ተቅዋ የሱና እና የተውሒድ ቻናል

ሷሊህ የሆኑ ሰዎች ከወንጀል ነፃ አይምሰሉህ!
ኢብኑል ቀይም እንዲህ ይላሉ:—
"ሷሊህ የሆኑ ሰዎች ከወንጀል የነፁ ይመስሉሃልን!? (አይደሉም) ነገር ግን እነሱ (ወንጀልን ሲፈፅሙ) ገሀድ ከማውጣት ስለደበቁ፣ መሀርታን ሰለለመኑ እና በወንጀል ላይ ስላልዘወተሩ ፣ ወንጀል ስለመስራታቸው ምክንያትን ከመደርደር ጥፋታቸውን ስላመኑና ፀያፍ ነገር ከፈፀሙ በኋላ መልካምን ሰለሚያሰከትሉ እንጂ::"
ከሰለፎች አንዱ:— (አንተ ከዲንህ ጋር እንዴት ነህ?) ተብለው ተጠየቁ:—
እሳቸውም እንዲህ ሲሉ መለሱ:—

(ኢማኔን ወንጀሎቼ እየበጣጠሱት እኔም በኢስቲግፋር እየጠጋገንኩተ አለሁ።) አለ ይባላል።
ውዶቼ:— እኛም ከወንጀል የፀዳን አይደለንም እና ኢስቲግፋር የኢማናችን መጠገኛ ይሁነን።

እህቴ ሆይ ጥብቅ ሁኚ!!

የንጉሱ ሚስት ዩሱፍን በመፈተን
አላገኘችውም። ነገር ግን የሹዐይብ
ልጅ ሐያእ በማድረጓ ሙሳን ማግኘት
ችላለች!! ሀያእ ይኑርሽ እህቴ!!

➧ታላቁ ዓሊም ዐብዱል ዐዚዝ ኢብኑ ባዝ አላህ ይማራቸውና እዲህ ይላሉ‼️

➺ አንተ እኮ ልትበላና ልትጠጣ አይደለም የተፈጠርከው። ህንፃ ዎችን ልትገነባ ፣ ዛፎችን ልትተክል ፣ ወንዞችን ልትሰነጥቅ ፣ ለወሲባዊ ግንኙነት ወይም ለሌላ አልተፈጠርክም። በፍፁም! አንተ የተፈጠርከው ጌታህን እንድታመልክ ነው ። አንተ የተፈጠርከው በትዛዙ ላይ እንድትፀና እና መልክተኛውን ﷺ እንድትከተል ነው ። የተፈጠርከው ለዚህ ነው ። በምድር ላይ ያለ ነገር ሁሉ አላህን ለመታዘዝ ፣ እሱን ከማመፅም ለመራቅ እንድትታገዝበት ነው የተፈጠረው ። እንጂ ለስሜትህ እንድትታገዝበት አይደለም የተፈጠረው ።[ አል ፈተዋ ፡ 7/98]

☑️ ኢልም (እውቀት) ማለት፦
🔹የቀልብ ምግብ
🔹የቀልብ መጠጥ
🔹የቀልብ መድሀኒት
🔹የቀልብ ህይወት ሲሆን
🔹በአጠቃላይ የቀልብ መስተካከልም ሆነ መበላሸት በእውቀቱ ልክ የተመሰረተ ይሆናል።

☑️ ቀልብ ህያው የሚሆነውና የሚለመልመው በእውቀት ሲሆን። የሚደርቀውና የሚሞተው ደግሞ ለእውቀት በመራቁ ይሆናል

http://t.me/Sadik_Ibnu_Heyru

ሸይኽ_ዓብዱረዛቅ_አልበድር ሐፊዞሁሏህ እንዲህ ይላሉ : -

«ሸይጧን ማለት ልክ እንደ መንገድ ቆራጭ (ሽፍታ) አይነት ነው። አንድ ባሪያ ወደ አላህ መጓዝ በፈለገ ጊዜ መንገድ ቆራጭ በመሆን እንዳይሄድ ያደርገዋል። ለዚህም ነው ለከፊል ሰለፎች፦ አይሁዶችና ነሳራዎች እኛ (በሸይጧን) አንወሰወስም ይላሉ ሲባሉ፦ እውነታቸው ነው ሸይጧን ባዶ ቤት ውስጥ ምን ይሰራል? ያሉት።»

