Ulug‘bek Po‘latov @u_pulatoff Channel on Telegram

Ulug‘bek Po‘latov

@u_pulatoff

Bu kanalda ba’zida yangilik, ba’zida tahliliy ma’lumotlar, ba’zida esa tanqidiy fikrlar berib boriladi.

Ulug‘bek Po‘latov (Uzbek)

Ulug‘bek Po‘latov kanali, Telegramda eng so‘nggi yangiliklardan xabardor bo‘lish uchun ochilgan. Kanalda ba’zida yangiliklar, ba’zida tahliliy ma’lumotlar, ba’zida esa tanqidiy fikrlar berib boriladi. Uzluksiz ravishda tarqalgan ma'lumotlar orqali o'z fikringizni rivojlantirish va dunyodagi so'nggi voqealardan xabardor bo'lishingiz mumkin. Bu kanalda siyosat, iqtisod, madaniyat, san'at va boshqa turdagi muhim so'nggi yangiliklar joylashtiriladi. Ulug‘bek Po‘latov kanaliga obuna bo‘ling va yangiliklardan birinchi bo‘lib xabardor bo‘ling!

Ulug‘bek Po‘latov

17 Feb, 06:41

"Z" va "Alfa" avlodlar

Hozirda biz, ayniqsa, ta’lim sohasi vakillari "Z" va "Alfa" avlodlari bilan ishlamoqdamiz.

Masalan, shaxsan men ular bilan til topishishda qiyinchiliklarga duch kelmoqdaman. Ularni nimalargadir qiziqtirib olish qiyin kechmoqda.

Mening nazarimda ular hech narsaga qiziqmaydigan, kelajagi uchun foydali bo‘lgan ma’lumotlarni olishga ham erinadigan, faqatgina o‘yin-kulgiga mukkasidan ketgandek go‘yo.

Lekin mening bu qarashim mutlaqo noto‘g‘ri. Chunki, menda hozir "Z" va "Alfa" avlod bilan ishlash ko‘nikmasi yo‘q. Shuning uchun ham mana shunday o‘ylayotgan bo‘lsam kerak.

Xullas, endi hammamiz, ayniqsa ta’lim sohasi vakillari mana shu avlod vakillari bilan ishlash ilmini o‘rganib olishimiz kerak.

@u_pulatoff
1,393
Ulug‘bek Po‘latov

16 Feb, 07:44

Davlat tiliga hurmat uchun Yekaterina Aleksandrovnaga rahmat!

@u_pulatoff
1,245
Ulug‘bek Po‘latov

15 Feb, 09:22

Ustozga sog‘ligini tiklab olishi uchun sanatoriyaga yo‘llanma berib, psixolog biriktirib beradigan bo’ldik.

Hozircha, qo’limizdan kelgani shu bo’ldi xolos.

O’ylaymanki, aslida bu ishlarni qilishi kerak bo’lgan mas’ullar ham ustoz holidan xabar olishib, pedagoglar himoyasiga otlanadi.

@u_pulatoff
1,562
Ulug‘bek Po‘latov

14 Feb, 13:50

Qiziq

Onda-sonda qaysidir o’quvchi pedagog tomonidan kaltaklanib qolsa, uni ishdan bo’shatish kerak, psixologik nosog’lom odam maktabda ishlamasligi kerak deb bong urib turadigan bir deputatimiz o’qituvchi kaltaklanganda negadir jim.

Bo’lib ham o’qituvchiga ochiqchasiga o’lim bilan tahdid qilindi. Agar o’sha fuqaroning qo’lida qurol bo’lganida nima bo’lardi? Bu o’ta jiddiy masala.

@u_pulatoff
1,702
Ulug‘bek Po‘latov

14 Feb, 12:04

Bitta uzr bilan qutilgan ko'rinadi.

@u_pulatoff
1,991
Ulug‘bek Po‘latov

14 Feb, 06:01

Vazirlik mulozimlariga ham, boshqalarga ham...

O'qituvchini bemalol kaltaklab, o'lim bilan tahdid qilishsa-yu, hech kim pinagini ham buzmasa...

Agar shu videodagi holat o'quvchi bilan sodir bo'lganida bormi, hozir pedagogni sazoyi qilishib, ishdan bo'shatib, rasmiy munosabat ham bildirishga ulgurgan bo'lishardi.

@u_pulatoff
1,962
Ulug‘bek Po‘latov

13 Feb, 09:01

Hamma narsa dollarda, oylik maosh esa so'mda

Dollar kursi oshishda davom etmoqda. Bu hafta 13 ming so'mdan oshishi kutilyapti. O'zbekiston bozoridagi har qanday narxlarini solishtiradigan bo‘lsak, ular karrasiga oshib ketganini sezish mumkin.

Bir necha oy avval budjet xodimlari uchun oshirilgan 10-15 foizlik qiymat o‘z ahamiyatini yo‘qotib bo‘ldi, menimcha.

O'zbekiston bozorida hamma narsa dollarda hisob-kitob qilinadi. Uy ijarasidan tortib, bozordagi har qanday iste'mol qilinadigan maxsulotlargacha.

Hozir bozordagi ko'kat sotadigan xoladan nega oddiy ko'kat narxini buncha oshirib oldingiz deb so'rasangiz, dollar oshdi-ku deydi.

Har safar dollar oshganda o'qituvchilar maoshi ko'z oldimga kelaveradi. 1000 dollarlik marraga yetamiz deb ko'p aytiladi-ku, lekin shunga hech yetolmaydida, o'qituvchilar. Ular kambag'allashishda davom etmoqda.

O‘zi shu oylik maoshlarni ham dollarga bog‘lab qo‘yamizmi deyman-da:) Oshganda oshadi, tushganda tushadi. Zo‘r-a?

@u_pulatoff
1,934
Ulug‘bek Po‘latov

12 Feb, 06:53

Haj va Umra ziyoratlariga boradiganlar endi nima qiladi?

Bir hafta avval Haj va Umra ziyoratlariga borishida meningitga qarshi vaksina olish kerak deyilgan qaror bekor qilingani haqida xabar tarqalgandi.

Bunday xabar rasmiy OAVlarda ham e’lon qilindi. Endi esa oradan naq bir hafta o‘tib, Sanepidqo‘mita bu xabar yolg‘on xabar edi deb bayonot beryapti.

Qo‘mitaning ma’lum qilishicha, Haj va Umra ziyoratlariga borishda meningitga qarshi vaksina olish to‘g‘risidagi qaror bekor qilingani haqidagi xabarlar asosga ega emas.

Xo‘p shunday ekan, bu xabar yolg‘on ekanligini uzog‘i bilan ikki kunda aytisha bo‘lardi-ku? Xabar tarqalganini hamma eshitgandi-ku.

Endi esa kechikkan bayonot tufayli Haj va Umra ziyoratiga boradigan shuncha odam sarson bo‘ladi. Chunki, meningitga qarshi vaksina Saudiya Arabistoniga kirishdan kamida 10 kun avval olingan bo‘lishi kerak degan talab ham bor ekan.

Bunday xabar chiqdimi, rasmiylarimiz vaqtni o‘tkazmay, tezkorlik bilan holatni o‘rganib, bayonot berishni o‘rganishi kerak.

@u_pulatoff
1,845
Ulug‘bek Po‘latov

11 Feb, 15:22

"Tanaffus"ning yangi sonida juda katta mavzu — fan olimpiadalari mavzusini olib chiqdik

Videoni ko‘rmasdan turiboq, Youtube’ga kirib, video ostiga bitta like bosib va bir og‘iz biror izoh yozsangiz, YouTube yuqoriga chiqarib, hammaga tavsiya qiladi bizning podkastimizni.

Judayam foydali suhbat bo‘lgan. Uni ko‘rmaslik gunohi azim))

▶️ To'liq video — https://youtu.be/vrwPkbNqz_M

@u_pulatoff
1,854
Ulug‘bek Po‘latov

08 Feb, 14:13

Mana shu loyihani Profi Universityda yaxshi bir podkast ko‘rinishida boshlash nasib qilgan ekan.

Podkast videosini e’lon qilganimizda, o‘z fikringiz bilan qo‘llab-quvvatlab turasizlar degan umiddaman.

Bu safar katta mas’uliyatni olganman, o‘zimga. Va’dani berib, bajarmaslik bo‘lmaydi bu safar.

@u_pulatoff
2,049
Ulug‘bek Po‘latov

08 Feb, 13:19

Videomurojaat ham qilgan edim. Uyat)))

@u_pulatoff
1,864
Ulug‘bek Po‘latov

08 Feb, 13:17

Mendan ham deputat chiqar ekan

Ikki yil avval kitobxonlik bo'yicha bergan va'dam va e'lon qilgan kichik loyiham yodingizdami?

Shundan keyin hech kim shu loyiha nima bo'ldi deb ham so'ramadi-ya, xuddi saylovchilar kabi.

@u_pulatoff
1,863
Ulug‘bek Po‘latov

08 Feb, 05:27

O‘zbekiston bu...

Ehtiyotsizlik qilib, plastik kartamni bankomatda qoldirib ketibman.

Taxminan 5 daqiqadan so‘ng, kartamni unutganim yodimga tushib ortimga qaytsam, kartani kimdir olib ketibdi.

Yaxshiyam pul to‘la hamyon emasdi. Ichidagi pulni yechib olish ehtimoli 00.1 foizga teng bo‘lsa ham, kimdir urinib ko‘rarman degan maqsadda olib ketgan ko‘rinadi.

Undan tashqari ba’zilarga o‘xshab "11 11", "00 00" kabi parol ham qo‘ymaganman.

Ba’zi odamlarning nazari hali ham ochmi deyman-da. Xorijdagi ayrim tanishlarim pul to‘la hamyonlarini oradan 1-2 kun o‘tsa ham tushirib qo‘ygan joyidan topib olib kelishganini aytib berishardi. Bizda qachon shunday bo‘lar ekan-a?

@u_pulatoff
2,167
Ulug‘bek Po‘latov

07 Feb, 16:00

Oxiri sirni bilib qolishdi

"Tanaffus" podkastimizning har sonini dadam qoldirmay ko'radilar. Oxirgi chiqqan sonida uydagilarga hech qachon aytilmagan kichik bir sirni ochiqlagandim.

Dadam 1.5 soatlik podkastni to'liq ko'rib chiqmasalar kerak deb o'ylab, tavakkal aytavergandim. Lekin ishdan kelsam, ha Ulug'bek hali shunaqamidi deb turibdilar-ku...😁

O'sha sir bu yerda — https://www.youtube.com/watch?v=olx4hzwsilY&t=2900s

@u_pulatoff
1,979
Ulug‘bek Po‘latov

07 Feb, 11:01

SMS xabar

Bir kuni katta bir kompaniya direktorning qo'l telefoniga uning kotibasidan kech soat 11.00 da xabar kelibdi:

— Men homiladorman...

Bu SMS xabarni esa direktorning xotini o‘qibdi. Bir daqiqaning ichida hammasi ostin-ustun bo‘libdi.

Erining "xiyonati" haqida bilgan ayol esa hech narsani eshitishni ham xohlamay, 10 daqiqadayoq lash-lushlarini yig‘ishtiribdi-da, uyni tark etibdi.

Shundan so'ng kotibadan xabarning davomi, ya’ni ikkinchi SMS kelibdi.

— Endi dekret ta’tiliga chiqishimga ruxsat beriladimi?

Tugadi....

Shuning uchun kimgadir xabar yozishda ha, aynan xabar yozishda masalani to‘liq, bitta matnda lo‘nda qilib yozish kerak.

Aksiga olib, o‘zbek tilidagi juda ko‘p gaplarni turli xil ma’nolarda talqin qilish mumkin.

@u_pulatoff
2,224
Ulug‘bek Po‘latov

06 Feb, 16:44

Google kompaniyasi o‘z xodimlaridan 80 foiz vaqtlarini asosiy ishga, qolganini esa o‘zlari qiziqqan loyihalarga ajratishni talab qilar ekan.

Bu esa “Ad-Words” yoki “Gmail” singari hayratomuz loyihalar yaratilishiga olib kelgan ekan.

Jeyms Klir,
“Atom odatlar” kitobidan

@u_pulatoff
2,229
Ulug‘bek Po‘latov

04 Feb, 13:24

Ro‘molcha

Tan olaman, yashirmayman boshlang‘ich sinfda o‘qiyotgan kezlarimda maktabdagi ustozlar mendan juda ham bezor bo‘lishgan.

Doskaga biror bir masala yozib qo‘yilsa yoki qaysidir o‘quvchi savolga tutilsa, ularning o‘rniga ham men javob berib qo‘yaverardim.

