Addis Ababa Water & Sewerage Authority (AAWSA)

የቅርንጫፉ አገልግሎት አሰጣጡን ለማሳለጥ ያደረገው ጥረት የሚበረታታ መሆኑ ተገለጸ ፡፡

የካቲት 08, 2017 (AAWSA)

ለሚ ኩራ ቅርንጫፍ ዛሬ በዋለው ሁለተኛ መደበኛ ጉባኤ የቅርንጫፉ የስድስት ወራት ዕቅድ አፈፃፀም እና የመልካም አስተዳደር ስራዎች ለአባላቱ ቀርበው ውይይት ተደርጎባቸዋል፡፡

ቅርንጫፉ ባለፉት 6 ወራት 43.6 ኪ.ሜ
መለስተኛ የውሃ መስመር ዝርጋታ እና 3.25 ኪ.ሜ የፍሳሽ መስመር ዝርጋታ አከናውኗል።

በተጨማሪም ቅ/ፅ/ቤቱ ብልሹ አሰራርን ለማስወገድ፣ የተገልጋዩን ቅሬታ በፍጥነት ለመፍታት እና ውስን የሆነውን ግብዓት በአግባቡ ስራ ላይ ለማዋል የመልካም አስተዳደር መርሆዎችን ተግባራዊ እያደረገ መሆኑን ገልጿል፡፡

የፎረሙ ሰብሳቢ አቶ ካሳሁን እንደገለፁት ከሆነ ተገልጋይ ማህረሰቡን ከተቋሙ ጋር ለማቀራረብ እንዲሁም የሚነሱ ቅሬታዎች አፋጣኝ ምላሽ እንዲያገኙ ሲሰሩ መቆየታቸውን ጠቁመዋል፡፡

በውይይቱ የልማት ተነሺዎች ዕንግልት ለመቀነስ በቅራቢያቸው ቢሮ መከፈቱ፣ ተቋርጠው የነበሩ መስመሮች ተጠግነው ወደ አገልግሎት መመለሳቸው፣
የሚያጋጥሙ ችግሮችን ለመፍታት ቅርንጫፉ ከፎረም አባላት ጋር በቅንጅት መስራቱ የሚደነቅ ተግባር መሆኑን ተሳታፊዎች ገልፀዋል፡፡

በሌላ መልኩ ያለ ማስጠንቀቅያ የውሃ ቆጣሪ ማንሳት፣ የፍሳሽ መስመር ሳይገናኝ ነዋሪዎች ወደ ኮንዶሚንየም እንዲገቡ መደረጉ፣ በውሃ መቆራረጥ እና ፈረቃ መዛባት ምክንያት ደንበኞች ለአላስፈላጊ ወጪ መዳረጋቸውን የሚጠቁሙ ሃሳቦች ተንፀባርቀዋል፡፡

የቅርንጫፉ ስራ አስኪያጅ አቶ ሙሉጌታ በበኩላቸው በመድረኩ በውስንነት የተነሱ ሀሳቦችን ተቀብለው እንደሚያስተካክሉ ጥንካሬዎችን ደግሞ ለማስቀጠል እንደሚሰሩ ገልፀው ባለፉት 6 ወራት ከፎረም አባላት ለተደረገው ድጋፍና እገዛ ምስጋናቸውን አቅርበዋል፡፡

በቀሪ የስራ ወራት ለውጥ ሊያመጡ የሚችሉ  የውሃና ፍሳሽ ፕሮጀክቶች ላይ በትኩረት ሊሰራ ይገባል  የውሃና ፍሳሽ ባለስልጣን ዋና ስራ አስኪያጅ ኢ/ር ዘሪሁን አባተ።

የካቲት 08/2017 ዓ.ም

በባለስልጠኑ ባለፉት ወራት የተከናወኑ የቁልፍ ስራዎች እና ቀጣይ የስራ አቅጣጫ ላይ ያተኮረ ውይይት  ከባለስልጣኑ ከፕሮሰስ ካውንስ ጋር ተደርጓል።

የባለሥልጣኑ ዋና ስራ አስኪያጅ ኢንጅነር ዘሪሁን አባተ በውይይቱ ማጠቃለያ እንዳሉት በምንሰጠው አገልግሎት ላይ ተጨባጭ ለውጥ የሚያመጣ የውሃና ፍሳሽ ስራዎችን አጠናክሮ በመቀጠል የህብረተሰቡን ጥያቄ መመለስ ቅድሚያ መስጠት መሰራት አለበት ብለዋል።

ዋና ስራአስኪያጁ  በመደበኛ ስራዎች እና በኮሪደር ልማት ስራዎች የታየው  ውጤት ላይ ያተኮረ ትብብርም  ተጠናክሮ ሊቀጥል እንደሚገባ አመላክተዋል።

በመድረኩ  በንፁህ መጠጥ ውሃ ምርትና አቅርቦት ፣ ጥራትና  ስርጭት ብሎም የውሃ ብክነት ቅነሳ ላይ ትልቅ ስራ መሰራቱ ተጠቅሷል።
በተመሳሳይ በፍሳሽ ዘርፍም ትልልቅ ፕሮጀክቶችን ወደ ስራ ከማስገባት ጀምሮ የመሰረተ ልማት ተደራሽነቱ ላይ ይበል የሚያስብል ስራ መሰራቱም በሪፖርቱ ታይቷል።

በተጨማሪም በወረቀት አልባ የቴክኖሎጂ አሰራር፣ በስራ ዕድል ፈጠራ፣ በቅንጅታዊ አሰራር፣ ማህበራዊ ሃላፊነትን በመወጣት፣ ዘመናዊ የጥሪ ማዕከል ግንባታ እና የደንበኛ መረጃ አያያዝን በማዘመን ጉልህ ለውጥ መታየቱ ተጠቁሟል።

ከ25,000 በላይ አዳዲስ አባ እና እማወራዎች የዘመናዊ ፍሳሽ አገልግሎት ተጠቃሚ ሆነዋል፡፡

የካቲት 7/ 2017 (AAWSA)

የአዲስ አበባ ውሃና ፍሳሽ ባለስልጣን በበጀት ዓመቱ 6 ወራት ለ25,478 አበወራዎች የፍሳሽ መስመር ቅጥያ በማከናወን ዘመናዊ የፍሳሽ አገልግሎት ተጠቃሚነትን ማረጋገጡ ተገለፀ፣

በመንፈቅ-ዓመቱ ለ14,385 አባወራዎች የፍሳሽ መስመር ለመቀጠል ታቅዶ ለ25,478 አባወራዎች ቅጥያ በማከናወን የፍሳሽ መስመር አገልግሎት ተጠቃሚ እንዲሆኑ ተደርጓል፡፡

በ2017 የመጀመርያው ግማሽ ዓመት የተከናወነው የፍሳሽ መስመር ቅጥያ ከዓምናው ተመሳሳይ ወቅት ጋር ሲነፃፀር በ15,860 ብልጫ አሳይቷል፡፡

ቅርንጫፍ እየሰራ ያለው ስራ የሚበረታታ መሆኑ ተገለጸ።

የካቲት 06, 2017ዓ.ም (AAWSA)

የባለስልጣኑ ለሚኩራ ቅ/ጽ/ቤት በባለስልጣኑ የተሰሩ መሰረተ-ልማቶችን ለፎረም አመራሮች እና የፕሮሰስ ከውንስል አባላት አስጎበኘ፡፡

ጉብኝቱ ተሳታፊ የፎረም አመራሮች የመስክ ምልከታው የነበረባቸውን ብዥታዎች ያጠሩበት እና የተቋሙን ሰራተኞች ድካም የተረዱበት መሆኑን ገልፀው ስራው ተጠናክሮ መቀጠል አለበት ብለዋል።

የቅርንጫፉ ስራ አስኪያጅ አቶ ሙሉጌታ በበኩላቸው የውሃና ፍሳሽ አገልግሎቶች እና መሰረተ-ልማቶችን ከተያዘላቸው ጊዜ ቀድሞ በማጠናቀቅ ወደ አገልግሎት ለማስገባት በቅንጅት እና በቁርጠኝነት እየተሰራ መሆኑን ገልፀዋል፡፡

አቶ ሙሉጌታ አክለውም በአጭር ጊዜ ለመጣው ውጤት የሰራተኛው ትጋት እና የፎረም አመራሩ እገዛ የአንበሳውን ድርሻ እንደሚወጣ ተቁመዋል፡፡

ቅርንጫፉ ችግሮችን ለመፍታት ከባለድርሻ አካላት ጋር በቅንጅት ተናቦ የሚሰራበት ሁኔታ የሚደነቅ ነው ተባለ።

ጥር 25/2017 ዓ.ም(AAWSA)

በባለሥልጣኑ የአዲስከተማ ቅርንጫፍ ጽ/ቤት ከህብረተሰቡ የሚቀርቡ ቅሬታዎችን እና የሚያጋጥሙ ችግሮችን ከባለድርሻ አካላት ጋር ተናቦ በቅንጅት የሚሰራበት ሁኔታ የሚደነቅ መሆኑን የደንበኞች ፎረም አባላት ተናግረዋል።

ዛሬ ከፎረም አባላት ጋር በተካሔደው ሁለተኛ መደበኛ ጉባኤ የቅርንጫፍ ጽ/ቤቱ የ6 ወራት ዕቅድ አፈጻጸም እና የደንበኞች 6 ወረት ዕቅድ አፈጻጸም ለጉባኤው ቀርቧል።

በዚህም ቅርንጫፍ ጽ/ቤቱ የማንሆል ክዳን እና የቆጣሪ ስርቆትን ከፀጥታ አካላት እና ከደንበኞች ፎረም ጋር በመቀናጀት ያስቀረበትን መንገድ አባላቱ አድንቀዋል።

