Yurist Konsultant

Endilikda subsidiyaga ariza berilganda agar ariza beruvchining va uning turmush o‘rtog‘ining o‘rtacha oylik daromadlari miqdori belgilangan  me’yorlardan kam bo‘lsa, daromadlar hisob-kitobiga ularning yaqin qarindoshlarining daromadlari ham kiritilishi mumkinligi belgilandi.

@yurist_konsultantuz

SUBSIDIYAGA UY OLMOQCHILAR DIQQAT QILING!

Ipoteka krediti boʻyicha subsidiya ajratish tartibiga oʻzgartirish va qoʻshimchalar kiritildi

Vazirlar Mahkamasining 2024-yil 11-noyabrdagi 749-sonli qarori bilan ipoteka krediti bo‘yicha subsidiya ajratish tartibiga (2020-yil 25-martdagi 182-sonli qaror) tegishli o‘zgartirish va qo‘shimchalar kiritildi.

Ushbu qaror bilan ipoteka krediti bo‘yicha subsidiya ajratish tartibi takomillashtirildi.

1. Ipoteka kreditlari bo‘yicha subsidiyalar to‘lab beriladigan fuqarolarni tanlab olish va baholash jarayonlari avtomatlashtirildi. Iqtisodiyot va moliya vazirligining subsidiya.idm.uz dasturiy ta’minot tizimi Adliya vazirligi, Kadastr agentligi, Kambag‘allikni qisqartirish va bandlik vazirligi, Soliq qo‘mitasi va Ijtimoiy himoya milliy agentligining mavjud elektron ma’lumotlar bazalari bilan integratsiya qilindi. Bunda, subsidiya.idm.uz integratsiyalashgan tizimi orqali ariza beruvchining ma’lumotlari avtomatlashgan tarzda tekshiriladi va baholanadi.

Mas’ul tashkilotlarning ma’lumotlar bazalaridan ariza beruvchining quyidagi ma’lumotlari 3 ish kuni davomida tekshiriladi:

Adliya vazirligi – oila tarkibi va ariza beruvchining yolg‘iz ona, beva va ajrashgan ayollar toifasiga mansubligi hamda ariza beruvchining turmush o‘rtog‘i to‘g‘risidagi ma’lumotlarning to‘g‘ri kiritilgani;

Kadastr agentligi — ariza beruvchi va uning turmush o‘rtog‘ining nomida turar joy mavjud yoki mavjud emasligi;

Kambag‘allikni qisqartirish va bandlik vazirligi — ariza beruvchini “Labor – migration” dasturida ro‘yxatdan o‘tgani. Bunda, fuqaroning haqiqatda xorijda ish faoliyatini amalga oshiruvchi migrant ekanligi tekshiriladi.

Soliq qo‘mitasi — ariza beruvchi va uning oila a’zolarining o‘rtacha oylik daromadlari;

Ijtimoiy himoya milliy agentligi — ariza beruvchi va uning oilasidagi shaxs “Tibbiy-ijtimoiy ekspertiza” tizimidan ro‘yxatdan o‘tgani. Bunda, ariza beruvchi va uning oilasida birinchi guruh nogironligi bo‘lgan shaxs, surunkali kasallikning og‘ir turlaridan azob chekuvchi va og‘ir nogironlikka olib keluvchi kasallikka chalingan bolani parvarishlayotgan shaxs ekanligi tekshiriladi.

2. Endilikda subsidiyaga ariza berilganda agar ariza beruvchining va uning turmush o‘rtog‘ining o‘rtacha oylik daromadlari miqdori belgilangan  me’yorlardan kam bo‘lsa, daromadlar hisob-kitobiga ularning yaqin qarindoshlarining daromadlari ham kiritilishi mumkinligi belgilandi.

Ma’lumot uchun: Amaldagi qonunchilikka ko‘ra, yaqin qarindoshlar sirasiga qarindosh yoki quda tomondan qarindosh bo‘lgan shaxslar, ya’ni ota-ona, tug‘ishgan va o‘gay aka-uka va opa-singillar, er-xotin, farzand, shu jumladan, farzandlikka olinganlar, bobo, buvi, nevaralar, shuningdek, er-xotinning ota-onasi, tug‘ishgan va o‘gay aka-uka va opa-singillari kiradi.

