Tanzila Narbaeva

@tanzilanarbaeva

O‘zbekiston Respublikasi Oliy Majlisi Senati Raisi

Facebook:
https://www.fb.com/narbaevatanzila/
Instagram:
https://www.instagram.com/tanzilanarbaeva
Twitter:
twitter.com/TNarbaeva

Tanzila Narbaeva (Uzbek)

Assalomu alaykum, sevgli o‘qituvchilar va talabalar! Bugun sizga tanishuv uchun ajoyib bir Telegram kanalini taklif qilamiz - Tanzila Narbaeva! Bu kanal O‘zbekiston Respublikasi Oliy Majlisi Senati Raisi, Tanzila Narbaeva tomonidan boshlangan. Tanzila Narbaeva hukumat ishlari, siyosiy tadbirlar, va mamlakatning mustaqilligiga bag‘ishlangan savollar yuzasidan ma‘lumotlar tarqatib boradi. Har bir videoda, maqolada yoki suhbatda Tanzila Narbaeva o‘z fikr va mulohazalarini iloji boricha izohlaydi, o‘z fanlarini bilishni kengaytiradi. Kanalda har hafta yangilangan maqolalar, intervyular va sahifalar yer olishi mumkin. Tanzila Narbaeva kanalida hammasi sizning e’zozingizda bo‘ladi, shuning uchun undan foydali ma‘lumotlar olishingiz mumkin! Bu shunchaki aniq ma‘lumotlar, zamonaviylik va yangiliklar haqida ma‘lumotlarni yig‘ib olishingiz mumkin. Kanalda asosiy maqsad - O‘zbekiston mustaqilligini yanada kuchli va qadriyatli qilishda sizni qo‘llab-quvvatlashdir. Tanzila Narbaeva kanalida yangiliklardan xabardor bo‘ling! Kanalda siz uchun qiziqarli yangiliklar, intervyular, va eng so‘ngi hukumat ishlari bilan tanishing. Sizga qulay bo‘lganiz uchun, Tanzila Narbaeva Instagram, Facebook va Twitter platformalarida ham mavjud. Unda siz Tanzila Narbaeva faoliyatini tez-tez kuzatishingiz, so‘nggi malumotlardan xabardor bo‘lishingiz mumkin. Sizni Tanzila Narbaeva Telegram kanalida ko‘rishni kutib qolamiz!

Tanzila Narbaeva

19 Feb, 18:15

🇺🇿

🇺🇿 Osiyo Parlament Assambleyasining 15-yalpi sessiyasi doirasida Pokiston Senati Raisi Yusuf Rizo G‘iloni bilan uchrashdik.

Uchrashuvda davlatlarimiz yetakchilarining saʼy-harakatlari tufayli anʼanaviy do‘stlik va birodarlik aloqalarimiz strategik sheriklik ruhida izchil rivojlanayotganligi aytib o‘tildi.

O‘zbekiston va Pokiston xalqlarining mushtarak tarixi hamda o‘xshash qadriyatlarini inobatga olib, madaniy loyihalarni tatbiq etish va savdo-iqtisodiy munosabatlarni yana-da rivojlantirish yuzasidan fikr almashdik.

Shu bilan birga, parlamentlararo hamkorlikni kengaytirish maqsadida qonun ijodkorligi sohasida tajriba almashish, do‘stlik guruhlari faoliyati hamda o‘zaro tashriflar va muloqotni faollashtirishga kelishib oldik.

Yusuf Rizo G‘iloni 2025 yil 5-9-aprel kunlari Toshkent shahrida o‘tkaziladigan Parlamentlararo ittifoqning 150-yubiley assambleyasida Pokiston parlamenti delegatsiyasi ishtirok etishi masalasiga katta qiziqish bildirdi.

#parlamentdiplomatiyasi
#osiyoparlamenti

@tanzilanarbaeva

11,361

Tanzila Narbaeva

19 Feb, 16:09

🇺🇿

🇺🇿 Boku shahriga tashrifimiz doirasida Osiyo Parlament Assambleyasi Bosh kotibi Muhammad Rizo Majidiy bilan uchrashuv o‘tkazdik.

Muloqot avvalida Osiyo Parlament Assambleyasining mintaqada tinchlik, barqarorlik va rivojlanishni taʼminlashga qaratilgan loyihalari va unda O‘zbekistonning faol o‘rni qayd etildi.

Bu borada Parlamentlararo ittifoqning 150-yubiley assambleyasi poytaxtimizda bo‘lib o‘tishi alohida eʼtirof etilib, Muhammad Rizo Majidiy nufuzli tadbirda ishtirok etishdan manfaatdor ekanligini bildirdi.

Assambleyaga aʼzo davlatlar bilan kelgusida ham samarali parlamentlararo aloqalarni yana-da rivojlantirish masalalarini muhokama qildik.

Shu bilan birga, savdo-iqtisodiy, investitsiyalar, transport, turizm sohalaridagi aloqalarni kengaytirish yuzasidan fikr almashdik.

Mintaqa mamlakatlari o‘rtasida o‘zaro sayyohlar oqimi ortib borayotganligi taʼkidlanib, madaniyat, sanʼat hamda “ziyorat” turizmi yo‘nalishidagi hamkorlik loyihalarini ham yo‘lga quyishga kelishib oldik.

#parlamentdiplomatiyasi
#osiyoparlamenti

@tanzilanarbaeva

792

Tanzila Narbaeva

19 Feb, 14:16

🇺🇿

🇺🇿 Boku shahrida Ozarbayjon Respublikasi Milliy Mejlisi Raisi Sohiba Gafarova bilan uchrashdik.

Uchrashuvda Ozarbayjon bilan parlamentlararo hamkorlikni rivojlantirish bo‘yicha “Yo‘l xaritasi”ning 2024-2025-yillarga mo‘ljallangan rejalari ijrosini muhokama qildik.

Suhbat davomida birinchi O‘zbekiston-Ozarbayjon Parlamentlararo forumini o‘tkazish, parlament qo‘mitalari va do‘stlik guruhi aʼzolari o‘rtasidagi hamkorlikni faollashtirish yuzasidan fikr almashdik.

Xalqaro tadbirlarda parlament vakillarining faol ishtirokini taʼminlashga ham eʼtibor qaratildi. Poytaxtimizda bo‘lib o‘tadigan Parlamentlararo ittifoqning 150-yubiley assambleyasi doirasida samarali muloqotlarni davom ettirishga kelishib oldik.

#parlamentdiplomatiyasi
#osiyoparlamenti

@tanzilanarbaeva

1,022

Tanzila Narbaeva

19 Feb, 10:32

🇺🇿

🇺🇿 Osiyo Parlament Assambleyasining 15-yalpi sessiyasida parlament diplomatiyasining Osiyoda ko‘p tomonlama hamkorlikni mustahkamlashdagi o‘rni haqida so‘z yuritildi.

Assambleyada O‘zbekiston parlamentining mintaqaviy va xalqaro munosabatlarni kengaytirishda muhim tashabbuslarni ilgari surish va xalqaro tadbirlarni tashkil etishdagi faol roli alohida ta’kidlandi.