በተያያዘም ፎረሙ በቴክኖሎጂ እና አዳዲስ ፈጠራዎች ቅርንጫፍ ጽ/ቤቱን የሚያግዝበት መንገድ ይበል የሚያሰኝ መሆኑ ተጠቅሷል።

በጉባኤው ቅርንጫፍ ጽ/ቤቱ በተለይም የውሃ ብክነትን ለመቀነስ እየሰራ ያለውን ስራ የሚያዝገነዝብ ሰነድ ለደንበኞች ቀርቦ ግንዛቤ እንዲወስዱ ተደርጓል።

ቅርንጫፉ ቀልጣፋ አገልግሎት እያቀረበ መሆኑ ተገለፀ

ጥር 24, 2017 AAWSA

የባለስልጣኑ ጉ/ሾላ ቅ /ፅ/ቤት የ2017 ዓ.ም የመጀመሪያው ግማሽ ዓመት እቅድ አፈፃፀም ለደንበኞች ፎረም ቀረቦ ወይይት ተደረገበት::

የመድረኩ አባላት ለተቋሙ ስራተኞች የስራ ትጋት እና ትነሳሽነት እውቅና የሰጡበት፣ በኮሪደር ልማት የተቋረጠን የውሃ መስመር በአጠረ ጊዜ ወደ አገልግሎት መመለሱን፣ የውሃ ብክነት የማስቀረት ጥረትን እንዲሁም የፎረሙ አባላት ተገልጋዩን ወክለው ለሚያቀርቡት ጥቆማ ፈጣን ምላሽ መሰጠቱ የሚደነቅ እንደሆነ በውይይቱ ተገልፀል::

በሌላ መልኩ ፍትሃዊ የውሃ ስርጭት አለመስፈኑ፣ የውሃ ቆጣሪ ከማንሳት ይልቅ ሌላ አይነት የቅጣት አማራጭ እንዲኖር የሚጠቁሙ ሃሳቦች ተሰንዝርዋል ::

በተጨማሪ በከተማዋ ጥግጋት የሚኖሩ ለልማት ቦታቸውን የለቀቁ አርሶ-አደሮች የውሃ መስመር ለመዘርጋት የተገባላቸው ቃል እንዲፈፀም፣ መኖርያ እና ድርጅታቸው በተመሳሳይ ቦታ የሆነ ደንበኞች የተለያየ የውሃ ቆጣሪ ማስገባት እንዲፈቀድ እንዲሁም ሆን ብለው ፈረቃ የሚያዛቡ ሰራተኞች ላይ ክትትል እንዲደረግ ጠይቀዋል::

የቅ/ፅ/ቤቱ ስራ አስኪያጅ አቶ ፀጋዬ በበኩላቸው ሰፋፊ የኮሪደር እና መደበኛ ስራዎች እየተከናኑ ባለበት ጊዜ የገልግሎት አሰጣጡ ያልተጓደለው በሰራተኛው ትጋት እና የፎረም አባላት ደጋፍ እንደሆነ ገልፅው ተቀራርቦ መስራቱ መቀጠል እንዳለበት አሳስበዋል::

አቶ ጸጋዬ አክለውም በፎረም አባላት የተሰጡ አሰተያየቶች አቅም በፈቀደ ልክ ለመፍታት እንደሚሰራ አመላክተዋል።

የውሃ መስመር ስብራቱ ጥገና ተጠናቋል።

ጥር 24/2017 ዓ.ም(AAWSA)

ከጀልሜዳ ወደ 3ኛ ፖሊስ ቀድሞ ዋ/መ/ቤት ውሃ ማስተላለፊያ 500ሚ.ሜ ዋና መስመር በባለስልጣኑ ባለሙያዎች ርብርብ ጥገናው ተጠናቋል።

የመንገድ ስራ ምክንያት የተሰበረው ይህ መስመር ሰፋ ያሉ አካባቢዎች ውሃ የሚሰጥ ነው።

የውሃ ማስተላለፊያው የቀድሞ ዋ/መ/ቤት የሚገኘውን ማጠራቀሚያ ውሃ ካስገባ እና ጋኑ ከሞላ በኋላ ወደ ተለያዩ አካባቢዎች ውሃ የሚያሰራጭ ነው።

በአሁኑ ሰዓትም ጥገናው አልቆ ወደ ማጠራቀሚያው ውሃ እየገባ ያለ ሲሆን እንደ ሞላ መደበኛ ስርጭት የሚጀምር ይሆናል።

የውሃ መሰረተ ልማት ላይ ጉዳት ሲደርስ በርካታ አካባቢዎች ፈረቃ የሚረብሽ በመሆኑ ቁፋሮ የሚያደርጉ አካላት ለውሃም መስመሮችከፍተኛ ጥንቃቄ እንዲያደርጉ ባለስልጣኑ ጥሪውን ያስተላልፋል

የባለስልጣኑ መገናኛ ቅርንጫፍ የበጀት አመቱን ሁለተኛውን የፎረም ጉባኤ አካሂዷል።

በፎረሙ ቅርንጫፉ በውሃና ፍሳሽ ዘርፍ ያከናወናቸው ዋና ዋና ተግባራት ለአባላቱ ቀርቦ ውይይት ተደርጎበታል

የኮሪደር ልማት ስራ ከመደበኛ ስራ ጋር በማጣጣም አገልግሎልት አሰጣጥ ላይ ክፍተት ሳይፈጥር እየተሰራ ነው፦ የፎረም አባላት

ጥር 24/2017 (AAWSA)

በባለስልጣኑ የመከኒሳ ቅርንጫፍ የ2017 በጀት ዓመት የመደበኛ በውሃና ፍሳሽ፣ የኮሪደር ልማት ስራ፤ መልካም አስተዳደርና የአገልግሎት አሰጣጥ ዙሪያ ከፎረም አባላት ጋር ተወያይቷል።

በበጀት ዓመቱ አጋማሽ በመደበኛና በኮሪደር ልማት ውጤታማ ስራ ማከናወኑ ተገልጿል። በተጨማሪም ህጋዊ ሰነድ በማቅረብ የውሀ መስመር ቅጥያ ጥያቄ ያቀረቡ አዲስ ደንበኞች በሙሉ ተስተናግዷል ተብሏል።

የፎረም አባላትም የኮሪደር ልማት ስራን ከመደበኛ ስራና አገልግሎት አሰጣጥ ጋር በማጣጣም የሚያስመሰግን ስራ እየተሰራ ነው ያሉ ሲሆን ቅንጅታዊ አሰራር በማጠነከር ቀሪ ያልተፈቱ የማህበረሰቡን ቅሬታዎችን መፍታት ይገባል ብለዋል።

ወ/ሮ ሀዊ አደቾ የቅርንጫፉ ዋና ስራ አስኪያጅ እንደ ባለስልጣን እና ቅርንጫፍ ጽ/ቤት የውሀ እጥረቱን ለመቅረፍ የረጅም፣ የመካከለኛ እና የአጭር ጊዜ እቅድ ተንደፎ ተግባረዊ እየተደረገ ይገኛል ብለዋል።

የተቆፈሩ ጉድጓዶችን ወደ ስራ ማስገባት፣ ቫልቮችን መጨመር፣ የፖምፕ ተከላ እና ሌሎች ቀሪ ስራዎች ማጠናቀቅ በአጭር ጊዜ ታቅደው የማህበረሰቡን ቅሬታ ለመፍታት እየተሰሩ ነው ብለዋል።

እንኳን አደረሳችሁ !

ባለስልጣኑ የእቅዱን 104 % ገቢ ሰብስቧል፡፡


በባለስልጣኑ የደንበኞች አገልግሎት ዘርፍ የግማሽ ዓመት ዕቅድ አፈፃፀሙን ገምግሟል፡፡


ጥር 8/2017 ዓ.ም (AAWSA)


የባለስልጣኑ ደንበኞች አገልግሎት ዘርፍ በቁልፍ ስራዎች፣ በደንበኞች አገልግሎት አሰጣጥ እና ገቢ አሠባሰብ ላይ ትኩረት በማድረግ የ2017 በጀት ዓመት የስድስት ወራት ዕቅድ አፈፃፀምን ገምግሟል፡፡


ባለፉት ስድስት ወራት ባለስልጣኑ 2 ቢሊየን 579 ሚሊየን 593 ሺህ 720 ብር ለመሰብሰብ አቅዶ ከ2.68 ቢሊየን ብር በላይ በመሰብሰብ የዕቅዱን 104 በመቶ ሰብስቧል፡፡


ከዚህም ባሻገር በዘርፉ የደንበኞች መረጃ አያያዝን ከማዘመን እንዲሁም የወረቀት አልባ ቴክኖሎጂ አሠራርን ከማጎልበት አንፃር የተከናወኑ ተግባራት እንዲሁም የጥሪ ማዕከል አገልግሎት ቀርቦ ውይይት ተደርጎበታል፡፡


በዘርፉ በ6 በግማሽ አመት በኮሪደር ልማት ስራ አዲስ የቆጣሪ ቅጥያ እና ማዛወሪያ ስራዎች በስፋት ተከናውኗል፡፡ በዚህም 14 ሺህ 208 የኮንዶምኒየም ቅጥያ፣ 4 ሺህ 196 መደበኛ ቅጥያ፣ 5 ሺህ 817 ማዛወሪያ፣ 54 የውሃ ቦኖዎች ሲሰሩ ፍሳሽን ከማንሳት አንፃር በ32 ሺህ 378 ምልልስ ፍሳሽ ቆሻሻ በተሸከርካሪ ተነስቶ መወገዱ ተገልጿል፡፡
በውይይቱ ዘርፉ በግማሽ በጀት አመት ካቀዳቸው ስራዎች አብዛኛው በጥሩ አፈጻጸም ላይ እንደሚገኝ ተገምግሟል፡፡

