Advokat Abdullayev | Rasmiy

Жим-житлик

"Дарё" тарқатган ушбу хабарга кўра, Олий суд судлов ҳайъати суд мажлисидан аввал, Ҳайъат аъзолари прокурор билан пичирлашиб олганликлари ҳолатига изоҳ бера олмаган. Аслида эса, изоҳ бериш очиқчасига рад қилинган.

Шунингдек, Судьялар олий кенгаши ҳам бу масалада сукут сақлаб келмоқда.

Маълум бўлишича, суд бошланишидан аввал Олий суднинг Иқтисодий ишлар бўйича судлов ҳайъати аъзолари билан прокурор ўрталарида яширин суҳбат бўлиб ўтган ва 15 дақиқача давом этган ушбу суҳбат тарафларни ташқарида қолдирган ҳолда бўлиб ўтганлигига жавобгар ва унинг адвокати эътироз билдирганлар.

Ўз навбатида, даъвогарнинг адвокати ҳам судлов ҳайъатидан мазкур ҳолатга изоҳ берилишини сўраган бўлиб, Олий суд раисига ҳам холат юзасидан шикоят берган. Лекин, ҳамма жим.

Судлов ҳайъатининг 3 декабрь куни давом этган навбатдаги мажлисида даъвогар фермернинг адвокати яна судлов ҳайъатига юзланиб, прокурор билан “пичир-пичир”га ойдинлик киритилишини талаб қилган.

"Ҳурматли раислик этувчи, судлов ҳайъати суд мажлисидан олдин прокурор билан 10-15 дақиқа яширин гаплашиб олганига изоҳ талаб қиламан. Шундан сўнг адвокат сифатида сўзларимни давом эттираман.", - деган фермернинг адвокати.

Судлов ҳайъати раиси эса, бунга жавобан, даъвогар номидан бу ҳақда Олий суд раисига ҳам ёзма ариза қилинганини эслатиб, айни пайтда изоҳ бермаслигини, адвокат сўровига ёзма жавоб қайтарилишини билдирган.

Яна жим-житлик.

Қизиқ. Энди бу "Жим-житлик" романининг муаллиф(лар)и ким(лар) экин?

👉@Advokat_Abdullayev

Diqqat, e’lon!

Advokat bo‘lishni xohlaysiz-u, ikkilanyapsizmi?
Yoki, endigina ish boshlagan advokatsiz-u, mijoz bilan ishlashda qiynalyapsizmi?
Sizda ishonch, dadillik yetishmayaptimi?
Sizni tergovchi, prokuror, sudyalar diqqat bilan eshitishmayaptimi?

Biz, yuridik sohada 20 yillik tajribaga ega advokatlar - Abdumalik Abdullayev va Xurshedbek Rustamovlar Sizni joriy yilning 7 dekabr kuni bo‘lib o‘tadigan offlayn seminarimizga taklif etamiz.

Seminarda advokatlikning plus va minus tomonlari, advokatning huquqlari himoya qilinayotgan shaxs bilan ishlashi jarayonidagi muammolar, shartnoma tuzish, shartnomani bekor qilinishi borasida, shuningdek, tergovchi, prokuror va sudyalar Sizni diqqat bilan tinglashlariga erishishning texnik va taktik usullari, muammolar va yechimlar haqida gaplashamiz.

Batafsil ma’lumot va o‘z joyingizni band qilish uchun, biz bilan quyidagi telefon raqami yoki telegram havolasi orqali bog‘laning

👉👉 @advokat_abdulaziz
📞📞 +998900184808

👉@Advokat_Abdullayev

Ҳимоя позицияси: Нимага ишонишимиз муҳим эмас, муҳими нимани исботлай олишимизда

Маҳбус: Жиддий айтяпман. Уларда далил йўқ. Сизларга ишоняпман. Менга ҳам ишонинг. Мен айбсизман. Айбсизман, тушунарлими?

Адвокат: Нимага ишонишимиз муҳим эмас, муҳими нимани исботлай олишимизда?

Маҳбус: Терговчиларимга ўхшар экансиз, худди ўзисиз.

Адвокат: Айбсизлигингизни биламиз, биламиз. Аммо буни исботлаш керак, токи Сизни нимада айблашаётганлигини билмай туриб буни исболай олмаймиз.

* Чунки, ҳимоя позициясининг кучли ва мустаҳкам бўлиши ҳимоячининг аввал давлат айбловчиси - прокурор каби айблов нуқтаи назаридан ёндаша олишида.

Ушбу кейсда шахс айбсиз деб топилган, қамоқдан озод қилинган.

👉@Advokat_Abdullayev

Ҳуқуқий тарғибот аълочилари аниқланди

Ушбу ютуқ эгаларини муборакбод этамиз! Узоқ умр, сиҳат-саломатлик ва касбий фаолиятларида зафарлар тилаб қоламиз!

Эслатиб ўтамиз, мазкур кўкрак нишони “Жамиятда ҳуқуқий онг ва ҳуқуқий маданиятни юксалтириш тизимини тубдан такомиллаштириш тўғрисида”ги Президент Фармони асосида таъсис этилган.

👉 @Advokat_Abdullayev

***

Бразилия қамоқхоналарида битта китобни маҳкум ўқиб тугатса, унга берилган муддатдан тўрт кун олиб ташланар экан.

Улар бу билан инсонни тузатишни ирода қилишар экан, барбод қилишни эмас!

P.S.: Ҳақиқий озодлик ўқиш ортидан келади. Кўпроқ китоб ўқинг!...

👉@Advokat_Abdullayev

Машҳур судья Франк Каприодан жуда таъсирли насиҳат

👉 @Advokat_Abdullayev

Ҳамкорлик учун муҳим қадам

Бугун Ҳуқуқни муҳофаза қилиш академиясида Ўзбекистон Республикаси Адвокатлар палатаси раиси Ш.Садиков билан учрашув бўлиб ўтди.

Академия ва Адвокатлар палатаси ўртасида одил судловни таъминлаш мақсадида салоҳиятли кадрлар тайёрлаш ва уларнинг малакасини оширишга қаратилган фаолиятни ҳамкорликда амалга ошириш мақсадида меморандум имзолашга келишиб олинган.

Ушбу ҳужжат икки томонлама муносабатларни мустаҳкамлаш ва узоқ муддатли ҳамкорлик учун муҳим қадам ҳисобланади.

👉 @Advokat_Abdullayev

Олий суднинг ишонч телефони мунтазам равишда ишламоқда

Олий суд тарқатган хабарга кўра, Олий суднинг (71) 207-97-37 рақамли “Ишонч телефони” ҳафтанинг душанба-жума кунлари соат 9.00 дан 18.00 га қадар (тушлик - 13.00 – 14.00) мунтазам равишда ишламоқда.

Билдирилишича, “Ишонч телефони” маркази томонидан жисмоний ва юридик шахслар ҳамда уларнинг вакилларига Олий судда кўрилаётган шикоятларининг ҳолати (суд қарорининг ижросини тўхтатиб туриш, шикоят ўрганилаётгани, жавоб юборилгани) ҳақида маълумот берилади.

Яна хабарда айтилмоқдаки, процессуал ҳаракатлар билан боғлиқ, яъни шикоятни кўриб чиқаётган судья, унинг телефон рақами, шунингдек, Олий суд ва қуйи судларга киритилаётган шикоятнинг мазмун-моҳияти, ишларни кўриб чиқиш жараёни, қабул қилинган суд қарорларига тушунтириш бериш, шикоят берган тарафни аниқлаш тўғрисидаги мурожаатлар қабул қилинмайди.

👉 @Advokat_Abdullayev

Вафот этган суд раисининг оиласига суғурта пули тўлаб берилмаётгани ҳақидаги Абдураҳмон Ташановнинг билдириши юзасидан Олий суд қуйидагича муносабат билдирди!

Аввало, жиноят ишлари бўйича Сариосиё туман судининг собиқ раиси В.Норбековнинг бевақт вафоти юртимизда фаолият юритаётган барча судьялар ва суд ходимларини чуқур қайғуга солганини алоҳида қайд этиш лозим.

Марҳум В.Норбековнинг ёрқин хотираси ҳамкасблари қалбида абадий яшайди, унинг фидокорона хизматлари ҳеч қачон унутилмайди.

Билдиришда судлар шаънига таъна тошлари отилиб, гўёки ўз ҳамкасбининг хизматларини инобатга олмагани иддао қилинган. Ваҳоланки, айнан ушбу ҳал қилув қарорида суд нега даъвогар Ҳ. Нурманованинг жавобгар “O’zagrosug’urta” акциядорлик жамиятига нисбатан “O’zagrosug’urta” АЖ бошқарувининг 62-сонли баённомасини ҳақиқий эмас деб топиш ва суғурта тўловлари тўлаш мажбуриятини юклаш тўғрисида даъво аризасини қаноатлантирмасдан қолдиргани тўлиқ тушунтирилган. Биринчи инстанция судининг ушбу ҳал қилув қарори устидан шикоят қилиш эса қонунда белгиланганг тартиб ва муддатларда амалга оширилади.

Шу билан бирга, Судлар фаолиятини таъминлаш департаментидан олинган маълумотга кўра айни вақтда “O’zagrosug’urta” АЖга марҳум В.Норбековнинг оила аъзолари билан биргаликда суғурта товонини тўлаш меъёрларига ўзгартириш киритиш тўғрисидаги таклифлар тайёрланаётгани, ушбу ўзгартиришлар киритилган тақдирда ушбу масала ижобий ечим топиши мумкинлиги маълум қилинади.

Қачон аниқ қандай ечим бўлишини интизорлик билан кутиб қоламиз.
👉 @Advokat_Abdullayev

***

Ҳар доим ҳам кўрингани каби бўлавермайди.

Йиғламасдан кўришнинг иложи йўқ...

👉@Advokat_Abdullayev

Тажрибали терговчи кетса, иш тўхтамайди, бироқ ...

Яна икки нафар яхшигина тажрибали терговчи соҳани тарк этибди.

Тўғри. Кетса, ўрнига кимдир келади, иш давом этаверади. Лекин, биласизми, тажрибали терговчилар бирин-кетин ишдан кетиб қолишлари “Устоз-шогирд” анъанасини тобора барбод бўлишига олиб келади. Битта ходимни тажрибали терговчи бўлиб шаклланиши ортида қанча вақт, қанча меҳнат, қанча машаққатлар ётибди.

Бу Сизни қай даражада жиддий ташвишга солади, билмадик-у, аммо устозликка лойиқ терговчиларни бора-бора "Қизил китоб" дан қидирадиган бўлишимиз бизни яхшигина ташвишга солмоқда. Анъана сўниб боряпти.

Шу ўринда, биз тизимнинг, соҳанинг келажаги устида жиддий қайғура оладиган масъулларга юзланиб, айнан ишдан ўз ихтиёри билан кетганлар, кетаётганлар билан шахсан, яккама-якка суҳбатлашиб, уларни сабр билан эшитиб кўринг. Раҳбар мақомида туриб эмас, балки улар билан бир мақомдаги дўсти, ўртоғи, ҳамдарди, сирдоши бўла олиб, эшитиб кўринг, деймиз.

Чунки уларни норози қилган ҳар бир детал, ҳар бир нарса, билинг-ки, тизимингизни ислоҳ қилишга ундайдиган жиддий камчилигингиздир. Сиздан эса, шунчаки ёқимли баҳолар "капсуласи" дан чиқиб, бир муддат ёқимсизида бўлиб кўриш талаб этилади.

Ишонинг, афсусланмайсиз.

P/s: Жонкуяр раҳбарларга юзландик.

👉 @Advokat_Abdullayev

Прокуратура ходими суд ҳукми ижросига тўсқинлик қилмоқдами?

Давлат ижрочиси 2024 йил 5 ноябрь куни Фарғона вилоят прокуратурасига депозитдаги пул маблағларини ўтказиб беришни сўраб мурожаат қилган.

Бироқ Фарғона вилоят прокуратураси пул маблағларини шу кунгача ўтказиб бермагани Advokat Qosimov айтмоқда.

Шунингдек, суднинг қонуний кучга кирган ҳукми билан прокуратура депозитига зарарни қоплаш учун тўланган сумманинг бир қисмини судланувчига қайтариш белгиланган.

Қизиғи шундаки, ўтказиб берилиши керак бўлган пул маблағларининг бир қисми солиқ органига зарарни қоплаш учун ўтказилиши керак.

Прокуратуранинг депозитга қўйилган пуллардан топадиган фойдасига зарар етказилмаслиги учун фуқаро ҳам, солиқ органи ҳам кутиб турибди, дейилади хабарда.

Келтирилишича, ушбу ҳолатга нисбатан ҳеч ким ҳеч қандай чора кўрмаган ва ҳолат доимий давом этмоқда.

Мазкур ҳолатга Фарғона вилоят прокуратураси тегишли муносабат билдиришини сўраймиз.

👉 @Advokat_Abdullayev

Электрон браслет ва дастурий таъминот ишлаб чиқилаётгани айтилмоқда

Криминология тадқиқот институти бошлиғи полковник, юридик фанлар доктори Бахтиёр Бердиалиев:

"Криминология институтида бажарилган илмий-тадқиқот лойиҳаси натижасида уй қамоғи эҳтиёт чораси ва озодликни чеклаш жазоси тайинланган шахсларни масофавий назорат қилишга мўлжалланган методика, электрон браслет қурилмаси ва дастурий таъминот ишлаб чиқилиб, интеллектуал мулк объекти ҳужжатини олиш, электрон браслетни ишлаб чиқариш ва тижоратлаштириш бўйича комплекс чоралар амалга оширилмоқда"

Аввалроқ Қозоғистонда гумон қилинувчиларни қамоққа олиш ўрнига уларга электрон браслетлар кўпроқ тақиш аллақачон бошлангани ҳақида тўхталган эдик.

👉@Advokat_Abdullayev

***

Ақл қўйдир, нафс бўри, иймон эса чўпон. Агар иймон кучли бўлмаса, нафс ақлни ейди.

Мавлоно Жалолиддин Румий

👉 @Advokat_Abdullayev

2024 йил 1 декабрдан ижро ҳужжати бўйича барча чекловлар 10 йил давомида сақлаб қолиниши ҳақида

Президентнинг ПФ-1-сонли Фармонида 2024 йил 1 декабрдан бошлаб суд ҳужжатлари ва бошқа органлар ҳужжатларининг сўзсиз ижросини таъминловчи "Мажбуриятлар реестри" институти жорий этилиши белгиланган.

Мазкур "Мажбуриятлар реестри" институтини амалиётга жорий этиш бўйича қонун лойиҳаси Қонунчилик палатасида кўриб чиқилмоқда.