📚 ۞ أَحاديثُ إِصلاَحِ القُلوبِ【23】۞

ባልና ሚስት በፍች በሚለያዩ ጊዜ ህፃናት ልጆችን መበቃቀያ ማድረግ አይገባም። አንዳንድ ወንዶች ጨቅላ ህጻንን ከእናት በመንጠቅ መበቀያ ያደርጋሉ። እንደዚሁም አንዳንድ ሴቶች ልጁን አስታቅፌ ህይወትን ፈተና አደርግበታለሁ በሚል አጉል እሳቤ የአብራካቸውን ክፋይ ልክ እንደማይረባ ቁስ ገፍተው ይሰጣሉ። እዚህ መሀል ላይ ልጆች ብዙ ግፍና መከራ ያስተናግዳሉ።
በመጀመሪያ አብሮ መኖር ያልሆነላቸው ጥንዶች እንደ ጠላት ሊተያዩ አይገባም። በመሀላቸው የማይበጠስ ገመድ አለ፣ ኢስላም። ቢለያዩም እህቱ ነች፤ ወንድሟ ነው። ልጅ ሲኖር ደግሞ የማይቆረጥ ዝምድና ተፈጥሯል። የልጇ አባት ለሴቷ፣ የልጁ እናት ለወንዱ ተራ ሰዎች አይደሉም። ልጆች ለኛ ቅርብ እስከሆኑ ድረስ የነሱ ቅርብ ሰዎች ለኛም ቅርቦች ናቸው። ከዚህም አልፎ አብረው በትዳር የኖሩበትንም ዘመን መርሳት አይገባም። "ምንስ ቢሆን አብረን በአንድ መአድ በልተናል'ኮ!" ይላል ያገራችን ሰው። ልጅ እስከማፈራት የደረሰ ህይወት ሲያሳልፉ ደግሞ ይለያል።
﴿وَلا تَنْسَوُا الْفَضْلَ بَيْنَكُمْ﴾
ወደ ጀመርኩት ነጥብ ስመለስ መለያየት ከገጠመን ፈፅሞ ልጆቻችን መበቃቀያ ልናደርጋቸው አይገባም። እንዲያውም በተቻለ መጠን በወላጆች መለያየት የተነሳ የሚገጥማቸውን ማንኛውንም አይነት ጎዶሎ በመመካከር ለመሙላት መጣር ይገባል።
=
የቴሌግራም ቻናል፡-
https://t.me/IbnuMunewor

በመውሊድ ዙሪያ ለበድሩ ሑሴን አሳሳች ንግግር የተሰጠ እርምት
~
መስከረም 26/2017
=
የቴሌግራም ቻናል፡-
https://t.me/IbnuMunewor

አንድ አዕራቢይ(ገጠሬ) ከኢማሙ ሻዕቢይ ጋር ይቀማመጣል ነገር ግን ዝምታን ያበዛ ነበር ፤
ሻእቢይ አንድ ቀን እንዲህ አሉት:-"አታወራምን?"
አእራቢዩም እንዲህ ሲል መለሰላቸው "ዝም እላለው ከመጥፎ ነገር እድናለሁ፣ አዳምጣለሁ እውቀት አገኛለሁ፤ የአንድ ሰው ከጆሮው ያለው ድርሻ ለራሱ ሲሆን በምላሱ ያለው ድርሻ ለሌላ ሰው ነው..."

እና ወዳጄ ከመናገርህ በፊት ማድመጥን ልመድ!!

ምንጭ ፦
📙((وفيات الأعيان)) لابن خلكان (3/14)

እናንተ ያመናችሁ ሆይ! በዐርብ ቀን ለስግደት ጥሪ በተደረገ ጊዜ አላህን ወደ ማውሳት ኺዱ መሸጥንም ተው ይህ የምታውቁ ብትኾኑ ለእናንተ በጣም የተሻለ ነው 
ሶለቲቱም በተፈጸመች ጊዜ በምድር ላይ ተበተኑ ከአላህም ችሮታ ፈልጉ አላህንም በብዙ አውሱ ልትድኑ ይከጀላልና
ንግድን ወይም ዛዛታን ባዩ ጊዜም ቆመህ የተዉህ ሲኾኑ ወደእርሷ ይበተናሉ አላህ ዘንድ ያለው ዋጋ ከዛዛታም ከንግድም በላጭ ነው «አላህም ከሰጪዎቹ ሁሉ ይበልጥ ሲሳይን ሰጭ ነው» በላቸው ፡፡
[📚ሱረቱ አል-ጁሙዓህ 9-11] 
       

▪️ከትዳር አትሽሹ!!

