NÓKIS QALASÍ "ISHGA MARHAMAT" MONOORAYÍ

⚡️ÁHMIYETLI XABARLANDÍRÍW!

🎗HÚRMETLI PUQARALAR!

🔹Ózbekstan Respublikası Prezidentiniń 2024-jıl 4-oktyabrdegi 347-sanlı qararı tiykarında «Ishga marhamat» monoorayları negizinde Kásiplik kónlikpeler orayları shólkemlestiriliwi belgilengen.

🔹Usı múnásibet penen biz ayırım sebeplerge baylanıslı Instagram hám Telegram kanallarımızdı jańadan dúzip, bunnan bılay jańa kontentlerimizdi usı tazadan ashılǵan kanallarǵa jaylastırıp barıwǵa qarar ettik.

Instagram kanalımızdıń siltemesi:
@kasiplik_konlikpeler_orayı

Telegram kanalımızdıń siltemesi:
https://t.me/nokis_qalasi_kko

PUQARALARDÍŃ DÍQQATÍNA!

🏢Nókis qalası Kásiplik kónlikpeler orayı jańadan «Florist» kursınıń ashılıwın málimleydi.

✨Toyxanalardı, kafe hám restoranlardı, miymanxanalardı, mámleketlik mákemelerin, jeke ofislerdi, oqıw orınların, úy xanaların zamanagóy stilde bezew, olarǵa tákirarlanbas shıraylı kórinis beriwde jańa dizaynerlik sheshimlerdi qollanıw, professional dárejede dekoraciya usıllarınan paydalanıw boyınsha qánigeler házirgi waqıtta joqarı talapqa iye bolıp barmaqta.

📝Usı tendenciyanı esapqa alǵan halda Nókis qalası Kásiplik kónlikpeler orayı sizlerge usı kursın usınadı.
Bul kursta siz:
- bayram hám saltanatlı ilajlar ushın gúldásteler tayarlaw, xanalardı gúl hám reńli dekorativ buyımlar menen bezew;
- resinart texnikasi, hártúrli kompozitciyalar
- dekorativ gúllerdi tayarlaw, reńlerdi tańlaw, dizayn jaratıw texnologiyaları;
- izolon, fomeran, gafri jáne reńli qaǵazlardan gúldásteler, japıraqlar, qutıshalar tayarlaw;
- dizaynerlik usıllardan paydalanǵan halda reklama jaratıw hám t.b. bilim jáne kónlikpelerge iye bolasız.

⌛️Kurs dawamlılıǵı – 2 ay.
Kurs bahası – 750 000 sum (1 ayǵa – 375 000 sum).
Qalalıq hám rayonlıq Kámbaǵallıqtı qısqartıw hám bántlik bólimlerinen jollamalar alıp kelgen jumıssız puqaralar biypul oqıtıladı.

🎗Kurs juwmaǵı menen tıńlawshılarǵa mámleketlik úlgidegi sertifikatlar beriledi.

☎️Qosımsha maǵlıwmat ushın telefonlar:
+998 (88)-507-08-40

🎄JAŃA JÍL SAWǴALARÍ TAPSÍRÍLDÍ!

🎄JAŃA JÍL SAWǴALARÍ TAPSÍRÍLDÍ

🏢Nókis qalası Kásiplik kónlikpeler orayında (Nókis qalası «Ishga marhamat» monoorayı) kirip kiyatırǵan Jańa, 2025-jıldı kóterińki bayram keypiyatı menen kútip alıwǵa ayrıqsha dıqqat qaratıldı.

🎗Orayda jumıs islewshi xızmetkerlerdiń shańaraqlarına bayram quwanıshın kirgiziw maqsetinde Kásiplik kónlikpeler orayı basshılıǵı hám oraydıń Kásiplik awqamı birlemshi shólkemi tárepinen tayarlanǵan balalar ushın sawǵaları kásipleslerge úlken quwanısh baǵıshladı.

🎁Jańa jıl sawǵaların tapsırıw máresiminde Nókis qalası Kásiplik kónlikpeler orayınıń jası úlken ustazları, Kásiplik awqamı birlemshi shólkemi baslıǵı tárepinen bayram tilekleri bildirildi. Óz gezeginde oray xızmetkerleri, injener-ustalar hám qánigeler Jańa jıl sawǵaları hám bayram tilekleri ushın minnetdarshılıǵın bildirip, usı dárgayda, awızbirshilikli hám húrmet-izzetli miynet jámiyetinde islep atırǵanlıǵına quwanıshlı ekenligin aytıp ótti.

