The Mandalay Times

မင်္ဂလာမန္တလေး ၁၀နှစ်ပြည့် အခမ်းအနားကျင်းပမည်
ဖေဖော်ဝါရီ(၁၅)၊၂၀၂၅

မန္တလေးမြို့၊ချမ်းမြသာစည်မြို့နယ်၊မြို့သစ်(၁)ရပ်ကွက်၊၇၃ လမ်း၊၁၀၂လမ်းနဲ့၁၀၇လမ်းကြားရှိ မင်္ဂလာမန္တလေး ၁၀နှစ်ပြည့် မင်္ဂလာအခမ်းအနားကို ဖေဖော် ဝါရီလ ၂၁ရက်မှ၂၃ ရက်အထိ သုံးရက်တိုင်တိုင် စည်ကားသိုက်မြိုက်စွာကျင်းပသွားမည် ဖြစ်ကြောင်း သိရသည်။

၁၀နှစ်ပြည့်အခမ်းအနားတွင် ပွဲတော်လာမြို့ခံပြညိသူများကို နိုင်ငံကျော်တေးသံရှင်များဖြစ်ကြသော ရဲလေး၊ Bobby Soxer၊ အိမ့်ချစ်၊ မိစန္ဒီ၊ Yung Hugo၊ Jason Ace၊ ခိုင်မြဲသစ္စာ၊ ချစ်ဇွဲသာ၊ ရဲရဲသဏ္ဍာန်၊ ယံယံ၊ ပိုင်ပိုင်၊ မိုင်းမိုင်တို့၏ သီဆိုဖျော်ဖြေမှုများအပြင် DJ Black, DJ Kaung Myat၊ Bees Poison Dancer Group၊ Mernix Dancer Group တို့က ကပြဖျော်ဖြေသွားမှာလို့ သိရပါတယ်။

ဒါ့အပြင် မင်္ဂလာမန္တလေး လမ်းလျှောက်ဈေးမှာ လက်ဝတ်ရတနာအရောင်းပြပွဲ၊ မော်တော်ကားပြပွဲ၊ Cosmetic ဆိုင်များ၊ အဝတ်အထည်ဆိုင်များ၊ လူသုံးကုန် စားသောက်ကုန်ဆိုင်များ၊ လျှပ်စစ်ပစ္စည်းဆိုင်များ အစရှိသည့် ဆိုင်ခန်းပေါင်းများစွာ ပါဝင်မည်ဖြစ်ပြီး မင်္ဂလာမန္တလေးဧရိယာအတွင်း လမ်းတိုင်းမှာလည်း မတူညီတဲ့ Activities များစွာ ပါဝင်ပြီး အခြားစိတ်လှုပ်ရှားဖွယ် အစီအစဉ်ကောင်းများစွာ ပါဝင်သွားမယ်လို့ သိရပါတယ်။

နာမည်ခေါ် အစီအစဥ်တင်ဆက်သူများဖြစ်ကြတဲ့ ကိုဖြိုး (N.Y.M)၊ ဒီမိုးသစ်၊ MC Queen၊ သက်ပိုင်၊ ရွှေဇင်တို့က ဆောင်ရွက်ကြမယ့်အပြင် KPOP Random Dance အက၊ Zumba အကများနှင့်အ တူ West Bank Band, လူငယ်ဂီတ Music Band, Escape Music Bandတို့လည်း ပါဝင်သွားမယ်လို့ သိရပါတယ်။

#LocalNews
#TheMandalayTimes
#မင်္ဂလာမန္တလေး
#၁၀နှစ်ပြည့်
#အခမ်းအနား
#ချမ်းမြသာစည်
#မန္တလေး

မဟာသကျမာရဇိန်ကျောက်တော်ကြီးမြတ်စွာဘုရားတွင် ရွှေကြာသင်္ကန်းတော် ကပ်လှူပူဇော်မည်
ဖေဖော်ဝါရီ(၁၁)၊၂၀၂၅

မန္တလေးမြို့၊အောင်မြေသာစံမြို့နယ်၊မန္တလေးတောင်ခြေရှိ မဟာသကျမာရဇိန်ကျောက်တော်ကြီးမြတ်စွာဘုရား၌ ဖေ ဖော်ဝါရီလ၁၂ရက်(တပို့တွဲလပြည့်နေ့နှင့်ပြည်ထောင်စုနေ့) တွင် ကျောက်တော်ကြီးမြတ်စွာဘုရားကို ရွှေကြာသင်္ကန်းတော် ရက်လုပ် ကပ်လှူပူဇော်သွားမည့်အပြင် ထမနဲစတုဒီသာကျွေးမွေးပွဲလည်း ကျင်းပပြုလုပ်သွားမည် ဖြစ်ကြောင်း သိရသည်။

ထမနဲစတုဒီသာကျွေးမွေးပွဲကို မဟာသကျမာရဇိန်ကျောက်တော်ကြီးမြတ်စွာဘုရားဘဏ္ဍာတော်ထိန်းဂေါပကအဖွဲ့ဥက္ကဌအဂ္ဂမဟာသီရိသုဓမ္မမဏိဇောတဓရဒေါက်တာဦးကျော်ဝင်း
နှင့်ဇနီးဒေါက်တာဒေါ်မြင့်မြင့်သန်း(မန်းမြေရာဇာကုမ္ပဏီမိ သားစု) တို့မှ ဖေ ဖော်ဝါရီ၁၁ရက်နှင့်၁၂ရက်တို့တွင် ဘုရားဖူးလာဧည့်သည်များကို မနက်ပိုင်းမှ စတင်ပြီး ညနေပိုင်းအထိ ကုသိုလ်ပြု ကျွေးမွေးလှူဒါန်းသွားမည်ဖြစ်ကြောင်းသိရသည်။

