Тўғри ёзамиз — мутахассис блоги

ChatGPT ҳақида икки оғиз

Мендан кўпинча матнлар ёзиш ва уларни таҳрирлашда ёрдам бера оладиган ChatGPT ҳақида сўрашади. У ҳақиқатан ҳам ақллими?

Албатта, у мантиқли, мазмунли ва таъсирли матнлар ёза олади. Лекин ҳар қандай тиниқ кўзгу ҳам атрофдаги дунёни аниқ акс эттиради, аммо ҳеч ким кўзгуни ақлли деб айтмайди.

ChatGPT ҳам инсон фикрини акс эттиради, яъни у фақат ўзига берилган маълумотлар асосида ишлайди. Ундан чиққан ғоялар янги эмас, балки олдинги миллионлаб билимларнинг таҳлили ва қайта ишланган варианти. Шунинг учун ChatGPT доно эмас, балки ўта яхши ташкил этилган восита.

Бугун унинг имкониятлари ақл бовар қилмас даражага чиқди. У яхши ёрдамчи — кундалик саволларга жавоб беради, матнларни таҳрир ва таржима қилади, янги марраларга илҳомлантиради. Аммо унга тўлиқ ишониш эмас, балки ундан фойдаланиш керак. Ахир қалам ҳам ўз-ўзидан китоб ёза олмайди, шундай эмасми?

Стюарт Расселнинг “Сунъий интеллект” китобидан илҳомланиб ёзилди.

Қўрқинчли хатоми?

Бунақа ҳолатлар унчалик ҳам катта хато ҳисобланмайди, чунки унга саводсизлик туфайли эмас, шунчаки теришда шошқалоқлик ва эътиборсизлик туфайли йўл қўйилган.

Матн билан ишловчи мутахассис сифатида айта оламан: ҳар қандай кучли муҳаррир/мусаҳҳиҳ ҳам баъзида хатоларни ўтказиб юбориши, керакли жойларни кўзи илғамай қолиши мумкин. Чунки у инсон — толиқади, диққати тарқайди, кўзи хиралашади.

Умуман, инсон омили бор жойда камчилик бўлади. Шунинг учун ҳеч толиқмайдиган, бирорта ҳарфни эътибордан четда қолдирмайдиган технология имкониятларидан ҳам фойдаланиб туриш керак. Масалан, Tahrirchi'дан.

@xatoliklar

Сал аввалроқ жўнатишган экан. Телевидениедаги хатоларга одам ўрганиб ҳам қолди. Лекин келиб-келиб “президент” сўзида ҳам адашадими?

Президнет ❌
Президент ✅

*Расм обуначиларимиздан
@xatoliklar

Сўзнинг заволи ҳақида икки оғиз сўз...

Тилнинг миллий табиатини ҳис этмаган одам нимани таржима қилмасин, аслият тили жодусига берилиб, “аслига тўғри” қилиб ағдариб кетаверади.

Русча “принимать” — энг кўп қўлланадиган, аммо ҳамиша хато ўгириладиган сўзлардан бири. Ҳа, унинг илк маъноси — “қабул қилмоқ”дир. Аммо исталган ўринда эмас-да.

“Мы приняли решение” деган калима ўзбек тилида “Биз шундай қарорга келдик” бўлади, “Биз шундай қарор қабул қилдик” эмас. Ахир қарорни кимдан қабул қилиб оламиз? Шу тариқа “Парламент принял закон”ни тили бузилмаган ўзбек “Парламент қонун чиқарди” дейди, “Указ, принятый Президентом” жумласи “Президент чиқарган фармон” бўлади. Чунки давлат раҳбари фармонни бировдан қабул қилиб олмайди, акс ҳолда, фармон берган эмас, бажариш учун қабул қилган бўлиб қолади.

