Advokat Xondamir Kulbayev

Ватан ҳимоясида турган барча Қуролли Кучлар ҳарбий хизматчиларини, ҳуқуқни муҳофаза қилувчи органлар ходимларини, хизмат вақтида ҳалок бўлган ҳарбийлар оила аъзоларини, ҳарбий ОТМларда таҳсил олаётган курсант ва тингловчиларни, нафақадаги ва собиқ ходимларнинг барчасини, хуллас умрини маълум бир қисмини шу Ватан ҳимояси учун сарф қилган ва сарф қилаётган барча-барчани бугунги 14 январь: Ватан ҳимоячилари куни билан табриклайман!

Сиз қайси соҳада хизмат қилишингиздан қатъий назар, ҳаммангизнинг мақсадингиз бир, ҳаммангизнинг мақсадингиз ОЛИЙ. Яъни, мамлакат тинчлиги ва осойишталигини, ҳуқуқ-тартиботни таъминлашдир. Бу мақсад йўлида ташлаган ҳар бир қадамингиз учун ажрлар ёзилмоқда!

Байрам муборак бўлсин!

(фотосуратда атрофимдагилар курсдошларим, ушбу фотосурат битирувчи курслигимизда, қизлар казармаси пастида суратга туширилган😉)

@advocatekulbayev

Олег Газманов - “Офицеры”

Шунчаки ҳамма ишларингизни тўхтатиб, ушбу қўшиқни эшитинг. Шу кунгача босиб ўтган қийинчиликларингизни эсланг.

Бу қўшиқ рус офицерларига бағишланган бўлсада, аслида барча постсовет мамлакатлари зобитларининг юрагидан жой олган.

Ватан ҳимоячилари куни муборак бўлсин!

@advocatekulbayev

Миллат генофондини емириш учун ташқи кучлар ҳар томонлама ҳаракат қилишмоқда:

1. Гомосексуализмни кўпайтириш орқали
2. Наркотик воситалари орқали

Ҳозир наркотик воситасини топиш ва уларни муомаласи учун таъқибдан қутилиб қолиш жуда осон бўлиб қолди. Чунки, бунга шахсни идентификация қилиб бўлмайдиган интернет ижтимоий тармоқлари ёрдам бермоқда.

Жиноят олами ичида юриб, кўпгина ҳолатларни кўрмоқдамиз. Ёшлар наркокурьерлик қилиб, ойига 5-6 минг доллар топишмоқда ва шу пулларга алданиб, нафақат ўзлари балки бутун миллатни ривожига болта уришмоқда.

Олдин наркоман деса ҳамма ўша одамга ғалати муносабатда бўларди. Ҳозир наркотик воситаларини истеъмол қилувчи одам ҳудди сигерет чекувчи одамга ўхшаб қолди.

Наркотик воситалари айланмасини тўхтатишнинг йўллари ҳақида юқорида тўхталганман. Ҳали қонунчилигимизнинг ўзи ҳам бунга тўлиқ тайёр эмас. Йўл ҳаракати қоидаларини бузганларни ушлаб берувчиларга катта шароитлар яратганмизу, аммо наркокурьерларни ушлаб берувчиларни жазосини оғирлаштириб, ўша наркокурьерни ўзи билан қўшиб қамаяпмиз.

Тошкент шаҳар прокурори Э.Юлдашев замирида барча ҲМҚОларга ушбу соҳадаги мехнатлари учун рахмат айтиб, 21-аср вабосига қарши курашда елкадош эканлигимизни маълум қилмоқчиман.

Барча ота-оналарни огох бўлишга чақириб қоламан!

@advocatekulbayev

Тошкент шаҳар прокурори Эркин Юлдашевнинг мурожаати

🌐 Бош прокуратуранинг ижтимоий тармоқлардаги саҳифаларига аъзо бўлинг!

Sayt |Telegram | Instagram | YouTube | Facebook

Тергов мустақиллиги (2-қисм)

Судлар мустақиллиги қаторида тергов органларининг ҳам мустақиллигини гапирмасак бўлмайди. Чунки, терговчилар бугун жиноят процессининг мустақил субъекти эмас, кўпроқ котибга ўхшаб қолди. “Тергов мустақиллиги” деб номаланган ушбу мақолалар силсиласи 3-қисмдан иборат:
1. Прокурорнинг таъсири;
2. Тергов раҳбарларининг таъсири;
3. Оператив органларнинг таъсири.

Бу мақолалар Ўзбекистондаги барча тергов-суриштирув органлари мустақиллигига тааллуқлидир. ☝️

Тергов раҳбарларининг таъсири

Тергов сифати бевосита тергов раҳбарларига боғлиқ. Улар нафақат раҳбар, балки устоз, дўст, сирдош, йўлбошчиҳамдир. Яъни, тергов раҳбарлари раҳбар эмас, балки лидер бўлиши керак.

Туман (шаҳар) тергов раҳбарлари:

Туман (шаҳар) тергов раҳбарларини кема капитанига 🛥 ўхшатаман. Агар кема чўкса улар ҳам бирга чўкишади. Ҳар қандай тўфонларни кема экипажи билан бирга бошидан ўтказишади. Ушбу раҳбарларнинг асосий вазифаси тергов бўлимида ижобий муҳитни сақлашдир. Иш кўп, лекин муҳит яхши туманда ишлаш мумкин. Аммо, иш кам бўлсада, муҳит яхши бўлмаган туманда ишлаб бўлмайди. Уларнинг тергов мустақиллигига таъсири айнан шу муҳитни яратиб беролмаганликларида бўлади.

Вилоятлар, Тошкент шаҳар ва Қорақалпоғистон Республикасининг тергов раҳбарлари:

Ушбу даражадаги тергов раҳбарларини қалқонга 🛡 ўхшатаман. Уларнинг асосий вазифаси қуйи терговчиларни бошқа Давлат органлари ва ташкилотларининг таъсиридан ҳимоя қилиб туришдир. Ўрта бўғин раҳбарлари Республика даражасидаги раҳбарият билан ҳам мисоли бир кўприкдир. Улар ҳудди дипломатдек, жойи келса ҳимоя, жойи келса муроса йўлларини узоқни кўзлаб танлашлари лозим. Буюртмачилар асосан ушбу раҳбарлар орқали ўз буюртмаларини амалга оширишади. Уларнинг тергов мустақиллигига таъсири “повод”ни бериб қўйишларидадир.

Республика тергов раҳбарлари:

Мазкур раҳбарларни “Игра в кальмара” сериалидаги бошқарувчига ⏺️🔼⏹️, экран орқали бутун ўйинни кафтдек кўриб, бошқариб турувчи персонажга ўхшатаман. Уларнинг эээээнг асосий вазифаси терговчиларга халақит бермасликдир. Терговчиларни фото ва видеомодельга айлантирганлар ҳам шулар, терговчиларни вазифасидан ташқари ишларга кўмиб қўйганлар ҳам шулар, оддий тергов ҳаракатларини қийинлаштириб юборганлар ҳам шулардир!

Уларнинг иккинчи вазифаси эса терговчилар устидан билдирилган шикоятларни ўша терговчиларни ўзига “тепмасдан”, ўзлари обдон кўриб чиқишларидир.

Уларнинг учинчи ва асосий вазифаси эса, Терговни ҳар қандай ташқи таъсирлардан ҳимоя қилишдир. Уларнинг тергов мустақиллигига таъсири манашу 3 та вазифани бажара олмасликларида намоён бўлади.

Хулоса

Ўзимни тергов раҳбарим, ҳар сафар нотўғри иш қилсам: “Илоҳим тергов бошлиғи бўл” деб “қарғаганлар”. 😅 Яъни, тергов раҳбарларига ҳам осон тутмайман, тем более бугунги оғир шароитларда. Лекин эртага 10-15 йилдан кейин юқорида мен санаб берган вазифаларни қай даражада бажаришгани - улар ҳақида “гапиради”.

Каналга уланиш:
@advocatekulbayev

Халқ пулини ишлатиш ҳуқуқи ҳокимга берилган.

Ушбу пуллар ишлатилишини қонунийлик жиҳатдан прокурор назорат қилади.

Ушбу пуллар ишлатилишини оператив жиҳатдан ДХХ назорат қилади.

Шу сабабли ушбу икки ҲМҚО ижро этувчи ҳокимият таркибига киритилмаган, улар тўғридан-тўғри Президентга бўйсунади.

Ҳамма ўз ишини қилсин.

Бугун Конституциявий прокурорлардан ҳудудида нечта қотиллик жинояти содир этилганини сўрасангиз билмаслиги мумкин, аммо туман неча тонна пахта топширганини сўрасангиз ёддан билади.

Прокуратура ходимларини касб байрамлари билан чин дилдан табриклаб қоламиз! Уларга улкан муваффақият ва юқорида айтилгани каби ўз профессионал вазифаларига кирмайдиган ишлардан иложи борича тезроқ қутилишларини тилаб қоламиз.

Қалбингизда ҳамиша АДОЛАТ туйғуси мустаҳкам бўлсин.

Каналимиз Сизлар учун бадиий танаффус қилиб, Акжол Мелдебековнинг “Прокурорман” таронасини тақдим этади.

@advocatekulbayev

“Қўрқмасдан бошлаш керак! Хатолар йўлда тўғирланиб борилади”

Жаҳонгир Ортиқхўжаев

@advocatekulbayev

Хушхабар

Бу саҳиҳ ҳадис мени хурсанд қилди, хатто хеч қачон бунчалик хурсанд бўлмагандим.

"МАРВАРИД МАРЖОНЛАР ИМОМ БУХОРИЙ ИМОМ МУСЛИМ ривоят қилган муттафақун алайҳ ҲАДИСЛАР" китобидан.

Ўзбекистон Республикаси Дин ишлари бўйича қўмитанинг 2022 йил 22 июлдаги 03-07/5950-сонли ҳулосаси асосида тайёрланган.

@advocatekulbayev

Тергов мустақиллиги (1-қисм)

Судлар мустақиллиги қаторида тергов органларининг ҳам мустақиллигини гапирмасак бўлмайди. Чунки, терговчилар бугун жиноят процессининг мустақил субъекти эмас, кўпроқ котибга ўхшаб қолди. “Тергов мустақиллиги” деб номаланган ушбу мақолалар силсиласи 3-қисмдан иборат:
1. Прокурорнинг таъсири;
2. Тергов раҳбарларининг таъсири;
3. Оператив органларнинг таъсири.

Бу мақолалар Ўзбекистондаги барча тергов-суриштирув органлари мустақиллигига тааллуқлидир. ☝️

Прокурорнинг таъсири

Тажрибали прокурорлар ҳар доим терговчининг мустақиллигини таъминлаган ва уларни ҳуқуқий ҳимоя қилган. Аммо, ўз сўзида туролмайдиган баъзи прокурорлар борки, терговчининг қўли билан ўзининг жиғилдони ва юқоридагиларнинг “заказ”ини бажариш “шарафини” бировнинг боласи бўлган терговчидан устун қўяди.

Мисоллар

Амалиётда прокурорлар қайси шахсни қамаш ёки қамамаслик ҳақида, жиноят ишини оғирроқ ёки енгилроқ модда билан квалификация қилиш ҳақида, қайси ишни қўзғатиш-қўзғатмаслик ҳақида, қайси ишни тугатиш-тугатмаслик ҳақида (ЖПК 83-84) терговчига тўғридан-тўғри буйруқ беришмоқда. Гап йўқ, прокурорнинг бунга ваколати бор. Аммо, нимага прокурор қонуний равишда шуни ёзма кўрсатма билан қилмайди, оғзаки буйруқ беради? Ёки, ўзи делони олиб шу ишларни ўз номидан қилмайди?

Прокурорнинг босими билан “отказ” қилинган материаллар, текшириш келганида шу прокурорнинг ўзи томонидан қўзғатилиб, терговчи жавобгарликка тортилган ҳолатларни кўрдик.

Ёки, ҳали прокурор жаноблари ўзига % олмаган ҳолатни қўзғаттирмасдан ўтириб, ўз %ни олганидан кейин қўзғатилган талон-торож материалларини ҳам....

Прокурорнинг босими билан қамалган одамларнинг яқинлари адолат излаб ўша прокурорнинг ўзини олдига боришганида, прокурор уларга терговчини ёмонотлиқ қилганини ҳам кўрдик.

Ёки, сиртдан қамоққа олиниб, қидирувда юрган шахслар ушланганида, битта телефон билан прокурорнинг соясида бир соат ҳам қамоқда ўтирмаган “тадбиркорларни” ҳам...

Аслида ЖПКнинг 83-84-моддаларига асосан тугатилиши керак бўлган жиноят ишлари, прокурорнинг босими билан судга чиқарилиб, судда ёки сиёсий вазият ўзгаргач (прокурор ишдан кетгач ёки маълум даврда эътибор кучайтириворилган моддаларга эътибор камайгач) юқори судларда тугатилганини ҳам кўрдик.

Хўп, терговчи мажбурми, бажармасин прокурорнинг ноқонуний оғзаки топшириқларини дерсиз. Аммо, бунга терговчини тийиб турадиган ҳолатлар борлиги имкон бермайди. Бу тийиб туриш предметларини кейинчалик “Босим” номли мақоламизда батафсил ёритамиз.

Хулоса

Мард прокурор бирор топшириқ бердими, унинг оқибатларига ҳам мард бўлиб жавоб бера олади!

Номард прокурор фақат ўзининг кетини “страховка” қилиб, терговчининг қўли билан зулм қилади, ишларининг оқибати яқинлашганда ҳамма ўқларга терговчини тутиб беради.

Ҳурматли Прокурорлар, ЖПКдаги ҳамда “Прокуратура тўғрисида”ги Қоунундаги барча ваколатларингиздан фойдаланинг, фақат мард бўлсангиз ҳар бир топшириғингизни ёзма кўрсатма билан беринг!