Parlamentlararo Ittifoqning 150-yubiley Assambleyasi joriy yilning 5–9 aprel kunlari Markaziy Osiyo tarixida ilk bora Toshkent shahrida o‘tkazilishi ham buning yorqin namunasi hisoblanadi.

Shuningdek, yuqori darajada erishilgan kelishuvlarni amalga oshirishda, qonunlarni qabul qilish bo‘yicha tajriba almashishda parlamentlararo faol hamkorlikni kuchaytirish masalasiga e’tibor qaratildi.

Parlament resurslaridan samarali foydalanishda ijtimoiy-iqtisodiy va madaniy-gumanitar aloqalarimizni yanada kengaytirishning muhim jihatlari qayd etildi.

Mintaqamizda ekologik xavfsizlik va iqlim o‘zgarishiga oid masalalarni samarali hal qilish uchun sa’y-harakatlarni birlashtirishga doir takliflarni ilgari surdik.

#parlamentdiplomatiyasi
#osiyoparlamenti

@tanzilanarbaeva

2,301

Tanzila Narbaeva

16 Feb, 04:33

🇺🇿

🇺🇿 Intiluvchan, yosh bo‘lishiga qaramay hayotda o‘z o‘rnini topgan qizimiz Shirin Abdullayevaning vafoti barchamizni chuqur qayg‘uga soldi.

Endigina 19 yoshga kirgan qizimiz o‘z iqtidori, mehnati bilan ilmda, san’atda o‘zini namoyon eta olgan umidli yoshlarimizdan biri edi. 2023 yilda san’at yo‘nalishi bo‘yicha Zulfiya nomidagi Davlat mukofoti bilan taqdirlangan.

Xitoyda tahsil olayotgan qizimizning kelajakda O‘zbekistonimiz rivojiga hissa qo‘shish, ikki mamlakat o‘rtasidagi do‘stlik rishtalarini yanada mustahkamlash kabi yuksak orzulari bor edi. Ammo, beshafqat o‘lim uni oramizdan olib ketdi.

Shirinning ota-onasi, yaqinlariga chuqur ta’ziyamizni bildiramiz.

@tanzilanarbaeva

14,160

Tanzila Narbaeva

15 Feb, 16:18

🇺🇿

Korrupsiyaga qarshi kurashish Milliy kengashi tomonidan mamlakatimizda ushbu illatni bartaraf etish bo‘yicha amalga oshirilgan ishlar tahlil qilindi.

O‘tgan davr mobaynida sohaga oid 10 ga yaqin qonunlar qabul qilindi. Shu jumladan, o‘tgan yili kuchga kirgan “Manfaatlar to‘qnashuvi to‘g‘risida”gi Qonun ushbu illatga qarshi kurashishda muhim o’rin tutadi.

Shu bilan birga, yig‘ilishda korrupsiyaga qarshi kurashish borasida amalga oshirilgan ishlar bilan bir qatorda, hal etilishi lozim bo‘lgan masalalar mavjudligi qayd etildi.

Muhokamalar so’ngida davlat organlari va fuqarolik jamiyati institutlari o‘rtasidagi hamkorlikni yanada mustahkamlash, shaffoflikni ta’minlash va korrupsiyaga qarshi tizimli choralarni kuchaytirish bo‘yicha aniq vazifalar belgilab olindi.

@tanzilanarbaeva

2,462

Tanzila Narbaeva

06 Feb, 15:38

🇺🇿

🇺🇿 Bugun Senat qoshidagi Yoshlar parlamentining birinchi yig‘ilishi bo‘lib o‘tdi.

Mahalliy kengashlarning 30 yoshgacha bo‘lgan deputatlari va faol yoshlardan tashkil topgan mazkur platforma ular uchun parlament yuqori palatasi faoliyatida ishtirok etish imkoniyatini beradi, kelgusi faoliyatlari uchun foydali zamin yaratadi.

Yoshlarimizning parlament hayotidagi ishtiroki biz uchun ham nihoyatda muhim. Qonunlarni ko‘rib chiqishda yoshlar manfaatlari e’tiborga olinganligini o‘rganish, joylardagi nazorat-tahlil tadbirlariga Yoshlar parlamenti a’zolarini jalb qilish orqali ularning takliflarini ko‘rib chiqish amaliyotini joriy qilishimiz zarur.

Qiziqarli o‘tgan muloqotimizda mamlakatimiz kelajagi bo‘lgan yoshlar uchun yaratilayotgan imkoniyatlar va sharoitlardan barcha farzandlarimizni bahramand etish yuzasidan yaqin hamkorlikda ishlashga kelishib oldik.

Yoshlar parlamenti a’zolarini ularga bildirilgan yuksak ishonch bilan samimiy qutlab, oldindagi faoliyatlarida katta muvaffaqiyatlar tilayman!

@tanzilanarbaeva

1,879

Tanzila Narbaeva

06 Feb, 04:21

🇺🇿

🇺🇿 BMTning Narkotiklar va jinoyatchilik bo‘yicha boshqarmasining (UNODC) Markaziy Osiyo, Afg‘oniston, Pokiston va Eron bo‘yicha mintaqaviy vakili Oliver Shtolpe bilan samarali uchrashuv o‘tkazdik.

Muloqot davomida transmilliy jinoyatchilik, korrupsiyani oldini olish, giyohvand moddalar va odam savdosiga qarshi kurashish bo‘yicha hamkorlikni yanada mustahkamlash masalalari muhokama qilindi.

Suhbatdoshimiz tomonidan mamlakatimizda ushbu yo‘nalishlarda amalga oshirilayotgan keng ko‘lamli ishlar o‘zining ijobiy natijalarini berayotganligi qayd etildi.

Shu bilan birga hamyurtlarimiz, ayniqsa ayollar va yoshlarning huquqlarini ta’minlash, ularni jinoyatchilik, korrupsiya, majburiy mehnat kabi illatlardan himoya qilish borasidagi sa’y-harakatlarni yanada kuchaytirish, ushbu maqsadda xalqaro tashkilotlar bilan hamkorlik qilish yuzasidan qator chora-tadbirlar ko‘rib chiqildi.

@tanzilanarbaeva

2,968

Tanzila Narbaeva

04 Feb, 15:46

🇺🇿

Xotin-qizlarning jamiyatdagi rolini oshirish, gender tenglik va oila masalalari bo‘yicha respublika Komissiyasining navbatdagi majlisida ayollarni kasb-hunar va tadbirkorlikka o‘qitish, bandligiga ko‘maklashish borasidagi ishlar hamda 2025 yildagi ustuvor vazifalarni muhokama qildik.

O‘tgan davr mobaynida har bir xonadon, mahalla o‘rganilib, ayollarimiz uchun o‘quv kurslari tashkil etildi hamda biznes loyihalari ishlab chiqildi, hududlar va tarmoqlar kesimida aniq rejalar ijroga qaratildi.

Biroq masala bir martalik tashabbus emas, balki tizimli yondashuvni taqozo etadi. Ayniqsa, ayollarga nafaqat an’anaviy kasblarni o‘rgatish, balki ularga daromad keltiradigan zamonaviy hunarlarni egallashiga ko‘maklashish ham muhimdir.

Ustuvor islohotlarimizdan biri – "Kambag‘allikdan farovonlik sari" dasturini amalga oshirishda ayollarning iqtisodiy-ijtimoiy holatini yanada yaxshilashning ahamiyati katta.

