AI | DigiTech @digitechai Channel on Telegram

AI | DigiTech

@digitechai

Texnologiyalar olamidagi eng so’nggi yangiliklar, foydali maqolalar va hayotingizni osonlashtiruvchi sun’iy intellektlar haqidagi kanal.

Reklama: @DigiTech_ads

AI | DigiTech (Uzbek)

AI | DigiTech kanali - bu texnologiyalar olamidagi eng so’nggi yangiliklar, foydali maqolalar va hayotingizni osonlashtiruvchi sun’iy intellektlar haqida ma’lumotlar bilan to‘ldirilgan Telegram kanali. Kanalda, sun’iy intellektlar va texnologiyalar sohasidagi eng zamonaviy yangiliklar va ma’lumotlar bilan tanishishingiz mumkin. Bu kanal orqali, eng so‘nggi yangiliklardan xabardor bo‘lib, yangi texnologiyalar haqida o‘rganish imkoniyatiga ega bo‘lasiz. Agar sizga texnologiyalar, sun’iy intellektlar yoki yangi texnologiyalar axboroti qiziq bo‘lsa, shu kanal siz uchun mo‘ljallangan. Kanalda reklama joylash uchun @DigiTech_ads ga murojaat qilishingiz mumkin.

AI | DigiTech

21 Nov, 04:32

🎵 Musiqalar generatsiya qiluvchi Suno neyrotarmog’ining to’rtinchi versiyasi chiqdi.

Musiqalar sifati ancha oshgan va endi ularning barchasini pleyerda tinglash mumkin. Eng muhimi, eski musiqalarni yangi model yordamida qayta ishlash mumkin.

👉 Sinab ko’rish uchun havola.

📟 DigiTech
6,364
AI | DigiTech

21 Nov, 04:01

🇺🇿 Servercore korxonasidan IT-palov

2025-yilda bulutli infratuzilmani samarali boshqarishning 4 ta asosiy yondashuvi haqida batafsil bilishni xohlaysizmi?

Unda sizni kechki ovqatga taklif qilamiz, u yerda biz Servercore bulutli platformasi haqida gapirib beramiz va Alif Tech’dagi mijozlarimiz o‘zlarining mahalliy bulut bilan ishlash tajribasi bilan bo‘lishishadi.

Netvorking davomida IT-palov ishtirokchilari professional mavzular bo‘yicha muloqot qilishlari, tajriba almashishlari va yangi tanishlar orttirishlari mumkin.

🗓 Sana: 27-noyabr (chorshanba).
📍 Joylashuv: Toshkent shahrida (aniq manzil ro‘yxatdan o‘tgandan keyin ma’lum bo‘ladi)
🏃 Narxi: Bepul.
🎤 Format: Offlayn.

Ko'proq ma'lumot olish uchun havola orqali o'tib, ro'yxatdan o'tishingiz mumkin.

Reklama
6,444
AI | DigiTech

20 Nov, 14:49

🌆 Louis Vuitton Nyu-Yorkdagi do’konini ulkan chamadonlar piramidasiga aylantirdi.

Eng qizig’i, bu rekonstruksiya uchun yopilgan binoni yashirish uchun foydalaniladigan vaqtinchalik konstruksiyadir. Ishlar bir necha yil davom etishi mumkin, shuning uchun do’konning o’zi burchakdagi savdo markaziga ko’chirildi.

📟 DigiTech
9,354
AI | DigiTech

20 Nov, 07:03

🖼️ Devorga yopishtirilgan banan 1,5 million dollarga baholanib, sotuvga qo’yildi.

Banan 60 million dollarlik Mone asari yonida kimoshdi savdosiga qo’yiladi. Eng qizig’i, xaridor bananning o’zini emas (uni almashtirish mumkin), balki yangi mevalarni abadiy devorga yopishtirish huquqini oladi — bu narxga sertifikat va yopishtirish uchun lenta ham kiradi :)

📟 DigiTech
11,163
AI | DigiTech

19 Nov, 14:26

📱iPhone foydalanuvchilari dahshatli xatolikka duch kelishdi: dinamikdan boshqa odamlarning g’alati suhbatlari va ovozlari eshitilmoqda.

Reddit'da foydalanuvchilaridan biri ruldagi odamning g’alati suhbatini, keyin esa baxtsiz hodisaga o’xshash ovozni eshitganini yozgan. Shundan so’ng, boshqa foydalanuvchilar ham dinamikdan g’alati suhbatlarni eshitishayotganidan shikoyat qilishdi.

Izohlarda bu TikTok kabi yopilmagan ilovalar bilan bog’liq xato bo’lishi mumkinligini yozishmoqda.

📟 DigiTech
12,124
AI | DigiTech

19 Nov, 06:52

🤖 Janubiy Koreyada odamning yoniga o’zi kelib kiyilishi mumkin bo’lgan robot ekzoskelet ishlab chiqildi.

G’oyaga ko’ra, uning yordamida falaj bo’lganlar boshqalarning yordamisiz be’malol harakatlanishi mumkin bo’ladi, ishlab chiquvchilar kelajakda uni tezroq harakatlanadigan va ixchamroq qilishni rejalashtirishmoqda.

Ammo mahsulotni hozirgi holatida ham ishlab chiquvchilar Cybathlon 2024 — xalqaro tanlovda birinchi o’rinni egallashga muvaffaq bo’lishdi, unda ekzoskeletlarda to’siqlardan o’tiladi.

📟 DigiTech
12,818
AI | DigiTech

18 Nov, 14:36

⚡️Orzudagi kompaniya: fitnes-trekerlar ishlab chiqaruvchi Whoop kompaniyasi barcha xodimlariga yaxshi uyqu uchun oyiga 100 dollardan bonus to’laydi.

Kompaniya xodimlarga o’zining fitnes-trekerlarini topshiradi va agar xodim 85% yoki undan yuqori uyqu reytingini olsa, bonusga ega bo’ladi.

📟 DigiTech
12,005
AI | DigiTech

18 Nov, 09:46

🚀 Kaliforniyalik talabalar «Aftershock II» raketasini 143 kilometr balandlikka uchirishdi — bu havaskorlar orasidagi rekorddir.

Shuningdek, Aftershock II noprofessionallar tomonidan uchirilgan eng tez raketa bo’ldi.