Ҳурматли фуқаролар, қўғирчоқ театридаги қўғирчоқ-терговчидан жаҳлингиз чиқмасин, балки ширма ортида уни ўйнатиб турган прокурор бордир. 😏

Каналга уланиш:
@advocatekulbayev

Нокамтарлик бўлса ҳам айтаман, бугун Ўзбекистон Адвокатураси мамлакат хавфсизлигини сақлаб қолди! Содир этилиши муқаррарликка яқин бўлган оммавий норозиликларга нуқта қўйди. Ғ.Дўстов ишида 10 дан зиёд адвокатлар қатнашишди, минглаб адвокатлар ўз фикрлари билан ҳамкасбларини қўллаб-қувватлашди.

Шу ўринда, судья Ф.Эргашев “сих ҳам, кавоб ҳам куймайдиган” қарор қабул қилди. Уни ҳам тушунаман. Нима бўлганда ҳам манашу кейс - олийжаноб халқимизнинг адолат учун интилишини намоён этди. Ҳаммага рахмат!

@advocatekulbayev

“терпила” билан “потерпевший” ни фарқини яна тушуниб етдим. 😏

Ҳали бери ривожланмаймиз... (юристларга нидо)

Қурбонлик вақтлари қўйларга эътибор берганмисиз, қўйхонадан битта қўйни олиб чиқиб, қолган қўйларнинг олдида уни сўйсангиз ҳам қўрадаги қўйлар индамай емини ейишда давом этаверади.

Эххх, гапираман десам кўп гапларим бор, лекин олийжаноб халқимизнинг кўнглига тегиши мумкин. Ғ.Дустов бекорга “биз қўймизми, халқ сизларга қўйми” деб такрорламади. Шу оддий бир фуқаро, юридик олий маълумоти йўқ бўлган оддий одам бугун манаман деган юристлар гапира олмаган гапларни гапирди. Унинг хатоси фақатгина 1-2 та хақоратли жумлаларни ишлатгани бўлди ҳолос.

Руслар истилосидан кейин, руслардан ўрганганимиз фақат зўр ароқ ичиш ва сала ейиш бўлди ҳолос. Нимага русларга ўхшаб, иш вақти тугадими ишни ташлаб уйга кетишни ўрганмадик? Нимага руслардан хақ-ҳуқуқларни талаб қилишни ўрганмадик? Нимага руслардан ҳар бир касбни профессионал бажаришни ўрганмадик? Нимага фақат улар бизнинг онгимизга қуйган “сиёсатга аралашма”, “давринг келганда шароитингни қилиб ол” деган ғояларни манқуртдек ўрганиб олдик?

Мен Давлат раҳбарига ҳам осон тутмайман. Ҳозиргисига ҳам, собиғига ҳам. Нимага десангиз, индамасанг ломни ҳам ютиб юборадиган, савиясиз кадрлар билан атрофи тўлган уларнинг. Ҳозир Ўзбекистонда хеч нарса китобида ёзилганидек қилинмаяпти, қайси рахбар нимани хоҳласа ўшани қилаяпти, тажрибасизлик, коррупция ва бемиялик юқори нуқтада.

Яқинда эшитиб қолдим, бир вилоятнинг ИИБсидаги бўш вакантлар сони 300 тага етибди! Тушунаяпсизми бу хавфсизликни таъминлаши керак бўлган ҳодимларнинг 3/1 йўқ дегани. Нимага? Сабаби Республика даражасидаги рахбарлар бугун тажрибасизлик қилаяпти. Бугун Пезидентни олдига кира биладиган одам Президентга тўғри таҳлилни етказиб бера олмаяпти.

Эй барака топгурлар, эҳтиёт бўлинглар, эҳтиёт бўлинглар, эҳтиёт бўлинглар, халқни кайфияти яхши эмас!!! Захматкаш ва олийжаноб халқимиз ҳар қандай қовунларингизни кўтариши мумкин, аммо АДОЛАТСИЗЛИКни кўтармайди.

Битта гап бор, халқни онгига бирор нарсани сингдирмоқчи бўлсанг, уларнинг юристларини қўлга ол, олдин уларнинг онгига шу нарсаларни сингдир дейишади. Давлат хизматидаги юристлар онгига сингдирилган қўрқувни, тўғрироғи юқоридан бўладиган амалий босимларни ҳалигача йўқ қилолмадик!

Бугун юристман деган тажрибали ҳуқуқшуносларимизда юрак қолмади, таваккал қолмади, Ватан туйғуси қолмади. Ман бориб катта жанг очинг, шаллақилик қилинг, оммавий тартибсизлик ташкиллаштиринг демаяпман. Фақатгина, аввало, Сиз юристлар, ўзингизнинг хақ-ҳуқуқларингизни талаб қилишни бошланг.

Албатта, бу юртлар бутун дунёга цивилизация бешиги бўлган. Халқимизда ҳали хам шу потенциал бор, фақат уни сиёсий чегаралар билан, онгсизлаштириш ва қўрқувда сақлаш билан олдини тўсмаслигимиз керак.

@advocatekulbayev

“Ўзбекистон камбағал, қолоқ Давлат эмаску! Ер ости, ер усти бойликлари кўп-ку. Шуларни “регулировка”сини олиб, бизларни ҳам эркин яшашга қўйишилар мумкин-ку.”

“Нимага бизни бунча қийнайсизлар???!!!”

@advocatekulbayev

Қонунийликка “подгон” қилибсизлару, аммо АДОЛАТ қолиб кетибди!

Газ заправкасидаги фуқаро Ғ.Дустовнинг аччиқ гаплари учун уни МЖтКнинг 183-моддаси билан айблаб 15 суткага қамашибди.

Суд қарорининг асословчи қисмида фуқаро Ғ.Дустов 2024 йил 23 декабрь куни Тошкент шаҳар Бектемир туманида жойлашган “Моротранс” МЧЖга қарашли газ қуйиш шаҳобчасида шаҳобча ходимларини турли сўзлар билан ҳақоратлаб, жамоат тартибини бузиб, майда безорилик қилганлиги келтирилган.

Энг қизиғи, мазкур ҳақорат қилинган фуқаролар кимлиги, уларнинг кўрсатмалари, айнан қайси ҳақоратли сўзлар ишлатилгани суд қарорида келтирилмаган. Бу эса фуқаро Ғ.Дустовнининг хатти-ҳаракатлари МЖтКнинг 183-моддасига мослаштирилганига (подгон) гумон уйғотмоқда.

Аслида Ғ.Дустов шаҳобча ходимларини эмас, умумий ҳолатда мутасаддиларни (маълум бир айнан мутасаддини эмас) хақоратлаган ҳолатларини кўриш мумкин. Шу сабабли ҳам судья мард бўлиб “жабрланувчи”ларнинг кўрсатмаларини суд қарорида кўрсата олмаган деб ўйлайман.

Ҳуқуқшунос сифатида қонуний ва ҳолис фикримни айтаман: тўғри, Ғ.Дустовнинг хатти-ҳаракатларида МЖтКнинг 183-моддасида кўрсатилган маъмурий ҳуқуқбузарлик аломатлари мавжуд. Аммо, Ғ.Дустов шаҳобча ходимларини ҳақорат қилгани учун эмас, балки жамоат жойида уятли сўзлар билан сўкингани (бировга қарата эмас) учун 183-модданинг таркиби мавжуд деб ҳисоблайман. Тарқалган видеотасвирда “п...” ва “ифлослар” каби ҳақорат сўзларини эшитиш мумкин.

МЖтКнинг 183-моддаси диспозициясидаги "жамоат жойларида уятли сўзлар билан сўкиниш" жумласи ҳамда санкция қисмидаги “ўн беш суткагача муддатга маъмурий қамоққа олишга сабаб бўлади” жумлалари, аслида, манашундай ҳолатларда халқнинг “овозини ўчириш” учун хизмат қилмоқда.

Майли, қонунийликка ҳаракат қилибсизлар, аммо АДОЛАТни эсдан чиқарибсизлар:

- нимага жазони енгиллаштирувчи бирор бир ҳолат, яъни Ғ.Дустовнинг ўз қилмишидан пушаймон бўлгани, моддий аҳволи яхшимаслиги, ҳуқуқбузарликнинг кучли руҳий ҳаяжон таъсири остида ёки оғир шахсий, оилавий ёхуд бошқа шароитлар юзага келганлиги оқибатида содир этганлиги, ногиронлар парвариши билан шуғилланиши, жабрланувчининг (яъни шаҳобча ходимларининг) ножўя ва маъсулиятсиз хатти-ҳаракатлари оқибатида ҳуқуқбузарлик содир этгани инобатга олинмаган. Нимага шунча жазони енгиллаштирувчи ҳолатлар мавжуд бўлгани ҳолда санкциядаги энг “потолок” жазо берилган?

- нимага санкцияда жарима жазоси бўлгани ҳолда маъмурий қамоқ жазоси берилган?

- нимага сентябрь ойида Чироқчи тумани ҳокими ҳақиқий безорилик ҳаракати содир этганида маъмурий ёки жиноий жавобгарликка тортилмайди, аммо ҳақиқатни айтиб чиққан оддий одам арзимаган гапи учун жавобгарликка тортилиб, қамалади?

Бу маъмурий материални судга олиб чиқилишига маъсул бўлган Бектемир тумани ИИБ бошлиғи қилаётган ишини ўйлаб қилдими ёки халқ кайфияти билан ўйнашмасликка тажрибаси етмайдими?

Бу қарорни қабул қилган судья адолат нималигини биладими ёки ўзининг мустақил фикри йўқми, ким кучли бўлса ўша томонга оғиб кетаверадими?

Аслида бу лавозимдагиларнинг орқасида шу машмашани ташкиллаштирган “соядаги кучлар” борки, улар қилаётган ҳар бир шунақа иши косага томаётган томчи эканлигига, охирги томчида сув тошиб кетиши мумкинлигига ақли ва тажрибаси етмайди шекилли. 🤦🏻‍♂️🤦🏻‍♂️🤦🏻‍♂️

Каналга уланиш:
@advocatekulbayev

2024 йил сарҳисоби

Бу расм 2023 йил 27 декабрь куни, бундан роппа-роса 1 йил олдин screenshot қилинган. Ўтган йили шу пайтлари каналим обуначилари 170 киши эди ҳолос. Улар ҳам ўзимнинг танишларимдан иборат эди.

Ўтган бир йил давомида Advokat Xondamir Kulbayev канали обуначилар сони 3,2 K дан ошди. Ҳаммаси 100% жонли обуначилар. Кимлар учундир бу рақам кам туюлиши мумкин, лекин мен учун бу етарли рақам. Нима учун “етарли” рақам? Чунки канал аудиториясининг асосини зиёли қатлам, айниқса юристлар ташкил қилади. Каналимга кўплаб ҲМҚО ходимлари ва раҳбарлари, судьялар, прокурорлар, адвокатлар, имомлар, шифокорлар, ўқитувчилар, иқтисодчилар, банкирлар, энергетиклар, ижтимоий соҳа вакиллари ҳамда кўплаб ўз соҳасининг мутахасислари аъзо бўлишган.

SMMчиларим мазкур канални обуначилар сонини накрутка ва сохта хайплар орқали кўпайтаришни кўп тавсия қилишди. Чунки, канал обуначилари сони кўп бўлиши ўзимнинг адвокатлик қудратим учун ҳам аҳамиятли. Лекин сунъийликни танлашни хоҳламадим. Қолаверса, хаётда ҳар доим СИФАТ мен учун 1-ўринда турган. Профессионализмни яхши кўраман. Битта иш қилсам юракдан қиламан ёки шу ишни умуман қилмайман. Каналдаги ҳар бир постга 1 соатдан 8 соатгача вақтимни, кўз нуримни бахш этганман, бу каналдаги ҳар бир ёзув мен учун жуда қадрли. Шу сабабли ҳозирда мутахасислар ёрдамида каналнинг кибрхавфсизлиги устида ҳам ишлаяпмиз.

Мазкур канал келгуси 2025 йилда ҳам ҳуқуқнинг кўплаб камчиликларини ҳамда ҳуқуқ амалиётининг кўплаб адолатсизликларини профессионал равишда ёритиб боради, канал профессионал “канал-китоб” бўлиб қолаверади, Худо хоҳласа.

Энг асосийси, Сиз Обуначларимга шу канални кузатиб, ушбу каналдан чиқиб кетмаганлигингиз учун КАТТА РАҲМАТ АЙТМОҚЧИМАН. Агар Сиз кузатмасангиз, бу каналнинг хеч қандай аҳамияти йўқ! Сизларни кириб келаётган янги 2025 йил билан чин юракдан табриклайман, янги йилда барча орзу-ниятларингизга етинг, мушкули борларни мушкули осон бўлсин. Кейинги йилларга ҳам тўрт кўз тугал етайлик.

Буюк Аллоҳнинг ал-Адл (Мутлақ адолат қилувчи) сифатига суюниб, ва Унинг Ўзигагина таваккал қилиб, биз фаолиятимизни давом эттирамиз, кузатишдан тўхтаманг!

@advocatekulbayev

🤍

Ароқ тўла давраларда “қўрқма, хеч нарса бўлмайди, жавоб” деган соққадош дўстинг, “ичкари”га кирганидан сўнг Сенга показания беришни бошласа Yunkaa – Dardim қўшиғини эшит. Қўшиқ сўзлари ушбу ҳолатга жуда ҳам мос.🤭😅

@advocatekulbayev

Адвокатура соҳасидаги таҳлилларим (2-қисм)

Блогер адвокат

Блогер адвокат сифатидаги фаолиятим давомида қуйидаги ҳаётий дарсларни олдим:

1. Блогер адвокатнинг хато қилишга ҳаққий йўқ: ижтимоий тармоқларда ҳам, ҳаётда ҳам.

Агар блогер адвокат ижтимоий тармоқлардаги саҳифасида қонунчиликни хато талқин қилса, обуначилари ундан юз ўгиради, ҳамкасблари устидан кулишади. Шунинг учун ҳар бир постни қонунчилик ва амалиётга мувофиқлигини камида 3 маротаба текшириш шарт.