Bundan tashqari, ariza beruvchi, shu jumladan, uning turmush o‘rtog‘i va yaqin qarindoshlarining jami o‘rtacha oylik daromadlari bo‘yicha ball berilmagan taqdirda ariza boshqa mezonlar asosida ko‘rib chiqilmasligi va avtomat ravishda subsidiya ajratishni rad etish uchun komissiya kotibiga yuborilishi belgilanmoqda.

Bunda, so‘nggi uch oyning kamida bir oyida daromadga ega bo‘lish talab etiladi.

3. Ariza beruvchiga subsidiya ajratish rad etiladigan holatlarga aniqlik kiritilmoqda.

taqdim etilgan ma’lumotlar noto‘g‘ri yoki soxta bo‘lganda ariza ko‘rib chiqish jarayoniga o‘tkazilmasligi va avtomat ravishda rad etilishi;

joriy yilda hudud uchun ajratiladigan subsidiya soni tugaganda tizim tomonidan barcha arizalarni ko‘rib chiqish avtomat ravishda to‘xtatilishi va rad etilishi;

ilgari ipoteka kreditlari bo‘yicha subsidiyadan foydalangan fuqarolar va ularning turmush o‘rtoqlari tomonidan takroriy murojaat etilganda ariza rad etilishi;

arizani ko‘rib chiqishda ariza beruvchining turmush o‘rtog‘i tomonidan avval topshirilgan va ko‘rib chiqish jarayonida bo‘lgan ariza aniqlanganda ushbu ariza rad etilishi belgilandi.

@yurist_konsultantuz

2024 yilga kelib...

Ҳеч нарсасиз келдик,
барчасига эришиш учун курашамиз,
ҳеч нарсасиз кетамиз,
бироқ барчаси учун жавоб берамиз.

Agar men o'z nomimga yangi kvartira sotib olgan bo'lsam, mol-mulk solig'ini qaysi davr uchun to'lashim kerak - sotib olingan kundan keyingi davr uchunmi yoki butun yil uchun?

Mol-mulkka egalik huquqi kalendar yil mobaynida bir mulkdordan boshqasiga o‘tgan taqdirda, mol-mulk solig‘i:

▫️avvalgi mulkdor tomonidan shu yilning 1-yanvaridan e’tiboran u mol-mulkka bo‘lgan mulk huquqini yo‘qotgan oyning boshlanishiga qadar,

▫️yangi mulkdor tomonidan esa, unda mulk huquqi vujudga kelgan oydan e’tiboran to‘lanadi.

Yuqoridagilardan kelib chiqqan holda, masalan, 2024-yil 13-avgustda kvartira sotib olgan boʻlsangiz, 2024-yilning 1-avgustidan 31-dekabriga qadar 2024-yil uchun mol-mulk soligʻini toʻlaysiz.

Ma'lumot uchun ❗️

Agar yangi binodan kvartira sotib olgan bo'lsangiz ...

Yangi imoratlar, binolar va inshootlar bo‘yicha soliq mulk huquqi yuzaga kelgan oydan e’tiboran to‘lanadi.

Agar siz ko‘chmas muklni meros qilib olgan bo'lsangiz ...

Meros bo‘yicha o‘tgan mol-mulk uchun soliq merosxo‘rda mulk huquqi vujudga kelgan oydan e’tiboran to‘lanadi.

Agar uy buzilgan bo'lsa ...

Soliq solish obyekti yo‘q qilingan, vayron bo‘lgan yoki buzib tashlangan taqdirda, soliqni undirish mol-mulk yo‘q qilingan, vayron bo‘lgan yoki buzib tashlangan oydan e’tiboran tugatiladi. Soliq summasini qayta hisob-kitob qilish mahalliy davlat hokimiyati organi yoki fuqarolarning o‘zini o‘zi boshqarish organi tomonidan berilgan yo‘q qilinganlik, vayron bo‘lganlik yoki buzib tashlanganlik faktini tasdiqlovchi hujjatlar mavjud bo‘lgan taqdirda, amalga oshiriladi.