Shu bois bu borada davlat organlari, tadbirkorlik sub’yektlari, banklar va jamoat tashkilotlari o‘rtasida yaqin hamkorlikni yo‘lga qo’yish bo‘yicha zarur vazifalar belgilab olindi.

@tanzilanarbaeva

3,152

Tanzila Narbaeva

31 Jan, 11:22

🇺🇿

🇺🇿 Yaponiya xalqaro hamkorlik agentligi — JICAning O‘zbekistondagi vakolatxonasi rahbari janob Bito Yoshibumi bilan uchrashdik.

Muloqotimiz avvalida Yaponiya hukumatining O‘zbekiston bilan rivojlanish sohasidagi hamkorlik siyosati yangi bosqichga ko‘tarilganligi bu borada JICA tashkiloti bilan amalga oshirolayotgan o‘quv loyihalarning ahamiyati haqida to‘xtalib o‘tdik.

Joriy yilda ham davlat boshqaruvi, qishloq xo‘jaligi, energetika, xususiy sektor kabi sohalarda JICA tashkiloti bilan amaliy o‘quvlarni tashkil etish va bu dasturlarda xotin-qizlarni kengroq jalb etish masalalarini muhokama qildik.

Mamlakatimizda yangi parlament tizimidagi ijobiy o‘zgarishlar alohida e’tirof etilib, kelgusida hududiy parlament vakillari — Mahalliy Kengash deputatlari uchun malaka oshirish dasturlarini joriy etish yuzasidan fikr almashdik.

@tanzilanarbaeva

1,110

Tanzila Narbaeva

30 Jan, 16:48

🇺🇿

O‘zbekiston jahon parlamentarizmining markaziga aylanadi

2025 yilning 5-9 aprel kunlari 190 ta mamlakatni birlashtirgan Parlamentlararo Ittiffoqning eng yirik xalqaro tadbiri – 150-yubiley Assambleyasiga O‘zbekiston mezbonlik qiladi.

Bunday tadbir Markaziy Osiyo davlatlari tarixida ilk bor mintaqamizda o‘tkazilmoqda.

“Ijtimoiy taraqqiyot va adolat uchun parlament harakati” mavzusida o‘tkaziladigan Assambleyaning turkum yig‘ilishlarida butun dunyo parlament delegatsiyalari tomonidan:

✅Aholini ijtimoiy himoya qilish va kambag’allikni qisqartirish;
✅Qonun ustuvorligini ta’minlash;
✅Inson huquqlarini himoya qilish;
✅Gender tenglikni ta’minlash;
✅Ilm-fan, texnologiyani rivojlantirish va yoshlarni qo‘llab-quvvatlash kabi dolzarb masalar muhokama qilinadi.

Biz O‘zbekistonga tashrif buyuradigan hamkasblarimiz bilan kun tartibidagi barcha masalalar yuzasidan ochiq muloqot o‘tkazamiz va manfaatli hamkorlikni yanada mustahkamlaymiz.

#IPU150 #PAI150 #parlament #senat #parlamentdiplomatiyasi

@tanzilanarbaeva

2,298

Tanzila Narbaeva

28 Jan, 14:33

🇺🇿

🇺🇿 Senat Kengashining navbatdagi majlisida kambag‘allikdan holi hududga aylantirish bo‘yicha Qo‘shrabot tumani tajribasining taqdimoti bilan tanishdik.

Unda tumanning salohiyati, imkoniyatidan kelib chiqib rivojlantirish, investitsiyalarni jalb qilish hamda kambag‘allikni qisqartirishga oid yangicha yondashuvlar tahlil qilindi.

Aholi bandligini ta'minlash va uning doimiy daromad manbaini yaratish maqsadida mahallalar kesimida tadbirkorlik loyihalarini keng joriy etish tizimi muhokama qilindi.

Shu bilan birga, "Kambag‘allikdan farovonlik sari" dasturini samarali amalga oshirish hamda vazifalar ijrosi mahalliy Kengashlar tomonidan qat’iy nazoratga olish yuzasidan zarur tavsiyalar berildi.

@tanzilanarbaeva

1,716

Tanzila Narbaeva

28 Jan, 12:59

🇺🇿

🇺🇿 Bugun ayol-rahbarlar uchun tashkil etilgan o‘quv seminari ishtirokchilari bilan muloqot o‘tkazdik.

Suhbatimizda asosiy e’tibor O‘zbekistonning xalqaro maydondagi imijini yuksaltirishdagi tashabbuslar hamda bu borada ayollarning siyosiy jarayonlar va qonunchilik tashabbuslarini ishlab chiqishda faol ishtirok etishiga qaratildi.

Ishtirokchilar bilan dolzarb masalalarni aniqlash, tahlil qilish va ularning qonuniy yechimlarini topish hamda xalqaro tashkilotlar bilan manfaatli hamkorlik orqali ijtimoiy-iqtisodiy, huquqiy islohotlarni ilgari surishga doir tajribalarimiz bilan bo‘lishdik.

Mazkur muloqotimiz O‘zbekistonning xalqaro maydondagi o‘rnini yaxshilash va mustahkamlash hamda mamlakatning barqaror rivojlanishiga muhim hissa qo‘shishga qodir bo‘lgan ayol rahbarlarni shakllantirishda muhim qadam bo‘ladi deb o‘ylayman.

@tanzilanarbaeva

8,429

Tanzila Narbaeva

24 Jan, 10:54

🇺🇿

🇺🇿 Senatorlar bilan mamlakatimizda ekologik xavfsizlikni ta’minlash, tabiiy resurslardan oqilona foydalanish hamda ekologik ekspertizani takomillashtirishga qaratilgan Qonunni ma’qulladik.

Bugungi kunda atrof muhitni asrash inson, jamiyat va davlat oldida turgan eng dolzarb masalalardan hisoblanadi. “O‘zbekiston – 2030” strategiyasining asosiy g‘oyalaridan biri sifatida aholi uchun qulay ekologik sharoitlarni yaratish belgilab berilgan.

Ekologik ekspertiza, atrof muhitga ta’sirni baholashga oid munosabatlarning qonuniy asoslarini mustahkamlash bu boradagi ishlarning muhim tarkibiy qismi bo‘lib, “yashil” iqtisodiyotga o‘tishda o‘ta muhim ahamiyatga ega.

Mazkur Qonun fuqarolarga qulay atrof muhitga oid ishonchli axborotga ega bo‘lish, shaffof ekologik baholash tizimini ta’minlash imkonini beradi hamda jozibador investisiya muhitini yaratishga xizmat qiladi.

#yalpimajlis_3

@tanzilanarbaeva

546

Tanzila Narbaeva

24 Jan, 05:04

Оliy Majlis Senatining uchinchi yalpi majlisi o‘z ishini davom ettirmoqda

Yalpi majlisda ko‘rib chiqiladigan masalalarni Senatning YouTube tarmog‘idagi sahifasi orqali onlayn kuzatib borishingiz mumkin.

#yalpimajlis_3

@tanzilanarbaeva

9,567

Tanzila Narbaeva

23 Jan, 07:35

🇺🇿

🇺🇿 Senatorlar bilan mamlakatimizning investisiyaviy jozibadorligini oshirishda hamda investorlar uchun zamon talablariga mos barqaror imkoniyatlar yaratishda muhim huquqiy asos bo‘luvchi Qonunni ma’qulladik.

