ဂါထာတခိုးနဲ့ လွှတ်အောင်ရှောင်နိုင်ခဲ့ပေမဲ့ ငယ်ရွယ်လှပတဲ့ ဒေါင်းမလေးရဲ့ မာယာကျော့ကွင်းကိုတော့ မရှောင်နိုင်ခဲ့ဘူး။ အကြောင်းကတော့ ဥဒေါင်းမလေးရဲ့ အလှအပမှာ မျောနေပြီ ဂါထာကိုမရွတ်မိသွားလို့ဖြစ်ပါတယ်။

ကျနော်တို့ဘဝမှာ တခါတလေ အလွန်ရုန်းရခက်တဲ့ မာယာကျော့ကွင်းတွေရှိပါတယ်။ အဲ့ဒီ မာယာကျော့ကွင်းတွေက နက်လွန်းအားကြီးလို့ ဘာတွေ ဆက်ဖြစ်မယ်မှန်းတောင် မသိပါဘူး။ ထိုမာယာကျော့ကွင်းတွေက နေရာတိုင်းမှာထောင်ထားလေ့ရှိပါတယ်။ သတိမထား မိန်းမောနေရင် ကျော့ကွင်းမိလိမ့်မယ်။ အဲ့လို မမိဖို့ဆိုရင် ဥဒေဒယံ ဂါထာတော် (သတိ) ကို အားအားရှိတိုင်း ရွတ်ဖက်နေရပါမယ်။ ကျနော်မိတ်ဆွေညီကိုများသီတင်းကျွတ်အခါသမယမှာ စိတ်ချမ်းသာကိုယ်ချမ်းသာရှိပါစေ ❤🙏

မာယာကျော့ကွင်း

ဂေါတမ မြတ်စွာဘုရားဟာ ဘဝတစ်ခုမှာ ဒေါင်းဖြစ်ခဲ့ဖူးတယ်။ ဘုရားလောင်းရွှေဥဒေါင်းမင်းဟာ အလွန်လှတယ် ၊ အတောင်အခက်အလတ်ဟာ မြင်ရသူကို အံသြမှင်သက်စေပါတယ်။ ဒါကိုသိသွားတဲ့ ရှင်ဘုရင်က ဥဒေါင်းမင်းကို နန်းတော်သို့ဆောင်ယူပြီး ဘုရင့်ကျက်သရေတိုးစေဖို့ မွေးထားချင်တယ်။ ဒါ့ကြောင့် အကျွမ်းကျင်ဆုံး ဌက်မုဆိုးတွေကို စေလွှတ်ပြီး ကျော့ကွင်းထောင်ဖမ်းစီးစေပါတယ်။ ဘယ်လိုဘဲဖမ်းဖမ်း ဥဒေါင်းမင်းကို မဖမ်းနိုင်ဘူး။ တနေ့ကျတော့ ဌက်မုဆိုးတွေလဲ ဥပါဒ်တံမျဥ်သုံးပြီး အလွန်လှတဲ့ ဒေါင်းမလေးနဲ့ မြှားပြီး လေးဘက်လေးတံပိတ်ဖမ်းတော့မှ ဥဒေါင်းမင်းကိုလက်ရမိပါတော့တယ်။ ဘုရင်က ဥဒေါင်းကို မေးပါတယ်။ မာဂဒဘာသာစကား (ဌက်စကားဖြင့်) " အသင်ဥဒေါင်းမင်း သင့်ကိုကျွနိုပ် ညွှတ်ကွင်းထောင်ဖမ်းနေတာ အကြိမ်ရာထောင်မကကြာခဲ့ပြီ ဘာကြောင့်မဖမ်းမိနိုင်တာလဲ " ဥဒေါင်းမင်းက " မြတ်သောမင်းကြီး သင်ငါ့ကို အကြိမ်ရာထောင်မကလို့ တစ်သက်လုံးဖမ်းလဲ မမိနိုင်ဘူး ၊ ငါဟာစားသတိသွားသတိ နဲ့ အားအားရှိတိုင်း အလွန်အစွမ်းထက်တဲ့ ဥဒေဒယံ ဂါထာတော်ကို ရွတ်ဖတ်နေလို့ဘဲဖြစ်တယ် အသင်မင်းကြီး "