የአዲስ አበባ ውሃና ፍሳሽ ባለስልጣን ከነገ በስቲያ ለሚከበረው የጥምቀት በዓል ባህረ ጥምቀት የውሃ ሙሌት ስራ እያጠናቀቀ ነው

ጥር 8/2017 (AAWSA)

ባለስልጣኑ በዓሉ በሚከናወንባቸው 64 ቦታዎች ያለ ምንም የውሃ እጥረት እንዲከበር በመስመር እና በቦቴ ተሽከርካሪ በመታገዝ የውሃ ሙሌት እያከናወነ ይገኛል።

ባለሥልጣኑ በአቶ ይመር መሀመድ ድንገተኛ ህልፈት የተሰማውን ጥልቅ ሀዘን ይገልፃል።

አቶ ይመር መሀመድ በባለስልጣኑ የጉርድሾላ ቅርንጫፍ ጽ/ቤት ላለፉት 11 ዓመታት በህዝብ ክንፍ የውሃ ደንበኞች ፎረም ሰብሳቢ በመሆን ለበላሥልጣኑ ደንበኞች የግንዛቤ ማስጨበጫ ስራዎችን ከመስራት እና የደንበኞችን ቅሬታ ወደ ባለሥልጣኑ እንዲመጣ እና እንዲፈታ ከማድረግ ባለፈ በግል ሙያቸው ትልቅ እገዛን ሲያደርጉ ቆይተዋል።

አቶ ይመር ባለሥልጣን መ/ቤቱ ከደንበኞች ጋር ተቀራርቦ እና ተናቦ እንዲሰራ ያላለሰለሰ ጥረት አድርገዋል።

አቶ ይመር መሀመድ ጥር 6 ቀን 2017 ዓ.ም በድንገት ከዚህ ዓለም ድካም አርፈዋል። በዚህም ባለሥልጣን መ/ቤቱ የተሰማውን ጥልቅ ሀዘን እየገለፀ ለቤተሰቦቻቸው እና ወዳጅ ዘመዶቻቸው መጽናናትን ይመኛል።

ዘመናዊ የፍሳሽ አወጋገድ ስርዓት ለዘመናዊ ከተማ

ባለስልጣኑ ከ219 ሺህ ብር በላይ የሚገመት የትምህርት መርጃ መሳሪያ ድጋፍ አደረገ።

ጥር 8/2017 ዓ.ም(AAWSA)

የአዲስ አበባ ውሃና ፍሳሽ ባለስልጣን በኩራ ጂዳ ክፍለ ከተማ ለጨቢ አንደኛ ደረጃ ት/ቤት 219 ሺ 720 ብር የሚገመት የመመማሪያ ቁሳቁስ ድጋፍ አድርጓል፡፡

በባለሥልጣኑ የስርዓተ ፆታ ዴስክ ሃላፊ ወ/ሪት አልማዝ ኤጄርሳ ባለሥልጣኑ ከፍተኛ የኢኮኖሚ ችግር ያለባቸውን ህፃናት በማሳደግ፣ የአቅመ ደካማ ቤቶችን በማደስ ብሎም የተለያዩ በጎ ተግባራት ላይ በመሳተፈ ማህበራዊ ሃላፊነትቱን እየተወጣ እንደሚገኝ አንስተው በተለያየ ጊዜ በወረዳው ስር ለሚገኙ ተማሪዎች የትምህርት መርጃ መሳሪያዎች ድጋፍ ሲያደርግ መቆየቱን ገልጸዋል።

ባለስልጣኑ የነገ ሀገር ተረካቢ ትውልድ ላይ ትኩረት ሰጥቶ ማህበራዊ ኃላፊነቱን እየተወጣ እንደሚገኝ የገለፁት ዴስክ ኃላፊዋ ባለስልጣኑ ከፍተኛ በጀትና ሀብት በማውጣት የሚያከናውናቸውን የልማት ስራዎችን ማህበረሰቡ እንደ እራሱ ሀብት መመልከትና በባለቤትነት እንዲጠብቅ ሲሉ መልዕክታቸውን አስተላልፈዋል፡፡

የክፍለ ከተማው የትምህርት ቢሮ ኋላፊ አቶ ገነነ ደምሴ ባለስልጣኑ በተለያዩ ጊዜያት እያደረገ ላለው ድጋፍ ምስጋናቸውን በመግለጽ የተደረገው ድጋፍ ሃለፊነት የሚሰማው ትውልድ ለመፍጠር ለሚደረገው ስራ ትልቅ አቅም የሚሆን ሲሆን በቀጣይ ጊዜም ባለስልጣኑ የሚያደረገውን ማህበራዊ ኃላፊነት የመወጣት ተግባር አጠናክሮ እንዲቀጥል ጥሪ አቅርበዋል።

የቦሌ አራብሳ ፍሳሽ ባለስልጣን ፍሳሽ ማጣሪያ ጣቢያ ምርቃት በፎቶ

ባለስልጣኑ 600 በላይ ዝቅተኛ ደሞዝ ተከፋይ ለሆኑ ሰራተኞቱ ድጋፍ አድርጓል።

ታህሳስ 28/2017 ዓ.ም(AAWSA)

የአዲስ አበባ ውሃና ፍሳሽ ባለስልጣን በማእድ ማጋራት መረሀ ግብር ደሞዛቸው ዝቅተኛ ለሆኑ 639 ሰራተኞች የበዓል መዋያ ከ1.2 ሚሊዮን ብር በላይ ድጋፍ አድርጓል።

የባለስልጣኑ ማኔጅመንት ለሰራተኞቹ በሙሉ መልካም የገና በአል እንዲሆን እየተመኘ፤ ለተቋሙ ሁለንተናዊ ለውጥ ከላይ እስከታች ያለው መዋቅር ተናቦና እና ተቀናጅቶ በመስራቱ የመጣ በመሆኑ ተጠናክሮ መቀጠል አለበት ተብሏል።

ከንቲባ አዳነች አቤቤ ሰሞኑን የተከሰተው ርዕደ መሬት አስመልክቶ ከአዲስ አበባ ዩኒቨርሺቲ ምሁራን ጋር ተወያዩ።

ታህሳስ 27/2017 (AAWSA)

ሰሞኑን በተለያዩ የሃገራችን ክፍሎች ስለተከሰተው የመሬት መንቀጥቀጥ እና ንዝረት እንዲሁም አጠቃላይ ስርጭቱን በተመለከተ ከአዲስ አበባ ዩኒቨርሲቲ የጂኦፊዚክስ፣ ስፔስ ሳይንስና አስትሮኖሚ ተቋም እንዲሁም ከጂኦሎጂካል ሰርቬይ ከመጡ ምሁራን ጋር መወያየታቸውን ከንቲባ አዳነች አቤቤ ገለጹ።

ክብርት ከንቲባ በማህበራዊ ትስስር ገጻቸው እንዳስቀመጡት ምሁራኑ በጉዳዩ ላይ ጥናቶችን አቅርበው ውይይት አድርገዋል።

ጥናቶቹ እንደሚያሳዩት በአሁኑ ሰዓት በአፋር እና አካባቢው እያጋጠመን ካለዉ የመሬት መንቀጥቀጥ የተነሳ በአዲስ አበባ የመሬት ንዝረት እያጋጠመ መሆኑን ገልፀው ፤ ንዝረቱ ሲያጋጥም መደናገጥ እና መረበሽ ሳያስፈልግ በባለሙያዎች የሚሰጡት ምክር በመከታተል መረጋጋት እንደሚገባ ምሁራኑ አስረድተዋል ።

እንዲያም ሆኖ አዲስ አበባ ወደፊት ተጋላጭነት ያላት በመሆኑ የሚቻለውን ጥንቃቄ ከወዲሁ ለማድረግ እንዲያስችል ለአንዳንድ ቅድመ ጥንቃቄ የሚረዱ ጥናቶችን ለማድረግ የባለሙያዎች ግብረ ሃይል በማደራጀት በጋራ ለመስራት ከስምምነት መደረሱን አስረድተዋል::

የአዲስ አበባ ውሃና ፍሳሽ ባለስልጣን ስፖርት ቡድንም በ2017 የኢሰማኮ የበጋ ውድድር በተለያዩ ውድድሮች ይሳተፋል፡፡

ታህሳስ 27/2017 ዓ.ም (AAWSA)

የኢትዮጵያ ሰራተኛ ማህበር ኮንፈዴሬሽን ( ኢሰማኮ) ከ30 በላይ የስፖርት ማህበራት በማሳተፍ የዘንድሮውን የበጋ የስፖርት ውድድር ዛሬ በይፋ አስጀምራል፡፡

የኢሰማኮ ፕሬዝዳንት አቶ ካሳሁን ፎሎ በመክፈቻው ስነስረዓት ላይ ስፖርት ለሰላምና ለፍቅር፣ የእርስ በርስ ትስስርን ለማጠናከር እና ልምድ ለመለዋወጥ ትልቅ ሚና አለው በማለት የዚህ ስፖርት ተወዳዳሪዎችም በዚሁ መንፈስ ጀምረው እንደሚጨርሱ ያላቸውን እምነት ገልጸዋል፡፡

የባለስልጣኑ የስፖርት ቡድንም በዘንድሮው የበጋ ውድድር እግር ኳስ ወንዶች ፣ መረብ ኳስ ፣ አትሌቲክስ እና ገመድ ጉተታ ደግሞ በሁለቱም ፆታ ይወዳደራል፡፡

ዛሬ በመክፈቻ መረሀ ግብሩ ላይ የባለስልጣኑ የስፖርት ቡድን አባላት በሁለቱም ጾታ በተካሄደው ሩጫ እና በገመድ ጉተታ ተሳትፈዋል፡፡
-----------------------------------------------------
ነጻ የስልክ መስመር 906

ባለስልጣኑ ለአረንጓዴ ልማት ስራ ከፍሳሽ ማጣሪያ ጣቢያዎች በቀን ከ100 በላይ የተለያዩ የመንግስት እና የግል የውሃ ቦቴ ተሸከርካሪዎች አገልግሎት እየሰጠ ነው፡፡