✅Bayram ilajı muzıkalı oyın zawıqlar menen dawam etti.

🏢Monoorayımızda «Aspazlıq» kásibinde 2 ay dawamında oqıǵan 13 tıńlawshı juwmaqlawshı imtixanların tapsırdı.

🔷Pitkeriwshilerdiń ámeliy-teoriyalıq bilimleri monooray direktorı orınbasarı Eshbaeva Munavvar, aspaz-usta Abdullaev Farxad hám imtixanǵa shaqırılǵan ekspert – Qaraqalpaqstan aspazlar awqamınıń baslıǵı Yuldashev Gulmirza tárepinen ádil sınnan ótkerildi.

📝 Juwmaqlawshı kásiplik imtixanında pitkeriwshiler sanitariya qaǵıydaları, aspazlıq tiykarları, milliy hám dúnya xalıqları taǵamları haqqında teoriyalıq maǵlıwmatlar menen birge belgilengen bir taǵam tayarlaw boyınsha ámeliy shınǵıwlar orınlap berdi. 

🎗Pitkeriwshiler iyelegen kásibi boyınsha tiyisli tártipte bahalanıp, olarǵa mámleketlik úlgidegi sertifikatlar tapsırıladı.

👨‍🍳«Aspazlıq» kásibiniń pikeriwshileri ustazı Abdullaev Farxadqa bergen bilimleri ushın minnetdarshılıǵın bildirdi.

🏢 Nókis qalası «Ishga marhamat» monoorayınıń «Kepserlew isleri ustası» kásibinde gezektegi tıńlawshılar toparı juwmaqlawshı imtixanların tapsırdı.

🔷Olar 3 ay dawamında tájiriybeli ustaz Izbasqan Nurekeevtiń basshılıǵında alǵan ámeliy-teoriyalıq bilimlerin imtixan qabıllawshı komissiya aldında kórsetti.

📝Pitkeriwshilerdiń bilim hám kónlikpelerin sınaw ámeliy shınıǵıwlarda, yaǵnıy kepserlew jumıslarında, hám teoriyalıq soraw-juwaplarda ámelge asırıldı.

✅Komissiya aǵzaları pitkeriwshilerdiń bilimlerin ádil sınnan ótkerdi.

⚠️Monoorayımızdıń «Kepserlew isleri ustası» kásibine jańadan tıńlawshılardı qabıl etiw baslandı.

Telegram | Instagram | YouTube |  Facebook

🏢Monoorayımızdıń 2-sanlı filialında jańadan shólkemlestirilgen tokar kásibinde oqıw processi baslandı.

📝Tıńlawshılarǵa zamanagóy úskenelerde ámeliyat sabaqları ótilmekte.

🔷Oqıw kursı 3 aylıq bolıp, bul dawir ishinde tıńlawshılar metalldan hár qıylı detallardı hám buyımlardı jonıw, jasaw hám qayta islew kónlikpelerine iye boladı.

🔷Tokar kásibi búgingi kúnde siyrek ushırasatuǵın, biraq talap joqarı bolǵan kásiplerdiń biri.

Telegram | Instagram | YouTube |  Facebook

✨ ATV telekanalı monorayımızda!

📽Búgin saat 19-00 de ATV telekanalında monoorayımız haqqında keńeytilgen formatta kórsetiw tamasha etiń

Telegram | Instagram | YouTube |  Facebook

🇬🇧Monoorayımızdıń shet tilleri bóliminde inglis tilinde oqıp atırg'an tıńlawshılar 3 ay dawamında alǵan bilimleri boyınsha juwmaqlawshı imtixan tapsırdı.

📝Komissiya aǵzaları pitkeriwshilerdiń bilim dárejesin tekserip, tiyisli bahaladı.

✨Pitkeriwshilerge tájiriybeli ustaz Sultanova Azima qısqa waqıt ishinde sapalı bilim berdi.