Agar soliq imtiyozlari mavjud bo'lsa ...

Kalendar yil mobaynida imtiyozlarga bo‘lgan huquq vujudga kelgan (tugagan) taqdirda, soliqni qayta hisob-kitob qilish ushbu huquq vujudga kelgan (tugagan) oydan e’tiboran amalga oshiriladi.

👉 Soliq kodeksi 423-modda

📲Mol-mulk va yer soliqlarini Soliq mobil ilovasida to‘lash mumkin

@yurist_konsultantuz

2024 йил 1 сентябрдан бошлаб пенсиялар ва нафақалар миқдори 15 фоизга оширилсин.

Бунда:

пенсияни ҳисоблашнинг базавий миқдори – ойига 428 000 сўм;
ёшга доир энг кам пенсия миқдори – ойига 834 000 сўм;
ногиронлик пенсияларининг энг кам миқдори – ойига 920 000 сўм этиб белгилансин.

2024 йил 1 октябрдан бошлаб:

бюджет ташкилотларида ишловчи тиббиёт ходимлари, шунингдек, мактабгача, умумтаълим, ўрта махсус, профессионал ва мактабдан ташқари таълим муассасалари ва ташкилотлари, “Мурувват” интернат уйлари, болалар ва меҳрибонлик уйлари, болалар санаторияларида ишловчи педагог ходимларнинг иш ҳақи миқдори – 15 фоизга оширилсин;

бюджет ташкилотлари ходимларининг иш ҳақи миқдори – 10 фоизга оширилсин, мазкур банднинг иккинчи хатбошисида назарда тутилган ходимлар бундан мустасно;

меҳнатга ҳақ тўлашнинг энг кам миқдори – ойига 1 155 000 сўм;
базавий ҳисоблаш миқдори – 375 000 сўм этиб белгилансин.

@yurist_konsultantuz

«Саидазиз медгородок» 20 йилга қамалди

5 август куни «Саидазиз медгородок» номи билан танилган Саидазиз Саидалиев ва яна 28 кишига оид жиноят иши якунлари бўйича ҳукм ўқилмоқда. Жараён Тошкент шаҳри жиноят ишлари бўйича Юнусобод тумани судида суд раиси Мурод Мирзажонов раислигида ўтмоқда.

Саидазиз Саидалиев 20 йил муддатга озодликдан маҳрум қилинди. Жазони умумий колонияда ўташ белгиланди.

Саидалиев Жиноят кодексининг қуйидаги моддаларида назарда тутилган жиноятларни содир этганликда айбдор деб топилди:

165 (Товламачилик);
168 (Фирибгарлик);
242 (Жиноий уюшма ташкил этиш);
243 (Жиноий фаолиятдан олинган даромадларни легаллаштириш);
277 (Безорилик);
28,211 (Пора беришда иштирок).

@yurist_konsultantuz

Andijonlik ayol onlayn qimorda 15 mln so‘m miqdorida yutqazib qo‘ygani uchun joniga qasd qilibdi.

Videoda ayol yaqinlaridan rozilik so'ragan. Yaqinlarini bilmadim-ku men, shu ayolga onlayn qimorni o'rgatgan, taklif qilgan yoki kimnidir shuni qilgan reklamasi orqali o'ynashni o'rgangan bo'lsa, hammasidan rozi emasman!

Bunday ahmoqlik qilgan insonlar, bor budidan ayrilganlarni gunohi ursin...

kanalga a'zo bo'ling
@yurist_konsultantuz

❗️ Oliy taʼlim yo‘nalishlari va mutaxassisliklari klassifikatori bo‘yicha bakalavriat uchun turdosh yo‘nalishlar ro‘yxati tasdiqlandi
#perevod

Yo‘nalishlar jami 32 ta turdosh guruhlarga ajratildi.