Balandligi 4 metr, og’irligi 150 kilogramm bo’lgan raketaning maksimal tezligi 5797 km/soatga yetdi va oldingi rekord 5449 km/soatni ortda qoldirdi.

📟 DigiTech
11,768
AI | DigiTech

17 Nov, 09:26

🚘 Geely va Baidu 0-100 km/soat tezlikka 1,9 soniyada erishadigan Jiyue Robo X elektr superkarini namoyish etdi.

Mashina kuzovi alyuminiy va uglerod tolasidan qilingan, bir zaryadda 650 km gacha masofani bosib o’tadi. Unda hatto mashinani poyga trekida ham «to’liq boshqara» oladigan maxsus avtopilot mavjud.

Sotuvlar 2027-yilda boshlanadi, lekin narxi hali ma’lum emas, oldindan buyurtmani rasmiylashtirish to’lovi 7500 dollar.

📟 DigiTech
15,158
AI | DigiTech

16 Nov, 14:07

🎥 Coca-Cola an'anaviy yangi yil reklamasi videosini bu yil butunlay sun’iy intellektda yaratdi.

Hechqanday aktyor va mashinalarsiz, video to’liq sun’iy intellektda generatsiya qilingan.

📟 DigiTech
14,400
AI | DigiTech

16 Nov, 06:01

📚Google o’zining neyrotarmoqlar bo’yicha kursini yangiladi. Kursda 100 dan ortiq mashqlar, batafsil interaktiv tushuntirishlar va haqiqiy ishlar namunalari mavjud.

Kurs hamma uchun ochiq va bepul. Uni tugatishga taxminan 15 soat vaqt ketadi.

👉 Kursga havola.

📟 DigiTech
15,165
AI | DigiTech

15 Nov, 14:05

⚡️Bloomberg ma’lum qilishicha, OpenAI yana bir maxfiy loyiha ustida ishlamoqda — Operator nomli avtonom SI agent.

Model foydalanuvchining so’rovi bo’yicha kompyuterni mustaqil ravishda boshqara oladi. Masalan, kod yozish uchun. Ikki hafta oldin Sem Altman bu loyiha kompaniyaning navbatdagi inqilobli loyihasi bo’lishiga ishora qilgan edi.

Yaqinda Anthropic shunga o’xshash Claude Computer Use'ni taqdim etgandi. Lekin OpenAI agenti undan samaraliroq bo’lishi kutilmoqda.

📟 DigiTech
14,904
AI | DigiTech

09 Nov, 14:17

🏞️ Xitoyning Chongqing shahrida yashovchi yigit ishga ketayotganda va qaytayotganda qancha zinalarni bosib o’tishi kerakligini ko’rsatdi.

Bunday ko’p bosqichli qurilishlar shaharning tog’ tizmalari orasida joylashganligi bilan bog’liq.

Zinalardan tushish-ku mayli, lekin ulardan qaytib chiqishchi 😅

📟 DigiTech
6,298
AI | DigiTech

09 Nov, 06:50

🏃‍♂️Tadqiqot: Kuniga atigi 5 daqiqa aktivlik sog'lom bo’lishingizni ta’minlaydi. Hatto zinadan ko’tarilish yoki avtobusga yetib olish uchun qisqa yugurish ham shunday aktivlikga kiradi.

Qisqa, ammo intensiv mashqlar yarim soatlik muntazam mashg’ulotlarni o’rnini bosa oladi. Ma’lum bo’lishicha, bunday aktivlik yurakni mustahkamlaydi va qon bosimini stabillashtiradi.

📟 DigiTech
8,936
AI | DigiTech

08 Nov, 14:06

🤖 Unitree robotlarini yana xafa qilishmoqda.

Xitoyning Unitree kompaniyasi o’z robot-itiga sirk ijrochisi kabi muvozanatni saqlashni o’rgatishdi — endi u bir panjasida sakrab, ikki oyoqda yura oladi, hatto tayoq bilan kuchli urilsa ham muvozanatini saqlaydi.

Robot bu qiynoqlarni eslab qolmaydi degan umiddamiz :(
Aytgancha, uning narxi 1600 dollardan boshlanadi.

📟 DigiTech
10,665
AI | DigiTech

08 Nov, 06:35

🖼️ Rasmlarni tiniqlashtirib beruvchi InstantIR neyrotarmog’i chiqdi. Shunchaki sifatsiz rasmni yuklab, «InstantIR magic!» tugmasini bosish kifoya — bir necha soniya ichida piksellar yuqori sifatli fotosuratga aylanadi.

Neyrotarmoq juda yaxshi ishlaydi, faqat juda past sifatdagi fotosuratni hayotga qaytarishga uringanda natija kutilgandek bo’lmasligi mumkin. Eng muhimi bepul va hechqanday cheklovlarsiz.

👉 Sinab ko’rish uchun havola.

📟 DigiTech
11,774
AI | DigiTech

07 Nov, 15:39

🛫 19 yoshli uchuvchi saraton kasalligini davolash yo’llarini o’rganish uchun 1 million dollar yig’ish maqsadida dunyo bo’ylab sayohatga chiqdi.

Amerikalik Itan Guo 18 yoshida barcha qit’alarni aylanib chiqish uchun samolyotga o’tirdi. U 71 kundan beri yo’lda. Itan butun dunyoni yolg’iz uchib aylanib chiqqan birinchi uchuvchi bo’lishi mumkin.

U allaqachon Kanada, Grenlandiya, Islandiya, Buyuk Britaniya va bir qator Yevropa mamlakatlariga borishga ulgurgan. Itan so’nggi videosini Misrdan to’rt kun oldin joylashtirgan.

Maqsadiga yetishini tilab qolamiz, uni ushbu havola orqali kuzatib borish mumkin.

📟 DigiTech
12,177
AI | DigiTech

07 Nov, 07:53

📱Ilon Mask: Tesla o’z smartfonini chiqarishi mumkin, lekin hozircha bunday rejalar yo’q.

Ilon Mask Jo Roganga bergan intervyusida, agar «Apple va Google ilovalarni cheklash yoki senzuralash kabi juda yomon ishlarni qilishni boshlashsa», ana shunda Tesla o’z smartfonini chiqarishi mumkinligini aytdi.

Maskning so’zlariga ko’ra, Tesla butunlay yangi texnologik smartfonni bozorga chiqarishni boshqalarga qaraganda yaxshiroq qila oladigan kompaniyadir, chunki dasturiy ta’minot yaratishda katta tajribaga ega.