Бунда:
—Реестр Мажбурий ижро бюроси томонидан юритилади;

—қарздор мол-мулки йўқлиги сабабли ундирув амалга ошириш имконияти бўлмаганда, у ҳақидаги маълумотлар мажбурий тартибда Реестрга киритилади;

—қарздор ҳақида маълумот Реестрга киритилгандан кейин унга нисбатан ижро иши доирасида қўлланилган барча чекловлар сақлаб қолинади;

—Реестрга киритилган қарздорнинг мол-мулки ва пул маблағлари аниқланганда мажбурий ижро ҳаракатлари давом эттирилади;

—қарздор ижро ҳужжати бўйича мажбуриятини бажарганда, у вафот этганда, ижро ҳужжатини беришга асос бўлган суд ҳужжати ёки бошқа органнинг ҳужжати бекор қилинганда ёхуд ижро ҳужжати бўлган ҳужжат бекор қилинганда ёки ҳақиқий эмас деб топилганда, қарздорнинг 10 йил давомида мол-мулки ёки пул маблағлари ҳақида маълумот аниқланмаганда ёки қарздор банкрот деб топилганда, ундирувчининг аризасига кўра, у ҳақидаги маълумотлар Реестрдан чиқарилади.

👉@Advokat_Abdullayev

Дардини оддий тушунтирган киши дардлидир. Гўзал тушунтирган киши адиб, ҳоли билан тушунтирган киши ошиқ, табассум билан тушунтирган киши эса, орифдир.

Сардор Тунжер

👉@Advokat_Abdullayev

Телеграм тармоғида турли блоглар жуда кўп, аммо сараланган блогларни ҳамма ҳам осонгина топа олмайди.

Шу сабабли биз сизнинг мушкулингизни осон қилиш учун энг фаол блогерларни блогини битта рўйхатда жамладик.
Биз ўзимизга ёққанларини сизга ҳам илиндик.

Ушбу ҳавола орқали ўзингизга ёққан бир ёки бир нечта блогларга аъзо бўлишингиз мумкин.

— Хўш, ўртоқлар, қани марҳамат 👉 Аъзо бўлиш 👈

👉 https://t.me/addlist/uavg5tjM_vJiYzgy 👈

Унинг ўгитлари аслида, ҳам қонун, ҳам виждон талабларидир.

@Advokat_Abdullayev

Қамоқ эҳтиёт чораси: талқинда қайси амалдор ҳақ?

Ҳуқуқ фаоли Абдурахмон Ташанов бир муҳим масалани кўтарган, унга кўра,

"Ҳимоямдаги шахс Қиличевга нисбатан қамоқ эҳтиёт чорасини ўзгартириш масаласида мамлакатимиз суд-ҳуқуқ тизимининг икки раҳбари қабулида бўлдим: уларнинг бири Судьялар Олий кенгаши раиси Холмўмин Ёдгоров, иккинчиси Олий суд раиси ўринбосари Икром Муслимов.

Гап шундаки, ҳимоям остидаги шахснинг қамоққа олинганига бугун 7 ойдан ошди. Президент Шавкат Мирзиёевнинг 2016 йил 21 октябрдаги ПФ48/50-сонли Фармонида ҳибсда ушлаб туришнинг муддати 1 йилдан 7 ойга қисқартирилгани айтилади.

Ёдгоровнинг талқинига кўра, бу норма қамоққа олинган шахснинг тергов ёки судда бўлишидан қатъий назар қамоққа олинган кунидан бошлаб, 7 ой ўтганда қўлланилади. Муслимовга кўра, президент фармонида фақатгина дастлабки тергов муддати назарда тутилган. Яъни, шахсга нисбатан қамоқ эҳтиёт чораси узоғи билан 7 ой терговда, 6 ой судда - жами 13 ой қўлланилиши мумкин. ЖПКда эса президент фармонининг асл моҳияти очиб берилмаган.

Адвокатларнинг айтишича, ҳатто Адлия вазирлиги президент фармонига шарҳ беришни истамабди. Бундай шарҳни Президент Администрацияси бериши керакмиш.

Мен ўрта мактабда ҳам, олий таълимда ҳам ўзбек тилидан аълога ўқиганман. Фаҳмимча, Фармон матнига кўра, қамоқ эҳтиёт чораси 7 ойдан ортиқ бўлиши мумкин эмаслиги англашилади. Агар президент фармони бу масалада ноқис бўлса, энди бу бошқа масала.

Суд ҳимоямдаги шахснинг қамоқ чорасини ўзгартирмади. Муслимов айтгани бўлди, мен эса эҳтиёт чораси масаласида президент илғорроқ қарор чиқарибди, деб хурсанд бўлган эканман.

Хуллас, долзарб масала - қамоқ эҳтиёт чораси масаласида ЖПКда аниқ қоида мавжуд эмаскан. Тизимнинг иккита каттакони икки хил фикрда, биз авом нима қилайлик? Менимча, суд қамоқ эҳтиёт чорасини жами 13 ойда ҳам ўзгартирмаслик ҳуқуқини сақлаб қоларкан, президентнинг юқоридаги фармонида прогресс йўқ."

@Advokat_Abdullayev

Энди рейтинги юқори тадбиркорлик субъектларига нисбатан солиқ текширувлари ўтказилмайди

Солиқ кодексига киритилган янги қўшимчаларга кўра, тадбиркорлик субъектларининг барқарорлик рейтинги тушунчаси киритилди.

Бундан ташқари, энди барқарорлик рейтинги бўйича «ААА» тоифадаги тадбиркорлик субъектларига нисбатан эса солиқ текширувлари ўтказилмайди.

Бунда, лекин жиноят ишлари доирасида ўтказиладиган текширувлар назарда тутилмаяпти.

@Advokat_Abdullayev

Кўз кўрмаса ҳам, кундузи кундуздир,
Кишиларга маълум бўлмаса ҳам, ҳақиқат ҳақиқатдир.

Ал-Хоразмий

@Advokat_Abdullayev

Қизиқ фактнинг қизиқлиги мана нимада эди

Ҳимоямиз остидаги тадбиркор Ойбек Равшановга нисбатан оқлов ҳукми ўқилгани ҳақида аввал маълум қилган эдик.

Унда қизиқ фактнинг қизиқлигини оширувчи белгиларига қўшимча қилгимиз келди.

Хуллас, жиноят иши дастлаб Юнусобод туман прокуратурасининг катта терговчиси иш юритувида бўлган.

Гумон қилинувчини қамоққа олиш суд томонидан маъқул кўрилмаганидан кейин прокуратура органларига эндигина иш ўрганиш учун келган, ёш мутахассис, прокурорнинг иш ўрганувчи ёрдамчиси иш юритувга ўтказишга қарор қилинган.

Яъни, хавфи кутилаётган оқлов ҳукмининг ёқимсиз оқибатини юмшатиш ва "силлиқ кўчириш" илинжида асоссиз айбловни унинг имзоси билан расмийлаштиришга қаратилган "манёвр" эди бу.

Агар суд оқлов ҳукми ўқиса, кейинчалик юқори турувчи прокурорда жиноят иши бўйича дастлабки терговни ким олиб борганлиги хусусида эътирози пайдо бўлса, ёш мутахассис прокурор ёрдамчисига интизомий жазо қўлланмаслиги табиий. Ахир, у эндигина иш ўрганмоқда ва нотўғри ёки асоссиз айблов учун уни жазолаш шунчаки эп кўрилмайди юқори томонидан. Буни ким билмайди дейсиз?

Лекин ҳис-туйғу аралашган ушбу "заказное дело" бўйича дастлабки терговни унинг қўли билан тамомланишига эришиш марднинг ишимикан?!

Дастлабки терговни тамомланганлигини эълон қилган ушбу мансабдор лафзига ишониб, жиноят иши ҳужжатлари рақамланган ва тикилган ҳолда тақдим этилмаган бўлса ҳам, иш ҳужжатлари билан танишиб чиққанлигимиз ҳақида, аслида танишмаган бўлсак-да, баённомани имзолаб берган эдик.

Судда танишдик, ҳужжатлардан нусхаларни судда олдик.

Лекин, нима бўлганда ҳам оқлов ҳукми ўқиган судья Зафар Латиповда қатъият етишди.

@Advokat_Abdullayev

Прокурор ёрдамчиси тергов қилишга ваколатли эмас

Маълумки, жиноят иши бўйича дастлабки терговни терговчилар олиб боради. Амалдаги ЖПКнинг 344-моддаси 1-қисмига асосан, дастлабки терговни прокуратура, ички ишлар органлари ва давлат хавфсизлик хизмати терговчилари олиб боради. Модданинг 2-қисмига кўра эса, бу ишни прокурорлар ҳам олиб боришлари мумкин.

"Прокуратура тўғрисида"ги қонуннинг 29-моддаси 2-қисмига асосан, прокурор жиноят-процессуал қонунига мувофиқ ҳар қандай жиноятни тергов қилишни ўз иш юритувига олишга, шунингдек уни ўзига бўйсунувчи прокурорга топширишга ҳақлидир.

Қонуннинг 56-моддаси 5-қисмида айнан 29-модданинг иккинчи қисмида тилга олинган “прокурор” қайси лавозимдаги шахс эканлигига тушунтириш берилган.

Унга кўра, прокурор деганда ўз ваколатлари доирасида иш олиб бораётган Ўзбекистон Республикаси Бош прокурори, Қорақалпоғистон Республикаси прокурори, вилоятлар, Тошкент шаҳар, туманлар, шаҳарлар прокурорлари ва уларга тенглаштирилган прокурорлар, шунингдек уларнинг ўринбосарларини тушуниш керак.

Демак, дастлабки тергов олиб боришга ваколатли прокурорлар қаторида прокурорларнинг ёрдамчилари назарда тутилмаган.

Шундай экан, туман (шаҳар) прокурори ёрдамчиси томонидан жиноят иши ўз иш юритувига олиниб, дастлабки тергов олиб борилиши Жиноят-процессуал кодекси ва “Прокуратура тўғрисида”ги қонуни талабларига мутлақо зид.

Ўз навбатида, ЖПКнинг 95-1-моддаси 1-қисми 4-бандига мувофиқ, мустақил тергов ҳаракатлари олиб боришга ваколатли бўлмаганлар томонидан расмийлаштирилган ҳар қандай процессуал ҳужжатлар, тўпланган далиллар номақбул, деб топилишга маҳкумдир.

Амалиётда, "Прокурор ёрдамчисининг қарорини прокурор тасдиқлашидан келиб чиқилса, унинг дастлабки тергов ўтказиши бу, айни пайтда прокурорнинг тергов олиб боришини англатади.", - деган хато ёндашув шаклланиб қолган.

Бунга қўшила оламаймиз. Аввало, қонунда ҳуқуқ берилмаган. Қолаверса, тергов ҳаракатларини амалда прокурор ёрдамчилари олиб бормоқда, прокурорлар эмас.

Қайта эслатиб қўймоқчимиз:

Процессуал қонунчиликда "прокурорлар томонидан" дейилган, "прокурорлар ёрдамчилари" эмас.

@Advokat_Abdullayev

Ҳаёт шундай ғалати нарсаки прокурор...

@Advokat_Abdullayev

Судьянинг иши қонунни ҳадя этиш эмас, балки уни тўғри талқин қилишдир.

Фрэнсис Бэкон

@Advokat_Abdullayev

Олий суд хабари

"Айни пайтда Олий суднинг маълумотларни сақлаш ва қайта ишлаш марказининг сервер қурилмаларида такомиллаштириш ишлари олиб борилаётганлиги сабабли, Олий суднинг Интерактив хизматлар портали ва ахборот тизимлари фаолиятида бир неча кун мобайнида узилишлар кузатилиши маълум қилинади. Келтирилган ноқулайликлар учун олдиндан узр сўраймиз.", дейилган Ўзбекистон Республикаси Олий суди тарқатган хабарда.

Лекин хабарда узилишлар аниқ қанча муддат давом этиши маълум қилинмаган.

@Advokat_Abdullayev

Ёндашувлар хилма-хил, бироқ, мантиқ қани? Маъно-чи?

Сариосиё туманлараро иқтисодий суди раиси Нуриддин Муродовнинг нутқидан:

“Судлар фаолиятига нисбатан аҳолининг эътирози ортиб бормоқда” деган фикр шахсий муносабатга хос бўлиб, асл ҳолат қўйидагичадир.

Статистик маълумотларга кўра, иқтисодий судларда кўрилган ишларнинг 2 фоизига, фуқаролик судларида эса 2 фоизига, маъмурий ва жиноят судларида ҳам қарийб шунча фоизига нисбатан юқори инстанция судларига шикоятлар берилган.

Шикоятларнинг ўрта ҳисобда 1 фоизи қаноатлантирилганда ҳам суд ҳужжатларидан судга иши тушганларнинг бир фоизининг норозилиги асослидир деган хулосага келиш мумкин. Демак, билдирилаётган муносабатларда, албатта, бу омиллар эътиборга олиниши керак.

Маъмурий ва жиноят судларида суд ҳужжатларининг қонунга мувофиқлаштирилаётганлик кўрсаткичи бир оз юқори бўлиб, бунда шикоят беришнинг даврийлиги, яъни, инсон манфаатлари асосида 5-10 йил аввалги ишлар бўйича ҳам шикоятлар кўриб чиқилаётганлиги муҳимдир. Ушбу кўрсаткич, илғор хорижий амалиётда таққосланганда ёмон кўрсаткич саналмайди."

***

Ажойиб. Лекин биз бундай ёндашувга тўлақонли қўшила олмаймиз.

Сабаби, аввало, айнан қайси илғор хорижий амалиёт билан солиштирилганлиги келтирилмасдан, умумий гап бўлиб қолган.

Қолаверса, ёндашувда аҳолини малакали вакилликка бўлган эҳтиёжи талаб даражасида қаноатлантириб берилмагани ҳам эътиборга олиниши адолатдан бўларди.

Моддий жиҳатдан қийналган аҳоли вакиллари адвокат ёллай олмасдан, курашишни давом эттирмасдан, қўл силтаб кетгани қанча? Шунчаки, суднинг шу қарори тўғри эканда, деб шикоят ёзмаганларичи? Ўхшаш ҳолатларда икки хил стандартлар ишлаганичи? Булар ўрганилмасдан, таҳлил қилинмасдан туриб, баҳо берилиши қанчалик тўғри?

Шунингдек, судьяларнинг хатоликлари солиштирилса, яхши кўрсатгич келиб чиқадими, шунда?

Бундай ёндашувни аввал Судьялар олий кенгаши ҳам журналистлар ва блоглерлар билан учрашувда илгари сурган эди.

Аҳоли одил судловга оид барча ахборотдан хабардор қилиб борилиши амалда таъминланиб қўйилиб, кейин бундай ёндашилса, балки ўринли бўлармиди?

@Advokat_Abdullayev

Адолат дарахтни суғормоқ, зулм эса тиканга сув тўкмоқдир.

Мавлоно Жалолиддин Румий

@Advokat_Abdullayev

Судьянинг журъати таҳсинга лойиқ, лекин дастлабки тергов ...

Бугун жиноят ишлари бўйича Юнусобод тумани судида, судья З.Латипов раислигида ҳимоямиз остидаги Ойбек Равшановга нисбатан бўлган жиноят иши кўриб чиқилиб, оқлов ҳукми ўқилди.

Дастлабки терговни олиб борган Юнусобод тумани прокуратураси томонидан дастлаб, ЖКнинг 167-моддаси 3-қисми "а" банди ва бошқа, ундан кўра енгилроқ моддалар билан айбловлар илгари сурилган эди.

