Eleven Media Group

ဖမ်းဆီးရမိထားသော မြောက်ကိုရီးယားစစ်သားနှစ်ဦးကို စစ်ဆေးမေးမြန်းနေသည်ဟု ယူကရိန်းပြာကြား

မြောက်ကိုရီးယားစစ်သားနှစ်ဦးကို ရုရှား၏ကာ့ရှ်ဒေသတွင် ဖမ်းဆီးရမိခဲ့ပြီးနောက် စုံစမ်းစစ်ဆေးသူများက ဒဏ်ရာရရှိထားသော ယင်းစစ်သားနှစ်ဦးကို မေးမြန်းနေသည်ဟု ဇန်န‌ဝါရီ ၁၁ ရက်တွင်ယူကရိန်းကပြောကြားခဲ့ပြီး မြောက်ကိုရီးယားက ရုရှားအတွက် တိုက်ခိုက်နေသည့် အငြင်းပွားဖွယ်မရှိအထောက်အထားကိုပေးသည်ဟု ဆိုသည်။

ကာ့ရှ်ကို ကျူးကျော်ချိန်တွင် မြောက်ကိုရီးယားစစ်သားများကို ဖမ်းဆီးမိသည့်အကြောင်း ယူကရိန်းက ထုတ်ဖော်ပြောကြားသည်မှာ ပထမဆုံးအကြိမ် မဟုတ်ပေ။ သို့ရာတွင် ယင်းစစ်သားများကို စစ်ဆေးမေးမြန်းသည့်အကြောင်းကို ယူကရိန်းက ထုတ်ပြန်ပေးခြင်းမရှိပေ။

စစ်သားအချို့ကို ဖမ်းမိခဲ့သည်ဟု ဒီဇင်ဘာလတွင် ယူကရိန်းက ပြောကြားခဲ့သည်ဆိုသော်လည်း ၎င်းတို့သည် ပြင်းထန်သော ဒဏ်ရာများဖြင့် သေဆုံးသွားခဲ့သည် ဟု ဆိုသည်။

■Ref:AFP
■Photo: AFP

■Website Link >>>https://news-eleven.com/article/299207

လှိုင်သာယာ မြို့နယ်အတွင်း နိုင်ငံသား စိစစ်ရေးကတ်၊ အလုပ်သမား မှတ်ပုံတင်ကတ်နှင့် ရပ်ကွက်/ရဲစခန်း ထောက်ခံစာ အတုများ ပြုလုပ်ရောင်းချသူ ကိုးဦးအား သက်သေခံ ပစ္စည်းများနှင့်အတူ ဖမ်းဆီးရမိ

ဟန်မြင့်ဇော်(ခ)ပြောင်လေးအား စစ်ဆေးရာ နိုင်ငံသားစိစစ်ရေးကတ်ပြား အတုများအား ပွဲစားဖြစ်သူ ဖမ်းဆီးရန်ကျန် တက်ပု(စိစစ်ဆဲ)၏ ချိတ်ဆက်ပေးမှုဖြင့် လှိုင်သာယာ (အနောက်ပိုင်း) မြို့နယ်၊ အမှတ်(၁၆)ရပ်ကွက်နေ ဇင်လင်း(ခ)လင်းလင်းမှ ပြုလုပ်ရောင်းချပေးခြင်းဖြစ်ကြောင်း သိရှိရသဖြင့် သွားရောက်ရှာဖွေခဲ့ရာ ဇင်လင်း(ခ)လင်းလင်းအား ယင်းနေ့ နေ့လယ်ပိုင်းတွင် နိုင်ငံသားစိစစ်ရေးကတ်ပြားအလွတ်(၁၀၀)ခု၊ နိုင်ငံသား စိစစ်ရေးကတ်ပြားအတုပြုလုပ်ရာတွင် အသုံးပြုသည့် Deli တံဆိပ်ပါ Automatic Numbering Machine တစ်ခု၊ အမည်နှင့်ဓါတ်ပုံများပါ နိုင်ငံသားစိစစ်ရေးကတ်ပြားအတု ရှစ်ခု၊ အသားတံဆိပ်တုံး ရိုက်နှိပ်သည့် တံဆိပ်တုံး တစ်ခု၊ လေဆာတံဆိပ်တုံးမျိုးစုံ(၁၄)ခု၊ အလုပ်သမားမှတ်ပုံတင်ကတ်ပြား (အလွတ်) (၂၅၀၀)ခု၊ Horse တံဆိပ်ပါ မှင်ခံဘူး နှစ်ခုတို့နှင့်အတူ ထပ်မံဖမ်းဆီးရမိခဲ့ကြောင်း သိရသည်။

■ Read More - - - >>> https://news-eleven.com/article/299206

တပ်နယ်များအလိုက် မိမိတို့ တာဝန်ထမ်းဆောင်ရသည့် ဒေသအတွင်း အကြမ်းဖက်မှုများနှင့် လက်နက်ကိုင်၍ ပြည်သူလူထုကို အနိုင်ကျင့်နေမှုများ မရှိစေရေး နယ်မြေလုံခြုံရေး တာဝန်များကို စနစ်တကျ ဆောင်ရွက်သွားရန်လိုကြောင်း နစက ဥက္ကဋ္ဌ ပြောကြား

ဇန်နဝါရီ ၁၀ ရက်က အလယ်ပိုင်းတိုင်းစစ်ဌာနချုပ်၊ မိတ္ထီလာ တပ်နယ်နှင့် မန္တလေး တပ်နယ်တို့ရှိ အရာရှိ၊ စစ်သည်၊ မိသားစုများအား နယ်မြေခံတပ်ဌာနချုပ်ခန်းမများ၌ သီးခြားစီ တွေ့ဆုံ အမှာစကားပြောကြားရာတွင် နစက ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ထည့်သွင်းပြောကြားခဲ့ခြင်း ဖြစ်သည်။

နိုင်ငံတော်တွင် ဖြစ်ပေါ်လျက်ရှိသည့် ဆူပူအကြမ်းဖက်ဖြစ်စဉ်များကြောင့် လုံခြုံရေး တပ်ဖွဲ့ဝင်များ၊ နိုင်ငံ့ဝန်ထမ်းများ၊ ပြည်သူများ အသက် ဆုံးရှုံးခဲ့ကြရသကဲ့သို့ နိုင်ငံတော်ဖွံ့ဖြိုးတိုးတက်ရေးအတွက် ဆောင်ရွက်ထားသည့် လမ်းတံတားများ၊ စက်ရုံအလုပ်ရုံများ၊ အဆောက်အဦများ များစွာပျက်စီးဆုံးရှုံး ထိခိုက်နစ်နာခဲ့ရကြောင်း၊ ထိုကဲ့သို့ နိုင်ငံတော်မှ ထိခိုက်နစ်နာရသကဲ့သို့ ပြည်သူတစ်ဦးချင်းအနေဖြင့်လည်း လူမှုရေး၊ စီးပွားရေးအရ ထိခိုက်နစ်နာခဲ့ရခြင်းများရှိခဲ့ကြောင်း၊ အကြမ်းဖက်မှုဖြစ်စဉ်များအပေါ် ပြည်သူလူထု၊ အစိုးရ၊ တပ်မတော်တို့၏ ပေါင်းစည်းအား၊ ညီညွတ်သော စိတ်ဓာတ်တို့ဖြင့် ကာကွယ်သွားရမည်ဖြစ်ကြောင်း၊ တပ်နယ်များအလိုက် မိမိတို့တာဝန်ထမ်းဆောင်ရသည့် ဒေသအတွင်း အကြမ်းဖက်မှုများမရှိစေရေး၊ လက်နက်ကိုင်၍ ပြည်သူလူထုကို အနိုင်ကျင့်နေမှုများမရှိစေရေး နယ်မြေလုံခြုံရေးတာဝန်များကို စနစ်တကျဆောင်ရွက်သွားရန်လိုကြောင်း နစက ဥက္ကဋ္ဌက ပြောကြားသည်။

■ Read More - - - >>>https://news-eleven.com/article/299205

ပြင်ဦးလွင်မြို့နယ် Aliance ငွေစုငွေချေးရုံးမှ ငွေများအား ခိုးယူသည့် ဖြစ်စဉ် မှ ကျူးလွန်သူ အဆိုပါ ရုံးဝန်ထမ်းနှစ်ဦး၊ ညစောင့်တစ်ဦးနှင့် သော့ဖျက်ပေးသူ အမျိုးသား တစ်ဦးတို့အား ဖမ်းဆီးရမိ

ပြစ်မှုကျူးလွန်သူများအား ဖော်ထုတ်ဖမ်းဆီးရမိနိုင်ရေး လုံခြုံရေးတပ်ဖွဲ့ဝင်များက အခင်းဖြစ်ပွားစဉ် ညစောင့်တာဝန်ဆောင်ရွက်နေသည့် Aliance ငွေစုငွေချေးရုံးမှ ညစောင့်ဖြစ်သူ ဦးခင်မောင်ကြည်အား စစ်ဆေးခဲ့ရာ ဇန်နဝါရီ ၈ ရက် ည ၉ နာရီခွဲတွင် Aliance ငွေစုငွေချေးရုံးရှေ့သို့ အဆိုပါငွေစုငွေချေးရုံးမှ ကြီးကြပ်ရေးမှူးဖြစ်သူ ပြင်ဦးလွင်မြို့နယ်၊ ရပ်ကွက်ကြီး (၁၉)၊ ငါးရံ့ချောင်းကျေးရွာနေ အောင်ကိုကို (၃၃) နှစ် (ဘ) ဦးဌေးဝင်းနှင့် ချေးငွေတာဝန်ခံဖြစ်သူ ရပ်ကွက်ကြီး (၂၁) နေ ငြိမ်းချမ်းဖြိုး (ခ) အိုက်ပီး (၂၈) နှစ် (ဘ) ဦးညွန့်ဖေတို့နှစ်ဦးက မော်တော်ယာဉ်တစ်စီးဖြင့် ရောက်ရှိလာပြီး ရုံးခန်းအတွင်းရှိ မီးခံသေတ္တာအား ခိုးယူမည်ဖြစ်ကြောင်း၊ အောင်မြင်ပါက ကျပ်သိန်း ၁၅၀ ပေးမည်ဖြစ်ကြောင်း၊ .....


■ Read More - - - >>> https://news-eleven.com/article/299204

■ မန္တလေးမြို့ရှိ ကမ္ဘောဇ ဘဏ်သို့ လက်လုပ်သေနတ်ဖြင့် ဓါးပြလာတိုက်သူတစ်ဦးအား ဝိုင်းဝန်းဖမ်းဆီးရမိ

မန္တလေးမြို့ရှိ မဟာအောင်မြေမြို့နယ် ရှိ ကမ္ဘောဇဘဏ်သို့ လက်လုပ်သေနတ်ဖြင့် ဓါးပြလာတိုက်သူ တစ်ဦးအား ဝိုင်းဝန်းဖမ်းဆီးခဲ့မှု ဇန်နဝါရီ ၁၁ ရက် မွန်းလွဲ ၂နာရီခွဲခန့်က ဖြစ်ပွားခဲ့ကြောင်း သတင်းရရှိသည်။

မဟာအောင်မြေမြို့နယ် ၊ ၇၃ လမ်း ၊ လမ်း၄၀ နှင့် ၄၁ လမ်းကြား၊မဟာနွယ်စဉ်ရပ်ကွက် ရှိ ကမ္ဘောဇဘဏ်ခွဲအမှတ်( ၃၇ )ဗောဓိကုန်းဘဏ်ခွဲသို့ ယနေ့ (ဇန်နဝါရီ ၁၁ ရက်) မွန်းလွဲ ၂ နာရီခွဲခန့်က အမည်မသိ အမျိုးသားတစ်ဦးရောက်ရှိလာပြီး လက်လုပ်သေနတ်အတို ထုတ်ပြကာ ဓါးပြတိုက်ယူရန် ပြုလုပ်ခဲ့ခြင်းဖြစ်သည်။

ထို့နောက် အသင့်ပါလာသော အိတ်အတွင်းသို့ ငွေများ ထည့်သွင်း၍ ပြန်ထွက်လာစဉ် ဘဏ်ဝင်ပေါက် ရှိ ဘဏ်လုံခြုံရေးအဖွဲ့ဝင်များနှင့် ပြည်သူများမှ ဝိုင်းဝန်းဖမ်းဆီးရာ ၎င်းမှ လက်လုပ်သေနတ်အတိုဖြင့် ပြန်လည် ပစ်ခတ်ခဲ့သောကြောင့် မန်နေဂျာဖြစ်သူမှာ လက်မောင်း ကျည်ဖောက်ဝင် ဒဏ်ရာ တစ်ချက် ရရှိခဲ့ကြောင်း သိရသည်။

ကျူးလွန်သူကိုလည်း ဖမ်းဆီးရမိခဲ့သည်ဟု စုံစမ်းသိရသည်။

■ Website Link - - - >>> https://news-eleven.com/article/299203

ဇန်နဝါရီလ ၅ ရက် နံနက်ပိုင်း သတင်း အစီအစဉ် ( နံနက် ၇ နာရီခွဲတိုက်ရိုက်ထုတ်လွှင့်မှု )


■ ထောင်ဒဏ်တစ်သက်ကျခံနေရသူများအား ထောင်ဒဏ် ၁၅ နှစ်သို့ လျှော့ပေါ့ပြောင်းလဲခဲ့ပြီး အမှုကြီးများမှအပ တည်ဆဲ ဥပဒေတစ်ရပ်ရပ်အရ ပြစ်ဒဏ်ကျခံနေသူများကို ယင်းတို့ကျခံရန်ကျန်ရှိသည့် ပြစ်ဒဏ်၏ခြောက်ပုံတစ်ပုံကို လွတ်ငြိမ်း သက်သာခွင့်ပြု
■ ပြစ်ဒဏ်လွတ်ငြိမ်းခွင့်ပေးခဲ့သည့် အကျဉ်းသား ၅၈၆၄ ဦးတွင် ကချင်ပြည်နယ်ဝန်ကြီးချုပ်ဟောင်း ဦးခက်အောင်နှင့် ပုဒ်မ ၅၀၅ ဖြင့် တရားစွဲခံထားရသူ ၆၀၀ ဦးခန့် ပါဝင်
■ ကယ်လီဖိုးနီးယားတွင် လေယာဉ်ငယ်တစ်စီး ပျက်ကျမှုကြောင့် လူနှစ်ဦး သေဆုံး
■ ဖိလစ်ပိုင်ကမ်းလွန်ရေပြင်တွင် တရုတ်၏ရေအောက်မောင်းသူမဲ့ယာဉ်ဟု ယူဆရသည့် ရေယာဉ်တစ်စင်းကို တွေ့ရှိခဲ့ ကြောင်း ဖိလစ် ပိုင်ရဲတပ်ဖွဲ့ ပြောကြား
■ ကက်စီမီရိုကို ခေါ်ယူရန် အယ်လ်နာဆာအသင်း စီစဉ်နေ

■ ဂျပန်နိုင်ငံမှ ကမ္ဘာ့အသက်အကြီးဆုံး လူသား ကွယ်လွန်

အသက် ၁၁၆ နှစ်အရွယ်ရှိ ဂျပန်နိုင်ငံသူ တိုမီကို အီတိုကာသည် ဂင်းနစ်မှတ်တမ်းဝင် ကမ္ဘာ့အသက်အကြီးဆုံး လူသားဖြစ်ပြီး ဒီဇင်ဘာလကုန်ပိုင်းက ကွယ်လွန်သွားပြီဟု အရှိယမြို့ခံအရာရှိတစ်ဦးက ဇန်နဝါရီ ၄ ရက်တွင် ကြေညာလိုက်သည်။

အီတိုကာသည် ၂၀၂၄ ခုနှစ် ၊ ဒီဇင်ဘာ ၂၉ ရက်တွင် ဂျပန်နိုင်ငံအလယ်ပိုင်း အရှိယမြို့ရှိ ဘိုးဘွားရိပ်သာတစ်ခု၌ ဆုံးသွားခြင်းဖြစ်သည်။ ၁၉၀၈ ခုနှစ် ၊ မေ ၂၃ ရက်တွင်မွေးဖွားခဲ့သူ အီတိုကာသည် မနှစ်က အသက် ၁၁၇ နှစ်အရွယ်ရှိ အမေရိကန်နိုင်ငံဖွား မာရီယာ ဘရန်းယတ်စ် ကွယ်လွန်သွားပြီးနောက် ကမ္ဘာ့အသက်အကြီးဆုံးလူသားဖြစ်လာခဲ့သည်။

အိုဆာကာမြို့ဖွား အီတိုကာသည် အထက်တန်းကျောင်းတက်စဉ်က ဘော်လီဘောကစားသမားဖြစ်ခဲ့သူပီပီ သန်သန်မြန်မြန်ရှိလှပြီး ပေတစ်သောင်းကျော်မြင့်သည့် ဂျပန်အိုတာကေတောင်ကို နှစ်ကြိမ် တက်ရောက်ခဲ့သည်။
အီတိုကာသည် အသက် ၂၀ နှင့်အိမ်ထောင်ကျပြီး သားနှစ်ဦး ၊ သမီးနှစ်ဦးထွန်းကားခဲ့ကာ ဒုတိယကမ္ဘာစစ်ကာလအတွင်း ခင်ပွန်းသည်၏အထည်အလိပ်စက်ရုံကို ဆက်လက်တာဝန်ယူခဲ့သည်။ ၁၉၇၉ ခုနှစ်တွင် ခင်ပွန်းဆုံးသွားပြီးနောက် နာရာမြို့တွင် တစ်ကိုယ်တည်းနေထိုင်ခဲ့သည်။

အီတိုကာမရှိတော့သည့်နောက် ကမ္ဘာ့အသက်အကြီးဆုံးလူသားဂုဏ်ပုဒ်ကို အသက် ၁၁၆ နှစ်အရွယ်ရှိ ဘရာဇီးနိုင်ငံသူသီလရှင် အီနာ ကနာဘားရိုး လူးကတ်စ်က ဆက်ခံလိုက်သည်။လူးကတ်စ်က အီတိုကာထက် အသက် ၁၆ ရက်ငယ်သည်။

Ref: & Images – AP

အမေရိကန်လုပ် တာဝေးပစ် ATACMS ဒုံးကျည်များ အသုံးပြု၍ ရုရှားပိုင်နက်ကို ပစ်ခတ်ခဲ့သည့်ယူကရိန်း၏လုပ်ရပ်အား လက်တုံ့ပြန်မည်ဟု ရုရှားပြောကြား