📟 DigiTech
12,521
AI | DigiTech

06 Nov, 09:27

⚡️Xitoyda haydovchisiz mashinalar endi asfalt yotqizishmoqda: sinovlar doirasida 10 ta mashinadan iborat «to’da» Pekin-Gonkong-Makao avtomobil yo’lining 158 kilometrlik qismini quyishdi.

Ishlab chiquvchilarning aytishicha, bu dunyodagi birinchi bunday loyihadir. Unda 1+3+3+3 sxemasi bo’yicha mashinalar sinxron ishlab, ishni odatdagidan bir necha barobar tezroq bitirishdi. Hozirgi bosqichda hali ham to’liq odamlarsiz qilishni iloji yo’q, lekin yaqin kelajakda ular jarayonni to’liq avtomatlashtirishmoqchi.

📟 DigiTech
16,269
AI | DigiTech

06 Nov, 05:33

🖼️ Robot-rassom chizgan surat Sotheby's auksionida sotilmoqda. Hozir auksiondagi narx — 140 000 dollar.

Ai-Da roboti o’zining yangi ishini «AI God: Portrait of Alan Turing» deb atadi, unda matematik va sun’iy intellektlar «otasi» Alan Tyuring abstrakt uslubida tasvirlangan. Bu odamsimon robotning kim oshdi savdosiga qo’yilgan birinchi suratidir. Auksion 8-noyabrgacha davom etadi.

Rassomlar kasbi ham xavf ostida.

📟 DigiTech
13,513
AI | DigiTech

05 Nov, 14:39

📲 Matnli so’rovdan butun boshli ilovalarni bir daqiqada yaratib beradigan neyrotarmoq chiqdi! Bolt neyrotarmog’ida umuman dasturlashni bilmasdan veb-sayt yoki ilova yaratishingiz mumkin.

Shunchaki kerakli narsani yozing, masalan, «Discord'ga o’xshagan ilova yarat» bir daqiqada ilova tayyor bo’ladi! Dasturni darhol sinab ko’rishingiz, biror narsa qo’shishingiz va kodini tahrirlashingiz mumkin. Eng muhimi, undan BEPUL foydalanish mumkin.

«Deploy» tugmasini bossangiz, tayyor ilova bulutga yuklanadi va undan hamma foydalana oladi.

👉 Sinab ko’rish uchun havola.

📟 DigiTech
15,219
AI | DigiTech

05 Nov, 10:58

🖼️ Sun’iy intellekt nihoyat barmoqlar sonini to’g’ri generatsiya qilishni o’rgandi.

Lekin faqat barmoqlar sonini, qo’lni o’zini emas 😁

📟 DigiTech
13,939
AI | DigiTech

05 Nov, 06:45

👓 Haqiqiy hayotdagi chiterlik.

AR ko’zoynaklar uchun mo’ljallangan Spectacles ilovasi bilyardda to’plarni to’g’ri tushirish uchun qanday urish kerakligini, xuddi kompyuter o’yinidagi kabi ko’rsatib turadi. Foydalanuvchidan talab qilinadigan narsa — zarba kuchini hisoblash va to’g’ri nuqtaga urish, bu ham albatta oson emas.

Ko’zoynaklar hali prototip bosqichida va faqat dasturchilar ularni bir yilga 1188 dollarga ijaraga olishlari mumkin.

📟 DigiTech
13,412
AI | DigiTech

04 Nov, 14:36

🏞️ Taumata­whakatangihanga­koauau­o­tamatea­turi­pukaka­piki­maunga­horo­nuku­pokai­whenua­ki­tana­tahu!

Yo’q, klaviaturada harflar adashib bosilib ketmadi, bu Yangi Zelandiyadagi dunyodagi eng uzun bir so’zli geografik nomga ega tepalik nomidir.

Bu nom taxminan «Dumalab, ko’tarilib, tog’larni yutib yuborgan, yer yeyuvchi nomi bilan mashhur bo’lgan katta tizzali Tamatea o’z sevgilisi uchun nay chalgan tepalik» deb tarjima qilinadi, ammo mahalliy aholi tepalikni oddiygina «Taumata» deb atashadi.

Nomi uzunligidan Google Xaritada ekranga sig’mayapti :)

📟 DigiTech
15,398
AI | DigiTech

04 Nov, 11:02

🧺 Xiaomi ikkita barabanli kir yuvish mashinasini chiqardi — 12 kg'gacha kiyimlar uchun standart «katta» va unga qo’shimcha ravishda, paypoq va kichik kiyimlar uchun mo’ljallangan 0,5 kg'lik kichik baraban ham mavjud.

Bundan tashqari, Mijia Dual-Drum Dual Washer Dryer kiyimdagi bakteriyalarni 99,9 foizini yo’q qiladi va ularni atigi 15 daqiqada to’liq quritib beradi.

Xitoydagi narxi — 700 dollar.

📟 DigiTech
16,254
AI | DigiTech

03 Nov, 13:59

📚Har qanday kitob yoki matnni audiokitobga aylantirib beradigan neyron tarmoq chiqdi.

Diktor yoki o’zingizni ovozingizni yuklashingiz mumkin, 16 ta til mavjud, to’g’ridan-to’g’ri brauzerda, ro’yxatdan o’tmasdan bepul foydalanish mumkin.

👉 Sinab ko’rish uchun havola.

📟 DigiTech
10,477
AI | DigiTech

03 Nov, 08:55

📺 O’tmishdagi qiziqarli texnologiya — 1956 yilda Amerikaning Zenith kompaniyasi tomonidan chiqarilgan televizor uchun dunyodagi birinchi simsiz boshqaruv pulti.

Qurilma butunlay mexanik bo’lgan — tugmalari bosilganda televizor tomonidan qabul qilinadigan maxsus ultratovush signallari asosida ishlagan. Shu sababli, ma’lum bir chastotali tashqi shovqinlar sabab ba’zan tasodifiy ishlab ketgan, lekin umuman elektronika bo’lmagani sabab batareyalar kerak bo’lmagan.

Ko'proq funksiyali bizga tanish bo’lgan masofadan boshqarish pultlari 80-yillarda chiqqan.

📟 DigiTech
10,348
AI | DigiTech

02 Nov, 14:19

🏎️ Warner Bros Kaliforniyadagi Action Vehicle ustaxonasi bilan hamkorlikda Kristofer Nolan trilogiyasidagi Betmobilning nusxasini chiqardi.