Iqtisodiyotni yuksaltirish, kambag‘allikni qisqartirish, daromadli yangi ish o‘rinlarini yaratishda har bir hududning o‘ziga xos xususiyatlaridan kelib chiqib, investisiyalar jalb etish juda katta ahamiyatga ega.

Shu bois, Qonunda investorlarning huquqlari va qonuniy manfaatlarini himoya qilishga qaratilgan choralar kuchaytirilib, ularni xavotirga solayotgan omil va xatarlarga yechim topilmoqda.

Shu bilan birga, BMTning Barqaror rivojlanish maqsadlariga erishishga xizmat qiladigan yashil iqtisodiyotni rivojlantirish hamda inson huquqlari himoya qilinishini ta’minlash investisiya siyosatimizning asosiy yo‘nalishlari sifatida belgilanmoqda.

#yalpimajlis_3

@tanzilanarbaeva

11,147

Tanzila Narbaeva

23 Jan, 05:08

Оliy Majlis Senatining uchinchi yalpi majlisi o‘z ishini boshladi

Yalpi majlisda ko‘rib chiqiladigan masalalarni Senatning YouTube tarmog‘idagi sahifasi orqali onlayn kuzatib borishingiz mumkin.

#yalpimajlis_3

@tanzilanarbaeva

11,728

Tanzila Narbaeva

22 Jan, 14:28

🇺🇿

🇺🇿 Senatning navbatdagi sayyor kengashida Yakkasaroy tumanini ijtimoiy-iqtisodiy rivojlantirish va aholining yashash sharoitlarini yanada yaxshilashga doir dasturlar ijrosi holatini muhokama qildik.

Yig‘ilishda tuman aholisi o‘rtasida kambag‘allikni qisqartirish, bandlikni ta’minlash, investisiya va tadbirkorlikka oid yangi loyihalar paketini shakllantirish va amaliyotga tatbiq etish masalalariga to‘xtalib o‘tildi.

Shu bilan birga, yashil hududlarni kengaytirish, ta’lim, sport, madaniyat maskanlarini ta’mirlash va qayta qurish, aholining ijtimoiy-madaniy kayfiyatini oshirishga qaratilgan tadbirlar o‘tkazish yuzasidan mutasaddilarga aniq muddatli vazifalar berildi.

Xalqimizni rozi qilish mezoni asosidagi islohotlarimizni har bir tuman va mahalla kesimida amalga oshirishda mahalla yettiligi, mahalliy Kengashlar va ijro organlarining hamkorligini kuchaytirishga e’tibor qaratildi.

#yakkasaroytumani

@tanzilanarbaeva

7,431

Tanzila Narbaeva

17 Jan, 10:02

🇺🇿

🇺🇿 Bugun Xalqaro reyting va indekslar bilan ishlash bo‘yicha respublika kengashining navbatdagi yig‘ilishida biz uchun ustuvor bo‘lgan xalqaro reytinglarda 2024-yilda mamlakatimiz qayd etgan ko‘rsatkichlarni muhokama qildik.

O‘tgan davr mobaynida BMT Taraqqiyot Dasturining Inson kamoloti, Global innovatsiya, Statistika faoliyati samaradorligi indekslari, Boshqaruv sifati indikatorlari, Elektron hukumatni rivojlantirish reytingi hamda ijtimoiy-iqtisodiy sohadagi qator indekslarda mamlakatimiz reytingi ko‘tarilgani kuzatildi.

Ayniqsa, Jahon bankining Ayollar, biznes va qonun indeksida O‘zbekiston 48 pog‘ona yuqorilab, ayollar huquqlari va gender tenglik sohasida eng katta natijalarga erishgan muhim islohotlarni amalga oshirgan 5 ta davlatdan biri sifatida e’tirof etildi.

Yig‘ilishda ijobiy natijalarga erishilmagan sohalar ham tahlil qilinib, 2025-yil davomida ustuvor xalqaro reytinglarda mamlakatimiz o‘rnini yaxshilashga qaratilgan amaliy chora-tadbirlar loyihalarini ko‘rib chiqdik.

Shuningdek, mamlakatimizning ustuvor xalqaro reyting va indekslardagi o‘rnini yaxshilash to‘g‘risidagi milliy ma’ruza loyihasini hamda ustuvor xalqaro reyting va indekslarga ilmiy-tadqiqot muassasalarini biriktirish masalalarini muhokama qildik.

#reyting #indeks

@tanzilanarbaeva

2,940

Tanzila Narbaeva

16 Jan, 15:56

🇺🇿

🇺🇿 Yangi O‘zbekistonni bunyod etish davrida gender tenglikni ta’minlash islohotlarimizning asosiy yo‘nalishlaridan biriga aylangan.

Faoliyatimizning barcha sohalarida ayollar uchun erkaklar bilan teng huquqlar va imkoniyatlar berish hamda gender tenglikni ta’minlash tamoyiliga butun jamiyat farovonligiga bog‘liq asosiy qadriyat sifatida qaralmoqda.

Gender tenglik – bu nafaqat teng huquqlilik va adolat masalasi, balki iqtisodiy va ijtimoiy taraqqiyot masalasi hamdir. Har yili an’anaviy tarzda o‘tkazib kelinayotgan “Gender tenglik faoli” milliy tanlovi bu boradagi ishlarimizning o‘ziga xos sarhisobi hisoblanadi.

Bu yilgi tanlov ishtirokchilari sohaga oid faoliyatlari va harakatlarini mamlakatimizda gender tenglikni ta’minlash yo‘nalishidagi muhim yutuqlarimiz deb e’tirof etishimiz mumkin. Gʻoliblarimizni yuksak muvaffaqiyatlari bilan samimiy muborakbod etaman.

Albatta, gender tenglikni ta’minlash mehnat va kuch talab qiladigan doimiy jarayondir. Bu borada bizni qo‘llab-quvvatlaydigan va umumiy maqsadlarimizga ishonadigan barcha faollarga minnatdorligimni bildiraman.

#genderfaoli

@tanzilanarbaeva

7,852

Tanzila Narbaeva

14 Jan, 05:33

Bugun mardlik, jasorat va Vatanga sadoqat bayrami – "14-yanvar - Vatan himoyachilari kuni".

Bu kun shunchaki, taqvimdagi sana emas, balki Vatanimiz himoyasi uchun hamisha shay bo‘lgan mard va jasur o‘g‘lonlarimizning jasorati, qahramonligi va vatanparvarligi ramzidir.

Jonajon ona Vatanimizni himoya qilgan va himoya qilayotgan, uning xavfsizligi va suverenitetini qo‘riqlayotgan barcha fidoiy insonlar oldida hamisha ta’zimdamiz.

Dunyoda ro‘y berayotgan og‘ir va tahlikali bir davrda boshimiz uzra osuda osmonni ta’minlash yo‘lida xizmat qilayotgan har bir himoyachimizning mashaqqatli mehnatlari uchun chuqur hurmat va samimiy minnatdorchiligimizni izhor etamiz.