Shunaqangi ko‘p gapirardimki, ustozim dod deb yuborishardi. Hamma narsaga burnimni suqib ko‘rardim. Qanday mavzu bo‘lmasin, menda albatta bir fikr chiqardi.

Shunday kunlarning birida o‘qituvchimiz kimda ro‘molcha bor deb savol berib qoldi, shu savoldan ham quruq qolmay deb mana menda bor dedim.

Shunda o‘qituvchimiz: Ulug‘bek, iltimos, ana shu ro‘molchani o‘g‘izingizga tiqib oling, zora ovozingiz o'chsa, desa bo‘ladimi :))

Aslida, tinmay gapiraverganimga ustozim meni to‘xtatish maqsadida ro‘molcha so‘ragan ekan. Shu voqea hecham esimdan chiqmaydi.

Hozir ham bu odatim yo‘qolmagan. Ba’zan gapirilishi kerak bo‘lmagan narsalarni ham aytaveraman.

Bu yomon odat bo‘lsa kerak. Oxiri kimdir qo‘limga ro‘molcha tutqazmasa bo‘lgani.

@u_pulatoff
2,716
Ulug‘bek Po‘latov

03 Feb, 18:01

Yana bir marta Andreas Shlyayherning
“Jahon miqyosidagi ta’lim” kitobini o’qib tugatdim

Ta’lim sohasiga qiziquvchilarga bu kitobni o’qib chiqishni tavsiya qilaman. Lekin oldindan aytib qo’yay, kitobni o’qib, uning mazmuni to’liq anglab yetgan odam biroz siqilib, o'yga tolib qolar ekan))

Chunki, unda aytilgan fikrlarni O’zbekiston ta’limi bilan tinmay solishtiraverasiz va nega degan savollar sizni tinch qo'ymaydi.

Ingliz tilini o'rganib olsam, kitobning ingliz tilidagisini ham o'qib chiqmoqchiman. Chunki, o'zbek tilidagi tarjimasida tushunarsiz joylari ko'p ekan.

@u_pulatoff
2,222
Ulug‘bek Po‘latov

01 Feb, 07:06

Yaponiyadagi kompaniya xodimlarga yaratilgan qo’shimcha imkoniyat

Menga Yaponiyaning mana shu tajribasi juda ham yoqdi. Menimcha, buni biz ham qilsak bo’ladi.

Har kuni ota-onalar farzandini bir necha kilometr uzoqliqdagi bog’chaga olib borib, keyin ishga borganidan ko’ra, farzandini ishxonasi yonginasidagi bog’chada qoldirishi ular uchun juda ham qulay variant.

Menimcha, bu nafaqat bog’cha, balki kompaniya xodimlari bolalariga vaqtincha qarab turadigan pulli xizmat ko’rsatish turi bo’lsa kerak. Xullas, juda ham zo’r g’oya.

@u_pulatoff
2,571
Ulug‘bek Po‘latov

31 Jan, 17:18

Ahmoqonadek tuyuladigan ishlar

Baʼzan, sizga kelajakda qandaydir foyda keltirishi mumkin bo‘lgan loyiha haqida gapirib berishsa, bu tushunarsizdek tuyulishi, go‘yoki bu ishlardan hech qanday maʼno yo‘qdek ko‘rinadi.

Ammo nima bo‘lgan taqdirda ham sizda imkoniyat bormi, bu ishni albatta qilib ko‘rish kerak. Zero, siz bundan hech nima yutqazmaysiz.

Masalan, bundan 6-7 yil avval telegramda kanal ochib, boshqalarga yordam berish, boshqalar bilmagan maʼlumotlarini ulashish g‘oyasi kelgan, hayolimga. O‘sha vaqtlari blog yuritish borasida hech qanday tushunchaga ega emasdim.

Keyin bu g‘oyani o‘zimning yaqin tanishlarimga aytdim. Qandaydir yo‘nalishda kanal ochaylik, birga yuritaylik deb bir kursdoshimga ham taklif berganman. U esa buni ahmoqona, hech qachon foyda keltirmaydigan ish deb aytdi.

Oradan vaqt o‘tdi. Men esa taʼlim yo‘nalishida, shunchaki, tumanimizdagi direktor o‘rinbosarlariga yordam berib borish uchun kanal ochdim va uni yurita boshladim.

O‘sha vaqtlari maktabda ishlardim. Shu vaqt oralig‘ida o‘zimga fikrdosh ham topib oldim. Uning ismi Bahodirjon edi. U maktabda oddiy o‘qituvchi bo‘lib ishlar va men kabi kanal yuritishga qiziqishi baland edi.

Yig‘ilish yoki tadbirlarda uchrashib qolsak ham ijtimoiy tarmoqda faol bo‘lish haqida fikrlashaverardik. Biz ikkimizni atrofdagilar hech tushunmasdi.

Oradan bir qancha vaqt o‘tib, ayniqsa, pandemiya vaqti kutilmaganda taʼlimga oid kanalim Xalq taʼlimi Info loyihasiga aylanib ketti. Keyin esa reklama agentliklari aloqaga chiqa boshlashdi. Vaqt o‘tib, mana shu loyiha ortidan maktabdagi maoshimdan ko‘ra ham ko‘proq pul topa boshladim.

Shundan so‘ng, loyiham bilan taʼlim vazirligi va uning huzuridagi tashkilotlar tanisha boshladi. Bu orada Toshkentdan yaxshi ishlar taklif qilishdi. Keyinchalik vazirlik darajasidagi ayrim loyihalarda ekspert sifatida qatnasha boshladim.

Shu oddiy bir kanal orqali juda ko‘p yaxshi insonlar bilan tanishdim. Va hozirgi kunga qadar shu loyiham ortidan juda ko‘p joydan ish taklif qilib turishadi. Takliflar orasida 3 ta o’zim uchun eng yaxshisi deb bilganlarimga rozi ham bo‘lganman. Hozir esa barcha takliflar orasida o‘zimga eng maʼqul bo‘lgan joyda ishlayapman. (Profi University)

Ha aytgancha, yuqorida men tilga olgan, o‘sha vaqtda oddiy o‘qituvchi bo‘lgan fikrdoshim - Bahodirjon Orifjonov hozir juda ko‘pchilik taniydigan vodiylik Elmurod Haqnazarovning (Erik Haydar)ning administratori hamda Dizayn jamoasi aʼzosiga aylangan. U mendan ham mashhur bo’lib ketti, o’z yo’nalishida.

Xullas, mana shunaqa gaplar….

@u_pulatoff
2,995
Ulug‘bek Po‘latov

20 Jan, 17:16

Shortikdagi senator

Demokratik partiyadan saylangan senator Jon Fetterman Trampning inauguratsiyasiga shortik va ​hudida kelibdi.

Bular qanaqa odam ekan-a? Tashqarida turib olib, kimdir nazorat qilmasmikan?

Bir kun oldin hamma 100 foiz protokolniy formada, oq ko'ylak, qora shimda kelishi aytilmaydimi?

Mahalla yettiligi qayoqqa qaradi ekan? Ma'naviyat markazi degan tashkilot yo'qmi ularda?

Bular hali-beri rivojlanmaydi, ishonavering.

@u_pulatoff
3,766
Ulug‘bek Po‘latov

20 Jan, 06:55

"Lox" bo'lishga tayyormisiz?

Sarlavha uchun uzr so'rayman, lekin shunday ta'sirliroq yozilmasa, post egasiga yetib bormaydi.

Xullas, mana bunaqa tarmoqli marketing degan narsa yana avj ola boshlabdi.

Go'yoki, siz qandaydir "birbalolife" degan kompaniyalarga, qanchadir summa evaziga a'zo bo'lasiz va sizning ortingizdan kelgan mijozlar uchun sizga pul to'lay boshlashadi. Tez orada esa pulingiz ko'payib, sizni "eplab bo'lme" qoladi.

Ular bu biznes ortidan kelgan pullarni ona tabiatni asrash uchun sarflaymiz, deydi. Aslida hammasi g'irt uydirma.

Afsuski, bunaqa kompaniyalarni ayrim instablogerlar ham reklama qilib yotibdi. Ular pulini oladi, aytganidek reklama qilib beradi, tamom.

Bunaqa kompaniyalar tuzog'iga meni talabalik paytimda (2015-yil) ilintirmoqchi bo'lishgan. Ularning ofisigacha borib ko'rganmiz. Rosa ishontirgan.

Kompaniya egasi chet eldan uylar oldim, qator-qator mashinalarim bor deb rosa gapni aylantirgan.

Keyin o'sha kompaniya egasi biz bilan birga avtobusda uyiga ketganida hammasini tushunib yetganman.

Agar sizni ham shunaqa kompaniyalarga taklif qilishayotgan bo'lsa, ishonib o'tirmang.

Qo'ysangiz-chi... Ishonchlilari ham bor deyotgan bo'lsangiz, unda a'zo bo'lib ko'ring, shunda hammasini o'zingiz bilib olasiz.

@u_pulatoff
3,896
Ulug‘bek Po‘latov

15 Jan, 15:15

Sizga katta meros qoldirishmoqchi...

So‘nggi vaqtlarda firibgarlikning yana bir turi avj olmoqda. Aniqrog‘i, bu usulni anchadan buyon qo‘llab kelishadi.

Sizga xorijdan kimdir yozadi, og‘ir kasallikka chalingan bo‘ladi. Katta miqdordagi pulini sizga meros qilib qoldirishini aytib, uni asoslovchi materiallar yuboradi.

Yaqinda menga ham shunaqa "saxovatpesha" odam yozib qoldi. O‘zimni unga xuddi ishongandek qilib ko‘rsatdim. 1 haftacha yozishib turdim. (Nimagadir uning "lox" bo‘lganini o‘ziga his qildirgim keldi.)

Xullas, meni ishontirdim deb o‘yladi. Oxirgi nuqtaga yetganda katta miqdordagi pulni menga yuborayotganini aytdi. Faqat men bojxona to‘lovi uchun 100 dollar to‘lashim kerak ekan. (Qarang-a, shuncha puli bor odam bojxona uchun 100 dollar so‘rayapti.)

Keyin hujjatlaringni menga yubor degandi, bitta faylga jamlab, yuqoridagi siz ko‘rib turgan suratni yubordim. (Faylni ichida boshqa qiziq narsalar ham bor edi, ularni joylamadim)

Xullas, shunaqa gaplar. U faylni ochib ko‘rib qanaqa holatga tushishi menga rosa qiziq edi. Aslida telefonimga pul ham tashlatmoqchi edim. Chunki uni o‘zini ham ishontirib bo‘lgandim.

Lekin "hujjatlarimni" ertaroq yuborishga to‘g‘ri kelib qoldi-da, bo‘lmasam pul ham tushirtirib olardim, telefonimga.

Shu joyda menam "Otalar so‘zi" ko‘rsatuvidagi otaxon kabi haaa azizlar deb qo‘ydim, ichimda.

@u_pulatoff
3,357
Ulug‘bek Po‘latov

11 Jan, 17:05

Suhbat yaxshi bo’lyapti. O’zi shu yigitlar yaxshi ketishyapti, zo’r mavzularni olib chiqishyapti, hammaga tavsiya qilish kerak… demaysizlarmi? 😁

@u_pulatoff
3,793
Ulug‘bek Po‘latov

11 Jan, 16:02

So'z onaga: Ota-onalarning ta'limdagi roli

"Tanaffus" podkastining ushbu sonida ota-ona, bola, maktab uchburchagi haqida juda ham yaxshi fikrlar ilgari surildi. Bu podkastdan siz juda ko'p narsalarni o'rganishingiz mumkin.

Marhamat, podkastni ko'ring, xulosa chiqaring va unda e'lon qilgan savolga YouTube'dagi video ostidagi izohlarda fikringizni yozib, 500 ming so'mlik kitoblar jamlanmasi yoki shu miqdordagi pul mukofotiga ham ega bo'ling!

▶️ To'liq video — https://youtu.be/SMgxvFBc8UU

@u_pulatoff
5,262
Ulug‘bek Po‘latov

11 Jan, 15:21

Hayajonli daqiqalar

Tez fursatlarda "Tanaffus" podkastining yangi sonini e'lon qilaman.

O'zi ko'rasizlarmi?

@u_pulatoff
3,797
Ulug‘bek Po‘latov

11 Jan, 06:01

O’qituvchilarga berilayotgan imtiyozli avtorkeditlar ularga biroz qimmatlik qiladiganga o’xshaydi.

Batafsil — https://xalqtaliminfo.uz/post/1042

@u_pulatoff
3,965
Ulug‘bek Po‘latov

10 Jan, 13:53

Hammasi chalkashib ketti

Oxirgi paytlar energiyaga to'lib ketyapman. Vodiychasiga aytganda, "eplab bo'me" qolyapti mani :) Miyada har xil g'oyalar "diskoteka" qilyapti. Kechasiyam soat 1-2 larda uxlayapman. Bir zum ham tinch qo'ymayapti, g'oyalar.