Лекин, кейинчалик, суд шахсга қамоқ эҳтиёт чорасини қўллаш ҳақида киритилган илтимосномани қаноатлантиришни рад этгандан сўнг, дастлабки терговнинг ўзидаёқ, гўёки тасдиғини топмаганлиги асоси билан айбловнинг айнан 167-модда 3-қисми "а" бандига оид қисми тугатилган.

Бу эса, бизда айбловнинг айнан шу қисми аслида шунча-ки, шахсни қамоққа олишга эришиб олиш учунгина уйдирилган сунъий айблов бўлганлиги ҳақидаги асосли шубҳамизни пайдо қилди.

Яна бир қизиқ факт: суд қамоққа санкция беришни рад қилиш ҳақида қарор чиқарганидан кейин ҳам номаълум сабабларга кўра, гумон қилинувчи О.Равшанов дарҳол қўйиб юборилмасдан, орқага сурилган.

Шу ҳолатга ҳуқуқий баҳо берилиши ҳақида 102 тезкор рақами орқали бир неча марта қилган мурожаатларим эса, эътиборсиз қолдирди. Бу бўйича ҳали келгусида ўзига яраша муносабатларимизни билдиришимиз бор.

Булар ўз йўлига, лекин судья З.Латиповнинг одилона ва журъаткорона иш тута олганлиги эътирофга лойиқ.

@Advokat_Abdullayev

Одил судлов: Судьядан журъаткорлик

Бугун жиноят ишлари бўйича Яккасарой туман судининг раиси Алишер Жалилов раислигида бўлиб ўтган суд мажлисида 15 нафар судланувчининг барчаси суд залидан озод қилинибди.

Иш бўйича мавжуд 34 нафар судланувчининг барчасига нисбатан жазо тайинланмасдан айблов ҳукми ўқилган.

Суднинг жазо тайинланмаган айблов ҳукмига ЖКнинг 70-моддаси, яъни шахсларнинг ижтимоий хавфлилик хусусиятларини йўқотганликлари асос қилиб келтирилган.

Маълумот учун: Судланувчиларнинг барчасига дастлабки тергов органи томонидан Жиноят кодексининг 278-моддаси 2-қисми "б" банди билан, яъни оғир жиноят содир этганлик айблови илгари сурилган бўлган.

Модданинг 2-қисми санкциясида етти йилдан ўн йилгача озодликдан маҳрум қилиш билан жазоланаши назарда тутилган.

Судья А.Жалиловнинг бундай журъатига тасанно айтсак арзийди.

@Advokat_Abdullayev

Қамоққа олиш: "шаблон" стандартларнинг ноқулайликлари бир терговчи талқинида

Хоразм вилояти туманларининг биридаги прокуратура терговчиси билан айнан қамоққа олиш эҳтиёт чораси масаласида бўлиб ўтган суҳбатимизда, у шу эҳтиёт чорасини жуда кам ҳоллардагина танлашга қарор қилаётганини айтди.

"Сабаби," - дейди суҳбатдошимиз, "11-сонли тергов ҳисбхонасидан тергов ҳаракат ўтказиш учун олиб келтирмоқчи бўлсам, 3 кун олдин айтишим керак. Лекин баъзан шунда ҳам, айбланувчи вақтида келтирилмай, кечикиб кетади. Бунақа муаммони ҳал қилгунча, ундан кўра, шахсни қамоққа олиш масаласини кўрмаганим яхши. Ана лозим деб топса, суд қамоққа олаверсин."

Бу, "шаблон" тарзида қамоқни қўллайверишлар юзага келтираётган ноқулайликлар ва ёқимсизликларнинг юздан бири, аслида.

@Advokat_Abdullayev

Мустақил судга ҳурмат ва ишончни оширишда одил қозининг ўрни

Аввало судьянинг илми, тажрибаси, илмий, ҳуқуқий, маънавий, сиёсий салоҳияти судья ва мустақил суднинг юзи саналади.

Низолар, жиноятлар, судда кўрилаётган ишлар доирасида ёки ишларни кўришда судьяни катта ҳаётий тажрибаси, ишни ҳал этиш амалиётини ижобий шакилланганлиги, судьялар томонидан стратегик қарор қабул қилиш амалиёти, зарур минумум ҳаётий тажриба, малакали илм, соҳавий чуқурлашган билим ва тизимли амалиёт ҳамда адолат ҳуқуқини қўллашда собит бўлиши шарт.

Бугунги қозиларнинг АҚШнинг Массачусетс штати ёки Жанубий Кореанинг Кемхе шаҳри судларида қандай вердикт қабул қилинаётганлиги ёхуд Германиянинг округ судларида фуқаролик низоларига оид қабул қилинаётган қарорлардан халқаро ҳуқуқнинг умум эътироф этилган нормалари, янгиликларидан хабардор бўлиб боришлиги муҳим.

Айни дамда халқаро ва миллий қонунчиликдан ташқари, ЖИБ судлари қозиларнинг Насафий бобомиз, Мотуридий ҳазратлари, буюк Марғилоний кабиларидан, МИБ судлари қозиларнинг Кайковусдан, “Сиёсатнома”дан, ФИБ судлари қозиларининг диний бағри кенгликдан, юртимизда яшаётган миллат ва элатлар анъаналари ёки ислом ҳуқуқидан, Имом Бухорий, Исо Термизийлардан, оила-никоҳ, мерос сир-синоати борасидаги қадриятлардан, ИИБ судлари қозиларнинг халқаро тижорат ва арбитраж янгиликларидан, шиддат билан ривожланиб бораётган иқтисод ва тижорат муносабатлари, уларнинг ҳуқуқий тартибга солишнинг янгича тартиб-таомилларидан, халқаро арбитрларнинг замонавий-янги кейслар юзасидан чиқараётган хулоса ва қарорларидан ўз вақтида хабардорлиги қозиларимизнинг ишлар бўйича қилаётган хулосаларини мукаммаллигини таъминлашга хизмат қилади.

Судья суд амалиётидаги муаммоларни мониторинг қиладиган, мукаммал таҳлил этадиган, илмий ва асосли ечимларни ўзига ва жамиятга таклиф этадиган кўникмалар устида ишлаши керак.

Хуллас, мустақил суд одамларда ишончни орттиради, кучли қози низони адолатли ечади, буни эса – адолат ҳуқуқи дейди.

Нуриддин Муродов
Сариосиё туманлараро иқтисодий суди раиси

@Advokat_Abdullayev

Коррупцияни тўхтатишнинг 10 та усули

@Advokat_Abdullayev

Бировни ҳукм қилишдан олдин, унинг пойабзалида бир мил юринг

Эминем

@Advokat_Abdullayev

Тадбиркорлик: Ҳуқуқлар тўғри талқин қилиняптими?

“Қашқадарё маъмурий судларида қонун ишламайдими?” - сарлавҳаси остидаги мақола юзасидан фикримизни баҳам кўришни истадик.

Суд қарорига кўра, жамият (тадбиркор) маъмурий судга транспорт бошқармасининг қарорини ҳақиқий эмас, деб топишни сўраб мурожаат қилган.

Мурожаат давлат божи тўланмаганлиги важи билан қайтарилган.

Ушбу ажримнинг қонуний ва асослилиги апелляция тартибида кўриб чиқилиб, ўзгаришсиз қолдирилган.

Тадбиркор эса, “Тадбиркорлик фаолияти эркинлигининг кафолатлари тўғрисида”ги Қонуннинг 50 ва “Давлат божи тўғрисида”ги Қонуннинг 10-моддаси талабларига кўра, ушбу вазиятда у давлат божи тўлашдан озод қилинганлигини эслатишга уринган.

Хўш, юқоридаги нормалар нима дейди ўзи?

Уларда белгиланишича, тадбиркорлик субъектлари — тадбиркорлик фаолиятини амалга ошириш билан боғлиқ ҳуқуқлари ва қонуний манфаатларини бузаётган маҳаллий давлат ҳокимияти органларининг, республика ижро этувчи ҳокимият органларининг, маъмурий-ҳуқуқий фаолиятни амалга оширишга ваколатли бўлган бошқа органларнинг, фуқаролар ўзини ўзи бошқариш органларининг, улар мансабдор шахсларининг қарорлари, ҳаракатлари (ҳаракатсизлиги) устидан маъмурий судга мурожаат қилганда давлат божини тўлашдан озод қилинади.

Яъни, мазкур моддаларда тадбиркорлик фаолияти билан боғлиқ ҳуқуқлар ҳақида эмас, балки тадбиркорликни амалга ошириш билан боғлиқ ҳуқуқлар ва қонуний манфаатларни бузаётган қарорлар ёки қилмишлар ҳақида гап кетмоқда.

Қонун нормасини айни шундай мазмунда талқин қилинишини ёқлаб, адвокатлар Дилшод Хайдаров ва Санжар Зулуновлар ҳам фикр билдиришибди. Фикрларимиз бир хил - cуд қарори қонуний ва асосли, деб ҳисоблаймиз.

Хуллас, юқоридаги мақолада назарда тутилган ҳуқуқлар тадбиркорлик фаолияти билан боғлиқ, деб эмас, балки уни амалга ошириш билан боғлиқ ҳуқуқлар, деб талқин қилиниши тўғри бўлади.

@Advokat_Abdullayev

Ўзингизни чекланган тажрибангиз билан бошқаларни ҳукм қилманг

Карл Саган

@Advokat_Abdullayev

Шахснинг судланганлиги ва бундан келиб чиқадиган ҳуқуқий оқибатлар унинг қариндошлари ҳуқуқларини чеклаш учун асос бўлиши мумкин эмас.

Ўзбекистон Республикаси Конституциясининг 28-моддаси

@Advokat_Abdullayev

Одил судловга тажовуз қилманг!

Қамоққа олишдаги яна бир салбий ҳолат трендга айланди. Унга кўра, ижтимоий хавфи катта бўлмаган жиноят оғир жиноят деб атайин нотўғри талқин қилинмоқда. Хўш, нега?

Сабаби, шахс оғир жиноят содир этганликда гумон қилиниб, ёки айблов эълон қилиниб, унга нисбатан қамоққа олиш эҳтиёт чораси қўллаш ҳақидаги илтимоснома билан судга мурожаат қилинса, суд айбловни муҳокама қилиб ўтирмасдан, илтимосномани албатта қаноатлантиради. Яъни, амалиёт шундай кетяпти, афсус-ки.

Агар ижтимоий хавфи катта бўлмаган жиноят учун деб, бундай мазмундаги илтимосномани судга тақдим этилса, суд уни қаноатлантирмаслиги эҳтимоли юқори. Буни терговчи ҳам, прокурор ҳам жуда яхши биладилар.

Айрим тоифа жиноят ишлари ёки айрим шахсларга оид ишлар бўйича шундай топшириқлар берилаётганлиги ҳақида ишончли манбаларимиздан маълумотлар ҳам бор. Айнан муайян бир иш доирасидаги шундай маълумотни ўз навбатида юқори лавозимдаги масъул прокурор ҳам, масъул судья ҳам тасдиқлаганига нима дейсиз?

Амалдаги Жиноят кодексининг 234-моддаси “Қонунга хилоф равишда ушлаб туриш ёки ҳибсга олиш”, - деб номланади. Модданинг иккинчи қисмида била туриб, қонунга хилоф равишда ҳибсга олганлик ёки ҳибсда сақлаганлик учун жиноий жавобгарлик белгиланган.

Демак, юқоридаги салбий амалиёт бўйича шундай талқин билан қарор чиқарган терговчининг ҳам, шу жумладан, унинг бундай қарорига ўз имзоси билан розилик берган прокурорнинг ҳам хатти-ҳаракатига жиноий баҳо берилиши керак бўлади.

Бироқ, Олий суд Пленумининг қамоққа олишга оид қарори талабидан келиб чиқсак, унда бу ҳолатдаги судьянинг жавобгарлиги масаласини афсус-ки, қўя олмас эканмиз. Агар санкция берган ёки бериш ваколатига эга судьянинг терговчи ва (ёки) прокурор билан тил бириктирганлиги факти аниқланса, унда демак, унинг ҳам қилмиши юқоридаги модда билан жиноий баҳоланиши лозим бўлади.

Бу жуда ҳам хунук, салбий амалиёт бўлиб, бунга албатта чек қўйилиши керак.

Акс ҳолда, одил судловга тажовуз қилишнинг "мода" га айланишига тайёр тураверайлик.

@Advokat_Abdullayev

"Олий суд ишларни мазмунан кўриш билан ўралашиб қолмаслиги керак" - Олий суди раиси

Олий суд раиси Бахтиёр Исломов очиқ мулоқот чоғида адвокатлар томонидан тилга олинган қарийб барча муаммоларни тан олди, ечим сифатида билдирилган таклифларнинг ҳам аксарини ўринли деб топди.

Фақат бир ўринда эътироз билдирди. Маълумки, 2024 йилдан бошлаб судларда ишларни қайта кўриш тартиби ўзгариб, асосий юклама ўрта бўғин судларига тушди, Олий судда эса фақат тафтиш инстанцияси қолдирилди. Адвокатлар бу ислоҳотни некбинлик билан қабул қилишгани йўқ: вилоят судлари босим ва масъулиятга дош бера оладими, холис ва беғаразлик таъминланадими, деган саволлар ўртага чиқди. Айни қараш, янги тартибнинг самарали бўлишига нисбатан шубҳалар ҳанузгача мавжуд.

Шу мавзуда сўз очилганида Олий суд раиси мазкур қарор тўғри бўлганини айтар экан, фикрини қуйидагича изоҳлади:

“Дунёнинг ҳеч бир мамлакатида Олий суд ишларни мазмунан кўриш билан шуғулланмайди. Биз эса шунга ўралашиб қолдик, Олий суд оддий суд маҳкамасига айланди, ҳолбуки Олий суднинг асосий вазифаси суд тизимига раҳбарлик ва амалиётни умумлаштириш бўлиши керак. Ишларни қайта кўришнинг бу тартиби янги бўлгани сабабли айрим камчиликлар чиқиши табиий ва улар йўл-йўлакай албатта бартараф этилади”.

Бахтиёр Исломов янги тизим амалда самарали ишлай бошлаганини таъкидлаб, фикрини кассация, апелляция ва тафтиш тартибида кўрилган ишлар, бекор қилинган ва ўзгартирилган суд қарорларига доир статистика маълумотлари билан асослади.

Умуман, Олий суд раисининг адвокатлар ҳамжамияти вакиллари билан учрашуви конструктив руҳда ўтди. Адвокатлар томонидан одил судлов фаолияти билан боғлиқ барча тизимли муаммолар санаб ўтилди, уларга ечим сифатида 40 ортиқ таклифлар билдирилди.

Олий суд раиси Б.Исломов ва Адвокатлар палатаси раиси Шуҳрат Садиков муаммоларни биргаликда бартараф этиш мақсадида ушбу форматдаги мулоқотларни давом эттиришга ва йўл харитаси ишлаб чиқишга келишиб олдилар.