Манба: Таржима ва тил, Зуҳриддин ИСОМИДДИНОВ
@xatoliklar

🟡 Йил сарҳисоби (2024)

“Ҳечдан кўра кеч” деганларидек, ўтган йил сарҳисобини қилиб қўйсак. 2024 йилда (ўзим ва кичик жамоам) эришганларимиз мен ўйлаганчалик катта бўлмади, аммо ютуқларни умуман йўқ ҳам деб бўлмайди. Баъзиларини санаб ўтсак:

▪️ «Тўғри копирайтинг» муаллифлик курсим ўқувчилари сони 400 га етди.
▪️ Saber Publisher таҳририяти билан ҳамкорликни йўлга қўйдим.
▪️ 4 та агентлик билан ҳамкорликни давом эттирдим, булар: Minim Design, McCann Tashkent, Wunder Digital (Samsung), Web Promotion.
▪️ Oyina платформаси учун интервью бердим.
▪️ Ўзим истаган BYD E2 электромобилини олдим.
▪️ Экран диагонали нақ 12.4 дюйм бўлган кучли планшет олдим.
▪️ Ёшлар ишлари агентлигининг 1000kitob лойиҳаси доирасида Стюарт Расселнинг “Инсонга мос сунъий интеллект” китобига муҳаррирлик/мусаҳҳиҳлик қилдим.
▪️ Отабек Маҳкамовнинг “Юксаклик сари тасодиф бўлмаган 100 та учрашув” номли китоби қайта нашр этилди, у учун қайта таҳрир/тасҳиҳ қилинди.
▪️ @xatolik_bot конвертация ботимизни такомиллаштириш устида ишладик, тез орада янги талқинда ишга тушади.
▪️ Ғиёсиддин Юсуф ва Надия Рамазон муаллифлигидаги “Солиҳалар гулшани” китобига мусаҳҳиҳ бўлиш насиб этди.
▪️ oncogid.uz сайтини ўзбек тилига ўгирдик.
▪️ Яна тиббиёт, тадбиркорлик, қурилиш, маркетинг, публицистика ва бошқа йўналишларидаги бир қанча лойиҳалар учун копирайтинг, таржима, таҳрир ва тасҳиҳ хизматларини кўрсатдик.

2024 йилда сиз қандай ютуқларга эришдингиз?

Савол: ёққанда ёки ёғганда?

Бу саволга жавоб матн қайси алифбода ёзилишига қараб турлича бўлади. Биз ҳануз икки алифбодан бирдек фойдаланаётган давлат бўлиб қолаётган эканмиз, ҳар иккисининг қоидаларини билиб қўйганимиз ўринли бўлади.

— Кирилл алифбосида
Ўзаги ғ ҳарфи билан тугайдиган сўзларга -га, -ган, -ганча, -гунча, -гани каби қўшимчалар қўшилса, талаффузда ҳам, ёзувда ҳам товуш алмашиши (қ + қа) кузатилади:
Тоғ + га = тоққа
Ёғ + ган = ёққан
Оғ + гунча = оққунча

— Лотин алифбосида
Ўзаги g‘ ҳарфи билан тугайдиган сўзларга -ga, -gan, -gancha, -guncha, -gani каби қўшимчалар қўшилса, фақатгина нутқда товуш алмашиши кузатилади (q + qa), ёзувда эса аслича қолаверади (g‘ + ga):
Tog‘ + ga = tog‘ga
Yog‘ + gan = yog‘gan
Og‘ + guncha = og‘guncha

— Талаффузда
Аслида, талаффузда ҳам товушлар ўзгаради: боши оққан томонга кетди, қор ёққанда боққа борамиз.

Аммо сўнгги пайтларда аслича айтиш ҳам урфга киряпти. Балки, бир неча йиллар ўтиб, сўзлашувдаги ҳолат таъсирида ёзилганидек айтилиши (bog‘ga, yog‘ganda...) меъёрга айланиб қолар.