🔹 Quyidagi ta’lim yo‘nalishlari soha (tarmoq, yo‘nalish, faoliyat) bo‘yicha mos ta’lim yo‘nalishlari (mutaxassisliklari) guruhiga turdosh hisoblanadi:

➖“Kasb ta’limi (bakalavriat ta’lim yo‘nalishlari bo‘yicha)”;
➖“Professional ta’lim (bakalavriat ta’lim yo‘nalishlari bo‘yicha)”;
➖“Xizmat ko‘rsatish texnika va texnologiyasi (xizmat ko‘rsatish tarmoqlari bo‘yicha)”;
➖“Xizmatlar sohasi (faoliyat turlari va yo‘nalishlari bo‘yicha)”.

✅ Shuningdek, ko‘chirish yoki qayta tiklashga ariza topshirganlarning ilgari ta’lim olgan yo‘nalishlari (mutaxassisliklari) amaldagi Klassifikatorga muvofiqlashtirib, inobatga olinadi.

Бола сотувчидан чек сўрагани учун калтак еган

Ёзишларича, Сирдарё вилояти, Гулистон шаҳар Дўстлик маҳалласидаги "Давр маркет" дўконидаги 12 ёшли бола солик чек сўрагани учун хақоратланиб сотувчидан калтак еган.

☝️Масъул идоралар зўравон сотувчининг бу ҳаракатларига бахо беришлари керак. Акс ҳолда истеъмолчилар чек сўрашдан ҳам қўрқиб қолишади.

@yurist_konsultantuz

#kvota2024 #davlat_buyurtmasi #bakalavr

⚡️Magistratura uchun davlat granti

2024/2025-o‘quv yilida davlat oliy ta’lim muassasalari magistraturasiga o‘qishga qabul qilishning davlat buyurtmasi (granti) parametrlari

@yurist_konsultantuz

#kvota2024 #davlat_buyurtmasi #bakalavr

⚡️Bakalavriat ta’lim yo‘nalishlari uchun davlat granti

2024/2025-o‘quv yilida davlat oliy ta’lim muassasalariga bakalavriatning KUNDUZgi ta’lim shakli bo‘yicha o‘qishga qabul qilishning davlat buyurtmasi (granti) parametrlari

@yurist_konsultantuz

#kvota2024 #davlat_buyurtmasi

Bakalavr va magistratura qabuli uchun jami 44 203 ta davlat granti o‘rinlari ajratildi

O‘zbekiston Respublikasi Prezidentining 2024-yil 19-iyuldagi F–36-son farmoyishi bilan 2024/2025-o‘quv yili uchun davlat oliy ta’lim muassasalariga o‘qishga qabul qilishning davlat buyurtmasi (granti) parametrlari tasdiqlandi. Unga ko‘ra:

🔹 bakalavr kunduzgi ta’lim shakliga – 34 838 nafar;
🔸 magistrlar tayyorlash bo‘yicha – 9 365 nafar grant o‘rinlari ajratildi.

Shuningdek, Davlat komissiyasi tomonidan 2024/2025-oʻquv yili uchun:

▪️bakalavriat taʼlim yoʻnalishiga qabul boʻyicha:
➖umumiy qabul parametrlarini;
➖qoʻshimcha qabul parametrlarini;
➖oʻqishga qabul qilishning minimal oʻtish balini;
➖maqsadli qabul kvotalarini va ushbu kvotalarning tuman (shahar)lar kesimidagi taqsimotini;
➖umumiy qabul parametriga nisbatan davlat granti kvotasining ulushini;

▪️hamda magistratura mutaxassisliklari boʻyicha umumiy qabul parametrlarini tasdiqlanishi belgilandi.

@yurist_konsultantuz

🔄 “Perevod” qilish tartibi bo‘yicha kengroq tushuntirish
#perevod

Quyidagi tushuntirishlarning asosi: 2022-yil 15-iyunda imzolangan PQ-279-son Prezident qarori.

