Kafa Zone Government Communication Affairs

አርሶ-አደሮች የደረሱ ሰብሎችን በአደረጃጀት እንዲሰበስቡ እየተደረገ መሆኑን የካፋ ዞን ግብርና፣ ደን አካባቢ ጥበቃና ህብረት ስራ መምሪያ ገለጸ፡፡

ይህ የተገለጸው በዞኑ አዲዮ ወረዳ ቦቃ ቀበሌ የመስክ ጉብኝት በተደረገበት ወቅት ነው፡፡

የመምሪያው ሀላፊ አቶ ጋዎ አባመጫ በመኸር አዝመራ ከ1 መቶ 17 ሺህ 800 ሄክታር በላይ ማሳ ላይ የደረሰ ምርት እየተሰበሰበ መሆኑን ገልጸዋል፡፡

ከዚህም 2 ነጥብ 7 ሚለዮን ኩንታል እንደሚጠበቅ ገልጸው እስካሁን ባለው 615 ሺ 523 ኩንታል ምርት ተሰብስቧል ብለዋል፡፡

የምርት ብክነት እንዳይከሰት አደረጃጀቶችን በመጠቀም የመሰብሰቡ ስራ ተጠናክሮ መቀጠል እንዳለበት አሳስበዋል፡፡

በካፋ ዞን ከ405 ሺ 1 መቶ ሄክታር በላይ መሬት አሲዳማ መሆኑን የተናገሩት አቶ ጋዎ 600 ሄክታሩን ማሳ በኖራ የማከም ስራ ተሰርቷል ሲሉ ተናግረዋል፡፡

መሬትን በኖራ በማከም ምርታማነት እንዲያድግ ርብርብ እየተደረገ እንደሚገኝ ጠቅሰዋል።

የአዲዮ ወረዳ ምክትል ዋና አስተዳዳሪ አቶ ገረመው ገብሬ በወረዳው የተለያዩ ሰብሎች በስፋት እንደሚመረቱ ገልጸዋል።

በ2016/17 የምርት ዘመን በዋና ዋና ሰብሎች በሙሉ ፖኬጅና በኖራ ህክምና 22 ሺ 129 ሄክታር ማሳ በኩታ ገጠምና በክላስተር መልማቱን ተናግረዋል፡፡

5 መቶ 2 ሺህ ኩንታል ምርት እንደሚጠበቅ ተናግረው እሰከአሁን ባለው 119 ሺህ ኩንታል ምርት መሰብሰቡን ገልጸዋል፡፡

የዞኑ ዋና አሰተዳዳሪ አቶ እንዳሻው ከበደ በዚህ ጊዜ ባሰተላለፉት መልዕክት አርሶ-አደሮች የተሟላ ግብአት ተጠቅመው ምርትና ምርታማነታቸውን እንዲያረጋግጡ ፖለቲካዊ ቁርጠኝነት እንደሚጠይቅ ገልጸው በየደረጃው የሚገኙ አካላት ለተግባራዊነቱ እየሰሩ ይገኛሉ ብለዋል፡፡

በአሲዳማነት የተጠቃን ማሳ በኖራ በማከም ክልል አቀፍ የማስጀመሪያ መርሃ-ግብር የክልሉ ርዕስ-መስተዳድር ዶክተር ኢንጅነር ነጋሽ ዋጌሾ፣ የክልሉ ምክር ቤት ዋና አፈ-ጉባኤ አቶ ወንድሙ ኩርታ፣ ከፍተኛ የስራ ሀላፊዎችና ሌሎች ጥሪ የተደረገላችው እንግዶች ተካሂዷል፡፡

የዘገበው ቦንጋ ኤፍ ኤም 97.4 ሬዲዮ ጣቢያ ነው
ወቅታዊ፣ትኩስ እና የተሟሉ መረጃዎችን ለማግኘት፡-

የካፋ ዞን የመንግሥት ኮሙኒኬሽን ጉዳዮች ጽ/ቤት ነው ዠ።
ፈጣን መረጃዎችን ለማግኘት ፦
ፌስቡክ ገፃችንን
https://www.facebook.com/kfzgca
የቴሌግራም ቻናላችንን
https://t.me/ahkafaZGCAffairs
ዩቲዩብ ቻናላችንን
@KaffaZoneCommunicationAffairs
የቲክቶኮ ቻናላችንን
https://vm.tiktok.com/ZMrxuoNNL/
Like, comment ,share በማድረግ ድረገፃችንን ይወዳጁ

አደረጃጀቶች የሕዝብን የሰላምና የልማት ጥያቄ ለመመለስ ፋናወጊ ሆነው ሊንቀሳቀሱ ይገባል፦የአደረጃጀት ዘርፍ ኃላፊ ክቡር አቶ ፍቃዱ ተሰማ

የብልጽግና ፓርቲ ዋና ጽ/ቤት "የጠንካራ አደረጃጀት ትጋት ለአገራዊ ህልሞቻችን ስኬት" በሚል መሪ ቃል ሲካሄድ የነበረውን የ2017 የመጀመሪያው ሩብ ዓመት የእቅድ አፈጻጸም ግምገማ አጠናቋል፡፡

በመድረኩ ማጠቃለያና የስራ መመሪያ የሰጡት በሚኒስትር ማዕረግ የብልጽግና ፓርቲ ዋና ጽ/ቤት የአደረጃጀት ዘርፍ ኃላፊ ክቡር አቶ ፍቃዱ ተሰማ አደረጃጀቶች ብልሹ አሰራሮችን በመከላከል የህዝብ ጥያቄ ለመመለስ እንዲሁም ልማትን በማረጋገጥ ሚናቸውን በመለየት እስከታችኛው የህብረተሰብ ክፍል ድረስ ንቅናቄ ፈጥረው መንቀሳቀስ ይገባል ብለዋል፡፡

በግዝፈታችን ልክ በውጤት በማጀብ በየወቅቱ በሚካሄድ የግምገማና ምዝና ሂደቶች ተጨባጭ ማስረጃዎችን በተደገፈ መልኩ ማስኬድ እንዲሁም በትግል መምራት እንደሚገባም ገልጸዋል፡፡

ከላይ እስከታች ባለው የአደረጃጀት መወቅር የሴቶችና የወጣቶችን ተሳትፎና ተጠቃሚነታቸውን ከማረጋገጥ ባለፈ የአገራችንን ብልጽግና እውን መሆን ድርሻቸውን እንዲወጡ ለማስቻል መመዘኛ መስፈርቱን የሚያሟሉ አባላት ምልመላ እና ጥራት ማስጠበቅ ትኩረት ተሰጥቶ መሰራት እንዳለበት አንስተዋል፡፡

የብልጽግና ፓርቲ ዋና ጽ/ቤት የአደረጃጀት ዘርፍ ም/ኃላፊ ክቡር አቶ ካለድ አልዋን በበኩላቸው በክልሎች መካከል የሚስተዋለውን የአፈጻጸም ዥንጉርጉርነት ለማስተካከል በመድረኩ የተገኙ ልምዶችን በመቀመርና በማስፋት በአገር አቀፍ ደረጃ ተቀራራቢ ውጤት ለማስመዝገብ መግባባት መፍጠር መቻሉን ገልጸዋል፡፡

የአባላትን ስነ ምግባር በማስጠበቅ ተልኮውን በብቃት መወጣት እንዲችል አቅም ግንባታ በየወቅቱ ማካሄድ እንዲሁም የፓርቲው አሠራሮችን እንዲከበሩ ማድረግ መሠረታዊ ጉዳይ መሆኑን አንስተዋል፡፡