💡Endi pitkeriwshilerge mámleketlik úlgidegi gúwalıqlar tapsırılıp, olar bul gúwalıq penen tiyisli sertifikat alıw ushın hújjet tapsırıw huqıqına iye boladı.


🔻Biziń mánzilimiz🔺
Nókis qalası,  A. Utepov kóshesi n/j. 
👉Baǵdar:  "ISTIQLOL" balalar dem alıw baǵı. 
☎️Tel: +998 (55) 102-40-12

Telegram | Instagram | YouTube |  Facebook

Telegram | Instagram | YouTube |  Facebook

🏢Qaraqalpaqstan Respublikası Migraciya agentligi hám Shveytsariyanıń «Globogate Consept AG» shόlkemi menen birgelikte respublikamızdaǵı medicina qanigelerin Germaniyaǵa jumısqa jiberiw boyınsha ashılǵan joybardıń 1-basqıshına Qaraqalpaqstan Respublikasınan 22 tıńlawshı qamtılǵan bolsa, házirgi waqıtta 17 tıńlawshıniń vizası kelip, Germaniyaǵa jumısqa ketiw aldında tur.

🇩🇪 Buginniń όzinde 2 tıńlawshı Jόkeeva Aynaxan hám Jumamuratova Gúljahan usı joybar tiykarında Germaniya mámleketiniń medicinalıq mákemeleri menen shártnama dúzip miyirbiyke lawazımında jumıs islew ushın jol aldı.

✨Bul tıńlawshılarımız monoorayımızda 10 ay dawamında oqıtıwshı Sagidullaeva Shaxnozanıń basshıliǵında nemis tilin baslanǵısh basqıshlardan baslap úyrenip xalıqaralıq B2 sertifikatın alıwǵa miyasar boldı.

🎗Tıńlawshılarımızǵa áwmet tilep qalamız !

Telegram | Instagram | YouTube |  Facebook

⚡️DÍQQAT, MONOORAYDA JAŃA KÁSIP!

HÚRMETLI RESPUBLIKAMÍZ PUQARALARÍ!

🏢Nókis qalası “Ishga marhamat” monoorayı jańadan “Suwıtqısh hám muzlatqıshlardı ońlaw ustası” kásibine oqıtıw kursınıń ashılıwı haqqında
XABARLAYDÍ!

✨Eger siz joqarı talapqa iye, dáramatlı kásip iyelewdi qáleseńiz, tez arada biziń kursımızǵa jazılıwǵa asıǵıń.
Bul kursta siz:
- kondicionerler hám olardıń túrleri, markaları, islew principleri jáne sxemaları haqqında túsinikke iye bolasız;
- úy kondicionerleri, sawda kondicionerleri, split-kondicionerleri servisi, olardı defektaciyalaw, tazalaw, vakuumlastırıw, suwıtıw agentin quyıwdı úyrenesiz;
- ıssılıq hám suwıqlıqtıń fizikalıq tábiyatı, jasalma suwıqlıq alıw usılları, gazli yamasa hawalı suwıtıw mashinaları, puw kompressorlı suwıtıw mashinaları, kompressorlardıń túrleri hám wazıypaları, puwlatqıshlar haqqında tolıq sabaqlar ótesiz;
- muzlatqıshlar, olardıń túrleri hám keń tarqalǵan sońǵı modelleri jáne markaları haqqında tolıq maǵlıwmat alasız, olarǵa xızmet kórsetiw, ońlaw hám paydalanıw múddetlerin uzaytıw usılların úyrenesiz.

📝Oqıw kursınıń múddeti – 15 hápte.

✨Qalalıq hám rayonlıq Kámbaǵallıqtı qısqartıw hám bántlik bólimlerinen jollamalar alıp kelgen jumıssız puqaralar biypul oqıtıladı.

🔷Kurs juwmaǵı menen tıńlawshılarǵa mámleketlik úlgidegi sertifikatlar beriledi.
Tıńlawshıǵa beriletuǵın kvalifikaciya – Suwıtqısh hám muzlatqıshlardı ońlaw ustası.

🔷Bunıń ushın waqıt ótkermey monoorayımızǵa xabarlasıwıńız kerek!

☎️Qosımsha maǵlıwmat ushın telefonlar:
91 371-74-57, 90 574-74-57.