🔻እህቶቼ ሆይ! ሚስቶቻቸውን የሚያሰቃዩ ባሎች እንዳሉ ሁሉ የሚንከባከቡም አሉና ከእናንተ የሚጠበቀው ከትዳር መሸሽ ሳይሆን አሏህ ሆይ! መልካሙን ወፍቀኝ ብሎ ዱዓ በማድረግ ወደትዳር መግባት ነው።
ኢንሻ አላህ አሰብ እያደረጋችሁ ወደ ሀላል ግቡ!!
አላህ በሀላል  ይሰትረን።።

አሳዛኝ እውነታ!!
ወንድሞቼና እህቶቼ ወደ አላህ እንመለስ!!!
ቁርአን አይነበብም! ሓዲስ ተዘንግቷል የዑለሞቻችን መፃህፍት ምልከታ ተነፍጓቸዋል! ሶሓቦች ታቢዒዮች ኢማሞቻችን ተረስተዋል መስጂዶቻችን ወጣቶችን ናፍቀዋል!
አላህን መፍራት ቀረ!!! والله! !!
በተቃራኒው— ምናምንቴ የግጥም መድብሎች ይኮመኮማሉ— ይሸመደዳሉ! የአዝማሪዎች ሰይጣናዊ ጩኸትና ማንቋረር ይደመጣል! የማያውቁንና የማይጠቅሙን ተጫዋቾችና ብልሹ አክተሮች ስማቸው ከነ ታሪካቸው ይሸመደዳል— የመኪኖቻቸቸው ስምና ብዛት ሳይቀር!
አላህ ይመልሰን! !

🍃የነቢዩ ተወዳጅ ልብስ ቀሚስ (ጀለቢያ)

ከዑሙ ሰለማ ) ተይዞ፡ እንዲህ ትላለች፦

﴿كان أحبَّ الثيابِ إلى رسولِ اللهِ ▫️ القميصُ﴾

“ተወዳጅ የረሱል ልብስ ቀሚስ ነበር።”

📚 አቡ ዳውድ ዘግበውታል አልባኒ ሶሂህ ብለውታል፡ 4025

🔖ወሳኝ መልእክት ለሴቶች

ብዙ ሴቶች ካገባሁ በኋላ ኢማኔ ደከመ፣ የኢባዳ ጥፍጥና አጣሁ… ሌላም ይላሉ።

ሚስጥሩ ወዲህ ነው። እሱም የባልሽ ሀቅ ስላልተወጣሽ ነው ሚሆነው። ባልሽ የማታከብሬ ፣ ትእዛዙን የምትጥሺ፣ አዛ ምታደርጊውና አሳንሰሽ ምትመለከቺው ከሆነ እንኳን የኢማን ጥፍጥና ማጣት ሌላም ነገር ይፈራልሻል።

ነብዩ ﷺ እንዲህ ብለዋል።
(ሴት ልጅ የኢማን ጥፍጥና አታገኝም የባሏን ሀቅ በትክክል እስክታደርስ ድረስ።)

⭕️👉ወደ ሰዎች ፈላጊ አትሁን..!

‏قال الإمام ابن تيمية:

አቡል አባስ አህመድ ኢብኑ ተይሚያህ እንደዚህ  ይላሉ..

ومتى كنت مُحتاجاً إليهم -أي الناس- نقص الحب والإكرام والتعظيم بِحسب ذلك، وإن قضَوا حاجتك.

▪️ወደ ሰዎች ፈላጊ ሆነህ በተገኘህ ቁጥር ላንተ ያላቸው ውዴታ፣ ከበሬታ፣ ማላቅ የወረደ ይሆናል እነሱን በጠየከው ልክ።

ሀጃህን ( ከነሱ የፈለከውን) ቢፈፅሙልህም

📚الفتاوى (٤١/١)

ሰደቃ ከገንዘብ ላይ አታጎድልም!