Агар адвокат хаётда хато қилса (мисол учун пора олди-бердисида “совчилик” қилса 💸 ёки бирор йирик ҳуқуқбузарлик содир этса), уни “сояда” туриб, дебсинишини кутиб турганлар учун бу зўр имконият бўлади. Адвокат қайтиб ўнгланмайди.

2. Блогер адвокат ҳар бир мақоласида ҳолисликни таъминлаши шарт.

Бирор бир шахс ёки амалиётдаги адолатсиликлар ҳақида гапираётганда, унинг яхши томонларини ёки ушбу адолатсизликларнинг бош сабабини ҳам ёзинг.

Мисол учун Сиз тергов тактикаларига тушунмасангиз, терговчининг ҳаркатларини бир томонлама қораламанг, чунки Сиз тушунмайдиган ҳолатлар сабабли терговчи мажбурликдан шундай қарор қабул қилган бўлиши мумкин. Сиз судда оқлов томонисиз, шунинг учун ижтимоий тармоқларда ҳам оқловга берилиб кетмасдан, судья каби холис бўлинг. Шундагина провокация бўлмайди, канал узоқ яшайди. Кимнингдир ҳаракатидан норози бўлиб ёзишдан олдин унинг ўрнига ўзингизни қўйиб кўринг, икки томонга оғманг, ўртада туринг.

Ҳар бир ёзув адвокатнинг юзи. Постлар имловий ва илмий жиҳатдан юрист ёзганга ўхшаб туриши керак.

3. Юрак бўлмаса блогер адвокат бўлманг.

Очиқдан-очиқ адолатсизликни ёритишдан қўрқманг. Бирор ташкилотдан ёки шахсдан қўрқсангиз ёки кимгадир юзхотирлик қилолмасангиз, ундан кўра блог юритмай қўя-қолинг. Ижтимоий тармоқ бу – марди майдон, унда “оч қорним-тинч қулоғим” деб юрганларга ўрин йўқ.

Сиз аввало, юристсиз, қайси гапингиз қаерга бораётганини биласиз. Ақлингиз етмайдиган нарсалар ҳақида ёзманг, профессионал бўлинг. Сизнинг оддий одамлардан фарқингиз бор, ҳамма бир бўлиб битта нарсани ёмонласа ёки яхшиласа, Сиз ўша нарсани “ҳуқуқшунослар тарозиси”га ⚖️ солиб, кейин ёзинг.

Агарда Сиз обуначи хоҳишидаги нарсани ёзишни истасангиз - Сиз сотувчисиз, агарда Сиз Адолат тушунчаларидаги нарсани ёзишни хоҳласангиз, шундагина хақиқий блогер адвокат бўласиз.

Ҳурматли блогер адвокат, унутманг!

Сиз каналингизга жойлаётган ҳар бир ёзув махфий хоналарда юритилаётган тезкор йиғма-жилдларда ёзиб борилаяпди.🔎 Қонунни билган одам ёзишдан қўрқмайди, қонунни билган одам ўзини “страховка” қилишни ҳам яхши билади!

Телеграм-канал бу – адвокат учун бир қилич. 🗡 Адвокат бу қиличдан адолатсизликларни енгишда фойдаланади ёки худди шу қилич билан унинг бошини кесишади!

Қаламингиз синмасин, блогер адвокатим!

Каналга уланиш:
@advocatekulbayev

Қамоққа олиш амалиёти - фақат судья айбдорми?

Тергов судьялари лавозими жорий этилиши фонида, албатта, жамоатчиликда “қамоққа олиш” тарзидаги эҳтиёт чораси қўлланилиши статистикаси нега бунчалик баланд эканлиги тўғрисидаги саволлар очиқ қолиб кетмоқда. Кўпчилик бунга бир томонлама баҳо бериб, фақат судларнинг “огородига тош отмоқда”. Тўғри, журъатсиз ва оқимга қарши сузишни ёқтирмайдиган судьяларнинг бу статистикада айби катта.

Аммо, қамоққа олиш соҳасида адолатни таъминлашга маъсул бўлган яна бир лавозим эсдан чиқмоқда. Бу – ПРОКУРОР. Ўзи аслида, ҳибсхоналар тўлиб кетаётганининг бош бўғини уларга бориб тақалади.

ЖПКнинг 243-моддасига кўра, прокурор қамоққа олиш ёки уй қамоғи тарзидаги эҳтиёт чорасини қўллаш тўғрисидаги илтимосноманинг асослилигини текшириб, унга рози бўлган тақдирда, илтимоснома қўзғатиш тўғрисидаги қарор ва зарур материалларни судга юборади.

Шахсан ўзим, бирор маротаба терговчининг “қамоққа олиш тарзидаги эҳтиёт чорасини қўллаш тўғрисида илтимоснома қўзғатиш ҳақидаги қарор”ига “НОРОЗИМАН” деб ёзиб берган прокурорни кўрмаганман. Барака топгурлар, аслида қарорнинг тепасидаги прокурорга тегишли жой очиқ ҳолда бўлиши керак (“ ”), аммо шу жойда аллақачон компьютерда “РОЗИМАН” деб прокурор номидан ёзиб борилади.

Бош прокуратура нечта қамоққа олиш қарорларига прокурорлар розилик бергану, нечтасига розилик бермагани тўғрисидаги статистикани юритадими?

Бунинг асл сабаби шуки, амалиётда терговчилар прокурордан телефон орқали рухсат олиб бўлишиб, кейин қамоққа олиш ҳақида илтимоснома қўзғатишади. Келишиб ишлаган яхши дейсизми? Инсон ҳуқуқларичи? Адолатчи? ЖПКда белгиланган тартибчи? Ана боринг-ки терговчининг мустақиллигичи?

Аслида, прокурор судга етиб бораётган санкцияларни фильтрдан ўтказиш вазифасини бажариши керак! Аммо, бу фильтр баъзида шу даражада адолатсиз бўлиб кетадики, аслида қамалиши керак бўлган шахс қамалмасдан қолади, аммо қамалиши керак бўлмаган шахс қамалиб кетади.

1. Пахта ерида чопиқни назорат қилаётган прокуроримиз (аслида шунга мажбур бўлган бечора прокурор) телефондан ёки шахс қоралаб ташланган справкалардан қамоққа олишга розилик беравермасдан, санкция пакетини бир кўриб (тўғрироғи обдон текшириб) кейин розилик бермайдими? Санкция қайси органга тегишлилигидан қатьий назар принципиальный бўлмайдими?

Шу сабабли ҳам қанча-қанча қамалиши керак бўлмаган шахслар қамалиб кетаяпти!

2. Бу амалиёт нафақат фуқароларнинг, балки терговчиларнинг ўзини ҳам ҳуқуқларини чекламоқда. Шахсни 48 соатгача (-8=40 соат) ушлаб туриш терговчининг мутлақ ваколати. Афсуски, “Ушлаб туриш” процессуал мажбурлов чораси учун ҳам терговчилар прокурордан телефон орқали рухсат олишга мажбур.

Бу билан энди, қанча-қанча қамалиши керак бўлган, бошқаларни қон-қақшатиб юрган айбланувчилар қамалмаяпти ёки уларни қамаш қийин бўлаяпти!

Кўриб турганингиздек, жиноят ишини юритишга маъсул бўлган ҳар бир мансабдор шахс ўзини ишини тўғри қилса, ОЛАМ ГУЛИСТОН!

Каналга уланиш:
@advocatekulbayev

Ҳарбийлар ва ҲМҚО ходимларининг хизмат вақтида диний расм-русумлар ва маросимларни бажариш ҳуқуқини чекловчи Қонун - инсон ҳуқуқларига зид!

Бир ҳафтадан сўнг, яъни 2024 йил 29 декабрь куни 1008-сонли Ўзбекистон Республикаси Қонуни кучга киради. Ушбу Қонун билан мамлакатдаги барча кучишлатар тузилмалар ҳудудида диний расм-русум ва маросимлар ташкил этиш, шунингдек ҳарбийлар ва ҲМҚО ходимларининг хизматни ўташ вақтида диний расм-русумлар ва маросимларни бажариши таъқиқланади.

Охирги йилларга келиб, фуқаролар қаторида ҳарбийлар ва ҲМҚО ходимларининг феълида ҳам динга муносабат анча кучайди. Намоз ўқийдиган, Рамазонда рўза тутадиган ходимлар сони йилдан-йилга кўпайиб бормоқда. Улар бу амалларни иш шароити оғир бўлишига қарамасдан бажаришмоқда.

Ўзи диний мавзу жуда, жуда, жуда нозик мавзу бўлиб ҳисобланади ва ушбу соҳада ўта эҳтиёткорлик билан барча дунёвий қонунчилигимиз нормаларини чуқур ўрганиб кейин гапирмасам, ўзимни ҳам жавобгар қилишлари хеч гапмас!

Дин соҳасининг мутахасиси бўлмаганим учун ушбу Қонуннинг оғир диний-маънавий оқибатлари, ҳарбийлар ва орган ходимлари кайфиятига салбий таъсири ҳақида гапирмоқчи эмасман. Мазкур мақолада фақатгина ушбу Қонуннинг инсон ҳуқуқларига зид эканлиги ҳақидаги норматив-ҳуқуқий ҳужжатлар тахлили тақдим этилади.
Бошладик:

Бисмиллаҳир Роҳманир Роҳим

Ўзбекистон Республикаси Конституциясининг 35-моддасига кўра: Ҳамма учун виждон эркинлиги кафолатланади.

Бироқ, “Виждон эркинлиги ва диний ташкилотлар тўғрисида”ги Қонунда ҳам бошқа норматив-ҳуқуқий ҳужжатларда ҳам “виждон эркинлиги” тушунчасига тўлиқ таъриф берилмаган.

Шунингдек, “диний расм-русум ва маросимлар” тушунчаси таърифини ҳам кўрмадим. Яъни намоз ўқиш, рўза тутиш диний расм-русум бўлиб ҳисобланиши ёки йўқлиги бирор нормада кўрсатилмаган.

Аммо ☝️

биринчидан, Инсон ҳуқуқлари умумжаҳон декларациясининг 18-моддасида:

“Ҳар бир инсон фикр, виждон ва дин эркинлиги ҳуқуқига эга; бу ҳуқуқ ўз дини ёки эътиқодини ўзгартириш эркинлигини ва таълимотда, тоат-ибодат қилишда ва диний расм-русм ҳамда маросимларни оммавий ёки хусусий тартибда адо этиш, ўз дини ёки эътиқодига якка ўзи, шунингдек, бошқалар билан бирга амал қилиш эркинлигини ўз ичига олади.”, - деб кўрсатилган.

иккинчидан, 1966-йил 16-декабрь куни Нью-Йоркда қабул қилинган “Фуқаровий ва сиёсий ҳуқуқлар тўғрисида”ги халқаро пактнинг 18-моддасида:

“1. Ҳар бир инсон фикр, виждон ва дин эркинлиги ҳуқуқига эга. Ушбу ҳуқуқ ўз ихтиёри билан ўзига маъқул динни қабул қилиш ва эътиқод қилиш эркини, якка ҳолда, шунингдек бошқалар билан биргаликда, ошкора ёки хусусий тартибда ибодат қилиш, диний ва бошқа урф-одатларни ва маросимни бажариш эркини ҳам ўз ичига олади.", - деб кўрсатилган.

Ушбу ҳалқаро ва маҳаллий Қонун ҳужжатларида айнан қайси ҳолатларда дин ва эътиқод эркинлиги чекланиши кўрсатилган. Улар орасида фуқаро ҳарбий хизматчи ёки орган ходими бўлгани сабабли унинг бу ҳуқуқлари чекланиши назарда тутилмаган.

Ўзбекистон ратификация қилган халқаро норматив-ҳуқуқий ҳужжатлар маҳаллий Қонун ҳужжатларидан устувор эканлигини мактаб боласи ҳам билса керак.

учинчидан, Диний амалларни бажариш ҳуқуқи - ҳар бир инсоннинг, қайси ишда ишлашидан қатъий назар муқаддас ҳуқуқи бўлиб ҳисобланади ва уни чеклаш инсон ҳуқуқларига (Human rights) зид деб ҳисоблайман.

Зеро, Ўзбекистон Республикаси Конституциясининг 19-моддасида:

"Ўзбекистон Республикасида инсоннинг ҳуқуқ ва эркинликлари халқаро ҳуқуқнинг умумэътироф этилган нормаларига биноан ҳамда ушбу Конституцияга мувофиқ эътироф этилади ва кафолатланади. Инсон ҳуқуқ ва эркинликлари ҳар кимга туғилганидан бошлаб тегишли бўлади.", - деб кўрсатилган.

Менимча, Ватани учун ёшлигини, кучини, вақтини, маблағини, оиласини бахш этиб ишлаётган ходим - хизмат вақтида намоз ўқишга, рўза тутишга, тушлик вақтида жумага чиқишга ва бошқа фарзларни бажаришга ҳақли бўлиши лозим!