Xalqimizning osoyishta hayotini taʼminlashdek, yuksak burchingizni ado etishda sizlarga kuchli iroda, mustahkam sogʻlik, oilaviy baxt, oliyjanob va masʼuliyatli faoliyatingizda ulkan muvaffaqiyatlar tilayman!

Biz sizning kuchingiz, matonatingiz va qasamyodingizga sodiqligingiz bilan faxrlanamiz.

@tanzilanarbaeva

16,508

Tanzila Narbaeva

31 Dec, 19:08

Qadrli yurtdoshlar!

Sizlarni kirib kelgan Yangi 2025 yil bilan chin qalbimdan tabriklayman!

Yangi yil — erishilgan barcha yutuq va sinovlarni qadrlash, kelajakka yangi umidlar va katta maqsadlar sari intilish fursatidir.

2024 yil yurtimiz uchun o‘ziga xos va muhim voqealarga boy yil bo‘ldi. Barcha sohalarda amalga oshirilayotgan keng ko‘lamli islohotlar orqali yangi imkoniyatlar eshiklari ochildi, xalqimizning farovonligini ta’minlash yo‘lida muhim qadamlar qo‘yildi. Bu ishlarimiz bardavom bo‘lsin!

Azizlar!
Ushbu hayajonli damlarda tilagim — barchangiz sog‘-salomat bo‘linglar, o‘z oldingizga qo‘ygan maqsadlaringiz albatta amalga oshsin!

Yaqinlaringiz davrasida o‘tgan quvonchli onlaringiz ko‘proq bo‘lsin, oilangiz fayz va barakaga to‘la, baxtli bo‘lsin!

Yangi yilingiz muborak bo‘lsin!

#YangiYil2025

@tanzilanarbaeva

13,694

Tanzila Narbaeva

27 Dec, 12:26

🇺🇿

🇺🇿 25 dekabr kuni Oqtou shahrida 190 yo‘lovchi samolyotining qulashi bilan bog‘liq fojia barchamizni qalbimizga qattiq ta’sir qildi.

Bu mudhish falokatda jabr ko‘rgan Ozarbayjon, Qirg‘iziston, Rossiya va Qozog‘iston fuqarolarining oila a’zolariga, yaqinlariga o‘zimizning chuqur ta’ziyamizni izhor etamiz. Halokat tufayli tan jarohati olganlarga tez kunda oilalarining bag‘riga sog‘-salomat qaytishlarini tilaymiz.

Aviahalokat tufayli Ozarbayjonda e’lon qilingan motam kuni munosabati bilan Ozarbayjonning O‘zbekistondagi elchixonasiga tashrif buyurib, elchiga va u orqali butun qardosh Ozarbayjon xalqiga hamdardligimizni bildirdik.

@tanzilanarbaeva

2,801

Tanzila Narbaeva

25 Dec, 14:26

🇺🇿

🇺🇿 Odam savdosiga qarshi kurashish va munosib mehnat masalalari bo‘yicha Milliy komissiyaning navbatdagi majlisini o‘tkazdik.

Majlisda mehnat bozoridagi tarkibiy muammolarni aniqlash va nomutanosibliklarning oldini olish, xalqaro standartlarni joriy etish, mehnat xavfsizligi va gigiyenasi hamda munosib mehnat sharoitlarini ta’minlash kabi masalalar muhokama qilindi.

Milliy qonunchiligimizga xalqaro standartlar va normalarni bosqichma-bosqich tatbiq etishga qaratilgan Xalqaro mehnat tashkilotining 5 ta konvensiyasi ratifikatsiya qilinganligi qayd etilib, endlikda ularning normalarini milliy qonunchilikka implementatsiya qilib borish zarurligi ta’kidlandi.

Shu bilan birga, odam savdosiga oid va unga turdosh bo‘lgan jinoyatlarga qarshi kurashish, ularning omilini aniqlash va oldini olish bo‘yicha tizimli ishlarni tashkil etish yuzasidan tegishli vazifalar belgilab olindi.

Mutassadilarga kambag‘allikni qisqartirish, bandlik sohasidagi davlat siyosatini takomillashtirish va samaradorlikni oshirishga doir chora-tadbirlar ijrosini ta’minlashga qaratilgan zarur tavsiyalar berildi.

#odamsavdosi #munosibmehnat

@tanzilanarbaeva

3,005

Tanzila Narbaeva

21 Dec, 11:08

🇺🇿

🇺🇿 Odam savdosiga qarshi kurashish mamlakatimizda inson huquqlarini himoya qilishning muhim yo‘nalishi hisoblanadi. Oxirgi besh yilda ushbu yo‘nalishda 40 ga yaqin normativ-huquqiy hujjat qabul qilindi hamda institusional asoslar mustahkamlandi.

Ko‘rilayotgan choralarga qaramay, mazkur jinoyat butun dunyo mamlakatlari, shu jumladan mamlakatimiz uchun ham dolzarb bo‘lib qolmoqda. Bu esa qonunchilik tizimini doimiy takomillashtirib borishni talab etadi.

Navbatdagi majlisda senatorlar bilan jinoyat qonunchiligiga odam savdosining barcha ko‘rinishlarini qamrab olish va ular uchun jazo choralarini kuchaytirish bo‘yicha normalar kiritishga qaratilgan Qonunni ma’qulladik.

Ushbu normalar aslida odam savdosiga qarshi kurashish borasida ko‘rilayotgan keng qamrovli ishlarning bir qismi, xolos. Odam savdosiga qarshi kurashish faqatgina huquq-tartibot organlarining ishi bo‘lmasligi kerak.

Bu borada davlat va fuqarolik jamiyati institutlarining hamkorligi nihoyatda muhim. Eng quyi tizim – mahalladan tortib, to respublika darajasidagi vazirlik, idoralarning uzviy hamkorligi zarur.

#yalpimajlis_2

@tanzilanarbaeva

2,850

Tanzila Narbaeva

21 Dec, 05:09

Оliy Majlis Senatining ikkinchi yalpi majlisi o‘z ishini davom ettirmoqda

Yalpi majlisda ko‘rib chiqiladigan masalalarni Senatning YouTube tarmog‘idagi sahifasi orqali onlayn kuzatib borishingiz mumkin.

#yalpimajlis_2

@tanzilanarbaeva

11,398

Tanzila Narbaeva

20 Nov, 16:36

Шавкат Мирзиёев: Янги Ўзбекистонимиз янги парламенти билан бирга ўз тараққиётининг ҳал қилувчи босқичига қадам қўймоқда

#parlament
@tanzilanarbaeva

11,806

Tanzila Narbaeva

19 Nov, 14:26

Prezident Shavkat Mirziyoyev yangi tarkibdagi Oliy Majlis Senatining birinchi majlisida nutq so‘zladi

@tanzilanarbaeva

13,473

Tanzila Narbaeva

19 Nov, 10:34

Bundan keyin ham siyosat shunday bo‘ladi. Yoshlarni, ayollarni qo‘llab-quvvatlashni davom ettiramiz!

Sh.M. Mirziyoyev
_
Наша политика останется неизменной. Мы продолжим поддерживать молодёжь и женщин!