በመድረኩ ላይ ከስራ አፈፃፀም ግምገማ በተጨማሪ በተለያዩ የፓርቲው የአሰራርና የአደረጃጀት መመሪያዎች ላይ ውይይት በማካሄድ ተጨማሪ ግብዓቶችን በመውሰድ የማዳበር ስራ ተከናውኗል። በመጨረሻም በክልሉ እየተካሄዱ ያሉ የተለያዩ የልማት ስራዎች ተጎብኝተው መድረኩ ተጠናቋል ሲል የዘገው የክልሉ የመንግስት ኮሙኒኬሽን ጉዳዮች ቢሮ ነው።

ወቅታዊ፣ትኩስ እና የተሟሉ መረጃዎችን ለማግኘት፡-

የካፋ ዞን የመንግሥት ኮሙኒኬሽን ጉዳዮች ጽ/ቤት ነው ።
ፈጣን መረጃዎችን ለማግኘት ፦
ፌስቡክ ገፃችንን
https://www.facebook.com/kfzgca
የቴሌግራም ቻናላችንን
https://t.me/ahkafaZGCAffairs
ዩቲዩብ ቻናላችንን
@KaffaZoneCommunicationAffairs
የቲክቶኮ ቻናላችንን
https://vm.tiktok.com/ZMrxuoNNL/
Like, comment ,share በማድረግ ድረገፃችንን ይወዳጁ

ሜሊፈራ ካፋ የንብ ማህበር የማር ምርታቸውን ከአካባቢ ገበያ አልፎ ለኤክስፖርት ለማቅረብ እየሰሩ መሆናቸውን አሳወቁ::

በከተማ ግብርና የንብ እርባታ ስራ ተደራጅተው እየሰራ ያለው ሜሊፈራ ካፋ የንብ ማህበር የማር ምርታቸውን ከአካባቢ ገበያ አልፎ ለኤክስፖርት ለማቅረብ እየሰሩ መሆናቸውን አሳውቀዋል።

ማህበሩ ከተመሠረተ 9 ዓመት ማስቆጠሩን የተናገሩት የሜሊፈራ ካፋ የንብ ማህበር ስራ አስኪያጅ አቶ ፋሲካ ሀ/ማሪያም በእነዚህ ዓመታት ብዙ ውጤታማ ስራዎች ተከናውኗል ብለዋል።

በሀገራችን 95% የንብ እርባታ በባህላዊ መንገድ እንደሆነና ማህበራቸው ማር በማምረትና በንቦች ላይ የጥናትና ምርምር በመስራት በሁለት መንገድ እየሰራ እንዳለ የገለፁት አቶ ፋሲካ የንቦችን ባህሪና ምርታማነታቸውን በማጥናት ፣ለአካባቢና ለኤኮ ሲስተም ካላቸው ጠቀሜታ በመለየት ለዘመናዊነት ትኩረት ሰጥተው እንደሚሰሩ አስረድተዋል።

በባህላዊ ንብ እርባታ በቂ የማር ምርት ያለማግኘት ፣ማር ከተቆረጠ በኋላ ንቦችን የመበተን ችግርና መሰል ጉዳቶች እንዳሉ የተናገሩት አቶ ፋሲካ በተቃራኒው በዘመናዊ ንብ እርባታ በመጠንና በጥራት የተሻለ ማር ለማግኘት እና የንቦችን ችግር በቀላሉ ተረድተው መፍትሔ ለመስጠት ጉልህ ሚና መኖሩን ተናግረዋል።

በሌላ በኩል ከአንድ ባህላዊ ቀፎ በአማካይ ከ5-7 ኪ/ግ ብቻ የሚገኝ እንደሆነና ከዘመናዊ አንድ ቀፎ ደግሞ በአማካይ 25-30 ኪ/ግ ይገኛል ያሉት ስራ አስኪያጁ በሳይቱ ካሉት ቀፎ 90% ዘመናዊ መሆኑን ጠቅሰዋል።

የገበያ ትስስሩ የተሻለ በመሆኑ የማር ምርቱን ከአካባቢ ገበያ አልፎ ኤክስፖርት ለማድረግ ሜሊፈራ ካፋ የጫካ ማር ብራንድነት እየጨመረ በመምጣቱ ተመራጭነቱ መጨመሩን አክለዋል። ማህበሩ በአቅራቢያው ካሉት አርሶ አደሮች ጋር በመቀናጀት ስራውን ለማስፋፋት እየሰራ እንደሆነ ገልጸዋል።

መንግስት የመሬት አቅርቦት ከማመቻቸት ጀምሮ የተለያዩ ድጋፍ እንዳደረገ የገለፁት አቶ ፋሲካ ለንብ እርባታ የተመረጠው ቦታ የአረንጓዴ ልማትና አየር ንብረት እንዲጠበቅ ጉልህ ሚና ተጫውቷል ብለዋል።

በአንዳንድ ጉዳዮች ላይ የሚታዩ የግንዛቤ ጉድለቶች እንዳሉ የተናገሩት አቶ ፋሲካ ችግሮችን ለመፍታትከግብርና ተቋምና ከሚመለከተው አካላት ጋር በጋራ ለመስራት ዝግጁ መሆናቸውን ተናግረዋል። የማር ምርት በዓመት አንዴ የሚሰበሰብ እንደሆነና ጥራቱን የጠበቀ የማር ምርት ከአምራች ወደ ተጠቃሚ በሚል መሪ ቀጥታ ለተጠቃሚ እያቀረቡ መሆናቸውን ተናግረዋል አቶ ፋሲካ።

በዓለማችን ከ20 ሺ በላይ የንብ ዓይነቶች እንዳሉ እና ከእነዚህም ውስጥ ሜሊፈራ የሚባለው በአፍሪካ የሚገኝ ሲሆን በኢትዮጵያ እጅግ ምርታማ የሆነው ኤፒስ ሜሊፈራ የሚባል ነው ያሉት ደግሞ የማህበሩ ም/ስራ አስኪያጅ እና ፍልድ ኦፍሰር አቶ ወንድማገኝ ታደሰ ናቸው።

በሳይቱ ከንብ እርባታ በተጨማሪ ለንብ መኖነት የሚያገለግሉ እፅዋቶችና ተክሎች እንዳሉ ይህም በዘመናዊ ንብ እርባታ ንቦች ረጅም መንገድ ሳይሄዱ በቅርበት መኖ እንዲያገኙና በመድሃኒትነት የሚያገለግሉ እፅዋቶችን በመቅሰም የንብ ህክምና የሚባለውን አገልግሎት ከማሩ ተጠቃሚዎች እንደምያገኙም ነው ያነሱት።

በዞኑ ለንብ መኖነት የሚሆኑ ሰፊ የእፅዋት ሽፋን መኖሩን የተናገሩት አቶ ወንድማገኝ በንብ እርባታ ኢትዮጵያ ከፍተኛ የማር ምርት አቅራቢ ብትሆንም በጥራት ዝቅተኛ ላይ መሆኗን በማብራራት በአካባቢያችን እነዚህን እፅዋቶች በመጠቀም ጥራቱን የጠበቀ ምርት በማቅረብ ሀገራዊ ግዴታቸውን ለመወጣት መስራት ያስፈልጋል ብለዋል።

ወጣቶቹ በዘርፉ ቢሰማሩ ተጠቃሚ ይሆናሉ ያሉት ም/ስራ አስኪያጁ ሰራውን በሌላ ስራ ላይ ተጨማሪ አደርገው በትንሽ ቦታ እና እንዲሁም በቤታችን ጓሮ ላይ በመስራት የገቢ ምንጭ ማድረግ እንደሚቻል ተናግረዋል።

በዘርፉ ለሚሰማሩ ወጣቶች የነፃ ስልጠናና ማማከር አገልግሎት መስጠት እንደሚችሉና በሳይቱም ደርሰው በመጎብኘት ልምድ መውሰድ ይቻላል ያሉት አቶ ወንድማገኝ ስራቸውን ከተለያዩ ክልሎች በመምጣት ጉብኝት እየተደረገ እንዳለ ተናግረዋል።