Korpusi metall, uglerod tolasi va kevlardan yasalgan, motor esa reaktiv dvigatelga taqlid qilingan 525 ot kuchiga ega V8 o’rnatilgan. Unda yo’llarda harakatlanish mumkin emas, shuning uchun maxsus trassada yoki saroy atrofida haydashga to’g’ri keladi.

Jami 10 nusxada chiqariladi. Narxi — 3 million dollar.

📟 DigiTech
11,371
AI | DigiTech

02 Nov, 08:55

🚘 Volkswagen avtomobillaridagi foydali texnologiya.

Agar ruldagi haydovchi hushidan ketib yoki uxlab qolsa, mashina bir nechta ovozli signallar chiqaradi va uch marta keskin tormozlash orqali odamni uyg’otishga harakat qiladi.

Agar haydovchi uyg’onmasa, avariya chiroqlari yonadi, mashina asta-sekin yo’l chetiga o’tadi, eshiklar qulfini ochadi va yon-atrofdagi odamlarning e’tiborini jalb qilish uchun signal chala boshlaydi.

📟 DigiTech
11,271
AI | DigiTech

01 Nov, 15:15

⚡️Ilon Maskning superkompyuterini ichidan ko’rsatishdi.

xAI Colossus 100 000 ta NVIDIA HGX H100 grafik protsessorlaridan tashkil topgan. Serverning o’tkazish qobiliyati — 3,6 Tbit/soniya.

Taxminiy hisob-kitoblarga ko’ra, faqat video kartalarni o’zi 4.2 mlrd dollarga tushgan va bu sovutish tizimi bilan ma’lumotlarni saqlash uchun serverlarni hisobga olmaganda.

📟 DigiTech
12,927
AI | DigiTech

01 Nov, 09:15

🚋 Norvegiyada tramvay relsdan chiqib ketib Apple do’koniga urildi. Hech kim jabrlanmagan.

Kimdir yangi iPhone olishga shoshilgan shekilli :)

📟 DigiTech
13,614
AI | DigiTech

01 Nov, 05:37

🌐 Telegram kichik, ammo ajoyib yangilanishni chiqardi:

— Endi allaqachon yuborilgan xabarlarga fotosuratlar va videolarni biriktirish mumkin;

— Endi videolarni ko’rayotganda sifatini tanlash mumkin;

— Shaxsiy yozishmalar va kanallarda xabarlarni tahrirlangan vaqti endi ko’rinib turadi.

Yangilanish bilan ko’pchilikka yoqmaydigan narsa ham qo’shilgan, endi botlarda ham Telegram reklama chiqarishni boshlaydi.

📟 DigiTech
12,366
AI | DigiTech

31 Oct, 14:24

🚘 Yo’llarda yurishga ruxsat berilgan dunyodagi eng eski avtomobil Benz Victoria № 99 bo'lib, u hali ham Germaniya ko’chalarida harakatlanadi.

1894-yilda ishlab chiqarilgan avtomobil Einbeck shahri muzeyiga tegishli, muzey xodimlari uni doimiy texnik ko’rikdan o’tkazib turishadi va ba’zan ommaviy yo’llarga olib chiqishadi.

Avtomobilda faralar o’rniga sham chiroqlar mavjud, shuning uchun uni faqat kunduzi haydash ruxsat berilgan, maksimal tezligi 27 km/soat bo’lganligi uchun esa asosiy yo’llarda yurish ta’qiqlangan.

📟 DigiTech
6,098
AI | DigiTech

31 Oct, 10:34

📲 iOS 18.1 ga qo’ng’iroqlarni yozib olish funksiyasi qo’shildi.

Buning uchun qo’ng’iroq paytida yuqori chap burchakdagi belgini bosish kerak. Ikkala tomon ham suhbat yozib olinayotgani haqida ogohlantirish oladi. Yozuv qo’ng’iroq tugashigacha davom etadi, avvalroq to’xtatish ham mumkin. Fayl «Заметки» da saqlanadi.

Oddiy va FaceTime orqali qo’ng’iroqlar bilan ishlaydi. Messenjerlar orqali suhbatlarni yozib bo’lmaydi. Apple Intelligence orqali yozuvni transkripsiya qilish mumkin.

Android'larda otam davridan beri bor yana bir funksiya iOS'ga qo’shildi :)

📟 DigiTech
8,779
AI | DigiTech

30 Oct, 14:39

⚡️Islandiya haftasiga to’rt kunlik ish kunini joriy qilgan dunyodagi birinchi davlatga aylanishi mumkin.

Ish haqini kamaytirmasdan ish vaqtini qisqartirish bo’yicha o’tkazilgan tajriba o’z samarasini ko’rsatdi: xodimlarning ish qiyinligidan shikoyatlari kamaygan, samaradorligi esa oshgan. Ishsizlik darajasi ham Yevropadagi eng past ko’rsatkich bo’ldi.

Mamlakat aholisining 51 foizi allaqachon shu grafikga o’tishgan. Ish samaradorligining saqlanib qolishi va hatto ortishi, ishchilar ko’proq vaqtini oila va dam olishga sarflashayotgani bilan izohlandi, buning natijasida ular yaxshiroq ishlab, kamroq chalg’ishyapti.

📟 DigiTech
12,128
AI | DigiTech

30 Oct, 10:36

⚡️Xitoyda qirg’oqdan uzoqroqqa joylashtirish mumkin bo’lgan, to’lqinlarga chidamli quyosh elektr stansiyasini sinovdan o‘tkazish boshlandi.

U 434 ta paneldan iborat bo’lib, balandligi 10 metrgacha bo’lgan to’lqinlarga bardosh bera oladi, bir nechta langar tufayli esa bir joyda qoladi.

G’oyaga ko’ra, bunday platformalar quruqlik maydonini egallamasdan, dengizdagi shamol turbinalari yonida suzadi. Sinovlar bir yil davom etadi, shundan so’ng muhandislar samaradorlikni baholab uni takomillashtirishadi.

📟 DigiTech
10,968
AI | DigiTech

30 Oct, 10:01

Yandex xalqaro dasturlash chempionatida umumiy mukofot jamg‘armasini 2,1 milliard so‘mga yetkazdi.