Каналга уланиш:
@advocatekulbayev

Advokat Xondamir Kulbayev pinned «“Advokat Xondamir Kulbayev” Telegram-каналининг ўзгармас, фундаментал қоидалари: 1. Каналда эълон қилинадиган ҳар бир пост қонунийлик ва бошқа жихатлардан камида 3 маротаба текширилади; 2. Каналда ортиқча хабарлар, янгиликлар ва бошқа кўнгилочар постлар…»

Advokat Xondamir Kulbayev pinned «МУНДАРИЖА Мазкур каналда қуйида кўрсатилган мавзулардаги мақолалар билан танишиб чиқишингиз мумкин: ЖИНОЯТ ҲУҚУҚИ Шахсга қарши жиноятлар: Қасддан одам ўлдириш 1 Оилага қарши жиноятлар 1 Жинсий жиноятлар: Номусга тегиш 1 2 3 4 5 Гомосексуализм…»

МУНДАРИЖА

Мазкур каналда қуйида кўрсатилган мавзулардаги мақолалар билан танишиб чиқишингиз мумкин:

ЖИНОЯТ ҲУҚУҚИ

Шахсга қарши жиноятлар:
Қасддан одам ўлдириш 1
Оилага қарши жиноятлар 1
Жинсий жиноятлар:
Номусга тегиш 1 2 3 4 5
Гомосексуализм 1 2 3
Фохишалик 1 2

Тинчлик ва хавфсизликка қарши жиноятлар:
Конституциявий тузумга тажовуз қилиш 1
Президентга тажавуз қилиш 1
Терроризм ва экстремизм 1

Иқтисодиёт соҳасидаги жиноятлар:
Фирибгарлик, банк-кредит жиноятлари 1 2
Ўзлаштириш ва растрата 1
Газ билан боғлиқ жиноятлар 1 2 3 4
Ер билан боғлиқ жиноятлар 1 2 3

Экология соҳасидаги жиняотлар:
Дарахтларни кесиш 1

Ҳокимият, бошқарув, ва жамоат бирлашмалари органларининг фаолият тартибига қарши жиноятлар:
Порахўрлик жиноятлари 1 2 3
Мансабдорлик жиноятлари 1
Ҳокимият вакилига қаршилик кўрсатиш 1

Жамоат хавфсизлиги ва жамоат тартибига қарши жиноятлар:
Диний мазмундаги жиноятлар 1 2
Мехнатни мухофаза қилиш билан боғлиқ жиноятлар 1 2
Автоавария ва автоугон 1 2 3
Наркотик воситалари билан боғлиқ жиноятлар 1 2
Безорилик 1 2

Ҳарбий хизматни ўташ тартибига қарши жиноятлар:
Ҳарбий жиноятлар 1

ЖИНОЯТ ПРОЦЕССИ (+ танқидий мақолалар)

Тезкор-қидирув фаолияти 1 2 3 4 5 6
Тергов фаолияти 1 2 3 4 5 6
Прокуратура 1 2 3
Адвокатура 1 2 3 4 5 6 7 8 9
ИИВ 1 2 3
ДХХ 1
Суд 1 2 3 4 5
Қамоқхоналар (“учдан бири” ёки “тенг ярми”да қамоқдан чиқиш) 1 2
Чириган тизим 1 2 3 4

Жиноий жавобгарликка тортилган шахслар ва уларнинг оила аъзолари учун МОТИВАЦИОН ПОСТЛАР 1 2


Каналга уланиш:
https://t.me/advocatekulbayev

Мазкур reels’даги Самарқандлик бьюти блогер М.Г. 8-қаватдан ўзини ташлаб вафот этгани айтилмоқда.

Бу хабарлар интернет тармоқларида катта резонанс берди, айниқса марҳуманинг балкондан тушиб кетиш тасвирлари тарқалганидан сўнг.

Ишнинг 2 жиҳатига эътибор қаратиш лозим:

Ҳақиқатни аниқлаш – ишнинг барча ҳолатларини ҳар томонлама, тўла ва холисона текшириб, ЖКнинг 103-моддаси ёки бошқа моддаларида кўрсатилган жиноят таркиби мавжуд ёки йўқлигини конкрет аниқлаш лозим. Лекин менимча, ҳолатда жиноят таркиби мавжуд.

Бундай салбий ҳолатларни олдини олиш - мазкур ҳолат муҳокамасида асосан диний соҳа вакиллари, хотин-қизлар фаоллари ва кўп йиллик турмуш тажрибасига эга ёши катта, ҳурматли кишилар қатнашиши керак.

Бу масалада ўз шахсий фикримни беришга шошмаяпман, чунки ҳақиқат аниқ бўлгач, бундай оилавий масалаларда турмуш тажрибаси бор, қиз чиқариб, келин қилган ёши катта кишилар ўз муносабатини беришса доно ечим бўлади деб ўйлайман.

Фурсатдан фойдаланиб, марҳуманинг оила аъзоларига ўз таъзиямни маълум қиламан.

@advocatekulbayev

doctor.guzalya

Адвокатура соҳасидаги таҳлилларим (1-қисм)

Манимча адвокат пулни орқасидан қувмаслиги керак, пул югуришдан тўхтамайди, уни ушлаб ололмайсиз.

Адвокат сифатни орқасидан қувиши керак, шунда энди пул адвокатни орқасидан қувишни бошлайди.

Яъни, ☝️ адвокатни қўлида 10 та иш бўлмасин, 1 та иш бўлсин, лекин шу ишни юракдан, ўта сифатли қилсин, бор куч-ғайратини ва малакасини бахш этсин. Шунда ушбу ишни орқасидан бошқа ишлар келади, адвокатнинг довруғи чиқишни бошлайди.

Адвокатура бозоридаги маркетинг бу ҳудди хизмат кўрсатишнинг бошқа соҳаларидаги маркетингга ўхшамайди. Мисол учун, янги очилган сервисни ижтимоий тармоқларда яхшилаб реклама қилсангиз унинг савдоси жонланади. Аммо адвокатни ижтимоий тармоқда реклама қилсангиз ҳам, арзон нархга йирик ҳажмли ишларни бажарувчи адвокат бўлсангиз ҳам етарлича мижозлар базасига эга бўла олмайсиз.

Адвокатура соҳасидаги маркетинг бу 2 та асосий устунга боғлиқ:

1. Адвокатнинг ўз устида тинмай ишлаши;
2. Қўлидаги ишларни сифатли бажариши.

Бўлди, 🤷‍♂️ ушбу стратегия билан кетсангиз, 1-2 йил ичида Сизда маблағ, вақт, бахт ва малака бўлади.

Каналга уланиш:
@advocatekulbayev

Ғалати тайинловлар...

Ўзини тўлиқ мустақил тутиб, иш юритувидаги жиноят иши қайси ташкилотга тегишли бўлмасин, қайси ташкилотнинг назоратига олинган бўлмасин, уларни АДОЛАТли ва ОБЪЕКТИВ кўриб чиқаётган судьялар ёппасига тергов судьяси лавозимига ўтказилаяпти.

Бу дегани уларнинг қаноти (ваколати) қирқилаяпди. Чунки, тергов судьяси жиноят ишларини суд мажлисларида мазмунан кўриб чиқа олмайди, фақатгина дастлабки тергов вақтида процессуал мажбурлов чораларига ва баъзи тергов ҳаракатларига санкция бера олади ҳолос.

Ўзим билган “дух”и баланд судьяларнинг ҳаммаси тергов судьяси бўлиб кетибди.

#freedomtothecourts

Каналга уланиш:
@advocatekulbayev

Судлар мустақиллиги пропагандаси

Навоийда ҳам вилоят суди раҳбарияти билан адвокатлар учрашуви бўлиб ўтди. Учрашув шаффоф, қизғин бахс-мунозараларга бой ҳолда ўтказилди. Вилоят суди раҳбарлари адвокатларнинг ҳар бир савол, таклиф ва эътирозларини обдон эшитишди ва уларга асослантирилган жавоблар беришди.

Бу ташаббус учун вилоят суди раҳбариятига ўз миннатдорчилигимни билдираман ва бундай учрашувларни кўпроқ ташкиллаштиришларини сўрайман.

Ушбу учрашувда мен томонимдан фақатгина битта таклиф илгари сурилди. Бу - судлар мустақилллигини пропаганда қилиш таклифи.

Яъни, турли хилдаги намойишлар, видео ва фото материаллар, маърузалар, деворий плакатлар ва бошқалардан фойдаланиб, ОАВ ёрдамида судларнинг мустақил эканлигини, уларнинг мустақиллигига рахна солиш - жамият манфаатлари ва мамлакат хавфсизлиги учун катта тўсиқ бўлишини тушунтириш лозим. Токи, баъзиларнинг онг остига суд мустақил бўлиши шартлиги етиб борсин.

Битта нарсани тушуниб етганман:

агарда судлар мустақил бўлмаса - адвокатурани қанчалик ривожлантирманг бирор фойдаси бўлмайди,

агарда судлар мустақил бўлмаса - ҲМҚОларнинг тергов ва тезкор-қидирув фаолияти сифати яхшиланмайди.

P.S. Шахсан ўзим, мақолаларимда судьялар мустақиллигини тарғиб қилишдан чарчамайман.

#freedomtothecourts

Каналга уланиш:
@advocatekulbayev

Навоий вилояти судлари ҳамда вилоятида фаолият юритаётган адвокатлар иштирокида очиқ мулоқот ўтказилди

Сайт | Telegram

Агар таққослаш керак бўлса шуни айтаманки, қамоқда ўтирган одамдан кўра унинг ташқаридаги яқин қариндоши кўпроқ қийналади. Айниқса, онаси ва турмуш ўртоғи.

Чап елкадаги шайтоннинг жиноят қилиш ҳақидаги гапига қулоқ тутаётганизда - яқин қариндошларингизни қамалиб қолсангиз қандай аҳволга тушишини ҳам ўйлаб қўйинг.

@advocatekulbayev

Мақсадларингизга эришган вақтингизда энг завқли нарса бу - шу йўлда кўрган қийинчиликларингизни эслаш бўлади.

Шу сабабли олдингизга катта мақсад қўйишдан ва унга эришиш учун таваккал қилишдан қўрқманг.

@advocatekulbayev

Одамни зўрлаб, тепадан тазйиқ остида ишлатиш мумкин, бу тарихимизда кўп бўлган.

Лекин одамни кўндириб ишлатиш – бундан қийин нарса йўқ, лекин бундан олийжаноб нарса йўқ!

ИСЛОМ КАРИМОВ

@advocatekulbayev

Олдин адвокатлардан қарзингизни узиб олинг, кейин уларга тўловни камайтирасиз!

Яқинда “Давлат ҳисобидан юридик ёрдам кўрсатадиган адвокатларни жалб этиш ва уларга ҳақ тўлаш тартиби тўғрисида"ги Низом тасдиқланди. Мазкур Низомда адвокатларга Давлат ҳисобидан тўланадиган пул суммалари жиддий камайтирилган.

Хўп, адвокатларга ҳақни камайтириш ва унинг оқибатлари ҳақида соатлаб гапириш мумкин. Аммо мен бу ҳақида гапирмоқчи эмасман, балки шу Низом ижодкорларига юзланиб, “қачон адвокатларнинг тўланмай қолиб кетган миллиард-миллиард пуллари тўлаб берилади?”, - деб сўрамоқчиман.

Асослайми?

Тўлов суммаларини белгиловчи бундан олдинги Низомда, яъни 2008 йилда қабул қилинган “Гумон қилинувчи, айбланувчи ёки судланувчига адвокатлар томонидан юридик ёрдам кўрсатиш бўйича харажатларни давлат ҳисобига ўтказиш тартиби тўғрисидаги”ги Низомда, адвокатлар томонидан юридик ёрдам кўрсатилганлиги учун тўлов ҳар бир кун учун энг кам ойлик иш ҳақининг 50 фоизи миқдорида белгиланган эди.

Мазкур банд кейинчалик, 2019 йил 1 сентябрдан Президентнинг 5723-сонли Фармонига асосан қонунчилигимизга БҲМ (базавий ҳисоблаш миқдори) деган тушунча кириб келганидан сўнг ҳам ўзгармади! Яъни, адвокатлар Давлат ҳисобидан қилинадиган тўловларни БҲМ миқдоридан эмас, балки ундан бир неча маротаба кўп бўлган энг кам ойлик иш ҳақи суммасидан келиб чиқиб олишлари керак эди.

Кимдир айтиши мумкин: “БҲМ кириб келганидан сўнг, шу Низом ўзгартирилмай қолиб кетган, аслида адвокатлар ўз иш ҳақини БҲМ миқдоридан ҳисоблаб олиши тўғри бўлган”, - деб.

Тўхтанг!

биринчидан, Президент Фармонида БҲМ қўлланиладиган тўловлар турлари аниқ кўрсатилган. Улар орасида адвокатларга тўланадиган суммалар мавжуд эмас. Аксинча, меҳнатга ҳақ тўлашнинг энг кам миқдори (МҲТЭКМ) қўлланиладиган тўлов турлари орасида “илгари ЭКОИҲга нисбатан белгиланган бошқа тўловлар” назарда тутилган бўлиб, адвокатларга МҲТЭКМдан келиб чиқиб тўлов қилинишига бирор тўсиқ мавжуд эмас.

Янги Низомда тўловни БҲМдан белгилашимиз Президентнинг 5723-сонли Фармонига зид-ку!

иккинчидан, 2019 йилдан сўнг эски Низом маъсулларнинг эътиборидан четда қолиб кетмаган, унга бир неча маротаба ўзгартиришлар киритилган, аммо шу пайтгача эски Низомдаги ЭКОИҲ тушунчаси БҲМга ўзгартирилмаган.

учинчидан, аниқ қилиб нормада кўрсатилган шартларга амал қилишга мажбурмиз, ўзимизнинг фаразларимизга (ЭКОИҲ деб ёзилганини БҲМ деб тушунишимиз керак деган фаразларга) эмас. Фараз қиладиган бўлсак ҳам ЭКОИҲ қонун бўйича ҳам, мантиқ бўйича ҳам МҲТЭКМга яқинроқ тушунча-ку.

Ўзи аслида, эски Низомга кўра, адвокат ҳимоячидан воз кечиш билан боғлиқ процессуал ҳаракатларда кундузги вақтда иштирок этганлиги учун 577 500 сўм (ЭКОИҲнинг 50%) олиши керак эди, лекин адвокатларимиз фаразий ҳаёлларга, яъни “Низомда БҲМ назарда тутилган” деган ҳаёлларга берилиб 187 500 сўм (БҲМнинг 50%) олиб келишаётган эди. Аммо, янгиланган Низомга кўра энди шуни ҳам камайтириб, 112 500 сўм (БҲМнинг 30%) деб белгилаб қўйишибди.