Undan tashqari dekabrdan shaxsiy rivojlanish chellenjiga ham qo'shilib olganman. Shu sababli, bu kanalga qarashga vaqt bo'lmayotgandi.

Hozir ishlarni ancha tartibga solib oldim.

Aslida, hozir "Tanaffus" podkastning yangi sonini tasvirga olganimizni aytmoqchiydim. Kanalga anchadan beri post yozmaganimga, gapni nimadan boshlashni ham bilmadim.

Xullas, ertaga podkastni yangi soni chiqadi. Juda dolzarb mavzuda gaplashdik.

@u_pulatoff
3,477
Ulug‘bek Po‘latov

04 Jan, 12:04

Menga o'xshab "yeb qo'ymanglar" demoqchimanda

Hozir firibgarlikning mana bunaqa turi ham avj olgan. Juda ko'p usullari chiqib ketyapti borgan sari.

@u_pulatoff
5,679
Ulug‘bek Po‘latov

04 Jan, 11:53

Navbatdagi firibgarlik

Mana bunday xabarlar kelsa, uni aslo ocha ko'rmang.

Oqibati nima bo'lishini tushuntirib o'tirishim shart emas deb o'ylayman.

@u_pulatoff
7,395
Ulug‘bek Po‘latov

03 Jan, 06:41

"Hech kim ishda muqim qolish kafolatini olmagan va bugun tashabbuskor emasligimiz, ertangi ishsizligimizga kafillik bera oladi..."

© J.Miller, "SOS" kitobidan

***

Shaxsiy javobgarlik haqidagi juda yaxshi kitoblardan biri. O'qib chiqishni tavsiya qilaman.

@u_pulatoff
3,088
Ulug‘bek Po‘latov

02 Jan, 18:12

1 million

“Besh ming yildan beri ahvol shu. Raqqosa yozuvchidan koʻp pul topadi. Barabanchi esa novvoy, duradgor va temirchidan koʻp pul topadi...

Agar sen Eynshteynni ilmiy majlisga chaqirsang, soʻngra yalangʻoch ayolni jurnalistikaga oid suhbatga chaqirsang, kishilar Eynshteyn va uning ilmini tashlab yalangʻoch ayol atrofida jamlangan boʻlishar edi.

Bunda bizning gunohimiz yoʻq. Buning sababi, ular havoyi-nafsiga qul, shahvatlariga asirdir. Shuning uchun ular arzimagan ishlarga shijoat koʻrsatib, jiddiy ishlardan yuz oʻgirishadi”

© Mustafo Mahmud, “Qaynash nuqtasi” kitobidan.

***

5 kun avval YouTube’ga joylangan podkastimiz endigina 11 mingta ko’rilibdi.

Hali YouTube’ga joylanganiga 1 kun ham bo’lmagan san’atkorning oilaviy mojarosi aks etgan videosi esa 1 mlnga yaqin ko’rildi.

Maktab ta’limi tizimining o’zida 1 mlndan ziyod xodim ishlaydi. Podkastimizning ko’rishlar soni esa bu songa nisbatan anchagina kam.

@u_pulatoff
2,630
Ulug‘bek Po‘latov

02 Jan, 12:57

O‘zbekistonda ta’lim o‘lgan...mi?

O‘zbekistonlik o‘quvchilar PISA, PIRLS hamda TIMSS xalqaro baholash dasturlarida qatnashib, uchala tadqiqotda ham past natijalarni qayd etishdi.

"Tanaffus" podkastining navbatdagi sonida aynan shu mavzu doirasida ta’lim masalalari bo‘yicha ekspert Komil Jalilov bilan suhbatlashgandik.

Bugun ham dam olish kuni. Issiqqina choni damlab olib, podkast ko'radigan havo bo'lyapti.

Ha aytgancha, podkast oxirida berilgan savolga eng yaxshi izoh yozgan obunachiga 500 ming so'mlik kitoblar jamlanmasi ham sovg'a qilinadi.

▶️ To'liq video — https://youtu.be/kL4CWIEgH4Q

@u_pulatoff
2,671
Ulug‘bek Po‘latov

31 Dec, 21:27

Telegram 2025-yilni omadsiz boshlagan ko’rinadi

Juda ko’p uzilishlar bo’lyapti. Ayniqsa bu mediafayllarni yuklashda sezildi.

Yangi yilda foydalanuvchilar tomonidan juda ko’p tabriklar yuborilishi serverlarga ortiqcha yuklama keltirib chiqargan bo’lishi mumkin.

@u_pulatoff
2,507
Ulug‘bek Po‘latov

31 Dec, 19:01

2025-yil

Yangi “Atrof-muhitni asrash va “yashil” iqtisodiyot yili” muborak bo'lsin!

@u_pulatoff
4,251
Ulug‘bek Po‘latov

31 Dec, 18:11

Pedagog xodimlar uchun maxsus Yangi yil tabrigi

Maktabgacha va maktab ta’limi tizimidagi barcha pedagog xodimlarni Yangi yil bilan samimiy tabriklaymiz. Batafsil videoda...

❗️"Eng yaxshi bezatilgan ta'lim muassasasi" tanlovi g'oliblarini ham mamnuniyat bilan e'lon qilamiz.

🎁G'olib maktablar — https://xalqtaliminfo.uz/post/1029

Telegram I Facebook I YouTube
1,682
Ulug‘bek Po‘latov

30 Dec, 13:14

Farzandingiz Fransiyada o‘qishini xohlaysizmi?

Fransiyaning "South Champagne Business School" oliygohida qanday qilib o‘qish mumkin?

Qanday qilib, o‘qish xarajatlari ish beruvchi kompaniya tomonidan to'liq qoplangan holda Fransiyada o‘qib, mahalliy kompaniyalarda ishlash mumkin?

Xo‘sh, buning tartibi qanday?

Bu haqda mana bu yerdagi videoda batafsil bilib olishingiz, agar qo‘shimcha savollaringiz bo‘lsa, izohlarda yozib qoldirishingiz mumkin.

Telegram I Facebook I YouTube
1,949
Ulug‘bek Po‘latov

28 Dec, 15:11

Agar pedagog va rahbar xodimlarni asosiy vazifalariga aloqador bo‘lmagan ishlarga jalb qilish holati davom etishini istamasangiz, ushbu so‘rovnomada albatta qatnashing.

Befarq bo'lmang! Ustozlar tekin ishchi kuchi emas!!!

So'rovnoma — https://xalqtaliminfo.uz/questionnaires/15/uform

@u_pulatoff
3,048
Ulug‘bek Po‘latov

27 Dec, 13:07

Vazirlikka, o’qituvchilar oyligini oshirishga ketyapman😆

O’ng qanotdan hujum qilgani yana askarlar kerak.

@u_pulatoff
3,646
Ulug‘bek Po‘latov

27 Dec, 12:47

Topinglarchi qayerga ketyapman?

@u_pulatoff
3,572
Ulug‘bek Po‘latov

24 Dec, 07:00

Hurmat bilan, o'zim!

Yashnobod tumani hokimi o‘zini o‘zi sal kam 62 million so‘m bilan mukofotlash haqida qaror chiqaribdi.

Hokim o'zini “Eng tashabbuskor sektor” nominatsiyasi g‘olibi deb e'lon qilgan va "quruq" bo'lmasin endi deb, o'ziga o'zi mahalliy budjet hisobidan 61 875,0 so‘m mukofot puli bergan.

@u_pulatoff
3,416
Ulug‘bek Po‘latov

23 Dec, 13:39

Mana bunday o'ylaydigan rahbarlarimiz hali ham bor ekan to'rt kunlik ish haftasi haqida umuman gapirmasak ham bo'ladi.

Afsuski, bunday topshiriqlar "tepadan" keladi. Quyi tashkilot ish normasiga amal qilishi uchun "tepani" ham ish vaqti tugashi bilan chirog'i o'chishi kerak.

@u_pulatoff
3,061
Ulug‘bek Po‘latov

23 Dec, 13:28

O‘qituvchini soat 8.00 dan 17.00 gacha maktabda ushlab o‘tirish to‘g‘rimi?

Ko‘pincha, Prezident yoki ixtisoslashtirilgan ta’lim muassasalarida ishlovchi o‘qituvchilardan ish vaqti normasiga amal qilinmasligi yuzasidan savollar kelib tushadi.

Bunday holat oddiy maktablarda ham yo‘q emas, albatta. Aslida biz maktabning jozibadorligini oshirib, byurokratiyadan butunlay voz kechishimiz kerak emasmi?

Bu borada sizning fikringiz qanday?

▶️ To'liq video — https://youtu.be/t5vqqXp9ReA

Telegram I Facebook I YouTube
2,647
Ulug‘bek Po‘latov

23 Dec, 06:34

To'rt kunlik ish haftasi

Ispaniya ham to‘rt kunlik ish haftasiga rasmiy ravishda o‘tayotgan ekan. Agar ish beruvchilar ushbu talabni bajarmasa, har bir xodimi uchun 10 ming yevrogacha jarimaga tortilishi mumkin deb aytilmoqda.

***

Biz esa hali 6 kunlikka o'tib olganimiz yo'q. Chunki, tashkilot va idorlalar yakshanba kuni ham ishlamoqda. Ular har kuni ishdan kech soat 11, 12 larda ketishadi.

Soatlarni jamlaydigan bo'lsak, hech qanday dam olishlarsiz ishlayapti ular.

Bir savol bor: Nega ko'p ishlasak ham rivojlanib ketmayapmiz unda?

@u_pulatoff
2,802
Ulug‘bek Po‘latov

22 Dec, 05:31

Maktabgacha va maktab ta’limi vazirligi faoliyatini qanday baholaysiz?

Ushbu so‘rovnoma anonim bo‘lib, shaxsingiz to‘liq sir saqlanadi. Unda qatnashish orqali Maktabgacha va maktab ta’limi vazirligining bir yillik faoliyatiga xolis baho berishingiz mumkin.

So'rovnomada qatnashish uchun atigi bir daqiqa vaqt ketadi.

📊 So'rovnomada — https://xalqtaliminfo.uz/questionnaires/3/uform

@u_pulatoff
3,768
Ulug‘bek Po‘latov

18 Dec, 06:24

Portlash oqibatida 4 kishi halok bo‘libdi. Ular orasida bolalar ham bor

Bu hodisa odamlarning diqqat markazida turibdi. O‘sha hududda yashovchilar sarosimaga tushib qolgan.

Tasavvur qiling, urush ketayotgan mamlakatlarda har kuni xuddi shunday hodisa qayta-qayta takrorlanadi. Odamlar har kuni o‘z yaqinidan, bolalaridan ayriladi.

Bunday hodisaning tirik guvohi bo'lgan odamlar har qanday qiyinchiliklarga ham rozi bo'lib, tinchgina, eski kulbada bo'lsa ham, eng muhimi halovatda yashasam bo'ldi deb yuborsa kerak.

Tinchlik bo‘laversin.

@u_pulatoff
3,362
Ulug‘bek Po‘latov

17 Dec, 11:48

Farg‘onadagi “zapravka”da katta portlash bo‘libdi

Bugun, 17-dekabr kuni Farg‘ona viloyatining Farg‘ona shahridagi avtomobillarga yoqilg‘i quyish shoxobchasida portlash sodir bo‘libdi.

Portlash aks etgan ko'plab videolardan shuni ko‘rish mumkinki, uning oqibatida qurbon bo‘lgan odamlar ham bor. (boshqa videolarni joylamadim, chunki ko‘ngilni xira qiladigan kadrlar ko'p ekan)

Menimcha, “zapravka”da benzin bilan birga propan ham bo‘lgan. Chunki, videodagi holatda propan gazi oqayotganini ko‘rish mumkin.

Bir necha yil mashinalarga gaz quyish shoxobchasida ishlaganman. Shuning uchun propan gazining tabiiy gazga nisbatan ancha xavfliroq ekanligini bilaman. Propan gazining eng xavfli tomoni shundagi, u ochiq havoda ham yaxshigina portlaydi.

Ya’ni suyuqligi, havoga nisbatan ancha og‘irligi uchun propan gazi sizib chiqib ketib qolsa, yerga o‘rnashib, cho'kib turaveradi, havoga uchib ketmaydi.

Bundan ham yomon tomoni, agar qayerdandir propan gaz sizib chiqib ketib qolsa, hech kim borib, gaz chiqayotgan tuynukni yopib qo‘yolmaydi. (yoki maxsus kiyimda borish kerak)

Sababi, propan gaz olovga aylanmay turib ham tanani kuydirish xususiyatiga ega. Bu gaz qizdirib emas, muzlatib kuydiradi.

