ZHANNUR

Бүгінгі дұға:

“Уа, есепсіз нығметтердің Иесі болған Алла тағалам! Жүрек көзімді Өзіңнің құдірет бақшаларыңды тамашалаушы ете гөр! Ерік-жігерімді Өзіңнің жомарттығыңа бағынышты ете гөр! Уа, жүрегімді нұрландырушы, қалауымның түпкі мақсаты болған Раббым! Әрдайым өзіңнің жолыңда қызмет етуімді әрі Өзіңнің разылығыңды іздеуші болуымды нәсіп ете гөр!”

Оқуға жеңіл, мағынасы терең
ТОП 4 кітап 👇

1️⃣ “Полианна” — бізге қарапайым өмірден бақыт таба алуды үйретеді. Әлемді жарық әрі әдемі екенін көрсететін шығарма. Кітап негізі балалар әдебиетіне жатады. Сондықтан болар, тілі жеңіл. Бірақ роман ересек адамның жүрегіне де із қалдырмай қоймайды.

2️⃣ “Саңлақ сахабалар”
Автор Алау Әділбаев әр сахабаны өзінің ең сүйікті сахабасындай әсерлі сипаттаған. Олардың өмірін түрлі оқиғалар арқылы жеткізген. Сондықтан роман оқып отырғандай боласыз. Бірнеше рет көзге жас алған, рухани өсірген кітап болды. Бұл кітапты жылына бір рет оқып тұру керек деп түйдім.

3️⃣ “Ай мен Айша”
Қазақ әдебиетіндегі шоқтығы биік шығармалардың бірі деп білемін. Романның атауының өзі де ерекше мәнге ие. “Ай” – таза, жарық, ерекше бір биікте тұратын Ана бейнесін білдіреді.

Ал “Айша” – 1930-1945 ашаршылық пен соғыс жылдары қоғамды бүтіндей ұстап қалған батыр да, дана әйелдер бейнесі. Автор анасының бейнесі Айша арқылы қазақ жұртының даналығын, кеңдігін сипаттағандай.

Таңғалдырып, көзге жас үйіргені: заман тауқыметіне қарамастан халықтың хақ жолдан таймағаны, бір-біріне деген құрметі, әйелдің ер азаматына деген құрметі, ана мен баланың керемет қарым-қатынасы.

4️⃣ “Махаббаттың қырық қағидасы” Кітаптың басты тақырыбы – махаббат. Нағыз махаббатты Алла Тағалаға деген махаббат деп, иләһи, рухани бір сезім ретінде көрсете білген. Шамс Тебризи жинақтаған “махаббаттың қырық қағидасы” – адамды Алланың асыл жаратылысы деп қарауға үйретті. Тіпті адамды ғана емес, әр жаратылысты Алланың теңдессіз туындысы, қолтаңбасы деп бағалауға шақырды. Сол арқылы Аллаға жақындайтынымызды түсіндіргендей.

💞 Аталмыш 4 кітапты 3 айда кітап клубымен оқып бітірдік. Әр кітапты оқып болған соң, талдайтын орта маңызды екен. Сіздерге де бізбен бірге ілесіп оқуға шын жүректен кеңес беремін 🫶

https://t.me/zhannur_talasbayeva

Егер өзің мелтектеп тойып отырып, аш адамға бір уыс талқан бергенің – сауап емес, парыз. Ал егер өзің қиналып, жоқ-жітік бола тұра, бір уыс талқанды аш адаммен бөліссең – бұл сауап. Сауап – жауапсыз қалмайды.

©️ Ай мен Айша

Бастаңыздар дегім келеді ✅

Арман-қалауларыңызды іске асыруда белсенді, батылдау болыңыздар. Шешім қабылдарда тәуекел етіңіздер. Жасап көріңіздер. Жасап жүріп нағыз сізге не ұнайтын, ұнамайтыны анықталады. Жасап жүріп бойыңызға Құдай салып берген қабілеттеріңіз шыңдалады. Өмірді толыққанды сүріп жүріп қана Нағыз сіз қалыптасады. Өмір атты тұңғиық ғажапқа сүңги кетіңіздер. Ширатып, мың бояуға бояп, соңында еркелетіп, жүзіңізді нұрландырып, әдемі жағаға өзі сізді алып шығады. Тексерілген👌🏻

©️ Динара Болат

АНЭЛЯ ТЫНЫСБЕК: ТАБИҒИ БАЛА КҮТІМІ ҚАНДАЙ? СӘБИ ЕҢ АЛДЫМЕН НЕГЕ МҰҚТАЖ?

