TIKVAH AFAAN OROMOO

Taateen namoota humnaan ukkaamsanii leenjii waraanaatti erguun dabalaa jira.

Naannoo Oromiyaa magaalota hedduu keessatti taateen namoota fedhii isaanii malee humnoota nageenyaa mootummaatin ukkaamfamanii gara leenjii waraanaatti ergamuu fi gadhiisuuf maallaqa gaafatamuun hammaachuu jiraattonni himaniiru. 

▶️Jiraataan godina Shawaa Kaabaa aanaa Yaayyaa Gullallee sababa nageenyaatif maqaan isaa akka hin eeramne gaafate, gandoota 19 keessatti yeroo ammaa kana barattoota, qonnaan bultoota fi daldaltoota dabalatee namoonni 250 ol humnaan leenjii waraanaaf fudhatamuu himeera. 
 
Itti dabaluunis, humnaan ukkaamsanii leenjii waraanaatti erguu kun osoo hin jalqabin dura gandoota adda addaa fi magaalaa Fittaal keessatti namoonni fedhii qaban leenjii waraanaaf akka galmaa’an beeksisni bahee akka ture himeera. 

Haa ta’u malee, namni “fedhii isaatiin galmaa’e waan hin jirreef” humnoonni mootummaa fi bulchitoonni gandaa dargaggoota naannoo sanaa humnaan leenjii waraanaatti galchuu akka jalqaban taasisuu hime.

Itti dabaluun, gandoota baadiyyaa aanaa Yaayyaa Gullalleetti Waraanni Bilisummaa Oromoos dargaggoota leenjii loltummaaf ukkaamsaa jiraachuu hime.

“Jiraattonni aanaa Yaayyaa Gullallee humna mootummaa ykn miseensota Waraana Bilisummaa Oromoo yeroo argan ukkaamfamanii gara leenjii waraanaatti akka hin ergamneef dhokachaa jiru.” 

Taateen walfakkaataa godinaalee Oromiyaa biroottis mudachaa jira. Jiraataan godina Jimmaa aanaa Saxxammaa Addis Standard dubbise, oboleessa isaa dabalatee namoonni 20 ol to’annoo humnoota nageenyaa mootummaa jala ooluun kanneen birrii gaafataman kaffalan gadi lakkifamuu fi kanneen hin dandeenye gara leenjii waraanaatti ergamuu hime. 

Jalqaba namoonni kunneen lafa dheedichaa bal’aa invastarootaaf dabarfamuu mormuu isaanii hordofee to’annoo jala oolan. Ergasii guyyootaaf buufata poolisii aanaa Saxxammaatti tursiifaman.

Jiraataan aanichaa kun obboleessi isaa Onkoloolessa 23, 2024 mana jireenyasaa irraa fudhatamuu eeruun, isa hiiksisuuf poolisiin tokkoon tokkoon hidhamtootaaf birrii 60,000 hanga 70,000 gidduu isaan gaafachuu hime. 

Maatiin qarshii gaafatame poolisii fi qondaaltota aanaaf kaffaluu yoo dadhaban hidhamtoonni gara leenjii waraanaatti ergamuu akka danda’an ibse. Boodarra birrii 60,000 kaffalanii isa gadhiisisuu hime.

”Ganda keenya qofa osoo hin taane gandoota 18 keessatti namoonni yeroo gabaa dhaqan milishaa fi aanga’oota aanichaan qabamanii gara leenjii waraanaatti ergamaa jiru,” jedhe. 

Taateen kun gandoota baadiyyaa irratti qofa kan daangeeffame miti. (AS)

Naannawa Keessan waan jiru fi haala taatee kana bal'innaan @tikvahorobot irratti nuuf erguu dandeessu.

@Tikvahethafaanoromoo

#Salaalee

Godina Salaalee aanaa Dharraatti hidhattoonni Faaannoo nama nagaa irratti ajjeechaan suukkaneessaan raawwatachuun isaani dhagahame.

Viidiyoon miidiyaa hawaasa irratti qoodama jiru dheekkamsa guddaan uumeeraa.

Viidiyoo kana irratti hidhattoonni faannoo dargaggeessa tokko yeroo gadi cibsani akka horiitti billaan qalan fi afaan Amaariffatiin " Iradaw, Gaalla" yeroo jedhan dhagahama.