Манашу янги Низомни ишлаб чиққан Ҳурматли Вазирлар Маҳкамаси, ЭКОИҲ (МҲТЭКМ) ва БҲМ орасидаги фарқни, яъни 2019 йилдан буёғига ўтган 5 йил давомида 4000-4500 та адвокатнинг ғазналарда қолиб кетган миллиард-миллиард пулларини қачон тўлаб берасизлар???

Каналга уланиш:
@advocatekulbayev

Русланбек Куролтаевич Давлетов

Мен ҳурмат қиладиган кам сонли замонавий раҳбарлардан.

Менимча, бу инсон ўз замонида, Адлия тизимини ҳақиқатдан жозибадор қила олди.

Давлетов Буюк Британияда ўқиб келган, соғлом фикрлайди, ўзининг мустақил фикрига эга. Мамлакат етиштирган кам сонли прогматик раҳбар кадрлардан бири.

@advocatekulbayev

ТАЖРИБАЛИ ТЕРГОВЧИ ✅ ТАЖРИБАСИЗ ТЕРГОВЧИ ❌

✅ ТАЖРИБАЛИ ТЕРГОВЧИ
Канцелярия буюмларини (қайчи, бигиз, канцелярия пичоғи кабиларни) хеч қачон столи устига қўймайди, уларни тортмага солиб қўяди.

❌ ТАЖРИБАСИЗ ТЕРГОВЧИ
Канцелярия буюмларини (қайчи, бигиз, канцелярия пичоғи кабиларни) столини устига териб қўяди.
(айбланувчилар қамалаётганда ўзини очиб ташлаганини кўрмаганда)

✅ ТАЖРИБАЛИ ТЕРГОВЧИ
Хизмат хонасининг интерьерини белгилаётганда сейфни ўзи ўтирадиган кресло олдига жойлаштиради.

❌ ТАЖРИБАСИЗ ТЕРГОВЧИ
Сейфни эшик олдига жойлаштиради. Унинг устига “дежурный” бўлган кунлари (хизмат қуроли бириктирилганда) хизмат қуроли турган сейф эшигини ланг очиб ёки калитни қулфдан суғуриб олмасдан, сейф олдида одам сўроқ қилади.

✅ ТАЖРИБАЛИ ТЕРГОВЧИ
Мажбурлигидан “заказное дело” тергов қилган вақтларида айбланувчиларга ўзининг холислигини, аммо шундай қилишга мажбурлигини тушунтиради.

❌ ТАЖРИБАСИЗ ТЕРГОВЧИ
Ўзи юқоридаги рахбарга орқа қилиб тергов қилаётган бўлсада, айбланувчиларга ўзини ҳамма нарсага қодирдек кўрсатиб, бир умрлик қарғишга қолиб кетади.

✅ ТАЖРИБАЛИ ТЕРГОВЧИ
Ишига хеч қачон шахсий ғаразни қўшмайди. Ҳар қандай вазиятда совуққонлигини сақлаб қолади. Арқонни узунроқ ташлаб қўяди...

❌ ТАЖРИБАСИЗ ТЕРГОВЧИ
Ишга шахсий ғаразини қўшиб, охир-оқибат шахсий ғараз билан қилган ёмонликлари фарзандларига уриб кетади!

✅ ТАЖРИБАЛИ ТЕРГОВЧИ
Фуқарога ўзини муттаҳам қилдириб қўймайди!

❌ ТАЖРИБАСИЗ ТЕРГОВЧИ
300$ ни ҳам “ҳарна-да, ҳарна” деб олиб кетаверади.

Энди энг ёмони:

✅✅✅ ТАЖРИБАЛИ ТЕРГОВЧИ
Прокурорга 83 бўладиган делони олиб кирганида хеч қачон айбсиз одамни тарафини олмайди, аксинча “буни иложи борича айблашга ҳаракат қилаяпман” деб туради.

❌❌❌ ТАЖРИБАСИЗ ТЕРГОВЧИ
Прокурорнинг олдига 83 бўладиган делони олиб кирганида адвокатдай айбланувчини тарафини олади.
(““заинтересованный” жойинг борми?" деган гапни эшитиб кўрмаганда)

Хуллас, бу тажрибали терговчиларнинг 100/1 тажрибаси ҳам эмас, бунақа мисоллардан кўплаб келтирса бўлади. Ишласанг кўравераркансанда...

Каналга уланиш:
@advocatekulbayev

Прокурор ёрдамчиси тергов қилишга ваколатли эмас (охирги нуқта)

Advokat Abdullayev телеграм каналида прокурор ёрдамчисининг тергов қилишга ваколатли эмаслиги ҳақидаги мазкур постидан кейин ҳуқуқшунослар орасида катта баҳс-мунозара бошланиб кетди. Абдуллаевнинг мазкур фикрига тўлиқ қўшиламан ва фикрларимни қуйидагича асослайман:

ЖПКга кўра 16 та тергов ҳаракатлари мавжуд ва Кодексда ҳар бир тергов ҳаракатини ўтказишга ваколатли шахслар бирма-бир кўрсатиб ўтилган.

Прокурор тергов ҳаракатлари ўтказишга ваколатли шахс бўлиб ҳисобланади. Унинг мазкур ваколати ЖПКда ҳамда “Прокуратура тўғрисида”ги Қонуннинг 28-моддаси 1-қисми 7-хатбошисида кўрсатиб ўтилган. Яъни,
Прокурор:
“суриштирувда, дастлабки терговда иштирок этади ҳамда зарур ҳолларда, жиноят-процессуал қонунга мувофиқ ҳар қандай иш бўйича айрим тергов ҳаракатларини шахсан бажаради ёки терговни тўла ҳажмда амалга оширади;”

“Прокуратура тўғрисида”ги Қонуннинг 56-моддасида – ушбу қонуннинг биз юқорида кўриб чиққан 28-моддаси 1-қисми 7-хатбошисидаги ваколатга эга прокурорлар жумласига прокуратура органларининг айнан қайси ходимлари кириши белгилаб берилган. Яъни, тергов ҳаракатлари ўтказиш ваколатига эга прокурорлар бу - Бош прокурор, қуйи турувчи барча прокурорлар, уларнинг ўринбосарлари, бош бошқармалар, бошқармалар ва бўлимларнинг бошлиқлари бўлиб ҳисобланади.

Мазкур банддаги ваколатдорлар орасида “прокурор ёрдамчиси” деган лавозим йўқ!

Далиллар мақбуллигига оид ОСПҚнинг 2-бандига кўра далил тегишли субъект томонидан, яъни далилни олиш билан боғлиқ бўлган процессуал ҳаракатни ўтказишга ваколатли мансабдор шахс томонидан олинган бўлмаса – номақбул далил бўлиб ҳисобланади.

Яъни, прокурор ёрдамчилари томонидан ўтказилган тергов ҳаракатлари натижалари – номақбул далилдир ва шахсни айблашга асос қилиниши мумкин эмас!

Каналга уланиш:
@advocatekulbayev

Энг ёмон кўрадиган нарсам бу – пул учун ишлаш.

Ғалати эшитилаяптими?

Одам қанча кўпроқ пул топишни бошласа, шунга 3 баравар равишда унинг эҳтиёжлари ҳам пайдо бўлишни бошлар экан.

Охирги ойларда шу каби ҳаражатларим кўпайиб кетгани сабабли, энди танлаб-танлаб эмас, тўғри келган ишни олишга мажбур бўлиб қолмасам бўлди эди, деб қўрқиб турибман.

Лекин адвокатликдан мақсад фақат пул бўлса, на ўзингиз ва оилангизга, на ҳаётдан баҳра олишга, на ўз устингизда ишлашга вақтингиз қолади.

Агар қиладиган ишимиздан кайф қилиб ишламасак, унда видеодаги 👆сичқонлардан (одамлардан) нима фарқимиз қолади? Тўғрими? Ёки сал ёшлик қилаяпманми?

@advocatekulbayev

Moda o'zgarayotganini sezyabsizmi?

Oldinlari chekish/kalyan modada edi.

Yigitlar stories'da shu bilan maqtanardi.

Hozir esa sport bilan maqtanishyapti.

Qizlar chiroyli restoranlarda, tortlar, shirinliklar bilan maqtanishardi.

Hozir hamma diyetada.

Hamma ozish bilan band.

Oldin “men band, ishim ko’p” deyish moda edi.

Hozir hamma kamroq ishlab, ko’proq bilim olish bn band.

Hamma online kurslar sotib olish, kitob o’qish, zamonaviy kasb o’rganish bilan ovora.

Oldinlari davlat universitetiga kimdir kirsa, hamma joyda maqtanib yurishardi.

Hozir westminsterga kirsayam hafa.

Hamma chetda o’qish harakatida.

Mana nima hozir fashionable… Fashion’dan ortda qolmang❤️.

@IbragimPosts

Де факто ҳокимият кимни қўлида бўлиши керак?

Франциялик машҳур олим Шарль Луи де Монтескьё “ҳокимиятнинг 3 га бўлиниш” ғоясини (қонун чиқарувчи, ижро этувчи ва суд ҳокимиятлари) асослаб берган файласуф бўлиб ҳисобланади. У ўзининг “Қонунлар руҳи” асарида мазкур назарияни асослаб, ҳокимиятлар бир-биридан мутлақо мустақил бўлиши кераклигини, бир-бирини тийиб туришини ва ҳеч бир ҳокимият чексиз кучга эга бўлиб қолмаслиги шартлигини ёқлаб чиқади.

Конституциямизга кўра мазкур принципга Ўзбекистон ҳам амал қилади. (де юре)

Аммо, аслидаги ҳолатни олсак, биздаги учга бўлинган ҳокимият бир-биридан етарлича мустақил эмас! 🙅‍♂️ Мамлакатимиздаги аҳволни кўрган Монтескьё ҳам қабрида тик турса керак. Ҳокимиятлар бир-бирига аралашиб кетди.

Булардан энг ёмони - де юре мустақил бўлган суд ҳокимияти ҳозирда кўплаб “соядаги” бошлиқларнинг қўлида қолиб кетмоқда.

Давлатчилигимиз тарихида суд ҳокимияти де факто кўплаб ташкилотларни қўлида бўлди: СССР даврида бу ваколатни НКВДга берган бўлсак, 2005-2016 йилларда бу ваколатни МХХга бердик.

Тан олиш керак, бу билан хавфсизликни етарлича таъминлай олдик. Сиёсий оппозицияни йўқотдик, терроризм ва сепаратизмга чек қўйдик ва Конституцион тузумни сақлаб қолдик. Сиёсий вазиятни ўзи буни талаб қилиб турган эди. Лекин адолатчи?

Замон ўзгарди, энди эски тўнларни ечиш вақти келди. Де факто суд ҳокимиятини ўзининг эгасига, яъни Ўзбекистондаги суд тизимига берайлик!

Майли, баъзи судьялар хато қилсин, майли баъзилари бу ваколатни кўтаролмай манманликка берилсин, майли баъзилари коррупцияга йўл қўйсин, майли.... Вақтида бу ваколатга эга бўлган бошқа ташкилотларда ҳам бундай салбий ҳолатлар кузатилди-ку.

Аммо, ваколат ўзининг қонун бўйича (де юре) эгасида бўлсин. Нотўғри ҳукм қилган суднинг устидан арз қилиб боришга - бошқа мустақил суд инстанцияси бўлсин. Судга ким бўлишидан қатъий назар хеч ким таъсир ўтказа олмасин!

Суд-ҳуқуқ тизими бу бир соатга ўхшайди. 🕘 Соат ҳам аниқ белгинланган механизм таъсирида ишлайди: мотор кичик муруватларни айлантиради, кичик муруватлар каттасини айлантиради ва соат юришни бошлайди. Бу жараёнда бирор деталь китобида кўрсатилганидек ишламаса - соат нотўғри ишлашни бошлайди.

Қонун ҳам худди шундай эффектга эга. Қонун ҳам де юре, яъни ўзининг китобида кўрсатилгани каби ишламаса, кўзланган мақсадга – эркин, адолатли, тинчлик ҳамда инсон ҳуқуқлари таъминланган жамиятга эришиб бўлмайди. Буни бугун ишлаётган ҳар бир суд-ҳуқуқ тизими рахбари билиб олиши шарт.

Судларга озодлик бўлсин!!!!!!!

#freedomtothecourts


@advocatekulbayev

«Собиржон исмли бир йигитни Ҳизбут Таҳрирга аъзо деган шубҳа билан махус идорага келтиришибди. Бир қоп китоблари ва варақалари ҳам бор экан. Уни сўроқ қилиши лозим бўлган мулозим янгича услуб кўллабди: Собиржонга мулойим муомала қилибди. Бир чойнак чой билан ўзи уч кун олдин ўқиб чиққан «Ихтилофлар ҳақида» китобини унинг хузурида қолдириб, эшикни ташқарисидан қулфлаб қўйиб, бошқа ишлари билан машғул бўлибди. Бир вақт эшик ичкаридан тақиллаб қолибди. Очишган экан, Собиржон: «Мен хатойимни тушундим, қоғоз-қалам беринглар, ҳизбдан чиққаним ҳақида баёнот ёзиб бераман», дебди.

Баёнотни ёзиб бўлиб, узоқ ўйланиб қолибди. Нега ўйланиб қолгани ҳақида сўрашганда, «Шерикларим ҳақида ўйлаб қолдим, улар адашган ҳолларида юраверишадими?» дебди. Воқеа Собиржон шерикларининг номлари ва турар жойларини ёзиб бергани, уларнинг хам идорага келишгани, бир неча соат ҳоли қолганларидан кейин яна эшик ичкаридан тақиллагани ва олтита янги баёнот ёзилгани билан ниҳоясига етибди.

Хозирда Собиржон ва унинг шериклари турли тоифа, фирқа ва ҳизблардан юз ўгириб, ибодатларини сидқидилдан адо этиб юришган экан.»

