O'zbekkonsert.uz / Rasmiy kanal

Ozodbek Nazarbekov O‘zbekiston Respublikasi madaniyat vaziri lavozimiga ma`qullandi

Veb-sayt| Telegram |Facebook |  YouTube| Instagram| X| ParlamentTV_RADIO

#Brifing
#Live

▶️ 18-20-noyabr kunlari Rossiya Federatsiyasida o‘tkazilgan “O‘zbekiston madaniyati kunlari” yakunlari yuzasidan AOKAda Madaniyat vazirligi matbuot xizmati rahbari — vazirning axborot siyosati masalalari bo‘yicha maslahatchisi Sirojiddin O‘sarov ishtirokida brifing boshlandi.

✅ Quyidagi havola orqali brifingni to‘g‘ridan-to‘g‘ri tomosha qilishingiz mumkin:

🔴 Jonli efir

Telegram | Instagram | Facebook | Veb-sayt

O'zbekkonsert.uz / Rasmiy kanal pinned «»

Ajiniyoz Qo‘siboy o‘gli tavalludining 200 yilligiga bag‘ishlanаdi

Ajiniyoz

Ajiniyoz, sen istagan zamon keldi,
Alyorlaring yillar ichra omon keldi.
Noming abad eʼzoz topdi el ichida,
Bulbulzabon shoirlarga davron keldi.

Qoraqalpoq-o‘zbek yo‘li mangulikdir,
Yorug‘-yorug‘ maqsadlarga yetgulikdir.
Qardoshlikka, do‘stlikka jon fido aylab,
Ne g‘ov bo‘lsa, birga yengib o‘tgulikdir.

Ajiniyoz, sen istagan zamon keldi,
Gulshaningda g‘unchalaring xandon keldi.
Hayotsanki o‘zbegimning yuragida,
Hikmatlaring dilga, tilga har on keldi.

Har bayoting xazinasi ming bir hikmat,
Ko‘ngillarga sochib turar nuri ziynat.
Ajiniyoz, noming boqiy yodimizda,
O‘zbegimdan senga bo‘lgay mangu hurmat.

Ajiniyoz, sen istagan zamon keldi.

Shoira Shams,
O‘zbekiston Yozuvchilar uyushmasi aʼzosi

Ajiniyoz Qo‘siboy o‘gli tavalludining 200 yilligiga bag‘ishlangan xotira kechasi va film taqdimoti bo'lib o'tdi.

🌐Website| ✅Telegram |🌐 Instagram
✅Facebook

#Fotoreportaj
#Madaniyat_kunlari
#Rossiya

🇺🇿 🇷🇺 Rossiyada “O‘zbekiston madaniyati kunlari”ning tantanali ochilish marosimi bo‘lib o‘tdi

Telegram | Instagram | Facebook | Veb-sayt

Ajiniyoz Qo‘siboy o‘g‘li tavalludining 200 yilligi munosabati bilan tantanali adabiy-badiiy xotira kechasi bo'lib o'tdi.

Prezidentning 2024-yil 16-iyuldagi “Atoqli qoraqalpoq shoiri va mutafakkiri Ajiniyoz Qo‘siboy o‘g‘li tavalludining 200 yilligini keng nishonlash to‘g‘risida”gi PQ-258-sonli qarori ijrosini ta’minlash maqsadida, Alisher Navoiy nomidagi O‘zbekiston davlat akademik katta teatrida Ajiniyoz Qo‘siboy o‘g‘li tavalludining 200 yilligi munosabati bilan tantanali adabiy-badiiy xotira kechasi tashkil etildi.

Ushbu adabiy-badiiy xotira kechasida taniqli davlat va jamoat arboblari, yozuvchi-shoirlar, madaniyat va san’at namoyandalari, mahalla faollari, olimlar, talaba va o‘quvchilar, keng jamoatchilik hamda ommaviy axborot vositalari vakillari ishtirok etishdi.

Atoqli qoraqalpoq shoiri va mutafakkiri Ajiniyoz Qo‘siboy o‘g‘li o‘zining betakror va sermazmun ijodi bilan xalqimiz madaniyati va adabiyotini rivojlantirish, yosh avlodni vatanparvarlik va ezgu g‘oyalar ruhida tarbiyalash, o‘zbek va qoraqalpoq xalqlari o‘rtasidagi azaliy do‘stlik va og‘izbirchilikni mustahkamlashga munosib hissa qo‘shgan ulkan ijodkordir. Hassos shoirning she’r va dostonlarida aks etgan gumanistik falsafiy qarashlar el-yurtimiz qalbidan chuqur joy egallagan.

Xivadagi mashhur Sherg‘ozixon va Qutlimurod inoq madrasalarida tahsil olgan bu ulug‘ siymo nafaqat mamlakatimizda, balki butun mintaqamizda xalqchil shoir, yetuk muallim va ustoz, mohir xattot sifatida shuhrat qozongani ayniqsa e’tiborga molikdir. Uning go‘zal asarlari turkman, qozoq, qirg‘iz va boshqa qardosh xalqlar tomonidan ham sevib o‘qilmoqda.

Ajiniyoz Qo‘siboy o‘g‘li tavalludining 200 yilligini nishonlash YUNЕSKOning xalqaro yubileylar rejasiga kiritilgani ham uning ijodiy merosi umumbashariy ahamiyatga ega ekanligidan dalolat beradi.

🌐Website| ✅Telegram |🌐 Instagram
✅Facebook