Akkasumas hidhattoonni kun godina gochoota sukkanneessaa raawwacha jiraachu himameera.

Oduu dabalataa isin biraan geenna!

@tikvahethafaanoromoo  @tikvahorobot

#Somaliland

Abdurrahmaan Mohammed Abdullahi "Iroo" filannoo pireezdaantii Somaaleelaand injifate.

Filannoo preezdaantummaa Somaaleelaand torbee darbe gaggeeffame irratti kaadhimamaa Paartii Waadanii kan ta'e Abdurrahmaan Iroo injifachuu isaa Komishiniin Filannoo har’a beeksisee jira.

Pireezidaanti Muusee Bihii Abdii fi Faayisal Alii Warbeen filannoo kanarratti hirmaatanis osoo hin milkaa'im'n hafan.

Paartiin Iiroo sagalee dhibbeentaa 63.92 argachuun filannoo kana injifateera. Pirezidaantiin aangoo gadhiisaa jiran Muusees Bihii kan Paartii Kulmiyee %34.81 argateera.

Somaaleelaand biyya Somaaliyaa irraa adda baatee of danda'eera jettudha. Waggoota muraasa darbaniif Mootummaa Federaalaa Somaaliyaa waliin walitti dhufeenya tokkollee hin qabdu.

@tikvahethafaanoromoo

#USA

"Dhugaadha" - Tiraamp

Doonaald Tiraamp godaantota waraqaa ragaa hin qabne jumlaan biyyaa ari’uuf humna waraanaa fayyadamuun ni mala jedhameera.

Pirezidaantiin filatamaan Ameerikaa Tiraamp akkuma yeroo duula filannootti deeggartoota isaaniif waadaa galaniin godaantota waraqaa ragaa hin qabne miliyoonaan lakkaa’aman gara biyyoota dhaloota isaaniitti ni ari’u.

Haaluma kanaan, guutummaa biyyattii keessatti labsii yeroo muddamaa labsuun fi qabeenya waraana Ameerikaa fayyadamuun baqattoota ari’uu akka danda’an himamaa jira.

Pirezidaantiin dhaabbata Judishiyal Waach kan ta'an Toom Fiitoon guyyaa 10 dura miidiyaa hawaasummaa Tiraamp 'Truth' jedhamu irratti bulchiinsi itti aanu labsii hatattamaa biyyaalessaa labsuu fi qabeenya waraanaa fayyadamuun baqattoota baay’inaan biyyaa ari’uu ni mala jechuun barreessaniiru.

Tiraampiis odeeffannoon Fiitoon "Dhugaadha!" Jechuun raabsaniiru.

Akkuma Pirezidaantiin filataman Doonaald Tiraamp aangoo qabataniin tartiiba hojii isaanii inni jalqabaa godaantota biyyaa ari’uudha. Sababa kanaan baqattoonni hedduun "Ameerikaa keessaa ari'amuuf jirra" jechuun dhiphina guddaa keessa jiru.

Godaantonni waraqaa eenyummaa hin qabne tokko tokko Tiraamp biyyaa kan ari'u 'yakkamtoota' qofa irratti kan xiyyeeffate jechuun abdii godhaniiru.

#USA #deportation

@tikvahethafaanoromoo

Maaddii Abooliin Chaanaalii 489liin DStv irratti dookumantarii miira namaa hawwatuu fi boohaarsaa nama bashannansiisu 💪🔥!

Kaffaltii kaffaluuf, paakeejii kessan jijjiruuf, akkasumas tajaajiila DStv kanneen biroo argachuuf;

Linkii My DStv tuqaa!
👇👇
http://bit.ly/3IYTcii

#Hunduukanjirunubira #DStvEthiopia #MaaddiiAbol #Oromia

#Itoophiyaa #USA

Qondaaltonni olaanoo Ameerikaa Itoophiyaa jiru.

Itiyoophiyaatti Ambaasaaddara Ameerikaa Masingaa, Itti aanaa gargaaraa Ministeera Dhimma Alaa Ameerikaa Ispeeraa, Itti aanaa gargaaraa ministeeraa Raayyaa Ittisa Ameerikaa Faareeli fi kanneen biroo dabalatee Ministira Raayyaa Ittisa Biyyaa Injinar Aayishaa Mohaammad waliin mari’ataniiru.