Ш.М. Мирзиёев

13,446

Tanzila Narbaeva

18 Nov, 05:03

Boku shahriga tashrifimiz doirasida Parlamentlararo ittifoq raisi Tuliya Ekson xonim va Ittifoq Bosh kotibi janob Martin Chungong bilan uchrashuv o‘tkazdik.

O‘zbekistonning barcha davlatlar, shu jumladan Markaziy Osiyo mamlakatlari o‘rtasidagi do‘stona aloqalari mustahkamlanganligi muloqotlarimizda alohida ta’kidlab o‘tildi.

Barqaror rivojlanish maqsadlari bajarilishida parlament nazorati o‘rnatilganligi, bu borada maxsus komissiyaning samarali faoliyati ham qayd etildi.

Shu bilan birga, yurtimizda ijtimoiy himoya tizimini yaratish, kambag‘allikni qisqartirish, inklyuziv va kreativ iqtisodiyotni rivojlantirishda parlamentning roli xususida fikr almashdik.

Toshkent shahrida bo‘lib o‘tadigan Parlamentlararo ittifoqning 150-Assambleyasiga tayyorgarlik jarayonlari, dasturlari va tadbirga oid hujjatlarni ishlab chiqish masalalarini muhokama qildik.

#COP29
#parlament #IPU150

@tanzilanarbaeva

2,206

Tanzila Narbaeva

17 Nov, 11:12

BMTning iqlim o‘zgarishi bo‘yicha 29-konferensiyasi (#СОP29)dagi parlament yig‘ilishidagi ishtirokimiz doirasida Ozarbayjon Milliy Majlisi Raisi Sohiba Gafarova bilan uchrashuv o‘tkazdik.

Muloqotimiz avvalida, Ozarbayjon parlamentining sa’y-harakatlari bilan Global iqlim kun tartibini ilgari surish va xalqaro hamkorlikni mustahkamlashga qaratilgan sammit yuqori saviyada o‘tkazilganligiga e’tibor qaratdik.

Mamlakatlarimiz o‘rtasida ekologiya va iqlim bo‘yicha parlament hamkorligini yanada mustahkamlash, bu borada o‘zaro tajriba almashish yuzasidan fikr almashdik.

Shu bilan birga ikki tomolama erishilgan oliy darajadagi kelishuvlarni amalga oshirish doirasidagi muhim masalalarni muhokama qildik.

#COP29 #parlament

@tanzilanarbaeva

3,164

Tanzila Narbaeva

16 Nov, 16:53

Bugun Boku shahridagi COP29 sammiti doirasida taqdim etilgan O‘zbekiston milliy pavilyoniga tashrif etdik.

Ushbu pavilyon an’anaviy barqaror rivojlanish qadriyatlari va ekologik muammolarni hal qilishda zamonaviy yondashuvlarni o‘zida uyg‘un tarzda mujassam etgan.

Orol mintaqasini tiklash bo‘yicha amalga oshirilayotgan tashabbuslar aks etganligi e’tiborlidir. Biz «yashil» o‘rmonzorlar yaratish va mahalliy aholi turmush darajasini oshirishga qaratilgan keng ko‘lamli dasturlarni hayotga tatbiq etmoqdamiz. Bu O‘zbekistonning ekologik va ijtimoiy o‘zgarishlarga sodiq ekanini yana bir bor tasdiqlaydi.

Biz umumiy maqsad — sayyoramizni asrash yo‘lida ochiq muloqot va hamkorlikka tayyormiz. Ishonamanki, #COP29 kabi xalqaro platformalar ekologiya sohasidagi hamkorlikni mustahkamlashda muhim o‘rin tutadi. O‘zbekiston iqlim o‘zgarishlariga qarshi kurashda va barqaror kelajakni ta’minlashda faol ishtirokini davom ettiradi.

#COP29Uzbekistan

@tanzilanarbaeva

2,176

Tanzila Narbaeva

16 Nov, 15:57

Boku shahrida bo‘lib o‘tgan BMTning Iqlim o‘zgarishi bo‘yicha konferensiyasida ishtirok etdik.

Global ekologik muammolar avj olgan davrda, iqlim o‘zgarishiga qarshi kurashish va «yashil» taraqqiyotni rivojlantirishda Parlamentlararo ittifoqning o‘rni va ahamiyati ortib bormoqda.

Shu bois, mazkur yo‘nalishda barcha parlamentlar qonunchilik sohasida o‘zaro tajriba almashish shuningdek, yoshlar parlamentlari o‘rtasida muntazam hamkorlikni yo‘lga qo‘yish yuzasidan takliflarni ilgari surdik.

Shu bilan birga, anjumanda O‘zbekistonning Iqlim o‘zgarishlariga moslashuv jarayonlarini moliyalashtirish, mintaqaning ekologik barqarorligini ta’minlash borasida amalga oshirayotgan choralari ta’kidlab o‘tildi.

Bu borada, Prezidentimiz tashabbusi bilan ilgari surilgan “Markaziy Osiyo global iqlim tahdidlari qarshisida: umumiy farovonlik yo‘lida hamjihatlik” to‘g‘risidagi BMT Bosh Assambleyasi rezolyusiyasining qabul qilingani anjumanda alohida e’tirof etildi.

#COP29Uzbekistan
#parlament

@tanzilanarbaeva

2,664

Tanzila Narbaeva

12 Nov, 17:50

🇺🇿

🇺🇿 O‘zbekiston Kasaba uyushmalari federatsiyasi hamda Xalqaro mehnat tashkiloti hamkorligida tashkil etilgan ijtimoiy shartnoma va kasaba uyushmalarining jamiyatdagi roli mavzusiga bag‘ishlangan xalqaro konferensiyada ishtirok etdik.

Davlatlarning ijtimoiy va iqtisodiy siyosatining samaradorligini oshirish hamda munosib mehnat tamoyilini tatbiq etish zamonaviy standartlarga javob beradigan ijtimoiy shartnomani ishlab chiqish va amalga oshirishga ijobiy ta’sir ko‘rsatadi.

Shu bois anjumanda ijtimoiy shartnomalarni amalga oshirishga mas’ul bo‘lgan institutlarda izchil o‘zgarishlar va islohotlar olib borish hamda munosib mehnat va ijtimoiy adolat shartnomalarning ajralmas qismi bo‘lishi lozimligi ta’kidlandi.

Ijtimoiy, iqtisodiy va global ekologik muammolarni inobatga olib, mazkur masala, birinchi navbatda, ish beruvchilar, hukumatlar va parlamentlarning kun tartibidagi ustuvor vazifasiga aylanishi kerakligi qayd etildi.

@tanzilanarbaeva

2,084

Tanzila Narbaeva

28 Oct, 13:29

🇺🇿

🇺🇿 Bugun Mustaqil Davlatlar Hamdo‘stligi (MDH) bosh kotibi Sergey Lebedev boshchiligidagi delegatsiya bilan uchrashuv o‘tkazdik.

Muloqotmiz avvalida suhbatdoshimiz mamlakatimizda bo‘lib o‘tgan muhim siyosiy tadbir — parlament saylovining demokratik tamoyillariga to‘laqonli mos ravishda shaffof va adolatli o‘tkazilganligini ta’kidlab o‘tdi.

Shuningdek, so‘nggi yillarda O‘zbekistonda barcha sohalarda amalga oshirilayotgan keng ko‘lamli ijobiy o‘zgarishlar hamda qonunchilikdagi islohotlarni yuqori baholadi.