በመጨረሻም የስራ ዕድል የተፈጠረለት የሳይቱ ቴክኒክ ባለሙያ ወጣት አዲሱ እንደ እሱ ላሉት ሌሎች ስራ አጥ ወጣቶች ከሽያጭ ቦታ ጀምሮ ተጠቃሚ እንዳደረገ ተናግረዋል። በስራው በሚያገኘው ገቢ ራሱንና ቤተሰቡን እያስተዳደረ እንዳለ የገለፀው ወጣት አዲሱ ማር በሚቋረጥበት ወቅት ከ25-30 ለሚሆኑ ወጣቶች በማህበሩ ጊዜያዊ የስራ እድል እየተፈጠረ እንዳለም አክለዋል ሲል የዘገበው የቦንጋ ከተማ መንግስት ኮሙኒኬሽን ጉዳዮች ነው።

ወቅታዊ፣ትኩስ እና የተሟሉ መረጃዎችን ለማግኘት፡-

የካፋ ዞን የመንግሥት ኮሙኒኬሽን ጉዳዮች ጽ/ቤት ነው ።
ፈጣን መረጃዎችን ለማግኘት ፦
ፌስቡክ ገፃችንን
https://www.facebook.com/kfzgca
የቴሌግራም ቻናላችንን
https://t.me/ahkafaZGCAffairs
ዩቲዩብ ቻናላችንን
@KaffaZoneCommunicationAffairs
የቲክቶኮ ቻናላችንን
https://vm.tiktok.com/ZMrxuoNNL/
Like, comment ,share በማድረግ ድረገፃችንን ይወዳጁ

በቢጣ ወረዳ ጋወቲ ቀበሌ ስንዴን ጨምሮ የተለያዩ ሰብሎችና የጓሮ አትክልቶች በአርሶአደሩ ማሳ በመልማት ላይ ይገኛል::
ወቅታዊ፣ትኩስ እና የተሟሉ መረጃዎችን ለማግኘት፡-

የካፋ ዞን የመንግሥት ኮሙኒኬሽን ጉዳዮች ጽ/ቤት ነው ።
ፈጣን መረጃዎችን ለማግኘት ፦
ፌስቡክ ገፃችንን
https://www.facebook.com/kfzgca
የቴሌግራም ቻናላችንን
https://t.me/ahkafaZGCAffairs
ዩቲዩብ ቻናላችንን
@KaffaZoneCommunicationAffairs
የቲክቶኮ ቻናላችንን
https://vm.tiktok.com/ZMrxuoNNL/
Like, comment ,share በማድረግ ድረገፃችንን ይወዳጁ ።

የሆቴሎች የአገልግሎት አሰጣጥ የዘመነና ለእንግዶች ምቹና ሳቢ ሊሆኑ እንደሚገባ ተገለፀ

የፌዴራል ቱሪዝም ማሰለጠኛ ኢንስቲትዩት ከደቡብ ምዕራብ ኢትዮጵያ ህዝቦች ክልል ባህል፣ ቱሪዝምና ስፖርት ቢሮ ጋር በመተባበር ያዘጋጀው በሆቴልና ቱሪዝም ለዘርፉ አመራርና ባለሙያዎች የአቅም ግንባታ ስልጠና በቦንጋ ከተማ መስጠት ጀምሯል።

የካፋ ዞን ባህል ቱሪዝምና ስፖርት መምሪያ ኃላፊ አቶ ነጻነት ብርሃኑ እንግዶችን እንኳን ደህና መጣችሁ በማለት የካፋ ዞን ከእናት ቡና መገኛነት ባለፈ የበርካታ መስሂቦች፣ ቅርሶችና ቱባ ባህሎች ባለቤት ናት ብለዋል፡፡

የዞኑ ህዝብ በእንግዳ ተቀይነት፣ በሠላም ወዳድነት፣ በአብሮነት፣ በአንድነትና በመከባበር እንዲሁም በመተሳሰብ ልምድ ያዳበረ በመሆኑ የኅብረ-ብሔራዊ አንደነት ተምሳሌት ነው ብለዋል፡፡

የክልሉ ርዕሰ መስተዳድር የማህበራዊ ዘርፍ አማካሪ አቶ ደነቀ ማሞ የሥልጠናውን መድረክ በከፈቱበት ወቅት የሆቴሎች አገልግሎት አሰጣጥ የዘመነና ለእንግዶ፣ ውብ ምቹና ሳቢ ሊሆኑ ይጋባል ብለዋል።

የደቡብ ምዕራብ ኢትዮጵያ ህዝቦች ክልል በርካታ ውብና ማራኪ የተፈጥሮ ጸጋዎች ባለበት መሆኑን የጠቀሱት አቶ ደነቀ በለውጡ መንግስት በዘርፉ የተጀመሩ ሥራዎች አበረታች በመሆናቸው ተጠናክሮ ይቀጥላል ብለዋል፡፡

ሰልጣኞች የአስተሳሰብ ለውጥ በማምጣት በዕውቀት ላይ የተመሠረተ የሆቴል አገልግሎት በመስጠትና ደንበኞችን በትህትና በማስተናገድ የሆቴሎችን ገጽታ ውብ፣ ምቹና ማራኪ ከማድረግ አንጻር በልዩ ትኩረት ሊሰሩ እንደሚገባቸው ያሳሰቡት አቶ ደነቀ በቀለም፣ በዘር፣ በሀይማኖት፣ በብሔርና በሌሎች ሳንወሰን ተባብረን ተደጋግፈንና ተጋግዘን ከሰራን ለውጥና ዕድገት እናመጣለን ብለዋል፡፡

የሆቴሎችን አገልገሎት ከማዘመንና የቱሪዝም ዘርፍ ኢኮኖሚውን ከማሳደግ ረገድ እየተደረገ ያለው ተግባር ከመደገፍ አንጻር መንግስት የበኩሉን ድርሻ እንደሚወጣም አመላክተዋል፡፡

የፌዴራል ቱሪዝም ማሰለጠኛ ኢንስቲትዩት አቅም ግንባታ ዴስክ ኃላፊ አቶ ተመስገን በቀለ በበኩላቸው ተቋሙ በጥናትና ምርምር፤ በቴክኖሎጂ ሽግግር ፤በማህበረሰብ አቅፍ አገልግሎትና በሌሎችም ዙሪያ በትኩረት እየሰራ መሆኑን ገልጸዋል ፡፡

ለአንድ ሀገር ለውጥና ዕድገት ትምህርትና ስልጠና ወሳኝ መሆኑን የገለጹት የኢንስቲትዩቱ አቅም ግንባታ ዴስክ ኃላፊ የደቡብ ምዕራብ ኢትዮጵያ ህዝቦች ክልል በርካታ የተፈጥሮ ሀብቶች ባለቤት ሆኖ በትምህርትና ሥልጠና ውስንነቶች የተጠበቀውን ያህል ጥቅም ሳያገኝ መቆየቱን አመላክተዋል።

ስልጠናው በዘርፉ የሚስተዋሉ ጉድለቶችን ለማረም የሚያስችል አቅም የሚፈጥር በመሆኑ ሰልጣኞች ልዩ ትኩረት ሊሰጡ እንደሚገባቸው አሳስበዋል፡፡

ወቅታዊ፣ትኩስ እና የተሟሉ መረጃዎችን ለማግኘት፡-

የካፋ ዞን የመንግሥት ኮሙኒኬሽን ጉዳዮች ጽ/ቤት ነው ።
ፈጣን መረጃዎችን ለማግኘት ፦
ፌስቡክ ገፃችንን
https://www.facebook.com/kfzgca
የቴሌግራም ቻናላችንን
https://t.me/ahkafaZGCAffairs
ዩቲዩብ ቻናላችንን
@KaffaZoneCommunicationAffairs
የቲክቶኮ ቻናላችንን
https://vm.tiktok.com/ZMrxuoNNL/
Like, comment ,share በማድረግ ድረገፃችንን ይወዳጁ