@Advokat_Abdullayev

Қамоққа олиш: Собиқ прокурор жавоби

Судья қамоққа олиш эҳтиёт чорасини қўллашда нималарга эътибор бериши лозим? - деган саволга АҚШнинг собиқ Федерал прокурори Грегори Уэддлнинг жавоби:

"Агар бирор бир шахс жиноятда айбланиб, судга қадар қамоққа олинса, судья биринчи ўринда АҚШ конгресси томонидан томонидан 1984 йилда қабул қилинган "Гаров ҳақида"ги қонун талаблари доирасида хулоса қилади.

Яъни судья ушланган шахснинг қочиш эҳтимоли қанчалик юқори, судгача очиқда юрса, судга келишга ишонч борми, агар унга қамоқ эҳтиёт чораси қўлланилмаса, жамиятга хавф солиши мумкинми, у илгари бирор бир жиноят содир этганми, муқим яшаш ва ишлаш жойи борми, гувоҳларга таъсир ўтказиш имкони борми, шу каби омилларни инобатга олади ва судга қатнашиш эҳтимоли юқори эканига ишонч бўлса, қўйиб юборади.".

#қамоқ #озод

👉 @Advokat_Abdullayev

Терговчилар асоссиз қўйган айбловлар учун жавоб бериши керак - Олий суд раиси

“Неча йиллардан бери бу муаммо бор. Терговга қулайи, айбловларни "букет" қилиб, шишириб судга чиқарсада, ана ундан кейин суд унинг ишини тозалаб берса. Ўзи ҳам билади нотўғри қилаётганини. Олдин қўшимча терговга қайтариш бор эди. Терговчи бир нечта моддаларни ё оғирроғини қўйиб чиқарардики, жуда бўлса, қайта квалификация қилишаверади деб.

Лекин бугунги кунда ҳам бу нарса тўхтагани йўқ. Ҳисоботларда кўряпмиз, қанчадан-қанча одам судда оқланяпти, терговда асоссиз қўйилган айбловлар судлар томонидан чиқариб ташланяпти.

Агар бундай ҳолатларга судлар ҳусусий ажрим орқали ўз вақтида муносабат билдирмас экан, тергов тўғриланмайди. Улар сезиши керак. Илгари терговга қайтарилган ишлар бўлса терговчилар жазога тортилар эди, жазосиз қолмас эди улар.

Бу масалада ҳақиқатдан ҳам, хусусий ажрим чиқариш йўллари орқали, уларни озгина бўлсада, масъулиятини сезадиган даражага олиб чиқишимиз керак” деди Олий суд раиси.

@Advokat_Abdullayev

«Изоляторлар тўлиб кетган» – Олий суд раиси судьялар қатъиятсизлигининг оқибатлари ҳақида

9 ноябрь куни Олий суд раиси Бахтиёр Исломов Адвокатлар палатаси раиси Шуҳрат Садиков ва республикада фаолият юритаётган адвокатлар билан очиқ мулоқот ўтказди.

Соҳада юзага келаётган муаммолар ва уларнинг ечимлари муҳокама қилинган.

Биринчи марта – адвокат сўровига жавоб бермаган ёки етарлича жавоб бермаган мансабдор шахсларни МЖтКнинг 197-1-моддаси бўйича жавобгарликка тортиш масаласи ҳақида гап кетганида.

“Бу муаммодан хабаримиз бор. Шахсга доир маълумотларни баҳона қилиб адвокатларнинг шикоятлари қабул қилинмаяпти ёки қабул қилинса ҳам, кўп ҳолларда айбдор мансабдор шахс қолиб иш юритувчи, ёрдамчи каби адвокат сўровига жавоб қайтаришга ваколатли бўлмаган ходимлар жавобгарликка тортилмоқда. Ҳақиқий айбдорни жазолаш учун судьяларимизда қатъият етишмаяпти”, деди Олий суд раиси.

Б.Исломов қамоққа олиш эҳтиёт чорасини қўллаш ҳақидаги илтимосномалар судлар томонидан деярли ёппасига қаноатлантирилаётгани масаласи кўтарилганида ҳам шу гапни такрорлади.

Олий суд раиси республикада судья кадрларга ўткир эҳтиёж йўқлигини, ҳар йили етарлича судья штатлари очилаётганини, бироқ уларнинг малакаси ҳали талаб даражасида эмаслигини тан олди.

Дарвоқе, қамоқ эҳтиёт чораси оммавий (97 фоиз ҳолларда) қўлланаётгани ҳақида гап кетганида Олий суд раиси “изоляторлар тўлиб кетган”ини айтди. Бахтиёр Исломовга кўра, бунақа ҳолат илк бор 2001 йилда кузатилган.

“Ўшанда вақтинча сақлаш жойларидаги шарт-шароитни ўрганиш учун идоралараро комиссия тузилган эди. Ҳозир ҳам ўшанга ўхшаш вазият бўляпти. Лекин муаммо янги тергов ҳибсхоналарини қуриш билан ҳал қилинмаслиги керак”, деди Олий суд раиси.

Адвокат Баҳром Саломов қамоқ эҳтиёт чорасини қўллашда суиистеъмолчиликларга йўл қўймаслик учун айблов органи зиммасига гумонланувчи терговдан қочиши ёки гувоҳларга босим ўтказиши мумкинлигини исботлаб бериш каби аниқ мажбуриятлар юклашни таклиф қилди.

#қамоқ

@Advokat_Abdullayev

Суд мажлисида тарафлар музокараси

У ўқияпти. Қонунларнинг, Олий суд Пленуми қарорларининг тўлиқ номини, қачон қабул қилинганлигини, ҳаттоки қайси рақам билан рўйхатга олинганигача батафсил қилиб, қайси бандида нима дейилганини сўзма-сўз келтириб, нутқини ўқиб бермоқда.

У "Ҳозир ҳамма мени тинглаяпти", - деб ўйлаб, ўқимоқда. Процесснинг бошқа иштирокчилари, шу жумладан, судья ҳам бу Қонуннинг ҳатто-ки, номини ҳам билмаса керак, деб ўйлаб, ўқимоқда.

Ёзма нутқининг айрим саҳифалари такрорланиб қолганига ҳам эътибор бермай, ўқиган варақларини қайтадан, худди ўз нутқининг янги-янги қирраларини очиб бераётгандек, ўқимоқда.

У берилиб ўқимоқда.

Чарчади. Чарчоқни ҳис қилди, лекин у нутқини ниҳоясига етказиб қўймаса бўлмайди. Охирги нуқтагача ўқиб бериши керак. Ахир, у ўқиб бериш учунгина келган суд мажлисига.

Унинг қўлидаги қоғозлар, ундаги матн аслида оғзаки нутқидаги равонликни таъминлаши учун, тўхталиб, чайналиб, дудуқланиб қолишларни олдини олиш учун, нутқ давомида ёдидан кўтарилиб қолиши мумкин бўлган айрим жиҳатларни, сўзларни, ибораларни, иқтибосларни бир қараб олиб, ёдига тушириб олиши учунгина эди.

Бирма-бир, бир хил темп ва оҳангда, ёки худди шеър ўқигандек ўқиб бериш учун эмасиди.

Бундай ўқиб бериш тингловчини зериктиради. Суднинг диққатини пасайтиради. Қонунлар, Пленум қарорлари ҳақида тўлиқ маълумотлар (м: уларнинг реквизитлари) га батафсил тўхталиб ўтирмасдан, фикрининг ҳуқуқий асоси деб ҳисоблаётган норманинг номи ва унинг қисқа моҳиятига лўнда тўхталиб қўяқолиш етарли бўлиши керак эди, аслида.

Лекин, у ҳатто ўзи учун ҳам зерикарли туюлабошлаган, чарчатган нутқини ҳамон, кўзини қоғоздан бир зумга ҳам узмай, матонат билан ўқиб беришда давом этмоқда...

Зерикиб қолмадингизми?

#нутқ

@Advokat_Abdullayev

Тафаккур қил, бу муҳим!

Кунларнинг бирида, немис ҳуқуқ профессори ёзма имтиҳонда бутун курсни йиқитиб юборди.

У қўйган вазифа: "икки қўшнининг даъвосини ҳал қилиш" эди.

Бирининг боғидаги олма дарахтларининг шохлари иккинчисининг лолазорлари устида осилиб турарди, олмалар тушиб, мўрт гул пояларини синдириб ташлади.

Талабаларнинг бир қисми лола ошиғи тарафга ўтди, иккинчи қисми боғбонни ҳимоя қилди. Ҳамма талабалар биргаликда немис қонунчилигининг нозик томонларини чуқур билишларини намойиш этишди.

Охир оқибат маълум бўладики, олма кузда тушади, лолалар эса баҳорда гуллайди. Демак, профессор томонидан яратилган вазият ҳаётда ҳеч қачон содир бўлмайди.

Профессор барча норозиликларга совуққонлик билан қарши чиқиб: "моддалар ва параграфларни эслашдан олдин соғлом фикрлашни ёқиш керак" деди.

©️интернет

#ибрат #тафаккур #немис #профессор

Каналга уланиш:
👉 @Advokat_Abdullayev

Нимани фидо қилсангиз, ўша сизга эҳсон қилинади,
Нимани қизғонсангиз, ўша билан имтиҳон қилинасиз…

Мавлоно Румий

@Advokat_Abdullayev

Ғалаба қозониш (5)
(давоми, боши)

Учинчи қоида бу сиз худди Трибунал каби ўйлашга ҳаракат қилишингиз керак. Нега? Агар сиз шундай қилсангиз, сиз автоматик тарзда партизанлардек ҳаракат қилмайсиз.

Айнан партизан бўлиб кўринмаслик жуда муҳим, чунки сиз шундагина суд ва суд ҳайъати аъзолари қаршисида анча ишончлироқ кўринасиз ва кейинги суд жараёнларингизнинг муваффақияти қайсидир маънода таъминланади.

Албаттаки, кимнингдир вакили бўлишлик билан кимнингдир ёнини олишликнинг жуда катта фарқи бор. Чунки, сизнинг ишингиз бир марталик бўлади, арзон бюджетли, қайта-қайта такрорланувчи фильм каби эмас.

Сиз қуйидаги саволлар билан миянгизни банд қилишингиз керак:
-“Судья қандай ҳукм қилиши мумкин, ушбу вазият бўйича?”,
-"Ёки умумий ҳолатда қандай фикрда бўлиши мумкин, ушбу вазият бўйича?”,
-"Ёки судланувчининг кўриниши ёки судланувчининг онаси унинг гувоҳи сифатида қандай намойиш этади?".

Сиз қуйидагича ўйламаслигингиз керак:
-“Судьянинг қандай фикрлаши мен учун айни муддао бўлади?”
-“Суд ҳакамлар ҳайъатини қандай чалғитишим мумкин?”
-“Мен танқид қилишим керак.”
-“Агар мен судья бўлганимда қандай ўйлаган бўлар эдим?”

Энг муҳим инкор қилишингиз керак бўлган ҳолат бу мижоздек ўйлаш. Сизга олдиндан нима бўлишини таҳлил қилишга ва суд залидаги жараёнга таъсир эта олишингиз учун пул тўланади.

Мижозингиз хоҳ ўғри бўлсин, хоҳ маҳаллий ҳарбий куч ёки мульти миллионер бўлишидан қатъий назар фақат унингдек ва у учун ўйлашингизни хоҳлайди. Ва улар суд залида ёлғон маълумот бераётганда фақат уларнинг фойдаси учун ҳаракат қилишингизни хоҳлашади. Баъзида мижоз томонидан адвокатга айнан суд жараёнида қандай ҳимоя қилиш бўйича босим яратилади.

Судьянинг қандай фикрлаши мумкинлигини мижозга тушунтира олсангиз, мижоз учун энг яхши хизматни кўрсата оласиз.

Агар адвокатлар фақат мижозлар хоҳишидек ҳаракатланганида эди, унда суд залининг цирк майдонидан фарқи қолмас эди.

Сизнинг асосий вазифангиз мижозни мамнун қилиш билан судьяни мамнун қилиш ўртасидаги нозик чизиқни босиб ўтишдир.

Судьяни мамнун қилишлик одатда мижознинг фойдасига ишлайди.

Тажрибасиз ва фақатгина ўзининг манфаатидан келиб чиқиб фикрлайдиган мижознинг фикри билан судьянинг хафсаласини пир қилманг. Унутмангки, бу вазиятга айнан сиз тайёргарлик кўргансиз ва айнан сиз судьянинг олдиндан нима ўйлашини аниқлай олишингиз ва шунга қараб жавоб тайёрлашингиз мумкин бўлади.

Агар биз қоидаларга амал қилсак, кейин эса юзага келадиган чекловларни бартараф эта олсак, айнан шу бўлади ютиш ёки ютқазиш.

Чекловчи қоидалар қонун ва далил орасида келиб чиқади. Сизнинг бошқарув кодексларини билишингиз талаб этилади. Лекин сиз ушбу қоидаларни ва уларни ҳал қилиш чораларини бутун карьерангиз давомида ўрганиб борасиз.

Айнан шу қоидалар ичида ғалаба қозониш сизнинг муваффақиятингиздир.

Қандай куч сарфланганлигига қарамасдан уч асосий қоидани ёдда тутинг.

Сиз курашишингиз керак. Шунчаки далилларни тақдим қилиш етарли эмас. Адвокат мутлақо ўзини ишга бағишлай олиши керак. Эҳтимолки, биз суд жараёнида ютқазишимиз мумкиндир, лекин чақнаган кўзлар билан қўрқмасдан курашиш шунчаки уриниб кўришдан анча яхшироқдир.

Ва доим ёдда тутинг. Бутун иш фаолиятингиз давомида оддийгина жилмайиш билан ютишга бўлган мақсади йўқлиги, аммо далилларни кўрсатиш билан кифояланиши ҳақида айтадиган инсонларга дуч келасиз. Бундай сўзлаш одатий ҳоллардан. Ўзини бундай тутишлик худдики уларни хавфсиз кўрсатади.

Ҳеч қачон бундай гапларга ишонманг.

©️Моррис Уэст, "Иблис ҳимоячиси" китоби

👉@Advokat Avokado

Асл мақсад нима эди?

Судлардаги хизмат телефонлари ишламаётганлиги ҳақидаги постдан сўнг судьялар ёрдамчилари томонидан эътирозли муносабатлар билдирилди.

Уларга кўра, судья ёрдамчилари суд мажлисларини ташкиллаштирсинми? Суд мажлиси баённомасини юритсинми? Ҳукм ва қарорларни ёзсинми ёки тинимсиз телефон қўнғироқларига жавоб берсинми?

Девонхона мудири-чи? Юқоридан келадиган топшириқларни бажарсинми ёки фуқаролар, адвокатлар билан гаплашиб, уларнинг мурожаатларини қабул қилсинми, ёҳуд фақат телефон қўнғироқларига жавоб бериб ўтирсинми?

Адвокатлар реал ҳолатни, судларда иш ҳажми қанақалигини билса-да, судларни ишламаётганликда айблашлари адолатданми?

Аввало, судларни ишламаётганликда айблашдан йироқмиз ва эътирозли муносабатларда тўлиқ жон бор. Лекин бизда ҳам ўринли ва ҳақли савол бор-да, ахир.