Davlatimizning MDH tashkiloti va unga a’zo mamlakatlar bilan faol muloqoti hamda tashabbuslar bilan ishtirok etishi qayd etilib, kelgusida ham xavfsizlikni ta’minlash, iqtisodiy, madaniy-gumanitar yo‘nalishlarda hamkorlikni rivojlantirish masalalarini muhokama qildik.

#hamkorlik

@tanzilanarbaeva

4,640

Tanzila Narbaeva

27 Oct, 09:34

🇺🇿

🇺🇿 Mamlakatimizda muhim siyosiy jarayon bo‘lgan saylovda men ham nabiram bilan kelib ovoz berdik.

#saylov2024

@tanzilanarbaeva

13,894

Tanzila Narbaeva

26 Oct, 17:39

🇺🇿

🇺🇿 Saylovlarga tayyorgarlik jarayonlarini kuzatib borayotgan bir qator kuzatuvchilar missiyasi va xalqaro tashkilotlar vakillari bilan uchrashuvlar o’tkazdik.

#saylov2024

@tanzilanarbaeva

9,909

Tanzila Narbaeva

26 Oct, 11:54

🇺🇿

🇺🇿 YeXHT maxsus koordinatori Azay Guliyev hamda YeXHT Parlament Assambleyasi missiyasi rahbari Sargis Xandanyan boshchiligidagi delegatsiya bilan uchrashuv o‘tkazdik.

Unda O‘zbekistonda xalqaro normalar hamda xalqaro tashkilotlar tavsiyalari asosida olib borilayotgan demokratik jarayonlar yuqori baholandi.

Shu bilan birga, mamlakatimizdagi qonunchilik islohotlari, gender tengligi hamda yoshlar siyosatiga berilayotgan alohida e’tibor ham qayd etildi.

So‘nggi yillarda Markaziy Osiyo davlatlari o‘rtasidagi yaqin qo‘shnichilik aloqalarining barcha sohalardagi ijobiy o‘zgarishlari, bu borada mamlakatimizning tashabbuskor roli haqida fikr almashdik.

O‘zbekistonda aholini ish bilan ta’minlash hamda global migratsiya jarayonlari doirasida fuqarolar manfaatlarini himoya qilishga qaratilgan chora-tadbirlarni muhokama qildik.

#hamkorlik

@tanzilanarbaeva

4,086

Tanzila Narbaeva

26 Oct, 08:52

🇺🇿

🇺🇿 Turkiy davlatlar parlament assambleyasi (TURKPA) delegatsiyasini qabul qildik

Qardosh xalq vakillari bilan o‘tgan samimiy muloqotimizda turkiy davlatlarning o‘zaro hamjihatligi, har bir davlat manfaatlari uchun muhimligi ta’kidlandi.

Suhbatdoshlarimiz O‘zbekistondagi demokratik islohotlarni yuqori baholab, davlatimizning rivojlanishi butun turkiy mamlakatlar va islom dunyosi uchun katta ahamiyat ega ekanligi qayd etdilar.

Shuningdek, O‘zbekistondagi boy madaniy meros, barcha turkiy xalqlar madaniyati va tarixining asosi sifatida mushtarak qadriyatlarimizni asrashga qaratilgan tadbirlarni muntazam o‘tkazish yuzasidan fikr almashdik.

Mamlakatimizdagi ijtimoiy-siyosiy jarayonlarda yoshlar va ayollar rolini ortib borayotganligi hamda bu boradagi ishlarimiz xalqaro miqyosda namuna ekanligi ham e’tirof etildi.

Kelgusida turkiy davlatlar parlamentlari bilan hamkorligimizni yanada rivojlantirish hamda Turkiy davlatlar parlament assambleyasi faoliyatida ham ishtirok etish masalalarni muhokama qildik.

#hamkorlik

@tanzilanarbaeva

3,477

Tanzila Narbaeva

24 Oct, 10:08

🇺🇿

🇺🇿 Mamlakatimizda munosib mehnat tamoyillari va mazkur yo‘nalishda zamonaviy standartlarni tatbiq etish borasida qat’iy va tizimli siyosat amalga oshirilmoqda.

Sohaning huquqiy asoslarini mustahkamlashga, shu jumladan, Xalqaro mehnat tashkiloti Konvensiyalarini milliy qonunchiligimizga tatbiq etishga alohida e’tibor qaratilmoqda.

Bu boradagi islohotlarimizning davomi sifatida Xalqaro mehnat tashkilotining Haq to‘lanadigan ta’tillar to‘g‘risidagi 132-sonli Konvensiyasining ratifikatsiya qilishga doir Qonunni ma’qulladik.

Barcha soha xodimlariga lavozimi va o‘rtacha ish haqi saqlangan holda har yili ta’til berilishini ta’minlashga qaratilgan Konvensiyasining ratifikatsiya qilinishi — mehnat munosabatlarini tartibga solinishidagi yana bir muhim qadamdir.

#yalpimajlis59

@tanzilanarbaeva

833

Tanzila Narbaeva

24 Oct, 06:44

🇺🇿

🇺🇿 Jahonda ekologik muammolar global tus olgan bir vaqtda maftunkor yurtimizning tabiatini asrash, hayvonot va o‘simlik dunyosi muhofazasini kuchaytirish har birimizning kelajak avlod olidagi muhim burchimizdir.

Daraxtlarning noqonuniy kesilishiga qarshi ko‘rilayotgan shuncha choralarga qaramasdan, qonun buzilishi hamda hayvonlarni noqonuniy ovlash holatlari hali ham uchramoqda.

Shu bois, mazkur yo‘nalishda qonuniy javobgarlikni kuchaytirish va aholining tabiatni muhofaza qilishga doir daxldorlik hissini oshirishiga qaratilgan muhim Qonunni ma’qulladik.

Agar qat’iy qonunlarni hozir qabul qilmasak, ertaga og‘ir ekologik hamda ijtimoiy-iqtisodiy muammolarga duch kelishimiz mumkin. Qonunning to‘g‘ri ishlashida doimgidek faol jamoatchilik nazoratiga tayanamiz.

#yalpimajlis59

@tanzilanarbaeva

4,335

Tanzila Narbaeva

24 Oct, 05:19

Оliy Majlis Senatining ellik to‘qqizinchi yalpi majlisi o‘z ishini davom ettirmoqda

Yalpi majlisda ko‘rib chiqiladigan masalalarni Senatning YouTube tarmog‘idagi sahifasi orqali onlayn kuzatib borishingiz mumkin.

#yalpimajlis59

@tanzilanarbaeva

10,838

Tanzila Narbaeva

23 Oct, 07:57

🇺🇿

🇺🇿 Mamlakatimizdagi inson huquqlari va qonuniy manfaatlari himoyasini kuchaytirish borasidagi qat’iy va tizimli siyosat – ko‘plab institutlar qatori Ombudsman faoliyatida ham yaqqol namoyon bo‘lmoqda.

So‘nggi yillarda Ombudsmanning tashkiliy-huquqiy va institusional asoslari mustahkamlanib, inson huquqlarini himoya qilishdagi vakolatlari kengaytirildi.