Подкастымызда алғаш рет қонақ боп келген маман Анэля Тынысбек табиғи бала күтімі туралы айтты.

Одан бөлек аудио-подкастта:
🔹 Сәби ең алдымен неге мұқтаж?
🔹 Жөргек, соска зияны
🔹 Босанғаннан кейінгі күтім…
🔹 Жүкті әйел күтімі
🔹 Нәрестенің эмоцияналдық интеллекті және т.б тақырыптар қозғалды...

🎁 Подкасттың соңында тыңдарманға сыйлық бар..

🔗 Сілтемелер: Подкаст YouTube & Podcast платформаларында жарық көрді ✨

Подкастты қолдағыңыз келсе:
💳 (KASPI PAY): https://pay.kaspi.kz/pay/n8tiiucd (Nazik Alem Podcast) немесе 💳 (Каспи): 4400 4302 5918 3686 (Жаннұр Т.)

💞 Алла Тағала ең қайырлы жолда ізгі де пәк сәбилер нәсіп етсін! Әрі оған лайықты түрде күтім жасап, тәрбиелей алуды нәсіп етсе екен!

«Аллаһым, егер тілім дұғамда не қалайтынын білмей тұрса, Сен менің жүрегімдегіні естіші»

«Жеттім деген жығылады,
толдым деген төгіледі»

©️ Ай мен Айша

Мәңгілікке татитын бір әрекет

Зираттың тұсынан өтіп бара жатқанда, Наметкұл арбаны тоқтатып, жерге түсіп, шөкелеп отырып дұға оқыды.

Одан соң бір төмпешіктің түбінде ағарып жатқан жілікті алып, ары-бері үңіле қарап, сынып қалатын шыны құсатып абайлап ұстап, әлгі төмпешіктің бүйіріндегі тесікке тастап, күректей алақандарымен топырақ үйді.

Ол жілік моладан қалай шығып кеткен – ақылым жетпейді. Бірақ енді зират көрсем, Нәметқұл есіме түсетін болды.

Соның алдында ғана, мен туған отыз екінші жылы адамдар көп қырылған деседі. Көбісі көмусіз қалған деседі. Сондай сорлының бірі ме, кім білсін?

Наметқұлдын сол ісі, қураған жілікті аялап күбірлегені, қастерлеп көмгені көз алдымнан кетпейді.

Адам адамның есінде мәңгі қалу үшін үлкен ерліктің керегі жоқ шығар. Мәңгілікке татитын бір әрекет жетіп жатыр…

©️ Шерхан Мұртаза
“Ай мен Айша” кітабынан

«Балаларыңызды бүгіннің білімі мен мәдениетіне лайықтап емес, ертеңнің жағдайына лайықтап тәрбиелеңіз. Өйткені олар бүгін үшін емес, ертең үшін туылды»

©️ Хәзіреті Әли (р.а)

«Ми білімге, жүрек иманға тұнсын. Ақыл мен жүрек некелескен кезде ғана ақиқат, пайдалы нәрселер шығады. Тек ақылмен жеткіліксіз. Тек жүрекпен де жеткіліксіз...»

©️ Мадина Жумадиллаева

«Көңілің қалаған әр нәрсені жей беру – ысырапшылық»

©️ Хадис (Ибн Мажә)

Алла сізге жол ашса,
оны ешкім жаба алмас!

©️ Хз Әбу Бәкір

Қайырлы күн! Психолог, докторант Лаура Тұрсынбекқызымен алғашқы сұқбат жарық көрді ✨

🎙️Аудио-подкаст YouTube және Podcast платформаларында жарияланды 🫶

Бұл подкастта:
🔹 Адамның 4 түрлі күйі;
🔹 Гендерлік дисбаланс;
🔹 Балаға махаббат беру;
🔹 Өмір не үшін берілді?
🔹 Жоғары білім маңызы.. және т.б өзекті мәселелер талданды ⚡️

🎉 YouTube-та подкастқа қатысты комментарий жазған адамның біреуіне Лаура ханым өз жеке консультациясын сыйлайды 🌹

🔗 Подкастқа сілтеме:
YouTube: https://youtu.be/2YfA0bkh3ck
Podcasts: https://pod.fo/e/2689c1

Подкаст тегін. Қолдау үшін: 💳 (Каспи): 4400 4302 5918 3686 (Жаннұр Т.)