Шайх Муҳаммад Содиқ Муҳаммад Юсуф раҳимаҳуллоҳ

«Ихтилофлар: сабаблар, ечимлар» китоби

Hilol eBook иловаси орқали ўқинг

@advocatekulbayev

Художественная часть нашего канала📜

Екатерина Довлатова - «Мужчинам не просто…»

прочитала: Анна Егоян

@advocatekulbayev

Ўзбекистонда қачон АДОЛАТ қарор топади?

Президент Шавкат Миромоновичнинг 2017 йил 22 декабрдаги Мурожаатномасини қайтадан кўриб чиқдим. Ўтган 8 йил давомида ҳақиқатан ҳам, Мурожаатномадаги ҳуқуқ соҳасига оид белгиланган вазифаларнинг деярли 95% амалга оширилди.

Кўплаб тергов ҳаракатлари учун санкция бериш ваколати прокуратурадан судга ўтди, судларда оқлов ҳукмлари сезиларли кўпайди, адвокатларга кўплаб имкониятлар берилди, жиноят процесси рақамлаштирилди.

Гап йўқ, унда нимага Президент 2017 йилда танқид қилган иллатлар бугунги кунга қадар тугамаяпти, бартараф этилган иллатларнинг яна орқага қайтиши кузатилаяпти?

Бунга жавобан битта нарсани айта оламан: адолатни фақат битта Президентни ўзи таъминламайди, балки Республика даражасидаги рахбарлар ҳамда 14 та ҳудуднинг ҳуқуқ соҳасига масъул юқори рахбарлари бирга таъминлайди!

Бугун битта судьяни пора билан ушлаган опер ва унинг рахбарлари, эртага бутун суд тизимига шу орқали таъсир ўтказа олмаслиги керак!

Бугун битта судьяни қарорини протест киритиб бекор қилаётган прокурор, эртага бутун суд тизимига шу орали таъсир ўтказа олмаслиги керак!

Бугун, креслога ўтирган суд рахбари ўзининг “қўрқоқ”лиги учун қуйи судьянинг одил судловни амалга ошириш фаолиятига таъсир ўтказа олмаслиги керак!

Ё ман, порахўр судьяларни қилмишларини бартараф қилмаслик керак демайман. Аммо, мазкур ваколатга эга ташкилотлар ўзининг шу ваколатидан бошқа судьяларга таъсир ўтказишда фойдаланмаслиги керак.

Қизиқ ишлар бўлаяпти: ҳақиқий айбдор жиноятчи “жиноятчиликни камайтириш” учун жавобгарликка тортилмаяпти. Аммо, айби йўқ инсон “заказ” жиноят иши доирасида қамалиб кетаяпти ёки “пашша"дай айби “фил"дай баҳоланаяпти.

Қачонки жазо муқаррарлиги таъминлансагина - жиноятлар камаяди. Қачонки ҳоким ҳам, дехқон ҳам бир ҳилда жавобгарликка тортилсагина - адолат таъминланади.

Агар мендан кимдир “қачон адолат тўлиқ таъминланади?”, - деб сўраса,

мен: “Адолат фақатгина (ал-Адл – "мутлақ адолат қилувчи" сифати эгаси) Аллоҳнинг ҳузирида тўлиқ таъминланади”, - деб жавоб бераман.

Агарда мендан кимдир “хўп, унда қачон Ўзбекистонда нисбатан яхшироқ адолат қарор топади?”, - деб сўраса,

мен: “Қачонки Ўзбекистонда судларнинг мустақиллиги тўлиқ таъминлансагина адолат қарор топади”, - деб жавоб бераман.

#freedomtothecourts

Каналга уланиш:
@advocatekulbayev

Ички ишлар органи ходимлари байрами

Кўпчилик менга ИИОдан ишдан чиқиб тўғри қилганимни, шундан сўнг кўплаб муваффақиятларга ҳамда тинч ҳаётга эришганимни айтишади.

Уларга жавобан шуни айтаманки, бугун ҳуқуқ соҳасида қандай муваффақият ва обрўга эга бўлган бўлсам ҳаммасининг бош сабаби – ИИО мактабини кўрганим ва шу тизимда тажриба орттирганим, “мелисадан чиққаним”дир.

Адвокат бўлганимдан сўнг, Ўзбекистондаги барча ҳуқуқни муҳофаза қилувчи органларнинг тергов ва оператив тармоқлари фаолияти билан танишдим ва битта хулосага келдим: ҳақиқатан ҳам ҲМҚОлар ўртасида энг катта тажрибага эга бўлган орган бу Ички ишлар органларидир!

Бугунги байрам билан барча амалдаги ва собиқ ички ишлар ходимларини, хизмат вақтида ҳалок бўлган ходимлар оила аъзоларини, курсант ва тингловчиларни чин юракдан табриклайман. Аллоҳ йўлингизни берсин!

@advocatekulbayev

Ҳуқуқни муҳофаза қилувчи органлар рахбарларининг катта қисми ИИОдан чиққан.

Лекин Ички ишлар вазирининг ўзи ички ишлардан чиқмаган.

Манимча бу лавозимда тизимнинг энг пастидан (туман, шаҳар ИИБ) кўтарилган, ИИОнинг оператив ва тергов линияларини кўрган кадр ўтириши керак. Янаям билмадим лекин 🤷‍♂️

uzvsf

@advocatekulbayev

ЛГБТ касалликми ёки нафс?

биринчидан, Ушбу изоҳ эгаси айтган фикр, яъни “инсоннинг ЛГБТ бўлиши унинг ҳомиладорлик ёки уруғланиш вақтидаги гинетик кодига боғлиқ” деган теория илмий асосланмаган, бу бир таҳмин холос. Бир жинслилик ген билан боғлиқлигини илм-фан ҳали тасдиқламади! Бу масала ҳали тадқиқотлар олиб бориш жараёнида.

Худди шу масала олдин ҳам кўтарилган лекин барибир тасдиқланмаган эди. Ҳозир яна шуни олиб чиқишаяпти бошқатдан. Шу учун бу гапларга чалғиб қолманг.

иккинчидан, Жахон соғлиқни сақлаш ташкилоти (ЖССТ) 1990 йилда гомосексуалликни касаллик ёки психик бузилиш эмаслигини эътироф этди ва уни халқаро касалликлар рўйхатидан чиқарди. Яъни ўтказилган кенг қамровли илмий изланишлар шуни кўрсатдики, гомосексуаллик - бу касаллик эмас ва даъволанишга мухтож эмас.

Энди турли ноаниқ саволлар туғилади:
"гомосексуалликнинг сабаби нима?"
"гомосексуалларга қандай муносабатда бўлиш керак?"
“гомосексуаллик касалликми ёки нафс?".

Ушбу саволлар илмий нуқтаи-назардан етарлича ноаниқ бўлиб кўринади.

Шундай ноаниқ вазиятларда шахсан ман, мусулмон сифатида, бу таҳминларга жавоб топиш учун ўз муқаддас китобимга мурожаат қиламан:

«Сизлар бутун оламлардан (ажраб – ҳеч бир жонзот қилмаган ишни қилиб, аёлларга уйланиш ўрнига) эркакларга яқинлашурмисизлар?! Ва Парвардигорингиз сизлар учун яратган жуфти ҳалолларингизни тарк қилурмисизлар?! Йўқ, сизлар ҳаддан ошгувчи қавмдирсизлар» 
(Қуръон, Шуаро сураси, 165–166 оятлар).

Қачонки одам оятда келтирилгани каби хаддан ошса - унда қониқиш ҳисси йўқолади!

Битта мисол: эркак ўз жуфти ҳалолини қўйиб, бошқа аёллар билан зино қилишни бошлаганидан сўнг, унинг хотинига қизиқиши камайишни бошлайди. Ўша фохиша аёллар билан яқинликнинг янги турларини синаб кўришга хоҳиш уйғонади.

Худди шундай гомосексуаллик ҳам бир нафс ҳолос, уни касаллик билан боғлаб оқлашга ҳаракат қилиш нотўғри. Одамлар алоқанинг ҳар хил турини, турли хил аёллар билан синаб кўрганидан кейин, хаддидан ошиб, энди алоқанинг ноодатий турини, мисол учун гомосексуализмни, синаб кўришга хоҳишли бўлиб қолади. Буни амалиётда бойвачча инсонлар мисолида кўп кўрганмиз.

Обуначиларимдан, бу мавзуда кўп ёзаётганимдан минг ҳижолатдаман ва улардан бу учун узр сўрайман. Аммо ҳозирда Ўзбекистонда ЖК 120-моддасининг расмий ва норасмий кўрсатгичи ошиб кетаётгани, ЛГБТнинг расмий жамиятлари Ўзбекистонда ЛГБТни одатий ҳолатга айлантириш учун кўплаб ташвиқот ишлари бошлагани - мени бу мавзуда сал кўпроқ гапириб юборишимга мажбур қилаяпти.

@advocatekulbayev

ЛГБТ ҳақидаги мақоламга турли хил ва жуда қизиқарли изоҳлар келди. Улар орасида энг қизиқарлиси шу изоҳ бўлди. Манашу саволга жавоб топиш учун 3 кун изландим. Ва қуйида ушбу изланишлар хулосасини тақдим этаман. 👇

@advocatekulbayev

Адвокат ҳаммага бирдек ёқмайди

Адвокатлик қизиқ касбда: мижозга ёқсанг – қонунни қўлловчиларга (суд, ҲМҚО ва бошқаларга) ёқмайсан. Қонунни қўлловчиларга ёқсанг – мижозга ёқмайсан.

Бундай пайтда ҳар доим мижозни танлайман. Фақат вақти келиб шу мижоз ҳам мани танласа бўлди.

Баъзи бирлар каналларимга троллар тўдасини киритиб, негатив коментарий ёздириб, обрўимни тўкмоқчи бўладимией, орқамдан гап-сўз қилиб, тухмат билан мани “даллол” 💵 ёки “билимсиз”га чиқариб қўядимией, мани ушлаш учун “махсус”👂мижозларни олдимга юбориб синаб кўрадимией.... Мақсад шу - мани ҳаммага ёмон кўрсатиш.

Бундайларга Омон Матжон шеърига ёзилган, Шерали Жўраевнинг қўшиғини эшитишни тавсия қиламан:

“Дилимни рангини гул билса бўлди,
Мени кимлигимни эл билса бўлди!”

@advocatekulbayev

Ўзбекистонда ЛГБТ тўлиқ тақиқланмаган экан!

Авваламбор, ЛГБТ нима эканлигига таъриф берайлик:

Л - лесбиянлик
Г - гейлик
Б - бисексуаллик
Т - трансгендирлик

Юқорида санаб ўтилганлардан фақат гейлик – тўлиқ, бисексуаллик – қисман тақиқланган.

Аммо, лесбиянлик учун ва трансгендер бўлиш, шунингдек трансгендер сифатида мамлакатда яшаш учун хеч қандай жавобгарлик мавжуд эмас. 🤦🏻‍♂️ Шунинг учун ҳам Жасмин трансга ўхшаганлар бемалол интернетда билган гапини айтиб юрипти.

Бу мавзуда позициям қатъий – ЛГБТнинг ҳар бир кўринишига қатъий жиноий жавобгарлик белгиланиши ва оғир жазолар жорий этилиши шарт! Шунингдек ЛГБТнинг ҳар қандай тарғиботи учун ҳам жиноий жавобгарлик белгиланиши лозим.

Энергетикага ва кредитга доир қонунбузилишлар учун жиноий таъқибнинг ҳуқуқий асосларини зўр қилиб яратиб қўйдик. Манимча, ЛГБТни тўлиқ жиноий таъқибга олиш учун ҳуқуқий асослар яратиш - юқоридаги моддий манфаатлардан кўра анча муҳимроқ.

Ҳозирги нозик замонда ЛГБТнинг бундай кучли ташвиқотларини кўриб катта бўлган авлоднинг жинсий ориентацияси бузилмаслигига ва эртага ЛГБТ вакиллари мамлакатимиздаги юқори лавозимларга келиб қолмаслигига ким кафолат беролади? Оқибатларини ўйлаб кўраяпсизми?

Юқорида гейларга қарши курашишнинг энг самарали йўли ва ушбу иллатларнинг фарзандларимизга таъсири ҳақида фикр юритганман.

Каналга уланиш:
@advocatekulbayev

Маъсуллар нимага жим, ё уларни қизи йўқми?

Қани “гендер тенглик”, “биз зўравонликка қаршимиз”, “оилада хотин-қизларнинг ўрнини мустаҳкамлашимиз керак” дегувчилар, нимага ҳамма жим?

Ўзбекистон Республикаси МЖтКнинг 189-2-моддаси:

Жинс бўйича камситишни тарғиб қилиш
Жинс бўйича камситишни тарғиб қилиш, шу жумладан хотин-қизлар ва эркаклар тенг ҳуқуқлилигини очиқдан-очиқ инкор этиш, ушбу мазмундаги қарашларни, ғояларни ёки чақириқларни тарқатиш, худди шунингдек бундай хатти-ҳаракатларни омма олдида оқлаш ва (ёки) рағбатлантириш, — базавий ҳисоблаш миқдорининг ўн бараваридан йигирма бараваригача миқдорда жарима солишга сабаб бўлади.

Озроқ хафсала қилинса, бу савиясизни 100% жиноий жавобгар қилиб, қамаса ҳам бўлади!

@advocatekulbayev

Газ қатағони 4 (бу постни фақат юристлар тўлиқ тушунади)

Юридик фанлар доктори, профессор, “жиноят ҳуқуқи отаси” Мирзаюсуф Рустамбаевнинг 2016 йилдаги жиноят кодексига манабу шарҳини ўқиб, тўғриси, миям портлаб кетди 🤯!

Бекордан бекорга ЖКнинг 185-2 моддаси (электр, иссиқлик энергияси, газ, водопроводдан фойдаланиш қоидаларини бузиш) ЖКнинг “Ўзгалар мулкини талон-торож қилиш” бобига эмас, “Иқтисодиёт асосларига қарши жиноятлар” бобига киритилмаган бўлса керак, вақтида?