Inson huquqlari sohasida ijobiy natijalarini yuksaltirish maqsadida Ombudsman vakolatlari, vazifalari to‘liq va yaxlit tarzda qamrab olingan hamda faoliyatining huquqiy asosi bo‘lmish Qonunning yangi tahririni ma’qulladik.

Endilikda Ombudsman fuqarolarning ijtimoiy huquqlari himoyasi, murojaatlar bilan ishlash, huquqiy targ‘ibot yo‘nalishlari hamda mintaqaviy vakillar faoliyatida mas’uliyat va samaradorlikni yanada oshirishi lozim bo‘ladi.

#yalpimajlis59

@tanzilanarbaeva

5,379

Tanzila Narbaeva

23 Oct, 06:51

🇺🇿

🇺🇿 Hayotimizning barcha jabhalarida axborot va texnologiyalar kirib borgan hamda rivojlangan davrda sohaga oid qonunchilikni takomillashtirib borilishi muhim masala hisoblanadi.

Shu bois, telekommunikatsiya bozori rivojlangan xorijiy davlatlarning tajribasi va amaliyoti chuqur tahlil qilingan holda, senatorlar bilan telekommunikatsiyalar sohasini tartibga soluvchi Qonunni muhokama qildik.

Mazkur Qonunning qabul qilinishi mamlakatimiz shu jumladan, chekka hududlarda telekommunikatsiya tizimlarining rivojlanishi va Internet xizmatlari narxini arzonlashtirishda ijobiy natijalarga erishishga imkon beradi.

#yalpimajlis59

@tanzilanarbaeva

2,061

Tanzila Narbaeva

20 Oct, 06:29

Markaziy Osiyo tarixida ilk bor Parlamentlararo ittifoqning 150-assambleyasi O‘zbekistonda o‘tkaziladi

#senat #parlamenthamkorligi
#IPU150
@tanzilanarbaeva

6,075

Tanzila Narbaeva

18 Oct, 13:30

🇺🇿

🇺🇿 Respublika ixtisoslashtirilgan ona va bola salomatligi ilmiy-amaliy tibbiyot markazining tashkil etilganiga 50 yil to‘ldi.

Shu munosabat bilan sohada fidokorona xizmat qilib kelayotgan bir guruh tibbiyot xodimlari davlatimizning yuksak mukofotlari bilan taqdirlandilar.

Albatta, Yangi O‘zbekistonni barpo etish va xalqimiz farovonligini yuksaltirishda, eng avvalo, aholimiz, ayniqsa ona va bola salomatligi biz uchun eng muhim vazifadir.

Shu bois so‘nggi yillarda tibbiyot tizimi tubdan isloh qilinib, quyi bo‘g‘indan boshlab xalqimizga sifatli tibbiy xizmat ko‘rsatishga alohida e’tibor qaratilayotganiga barchamiz guvoh bo‘lib turibmiz.

Yurtimizning kelajagi, sog‘lom va barkamol avlodni voyaga yetkazish yo‘lida bilim va tajriba, mehr-muhabbatini ayamasdan mehnat qilayotgan sohaning barcha jonkuyar vakillarining kelgusidagi faoliyatlarida ham ulkan zafarlar tilaymiz.

@tanzilanarbaeva

2,400

Tanzila Narbaeva

18 Oct, 05:59

Parlamentlararo ittifoqning Maʼmuriy kengashi yig‘ilishida nutq bilan ishtirok etib, yig‘ilganlarni Toshkent shahrida bo‘lib o‘tadigan 150-Assambleyaga taklif qildik.

Yig‘ilishda mamlakatimizda inson qadrini ulug‘lash, aholi farovonligini yuksaltirish, tinchlik va xavfsizlikni taʼminlash hamda barqaror rivojlanish yo‘lida demokratik islohotlar amalga oshirilayotgani taʼkidlandi.

So‘nggi yillarda Oliy Majlisning xorijiy mamlakatlar parlamentlari bilan aloqalari mustahkamlanib, Parlamentlararo ittifoq faoliyatidagi ishtiroki faollashgani alohida qayd etildi.

Tadbir ishtirokchilari tomonidan Vatanimizning boy tarixi, madaniy merosi, zamonaviy taraqqiyoti haqidagi maʼruza va videorolik qizg‘in olqishlar bilan qarshi olindi.

Kengash aʼzolari va xalqaro hamkorlar tomonidan Assambleyani yurtimizda o‘tkazish tashabbusi uchun minnatdorchilik bildirildi. Ular O‘zbekistonga tashrif buyurishni katta qiziqish bilan qabul qildilar.

Toshkentda bo‘lib o‘tadigan 150-yubiley Assambleya parlamentlararo global hamkorlikni yangi bosqichga ko‘tarishga hamda O‘zbekiston va butun Markaziy Osiyo mintaqasining xalqaro nufuzini yanada mustahkamlashga xizmat qilishiga ishonamiz.

#senat
#hamkorlik

@tanzilanarbaeva

3,151

Tanzila Narbaeva

16 Oct, 14:41

🇺🇿

🇺🇿 Jenevadagi rasmiy tashrifimiz asnosida Xalqaro mehnat tashkiloti (XMT) Bosh direktori Jilber Ungo janoblari bilan uchrashuvimiz bo‘lib o‘tdi.

Muloqotimiz davomida munosib mehnat tamoyillarining tizimli tatbiq etilishi hamda 2026-2030 yillarga mo‘ljallangan yangi munosib mehnat bo‘yicha mamlakat dasturini ishlab chiqish bo'yicha rejalarimizni muhokama qildik.

Mamlakatimizda aholi o‘rtasida kambag‘allikni qisqartirish hamda farovonlik sari yuksaltirishga qaratilgan dasturning joriy etilganligi va unda xalqaro mehnat tashkiloti tomonidan tavsiya etilgan standartlar inobatga olinganligi ta’kidlab o‘tildi.

Shuningdek, munosib mehnat tizimini takomillashtirishda qonunchilikka oid islohotlarning ahamiyati inobatga olinib, parlamentning ta’sirchan kuchi va vakolatlaridan samarali foydalanish yuzasidan fikr almashdik.

#senat #MOT
#hamkorlik

@tanzilanarbaeva

1,931

Tanzila Narbaeva

16 Oct, 10:15

🇺🇿

🇺🇿Jeneva shahrida Parlamentlararo Ittifoqning 149-Assambleyasi delegatsiyalari, xalqaro tashkilotlar, parlament a’zolari va diplomatik korpus vakillari ishtirokida O‘zbekiston kunini nishonladik.

Tadbirda maftunkor yurtimiz va unda amalga oshirilayotgan islohotlar tasvirlangan videorolikni namoyishi mehmonlarda iliq taassurot qoldirdi.

Shuningdek, tadbir davomida kelgusi yilning aprel oyida rejalashtirilgan Parlamentlararo Ittifoqning 150-yubiley Assambleyasi munosabati bilan O‘zbekiston Respublikasi taqdimoti bo‘lib o‘tdi.

O‘zbekistonning turistik salohiyatini aks ettiruvchi ko‘rgazma ham xorijlik hamkorlarimizda vatanimiz haqida boy tasavvur uyg‘ota oldi deb o‘ylaymiz.

#senat

@tanzilanarbaeva

2,911