ታህሳስ 18/2017 ዓ.ም (AAWSA)

የአዲስ አበባ ውሃና ፍሳሽ ባለስልጣን ባሉት የፍሳሽ ማጣሪያ ጣቢያዎች በመጠቀም በቀን 120 ሺህ ሜትር ኪዩብ በላይ ፍሳሽ እያጣራ ያስወግዳል ፤እንዲሁም መልሶ ለተለያዩ አገልግሎቶች ይጠቀማል፡፡

በአሁኑ ሰዓትም ከቃሊቲ ፣ መካኒሳ ቆጣሪ ፣ቡልቡላ ፣ ቂሊንጦ፣ ደግነት፣ አራብሳ 2B እና ካራ ቆሬ የፍሳሽ ማጣሪያ ጣቢያዎች በቀን 16ሺኅ ሊትር የሚጭኑ 102 የቦቴ ተሸከርካሪዎች ለአረንጓዴ ልማት የሚውል ውሃ አገልግሎት ተጠቃሚ ሆነዋል፡፡

እስካሁን በቋሚነት አገልግሎቱን የራቸውን ቦቴ በማሰማራት ተጠቃሚ የሆኑት ከ20 በላይ የመንግስት እና የግል ድርጅቶች ናቸው፡፡

ከማጣሪያ ጣቢያ የሚወጣው ፍሳሽ ለአረንጓዴ ልማት ፣ ለግብርና ፣ ለመኪና እጥበት እና ለግንባታ አገልግሎት እንደሚያገለግል ይታወቃል፡፡

ሌሎች መሰል አገልግሎት ውሃ የምትፈልጉ ደንበኞችም በተጠቀሱት ማጣሪያ ጣቢያዎች በራችሁ ቦቴ ተሸከርካሪ በመውሰድ መጠቀም የምትችሉ መሆኑን ባለስልጣኑ ያሳውቃል፡፡

------------------------------------------------
ነጻ የስልክ መስመር 906

በባለስልጣኑ እየተሰሩ ያሉ ስራዎች ተጠናክረው እና በመረጃ ዳብረው መቀጠል እንዳለባቸው ተመላከተ፡፡

ታህሳስ 17/2017 ዓ.ም (AAWSA)

በአዲስ አበባ ከንቲባ ጽ/ቤት የተጠሪ ተቋማት ክትትል ዘርፍ ቡድን ዛሬ የባለስልጣኑ የተግባር ምእራፍ የስራ አፈጻጸም የክትትልና ድጋፍ አድርጓል፡፡

ቡድኑ ፦ የዝግጅት ምእራፍ ፣ የKPI ግቦችን ከማሳካት አኳያ፣ከአገልግሎት አሰጣጥ እና መልካም አስተዳደር ስራዎች፣ በፋይናንስ እና ንብረት አያያዥ፣ ሌብነት እና ብልሹ አሰራር ከመከላከል ፣ የመረጃ ተደራሽነትን ከማስፋት እና ከፕሮጀክት አፈጻጸም አንጻር በተግባር ምእራፍ የተሰሩ ስራዎችን ተመልክተዋል፡፡

በበክትትል እና ድጋፉ በባለስልጣኑ የተለያዩ የስራ ክፍሎች በርካታ አበረታች ስራዎች መሰራታቸውን መመልከታቸውን የገለጹት አባላቱ ፤ አንድ አንድ ከመረጃ አያያዥ ጋር ተያይዞ ያለው ክፍተት ለቀጣይ መታረም እንዳለበት አመላክተዋል፡፡

ጠንካራ ጎኖችን ይበልጥ በማጠናከር ክፍተቶችን ደግሞ በአጭር ጊዜ በመፍታት ባለስልጣኑ ተወዳዳሪ መሆን እንደሚገባው ነው አባቱ ያሳሰቡት፡፡

የተቋሙ ዋና ስራ አስኪያጅ ኢ/ር ዘሪሁን አባተ በክትትል እና ድጋፉ የተሰጡ ግብረ መልሶችን በመውሰድ በተሻለ ለመስራት ጥረት እናደርጋለን ብለዋል ፡፡
----------------------------------------------------------------------------

ነጻ የስልክ መስመር 906

ለተጨማሪ መረጃ ከታች ያሉ ሊንኮችን ይጫኑ

Facebook:-

https://www.facebook.com/.../Addis-Ababa.../100080091460989/

ለምስራቅ ተፋሰስ ፍሳሽ ማጣሪያ ጣቢያ የሚያገለግል የመስመር ዝርጋታ ፕሮጀክት ከ70 ኪሎ ሜትር በላይ ተዘርግቷል፡፡

ታህሳስ 17/2017 ዓ.ም (AAWSA)

የካ ፣ ቦሌ እና ለሚ ኩራ ክፍለከተሞችን ተጠቃሚ የሚያደርግ የፍሳሽ መሰረተ ልማት አካል የሆነው የምስራቅ ተፋሰስ ከባድ፣ መካከለኛ እና መለስተኛ መስመር ዝርጋታ ፕሮጀክት በጥሩ ሁኔታ የተካሄደ ነው፡፡

ፕሮጀክቱ በአጠቃላይ የ216 ኪሎ ሜትር መስመር ዝርጋታ በመያዝ በተለያዩ ሎቶች ተከፋፍሎ እየተሰራ ሲሆን የ2 አመት ከመንፈቅ የመስመር ዝርጋታ ጊዜ ተይዞለታል ፡፡

እስካሁንም 150 እስከ 1800 ሚሊ ሜትር ዲያሜትር ስፋት ያላቸው 70 ኪሎ ሜትር መስመር ተዘርግቷል።

መስመሮቹ ከተዘሠጉባቸው አካባቢ መገናኛ ማራቶን ሞተርስ፣ 24 አካባቢ፣ ዊንድው አፍሪካ፣ ኤርፖርት ፣ ቦሌ ሆምስ፣ ወረ ገኑ፣ አፍሪካ ኮንቬንሽን ሴንተር ፣ ሲ ኤም ሲ አደባባይ ፣ ፍየል ቤት እና ሰሚት 72 ይገኙበታል።

------------------------------------

ለማንኛውም ጥቆማ እና አስተያየት ነጻ የስልክ መስመር 906 ይደውሉ

ለተጨማሪ መረጃ ከታች ያሉ ሊንኮችን ይጫኑ

Facebook:-

https://www.facebook.com/.../Addis-Ababa.../100080091460989/
Telegram:-

https://t.me/+s8W7g6eJ2Xw5OWNk
Twitter:-

https://x.com/ababa5045/
YouTube:-

https://studio.youtube.com/.../UC4fIZ63NHF.../editing/images
Tiktok

https://www.tiktok.com/@aawsa1893?_t=8nexHvY9kSD&_r=1
whatsapp_

ውሃ ከየት ይገኛል ?

ታህሳስ 14/2017 ዓ.ም(AAWSA)

ጠቅላይ ሚኒስትር ዐቢይ አሕመድ ባለፉት ስድስት ዓመታት ውስጥ ለሁለተኛ ጊዜ ወደ ኢትዮጵያ ለጉብኝት የመጡትን የፈረንሳይ ፕሬዝዳንት ኢማኑኤል ማክሮንን ተቀብለዋል። ፕሬዝዳንቱ በ2011 ዓመተ ምህረት በነበራቸው ጉብኝት ለላሊበላ ውቅር አብያተ ክርስቲያናት የእድሳት ሥራ ድጋፍ እንደሚሰጡ አሳውቀው ነበር።

ክቡር ጠቅላይ ሚኒስትር በቅርቡ በታደሰው ብሔራዊ ቤተመንግሥት ክቡር ፕሬዝዳንቱን የተቀበሉ ሲሆን ቤተመንግሥቱንም ተዘዋውረው ጎብኝተዋል።

በሁለትዮሽ ውይይታቸው ወቅት ጠቅላይ ሚኒስትር ዐቢይ አሕመድ ፈረንሳይ ለብዙ ዘመናት ተዘንግቶ ለቆየው የብሔራዊ ቤተመንግሥት እድሳት ላደረገችው የእድሳት ድጋፍ አመስግነዋል። ፕሬዝዳንት ማክሮን በበኩላቸው አስደማሚውን የቤተመንግሥት እድሳት አድንቀው በአድዋ መታሰቢያ ግንባታ እንደታየው የኢትዮጵያን ታሪክ እና ባሕል ለማክበር የተደረገውን ጥረት ክብር ሰጥተዋል።

መሪዎቹ ሰፊ መጠነ ርዕይ ባላቸው የሁለትዮሽ እና ባለብዙ ወገን ጉዳዮች ላይ ውይይት ያደረጉ ሲሆን በኢንቬስትመንት፣ ባሕል እና ትምህርት ትብብር ለማጠናከር ተስማምተዋል።

የኢትዮጵያን የባሕር በር ጥያቄ በተመለከተም ረጅም ዘመን ለቆየው መሻት ዘላቂ መፍትሔ ለማስገኘት ሁለቱ ወገኖች በጋራ ለመስራት ያላቸውን ቁርጠኝነት ገልፀዋል።

ጠቅላይ ሚኒስትር ዐቢይ አሕመድ እና ፕሬዝዳንት ኢማኑኤል ማክሮን የነበራቸውን ውሎ የጋራ ፍላጎታቸውን የትብብር ቁልፍ ጉዳዮች የተመለከተ በሰጡት የጋራ ጋዜጣዊ መግለጫ አጠናቀዋል

አዲስ አበባ ኮሙኒኬሽን ቢሮ

ሌት ተቀን መስራትን ባህል አድርገናል !