Агар ҳақиқатдан ҳам судлардаги хизмат телефонларига келган қўнғироқларга сурункали жавоб берилмаса, маълумот қандай алмашилади? Унда, нима учун бу хизмат телефонлари ўрнатилди?

Тан олиш керак-ки, судья ёрдамчиларининг одил судлов фаолиятидаги ҳиссалари катта ва меҳнатлари оғир. Кун давомида ҳажми катталиги сабаб атиги битта маъмурий ҳуқуқбузарликка оид иш бўйича суд мажлиси баённомаси расмийлаштирилишигагина улгура олинган ҳолатлардан ҳам хабаримиз ҳам бор. Кўплаб судья ёрдамчилари суддаги ишлардан кетиб қолаётганганликларининг асл сабабини ҳам биламиз ва тушунамиз.

Яна ҳақли саволимиз: Хўш, фуқароларни ва бизларни ким тушунади? Биламиз-ки, судья ёрдамчисининг асосий вақтини суд мажлиси баённомасини расмийлаштириш олиб қўяди.

Олий суд раҳбарияти шунинг устида бош қотириб, илғор технологияларни жалб қилиб, инсон омилисиз расмийлаштириш имкониятлари ҳақида жиддий бош қотириб кўрдимикан?

Бизга ўрганиш учун тақдим этилган айрим хорижий давлатларнинг жиноят иши ҳужжатлари билан танишиш жараёнида суд мажлиси баённномалари махсус қурилмалардан автоматик мажбурий қайд этиб борилиши йўлга қўйиш орқали судья ёрдамчиларининг қўл меҳнати ҳажмини самарали қисқартирилишига эришилганлигини ўргандик.

Хуллас, муаммоларни Сизники-бизники қилмасдан, инсон учун қулайлик яратиш пайида бўлиш асл мақсад эмасмикин?

#баённома #ёрдамчи

@Advokat_Abdullayev

Агар ўқисанг-у ўйламасанг — чалкашиб қоласан. Агар ўйласанг-у ўқимасанг — шубҳа-гумонлар тагида қолиб кетасан.

©️Конфуций

@Advokat_Abdullayev

Спорт соҳаси доирасида янги жавобгарликлар

Спорт соҳасида коррупциянинг олдини олиш ва унга қарши курашиш мақсадида янги жиноий жавобгарликларни белгиловчи Қонун кучга кирди.

Унга кўра, спорт мусобақалари иштирокчилари ёки ташкилотчилари қонунга хилоф равишда моддий қийматликлар олганлик ёки мулкий манфаатдор бўлганлик учун эндиликда Жиноят кодексининг 214-1-моддаси билан жавобгарликка тортиладилар.

Бундан ташқари, мазкур Кодексга яна бир, 214-2-модда киритилган бўлиб, унда спорт мусобақалари иштирочилари ва ташкилотчиларини пора эвазига оғдириб олганлик учун жиноий жавобгарлик белгиланди.

#жиноят

@Advokat_Abdullayev

Бу судларнинг телефонлари

Бизга келаётган мурожаатларга кўра, судларга бириктирилган хизмат телефон рақамларига қўнғироқ қилинса, жавоб беришмаяпти.

Тасодифий танлов усулида 3 та туман судларига турли вақтларда қўнғироқ қилиб кўрганимизда ҳақиқатан ҳам қўнғироқларимизга жавоблар бўлмади.

Жамоатчилик ҳамда ўз номимиздан Олий суд раҳбарияти ушбу маслага эътибор қаратиб қўйишини сўраймиз.

#телефон

@Advokat_Abdullayev

Молиявий саводхонлик - фаровонлик калити!

Одамлар кўп пул топишнинг ўзи моддий фаровонликка олиб чиқади деб ўйлайди.

Аслида, топилган пулни сақлай билиш, тўғри бошқариш ва кўпайтириш муҳимроқ. Бу илм эса молиявий саводхонлик дейилади.

Айни шу масалалар Фойдали Молия каналида содда тилда тушунтириб борилади. Обуна бўлинг - фойдали ва сифатли канал!

Каналга уланиш 👇👇👇
https://t.me/+XSqcCsq_bOw0MDEy

Hayotni tushunish uchun uchta joyni ziyorat qilishingiz kerak:

1️⃣ Kasalxona

2️⃣ Qamoqxona

3️⃣ Qabriston

#ибрат

@Advokat_Abdullayev

Бу оилада ҳамма адвокат

Қарши шаҳрида шундай оила бор – барча аъзолари адвокатлик касбини эгаллаган.

Ота-она, икки ўғил, икки қиз. Барча алоҳида-алоҳида тузилмаларда ишлайди. Тўнғич қиз – ҳайъатда, қолганларнинг ўз бюролари бор.

Она 20 йилдан зиёд мактабда ўқитувчи бўлган ва 47 ёшида, тўнғич ўғли билан баравар юридик университетни тамомлаган.

Қизиқми?

“Advokat” журналининг 5-сонида ўқинг.

@Advokat_Abdullayev

... қўлингиздан келса мени алдаб кўринг

Мазкур китоб ёлғон ёки алдовни фош этишдан манфаатдор бўлган барчага: сиёсатчилар ва ишбилармонлар, шифокорлар ва юристлар, психологлар, ўқитувчилар, менежерлар, уй бекалари, касбий ва шахсий ҳаётда алдамчилик ва психологик фириблар қурбонига айланишни истамаган ҳар бири кишига - кенг оммага мўлжалланган.

Китоб ҳар кимга тавсия қилишга аригулик экан.

#мутолаа #китоб

@Advokat_Abdullayev

Маҳкум билан учрашишга ижозат берилиши шарт

Ҳукм эълон қилинганидан кейин раислик қилувчи ёки суд раиси қамоқда сақланаётган маҳкумнинг яқин қариндошлари ёки унинг ҳимоячиси илтимосига кўра, яқин қариндошларга маҳкум билан учрашиш имкониятини бериши шарт.

Бу Ўзбекистон Республикаси Жиноят-процессуал кодексининг 477-моддаси талаби.

Агар ушбу талаб бажарилмаса, нима қилиш керак?

Аввало, бунга қонунийлик принципининг бузилиши ва айни пайтда, яқин қариндошларнинг маҳкум билан учрашиб олиш ҳуқуқлари поймол қилиниши, деб қаралиши лозим.

Албатта, бундай имкониятдан маҳрум қилинган манфаатдор шахслар суд раиси ёки раислик этувчи судьянинг хатти-ҳаракати устидан тегишли Cудьялар малака ҳайъатига ёки тўғридан тўғри Судьялар олий кенгашига шикоят билан мурожаат қилишга ҳақли.

#рухсат #учрашув

@Advokat_Abdullayev

"Telegram" мессенжеридаги "Advokat_Abdullayev" каналида эълон қилинган "Олот туманида одил судловга раҳна солинмоқдами?" сарлавҳали мақолада баён қилинган ҳолатлар Бухоро вилоят суди томонидан ўрганилмоқда.

Каналга уланиш:@sudyalaroliykengashi

ПОРА БИЛАН...

Ҳар меҳмон кузатилди, кутилди пора билан,
Неча авлод улғайди, етилди пора билан.

Билим қолди панада, ғирром ўйин олди авж,
Имтиҳону синовдан ўтилди пора билан.

Тарих муҳри ўзгармас бўлмоғи керак асли,
Лек тарихга сохта гап битилди пора билан.

Унвондору нишондор, турфа қора-қуралар,
Ҳаводан ҳолва ижод этилди пора билан.

Тоза виждон кишидан изладилар айбу кир,
Ҳаттоки тирноқ ости титилди пора билан.

Гоҳо қора оқ бўлмиш, эгри чиқмиш тўғри йўл,
Ярашиқ тўн кийилмай сўтилди пора билан.

Дейдилар нафс балодур, ёнган ўтга соладур,
Не зотларнинг обрўйи тўкилди пора билан.

Хато аниқ, айб аён, лекин ўша маҳалда
Виждону тил бир йўла ютилди пора билан.

Адолатдан умидвор яшайверар одамлар,
Гоҳ кўнгул пора-пора ситилди пора билан.

Бўлмиш ўтмиш эртаги “тутилди пора билан”,
Афсона ё...  билмадим...  “қутилди пора билан”.

Рустам ҚУРБОНОВ,
фахрий журналист

@Advokat_Abdullayev

#Муносабат

Маълумот яширилгани йўқ, аммо ҳолат изоҳ талаб қилади

Жиноят ишлари бўйича Оҳангарон туман суди раиси ва судьясига нисбатан интизомий жазо қўлланилганига доир Кенгаш ахбороти ижтимоий тармоқдаги қатор каналларда эълон қилинар экан, унга "маҳкум озодликка чиқарилгани" ҳам қўшимча қилинмоқда. Натижада жамоатчиликда гўёки қонунга зид суд ҳужжати қабул қилган-у унинг бекор бўлиши ортидан бир маҳкум озодликка чиқиб, айни шу судьянинг интизомий жазога тортилишига сабаб бўлган, мазмундаги фикр ва тасаввурлар пайдо бўлмоқда.

Устига устак, “йўқ, бу жараёнда маҳкумга оид иш мазмунан кўриб чиқилмаган, масала бунгача етиб бормаган”, маъносида берилган изоҳ эса “нега суд маълумотни яширяпти, маҳкум жазодан озод қилинган-ку?” деган навбатдаги саволни келтириб чиқармоқда.

Дарҳақиқат, ҳолат юзасидан изоҳга эҳтиёж бор.

БАТАФСИЛ👈👈

Каналга уланиш:@sudyalaroliykengashi

Р А С М И Й А Х Б О Р О Т

Адвокат Р. Муҳаммадиевнинг ижтимоий тармоқдаги чиқишида битта ҳолат хусусида сўз юритилган бўлса-да, бироқ масала кўлами анча кенг. Хусусан, интизом уставлари ёки интизом тўғрисидаги махсус қоидалар татбиқ этиладиган шахсларнинг маъмурий жавобгарликка тортиш бўйича суд амалиётини таҳлилий ўрганиш орқали судларга муайян тушунтиришлар бериш эҳтиёжи юзага келмоқда.

Шундан келиб чиқиб, куни кеча Кенгаш ва Олий суд судьялари томонидан айни шу масалада вилоят ва унга тенглаштирилган суд раислари ҳамда уларнинг тегишли ўринбосарлари иштирокида давра суҳбати ўтказилди.

Давра суҳбатида интизом уставлари татбиқ этиладиган шахсларга нисбатан юритилган маъмурий ҳуқуқбузарликка доир ишларнинг судларда кўриб чиқилиши билан боғлиқ масалалар муҳокама қилиниб, суд амалиётини таҳлилий ўрганиш ва зарур чоралар ишлаб чиқишга келишиб олинди.

Адвокатнинг чиқишидаги бошқа, хусусан, мурожаатни кўриб чиқишда процессуал нормаларга риоя этилиши боғлиқ ҳолатларга аниқлик киритиш учун Тошкент шаҳар судлари судьялари малака ҳайъати томонидан хизмат текшируви тайинланди. Натижаси юзасидан қўшимча ахборот берилади.

Судьялар олий кенгаши
матбуот хизмати

Каналга уланиш:@sudyalaroliykengashi

Advokat Abdullayev | Rasmiy Telegram-каналида эълон қилинган “Судья нимадан қўрқди?” сарлавҳали билдириш юзасидан

“ADVOCAT RBA” АФ адвокати Р.Махаммадиевнинг Мирзо Улуғбек туман прокурорини Ўзбекистон Республикаси МЖтКнинг 197-1-моддасига асосан маъмурий жавобгарликка тортишни сўраб ёзган аризаси туман судининг иш юритувига 2024 йил 14 октябрда келиб тушган бўлиб, ишларни кўришга тайинлашнинг умумий асосларига кўра, ушбу аризани кўриш “E-XSUD” ахборот тизими орқали 2024 йил 21 октябрь кунига тайинланган.

Бироқ, мазкур ариза суд мажлисида кўриш бошлангунга қадар ўрганилганида унда келтирилган важлар жиноят ишлари бўйича туман (шаҳар) судининг судьяси ваколатига кирмаслиги аниқланган. Яъни,“Прокуратура тўғрисида”ги Қонуннинг 48, 49-моддалари, Маъмурий жавобгарлик тўғрисидаги кодекснинг 16-моддаси ҳамда прокуратура органларига оид амалдаги низом талабларига кўра ходимларининг ножўя хатти-ҳаракати учун интизомий ёки маъмурий жавобгарликка тортиш масаласи юқори турувчи прокурор томонидан ҳал этилиши белгилаб қўйилган.

Англашиладики, билдиришда иддао қилинганидек, судья нимадандир қўрққани учун эмас, балки юқорида қайд этилган Қонун ва Кодекс талабига кўра шундай тўхтамга келган. Шу боисдан ариза муаллифига 2024 йил 16 октябрь куни жавоб хати юборилиб, мурожаатчининг ҳуқуқлари тушунтирилган ва ариза кўрмасдан қолдирилган.

Судьяларга қулайлик яратиш ва уларнинг иш ҳажмини камайтириш мақсадида кўрилган маъмурий иш натижасини “E-XSUD” ахборот тизимига уч кун ичида киритиш имконияти яратилганидан хабарингиз бор. Шу сабабли мазкур маъмурий ҳуқуқбузарлик тўғрисидаги ишга у кўрилган кундан эътиборан уч кун ичида ариза қайтарилганлиги ҳақида натижа қўйилган бўлиб, бироқ электрон дастурдаги техник хатолик сабабли адвокат Р.Махаммадиевга чақирув хати судья ва судья ёрдамчисига боғлиқ бўлмаган ҳолда тизим томонидан мустақил равишда юборилган.

Бинобарин, мазкур масала бўйича судья томонидан ариза ва унга илова қилинган ҳужжатлар ўрганилиб, ваколат доирасида эмаслиги сабаб суд мажлиси ўтказилмасдан, 2024 йил 16 октябрда алоҳида хат билан жавоб берилганлиги маълум қилинади.

Сайт | Telegram

Ўзбекистон қонун устуворлиги индексида 8 йилда илк бор пастлади

Қайд қилинишича, Ўзбекистон рейтингда 2016 йилдан бери биринчи марта пастламоқда ва 2023 йилга нисбатан 5 поғона пастга тушган.

Рейтингнинг дастлабки беш поғонасидан Дания, Норвегия, Финляндия, Швеция ва Германия жой олган.

@Advokat_Abdullayev

Хорижда маҳкум этилган шахсларни Ўзбекистонга қабул қилиш чоралари такомиллаштирилмоқда

Сенат маъқуллаган Қонунга кўра, хорижий давлатлар судлари қарорларини тан олиш ва ижрога қаратиш тартиби, шахсларни ўтказиш билан боғлиқ харажатлар ва бошқа масалаларга доир қоидаларни қамраб олган.

Қонунда маҳкумларни жазони ўташни давом эттириш ёхуд руҳий касалликка чалинган шахсларни мажбурий даволаш учун Ўзбекистон Республикасига қабул қилиш тўғрисидаги мурожаатларни кўриб чиқиш тартиби ҳам аниқ белгиланмоқда.