အမေရိကန်ပံ့ပိုးပေးထားသော ATACMS ဒုံးကျည်များဖြင့် ဘယ်ဂိုရော့နယ်စပ်ဒေသကို ဇန်နဝါရီ ၃ ရက်တွင် ယူကရိန်းက ပစ်ခတ်ခဲ့သည်ဟု စွပ်စွဲခဲ့ပြီးနောက် ယင်းလုပ်ရပ်ကိုလက်တုံ့ပြန်မည် ဇန်နဝါရီ ၄ ရက်တွင် ရုရှားက ပြောကြားခဲ့သည်။

ရာထူးမှ ထွက်ခွာတော့မည့် အမေရိကန်သမ္မတ ဂျိုးဘိုင်ဒင်က အမေရိကန်ပံ့ပိုးပေးသော တာဝေပစ်ဒုံးကျည်များဖြင့် ရုရှားကိုပစ်ခတ်ရန် လွန်ခဲ့သောနှစ်တွင် ယူကရိန်းကို ခွင့်ပြုပေးခဲ့သည်။ ယင်းသို့ ခွင့်ပြုပေးလိုက်ခြင်းသည် သုံးနှစ်နီးပါးရှိလာသောစစ်ပွဲတွင် ပဋိပက္ခကို ဆိုးဆိုးရွားရွား မြင့်တက်စေခဲ့သည်ဟု ရုရှားက ဝေဖန်ခဲ့သည်။

“ဇန်နဝါရီ ၃ ရက်မှာ အမေရိကန်လုပ် ATACMS စစ်ဆင်ရေး-နည်းဗျူဟာဆိုင်ရာ ဒုံးကျည်တွေကို အသုံးပြုပြီး ယူကရိန်းနယ်မြေကနေ ဘယ်ဂိုရော့ဒေသကို ဒုံးကျည်ပစ်လွှတ်ခဲ့ပါတယ်”ဟု ရုရှားကာကွယ်ရေးဝန်ကြီးဌာနက ပြောကြားခဲ့သည်။

■Website Link >>>https://news-eleven.com/article/298980
■Photo: AFP

ဇန်နဝါရီ ၄ ရက် ညပိုင်း သတင်း အစီအစဉ် ( ည ၈ နာရီ တိုက်ရိုက်ထုတ်လွှင့်မှု )

■ နိုင်ငံရေးပြဿနာကို နိုင်ငံရေးနည်းလမ်းဖြင့်ဖြေရှင်းနိုင်ရန် ဖိတ်ခေါ်လျက်ရှိပြီး လက်နက်ကိုင်တောင်းဆိုမှုများ အပေါ် လိုက်လျောဖြေရှင်းပေးသွားမည်မဟုတ်ကြောင်း နစက ဥက္ကဋ္ဌ၏ လွတ်လပ်ရေးနေ့ သဝဏ်လွှာတွင် ဖော်ပြထား
■ အကျဉ်းသား၊ အကျဉ်းသူ ၅၈၆၄ ဦးကို ပြစ်ဒဏ်လွတ်ငြိမ်းခွင့်ပြု
■ တရုတ်တွင် ကိုဗစ်ကပ်ရောဂါပြီးနောက် ငါးနှစ်အကြာ၌ ကူးစက်မြန်ဗိုင်းရပ်စ်အသစ်တစ်မျိုး ပျံ့နှံ့နေ
■ တောင်ကိုရီးယားနိုင်ငံ ဆောင်းနမ်မြို့တွင် အဆောက်အအုံတစ်ခု မီးလောင်မှု ဖြစ်ပွားပြီး လူပေါင်းရာချီ ကယ်တင်ခဲ့
■ ဒဏ်ရာကြောင့် ဘိုဝင် (၆)ပတ်ခန့် နားရမည်ဟု လိုပယ်တယ်ဟီ အတည်ပြု

၂၀၂၅ ခုနှစ် နှစ်စပိုင်းမှာပင် တစ်ရက်လျှပ်စစ်ဓာတ်အား ထုတ်လုပ်မှု တစ်ရက်လျှင် မဂ္ဂါဝပ် ၂၀၀၀ အောက်သာ ထုတ်လုပ်နိုင်ပြီး လျှပ်စစ်မီးပြတ်တောက်မှုမှာလည်း ယခင်ထက် ပိုများလာ

၂၀၂၅ ခုနှစ် နှစ်စပိုင်းမှာပင် လျှပ်စစ်ဓာတ်အား ထုတ်လုပ်မှု တစ်ရက်လျှင် မဂ္ဂါဝပ် ၂၀၀၀ အောက်သာ ထုတ်လုပ်နိုင်ပြီး လျှပ်စစ် မီးပြတ်တောက်မှုမှာလည်း ယခင်ထက်ပိုများလာကြောင်း လျှပ်စစ်စွမ်းအားဝန်ကြီးဌာန၏ ထုတ်ပြန်ချက်များနှင့် ရန်ကုန်မြို့တွင်း နေထိုင်သူများ၏ ပြောကြားချက်များအရ သိရသည်။

၂၀၂၅ ခုနှစ် ဇန်နဝါရီ ၁ ရက်တွင် အမြင့်ဆုံးလျှပ်စစ်ဓာတ်အား ထုတ်လုပ်နိုင်မှုမှာ ၁၇၃၇ ဒသမ ၁ မဂ္ဂါဝပ်၊ ဇန်နဝါရီ ၂ ရက်တွင် အမြင့်ဆုံးလျှပ်စစ်ဓာတ်အား ထုတ်လုပ်နိုင်မှု မှာ ၁၉၇၆ ဒသမ ၅ မဂ္ဂါဝပ်၊ ဇန်နဝါရီ ၃ ရက်တွင် အမြင့်ဆုံးလျှပ်စစ်ဓာတ်အား ထုတ်လုပ်နိုင်မှုမှာ ၁၈၀၅ ဒသမ ၇ မဂ္ဂါဝပ်ဖြစ်ကြောင်း လျှပ်စစ်စွမ်းအားဝန်ကြီးဌာန၏ ထုတ်ပြန်ချက် များအရ သိရသည်။

ယင်းကြောင့် ၂၀၂၅ ခုနှစ် နှစ်စမှာပင် တစ်ရက်အတွက် အမြင့်ဆုံး လျှပ်စစ်ဓာတ်အား ထုတ်လုပ်နိုင်မှုမှာ မဂ္ဂါဝပ် ၂၀၀၀ အောက်သို့ ရောက်ရှိလာခဲ့ခြင်းဖြစ်သည်။

■Website Link >>>https://news-eleven.com/article/298979

၂၀၂၅ ခုနှစ် ဇန်နဝါရီ ၁ရက်မှစ၍ တင်သွင်း၊ တင်ပို့သည့် ကုန်ပစ္စည်းများအပေါ် ရည်ညွှန်းငွေလဲနှုန်း တစ်ဒေါ်လာ ကျပ်၂၁၀၀ အစား Market Trading Rate တစ်ဒေါ်လာ ကျပ် ၃၅၈၀ ဝန်းကျင်ဖြင့် အခွန်ပြောင်းလဲကောက်ခံမည်

၂၀၂၅ ခုနှစ် ဇန်နဝါရီ ၁ရက်မှစ၍ တင်သွင်း၊ တင်ပို့သည့် ကုန်ပစ္စည်းများအပေါ် ရည်ညွှန်းငွေလဲနှုန်း တစ်ဒေါ်လာ ကျပ်၂၁၀၀ အစား Market Trading Rate တစ်ဒေါ်လာ ကျပ် ၃၅၈၀ ဝန်းကျင်ဖြင့် အခွန် ပြောင်းလဲကောက်ခံမည်ဖြစ်ကြောင်း၂၀၂၄ ခုနှစ် ဒီဇင်ဘာ ၂၇ ရက်စွဲဖြင့် ထုတ်ပြန်သည့် အကောက်ခွန်ဦးစီးဌာန၊ MACCS ဌာနခွဲ၏ ကြေညာချက်အမှတ် ( ဝဝ၇ / ၂၀၂၄)တွင် ဖော်ပြထားသည်။

စီမံကိန်းနှင့်ဘဏ္ဍာရေးဝန်ကြီးဌာန၊ ပြည်ထောင်စုဝန်ကြီးရုံး၏ အမိန့်ကြော်ငြာစာအမှတ် ( ၉၀ / ၂၀၂၄) အရ အကောက်ခွန်ဦးစီးဌာနသည် ၂၀၂၅ ခုနှစ် ဇန်နဝါရီ ၁ရက်မှစ၍ တင်သွင်း၊ တင်ပို့သည့် ကုန်ပစ္စည်းများအပေါ် မြန်မာနိုင်ငံတော်ဗဟိုဘဏ်မှ နေ့စဉ်ထုတ်ပြန်လျက်ရှိသည့် ရည်ညွှန်းငွေ လဲလှယ်နှုန်း (Reference Rate) ကို အခြေခံသည့် အပတ်စဉ်နိုင်ငံခြားငွေလဲလှယ်နှုန်း (Weekly Exchange Rate) ဖြင့် အခွန်စည်းကြပ်ကောက်ခံလျက်ရှိရာမှ ရည်ညွှန်းငွေလဲလှယ်နှုန်း (Reference Rate) အစား ဈေးကွက်ငွေလဲလှယ်နှုန်း (Market Trading Rate) ကို အခြေခံသည့် အပတ်စဉ် နိုင်ငံခြားငွေလဲလှယ်နှုန်း (Weekly Exchange Rate) ဖြင့် ပြောင်းလဲ၍ အခွန်စည်းကြပ် ကောက်ခံ မည်ဖြစ်ကြောင်း အသိပေးကြေညာထားသည်။

အခွန်စည်းကြပ်ကောက်ခံရာတွင် အသုံးပြုမည့် ဈေးကွက်ငွေလဲလှယ်နှုန်း (Market Trading Rate) ကို အခြေခံ၍ အပတ်စဉ်နိုင်ငံခြားငွေလဲလှယ်နှုန်း (Weekly Exchange Rate) များကိုလည်း အကောက်ခွန်ဦးစီးဌာန၏ Website ၊ Facebook Page များတွင် အပတ်စဉ် ထုတ်ပြန် ကြေညာပေးသွားမည်ဖြစ်ကြောင်း ထုတ်ပြန်ချက်တွင်ဖော်ပြထားသည်။

■Website Link >>>https://news-eleven.com/article/298748

ဒီဇင်ဘာ ၂၇ ရက်နေ့ ညပိုင်းသတင်းအစီအစဉ် ( ည ၈ နာရီတိုက်ရိုက်ထုတ်လွှင့်မှု )

- စမ်းချောင်းမြို့နယ်၊ ဟုမ်းလမ်းဘူတာရပ်ကွက်အုပ်ချုပ်ရေးမှူးအား လုပ်ကြံပစ်ခတ်ခဲ့သည့် FLA အဖွဲ့ဝင် လေးဦး ဖမ်းဆီး ခံရ
- ကျိုက်ထီးရိုးတောင်ပေါ် ကျီးကန်းပါးစပ် သွားရာလမ်းတွင် အမျိုးသမီးကြီးတစ်ဦး ရုတ်တရက် အမောဖောက်ပြီး သေဆုံး မှုဖြစ်ပွား
- အာဖဂန်နစ္စတန်တွင် ပါကစ္စတန်၏ လေကြောင်းတိုက်ခိုက်မှုကြောင့် အရပ်သား ၄၆ ဦး သေဆုံး
- တောင်ကိုရီးယားကာကွယ်ရေးဝန်ကြီးဟောင်း၏ရှေ့နေက စစ်အုပ်ချုပ်ရေးအမိန့်ထုတ်ပြန်မှုကို ကာကွယ်ပြောကြား
- ချန်ပီယံလိဂ်ဝင်ခွင့်လွဲချော်နိုင်သည့် အန္တရာယ်ရှိနေကြောင်း မန်စီးတီးနည်းပြ ဂွါဒီယိုလာ ဝန်ခံ

ကိုဗစ်ကူးစက်ရောဂါကာလမှစ၍ ရပ်နားခဲ့သည့် လမ်းမတော်ပွဲဈေး ပြန်လည်ကျင်းပ

ကိုဗစ်ကူးစက်ရောဂါကာလမှစတင်ကာ ရပ်နားခဲ့သည့် လမ်းမတော်ပွဲဈေးကို ယနေ့ (ဒီဇင်ဘာ ၂၇ ရက်)တွင် ပြန်လည်ကျင်းပလျက်ရှိသည်။

ရန်ကုန်တိုင်းဒေသကြီး ကျောက်တံတားခရိုင် လမ်းမတော်မြို့နယ်တွင် ပြုလုပ်ခဲ့သည့် လမ်းမတော်ပွဲဈေးကို ဒီဇင်ဘာ ၂၇ ရက်မှ ၃၀ ရက်အထိ ပြုလုပ်မည်ဖြစ်ပြီး (၇၇) နှစ်မြောက် လွတ်လပ်ရေးနေ့ အထိမ်းအမှတ်အကြို ပျော်ပွဲရွှင်ပွဲနှင့် ဈေးရောင်းပွဲတော်အဖြစ် ကျင်းပမည်ဖြစ်ကြောင်း သိရသည်။

“ပွဲဈေးက ဒီနေ့စလုပ်တာပေါ့နော်။ ကျွန်တော်တွေ့ရသလောက်ကတော့ လာရောက်လည်ပတ်တဲ့သူတွေ များပါတယ်။ ဈေးဆိုင်ခန်းတွေလည်း များတယ်။ စည်စည်ကားကားပါပဲ” ဟု ပွဲဈေးရောက်ရှိသူတစ်ဦးက ပြောကြားသည်။

အဆိုပါ လမ်းမတော်ပွဲဈေးနှင့်အတူ လမ်းမတော် ၁၃ လမ်းတွင် ဂန္တဝင်ကာတွန်းဆရာကြီး ဦးဘဂျမ်းကို ဂုဏ်ပြုသည့် ပွဲတွင် ကာတွန်းဆရာများ၏ ကာတွန်းလက်ရာများကို ပြသသည့် ပွဲကို ယခင်ကျင်းပစဉ်က ပြုလုပ်ခဲ့သည်။


■Website Link >>>https://news-eleven.com/article/298740

၂၀၀၆ ခုနှစ်က ယာဉ်တိုက်မှုကြောင့် ပေါင်ရိုးကျိုးကာ တစ်နှစ်နီးပါး ဆေးရုံတက်ခဲ့ရဟု လီမင်ဟိုဖွင့်ဟ

Boys Over Flowers ဇာတ်လမ်းတွဲဖြင့် မိန်းကလေးပရိသတ်များ သည်းသည်းလှုပ်အားပေးခဲ့ကြသည့် တောင်ကိုရီးယားမင်းသား လီမင်ဟိုသည် ယင်းဇာတ်လမ်းတွဲမပြမီ သုံးနှစ်အလို ၂၀၀၆ ခုနှစ်တွင် ပြင်းထန်သည့်ယာဉ်တိုက်မှုကြောင့် ပေါင်ရိုးကျိုးကာ တစ်နှစ်နီးပါး ဆေးရုံတက်ခဲ့ရသည်။

ထိုအကြောင်းကို အသက် ၃၇ နှစ်ရှိပြီဖြစ်သည့် လီမင်ဟိုက ဒီဇင်ဘာ ၂၅ ရက်နေ့က ထုတ်လွှင့်သည့် You Quiz On The Block(Talk Show)အစီအစဉ်တွင် ဖွင့်ဟသွားခြင်းဖြစ်သည်။

ကလေးဘဝကတည်းကပေါင်းလာသည့် သူငယ်ချင်းသရုပ်ဆောင် ဂျောင်အီဝူနှင့် ဂန်ဝမ်ပြည်နယ်သို့ခရီးသွားရင်း ယာဉ်တိုက်မှုကြုံခဲ့ရကာ “ တစ်ဖက်ကဝင်တိုက်တဲ့ ကားထဲကလူအားလုံး သေသွားကြတယ်။ ကျွန်တော်လည်း ဆေးရုံမှာတစ်နှစ်နီးပါးနေ လိုက်ရတယ်။ ဘာမှလဲလုပ်လို့မရ ၊ လှဲပဲလှဲ နေရတယ်” ဟု လီမင်ဟိုက ပြောပြသည်။

တစ်ဖက်ကားကိုမောင်းလာသူက အရက်မူးနေပြီး ထိုစဉ်က လီမင်ဟို၏အသက် ၂၀ သာရှိသေးသည်။ ပေါင်ရိုးကျိုးသွားသည့်အတွက် ထူထူထောင်ထောင် ပြန်ဖြစ်လာသည်အထိ ဆေးရုံတွင် တစ်နှစ်နီးပါး အချိန်ပေးလိုက်ရသည်။

■Website Link >>>https://news-eleven.com/article/298739

နိုဝင်ဘာ ၂၇ ရက်နေ့ ညပိုင်း သတင်းအစီအစဉ်( တိုက်ရိုက်ထုတ်လွှင့်တင်ဆက်မှု)

■ အိန္ဒိယ ကမ်းခြေစောင့်တပ်က ကပ္ပလီပင်လယ်တွင် မြန်မာငါးဖမ်းလှေပေါ်မှ မက်သ်အဖက်တမင်း ၅ ဒသမ ၅ တန် ဖမ်းဆီး
■ လာမည့်နှစ်ရက်အတွင်း ရန်ကုန် အပါအဝင် နေပြည်တော်၊ စစ်ကိုင်း၊ မန္တလေး၊ ပဲခူး၊ ရန်ကုန်၊ဧရာဝတီ၊ ကချင်၊ရှမ်း၊ ချင်း၊ ရခိုင်နှင့် ကယားပြည်နယ်တို့တွင် နေရာကွက်ကျားမှ နေရာကျဲကျဲ မိုးရွာသွန်းနိုင်
■ ဒေါ်နယ်ထရန့်၏ သမ္မတရာထူး အပ်နှင်းပွဲကို သမ္မတဂျိူးဘိုင်ဒင် တက်ရောက်မည်ဟု အိမ်ဖြူတော်ပြောကြား
■ လူ ၂၀ သေဆုံးခဲ့သော ရေကြီး၊ မြေပြိုမှု အတွင်း ပျောက်နေသူများကို အင်ဒိုနီးရှား ကယ်ဆယ်ရေးသမားများက ရှာဖွေ
■ အနာဂတ်မရေမရာဖြစ်နေခြင်းက ဆာလာကို ပိုကောင်းအောင်တွန်းအားပေးနိုင်ကြောင်း ဆလော့ ပြောကြား