—

Демак, ёзувда:
Қор ёғганда ❌
Қор ёққанда ✅

Qor yoqqanda ❌
Qor yog‘ganda ✅

@xatoliklar

Енг шимариб

“Астойдил, жон-жаҳди билан” маъносини билдиради. Бу иборанинг юзага келиши халқимизнинг кийиниш маданияти билан боғлиқ.

Маълумки, аввал енги калта кийим кийиш урф бўлмаган, айниқса, ўзбек аёллари кийимларининг енги, шаръий қоидаларга кўра, қўл бармоқлари бошланадиган жойгача бўлган. Шу сабабли бирор юмуш бажаришдан олдин кир бўлмаслиги, халақит қилмаслиги учун кийим енги шимариб олинган.

Масалан, “Нусратилла почча енг шимариб, ошга қўл узатди” (Мурод Мансур, Жудолик диёри), “Асқаралининг келини енг шимариб таппи ёпарди” (Тоҳир Малик, Девона) гапларида қаҳрамонлар, ҳақиқатан, кийим енгини шимариб ишга киришган. Аммо кейинчалик кийимлар енги қисқаргач, енгил-елпи ишларни бажариш учун, дейлик, кўйлак енгини шимариш шарт бўлмай қолган.

Натижада енг шимариб бирикмаси кўчма маънода қўлланишни бошлаган ва шу кўчма маъноси билан бирга иборалашган.

Масалан: “Бугун, шанба куни, эрталабдан таҳририятга келиб, енг шимариб ишлаб ўтирсам, қўнғироқ бўлиб қолди”. (А.Мелибоев, Қирқ бешинчи бекат) жумласида бирон-бир юмушни “астойдил, жон-жаҳди билан” қилмоқ маъносида келган.

Ёрқинжон Одилов
@xatoliklar

Тежамкорлик ва эътиборсизлик

Hilton Garden Inn деган анчагина йирик меҳмонхоналар тармоғи ҳақида кўпчилик эшитган, дунёнинг 62 та мамлакатида мингдан ортиқ меҳмонхонаси бор.

Меҳмонхона даражаси бўйича ўрта ва юқори сегмент учун. Расмда кўриб турганингиз — Термиздаги Hilton Garden Inn меҳмонхонаси.

Бу ерда эътиборни матнга эмас, расмга қаратамиз. Одатдагидек, бу ерда ҳам "ҳаммасини ўзимиз эплаймиз, осон-ку" қабилида иш кўрилган — пул тежаб қолинган. Яъни эълондаги расмда Canva'нинг ҳимоя белгиси (watermark) турибди. Бу дегани, “дизайнер” платформанинг бепул версиясидан фойдаланган ва ҳатто ҳимоя белгисига аҳамият бермаган.

Бу худди “Lorem ipsum...” ёзуви билан эълон осишга ўхшайди. Премиум тоифасидаги меҳмонхона тармоғи учун бу анчагина хунук ҳолат.

*Расм обуначиларимиздан
@xatoliklar

«Ундай эмас, бундай бўлади. Сизлар адашяпсизлар!»

Ижтимоий психологияда Даннинг-Крюгер эффекти деган тушунча бор. Бу нима дегани?

— Бирор соҳада етарлича малакага эга бўлмаган одамда ўзига бўлган ишонч жуда юқори бўлишини кузатганмисиз? Бунақа одам ўзини профессионал, тажрибали мутахассис деб ҳисоблайди. Қобилиятларини юксак баҳолагани боис қилаётган хатоларини кўра олмайди, бошқаларнинг гапларини инкор қилади.

— Ўз ишининг ҳақиқий устаси бўла туриб, қобилиятларини етарлича баҳоламайдиган, ишончсизликдан азият чекадиган одамларни ҳам учратган бўлсангиз керак.

Мана шу ҳодиса Даннинг-Крюгер эффекти дейилади. Соддароқ тушунтирсак, билими оз бўлган одам ўзига катта баҳо беради, билими юз чандон кўп одам эса ўзини ерга уради.