🧑‍💻 Monoorayımızdıń «Kompyuter operatorı» kursın gezektegi topar pitkerip shıqtı.

✨Tıńlawshılar 2 ay dawamında injener-usta Aytniyazov Aybektiń basshılıǵında HTML, CSS, CSS3, Bootstrap, PostgreSQL, MongoDB, Oracle sıyaqlı programmalaw texnologiyaların úyrendi.

🔷Olar alǵan bilim hám kónlikpeleri boyınsha juwmaqlawshı imtixanların tapsırıp, jańa zamanagóy kásip iyelerine aylandı.

🔷Endi kurstı pitkerip shıqqan 14 tıńlawshıǵa mámleketlik úlgidegi «Kompyuter operatorı» sertifikatları tapsırıladı.

💻«Kompyuter operatorı» kursı boyınsha jańa topar ashılǵanlıǵın hám oǵan tıńlawshılardı jıynaw baslanǵanlıǵın málim etemiz.

📝Kursta oqıwdı qálewshiler tikkeley monoorayımızǵa kelip xabarlasıwına yaki tómendegi telefonlarǵa qońıraw etiwine boladı:
+998 (91) 394-35-36

Telegram | Instagram | YouTube |  Facebook

🏢Monoorayımızǵa Germaniya mámleketinen YuNESKO konsultantı Tomas Lyuks xızmet wazıypaları boyınsha kelip, monooray basshılıǵı, injener-ustalar menen ushırastı hám bir qatar bólimlerdegi oqıw processleri menen tanısıp ótti.

✨Shet elli miyman YuNESKOnıń «Ózbekstannıń awıllıq jerlerinde jumısqa jaylasıw kónlikpelerin rawajlandırıw» joybarı sheńberinde «Ózin-ózi bahalaw» jáne «Óz-ara bahalaw» temalarında seminar-trening ótkeriw maqsetinde respublikamızǵa xızmet saparı menen kelgen.

📝 Ol kásiplik tálimniń sapasın jaqsılaw, bahalaw sistemasın jetilistiriw, bul baǵdarda rawajlanǵan mámleketlerdiń modellerine tayanıw, kásipke úyretilgen puqaralardıń bántligin támiyinlewde joqarı nátiyjelerge erisiw jolları haqqında monooray qánigeleri menen pikir alıstı.

⚡️Ushırasıwdan soń shet elli miyman Qaraqalpaqstannıń tariyxıy esteliklerine ekskursiya qıldı.

🏢Nókis qalası «Ishga marhamat» monoorayınıń «Xızmet kórsetiw hám servis» tarawı «Aspazlıq» kásibinede ájayıp jańalıq!
Endi aspazlıqqa qızıǵatuǵın hám usı kásip penen shuǵıllanıp kiyatırǵan puqaralar monoorayımızdaǵı tar qanigelikli tereńlestirilgen kurslarǵa jazıla aladı.

👨‍🍳Jańa kurslarımız tólemli bolıp, tıńlawshılardıń qálewine qaray tómendegi menyu túrlerin úyretedi:

1.  Batıs Evropa asxanası menyuları – kurs bahası 1 mln. sum.
2.  Shıǵıs Evropa asxanası menyuları – kurs bahası 700 000 sum.
3.  Panaziyalıq (ulıwma Aziyalıq) asxana menyuları – 600 000 sum.
4.  Milliy asxana menyuları – 500 000 sum.

⚡️Dıqqat! Kurs dawamlılıǵı 5 kún bolıp, usı waqıt ishinde tájiriybeli usta-aspaz Abdullaev Farxad tárepinen ótkeriletuǵın sheberlik sabaqları arqalı jurtımızdaǵı kafe hám restoranlarda joqarı talapqa iye bolǵan taǵamlardı ustalıq penen tayarlawdı úyrenesiz.

⚠️Asıǵıń, waqıt az qaldı.

☎️Maǵlıwmat ushın telefon:
91 300-57-52

🏢Nókis qalası «Isha marhamat» monoorayınıń injener-ustaları hám pedagog-oqıtıwshıları ushın Berdaq atındagı Qaraqalpaq mámleketlik universiteti "Menedjment hám ekonomika tiykarları" kafedrasınıń baslıǵı, professor G. Utemuratova, kafedra professor- oqıtıwshıları E.Modenova, B.Ismailov, B.Tajibaevlar basshılıǵında " Jasalma intellekttiń imkaniyatları" temasında sheberlik sabaǵı ótkerildi.