Marii kanaan Ityoophiyaan hariiroo waraanaa yeroo dheeraa Ameerikaa waliin qabdu iddoo guddaa akka kennituufi Ityoophiyaan tumsa kana cimsuuf fedhii akka qabdu injinar Aayishaan dubbachuu isaanii Raayyaan Ittisa Biyyaa ibseera.

Akka Imbaasiin Ameerikaa jedhutti garuu dhimmi waldhabdee naannoo #Amaaraa fi #Oromiyaatti jiru marii kana irratti ka'eera.

Mariin biraa hojiin loltoota duraanii humna irraa hiikuun ykn dhabamsiisuun hawaasa keessatti dhoksuuf (DDR)  taasifamaa jiru irratti mari'atameera.

Mariin tumsa waraanaa Ityoophiyaa fi Ameerikaa cimsuu irratti xiyyeeffate akka ture odeeffannoon imbaasicharraa argame ni mul’isa.

#Embassy #USA

@tikvahethafaanoromoo

Sa’udi Arabiyaan bara 2024 keessatti lammiilee #Itoophiyaa torba du’aan adabde

Saa’udi Arabiyaan bara 2024 keessa qofa lammiilee Itoophiyaa torba dabalatee lammiilee biyya alaa 100 ol du’aan adabuu ishee miidiyaaleen biyyattii gabaasan. Itoophiyaanota dabalataan lammiilee Naayijeeriyaa 10, Sudaan 3 fi #Eertiraa 1 ajjeefamaniiru.

Dhaabbata Mirga Namoomaa Awurooppaa-Sa’uudii (ESOHR) raawwiin murtii du’aa bara kanaa “kan kanaan dura mul’ate hin beekne” jechuun ibseera.

Adabbiin du’aa lammiilee biyya alaa irratti raawwatamu bara kana keessa kan dabale sababa yakka daddabarsa qoricha sammuu namaa hadoochu waliin walqabatee akka ta’e ibsameera. #AS

@Tikvahethafaanoromoo

Talaalliin ittisa kaansarii fiixee gadameessaa kennamuu eegale

Naannolee biyyattii garaagaraatti talaalliin ittisa Kaansarii Fiixee Gadameessaa kennamuu eegaleera.

Haaluma kanaan talaallichi Naannolee Amaaraa, Afaar, Beenishaangul Gumuzii fi kanneen birootti har'aa irraa eegalee kennamaa jirachuun eerameera.

Talaallichi shamarran umriin isaanii 9-14 gidduu jiraniif kan kennamu yoo ta’u, dhaabbilee fayyaa, barnootaa fi buufata yeroo hundeeffamutti duulaan kan kennamu ta’uun ibsameera. #FBC

@Tikvahethafaanoromoo

Balaan Ibiddaa Markaatootti mudatee ture to'atame

Balaan Ibiddaa magaalaa Finfinnee Markaatoo naannawaa Gamoo Jaabulaanitti mudatee ture to'atamuu Komishiniin Hoggansa Sodaa Balaa magaalichaa beeksise.

Balaan Ibiddaa har'a guyyaa naannawaa sa'aatii 6:30 Markaatoo Naannawaa Gamoo Jaabulaanii bakka addaa Barandaa Dinnichaa jedhamuun waamamutti mudatee ture babal'achuun miidhaa caalu osoo hin qaqqabsiisiin guutumaan guutuutti to'atamuu ragaan fuula komishinichaarraa argame ni mul'isa.

@tikvahethafaanoromoo

Itiyoophiyaan Daandii Xiyyaaraa Filatamaa Afrikaa injifatte

Daandiin Qilleensaa Itiyoophiyaa damee imaltoota bizinasiin badhaasa "Daandii Xiyyaaraa Filatamaa Afrikaa” 2024 injifateera.

Badhaasichaas walitti fufiinsaan yeroo 5ffaaf kan injifate yoo ta'u, deeggarsa imaltoonni taasisaniif galateeffachuu ragaan daandicharraa argame ni mul’isa.

@tikvahethafaanoromoo