ክፍት የስራ ማስታወቂያ

ለስራ ፈላጊዎች በሙሉ

ከሰኞ መስከረም 23/2017 ዓ.ም ጀምሮ በኦላይን መመዝገብ ትችላላችሁ

The World Bank Group's Country Director for Ethiopia, Eritrea, Sudan and South Sudan, Maryam Salim, visited the Kality Sewage Treatment Plant.

Nov.29/2024/ AAWSA

በአለም ባንክ ግሩፕ የኢትዮጵያ፣ ኤርትሪያ ፣ ሱዳን እና ደቡብ ሱዳን ካንትሪ ዳይሬክተር ሜሪያም ሳሊም የተመራ ልኡክ የቃሊቲ ፍሳሽ ማጣሪያ ጣቢያ ጎበኙ።

ህዳር 20/2017 ዓ.ም (AAWSA)

ጉብኝቱ በአለም ባንክ የገንዘብ ድጋፍ ከዚህ ቀደም ተሰረተው አገልግሎት እየሰጡ ያሉ ኘሮጀክቶች ያሉበትን ደረጃ ምልከታ ማድረግ ሲሆን ማጣሪያ ጣቢያውን ጨምሮ የላቡራቶሪ፣ በራስ አቅም የተሰራ ኤሌክትሮ ሜካኒካል ወርክሾፕም ጎብኝተዋል።

በአለም ባንክ ግሩፕ የምስራቅ እና ደቡብ አፍርካ ሀገራት ዳሬክተሯ ሜሪየም ሳሊም ማጣሪያ ጣቢያው ግዙፍ እና ውሃና ፍሳሽ ባለስልጣን ማስተዳደሩን ጥሩ አድርጎ እንደያዘው በማየታቸው በጣም መደሰታቸውን ተናግረዋል

አክለውም ይህ አዲስ አበባ ላይ አገልግሎት እየሰጠ ያለው ግዙፍ ማጣሪያ ጣቢያ ለሌሎች ክልሎች ከተሞች ምሳሌ መሆን የሚችል መሆኑንም ገልጸዋል።

ፍሳሽ ሰብስቦ ማጣራት ለአካባቢ ጥበቃ እና የህብረተሰቡን ጤና ከመጠበቅ ባሻገር ተጣርቶ የሚወገደው ለግብርና እና መሰል ተግባራት ላይ በመዋል ከፍተኛ ጥቅም ይሰጣል ብለዋል።

የባለስልጣኑ ዋና ስራ አስኪያጅ ኢ/ር ዘሪሁን አባተ ለልኡኩ አጠቃላይ በባለስልጣኑ እየተሰሩ ያሉ እና በአለም ባንክ ድጋፍ እየተሰሩ ያሉ ስራዎች አሁናዊ ደረጃ አቅርበዋል።

የዓለም የመፀዳጃ ቤት ቀን አስመልክቶ የተዘጋጀ ፕሬስ ሪሊዝ

ህዳር9 /2017 ዓ.ም

«መፀዳጃ ቤት ለሰላም ቦታ»

የአለም የመፀዳጃ ቤት ቀን በየአመቱ እ.ኤ.አ ህዳር 19 ይከበራል።

በዓለም ለ11ኛ ጊዜ የሚከበረው የዓለም የመፀዳጃ ቤት ቀን «መፀዳጃ ቤት ለሰላም ቦታ» በሚል መሪ ቃል እየተከበረ ይገኛል፡፡ መሪ ቃሉ ዘላቂ ንጽህና ለጤናማ እና የተረጋጋ ማህበረሰብ እጅግ አስፈላጊ መሆኑን ያሳያል፡፡

በዓለም አቀፍ ደረጃ ከ3.5 ቢሊዮን በላይ ሰዎች ደህንነቱ የተጠበቀ መፀዳጃ ቤት ሳያገኙ እንደሚኖሩ መረጃዎች ያሳያል፡፡ በዓለም አቀፍ ደረጃ ዘላቂ የልማት ግቦች ተብለው ከተቀመጡት ውስጥ እ.ኤ.አ በ2030 ውሃና ንፅህና ለሁሉም ማዳረስ አንዱ ግብ ሆኖ ተቀምጧል፡፡

በመሆኑም እኤአ ከ2013 ጀምሮ የዓለም የመፀዳጃ ቤት ቀን የተባበሩት መንግስታት ድርጅት አመታዊ በዓል ሆኖ በተለያዩ የግንዛቤ ማስጨበጫ ስራዎች እየተከበረ ይገኛል።

የአዲስ አበባ ውሃና ፍሳሽ ባለሥልጣንም በዘመናዊ ፍሳሽ አወጋገድ ስርዓት እና የፍሻስ መሰረተ ልማት ጠቀሜታና ለፍሳሽ መሰረተ ልማት ሊደረግ በሚገቡ ጥንቃቄዎች ዙሪያ ግንዛቤ ማስጨበጫ ስራዎችን በመስራት ያከብራል፡፡

ባለስልጣኑ ከተማዋ ዘመናዊ የፍሳሽ አወጋገድ ስርዓት ይገባታል በሚል ጠንካራ አቋም ዘመናዊ የፍሳሽ ጣቢያዎች ግንባታ፤ ዘመናዊ ፍሳሽ መስመር ዝርጋታ እና ደንበኞችን ዘመናዊ የፍሻሽ መስመር ተጠቃሚ የማድረግ ስራዎችን በማከናወን ከተማዋ በሚመጥን ልክ ዘመናዊ፣ ጤናማ፣ ለነዋሪዎቿ ምቹ የማድረግ ሂደት እያፋጠነ ይገኛል ፡፡

ባለስልጣኑ ባለፉት ዓመታት በሰራቸው በርካታ የፍሳሽ ማጣሪያ ጣቢያ ግንባታ፤ የከፍተኛ እና መለስተኛ ፍሳሽ መስመር ዝርጋታ እና የፍሳሽ አወጋገድ ስርዓቱን ሊያዘምኑ የሚችሉ ኘሮጀክቶችን ሲሰራ ቆይቷል፡፡

ለአብነትም፡-

-43 ዘመናዊ የፍሰሽ ማጣሪያ ጣቢያዎችን ተገንብቷል

-139 ከፍተኛ እና 1,631 መለስተኛ የፍሳሽ መስመር በጠቅላላው 1,770 የከፍተኛ እና የመለስተኛ የፍሻሽ መስመር ዝርጋ ስራዎች ተከናውናኗል፡፡

-የከተማዋን ነዋሪ ዘመናዊ የፍሻስ አወጋገድ ስርዓት ተጠቃሚ በማድረግ ሂደት 272,339 ደንበኞችን የዘመናዊ የፍሳሽ አወጋገድ ስርዓት ተጠቃሚ ተደርጓል፡፡

ይሁንና አዲስ አበባ በማያቋርጥ ፈጣን እድገት ውስጥ የምትገኝ ከተማ መሆኗን ተከትሎ ባለስልጣኑ በቀጣይ የኮሪደር ልማት በሚሰሩባቸው አካባቢዎች፣ በጋራ መኖሪያ ቤቶች እና በተለያዩ የከተማዋ አካባቢዎች ዘመናዊ የፍሳሽ አወጋገድ ስርዓት ተጠቃሚ ለማድረግ የፍሳሽ ፍኖተ ካርታውን በሶስት ተፋሰሶች ማለትም በምስራቅ ተፋሰስ፤ በቦሌ አራብሳ እና በኮዬ ፍቼ ተፋሰሶች በመክፈል እየሰራ ይገኛል፡፡

በተጨማሪም በደቡብ አቃቂ ተፋሰስ ፍኖተ ካርታው እና አስፈላጊው ዝግጅት ተጠናቆ ወደ ተግባር ለመግባት በእንቅስቃሴ ላይ ይገኛል፡፡

ዘመናዊ የፍሳሽ አወጋድ ስርዓት ተጠቃሚ በመሆን የከተማችን ፅዳትና ውበት ይጠብቃል፤ በመንገዶች ላይ ፍሳሽ እንዳይወጣ ይከላከላል፤ ከሽንት ቤት መሙላትና መገንፈል ያድናል፤ ከተለያዩ በሽታዎች እንጠበቃል፤ ከተማችንን ጽዱ እና ለነዋራቿ ምቹ የማድረግ ሂደት እናፋጥናለን፡፡

በመሆኑም ዘመናዊ የፍሳሽ መሰረተ ልማት በተዘረጋባቸው አካባቢዎች ቅጥያ በማሰራት ሁሉም ማህበረሰብ የዘመናዊ ፍሳሽ አወጋገድ ስርዓት ተጠቃሚ እንዲሆን ባለስልጣኑ ጥሪውን ያስተላልፋል ። ከዚህም ባሻገር የፍሳሽ መሰረተ ልማት የጋራ ሀብታችን በመሆኑ ባዕድ ነገሮችን ባለመጨመር እንዲሁም ከስርቆትና ህገ-ወጥ ተግባራት ሊጠብቅ ይገባል ፡፡

በውሃ ስርጭት ላይ የሚነሱ ችግሮችን ለይቶ መፍታት እንደሚገባ ተገለጸ፡፡

ህዳር 7/2017 ዓ.ም (AAWSA)

የአዲስ አበባ ውሃና ፍሳሽ ባለስልጣን ዋና ስራ አስኪያጅ ኢንጅነር ዘሪሁን አባተ ከሌብነት እና ብልሹ አሰራር የጸዳ ሰራተኛ በማፍራት የተሳለጠ አገልግሎት መስጠት እንደሚገባ የመጀመሪያ ሩብ አመት ግምገማ ላይ አስገንዝበዋል፡፡

ኢ/ር ዘሪሁን በተደጋጋሚ እየተነሳ ያለው የውሃ ስርጭት ችግር ከአቅርቦት እና ፋላጎት አለመጣጣም ባሻገር ያለውን ሰው ሰራሽ ችግሮች ከስርመሰረቱ በመፈተሽ የእርምት እርምጃ መውሰድ በቀጣይ በትኩረት የምንሰራበት መሆን አለበት ብለዋል፡፡