ကံကောင်းခြင်းပေလော ကံဆိုးခြင်းပေလော

လူတော်တော်များများက ကံကောင်းချင်ကြတယ် ကျနော်အပါဝင်ပေါ့ဗျာ။ ကံကောင်းချင်ပေမဲ့ ကံကောင်းလာမှာမဟုတ်သလို ကံကောင်းချင်တဲ့အချိန်ဆိုတာလဲ ရှိလာနိုင်ပါတယ်။ ကံကောင်းချင်ရင် စိတ်စေတနာကောင်းကောင်းထားရမယ်။ ကံမကောင်းရင်တောင် စိတ်စေတနာကောင်းကောင်းဘဲ ထားနိုင်အောင်ကြိုးစားကြရမယ်။ ဒီလိုမျိုး ကံကံရဲ့အကျိုးကို မယုံကြည်ဘူးဆိုရင် ကိုယ့်ရဲ့ လုပ်ဆောင်မှုက negative ဘက်ကိုရောက်သွားလိမ့်မယ်။ ကံကောင်းသည်ဖြစ်စေ ဆိုးသည်ဖြစ်စေ မမြဲတာတော့ ကျိန်းသေတယ်။ ကံကောင်းကောင်းကံဆိုးဆိုး ဒါလေးက မမြဲပါလားလို့ ခြင်ချင်နှလုံးသွင်းနိုင်ဖို့က အကောင်းဆုံးနည်း ၊ ကံကောင်းကောင်း ကံဆိုးဆိုး အဲ့အရာပေါ်မှာ ခိုင်မာတဲ့စိတ်ကို တည်ဆောက်ပြီး (စိတ္တဗလ) နဲ့ ဆက်လျှောက်သွားတာကလည်း အကောင်းဆုံးနည်း ဒီအပြင် တခြားကောင်းတဲ့နည်းမရှိနိုင်ပေ။ ကြီးကျယ်အောင်ပြောရရင် ပထမနည်းက သစ္စာ ဆိုက်ရောက် မဂ်ပေါက်ဖိုလ်ဝင်နည်း ၊ ဒုတိယနည်းက နုဿတိ ရှု့ပွား စျာနဓိပတိ နည်း ကြိုက်ရာသာ အသုံးပြုကြပေတော့

ကျနော်မိတ်ဆွေ ညီကိုများ မဂ်လာအပေါင်းနဲ့ ခညောင်းကြပါစေ ❤🙏

Tata Group ကို ကမ္ဘာသိစေခဲ့သူ ရာတန် တာတာ ကွယ်လွန်
______

သူ့ပုံစံက ခပ်ရိုးရိုး ခပ်ကုပ်ကုပ်။ အကြောင်းမသိသူတွေအဖို့ သိပ်အထင်ကြီးစရာပုံမပေါက်တဲ့ အိန္ဒိယအဖိုးကြီးတစ်ဦးလို။

တကယ်တော့ သူဟာ ကမ္ဘာသိ အိန္ဒိယရဲ့ အကြီးဆုံး ကုမ္ပဏီတစ်ခု ဖြစ်တဲ့ Tata Group ကြီးရဲ့ ဥက္ကဌ ၊ အိန္ဒိယစီးပွားရေးခေါင်းဆောင်တွေထဲမှာ အလေးစားခံရဆုံးပုဂ္ဂိုလ်တစ်ဦး ၊ မျိုးရိုးစဉ်ဆက် လက်ဆင့်ကမ်းလုပ်ငန်းကို ကမ္ဘာ့ထိပ်တန်းရောက်အောင် တွန်းတင်နိုင်ခဲ့သူ။ သူ့နာမည်က ရာတန် တာတာ။

နာမည်ကျော် Cornell University ကနေ ဗိသုကာဘွဲ့ရခဲ့တဲ့ ရာတန် ကာတာဟာ ၁၉၆၂ ခုနှစ်မှာ အိန္ဒိယကို ပြန်လာပြီး လွန်ခဲ့တဲ့နှစ်တစ်ရာလောက်ကတည်းက သူ့အဘေးဖြစ်သူ ဂျန်ဆက်ဂျီ တာတာထောင်ခဲ့တဲ့ ကုမ္ပဏီအုပ်စုမှာ အလုပ်ဝင်ခဲ့ပါတယ်။ ရာတာက Tata ကုမ္ပဏီအတော်များများမှာ အလုပ်လုပ်ခဲ့ပါတယ်။ သူ့ဦးလေး ဂျေ အာ ဒီ တာတာ ရာထူးက ဆင်းသွားတဲ့နောက် ၁၉၉၁ ခုနှစ်မှာ ရာတာက ဒီကုမ္ပဏီအုပ်စုကြီးကို ဆက်လက်ဦးဆောင်ခဲ့ပါတယ်။