Shuning uchun ham portlashdan avval gaz sizib chiqishini hech kim to‘xtatib qololmagan ko‘rinadi.

@u_pulatoff
3,648
Ulug‘bek Po‘latov

16 Dec, 04:51

Samarqandliklar uchta quyosh chiqqaniga guvoh bo'lishibdi

Samarqandning Bulungʻur tumani Yuqori Beshbola qishlogʻida aholi bir paytda uch quyosh yaʼni “Galo” hodisasiga guvoh boʻlibdi.

Bunda goʻyoki bir vaqtning oʻzida osmonda uchta quyosh koʻringandek boʻladi. Ammo, unday emas. Bu hodisani @uzb_meteo juda ham sodda tilda tushuntirib bergan.

Galo hodisasi — bu, gʻayrioddiy optik tabiat hodisasi boʻlib, odatda, quyosh va oy atrofida, baʼzan esa koʻcha chiroqlari kabi boshqa kuchli yorugʻlik manbalari atrofida koʻrinadi.

Galoning koʻp turlari mavjud va ular yuqori troposferada 5-10 km balandlikda asosan, patsimon bulutlardagi muz kristal zarralari bilan bogʻliq boʻladi. Galo turlari patsimon bulutlari kristallarining shakli va joylashganligiga bogʻliq.

Patsimon bulutlardagi kristal muz zarrachalar kuchli yoruqlik taʼsirida atrofida yorqin yoy shaklidagi kamalakrang hodisani vujudga keltiradi.

@u_pulatoff
1,896
Ulug‘bek Po‘latov

15 Dec, 15:16

Qishki atmosferani his qiling!

Hozirgina o’zim telefonga muhrladim bu suratlarni.

Suratda: “Anhor” va “Navro’z” bog’lari.

@u_pulatoff
2,584
Ulug‘bek Po‘latov

15 Dec, 04:59

Hovlimizga qorlar yog’di pag’a-pag’a, qorbobolar yasab bering menga tog’a… dermidi?

@u_pulatoff
1,712
Ulug‘bek Po‘latov

14 Dec, 15:06

Podkast chiqdi, ko'rishni tavsiya qilaman

Podkastni ko'ring, xulosa chiqaring va "Xususiy va davlat maktablari aynan nimasi bilan farq qiladi?", degan savolga YouTube sahifamizdagi izohlarda fikringizni yozing.

Yaxshi izoh yozgan va shu izohi uchun eng ko'p layk to'plagan bir nafar obunachiga 500 ming so'mlik kitoblar jamlanmasi yoki shu miqdordagi pul mukofoti va'da qilganmiz.

▶️ To'liq video — https://youtu.be/t5vqqXp9ReA

@u_pulatoff
1,764
Ulug‘bek Po‘latov

14 Dec, 11:27

Sizlarga eng asosiy gapni aytish esimdan chiqibdi

Bu safar podkastni ko'rib, "Xususiy va davlat maktablari aynan nimasi bilan farq qiladi?" degan savolga podkast ostidagi izohlarda eng yaxshi izoh yozib, eng ko'p layk to'plagan obunachiga 500 ming so'mlik kitoblar jamlanmasi yoki shu miqdordagi pulni sovg'a qilib yubormoqchimiz.

Birinchi sizlarga aytyapman, hali @xalqtaliminfo kanalida rasman e'lon qilmadim. Yaxshi-yaxshi izohlarni tayyorlab turaveringlar.

P.S: Shunchaki izoh yozib, 500 ming so'mlik kitoblar jamlanmasi yutib olish teshib chiqmasa kerak:))

@u_pulatoff
1,727
Ulug‘bek Po‘latov

14 Dec, 11:20

Uni-buni qo‘yinglar...

Bugun issiqqina uyda o‘tirib, maza qilib podkast ko‘radigan havo bo‘lyapti.

Ha, bugun "Tanaffus" podkastning yangi soni chiqadi. Xususiy va davlat maktablari o‘rtasidagi farqlar haqida gaplashamiz.

Mehmonimiz, "Profi school" xususiy maktabi direktori Xurshidbek Shavkatbekovich bilan maza qilib suhbatlashdik o‘ziyam. Juda qiziq gaplarni aytib berdi.

Montaj jarayonida podkastni ko‘rib bo‘ldim, lekin bugun chiqsa, yana qayta ko‘rmoqchiman.

Issiqqina choylarni damlab, tayyor bo‘lib turasizlar deb o‘ylayman... Ishonavering, bu podkastni ko‘rsangiz bir kitobni o‘qigandek bo‘lasiz...

Tez orada e’lon qilaman...

@u_pulatoff
1,581
Ulug‘bek Po‘latov

14 Dec, 09:16

Bu esa 2024-yilda 9 daqiqa davom etgan Oliy Majlis deputatlarining ovoz berish holati.

Birortayam qarishilar topilmagan.

@u_pulatoff
1,464
Ulug‘bek Po‘latov

14 Dec, 09:08

Davlat madhiyasini qabul qabul qilishda deputatlarning bergan ovozlari ekan.

404 ta tarafdorlar, 16 ta qarshilar, 4 ta betataf, 9 ta deputat ovoz bermagan.

@u_pulatoff
1,562
Ulug‘bek Po‘latov

14 Dec, 06:15

Media mahsulotlarini “ma’naviy ekspertiza”dan o‘tkazish to‘g‘risidagi qaror bekor qilinibdi

Media mahsulotlarini “ma’naviy ekspertiza”dan o‘tkazishni joriy etish to‘g‘risidagi qaror ushbu hujjatni qabul qilgan organlar tomonidan bekor qilingan va ijrodan chaqirib olingan.

***

To'g'ri qaror qabul qilguvchilar ham bor ekan, hali umid bor, shukur...

@u_pulatoff
1,579
Ulug‘bek Po‘latov

22 Nov, 19:50

Qishlog’im (Qo’shtepa)ga keldim, hozirgina

“Olovga sig’inish” boshlandi :)) Ko’chadagi tuman deb o’ylaganim, o’tin va ko’mirning tutuni ekanligidan o’zimizdan ko’ra, ekologiyaga rahmim kelib ketadi, ba’zan.

Konditsionerli, komfort xonasidan chiqmay, yupun kiyimda o’tiradigan “yashillar”ning undoq qilamiz, bundoq qilamiz deb bong urishlari poytaxtdan nariga o’tmaydi.

Elektr o’chgan, internet deyarli ishlamaydi. (Shu postni e’lon qilish uchun ham tashqariga chiqdim hatto).

Endi dushanbagacha ishlar biroz orqaga ketadi. Har qanday rejalar ikki kun kutib turadi, shunga majbur.

Ha aytgancha, pechkaga qarab qo’yay, o’tin o’chib qolmasin.

@u_pulatoff
720
Ulug‘bek Po‘latov

21 Nov, 13:49

Juda ham ta’sirlandim

@u_pulatoff
2,008
Ulug‘bek Po‘latov

19 Nov, 12:21

Bugun "Mening yurtim" (MY5) telekanalida qishloq maktablari haqida gaplashamiz

Bugun "Gapiring" tok-shousida qishloq va shahar maktablari o’rtasidagi tafovutlar mavzusiga bag'ishlangan soni efirga uzatiladi.

Ko'rsatuvda qishloq maktablarining isitish tizimi, qish faslida o'quvchilar davomati tushib ketishining asl sabablari hamda maktab hojjatxonalari mavzusi muhokama qilinadi.

📺 Ko'rsatuvni soat 20:00 da "Mening yurtim" (MY5) telekanalida albatta tomosha qiling.

Ha aytgancha, ko’rsatuv boshida studiya issiq bo’lishiga qaramay, bir muddat ustimdagi kurtkani ataylab yechmay o’tirgandim. Buni ham o’ziga yarasha ramziy ma’nosi bor edi. Ko’rsatuvda bu haqda aytganman.

Mavzu bo'yicha fikrlaringizni ko'rsatuv boshlangach, izohlarda yozavering.

@u_pulatoff
3,770
Ulug‘bek Po‘latov

19 Nov, 06:58

Ko‘k bo‘ri kezgan sarhad itlarga talosh endi..

...Uyg‘otay deb kelgan ul bahorlar bekor ketar,

Har tongda quyosh turtib, har shomda bezor ketar,

Bo‘g‘zin yirtib shoirlar ming hayqirib, xor ketar,

Alloh, bu xalq shu holga ko‘nganga o‘xshayotir.

Turkiy elning shiddati so‘nganga o‘xshayotir.

© Nuriddin Ermatov
2,084
Ulug‘bek Po‘latov

19 Nov, 06:11

Andijondagi Bobur haykalini uchinchi marta ko‘chirishmoqchi

Viloyat hokimligining bildirishicha, Bobur xotirasiga atab barpo etilgan maydon yangi qurilayotgan ko‘prik yaqinida joylashgani sababli ko‘chiriladi. O‘rnida savdo majmuasi, ko‘ngilochar markazlar, ofislar va boshqa turdagi binolar qurish loyihasi taklif etilgan.

Hokimlikning aytishicha, haykalni ko‘chirish uchun ilmiy kengash vakillari, boburshunoslar va oqsoqollar ruxsat berganmish.

***

Biznikilar buzishga juda ustada, "soqqa" qilib olsa bo'ldi, tarix, madaniyat bir chetda damini oladi. Rivojlangan mamlakatlarni ko'ring, hammasi tarixiy joylarni saqlab qolgan. Biznikilar esa "city"larga chalishgan.

@u_pulatoff
1,853
Ulug‘bek Po‘latov

19 Nov, 03:45

Haligi, ko‘pchilikning fikrini e’tiborga olamiz, ammo tanaffus e’lon qilamiz deb, ko’pchilik deputatning fikrini inobatga olmagan spiker o’rinbosari bor edi-ku, o’sha odam yana spiker o’rinbosari etib saylanibdi.

Ism, familiyasini yozib o’tirmadim, o’sha odamda :))

@u_pulatoff
1,568
Ulug‘bek Po‘latov

18 Nov, 15:05

“MY5” telekanalining “Gapiring” tok-shousida qishloq va shahar maktablari o’rtasidagi tafovutlar haqida gaplashdik.

Yaxshi suhbat bo’ldi. Ko’rsatuv boshida studiya issiq bo’lishiga qaramay, bir muddat ustimdagi kurtkani yechmay o’tirdim.

Buni ham o’ziga yarasha ramziy ma’nosi bor edi. Ko’rsatuv chiqsa, nega unday qilganimni aytib beraman.

@u_pulatoff
1,709
Ulug‘bek Po‘latov

18 Nov, 11:42

Bu yerdagi pozitiv kayfiyatni ulashmasam bo’lmaydi…
2,013
Ulug‘bek Po‘latov

18 Nov, 11:38

Hechdan ko’ra kech bo’lsa ham talabalarni tabriklayman

Ayni vaqtda Profi Universityda talabalar bayrami bo’lyapti. 100 % jonli ijro. Mezza.

P.S: Kecha dam olish kuni bo’lgani uchun bugun bayram bugun tashkillandi.

@u_pulatoff
2,080
Ulug‘bek Po‘latov

16 Nov, 14:37

Olifta jurnalist

Cho’ntakdan qo’lni chiqar, har qalay ta’lim otasidan intervyu olyapsan, demabdi birov :))

@u_pulatoff
1,670
Ulug‘bek Po‘latov

16 Nov, 14:28

Bu inson Andreas Shlyayxer edi

Kecha xalqaro konferensiyada Iqtisodiy hamkorlik va taraqqiyot tashkiloti bosh kotibining ta’lim siyosati bo‘yicha maxsus maslahatchisi, PISA dasturi asoschisi Andreas Shlyayxer bilan uchrashish baxtiga muyassar bo'ldim.

Konferensiyaga ham aynan Andreas Shlyayxer bilan uchrashib qolarmikanman degan umidda borgandim, aslida.

Shu bahona xalqtaliminfo.uz'ning ramziy sovg'asini ham topshirib oldim va intervyu olishga muvaffaq bo'ldim.

Men uni ta'limning otasi deb hisoblayman. Aslida, biz uning nazariyalari asosida ishlaydigan bo'lsak, juda ham ko'p yutuqlarga erishamiz. Lekin bunday qilmaymiz, rivojlanib ketib qolsak kerakda.

@u_pulatoff
1,878
Ulug‘bek Po‘latov

15 Nov, 07:47

Bu inson kimligini bilasizlarmi?

Qani, izohlarda yozib qoldiringlarchi…

@u_pulatoff
2,205
Ulug‘bek Po‘latov

14 Nov, 14:39

Post yuqorida

@u_pulatoff
2,129
Ulug‘bek Po‘latov

14 Nov, 14:38

O'z ishining "Profi"si

Siz rasmda ko'rib turgan yigit, Kamronmirzo Bunyodov — oshpaz. Aniqrog'i, Profi University oshxonasining (Profi Creating Restaurant) asosiy oshpazlardan biri.