Мавзуга оид: "Хориждаги ўзбекистонлик маҳкумлар мамлакатга қайтарилиши мумкин. Россиядагилар ҳамми?"

@Advokat_Abdullayev

Advokat Abdullayev | Rasmiy Telegram-каналида эълон қилинган билдириш юзасидан

Билдиришда Тошкент вилоят судлари матбуот хизмати томонидан гўёки маҳкум И. Каримов озод қилинганлиги ва бу ҳолат жамоатчиликдан яширилаётганлиги иддао қилинган. Аслида жамоатчиликдан яширилган ҳеч қандай сир йўқ. Матбуот хизмати муносабатида маҳкумнинг юқори суд томонидан қамоқдан озод этилмаганлигига урғу берилган.

Хусусан, Тошкент вилоят суди кассация инстанциясининг 2024 йил 15 октябрдаги ажрими билан жиноят ишлари бўйича Оҳангарон туман судининг 2024 йил 8 октябрдаги ажрими бекор қилинган бўлса-да, жамоат ҳимоячиси З. Мирзааҳмедовнинг маҳкумга тайинланган озодликдан маҳрум қилиш жазосининг ўталмай қолган муддатини енгилроқ жазога алмаштириш ҳақидаги илтимосномасини қабул қилиш рад этилган, бироқ юқори инстанция суди маҳкумни жазони ўташ жойларидан қамоқдан озод қилмаган.

Шу билан бирга, жиноят ишлари бўйича Оҳангарон туман суди орадан уч кун ўтгач, яъни 2024 йил 18 октябрь куни “ADOLAT E’TIQOD” адвокатлик бюроси адвокати М. Раимқуловнинг айни шу мазмундаги илтимосномасини кўриб чиқиб, уни қаноатлантирган ва манзил-колонияда жазо ўтаётган маҳкум И. Каримовга тайинланган озодликдан маҳрум қилиш жазосининг ўталмай қолган муддатини (2 йил 11 ой 10 куни) Жиноят кодексининг 74-моддасига асосан шу муддатга ахлоқ тузатиш ишлари жазосига алмаштирган.

Шу ўринда таъкидлаш ўринлики, амалдаги Жиноят-процессуал кодексининг 536-моддасига кўра Жиноят кодексининг 73 ва 74-моддаларида назарда тутилган ҳолларда жазодан муддатидан илгари шартли озод қилиш ва жазонинг ўталмаган қисмини енгилроқ жазо билан алмаштириш жазони ижро этиш муассасаси маъмуриятининг тақдимномасига ёки маҳкумнинг, унинг ҳимоячисининг илтимосномасига биноан судья томонидан қўлланилади.

Сайт I Telegram I

Адвокат Хуршедбек Рустамов: Ёмон томони шундаки, туҳмат билан баъзилар қамоққа олиниб қолади

Ушбу суҳбатни тўлиқ ҳолда You tube даги саҳифамизда кўришингиз мумкин.

👉Youtube

@Advokat_Abdullayev

“Замминистрнинг қизи озодликда, фуқаро қамоққа олинди” сарлавҳали билдириш юзасидан

Ҳозирги вақтда А. Тураевага оид жиноят иши Тошкент шаҳар суди жиноят ишлари бўйича судлов ҳайъатида апелляция тартибида кўриб чиқилмоқда.

Албатта, ҳали қонуний кучга кирмаган суд ҳукми ҳақида турли фикр-тахминлар билдириш қонунга хилоф. Шу боис мазкур жиноят иши бўйича ижтимоий тармоқ фойдаланувчилари ўртасида юзага келган англашилмовчиликка барҳам бериш мақсадида суд нега бундай тўхтамга келгани юзасидан тушунтириш бериш ўринлидир.

Судланган А. Тураевага оид жиноят иши жиноят ишлари бўйича Мирзо Улуғбек тумани судида мазмунан кўриб чиқилган. Мазкур суднинг 2024 йил 5 сентябрдаги ҳукми билан А. Тураева Жиноят кодексининг 167-моддаси 3-қисми “а” банди ва 28,209-моддаси 2-қисми “а” банди билан айбдор деб топилган. Унга нисбатан Жиноят кодексининг 59,61-моддалари тартибида 5 йил 1 ой муддатга озодликдан маҳрум қилиш жазоси тайинланган ҳамда Жиноят-процессуал кодекснинг 533-моддаси 1-қисми 3-бандини қўллаб, озодликдан маҳрум қилиш жазосининг ижросини 2024 йил 7 июль кунида туғилган 3 ойлик эмизикли чақалоғи С.нинг уч ёшга тўлгунга қадар кечиктирилган.

Суд нима учун бу қарорга келгани суд мажлисида батафсил тушунтирилган. Бунда судланувчининг билдиришда иддао қилинганидек, “собиқ вазирнинг қизи” эканлиги мутлақо аҳамиятга эга эмас. Негаки, Жиноят-процессуал кодексининг 16-моддасида белгилаб қўйилганидек, “Жиноят ишлари бўйича одил судлов фуқароларнинг, жинси, ирқи, миллати, тили, дини, эътиқоди, ижтимоий келиб чиқиши, ижтимоий мавқеидан қатъи назар, қонун ва суд олдида тенглиги асосида амалга оширилади".

Шунинг баробарида Жиноят-процессуал кодексининг 533-моддаси 1-қисми 3-бандида “маҳкуманинг ёш боласи бўлса - у уч ёшга тўлгунга қадар ҳукмнинг ижроси кечиктирилиши мумкин” деб белгиланган. Судланувчи А. Тураевага жазо тайинлашда, унинг 2024 йил 7 июль куни туғилган эмизикли ўғли борлиги, бундан ташқари яна 3 яшар тўнғич қиз фарзанди борлиги инобатга олинган. Пировардида суд А. Тураевага тайинланган жазони эмизикли ўғли уч ёшга тўлгунга, яъни 2027 йил 8 июль кунига қадар кечиктиришни лозим топган.

Бу билан судланган А. Тураева муқаррар жазодан қутулиб қолди, деган фикрга бориш мутлақо нотўғри. Башарти А. Тураева фарзанди уч ёшга тўлгунига қадар зиммасига юкланган моддий зарарни қопламаган тақдирда ҳукм ижроси бўйича қамоққа олиниши ва суд томонидан тайинланган озодликдан маҳрум қилиш жазоси амалда ижро этилиши мумкинлигини унутмаслик керак.

Билдиришда келтирилган иккинчи ҳолат, яъни жиноят ишлари бўйича Олот туман судининг 2024 йил 18 сентябрдаги М. Исахановага оид ҳукми ҳам ҳали қонуний кучга кирмаган.

Бухоро вилоят судидан олинган маълумотга кўра мазкур ҳукмга нисбатан судланувчи М. Исаханова ва унинг ҳимоячиси томонидан апелляция шикояти келтирилган.

Айни вақтда бу иш Бухоро вилоят суди жиноят ишлари бўйича судлов ҳайъати томонидан апелляция тартибида кўриб чиқилаётганлиги маълум қилинади.

Сайт I Telegram

Судья нимадан қўрқди?

Судья Санжар Абдуганиев номидан имзоланган жавоб хатини ўқиб чиқиб, унга нисбатан хизмат текшируви ўтказиш керак, деган хулосага келдик.

Адвокат суддан туман прокурорининг ўз профессионал фаолиятига тўсқинлик қилганлиги учун уни маъмурий жавобгарликка тортишни сўраган.

Судья эса масаланинг бу жиҳатига бутунлай совуққон қараб, "Майли, бу бошқа мавзу." - деб жавоб берибди.

Бироқ, бундай тўхтамини ҳуқуқий жиҳатдан асосламаган.

Бу билан, одил судловга кўмаклашувчи адвокатнинг маъмурий ҳуқуқбузарлик тўғрисидаги ишни кўриб чиқилишига бўлган ҳуқуқини бузган.

Судьянинг ҳар бир ҳаракати ёки ҳаракатсизлиги қонун доирасида бўлиши шарт ва ўз навбатида бундай қонунсизликка чек қўйилиши учун ҳам судьянинг ҳаракатсизлигига Тошкент шаҳар судлари Судьялари малака ҳайъати томонидан тегишли ҳуқуқий баҳо берилиши лозим бўлади.

@Advokat_Abdullayev

Яширишдан мақсад нима?

Гўёки Илхом Каримов озод қилинганлиги ҳақидаги маълумот ҳақиқатга тўғри келмас эмиш.

48-сонли Манзил колониясининг 2024 йил 18 октябрдаги 034649-сонли маълумотномасига кўра, Илхом Каримов ушбу колониядан шу куни озодликка чиқарилган ва айни пайтда у озодликда.

Матбуот хизмати нима учун уни озод қилинганлиги ҳақидаги ҳақиқатни жамоатчиликдан яширмоқда?

@Advokat_Abdullayev

Судлар халқнинг виждони ва ҳар қандай адолатсизлик учун ўз виждонини айблаши тўғри.

@Advokat_Abdullayev

Болаларга нисбатан оилавий (маиший) зўравонлик содир этганлик учун жавобгарлик белгиланди

Президент томонидан 2024 йил 21 октябрь куни имзоланган Қонунга кўра, Жиноят кодексига ва Маъмурий жавобгарлик тўғрисидаги кодексига болаларга нисбатан оилавий зўравонлик содир этганлик учун жавобгарликни назарда тутувчи ўзгартиришлар киритилмоқда.

Шунингдек, Жиноят-процессуал кодексига киритилган қўшимчага кўра, оилавий (маиший) зўравонлик билан боғлиқ ишлар юзасидан ярашув тўғрисидаги ариза фақат суд муҳокамасининг исталган босқичида, аммо суд алоҳида хонага (маслаҳатхонага) киришидан олдин берилиши мумкинлиги белгиланди.

@Advokat_Abdullayev

Мазлум бўлсанг бўлгин, золим бўлмагин,
Узилсанг узилгин, узган бўлмагин.
Маҳшарда ҳисоби жуда ҳам оғир,
Эзилсанг эзилгин, эзган бўлмагин.

Жалолиддин Румий

@Advokat_Abdullayev

Олот туманида одил судловга раҳна солинмоқдами?

Ушбу мақоладан кейин жиноят ишлари бўйича Олот туман суди раиси Баҳрилло Жабборов томонидан кўрилган жиноят ишларининг айримлари бўйича чиқарилган суд қарорлари билан танишиб чиқиб, очиғи, ёқа ушладик.

Айрим ишларда ўта қўпол хатоликларга йўл қўйилганлигига ҳам гувоҳ бўлдик.

Масалан, 1-2010-2401/85-сонли жиноят иши бўйича А. ҳамда 1-2008-2301/69-сонли жиноят ишида Ғ. ўта оғир жиноят содир этганликда, 1-2006-2301/119-сонли жиноят ишида Р. оғир жиноят содир этганликда, 1-2010-2401/79-сонли жиноят иши бўйича С. унча оғир бўлмаган жиноят содир этганликда асоссиз айбланганлар.

Ёки 1-2010-2401/48-сонли жиноят ишида У. ҳамда 1-3-2010-2401/84-сонли ишда Д. суд залидан асоссиз қамоққа олинган бўлса, 1-2010-2401/26-сонли жиноят иши бўйича Д.га нисбатан ЖКнинг 45-моддаси нотўғри қўлланилган. Шу билан бирга, унинг пора олганликда айбли деб топилиши ҳам асоссиз бўлган.

Ушбу санаб ўтилган суд қарорларининг асоссизлиги кейинчалик юқори инстанцияларда тасдиқланиб, бекор қилинган, айримлари ўзгартирилган.

Яна ҳам ачинарлиси, муҳокамага сабаб бўлган жиноят иши билан, 1-2010-2401/60-сонли жиноят ишидаги айблов квалификацияси бир хил, яъни ЖК нинг 251-1-моддаси 3-қисми экани ҳолда бунисида судланувчи М.нинг 3 ёшга тўлмаган фарзанди бўла туриб, суд залидан қамоққа олинган бўлса, кейингисида Д.га озодликни чеклаш жазоси тайинланган. Лекин суд тўхтами асослаб берилмаган.

Юқоридагиларга ўхшаш мисоллар талайгина бўлиб, бундай иш олиб боришда давом этиши суд раиси Б.Жабборовнинг атрофида шундоқ ҳам аллақачондан урчишига улгурган “миш-миш”ларнинг баттар авж олишига олиб келади.

Шундай экан, унинг фаолиятига танқидий баҳо берилишини, ёки малакасини ошириш курсини ташкил этиб, иш фаолиятини соғломлаштириш чоралари кўрилиши лозим. Йўқса, жамоатчилик учун унинг истеъфосини сўрашдан бошқа йўл қолмайди.

@Advokat_Abdullayev

Ҳамма ҳам хато қилиши мумкиндир, бироқ ...

Қонунларнинг аниқ ва бир хилда бажарилиши устидан назоратни амалга оширувчи вилоят прокурорининг ушбу бўйруғи қонунга мувофиқ эмас деб топилганлиги фавқулотда хато, деб қабул қилиниши керак.

@Advokat_Abdullayev

Нега ажралишлар кўпайиб, никоҳланишлар камаймоқда?

Туркиядаги ўзбеклар каналида Туркияда ажралишларнинг ҳаддан ташқари кўпайганлиги, никоҳланиш эса тушиб бораётганлигини кўрсатиб берувчи видео эълон қилинди.

Умуман олганда бу жараён бутун дунёда рўй бермоқда, хусусан ўзимизда ҳам аҳвол деярли шундай. Оила институти борган сари ўз кучини йўқотиб бормоқда.

Туркияда оила қуришнинг камайиши ва ажралишлар сонининг кўпайиши бир қатор ижтимоий, иқтисодий ва маданий омилларга боғлиқ. Шу омилларни ўзимизга ҳам қўллашимиз мумкин. Қуйида бу жараёнларга таъсир этувчи асосий сабаблар келтирилган:

1. Иқтисодий омиллар:

• Ишсизлик ва иқтисодий қийинчиликлар: Иқтисодий муаммолар, ишсизликнинг юқори даражаси ва турмуш шароитларининг ёмонлашуви оила қуришни кечиктиришига сабаб бўлади. Иқтисодий барқарорликка эга бўлмаган ёшлар оила қуришдан олдин иқтисодий имкониятларини яхшилашга ҳаракат қилишади.

• Турар-жой муаммолари: юқори уй-жой нархлари ёшларнинг мустақил равишда уй сотиб олишини ёки ижарага олишини қийинлаштиради, бу ҳам оила қуриш қарорини кечиктиради.

2. Таълим ва карьерага эътибор:

• Аёллар ва эркакларнинг таълимга ва карьерага эътибори: Ҳозирги кунда кўплаб аёллар ва эркаклар оила қуришдан олдин таълим олишни ва карьера қилишни устун кўришади. Бу эса оила қуриш ёшини кечиктиради. Карьерага йўналган инсонлар оила қуришга вақт ажратишдан кўра профессионал ривожланишга кўпроқ аҳамият беришади.

