The Mandalay Times

@themandalaytimes

Media

The Mandalay Times (English)

Welcome to The Mandalay Times! If you're looking for a reliable source of news and information, look no further. The Mandalay Times is a Telegram channel dedicated to providing its subscribers with the latest updates and insights from the world of media. From breaking news to in-depth analysis, we've got you covered. Our team of experienced journalists and writers work tirelessly to deliver accurate and timely content, ensuring that you stay informed and up-to-date on all the important happenings. Whether you're interested in politics, entertainment, sports, or technology, The Mandalay Times has something for everyone. Join us today and become a part of our growing community of readers who value quality journalism and storytelling. Stay ahead of the curve with The Mandalay Times, your go-to source for all things media-related. Follow us on Telegram at @themandalaytimes and never miss a beat!

The Mandalay Times

12 Jan, 12:17

ပထမဆုကို ဆုကြေးငွေ (၃၅)သိန်းကျပ်အထိ ချီးမြှင့်သည့် လက်မောင်းလှဲပြိုင်ပွဲ မန္တလေးတွင် ကျင်းပ
ဇန်နဝါရီ(၁၂)၊၂၀၂၅

မန္တလေးမြို့၊ချမ်းအေးသာစံမြို့နယ်၊ဗထူးမိုးလုံလေ လုံခန်းမဆောင်တွင် ပထမဆုကို ဆုကြေးငွေ (၃၅) သိန်းကျပ်အထိ ချီးမြှင့်သည့်လက်မောင်းလှဲပြိုင်ပွဲကို မေမေ ဂျယ်လီ၊ အချိုရည် ကုမ္ပဏီက အဓိကကူညီပံ့ပိုးပြီး KLK Armwrestling Myanmar ၏ စီစဥ်မှုဖြင့် ဇန်နဝါရီလ၁၂ရက် နံနက်၉နာရီခွဲမှ ညနေ၃နာရီအထိ ကျင်းပပြုလုပ်ခဲ့သည်။

လက်မောင်းလှဲပြိုင်ပွဲကို မန္တလေးမြို့နှင့်အခြားမြို့များမှ လက်မောင်းလှဲအားကစားသမား(၂၀၀)ဦးပါဝင်ယှဥ်ပြိုင်ခဲ့ပြီး UNDER 60 kg တန်း၊ 60 kg to 70 kg တန်းနှင့်OVER 70 kg တန်းဟူ၍ ဝိတ်တန်း ၃တန်းသတ်မှတ်ယှဥ်ပြိုင်စေခဲ့ကာ UNDER 60 kg တန်းအတွက် ပထမဆု ကျပ်၃၅သိန်း ၊ ဒုတိ ယဆု ကျပ်၂၅သိန်း ၊ တတိယဆု ကျပ် ၁၅သိန်း၊ 60 kg to 70 kg တန်းအတွက် ပထမဆု ကျပ်သိန်း၂၀၊ ဒုတိယဆု ကျပ် ၁၅ သိန်း ၊တတိယဆုကျပ်၁၀ သိန်း၊ OVER 70 kg တန်းအ တွက် ပထမဆု ကျပ်သိန်း ၂၀၊ ဒုတိယဆု ကျပ်၁၅ သိန်း ၊ တ တိယဆု ကျပ် ၁၀သိန်း စသည့်ဆုငွေများကို ပေးအပ်ချီးမြှင့်ခဲ့ကြောင်း သိရသည်။

#LocalNews
#TheMandalayTimes
#လက်မောင်းလှဲပြိုင်ပွဲ
#ကျင်းပ
#မန္တလေး

165

The Mandalay Times

10 Jan, 05:10

မန္တလေးမြို့က တိုင်းအကူရဲတပ်ဖွဲ့ ဝန်ထမ်းလိုင်းခန်းတွင် ဂက်စ်မီးဖိုဖြင့် ကြက်ဥပြုတ်ရာမှ မီးလောင်မှုဖြစ်ပွား
ဇန်နဝါရီ(၁၀)၊၂၀၂၅

မန္တလေးမြို့၊ချမ်းအေးသာစံမြို့နယ်၊ပါတ်ကုန်းပျော်ဘွယ်ရပ်ကွက်၊၆၆လမ်းနှင့်၆၈ လမ်းကြား၊၂၈လမ်းနှင့်လမ်း၃၀ ကြားရှိ မန္တလေးဒေသကြီး တိုင်းအကူရဲတပ် ဖွဲ့ဝန်ထမ်းလိုင်းခန်းတွင် ဇန်နဝါရီလ၁၀ရက်နံနက် ၉နာရီ၅၀မိနစ်က စားပွဲတင်ဂက်စ်မီးဖိုဖြင့် ကြက်ဥပြုတ်ရာမှ ရေခန်းပြီး အနီးရှိ ထရံကို မီးကူးစက်ပြီး မီးလောင်မှုဖြစ် ပွားခဲ့ကြောင်း မီးသတ်ဦးစီးဌာနနှင့်နီးစပ်သူများထံမှ သိရသည်။

မီးလောင်မှုကြောင့် ရဲဝန်ထမ်းလိုင်းခန်း၏ (၄)ခန်းတွဲ သွပ်မိုး၊ ပျဥ်ကာ ၂ဆောင်မှ အခန်း ၈ခန်း မီးလောင်ဆုံးရှုံးခဲ့ရကြောင်း သိရသည်။

မီးလောင်မှုဖြစ်ပွားရာကို မီးသတ်ဦးစီးဌာနမှ Lv1အဆင့်ယာဥ်အုပ်စုများထွက်ခွာမီးငြှိမ်းသတ်ပေးခဲ့ရပြီးမီးလောင်မှုဖြစ်ပွားအပြီး ၁၅မိနစ်ခန့်အကြာတွင် မီး ငြိမ်းသွားခဲ့ကြောင်းလည်းသိရသည်။