Бу ерда ушбу ресурслар тижорат мақсадида фойдаланилгани - талон-торожни келтириб чиқаради дейишимизга қандай асосимиз бор? ЖКнинг Умумий қисми қоидалари қаерда қолди, ҳурматли Қонун чиқарувчи?

@advocatekulbayev

Газ қатағони 3

Даврон Кабуловнинг отаси билан боғлиқ ҳолат юзасидан берган тушунтиришини кўриб чиқдим. Тўғриси, юрист эмас оддий фуқаро бўла туриб келтирган аргументлари инкор этиб бўлмасдир.

Вазирлар Маҳкамасининг 319-сонли (эскиси 22-сонли) қарорини ҳаммага тушунарли бўлиши учун битта мисол билан тушунтираман:

Айтайлик, Сизнинг тадбиркорлик объектингизда битта газ плитаси бор, ушбу газ плитаси 4 та “горелка”си билан соатига ўртача 1,1 м3 газ сарф қилади. Сиз мазкур газ плитасини умумий фойдаланишдаги газ тармоғига “счётчик”сиз, ўзбошимчалик билан улагансиз ёки ўрнатилган “счётчик”нинг пломбалари ташқи таъсирда бузилган. Ҳисобловчилар мазкур ҳолатни қуйидаги формулага асосан хисоблашади:

1,1 м3 х 24 х 1095 х 1 500 сўм

Газ плитасининг бир соатлик 1,1 м3 газ сарфи 24 соатга кўпайтиралади. Чиққан натижа газчилар охирги маротаба кўрикдан ўтказишган кундан бошлаб неча кун ўтган бўлса ўшанчага кўпайтирилади. Агар газчилар бирор маротаба келишмаган бўлса бу сумма 3 йилга, яъни 1095 кунга кўпайтирилади. Чиққан натижа ҳозирги газнинг нархига, яъни тижорат ташкилотлари учун 1500 сўмга кўпайтирилади. Яъни, Сиз ушбу газни ишлатганмисиз йўқми, орада қиш пайтлари суткалаб газ ўчиб қолганми, фарқи йўқ, ўрнатган газ плитангиз 24 соат узликсиз ишлагандаги суммани 3 йилга кўпайтириб тўлайсиз!

Юқоридаги формулани 👆 жавоби 43 млн. 362 минг сўм бўлади. Тушунаяпсизми??? Битта газ плитасидаги газ сарфи ўша газ плитасидан 10 баробар қиммат бўлиб кетади.

Гап йўқ, бу ерда хуқуқбузарлик мавжуд эмас демайман, “счётчик” бўлмагандан кейин, газ сарфининг аниқ миқдорини аниқлашнинг имкони йўқ.

Фақат битта саволга хеч жавоб тополмаяпман:

Мулкий зиён тўғрисидаги Олий суд Пленуми қарори ва ФКга кўра зарар (яъни, мулкий зиён) 2 хил бўлади:

1. Ҳақиқий зарар
2. Бой берилган фойда.

Талон-торож билан боғлиқ жиноятларда, хусусан, ЖКнинг 169-моддасида (ўғирлик) моддий зарар инобатга олинади ва моддий зарар миқдоридан келиб чиқиб жиноят квалификация қилинади. Бунда хатто, бой берилган фойда квалификацияда ва зарарни ундиришда инобатга олинмайди.

Газчилар 3 йиллик газ сарфини хисоблаб бераётан бу суммалар ҳақиқий зарар ҳам эмас, бой берилган фойда ҳам эмас. Уларни тахминий, фараз қилинган зарар деб атасак тўғри бўлади, менимча.

Энди савол: Жиноят ҳуқуқининг умумий қоидаларига кўра қандай қилиб моддий зарар аниқ бўлмаган ҳолатда, фараз қилинган зарарни талон-торож предмети деб ҳисоблаймиз ва квалификация учун асос қилиб оламиз? Ушбу саволимни бирор бир юрист ёки Қонун чиқарувчи илмий асослаб бера оладими? ЖПКга кўра айблов ҳукми тахминларга асосланган бўлиши мумкинмаслиги қаерда қолди?

Ёшлик пайтларим севган қизим совға қилган ЖПК китобим ва Пленум қарорлари тўпламини яқинда чиқариб ёқиб юбораман 🤦🏻‍♂️

Каналга уланиш:
@advocatekulbayev

Ёшлигида “Улицы разбитых фонарей” сериалини кўриб, опер бўлишни ва қизил “ксива”га эга бўлишни орзу қилмаган йигит кам бўлса керак.

Фақааат китоб ўқиб, ҳуқуқнинг бошқа соҳаларида фаолият юритувчи ўта тажрибали ва жуда билимли юрист бўлишингиз мумкин, аммо, барибир, оперлар каби, “оператив ақл”га ва ҳар қандай вазиятдан чиқиб кета олиш қобилиятига эга бўлолмайсиз! Бу қобилиятларга фақат оператив тизимда ишлаб эга бўлинади.

Ўша гап, "Охирини ўйлаган - қахрамон бўлолмайди"

Ҳурматли ИИВ тизимида фаолият олиб борувчи барча тезкор ходимлар, норасмий касб байрамингиз муборак бўлсин!

Жиноят очилмаса очилмай кетсин, авваламбор ўзингизни жисмонан ва ҳуқуқий жихатдан асранг, тамом!

@advocatekulbayev

Ортиқча вазн 🫃

Эрталаб соат 8:00 да зўрға уйғониб, соат 8:30 – 9:00 ларда ишга борилади, тушликда уйга боришга вақт йўқлиги учун fastfood дан овқатланилади, кечга ҳам овқатланишга чиқишга вақт йўқ, чунки ишхонага текширувчи келиб қолган, соат 20:00 ларга бориб қорин шу даражада оч қоладики, ошқозон тиқилиб оғришни бошлайди, аксига олиб шунақа вақтлар учун сухарик ҳам олиб қўймагансиз, текширувчи кетгач соат 22:00 - 23:00 ларда ресторанга бориб, бўкиб калорияси кучли овқатлар ейилади, устидан бўктириб ароқ ичилади ва уйга келиб соат 01:00 – 02:00 ларда “гуп” этиб ташлаб, тўқ қоринга ухланади.

Агарда Сизда ҳам шунақа кун тартиби бўлса, демак Сиз Давлат ишида ишлайсиз ва ортиқча вазндан қийналасиз! Агар ҳали ортиқча вазнингиз бўлмаса, бунақа кун тартиби билан бир йил ичида 30 кг.гача ортиқча вазнни йиғиб қўйиш хеч гапмас!

Ортиқча вазн ўзи билан параллель равишда ошқозон касалликлари, “сахар”, “давления”, невроз, жинсий заифлик ва бошқа касалликларни ҳам олиб келади. Сиз неча ёшда бўлишингиздан қатъий назар ортиқча вазн ва у билан параллель келадиган касалликлар Сизни четлаб ўтмайди.

- ишхонада кўп ўтириб қолманг, орада коридорга чиқиб юриб келинг;

- кечга тўйиб овқатлангач, албатта 1-2 км. пиёда юриб, кейин уйга киринг;

- ҳеч бўлмаса бир хафтада бир марта спорт билан шуғиллланишга вақт топинг.

Ортиқча вазн олишда айбнинг 90% ўша одамнинг ўзида, қолган 10% иш графигига боғлиқ деб ўйлайман.

Кечқурун камида 22:00 да уйига кетадиган ходимларга эрталаб каллайи сахардан мажбурий спорт машғулотларини ташкиллаштириш нотўғри деб хисоблайман. Мажбурий спорт машғулотлари тарафдориман ва улар ҳар хафта камида бир маротаба, куннинг иккинчи ярмида, камида икки соатга ташкиллаштирилиши лозим. Шунда ходимлар чин юракдан спорт билан шуғилланишади.

Агарда мазкур спорт машғулотлари худди кераксиз селектор йиғилишларида давомад назоратга олинганидек назоратга олинса - ортиқча вазнга қарши сезиларли компания ишга тушарди.

Каналга уланиш:
@advocatekulbayev

Меҳрибонлик уйи 2007 йил.
ИСЛОМ КАРИМОВ

@advocatekulbayev

Кейинги step (қадам) бу 10-15 минутлик видеолар билан YouTube платформасида ўз фаолиятимни бошлаш! 🎉

SMM чиларимнинг айтишича, битта видеода айтадиган маълумотларим жуда кўп бўлиб, видеоларим узун бўлиб кетаяпди экан. Шу учун контентларимни жойлаштиришга YouTube ижтимоий тармоғини танладик.

YouTube даги видеоларда:

1. жиноят қонунчилигидаги хеч ким кўтармайдиган муаммоларни олиб чиқаман ва уларни бартараф этиш учун ўз таклифимни бераман.

2. Жиноят кодексининг ҳар бир моддасини шархлаб чиқаман.

Мисол учун, жиноят кодексининг 168-моддаси - қандай қилмишлар 168 бўлади, 168 билан фуқаролик муносабатларининг фарқи, 168 ни энг “тонкий” жойлари, ушбу модда билан жавобгарликка тортилганда қандай қилиб ҳуқуқ ва қонуний манфаатларни ҳимоя қилиш мумкин? Видеоларни кўриб шу каби саволларга жавоб оласиз.

Тушунаяпсизми? Агар Сиз ёки яқинингиз жиноий жавобгарликка тортилса, YouTube га кириб 10-15 минутлик видеоларда ҳамма саволларингизга жавоб топасиз!

Ҳуқуқшунослар эса ўз камчиликларини халқ билан бир қаторда ўтириб (худди кинотеардагидек) кўриб олишади ва бу уларнинг келгусидаги қарорлари адолатига хисса қўшади.

Қолган мавзуларни YouTube каналини очиб олгач, йўл-йўлакай ўйлаб кўраман.

Агар сезган бўлсангиз Telegram ва Instagram даги фаолиятимда эътибор қаратадиган энг асосий нарса бу - сифат. Шу учун YouTube да ҳам озгина, лекин созгина бўлади Худо хохласа!

Қўрқаётган нарсам YouTube да ҳуқуқ йўналишида ҳали бирорта кўзга кўринарли контентлар мавжуд эмас, борларининг ҳам “охват”и жуда паст.

Нима дейсиз, YouTube да канал очсам, унга аъзо бўлган бўлармидингиз?

@advocatekulbayev

Жинсий жиноятлар учун жазолар кучайиб кетди! 18 га кирмаган қизлар билан хеч қандай яқин муносабатларга киришманг 🔞

Бу мавзуда гапириш ноқулай бўлсада, кузатувчилардан минг бора узр сўраб, бу турдаги жиноятларни олдини олиш мақсадида ушбу видеони тайёрладик.

Instagram

@advocatekulbayev

Худо хоҳласа жума куни яна битта бомба видеомиз чиқади 🎉

Унда жинсий жиноятлар учун ҳозирги жазоларни айтиб ўтганман. Мазкур жиноятлар ҳозир 17-25 ёшли бўйдоқ йигитлар томонидан кўп содир этилаяпди. Шу сабабли видеони улғайиб қолган ҳар бир фарзанд кўриши шарт!

Шу видеодан кейин ўзимнинг оиламдек бўлиб қолган аудиториямдан, яъни Сизлардан бир катта проектим олдидан маслаҳат сўрайман.

@advocatekulbayev

Каналимиз фақат танқид қилувчи канал эмас

Яқинда бир танишим, каналимда фақат ташкилотлар ва ҳуқуқий амалиётни кўп танқид қилишимни айтиб қолди. Канални бир бошдан кўриб чиқсам, хақиқатан ҳам кўп негатив ёзган эканман.

Аммо, ҳуқуқий амалиётимизда адолатсизликлар кўплаб бўлиб туриши билан бир вақтда, эсдан чиқмайдиган адолат қилувчилар ҳам бўлади:

2023 йил ёз ойларида бир аёлни маст ҳолатдаги турмуш ўртоғи жуда кучли уриб-дўппослайди. Шундан сўнг аёлни ўлдирмоқчи бўлиб, унга пичоқ ўқталади. Аёл эса ушбу пичоқни олиб зарурий мудофаа ҳолатида турмуш ўртоғига санчади. Турмуш ўртоғи воқеа жойида ўлади. Аёл қамоққа олинади. Ўша куни аёл шу даражада кучли калтак еган эдики, қамоққа олинган бўлишига қарамасдан деярли 10 кун шифохонанинг махсус хонасида даволанди. Уни конвой ходимлари қўриқлашди. Аёлнинг 3 нафар вояга етмаган фарзанди бўлиб, уларнинг тақдири ва тарбияси қил устида эди. Ота қабрда, она қамоқда...

Мазкур жиноят ишини Навоий вилояти прокуратураси терговчиси А.Ҳикматов тергов қилди. У аёлга ЖКнинг 97-моддаси билан айб эълон қилиши мумкин ҳам эди. Аммо, у вазиятга реал кўз билан қараб, аёлга ЖКнинг 100-моддаси билан (зарурий мудофаа чегарасидан четга чиқиб, қасддан одам ўлдириш) айб эълон қилиб, жиноят ишини судга чиқарди. Аёл суд залида қамоқдан озод қилинди.

Аёлни қамоқда ёзган кундалиги бор эди. Кундаликда ўзини орзуларини ёзган бўлиб: тикув машинаси, блендер ва бошқа буюмлар сотиб олиш, боласини тишини даволатиш у учун ушалмас орзудек туюлишини келтирганди. Унинг кундаликда ёзган қуйидаги юрак сўзлари менга қаттиқ таъсир қилган:

“Бугундан болажонларимга бир хафталик каникул бўлади. Бугун шанба, митти юрагим уйда дам олиш куни. Бугун ўғлим Тошкентдан келиши керак, Аллохим болалларим дарди ичида билдирмайди, мен болаларимни биламан, кучли хаммасини енгиб ўтамиз Худо хохласа, биламан, юрагим билан сезяпман кимдандир мехр излашяпти, онасини соғинди. Аллохим Худо хохласа оз қолди, Аллохим Мехрибон Рахимдилсан, озодликка чиқайин. Аллохим ўзи химоя қилди, илохим бандасига мухтож қилмагин. Хозир мен бир ўзим 120-камерадаман, қамоқхона ёмон бўлар экан, Аллохим хеч бандани бу ерга тиқма, одамлар инсофли бўлсин хаётда адашмасин.... Дадажонимни кўрмаганимга анча бўлибди, Аллохим дадам дуоларини қабул қил.....”.