ပါကစ္စတန်တွင် အသုံးပြုခွင့်တားမြစ်လိုက်သည့် လူမှုကွန်ရက်များထဲ WhatsApp လည်း ပါဝင်လာ

ပါကစ္စတန်တွင် အစိုးရဆန့်ကျင်ရေးဆန္ဒပြမှုများ တဖန်ပေါ်ပေါက်လာချိန် ဆိုရှယ်မီဒီယာပလက်ဖောင်းများ အသုံးပြု၍မရအောင် ကန့်သတ်ပိတ်ဆို့မှုများရှိလာပြီးအပိတ်ခံရသည့်အထဲ WhatsApp လည်းပါဝင်လာသည်။

ပါကစ္စတန်မြို့တော် အစ္စလာမ်မာဘတ်တွင် အစိုးရဆန့်ကျင်သူများနှင့်လုံခြုံရေး တပ်ဖွဲ့ဝင်များပဋိပက္ခဖြစ်မှုကြောင့် အနည်းဆုံးလူခြောက်ဦးသေဆုံးထားကြောင်း Sky News သတင်းကဖော်ပြသည်။

နိုင်ငံတစ်ဝန်း X၊ Facebook ၊ Instagram နှင့် Bluesky ပလက်ဖောင်းတို့ကို ပိတ်လိုက်ပြီးနောက်ယခုနောက်ဆုံး WhatsApp ကိုပါ ပိတ်လိုက်ခြင်းဖြစ်သည်။

■Website Link >>> https://news-eleven.com/article/297826

တံတားချဉ်းကပ်လမ်း မိုင်းထောင်ဖောက်ခွဲဖျက်ဆီးခံခဲ့ရသည့် ကိုးမိုင်တံတားပေါ်မှ ကုန်တင်ယာဉ်ကြီးများနှင့် ခရီးသည်တင်မှန်လုံယာဉ်များ ပြန်လည်ဖြတ်သန်းခွင့်ပြုထားကြောင်း သိရ

မွန်ပြည်နယ် ရေးမြို့နယ်၊ ကိုးမိုင်ကျေးရွာအနီး ထားဝယ် - ရေး ကားလမ်းမပေါ်ရှိ ချဉ်းကပ်လမ်း မိုင်းခွဲဖျက်ဆီးခံခဲ့ရသည့် ကိုးမိုင်တံတားပေါ်မှ ယနေ့နိုဝင်ဘာ ၂၇ ရက်နံနက်ပိုင်းမှစတင်ကာ ကုန်တင်ယာဉ်ကြီးများနှင့် ခရီးသည်တင်မှန်လုံယာဉ်များ ပြန်လည်ဖြတ်သန်းခွင့်ပြုလိုက်ကြောင်း သိရသည်။

ပြီးခဲ့သည့် နိုဝင်ဘာ၂၂ ရက်နေ့နံနက်အစောပိုင်းအချိန်က အဆိုပါ ကိုးမိုင်တံတား ရေးမြို့ဘက် ချဉ်းကပ်လမ်းမှာ မိုင်းထောင်ဖောက်ခွဲဖျက်ဆီးခံခဲ့ရပြီး မိုင်းထောင်ဖောက်ခွဲခံရမှုကြောင့် တံတားချဉ်းကပ်လမ်းပေါက်သွားသည့်အပြင် တံတားယက်မတန်းများနှင့် တံတားယက်မချုပ်တန်းများတွင် အက်ကွဲမှုများဖြစ်ပေါ်ခဲ့ကြောင်း ပြည်နယ်လမ်းဦးစီးဌာနနှင့် နီးစပ်သူတစ်ဦးက ပြောကြားသည်။


■ Read More - - - >>> https://news-eleven.com/article/297824
■Photo: CJ

■ အစ္စရေးနှင့် ဟစ်ဇ်ဘိုလာ အပစ်အခတ်ရပ်စဲ
■ အစ္စရေးနှင့်အပစ်အခတ်ရပ်စဲရန် အသင့်ရှိကြောင်း ဟားမာ့စ် ပြောကြား

အစ္စရေးနှင့် လက်ဘနွန်နိုင်ငံရှိ ဟစ်ဇ်ဘိုလာအဖွဲ့အကြား လူပေါင်းထောင်ချီသေဆုံးစေခဲ့သည့် တိုက်ခိုက်မှုများ တစ်နှစ်ကျော်ကြာဖြစ်ပွားခဲ့ပြီးနောက် နိုဝင်ဘာ ၂၇ ရက်တွင် အပစ်အခတ်ရပ်စဲလိုက်ပြီဖြစ်သည်။

ထိုအပစ်အခတ်ရပ်စဲရေးသဘောတူညီချက်သည် နိုဝင်ဘာ ၂၇ ရက် ဒေသစံတော်ချိန် နံနက် ၄ နာရီမှ စတင်အကျုံးဝင်သက်ရောက်ခဲ့ခြင်းဖြစ်ပြီး အစ္စရေးနှင့်လက်ဘနွန်ရှိ သန်းနှင့်ချီသည့် ပြည်သူများကို နေအိမ်များမှ ဘေးလွတ်ရာထွက်ပြေးတိမ်းရှောင်စေခဲ့ရသည့် စစ်ပွဲသည် ရပ်တန့်သွားခဲ့ပြီဖြစ်သည်။

ထို့ကြောင့်စစ်ဘေးရှောင်ခဲ့ရသည့် နှစ်နိုင်ငံမှ ပြည်သူများသည်လည်း ၎င်းတို့၏ နေအိမ်များကို ပြန်ခွင့်ရသွားခဲ့ပြီဖြစ်သည်။

အစ္စရေးစစ်တပ်ကမူ အပစ်အခတ်ရပ်စဲမှု စတင်ခဲ့ပြီးနောက်ပိုင်း မကြာမီအချိန်အတွင်းမှာပင် လက်ဘနွန်နိုင်ငံတောင်ပိုင်းတွင် နေထိုင်သည့် ဒေသခံများကို အစ္စရေးတပ်ဖွဲ့များ တပ်စွဲထားသည့်နေရာများနှင့် ကျေးရွာများအနီးသို့ ချဉ်းကပ်ခြင်းမပြုရန် သတိပေးထားသည်။


■ Read More - - - >>> https://news-eleven.com/article/297823

■ Ref:AFP
■Photo: AFP

တရုတ်ကာကွယ်ရေးဝန်ကြီး တုံးကျွင်း အဂတိလိုက်စားမှုစွဲချက်ဖြင့် စုံစမ်းစစ်ဆေးခံခဲ့ရကြောင်း Financial Times သတင်းစာတွင် ဖော်ပြ

တရုတ်ကာကွယ်ရေးဝန်ကြီး တုံးကျွင်းသည် အဂတိစားမှုတိုက်ဖျက်ရေးလှုပ်ရှားမှု၏ တစ်စိတ်တစ်ပိုင်းအဖြစ် စုံစမ်းစစ်ဆေးခံခဲ့ရကြောင်း Financial Times သတင်းစာက အမေရိကန်အရာရှိများ၊ အရာရှိဟောင်းများ၏ပြောကြားချက်ကို ကိုးကားပြီး နိုဝင်ဘာ ၂၇ ရက်တွင် ဖော်ပြခဲ့သည်။

ထိုသတင်းကို အတည်ပြုနိုင်ခဲ့မည်ဆိုပါက တုံးသည် အဂတိလိုက်စားမှုစွဲချက်ဖြင့် စုံစမ်းစစ်ဆေးခံရသည့် တတိယမြောက် ကာကွယ်ရေးဝန်ကြီး ဖြစ်လာမည်ဖြစ်သည်။

Financial Times သတင်းစာ၏ ဖော်ပြချက်နှင့်ပတ်သက်ပြီး ရိုက်တာနှင့် အေအက်ဖ်ပီသတင်းဌာနတို့က တရုတ်နိုင်ငံခြားရေးဝန်ကြီးဌာန၏ မှတ်ချက်ကို ရရှိရန် ကြိုးပမ်းခဲ့သည်။


■ Read More - - - >>> https://news-eleven.com/article/297820
■Photo: AFP

NUG အဖွဲ့၏ ယာယီဆေးပညာဘွဲ့လက်မှတ်ဖြင့် ထိုင်းနိုင်ငံတွင် တက္ကသိုလ်တက်ရောက်ခွင့် လျှောက်ထားသူနှစ်ဦး၏ ယာယီဘွဲ့လက်မှတ်များကို နိုတြီပြန်ပေးခဲ့သူသုံးဦးအား ဖမ်းဆီး

■ Read More - - - >>>https://news-eleven.com/article/297686

စားသောက်ကုန်စျေးနှုန်းများ မြင့်တက်နေသဖြင့် လခစားဝန်ထမ်းများနှင့် အခြေခံလူတန်းစားများအပေါ် သက်ရောက်မှုကြီးမားကြောင်း ပြည်ထောင်စုကုန်စျေးနှုန်းတည်ငြိမ်ရေးကော်မတီ ဥက္ကဋ္ဌပြောကြား

အဆိုပါအစည်းအဝေး၌ ပြည်ထောင်စု ကုန်စျေးနှုန်းတည်ငြိမ်ရေးကော်မတီဥက္ကဋ္ဌ၊ ဒုတိယဝန်ကြီးချုပ်နှင့် ပြည်ထောင်စုဝန်ကြီးက လက်ရှိအခြေအနေတွင် တိုင်းဒေသကြီး၊ ပြည်နယ်များ၌ အခြေခံစားသောက်ကုန်စျေးနှုန်းများ မြင့်တက်နေခြင်းကြောင့် ပုံသေဝင်ငွေရရှိသော လခစားဝန်ထမ်းများနှင့် အခြေခံလူတန်းစားများအပေါ် သက်ရောက်မှုကြီးမားကြောင်း၊ သို့ဖြစ်ရာ တိုင်းဒေသကြီး၊ ပြည် နယ်အစိုးရများအနေဖြင့် ဆန်၊ စားသုံးဆီ၊ အသား၊ ငါး၊ ဥအမျိုးမျိုးနှင့် အခြေခံစားသောက်ကုန်များ၊ ဆေးနှင့် ဆေးပစ္စည်းများ၊ စက်သုံးဆီများ၏ ဖြန့်ဖြူးရောင်းချမှုအပါအဝင် လက်ရှိဖြစ်ပေါ်နေသော မြေပြင်အခြေ အနေအပေါ်ထိန်းကျောင်းဆောင်ရွက်သွား မည့်အစီအမံများ၊ လိုအပ်ချက်နှင့် လက်တွေ့ ဆောင်ရွက်သင့်သည်များကို အသေးစိတ်ဆွေးနွေးညှိနှိုင်းရန် ပြောကြားခဲ့သည်။

■ Read More - - - >>>https://news-eleven.com/article/297685

တရုတ်နယ်စပ်လမ်းပိတ်မှုနှင့် သယ်ယူစရိတ်ကြီးမြင့်မှုကြောင့် စစ်ကိုင်းတိုင်းအထက်ပိုင်းနှင့် ကချင်ပြည်နယ်တွင် ကုန်သည်များ စပါးဝယ်ယူသိုလှောင်မှုမရှိဟုဆို

တရုတ်နယ်စပ်လမ်းပိတ်မှုနှင့် သယ်ယူစရိတ်ကြီးမြင့်မှုကြောင့် စစ်ကိုင်းတိုင်းအထက်ပိုင်းနှင့် ကချင်ပြည်နယ်တွင် ကုန်သည်များ စပါးဝယ်ယူသိုလှောင်မှုမရှိဟုဆို

တရုတ်နယ်စပ်လမ်းပိတ်မှုနှင့် သယ်ယူ စရိတ်ကြီးမြင့်မှုကြောင့် စစ်ကိုင်းတိုင်းအထက် ပိုင်းနှင့် ကချင်ပြည်နယ်တွင် ကုန်သည်များ စပါးမဝယ်ဖြစ်ကြောင်း ဒေသခံတောင်သူများ နှင့် ဆန်ကုန်သည်များက ပြောကြားသည်။

ကသာခရိုင်ရှိ မြို့နယ်များတွင် စပါးစျေး မှာ တစ်သောင်းဝန်းကျင်သာ ပေါက်စျေးရှိပြီး စိုက်ပျိုးထုတ်လုပ်မှုစရိတ်မှာ ပုံမှန်နှစ်များထက် သုံးဆခန့် ပိုသွားကြောင်း မဲဇာမြစ်ရိုးမှ တောင် သူများက ဆိုသည်။

■ Read More - - - >>>https://news-eleven.com/article/297684

မြန်မာနိုင်ငံမြောက်ပိုင်းတွင် ဖွင့်လှစ်ထားသည့် ကျားဖြန့်စင်တာအားလုံးကို တရုတ်နှင့် မြန်မာ တရားဥပဒေစိုးမိုးရေးအေဂျင်စီများက ချေမှုန်းခဲ့ကြောင်း ဆင်ဟွာသတင်းတွင် ဖော်ပြ

မြန်မာနိုင်ငံမြောက်ပိုင်းတွင် ဖွင့်လှစ်ထားသည့် ကျားဖြန့်စင်တာအားလုံးကို တရုတ်နှင့် မြန်မာ တရားဥပဒေ စိုးမိုးရေးအေဂျင်စီများက ချေမှုန်းခဲ့ကြောင်း တရုတ်နိုင်ငံပိုင်ဆင်ဟွာသတင်းအေဂျင်စီက နိုဝင်ဘာ ၂၁ ရက်တွင် ဖော်ပြခဲ့သည်။

ပြီးခဲ့သည့်သီတင်းပတ်ကုန်တွင် ပြုလုပ်ခဲ့သည့်အဆိုပါ စစ်ဆင်ရေးအတွက် လူပေါင်း ၇၀၀ ကျော်ဖမ်းဆီးခံခဲ့ရသည်။

တရုတ်နိုင်ငံသားများအား ပစ်မှတ်ထား သည့် ရာဇဝတ်မှုများမြင့်တက်ခဲ့ပြီးနောက် တရုတ်သည် မြန်မာနိုင်ငံအတွင်းရှိ ကျားဖြန့် ငွေလိမ်လုပ်ငန်းများကို ပြီးခဲ့သည့်နှစ်ကတည်း က ချေမှုန်းရေးအစီအစဉ်များ စတင်လုပ် ဆောင်ခဲ့သည်။

■ Read More - - - >>>https://news-eleven.com/article/297670

ရေးမြို့နယ် ကိုးမိုင်ကျေးရွာအနီး ရေး-ထားဝယ် ကားလမ်းမပေါ်ရှိ ကိုးမိုင်တံတားချဉ်းကပ်လမ်း မိုင်းခွဲဖျက်ဆီးခံရ

မွန်ပြည်နယ် ရေးမြို့နယ် ကိုးမိုင်ကျေးရွာအနီး ရေး-ထားဝယ် ကားလမ်းမပေါ်ရှိ ကိုးမိုင်တံတားချဉ်းကပ်လမ်းမှာ ယနေ့နံနက်အစောပိုင်းက မိုင်းခွဲဖျက်ဆီးခံခဲ့ရကြောင်း ဒေသခံများ၏ ပြောကြားချက်များအရ သိရသည်။

ယနေ့ နိုဝင်ဘာ ၂၂ ရက် နံနက် ၂ နာရီဝန်းကျင်အချိန်ခန့်က အဆိုပါ ကိုးမိုင်တံတားဘက်မှ ပေါက်ကွဲသံအကျယ်ကြီးကြားလိုက်ရကြောင်း ၊ ပေါက်ကွဲမှုအရှိန်ကြောင့် ကိုးမိုင်တံတားအနီးဝန်းကျင်ရှိ နေအိမ်တချို့ရှိ မှန်ပြတင်းပေါက်များ အက်ကွဲပျက်စီးမှုများရှိခဲ့ကြောင်း ဒေသခံတစ်ဦးက ပြောကြားသည်။

၎င်းကဆက်လက်ပြီး " ရေးမြို့ဘက်ကနေ ထားဝယ်မြို့ဘက်အသွား တံတားချဉ်းကပ်လမ်းကတော့ ပျက်ဆီးသွားတယ်။ ပင်မတံတားတော့ ထိခိုက်ပျက်ဆီးမှုမရှိခဲ့ဘူး။ အခုပြန်လည်ပြင်ဆင်မှုတွေလုပ်ဆောင်နေပါတယ်'' ဟု ပြောကြားသည်။

အဆိုပါ ကိုးမိုင်တံတားချဉ်းကပ်လမ်းအား မည်သည့်လက်နက်ကိုင်အဖွဲ့အစည်းက မိုင်းထောင်ဖောက်ခွဲဖျက်ဆီးခဲ့သည်ကို မသိရသေးကြောင်း ၎င်းဒေသခံက ဆိုသည်။

■ Read More - - - >>> https://news-eleven.com/article/297664
■Photo Credit - CJ

နံရံတွင် တိပ်ဖြင့်ကပ်ထားသော ငှက်ပျောသီး အနုပညာပြကွက် ဒေါ်လာ ၆ ဒသမ ၂ သန်းဖြင့် လေလံတင်ရောင်းချနိုင်ခဲ့

နယူးယောက်မြို့ ဆော်သဘီလေလံတိုက်တွင် လေလံတင်ခဲ့သော မော်ရီဇီယို ကက်တလန်၏ နံရံတွင် တိပ်ဖြင့်ကပ်ထားသော ငှက်ပျောသီးအနုပညာပြကွက် ဒေါ်လာ ၆ ဒသမ ၂ သန်းဖြင့် လေလံတင်ရောင်းချနိုင်ခဲ့ကြောင်း သိရသည်။

ယင်းလေလံတင်ရောင်းချနိုင်သည့် စျေးနှုန်းသည် ပျမ်းမျှ လေလံခေါ်စျေးနှုန်းထက် လေးဆကျော် ပိုမိုရရှိခဲ့ခြင်းဖြစ်သည်။

တရုတ်နိုင်ငံမှ ဒစ်ဂျစ်တယ်ငွေကြေးကစားသူ ဂျက်စတင်ဆွန်းက အီတလီအနုပညာရှင်၏ "Comedian" အမည်ရှိအနုပညာပြကွက်ကို အခြားပြိုင်ဘက်ခြောက်ဦးကို ကျော်လွန်ပြီး နိုဝင်ဘာ ၂၀ ရက်တွင် လေလံနိုင်ခဲ့ခြင်းဖြစ်ကြောင်းလေလံတိုက်က ပြောကြားခဲ့သည်။