በግምገማው ወቅት በተቋሙ እየታየ ያለው የመተባበር እና ስራን በቶሎ የመጨረስ ባህል በጥንካሬ የሚታይ እና ቀጣይነት ያለው መሆኑን እንዳለበት ተገልጸዋል፡፡

ሁሉም የተሰጠውን ሀላፊነት በአግባቡ ከተወጣ ተቋማዊ ስኬት ማስመዝገብ እንደሚቻል በማመን እራስን ሰጥቶ መስራት ያስፈልጋል ተብሏል፡፡

ዛሬ በተካሄደው የበጀት አመቱ የመጀመሪያው ሩብ አመት ፕሮሰስ ካውንስል ግምገማ ላይ በውሃ፣ በፍሳሽ፣ በሃብትና በደንበኞች ዘርፍ የተከናወኑ ተግባራት እቅድ አፈጻጸም በጠንካራ እና በደካማ ጎን የታዩ ጉዳዮች በዝርዝር ቀርቦ ሰፊ ውይይት ተደርጎባቸዋል ፡፡

------------------------------------------------
ለተጨማሪ መረጃ
ነጻ የስልክ መስመር---- 906
Facebook:-
https://www.facebook.com/.../Addis-Ababa.../100080091460989/

YouTube:-
https://studio.youtube.com/.../UC4fIZ63NHF.../editing/images
Tiktok
https://www.tiktok.com/@aawsa1893?_t=8nexHvY9kSD&_r=1

የመልካም አስተዳደር ዕቅዶችን በመተግበር አገልግሎት አሰጣጡን ለማሻሻል እንደሚሰራ ተገለፀ

ህዳር 6/2017 ዓ.ም(AAWSA)

በአዲስ አበባ ውሃና ፍሳሽ ባለስልጣን የጉርድ ሾላ ቅርንጫፍ ጽ/ቤት የመልካም አስተዳደር ዕቅዶችን በትኩረት በመፈጸም በቅርንጫፉ እየተገለገሉ ለሚገኙ 79 ሺህ 447 ደንበኞች የተሻለ አገልግሎት ለመስጠት እየሰራ መሆኑ ተገልጿል ።

ሀሳቡ የተንፀባረቀው ቅርንጫፋ በዛሬው ዕለት የበጀት ዓመቱን 1ኛ ዙር የደንበኞች ፎረም ውይይት ባደረገበት ወቅት ነው ።

በውይይቱ የቅርንጫፉ የ3 ወር ዕቅድ አፈፃፀም እና የደንበኞች ፎረም ዕቅድ ቀርቦ ውይይት የተደረገበት ሲሆን የአብዛኛው ዕቅድ ክንውን በጥሩ ሁኔታ መፈፀሙ እንዲሁም ሠራተኞች ከላይ እስከ ታች ተናበው እየሰሩ መሆኑ የሚበረታታ መሆኑ በተሰብሳቢዎች ተነስቷል ፡ ፡

በሌላ መልኩ የህዝብ ብዛት ባለባቸው አካባቢዎች ተጨማሪ የውሃ ቦኖ ቢስጠን፣ የውሃ ችግር ያለባቸው አካባቢዎች ትኩረት ቢሰጣቸው ፣ ፍሳሽ በተሽከርካሪ ማንሳት ወረፋው ቢያጥርልን ፣ የመኪና እጥበት አገልግሎት የውሃ ስርጭቱን እንዳያዛባ ጥንቃቄ ቢደረግ ፣ በተለያዩ አካባቢዎች ድፍርስ ውሃ ይመጣል የሚሉ ሀሳቦች ቀርበዋል ።

የተነሱ ሀሳቦች በመደበኛ እና በመልካም አስተዳደር ዕቅድ መሠረት ምላሽ ያገኛሉ ያሉት የቅርንጫፉ ዋና ስራ አስኪያጅ አቶ ፀጋዬ መገርሳ በቀጣይም አገልግሎት አሰጣጡን ለማሻሻል ሠራተኞችን ፣ የፎረም አባላትን እና ደንበኞችን በማስተባበር የደንበኞችን እርካታ ለማሳደግ በትኩረት እንደሚሰሩ ገልፀዋል።

ከተማዋ ዘመናዊ የፍሳሽ አወጋገድ ስርዓት ይገባታል !

ህዳር 6/2017 ዓም (AAWSA)

የአዲስ አበባ ውሃና ፍሳሽ ባለስልጣንም የፍሳሽ ፍኖተ ካርታውን በሶስት ተፋሰሶች በመክፈል እየሰራ ይገኛል፡፡

ከሶስቱ መካከል የምስራቅ ተፋሰስ አካል የሆነው የከባድ መስመር ዝርጋታ እንደቀጠለ ነው፡፡

በተለምዶ 72 ተብሎ በሚጠራ አካባቢ ባለ 1000 ሚሊሜትር ዲያሜትር ስፋት ያለው ከባድ የፍሳሽ መስመር ዝርጋታ ስራ እየተከናወነ ነው

አቅም በፈቀደው ልክ ህብረተሰቡ የሚያነሳው ቅሬታ መፍትሄ መስጠት ወሳኝ መሆኑ ተገለጸ

ዛሬ የመሰረተ ልማት እና ማዘጋጃቤታዊ ጉዳዮች ቋሚ ኮሚቴ አመራር እና አባላት የባለስልጣኑን የሶስት ወር የስራ አፈጻጸም ገምግሟል፡፡

ሀዳር 5/2017 ዓ.ም (AAWSA)

የባለስልጣኑ ዋና ስራ አስኪያጅ ኢ/ር ዘሪሁን አባተ በመደበኛ እና በፕሮጀክት ተቀርጸው የተከናወኑ ዋና ዋና የውሃና ፍሳሽ ስራዎች ለቋሚ ኮሚቴው አቅርበዋል፡፡

ቋሚ ኮሚቴ አባላቱ ተቋሙ በየጊዜው እያሳየ ያለው ለውጥ የሚበረታታ መሆኑን ገልጸው ውሃ በፍታዊነት ከማሰራጨት፣ የፍሳሽ በየቦታው የመገንፈል፣ የውሃ ጥራት፣ የሰራተኛው ስነምግባር፣ ቅንጅታዊ አሰራር ላይ ያሉ ክፍተቶች መፍትሔ ሊሰጠው እንደሚገባ አንስተዋል።

አባላቱ ከዚህ ቀደም ከፍተኛ ሮሮ የሚነሳባቸው አካባቢዎች ከፍተኛ መሻሻል እንዳለ ተነስቷል።

የውሃ እጥረቱ ከአቅርቦት እና ፍላጎት አለመጣጣም የመጣ ክፍተት የፈጠረው እና ከፍተኛ የውጭ ምንዛሪ የሚጠይቅ በመሆኑ ተጠንተው የተጠናቀቁ የግድብ ፕሮጀክቶች መስራት እንዳልተቻለ በዋና ስራ አስኪያጁ ለቋሚ ኮሚቴ ተብራርቷል።

የቋሚ ኮሚቴ አባላቱ ተቋሙ የህብረተሰቡን ቅሬታ ሆነ ጥቆማ የሚቀበልበትን የጥሪ ማእከል እና የውስጥ አሰራር ወረቀት አልባ ለማድረግ የተዘረጋውን የአግሬሶ ሲስተም ጎብኝተዋል።

የቋሚ ኮሚቴ ሰብሳቢ ዶ/ር ግዛቸው አይካ በተቋሙ እየተሰራ ያለ ስራ እንዳለ ሆኖ ከፍታዊ የውሃ ስርጭት ጨምሮ በአባላቱ የተነሱ ክፍተቶች ተጠቃሚው ህብረተሰብ ጥያቄ በወሆኑ አቅም በፈቀደ ልክ መቅረፍ ይገባል ብለዋል።

ከተቋሙ አቅም በላይ የሆኑ ጉዳዮች ወደ ማእከል በመውሰድ እንዲፈታ ጥረት ይደረጋል ብለዋል።

ባለስልጣኑ 42.46 ኪ.ሜ የከፍተኛ እና የመለስተኛ የውኃ መስመር ዘርግቷል


ህዳር 3/2017 ዓ.ም(AAWSA)


የአዲስ አበባ ውኃና ፍሳሽ ባለስልጣን በ2017ዓ.ም የመጀመሪያው ሩብ ዓመት20 ኪሎ ሜትር ለመዘረጋት አቅዶ በተለያዩ አካባቢዎች 42.46 ኪ.ሜ የከፍተኛና የመለስተኛ የውኃ መስመር ዝርጋታ ስራ አከናውኗል፡፡


ለዕቅድ አፈፃፀሙ ከፍ ማለት በዋናነት ስርጭትን ለማሻሻል የተዘረጉ እንዲሁም በጋራ መኖሪያ ቤቶች በስፋት የመለስተኛ የውሃ መስመር ዝርጋታ በመከናወኑ መሆኑ ተገልጿል፡፡


በዘንድሮው የበጀት አመት የመጀመሪያው ሩብ አመት የተከናወነው የከፍተኛና የመለስተኛ የውሃ መስመር ዝርጋታ ከአምናው ተመሳሳይ ወቅት ጋር ሲነጻጸር 19.22 ኪ.ሜ ብልጫ እንዳለው ተገልጿል፡፡

ባለስልጣኑ በከተማ ደረጃ እየተሰራ ያለውን ኮሪደርና በወንዝ ዳርቻ ልማት በውሃና ፍሳሽ ስራዎች መልካም ስራ እየሰራ መሆኑን ደንበኞች ገለጹ ፡፡

AAWSA - ህዳር 3/2017 ዓ.ም

በባለሥልጣኑ የጉለሌ ቅርንጫፍ ጽ/ቤት ባለፉት ሦስት ወራት የመደበኛ የዕቅድ ስራዎችን ጨምሮ በመልካም አስተዳደር እና አገልግሎት አሰጣጥ እንዲሁም በኮሪደር እና በወንዝ ዳርቻ ልማት የሰራውን ስራ ለፎረም አባላት አቅርቦ ውይይት ተደርጎበታል፡፡