አላህ ) እንዲህ ይላል፦


قُلْ إِنَّ رَبِّي يَبْسُطُ الرِّزْقَ لِمَن يَشَاءُ مِنْ عِبَادِهِ وَيَقْدِرُ لَهُ ۚ وَمَا أَنفَقْتُم مِّن شَيْءٍ فَهُوَ يُخْلِفُهُ ۖ وَهُوَ خَيْرُ الرَّازِقِينَ

“ጌታዬ ሲሳይን ከባሮቹ ለሚሻው ሰው ያሰፋል፡፡ ለእርሱም ያጠብባል፡፡ ከማንኛውም ነገር የምትለግሱትን እርሱ ይተካዋል፡፡ እርሱም ከሲሳይ ሰጪዎች ሁሉ በላጭ ነው” በላቸው፡፡۝

📖 ምዕራፍ ሰበእ: 39

ረሱል ) እንዲህ ብለዋል፦

﴿ما نقصت صدقةٌ من مالٍ، وما زاد اللهُ عبدًا بعفوٍ إلا عزًّا، وما تواضع عبدٌ إلا رفعه اللهُ﴾

“ሰደቃ (ምፅዋት) ከገንዘብ ላይ አታጎድልም። አንድ ባሪያ ይቅር አይልም አላህ የበላይነትን ቢጨምርለት እንጂ። አንድ ባሪያ ለአላህ ብሎ አይተናነስም አላህ ከፍ የሚያደርገው ቢሆን እንጂ።”

ሙስሊም ዘግበውታል: 2588

የኔ ዘር ተበደለ፣ የኔ ወገን ተገፋ የምትል ሁሉ! መቆርቆርህ የእውነት ከሆነ የራስህን ኑሮ አሸንፍና የቤተሰብ ሸክም ከመሆን ውጣ። ጥገኛ መሆን ይብቃህ። ከቻልክ ከዚያም አለፍ በልና ቤተሰብህን፣ እህት ወንድሞችህን፣ ዘመዶችህን ከችግር እንዲወጡ፣ ገቢ የሚያገኙበት ስራ እንዲፈጥሩ አግዝ። ወይም አስተባብርና አካባቢህን አልማ። የተራቆተ ቀበሌህን በደን፣ በፍራፍሬና አትክልት ሸፍን። ከምንም በላይ ደግሞ ወገንህን ከደባል ሱስ እና መሀይምነት ለማላቀቅ ተባብረህ ዝመት። ይሄ ለወገንህ ትልቅ ውለታ ነው። ይህንን ለማሳካት አምኖ መነሳትና ቆራጥነት እንጂ የህይወት መስዋእትነት አይጠይቅም።

📃 እስቲግፋር (ጌታህን ምህረት መጠየቅ) አብዛ!

ረሱል ) እንዲህ ብለዋል፦

﴿مَنْ أحبَّ أنْ تُسِرَّهُ صَحِيفَتُهُ؛ فَلْيُكْثِرْ فيها مِنَ الاسْتِغْفارِ﴾

“በትንሳዔ ዕለት የስራ መዝገቡ አስደስቶት መመልከትን የወደደ እስቲግፋር ማድረግ ያብዛ።”

ሶሂህ አልጃሚ፡ 5955

https://t.me/abuluqmanibnidris

⚠️ሒርዝ ማንጠልጠል የሺርክ ተግባር ነው!

ረሱል (🤲) እንዲህ ብለዋል፦

﴿من علَّق تميمةً فقد أشركَ﴾

“ሒርዝን ያንጠለጠለ በርግጥም አጋርቷል”