Mashinali o‘rganish yo‘nalishi bo‘yicha turnir finalchilariga qo‘shimcha 350 million so‘m qo‘shiladi va bunday finalchilar soni 6 nafardan 22 nafarga ko‘payadi. Investitsiyalar ML mutaxassislarini qo'shimcha qo'llab-quvvatlashga qaratilgan.

Mashina o'rganish bo'yicha Yandex kubogida ishtirok etish uchun arizalarni qabul qilish muddati 4-noyabrgacha uzaytirildi.
10,348
AI | DigiTech

30 Oct, 07:16

📺 YouTube asosiy sahifaning yangi dizaynini sinovdan o’tkazmoqda. Endi videolar ostida chiqarilgan sana va ko’rishlar soni yo’q.

Platforma yangi blogerlarga yordam bermoqchi. Foydalanuvchilar videoni qanchalik mashhur ekanligini ko’rishmaydi va ularni faqat sarlavha va muqova bo’yicha tanlashadi.

Hozircha ushbu yangilanish faqat cheklangan miqdordagi foydalanuvchilar uchun paydo bo’ldi. Twitter'da allaqachon muhokamalar boshlanib ketgan, ko’pchilik faqat ko'rishlar sonini olib tashlash kifoya edi deb hisoblashyapti. Videoni chiqqan sanasi va dolzarbligi hali ham muhim.

📟 DigiTech
10,229
AI | DigiTech

29 Oct, 14:56

📱Xiaomi kompaniyasi Apple ekotizimini qo’llab-quvvatlaydigan yangi 15 va 15 Pro flagmanlarini namoyish etdi: iPhone, iPad va Mac'ga fayllarni uzatishingiz, umumiy hujjatlarni ko’rishingiz va Mac orqali smartfonni boshqarishingiz mumkin.

Xiaomi 15 — eng yangi Snapdragon 8 Elite, iPhone 16 Pro'dan ham yupqaroq ramkali 2K 6,36 dyuymli ekran, 90 Vt quvvatlagichli 5400 mA/soat batareya va uchta 50 MP kamera bilan jihozlangan. Xitoyda narxi — 630 dollardan.

Xiaomi 15 Pro — 6,73 dyuymli displey va kattaroq batareyaga ega - 6100 mA/soat. Asosiy xususiyati 5x optik zumli uchta 50 megapikselli Leica kameralari. Narxi — 742 dollardan.

Smartfonlar 40 ta rangda, jumladan, orqa tomoni 3D oynali maxsus Bright Silver Edition versiyasi ham mavjud.

📟 DigiTech
11,937
AI | DigiTech

29 Oct, 13:03

📲 Indoneziya hukumati har qanday iPhone 16 sotuvlarini taqiqlab qo’ydi. Apple mamlakat oldidagi investitsiya majburiyatlarini bajarmadi, iqtisodiyotga talab qilinadigan 109 million dollardan atigi 15,3 million dollar sarmoya kiritgan.

Bunday investitsiyalar talab qilinishi sababi — chet el kompaniyalari o’z uskunalarida Indoneziyada ishlab chiqarilgan komponentlarning kamida 40 foizidan foydalanishni talab qiluvchi qonun mavjud. Hindistonda ham shunga o’xshash qonun amal qiladi.

Bugungi kunda Indoneziya Janubi-Sharqiy Osiyodagi eng yirik iqtisodiyot markazi bo’lib, qariyb 300 million aholi va 350 milliondan ortiq faol mobil telefonlarga ega.

📟 DigiTech
11,480
AI | DigiTech

29 Oct, 06:13

📚Talabalar va o’quvchilar uchun foydali neyrotarmoq — Plus AI neyrotarmog’i Google Slides yoki PowerPoint'da chiroyli taqdimot tuzib beradi.

SI tom ma’noda hamma narsani o’zi qiladi: matn, rasmlar yaratadi va eng muhimi, hamma narsani chiroyli jamlab beradi.

Neyrotarmoq pullik, lekin ro’yxatdan o’tib bir hafta bepul foydalanish mumkin.

👉 Sinab ko’rish uchun havola.

📟 DigiTech
12,574
AI | DigiTech

28 Oct, 13:59

✍️ Rassom Nialla Shukl o’zining g’ayrioddiy san’ati bilan ijtimoiy tarmoqlarda mashhur bo’ldi — u portretlarni oynadagi yoriqlar yordamida chizadi.

Uning ishi ancha mashaqqatli — bitta noto’g’ri yoki juda kuchli zarba ham rasmni buzilishiga sabab bo’ladi.

Rasmlar ajoyib chiqqani uchun unga hatto yangi Call of Duty o’yini uchun poster buyurtma qilishdi.

📟 DigiTech
13,349
AI | DigiTech

28 Oct, 06:58

⚡️Apple Private Cloud Compute bulutli serverlarini buza olganlarga 1 million dollargacha to’lashga tayyor.

Unchalik muhim bo’lmagan zaifliklarni aniqlaganlar uchun esa mukofot 50–250 ming dollarni tashkil qiladi. Vazifani osonlashtirish uchun kompaniya asosiy kodga, virtual muhitga va zaifliklarni aniqlash uchun texnik ko’rsatmalarga kirish huquqini berdi.

Xakerlar uchun ro’yxatdan o’tishga havola.

📟 DigiTech
13,269
AI | DigiTech

27 Oct, 14:17

⚡️Xitoyda onlayn efirda koinotga har biri 140 000 dollarlik ikkita chipta bir necha soniyada sotildi.

Chiptalarni sotgan Deep Blue Aerospace kompaniyasi onlayn translyatsiyasiga 3 millionga yaqin odam kirdi. Sayohatga jami 6 kishi boradi, qolgan chiptalarni keyinroq sotishadi.

Ushbu «omadli» odamlar koinotga 2027-yilda uchishadi va u yerda 12 daqiqa bo’lishadi.

📟 DigiTech
11,660
AI | DigiTech

27 Oct, 11:13

🎥 Tom Holland ishtirokidagi yangi «O’rgimchak-odam 4» filmi 2026-yilning 24-iyulida chiqadi.

Variety nashri yozishicha, filmni suratga olish 2025-yilning yozida boshlanadi, premyerasi esa yangi «Qasoskorlar» chiqqanidan ikki oy o’tgach bo’lib o’tadi.