Қизиқ жиҳати, билимсизнинг ўзига бўлган ишончи манманликдан эмас, кўпроқ билимсизлигини билмаслиги туфайли бўлади. Билимли одамнинг ўзини ерга уриши эса камтарликдан эмас, шунчаки ўзига тўғри баҳо бера олмаслигидан бўлади.

Даннинг-Крюгер эффекти деган тушунча яқиндагина — 1999 йилда илгари сурилган бўлса-да, бу ҳақда одамлар минг йиллар аввал ҳам фикр юритган. Келинг, Суқротнинг бир гапини эслаймиз:
— Мен ҳеч нарсани билмаслигимни биламан, аммо бошқалар шуни ҳам билмайди!

Бу ерда "ҳеч нарсани билмаслик" деб мажозий маънода айтилган. Ушбу иқтибосдан бир нечта хулосалар олиш мумкин:
— билимсизлик ўз-ўзидан айб эмас, чунки инсон билиб туғилмайди, ҳаёти давомида билиб боради;
— билимсизлигини билмаслик ва тан олмаслик — айб;
— билмаслигини билиш одамни бошқалардан устун қилади.
____________________________

Нима қилиш керак?

Биринчи тоифадаги одамда ўзига бўлган ишонч шу қадар юқорики, ҳатто хатоларини ҳам ютуқдек қабул қилади.

Агар сиз шундай одамга йўлиқсангиз, у билан ортиқча баҳслашманг, фойдаси йўқ. Ягона ечим — у қайси соҳада ўзини мутахассис деб билса, уни ўша соҳанинг ҳақиқий мутахассислари даврасига тушириб қўйиш. Ҳақиқий мутахассислар қандай бўлиши кераклигини у ўз кўзлари билан кўрсагина унинг шира босган кўзлари очилади, оёғи қайтиб ерга тегади, ўзига бўлган ортиқча ишончи меъёрга келади.

Агар иккинчи тоифадаги инсонга йўлиқсангиз, шунчаки унга:
— у билган нарсаларни ҳамма ҳам билавермаслигини,
— у қилган ишни ҳамма ҳам қила олмаслигини,
— у осон деб ўйлаган нарсалар оддий одамлар учун осон эмаслигини тушунтириш керак.

@xatoliklar

Айё ўзи ким/нима?

Аёллар учун алоҳида фитнес клублари бўлиши қувонарли ҳол, лекин айё (ayyo) ким?

Сиз бу расмга ҳайрон бўлманг, чунки google орқали "ayyolar" деб сўров берсам, 24 400 та натижа чиқди. Таълим тизимидами муаммо ёки одамларнинг бефарқлигида (бефарқ одамларда)?

*Расм обуначиларимиздан
@xatoliklar

Приоритет — “устувор”ми?

Ҳозирги кунда оммавий ахборот воситалари орқали устувор сўзи ҳамма ерда приоритет, яъни афзал, биринчи даражали деган маънода ишлатиб келиняпти. Бу тилимизга қайсидир маънода ўрнашиб улгурди ҳам.

Бу сўзда бир қарашда ҳеч қандай хатолик йўқдек, чунки устувор ўзбек тилидаги усти сўзидан ясалгандек кўринади. Аммо бу форс-тожик тилидан олинган сўз мустаҳкам, маҳкам, қаттиқ деган маъноларни билдиради, ўзаги эса устун, яъни таянч.

Устун бирор нарсанинг остида бўлади, приоритет эса афзалликни, юқориликни ифодалайди.

Устувор халқаро тилдаги фундаментал деган сўзга мос келади. Шундай экан, приоритет сўзини ўзбекчада устувор (таянчли) дейиш қанчалик тўғри? Қолаверса, ўзбек тилининг изоҳли луғатида устувор сўзи мустаҳкам, маҳкам, бузилмас деб таърифланган.