Photo - Than Htay

#LocalNews
#TheMandalayTimes
#မီးလောင်မှုဖြစ်ပွား
#ပါတ်ကုန်းပျော်ဘွယ်ရပ်
#ချမ်းအေးသာစံမြို့နယ်
#မန္တလေး

249

The Mandalay Times

09 Jan, 09:05

ပုသိမ်ကြီး မဲကင်းကုန်းရွာတွင် အမျိုးသားနှစ်ဦး ဆဲဆိုရာမှ လူသတ်မှုဖြစ်ပွား
ဇန်နဝါရီ(၉)၊၂၀၂၅

မန္တလေးတိုင်းဒေသကြီး၊ပုသိမ်ကြီးမြို့နယ် မဲကင်းကုန်းကျေးရွာ KSYT လမ်းကြားတွင် ဇန်နဝါရီလ၈ ရက်ညနေ၅နာရီက ကျေးရွာနေသူအမျိုးသားနှစ်ဦး
ဆဲဆိုရာမှ လူသတ်မှုဖြစ်ပွားခဲ့ကြောင်း လုံခြုံရေးတပ်ဖွဲ့နှင့်နီးစပ်သူများထံမှ သိရသည်။

လူသတ်မှုဖြစ်စဥ်မှာ ဇန်နဝါရီလ၈ ရက်ညနေ၅နာရီက မဲကင်းကုန်းကျေးရွာနေ ကိုမျိုးဇော်(၄၀နှစ်)ယာဥ်မောင်းသည် ခေါက်ဆွဲကြော်ဝယ်ပြီး နေအိမ်ရှေ့အရောက် တစ်ရွာတည်းနေသူ မျိုးသန့်(၃၇နှစ်)ကား ဆေးမှုတ်လုပ်ငန်းက ဆဲဆိုသွားသဖြင့် ကိုမျိုးဇော် (၄၀နှစ်)သည် ဆဲဆိုသွားသည့် မျိုးသန့် နောက်ကျု
လိုက်လာခဲ့ရာ မျိုးသန့်သည် သူ၏နေအိမ်အတွင်းမှ
အရိုးအသွား( ၂ပေ ၃လက်မ)ခန့်ရှိ ငှက်ကြီး တောင်ဓါးနဲ့ ခုတ်ခဲ့သဖြင့် ကိုမျိုးဇော် (၄၀နှစ်)သည် ယာတံ တောင်စစ်အထက် ခုတ်ဖြတ်ရာ ၁ ချက် ၊ရင်ညွှန့်ပြတ်ရှ ဒဏ်ရာ၁ချက်၊ဝဲလက်မ ပြတ်ရှဒဏ်ရာ ၁ ချက်၊ယာပေါင်ရင်း ထိုးသွင်းဒဏ်ရာ ၁ ချက်တို့ ရရှိပြီး အခင်းဖြစ်နေရာတွင် သေဆုံးသွားခဲ့ခြင်းဖြစ်
ကြောင်း သိရသည်။

လူသတ်မှုဖြစ်စဥ်နှင့်ပတ်သက်ပြီး ကိုမျိုးဇော် (၄၀ နှစ်)ကို ဓါးဖြင့် မသေမချင်းခုတ်သတ်သွားသူ မျိုး
သန့်(၃၇နှစ်)ကို နေအိမ်တွင် ဖမ်းဆီးရမိပြီး ဥပဒေအရ အရေးယူအပြစ်ပေးနိုင်ရေး ဆက်လက်ဆောင်
ရွက်နေကြောင်း သိရသည်။

#LocalNews
#TheMandalayTimes
#လူသတ်မှုဖြစ်
#မဲကင်းကုန်းရွာ
#ပုသိမ်ကြီးမြို့နယ်
#မန္တလေး

292

The Mandalay Times

09 Jan, 02:52

မန္တလေးတွင် မီးစက်အတွင်း ဓါတ်ဆီဖြည့်ရာမှ မီးလောင်ဖြစ်ပွားပြီး ဆိုင်၁ဆိုင်နှင့်နေအိမ်၃လုံး မီး လောင်ခဲ့ရ
ဇန်နဝါရီ(၉)၊၂၀၂၅

မန္တလေးမြို့၊ချမ်းမြသာစည်စည်မြို့နယ်၊ ၅၉လမ်း၊ ၁၁၂ လမ်းနှင့် ၁၁၂(A)လမ်းကြား၊ ကန်သာယာရပ် ကွက်၊ အကွက်အမှတ်(ဖ-၈)တွင် ဇန်နဝါရီလ ၈ရက်ညနေ၅နာရီ၅မိနစ်က မီး စက်အတွင်း ဓါတ်ဆီဖြည့်ရာမှ မီး လောင်ဖြစ်ပွားပြီး ဆိုင်၁ ဆိုင်နှင့်နေအိမ်၃လုံး မီးလောင်ခဲ့ရကြောင်း မီးသတ်ဦးစီးဌာနနှင့် နီးစပ်သူများထံမှ သိရသည်။

မီးလောင်မှုဖြစ်စဥ်မှာ ဇန်နဝါရီလ၈ရက်၊ညနေ၅နာရီ ၅မိနစ်က ချမ်းမြသာစည်စည်မြို့နယ်၊ ၅၉လမ်း၊ ၁၁၂လမ်းနှင့် ၁၁၂(A) လမ်းကြား၊ ကန်သာယာရပ် ကွက်၊ အကွက်အမှတ်(ဖ-၈)၊အိမ်အမှတ်(၁၇)ရှိ ဆိုင်ကယ်အပို ပစ္စည်းအရောင်းဆိုင်တွင် ဦး... ၂၇ နှစ်သည် မီးစက်အတွင်း ဓါတ်ဆီဖြည့်ရာမှ အနီးရှိမီးဖိုမှ မီးရှိရာသို့ မီးကူးစက်လောင်ကျွမ်းခဲ့ခြင်းဖြစ်ပြီး မီးလောင်မှုကြောင့် မီးစတင်လောင်ကျွမ်းခဲ့သည့်ဆိုင်ကယ်အပို ပစ္စည်းအရောင်းဆိုင်နှင့်ဆိုင်းတွင်းရှိဆိုင်ကယ်အပိုပစ္စည်းများအပါအ ဝင် ဆိုင်နှင့်ကပ်လျှက်ရှိသည့် နေအိမ်(၃)လုံးဆိုင်တို့ ပျက်စီး ဆုံးရှုံးခဲ့ကြောင်းသိရသည်။