ለተጨማሪ መረጃዎች በተለያዩ የማህበራዊ ሚዲያ አማራጮች ይከታተላሉን 👇

በካፋ ዞን በተከሰተዉ የመሬት ናዳ ከ24 ሰዓት በኃላ አንድ ሰዉ በህይወት መገኘቱን እና የሶስት ሰዎች አስክሬን በፍለጋ መዉጣቱን የደቡብ ምዕራብ ኢትዮጵያ ህዝቦች ክልል ፖሊስ ኮሚሽን አስታወቀ።

በካፋ ዞን አዲዮ ወረዳግራዋ ሽሽማ ቀበሌ በሌ ልማት ቡድን ተብሎ በሚጠራበት ጥቅምት 22 ቀን 2017 ዓ.ም ከረፋዱ 4:00 ሰዓት በጣለዉ ከባድ ዝናብ ባስከተለዉ የመሬት መንሸራተት አራት የአንድ ቤተሰብ አባላት በመኖሪያ ቤት ዉስጥ እንዳሉ ህይወታቸዉ ማለፋን መዘገባችን ይታወቃል።

የወረዳዉ ፖሊስ፣የወረዳዉ አመራሮችና ህብረተሰቡ ባደረገዉ በአደጋዉ ከፍተኛ ርብርብ የሶስት ሰዎች አስክሬን መገኘቱን እና ከ24 ሰዓት በኃላ በናዳዉ ከፍተኛ ጉዳት የደረሰበት አንድ ሰዉ በህይወት መገኘቱንና ወደህክምና መወሰዱን ፖሊስ ገልጿል።

በናዳዉ ሁለት መኖሪያ ቤቶች በናዳዉ መወሰዱን ያመለከተዉ ፖሊስ በአከባቢዉ የሚጥለዉ ከባድ ዝናብ መቀጠሉን ለማወቅ ተችሏል ሲል የደቡብ ምዕራብ ኢትዮጵያ ህዝቦች ክልል ፖሊስ ኮሚሽን በዘገባዉ አመላክቷል።
ወቅታዊ፣ትኩስ እና የተሟሉ መረጃዎችን ለማግኘት፡-

የካፋ ዞን የመንግሥት ኮሙኒኬሽን ጉዳዮች ጽ/ቤት ነው ።
ፈጣን መረጃዎችን ለማግኘት ፦
ፌስቡክ ገፃችንን
https://www.facebook.com/kfzgca
የቴሌግራም ቻናላችንን
https://t.me/ahkafaZGCAffairs
ዩቲዩብ ቻናላችንን
@KaffaZoneCommunicationAffairs
የቲክቶኮ ቻናላችንን
https://vm.tiktok.com/ZMrxuoNNL/
Like, comment ,share በማድረግ ድረገፃችንን ይወዳጁ ።

በአቶ አደም ፋራህ የተመራ የብልጽግና ፓርቲ የልዑካን ቡድን በቻይና የተለያዩ ተሞክሮዎችን ለመቅሰም የሚያስችል ጉብኝት አደረገ

በብልፅግና ፓርቲ ምክትል ፕሬዝዳንትና የዋና ጽህፈት ቤት ኃላፊ አቶ አደም ፋራህ የሚመራው የፓርቲው ከፍተኛ የልዑካን ቡድን በቻይና የተለያዩ ተሞክሮዎችን ለመቅሰም የሚያስችል ጉብኝት አደረገ።

ቡድኑ በግብርና ምርት ከፍተኛ ውጤት እያገኘች ባለችው ኽናን ግዛት በመገኘት በግብርና ምርታማነት፣ በኢንዱስትሪ፣ በሲቪል አቪዬሽን፣ በገጠር መንደሮች ልማትና በቅርስ፣ ባህልና ታሪክ ጥበቃ እየተከናወኑ ያሉ ውጤታማ ተግባራትን ጎብኝቷል።

ቡድኑ በጉብኝቱ በግብርና መስክ በተደረጉ ውጤታማ ስራዎች ግዛቷ የቻይናን ግማሽ ያህል የስንዴ ምርት እንዲሁም ሌሎች የጥራጥሬ ምርቶችን ማምረት እና በዚህም ፈጣን የኢኮኖሚ እድገት ማስመዝገቧን እንደተመለከተ ተገልጿል።

ከግብርና ባሻገርም በኢንዱስትሪ መስክ ሰፋፊ አምራች ኢንዱስትሪዎች ለሀገሪቱ እድገት ትልቅ አስተዋጽኦ ማድረጋቸውን፣ እነዚህን ምርቶች ወደ ተቀረው የቻይና ክፍል እንዲሁም ወደ መላው ዓለም ለማዳረስ የተሻለ የመሰረተ ልማት ግንባታ ባለቤት መሆኗንም የልኡካን ቡድኑ ተመልክቷል።

የገጠር መንደሮች ያላቸውን ልዩ እምቅ አቅም አቀናጅተው በመጠቀምና ማህበረሰቡን በማስተባበር ራሳቸውን እንዲችሉ ለማድረግና ዘላቂ የስራ እድል ለመፍጠር እየተከናወኑ ያሉ ውጤታማ ስራዎች የልኡካን ቡድኑ ከጎበኛቸው ስራዎች መካከል ይጠቀሳሉ።

በመስክ ጎበኝቱ ወቅት የታየው ሌላው መልካም ተሞክሮ በሲቪል አቪዬሽን መስክ የተፈጠረው አቅም ሲሆን በተለይም ከኢትዮጵያ አየር መንገድ ጋር የተፈጠረውን የጭነት (ካርጎ) ትብብርና ትብብሩን ለማሳደግ እየተከናወኑ ባሉ ሥራዎች ዙሪያ ለልዑካን ቡድኑ ሰፋ ያለ ማብራሪያ እንደቀረበለትም ተገልጿል።

ከግዛቷ አመራሮች ጋር በተደረገ ውይይትም አቶ አደም ፋራህ በግብርና ልማትና ሜካናይዜሽን እድገት፣ በቡና ኤክስፖርትና ፕሮሰሲንግ አቅም፣ በሲቪል አቪዬሽንና ቴክኖሎጂ መስኮች ያለውን ትብብር ማሳደግ እንደሚገባ ጥሪ አቅርበዋል።

የግዛቷ አመራሮችም የተነሱትን ሀሳቦች በአድናቆት መቀበላቸውን እና የበኩላቸውን ሚና ለመውጣት ዝግጁ መሆናቸውን ቃል ገብተዋል።

የልዑካን ቡድኑ በአጠቃላይ በቻይና ሲያደርገው የነበረውን የተሞክሮ ልውውጥ ቆይታ አጠናቆ ዛሬ ማለዳ ወደ ሀገር ተመልሷል።

የልዑካን ቡድኑ ከአቶ አደም ፋራህ በተጨማሪ የአደረጃጀት፣ የፖለቲካ ባህል ግንባታ፣ የሕዝብና ዓለም አቀፍ ግንኙነት እና የስትራቴጂ እቅድ ዘርፍ ኃላፊዎች፤ የኦሮሚያ፣ አማራ፣ ሶማሌ፣ ሐረሪ፣ ሲዳማ፣ የማዕከላዊ ኢትዮጵያ እና የደቡብ ኢትዮጵያ ቅርንጫፍ ጽህፈት ቤት ኃላፊዎች፤ የፖለቲካ፣ የጥናትና ምርምር እና የሕዝብና ዓለም አቀፍ ግንኙነት ምክትል ዘርፍ ኃላፊዎች እንዲሁም የሴቶች ሊግ ምክትል ፕሬዝዳንትና የዋና ጽህፈት ቤት ኃላፊ ልዩ ረዳትን ያካተተ መሆኑ ተገልጿል ሲል ኢዜአ ዘግቧል።