Приоритет сўзи турли тилларда:
• уйғурчада — ھەممىدىن مۇھىم (ҳаммадан муҳим),
• қирғизчада — артыкчылыктуу (ортиқчилик),
• озарбайжончада — prioritet (приоритет) ёки üstünlük (устунлик),
• қозоқчада — басымдық (бошимлик),
• татарчада — өстенлек (устунлик),
• туркчада — bir öncelik (биринчилик).

Биз буни қайси сўз билан ифодаласак бўлади?
Биз ўзбек тилида приоритет сўзини устунли, устунлик, афзалиятли, афзалиятлик деб айтишимиз ёки, яхшиси, халқаро тилдаги приоритет сўзининг ўзини қолдиришимиз мумкин.

Бу мулоҳазалар бўйича сиз қандай фикр ва таклифлар берасиз?

@xatoliklar

Таржимонларга тавсия

Таржимон луғатдан сўзларнинг тўғридан-тўғри таржимасини топиб қўйиши камлик қилади. Бунда контекст, матн услуби ва оҳанги ҳам ҳисобга олиниши керак.

Расмда таниқли автомобиль бренди "погрузитесь" сўзини "ғарқ бўлинг" деб ўгирган — сўзни шунчаки таржима қилиб қўйгани етмагандай, уни ҳам хато билан ёзган. Яхшиямки "чўкиб кетинг" ёки "кўмилиб қолинг" демабди.

Хуллас, жуда содда қилиб айтадиган бўлсак, сўзни эмас, гапни, умумий маънони таржима қилинг.

🇷🇺 Погрузитесь в безупречный комфорт
🇺🇿 Бенуқсон қулайликка ғарқ бўлинг ❌

Менинг таклифларим:
— Мукаммал қулайликдан баҳраманд бўлинг ✅
— Аъло даражадаги қулайлик муҳитига шўнғинг ✅

Сиз гапни қандай таржима қилган бўлардингиз?

*Расм обуначиларимиздан
@xatoliklar

Муаллифдан

Кеча ўзбек тили куни эди, аммо каналга ҳеч нарса жойламадим. Вақтим ёки контент йўқлиги учун эмас, шунчаки бошқаларни томоша қилгим келди.

Давлат идораларидан тортиб кўча б/влогерларигача — ҳамма ўзбек тили ҳақида қайғуришини билдирди. Аммо деярли ҳеч бири амалда буни кўрсатиб беролмади. Табиийки, бугун тил масаласи эсдан чиқарилди.

Тил ҳақида фақат бир кун гапирилмайди. Шунинг учун мен шунчаки сукут сақладим.

@xatoliklar

Имловий хатолар билан ёзиш катта брендларга ярашмайди. Бизга ўхшаган мутахассислар билан ҳамкорлик қилса, иши ўнгидан келармиди...

Суний ❌
Сунъий ✅

Чидамлийлик ❌
Чидамлилик ✅

Бардошлийлик ❌
Бардошлилик ✅

Яна қандай хато-камчиликлар бор матнда, топинг-чи.

*Расм обуначиларимиздан
@xatoliklar

Кўчмас мулк билан шуғулланадию, лекин копирайтерга ажратишга пули йўқ. Тўғрироғи, ҳалигача копирайтер хизматидан фойдаланиш кераклигини тушуниб етмаган. Ҳечқиси йўқ, биз тушунишга ёрдам берамиз.

*Расм обуначиларимиздан
@xatoliklar

Kun.uz'да аввал таржималар яхши бўларди, ҳозир ўгирилган хабар ё мақолаларни ўқиб бўлмайди

Юқоридаги матнни Kun.uz'дагилар таржима қилмаган бўлса-да, чиқаётган материалларга улар жавобгар.

Бу матн аниқ аввал рус тилида ёзилган ва Google'да таржима қилинган. Чунки йирик компания эгалари ўзбек тилига тупуриб қўйишган. Уларда иш бошқарувчилар, менежерлар, копирайтерлар — рус миллатига мансуб мутахассислар ёки русийзабон чаласавод ўзбеклар, аксар ҳолларда шундай.