မီးလောင်မှုဖြစ်ပွားရာကို မီးသတ်တပ်ဖွဲ့ဝင်များနှင့်လူမှုကူညီရေးအဖွဲ့များ ပူးပေါင်းပြီး မီးငြှိမ်းသတ်ယာဥ်များ၊ရေသည်ယာဥ်များတို့ဖြင့် မီးငြှိမ်းသတ်ပေးခဲ့ရကြောင်း သိရသည်။

မီးလောင်ဖြစ်စဥ်နှင့်ပတ်သက်ပြီး မီးပေါ့ဆစွာအသုံး ပြုသူဦး...(၂၇နှစ်)ကို ချမ်းမြသာစည်မြို့နယ် အောင်ပင်လယ်နယ် မြေရဲစခန်းတွင်(ပ-၅/၂၀၂၅)ရာဇသတ်ကြီးဥပဒေပုဒ်မ ၂၈၅ ဖြင့်အမှုဖွင့်အရေးယူထားကြောင်း သိရသည်။

#LocalNews
#TheMandalayTimes
#မီးလောင်မှုဖြစ်ပွား
#ကန်သာယာရပ်ကွက်
#ချမ်းမြသာစည်မြို့နယ်
#မန္တလေး

309

The Mandalay Times

20 Dec, 05:51

မန္တလေးတွင် ဆရာဝန်တစ်ဦးကို ပြန်ပေးဆွဲပြီး သတ်ဖြတ်ခဲ့သူများ ဖမ်းဆီးရမိ
ဒီဇင်ဘာ(၂၀)၊မန္တလေး

မန္တလေးမြို့တွင် ဆရာဝန်တစ်ဦးကို ဆေးဝါးကုသရန် ခေါ်ဆို
ပြီး ဆရာဝန်ကို ပြန်ပေးဆွဲကာ သတ်ဖြတ်ခဲ့သူနှစ်ဦးစလုံးကို ဒီဇင်ဘာလ၁၈ရက်နှင့်၁၉ရက်တို့က ဖမ်းဆီးရမိခဲ့ပြီဖြစ် ကြောင်း ရဲတပ်ဖွဲ့နှင့်နီးစပ်သူများထံမှ သိရသည်။

ဖြစ်စဥ်မှာ ဒီဇင်ဘာလ၁၇ရက်နေ့ နံနက်၉နာရီခွဲခန့်က မန္တလေး မြို့၊ချမ်းမြသာစည်မြို့နယ် ၊အောင်သာယာ ရပ်ကွက် ၊၁၀၁ အေ လမ်း ၊ ၅၅လမ်နှင့်၅၆လမ်းကြားရှိ ဒေါက်တာ... (အ သက်၃၃နှစ်)ကို မိတ်ဆွေဖြစ်သူဆရာဝန်တစ်ဦးမှ သူ၏ ဆေးခန်းတွင် ဆေးကုသရန် ခေါ်ဆိုခဲ့သဖြင့် သွားရောက်ခဲ့ရာ မိတ်ဆွေဆရာ ဝန်နှင့်ဆေးခန်းအကူဖြစ်သူ ၂ဦးတို့သည် ဒေါက်တာ ... (အသက် ၃၃ နှစ်)ကို ပြန်ပေးဆွဲဖို့လုပ်ဆောင်ခဲ့ရာ ဒေါက်တာ ...ကအော်ဟစ်ရုန်းကန်ခဲ့သောကြောင့် ရိုက်နှက်ပြီး ချုပ်နှောင်ရာကနေ လက်လွန်ပြီး သ ဆုံးသွားခဲ့ရာ ရုပ်အလောင်းကို မန္တလေးလေယာဥ်ကွင်းအဟောင်းအနီး စက် ဘီးဆိုင်ကယ်သွားလမ်းဘေးရှိ မြောင်းအတွင်း ပြစ်ချက် အ လောင်းဖျောက်ဖျက်ခဲ့ခြင်း ဖြစ်ကြောင်း သိရသည်။

ဒေါက်တာ ... (အသက် ၃၃ နှစ်) သေဆုံးသွားပြီးနောက် ဒေါက်တာ ...၏ မိသားစုထံဆက်သွယ်ပြီး ဒေါက်တာ..ကို ပြန်ပေးဆွဲထားကြောင်း အသက်ရှင်လျှက်ပြန်လိုချင်ပါက ငွေကျပ်သိန်း(၃၀၀၀)ဖြင့် လာရွေးဖို့ပြောဆိုခဲ့ရာ ဒေါက်တာ ...၏ မိသားစုမှ ငွေကျပ်သိန်း၃၀၀၀ကို ယူဆောင်ပြီး ပြန်ပေးဆွဲသူ များချိန်းဆိုသည့် မန္တလေးဘုရားကြီးအနီးကို သွားရောက်ကာ ပြန်ပေးဆွဲသူတို့လွှတ်လိုက်သည့် မီနီအိုးဝေသမားထံ ငွေကျပ်သိန်း(၃၀၀၀)ကို ပေးအပ်ခဲ့သဖြင့် ပြန်ပေးဆွဲသူတို့မှ ပြန်ပေးဆွဲထားသည့်ဒေါက်တာ...ကို နောက်ရက်ပြန်လွှတ်ပေးမည်ဖြစ်ကြောင်း ပြော ဆိုခဲ့သော်လည်း နောက်ရက်အရောက်မှာ ဒေါက်တာ ...သည် ပြန်လွှတ်လာခြင်းမရှိသဖြင့် သက်ဆိုင်ရာ
ရဲစခန်းကို အမှုဖွင့်တိုင်ကြားခဲ့ခြင်း ဖြစ်ကြောင်း သိရသည်။