"လာမယ့်ရက်ပိုင်းမှာတော့ ကျွန်တော့်အနေနဲ့ ဒီထူးခြားတဲ့အနုပညာပြကွက် တစ်စိတ်တစ်ပိုင်းဖြစ်တဲ့ ငှက်ပျောသီးကို စားသုံးသွားမှာ ဖြစ်ပါတယ်"ဟု မစ္စတာဆွန်းက မှတ်ချက်ပြုပြောကြားခဲ့သည်။

"Comedian"အမည်ရှိ အနုပညာပြကွက်ကို ၂၀၁၉ ခုနှစ်က ပထမဆုံးအကြိမ် လူသိရှင်ကြား ထုတ်ဖော်ပြသခဲ့ခြင်းဖြစ်ကာ ထိုအချိန်က ယင်းပြကွက်နှင့်ပတ်သက်ပြီး အင်တာနက်တွင် ငြင်းခုန်မှုများကျယ်ကျယ်ပြန့်ပြန့် ထွက်ပေါ်ခဲ့သည်။

Ref: BBC
Photo : AFP

ရွှေနိုင်ငံစာပေနှင့် ပိုစတာဖြန့်ချိရေးလုပ်ငန်း၏ ပုံနှိပ်ခြင်းနှင့် ထုတ်ဝေခြင်းလုပ်ငန်း အသိအမှတ်ပြုလက်မှတ်အား ရုပ်သိမ်း

ရွှေနိုင်ငံစာပေနှင့် ပိုစတာဖြန့်ချိရေးလုပ်ငန်း၏ ပုံနှိပ်ခြင်းနှင့် ထုတ်ဝေခြင်းလုပ်ငန်း အသိအမှတ်ပြုလက်မှတ်အား ရုပ်သိမ်းကြောင်း ပြန်ကြားရေးဝန်ကြီးဌာန၏ ထုတ်ပြန်မှုအရ သိရသည်

ပြန်ကြားရေးဝန်ကြီးဌာနဝန်ကြီးဌာန၏ထုတ်ပြန်မှုအရ ပြန်ကြားရေးဝန်ကြီးဌာနသည် ပုံနှိပ်ခြင်းနှင့် ထုတ်ဝေခြင်းလုပ်ငန်းဥပဒေ၊ နည်းဥပဒေများနှင့်အညီပုံနှိပ်ခြင်းလုပ်ငန်း၊ ထုတ်ဝေခြင်းလုပ်ငန်းများကို ကြီးကြပ်ဆောင်ရွက်လျက်ရှိကြောင်း၊ ထိုသို့ဆောင်ရွက်လျက်ရှိရာတွင် ထုတ်ဝေသူ ဦးမောင်မောင်လှ (ရွှေနိုင်ငံစာပေနှင့်ပိုစတာဖြန့်ချိရေး) သည် ပုံနှိပ်ခြင်းနှင့် ထုတ်ဝေခြင်းလုပ်ငန်းဥပဒေပုဒ်မ ၁၁ (ခ)နှင့် ပုဒ်မ ၁၈ တို့ကိုလိုက်နာရန် ပျက်ကွက်ကြောင်းတွေ့ရှိရသဖြင့် ၎င်းအားထုတ်ပေးထားသည့် ထုတ်ဝေခြင်းလုပ်ငန်း အသိအမှတ်ပြုလက်မှတ်ကို ၂၀၂၄ ခုနှစ်၊ နိုဝင်ဘာ ၁၃ ရက်မှစ၍ ပြန်လည်ရုပ်သိမ်းလိုက်ကြောင်းနှင့် ယင်းထုတ်ဝေခြင်းလုပ်ငန်းသည် မီဒီယာအမျိုးအစားတစ်ခုခုကို အသုံးပြု၍ဖြစ်စေ၊ နည်းပညာတစ်ရပ်ရပ်ကိုအသုံးပြု၍ဖြစ်စေ မည်သည့်ထုတ်ဝေစာကိုမျှ ထုတ်ဝေဖြန့်ချိဆောင်ရွက်ခြင်းမပြုရန် အသိပေးကြေညာကြောင်း သိရသည်။

■ Read More - - - >>> https://news-eleven.com/article/297429

NMSP (AD) အဖွဲ့က ဖမ်းဆီးခေါ်ဆောင်သွားသည့် မုဒုံမြို့နယ် ကျိုက်ရွဲကျေးရွာရှိ ဟွန်ဒါမြန်မာ သစ်ပါးလွှာစက်ရုံမှ စက်ရုံမှူး၊ မန်နေဂျာနှင့် တရုတ်နိုင်ငံသားပညာရှင်တစ်ဦးတို့ ပြန်လည်လွတ်မြောက်လာဟုဆို

မွန်ပြည်သစ်ပါတီမှ ခွဲထွက်သွားသည့် လက်နက်ကိုင်အဖွဲ့တစ်ဖွဲ့ဖြစ်သော NMSP (AD) အဖွဲ့မှ ဖမ်းဆီးခေါ်ဆောင်သွားသည်ဆိုသော မုဒုံမြို့နယ် ကျိုက်ရွဲကျေးရွာရှိ ဟွန်ဒါမြန်မာ သစ်ပါးလွှာစက်ရုံမှ စက်ရုံမှူး၊ မန်နေဂျာနှင့် တရုတ်နိုင်ငံသား ပညာရှင်တစ်ဦးတို့ ပြီးခဲ့သည့် နိုဝင်ဘာ ၉ ရက်က ပြန်လည် လွတ်မြောက်လာကြောင်း သတင်းရရှိသည်။

■ Read More - - - >>> https://news-eleven.com/article/297428

နိုဝင်ဘာ ၁၄ ရက်နေ့ ညပိုင်းသတင်းအစီအစဉ် ( ည ၈ နာရီတိုက်ရိုက်ထုတ်လွှင့်မှု )

■ ထိုင်း - မြန်မာနယ်စပ်ရှိ မြန်မာဘက်ခြမ်း ဘုရားသုံးဆူမြို့သို့ သွားရောက်ကြမည့် အထောက်အထားမဲ့တရုတ်နိုင်ငံသား ၁၈ ဦးနှင့် လာအိုနိုင်ငံသူနှစ်ဦး တို့အား ထိုင်းရဲတပ်ဖွဲ့မှ ဖမ်းဆီးရမိခဲ့
■ ထုံးဘိုမြို့၊ တန်ဆောင်တိုင်ပွဲတော်၌ ဆီမီးမျှောပွဲ၊ မီးပုံးပျံလွှတ်ပွဲနှင့် ဖျော်ဖြေရေးအစီအစဉ်များ ပြုလုပ်မည်
■ Fox News သတင်းဌာန၏ အစီအစဉ်တင်ဆက်သူ ပိဟက်ဆက်ကို ကာကွယ်ရေးဝန်ကြီးရာထူးနေရာ အတွက် အမည်စာရင်း တင်သွင်းကြောင်း ထရန့် ပြောကြား
■ တရုတ်တွင် ယာဉ်မောင်းတစ်ဦးက လူအုပ်ထဲကို ကားဖြင့်ဝင်တိုက်ခဲ့သဖြင့် လူ ၃၅ ဦးသေဆုံပြီး လူပေါင်း ၄၀ ကျော် ဒဏ်ရာရ
■ ပရီးမီးယားလိဂ် ချန်ပီယံဆုကို လက်မလျှော့သေးကြောင်း မန်စီးတီးနောက်ခံလူ ဒီယက်စ် ပြောကြား

■ ရွာငံမြို့အဝင် မူးယစ်တပ်ဖွဲ့ စစ်ဆေးရေးဂိတ်အား လက်နက်ကိုင်များက ပစ်ခတ်မှု ပြုလုပ်ခဲ့သဖြင့် တောင်ကြီးတန်ဆောင်တိုင်သွားသည့် ခရီးသွားကားများ ခေတ္တလမ်းပိတ်မိမှု ဖြစ်ပေါ်ခဲ့

ရွာငံမြို့အဝင်ရှိ မူးယစ်တပ်ဖွဲ့စစ်ဆေးရေးဂိတ်အား လက်နက်ကိုင်များကနိုဝင်ဘာ ၁၄ရက် မွန်းလွဲ ၂နာရီခန့်တွင် ပစ်ခတ်မှုပြုလုပ်ခဲ့သဖြင့် တောင်ကြီးတန်ဆောင်တိုင်သွားမည့် ခရီးသွားကားများ ခေတ္တလမ်းပိတ်မှုဖြစ်ပေါ်ခဲ့ကြောင်း သတင်းရရှိသည်။

ရှမ်းပြည်နယ် ၊ရွာငံမြို့အဝင်ရှိ မူးယစ်တပ်ဖွဲ့စစ်ဆေးရေးဂိတ်အား ယနေ့(နိုဝင်ဘာ ၁၄ ရက်) မွန်းလွဲ ၂နာရီခန့်က လက်နက်ကိုင်အဖွဲ့များက ဝင်ရောက်ပစ်ခတ်ခဲ့ခြင်းဖြစ်သည်ဟု သိရသည်။

" မူးယစ်စစ်ဆေးတဲ့ အဖွဲ့ ကိုပစ်သွားတာလို့ ကြားရတယ် ။ပူးပေါင်းစစ်ဆေးရေးဂိတ်မဟုတ်ဘူး ။အဲတော့ ကားတန်းတွေပိတ်မိနေကြတယ်။ကျွန်တော်တို့ကားဆိုရင် တောင်ကြီးကနေဆင်းလာတာ ။ရွာငံကိုဝင်မရဘူး ။အဲလိုပဲ မန္တလေးဘက်ကလာတဲ့ကားတွေလည်း ရွာငံကို ကျော်မရဘူး။ အိမ်စီးကားတွေတော့ ပြန်လှည့်ကုန်ကြတယ် ။တစ်ချို့လည်း ကွင်းလမ်းတွေကနေ ရှောင်သွားကြတယ် ။ ကုန်ကားတွေကတော့ မလှည့်ဘဲ စောင့်တန်းနေကြတာ"ဟုခရီးသွားပြည်သူတစ်ဦးက ဆိုသည်။

တောင်ကြီးတန်ဆောင်တိုင်ပွဲတွင် တောင်ကြီးမြို့သို့ရောက်ရှိနေသည့်စစ်ရှောင်များ၊ အခြားဒေသမှလာရောက်လည်ပတ်သူများဖြင့် ယခင်ကာလများအတိုင်း တန်ဆောင်တိုင်ပွဲတော်သည်စည်ကားလျက်ရှိကြောင်းနှင့် ပွဲတော်ကျင်းပရာကွင်းသို့ သွားရောက်ရာတွင်လည်း မော်တော်ယာဉ်များ များပြားမှုကြောင့် အချိန်ကြာမြင့်စွာ တန်းစီစောင့်ဆိုင်းသွားလာနေရကြောင်း တောင်ကြီးဒေသခံတစ်ဦးက ပြောကြားသည်။

■ ရန်ကင်းမြို့နယ်ရှိ ရုပ်ရှင်သရုပ်ဆောင် အကယ်ဒမီ ရန်အောင်၏ နေအိမ်ကို PDF အဖွဲ့က သတိပေးဖောက်ခွဲ တိုက်ခိုက်ခဲ့ဟုဆို

ရန်ကင်းမြို့နယ်ရှိ ရုပ်ရှင်သရုပ်ဆောင် အကယ်ဒမီ ရန်အောင်၏ နေအိမ်ကို သတိပေးဖောက်ခွဲခဲ့ကြောင်း Dark Shadow အမည်ရှိ PDF အဖွဲ့တစ်ဖွဲ့က ထုတ်ပြန်ထားသည်ကိုတွေ့ရသည်။

အဆိုပါအဖွဲ့၏ ထုတ်ပြန်ထားမှုတွင် ယနေ့(နိုဝင်ဘာ ၁၄ ရက်) မွန်းလွဲ ၁၂ နာရီ ၄၅ မိနစ် တွင် ရန်ကင်းမြို့နယ် ဘောက်ထော် မြရတနာလမ်းရှိ အနုပညာရှင်ရန်အောင်၏နေအိမ်ကို ၎င်းတို့အဖွဲ့က ပြင်းအားပျော့မိုင်းအသုံးပြု၍ သတိပေးဖောက်ခွဲတိုက်ခိုက်ခဲ့ခြင်းဖြစ်သည်ဟု ဖော်ပြထားသည်။

ရုပ်ရှင်သရုပ်ဆောင် အကယ်ဒမီ ရန်အောင်သည်
နစကအား ထောက်ခံအားပေးနေကြောင်းကို Social Media များပေါ်တွင် မြင်တွေ့နေရသဖြင့် ၎င်း၏ နေအိမ်ကို ပထမဆုံးအကြိမ် သတိပေးသည့်အနေဖြင့်ဖောက်ခွဲတိုက်ခိုက်ခြင်းဖြစ်ကြောင်း Dark Shadow အဖွဲ့က ထုတ်ပြန်သည်။

ထို့အတူ နစကအားထောက်ခံသည့် အခြားအနုပညာရှင်များကိုလည်း သတိပေးကြောင်း Dark Shadow အဖွဲ့၏ ထုတ်ပြန်ချက်တွင်ခြိမ်းခြောက် ရေးသားထားသည်ကို တွေ့ရသည်။

ဆော်လမွန်ကျွန်းနိုင်ငံအနီးတွင် ကမ္ဘာ့အကြီးဆုံး သန္တာကျောက်တန်း တွေ့ရှိ

ပစိဖိတ်သမုဒ္ဒရာအတွင်းရှိ ဆော်လမွန်ကျွန်းနိုင်ငံအနီးတွင် ကမ္ဘာ့အကြီးဆုံး သန္တာ ကျောက်တန်းတွေ့ရှိခဲ့ကြောင်း သိပ္ပံပညာရှင်များက နိုဝင်ဘာ ၁၄ ရက်တွင် ကြေညာခဲ့ပြီး ယင်းသည် အရောင်အသွေးစုံလင်ပြီး ကြီးမားသည့် သက်ရှိသန္တာကောင်အသိုက်အအုံတစ်ခုကို ရှာဖွေတွေ့ရှိမှုဖြစ်သည်။

အဆိုပါ သန္တာကျောက်တန်းသည် အလွန်ကြီးမားပြီး ဆော်လမွန်ကျွန်း၏ ကြည်လင်သည့်ရေ အောက်တွင်တည်ရှိကာ သိပ္ပံပညာရှင်များက ထိုသန္တာကျောက်တန်းကို ကြီးမားသည့် သင်္ဘောအပျက်တစ်စီးအဖြစ် အစောပိုင်းက တွေးထင်ခဲ့ကြသည်။

“ကမ္ဘာပေါ်မှာ စူးစမ်းလေ့လာစရာဘာမှ မကျန်တော့ဘူးလို့ ကျွန်တော်တို့ တွေးတောနေချိန်မှာပဲ အရောင်အ သွေးစုံလင်ပြီး ကြီးမားတဲ့ သက်ရှိသန္တာကျောက်တန်းကို ရှာဖွေတွေ့ရှိခဲ့ပါတယ်”ဟု အဏ္ဏဝါဂေဟဗေဒပညာရှင် အန်းနရစ် ဆာလာက ပြောကြားခဲ့သည်။ ထိုသန္တာအစုအဖွဲ့သည် လွန်ခဲ့သည့် နှစ်ပေါင်း ၃၀၀ ခန့်က ကြီး ထွားလာခဲ့ခြင်းဖြစ်ကြောင်း သုတေသီများက ပြောကြားခဲ့သည်။


■Ref: AFP
■ Read More - - - >>>https://news-eleven.com/article/297425
■Photo: AFP

ရွေးကောက်ခံသမ္မတ ဒေါ်နယ်ထရန့်က အိမ်ဖြူတော်အကြီးအကဲအဖြစ် ၎င်း၏စည်းရုံးရေးမန်နေဂျာကို ခန့်အပ်လိုက်ပြီး ရုရှားသမ္မတ ဗလာဒီမာပူတင်နှင့်ဆွေးနွေးရန် အရိပ်အယောင်ပြ

ရွေးကောက်ခံ အမေရိကန်သမ္မတ ဒေါ်နယ်ထရန့်သည် နိုဝင်ဘာ ၇ ရက်တွင် ၎င်း၏ အစိုးရအဖွဲ့အတွက် ပထမဆုံးလူကို ခန့်အပ်လိုက်ပြီး ရုရှားသမ္မတဗလာဒီမာပူတင်နှင့် ဆွေးနွေးခြင်းဖြင့် ထွက်ခွာတော့မည့် အစိုးရ အဖွဲ့၏မူဝါဒများကို စွန်လွှတ်မည့် ၎င်း၏ရည်ရွယ်ချက်များကို အရိပ်အမြွက်ပြသခဲ့သည်။

ထရန့်၏စည်းရုံးရေးအဖွဲ့ မန်နေဂျာ ဆူဇီဝိုင်းသည် အိမ်ဖြူတော်အကြီးအကဲအဖြစ် ခန့်အပ်ခံရသည်။ ထို့ကြောင့် ဆူဇီဝိုင်းသည် အထင်ကရ တာဝန်အတွက် ပထမဆုံး ခန့်အပ်ခံရသော အမျိုးသမီးဖြစ်လာခဲ့ပြီး လာတော့မည့် အစိုးရအဖွဲ့အတွက် ဒေါ်နယ်ထရန့်၏ ပထမဆုံး ခန့်အပ်မှုဖြစ်လာခဲ့သည်။

ဒီမိုကရက် ကာမလာဟဲရစ်ကို ထရန့်၏ ပြတ်ပြတ်သားသားအနိုင်ရမှုက အမေရိကန် ပြည်ထောင်စုကို လည်းကောင်း၊ ကမ္ဘာ့နိုင်ငံရေးကိုလည်းကောင်း အလှုပ်အယမ်းများ ဖြစ်စေခဲ့သည်။ ရွေးကောက်ပွဲအပြီး နှစ်ရက် အကြာ၊ အိမ်ဖြူတော်သို့ ၎င်းပြန်ရောက်မလာမီ နှစ်လခွဲအလိုတွင် အဆိုပါ အလှုပ်အယမ်း များဖြစ်လာခြင်း ဖြစ်သည်။

■ Read More - - - >>>https://news-eleven.com/article/297281

နိုဝင်ဘာ ၉ ရက်နေ့ နံနက်ပိုင်းသတင်းအစီအစဉ် ( နံနက် ၇ နာရီခွဲတိုက်ရိုက်ထုတ်လွှင့်မှု )