📚 ሶሂህ አልጃሚዕ: 6394

ልጆች እና መስጂድ
~
ልጆችን ከመስጂድ ማባረር ተገቢ አይደለም። ባይሆን እንደ እድሜያቸው ሁኔታ ከግንዛቤ መግባት ያለባቸው ነገሮች አሉ።
1 - መስጂድ እንዳይነጅሱ መጠንቀቅ። ይህንን ማድረግ የማይቻል ከሆነ ሊመጡ አይገባም።
2 - ሌሎች ሰጋጆችን እንዳይረብሹ ቤተሰብ ከጎን ሊይዛቸው ይገባል።
3 - ልጆች ከእኩዮቻቸው ጋር ሲሰበሰቡ ሶላትንም፣ ኹጥባንም ይበጠብጣሉ። ስለዚህ መለያየት ተገቢ ነው።
4 - ቀጥታ የመጀመሪያ ሶፍ ላይ ከኢማሙ ኋላ ሲሆኑ ወደ ኋላ ማድረግ ይገባል። ይሄ ቦታ ኢማሙ ቢሳሳት የሚያርሙ ፤ ቢወጣ የሚተኩ በሰል ያሉ ሰዎች ናቸው ሊገቡበት የሚገባው።
5 - ሰጋጆችን እንዳያቋርጡ ማስተማር ይገባል።
6 - ሰባት አመት የሞላቸውን ወይም ማስተዋል የሚችሉትን ስለ ውዱእ አፈፃፀም፣ ስለ የውዱእ አፍራሽ ነገሮች፣ ስለ ጦሀራ እና ነጃሳ፣ ስለ አሰጋገድና ተያያዥ አደቦች በመጠኑ ማስተማር ይገባል።

💡የኢማን ክፍሎች…

ረሱል እንዲህ ብለዋል፦

﴿الْإِيمَانُ بِضْعٌ وَسَبْعُونَ - أَوْ : بِضْعٌ وَسِتُّونَ - شُعْبَةً، فَأَفْضَلُهَا قَوْلُ : لَا إِلَهَ إِلَّا اللَّهُ، وَأَدْنَاهَا إِمَاطَةُ الْأَذَى عَنِ الطَّرِيقِ، وَالْحَيَاءُ شُعْبَةٌ مِنَ الْإِيمَانِ ﴾

“ኢማን ከሰባ ሶስት እስከ ሰባ ዘጠኝ የሚደርሱ ቅርንጫፎች አሉት። በላጩ ንግግር፦ ‘ላኢላሃ ኢለላህ’ ማለት ሲሆን። የመጨረሻውና ዝቅተኛው መንገድ ላይ እንቅፋትን ማስወገድ ነው። ሃያዕ (እፍረት ማድረግ) የኢማን አንዱ ክፍል ነው።”

ሙስሊም ዘግበውታል፡ 35

ባለእዳ የሚያደርገው ዱዓእ!

ከዓሊይ ) ተይዞ፡ እንዲህ ይላሉ፦

﴿أَنَّ مُكَاتَبًا جَاءَهُ فَقَالَ : إِنِّي قَدْ عَجَزْتُ عَنْ مُكَاتَبَتِي، فَأَعِنِّي. قَالَ : أَلَا أُعَلِّمُكَ كَلِمَاتٍ عَلَّمَنِيهِنَّ رَسُولُ اللَّهِ صَلَّى اللَّهُ عَلَيْهِ وَسَلَّمَ لَوْ كَانَ عَلَيْكَ مِثْلُ جَبَلِ صِيرٍ دَيْنًا أَدَّاهُ اللَّهُ عَنْكَ ؟ قَالَ : قُلِ : اللَّهُمَّ اكْفِنِي بِحَلَالِكَ عَنْ حَرَامِكَ، وَأَغْنِنِي بِفَضْلِكَ عَمَّنْ سِوَاكَ.﴾

“አንድ ሙካተብ (ከባርነት ነፃ ለመውጣት ውል ገብቶ መክፈል ያቃተው ሰው) ወደኔ በመምጣት አለኝ፦ እኔ ከባርነት (ከገባሁበት ውል) ልወጣ ብዬ ለመክፈል አቃተኝና አግዘኝ። በዚህ ግዜ አሉት፦ የአላህ መልዕክተኛ (ﷺ) ያስተማሩኝን የተወሰኑ ቃላቶች አላስተምርህምን? እዳህ ከተራራ የገዘፈ ቢሆን እንኳ አላህ ካንተ የሚያገራልህን (የሚከፍልልህን) የሆነ። እንዲህ በል፦ ‘አላህ ሆይ! በሐላልህ ከሐራምህ አብቃቃኝ፡፡ በትሩፋትህ ከአንተ ውጭ ያሉ አካላትን ከመጠየቅ አድነኝ፡፡’”

ቲርሚዚ ሶሂህ ብለውታል፡ 3563