10 yillik tajribasi bor, 2015-yilda Parkent tumanidagi oshxonalardan birida oddiy oshpaz yordamchisi sifatida ish boshlagan ekan.

U ham o'z kasbini sevadigan va bundan zavq olib yashaydigan insonlardan biri. Ochig'i, shunaqa, o'z kasbining professionallarini ko'rsam, ular haqida yozgim kelaveradi.

Chunki, bunday toifadagi odamlar har narsani san'at darajasiga olib chiqishga harakat qiladi, rivojlanish uchun o'z ustida tinmay ishlaydi, har narsadan kreativlik qidiradi.

Hozir u qisqa muddatga malakasini oshirish uchun Fransiyaga ketmoqchi. Yonida ortiqcha puli yo'q, aslida. Lekin o'zining sohasini yaxshi ko'rgani uchun nima qilib bo'lsa ham Fransiyaga borib, malakasini oshirib kelmoqchi.

Uning faoliyati qiziqsangiz, rezyumesini qoldirdim, tanishib chiqsangiz bo'ladi.

Men nima demoqchiman?

Xullas, o'z ishingizni yaxshi ko'ring. Qaysi sohada ishlashingizdan qatʼi nazar sizga topshirilgan vazifani mukammal darajada bajarishga harakat qiling. Hech qachon qoʻl uchida ish qilishga odatlanmang.

Agar kasbingiz farroshlik boʻlsa ham ishingizga sanʼat darajasida qarashingiz kerak. Shundagina siz oldinga qadam tashlay olasiz, shunda sizni qadrlay boshlashadi, shunda jamoada oʻrningiz boʻladi.

Noprofessionallarcha yondashilgan ish ham, uning egasi ham hech qachon qadr topmaydi. Ming afsuslar boʻlsinki, bizning jamiyatda oʻz ishini sidqidildan qilmaydiganlar juda koʻp topiladi.

Bizning jamiyatga ko'proq Kamronmirzolar kerak!

@u_pulatoff
2,373
Ulug‘bek Po‘latov

14 Nov, 03:30

Sizni ham bir uxlab tursangiz fikringiz o'zgarib qoladimi?

Masalan, bugun mana bunday ishlarni qilib tashlayman, ertaga ertalab borib uning yuziga hamma haqiqatni aytib tashlayman va hokozolar… deysiz va bir uxlab tursangiz bu fikrdan qaytib qolasiz. (mayda ishlarni nazarda tutyapman)

Bir kun oldin o'ylagan fikrlaringiz shunchaki tentaklikdek tuyilib ham ketadi. Menda bunday holat asosan ertalab uyqudan uyg'onganmida sodir bo'ladi.

Masalan mana shu postni ham kecha yozib, vaqtga qo'yib qo'ygandim. Bo'lmasa, hozir bunday ahmoqona post yozmagan bo'lardim.

G'alati holat...

@u_pulatoff
1,779
Ulug‘bek Po‘latov

13 Nov, 15:05

❄️ Toshkentda birinchi qor yog’moqda

@u_pulatoff
2,313
Ulug‘bek Po‘latov

13 Nov, 13:32

2025-yil uchun Respublika Maʼnaviyat va maʼrifat markaziga davlat budjetidan 75,4 mlrd soʻm mablag' ajratilishi reja qilinyapti.

O'tgan yili esa naq 67 mlrd 762 mln soʻm mablag' ajratilgan.

***

Masalan, 200 o'rinli oddiy davlat maktabini to'liq ta'mirlab berib, uning yoniga yana 200 o'rinli qo'shimcha bino qurib berish uchun taxminan, 5 mlrd mablag' yetib qolar ekan. (o'rtacha sharoitdagi maktab uchun, albatta)

Aytmoqchimanki, undan ko'ra mana shu Ma'naviyat markaziga ajratiladigan mablag'larni o'ta og'ir holatdagi, ikki smenada o'qiyotgan shunday maktablarga ajratilsa, yiliga o'rtacha 15 ta maktabni bir smenaga o'tkazsa bo'lar ekan.

@u_pulatoff
2,472
Ulug‘bek Po‘latov

13 Nov, 09:52

Maʼnaviyat markazi oʻzidan boshqalarni ahmoq deb oʻylaydimi?

Oʻzbekiston Respublikasi Maʼnaviyat va maʼrifat markazi bundan keyin milliy media mahsulotlar uchun “Maʼnaviyat ekspertizasi” joriy qilinishini maʼlum qildi va bu gap tarmoqlarda media vakillarining keskin qarshiligiga sabab boʻldi.

Markazga koʻra, maʼnaviy ekspertizadan oʻtkazish tartibi toʻgʻrisidagi Nizom tasdiqlangan. Nizomda maʼnaviy ekspertiza guruhining asosiy vazifalari belgilangan. Nizomga muvofiq, mutaxassislar guruhi tomonidan Oʻzbekiston hududida namoyish etilayotgan mahalliy va xorijiy media mahsulotlarning davlat siyosati, milliy qadriyatlar, maʼnaviy-axloqiy mezonlarga zidligi oʻrganiladi va ruxsat beriladi.

Buning qip-qizil senzura ekani, shundogʻam qonunda soʻz erkinligini suiisteʼmol qilish, huquqbuzarlik va jinoyat uchun javobgarlik mavjudligini bilish uchun katta aql shart emas. Buni qarangki, Markaz endi bayonot bilan chiqib, biz soʻz erkinligiga daxl qilmoqchi emasmiz, notoʻgʻri tushunmanglar, debdi.

Xoʻsh, Sizning materialingizni sohada qonunlar yetarli boʻlishiga qaramay kimdir “men koʻrsam, uni eʼlon qilishing mumkin” deb tursa, nima deb tushunish mumkin? Maʼnaviyat markazi oʻzining harakatlari qaysi qonun, Konstitutsiya va, xalqaro normalarga muvofiqligini izohlay oladimi?

© Abdurahmon Tashanov

@u_pulatoff
2,246
Ulug‘bek Po‘latov

13 Nov, 05:03

Vakolatim bo‘lganida keraksiz vazirlik, qanaqadir markaz va agentliklar faoliyatini kamida bir yilga to‘xtatib turgan bo‘lardim.

Agar mana shu bir yil ichida o‘sha tashkilot yopiq tursa ham hech nima o‘zgarmasa, butunlay yo‘q qilib yuborgan bo‘lardim.

Borligi ham, yo‘qligi ham sezilmaydigan tashkilotlar bizga kerak emas aslida. Ularning bizga foydasidan ko‘ra zarari ko‘proq tegyapti.

@u_pulatoff
1,326
Ulug‘bek Po‘latov

12 Nov, 17:25

Issiqina ko'rpaga o'ranib olib, "Том и джеррий"ni ko'rib, uxlab qoladigan havo bo'lyapti tashqarida.

👉@u_pulatoff
1,309
Ulug‘bek Po‘latov

12 Nov, 14:54

Assalomu alaykum, hurmatli kuzatuvchilar||Subscribes

Teacher LC ning o'qituvchilar darajalari va erishgan yutuqlaridan xabardormisiz?

Tanishdingizmi?

Xo’sh, nima deysiz? Endi nimaga rivojlanish uchun bizning markazni tanlashayotganini tushundingizmi?

Agar siz:

✅Ingliz
✅Ona tili
✅Fizika
✅Matematika

fanlaridan yuqori bilimga ega bo’lmoqchi bo’lsangiz, marhamat bizning markazga tashrif buyuring! (Ha, aytmoqchi, kurslarga qabul davom etmoqda)

O‘zingizni rivojlantirishni xohlaysizmi? Biz siz bilan birgamiz!

Ya'ni = Together we achieve

Keling, ko’ring va biz bilan birga barchasiga erishing!

☎️ +998 33 666 2024
🙋‍♀️ @teacher_lc_margilan
📍Marg'ilon dehqon bozori to'g'risida
(Davlat xizmatlari markazi yonida)

Telegram | Instagram
1,575
Ulug‘bek Po‘latov

12 Nov, 11:45

Yana bir misol

Masalan, mana bu yo'l chizig'ini chizgan xodim ham rahbari buyurgan ishni bajargan. Ha, u topshiriqni to'liq bajargan...

Lekin u ham haligi e'lonni oddiy skotch yordamida joylashtirgan xodim kabi ishlagan. Masalanda...

Qo'pollik uchun uzr.

@u_pulatoff
1,336
Ulug‘bek Po‘latov

12 Nov, 11:39

Professionallik

Bu so‘zni ko‘p eshitamiz, lekin hayotimizda, amalda juda ham kam qo‘llaymiz. Bu esa juda yomon.

Men har bir ishdan professionallik qidirishga odatlanganman. Masalan, yangi qurib bitkazilgan binoga kirsam, eshik tortqichi, devordagi chiziqlarning to‘g‘ri tortilgani, xonada ilingan e’lonlar, eshikka ilingan yozuvlargacha ahamiyat beraman.

Matnlardan esa O‘, G‘ va tutuq belgisining to‘g‘ri joylashtirilganigacha bo'lgan xatoliklarni qidiraman.

Ming afsuski, bularni kuzatib hech kim o‘z ishiga professionallik bilan yondoshmasligiga guvoh bo‘laman. Men kasal bo‘lsam kerak, bu perfektsionizm alomatidir balki.

Sizga hozir oddiy bir keysni misol qilib keltiraman

Tasavvur qiling, sizga rahbaringiz qog‘ozga chop etilgan chiroyli bir e’lonni ishxonadagi ayrim joylarga yopishtirib chiqishni buyurdi.

Siz nima qilasiz, aytaymi? Katta ehtimol bilan o‘sha e’lonni oddiy, bir tomonlama skotch yordamida turli xil joylarga yopishtirib chiqasiz. Topshiriq bajarildi...

Siz esa u ishni nozik did bilan qilinishi kerakligiga umuman ahamiyat bermaysiz, e’lon dizaynini tayyorlash uchun qancha mehnat qilinganini esa o‘ylab ham o‘tirmaysiz. Ya’ni siz topshiriqni bajardingiz...

Aslida o‘sha e’lonni ikki tomonlama skotch yordamida, bir tekis, chiroyli ko‘rinishda ham joylashtirish mumkin edi. Lekin buni 90 foiz odam qilmaydi.

Mana shu narsa professionallik deyiladi. Sizga topshirilgan vazifani xuddi o‘zingiz uchun qilayotgandek bajarmas ekansiz, noprofessionallik sizni tark etmaydi.

P.S: Fikrimni birgina post orqali to‘liq yetkazishga biroz qiynaldim. Yana misollar berib borishga harakat qilaman.

@u_pulatoff
1,300
Ulug‘bek Po‘latov

12 Nov, 07:18

Farg'onada HET korxonasi korrupsiyaga qarshi kurashish bo'limi boshlig'i 1000 dollar pora olayotganda qo'lga tushibdi.

Korrupsiyaga qarshi kurashish bo'limi boshlig'i Farg'ona viloyatdagi tumanlardan birining elektr tarmoqlari korxonasi bosh muhandisining 9 oylik faoliyati davomida yo'l qoʻygan kamchiliklari uchun ishdan bo'shatilmasligi evaziga 1000 dollar so'ragan bo'lgan.

***

Netay tabibimning o'zi ham bemor dermidi? :)

@u_pulatoff
1,403
Ulug‘bek Po‘latov

11 Nov, 17:00

Ehh, bugungi kun haqida yozish yodimdan ko‘tarilibdi, axir bugun elektr energiyasini tejash kuni edi

11-noyabr — Xalqaro elektr energiyasini tejash kuni. Biz bu bayramni juda ham ardoqlaymiz, biz uchun har kuni bayram. O‘zbekistonliklar bu sanani har kuni nishonlaydi. Shuning uchun bu haqda yozishning erta-kechi yo‘q deb o‘ylayman.

Ha aytgancha, hozir uyingizda elektr yo‘q bo‘lsa ham "svetni" tarmoqdan uzib qo‘yavering. Yonib qolsa, bayram shukuhi ketishi mumkin. Bayram, bayramdek bo‘lsin deyman-da.

@u_pulatoff
1,595
Ulug‘bek Po‘latov

11 Nov, 12:37

Atrofingizdagilarni uyg'oting

G'oyalar o'zingizda qolsa, ular hech kimga naf keltirmaydi. Atrofingizdagilarni uyg'otib, g'oyangizni boshqalarga ham ulashing, aks holda g'oyalaringiz ham uyquda qoladi.