- နိုင်ငံကူးလက်မှတ်နှင့် CIကိုင်ဆောင်ထားသည့် ထိုင်းနိုင်ငံရှိ မြန်မာအလုပ်သမားများ ယာယီနေထိုင်အလုပ်လုပ်ကိုင်ခွင့် သက်တမ်း တိုးခြင်းအား နှစ်နှစ်စီနှစ်ကြိမ်ဖြင့် စုစုပေါင်းလေးနှစ် ခွင့်ပြုမည်
- မုဒုံမြိုနယ်၊ကျိုက်ရွဲကျေးရွာရှိ စက်ရုံတစ်ရုံမှ စက်ရုံမှူး၊ မန်နေဂျာနှင့် တရုတ်နိုင်ငံသားပညာရှင်တစ်ဦးတိုအား လက်နက် ကိုင်အဖွဲတစ်ဖွဲမှ ဝင်ရောက်ဖမ်းဆီးခေါ်ဆောင်သွားကြောင်း သိရ
- အမေရိကန်၊ အနောက်နိုင်ငံများနှင့် ပူးတွဲစစ်ရေးလေ့ကျင့်မှုများသည် တရုတ်၏ ရန်လိုသည့်လုပ်ရပ်များကို ထိန်းချုပ်ရာ တွင် အထောက်အကူရရှိကြောင်း ဖိလစ်ပိုင် ပြောကြား
- အမေဇုန်တွင် စံချိန်တင်မိုးခေါင်မှုက ကလေး ၄၂၀ဝဝဝ အပေါ် သက်ရောက်မှုရှိ
- အာဆင်နယ်နှင့်ပွဲတွင် ပါလ်မာ ပါဝင်ကစားနိုင်ရန် မာရက်စကာ မျှော်လင့်

လော့အိန်ဂျလိစ်အနီး မြို့ရွာများတစ်ဝိုက် လောင်နေသော တောမီးများကြောင့် လူများထွက်ပြေးရန် အာဏာပိုင်များက တိုက်တွန်း

လျင်မြန်စွာ ရွေ့လျားနေသော မီးများကြောင့် နေအိမ်အများအပြား ဆုံးရှုံးခဲ့ရခြင်းနှင့်အတူ လော့အိန်ဂျလိစ်မြို့အနီးရှိ မြို့ငယ်၊ရွာငယ်များတစ်ဝိုက်တွင် လောင်နေသော ထိန်းချုပ်၍မရသော တောမီးမှလွတ်အောင် ထွက်ပြေးကြရန် နိုဝင်ဘာ ၇ ရက်တွင် လူထောင်ပေါင်းများစွာကို တိုက်တွန်းထား သည်ဟု သိရသည်။

တောင်စောင်းများ၊ ယာမြေများ၊နှင့် လူနေထိုင်ရာနေရာများတွင် လောင်နေသော တောမီးအသစ်များနှင့်အတူ ပြင်းထန်သော ရာသီလေများက မီးကျီးခဲများ၊မီးစများကို တောင်မီးလောင်ရာနေရာ ကာမာရီလိုမှ သုံးမိုင်အထိ ရောက်ရှိစေခဲ့သည်။

Mountain Fire ဟု အမည်ပေးထားသော တောမီးသည် နိုဝင်ဘာ ၆ ရက် စောစောပိုင်းတွင် စတင်လောင်ခဲ့ပြီးနောက် လျင်မြန်စွာ ကြီးထွားလာခဲ့သည်။ နောက်နေ့ဖြစ်သော နိုဝင်ဘာ ၇ ရက်တွင် တောမီးသည် ၂၀,၄၈၅ ဧကကို လောင်ကျွမ်းခဲ့သည်။ မြင့်မားလှသော မီးတောက်များသည် ခန့်မှန်း၍ မရသည့်အနေဖြင့် ခုန်ကူးနေသောကြောင့် နယ်ခံများ အလုအယက် ထွက်ပြေးခဲ့ကြရသည်။

■ Read More - - - >>>https://news-eleven.com/article/297278

နိုဝင်ဘာ ၈ ရက်နေ့ ညပိုင်းသတင်းအစီအစဉ် ( ည ၈ နာရီတိုက်ရိုက်ထုတ်လွှင့်မှု )

- နိုင်ငံကူးလက်မှတ် PV အမျိုးအစားမှ PJ အမျိုးအစားသို ပြောင်းလဲလျှောက်ထားလာပါက အလုပ်သမားဝန်ကြီးဌာနမှ သတ်မှတ် ထားသည့်အထောက်အထားဖြင့် လက်ခံဆောင်ရွက်ပေးမည်ဟု ထုတ်ပြန်
- မော်လမြိုင်မြိုနယ်၊မော်လမြိုင် - မုဒုံကားလမ်းဘေးရှိ “မင်းသန့်”စက်သုံးဆီအရောင်းဆိုင် မီးလောင်မှုအတွင်း မီး သတ်တပ်ဖွဲဝင်နှင့် လူမှုကယ်ဆယ်ရေးအဖွဲဝင်များအပါအဝင် (၂၂) ဦးထက်မနည်း ထိခိုက်ဒဏ်ရာရရှိခဲ့
- လူမှောင်ခိုသမားများက တောအုပ်အတွင်း စွန့်ပစ်ထားခဲ့သည့် နှစ်နှစ်အရွယ်မှ ခြောက်နှစ်အရွယ်အကြား ကလေး လေးဦးအပါအဝင် မြန်မာနိုင်ငံသား ကိုးဦးကို ထိုင်းအာဏာပိုင်များတွေ့ရှိ
- စပိန်တွင် ရေလွှမ်းမိုးမှုဖြစ်ပွားပြီးနောက် လူ ၉၃ ဦး ပျောက်ဆုံးနေဆဲဖြစ်ကြောင်း အာဏာပိုင်များ ပြောကြား
- အာမိုရင်မ် ရောက်လာပါက တာဝန်ယူရမည့်အခြေအနေကို မပြောနိုင်သေးကြောင်း နစ္စတယ်ရွိင်း ပြောကြား

နိုင်ငံကူးလက်မှတ် PV အမျိုးအစားမှ PJ အမျိုးအစားသို့ ပြောင်းလဲလျှောက်ထားလာပါက အလုပ်သမားဝန်ကြီးဌာနက သတ်မှတ်ထားသည့်အထောက်အထားဖြင့် လက်ခံဆောင်ရွက်ပေးမည်ဟု ထုတ်ပြန်


■ Read More - - - >>> https://news-eleven.com/article/297276
■ရန်ကုန်မြို့ရှိ မြန်မာနိုင်ငံကူးလက်မှတ်ထုတ်ပေးရေးရုံးကို တွေ့ရစဉ် (ဓာတ်ပုံ-ကြည်နိုင်)

ဖိလစ်ပိုင်မြောက်ပိုင်းတွင် တိုင်ဖွန်း “ရင်ရှင်း” ဝင်ရောက်တိုက်ခတ်ပြီးနောက် ရှင်းလင်းရေးများလုပ်ဆောင်

ဖိလစ်ပိုင်မြောက်ပိုင်းကမ်းရိုးတန်းတွင် တိုင်ဖွန်း ရင်ရှင်း ဝင်ရောက်တိုက်ခတ်သောကြောင့် နေအိမ်များ၏ ခေါင်မိုးများ လန်ကုန်ကြပြီး လူပေါင်းထောင်ချီ ကယ်ဆယ်ရေးစခန်းများသို့ ပြောင်းရွှေ့ခဲ့ရပြီးနောက် နိုဝင်ဘာ ၈ ရက်တွင် အာဏာပိုင်များက လဲကျနေသော သစ်ပင်များနှင့် အပျက်အစီးများကို ရှင်းလင်းခဲ့ကြသည်။

သို့သော် တိုင်ဖွန်းရင်ရှင်း ကုန်းတွင်းပိုင်းသို့ မဝင်ရောက်မီ ရက်ပိုင်းနှင့် နာရီပိုင်းအကြာ၌ လူဦးရေ ၃၀,၀၀၀ နီးပါးသည် အစိုးရက စီစဉ်ပေးထားသော နေရာများတွင် ယာယီခိုလှုံခဲ့ကြသည်။

ပြင်းထန်သည့် မုန်တိုင်းတစ်ခုကြောင့် လူပေါင်း ၁၅၀ ကျော် သေဆုံးခဲ့ပြီးနောက် သီတင်းပတ်နှစ်ပတ်အကြာ၌ ဝင်ရောက်တိုက်ခတ်ခဲ့သော တိုင်ဖွန်းရင်ရှင်းကြောင့် သေဆုံးသူမရှိပေ။

■ Read More - - - >>>https://news-eleven.com/article/297275

တောင်ကြီးမြို့ တန်ဆောင်တိုင်မီးပုံးပျံပွဲတော် ကျင်းပနိုင်ရန်အတွက် ပြင်ဆင်မှုများ ပြုလုပ်နေ

ရှမ်းပြည်နယ်၏ အထင်ကရရိုးရာပွဲတော်တစ်ခုဖြစ်သော တောင်ကြီးတန်ဆောင်တိုင်မီးပုံးပျံပွဲတော်ကို ယခုနှစ်တွင် ရိုးရာမပျက် ပြန်လည်ကျင်းပရန် စီစဉ်နေကြောင်း ရှမ်းပြည်နယ် ရိုးရာမီးပုံးပျံပညာရှင်များအသင်းထံမှ သိရသည်။

“ဒီနှစ်မှာတော့ ယမ်းပိုင်းရော၊ နေ့လွှတ် ညလွှတ်ရော ပြန်လည်လွှတ်တင်ဖို့ ပွဲစီစဉ်နေပြီလို့ သိရတယ်။ အနည်းဆုံးတော့ ပွဲဖြစ်အောင် လွှတ်တင်မယ်ဆိုတာကတော့ သေချာတယ်” ဟု မီးပုံးပျံအမှတ်ပေးဒိုင်အဖွဲ့မှ တာဝန်ရှိသူတစ်ဦးက ပြောကြားသည်။

၂၀၂၀ ပြည့်နှစ်တွင် ကိုဗစ်ရောဂါကြောင့်လည်းကောင်း၊ ၂၀၂၁ ခုနှစ်တွင် နိုင်ငံရေးအခြေအနေများကြောင့် လည်းကောင်း ရိုးရာမီးပုံးပျံပွဲတော်ကို မကျင်းပဖြစ်သည်မှာ သုံးနှစ်ကြာမြင့်လာပြီး ၂၀၂၃ ခုနှစ်တွင် ပြန်လည်ကျင်းပရန် စီစဉ်ခြင်းဖြစ်ကြောင်း သိရသည်။ ၂၀၂၂ ခုနှစ်တွင် ပြန်လည်ကျင်းပသော်လည်း ညလွှတ်မီးပုံးပျံအစီအစဉ် ထည့်သွင်းနိုင်ခြင်းမရှိဘဲ နေ့လွှတ်အရုပ်များကိုသာ ဦးစားပေးလွှတ်တင်နိုင်ခဲ့ခြင်း ဖြစ်သည်။

■ Read More - - - >>>https://news-eleven.com/article/249506

မြစ်ကြီးနား-မန္တလေးလမ်းပိုင်းရှိ အင်းတော်မြို့တွင် တိုက်ပွဲများ ပြန်လည်ဖြစ်ပွားပြီး လမ်းထပ်ပိတ်မှုကြောင့် ကုန်စျေးနှုန်းပြန်တက်နေ

မြစ်ကြီးနား-မန္တလေးလမ်းပိုင်းရှိ အင်းတော်မြို့တွင် နိုဝင်ဘာ ၁ ရက်မှ စတင်ကာတိုက်ပွဲများ ပြန်လည်ဖြစ်ပွားပြီး လမ်းထပ်ပိတ်မှုကြောင့် ကုန်စျေးနှုန်းပြန်တက်နေကြောင်း ကချင်ပြည်နယ်ဒေသခံများက ပြောကြားသည်။

မြစ်ကြီးနားသို့ ပြေးဆွဲနေသည့် ယာဉ်မောင်းတစ်ဦးက “အင်းတော်မြို့ အရှေ့၊ အနောက် ကွင်းလမ်းနှစ်ခုလုံး ပိတ်သွားတယ်။ လမ်းမကြီးပွင့်တာ လေးရက်လောက်လေးပဲ။ လမ်းကြောမှာက ငွေတောင်းကြတာ ၁၀ သိန်း ကုန်သွားပြီ။ ကျွန်တော်တို့ကတော့ သုံးရက်လောက်စောင့်ဦးမယ်။ စရိတ်ပြတ်ကုန်ပြီ။ ကားအစီးရေ ရာချီမယ် ပိတ်နေတာ။ မဲဇာ၊နန်ကသဲအထိသွားလို့ရတယ်”ဟု ဆိုသည်။


■ Read More - - - >>>https://news-eleven.com/article/297125
■အင်းတော်မြို့ ကွင်းလမ်းတစ်နေရာကို တွေ့ရစဉ်

မြောက်ကိုရီးယားစစ်သားများ ရှေ့တန်းစစ်မြေပြင်သို့မရောက်မီ အရေးယူဆောင်ရွက်ကြရန် ယူကရိန်းသမ္မတ ဇယ်လန်စကီးက မဟာမိတ်များကို တိုက်တွန်း

မြောက်ကိုရီးယားစစ်သားများ ရှေ့တန်းစစ်မြေပြင်သို့ မရောက်မီ အရေးယူဆောင်ရွက်ကြရန် ယူကရိန်းသမ္မတ ဗိုလိုဒီမာ ဇယ်လန်စကီးက မဟာမိတ်နိုင်ငံများကို တိုက်တွန်းခဲ့သည်။

မြောက်ကိုရီးယားစစ်သားများကို ရှေ့တန်းတွက် ဖြန့်ကြက်ချထားမည့်အရေးကို ထိုင်ကြည့်မနေကြရန် ဇယ်လန်စကီးက မဟာမိတ်နိုင်ငံများကို ပြောကြားခဲ့ပြီး ယူကရိန်း စစ်တပ်အကြီးအကဲကလည်း ယူကရိန်းစစ် သားများသည် နှစ်နှစ်ကျော် ကြာမြင့်လာသည့် စစ်ပွဲအတွင်း ရုရှား၏ အပြင်းထန်ဆုံးထိုးစစ်များထဲမှ တစ်ခုကို ရင်ဆိုင်နေရကြောင်း သတိပေးခဲ့သည်။

မြောက်ကိုရီးယားစစ်သားများ စစ်သင်တန်း လေ့ကျင့်နေသည့် စခန်းများကို ယူကရိန်းက လက်ဦးမှု ရယူတိုက်ခိုက်မည့် အလားအလာကို ဇယ်လန်စကီးက အလေးထားပြောဆိုခဲ့ပြီး မြောက်ကိုရီးယား စစ်သားများ၏ တည်နေရာကို ယူကရိန်းက သိထားသည်ဟု ဆိုသည်။

■ Read More - - - >>>https://news-eleven.com/article/297124

မြဝတီဒေါနတောင်ကျော် လမ်းလေးသွယ်မှ နေ့ချင်းရောက်သွားလာနိုင်ပြီ ဖြစ်သော်လည်း အကောက်ဂိတ်ကြေးများပြားခြင်းကြောင့်ယာဉ်စီးခများပြားနေဆဲ

မြဝတီမြို့မှ စျေးကွက်စီးပွားရေးမြို့တော် ရန်ကုန်၊မော်လမြိုင်နှင့် အခြားမြို့များသို့ ဒေါနတောင်ကျော် လမ်းလေးသွယ်မှနေ့ချင်းရောက်သွားလာနိုင်ပြီ ဖြစ်သော်လည်း အကောက်ဂိတ်ကြေးများပြားခြင်းကြောင့် ယာဉ်စီးခများပြားနေဆဲဖြစ်ကြောင်း သိရသည်။

မြဝတီနယ်စပ်မြို့မှ ကုန်တင်ယာဉ်ကားကြီးများနှင့် ခရီးသည်တင် ကားလေးအချို့မှာ မြဝတီ-ကော့ကရိတ် ဒေါနတောင်ကျော်လမ်းဟောင်းမှ သွားလာကြပြီး၊ ခရီးသည်ပို့ဆောင်ရေးဂိတ်မှ 4wheel Vego ကားများမှာ ဒေါနတောင်ကျော် ၁၀၁၈ လမ်း၊ထို့ကော်ပိုးလမ်း၊ကြက်ဥတောင်လမ်းတို့မှသွားလာကြကြောင်း သိရသည်။

မြဝတီမှပြည်တွင်စျေးကွက်သို့ ပို့ဆောင်ပေးနေသောကုန်တင်ယာဉ်များသွားလာသည့် ဒေါနတောင်ကျော်လမ်းဟောင်းတွင် အကောက်ဂိတ် ၅၀ ကျော်ရှိပြီး ကားကြီးတစ်စီးလျှင် လမ်းဂိတ်ကြေးသိန်း ၅၀ ခန့် ကုန်ကျကြောင်းနှင့် Probox ကဲ့သို့သောယာဉ်ငယ်များမှာ လမ်းဂိတ်ကြေး ၅သိန်းခန့် ကုန်ကျေကြာင်း ကုန်တင်ယာဉ်မောင်းများထံမှ သိရသည်။


■ Read More - - - >>>https://news-eleven.com/article/297122
■Photo: CJ

ကရင်ပြည်နယ် ကျုံဒိုးမြို့၊ ဒေါဖျာကျေးရွာနေ ပြည်ခိုင်ဖြိုးပါတီ ရပ်/ကျေးဥက္ကဌ သေနတ်ဖြင့် ပစ်ခတ်ခံရ

ကရင်ပြည်နယ် ကော့ကရိတ်မြို့နယ် ကျုံဒိုးမြို့၊ ဒေါဖျာကျေးရွာနေ ပြည်ခိုင်ဖြိုးပါတီရပ်/ကျေး ဥက္ကဌဖြစ်သူ ဦးအောင်ထွန်းဆိုသူမှာ နိုဝင်ဘာ ၃ ရက်နေ့ ညပိုင်းအချိန်က သေနတ်ဖြင့်ပစ်ခတ်ခံခဲ့ရပြီး၊ ဒဏ်ရာရရှိခဲ့ကြောင်း ဒေသခံများ၏ ပြောကြားချက်များအရ သိရသည်။

ဒေါဖျာကျေးရွာနေ ပြည်ခိုင်ဖြိုးပါတီရပ်/ကျေး ဥက္ကဌဖြစ်သူ အသက်(၄၆)နှစ်အရွယ် ဦးအောင်ထွန်း ဆိုသူမှာ နိုဝင်ဘာ ၃ ရက်နေ့ ည ၈ နာရီအချိန်ခန့်က ဒေါဖျာကျေးရွာရှိ ဒေါဖျာချောင်း ကူးတို့ဆိပ်ကမ်းရှိ ၎င်း၏ကုန်စုံဆိုင်မှ နေအိမ်သို့ ဆိုင်ကယ်ဖြင့် ပြန်လာစဉ်နေအိမ်ရှေ့ ခြံပေါက်ဝတွင် အမည်မသိ သေနတ်သမားတစ်ဦးမှ သေနတ်ဖြင့်ပစ်သတ်သွားခြင်းဖြစ်ကြောင်း ဒေသခံတစ်ဦးက ပြောကြားသည်။