✅Sheberlik sabaǵında professor-oqıtıwshılar tárepinen oqıw processin shólkemlestiriwde, baǵdarlamalar boyınsha materiallar tayarlawda, ámeliy-metodikalıq jumıslardı alıp barıwda jasalma intellektten paydalanıw boyınsha túsinikler berildi.

✨11-noyabr – Kásiplik awkamı kúni múnásibeti menen Nókis qalası «Ishga marhamat» monoorayında sport hám intellektual oyınları boyınsha jarıslar shólkemlestirildi.

🏢 Monooray Kásiplik awqamı birlemshi shólkemi baslaması menen ótkerilgen bul bellesiwler baǵdarlamasına kibersport, stol tennisi hám «Zakovat» intellektual oyınları kirgizildi.

🎗Jarıslar eki kún dawam etip, olarda monooray miynet jámáátiniń jasları belsene qatnastı.

✅Kibersport boyınsha ótkerilgen jarısta monooray jaslarınıń eki komandası «Counter Strike 800» video oyınında bellesip, ózleriniń zamanagóy kompyuter oyınlarındaǵı sheberliklerin kórsete bildi.

🏓Tennis sportı boyınsha da bellesiwler qızǵın ótip, jaslar bul sport túri boyınsha júdá joqarı dáreje kórsetti.

🔷Bul jarısta málimleme texnologiyaları bólimi qánigesi Urazbaev Erbol 1-orındı, 1-sanlı filial oqıtıwshı qánigesi Arzıbekov Abbaz 2-orındı, xatker Kalimbetov Azamat 3-orındı iyeledi.

📝«Zakovat» intellektual oyını monooray jaslarınıń bilimliligin hám zeyinliligin ashıp berdi. Bul oyında monooray bas korpusınıń «Liderler» komandası 1-orındı, 2-sanlı filialınıń «Intelligentler» jáne bas korpusınıń «Intellekt» komandaları 2-orındı hám 1-sanlı filialınıń «The Best Branch» komandası 3-orındı iyeledi.

🏆Jeńimpazlarǵa Monooray Kásiplik awqamı birlemshi shólkeminiń húrmet jarlıqları tapsırıldı.

Telegram | Instagram | YouTube |  Facebook

🏢Monoorayımızdıń «Servis hám xızmet kórsetiw» tarawı «Neyl-stilist» kásibinde 13 tıńlawshı 2 aylıq kursın juwmaqladı.

✨Olar qol kútimi, manikyur, tırnaqqa hár qıylı bezewler beriw, quramalı dizaynlar jaratıw hám basqa da ámellerdi orınlawdı úyrendi.

🔷 Jaslarǵa monoorayımızdıń tájiriybeli injener-ustası Ayekeeva Tolqınay kásip sırların úyretti.

🔷Jaqında «Neyl-stilist» kursında pitkeriwshi imtixan bolıp, komissiya aǵzalarınıń qatnasında tıńlawshılar óz bilimlerin sınaqtan ótkerdi.

🔷Ekspert Tursınova Sayyora qatnasında ótkerilgen imtixan nátiyjesinde pitkeriwshilerdiń alǵan bilim hám tájiriybeleri ádil bahalandı.

💅«Neyl-stilist» toparına jańadan tıńlawshılar jıynaw baslandı. Pitkeriwshilerge tiyisli sertifikat beriledi hám olar neyl-stilist sıpatında óz miynet jolın dawam ettire aladı.

☎️Maģlıwmat ushın telefon: +998 (55) 102-40-12

🏢Monoorayımızdıń «Servis hám xızmet kórsetiw» bólimi «Tiginshilik» kásibinde 3 ay dawamında ámeliy hám teoriyalıq bilim alǵan 17 tıńlawshı pitkeriwshi imtixanların tapsırdı.

🪡Olar kurs dawamında úyrengen tigiw, pishiw, naǵıs salıw, dizayn jaratıw, jáhán modaları tiykarında hár qıylı kiyim modellerin islep shıǵıw boyınsha bilimlerin sınaqtan ótkerdi.