Рус тилида маъноси тушунарли бўлган гапларда баъзи сўзлар тушириб қолдирилади. Бу рус тилига хос, ўзбек тилига эмас. Масалан, собиқ AKFA, ҳозирги Марказий Осиё Университетида тиббиёт фанидан дарс берувчи бир устозни таништирувчи реклама баннерида шундай гап бор: «У ҳаётларни асраб қолади (ёки қутқаради эди)». Ўзбек ҳеч қачон бундай демайди. Бу гап ҳам русча: «Он/Она спасает жизни» шаклида туғилган ва охирида «людей» сўзини ўзида яширган. Бу эса таржимада ўз аксини топмаган, чунки Google'да ақл бор, лекин тафаккур йўқ.

Тепадаги ҳолатда ҳам айнан шундай. «...покоряет (сердца) владельцев», деган мазмундаги гапни бизнинг тилни буриб, нада русчани, нада ўзбекчани қойиллатиб гапира оладиган ёшларимиз «эгаларини забт этади» дея имкон қадар саводсизларча таржима қилган. Соф ўзбекчада эса «қалбларни забт этади», деб таржима қилиниши керак.

Бундай кичик кўринадиган, аммо онг остида муҳрланиб қоладиган хато иборалар урфга кирмаслиги учун бизнес эгалари, тадбиркорлар ва маркетинг агентликлари матнларни копирайтерларга аввало ўзбек тилида ёздириб, сўнгра исталган тилга таржима қилишлари керак бўлади.

Тилимиз ҳақида қайғурмасак, бизларни «забт этиш» анча осон кечади...

P. S. Муаллифлар матнни тўғрилаб қўйишди.

@xatoliklar

Копирайтинг курсига қабул ёпиляпти. Эртага ўқувчиларга биринчи дарс тақдим этилади. Бу сафар тўлов борасида анча енгилликлар берилди. Кўпчилик фойдаланиб қолди.

Қолганларни 2-3 ойдан сўнг, кейинги қабулда кутиб қоламиз.

@Copywriting_Support

Ўзбекистон экологик партияси — бу ном тўғрими?

Хато бўлса, тўғриланглар, лекин партия номидаги "экологик" сифати партиянинг турини билдиряпти. Худди демократик партия, консерватив партия, сиёсий партия дегандек.

Аммо, менимча, сўз ўлароқ партиянинг йўналишини, қайси муаммоларга эътибор қаратишини билдираётгани йўқ.

Соддароқ айтсак, "экологик" — сифат:
— қандай партия?
— экологик партия.

Аслида, экологик муаммо/масала, экологик назорат, экологик хавфсизлик, экологик дунёқараш бўлиши мумкин, аммо экологик партия эмас.

Бу рус тилидан калька усулида таржима қилишнинг натижаси бўлса керак: экологическая партия

Қандай бўлиши керак?
Экология партияси
Экология масалалари партияси
Экологик масалалар партияси

@xatoliklar

Экология партиясидан дурдона асар.

Оқ бу қора бўлиб, қора оқ бўлиб чиқса-чи? 😅

*Расм обуначиларимиздан
@xatoliklar

Қабулни ёпяпмиз

Эслатма: 2 кунда курсга қабул тўлиқ ёпилади ва дарслар бошланади. Улгурмай қолганлар дарслардан қолиб кетади.

Улгуриш учун: @Copywriting_Support

Прафисанални видио мантаж кимга керак? Интрет маркетинг-чи?

*Расм обуначиларимиздан
@xatoliklar

Интервью чиққанини билмай ҳам қолибман.

Соҳага энди кираётганлар учун фойдали бўлади — асосий саволларга жавоблар берилган.

@Abduazim_uz

Ҳозир копирайтингни ўрганиш учун энг қулай пайт. Касбингизни ўзгартиришга нима дейсиз?