၎င်းကဆက်လက်ပြီး “ဦးအောင်ထွန်း သူ့အိမ်ရှေ့ကို ရောက်လို့ ဆိုင်ကယ်ရပ်လိုက်တဲ့အချိန်မှာဘဲ သေနတ်နဲ့ ပစ်ခတ်ခံခဲ့ရတာလို့ သိရတယ်။ သေနတ်သမားကတော့ ဆိုင်ကယ်နဲ့ထွက်ပြေးသွားတယ်” ဟု ပြောကြားသည်။

■ Read More - - - >>>https://news-eleven.com/article/297121

ဖွဲ့စည်းပုံအခြေခံဥပဒေနှင့် ဖက်ဒရယ်စနစ်ဆိုင်ရာ ဆွေးနွေးပွဲသို့ တက်ရောက်ရန် NSPNC မှ ကော်မတီဝင်များ၊ NCA လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့အချို့မှ ကိုယ်စားလှယ်များနှင့် နိုင်ငံရေးပါတီ ၁၁ ပါတီမှ ကိုယ်စားလှယ်များ အန္ဒိယနိုင်ငံသို့ သွားရောက်

ဖွဲ့စည်းပုံအခြေခံဥပဒေနှင့် ဖက်ဒရယ် စနစ်ဆိုင်ရာ ဆွေးနွေးပွဲသို့ တက်ရောက်ရန် အတွက် အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုညှိနှိုင်းရေးကော်မတီ (NSPNC) မှ ကော်မတီဝင်များ၊ တစ်နိုင် ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ်(NCA) လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့အချို့မှ ကိုယ်စားလှယ်များနှင့် နိုင်ငံရေးပါတီ ၁၁ ပါတီမှ ကိုယ်စားလှယ်များသည် နိုဝင်ဘာ ၄ ရက် နံနက်ပိုင်းတွင် အိန္ဒိယနိုင်ငံ၊ နယူးဒေလီမြို့သို့ ထွက်ခွာသွားကြောင်း သိရသည်။


■ Read More - - - >>>https://news-eleven.com/article/297120

နိုဝင်ဘာ ၄ ရက်နေ့ ညပိုင်းသတင်းအစီအစဉ် ( ည ၈ နာရီတိုက်ရိုက်ထုတ်လွှင့်မှု )

- မြဝတီဒေါနတောင်ကျော် လမ်းလေးသွယ်မှ နေ့ချင်းရောက်သွားလာနိုင်ပြီဖြစ်သော်လည်း အကောက်ဂိတ်ကြေးများပြား ခြင်းကြောင့် ယာဉ်စီးခ များပြားနေဆဲ
- ဗဟိုဘဏ်က နိုင်ငံခြားငွေကြေးဈေးကွက် (FX Trading Platform) တွင် သွင်းကုန်လုပ်ငန်းရှင်များအား ယွမ်ငါးသန်းနှင့် ဘတ် ၂၅ သန်း ရောင်းချမည်
- ယူဂန်ဒါတွင် ဒုက္ခသည်စခန်းကို မိုးကြိုးထိမှန်ပြီး လူ ၁၄ ဦး သေဆုံး
- ပါကစ္စတန်နိုင်ငံ လာဟိုးမြိုကြီးတွင် လေထုညစ်ညမ်းမှု မြင့်တက်နေ
- လီဗာပူးလ်အသင်းသမိုင်းတစ်လျှောက် ရလဒ်အကောင်းဆုံးနည်းပြသစ်အဖြစ် ဆလော့ မှတ်တမ်းဝင်

ယူကရိန်းစစ်ပွဲတွင် မြောက်ကိုရီးယားစစ်သားများ ဝင်ရောက်တိုက်ခိုက်ရန် အသင့်ဖြစ်နေပြီဟု အမေရိကန် ပြောကြား

ယူကရိန်းစစ်ပွဲတွင် မြောက်ကိုရီးယား စစ်သားများ ဝင်ရောက်တိုက်ခိုက်ရန် အဆင်သင့်ဖြစ်နေပြီဟု အမေရိကန်က အောက်တိုဘာ ၃၁ ရက်တွင် ပြောကြားခဲ့သည်။

ရုရှားတွင် စစ်သင်တန်းများ လေ့ကျင့်ခဲ့သည့် မြောက်ကိုရီးယား ၈၀၀၀ ခန့်သည် ယူ ကရိန်နှင့် ရုရှားနယ်စပ်အနီးသို့ ရောက်ရှိခဲ့ပြီး တိုက်ပွဲဝင်ရန် အသင့်ရှိနေကြောင်း အမေရိကန်က ဆိုသည်။

ရုရှားသမ္မတ ဗလာဒီမာပူတင်သည် ယူကရိန်းကို ကျူးကျော်ဝင်ရောက်မှုတွင် အသာစီးရစေရန်အတွက် မြောက်ကိုရီးယားထံမှ စစ်သားများနှင့် စစ်လက်နက်ပစ္စည်းများ၏ အကူအညီကို ရယူခဲ့ကြောင်း အနောက်နိုင်ငံ များက ပြောကြားခဲ့သည်။ထိုသို့လုပ်ဆောင်မှုသည် ရုရှားအတွက် ရာစုနှစ်တစ်စုကျော်အတွင်း ရုရှားမြေပေါ်တွင် ပြည်ပတပ်ဖွဲ့များကို ပထမဆုံးအကြိမ် ဖိတ်ခေါ်မှုဖြစ်ခဲ့သည်။

■ Read More - - - >>>https://news-eleven.com/article/297047

နိုဝင်ဘာ ၁ ရက်နေ့ ညပိုင်းသတင်းအစီအစဉ် ( ည ၈ နာရီတိုက်ရိုက်ထုတ်လွှင့်မှု )

- နယ်စပ်ကုန်သွယ်မှုမှ တင်ပို့သော ကုန်ပစ္စည်း ရှစ်မျိုးအပြင် ပဲမျိုးစုံ၊ကြက်သွန်စသည့် ကုန်ပစ္စည်း ခုနစ်မျိုးကို ပို့ကုန်ရငွေ (နိုင်ငံခြား သုံးငွေ) ၏ ၂၅ ရာခိုင်နှုန်း လဲလှယ်အသုံးပြုရမည့်ကုန်စည်အဖြစ် ထပ်တိုးသတ်မှတ်
- ပေါင်မြို့နယ်၊ အလှပ်ကျေးရွာနှင့် ဝဲပတန်ကျေးရွာအတွင်း ဖြစ်ပွားခဲ့သည့် ဝမ်းပျက်ဝမ်းလျောရောဂါနှင့် ပတ်သက်ပြီး ဓါတ်ခွဲစစ်ဆေးမှုများ လုပ်ဆောင်ထားဟုဆို
- မြောက်ကိုရီးယားသည် ၎င်း၏အင်အားအပြင်းဆုံးဒုံးကျည်များထဲတွင် တစ်ခုအပါအဝင်ဖြစ်သည့် နောက်ဆုံးပေါ် တာဝေး ပစ်ပဲ့ထိန်းဒုံးကျည်တစ်စင်းကို ပစ်လွှတ်
- စပိန်တွင် ဆိုးရွားသည့် ရေလွှမ်းမိုးမှုကြောင့် လူ ၁၅၀ ကျော် သေဆုံး
- ဘိုင်ယန်မြူးနစ်နှင့် သက်တမ်းတိုးဖွယ်ရှိကြောင်း မူစီယာလာ ပြောကြား

သဘာဝဘေးဖြစ်စဉ်၌ ထိခိုက်မှုများခဲ့သည့် ကလောအနီး ဆင်တောင်ဒေသ၌ ဒေသခံများ တောင်ယာစိုက်ပျိုးရေးလုပ်ငန်းများပြန်လည်ထူထောင်နိုင်ရန် အခက်အခဲရှိနေ

သဘာဝဘေးဖြစ်စဉ်၌ ထိခိုက်မှုများခဲ့သည့် ကလောအနီး ဆင်တောင်ဒေသ၌ ဒေသခံများသည် တောင်ယာစိုက်ပျိုးရေးလုပ်ငန်းများပြန်လည်ထူထောင်နိုင်ရန် အခက်အခဲရှိနေကြောင်း သိရသည်။

ဆင်တောင်ဒေသသည် သာစည်မြို့နယ်အပိုင်ထဲတွင်ရှိသော်လည်း သာစည်နှင့် မိုင်(၇၀)ကျော်ဝေးသည့် အစွန်အဖျားနေရာတွင်တည်ရှိပြီး ကလောနှင့်(၁၃)မိုင်အကွာတွင်ရှိကြောင်း သိရသည်။

■ Read More - - - >>>https://news-eleven.com/article/297035
■ဓာတ်ပုံ - ဦးအောင်စိုးသိန်း

အပူပိုင်းမုန်တိုင်း “ကောင်းရေး” သည် ရှန်ဟိုင်းနှင့် တရုတ်၏ကမ်းရိုးတန်းမြို့များကို ခြိမ်းခြောက်လျက်ရှိ

တိုင်ဖွန်းမုန်တိုင်း ကောင်းရေးသည် အပူပိုင်းမုန်တိုင်းအဖြစ် အားလျော့သွားခဲ့ပြီး နိုဝင်ဘာ ၁ ရက်တွင် ရှန်ဟိုင်းနှင့် တရုတ်အရှေ့ပိုင်း နေရာအချို့တွင် မိုးသည်းထန်စွာရွာသွန်းမှုများနှင့် လေပြင်းများ တိုက်ခတ်နိုင်ကြောင်း ခန့်မှန်းထားသည်။

ကောင်းရေးသည် ယမန်နေ့က တိုင်ဖွန်းပြင်းအားဖြင့် ထိုင်ဝမ်ကျွန်းကို ဖြတ်သန်းတိုက်ခတ်ခဲ့ပြီး သစ်ပင်များ လဲကျကာ မြေပြိုမှုများ ဖြစ်ပွားခဲ့ကာ လူနှစ်ဦးသေဆုံးပြီးနောက်ထပ် လူ ၅၀၀ ကျော် ထိခိုက်ဒဏ်ရာရရှိခဲ့သည်။

အလုပ်သမားများနှင့် ဒေသခံများသည် လဲကျနေသော သစ်ပင်များနှင့် အပျက်အစီးများကို ရှင်းလင်းနေချိန်တွင် ယာဉ်မောင်းတစ်ဦးက ၎င်း၏ထိတ်လန့်ဖွယ် အဖြစ်အပျက်တစ်ခုကို ပြန်ပြောင်းပြောပြခဲ့သည်။ သူသည်တိုင် ပေမြို့တော်တွင် အောက်တိုဘာ ၃၁ ရက် ညအချိန်က ကားမောင်းနေချိန် သစ်ပင်ကြီးတစ်ပင် လဲကျလာကာ ၎င်းမော်တော်ယာဉ်၏ ခရီးသည်နေရာသို့ ပိကျခဲ့ပြီးနောက် သူသည်ကားအတွင်း ပိတ်မိနေခဲ့သည်ဟု ဆိုသည်။

■ Read More - - - >>>https://news-eleven.com/article/297036

နိုဝင်ဘာ ၁ ရက် ညနေခင်းသတင်း (တိုက်ရိုက်ထုတ်လွှင့်မှု)

■ဘဏ်များမှတစ်ဆင့်လုပ်ခလစာပိုသူများနှင့် ဒေါ်လာငါးသောင်းအထက်လွှပိုသူများ လျှပ်စစ်ကားနှင့်လျှပ်စစ်ဆိုင်ကယ် တစ်နှစ်လျှင် တစ်စီးနှုန်း တင်သွင်းခွင့်ပြုမည်

■ဗဟိုဘဏ်က ဒေါ်လာကိုးသန်းကျော်၊ ယွမ်နှစ်သန်းကျော်နှင့် ဘတ် ၁၅၆ သန်းကျော် ထပ်မံရောင်းချခဲ့ပြီး အောက်တို ဘာလအတွင်း ဒေါ်လာ ၁၂၆ သန်းကျော်၊ ယွမ် ၁၄ သန်းကျော်နှင့် ဘတ် ၆၅၅ သန်းကျော်ရောင်းချထား

■ထရန့်ထောက်ခံသူများသည် အမှိက်များဖြစ်သည်ဟု သမ္မတဂျိုးဘိုင်ဒင်က ပြောကြားခဲ့သဖြင့် ရီပတ်ဘလီကင်သမ္မတ လောင်းဒေါ်နယ်ထရန့်က အမှိက်ကားပေါ်တွင် ထိုင်ပြကာ မဲဆွယ်ခဲ့

■မည်သည့်ရာထူးဖြစ်စေ အသင်းကို ကူညီပေးမည်ဟု မန်ယူယာယီနည်းပြ နစ္စတယ်ရွိင်း ဆို

အုတ်တွင်းမြို့နယ်ရှိ ကျေးရွာတစ်ရွာတွင် ငါးနှစ်အရွယ်ကလေးငယ်ကို ရေနွေးပူဖြင့်လောင်း၊ လက်သီးဖြင့်ထိုးပြီး အဓမ္မပြုကျင့်မှုမှ လင်မယားနှစ်ဦးကို ပုဒ်မသုံးခုဖြင့် တရားစွဲဆိုထား

အုတ်တွင်းမြို့နယ်ရှိ ကျေးရွာတစ်ရွာတွင် ငါးနှစ်အရွယ်ကလေးငယ်ကို ရေနွေးပူဖြင့် လောင်း၊ လက်သီးဖြင့်ထိုးပြီး အဓမ္မပြုကျင့်မှုမှ လင်မယားနှစ်ဦးကို ပုဒ်မသုံးခုဖြင့် တရားစွဲဆိုထားကြောင်း အဆိုပါဖြစ်စဉ်နှင့်ပတ်သက်ပြီး နစ်နာသူကလေးငယ်ဘက်မှ လိုက်ပါကူညီလျက်ရှိသည့် Save The Trees Rescue Team အဖွဲ့မှ ကိုကျော်သူရက ပြောကြားသည်။

“အခုတော့ ပုဒ်မ သုံးခုနဲ့ တရားစွဲအမှုဖွင့် ထားတယ်။ ရှေ့နေနဲ့ တိုင်ပင်ပြီး လုပ်စရာရှိ တာတွေလည်း ထပ်လုပ်သွားမယ်” ဟု ကို ကျော်သူရပြောကြားသည်။

အောက်တိုဘာ ၃၁ ရက် အမှုနှင့်ပတ် သက်ပြီး တရားရုံးတွင် တရားခံနှစ်ဦးဖြစ်သည့် ကလေးငယ်ကို မွေးစားသည့် ဖခင်နှင့် မိခင် တို့ကို ရုံးထုတ်ခဲ့ရာတွင် တရားခံများဘက်မှ လိုက်ပါဆောင်ရွက်မည့် တရားလွှတ်တော်ရှေ့နေတစ်ဦးမျှမရှိသဖြင့် ရုံးချိန်းကို နိုဝင်ဘာ ၇ ရက်သို့ ပြန်လည်ချိန်းဆိုခဲ့သည်။

■Website Link >>>https://news-eleven.com/article/297033

စပိန်နိုင်ငံ၏ ဗလင်စီယာဒေသတွင် မိုးများခဲ့ခြင်းကြောင့် ပြင်းထန်ရေကြီးမှုဖြစ်ပေါ်ခဲ့သဖြင့် အနည်းဆုံး ၁၅၈ ဦး သေဆုံး

ဗလင်စီယာဒေသတစ်ခုတည်းမှာပင် သေဆုံးသူ စုစုပေါင်း ၁၅၈ ဦးအထိမြင့် တက်လာစဉ် စပိန်နိုင်ငံအရှေ့ပိုင်း၌ ပြင်းထန်သော ရုတ်တရက်ရေကြီးမှုဖြစ်ပွားခဲ့ပြီး နောက်ကယ်ဆယ်ရေးသမားများသည် အမှိုက်များထဲ ပိတ်မိနေသော အလောင်းရှစ်လောင်းကို အောက်တိုဘာ ၃၁ ရက်တွင် ရှာဖွေတွေ့ရှိခဲ့သည်။

နှစ်ပေါင်းများစွာအတွင်း ဥရောပ၏အ ပြင်းထန်ဆုံး ရေကြီးမှုဖြစ်ပွားခဲ့ပြီးနောက် ဒေသဆိုင်ရာ အာဏာပိုင်များသည် လူဘယ်လောက်စာရင်းပျောက်နေသလဲဆိုသည်ကို ဖော်ပြခြင်းမရှိပေ။ တစ်နိုင်ငံလုံးအတိုင်းအ တာအားဖြင့် သေဆုံးသူစုစုပေါင်း၏နောက် ဆုံးပိတ်စာရင်းမှာ အရေအတွက် အလွန်များပြားနိုင်သည်ဟု စပိန်ကာကွယ်ရေးဝန်ကြီးမာဂါရီတာရိုဘယ်က ပြောကြားခဲ့သည်။

မက်ဒရစ်မြို့ရှိ ဗဟိုအစိုးရသည် ဒေသခံများကို သတိပေးရန်နှင့် ကယ်ဆယ်ရေးအဖွဲ့များကို စေလွှတ်ရန် နှေးကွေးလွန်းစွာ ဆောင် ရွက်ခဲ့ကြသည်ဟု အတိုက်အခံ နိုင်ငံရေးသမားများက စွပ်စွဲခဲ့ကြသည်။

■Website Link >>>https://news-eleven.com/article/297031

နစကဒုတိယဥက္ကဋ္ဌနှင့် တရုတ်နိုင်ငံသံအမတ်ကြီးတွေ့ဆုံပြီး နယ်စပ်ဒေသတည်ငြိမ်အေးချမ်းရေးနှင့် ပြည်တွင်းငြိမ်းချမ်းရေးဆိုင်ရာကိစ္စရပ်များ ဆွေးနွေး

နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌနှင့် မြန်မာနိုင်ငံဆိုင်ရာ တရုတ်နိုင်ငံသံအမတ်ကြီး နေပြည်တော်တွင်တွေ့ဆုံခဲ့ပြီး နယ်စပ်ဒေသတည်ငြိမ်အေးချမ်းရေးနှင့် ပြည်တွင်းငြိမ်းချမ်းရေးဆိုင်ရာကိစ္စရပ်များကို ဆွေးနွေးခဲ့ကြောင်း သိရသည်။