***

Yuqoridagi mavzuda bitta uzundan-uzun post yozgandim. Lekin uni kanalga joylagim kelmadi va sun'iy intellektga o'sha postimni yuborib, qisqa matnga men yozgan postning umumiy mazmunini sig'dirib berishni so'radim.

Xullas, atrofingizdagilarni uyg'oting, agar o'zingiz ham uyg'oq bo'lsangiz.

@u_pulatoff
1,661
Ulug‘bek Po‘latov

10 Nov, 12:03

Bugun O'zbekistonda eng kam maosh oladigan tibbiyot xodimlari kuni ekan

Tibbiyot xodimlari oylik maoshi kamligi bo'yicha o'qituvchilardan keyingi o'rinda turadi.

Tabriklayman, ularga faqatgina yaxshi maosh va munosib mehnat sharoiti yaratilishini tilab qolaman. Bu sohalar rivojlanmas ekan, qolgan barchasi bekor.

@u_pulatoff
1,794
Ulug‘bek Po‘latov

07 Nov, 06:34

Vladimir Zelenskiy Rossiya Federatsiyasi Sogʻliqni saqlash vazirining birinchi oʻrinbosari boʻldi

Federatsiya Kengashi raisi Valentina Matviyenko plenar majlisda Sogʻliqni saqlash vaziri birinchi oʻrinbosari ustida hazil qildi va unga familiyasini baland ovozda aytib yurmaslikni maslahat berdi: “Birinchi oʻrinbosar boʻlganingiz yaxshi, lekin familiyangizda unchalik omadingiz chopmagan”.

Bu gaplarga javoban Rossiya Sogʻliqni saqlash vaziri birinchi oʻrinbosari faqat ironiya bilan yelka qisdi. Gap shundaki, uning familiyasi Zelenskiy, ismi esa Vladimir boʻlgani uchun oʻziga xos “omadsizlik”ka duch kelgan.

@u_pulatoff
3,207
Ulug‘bek Po‘latov

06 Nov, 11:41

Kuz*

Hozirgina olingan, qaynoqqina rasm. Juda ham go’zal manzara to’g’rimi?

*Suratda Profi University old hovlisi.

@u_pulatoff
2,633
Ulug‘bek Po‘latov

06 Nov, 08:22

"Zamhokim" va 2 mln dollar

Chirchiq hokimi o’rinbosari 1 mln dollar pora bilan qo’lga tushibdi.

Aniqlanishicha, shahar hokimligi zaxirasidagi 20 gektar yer maydonini auksion savdoga chiqartirib, yutib berish va 49 yil muddatga yerga egalik qilish huquqini rasmiylashtirishda ko‘maklashish evaziga 2 mln dollar talab qilib, oldindan 1 mln dollarini o‘zining haydovchisi orqali olgan vaqtida ushlangan.

Bitta kichkina shahar hokimi va 2 mln dollar pul. Eng yomoni esa bu biz bilganlarimiz xolos. Bilmaganlarimiz qancha ekan-a...?

@u_pulatoff
2,718
Ulug‘bek Po‘latov

06 Nov, 05:01

Tushungan-tushundi ruknidan

@u_pulatoff
1,362
Ulug‘bek Po‘latov

06 Nov, 05:00

Хаёл кучи.

Эрталабдан бир хаёл кучимни ишга солиб кўрдим. Мен ҳозир жуда кўпчилик ўзбекистонликларнинг АҚШ сайловларини берилиб кузатишаётганига гувоҳ бўлмоқдаман, умуман умрида кўчасининг нариги бетидаги сайлов участкасига бормаган одамлар ҳам Пенсилвания штати ҳаммасини ҳал қилиб қўйса керак деб ўтирибди.

Албатта халқнинг иродасини тинч тарзда ифода этадиган энг кучли қурол сайловлар… шундай сайлов қилсанки, сенинг сайловларингга ўз юртингдан ташқарида ҳам одамлар жуда катта қизиқиш билдириб ўтиришса…

Тасаввур қилинг, 2224-йил… Ўзбекистонда сайловлар бўлмоқда, ҳаммамиз ўлиб кетганмиз… Ўзбекистон энди “вўўўббшим” даҳшат бўлиб кетган, осмонларда учар ликопчалар учиб юрибди, хуллас ўша биз келажаги буюк деб юрадиган давлат келажакда буюк бўлиб кетган…

Ва сайлов қизғин кетмоқда… одамлар турна қатор бўлиб эрталабдан навбат олиб қўйишган, навбатни ҳам қанақа олишган, уйида ишлайдиган робот хизматкорлари келиб эгаси учун навбатда турибди, навбат яқинлашганда робот эгаси оила аъзолари билан етиб келади…

Сайловда 1089 партиядан номзодлар иштирок этишмоқда, ким бекор бўлса, партия очиб олаверган… лекин иккита партия, “Янги Сусамбил” ва “Сунъий адолат” деган партияларнинг номзодлари олдинда кетмоқда…

Лекин ҳали ҳам ким ютиши аниқ эмас, асосий вазиятни ҳал қилувчи туманлар бор. Энди у пайтда ҳозирги туманлар ҳам катта мегополис бўлиб кетган бўлади-да… журналистлар сайлов жараёнларини ёритиш учун уёқдан-буёққа учар автомобилларида учиб юришибди… ҳамма сайлов участкаларида робот назоратчилар… кўпчилик халқаро робот назоратчилар…

Асосий масалани Пахтаобод сити, Шимолий Караката ва Янги Ургут маҳалла фуқаролар шаҳри аҳолиси ҳал қилишади… вазият жиддий, ҳамма миясидаги чиплар ёрдамида сайловни миялайн кузатиб туришибди… охирги дақиқалар кетмоқда…ва ниҳоят икки овоз фарқи билан “Янги Сусамбил” партиясидан номзод T19GHT мия соҳиби ғолиб бўлди…

@bektoshkhatamov
1,216
Ulug‘bek Po‘latov

04 Nov, 17:00

Lekin aytib qo'yay, mana bu ishni har qanaqasiga sevimli mashg'ulotga aylantirib bo'lmaydi. Shuning uchun 5 kundayoq qochib ketganman :))

@u_pulatoff
1,492
Ulug‘bek Po‘latov

04 Nov, 16:40

Charchamayman

Odam o‘zi sevgan kasbda ishlashi kerak, yoki o‘sha kasbini sevimli mashg‘ulotga aylantirishi kerak. Masalan, menda ikkovi ham bo‘lgan.

Hozirgi ishimni juda yaxshi ko‘raman. Profi Univeristyda pedagogik masalalar bo‘yicha rektor maslahatchisi, Xalq ta’limi Info tahririyati direktoriman. (Ikkinchi lavozimga o‘zimni-o‘zim tayinlaganman:)

Ikkala ishim ham juda yoqadi o‘zimga. Ikkovi ham ta’limga aloqador. Men bu sohada ishlasam “kayf” qilaman. Universitetda ham bir-ikkita loyiha boshlab olganman.

Busiz men yasholmayman. Eng sevimli ishim ham xobbim ham shu — ta’lim.

***

Agar siz sevgan ishingizni qilsangiz, har kuni ishga borishdan zavq olasiz. Bu sizga motivatsiya beradi va siz o‘zingizni ish bilan band his qilmaysiz.

Inson o‘z hayotining taxminan 1/3 qismini ishda o‘tkazadi. Bu vaqt mobaynida kishi o‘rtacha 40 yil davomida ishlasa, taxminan 90,000 soat ishda bo‘ladi. Shu sababli, ish tanlashda e’tiborli bo‘lish hayot sifatiga katta ta’sir ko‘rsatadi.

***

Bir vaqtlar maktabda “zamdirektor” bo‘lganman. Ishim g‘irt qog‘ozbozlik edi. Lekin men bu ishimni ham sevimli mashg‘ulotga aylantirib olishga ulgurganman.

Shu darajaga borib yetdimki, hujjatlarni titkilasam, hujjat loyihalari, yig‘ilish bayonlari tayyorlasam rohat qiladigan bo‘lib qoldim. Natijada, tumanda, viloyatda eng namunali “zamdirektorlar” hujjatlarini shakllantirib qo‘ydim.

Hatto, qog‘ozbozlikka asoslangan uslubiy qo‘llanma ham yozdim. (O‘sha vaqtda bunga ehtiyoj bor ekanda)

Keyinroq namunaviy hujjatlarga xaridorlar chiqa boshladi. Tayyor hujjatlarni esa pullay boshladim. Ularni respublikaning barcha hududlaridagi maktablarga mo‘maygina pullardim. Pul kelavergach, bu ish menga yanada ko‘proq ishtiyoq bera boshladi.

***

Xullas, sevgan ishingizni tanlang, yoki hozirgi ishingizni sevimli mashg‘ulotga aylantiring, shunda bir kun ham ishlamagan bo‘lasiz.

@u_pulatoff
1,410
Ulug‘bek Po‘latov

03 Nov, 09:32

Post ostida izoh yozishni botlar boshlab berdi. Men ham unga shartimni aytdim. 😁

@u_pulatoff
1,945
Ulug‘bek Po‘latov

03 Nov, 09:28

Nihoyat, deyarli ikki kundan buyon (kechasi) yozayotgan maqolam ham chiqdi

Mavzu: Davlat va xususiy maktablar o‘rtasidagi iqtisodiy tafovutlar. Prezident, ijod va ixtisoslashtirilgan maktablarga yaratilayotgan alohida sharoitlar hamda davlat ta’lim tizimida kuchayib borayotgan tengsizlik masalalari.

Maqolada bir nafar o‘quvchi uchun yiliga qancha mablag‘ ajratilayotgani haqida ham statistik ma’lumotlar bor.

Ikki kunlik bedor tunlarim haqqi, maqolani o‘qib chiqing, ta’lim siyosatiga befarq bo‘lmang. Maqoladagi ko‘rishlar soni ikki kunlik charchoqlarni chiqarib yuborsin.

Maqola — https://xalqtaliminfo.uz/post/929

@u_pulatoff
2,687
Ulug‘bek Po‘latov

02 Nov, 14:49

O’qituvchilar attestatsiyasi bo’layotgan binodaman

Mana bu ishdan keyin savollar yomg’iri hali ham to’xtamayotgandi. Shunga attestatsiya mavzusida intervyu olishga qaror qildim. Bu mavzuga nuqta qo’ymasak bo’lmaydi.

Mavzu doirasida Maktabgacha va maktab ta’limi vazirligi boshqarma boshlig’i Sardor Rahimboyev bilan 1 soatdan ortiqroq suhbatlashdik.

Yaxshi suhbat bo’ldi. Erta-indin chiqib qoladi.

@u_pulatoff
1,978
Ulug‘bek Po‘latov

01 Nov, 14:11

O‘zbekistonda tahsil olayotgan xorijlik talabalar soni e’lon qilindi

Statistika agentligi 2023/2024 o‘quv yilida O‘zbekistonda tahsil olayotgan xorijlik talabalar sonini ma'lum qildi.

Oliy taʼlim tashkilotlarida tahsil olayotgan xorijlik talabalarining davlatlar kesimida taqsimlanishi:

🇮🇳 Hindiston – 5733 nafar;

🇵🇰 Pokiston – 1358 nafar;

🇹🇲 Turkmaniston – 904 nafar;

🇷🇺 Rossiya Federatsiyasi – 750 nafar;

🇰🇿 Qozogʻiston – 537 nafar;

🇹🇯 Tojikiston – 285 nafar;

🇰🇬 Qirgʻiziston – 285 nafar;

🇦🇫 Afgʻoniston – 196 nafar;

🇨🇳 Xitoy – 182 nafar;

🇰🇷 Koreya Respublikasi – 176 nafar;

🇨🇦 Kanada – 124 nafar;

Boshqalar – 315 nafar.

@u_pulatoff
2,763
Ulug‘bek Po‘latov

01 Nov, 07:56

Bu yil “Alisher Navoiy yili” deb nomlanmaydi

Ijtimoiy tarmoqlarda Shavkat Mirziyoyev 2025-yilni Alisher Navoiy yili deb e’lon qilishni taklif etdi, degan xabar rosa aylanyapti.

Xuddi yil nomi nimanidir o‘zgartirib yuboradigandek shov-shuv ko‘tarishadi tarmoqda.

Aslida prezident faqat Navoiy viloyatida 2025-yilni viloyatda “Alisher Navoiy yili” deb e’lon qilishni taklif qildi.

O‘zi umuman yillarni qandaydir nomlar bilan atash qandaydir olamshumul o'zgarishlarga sabab bo'ladi deb o‘ylamayman. Davlatda qonunlar ishlasa bo‘lgani, shunda hammasi o‘z iziga tushib ketaveradi.

Yilni alohida nomlab, faqat shu yili bu narsaga e'tibor qilishimiz shart bo'lmasa kerak.