ቅርንጫፉ ከመደበኛ ስራች በተጓዳኝ ልማቱን ተከትሎ በሚዘረጉ የውሃና ፍሳሽ ስራዎች ላይ ሌት ተቀን በመስራት ጥሩ ውጤት እያስመዘገበ መሆኑ የሚበረታታ መሆኑን የፎረም አባላት ገልጸዋል ፡፡

አባላቱ ቅርንጫፍ ጽ/ቤቱ በመጀመሪያው ሩብ አመት ያስመዘገበው አፈጻጸም የላቀ መሆኑን ጠቁመው ከሌሎች ተቋማት ጋር ተናቦ የሰራት ባህል በመዳበሩም የሚበረታታ ነው ሲሉ ገልጸዋል፡፡

በመጀመሪያው ዙር የኮሪደር ልማት በውሃና ፍሳሽ ስራዎች የታየውን የትብብር መንፈስ በሁለተኛውም ተጠናክሮ እንደሚቀጥል ተገለጸ፡፡

ጥቅምት 25/2/2017 ዓ.ም (AAWSA)

በአዲስ አበባ ውሃ እና ፍሳሽ ባለስልጣን መገናኛ የቅርንጫፉ ሰራተኞች እንደ ተቋም የተሰጠንን ሀላፊነት ለመወጣት በቁርጠኝነት እንደሚሰሩ ገልጸዋል፡፡

የቀርንጫፉ ስራ አስኪያጅ አቶ ደበሬ ቱጆ በአንደኛው ዙር ከፍተኛ ተሳትፎ ያደረጉ ሰራተኞችን በማመስገን ሁለተኛ ምእራፍ ከዚህ ቀደም የተገኘውን ተሞክሮ በመጠቀም በላቀ ትጋት መፈጸም ይገባል ብለዋል፡፡

አቶ ደበሬ አክለውም እንደከዚህ በፊቱ ጊዜን፣ ወጪን እና ጥራትን ባማከለ እና ከባለድርሻ አካላት ጋር በተናበበ መልኩ ውጤታማ ስራ መስራት እንሚገባ አስገንዝበዋል፡፡

በቅርንጫፉ በዚሁ ስራ የተሳተፉ ሶስተኛ ወገን ማክበራትን እና የቅርንጫፉ ሰራተኞች እውቅና ተሰጥቷል፡፡

ቅርንጫፉ ከፎረም አባላት ለሚቀርቡለት ጥቆማዎች ፈጣን ምላሽ እየሰጠ መሆኑ ተገለፀ

ጥቅምት 23/2017 ዓ.ም (AAWSA)

በአዲስ አበባ ውሃና ፍሳሽ ባለስልጣን የንፋስ ስልክ ቅርንጫፍ ጽ/ቤት የ2017 በጀት ዓመት የመጀመሪያ ዙር የደንበኞች ፎረም ውይይት አካሂዷል።

በውይይቱ የቅርንጫፉ ዕቅድ አፈፃፀም ጥሩ መሆኑ የተገለፀ ሲሆን ሪፖርቱ በወቅቱ ለፎረም ውይይት መቅረቡ ፣ ፈጣን ምላሽ የሚሰጡና ተነሳሽነት ያላቸው ባለሙያዎች መኖራቸው ፣ ውሃ ሲፈስ በምንሰጠው ጥቆማ መሠረት ፈጣን ጥገና እየተደረገ መሆኑ፣ ለትምህርት ቤቶች ከፈረቃ በተጨማሪ በውሃ ቦቴ ውሃ በነፃ መሠጠቱ የሚሉት በጥንካሬ የተነሱ አስተያየቶች ናቸዉ።

በሌላ መልኩ የውሃ እጥረት አለ ፣ የሚቀየር መስመር ላይ ብክለት እያጋጠመ ነው ፣ አንዳንድ ቦታ ላይ የሚፈስ ውሃ ቶሎ ቢጠገን ፣ የውሃ ስርጭት መዛባት አለ፣ ህገወጥ ቅጥያ አለ፣ ፍሳሽ ከመስመር ውጪ ገንፍሎ መንገድ ላይ ይፈሳል የሚሉ ጥያቄዎች እና አስተያየቶች ቀርበዋል።

የቅርጫፉ ም/ስራ አስኪያጅ ወ/ሮ መርከብ እና ሌሎች የስራ ኃላፊዎች በሰጡት ምላሽ በተለይ እየታየ ያለውን የውሃ እጥረት ለመቅረፍ በኪስ ቦታዎች የውሃ ጉድጓድ እየተቆፈሩ ተጨማሪ ውሃ እየገባ መሆኑን ፣ በከተማ ደረጃ ችግሩን ሊቀፍ የሚችሉ ፕሮጀክቶች ለመስራት መታቀዱን እና ከጃፓኑ ጃይካ ጋር በስርጭት ላይ የሚባክን ውሃን ለመቀነስ እየተሰራ መሆኑ ተገልጿል።

በተጨማሪም ከውሃ ብክነት ፣ ፍሳሽን በመስመር ማስወገድ ላይ የማንሆል ስርቆትና መንገድ ላይ የፍሳሽ መፍሰስን ጨምሮ ከደንበኞች ፎረም የተነሱ ጥያቄዎች እና አስተያየቶች በጋራ እና በቅንጅት ትኩረት ሰጥተን እንሰራለን ብለዋል ፡፡
-------------------------------------------------------
ለተጨማሪ መረጃ
(906)

ቅርንጫፉ ከ4,700 ሜ.ኪዩብ በላይ ውኃ ከብክነት አድኗል

ጥቅምት 22/2017 ዓ.ም(AAWSA)

በባለስልጣኑ የኮልፌ ቅርንጫፍ ጽ/ቤት በ2017ዓ.ም የመጀመሪያ ሩብ ዓመት የውኃ ብክነት ምርምራ፣ ቁጥጥር፣ ጥገና እና በአዲስ የመቀየር ስራዎች በመሠራት ከ4,700 ሜ.ኩ በላይ ውሃ ከብክነት አድኗል።

በመንግስት እና በደንበኛ መስመር ላይ በጥቆማ በግልጽ የሚታዩ 765 የመስመር ስብራት እንዲሁም በብክነት መቆጣጠሪያ መሳሪያ በመታገዝ በአይን የማይታዩ 17 መስመሮችን በመጠገን 4,086ሜ.ኩ ውሃ ማዳን ችሏል።

ገንዘብ የማይሰበሰብበት የውሃ ብክነት ቅነሳ በሚመለከት በሩብ ዓመቱ ቅርንጫፉ ቆጣሪ በማንሳት በመመርመር፤ በመተንተን እና ለብዙ ዓመታት ያለገሉ ቆጣሪዎችን በአዲስ በመቀየር ገንዘብ የማይሰበሰብበትን የኮሜርሻል የውኃ ብክነት መጠን የመቀነስ ስራዎች አከናውነዋል፡፡

ከዚሁ ጋር ተያይዞ በደንበኞች ጥያቄ እና በተለያዩ ምክንያት የተነሱ 216 ቆጣሪዎችን እና 3,850 አዲስ የውሃ ቆጣሪዎችን የመመርመርና የመተንተን ስራ የተከናወነ ሲሆን ከ20 ዓመት በላይ ያገለገሉ 56 ያህል ቆጣሪዎችን በመቀየር 665 ሜ.ኩ ውሃ ማዳን ተችሏል፡፡

በአጠቃላይ ቅርንጫፉ ባለፍት ሶስት ወራት የፊዚካልና ኮሜርሻል የውሃ ብክነት ቅነሳ ሰራዎች በማከናወን 4,752 ሜትር ኪዮብ ውሃ ከብክነት አድኗል።

ከ7600 በላይ አዳዲስ ደንበኞች የውሃ ተጠቃሚ ተደርጓል

ጥቅምት 21/2017ዓ.ም(AAWSA)

የአዲስ አበባ ውኃና ፍሳሽ ባለስልጣን በ2017ዓ.ም የመጀመሪያ ሩብ ዓመት ቅድመ ሁኔታዎችን አሟልተው ጥያቄ ላቀረቡ በከተማው የተለያዩ አካባቢዎች ያሉ 1,547 ያህል አዲስ ደንበኞች ፣በጋራ መኖሪያ ቤቶች፣ በሪል እስቴትና በግለሰቦች እየተገነቡ ላሉ ነዋሪዎች ለሚገቡባቸው ቤቶች ለ6,079 ደንበኞች የውኃ መስመር ቅጥያ በመፈጸም የውሃ ተጠቃሚ ተደርጓል፡፡      

ከዚሁ ጋር ተያይዞ ጥያቄ ለሚያቀርቡ በቁጥር 31 ያህል ነባር ደንበኞች የውኃ መስመር ማሻሻያ የተደረገ ሲሆን ጥያቄ ላቀርቡ ለ2,393 ያህል ነባር ደንበኞች የውኃ መስመር ማዛወሪያም ተፈፅሟል፡፡

በተጨማሪም በአመቱ ውስጥ ለ20 ያህል በተለያዩ አካባቢዎች ለሚገኙ ነዋሪዎችን የቦኖ ውሃ መስመር ቅጥያ በራስ ኃይል በመፈጸም የውሃ ተጠቃሚ ለማድረግ ታቅዶ በሩብ ዓመቱ ለ13 ያህል ደንበኞች የውሃ ቦኖ መስመር ቅጥያ በማከናወን ከ300 በላይ የሚሆኑ ነዋሪዎችን ተጠቃሚ ማድረግ ተችሏል፡፡