🔋 Подкаст пайдаңызға жарасын! Лайым бақытты күйде болайық ✨

Сен жүрген жер жаннат болсын!

Игі жақсылар жаннатқа бармайды. Олар барған жер жаннатқа айналады.

Кішігірім мысал: Сіздің бар болғаныңыз үшін үйдегілер қуанып, жайлылықты сезініп, сізбен емін-еркін диалог құра алса, үміт бар. Ал егер “түү, мынау үйден қашан кетеді?” деген жайсыздық болса, дінді ұстансаңыз да, тым ауыр ұстанасыз деген сөз.

Не істемек керек? Жұмсақ болу керек. Жұмсақ адам – жаннаттың иісін сездіреді.

©️ Мадина Жумадиллаева

Алладан аят түсуіне себепкер болған достық..

Бірде Пайғамбарымызға (с.а.с.) Әбу Һурайра келіп, бірнеше күннен бері аш құрсақ жүргенін айтады.

Осы тұста өзінің ең жақсы көретін құрма бағын Аллаһ жолында бағыштаған Әбу Талха келіп, үйінде бойға қуат боларлықтай азық болмаса да, хазірет Әбу Һурәйраны үйіне қонақ етті.

Әбу Талха әйеліне: “Балаларды ертерек жатқыз. Не бар болса бәрін дастарханға әкел. Шамды білмеген болып өшіріп ал. Қараңғыда кімнің жегені, кімнің жемегені белгілі бола қоймас. Мен де қасығымды қолыма ұстап астан жегендей болып отырайын. Әйтеуір қонағымызды аш түнетпейік”,– дейді. Әйелі күйеуінің айтқанын орындайды. Ештеңеден хабарсыз Әбу Һурәйра осылайша қарнын тойдырады.

Ертесіне екеуі таң намазын оқуға мешітке барып, Алла елшісіне (с.а.с.) ұйып, намаздарын оқиды. Намазды бітірген соң Пайғамбарымыз бұрылып, күлімсіреп “Алла Тағала мына аятты түсіретіндей бұл түнде не істедіңдер?”, – деп сұрайды. Сөйтіп төмендегі аятты оқиды:

“Бұлардан бұрын Мәдинаға қоныстанып жүректеріне иман ұялатқандар қастарына көшіп келіп қоныстаған дін бауырларын сүйеді, оларға берілген нәрселерге көңілдерінде кірбің болмайды. Сондай-ақ өздері таршылықта бола тұра оларды өздерінен артық көреді. Кімде-кім нәпсісінің қалауы мен құмартуларынан аса алса, солар – нағыз құтылушылар. Олардан кейін келгендер: “Ей, Раббымыз, бізді және бізден бұрын иман еткен бауырларымызды кешіре гөр! Иман келтіргендерге жүрегімізде кек ұялатпа! Раббымыз, шүбәсіз Сен тым жұмсақ, ерекше мейірімдісің” – дейді” (Хашыр, 9-10)

Міне, мұһажирлер мен ансарлардың адамды тәнті қылып, өзгелерге үлгі боларлық шынайы достықтары!

©️ Алау Әділбаев
“Саңлақ сахабалар” кітабынан..

Видеть хорошее во всем…

– Мы начали играть, когда в церковных пожертвованиях нам прислали пару детских деревянных костылей.
– Костылей?!
– Да. Понимаешь, я очень хотела куклу, и папа написал об этом в церковный комитет, но ему ответили, что кукол в пожертвованиях не оказалось, а оказались детские костыли, и их прислали нам, потому что они могли пригодиться какому-нибудь увечному ребенку. И тогда мы стали играть.
– Ну, должна открыто сказать, я не вижу никакой игры, что могла бы быть с этим связана, никакой, никакой! - заявила Ненси почти с раздражением.
– А вот есть такая! Игра в том, чтобы во всем всегда находить что-то такое, чему можно радоваться; неважно, что это будет, - продолжила Поллианна серьезно. - И мы начали сразу... прямо с этих костылей.
– Господи помилуй! Я не вижу тут ничего, чему можно радоваться: получить пару костылей, когда хочешь куклу!
Поллианна хлопнула в ладоши.
– А вот можно... можно! - торжествовала она и тут же чистосердечно добавила: – Но я тоже не видела сначала, и папе пришлось мне подсказать.
– Ну, тогда, может быть, ты подскажешь мне? - с гневом почти рявкнула Ненси.
– Да очень просто! Просто радоваться тому, что они тебе... не нужны! - воскликнула Поллианна. - Видишь, это так легко... если знаешь как…