3. Жамиятнинг ўзгариши ва модернизация:

• Анъанавий қадриятларнинг ўзгариши: Урбанизация ва глобализация жараёнлари Туркия жамиятида анъанавий оилавий қадриятларининг ўзгаришига олиб келди. Ёшлар оила қуришга бўлган анъанавий ёндашувдан узоқлашиб, шахсий эркинлик ва мустақил ҳаётга кўпроқ эътибор қаратишмоқда.

• Шахсий мустақиллик ва танлов эркинлиги: Жамиятда шахсий танлов ва мустақиллик қадриятлари ошгани учун ёшлар оила қуриш қарорини кечиктиришлари ёки ҳатто умуман уни режалаштирмасликлари мумкин.

4. Ажралишлар сонининг кўпайиши:

• Замонавий муносабатлар ва сабрсизлик: Ёшлар орасида муносабатларда ўзаро сабр ва муроса қилиш тушунчалари камаймоқда. Жуфтлар ўртасида чиқадиган муаммоларни тезда ҳал қилиш ўрнига ажралишни танлаш ҳолатлари кўпаяди. Бунга бир томондан ижтимоий тармоқларнинг ривожланиши ҳам сабаб бўлмоқда. (Бу ҳақида алоҳида пост ёзаман).

• Ҳуқуқий ва ижтимоий қўллаб-қувватлаш: Ҳозирги кунда ажралиш жараёнини осонлаштирувчи ҳуқуқий тизим ва ижтимоий ёрдам механизми мавжуд. Ажралиш жамият томонидан камроқ танқид қилиниши туфайли, бу ҳам ажралиш қарорини енгиллаштиради. Яна бир нарса Туркия қонунчилиги ҳаддан ташқари аёлларнинг манфаатларини устун қўяди, бу ҳам ажралишлар сонини кўпайтирмоқда.

• Иқтисодий мустақиллик: Аёллар ва эркакларнинг молиявий мустақилликка эришиши ажралишни енгил қабул қилишларига сабаб бўлади. Хусусан, аёллар иқтисодий жиҳатдан ўзларига ишончли бўлганда, улар муаммоли муносабатлардан чиқишни осонроқ деб билишади. Аёл ажрашгандан кейин ҳам то кейинги эрга теккунга қадар, агар тегмаса умрининг охиригача собиқ эрининг боқувида бўлади, ҳатто ўртада фарзанд бўлмаса ҳам.

5. Шахсий ва профессионал ҳаётнинг мувозанатсизлиги:

• Карьера ва шахсий ҳаётнинг тўқнашуви: Ёшлар карьерасига кўпроқ эътибор қаратаётгани сабабли, шахсий ва оилавий ҳаётни мувофиқлаштириш қийинлашмоқда. Бу эса муносабатларда муаммолар келтириб чиқариб, ажралишга олиб келиши мумкин.

6. Ижтимоий омиллар:

• Ҳаёт услубининг ўзгариши: Урбанизация ва глобализация билан бирга ҳаёт услуби ўзгарди. Ёшлар орасида кечиктирилган никоҳлар ёки никоҳсиз муносабатлар кўпроқ қабул қилиниб бормоқда.

• Оммавий ахборот воситалари таъсири: Медиа ва поп-маданиятнинг таъсири ортиб, шахсий ҳаётда муваффақият ва эркинлик қадриятлари кучайди. Бу кўп ҳолларда ёшлар орасида оила қуришни кечиктиришга сабаб бўлади.

Бу омиллар Туркияда оила қуриш ва ажралишлар статистикасидаги ўзгаришларга таъсир этмоқда. Қолаверса, бу жараёнлар кўпгина жамиятларда кузатилган умумий тенденциялардан бири ҳисобланади.

Адвокат Бектош Ҳатамов

@Advokat_Abdullayev

Ўйларинг сўзларингга, сўзларинг феълингга, феълинг тақдирингга нуқс этади. Гўзал ўйла, гўзал яша.

Мавлоно Жалолиддин Румий

@Advokat_Abdullayev

Қонун олдида барчани тенг кўринг!

Ҳуқуқ фаоли Абдурахмон Ташанов кўтарган масалага эътибор қаратилиши керак. Сабаби, Қонунни қўллашда "қош-кўзлар"га қаралган, гўёки.

Тўғри, ЖПКнинг 533-моддасига асосан судья озодликдан маҳрум этилган шахсга нисбатан ҳукм ижросини, агар маҳкуманинг ёш боласи бўлса, у уч ёшга тўлгунга қадар кечиктириш мумкин.

Моддада "шарт" эмас, "мумкин" дейилгани эса, унга "коррупцияга "лазейка" очиб берувчи норма", деб қарашимизга олиб келмоқда, афсус-ки.

Бундай негатив таассурот эса, ноодил ва нотенг амалиёт сабаб бўлмоқда. Амалиётда ушбу имтиёз берувчи норма судьянинг хоҳиш иродасига, кайфиятига боғлиқ тарзда қўлланилмоқда. Агар судьянинг асабига тегиб қўйсангиз, ...

Жиноят ишлари бўйича Олот туман суди Баҳрилло Жабборов раислигида кўриб чиқилган мазкур иш бўйича судланувчи Д.га нисбатан жазо тайинлашда унинг айбига тўлиқ иқрорлигини, муқаддам судланмаганлигини, қилмишидан пушаймонлигини, аёллигини, вояга етмаган фарзандлари, шу жумладан 1 нафар уч ёшга тўлмаган фарзанди борлигини жазони енгиллиштирувчи ҳолатлар деб, жазони оғирлаштирувчи ҳолатлар эса, йўқ эканлигини гўёки инобатга олган.

Лекин барибир, уни жамиятдан ажратилиши кераклигига тўхтам қилинибди. Ваҳоланки, нега айнан озодликдан маҳрум қилиш тариқасидаги жазо турини танлаганлиги ҳукмда умуман асослантириб берилмаган ва бизнингча ҳам, аслида бунга асослар йўқ эди.

Қонуний асослантирилмаган суд қарори эса, албатта қонунга мувофиқлаштирилиши шартдир.

Биз бу билан, "замминистр" нинг қизи нега очиқда эканини муҳокама қилмоқчи эмасмиз, лекин ЖК нинг 57-моддасини қўллаш учун уникидан кам бўлмаган ва ҳатто ортиғи билан асосли фактлар, белгилари бўлгани ҳолда бунисини жамиятдан мутлақо ажратишни лозим топилганлиги, жамоатчиликда ҳақиқатдан ҳам, гап кимнинг қизи устида кетганига боғлиқ бўлиб қолган, деган ёмон гумонларни ҳақли равишда уйғотмоқда.

P/s: Бизни яхши гумонда бўлишга чақиришдан олдин барчага бирдек адолатли бўлишга чақирамиз.

@Advokat_Abdullayev

Замминистрнинг қизи озодликда, фуқаро қамоққа олинди

Ўзбекистон Республикаси Қишлоқ хўжалиги вазири собиқ ўринбосари Тўраевнинг қизи Анаис 9,95 миллирд сўмлик сохта шартномалар ортидан давлат маблағларини талон-тарож қилиб, 5,1 ойга озодликдан маҳрум қилинди. Суд унинг 5 ёшга тўлмаган фарзанди борлигини инобатга олиб, қамоқ қўлламади.

2021 йилда ТошМИ олдидаги дорихоналарнинг биридан "Редуксин" оздирувчи препаратини сотиб олган, ҳомиладорлиги учун унинг бир қутисини ичиб, қолганини эълон орқали 450 минг сўмга сотган М. Д. ни 2 йилга озодликдан маҳрум қилиб, суд залидан қамоққа олди. М. нинг 2, 3 ва 5 ёшдаги уч нафар фарзанди бор.

Уйида фойдаланилмай қолган 3 қути "Редуксин"ни телеграм орқали эълон бериб, харидордан ўзининг пластик картасига тушириб олган жувонни Бухоро вилояти Олот тумани суди психотроп дори сотувчи жиноятчига айлантирди.

Хуллас, постимдан сўнг турли расмий идораларнинг тушунтиришлари, бечора жувонни гўрдан олиб, гўрга тиқадиган изоҳлари чиқса керак, ҳаммасини тасаввур қилиб турибман. Чунки Олот судидаги ноинсофларнинг бошида шулар турибди, ўтган гал айтганимдек, тизимда гангрена бошланган аллақачон.

Хонимлар, агар эрингиз ёки отангиз замминистр ёки каттароқ амалдор бўлмаса, оздирувчи препаратлар ичманг. Қадди-қоматингиз ўртача бўлса ҳам озодликда юришга нима етсин.

Ҳуқуқ фаоли Абдурахмон Ташанов

@Advokat_Abdullayev

«Пора олиш камайиб, бюджет маблағларини талон-торож қилиш ортган» — Акмал Бурханов

Ўзбекистонда амалдорларнинг пора бериши ва олиши кескин камайган, лекин бюджетни талон-торож қилиш ва ваколатини суиистеъмол қилиш ҳолатлари кўпайган.

Аксилкоррупция агентлиги коррупционерларга судда енгиллаштирувчи чоралар қўллашни тақиқлашни таклиф қилмоқда. “Масалан, пора олиш учун 10 йил қамоқ жазоси берилса, жиноятчи шу жазони 10 йил тўлиқ ўташи белгиланмоқда”, деди агентлик директори.

@Advokat_Abdullayev

Суд раиси ва судья жавобгарликка тортилди, маҳкум озод қилинди

Аввалги постларимизда жиноят ишлари бўйича Оҳангарон тумани судининг маҳкум Илҳом Каримовга оид адолатсиз қарори ва суднинг қонунга хилоф ҳаракатлари хусусида ёзгандик.

Бугун юқори инстанция суди Илҳом Каримов ишини қайта кўриб чиқиб, уни озодликка чиқарди. Шунингдек, Ўзбекистон Республикаси Судьялар олий кенгаши маълумотига кўра, маҳкамани олиб борган судья ва суд раиси интизомий жавобгарликка тортилди.

Адам Смит айтганидек, одамлар адолатни севишлари учун уларга адолатсизликнинг оқибатларини кўрсатиб турмоқ зарур. Шунингдек, муҳтарам қозиларимизни одобга чақирмоқ жамоатчиликнинг иши.

Айтишади-ку, "ҳусн тўйда керак, одоб кунда керак".

©️Ҳуқуқ фаоли Абдурахмон Ташанов
18.10.2024 йил

@Advokat_Abdullayev

Қонунни бузган ҳолда олинган далиллардан одил судловни амалга ошириш чоғида фойдаланишга йўл қўйилмайди.

Конституция 29-моддаси 4-қисми

@Advokat_Abdullayev

Суд қарорига ҳуқуқий баҳо беришми, бу?

Ушбу билдиришимиз юзасидан Тошкент шаҳар судлари I Расмий канали орқали билдирилган муносабатда ғалати бир ёндашув кузатилди.

Гап шунда-ки, биринчи инстанция суди томонидан жиноят ишини судда кўрилиши жараёнида ЖПКнинг 25-моддаси талабига тўлиқ риоя этилганлиги урғуланиб, бу билан муносабат билдирувчи гўё-ки, мазкур ишни юқори инстанция судида кўриб чиққанлик даъвосини қилиб қўйибди. Яъни, бошқача айтганда, буни суд ҳукмига ҳуқуқий баҳо бериш, деб ҳам аталади.

Расмий муносабат билдирилишида судларнинг матбуот хизматлари бундай ёндашувлардан тийилганлари маъқул. Чунки иш ҳали юқори инстанцияда кўрилмаган ва суд ҳукмига процессуал тартибда ҳуқуқий баҳо берилмаган.

@Advokat_Abdullayev

Мазлумнинг ўч олмоқ куни, золимнинг зулм этмоқ кунидан қўрқинчлидир.

Мавлоно Румий

@Advokat_Abdullayev

@Advokat_Abdullayev

Бола бечоранинг қадри 370.000 сўмга баҳоланибди

@Advokat_Abdullayev

Ишга тиклаш ҳақида даъво аризасини ўзи ишдан бўшатилган судга берибди

Кузатамиз, қани холисликни таъминлаш учун қандай йўл тутишаркин?!

@Advokat_Abdullayev

ДИҚҚАТ ЭЪЛОН!

Ўзбекистон Республикаси Ички ишлар вазирлиги раҳбарияти томонидан Тошкент шаҳри аҳолисини мурожаатларини ўрганиш мақсадида сайёр қабул ўтказилади. Сайёр қабул жорий йилнинг 18 октябрь куни соат 10.00 да Яшнобод туманида жойлашган “Мономарказ” биносида (Паркент кўчаси, 331 уй) бўлиб ўтади.

@Advokat_Abdullayev

Advokat Abdullayev | Rasmiy Telegram-каналида эълон қилинган “Судья айбдорми ёки иш юкламаси?” сарлавҳали билдириш юзасидан

Билдиришда танқид остига олинган ҳолат юзасидан жиноят ишлари бўйича Қизилтепа туман суди раиси А. Авезовга нисбатан хизмат текшируви тайинланган.

Текширув якуни юзасидан қўшимча ахборот берилиши маълум қилинади.

Сайт | Telegram

Ҳурматли судья!

Тассаввур қилинг, бугун Сизнинг охирги кунингиз. Умрингизнинг сўнгги дақиқалари. Ихтиёрингиздаги охирги иш бўйича ҳукмни ўқиш арафасидасиз.

Қандай ҳукм ўқиган бўлар эдингиз? Бир томонда халқ муҳаббати ёки нафратига йўлиқиш, бир томонда Яратган зот ҳузурида Унинг муҳаббати ёки нафратига мубтало бўлиш, яна бир томондан эса, худди шуларни ўйлаб ҳам ўтирмайдиган "Буюуртмачи" ларнинг розилиги ёки қасди ғазабига учраш ...

Агар ҳар гал ҳукмдан олдин "бу охиргиси, бундан кейингиси насиб қилмайди" - деган ишонч билан ёндашсангизгина, Сиз ўқиган ҳукмдан халқ ҳам, энг одил Зот ҳам рози бўлади. Учинчидагиларнинг эса, Сиздан рози бўлиш-бўлмасликлари, ишонинг, сўнгги нафасингиз пайти заррача асқотмайди.

Сиз шундай ҳукм ўқинг-ки, зиммамдаги вазифани ҳалол ва виждонан бажардим дея олинг.

Сиз шундай ҳукм ўқинг-ки, судьялик бурчим ва виждоним буюрганидек, беғараз ва холис бўлдим, дея олинг.

Шундай ҳукм ўқинг-ки, "Эртага асл Маҳкамада менинг масаламга ҳам худди шундай ёндашилсин" дея дуо қила олинг!

Адолат қилинг-ки, адолат кутинг!

@Advokat_Abdullayev

Давлат жабрланганларга етказилган зарарнинг ўрни қопланиши учун шарт-шароитлар яратади

Ҳуқуқбузарликлардан жабрланганларнинг ҳуқуқлари қонун билан муҳофаза қилинади. Давлат жабрланганларга ҳимояланишни ва одил судловдан фойдаланишни таъминлайди, уларга етказилган зарарнинг ўрни қопланиши учун шарт-шароитлар яратади.

