Siyosiy va iqtisodiy institutlarning iqtisodiy o'sishdagi ahamiyatini tadqiq qilganliklari uchun iqtisodiyot bo'yicha Nobel mukofoti Daron Acemoglu, Simon Johnson va James Robinsonlarga berildi.
Mahalliychilik sabablari haqida hech o'ylab ko'rganmisiz. Toshkentlik va viloyatlik, shaharlik va tumanlik kabi ajratishlarda qanday iqtisodiy sabab yoki kamchiliklar, qilinishi kerak bo'lgan ishlarni ko'rasiz? Men bular orasidan bir sabab haqida aytmoqchiman, bu infratuzilma. Joylardagi infratuzilmaning farqlari odamlarning bir-biriga bo'lgan munosabatlarida aks etishi mumkin. Mustahkam vatandoshlik jamiyati qurish uchun konsertlar emas hududlardagi infratuzilmalarning keskin farqlarini minimumlash muhimroq deb o'ylayman.
Open Budget loyihasi va elektr energiyasi uchun belgilangan limitlar, joriy qilingan narx tariflari eng yaxshi iqtisodiy qarorlar deb hisoblayman. Elektr energiyasi narxlarini subsidiyalash aholining past daromadli qatlami uchunligini hisobga olishingiz kerak, aynan shu vatandoshlarimiz uy xo'jaliklarida bir oyda 200 kvt dan kam elektr energiyasidan foydalanishadi. 200 kvt dan oshgan qismi ya'ni 201 kvt dan 1000 kvt gacha har bir kvt/soat uchun 900 so'mlik narx belgilangan. Aynan 200 kvt dan ko'p iste'mol qiladigan aholi ham baribir subsidiyadan foydalanishadi. Bu degani butun aholi 200 kvt ni subsidiya orqali iste'mol qiladi. Shunday ekan ijtimoiy tarmoqlarda 200 kvt lik limitni bekor qiling (limit miqdorini oshiring) mazmunidagi postlarni qo'ymang. Men esa narxlarni yanada ham bozor sharoitlariga yaqinlashtirishni taklif qilgan bo'lardim. Aytaylik 1000 kvt ning 200 kvt uchun 450 so'mdan 800 kvt uchun 900 so'mdan emas balki limitdan o'tdimi butun 1000 kvt uchun tannarxda 900 so'mdan to'lanishi kerak.