ለተጨማሪ መረጃዎች በተለያዩ የማህበራዊ ሚዲያ አማራጮች ይከታተላሉን 👇

ወቅታዊ፣ትኩስ እና የተሟሉ መረጃዎችን ለማግኘት፡-

የካፋ ዞን የመንግሥት ኮሙኒኬሽን ጉዳዮች ጽ/ቤት ነው ።
ፈጣን መረጃዎችን ለማግኘት ፦
ፌስቡክ ገፃችንን
https://www.facebook.com/kfzgca
የቴሌግራም ቻናላችንን
https://t.me/ahkafaZGCAffairs
ዩቲዩብ ቻናላችንን
@KaffaZoneCommunicationAffairs
የቲክቶኮ ቻናላችንን
https://vm.tiktok.com/ZMrxuoNNL/
Like, comment ,share በማድረግ ድረገፃችንን ይወዳጁ

ከትርፍና ታሪፍ ጋር ተያይዞ የሚነሱ የህዝብ ቅሬታዎችን ለመፍታት በትኩረት እየተሰራ መሆኑን የካፋ ዞን ቦንጋ ከተማ አስ/ር ፖሊስ ጽ/ቤት የትራፊክ ፍሰት ቁጥጥርና ክትትል ማስተባበሪያ ክፍል አስታወቀ

በመንግሥት ከታወጀው የታሪፍ ጭማሪ በላይ ተሳፋሪዎችን የሚያስከፍሉ ባለንበትና አሽከርካሪዎች ላይ ተገቢነት ያለውና ተመጣጣኝ እርምጃ እየተወሰደ መሆኑ ተገልጿል።

ከዚህ ጋር ተያይዞ ተሳፋሪዎች ተገቢ ያልሆነ የታሪፍ ጭማሪ እንዳይከፍሉ በከተማ አስ/ር ውስጥ በሚገኙ ፈርማታዎች ላይ ታክሲ የተመደበና ሰፊ ክትትልና ቁጥጥር የዞንና የከተማ ፖሊስ በቅንጅት እየተደረገ ይገኛል።

በዚህም የቦንጋ ከተማ አስ/ር ፖሊስ ጽ/ቤት የትራፊክ አደጋ መከላከልና ቁጥጥር ሥራ አስተባባሪ ሳጅን ሽብሩ አበበ እንደገለፁት ከትርፍና ታሪፍ ባሻገር እግረኞች መሻገሪያ ዜብራን ተከትሎ እንዲሻገሩና ግራቸውን ይዘው እንዲጓዙ አንዲሁም ከትራፊክ አደጋዎች ለመከላከል የሚደረጉ ጥረቶችን ህብረተሰቡም ሆነ ሌሎች ባለድርሻ አካላት አጠናክረው ሊያስቀጥሉ እንደሚገባ ገልፀዋል።

በመጨረሻም ተሳፋሪዎች ተገቢውን የታሪፍ መጠን ከፍለው እንዲወጡ እየተደረገ መሆኑ ተገልጾ በታሪፍ የማያስከፍሉ አሽከርካሪዎች ካሉ ከዚህ በታች በተጠቀሰው ስልክ ቁጥር መረጃ እንዲያሳውቁ እናሳስባለን ሲል የዘገበው የቦንጋ ከተማ የመንግስት ኮሙኒኬሽን ጉዳዮች ነው።

ወቅታዊ፣ትኩስ እና የተሟሉ መረጃዎችን ለማግኘት፡-

የካፋ ዞን የመንግሥት ኮሙኒኬሽን ጉዳዮች ጽ/ቤት ነው ።
ፈጣን መረጃዎችን ለማግኘት ፦
ፌስቡክ ገፃችንን
https://www.facebook.com/kfzgca
የቴሌግራም ቻናላችንን
https://t.me/ahkafaZGCAffairs
ዩቲዩብ ቻናላችንን
@KaffaZoneCommunicationAffairs
የቲክቶኮ ቻናላችንን
https://vm.tiktok.com/ZMrxuoNNL/
Like, comment ,share በማድረግ ድረገፃችንን ይወዳጁ

👉+251-913699010
👉+251-917477378
ዘገባው:-የካፋ ዞን ፖሊስ መምሪያ ነው

የትራፊክ አደጋን በጋራ እንከላከል!!

"የህልም ጉልበት ለእመርታዊ ዕድገት! "በሚል መሪ ሀሳብ በቦንጋ ማዕከል እየሰለጠኑ የሚገኙ የካፋ ዞን ብልጽግና ፓርቲ አመራሮች በከተማው የጎገማ "ማታ" የተባለ ዘመናዊ የእንስሳት እርባታ ማዕከል አጠቃላይ የሥራ እንቅስቃሴ ጎበኙ።

በጉብኝት ወቅት የእንስሳት እርባታና የመኖ ዝግጅት ጣቢያውን አጠቃላይ የሥራ እንቅስቃሴና ቀጣይ ለመድረስ የታቀደውን ዕቅድ የዘርፉ ባለሙያ አቶ ኃይሉ ገባቦ ዝርዝር ማብራሪያ ሰጥቷል።

በእርባታ ማዕከሉ ከእንስሳት እርባታና ከወተት ምርት በተጨማሪ በርካታ ተግባራት እየተከናወኑ ሲሆን ከነዚህም መካከል ዘመናዊ የወተት ላሞች እርባታና ዝሪያ ማሻሻል፤ የመኖ ልማት፤የ1 ቀን ጫጩትና የእንቁላል ምርት እንድሁም ተጨማሪ የሌማት ትሩፋቶች ይለሙበታል።

ይሄው ዘመናዊ የእንስሳት እርባታ ማዕከል የመንግስት ትኩረት መስክ በሆነው የሥራ ዕድል ፈጠራውም ትኩረት ሰጥቶ እንደሚሰራ የተናገሩት ባለሙያው አቶ ኃይሉ ለአሁኑ በቋሚና ጊዜያዊ 13 ሰራተኞችን ቀጥሮ እያሰሩ መሆናቸውን ጠቁሟል።

ወቅታዊ፣ትኩስ እና የተሟሉ መረጃዎችን ለማግኘት፡-

የካፋ ዞን የመንግሥት ኮሙኒኬሽን ጉዳዮች ጽ/ቤት ነው ።
ፈጣን መረጃዎችን ለማግኘት ፦
ፌስቡክ ገፃችንን
https://www.facebook.com/kfzgca
የቴሌግራም ቻናላችንን
https://t.me/ahkafaZGCAffairs
ዩቲዩብ ቻናላችንን
@KaffaZoneCommunicationAffairs
የቲክቶኮ ቻናላችንን
https://vm.tiktok.com/ZMrxuoNNL/
Like, comment ,share በማድረግ ድረገፃችንን ይወዳጁ ይከተሉ ይቀላቀሉ።

"የህልም ጉልበት፤ለእመርታዊ ዕድገት "!በሚል መሪ ሀሳብ በቦንጋ ማዕከል እየሰለጠኑ የሚገኙ የብልጽግና ፓርቲ አመራሮች የቦንጋ ከተማ የልማት ስራዎችን ጎበኙ

ሰልጣኝ አመራሮቹ የቦንጋ ክላስተር ማምረቻ ማዕከል እየተሰሩ ያሉ ስራዎችን ተዘዋውሮ ተመላክቷል።

ክላስተር ማዕክሉ 5.73 ሄ/ር መሬት ላይ እንዳረፈ እና ዘጠኝ መካከለኛ ኢንተርፕራይዝ ያቀፈ መሆኑ ተገልጿል።

ቦንጋ ክላስተር ማምረቻ ማዕከል አግሮ ፕሮሰሲንግና ማኑፋክቸሪንግ ዘርፍ ሥራዎች በዋናነት የሚገኙ ሲሆን ከነዚህም አገልግሎቶች መካከል የእንጨትና የብረታብረት ውጤቶች፣ዳቦና እንጀራ ማምረቻና ማከፋፈያ፣ቅመማ ቅመም ማቀነባበሪያ፣ማር የማር ውጤቶች ማቀነባበሪያ እና ብሎኬት የማምረቻና ማከፋፈያ ይገኙበታል።