Терговчи ва унинг ўша пайтдаги тергов бошлиғига Адолат учун катта рахмат айтамиз!

Каналга уланиш:
@advocatekulbayev

Навоий шаҳрининг вужудга келиши ҳақидаги видео

Мазкур шаҳар ўша вақтларда жуда мукаммал тарзда ҳамда барча қурилиш ва шаҳарсозлик нормаларига риоя қилинган ҳолда қурилган. Бунинг учун Навоий шаҳри ҳамда НКМК ташкил этилишига хисса қўшган барча шахсларга чуқур миннатдорчилик билдираман.

Шунингдек, охирги йилларга келиб қурилиш мумкин бўлмаган жойларга бино-иншоотлар қуриб, катта-катта дарахтларни кесиб, шаҳарни “Бомбей”га айлантираётганлар ва уларнинг раҳнамолари номидан узр сўрайман.

@advocatekulbayev

Қонун устуворлиги, жазо муқаррарлигини таъминлаш учун InBazar бренди билан боғлиқ ҳолатлар юзасидан жиноят иши қўзғатиш зарур!

Ижтимоий тармоқларда InBazar асосчиси томонидан ўз ишчиларини уриб-дўппослаш, уриш-дўппослашни ташкиллаштириш, уларнинг шаъни ва қадр-қимматини тахқирлаш каби ижтимоий хавфли қилмишлар акс этган видеолар тарқалмоқда.

! Тўғри уларни жиноят ёки маъмурий жавобгарлик сифатида баҳолаш юридик жихатдан казусли масала бўлиб ҳисобланади. Мазкур видеолавҳаларни жиноят ёки маъмурий ҳуқуқбузарлик деб баҳолаш малакали юристлар орасида ҳам баҳс-мунозарали масала.

Видеолар бўйича ўзимнинг юридик фикрларимни билдираман:

Мазкур видеода InBazar асосчиси “исқирт” деб шахсни шаъни ва қадр-қимматини тахқирлаган. Видео “думалоқ” видео эканлигидан кўриниб турибдики, бу Интернет жаҳон ахборот тармоғи бўлмиш Telegram да кимгадир ёки кимларгадир юборилган. Унинг хатти-ҳаракатларида жиноят кодексининг 140-моддаси аломатлари мавжуд.

Буниси видеода InBazar асосчиси бақувват шахслар орқали бир ишчисини урдиришга ҳаракат қилган. Бу ерда ишчига бир марта зарба берилган. Агарда унга бир неча маротаба зарба берилганида ёки тан жарохати етганида ЖКнинг 277-моддаси билан баҳоласа бўлар эди. Аммо бу ҳолатни менимча, маъмурий жавобгарлик тўғрисидаги кодекснинг 183-моддаси билан баҳолаш керак.

Кейинги видеода InBazar асосчиси дўконларнинг бирида ишчисини ўзи дўппослаган.

Бу видеони кўпчилик юристлар жамоат ўртасида дўппосланмаган-ку, безорилик бўлмайди дейиши мумкин. Аммо, менга кўра, “Безориликка оид ишлар бўйича суд амалиёти ҳақида”ги ОСПҚда:

“Жамиятда юриш-туриш қоидаларини қасддан менсимаслик деганда, норматив-ҳуқуқий ҳужжатлар, одоб ва ахлоқ нормалари, урф-одат, анъаналар билан белгиланган жамоат тартибини (одамлараро муносабатлар, юриш-туриш қоидалари, шаклланган ижтимоий турмуш тарзини) қўпол тарзда бузиш тушунилади”, деб кўрсатилгани учун, мазкур ҳолатда жиноят кодексининг 277-моддаси аломатлари мавжуд.

Жамоат тартиби деганда фақат кўпчилик фуқароларнинг осойишталигини бузиш эмас, балки Пленум қарорида келтирилганидек қонун ва бошқа одоб-ахлоқ нормалари билан шаклланган одамлараро муносабатлар, юриш-туриш қоидаларини қўпол тарзда бузишни тушуниш лозим.

Воқеалар ривожини кузатамиз, жудаям казусли ва “икки томонга ўйнатса бўладиган” вазиятлар.

Адолат ҳамрохингиз бўлсин ҳурматли ИИВ ҳамда Суд, халқнинг кайфияти ва бошқа таъсирларга учмасдан ҳолатларни қонуний ва адолатли квалификация қилинг!

Каналга уланиш:
@advocatekulbayev

Ҳурматли Тошкент шаҳар ИИББ, безориликка оид Олий суд Пленум қарорини вароқлаб кўрсангиз яхши бўларди!

Ижтимоий тармоқларда InBazar ишчиси калтаклангани юзасидан видеолар тарқалди. Бунга жавобан Тошкент шаҳар ИИББ айбдор шахсни ушлаб, унга нисбатан МЖтКнинг 183-моддаси билан маъмурий иш расмийлаштирибди.

Қанақасига уриш-дўппослаш ҳаракатлари мавжуд бўлган ҳолатни МЖтКнинг 183-моддаси сифатида баҳолайсиз? Ё 183-модданинг диспозициясида уриш-дўппослаш кўрсатилганми?

Жиноят кодексининг 277-моддаси 1-қисмига кўра:

Безорилик, яъни жамиятда юриш-туриш қоидаларини қасддан менсимаслик, уриш-дўппослаш, баданга енгил шикаст етказиш ёки ўзганинг мулкига шикаст етказиш ёхуд нобуд қилиш анча зарар етказиш билан боғлиқ ҳолда содир этилса, — жиноий жавобгарликка сабаб бўлади.

“Безориликка оид ишлар бўйича суд амалиёти ҳақида”ги Олий суд Пленум қарорининг 3-бандида:

“Уриш-дўппослаш деганда, айбдор томонидан жамиятда юриш-туриш қоидаларини қасддан бузиб, шахснинг баданига шикаст етказмаган ҳолда бир неча зарба бериш тушунилади.”, - деб кўрсатилган.

Эртага кўрасиз, суд ҳам ушбу материални силлиққина суддан ўтказиб юборади 183 билан!

Олдинги постларимизда Чироқчи ҳокимининг ҳам хатти-ҳаракатларида ЖКнинг 277-моддаси таркиби мавжудлиги ҳақида гапирганмиз.

Каналга уланиш:
@advocatekulbayev

Instagram ижтимоий тармоғида ўзингиз тушунмаган диний контентларга реакция билдирманг, акс ҳолда жиноий ёки маъмурий жавобгарликка тортилиш хавфи остида қоласиз!

Бизни Instagram да ҳам кузатиб боринг.

@advocatekulbayev

Малакали нейропсихолог Зарифбой Ибодуллаев ходимларни 6-8 соатдан кўп ишлатмаслик ва шанба-якшанба куни дам олдириш хақида рахбарларни огохлантирмоқда.

Нейропсихологнинг кўп ишлайдиган ходимларга қўяётган тиббий ташхисларини кўпчилик хавотир билан эшитади.

Аммо суд ва ҲМҚО ходимлари буни кулиб, хатто бақириб кулиб эшитади)))

Тушунган тушунди 😁😁😉

@advocatekulbayev

Қозоғистоннинг машҳур “Ирина Кайратовна” гуруҳи томонидан ижро этилган “5000” қўшиғи ўзимизнинг ёшлар орасида ҳам жуда оммалашган.

Аммо, мазкур қўшиқ ва унга ишланган клипда ижодкорлар жуда катта маъно яширишган. Ҳусусан, клипда Совет Иттифоқи қатағонларидан тортиб Назарбаевнинг баъзи адолатсизликларигача сатира остига олинган!

Айниқса, юқорида келтирилган фрагмент клипнинг энг юқори нуқтаси бўлиб ҳисобланади: 2020 йил 06 июль куни пандемиянинг энг ёнган вақтида, Қозоғистонда ўлим ҳолатлари рекорд даражага етган бир пайтда мутасаддилар пойтахт кунини нишонлаш баҳонасида Нурсултан Назарбаевнинг 80 ёшга тўлганини байрам қилиб, катта мушакбозлик уюштиришган.

Бунақа, қизиқарли танқидлар клипда жуда кўп, шу учун “5000” клипини ҳамда унга берилган тушунтиришларни YouTube платформасида кўриб чиқишни маслаҳат бераман.

Қачон Ўзбекистонда ҳам “Политическое искусство” рувожларнаркан-а? Биздаги савия бир ҳил: қайнотаси билан зино қилган келин ҳақидаги сериаллар!

Ребята, Вы молодцы! ИК

@advocatekulbayev

“Детская травма”си қолиб кетган мансабдорлар

Суд-ҳуқуқ тизимида фаолият юритишимиз давомида, нафақат айрим фуқаролар, балки орган ходимларининг баъзи бирлари ҳам (ҳаммаси эмас, баъзи бирлари) профессионал психологик консультацияга мухтожлигини кўрамиз.

Битта мисол: жиноят ишини кўриш давомида маъсул мансабдорга нисбатан процесс иштирокчиси ёки унинг қариндошлари томонидан кучли танқидлар қилинди. Бу пайтда тажрибали ходимлар ушбу негативларни ўзига олмасдан, “арқонни узунроқ ташлаб қўяди”. Лекин баъзилари ҳамма ишини йиғиштириб, уни танқид қилган шахсни қамашга бел боғлайди, тирноқ ичидан кир қидириб, нима бўлса ҳам “1-1” қилишга ҳаракат қилади.

Унутманг, қачонки Сиз шахсий ғаразингизни ишингизга қўшсангиз, ўша куни чўкишни бошлаган бўласиз!

(☝️бу мани гапим эмас, манга вақтида фуқаролар билан ишлашни ўргатган устозларимнинг ўгитлари)

Яна битта мисол: баъзи бир ходимлар мансаб отига минишгач, биринчи навбатда ёшлигидан алами қолиб кетган шахсларнинг тарихини титкилашни, агар имкон бўлса улардан камчилик топишни бошлашади. Ёки ёшлигидан уларда ғазаб уйғотган тоифаларга (мисол учун: бир замонлар қариндошидан пора олган соҳа вакиллари, вақтида у билан келишмовчиликка борган миллат вакиллари, маълум бир ишхоналар, ўзи ўқиган таълим даргоҳи, спорт билан шуғилланган тўгарак вакиллари ва х.к.) ҳар бир ишда зарар етказишга ҳаракат қилишади. Худди шу соҳанинг ҳамма вакили бир хилда ёмондек.

Бу шахсларга битта нарсани айтмоқчиман: тасаввур қилинг, агар сизни эгнингиздаги формани ечиб, чўнтагингиздаги гувохномани олиб қўйиб, кўчага чиқаришса Сизга кўчадаги ит ҳам ҳозиргидек мулозамат кўрсатмайди-ку! Кўчадаги бирор кишига ҳозиргидек кариллашга ҳам ақлингиз етмайди.

Амалда бўлган вақтингизда Сиздан 20 ёш катта одам ҳам “ака” деб мурожаат қилади. Агар Сизни биров “сизламасдан” мурожаат қилсинчи, ичингиздаги такаббурлик Сизни ўз ҳолингизга қўймайди!

Лекин бир кун кўчага шортик-футболкада чиқиб, бозордаги оддий фуқарога мурожаат қилинчи, кабинетдаги савлатингиз қолармикин?

Бир хил мансабдорлар озроққина мансаби кўтарилса ўзини “всемогущий” дай хис қилиб, ўзидан бошқа соҳадагиларни одам ўрнида кўрмайди. Энг қизиғи, баъзи шу каби инсонларга катта-катта мансаблар берилган. Лекин ўзи ёш болага ўхшаб ҳаракат қилади: кўролмаслик энг юқори даражада, хатто кўролмаслик ортидан ўзини ҳамкасбини орқасидан ҳам пичоқ уради.

Кўнгли тоза ходимларга қаранг, баъзида ўзи қамаган одамлари унга рахмат айтишади, пенсияга чиққан вақтида ҳам ҳурматда юради. Сиз учун эса ўтирган креслонгизни йўқотиш дунёдаги энг катта бахтсизлик бўлса керак!

Тўғри ҳаммага ҳам бир хилда ёқиб бўлмайди. Барибир, Сизни соҳангизда ўзини айбини билмасдан, Сизни қарғайдиганлар бўлади. Лекин агарда Сиз ўз хизмат вазифангизни шахсий ғаразсиз, АДОЛАТ билан амалга оширсангиз шундагина “формадан қарғиш ўтмайди”.

ҲМҚО кадрлар бўлими рахбарларига айтмоқчиман, номзодларни ишга саралаб олаётганда уларнинг билими ва соғлик ҳолатидан ташқари, ёшлигида “детская обида”лари қолиб кетган ёки йўқлигига ҳам аҳамият беринг, илтимос.

Каналга уланиш:
@advocatekulbayev

Чўлнинг қоқ ўртасида жойлашган Учқудуқ шаҳрининг кўриниши.

Бу ерда ўзингизни худди совет иттифоқида юргандек ҳис қиласиз.

Шаҳар аҳолиси кўпмиллатли халқ: ўзбек, қозоқ, рус, корейс, озарбайжон ва бошқа кўплаб миллатлар бирга яшашади.

Учқудуқ уран заҳиралари хамда уран олиш бўйича нафақат Ўзбекистонда, балки бутун дунёда ҳам етакчилардан бўлиб хисобланади.

@advocatekulbayev