©️ Элинор Портер
“Полианна”

Алланың адам баласына сүю, ұнату, сағыну, күту сияқты нәзік сезімдерді беруі – қандай әсем… Кейде сезімнен асқан әдемілік бар ма деп ойланамын. Сосын сол ең нәзік деген сезімдердің бәрін бір мезетте сезетін адамның жүзі есіме түседі.. Одан асқан қандай сұлулық бар?

Жұбайлар бір-бірін толықтырады ✨

Менде бар қалаулар онда аз болуы мүмкін. Онда бар қалаулар менде аз. Мысалы, мен әртүрлілікті, кенеттен болатын сәттерді (спонтанность) жақсы көремін. Ал жолдасым жүйелілік пен тұрақтылықты жоғары бағалайды.

Осылайша Алла бізді бір-біріміз арқылы толықтыратын сияқты. Өміріміз әрі қызық, әрі жүйелі болуы үшін қосқандай.. ✨

🕯️ Толықтырып қана қоймай, бір-бірінің жанында жүрегі жай табатындай еткен. Санқилы идеядан шаршағанда, жолдасымның жүйелілігіне қарап жүрегім тынышталады. Ал оның терең ойы мен жүйелі әрекеттеріне кейде менің қарапайымдылығым керек боп тұрады.

☪️ «Сендерге Оның (Алланың құдіретін көрсететін) айқын дәлелдерінің бірі – өз болмыстарыңнан жандарың жай тапсын деп, сендер үшін жұбайлар жаратып, араларыңа сүйіспеншілік пен мейірімділік сезімін ұялатты. Расында осыны ақылға салып, ойланатын қауым үшін айқын дәлелдер мен ғибрат бар»

📖 «Рум» сүресі, 21-аят

https://t.me/zhannur_talasbayeva

Қайырлы күн! Кеше белгілі теолог әрі психолог Мадина Жұмадиллаевамен алғашқы сұқбат жарияланды ✨

🎙️Подкаст платформаларында және YouTube-тан тыңдай аласыздар 🙌

Бұл подкастта ең өзекті тақырыптар қозғалды:
🔹 Рух пен Жан
🔹 Тағдыр барда таңдау бар ма?
🔹 Рухты адам болу құпиясы
🔹 Жар таңдаудағы сезімдер
🔹 “Маған бұл ойды Алла салды” деу дұрыс па? және т.б тақырыптар қозғалды ✨

🎉 Подкастты тыңдап, YouTube-комментарий бөліміне түйгенін жазған 3 адамға Мадина ханым «Ғажайып Ми» кітабын сыйға тартады 🎁

🔗 Подкастқа сілтеме:
YouTube: https://youtu.be/qen4zJFafnM?si=JMZ2a3hp_iXaRrwf
Podcasts: https://pod.fo/e/2525fc

Подкаст тегін. Қолдау үшін: 💳 (Каспи): 4400 4302 5918 3686 (Жаннұр Т.)

🔋 Алла Тағала әркез рухымызды биік етіп, салиқалы құлдарынан болуды нәсіп етсін! Әмин! ✨

Қайырлы күн! Керемет аудио-подкаст жарық көрді ✨

🔸 Қонақта: Төребек Бекбаев шәкірті – психосоматолог Әсел Бердоңғарова

Подкастта:
🔹 Бала тәрбиесі
🔹 Бала көтере алмау
🔹 Жүктіліктің балаға әсері
🔹 Балалардың ауруы: Отит, алапес
🔹 Адам – бәрінен биік жаратылыс және т.б тақырыптар талданды

Подкаст ақылы. Құны 1000₸:
💳 (KASPI): https://pay.kaspi.kz/pay/n8tiiucd (Nazik Alem Podcast)

🖇️ Подкастқа YouTube сілтеме: https://youtu.be/-F2hMv8QjVA?si=UgSQ9jacFliUpSU2

🖇️ Podcast Платформаларында:
https://pod.fo/e/250a3f

✨ Дені сау, салиқалы ұрпақтарымыз көп болсын! Әр қыз балаға ана болу, әйел бақыты бұйырсын 🙌