በክላስተር ማዕከሉ ለ2 መቶ 17 ሰራተኞች ቋሚ የስራ ዕድል የተፈጠረላቸው ሲሆን ከእነዚህ ውስጥ 1 መቶ 36 በሀኢቲ ዳቦና እንጀራ ማምረቻ እና ማከፋፈያ ላይ ተቀጥሮ የሚሰሩ ናቸው ።

የጉብኝቱ ተሳታፊዎች ስልጠናውን ተግባራዊ ያደረገ ጉብኝት መሆኑን ገልፀው በማዕከሉ እየተሰሩ ያሉት ስራዎች አበረታች መሆናቸውን ተናግረዋል።

ወቅታዊ፣ትኩስ እና የተሟሉ መረጃዎችን ለማግኘት፡-

የካፋ ዞን የመንግሥት ኮሙኒኬሽን ጉዳዮች ጽ/ቤት ነው ።
ፈጣን መረጃዎችን ለማግኘት ፦
ፌስቡክ ገፃችንን
https://www.facebook.com/kfzgca
የቴሌግራም ቻናላችንን
https://t.me/ahkafaZGCAffairs
ዩቲዩብ ቻናላችንን
@KaffaZoneCommunicationAffairs
የቲክቶኮ ቻናላችንን
https://vm.tiktok.com/ZMrxuoNNL/
Like, comment ,share በማድረግ ድረገፃችንን ይወዳጁ ይከተሉ ይቀላቀሉ።

የወከሉትን የማህበረሰብ ክፍል አጀንዳ ለመስጠት ይዘጋጁ፡፡
የኢትዮጵያ ሀገራዊ ምክክር ኮሚሽን በደቡብ ምዕራብ ኢትዮጵያ ህዝቦች ክልል የአጀንዳ ማሰባሰብ የምክክር ምዕራፍን ለመጀመር ዝግጅቱን አጠናቋል፡፡
ኮሚሽኑ በዚህ የምክክር ምዕራፍ ለሀገራዊ ምክክር ጉባኤው የሚሆኑ የአጀንዳ ሀሳቦችን ከክልሉ ባለድርሻ አካላት ይሰበስባል፡፡
በሂደቱም የተለያዩ የሕብረተሰብ ክፍሎችን የሚወክሉ ተወካዮች ፣ መንግስታዊ ያልሆኑ ተቋማትና ማህበራትን የሚወክሉ ግለሰቦች ፣ የፖለቲካ ፓርቲዎች እና የመንግስት አካላት ዋነኛ ተሳታፊዎች ይሆናሉ፡፡

ስለሆነም በደቡብ ምዕራብ ኢትዮጵያ ህዝቦች ክልል የተለያዩ የሕብረተሰብ ክፍሎችን በመወከል ተመራጭ የሆናችሁ ተወካዮች የወከላችሁትን የሕብረተሰብ ክፍል በማወያየት የአጀንዳ ሀሳቦችን እየሰበሰባችሁና እያጠናከራችሁ ዝግጅት እድታደርጉ ኮሚሽኑ ያሳስባል፡፡

ከዚህ በተጨማሪም የፖለቲካ ፖርቲዎች ፣ መንግስታዊ ተቋማት እና መንግስታዊ ያልሆኑ ተቋማት እና ማህበራትን እንዲሁም ተፅዕኖ ፈጣሪ ግለሰቦችን በመወከል የምትሳተፉ ተወካዮች የምትወክሉትን አካል የአጀንዳ ሀሳብ በአግባቡ ይዛችሁ እንድትቀርቡ ኮሚሽኑ ጥሪውን ያቀርባል፡፡

ሀገራዊ ምክክር ለሀገራዊ መግባባት!
የኢትዮጵያ ሀገራዊ ምክክር ኮሚሽን

አስጎብኚ ማህበራት የሚያጋጥማቸውን ችግሮች ለመፍታት እንደሚሰራ ተገለጸ

አስጎብኚ ማህበራት ከአሰራር ጋር በተያያዘ የሚያጋጥማቸውን ችግሮች ለመፍታት ከሚመለከታቸው አካላት ጋር እንደሚሰራ የቱሪዝም ሚኒስቴር ገለጸ፡፡

የቱሪዝም ሚኒስትሯ ሰላማዊት ካሳ ከአስጎብኚ ማህበራት ኃላፊዎች ጋር በጋራ መስራት በሚቻልባቸው ጉዳዮች ላይ ተወያይተዋል፡፡

በዚሁ ወቅት ሰላማዊት ካሳ÷ከአሰራር ጋር በተያያዘ የተነሱ ጉዳዮችን በተቋማቸው መከናወን ያለባቸውን ተግባራት ከሚመለከታቸው አካላት ጋር በመነጋገር መፍትሄ እንደሚሰጥ ገልፀዋል፡፡

የዘርፉ ባለድርሻ አካላት የበኩላቸውን አስተዋፅዖ እንዲያበረክቱም መልዕክት ማስተላለፋቸውን ከቱሪዝም ሚኒስቴር መረጃ ያመላክታል፡፡

የማህበራቱ ተወካዮቹ በበኩላቸው÷መንግሥት ቱሪዝም በኢኮኖሚ ዘርፍ ውስጥ እንዲካተት ከማድረግ ባሻገር አዳዲስ የቱሪስት መስህብ ስፍራዎችን በማልማት እያከናወነ ያለው ተግባር ለዘርፉ የሰጠውን ትኩረት የሚያሳይ ነው ብለዋል፡፡

በዘርፉ ያሉትን የቅንጅታዊ አሰራር ውስንነት፣ በመስህብ ስፍራዎች አካባቢ የሚስተዋሉ ህገ ወጥ እንቅስቃሴዎች እና ከአገልግሎት አሰጣጥ መጓደል ጋር በተያያዘ ያሉ ችግሮችን ጠቅሰዋል ሲል ኤፍ ቢ ሲ ዘግቧል።

ለተጨማሪ መረጃዎች በተለያዩ የማህበራዊ ሚዲያ አማራጮች ይከታተላሉን

የእንስሳት ዝሪያን በማሻሻል አርሶ አደሩን ከዘርፉ ተጠቃሚ ለማድረግ በትኩረት እየተሰራ መሆኑን የሺሾ እንዴ ወረዳ ግብርና፤ አካባቢ ጥበቃና ህብረት ስራ ፅህፈት ቤት አስታወቀ።

ፅህፈት ቤቱ የእንስሳት ዝሪያ ማሻሻያ ስንኮሮናይዜሽን ዘመቻ ማካሄድ መጀመሩን አስታውቀዋል።

በፅህፈት ቤቱ የእንስሳትና ዓሳ ዘርፍ ተወካይ የሆኑት አቶ አሸናፊ ገብረመድህን ወረዳው በእንስሳትና ዓሳ ዘርፍ እምቅ አቅም ያለው ቢሆንም ህብረተሰቡ ከዘርፉ መጠቀም የሚገባውን ጥቅም ሳያገኝ መቆየቱን ገልፀዋል።

የሀገረሰብ እንስሳት ምርታማነት አቅም ማነስና የተሻሻሉ የእንስሳት ዝሪያዎችን ያለማርባት ለምርታማነት ማነስ ዋነኛ ችግሮች እንደነበሩ ገልፀው ይህን ችግር ለመፍታት የእንስሳት ዝሪያ ለማሻሻል ልዩ ትኩረት ተሰጥቶ እየተሰራ መሆኑን ጠቁመዋል።