သက်ဆိုင်ရာရဲစခန်းမှ ဆရာဝန်ပြန်ပေးဆွဲခံရသည့်ကိစ္စ အ ပေါ် စုံစမ်းစစ်ဆေးမှုများ ဆောင်ရွက်ခဲ့ရာ ဖုန်းခေါ်ဆိုမှုမှတ် တမ်းများကို စစ်ဆေးခြင်းနှင့်ကျပ်သိန်း၃၀၀၀ ပေးခဲ့သည့် နေရာအနီးပတ်ဝန်းကျင်ရှိ CCTVမှတ်တမ်းများမှတဆင့် မီနီအိုးဝေသမားကိုခြေရာခံခဲ့ရာ ဒေါက်တာ ... (အသက်၃၃ နှစ်)ကို ပြန်ပေးဆွဲသတ်ဖြတ်ခဲ့သူ ဆရာဝန်ကို ဒီဇင်ဘာလ၁၈ ရက်တွင်လည်းကောင်း ပူးပေါင်းပါဝင်ခဲ့သည့် ဆေးခန်းအကူအမျိုးသားကို ဒီဇင်ဘာလ၁၉ရက်တွင် လည်းကောင်းဖမ်းဆီး ရမိခဲ့ကြောင်း သိရသည်။

ဓါတ်ပုံ- ပြန်ပေးဆွဲပြီး အသတ်ခံခဲ့ရသူဆရာဝန်

#LocalNews
#TheMandalay
#ပြန်ပေးဆွဲ
#လူသတ်မှု
#ချမ်းမြသာစည်
#မန္တလေး

458

The Mandalay Times

12 Dec, 09:34

မန္တလေး စွယ်တော်ကုန်တင်ကားကွင်းအတွင်း မီးလောင်မှုဖြစ် ပွားခဲ့ပြီး ကားဂိတ်အဆောက်အဦ တစ် လုံးနှင့်၁၂ဘီးကားတစ်စီး မီးလောင်ဆုံးရှုံးခဲ့ရ

မန္တလေးတိုင်းဒေသကြီး၊အမရပူရမြို့နယ်၊ နတ်ရေကန်ကျေး ရွာအုပ်စု၊ ဝဝ-ရပ်ကွက်၊ ပြည်ကြီးမင်္ဂလာ ကုန်တင်ကားကြီးကွင်း(စွယ်တော်)အတွင်း ဒီဇင် ဘာလ ၁၂ရက်နေ့ နံနက်၂နာ ရီ၃၀မိနစ်က မီးလောင်မှုဖြစ်ပွားခဲ့ပြီး ကားဂိတ်(၆)ခန်းတွဲနှစ်ထပ်အဆောက်အဦတစ်လုံး၊ကုန်ပစ္စည်းများနှင့်၁၂ဘီးကားတစ်စီး ၏ ရှေ့ခေါင်းပိုင်း မီးလောင်ဆုံးရှုံးခဲ့ရကြောင်း မီး
သတ်ဦးစီးဌာနမှ သိရသည်။

မီးလောင်မှုဖြစ်စဥ်မှာ ဒီဇင် ဘာလ ၁၂ရက်နေ့ နံနက် ၂နာရီ ၃၀မိနစ်က အမရပူရမြို့နယ်၊ နတ်ရေကန်ကျေးရွာအုပ်စု၊ ဝဝ-ရပ်ကွက်၊ပြည်ကြီးမင်္ဂလာ ကုန်တင်ကားကြီးကွင်း(စွယ် တော်)အတွင်းရှိ အခန်း အမှတ်-U-5၊ ... မန္တလေး -မြစ်ကြီးနားကားဂိတ်၏ အောက်ထပ်မျက်နှာကျက်ရှိ LED မီးသီး အ ပူလွန်ကဲပြီး အောက်ရှိ မွေ့ယာပေါ်ကို မီးပွားကျရာမှ မီး လောင်မှု စတင်ဖြစ်ပွားခဲ့ပြီး မီးလောင်မှုကြောင့် (၄၀x၆၀)ပေ (၆)ခန်းတွဲနှစ်ထပ်၊ သွပ်မိုး၊ အုတ်ကာ၊ ကွန်ကရစ်ခင်းအ ဆောက်အဦတစ်လုံး၊ကားဂိတ်တွင် အပ်ထားသည့်ကုန်ပစ္စည်းများ၊ကားဂိတ်အပြင်ဘက်တွင် ရပ်တန့်ထားသည့် Nissan Diesel (၁၂) ဘီးယာဉ်၏ခေါင်းပိုင်းတို့ ပျက်စီး ဆုံးရှုံးခဲ့ရကြောင်း မီးသတ်ဦးစီးဌာနမှ စုံစမ်းသိရှိရသည်။

မီးလောင်မှုဖြစ်ပွားရာကို အမရပူရမြို့နယ် မီးသတ်ဦးစီးမှူး ဦးစီးအရာရှိ ဦးအောင်မျိုးထက် ဦးဆောင်၍ အမရပူရမြို့နယ်မီးသတ်စခန်းမှ မီးငြှိမ်းသတ်ယာဉ် (၁)စီး၊ မီးသတ်ရေသယ်ယာဉ်(၁)စီး၊ မြစ်ငယ်နယ် မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ မီး သတ်ရေသယ်ယာဉ်(၁)စီး၊ ပြည်ကြီးတံခွန်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ တောင်သမန်ကျေးရွာ အရန်မီးသတ်စခန်းမှ မီးငြှိမ်းသတ်ယာဉ် (၁)စီး၊ ဖျောက်ဆိတ်ကုန်းကျေးရွာအရန်မီး သတ်စခန်းမှ မီးငြှိမ်းသတ်ယာဉ်(၁)စီး၊ ပြည်ကြီးတံ ခွန် မြို့နယ် လောကပါလအ ရန်မီးသတ်စခန်းမှ မီး သတ်ရေသယ်ယာဉ်(၂)စီး၊ ရာတော်အရန် မီးသတ်စခန်းမှ မီးသတ်ရေသယ်ယာဉ်(၁)စီး၊ စုစု ပေါင်း မီးငြှိမ်းသတ်ယာဉ်(၅)စီး၊ မီးသတ် ရေသယ်ယာဉ်(၅) စီး၊ သန္ဓေမီးသတ်တပ်ဖွဲ့ဝင် (၂၀)ဦးနှင့်အရန်မီးသတ်တပ်ဖွဲ့ဝင်(၅၀)ဦးတို့ ထွက်ခွာမီးငြှိမ်းသတ်ပေးခဲ့ရ ကြောင်းသိရသည်။