@u_pulatoff
2,518
Ulug‘bek Po‘latov

31 Oct, 13:58

Majlis bo‘lishini kutaman...

Bugun ishxonam, Profi Universityda marketing jamoasi ishtirokida navbatdagi majlisimiz bo‘ldi. Bunday majlislar vaqti-vaqti bilan bo‘lib turadi.

Ishonsangiz, men shu majlis qachon bo‘larkan deb kutaman. Shu hafta ham majlis bo‘lsa-yu, deb qo‘yaman ba’zan xayolimda.

Hozir bu gapimga siz rosa qotib kulayotgan bo‘lsangiz kerak... Ha o'la, majlisboz deb:))

Lekin bunday majlisni faqat men emas, jamoadagi boshqa xodimlar ham kutishadi. Ochig‘i buni majlis demagan ham bo‘lardim.

Buning sababi shundaki, bizning bu kabi yig‘ilishlarimiz shunaqangi ko‘tarinki ruhda o‘tadiki, u yerdan chiqqanlar energiyaga to‘lib chiqadi. Masalan, bugungi yig‘ilishimiz naq 2 soatdan ortiqroq davom etdi. Lekin 10 daqiqada tugagandek tuyuldi.

Hech kim birovni so‘kmaydi, qilingan xatolar uchun tanqid qilinmaydi, hamma erkin. Faqat g‘oyalar va qilinishi kerak bo‘lgan ishlar aytiladi, bularni esa xodimlar o‘z ixtiyori bilan zimmasiga olib, ishni bajarib ketaveradi.

Ishoning, shu vaqtga qadar hech qayerda, hech qaysi ishxonada, majlisda o‘tirib bunday pozitiv energiyani his qilmaganman. Menimcha, hamma joyda mana shunday bo‘lishi kerak, aslida.

Bizning majlisda aytilgan fikr va g‘oyalarni ba’zi kurslarda odamlar pul to‘lab o‘rganishadi. Men esa ularni tekinga olyapman.

***

Bir vaqtlar maktabda ishlab yurgan kezlarimda biz "pedsovet"lar qilganmiz, kimdir yig‘lagan, kimdir so‘kish eshitgan, yuqoridan kelgan qat’iy topshiriqlar berilgan. Bunday majlisdan chiqqanlarning holatini esa tasavvur qilib ko‘rish qiyin emas.

Demak, xodimlarni erkinlik va ishonch orqali qo‘llab-quvvatlash — bu ularning ijodiy salohiyatini ochib, yanada mas’uliyat bilan ishlashga undar ekan. Buni tanamda his qilib ko‘rdim.

@u_pulatoff
7,449
Ulug‘bek Po‘latov

31 Oct, 10:26

Hilola Umarova tanlovini qildi

U vazir bo'lib qoladigan bo'ldi.

Batafsil — https://xalqtaliminfo.uz/post/920

@u_pulatoff
2,918
Ulug‘bek Po‘latov

30 Oct, 11:32

Kecha emotsiyaga berilgandim...

Kecha yozgan mana bu postim ba’zi bir yaqin tanishlarimga ham "tegib" ketibdi. Rosti buni umuman xohlamagandim.

Kecha birdan telegram akkauntim savollarga to‘lib ketdi. Kamiga ularni orasida "nega o‘qimayapsiz", "javob bermaysanmi", "qanaqa odamsan o‘zi" degan do‘q-po‘pisalar ham bor edi.

Shunga birdan jahlim chiqib, emotsiyaga berilib, o‘sha postni yozgandim.

Aslida men kuzatuvchilarimni juda yaxshi ko‘raman. Bu ijtimoiy tarmoq juda ko'plab yaxshi insonlarni men bilan tanishtirdi, yaqinlashtirdi. Ishonsangiz, nikoh to‘yimga qadrdon bo'lib qolgan tanishlarim bilan birga ba'zi obunachilarim ham kelishgan.

Ular uzoq masofadan kelishib, to‘yim kuni juda chiroyli tabriklarni bildirib ketishgandi. O‘sha payt xursandligimdan ko‘zimga yosh ham kelgan. O‘zimni zo‘rg‘a tiyib turganman. (Yonimda turmush o‘rtog‘im bo‘lmaganda yig‘lab yuborarmidim balki😁)

Xullas, o‘sha yozilgan postdagi ayrim qo‘pol gaplarim uchun uzr so‘rayman. Lekin yaxshi tanimagan odamingizni kontaktini uning ruxsatisiz tarqatmang.

@u_pulatoff
2,678
Ulug‘bek Po‘latov

30 Oct, 07:02

Ham ishlatib, ham jazolashadi

Farg‘ona viloyati Dang‘ara tumandagi 541-saylov uchastkasida komissiya a’zosi bo‘lgan o'qituvchi saylov o‘tkazish qonunchiligi buzganligi uchun jarimaga tortildi.

@u_pulatoff
2,755
Ulug‘bek Po‘latov

29 Oct, 15:52

Farosatsizlik...mi?

Birovning kontakt ma’lumotlari (telefon raqam, telegram akkaunti manzili v.h.k)ni uning o‘zidan so‘ramasdan boshqa birovlarga berish eng kamida farosatsizlik hisoblansa kerak.

Hech qachon boshqa birovning kontakt ma’lumotlarini (hatto u eng yaqin tanishingiz bo‘lsa ham) so‘ramasdan tarqatmang. Bir odam so'rayotgandi, beraveraymi deb bir og'iz so'rab qo'ying...

***

Telegram akkauntim ta’limga oid savollarga to‘lib ketdi. Kimdir kontakt ma’lumotlarimni tarqatib yuborgan ko‘rinadi. Xabarlar ko‘pligidan yaqinlarim yozgan xabarlarni ham topolmayapman.

Qani endi sun’iy intellekt bo‘lsam, barcha savollarga birdan javob berolsam. Afsuski, ulgurmayman. Savol yozishsa, o'qimay qolib, kimnidir hafa qilib qo'ymay deb savol yuborish uchun maxsus bot tayyorlatgandim ataylab.

Shunchalik, ta'lim eksperti sifatida savol yuborishayotgani uchun bir tomondan xursandman, lekin ulgurmayman rosti. Kontaktimni tarqatgan odamga esa "rahmat".

@u_pulatoff
2,533
Ulug‘bek Po‘latov

29 Oct, 11:34

Tekin qilingan narsani qayta pullik qilish ancha qiyin bo'ladi. Shu qatori, maktab darsliklarini ham.

Buni darsliklar ijarasini tekin qilishdan avvalroq o'ylash kerak edi.

Batafsil

@u_pulatoff
2,496
Ulug‘bek Po‘latov

28 Oct, 12:38

Ob-havo yangiliklariga qaytamiz

Joriy hafta boshidagi namgarchil, keyinroq quruq sovuq odamlarni qalin kiyimlarni kiyib olishga undaydi. Hatto, boshni sovuqdan asrash uchun qalpoqlar kiyishga ham ehtiyoj tug‘ilishi mumkin.

Chunki, O‘zbekistonda hafta boshidan havo harorati sovuq bo‘lishi kutilyapti. Kutilyapti emas, allaqachon sovuq kirib kelib bo'ldi, desak ham bo'laveradi.

@u_pulatoff
2,514
Ulug‘bek Po‘latov

28 Oct, 07:29

O‘sha-o‘sha

2019-yilgi Parlament saylovi natijalari:

🔵 O‘zLiDeP — 43 nafar;

⚪️ Milliy tiklanish — 35 nafar;

🔴 Adolat SDP — 21 nafar;

🟣 XDP — 18 nafar;

🟢 Ekopartiya — 11 nafar.

***

2024-yilgi Parlament saylovi natijalari:

🔵 O‘zLiDeP — 64 ta o‘rin (38+26)

⚪️ Milliy tiklanish — 29 ta (15+14);

🔴 Adolat SDP — 21 ta (9+12);

🟣 XDP — 20 ta (7+13);

🟢 Ekopartiya — 16 ta (6+10).

Umuman o‘rinlar bo‘yicha o‘sha-o‘sha natijalar qayd etildi, omale.

© Bektosh Xatamov

@u_pulatoff
2,791
Ulug‘bek Po‘latov

27 Oct, 14:12

Hayriyat, bugun mashg’ulotlar zali ishlamas ekan, pok vijdon bilan uxlaydigan bo’ldim. :))

@u_pulatoff
2,042
Ulug‘bek Po‘latov

27 Oct, 10:06

Chuqur ma'noli surat

Bu suratning ma'nosini anglash uchun avval aytganimdek, "Kalmar o'yini" serialini ko'rib chiqqan bo'lishingiz kerak.

@u_pulatoff
2,149
Ulug‘bek Po‘latov

26 Oct, 11:06

Bugun “sukunat kuni” ekan

Endi shu bilan bunday sukunat 5 yil davom etsa kerak.

@u_pulatoff
2,567
Ulug‘bek Po‘latov

23 Oct, 13:20

Telegram ham O’zbekistondagi elektr tokiga o’xshab, tez-tez uziladigan bo’lib qoldi.

Xohlagan vaqti ishlamay qolaveradi. Pavel Durov kuz-qish mavsumiga tayyorgarlik ko’rmaganmi deymanda…

⏱️18:18

@u_pulatoff
963
Ulug‘bek Po‘latov

23 Oct, 10:04

Oylik maoshlarni ham dollarga bog‘lab qo‘ysak bo‘lmasmikan...a?

Dollar kursi oshishda davom etmoqda. Bozordagi narxlarni solishtiradigan bo‘lsak, oktyabrdan boshlab oshirilgan 10-15 foizlik qiymat o‘z ahamiyatini yo‘qotib bo‘ldi, menimcha.

O‘zi shu oylik maoshlarni ham dollarga bog‘lab qo‘yamizmi deyman-da:) Oshganda oshadi, tushganda tushadi. Zo‘r-a?

@u_pulatoff
1,235
Ulug‘bek Po‘latov

22 Oct, 13:08

Juda ham "kamtar" bolamanda

Profi University "Karyera" platformasining asosiy kirish qismiga yaxshi surat topisholmayotgan ekan.

Shunga ha mayli, meni suratimni qo'yaveringlar dedim. Dasturchilarni ko'p qiynagim kelmadi😁

@u_pulatoff
1,319
Ulug‘bek Po‘latov

21 Oct, 05:25

Uzr, rus tilini bilmayman-da...

Juda ham ta'sirli, aynan nuqtasiga urishibdi.

21-oktyabr — O‘zbek tiliga davlat tili maqomi berilgan kun.

@u_pulatoff
19,788
Ulug‘bek Po‘latov

21 Oct, 03:53

Oliy ta'lim to'g'risidagi nizom faqat rus tilida mavjud ekan

Bunday normativ hujjatlarni lex.uz saytidan minglab topishimiz mumkin. Shartnomalar, kelishuvlar, xat va nizomlarning ko'pi rus tilida. O'zbekistonda yashayapmizmi o'zi deyman ba'zan.

Ha aytgancha, 21-oktyabr — O‘zbek tiliga davlat tili maqomi berilgan kun muborak bo'lsin.

@u_pulatoff
1,772
Ulug‘bek Po‘latov

18 Oct, 15:40

Juma tabrigini o'zingiz yozing

Bugun, nafaqat bugun, balki har juma kuni juda ko‘plab tanishlardan "Juma tabriklari" keladi. Ularning ichida birortasini ham tabrik yuboruvchining o‘zi yozmagan.

Odatda tabriklarni qandaydir guruh yoki kanallardan shundoq yuborib qo‘yishadi.

Shuni unutmangki, bu tabrigingiz qachonlardir jinoiy javobgarlikka ham sabab bo‘lishi mumkin!

Esingiz joyidami, qanaqasiga demoqchimisiz? Gap shundaki, siz juma tabrigi sifatida yuborayotgan material ichida (video, gif, rasm) noqonuniy kontent bo‘lishi ham mumkin.

Siz u materialning ichida nima borligini bilmasangiz ham javobgarlikka tortilaverasiz. Nafaqat siz, balki siz tabrik yuborgan tanishingiz ham shu xabaringni ko‘rib qolgani uchun vaqti kelsa javobgarlikka tortilib ketishi mumkin.

Yaqinda bir ayol, o‘zining turmush o‘rtog‘ini Juma bilan tabriklagani uchun qamalib ketgani haqida eshitgandim. Eng yomoni o‘sha juma tabrigining ichida noqonuniy nashida borligini ikkisi ham bilmagandi.

❗️Eslab qoling: Qonunni bilmaslik, javobgarlikdan ozod qilmaydi.

Kimnidir juma bilan tabriklashni juda ham xohlayotgan bo‘lsangiz, unda o‘sha tabrikni o‘zingiz yozing. Agar bunga erinsangiz, yaxshisi tabriklamay qo‘yaqoling.