📟 DigiTech
11,161
AI | DigiTech

26 Oct, 14:03

🤖 Xitoyning EngineAI kompaniyasi «eng realistik yuradigan» robotni ko’rsatdi — u haqiqatdan odam kabi harakatlanmoqda.

Gumanoidning bo’yi 170 sm, og’irligi 55 kg, bir zaryadda esa ikki soatgacha ishlaydi. Hozircha bu faqat prototip, ishlab chiqarishni 2025-yilda boshlashni rejalashtirishmoqda.

Izohlarda odamlar robotning haqiqiy ekanligiga shubha qilishyapti. Siz qanday fikrdasiz?

📟 DigiTech
12,062
AI | DigiTech

26 Oct, 07:05

🚘 Xitoy avtomobillari nomlarini to’g’ri talaffuz qilish bo’yicha mahalliy aholidan master-klass.

Changan va Haval talaffuzi ko’pchilikni ajablantirishi aniq :)

📟 DigiTech
12,591
AI | DigiTech

25 Oct, 14:23

⚡️OpenAI dekabrgacha yangi Orion modelini chiqarishni rejalashtirmoqda. Ba’zi ma’lumotlarga ko’ra, model GPT-4 dan 100 barobar kuchliroq bo’ladi.

Oriondan birinchi bo’lib foydalanish huquqiga hamkor kompaniyalar ega bo’ladilar, ular model asosida o’z mahsulotlarini ishlab chiqishadi.

Mish-mishlarni Sem Altman'ning ishorasi han tasdiqlaydi. Sentyabr oyidagi tvitida u qishki yulduz turkumlarini ko’rishni intiqlik bilan kutayotgani haqida yozgan edi. Ularning eng yorqini — Orion.

📟 DigiTech
12,468
AI | DigiTech

25 Oct, 09:34

📚 Garvard noldan dasturlash bo’yicha bepul onlayn kursni boshladi. Ular IT va dasturlash tillaridagi asosiy tushunchalar, jumladan Python va JavaScript haqida.

Ularning yozishicha, barchasini taxminan 11 haftada o’rganib bo’lasiz — tezroq bo’lishi ham mumkin. Loyiha 31 dekabrda yopiladi, shuning uchun shoshilish kerak.

219 dollarga Garvard universitetining rasmiy sertifikatini ham olishingiz mumkin, ammo bu ixtiyoriy.

👉 Bepul kursga havola.

📟 DigiTech
14,681
AI | DigiTech

24 Oct, 12:53

⚡️Tadqiqot: Do’konlardagi 99 foiz suvlarda zaharli kimyoviy moddalar mavjud.

Olimlar 15 ta mamlakatda 87 ta brendning suvini tekshirishdi va ularning deyarli barchasida PFAS — parchalanmaydigan birikmalar topildi. PFAS immunitet tizimini zaiflashtiradi, jigar faoliyatini buzadi va saratonning ayrim turlarini rivojlanish xavfini oshiradi.

Bunga yechim suvni filtrlash yoki qaynatib ichishdir — bu zaharli kimyoviy moddalarning ko’pini o’ldiradi.

📟 DigiTech
16,426
AI | DigiTech

24 Oct, 11:59

👩‍💻🧑🏻‍💻Yandex Uzbekistan Dasturlash maktabida yangi oʻquv yili boshlandi

Yandex Dasturlash maktabida Python dasturlash tilining asoslari boʻyicha bir yillik kurslar boshlandi. Darslar tantanali maʼruza bilan boshlandi: oʻquvchilar yangi oʻquv yili boshlanishi bilan tabriklandi, esdalik sovgʻalari topshirildi va taʼlim dasturi haqida maʼlumotlar berildi.

👩‍🎓👨🏻‍🎓Darslarda oʻrta maktabning yuqori sinf oʻquvchilari Python dasturlash tilida ishlash asoslari bilan tanishadilar. Bolalar ushbu tilning asosiy tushunchalari, tuzilmalari va til kutubxonalarini oʻrganadilar. Taʼlim jarayoni Toshkent shahridagi Inha universitetida yuzma-yuz tarzda haftasiga ikki marotaba bir yarim soatdan boʻlib oʻtadi.

Loyihada ishtirok etish toʻliq bepul. Kirish imtihonlari yakunlari boʻyicha maktabga 75 nafar ishtirokchi qabul qilindi.

Yandex Dasturlash maktabi – bu oʻrta maktabning 14-17 yoshli oʻquvchilari uchun Python dasturlash tilining asoslarini oʻrganish boʻyicha xalqaro loyiha. Oʻzbekistonda ushbu loyiha oʻz ishini 2023-yilda Toshkentda boshlagan edi. 2024-yilda Dasturlash maktabi Samarqand va Urganchda ham faoliyat boshladi.
13,578
AI | DigiTech

24 Oct, 05:41

⚡️Stability AI tasvirlar generatsiya qiluvchi Stable Diffusion 3.5 Large bepul modelini chiqardi.

Modeldan foydalanish mutlaqo bepul, sifat bo’yicha Midjourneydan orqada, lekin matnli so’rovni (prompt) batafsil yozsangiz bu neyrotarmoq ham sifatli generatsiya qiladi.

To’g’ri matnli so’rovga (prompt) misol:

photo-realistic fantasy illustration of a snowy tundra landscape with the northern lights in the evening sky, long exposure shot on a professional canon camera at f16 on a 24mm lens, ambient cinematic moody lighting

👉 Bepul sinab ko’rish uchun havola.

Agar bir nechta rasmdan keyin limitingiz to’ldi desa VPN'ni yoqib yana ishlatishingiz mumkin.

📟 DigiTech
14,539
AI | DigiTech

23 Oct, 14:19

⚡️Ko’rlikga ham davo topildi — olimlar tarixda birinchi bor implant yordamida bemorlarning ko’rish qobiliyatini to’liq tiklashdi. Startap bu bo’yicha hatto Neuralink'dan ham o’zib ketdi.

• Prima implanti geografik atrofiyadan aziyat chekayotgan 38 nafar bemorga implantatsiya qilindi — buning natijasida ularning hammasi o‘qiy olishdi va yuzlarni aniq taniy olishdi.
• O’rtacha hisobda bemorlar diagrammada 23 ta harfni (qizil chiziq) ko’rishga muvaffaq bo’lishdi, maksimal ko’rsatgich esa 59 harfni (ko’k chiziq) tashkil etdi.