✅Kurs oqıtıwshısı Jumanbetova Amangul hám komissiya aǵzaları olardıń teoriyalıq hám ámeliy bilimlerin ádil bahaladı.

✨«Tiginshilik» toparına jańadan tıńlawshılardı jıynaw baslanǵanlıǵın málim etemiz.

📝Pitkeriwshilerge iyelegen kásibi boyınsha sertifikat berilip, bul hújjet penen puqara nızamlı túrde dáramatlı jumıs alıp barıw huqıqına iye boladı.

☎️ Maģlıwmat ushın telefon: +998 (55) 102-40-12

✨PUQARALARDÍŃ DÍQQATÍNA!

🏢Nókis qalası «Ishga marhamat» monoorayı «Santexnika hám slesarlıq isleri ustası» kásibine tıńlawshılıqqa shaqıradı.

🔷Bul kursta siz “aqıllı” qazanxanalar, suw ısıtqıshlar, nasoslardı qurıw hám ońlaw, kanalizaciya hám ısıtıw sistemaların ornatıw, santexnikalıq xızmetler kósetiw, montaj sızılmaların oqıw hám sızıw, gaz-suw támiynatı hám aqaba suw sistemalarında paydalanılatuǵın materiallar menen islewdi úyrenesiz.

📝Oqıw kurslarınıń dawamlılıǵı 3 ay bolıp, 30% teoriyalıq hám 70% ámeliy formalarda ótkeriledi.

⌛️3 aylıq kurs bahası – 1 mln. 125 mıń sum (1 ayǵa – 375 mıń sum).
Qalalıq hám rayonlıq Kámbaǵallıqtı qısqartıw hám bántlik bólimlerinen jollamalar alıp kelgen jumıssız puqaralar biypul oqıtıladı.

🎗Kurs juwmaǵı menen tıńlawshılarǵa mámleketlik úlgidegi sertifikatlar beriledi.

☎️Qosımsha maǵlıwmat ushın telefonlar:
+998 (91) 371-74-57
+998 (90) 574-74-57

🍰Monoorayımızda «Keytering xızmeti (konditer)» kásibinde konditer ónimlerin tayarlaw sırların úyrenip atırǵan intalı tıńlawshımız Keńesbaeva Dilaram tárepinen biskvitli miyweli tort tayarlandı.

🧁Bul tort túrk texnologiyalarına tayanǵan halda tayarlanıp, onıń quramına túrk biskviti, muzqaymaqlı krem, shiyrin miyweler hám basqa da ingredientler kiredi.

🥮Torttıń salmaǵı 2,5 kg. Bul tort qálegen bayram, toy yaki tuwılǵan kúnniń sáni bola aladı, sebebi shıraylı kórinisinen tısqarı ol tákirarlanbas ájayıp dámge de iye.

🏢Monoorayımızda injener-usta Kutlımuratova  Guljaxannıń basshılıǵında usınday konditer ónimleriniń kóplegen túrleri tayarlanadı.

🏢Ózbekstan Respublikası Prezidentiniń 18.07.2024-jıldaǵı «Mayıplıǵı bar shaxslarǵa qolaylı hám tosıqlarsız ortalıq jaratıw boyınsha qosımsha ilajlar haqqında»ǵı PQ-266-sanlı qararınıń orınlanıwın támiyinlew maqsetinde Ózbekstan Respublikası Kámbaǵallıqtı qısqartıw hám bántlik ministrligi tárepinen Ózbekstan Respublikası Prezidenti janındaǵı Mámleketlik xızmetlerdi rawajlandırıw agentligi menen birgelikte monooraylarda ministrlik hám mákemeler xızmetkerleri ushın ım-siltew mámilesi jáne surdo awdarmashılıq kónlikpesin qáliplestiriw boyınsha oqıw kursların shólkemlestiriw kestesi tastıyıqlanǵan edi.

✨Usı kestege muwapıq Qaraqalpaqstan Respublikası Kámbaǵallıqtı qısqartıw hám bántlik ministrligi sistemasında 18 xızmetkerdi ım-siltew mámilesi hám surdo awdarmashılıq kursında oqıtıw belgilendi.