Конституция 29-моддаси 6-қисми

@Advokat_Abdullayev

Адолат ва эзгуликдан айри тушган ҳар қандай билим доғулиликка айланади. Уни донолик, деб аташ ножоиздир.
Суқрот

@Advokat_Abdullayev

Адвокатликнинг катта плюси

@Advokat_Abdullayev

Тадбиркорлик: Нега ҳамма жим?

Ўзбекистон Республикаси Президентининг 2023 йил 11 сентябрь куни ПҚ-300-сонли қароридаги тадбиркорлик соҳасида жавобгарликни янада либераллаштириш мақсадида 2024 йил 1 январдан бошлаб жорий этилиши керак бўлган қуйидаги топшириқлари ҳали ҳануз бажарилмаяпти:

➖биринчи марта жиноят содир этган шахсни, агар у суд маслаҳатхонага киргунига қадар солиқлар ва йиғимлар, шу жумладан пенялар ва бошқа молиявий санкциялар тарзида давлатга етказилган зарарнинг ўрнини тўлиқ қопласа, жавобгарликдан озод қилиниши;

➖тадбиркорлик субъектларига нисбатан қўзғатилган ҳар бир жиноят иши бўйича тергов ҳамда суд жараёнида тегишли мансабдор шахс жиноят иши материалларини иш юритувига қабул қилган вақтдан бошлаб тадбиркорни ҳимоя қилишга Бизнес-омбудсман, Савдо-саноат палатаси, шунингдек, тадбиркорлик субъекти аъзо ҳисобланган бошқа ташкилотни жамоат ҳимоячиси сифатида жалб этиши (хабар қилиш) тартиби жорий этилиши.

Шу топшириқлардан келиб чиқиб, 2023 йил ноябрга қадар Бош прокуратура, Олий суд, Ички ишлар вазирлиги, Адлия вазирлиги томонидан тегишли қонун лойиҳаси ишлаб чиқилиб, аллақачон парламентга ҳавола этилиши керак эди.

Бироқ, мана қарийб 10 ойдирки, ҳамма жим.

@Advokat_Abdullayev

Р А С М И Й А Х Б О Р О Т

Ижтимоий тармоқдаги қатор ахборот манбаларидаги “Судья айбдорми ё иш юкламаси?” сарлавҳали танқидий чиқишдаги ҳолатлар Навоий вилоят суди томонидан ўрганилмоқда.

Натижаси бўйича қўшимча ахборот берилади.

Судьялар олий кенгаши
матбуот хизмати

Каналга уланиш:@sudyalaroliykengashi

Advokat Abdullayev | Rasmiy Telegram-каналида эълон қилинган билдириш юзасидан

Билдиришда тилга олинган жиноят ишлари бўйича Тошкент шаҳар Учтепа туман судининг 2024 йил 14 октябрдаги ҳукми ҳали қонуний кучга кирмаган.

Билдиришда ҳимоя айблов ҳукми билан келишмаслиги қайд этилган. Албатта, бу ҳимоя тарафининг мутлақ ҳуқуқи. Суд бунга ҳеч қандай эътироз ёхуд монелик билдирмайди. Зотан, Жиноят-процессуал кодексининг 25-моддасига асосан “Суд айблов ёки ҳимоя тарафида турмайди ҳамда уларнинг бирон-бир манфаатларини ифодаламайди. Суд холислик ва беғаразликни сақлаган ҳолда тарафлар процессуал мажбуриятларини бажаришлари ва берилган ҳуқуқларини амалга оширишлари учун зарур шароитлар яратиб беради”. Мазкур модда талабига биринчи инстанция суди томонидан жиноят ишини судда кўриш жараёнида ҳам тўлиқ риоя этилган.

Шунинг баробарида тарафларга суд ҳукмидан норози бўлганлари тақдирда қонунда белгиланган тартиб ва муддатларда шу суд орқали юқори инстанция судига апелляция ёхуд кассация тартибида шикоят келтириш ҳуқуқлари тушунтирилганлиги маълум қилинади.

Сайт |  Telegram

Ҳалоллик кучи

@Advokat_Abdullayev

ДИҚҚАТ, САЙЁР ҚАБУЛ!

Олий суд раисининг биринчи ўринбосари И. Муслимов ва Олий суд раисининг ўринбосари О. Исмоилов бошчилигидаги ишчи гуруҳ томонидан Тошкент шаҳри аҳолисининг суд-ҳуқуқ соҳасига доир мурожаатларини ўрганиш мақсадида 17 октябрь куни соат 10.00 дан бошлаб Олмазор тумани ҳокимлиги биносида (Кичик халқа йўли, 1 уй) оммавий сайёр қабул ўтказилади.

Сайёр қабулда фуқаролар ва тадбиркорлар суд-ҳуқуқ масалалари юзасидан мурожаат қилишлари мумкин.

@Advokat_Abdullayev

Адвокат Махатма Ганди: Фактлар - қонуннинг тӯртдан уч қисми

Фактлар - қонуннинг тўртдан уч қисми. Агар биз фактлар ҳақида қайқурсак, қонун ўзи ҳақида қайғуради.

Фактларда ҳақиқат бўлади, агар биз ҳақиқатни ушлаб олсак, шубҳасиз қонун бизга ёрдамга келади. Мен қонунларни тўғри қўллашни, инсонлар қалбига йўл топишни ва уларнинг қалбини забт этишни ўргандим. Мен адвокатнинг ҳақиқий мақсади томонларни келиштириш эканини тушуниб етдим.

©️Адвокат Махатма Ганди

@Advokat_Abdullayev

Судья айбдорми, ёки иш юкламаси?

Тан олиш керак-ки, маъмурий ҳуқуқбузарликка оид ишлар судларда шунақа палапартиш тарзда кўрилмоқда. Балки 2025 йил 1 январдан жорий этилиши кутилаётган "тергов судьяси" лавозими бунга чек қўйиб берар. Чунки агар бу лавозим жорий этилса, маъмурий ҳуқуқбузарликка оид ишларни кўриш ҳам жиноят ишлари бўйича судьяларнинг юкламасидан ечилиб, шу судьяларга ўтказилади ва уларнинг иш юкламалари яхшигина енгиллашади.

Қуйида келтирилаётган бир маъмурий ҳуқуқбузарликка оид ишда ҳам судьянинг совуққонлиги бир инсонга нисбатан қонунга хилоф равишда 15 сутка маъмурий қамоқ жазосига тайинланишига сабаб бўлган.

Яъни, 2024 йил 5 апрель куни жиноят ишлари бўйича Қизилтепа туман суди раиси Авезов Адиз Муродбековичнинг раислигида ўтказилган суд ишида фуқаро Лазиз Саттаров МЖтК нинг 188-2-моддаси ва бошқа моддалари билан айбли деб топилиб, узил-кесил ўташ учун 15 сутка маъмурий қамоқ жазоси тайинланибди.

Биз Лазиз Саттаров билан суҳбатлашганимизда билдиришича, ўша кунги суд мажлисида раислик этувчи суд мажлисини очиқ деб эълон қилиш босқичиданоқ процессуал тартибга унинг ўзи риоя қилмаган. Яъни, мажлисни очиқ деб эълон ҳам қилмасдан, на ўзини, ва на суд таркибини таништирган.

Энг қизиғи эса, унга фақатгина қўйилган айбларга муносабатини айтиш учунгина қисқа имкон бериб, шахсини тасдиқлатиб олишга қаратилган бирорта савол бермаган ва унинг ўзига ҳам ўзи ҳақида маълумот беришига имкон бермаган. Халқчил тилда айтганда, Л.Саттаровга оғиз очирмаган.

Бу ёғи қизиқ:
Л.Саттаров ҳақиқатда 2-гуруҳ ногирони экан ва амалдаги Маъмурий жавобгарлик тўғрисидаги кодекснинг 29-моддаси 2-хатбошига кўра, бундай тоифадаги шахсга нисбатан, у содир этган маъмурий ҳуқуқбузарликнинг сони ва туридан қатъий назар маъмурий қамоқ жазоси қўлланилиши мумкин эмас.

Судья Л.Саттаровнинг шахсига оид маълумотларни текширишда эътиборсизликка йўл қўйган, ёки, балки умуман текшириб ҳам кўрмагандир, деган гумонимиз ҳам йўқ эмас.

Айтганча, ўша суд қарори кейинчалик юқори инстанция суди томонидан бекор қилинган.

Суд қарорларини кейинчалик қонунга мувофиқлаштирилиши ўз йўлига, аммо инсон тақдирига бундай тарзда совуққон ёндашилишига, албатта тегишли муносабат билдирилиши шарт.

@Advokat_Abdullayev

Ўқувчини жазолашнинг дунё тажрибаси

АҚШ
Энг даҳшатли жазо — бу дарсларга боришни тақиқлаш. Америкада мактаб ўқувчиси учун бу фожиа. Чунки ёмон баҳо олганлар кейинги йилга қолдириб юборилади. Баҳолар эса компьютер дастури ёрдамида қўйилади. Жиддий мактаб қоидабузарликлари билан полиция ва суд тизими шуғулланади.

Япония
Японлар болани кичик ёшидан меҳнатга ўргатади. Синфхоналар ва мактаб ҳовлисига қўшиб ҳожатхонани ҳам ўзлари тозалайди. Мактабларда интизомга қатъий риоя қилинади. Кеч қолиш, бўяниш ёки формасиз дарсга кириш жисмоний меҳнат ёки дарра билан жазоланади.

Германия
Ўқувчи дарсдан  қочса, вояга етмаганлар хизмати аралашади. Агар таълим интизоми бузилган бўлса, мактаб маъмурияти полицияга хабар беради. Ойига 3 кундан ортиқ сабабсиз дарс қолдирганларга 1000-2500 евро жарима солинади.

Жанубий Корея
Ўқитувчи итоатсиз ўқувчиларни жисмоний жазолаш ҳуқуқига эга. Масалан, кафтларга калтак билан уриши мумкин. Бунинг учун ота-оналар ҳеч қандай эътироз билдира олмайди.

Буюк Британия
Дарс пайтида ўқувчиларни мактаб ҳудудидан чиқариш тақиқланади. Фақат ота-оналар ёки кураторнинг ёзма илтимоси билан рухсат этилади. Шу билан бирга, ота-оналар ўз фарзандини мактабдан олиб кетгани учун жаримага тортилиши мумкин. Агар жарима 28 кунда тўланмаса, жиноий жавобгарликка тортилади.

Франция
Агар ўқувчи ойда тўрт мартадан кўп дарс қолдирса 150 долларгача жарима солиниши мумкин. Агар ўқишни қолдириш боланинг таълимига таъсир қилаётган бўлса, ота-оналар 2 йиллик қамоқ жазоси ва 33 минг доллардан ортиқ миқдорда жаримага тортилади.

@Advokat_Abdullayev

Олий суд судьяси алоҳида хонага кирмасдан қарор қабул қилди

Advokat Qosimov ёзмоқда:

МЖтК нинг 324-37-моддаси “Ишни Ўзбекистон Республикаси Олий судининг Жиноят ишлари бўйича судлов ҳайъатида тафтиш тартибида кўриш тартиби” деб номланган. Шу модданинг 10-қисмида “Суд музокаралари тугаллангач, судья қарор қабул қилиш учун алоҳида хонага киради” деб белгиланган.

Бундан кўринадики, маъмурий ҳуқуқбузарликларга оид ишларни Олий судда тафтиш тартибида кўрилишида суд музокаралари тугагач, судья алоҳида хонага кириб ўша ерда қарор қабул қилиши керак.

Ушбу норма 2023 йил 25 декабрдаги ЎРҚ-884-сонли Қонун билан киритилган бўлиб, 2024 йил 1 январдан амалга киритилган.

Бугун, 15 октябрь куни Олий судда маъмурий ҳуқуқбузарлик бўйича тафтиш инстанциясида шикоятимиз кўриб чиқилди. Судья Асраров Азиз Аброрович суд музокаралари тугагач, қарор қабул қилиш учун алоҳида хонага кирмасдан, ажримни ўқиб эшиттирди.

Мен унга бу ҳақда эътироз билдирганимда, “Маъмурийда бу нарса йўқ, кирилмайди” деган жавобни олдим. Мен бу ҳолат МЖтК га киритилган янги нормаларга зидлигини айтганим фойда бермади.

Яна бир тушунарсиз ҳолат маъмурий ҳуқуқбузарлик ишларида Олий суд тафтиш инстанциясида қарор қабул қилиниши керак, судья эса якуний суд ҳужжати сифатида ажрим ўқиб эшиттирди.

Агар кимдир бу ҳолатлар ёлғон деса, иш ВКА орқали кўрилган, бемалол видеофайлни олиб текшириб кўриши мумкин.

Бу ҳақда Судьялар Олий кенгашига ҳам шикоят киритяпмиз.

Энди ўйланиб ўтирибман, “судья қарор қабул қилиш учун алоҳида хонага киради” деган жумлани, алоҳида хонага кирмасдан тўғридан-тўғри қарор қабул қилиб ўқиб бераверади, деб тушуниш учун бу одам ким бўлиши керак!?

Агар Олий суд судьяси шу аҳволда бўлса, қолганлардан нимани кутиш мумкин!?

Агар судья тасодифан алоҳида хонага киришни эсдан чиқарганда тушуниш мумкин эди, лекин бу қоида Қонунда йўқ, деб айтгани судьянинг билими ҳаминқадар эканлигини англатмайдими!?

Энди Сенатда судьяларни Олий судга ўтказишдан аввал билимини баҳолаш учун аттестациядан ўтказиш талабини қўйиш керак, шекилли... Зора шунда Олий суд судьялари қилаётган ишларини тартибга соладиган норматив-ҳуқуқий ҳужжатларни ўқиб олишса...

@Advokat_Abdullayev

Эй ҳуқуқни қўлловчи! Ҳуқуқни аввало ўзингизга нисбатан қўллай оляпсизми?

Агар юқоридаги саволга виждонингиз олдида "ҳа" деб жавоб бера олмаётган бўлсангиз, яхшисиз Сиз ҳуқуқни қўлламанг, "ҳа" дея оладиганларга қолдиринг!

@Advokat_Abdullayev

ДИҚҚАТ, САЙЁР ҚАБУЛ!

Олий суд раисининг биринчи ўринбосари И. Муслимов ва Олий суд раисининг ўринбосари О. Исмоилов бошчилигидаги ишчи гуруҳ томонидан Тошкент шаҳри аҳолисининг суд-ҳуқуқ соҳасига доир мурожаатларини ўрганиш мақсадида 16 октябрь куни соат 10.00 дан бошлаб Яшнобод тумани, “Мономарказ” биносида (Паркент кўчаси, 331 уй) оммавий сайёр қабул ўтказилади.

Фуқаролар ва тадбиркорлар сайёр қабулда суд-ҳуқуқ масалалари юзасидан мурожаат қилишлари мумкин.

Сайт |  Telegram

“Сўрасак ҳам бермади”, дема. Сўрашни билмадинг, ҳеч бўлмаса ёлғон гапирма.

©️Мавлоно Жалолиддин Румий