နှစ် ၁၅၀ ကျော် ရှိပြီ ဖြစ်တဲ့ Tata Group အောက်မှာ ဆက်သွယ်ရေး နဲ့ နည်းပညာလုပ်ငန်း ၊ စတီးလုပ်ငန်း ၊ ကားလုပ်ငန်း ၊ ဆောက်လုပ်ရေးလုပ်ငန်း ၊ ငွေကြေးလုပ်ငန်း ၊ တယ်လီကွန်းလုပ်ငန်း ၊ စားသောက်ကုန်လုပ်ငန်း ၊ စွမ်းအင်လုပ်ငန်း ၊ ဟိုတယ်နဲ့ခရီးသွားလာရေးကနေ အာကာသနဲ့ ကာကွယ်ရေးလုပ်ငန်းတွေအထိ ကုမ္ပဏီပေါင်း ၃၀ ရှိပါတယ်။

Tata Group ဥက္ကဌအဖြစ် တာဝန်ယူစဉ်မှာ အင်္ဂလိပ်-ဒတ်ချ် စတီးလုပ်ငန်း Corus (ဒေါ်လာ ၁၃ ဘီလျံ) ၊ ယူကေအခြေစိုက် Jaguar နဲ့ Land Rover (ဒေါ်လာ ၂.၃ ဘီလျံ) ကားအမှတ်တံဆိပ်တွေနဲ့ ကမ္ဘာ့ဒုတိယအကြီးဆုံး ဗြိတိန် လက်ဖက်ခြောက်ကုမ္ပဏီ Tetley (ဒေါ်လာ ၄၃၂ သန်း) အပါအဝင် ထိပ်တန်းဝယ်ယူမှုအများအပြား လုပ်ဆောင်ခဲ့ပါတယ်။

လက်ရှိ Tata Group အောက်က ကုမ္ပဏီတွေမှာ အလုပ်လုပ်နေသူ ၁ သန်းကျော် ရှိပြီး ၂၀၂၃-၂၀၂၄ ခုနှစ်အတွက် ဝင်ငွေ ဒေါ်လာ ၁၆၅ ဘီလျံကျော် ရှာဖွေနိုင်ခဲ့တယ်လို့ ဆိုပါတယ်။ Tata ကို ကမ္ဘာ့စီးပွားရေးစင်မြင့်ပေါ် တွန်းတင်နိုင်ခဲ့တဲ့သူ့ကို Economist မဂ္ဂဇင်းက မိသားစုကုမ္ပဏီအုပ်စုကနေ ကမ္ဘာ့အတိုင်းအတာနဲ့ အာဏာစက်ဖြန့်ကြက်နိုင်သူအဖြစ် ချီးကျူးခဲ့ပါတယ်။

"သူ့မိသားစုနာမည်ပါရုံလောက် ကုမ္ပဏီအုပ်စုထဲ ရှယ်ယာ ၁% အောက်ပဲ သူပိုင်ပါတယ်။ ဒါပေမယ့် သူက တကယ့်အင်အားကြီးတဲ့ တိုက်တန်တစ်ယောက် ၊ အိန္ဒိယရဲ့ ဩဇာအကြီးဆုံး စီးပွားရေးသမား နဲ့ ကမ္ဘာပေါ်က အလွှမ်းမိုးနိုင်ဆုံးပုဂ္ဂိုလ်တစ်ဦးဆိုတာ ငြင်းစရာမရှိပါဘူး။" လို့ ရေးခဲ့ပါတယ်။

အခုတော့ Tata Group ကို ဆယ်စုနှစ် နှစ်ခုကျော်ကြာ ဦးဆောင်ခဲ့တဲ့ ရာတန်ကာတာဟာ မွမ်ဘိုင်းဆေးရုံမှာ ဗုဒ္ဓဟူးနေ့က ကွယ်လွန်သွားပြီလို့ သိရပါတယ် ။ ကွယ်လွန်ချိန်မှာ သူ့အသက်က ၈၆ နှစ် ရှိပြီ ဖြစ်ပါတယ်။

ရာတန် တာတာကို အိန္ဒိယဝန်ကြီးချုပ် နာရင်ဒရာ မိုဒီက "ရှေ့ရေးအမျှော်အမြင်ကောင်းတဲ့ စီးပွားရေးခေါင်းဆောင်တစ်ဦး ၊ ဂရုဏာအားကြီးတဲ့ စိတ်နှလုံးပိုင်ရှင်နဲ့ တမူထူးခြားတဲ့ လူသားတစ်ယောက်" အဖြစ် ချီးကျူးတင်စားခဲ့ပြီး သူ့ကွယ်လွန်မှုအတွက် အလွန်တရာကြေကွဲရကြောင်း X လူမှုကွန်ရက်ပေါ်မှာ ရေးသားခဲ့ပါတယ်။