မီးလောင်မှုဖြစ်စဥ်နှင့်ပတ်သက်ပြီး မီးပေါ့ဆစွာသုံးစွဲခဲ့သည့် ကားဂိတ်တာဝန်ခံဦး...ကို အမရပူရမြို့နယ်၊ မြစ်ငယ်နယ်မြေရဲစခန်းမှာ (ပ-၁၇၃/ ၂၀၂၄)၊ ရာဇ သတ်ကြီးပုဒ်မ (၂၈၅)ဖြင့် အမှုဖွင့် အရေးယူထားကြောင်း သိရသည်။

#LocalNews
#TheMandalayTimes
#စွယ်တော်ကုန်တင်ကားကွင်း
#မီးလောင်မှုဖြစ်ပွား
#အမရပူရ
#မန္တလေး

634

The Mandalay Times

21 Nov, 09:42

ဘုရားသုံးဆူမြို့တွင် ဖခင်၊သမီးနဲ့မြေးတို့ကို သတ်သွားသည့်သုံးလောင်းပြိုင်လူသတ်မှုဖြစ်ပွား
နိုဝင်ဘာ(၂၁)၊၂၀၂၄

ကရင်ပြည်နယ်၊ဘုရားသုံးဆူမြို့၊ရာဘာခြံတစ်ခြံအတွင်းတွင် နိုဝင်ဘာလ၂၀ရက်နေ့က ဖခင်၊သမီးနှင့်မြေးတို့ကို သတ်သွားသည့် သုံးလောင်းပြိုင်လူသတ်မှု ဖြစ်ပွားခဲ့ကြောင်း ဒေသခံသတင်းရင်းမြစ်များထံမှ သိရသည်။

"ဘယ်အဖွဲ့လဲတော့မသိဘူး။အဖေဖြစ်သူရယ်၊သမီးဖြစ် သူရယ်နဲ့မြေးဖြစ်သူရယ်တို့ကို ၁၉ရက်နေ့ကလာခေါ်သွားပြီး ၆နှစ်အရွယ်ကလေးပါမချန် ရာဘာခြံတစ်ခြံထဲမှာ ဓါးနဲ့ထိုးသတ်ပြီး ပစ်သွားကြတာ။ဘာကြောင့် အခုလို ရက်ရက် စက်စက်လုပ်သွားကြတာလဲ မသိဘူး"ဟုဒေသခံတစ်ဦးကပြောပါတယ်။

ဖြစ်စဥ်မှာ နိုဝင်ဘာလ၁၉ရက်နေ့ညနေပိုင်းက ဘုရားသုံး ဆူမြို့၊အမှတ်(၂)ရပ်ကွက်၊လျှပ်စစ်ဝန်ထမ်းတန်းလျားရှိ နေအိမ်တစ်အိမ်သို့ အမည်မသိ အဖွဲ့တစ်ဖွဲ့ရောက်ရှိလာပြီး ဦးကျော်သိန်းမောင်(၆၉နှစ်)၊သမီး မသိမ့်သိမ့်သူ(၃၆နှစ်)နဲ့မြေး မောင်စိုင်းဝဏ္ဏထွန်း (၆နှစ်)တို့ကို အ ကြောင်းပြချက်မရှိခေါ်ဆောင် သွားခဲ့ပြီး နိုဝင်ဘာလ၂၀ ရက်မနက်ပိုင်းတွင် ဘုရားသုံးဆူမြို့ရှိ ရာဘာခြံတစ်ခြံအတွင်း ဓါးဒဏ်ရာများဖြင့် သေဆုံးနေ
သည့်ရုပ်အလောင်းများကိုသာ ရှာဖွေတွေ့ရှိခဲ့တာဖြစ်ကြောင်း သိရသည်။

ရက်ရက်စက်စက်အသတ်ခံခဲ့ရပြီး သေဆုံးခဲ့ရသူ(၃)ဦးစလုံး ၏ရုပ်အလောင်းများကို နိုဝင်ဘာလ၂၁ရက်နေ့ မွန်းလွဲ ၁ နာရီအချိန်တွင် နေအိမ်မှ မြို့ပြင်သုသာန်သို့ ပို့ဆောင်သင်္ဂြိုဟ်ခဲ့တယ်လို့ သိရပါတယ်။

#LocalNews
#TheMandalayTimes
#သုံးလောင်းပြိုင်လူသတ်မှု
#ဘုရားသုံးဆူမြို့
#ကရင်ပြည်နယ်

802

The Mandalay Times

27 Oct, 17:11

မန္တလေးတွင် မယ်ဇလီဖူးတက်ခူးသည့် အမျိုးသားတစ်ဦး ဓါတ်လိုက်သေဆုံး
အောက်တိုဘာ(၂၇)၊မန္တလေး