📌 Бу ғоялар ва уларни ҳаётга татбиқ қилиш ҳақидаги касб – биз креатив кампаниялар яратамиз, реклама роликлари, ташқи реклама, дигитал фаолликлар ўйлаб топамиз. Замонавий касблар орасида эса копирайтингнинг ўрни бошқача – ким бўлсангиз ҳам, барибир, фикрларингизни аниқ, тушунарли қилиб етказиб бериш муҳим.

Oʻz: https://oyina.uz/uz/article/3098

Ўз: https://oyina.uz/kiril/article/3099

Расмий саҳифаларимиз👇

Telegram | Facebook | X | Instagram

TAF танлови ўз манифестини эълон қилибди

Аввал манифест видеоси ва матни билан танишиб чиқинг, кейин муҳокама қиламиз:
https://t.me/makonmarketing/1821

Манифест ғояси бир қарашдан зўр — "билганингни қил" ҳақиқатан ҳам мотивацияни сўндирадиган жумла, лекин бу билан ота-она ҳар доим ноҳақ бўлиб чиқади деган ғоя илгари сурилаётгандек гўё.

Қачон ота-она "билганингни қил" дейди? Қачонки фарзанди адашаётганини кўрса, унга тўғри йўлни кўрсатганда у ўз фикридан қолмаса, тажрибасизлик сабаб оқибатларни кўра олмаётган бўлса.

Тўғри, инсон хатокор, адашиши, фарзандини аяб ёки ўз манфаатини ўйлаб унинг қандайдир янгиликлар қилишига йўл қўймаслиги мумкин. Аммо бу жумладан мотивация олиб, муваффақиятга эришган инсонлардан кўра эришолмаганлар кўпроқ бўлса керак.

Менимча, бу ерда урғуни бошқа тарафга қаратган маъқул бўларди. Масалан, "билганингни қил" жумласи аслида "билган нарсангни қил, билмаганингни қилма" деган маънода тушунилиши керак деган ғоя асос қилиб олинса, чиройлироқ чиқармиди.

Хуллас, айни ота-онанинг бу жумласини манифест сифатида олиш, тўғрироғи, бунга жавобан "Ҳа, мен нима истасам, шуни қиламан. Бу менинг йўлим" деган ички жавоб ота-онага бўлган ҳурматсизликдек туюлди менга. Сизга-чи?

@xatoliklar

Кўпчилик чегирма кутаётган экан

Устоз учун энг чиройли табрик йўллаган 5 кишига 300 минг сўм чегирма қилиб бердик. Улар зўр имкониятдан фойдаланиб қолишди.

Қолганлар эса хафа бўлишяпти. Нима ҳам дердик, танлов шарти шунақа бўлганди — устозингизга йўллаган табригингиз сизга яхшигина чегирма олиб келиши мумкин эди.

Лекин кўнглимиз бўш, шунга яна 5 кишига 100 минг сўмли чегирма тақдим этамиз. Шунчаки улгурсангиз бўлгани.

Ёзинг: @Copywriting_Support

Копирайтинг курсига тез кунда қабул ёпилади ва дарслар бошланади.

Курс бўйича саволларингиз бўлса, изоҳларда ёзинг, уялиб сўролмай юрганларга ҳам фойдали бўлади 👇

Инсонга қилган ишларига¹ ² қараб баҳо берилади

«Тўғри копирайтинг» муаллифлик курсимни илк бор йўлга қўйганимга 2 йил бўлибди. Шу кунгача курсда ўқиганлар сони 400 га яқинлашиб қолди.

Тан оламан, битирувчилар орасида дарсларни ўзлаштиролмай, ярмидан ташлаб кетганлар ҳам, кучли копирайтер бўлиб ишлаб юрганлар ҳам бор.

Ундан ташқари, шундай шогирдларим борки, лойиҳаларимнинг катта қисмини уларга тўлиқ топшириб қўйганман.