ရာတန် တာတာဟာ နိုင်ငံရဲ့ စက်မှုနဲ့ ကုန်သွယ်ရေးဘက်မှာ ထူးချွန်ပြောင်မြောက်တဲ့ စွမ်းဆောင်နိုင်မှုကြောင့် ၂၀၀၈ ခုနှစ်ထဲမှာ အိန္ဒိယရဲ့ ဒုတိယအမြင့်ဆုံး အရပ်ဘက်ဂုဏ်ထူးဆောင်ဆု Padma Vibhushan ဆု ချီးမြှင့်ခံခဲ့ရသူလည်း ဖြစ်ပါတယ်။___

အကောင်းမြင်စိတ် 🏋👨‍🔧

အကောင်းမြင်စိတ်ဟူသည် လူတစ်ယောက်ရဲ့ အနက်ရှိုင်းဆုံး ဟဒယ ဝထ္ထုလို့ခေါ်တဲ့ နှလုံးအိမ်ကနေ ဘဝအဆက်ဆက်အထုံပါလာတဲ့ ကုသိုလ် စေတသိတ်ပင်ဖြစ်သည်။ ကောင်းမွန်တဲ့ ပတ်ဝန်းကျင် မိသားစု ဘာသာတရားတစ်ခုကနေ ကောင်းကောင်းပျိုးထောင်ပေးတဲ့ လူပုဂ္ဂိုလ်တစ်ယောက်မှာ အကောင်းမြင်စိတ်က ပေါက်ဖွားလာစမြဲပင်တည်း။ အကာင်းမြင်စိတ်ရှိတဲ့လူတွေဟာ တခြားသူပေါ်မှာလဲ အကောင်းအမြင်ဘဲ မြင်တတ်သလိုမိမိကိုယ်ပေါ်မှာလဲ အကောင်းဘဲမြင်တတ်ပါတယ်။ ဒီလိုမျိုးလူတွေကို လူတချို့က အခွင့်အရေးယူပြီး အသုံးချတတ်ကြပေမဲ့ အကောင်းမြင်စိတ်ဘဲ မွေးပါ။ Kingdom of Heaven ဇာတ်ကားထဲမှာ အစ်ဗလင်မြို့စား ဂေါ့ဖရေ သူ့သားကိုပြောသလို " မင်းသေမယ်ဆိုရင်တောင် အမှန်ဘဲဲပြောပါ ၊ ဘုရားသခင်ပေါ် သစ္စာရှိပါ " .... အကယ်၍ သေမယ်ဆိုရင်တောင် အကောင်းမြင်စိတ်ဘဲ မွေးပါ။ ဘုရားသခင်က သင့်ဘက်က ရှိနေပါလိမ့်မည်။

ဥပမာတစ်ခုပေးမယ်ဗျာ။ Non-Pro Series iPhones တွေနဲ့ Ultra မဟုတ်တဲ့ S24 လို ကောင်တွေဟာ Apple နဲ့ Samsung တို့အတွက်တော့ entry-level Devices တွေပဲဗျ။ သို့ပေမယ့် အခြား အခြားသော Android Brands တွေအတွက်တော့ ဒါဟာ flagship-level ပဲလို့တောင် ဆိုရမယ်။ ထိုနည်း၎င်းပဲ ကျွန်တော်တို့ Automotive လောကမှာဆိုလည်း Rolls-Royce Ghost ဟာ သူ့ Brand ရဲ့ စျေးအချိုဆုံး entry-level ကားတစ်စီးလို့ ဆိုနိုင်ပေမယ့် Mercedes အတွက်တော့ Maybach နဲ့သာ ရင်ဘောင်တန်းနိုင်တဲ့ အနေအထားဗျ။

ဆိုတော့ Rolls-Royce အနေနဲ့ ၎င်းတို့ရဲ့ ဒုတိယမျိုးဆက်ဖြစ်တဲ့ Ghost Series II ကို မိတ်ဆက်လိုက်ပါပြီ။ Facelift အသစ်ဆိုပေမယ့် အထွေအထူးကြီး ပြောင်းလဲသွားတာမျိုးမဟုတ်ဘဲ Design Tweaks လေးအနည်းငယ်နဲ့ Update လုပ်ခဲ့ပါတယ်။ ပြောရရင် ဒီကောင့်မှာသုံးပေးလာတဲ့ Design Elements အသစ်တွေက အခုနှစ်အစောပိုင်းလောက်ကမိတ်ဆက်ခဲ့တဲ့ Cullinan Series II နဲ့ အတော်လေးဆင်တယ်ပဲပြောရမယ်ဗျ။ Cullinan Series II အကြောင်းကိုတော့ ဒီလင့်ခ်ကတစ်ဆင့် သွားရောက်ဖတ်ရှုနိုင်ပါတယ် ခင်ဗျာ။ https://shorturl.at/O9cvT