በ2016 በጀት ዓመት እንደ ወረዳ 69 ላሞችን ማዳቀል እንደተቻለ ያብራሩት አቶ አሸናፊ በተያዘው በጀት ዓመት 200 ላሞችን ለማዳቀል ዕቅድ መያዙን ገልፀዋል።

በወረዳው በሁሉም ማዕከላት የሲንኮርናይዜሽን ዘመቻ እንደሚካሄድ ያስታወሱት አቶ አሸናፊ ህብረተሰቡ ላሞችን በማቅረብ ማዳቀል እንደሚገባ አስገንዝበዋል::

እንስሳትን በማዳቀል የተሻሻሉ የእንስሳት ዝሪያዎችን ለማግኘት የህብረተሰቡ ግንዛቤ ከጊዜ ወደ ጊዜ እያደገ መምጣቱን ጠቁመው የተሻለ ምርት የሚሰጡ እንስሳት ዝሪያዎችን በማብዛት ከዘርፉ የሚገኘውን ጥቅም ማጎልበት እንደሚገባም አሳስበዋል።

የእንስሳት ዝሪያ ማሻሻያ ግብዓት በበቂ መኖሩን ያነሱት አቶ አሸናፊ ሆኖም በሁሉም ቀበሌዎች ደርሰው አገልግሎት ለመስጠት የባለሙያ ዕጥረት ፈተና መሆኑን ገልፀዋል።

የባለሙያ ዕጥረትን ለመፍታት የባለሙያ ቅጥር ለመፈፀም እንቅስቃሴዎች መጀመራቸውን ጠቁመው በቀጣይ በወዳፋ፤ በቡታ ሆራና በዋረታ ቀበሌዎች የማዳቀያ በረት በመገንባት አገልግሎት ለመስጠት እንቅስቃሴዎች መጀመራቸውንም ጠቁመዋል።

ካነጋገርናቸው የአገልግሎቱ ተጠቃሚዎች መካከል አቶ ሚኮ ገላዬና አቶ ዘውዴ ገብረስላሴ በሰጡት አስተያየት የእንስሳት ዝሪያ ማሻሻያው በጠባብ መሬት ውስን የቸሻሻሉ ላሞችን ብቻ እንድጠቀሙ ዕድል የሰጣቸው በመሆኑ የሚበረታታ ተግባር ነው ብለዋል።

ከሺሾ እንዴ ወረዳ መንግስት ኮሚኒኬሽን ጉዳዮች ፅህፈት ቤት የዘገበው ንጉሤ ወ/የስ ነው ።
ወቅታዊ፣ትኩስ እና የተሟሉ መረጃዎችን ለማግኘት፡-

የካፋ ዞን የመንግሥት ኮሙኒኬሽን ጉዳዮች ጽ/ቤት ነው ።
ፈጣን መረጃዎችን ለማግኘት ፦
ፌስቡክ ገፃችንን
https://www.facebook.com/kfzgca
የቴሌግራም ቻናላችንን
https://t.me/ahkafaZGCAffairs
ዩቲዩብ ቻናላችንን
@KaffaZoneCommunicationAffairs
የቲክቶኮ ቻናላችንን
https://vm.tiktok.com/ZMrxuoNNL/
Like, comment ,share በማድረግ ድረገፃችንን ይወዳጁ ።

የፖለቲካ አመራሩ ለጤና መድህን ፕሮግራም ውጤታማነት መረጋገጥ ተገቢውን ትኩረት መስጠት እንዳለበት ተጠየቀ

የደቡብ ምዕራብ ኢትዮጵያ ህዝቦች ክልል ጤና ቢሮ የገቢ አቅም መሠረት ያደረገ የማህበረሰብ አቀፍ ጤና አግልግሎት ማስፈጸሚያ ላይ ከክልሉ ማዐጤመ ቦርድ አባላትና ሌሎች የባለድርሻ አካላት ጋር የምክክር መድረክ በቦንጋ ከተማ እየተካሄደ ይገኛል።

በመድረኩ ተገኝተው መልዕክት ያስተላለፉት የክልሉ ረዳት የመንግሥት ተጠሪ አቶ ነጋ አበራ በየደረጃው ያለው አመራር ለጤና መድህን ፕሮግራም ውጤታማነት መረጋገጥ ተገቢውን ትኩረት መስጠት እንዳለበት አስገንዝበዋል።

"የጤና መድህን ፕሮግራም ለህዝባችን ፍትሃዊነቱ የተረጋገጠ መሠረታዊ የጤና አግልግሎት ተደራሽ ለማድረግ የጎላ አስተዋጽኦ አለው" ያሉት አቶ ነጋ ዘላቂነትን ለማረጋገጥ በቂ ሀብት ማከማቸት አስፈላጊ በመሆኑ ገቢን መሠረት ያደረገና ከገበያ ሁኔታና ጋር የተጣጣመ የክፍያ ስረዓት መዘርጋት እንደሚገባ ተናግረዋል።

በተያዘው በጀት ዓመት በአገልግሎት አሰጣጥ ዙሪያ የሚስተዋሉ ጉድለቶችን ፈጥኖ በማረም ዜጎችን በተሟላ መልኩ የጤና መድህን መርሀግብር ተጠቃሚ ለማድረግ አዲስ አባል ማፍራትና ነባር አባላት እድሳት ላይ ትኩረት አድርጎ መስራት እንደሚገባም ነው አቶ ነጋ የጠቆሙት።

መንግሥት እንደ ሀገር የዜጎች ሁለንተናዊ ብልጽግና ለማረጋገጥ ዘርፈ ብዙ ተግባራትን እያከናወነ እንደሚገኝ የገለጹት አቶ ነጋ አበራ በክልሉም ሰብዓዊ ልዕልና በማረጋገጥ ለዜጎች መሠረታዊ ፍላጎት ለማሟላት ለጤናው ዘርፍ ተገቢው ትኩረት መሰጠቱን ተናግረዋል።

በክልሉ የዜጎችን ማህበራዊ ብልጽግና ለማረጋገጥ ለጤናው ዘርፍ በተሰጠው ትኩረት አመርቂ ውጤት እየተመዘገበ እንደሚገኝ የገለጹት የክልሉ ጤና ቢሮ ኃላፊ አቶ ኢብራሂም ተማም የጤና መድህን መርሀግብር የጤና አግልግሎት ፍትሀዊነትና ተደራሽነት ያረጋገጠ ሰው ተኮር ፕሮግራም መሆኑን ነው የገለጹት።

በክልሉ 56 ወረዳዎች የጤና መድህን ፕሮግራም እየተተገበረ መሆኑን የገለጹት አቶ ኢብራሂም በበጀት ዓመቱ የየጤና መድህን ጤና አግልግሎት ችግሮችን በመቅረፍ የተሻለ የጤና አግልግሎት ለመስጠት በቂ ቅደመ ዝግጅት መደረጉንና በዚህም የፕሮግራሙን ዘላቂነት ለማረጋገጥ የክፍያ ስርዓት አቅምን መሠረት ባደረገ መልኩ ማሻሻል እንደሚገባ ጠቁመዋል።

በመድረኩ የክልሉ የጤና መድህን የቦርድ አባላትና ሌሎች የባለድርሻ አካላት እየተሳተፉ ይገኛል ሲል የዘገበው የክልሉ መንግስት ኮሙኒኬሽን ነው።

ወቅታዊ፣ትኩስ እና የተሟሉ መረጃዎችን ለማግኘት፡-

የካፋ ዞን የመንግሥት ኮሙኒኬሽን ጉዳዮች ጽ/ቤት ነው ።
ፈጣን መረጃዎችን ለማግኘት ፦
ፌስቡክ ገፃችንን
https://www.facebook.com/kfzgca
የቴሌግራም ቻናላችንን
https://t.me/ahkafaZGCAffairs
ዩቲዩብ ቻናላችንን
@KaffaZoneCommunicationAffairs
የቲክቶኮ ቻናላችንን
https://vm.tiktok.com/ZMrxuoNNL/
Like, comment ,share በማድረግ ድረገፃችንን ይወዳጁ ።