မန္တလေးမြို့၊ပြည်ကြီးတံခွန်မြို့နယ် ၊(စ)ရပ်ကွက်၊၅၆လမ်း
နှင့်၁၂၅လမ်းတောင့်မှာရှိ မယ်ဇလီပင်ပေါ်ကို မယ်ဇလီဖူးတက်ခူးသည့် အမျိုးသားတစ်ဦး ဓါတ်လိုက်သေဆုံးခဲ့တဲ့ဖြစ်စဥ်တစ်ခုအောက်တို ဘာလ၂၇ရက်ညနေ၅နာရီက ဖြစ်ပွားခဲ့သည်။

"မယ်ဇလီပင်ပေါ်မှာ ဓါတ်ကြိုးနဲ့ညှိနေတာကို သတိမထားမိဘဲ မယ်ဇလီဖူးတက်ခူးရင်းဓါတ်လိုက်ပြီး သေသွားရှာတာပါ။အ သက်က ၃၈နှစ်ပဲရှိသေးတယ်။သင်ပန်းကုန်ရပ်ကွက်မှာ နေတဲ့သူပါ"ဟု ရပ်ကွက်နေပြည်သူတစ်ဦးမှ ပြောသည်။

ဓါတ်လိုက်သေဆုံးခဲ့သူ၏ ရုပ်အလောင်းကို ရွှေမဉ္ဇူပရဟိတလူမှုကူညီရေးအသင်းမှ မော်တော်ယာဥ်ဖြင့် မန္တလေးပြည်သူ့ဆေးရုံကြီး ရေခဲတိုက်သို့ ပို့ဆောင်ကူညီပေးခဲ့ကြောင်း သိရသည်။

Photo- ရွှေမဉ္ဇူပရဟိတလူမှုကူညီရေးအသင်း

#LocalNews
#TheMandalayTimes
#အမျိုးသားတစ်ဦး
#ဓါတ်လိုက်သေဆုံး
#ပြည်ကြီးတံခွန်
#စရပ်ကွက်
#မန္တလေး

1,002

The Mandalay Times

26 Oct, 05:12

အောင်မြေသာစံမြို့နယ်ရှိ လက်ဘရည်ဆိုင်တစ်ဆိုင်တွင် ဆိုင်အလုပ်သမားမှ ဓါးဖြင့် ခုတ်တာကြောင့်ဆိုင်ပိုင်ရှင်အပါအဝင် ၂ဦး သေဆုံးပြီး ၂ဦးဒဏ်ရာရ
အောက်တိုဘာ(၂၆)၊မန္တလေး

မန္တလေးမြို့၊အောင်မြေသာစံမြို့နယ်၊ဒေါနဘွားရပ်ကွက်၊အ ကွက်(၉)၊၁၇လမ်း၊၆၃လမ်းနှင့်၆၄လမ်း ကြားရှိ ...လက်ဘရည်ဆိုင်တွင် အောက်တိုဘာလ ၂၅ရက် နံနက်၁၂နာရီ၂၅မိ နစ်က ဆိုင်အလုပ်သမားနှစ်ဦး သမီးရည်းစားကိစ္စအချင်းများထားရာမှ ဆိုင်အလုပ်သမားက ဆိုင်ပိုင်ရှင်အပါအဝင် လူလေးဦးကို ဓါးဖြင့် ခုတ်ခဲ့တာကြောင့် ဆိုင်ပိုင်ရှင်အမျိုးသမီးအပါအဝင် ၂ဦးသေဆုံးပြီး ၂ဦး ထိခိုက်ဒဏ်ရာရရှိခဲ့ကြောင်း ဒေသခံသတင်းရင်းမြစ်များထံမှ သိရသည်။

ဖြစ်စဥ်မှာ အောက်တိုဘာလ၂၅ရက် နံနက် ၁၂နာရီ၂၅ မိနစ်က အောင်မြေသာစံမြို့နယ်၊ဒေါနဘွားရပ် ကွက်၊အကွက်(၉)၊၁၇လမ်း၊၆၃လမ်းနှင့်၆၄လမ်း ကြားရှိ ...လက်ဘရည်ဆိုင်တွင် ဆိုင်အလုပ်သမားတစ်ဦးဖြစ်သည့် ရဲပိုင်ရွှေ (ခ)ကိုရဲသည် ၎င်းနှင့် သမီးရည်းစားကိစ္စအချင်းများထားသည့် ဆိုင်အလုပ်သ မားမောင်...ကို ဗျတ်(၄)လက်မ အရိုး/အသွား၊အရှည် (၁) ပေခန့်ရှိသည့် စားဖိုမှူးသုံးဓါးဖြင့် ခုတ်ခဲ့ရာ မောင် ...မှာ လည် ပင်းပြတ်ရှဒဏ်ရာဖြင့် သေဆုံးသွားပြီး အနီးတွင် အိပ်နေ
သည့် ဆိုင်အလုပ်သမားမောင်...(၉နှစ်)ကိုလည်း ဓါးဖြင့် ထပ် မံခုတ်ခဲ့ရာ မောင်...မှာ လည်ပင်းနှင့်ရင်ဘတ်တို့တွင် ဒဏ်ရာရရှိပြီး အော်ဟစ်အကူအညီတောင်းခံခဲ့ရာ ဆိုင်အပေါ် ထပ်မှ ဆိုင်ပိုင်ရှင်လင်မယားတို့သည် ဆိုင်အောက်ထပ်ကို ဆင်းလာခဲ့စဥ် ရဲပိုင်ရွှေ (ခ)ကိုရဲသည် ဆိုင်ရှင်လင်မယားကို ဓါးဖြင့် ထပ်မံခုတ်ခဲ့ရာ ဆိုင်ရှင်ယောကျာ်းဖြစ်သူမှာ ပခုံးပြတ်ရှဒဏ် ရာ (၁)ချက်၊ဝဲ/လက်မောင်းပြတ်ရှဒဏ်ရာ(၁)ချက်နှင့်နှာ ခေါင်းပြတ်ရှဒဏ်ရာ(၁)ချက်တို့ရရှိခဲ့ပြီး ဆိုင်ရှင်မိန်းမဖြစ်သူမှာ လည်ပင်းပြတ်ရှဒဏ်ရာဖြင့် ဆေးရုံကို ပို့ဆောင်စဉ် သေ ဆုံးသွားခဲ့ကြောင်း သိရသည်။