Effekt operatsiyadan bir yil o’tib ham saqlanib qoldi — hozir ularning barchasi kitob o’qiy oladilar va yuzlarni yaxshi taniydilar. Hozirda olimlar implantni sotuvga chiqarish ustida ishlashmoqda.

📟 DigiTech
15,389
AI | DigiTech

23 Oct, 10:21

⚡️Anthropic kompaniyasi kompyuterdan inson kabi foydalana oladigan neyron tarmoq yaratdi.

Model barcha asosiy ko’nikmalarga o’rgatilgan: u sichqonchani siljitishi, siz uchun jadvallarni to’ldirishi, internetda ma'lumot qidirishi va boshqa vazifalarni bajarishi mumkin.

Biroq, u hali ham murakkab vazifalarni yaxshi bajara olmaydi: masalan, sun’iy intellektga aviachiptani bron qilishni bekor qilish so’ralganda buni faqat 50% holatlarda bajara olgan, ammo bu kelajakda yaxshilanadi.

📟 DigiTech
14,832
AI | DigiTech

22 Oct, 14:05

👕 Olimlar kiyimlar uchun haroratga qarab rangini o’zgartiradigan materialni ishlab chiqishdi. Sovuq havoda qora rangga, issiqda esa oq rangga o’zgaradi.

Grafenli mikrokapsulalar va sulfat yordamida material quyosh nurini intensivligiga qarab yutadi yoki aks ettiradi.

📟 DigiTech
16,850
AI | DigiTech

22 Oct, 06:43

⚡️«Suyuq 3D chop etish» jarayoni — plastmassa o’rniga silikon ishlatiladi va gel bilan to’ldirilgan maxsus hovuzda chop etiladi.

Ushbu videoda Coperni moda brendi sumkasini yasash jarayoni ko’rsatilgan. U 2025-yil bahor/yoz kolleksiyasiga kiritiladi va taxminan 650 yevro turadi.

Texnologiya MIT mutaxassislari tomonidan 2017-yilda ixtiro qilingan. Uning yordamida niqoblar, tibbiy mahsulotlar va boshqa har qanday elastik narsalarni chop etish mumkin.

📟 DigiTech
17,992
AI | DigiTech

21 Oct, 15:12

📷 Adobe Photoshop'ning Beta versiyasiga rasmlarni avtomatik tahrirlash funksiyasi qo’shildi. Bitta tugmani bosasiz va rasmdagi yangi obyekt ranglari, soyalari va yorug’ligi avtomatik to’g’irlanadi.

Buning uchun asosiy rasm ustiga yangi rasmni qo’shamiz, fonni olib tashlaymiz (bu ham bitta tugma bilan) va Harmonize tugmasini bosamiz. Qolganini Photoshop'ni o’zi o’rningizga qiladi.

📟 DigiTech
15,809
AI | DigiTech

21 Oct, 11:12

🚘 Tesla o’zining robotaksisi uchun simsiz zaryadlash tizimini ko’rsatdi — 35 dan 100% gacha bir soatdan kamroq vaqtda to’ladi.

Mashina butunlay avtonom ishlaydi: unda rul va pedallar yo’q, ichki qismida esa faqat ikkita o’rindiq va ulkan displey mavjud.

AQSh'da robotaksilar 2026 yoki 2027 yilda ishlay boshlaydi. Ilon Mask aytishicha, undagi safarlar narxi avtobuslarga qaraganda arzonroq bo’ladi — 1 km uchun taxminan 20 sent.

📟 DigiTech
17,618
AI | DigiTech

21 Oct, 05:56

📺 YouTube endi haqiqiy kontentni sun’iy intellektda yaratilgan kontentdan ajrata oladi: platformaga asl videoni tekshirish usuli qo’shildi.

Texnologiya SI generatsiya va maxsus effektlar yo’qligini tasdiqlaydi. Haqiqiy videolar «kamerada suratga olingan» deb belgilanadi.

Ushbu belgini olgan birinchi video nomi «I am really at the zoo».

📟 DigiTech
16,581
AI | DigiTech

20 Oct, 14:15

🛜 Londonlik olimlar 6G tarmog’ini rekord darajada tezlashtirishdi — 938 Gbit/s, bu 5G'dan 9000 marta tezroq.

Bu qanchalik tezligini tasavvur qilish uchun: bunday tezlikda 100 Gb fayl bir soniyadan kamroq vaqt ichida yuklanadi, bunga eng keng chastotali diapazondagi radio to’lqinlarni birlashtirish orqali erishildi.

Mualliflarning fikricha, ularning texnologiyasi kelajakdagi 6G tarmoqlarining asosini tashkil qilishi mumkin. Ular hozirda smartfon ishlab chiqaruvchilar va provayderlar bilan muzokaralar olib borishmoqda.

📟 DigiTech
17,075
AI | DigiTech

20 Oct, 06:22

🚘 Ferrari o’zining eng tez yo’l avtomobili — retro supergibrid F80 ni namoyish etdi.

Uning dvigateli 1200 ot kuchiga ega, 0/100 km/soat tezlikka 2,15 soniyada erishadi, maksimal tezligi esa 350 km/soat.

Jami 799 nusxada chiqariladi, narxi 3,6 million yevro. Izohlarda dizayniga baho bering.

📟 DigiTech
18,340
AI | DigiTech

19 Oct, 13:59

⌨️O’zingizni filmlardagi xakerlardek his qiling, ushbu saytda klaviaturani har qanday tugmasini bossangiz ekranda xakerlar uslubidagi kod paydo bo’ladi.

Sozlamalarda interfeys rangini, shrift hajmini, fonni va yozish tezligini o’zgartirish mumkin.

👉 Sinab ko’rish uchun havola.

📟 DigiTech
15,908
AI | DigiTech

19 Oct, 02:51

🦠 Saratonning har qanday turiga yaqinda davo topiladi! Olimlar tanani saraton o’simtalarini yo’q qilishga o’rgatuvchi birinchi vaksinani ixtiro qilishdi.

• Vaksina organizmga o’zgartirilgan bakteriyalarni chiqaradi — ular immun hujayralarini metastaz va mutatsiyalarni nishonga olib, yo’q qilishga o’rgatadi.
• Ushbu davolash yo’li sog’lom hujayralarga zarar yetkazmaydi va qaytalanishni oldini oladi.
• Vaksina sichqonlarda allaqachon sinovdan o’tkazilgan — u melanoma va hatto eng xavfli ichak saratonini muvaffaqiyatli yo’q qildi.
• Yaqinda olimlar har bir bemor uchun shaxsiy vaksinalarni eng qisqa vaqt ichida ishlab chiqishni boshlashadi.