ဒီကားကိုကြည့်လိုက်မယ်ဆိုရင် ပထမဦးဆုံးသိသာတဲ့ ပြောင်းလဲမှုကတော့ Front-end Design ပါ။ အရင် Series တွေမှာတုန်းကဆို Ghost နဲ့ Phantom ရဲ့ရုပ်ထွက်က ခပ်ဆင်ဆင်ဆိုတော့ လူအများစုအတွက်တော့ အတော်လေးခွဲရခက်မှာဗျ။ သို့ပေမယ့်လို့ ယခု Series II မှာပြောင်းလဲသွားတဲ့ Facelift ကြောင့် ဒီလိုခွဲရခက်တဲ့ ပြဿနာတော့ လျော့နည်းသွားမယ်လို့ မြင်မိတယ်။

ဆိုတော့ Cullinan Series II မှာ တွေ့ခဲ့သလိုပဲ Ghost Series II မှာလည်း သေးသေးသွယ်သွယ်နဲ့ ပို Slim ဖြစ်တဲ့ Headlight Treatment လေးတွေသုံးပေးလာတာတွေ့ရပါတယ်။ ကျွန်တော့် Personally အမြင်အရ ဒီလို Sleek ဖြစ်တဲ့ ဒီဇိုင်းလေးကို သဘောကျပေမယ့် ဒီလို DRL နဲ့ Headlight Housing ကိုမြင်တော့ မျက်စိထဲ အရင်ဆုံးပေါ်လာတာက Civic Si ။ သေချာကြည့်လေ ပိုတူလေဖြစ်နေတယ်။ :3

Rolls-Royce ရဲ့ Signature ဖြစ်တဲ့ Pantheon Grille ကို ပိုကြွကြွရွရွ ဖြစ်လာစေတဲ့နောက်တစ်ချက်ကတော့ Front-end မှာရှိတဲ့ မလိုအပ်တဲ့ Elements တွေကို ဖယ်ထုတ်လုပ်တာဖြစ်ပြီး ကားဖင်မှာရှိတဲ့ Tail Light ဒီဇိုင်းကတော့ Spectre ကို Inspired ယူထားတယ်လို့ပဲ ဆိုရပါမယ်။

Powertrain အနေနဲ့ကတော့ ထုံးစံအတိုင်းပဲ 6.75L bi-turbo V12 ကိုပဲဆက်လက်အသုံးပြုပေးထားတာမို့ ဒီကောင့်ရဲ့ Output က 536 hp နဲ့ 627 lb-ft of Torque ထွက်မှာပဲ ဖြစ်ပါတယ်။ စိတ်မကောင်းစရာသတင်းကတော့ Rolls-Royce အနေနဲ့ V12 အင်ဂျင်ကို ဒါဟာနောက်ဆုံးအနေနဲ့ သုံးပေးလာခြင်းဖြစ်နိုင်သလို ICE Ghost အသက်ဆက်ဖို့ကလည်း မသေချာမရေရာတဲ့ အနေအထားတစ်ခုမှာ ရှိနေပါတယ်။

Anyway, Update ပို့စ်ဖြစ်တာရယ်၊ အတွင်းခန်းတွေ အသေးစိပ်ထပ်ရေးရင် အရှည်ကြီးဖြစ်သွားတော့မှာမို့ ဒီနေ့ Article လေးကို ဒီမှာတင်ရပ်ပါရစေ။ ဒါနဲ့ ကနေ့ခေတ်မှာ Rolls-Royce စီးတဲ့သူတွေဟာ လူကြီးတွေတင်မကပဲ လူငယ်လူရွယ်တွေပါ များလာတာမို့ ပိုပြီး Sportier ဖြစ်တဲ့ Black Badge Ghost ကိုလည်း ဝယ်ယူရရှိနိုင်အုံးမှာပဲ ဖြစ်ပါတယ်။

{ : , }

#Update #RollsRoyce #Flagship #EntryLevel
#Ghost #Phantom #Maybach
#Sedan #V12
#KarsBurma



-