Жамоамга қўшилишни истовчилар кўп, аммо жамоа кенгайгани сари уларни имкон қадар иш билан таъминлашим керак. Шундай экан, бизнес эгаси сифатида сизга матн билан боғлиқ хизматлар керак бўлса, бемалол ўзимизга мурожаат қилаверасиз.

Жамоам билан қандай хизматлар кўрсатамиз?
— копирайтинг (сотув матнлари, сайт учун матнлар, лендинг прототипи, reels сценарийлари);
— таржима (инглиз, рус ва ўзбек тиллари);
— таҳрир ва тасҳиҳ ишлари (китоб ва журналлар).
— матн билан боғлиқ бошқа ишлар (саҳифалаш, китоб дизайни)

Нархлар бозордаги ҳолатдан қимматроқ, аммо нима учунлигини биласиз — ишимиз сифати борасида ортиқча гапга ҳожат йўқ, менимча. Ишонмасангиз, сарлавҳани ўқинг.

@nuqtavergul
@xatoliklar

Айтиб турсанг ҳам хато қилади-я одамлар.

Илминг йўқ, билиминг йўқ, савиянг йўқ, китоб ўқимайсан, @xatoliklar каналини кузатмайсан!... дейдиган одам йўқ.

@xatoliklar

Курсда нималар ўргатилади?

Кўпчилик копирайтинг курсида тўғри ёзиш қоидалари ўргатилади, деб ўйлар экан. Аммо ундай эмас, саводхонлик мавзусига биргина дарс ажратилган.

Курсда имло ёки пунктуация қоидалари ўргатилмайди. Бехато ёзиш — мустақил ўрганиладиган нарса.

Унда курсда нималарни ўрганасиз?

• Аудиторияга мос матн ёзишни
Мақсадли аудиторияни аниқлашни, аудитория турларини, ҳар бир турдаги аудитория учун матнда нималар ҳақида маълумот беришни, матн ҳажми ва мазмуни қандай бўлиши кераклигини ўрганасиз.

• Тўлақонли матн ёзишни
Матн тўлақонли бўлиши учун у қандай қисмлардан ташкил топишини ва унинг ҳар бир қисмини алоҳида мисоллар билан ўрганасиз.

• Самарали матнлар ёзишни
Самарали матн қандай талабларга жавоб бериши кераклигини, мижозга таъсир қилиш усулларини, бренднинг овоз оҳангини шакллантиришни билиб оласиз.

Мавзулар рўйхати
1. Танишув. Курс ҳақида. Копирайтингга кириш
2. Матн самарадорлиги. Аудитория турлари. Матн ҳажми ва мазмуни
3. Сарлавҳа: вазифалари, турлари, мисоллар
4. Натив реклама. Тагсарлавҳа. Лид-абзац.
-------------------------------------------------

5. Фойда тушунчаси. Фичеризм ва формализм. Хусусиятлар, афзалликлар ва фойдалар жадвали
6. Лирик чекиниш. Саводхонлик: орфография, пунктуация, орфоэпия, синтаксис, луғатлар
7. Эътирозлар. Далиллар. Фикр-мулоҳазалар
8. Ҳаракатга ундаш (CTA) ва Постскриптум
-------------------------------------------------

9. Копирайтингда формулалар
10. Иш режаси. Мижоз портрети
11. Матн турлари. Маҳоратни ошириш машқлари, фойдали тавсиялар.
12. Tone of Voice — овоз оҳанги. Бренд овози.

*Бонус дарси ҳам бор
Батафсил: @Copywriting_Support

@xatoliklar

Чиройли табрик жўнатганлар 5 кишидан ошди, саралаб олиш қийин кечадиганга ўхшайди.

Аммо курсда бериладиган билимлар чегирмасиз ўқишга ҳам арзийди. Сотув матнлари орқали даромадга чиқиш сизга қизиқ бўлса, @Copywriting_Support'га ёзинг.