Mana buni yaqin yillardagi eng yaxshi yangiliklardan biri desa bo’ladi!

📟 DigiTech
16,979
AI | DigiTech

18 Oct, 14:24

⚡️Gizadagi piramidalar yonida katta muzey ochildi — bu dunyodagi eng qimmat va eng yirik arxeologik muzey bo’lib, uni qurishga deyarli 20 yil vaqt ketgan.

Loyihani amalga oshirish uchun 1 milliard dollardan ortiq mablag’ sarflandi, muzey ochilishi dastlab 2020-yilga mo’ljallangan edi, biroq turli sabablarga ko‘ra qoldirildi. Hatto hozir ham muzey faqat test rejimida ochilgan, shu sabab barcha bo’limlariga kirish imkoni yo’q.

Muzeyda hammasi bo’lib 12 ta bo’lim mavjud, ularning har birida 15 000 dan ortiq artefaktlar joylashtirilgan. Mahalliy aholi uchun chipta narxi 60 misr funti ($1.2), sayyohlar uchun — 200 funt ($4).

📟 DigiTech
16,800
AI | DigiTech

18 Oct, 10:12

💻 NVIDIA-ning yangi video kartalari chiqarilish sanalari va narxlari ma’lum bo’ldi:

• RTX 5090 — 2025-yil yanvarida. Narxi — 1999-2499 dollar;
• RTX 5080 — yanvar oyida, 1199-1499 dollar;
• RTX 5070 — fevral oyida, 600-699 dollar;
• RTX 5060 — mart, 300-350 dollar.

📟 DigiTech
13,704
AI | DigiTech

18 Oct, 05:17

🚀 Ilon Mask Starlink sun’iy yo'ldosh interneti tezligini 10 martaga oshirmoqchi — o'rtacha 100 Mbit/s dan 1 Gbit/s gacha.

Buning uchun orbital balandlikni 535-525 km dan 485-475 km gacha pasaytirish, konfiguratsiyaga «bir qancha kichik o’zgarishlar» kiritish va kattaligi sabab faqat Starship'da orbitaga olib chiqish mumkin bo’lgan yangi avlod sun’iy yoʻldoshlarini uchirish rejalashtirilgan.

📟 DigiTech
13,230
AI | DigiTech

17 Oct, 14:52

📀 Britaniyalik yigit 8000 bitkoinli qattiq diskni qazib olishga ruxsat berilmagani uchun rasmiylarni sudga berdi. U 647 million dollar zararni qoplashni talab qilmoqda.

Jeyms Xouells 10 yil oldin bitkoinlar bor qattiq diskini tasodifan tashlab yuborgan. U bir necha yil davomida qurilmani qidirgan va nihoyat disk chiqindilar ko’milgan poligonda joylashganligini aniqladi.

U bir necha marta shahar kengashidan qazish ishlariga ruxsat berishlarini so’ragan, ammo ular bunday operatsiya atrof-muhitga zarar yetkazishini ta’kidlab ruxsat berishmagan.

Jeyms qancha kerak bo’lsa shuncha sudlashishga tayyor, chunki hozirda uning moliyaviy muammolari bor. Bundan tashqari, bir nechta investorlar uni qo’llab-quvvatlashga tayyorlar.

📟 DigiTech
14,116
AI | DigiTech

17 Oct, 05:07

⚡️Tadqiqot: Bolalikda video o’yinlarni o’ynash ulg’ayganda daromadga va muvaffaqiyatga ta'sir qiladi.

So’rovnoma shuni ko’rsatdiki, yoshligida video o’yinlarni o’ynaganlar, o‘ynamagan odamlarga qaraganda ish joyida lavozimi ko’tarilish ehtimoli 71 foizga, daromadi esa yiliga o’rtacha 5451 dollarga ko’proq bo’lgan.

Buning sababi — o’yinlar strategik fikrlashni rivojlantiradi va jamoaviy ishlashga o’rgatadi. Bu ko’nikmalar kelajakda muvaffaqiyatga erishishga yordam beradi.

📟 DigiTech
14,173
AI | DigiTech

16 Oct, 13:03

🤖 Xitoydagi Unitree Robotics zavodida robo-itlarni ommaviy sinash jarayoni.

Yuzlab robotlarni sinxron harakatlanish tizimi sinovdan o’tkazilmoqda.

📟 DigiTech
13,846
AI | DigiTech

16 Oct, 12:31

👩‍💻🧑🏻‍💻Samarqandda birinchi marta Yandex Uzbekistan dasturlash maktabi ochildi

Yandex dasturlash maktabida birinchi darslar boshlandi. Tahsil Wepro maktabi bazasida haftasiga ikki marta bir yarim soatdan ochiq darslar shaklida o‘tkaziladi.

Darslarda yuqori sinf o‘quvchilari Python dasturlash tili asoslari bilan tanishishadi. Bolalar ushbu tilning asosiy tushunchalari, konstruksiyalari va til kutubxonalarini o‘rganishadi.

Loyihada ishtirok etish to‘liq bepul. Kirish sinovlari natijalariga ko‘ra maktabga 14 kishi qabul qilindi.

«Kelajak avlodini rivojlantirish va ta’limga investitsiya kiritish davlat va biznesning qo‘shma faoliyatining muhim qismidir. Yoshlikdan dasturlashni o‘rganish o‘zbekistonlik yoshlarning kelajakdagi muvaffaqiyati va mehnat bozorida raqobatbardoshligi uchun asos bo‘ladi», – dedi raqamli texnologiyalar vaziri Sherzod Shermatov.

Yandex dasturlash maktabi – 14-17 yoshli maktab o‘quvchilari uchun Python dasturlash tili asoslarini o‘rganishga mo‘ljallangan xalqaro loyiha. O‘zbekistonda loyiha ilk bor 2023 yilda Toshkentda o‘z ishini boshlagan. 2024 yilda dasturlash maktabi Toshkent va Urganchda ham yo‘lga qo‘yildi. Loyiha raqamli texnologiyalar vazirligi va Yandex Go ko‘magida amalga oshirilmoqda.
13,476

2024 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.