Yaxshi gapim ham, yomon gapim ham shu. Menimcha, tushuntiroldim.

@u_pulatoff
8,420
Ulug‘bek Po‘latov

18 Oct, 09:09

Donatlar uchun rahmat

Kechagi e’londan so’ng, xalqtaliminfo.uz loyihasini qo’llab-quvvatlab, juda ko’pchilik homiylik maqsadida donatlarni amalga oshirmoqda.

Jamg’arilgan mablag’lar yangi loyihalar uchun sarf qilinadi.

Bunchalik qo'llab-quvvatlaysizlar deb kutmagandim. Barchangizga rahmat!

Ma'lumot uchun: Donat — bu moliyaviy yordam ma'nosini anglatadi. Biror tashkilot yoki shaxsga pul yoki boshqa moddiy yordam ko'rsatish jarayoni ham "donat" deb ataladi.

@u_pulatoff
1,843
Ulug‘bek Po‘latov

17 Oct, 14:06

Kimdir loyihamiz uchun pul o'tkazibdi

Homiylik qilgan shaxs anonim tarzda to'lov qilibdi. (Aslida ismni ham, homiylik maqsadini ham yozib qo'ysangiz bo'ladi)

O‘tkaziladigan moddiy ko‘makning eng kam summasi 5 ming so‘m etib belgilangan. Bundan ko'proq o'tkazsangiz ham qarshiligim yo'q.😉

Lekin mana shu 5 ming so'm ham meni juda xursand qilib yubordi. Chunki, kimdir ijodingizni hurmat qilib, sizga homiylik qilsa, bu juda katta energiya berar ekan.

➡️Homiy bo‘ling — tirikchilik.uz/xalqtaliminfo

@u_pulatoff
1,905
Ulug‘bek Po‘latov

17 Oct, 12:11

Yana bir loyiha boshlayapman

Ta’limga oid kichik bir ilmiy loyiha boshlayapman. Maqsad — ta’lim sohasida olib borilayotgan ilmiy tadqiqotlarni qo‘llab-quvvatlash va asosiysi ta’limni rivojlantirish.

Ochig‘ini aytaman, bu loyihaga ketadigan xarajatlar uchun homiy yo‘q. Loyiha o‘zini qanchalik oqlaydi bilmadim, lekin tavakkal qilib pul tikyapman. Asosiysi bu loyiha orqali ta’lim rivojiga oz bo‘lsa ham hissa qo‘shish.

❗️Loyihalarimizga endi siz ham homiylik qilishingiz mumkin

Xullas, xalqtaliminfo.uz’ning ko‘plab loyihalariga Profi University homiylik qilib keladi. Lekin bu yetmaydi. Chunki, sarf-xarajatlar ko‘p.

Qani endi yana qo‘shimcha mablag‘ bo‘lsa-yu, o‘ylab qo‘ygan boshqa loyihalarimni ham moliyalashtirsam deb ko‘p o‘ylayman.

Agar siz, ko‘ngilli ravishda xalqtaliminfo.uz’ning loyihalariga homiylik qilib, ta’lim rivojiga hissa qo‘shmoqchi bo‘lsangiz, bizni moddiy tomondan qo‘llab-quvvatlashingiz mumkin.

Buning uchun https://tirikchilik.uz/xalqtaliminfo platformasiga kirib, ko‘ngilli ravishda pul o‘tkazishingiz mumkin.

O‘tkaziladigan moddiy ko‘makning eng kam summasi 5 ming so‘m etib belgilangan. Oz-oz yig'ilib dayro bo'lur, deyishadi-ku...

"Donat"lar bizni yanada ilhomlantiradi va kontentlar sifatini oshirishga xizmat qiladi.

@u_pulatoff
2,002
Ulug‘bek Po‘latov

17 Oct, 05:24

Ikki oydan beri dengizda suzib yurgan erkak Kamchatka qirg‘oqlaridan topilibdi

Dastlab 3 kishi qayiqda kitlarni ko‘rish uchun dengizga chiqishgan. Qayiqning dvigateli shikastlanishi oqibatida esa ular dengizda ancha vaqt qolib ketishgan.

Omon qolgan erkakning ukasi va jiyani halok bo'lgan. Tirik qolgan erkakning o'zi esa bu vaqt davomida 50 kilogrammga ozib ketgan.

Kinolarni ham hayotdan olishadi-da. Shunchaki dahshat. Etlarim jimirlab ketti ochig'i.

@u_pulatoff
2,040
Ulug‘bek Po‘latov

16 Oct, 12:15

Haqiqiy "sportchilar"

Sport bilan shug‘ullanmay qo‘yganimga ancha bo‘lgandi. Ataylab, buning uchun uchun yillik abonement ham sotib olgandim. Lekin bu ham foyda bermadi.

Har oy shunchaki abonent to‘lovini to‘layveradim, lekin mashg‘ulotlarga umuman borolmasdim.

Tunov kuni advokat va huquqshunoslar jamoasi, men uchun ancha qadrdon bo'lib qolgan yaqinlarim yaxshi bir chellenj boshlab, unga meni ham taklif qilib qolishdi.

Chellenj sharti shundan iboratki, agar kimda-kim, har 3 kunda bir marotaba sport mashg‘ulotlariga bormasa, qolganlarni chiroyli dasturxon yozib mehmon qiladi. Jarima miqdori esa 100 dollar.

Mana shu chellenj turtki bo‘lib, mana endi deyarli kunora sport bilan shug‘ullanishni odat qilib oldim. Sizga ham maslahatim, agar sport bilan shug‘ullanishga bir o'zingiz erinsangiz, mana shunaqa jamoaviy bahs boylab, sport bilan shug‘ullanishni boshlang.

Bu rasmda sportga targ‘ibot yo‘q-ku, demoqchimisiz?

Gap shundaki, kecha yurist Azimjon Zuxurov shartlarni buzdi. Shuning uchun bugungi tushlik Azimjonning hisobidan bo‘ldi. Ana shunaqa gaplar.

@u_pulatoff
1,895
Ulug‘bek Po‘latov

15 Oct, 13:56

Ustamalar 1-sentyabridan 31-avgustga qadar to‘lab beriladigan bo'ldi —Prezident qarori

Nihoyat, muammo Prezident qarori darajasida hal etildi. Buning uchun vazir o’rinbosari Temur Kalandarovichga rahmat aytaman.

Vazirlik mutasaddilarining parda ortida qilayotgan mehnatlarini qadrlayman.

Batafsil — https://xalqtaliminfo.uz/post/901

@u_pulatoff
4,175
Ulug‘bek Po‘latov

14 Oct, 12:45

“Uyga yetib olaylik deb Damas’ni minib ketdik, ertasiga qaytib tashlab ketmoqchi edik” — bahonani zo'rligini qarang

Toshkentda avtomashina olib qochgan shaxslar qo‘lga olinibdi. 20 yoshli M.B. va T.B. Yashnobod tumanida turgan, boshqa shaxsga tegishli bo‘lgan Damas yukxonasining eshigi ochiqligidan foydalanib uning ichiga kirishgan.

Sud esa har ikkisiga 7 yilga ozodlikdan mahrum qilish jazosi tayinlabdi. Tuzukroq bahona ham topishmabdida. Uyga yetib olish uchun olib qochgan emish...

@u_pulatoff
2,508
Ulug‘bek Po‘latov

13 Oct, 14:11

Reklama roligi haqidagi kichik tanlov g‘olibi aniq bo‘ldi

Xabaringiz bor, Profi University tomonidan tayyorlangan reklama roligi haqida kichkina tanlovcha e’lon qilgandim.

Izohlarni birma-bir o‘qib chiqdim. Videodagi aniq g‘oyani ochib bergan odamni topolmadim. Lekin juda ham zo‘r fikrlar yozilgan.

Lekin yaqinlashganlar ham bo‘ldi. Ularning ichida Gulbahor Ozodjonovna ismli obunachimiz, reklama roligidagi g‘oyaga ancha yaqinroq variant yozgan ekan.

Shuning uchun Gulbahor Ozodjonovnani g‘olib deb e’lon qilishga qaror qildim. G‘olibga aloqaga chiqib, kichik sovg‘amizni yetkazib qo‘yamiz.

Hali bunday tanlovlarni yana o‘tkazamiz. Barchangizga rahmat.

@u_pulatoff
2,667
Ulug‘bek Po‘latov

13 Oct, 12:13

Uddalab bo'lmas topshiriq

Umra faoliyatini tashkil etish uchun litsenziya talablari ma’lum qilindi.

Qanaqa talablar qo'yilganini yozib o'tirmadim. Chunki, bu talablarni bajarish oson ish emas. Qiziqqanlar uchun videoda bor.

Masalan, 1 mln AQSH dollari miqdordagi mablag‘ni “Ziyorat” jamg‘armasiga zaxira qilib qo‘yish talabining o'zi ko'plab Umra ziyoratiga olib boruvchi firmalarni sindirib tashlasa kerak.

Xullas, yana bitta monopoliyaga xush kelibmiz. Buyog'iga (tahminimcha) Umra ziyorati narxlari osmonga uchadi.

@u_pulatoff
2,802
Ulug‘bek Po‘latov

12 Oct, 09:51

Mana bunaqa ko’rsatuvlarda chiqvolib gapirishni nima foydasi bor?

Ko’pchilik xuddi shunday savol beradi. Ta’limga oid “Tanaffus” podkastini boshlaganimda ham izohlarda ko’pchilik shunday deb yozgandi.

Gapiraverasizlar, uni amalga oshishichi, gapiravermay, amalda ish qilinglar deyishadi.

Lekin bu noto’g’ri fikr. Biz gapirmasak, siz gapirmasangiz, hech kim gapirmasa muammo muammoligicha qolaveradi.

Masalan, iyun-avgust oyida pedagoglarga ustama to’lanmayotgani haqida ko’plab postlar yozdim. Shu masalani hal qilishga oz bo’lsa-da, hissam qo’shilib qoldi.

Mana nihoyat, bu masala Prezident qarori orqali hal qilinibdi. Eshitib, juda xursand bo’ldim.

Shuning uchun foyda beradimi, yo’qmi gapiraverish kerak.

@u_pulatoff
2,512
Ulug‘bek Po‘latov

11 Oct, 14:26

Tez kunda….

“Gapring” tok-shousida.

@u_pulatoff
2,436
Ulug‘bek Po‘latov

11 Oct, 08:18

Haydovchisiz avtomobil

Ilon Mask Tesla kompaniyasiga tegishli boshqaruvchisiz robotaksi — Cybercab'ni taqdim etibdi. Aytishlaricha, uning narxi 30 ming dollardan pastroq bo‘ladi.

Yangi avtomobillarda pedal va rul yo‘q. Maskning so‘zlariga ko‘ra, kelajakda ularni haydash oddiy mashinani boshqarishga qaraganda osonroq bo‘ladi. Tadbirkor yangi mashinani liftga o‘xshatdi — "Tugmani bosasiz va bo‘ldi".

Bu avtomobilda siz, kitob o'qib yoki uxlab ketishingiz ham mumkin bo'ladi. Hatto, bu avtomobillar odatiy avtomobillardan ham ancha xavfsizroq bo'lishi mumkin. Chunki, u haydovchilar kabi qoidalarni buzmaydi.

Yaqin kelajakda haydovchilik kasbi ham yo'qolib ketishi aniq bo'lib qoldi.

Siz shu avtomobildan foydalangan bo'larmidingiz?

@u_pulatoff
3,399
Ulug‘bek Po‘latov

09 Oct, 13:09

Mendan uchuvchi chiqmasligini bilardim

A.Avloniy nomidagi Pedagogik mahorat milliy instituti yangi binosida o'quvchilar qiziqqan yo'nalishlari bo'yicha o'zlarini sinab ko'rsa bo'lar ekan.

Masalan, men o'zimni uchuvchilikda sinab ko'rdim. Laboratoriyadagi boshqa texnikalarni boshqarishga aqlim yetmadi ochig'i.

Lekin institutdagi sharoitlarga gap bo'lishi mumkin emas. Ilohim, barcha maktablarimiz ham shunday bo'lsin.

Batafsil bu yerda — https://xalqtaliminfo.uz/post/890

@u_pulatoff
2,723
Ulug‘bek Po‘latov

09 Oct, 07:42

1 foizlik natija ham juda yomon degani

2024-yilga kelib bunday mavzuda so'rovnoma o'tkazaman deb o'ylamagandim. Shunday xabarlar quloqqa chalinavergach, holatni o'rganmoqchi bo'lyapman.

@u_pulatoff
2,596

2025 All Right Reserved

Disclaimer: The content displayed on this website is solely provided by the respective Telegram channels. We hold no ownership or responsibility for the content shared by these channels.