1️⃣ Bir davlat OTMdan boshqa davlat OTMga o‘qishni ko‘chirish

Bunday holda faqat 2 ta vaziyatda ruxsat beriladi:

1) talaba oila qursa va turmush o‘rtog‘i doimiy yashaydigan hududdagi OTMga ko‘chmoqchi bo‘lsa;

2) davlat xizmatchisi ish yuzasidan boshqa hududga ko‘chsa va turmush o‘rtog‘i yoki voyaga yetmagan farzandining o‘qishini o‘sha hududga ko‘chirmoqchi bo‘lsa (ishga kirgan vazirlik xati asosida).

❌Boshqa holda “ichki perevod”ga ruxsat yo‘q. Boshqa hududga ham, o‘z hududidagi boshqa OTMga ham.

2️⃣ Xorijdan o‘qishni ko‘chirish

Bunda o‘tgan yilgi tartib saqlanib qolgan:

1) mos va turdosh yo‘nalishga test yoki ijodiy imtihon topshiradi hamda o‘tish balini to‘plash talab etiladi. 2024-yilgi o’tish ballari bu yerda:
https://t.me/xushnudbek/24554

2) o‘tish balini to‘play olmasa, super-kontrakt shartlari asosida o‘qishini ko‘chirishga ruxsat beriladi;

3) xorijdan mos va turdosh bo‘lmagan yo‘nalishga o‘qishni ko‘chirishga ruxsat berilmaydi. 2023-yilgi turdosh yo’nalishlar ro’yxati bu yerda:
t.me/xushnudbek/20258

‼️ Test o’tgach, har bir talabaning hujjati qayta tekshiriladi. Kimdir “xorijda o’qiyapti” degan soxta hujjat tayyorlagan bo’lsa, natijalar bekor qilinadi va prokuraturaga soxta hujjat tayyorlash fakti yuzasidan murojaat etiladi.

3️⃣ O‘zbekistondagi xorijiy va nodavlat OTMlardan o‘qishni ko‘chirish

Bunda ham o‘tgan yilgi tartib saqlanib qolgan:

1) mos va turdosh yo‘nalishga test yoki ijodiy imtihon topshiradi hamda o‘tish balini to‘plash talab etiladi. 2024-yilgi o’tish ballari bu yerda:
t.me/xushnudbek/24554

2) o‘tish balini to‘play olmasa, super-kontrakt shartlari asosida o‘qishini ko‘chirishga ruxsat beriladi;

3) mos va turdosh bo‘lmagan yo‘nalish uchun esa bir martalik “super-kontrakt” to‘lab, imtihonsiz ko‘chirishi mumkin. t.me/xushnudbek/24579

2023-yilgi turdosh yo’nalishlar:
t.me/xushnudbek/20258

2023-yilgi super-kontrakt narxlari:
t.me/xushnudbek/21116

4️⃣ Davlat OTMdan nodavlat OTMga o‘qishni ko‘chirish

Buni davlat nazorat qilmaydi, buning tartibini nodavlat OTMlar o‘zi mustaqil belgilaydi. Nodavlat OTMga o‘qishni ko‘chirish mumkin yoki mumkin emasligini o‘sha OTMning o‘zidan aniqlashtiring.

5️⃣ Nodavlat OTMdan nodavlat OTMga o‘qishni ko‘chirish

Buni ham davlat nazorat qilmaydi, tartibini nodavlat OTMdan aniqlashtirish kerak.

6️⃣ Xorijdan nodavlat OTMga o‘qishni ko‘chirish

Buni ham davlat nazorat qilmaydi, tartibini ko‘chirmoqchi bo‘linayotgan nodavlat OTMdan aniqlashtirish kerak.

7️⃣ Bir davlat OTM ichida bir yo’nalish yoki fakultetdan boshqa yo’nalish yoki fakultetga o‘qishni ko‘chirish

Ushbu masala OTM rektori tomonidan hal qilinadi, ariza ham rektor nomiga yoziladi (transfer.edu.uz yoki my.uzbmb.uz sayti orqali emas). Bunda ko’chirilayotgan yo’nalishning mos va turdoshligi, ko’chirilish sababi, OTM imkoniyatlari va boshqa faktorlar inobatga olinishi mumkin.