ဓါးခုတ်မှုဖြစ်စဥ်နှင့်ပတ်သက်ပြီး ဓါးခုတ်မှုတရားခံဖြစ်သူ ရဲပိုင်ရွှေ (ခ)ကိုရဲ ကို ရဲတပ်ဖွဲ့ ဖမ်းဆီးရမိပြီးအမှတ်(၁)နယ်မြေရဲစခန်းတွင် တည်ဆဲဥပဒေနဲ့အညီ ထိရောက်စွာ အရေးယူနိုင်ရေး စီစဥ်နေကြောင်း သိရသည်။

#LocalNews
#TheMandalayTimes
#ဓါးခုတ်မှုဖြစ်ပွား
#အောင်မြသာစံ
#မန္တလေး

556

The Mandalay Times

24 Oct, 12:12

မန္တလေး ချမ်းသာကြီးဆန်လှူသင်းအနီးတွင် မီးလောင်မှုဖြစ် ပွားခဲ့ပြီး နေအိမ်(၃)လုံးခန့် မီးလောင်ဆုံးရှံးခဲ့ရ
အောက်တိုဘာ(၂၄)၊၂၀၂၄

မန္တလေးမြို့၊အောင်မြေသာစံမြို့နယ်၊၂၅လမ်းနှင့်၂၆ လမ်း ကြား၊လမ်း၉၀နှင့်၉၁လမ်းကြား၊ ချမ်းသာကြီးဆန်လှူသင်းအနီးတွင် အောက်တိုဘာလ၂၄ရက် ည နေ၅နာရီခန့်က မီး လောင်မှုတစ်ခုဖြစ်ပွားခဲ့ပြီး နေအိမ်၃လုံးခန့် မီးလောင်ဆုံးရှံးခဲ့ရသည်။

"လောင်တာ တအားမကြာလိုက်ဘူး။မီးလောင်တဲ့နေရာက ကြားထဲမှာ လမ်း အရမ်းကျဥ်းတယ်။ မီးသတ်လည်းအရောက်မြန်လို့ နေအိမ် ၃လုံးလောက်ပဲ မီးထဲ ပါသွားတယ်။ဘယ်ကနေ မီးဘယ်လို စလောင်တာလဲတော့ သေချာမသိဘူး။သကြားစက်အိမ်က စလောင်တာလို့တော့ ပြောနေကြတယ်"ဟုရပ်ကွက်နေပြည်သူတစ်ဦးက ပြောသည်။

မီးလောင်မှုဖြစ်ပွားရာကို Lv1အဆင့် ယာဥ်အုပ်စုများ ထွက် ခွာ မီးငြှိမ်းသတ်ပေးခဲ့ရကြောင်း သိရသည်။

#LocalNews
#TheMandalayTimes
#မီးလောင်မှုဖြစ်
#အောင်မြေသာစံ
#မန္တလေး

389

The Mandalay Times

14 Oct, 09:53

မန္တလေးတွင် ဆီမီး(၁၀၀၀၀)ထွန်းညှိပူဇော်ပွဲနှင့်အတူ သီ တင်းကျွတ် မီးထွန်းပွဲတော်ကို စည်ကားသိုက်မြိုက်စွာ ကျင်း ပသွားမည်
အောက်တိုဘာ(၁၄)၊၂၀၂၄

မန္တလေးမြို့၊နန်းမြို့ရိုးကျုံးထောင့်တွင် ဆီမီး (၁၀၀၀၀) ထွန်း ညှိပူဇော်ပွဲနှင့်အတူ သီတင်းကျွတ် မီးထွန်းပွဲတော်ကို အောက်
တိုဘာလ၁၇ရက်(သီတင်းကျွတ်လပြည့်နေ့)ညအချိန်မှာ စည် ကားသိုက်မြိုက်စွာ ကျင်းပသွားမည်ဖြစ်ကြောင်း မန်းစည်ပင်မှ သိရသည်။

"၁၃၈၆ ခုနှစ် သီတင်းကျွတ်လပြည့်နေ့ သီတင်းကျွတ်မီးထွန်း
ပွဲတော်ကို ကျုံးတောင်ဘက် ၂၆လမ်း ၆၆လမ်းမှာ ၇၃ လမ်း ကြား ကျုံးအပြင်မှာ ကျင်းပသွားမယ်။၂၆ လမ်းတစ်လျောက်မှာ ရောင်စုံမီးအလှတွေ ထွန်းပြီး အလှဆင်သွားမှာပါ။ ၂၆ လမ်း နဲ့ ၆၆ လမ်းထောင့်မှာ မုဒ်ဦးတစ်ခု ၇၃လမ်းနှဲ့၂၆ လမ်း ထောင့်မှာ မုဒ်ဦးတစ်ခု မုဒ်ဦး ၂ခုနဲ့ ခမ်းနားထည်ဝါစွာကျင်းပ သွားမှာဖြစ်ပါတယ်။ဖွင့်ပွဲအခမ်းအနားကို ၂၆လမ်းနဲ့၆၆ လမ်းထောင့်မှာ လပြည့်နေ့ ညနေ ၆ နာရီမှာ စတင်ဖွင့်လှစ်တာနဲ့ မီးရှူးမီးပန်းတွေ နဲ့ သီကျွတ်အလှ ကို ဖော်ကျူးသွားမှာပါ။တစ်ဆက်တည်းကျုံးထောင့်မှာ ပုံဂံရွှေစည်းခုံ ပုံတူ စေတီမှာ ဆီမီးတစ်သောင်း ထွန်းညှိပူဇော်သွားမှာပါ။ မြို့တော်စည် ပင်သာယာရေးကော်မတီ ရုံးကြီး ဖျော်ဖြေရေး မဏ္ဍပ်မှာ နိုင်ငံ ကျော် အဆိုတော်တွေ နဲ့ မြို့ခံ အဆို တော်တွေ က မန်းစည် ပင်ခေတ်ပေါ်တေးဂီတ အဖွဲ့ နဲ့ ပွဲတော်လာ ပြည်သူများကို ဧည့်ခံ ဖျော်ဖြေသွားမှာပါ။၂၆လမ်း ၊၆၆လမ်းနဲ့၇၃လမ်းကြား တစ်လျောက် ပျော်ပွဲရွှင်ပွဲကစားစရာများ၊ဈေးပွဲတော်ဆိုင်များ၊စတုဒီသာ မဏ္ဍပ် ၁၂ခုတို့နဲ့ ညနေ ၆နာရီက နေ ၁၀ နာရီထိ ပွဲတော်လာ ပြည်သူများ ကို စတုဒီသာများနဲ့ ဧည့်ခံသွားပါမယ်"ဟု မန်းစည်ပင် ပြည်သူ့ဆက်ဆံရေးနှင့်ပြန်ကြားရေးဌာနမှူး ဦးတင်ထွန်းဦးမှ ပြောကြားခဲ့သည်။