နစက ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီးစိုးဝင်းသည် မြန်မာနိုင်ငံဆိုင်ရာ တရုတ်နိုင်ငံသံအမတ်ကြီး မစ္စမာကျားအား အောက်တိုဘာ ၂၅ ရက်၌ နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌရုံးဧည့်ခန်းမ၌ လက်ခံတွေ့ဆုံခဲ့ကြောင်း သိရသည်။

■ Read More - - - >>> https://news-eleven.com/article/296844

Miss Grand International 2024 ပြိုင်ပွဲတွင် အလှမယ် သဲစုညိမ်း 2nd Runner Up ရရှိ

ထိုင်းနိုင်ငံ၊ဘန်ကောက်မြို့ရှိ MGI Hall တွင် အောက်တိုဘာ ၂၅ ရက်၊ ညပိုင်းက ပြုလုပ်ခဲ့သည့် Miss Grand International 2024 ပြိုင်ပွဲတွင် 2nd Runner Up ဆုကို အလှမယ် သဲစုညိမ်းက ရရှိခဲ့ကြောင်း သိရသည်။

၁၂ ကြိမ်မြောက်ကျင်းပသည့် Miss Grand International 2024 ပြိုင်ပွဲသို့ နိုင်ငံပေါင်း ၇၅ နိုင်ငံမှ နိုင်ငံကိုယ်စားပြု အလှမယ်များ ဝင်ရောက်ယှဉ်ပြိုင်လျက်ရှိပြီး ပြိုင်ပွဲတွင် Winner ဆုကို အိန္ဒိယနိုင်ငံကိုယ်စားပြုအလှမယ်က ရရှိခဲ့ကြောင်း သိရသည်။

ရွှေရောင်းဝယ်ခြင်း ဝန်ဆောင်မှုလုပ်ငန်းကို အရေးကြီး ဝန်ဆောင်မှုအဖြစ်သတ်မှတ်

ရွှေရောင်းဝယ်ခြင်းလုပ်ငန်းကို အရေးကြီးဝန်ဆောင်မှုအဖြစ် သတ်မှတ်ကြောင်း သယံဇာတနှင့်သဘာဝပတ် ဝန်းကျင်ထိန်းသိမ်းရေးဝန်ကြီးဌာနက အောက်တိုဘာ ၂၅ ရက်တွင် အမိန့်ထုတ်ပြန်ခဲ့သည်။

ပြည်ထောင်စုအစိုးရအဖွဲ့သည် အရေးကြီးကုန်စည်နှင့် ဝန်ဆောင်မှုဥပဒေပုဒ်မ ၄၊ ပုဒ်မခွဲ(ဂ)အရ ဓာတ်သတ္တု(ရွှေ)ရောင်းဝယ်ခြင်း ဝန်ဆောင်မှုလုပ်ငန်းကို အရေးကြီးဝန်ဆောင်မှုအဖြစ် သတ်မှတ်ကြေညာပြီး ယင်းဝန်ဆောင်မှုနှင့် သက်ဆိုင်သည့် ကိစ္စရပ်များနှင့်စပ်လျဉ်း၍ တားမြစ်မိန့်၊ စည်းမျဉ်းသတ်မှတ်မိန့် ကြီးကြပ်မိန့်၊ ကာကွယ်မိန့်နှင့် လိုအပ်သလို ဆောင်ရွက်စေသည့် အမိန့်ထုတ်ပြန်နိုင်ခွင့်တို့ကို သယံဇာတနှင့်သဘာဝပတ်ဝန်းကျင်ထိန်းသိမ်းရေး ဝန်ကြီးဌာနအား အပ်နှင်း လိုက်ကြောင်း အောက်တိုဘာ ၂၄ ရက်တွင် အမိန့်ကြော်ငြာစာအမှတ် (၃၅/၂၀၂၄)ဖြင့် ထုတ်ပြန်ခဲ့သည်။

■Website Link >>> https://news-eleven.com/article/296842

အောက်တိုဘာ ၂၅ ရက်နေ့ ညပိုင်းသတင်းအစီအစဉ်

- လှိုင်မြို့နယ်တွင် ကျပ်သိန်းနှစ်သောင်းခွဲကျော်တန်ဖိုးရှိ ရွှေထည်ပစ္စည်း ၅ ပိဿာကျော်နှင့် ကျပ်သိန်း ၅ဝ အား သေနတ် ပြ ခြိမ်းခြောက်ရိုက်နှက်၍ လုယက်သူသုံးဦးအား သက်သေခံပစ္စည်း၊ ငွေများနှင့်အတူ ဖမ်းဆီးရမိ
- YUPT အနေဖြင့် ၂၀၂၃-၂၀၂၄ ဘဏ္ဍာနှစ်တွင် အမြတ်ငွေကျပ် ၂ ဒသမ ၆၃၃ ဘီလျံကျော် စတင်ရရှိခဲ့ပြီး ရှယ်ယာရှင် များကို လာ မည့် သုံးနှစ်ကျော်ခန့်မှသာ အမြတ်ဝေစု ထုတ်ပေးနိုင်မည်
- အစ္စရေးက ဟစ်ဇဘိုလာ၏ ဘေရွတ်တောင်ပိုင်းအမာခံနယ်မြေကို ညအချိန်တွင် လေကြောင်းတိုက်ခိုက်မှု အများအပြား လုပ် ဆောင်
- မြောက်ကိုရီးယား၏ အမှိုက်များပါရှိသည့် မိုးပျံပူဖောင်းတစ်လုံး တောင်ကိုရီးယားသမ္မတရုံးဝင်းအတွင်းသို့ ကျရောက်
- လီဗာပူးလ်ကို ရှုံးနိမ့်လျှင် ချန်ပီယံပြေးလမ်းမှထွက်ရလိမ့်မည်ဟု အာဆင်နယ်ကို ပေါလ်မာဆင် သတိပေး

အောက်တိုဘာ ၂၅ ရက် နောက်ဆုံးရညနေခင်းသတင်း (တိုက်ရိုက်ထုတ်လွှင့်မှု)

■ ဗိုလ်ချုပ်မှူးကြီးသန်းရွှေ (ငြိမ်း) ၏ သားမက်ဖြစ်သူ ဒေါက်တာနေစိုးမောင်အား ပြည်ကြီးတံခွန်မြို့မရဲစခန်းတွင် အမှုဖွင့်ဖမ်းဆီး

■ ဘတ္ထရီအားသွင်းမီးလုံး အားသွင်းထားရာမှ အပူလွန်ကဲပြီး မီးလောင်မှု မန္တလေးမြို့တွင်ဖြစ်ပွား

■ ဂါဇာစစ်ပွဲပြီးဆုံးစေရေးဆွေးနွေးရန် အမေရိကန်နိုင်ငံခြားရေးဝန်ကြီး ကာတာသို့ ရောက်လာ

■ မန်စီးတီးအသင်း ချန်ပီယံလိဂ်ရှုံးပွဲမရှိစံချိန်သစ်တင်ခဲ့ပြီး လီဗာပူးလ်အသင်း ရာသီအဖွင့်အဝေးကွင်း (၆) ပွဲဆက် အနိုင်ရ

နိုဝင်ဘာ ၅ ရက် ရွေးကောက်ပွဲမတိုင်မီ အမေရိကန်ပြည်နယ်အချို့၌ ကြိုတင်မဲပေသူ ၂၈ သန်းကျော်ရှိ

မဲဆန္ဒရှင် ၂၈ သန်းကျော်သည် အကြိမ် ၆၀ မြောက်အမေရိကန်သမ္မတရွေးကောက်ပွဲအတွက် ကြိုတင်မဲများပေးခဲ့ကြသည်ဟု သိရသည်။

လူ ၂၈ ဒသမ ၆ သန်းသည် ကြိုတင်မဲပေးခွင့်ရှိသော ပြည်နယ်များတွင် အောက်တိုဘာ ၂၄ ရက်တွင် မဲပေးခဲ့ကြသည်ဟု ဆိုသည်။

နိုဝင်ဘာ ၅ ရက် သမ္မတရွေးကောက်ပွဲမတိုင်မီ ယင်းသို့ကြိုတင်မဲပေးခဲ့ကြခြင်းဖြစ်သည်ဟု သိရသည်။ ကြိုတင်မဲပေးသူ ၄၃ ရာခိုင်နှုန်းသည် ဒီမိုကရက်တစ်များအဖြစ် မှတ်ပုံတင်ထားကြသူမျာဖြစ်ပြီး ရီပတ်ဘလီကင်များအဖြစ် မှတ်ပုံတင်ထားသူအရေအတွက်မှာ ၃၉ ရာခိုင်နှုန်းဖြစ်သည်ဟု အချက်အလက်များအရ သိရသည်။

■ Read More - - - >>> https://news-eleven.com/article/296833

ဒီဂျစ်တယ်မှုခင်းသိပ္ပံဓာတ်ခွဲခန်း အဆင့်မြှင့်တင်ရေးစီမံချက်အပါအဝင် မြန်မာနှင့်အိန္ဒိယံတို့အကြား မြန်ဆန်အကျိုးဖြစ်ထွန်းစေမည့် စီမံချက်များအကောင်အထည်ဖော်ဆောင်ရွက်ရန် နားလည်မှုစာချွန်များ လက်မှတ်ရေးထိုး

အိန္ဒိယနည်းပညာနှင့် စီးပွားရေးပူးပေါင်းဆောင်ရွက်မှုအစီအစဉ်၏ နှစ်(၆၀) ပြည့် အထိမ်းအမှတ်အခမ်းအနားကို အောက်တိုဘာ ၂၄ ရက်က နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန-၂ ၌ ကျင်းပခဲ့ရာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီးမင်းအောင်လှိုင် တက်ရောက်ခဲ့ပြီး ယင်းအခမ်းအနားတွင် နှစ်နိုင်ငံပူးပေါင်းဆောင်ရွက်ရေး စီမံချက်များနှင့်ပတ်သက်ပြီး နားလည်မှုစာချွန်လွှာများ လက်မှတ်ရေးထိုးခဲ့ခြင်းဖြစ်သည်။


■ Read More - - - >>> https://news-eleven.com/article/296832

■ စင်ကာပူဝန်ကြီးချုပ်ဟောင်း လီကွန်ယု၏ အငယ်ဆုံးသား ဗြိတိန်တွင် နိုင်ငံရေးခိုလှုံခွင့် ရရှိ

စင်ကာပူဝန်ကြီးချုပ်ဟောင်း လီကွန်ယု၏ အငယ်ဆုံး သား ဖြစ်ပြီး စင်ကာပူဝန်ကြီးချုပ်ဟောင်း လီရှန်လွန်း၏ ညီဖြစ်သူ လီရှန်ယန်းက သူသည် ဗြိတိန်နိုင်ငံတွင် နိုင်ငံရေး ခိုလှုံခွင့်ရရှိပြီဖြစ်ကြောင်း အောက်တိုဘာ ၂၂ ရက်က ပြောကြားခဲ့သည်။

လီရှန်ယန်းက သူသည် စင်ကာပူတွင် နှိပ်စက်ခံရမည့်အရေးမှ ရှောင်ရှားနိုင်ရန် ဗြိတိန်အစိုးရက သူ့ကို နိုင်ငံရေးခိုလှုံခွင့်ပေးခဲ့ခြင်းဖြစ်ကြောင်း ပြောသည်။လီရှန်လွန်းနှင့် လီရှန်ယန်းတို့သည် ခေတ်သစ် စင်ကာပူနိုင်ငံကိုထူထောင်သည့် လီကွန်ယု၏ သားများဖြစ်သည်။ညီအစ်ကိုနှစ်ဦးသည် ကွန်လွန်သူဖခင်ကြီး လီကွမ်ယု၏ အမွေဆိုင်အိမ်နှင့်ပတ်သက်ပြီး ၂၀၁၇ ခုနှစ်ကတည်းက လူသိရှင်ကြား စိတ်ဝမ်းကွဲခဲ့ပြီး လီရှန်ယန်းက စင်ကာပူအစိုးရသည် ၎င်း၏ဇနီးသည်နှင့် သားဖြစ်သူအပါအဝင် ၎င်းတို့မိသားစုကို ဖိနှိပ်ခဲ့ကြောင်း စွပ်စွဲခဲ့သည်။

ထို့ပြင် လီရှန်ယန်းနှင့် ယခုလအစောပိုင်းက ကွယ်လွန်သွားခဲ့သည့် အစ်မဖြစ်သူ လီဝေလျင်တို့က အစ်ကိုအကြီးဆုံးဖြစ်သည့် လီရှန်လွန်းသည် ဖခင်ဖြစ်သူ၏ အမွေဆိုင်အိမ်ကို ဖြိုဖျက်မည့် ၎င်းတို့၏ ဆန္ဒကို အာဏာအလွဲသုံးပြီး တားဆီးခဲ့သည်ဟုလည်း စွပ်စွဲခဲ့သည်။လီရှန်ယန်းက သူ့အတွက် နောက်ဆုံးအားကိုးရာတစ်ခုအဖြစ် ၂၀၂၂ ခုနှစ်တွင် ဗြိတိန်၌ နိုင်ငံရေးခိုလှုံခွင့်တောင်ခံခဲ့ခြင်းဖြစ်ကြောင်း အောက်တိုဘာ ၂၂ ရက်က Facebook တွင် ရေးသားဖော်ပြခဲ့သည်။စင်ကာပူအစိုးရသည် ၎င်းအား ထိုးနှက်ခဲ့သည့် မှတ်တမ်းများ လူသိရှင်ကြားရှိခဲ့ကြောင်း၊ ၎င်း၏ သားဖြစ်သူနှင့် ဇနီးသည်ကိုလည်း ဖိနှိပ်မှုများရှိခဲ့ကြောင်းနှင့် စင်ကာပူကိုဘေးကင်းလုံခြုံစွာမပြန်နိုင်သည့်အတွက် ဗြိတိန်အစိုးရက နိုင်ငံရေးခိုလှုံခွင့်ပေးခဲ့ခြင်းဖြစ်ကြောင်းလည်း လီရှန်ယန်းက ရေးသားခဲ့သည်။

ထို့ပြင် သူသည် စင်ကာပူနိုင်ငံသားတစ်ဦးဖြစ်သည့်အတွက် တစ်နေ့နေ့တွင် စင်ကာပူသို့ ဘေးကင်းစွာ ပြန်လည်နေထိုင်ခွင့်ရရှိရန်လည် မျှော်လင့်ထားကြောင်း လီရှန်ယန်းက Facebook တွင် ရေးသားခဲ့သည်။

■ Ref: AP

■ Photos- AP, Reuters

ပြည်ပရောက် မြန်မာဂျာနယ်လစ်များနှင့် ပြည်တွင်း မြန်မာဂျာနယ်လစ်များအတွက် နယ်စည်းမခြားသတင်းထောက်များ (RSF) ၏ စီမံချက်အသစ် စတင်

ပြည်ပရောက်မြန်မာဂျာနယ်လစ်များနှင့် ပြည်တွင်း မြန်မာဂျာနယ်လစ်များအတွက် နယ်စည်းမခြားသတင်းထောက်များ (RSF) ၏ စီမံချက်အသစ်ကို စတင်လိုက်သည်ဟု သိရ သည်။
မြန်မာသတင်းလွတ်လပ်ခွင့်စီမံချက်ကို ၂၀၂၄ ခုနှစ် အောက်တိုဘာ ၁၉ ရက်တွင် ထိုင်းနိုင်ငံ ချင်းမိုင်မြို့၌ စတင်ခဲ့သည်။

ချင်းမိုင်သည် ပြည်ပရောက် မီဒီယာသမား အများစု အဓိကအခြေစိုက်ရာနေရာဖြစ်သည်။
RSF အထွေထွေဒါရိုက်တာ သီဘောက်ဘရွတ်တင် ဦးဆောင်သော ယင်းအစီအစဉ် သည် မြန်မာဂျာနယ်လစ်အများအတွက် မုချလိုအပ်သော တန်ဆာပလာများနှင့်သင်တန်းပေးခြင်းတို့ကို ဆောင်ရွက်ပေးမည်ဖြစ်သည်။

မြန်မာဂျာနယ်လစ်များကို လပ်တော့ပ် များ၊ မိုဘိုင်းဖုန်းများ၊ ဆိုလာဘက်ထရီများ၊ ဒစ်ဂျစ်တယ် လုံခြုံရေး တန်ဆာပလာများ ပံ့ ပိုးပေးမည်ဖြစ်သည်။



■ Read More - - - >>> https://news-eleven.com/article/296720

■ ကိုရီယားနိုင်ငံသို့ သွားရောက် လုပ်ကိုင်ရန် ဖြေဆိုခဲ့သည့် EPS TOPIK ကုန်ထုတ်လုပ်ငန်း ပထမသုတ်စာမေးပွဲတွင် ဖြေဆိုသူ ၄၈၀၀၀ အနက် ၅၅၄၀ ဦးသာ အောင်မြင်ပြီး အမှတ်ပြည့် ၁၀၀ ၌ ၉၇ ဒသမ ၅ မှတ်ဖြင့် စံချိန်တင်အောင်မှတ်ဖြတ်

ကိုရီယားနိုင်ငံသို့ သွားရောက်လုပ်ကိုင်ရန် ဖြေဆိုခဲ့သည့် EPS TOPIK ကုန်ထုတ်လုပ်ငန်း ပထမသုတ်စာမေးပွဲတွင် ဖြေဆိုသူ ၄၈၀၀၀ အနက် ၅၅၄၀ ဦးသာ အောင်မြင်ပြီး အမှတ်ပြည့် ၁၀၀ ၌ ၉၇ ဒသမ ၅ မှတ်ဖြင့် စံချိန်တင်အောင်မှတ်ဖြတ်ခဲ့ကြောင်း စာမေးပွဲဖြေဆိုခဲ့သူများထံမှ သိရသည်။

ထိုကဲ့သို့ စံချိန်တင်ပြီး မြင့်မားသည့် အမှတ်ဖြင့် အောင်မှတ်ဖြတ်ခဲ့ခြင်းအတွက် စာမေးပွဲဆိုခဲ့သူများမှာ မယုံနိုင်ဖွယ်ဖြစ်ခဲ့ကြောင်း သိရသည်။