8️⃣ Bir OTM va hatto bir yo’nalish doirasida ta’lim shaklini yoki tilni o’zgartirish

Ushbu masala ham OTM ma’muriyati tomonidan hal qilinadi. Bunda ham ko’chirish maqsadi, OTMning imkoniyati (masalan, auditoriya sig’imi, professor-o’qituvchilari soni va hk) va boshqa faktorlarga qaralishi mumkin. Masalan, sirtqidan kunduzgiga o’tkazish deyarli imkonsiz, bu haqda o’ylamasa ham bo’ladi. Lekin kunduzgidan sirtqiga ko’chirish muammosiz hal bo’ladigan masala.

***

Arizalar quyidagicha qabul qilinadi:

➡️ transfer.edu.uz — respublikaning bir davlat oliygohidan boshqa davlat oliygohiga yoki bir oliygoh ichida;

➡️ my.uzbmb.uz — xorijiy va nodavlat oliy taʼlim muassasalaridan davlat OTMlariga.

☝️Arizalar 15-iyuldan 5-avgustgacha (shu kuni ham) qabul qilinadi.

Kerakli hujjatlar:
◾️ ariza (onlayn tarzda);
◾️ transkript yoki reyting daftarchasi (JPEG yoki Pdf shakli);
◾️ akademik maʼlumotnoma (o‘qishni tiklovchilar uchun).


@yurist_konsultantuz

Аввало, автоблогер Айвошга раҳмат айтмоқчиман. Чунки у Ўзбекистонда ҳозир йўл ҳаракати қоидабузарлиги учун жазолар бетаъсир ва бесамар эканлигини кўрсатиб беряпти.

Юқоридаги учта видеонинг иккитаси Европада олинган. Ўрганган кўнгил ўртанса қўймас – у ерда ҳам қоидаларни қўпол бузишган. Масалан, тезлик чеклови 50 км бўлган жойда 123 км тезликда босишган. Яна бир видеоси бор эди – орқа ўриндиқдаги ҳамроҳи хавфсизлик камарини тақмагани учун жарима тўлаган. Ҳа, ҳайдовчи ё унинг ёнидаги эмас, айнан орқадаги йўловчи камарни тақмагани учун жарима тўлаган.

Жарималар майда-чуйда эмас. “15 кунда тўласанг 50 фоиз чегирма”, “60 кунда тўласанг бўлди”, деган гаплар йўқ. Жойида 1000 еврони ечиб олган. Яна жарима тўламаслик учун улар текис йўлларда 40-50 км тезликда юришга, орқа ўриндиқда “чмога ўхшаб” камар тақишга мажбур бўлган. Энг қизиғи, ортиқ қоида бузмасликка ҳаракат қилишган. Европадаги ватандошларни ҳам қоидаларни бузмасликка чақиришган.

Аммо Ўзбекистонга қайтиши билан... “Онасини эмсин штрафларни – саноғи йўқ-ку буни!”, деб ўзбек автоблогерига хос норозилик оҳангида видео чиқарган. Европада айтилган “қоидаларни бузманглар” деган гап Ўзбекистонда йўқ, чунки Ўзбекистонда жарима – сув текин ва улар билан мақтаниш ҳам мумкин. Шунга нафақат у, балки бошқа “миллионер” блогер-вайнерлар ҳам – Бобури бўладими, Мўмини бўладими, ҳаммаси жарималари билан уялмай мақтанади.

Аслида улар бу ҳаракатлари билан давлатга “айтяпти”: биринчидан, жарималарни ошириш керак, ииккинчидан, бир хил 10-20 та қоидабузарлик учун бир хил суммада жарима тўламаслик керак, жарима миқдори ошиб бориши керак, учинчидан, қоидабузар ҳайдовчи кўпроқ харажат қилишга мажбур (масалан, суғурта қиммат) бўлиши керак, тўртинчидан, балл тизими ишга тушиши керак.

Шунда қўли рулга тегиши билан бирдан пойгачига айланадиган ўзбекистонликларнинг бари нафақат Европада, балки Ўзбекистонда ҳам ўпкасини босади. Ҳар ҳолда, автоблогер Айвош ва унинг дўстлари хатти-ҳаракатлари шундай мужда бермоқда.