📝Usı tiykarda Nókis qalası «Ishga marhamat» monoorayında ım-siltew mámilesi hám surdo awdarmashılıq boyınsha 1 aylıq kursı shólkemlestirilip, onda ministrlik hám ministrlikke qaraslı mákemeler xızmetkerleri oqıtıldı.

🔷Búgin usı kurstı bir qatar xızmetkerler pitkerip, juwmaqlawshı imtixanların tapsırdı.

Telegram | Instagram | YouTube |  Facebook

💇‍♀Monoorayımızdıń «Hayallar shashtárezi» kásibiniń tájiriybeli ustazı Reymbaeva Mariyam monooray tıńlawshıları, sonday-aq, monoorayımızdı pitkerip, házirgi waqıtta gózzallıq salonlarında jumıs alıp barıp atırǵan hayal-qızlar ushın «Keratin hám botoks» temasında sheberlik sabaǵın ótti.

✅Tórt kún dawam etken bul sheberlik sabaǵında tıńlawshılar búgingi kúnde hayal-qızlar arasında keń tarqalǵan shashqa kútim hám uzaq múddetli kórinis beriw usılların úyrendi.

📝Keratin, botoks, bustap sıyaqlı kosmetologiyalıq texnologiyalar tiykarında shashqa turaqlı kelbet beriw boyınsha teoriyalıq hám ámeliy shınıǵıwlar ótkerildi, sońınan bul ámellerdi tıńlawshılar tárepinen qaytalaw arqalı kónlikpelerdi bekkemlewge erisildi. 

🎗Shınıǵıwlar juwmaqlanǵannan soń tıńlawshılarǵa sheberlik sabaǵın ótkenligi haqqında sertifikatlar tapsırıldı.

Telegram | Instagram | YouTube |  Facebook

🏢Nókis qalası “Ishga marhamat” monoorayında Qaraqalpaqstan Respublikası boyınsha Milliy gvardiya basqarması xizmetkerleriniń shańaraq aģzaları ekskursiyada boldı.

✨Olar orayda ótilip atırg’an ámeliy hám teoriyalıq sabaqlarda bolıp, oray qánigeleri hám tıńlawshılar menen sáwbetlesti, olardan bir neshesi ózleri qızıqqan oqıw kurslarına jazıldı.

Telegram | Instagram | YouTube |  Facebook

🏢Monoorayımızdıń «Xızmet kórsetiw hám servis» tarawında «Uwqalawshı» kásibiniń injener-ustası Allambergenova Dilnoza tıńlawshılar ushın «Segmentar-reflektorlı massaj» temasında ashıq sabaq ótti.

🎗Tájiriybeli ustaz óz shákirtleri menen reflektorlıq zonalarǵa massaj ámelleri arqalı tásir etiw usılların teoriyalıq hám ámeliy shınıǵıwlarda talqıladı.

📝Tıńlawshılar ótilgen sabaqtan kóplegen paydalı maǵlıwmatlar aldı.

Telegram | Instagram | YouTube |  Facebook

⚡️Elektrik kásibine qızıǵıwshılar sanı barǵan sayın artıp baratırǵanlıǵı sońǵı waqıtları ayqın sezilmekte.

🔷 Sebebi turmısımızda qollanılatuǵın derlik barlıq úskeneler elektr quwatında isleytuǵın bolǵanı ushın biz ómirimizdi elektrsiz kóz aldımızǵa keltire almaymız. Sonlıqtan búgingi kúnde elektrik kásibi eń zárúr kásiplerdiń birine aylanǵan.

🏢Nókis qalası «Ishga marhamat» monoorayında puqaralarımız bul qánigelikti tez arada hám sapalı meńgerip, dáramatlı kásip iyeleri bolmaqata.

📝Búgin gezektegi elektrikler toparı 3 aylıq kursın pitkerip, juwmaqlawshı imtixanların tapsırdı. Tájiriybeli ustaz Seytnazarov Dauletbay pitkeriwshilerge bilim hám kónlikpelerdi iyelewge járdem berdi. Zamanagóy sharayatlarda bilim alǵan tıńlawshılar tez arada elektrik qánigeligi boyınsha sertifikatların alıp, jańa jumıs ornına iye bola aladı.

⚠️Házirgi waqıtta monoorayımızdıń «Elektrik» kursına jańadan qabıllaw baslandı.

Telegram | Instagram | YouTube |  Facebook