ባለስልጣኑ የፍሳሽ ቆሻሻ አወጋገድ ስርዓቱን ለማዘመን የመስመር ዝርጋታና ቅጥያ ስራዎች እየተከናወነ ነው፡፡

ጥቅምት 19/2017 (AAWSA)

በ2017 በጀት ዓመት የመጀመሪያው ሩብ ዓመት 122.87 ኪሎ ሜትር የፍሳሽ መስመር ጥናት እና ዲዛይን በመስራት የ9.71 ኪ.ሜ የፍሳሽ መስመር ዝርጋታ አከናውኗል፡፡

ዘመናዊ ፍሳሽ አወጋገድ ስርዓቱን ለማስወገድ ከሚሰራው መሰረተ ልማት ማስፋፋት ጎን ለጎን የቤት ለቤት ተጠቃሚዎችን ቁጥር ከፍ ለማድረግ እና ወደ ማጣሪያ ጣቢያ የሚገባውን ፍሳሽ ለማሳደግ ለ2,710 አባወራዎች የፍሳሽ ቅጥያ ፈጽሟል፡፡

የፍሳሽ መረብ ደህንነትን ለማረጋገጥም በቁጥር 7,280 የፍሳሽ መስመር ቅጥያዎችን መከታተልና 31 የፍሳሽ መስመር ጥገና ማድረግ ተችሏል፡፡

የፍሳሽ መስመር ክትትል፣ የማንሆል ጥገና እና የተዘጉ መስመሮችን የመክፈት ስራዎችም በሩብ ዓመቱ የተከናወኑ ተግባራት ናቸው፡፡

ባለስልጣኑ ከ9.9 ሚሊየን ሜትር ኩብ በላይ ፍሳሽ ቆሻሻን አጣርቶ አስወገደ።

ጥቅምት 18/2017 ዓ.ም(AAWSA)

የአዲስ አበባ ውሃና ፍሳሽ ባለስልጣን በ2017 የመጀመሪያ ሩብ ዓመት 9.73 ሚሊየን ሜትር ኩብ ፍሳሽ ቆሻሻን በመስመር በማሰባሰብና አጣርቶ በማስወገድ የዕቅዱን 90 በመቶ አሳክቷል፡፡

በሌላ መልኩ በድርጅቱ እና በግል ፍሳሽ ማንሻ ተሽከርካሪዎች 190 ሺህ ሜትር ኪዩብ ፍሳሽ በማንሳት ደረጃውን ጠብቆ እንዲጣራ እና እንዲወገድ ለማድረግ ዕቅድ ተይዞ የዕቅዱን 64 በመቶ ማንሳካት ተችሏል፡፡

በሩብ አመቱ በአጠቃላይ 9.92 ሚሊየን ሜ.ኩብ ፍሳሽ ቆሻሻ በመስመር እና በተሸከርካሪ ተሰባስቦ አስፈላጊውን የማጣራት ሂደት አልፎ ተወግዷል፡፡

በቀጣይም የከተማዋን የፍሳሽ አወጋገድ ስርዓት ለማዘመን የፍሳሽ ቆሻሻ ማጣሪያ ጣቢያዎች ግንባታ እንዲሁም የፍሳሽ መስመር ዝርጋታና ቅጥያ ስራዎች በመከናወን ላይ ናቸው፡፡

ቅርንጫፉ ብልሹ አሠራርና ሌብነትን ለመታገል እየሰራ ያለው ስራ የሚበረታታ ነው ሲሉ የፎረም አባላት ገለጹ።

አባላቱ አገልግሎት አሰጣጡ ላይ የሚሰተዋሉ ችግሮችን ለመፍታት ቅርንጫፉ የሚያደርገው ጥረት ለማገዝ የድርሻቸውን እንደሚወጡ ተናግረዋል።

AAWSA - ጥቅምት 16 /2017 ዓ.ም

ባለሥልጣኑ የመገናኛና ቅርንጫፍ ጽ/ቤት የበጀት ዓመቱን የመጀመሪያ የፎረም ጉባኤ ዛሬ አካሂዷል።

በውይይቱ የቅርንጫፍ ጽ/ቤቱ የሦስት ወራት ዕቅድ አፈጻጸም እንዲሁም የኮሪደርና የመልካም አስተዳደር ዕቅድ አፈጻጸም እና የፎረሙ የስራ እንቅስቃሴ የቀረበ ሲሆን በተለይም ቅርንጫፍ ጽ/ቤቱ ባለፉት ሦስት ወራት የላቀ አፈጻጸም እንደነበረው ለማወቅ ተችሏል። ለዚህም የኮሪደር ስራ እና የጫካ ፕሮጀክት ትልቅ ሚና እንደነበራቸው ተመላክቷል።

አባላቱ ቅርንጫፍ ጽ/ቤቱ ብልሹ አሠራርና ሌብነትን ለመታገል የመልካም አስተዳደር ዕቅድ ነድፎ እና ተግብሮ ያመጣውን ውጤት አድንቀው፤ ለዚህም በጋራ እንደሚሰሩ እና እንደሚታገሉ ገልጸዋል።

በተጨማሪ የንብረት አያያዝና የመሠረተ ልማት ጥበቃን ለማጠናከር የተሰራውን ስራ አበረታተዋል።

ፈረቃን አለመጠበቅ፣ የውሃ መቆራረጥ ችግር በተለይ የካ ወረዳ 3 በተደጋጋሚ መኖሩ፣ የባለሙያዎች ስልክ ያለማንሳት ችግር እና ውሃ ፈሶ ሲደወል ቶሎ መጥቶ የመጠገን ዳተኝነት በአባላቱ የተነሱ ጥያቄዎች ሲሆኑ በባለሙያዎች ምላሽ ተሰጥቶባቸዋል።

በዕለቱ የቅርንጫፉ ስራ አስኪያጅ አቶ ደበሬ ቱጅ ህጋዊ ባልሆነ መንገድ ውሃ የሚያቀርቡ፣ ቆጣሪ የሚገጥመው እና ህገ-ወጥ ቅጥያ የሚፈጽሙ አካላትን በጋራ መመከት እንደሚገባ መልዕክት አስተላልፈዋል።

ባለስልጣኑ በብክነት ቅነሳ ስራ ላይ እየሰሩ ካሉ ኮንትራክተሮች እና አማካሪዎች ጋር ተወያየ።

ጥቅምት 15/2017 ዓ.ም(AAWSA)

በአለም ባንክ ድጋፍ እየተሰራ ያለው ይህ የብክነት ቅነሳ ፕሮጀክት ከተጀመረ ጀምሮ ምን ውጤት እንዳመጣ እና የገጠሙ ችግሮች ላይ ከባለስልጣኑ አመራሮች ጋር ተወያይተዋል።

በኮንትራቱ በተመረጡ ቦታዎች DMA ፍተሻ ስራ፣ የውሃ ብክነት ቅነሳ፣ የቆጣሪ ቅየራ ፣ የመስመር ዝርጋታ እና ሌሎችም ስራዎች ያካትታል።


በውይይቱም ኮንትራቱ በተያዘለት የጊዜ ገደብ በሚጠበቀው ውጤት እንዲጠናቀቅ በትግበራ ወቅት እየገጠሙ ያሉ ችግሮችን እየፈቱ መሄድ እንደሚያስፈልግ ተገልጿል።

በመድረኩ እስካሁን የተሰሩ ስራዎች እና ቀሪ ተግባራት ላይ ሰፊ ውይይት ተደርጓል።

ማስታወቂያ
ለሚመለከታችሁ ክፍለ ከተሞች እና ወረዳዎች በሙሉ

በባለስልጣኑ መገናኛ ቅርንጫፍ የቦሌ ቡልቡላ እና አካባቢው ነዋሪዎች የፍሳሽ በመስመር ተጠቃሚ ለማድረግ ሰፊ ስራ እየሰራ ነው ።

ስራው የጨፌ ፍሳሽ ማጣሪያ ጣቢያ በሙሉ አቅሙ እንዲሰራም እና ገቢ ፍሳሽ እንዲጨምር ትልቅ አስተዋጽኦ ያበረክታል ።

ጥቅምት 13/2017 ዓ.ም(AAWSA)

ቅርንጫፉ በውል ኮንትራት ምክኒያት ስራው እየተቆራረጠ ችግር ሆኖ የነበረውን የፍሳሽ መሰረተ ልማት ወደ ስራ ለማስገባት የአጭር ጊዜ እቅድ በማውጣት ወደ ስራ በመግባት የሚበረታታ ስራ ሰርቷል።

የተከናወኑ ተግባራትም የ61 ኪሎ ሜትር የፍሳሽ መስመር ክትትል፣ የ903 ማንሆል ማጽዳት ፣164 ክፍት ማንሆል የመዝጋት ስራ፣ 160 የዘጋ መስመር የመክፈት ስራ ተሰርቷል።

ከዚህም በተጨማሪ ህገወጥ ስራዎችን የመለየት፣ ያልተገናኘ መስመር የማገናኘት ፣ የማንሆል ከፍታ የማስተካከል ስራ ተከናውኗል።

የቅርንጫፉ ስራ አስኪያጅ በአፈጻጸም ሪፖርት ውይይት ላይ እንደገለጹት ስራዎቹ ሶስት መህበራት እና 12 የፍሳሽ ንኡስ የስራ ሂደት ሰራተኞች ብቻ በማሳተፍ ከሶስት ወር ባነሰ ጊዜ ማጠናቀቅ መቻሉን ገልጸው፤ የተሰራው ስራ የስራ ባህላችንን በከፍተኛ ደረጃ መሻሻሉን ያሳየ ነው ብለዋል።

መስረተ ልማቱ የተዘረጋባቸው አካባቢ ነዋሪዎችም ቅጥያ በማሰራት የዘመናዊ ፍሳሽ አወጋገድ ስርዓት ተጠቃሚ እንዲሆኑ ስራ አስኪያጁ ጥሪ ቀርቧል።