ထို့အပြင် သီတင်းကျွတ်လပြည့်နေ့တွင် မန္တလေးမြို့ တွင်းရှိ မဟာမုနိ ဘုရားကြီး၊ စွယ်တော်ဘုရား၊ အောင်တော်မူ၊ မန္တလေးတောင်တော်၊ ကုသိုလ်တော်ဘုရား စသည့် အထင် ကရ ဘုရားစေတီများနှင့် ရပ်ကွက် အလိုက် ဓမ္မာရုံများတို့မှာလည်း ဆီမီးပူဇော် စတုဒီသာများ ကျွေးမွေးမယ့်အစီအစဥ်များရှိကြောင်း သိရသည်။

#LocalNews
#TheMandalayTimes
#သီတင်းကျွတ်
#မီးထွန်းပွဲတော်
#ကျင်းပမည်
#မန္တလေး

345

The Mandalay Times

14 Oct, 09:49

မန္တလေး ဂေါဝိန်ဆိပ်ကမ်းတွင် ကုန်တင်သင်္ဘောတစ်စီး မီးလောင်မှုဖြစ်ပွား
အောက်တိုဘာ(၁၄)၊မန္တလေး

မန္တလေးမြို့၊မဟာအောင်မြေမြို့နယ်၊စိန်ပန်းရပ်ကွက်၊ကမ်း နားလမ်း၊ဂေါဝိန်ဆိပ်ကမ်းတွင် အောက်တိုဘာလ ၁၄ ရက် မွန်းလွဲ၁နာရီခွဲခန့်က ကမ်းကပ်ပြီးကုန်တင်နေသည့် ကုန်တင်သင်္ဘောတစ်စီး မီးလောင်မှုဖြစ်ပွားခဲ့သည်။

"သင်္ဘောအတွင်းထဲမှာ လှိုက်လောင်နေတာ။အုန်း ဆိုတဲ့ ပေါက်ကွဲတော့ကြားလိုက်မိတယ်။မီးငြှိမ်းသတ်ပေးတဲ့ မီး သတ်တပ်ဖွဲ့ဝင်တွေ ဒဏ်ရာရသွားမှာတော့ စိုးရိမ်မိတယ်။သင်္ဘောပေါ်မှာ ဘိလပ်မြေအိပ်တွေ အပြည့်တင်ထားတာတွေ့မိတယ်"ဟု ကမ်းနားလမ်းနေပြည်သူတစ်ဦးက ပြောသည်။

မီးလောင်မှုကို Lv1အဆင့် သတ်မှတ်ပြီးမဟာအောင်မြေမြို့ နယ်အတွင်းက သန္ဓေနှင့်အရန် မီးသတ်တပ်ဖွဲ့ဝင်များမှ မီးငြှိမ်းသတ်ယာဥ်၊ရေသယ်ယာဥ်များနှင့်အတူ မီးငြှိမ်းသတ်ပေးလျှက်ရှိသည်။

#LocalNews
#TheMandalayTimes
#သင်္ဘောမီးလောင်
#ဂေါဝိန်ဆိပ်ကမ်း
#မဟာအောင်မြေမြို့နယ်
#မန္တလေး

292

The Mandalay Times

10 Oct, 14:25

၁၃၆ကြိမ်မြောက် ဗုဒ္ဓပူဇနိယပွဲတော်ဖွင့်ပွဲအခမ်းအ နားကျင်းပ (ရုပ်သံ)
အောက်တိုဘာ(၁၀)၊မန္တလေး

မန္တလေးမြို့၊မန္တလေးတောင်ခြေရှိ မဟာသကျမာရဇိန် ကျောက် တော်ကြီးဘုရားရဲ့ ၁၃၆ကြိမ်မြောက် ဗုဒ္ဓပူဇနိယပွဲတော်ဖွင့်ပွဲအခမ်းအနားကို အောက်တို ဘာ ၁၀ရက် မနက်ပိုင်းက ဘုရားအရှေ့မုခ်မှာ ကျင်းပပြုလုပ်ခဲ့ပါတယ်။

၁၃၆ကြိမ်မြောက် ဗုဒ္ဓပူဇနိယပွဲတော်ကျင်းပပြုလုပ်ခဲ့တာနဲ့ပတ်သက်ပြီး မဟာသကျမာရဇိန် ကျောက်တော်ကြီးဘုရားဘဏ္ဏာတော်ထိန်းဂေါပကအဖွဲ့ဥက္ကဌအဂ္ဂမဟာသီရိသုဓမ္မမဏိဇောတဓရဒေါက်တာဦးကျော်ဝင်းနဲ့တွေ့ဆုံ ရိုက်ကူးတင်ဆက်လိုက်ရပါတယ်။

#LocalNews
#TheMandalayTimes
#Interview
#ကျောက်တော်ကြီး
#ဘုရားပွဲ
#မန္တလေး

425