ሀገሪቱ የያዘቹን ህልምና ራዕይ የጋራ በማድረግ የሀገራችንን የብልጽግና ጉዞ ማሳለጥ ከሁሉም አመራር ይጠበቃል፦ አቶ የሺዋስ ዓለሙ የደቡብ ምዕራብ ኢትዮጵያ ህዝቦች ክልል የመንግስት ኮሙኒኬሽን ጉዳዮች ቢሮ ኃላፊ ።

በደቡብ ምዕራብ ኢትዮጵያ ህዝቦች ክልል የካፋ ዞን የ3ኛ ዙር የመካከለኛ አመራሮች "የህልም ጉልበት ለእመርታዊ ዕድገት" በሚል ርዕስ ሲሰጥ የነበረው ሥልጠና ቀጥሏል ።

በዛሬው የስልጠና ውሎ "የህልም ጉልበት ለእመርታዊ ዕድገት" በሚል ርዕስ ስለ ሀገራዊ ህልም ምንነትና አስፈላጊነት ዙሪያ ገለፃና ማብራሪያ ተደርጓል።

በመቀጠል ገለፃውን መሰረት አድርጎ የቡድን ውይይት በቡድን አወያዮች አማካይነት እንዲካሄድ ተደርጓል።

በመጨረሻም የዕለቱ የሥልጠና መድረክ በክልሉ የመንግስት ኮሙኒኬሽን ጉዳዮች ቢሮ ኃላፊው በአቶ የሺዋስ ዓለሙ ማጠቃለያ ተደርጎ መቋጫ ያገኘ ሲሆን ስልጠናው በነገው ዕለትም የሚቀጥል ይሆናል።

ወቅታዊ፣ትኩስ እና የተሟሉ መረጃዎችን ለማግኘት፡-

የካፋ ዞን የመንግሥት ኮሙኒኬሽን ጉዳዮች ጽ/ቤት ነው ።
ፈጣን መረጃዎችን ለማግኘት ፦
ፌስቡክ ገፃችንን
https://www.facebook.com/kfzgca
የቴሌግራም ቻናላችንን
https://t.me/ahkafaZGCAffairs
ዩቲዩብ ቻናላችንን
@KaffaZoneCommunicationAffairs
የቲክቶኮ ቻናላችንን
https://vm.tiktok.com/ZMrxuoNNL/
Like, comment ,share በማድረግ ድረገፃችንን ይወዳጁ ።

የብልፅግና ፓርቲ ምክትል ፕሬዝዳንት አደም ፋራህ ከቻይናው ኮሙኒስት ፓርቲ ተወካይ እና ከሀገሪቱ ምክትል ትምህርት ሚኒስትር ጋር ተወያዩ

በምክትል ጠቅላይ ሚኒስትር ማዕረግ የዴሞክራሲ ሥርዓት ግንባታ ማስተባበሪያ ማዕከል ሃላፊ እና የብልፅግና ፓርቲ ምክትል ፕሬዝዳንት አደም ፋራህ በቻይና ምክትል ትምህርት ሚኒስትር እና የቻይና ኮሙኒስት ፓርቲ ተወካይ ዉ ያን የተመራ ልዑክ ጋር ተወያይተዋል።

ሁለቱ የስራ ኃላፊዎች በፓርቲ ለፓርቲ ግንኙነት ብሎም በሁለቱም ሀገራት በተመዘገቡ የለውጥ ስራዎች ዙሪያ በዝርዝር መክረዋል።

አቶ አደም ፋራህ በዚህ ወቅት እንዳሉት እየጎለበተ የመጣው የሁለቱ ፓርቲዎች ወዳጅነት እና ስትራቴጂካዊ አጋርነት የጋራ ተጠቃሚነትን ለማረጋገጥ የላቀ አስተዋጽኦ እያበረከተ ነው።

ባለፉት የለውጥ ዓመታት ኢትዮጵያ እየተገበረች ላለው ሁሉን አቀፍ ሪፎርም ስኬታማነት የቻይና ኮሙኒስት ፓርቲ ከፍተኛ አስተዋጽኦ ማድረጉን አስታውሰው፤ የትምህርት ዘርፉን ለአብነት ጠቅሰዋል።

በፓርቲው የሚመራው የቻይና መንግስት በተለይም በቴክኒክና ሙያ ትምህርትና ስልጠና እንዲሁም የነጻ ትምህርት ዕድል በመስጠት በአቅም ግንባታ ስራዎች ላይ ለተጫወተው ቁልፍ ሚና ዕውቅና ችረዋል።

ይህም የሁለቱን ፓርቲዎች ስትራቴጂካዊ አጋርነት እና ትብብር ፍሬያማነት የሚያሳይ መሆኑን በመጥቀስ አድንቀዋል።

ባለፉት ስድስት የለውጥ ዓመታት ኢትዮጵያን በፖለቲካዊ፣ ማህበራዊ፣ ኢኮኖሚያዊ እና ተቋማዊ የሪፎርም ስራዎች የተመዘገቡ ተጨባጭ ለውጦችን በተመለከተም በዝርዝር አብራርተውላቸዋል።

የቻይና ምክትል ትምህርት ሚኒስትር እና የቻይና ኮሙኒስት ፓርቲ ተወካይ ዉ ያን በበኩላቸው፥ ኢትዮጵያን ሁነኛ እና ስትራቴጂካዊ አጋር ሀገር አድርገን እንቀጥላለን ብለዋል።

የሁለቱ ፓርቲዎች ጠንካራ ግንኙነት ተጠናክሮ መቀጠል እንዳለበት ጠቅሰው፤ ባለፉት ዓመታት በኢትዮጵያ ለተመዘገበው የለውጥ ጉዞና ስኬት የለውጡ አመራር ያሳየውን ቁርጠኝነትም አድንቀዋል።

የቻይና መንግስት እና ፓርቲያቸው ኢትዮጵያን ጨምሮ ከአፍሪካ ሀገራት ጋር የጋራ ዕድገትና ብልጽግና ላይ የተመሰረተ ሁሉን አቀፍ ግንኙነትን ለማጠናከር አበክረው እንደሚሰሩ አረጋግጠዋል።

ፓርቲያቸው የኢትዮ-ቻይና በሁኔታዎች የማይለዋወጥ ሁሉን አቀፍ ስትራቴጂካዊ ግንኙነት ይበልጥ እንዲጎለብት ወሳኝ ሚና እንደሚጫወት ነው የተናገሩት።

የቻይና ኮሙኒስት ፓርቲ ያሳለፋቸውን የውሳኔ ሃሳቦች ይዘትና ውጤቶች በተመለከተም በዝርዝር ማብራራታቸውን ከፓርቲው ያገኘነው መረጃ ያመለክታል።
ወቅታዊ፣ትኩስ እና የተሟሉ መረጃዎችን ለማግኘት፡-
የካፋ ዞን የመንግሥት ኮሙኒኬሽን ጉዳዮች ጽ/ቤት ነው ።
ፈጣን መረጃዎችን ለማግኘት ፦
ፌስቡክ ገፃችንን
https://www.facebook.com/kfzgca
የቴሌግራም ቻናላችንን
https://t.me/ahkafaZGCAffairs
ዩቲዩብ ቻናላችንን
@KaffaZoneCommunicationAffairs
የቲክቶኮ ቻናላችንን
https://vm.tiktok.com/ZMrxuoNNL/
Like, comment ,share በማድረግ ድረገፃችንን ይወዳጁ ።