"ဒီနှစ်က အောင်မှတ်ဖြတ်တာကြီးက အရမ်းကြမ်းတယ်ဗျာ။ အပုဒ် ၄၀၊ အမှတ် ၄၀ ကို ၂ ဒသမ ၅ မှတ်နဲ့ ‌မြှောက်တာဗျာ။ အဲတော့ အမှတ် ၁၀၀ ပေါ့။ အဲဒီအမှတ် ၁၀၀ မှာမှ ၉၇ ဒသမ ၅ မှတ်နဲ့ အောင်မှတ်ဖြတ်သွားတာဆိုတော့ အတော်ကြမ်းတယ်ပြောရမယ်။ ဖြေတဲ့သူတွေလည်း အရမ်းများတော့ စာရတဲ့သူတွေများသွားတာလည်း ပါမှာပေါ့" ဟု ကုန်ထုတ်လုပ်ငန်းဖြေဆိုခဲ့သူတစ်ဦးက ပြောကြားသည်။

ဆက်လက်ပြီး သာကေတမြို့နယ်တွင် နေထိုင်သည့် ဖြေဆိုသူတစ်ဦးက နှစ်နှစ်ကျော်လောက် ကြိုးစားခဲ့သော်လည်း ၉၂ ဒသမ ၅ မှတ်ဖြင့် ကျခဲ့သည့်အတွက် စိတ်မကောင်းများစွာဖြစ်ရကြောင်း ပြောကြားသည်။

"ကျွန်တော်ဆို ၂ နှစ်ကျော်လောက် အချိန်ပေးခဲ့ရတာဗျာ။ စာမေးပွဲမှာ သုံးပုဒ်မှားခဲ့တယ်။ အရင်နှစ်တွေဆို ဒီအမှတ်လောက်ကတော့ အေးဆေးအောင်တယ်။ ခုနှစ်ကတော့ တစ်ပုဒ်ပဲ မှားခွင့်ရှိတဲ့ အမှတ်ကြီးနဲ့ ဖြတ်ချလိုက်တာ ခံရခက်လိုက်တာဗျာ။ တော်တော်လည်း ဝမ်းနည်းရပါတယ်။ ၉၅ မှတ် ရတဲ့သူတွေဆို ပိုဝမ်းနည်းမှာပေါ့။ သူတို့ဆို တစ်မှတ်ထဲနဲ့ ကျန်ခဲ့ရတာ။ နောက်တစ်ချိန်စာမေးပွဲကို ထပ်စောင့်ရတော့မှာပေါ့ဗျာ" ဟု ယင်းသာကေတမြို့နယ်တွင် နေထိုင်သူက ပြောကြားသည်။

အချို့သော စာမေးပွဲ‌ဖြေဆိုသူများမှာ သင်တန်းကြေး၊ အဆောင်ကြေး၊ စားစရိတ်ကြေးများဖြင့် နယ်မှလာ၌ ဖြေဆိုခဲ့ရသည့်အတွက် စရိတ်ခများစွာ ကုန်ကျခဲ့ရပြီး ယခုကဲ့သို့ အမှတ်ဖြတ်ကြမ်းရာတွင် ၁ မှတ်ဖြင့် ကပ်ကျသူများ များစွာရှိကြောင်း ဗိုလ်တစ်ထောင်မြို့နယ်တွင် နေထိုင်သည့် ဖြေဆိုသူတစ်ဦးက ပြောကြားသည်။

အဆိုပါ EPS TOPIK ကုန်ထုတ်လုပ်ငန်း ပထမသုတ်စာမေးပွဲကို ဇွန် ၃ ရက်မှ အောက်တိုဘာ ၁၅ ရက်ထိ (ထပ်တိုးဖြေဆိုသူများအပါအဝင်) ဖြေဆိုခဲ့ရပြီး စုစုပေါင်းဖြေဆိုသူဦး‌ရေ ၄၈၀၀၀ တွင် အောင်မြင်သူဦးရေ ၅၅၄၀ ရှိခဲ့ကြောင်း သိရသည်။

ဆက်လက်ပြီး အောင်မြင်သူများသည် Skill Test ထပ်မံ‌ဖြေဆိုရမည်ဖြစ်ကြောင်း၊ ဖြေဆိုရန် ကျန်ရှိနေသည့် ဒုတိယသုတ် စာမေးပွဲကို ၂၀၂၅ ခုနှစ် နှစ်ဆန်းပိုင်းတွင် ဖြေဆိုရမည်ဖြစ်ကြောင်း အစိုးပြည်ပအလုပ်အကိုင်အေဂျင်စီမှ သိရသည်။

■ Read More - - - >>> https://news-eleven.com/article/296719

ရုရှားနိုင်ငံက လက်ခံကျင်းပသည့် BRICS အုပ်စု၏ သုံးရက်ကြာ ထိပ်သီးအစည်းအဝေးကို ကမ္ဘာ့ခေါင်းဆောင် ၂၄ ဦး တက်ရောက်

ကမ္ဘာ့ခေါင်းဆောင် ၂၄ ဦးသည် BRICS အုပ်စု၏သုံးရက်ကြာ ထိပ်သီးအစည်းအဝေး၏ဖွင့်ပွဲအတွက် အောက်တိုဘာ ၂၂ ရက်တွင် ရုရှားနိုင်ငံကိုရောက်ရှိလာခဲ့ကြသည်။

BRICS (ဘရစ်)အုပ်စုသည် ထွန်းသစ်စစီးပွားရေးနိုင်ငံများ၏မဟာမိတ်အဖွဲ့ဖြစ်ပြီး ယင်းအဖွဲ့က အနောက် ကြီးစိုးမှုကို စိန်ခေါ်မည့် အဖွဲ့ဖြစ်လာလိမ့်မည်ဟု ကရင်မလင်က မျှော်လင့်ထားသည်။

ရုရှားက ယူကရိန်းကို ကျူးကျော်ခဲ့ပြီး နောက်ပိုင်းရုရှားနိုင်ငံတွင် ပြုလုပ်သော အစည်းအဝေးကြီးဖြစ်သည့် ဤထိပ်သီးအစည်းအဝေးသည် အနောက်အုပ်စုက ရုရှားကို အထီးကျန်ဖြစ်အောင်လုပ်ဆောင်မှု အချိန် နှစ်နှစ်ခွဲကျော်ကြာမြင့်လာချိန်တွင် အောင်မြင်မှုမရဆိုသည်ကို ပြသမည့်အစည်းအဝေးဖြစ်သည်။


■Website Link >>> https://news-eleven.com/article/296718
■Photo: AFP

တရုတ်စစ်တပ်က ထိုင်ဝမ်ကျွန်းအနီး၌ ကျည်ဆန်အစစ်အသုံးပြုသော စစ်ရေးလေ့ကျင့်မှုကို အောက်တိုဘာ ၂၂ ရက်တွင် လုပ်ဆောင်

အောက်တိုဘာ ၂၂ ရက်တွင် တရုတ် စစ်တပ်က ထိုင်ဝမ်အနီး၌ ကျည်ဆန်အစစ် အသုံးပြုသော စစ်ရေးလေ့ကျင့်မှုကို စတင်လုပ်ဆောင်ခဲ့သည်။

အကြီးစား စစ်ရေးလေ့ကျင့်မှုကို လုပ်ဆောင်ခဲ့ပြီးနောက် မိမိဘာသာအုပ်ချုပ်နေသော ထိုင်ဝမ်ကို ဖိအားပေးရန်လည်းကောင်း၊ သမ္မတရှီကျင်းပင်က စစ်ပွဲအတွက် စစ်သားများ ပြင်ဆင်ထားရန်လည်းကောင်း ပြောကြားခဲ့ပြီးနောက် တရုတ်စစ်တပ်က ယခုစစ်ရေးလေ့ကျင့်မှုကို လုပ်ဆောင်ခြင်းဖြစ်သည်။

တရုတ်ကွန်မြူနစ်ပါတီသည် ထိုင်ဝမ်ကျွန်းကို အုပ်ချုပ်ခြင်းမရှိသော်လည်း ထိုင်ဝမ်သည် ၎င်း၏နယ်မြေဖြစ်သည်ဟု ပြောဆိုထားသည်။ ထိုင်ဝမ်ကို ၎င်း၏ထိန်းချုပ်မှုအောက်သို့ ရောက်လာစေရေးအတွက် အင်အားအသုံးပြုမည့်ကိစ္စအား ဘယ်တော့မျှ ငြင်းပယ်မည်မဟုတ်ဟု ပြောကြားထားသည်။


■Website Link >>> https://news-eleven.com/article/296716
■Photo: AFP

သြစတြေးလျက နည်းပညာမြင့် အမေရိကန်ဒုံးကျည်သစ်များကို ဒေါ်လာ ၄ ဒသမ ၇ ဘီလျံဖြင့် ဝယ်ယူမည်

အာရှ-ပစိဖိတ်တွင် စစ်ရေးတင်းမာမှုများ လျင်မြန်စွာ အရှိန်မြင့်တက်လာချိန်တွင် သြစတြေးလျက ၎င်း၏ရေတပ်ကို အမေရိကန်လုပ် နောက်ဆုံးပေါ်တာလတ်ပစ် ဒုံးကျည်များနှင့် တာဝေးပစ်ဒုံးကျည်များဖြင့် လက်နက်တပ်ဆင်ရန် အမေရိကန်ဒေါ်လာ ၄ ဒသမ ၇ ဘီလျံတန်ကြေးရှိသော သဘောတူစာချုပ်ကို အောက်တိုဘာ ၂၂ ရက်တွင် ကြေညာခဲ့သည်။


■Website Link >>> https://news-eleven.com/article/296717
■Photo: AFP

အာဖရိကနိုင်ငံများတွင် mpox ရောဂါကြောင့် သေဆုံးသူ ၁၀၀၀ ကျော်ရှိလာ

အာဖရိကတွင် mpox ရောဂါနှင့်ဆက်နွှယ်၍ သေဆုံးသူ ၁,၀၀၀ ကျော်အထိ ရှိလာကြောင်း အာဖရိက၏ ထိပ်သီးပြည်သူ့ကျန်းမာရေး အေဂျင်စီအကြီးအကဲက အောက်တိုဘာ ၁၇ ရက်တွင် ပြောကြားခဲ့သည်။

လွန်ခဲ့သည့် သီတင်းပတ်က mpox နှင့် ဆက်နွှယ်၍ သေဆုံးသူ ၅၀ ရှိခဲ့သောကြောင့် mpox နှင့်ဆက်နွှယ်၍ သေဆုံးသူ စုစုပေါင်း ၁,၁၀၀ အထိ မြင့်တက်လာခဲ့ကာ နိုင်ငံပေါင်း ၅၅ နိုင်ငံပါဝင်သည့် အာဖရိကတိုက်၏ ၁၈ နိုင်ငံတွင် လက်ရှိ ကြုံတွေ့ဖြစ်ပွားနေသော ကူးစက်မှုများကို တားဆီးနိုင်ရန် စိန်ခေါ်မှုတစ်ရပ်နှင့် ရင်ဆိုင် ကြုံတွေ့နေရကြောင်း အာဖရိက ရောဂါထိန်းချုပ်ရေးနှင့် ကာကွယ်ရေးစင်တာ၏ ညွှန်ကြားရေးမှူးချုပ် ယန်းကာဆီရာက ဆိုသည်။

“ဒီကူးစက်မှုတွေကို ဆက်လက်တိုက်ဖျက်နေပါတယ်။ အာဖရိကနိုင်ငံတွေ အားလုံးကူးစက်သွားမှာကို မဖြစ်စေချင်ပါဘူး”ဟု ကာဆီရာက ဆိုသည်။

ယခင်က မျောက်ကျောက်ရောဂါဟုလူ သိများခဲ့သော mpox သည် ရေကျောက်ကဲ့သို့ ဗိုင်းရပ်စ်များနှင့် တူညီသော မျိုးနွယ်စုတစ်စုထဲမှ ပေါ်ပေါက်လာခြင်းဖြစ်သည်။

Ref:AFP

■ Website Link - - - >>>https://news-eleven.com/article/296614

တောင်ကိုရီးယားသည် ရန်လိုသည့်ပြည်ပနိုင်ငံဖြစ်ပြီး နှစ်နိုင်ငံပြန်လည်ပေါင်းစည်းရေးအယူအဆကို စွန့်လွှတ်ကြောင်း မြောက်ကိုရီးယားခေါင်းဆောင် ကင်ဂျုံအွန်က မြောက်ကိုရီးယားစစ်သားများကို ပြောကြား

တောင်ကိုရီးယားသည် ရန်လိုသည့် ပြည်ပနိုင်ငံဖြစ်ပြီး နှစ်နိုင်ငံပြန်လည်ပေါင်းစည်းရေး အယူအဆကို စွန့်လွှတ်ကြောင်း မြောက်ကိုရီးယားခေါင်းဆောင် ကင်ဂျုံအွန်က မြောက်ကိုရီးယား စစ်သားများကို ပြော ကြားခဲ့ကြောင်း နိုင်ငံပိုင်မီဒီယာ KCNA သတင်းအေဂျင်စီက အောက်တိုဘာ ၁၈ ရက်တွင် ဖော်ပြခဲ့သည်။

“ကျွန်တော်တို့ စစ်တပ်အနေနဲ့ တောင်ကိုရီးယားကို ပြည်ပနိုင်ငံဖြစ်ပြီး ရန်လိုတဲ့ နိုင်ငံဖြစ်တယ်ဆိုတဲ့ အချက်ကို အမြဲတမ်းစိတ်ထဲမှာ စွဲမြဲနေအောင် မှတ်ထားသင့်ပါတယ်”ဟု ကင်က မြောက်ကိုရီးယားစစ်တပ်၏ အမှတ် ၂ တပ်မကို ပြောကြားခဲ့သည်။

မြောက်ကိုရီးယားစစ်တပ်သည် ရန်လိုသည့်နိုင်ငံကို ဆန့်ကျင်ရာတွင် လိုအပ်လာမည်ဆိုပါက တစ်နည်တည်းသားအဖြစ် သတ်မှတ်မည်မဟုတ်ဘဲ ပြန်လည်တိုက်ခိုက်သွားမည်ဟုလည်း ကင်က ပြောကြားခဲ့ကြောင်း KCNA က ဖော်ပြခဲ့သည်။

■ Read More - - - >>>https://news-eleven.com/article/296612

ယူကရိန်းစစ်ပွဲတွင် မြောက်ကိုရီးယားစစ်သား ၁၀၀၀၀ ခန့် ရုရှားတပ်ဖွဲ့များနှင့်ပူးပေါင်းရန် ပြင်ဆင်နေကြောင်း ယူကရိန်းသမ္မတ ပြောကြား

ယူကရိန်းနှင့်ရုရှားစစ်ပွဲအတွင်း မြောက်ကိုရီးယားစစ်သား ၁၀၀၀၀ ခန့် ရုရှားတပ်ဖွဲ့များနှင့် ပူးပေါင်းရန် ပြင်ဆင်နေကြောင်း ထောက်လှမ်းရေးသတင်းကို ရရှိခဲ့သည်ဟု ယူကရိန်းသမ္မတ ဗိုလိုဒီမာ ဇယ်လန်စကီးက အောက်တိုဘာ ၁၇ ရက်တွင် ပြောကြားခဲ့သည်။

ယူကရိန်းပဋိပက္ခတွင် တတိယနိုင်ငံ ပါဝင်လာမည်ဆိုပါက ကမ္ဘာစစ်အဖြစ် ပြောင်းလဲသွားနိုင်ကြောင်းလည်း ၎င်းက သတိပေးခဲ့သည်။

မြောက်ကိုရီးယားစစ်တပ်သည် ယူကရိန်းစစ်ပွဲအတွင်း ရုရှားကို စစ်ရေးအကူအညီများပေးနေကြောင်း၊ သို့သော် ရုရှားထံ မြောက်ကိုရီးယားစစ်သားများ စေလွှတ်နေသည်ဆိုသည့် ယူကရိန်း၏ ပြောကြားချက်များ ကိုအတည်မပြုနိုင်ကြောင်း အမေရိကန်လက်ထောက်နိုင်ငံခြားရေးဝန်ကြီး ကတ်ကမ့်ဘဲလ် ကပြောကြားခဲ့ပြီးနောက် တစ်ရက်အကြာတွင် ဇယ်လန်စကီး၏ ပြောကြားချက် ထွက်ပေါ်လာခဲ့ခြင်းဖြစ်သည်။

■ Read More - - - >>>https://news-eleven.com/article/296609

ဟားမာ့စ်အကြီးအကဲဆင်ဝါသည် ဦးခေါင်း သေနတ်ဒဏ်ရာဖြင့်သေဆုံးသွားခဲ့သည်ဟု နယူးယောက်တိုင်း(မ်)သတင်းစာ ‌ဖော်ပြ

ဟားမာ့စ်ခေါင်းဆောင်ရာယာဆင်ဝါသည် ဦးခေါင်းသေနတ်ဒဏ်ရာဖြင့် သေဆုံးသွားခြင်းဖြစ်သည်ဟု အစ္စရေးက ၎င်း၏အလောင်းကို ခွဲစိတ်စစ်ဆေးရာတွင်တွေ့ရှိခဲ့ကြောင်း အောက်တိုဘာ ၁၈ ရက်တွင် နယူယောက်တိုင်း(မ်)သတင်းစာက ဖော်ပြခဲ့သည်။

ဆင်ဝါသည် ဒုံးကျည် သို့မဟုတ် တင့်ကားကျည်ဆန်၏အပိုင်းအစတို့ ထိမှန်ခဲ့သဖြင့် ဦးစွာဒဏ်ရာရရှိခဲ့သည်ဟု အလောင်းခွဲစိတ်မှုကို ကြီးကြပ်လုပ်ဆောင်ခဲ့သောဒေါက်တာချန်ကူဂျယ်က နယူးယောက်တိုင်း(မ်)သတင်းစာကို ပြောကြားခဲ့သည်။

ထို့နောက် ဟားမာ့စ်ခေါင်းဆောင်သည်လက်ကို သွေးတိတ်စေရန် ယာယီပတ်တီးအစား ဝိုင်ယာကြိုးဖြင့်ချည်ထားသည်ဆိုသော်လည်း ယင်းသို့ချည်ထားခြင်းက ခိုင်ခိုင်ခံ့ခံ့မဖြစ်တော့ကြောင်း၊လက်ဖျံသည် ကြေသွားပြီဖြစ်ကြောင်း အစ္စရေး အမျိုးသားမှုခင်းဆေးပညာအင်စတီကျု၏ ညွှန်ကြားရေးမှူးဖြစ်သော ဒေါက်တာကူဂျယ်က ပြောကြားခဲ့သည်။


■ Website Link - - - >>> https://news-eleven.com/article/296607
■Photo: AFP