ရွှေကြာသင်္ကန်းတော် ရက်လုပ်ကပ်လှူပူဇော်ပွဲ၊ထမနဲစတုဒီ သာကျွေးမွေးပွဲတို့နှင့်ပတ်သက်ပြီး မဟာသကျမာရဇိန်ကျောက်တော်ကြီးမြတ်စွာဘုရားဘဏ္ဍာတော်ထိန်းဂေါပကအဖွဲ့ဥက္ကဌအဂ္ဂမဟာသီရိသုဓမ္မမဏိဇောတဓရဒေါက်တာဦးကျော်ဝင်းကို တွေ့ဆုံရိုက်ကူးတင်ဆက်ပေးလိုက်ရပါသည်။

#LocalNews
#TheMandalayTimes
#ကျောက်တော်ကြီးဘုရား
#ရွှေကြာသင်္ကန်း
#ကပ်လှူ
#ထမနဲစတုဒီသာ
#အောင်မြေသာစံ
#မန္တလေး

မန္တလေးတွင် အားသွင်းပန်ကာ အားသွင်းထားရာမှ အပူလွန် ကဲပြီး မီးလောင်မှုဖြစ်ပွား
ဖေဖော်ဝါရီ(၇)၂၀၂၅

မန္တလေးမြို့၊ပြည်ကြီးတံခွန်မြို့နယ်၊၁၁၄လမ်းနှင့် ၁၁၅လမ်း ကြား၊ ရန်မန်းလမ်းသွယ်(၈)၊ ရဲဘော်စိုက်ကွင်း၊ ချမ်းမြသာယာရပ်ကွက်က နေအိမ်တစ်အိမ်တွင် ဖေဖော်ဝါရီလ၇ ရက် မွန်းလွဲ၂နာရီက အားသွင်းပန်ကာ အားသွင်းထားရာမှ အပူလွန်ကဲပြီး မီးလောင်မှုဖြစ်ပွားခဲ့ကြောင်း မီးသတ်ဦးစီးဌာနမှ သိရသည်။

မီးလောင်မှုဖြစ်ပွားရာကို မန္တလေးတိုင်းဒေသကြီးမီးသတ်ဦးစီးမှူး ဦးဇော်ဝင်းထွန်း ဦးဆောင်၍ အုပ် ချုပ်မှုယာဉ် (၃)စီး၊ ပြည်ကြီးတံခွန်မြို့နယ်မီးသတ်စခန်းမှ မီးငြှိမ်းသတ်ယာဉ် (၃)စီး၊ ချမ်းမြသာယာအ ရန်မီးသတ်စခန်းမှ မီးငြှိမ်းသတ်ယာဉ် (၁)စီး၊ တံခွန် တိုင်အရန်မီးသတ်စခန်းမှ မီးငြှိမ်းသတ်ယာဉ်(၁)စီး၊ (ဃ)အရန် မီးသတ်စခန်းမှ မီးငြှိမ်းသတ်ယာဉ် (၁)စီး၊ သင်ပန်းကုန်းအရန်မီးသတ်စခန်းမှ ရေသယ်ယာဉ် (၁)စီး၊ လောကပါလအရန်မီးသတ်စခန်းမှ ရေသယ်ယာဉ် (၁)စီး၊ သန္ဓေတပ်ဖွဲ့ဝင် (၂၅)ဦး၊ အရန်တပ်ဖွဲ့ဝင် (၅၀)ဦးတို့မှ သွားရောက် မီးငြှိမ်းသတ်ပေးခဲ့ရ ကြောင်း သိရသည်။

မီးလောင်မှုကြောင့် ၁၅'×၁၅' သွပ်မိုး၊ ထရံကာ၊ အ ထပ်သားခင်း(၁)ထပ် နေအိမ်(၁)လုံး၊ RC ၃၅ '×၁၀ ' (၂)ထပ် (၁)လုံး ၏အပေါ်ထပ်နှင့်အတွင်းပစ္စည်းများ မီးလောင်ဆုံးရှုံးခဲ့ရကြောင်း သိရသည်။

မီးလောင်မှုဖြစ်စဥ်နှင့်ပတ်သက်ပြီး မီးပေါ့ဆစွာသုံးစွဲခဲ့သည့်နေအိမ်ပိုင်ရှင်ဖြစ်သူအား (ပ-၃၁/၂၈၅/ ၂၀၂၅)ဖြင်ွအမှုဖွင့်အရေးယူထားကြောင်းသိရသည်။

#LocalNews
#TheMandalayTimes
#မီးလောင်မှုဖြစ်ပွား
#ပြည်ကြီးတံခွန်
#မန္တလေး

မန္တလေးတွင် ဖယောင်းတိုင်မီးဖြင့် ဘုရားမီးပူဇော်ရာမှ မီး လောင်မှု နှစ်ကြိမ် ဖြစ်ပွားခဲ့
ဖေဖော်ဝါရီ(၂)၊၂၀၂၅

မန္တလေးမြို့၊အောင်မြေသာစံမြို့နယ်နှင့်ပြည်ကြီးတံခွန်မြို့ နယ်တို့တွင် ဖေဖော်ဝါရီလ ၂ရက်နေ့ နံနက်ပိုင်းက ဖယောင်း တိုင်မီးဖြင့် ဘုရားမီးပူဇော်ရာမှ မီး လောင်မှု နှစ်ကြိမ် ဖြစ်ပွားခဲ့ကြောင်း မီးသတ်ဦးစီးဌာနမှ သိရသည်။

ပထမအကြိမ် မီးလောင်မှုဖြစ်စဥ်မှာ ဖေဖော်ဝါရီလ ၂ရက် နံနက်၇နာ ရီ၅၂မိနစ်က အောင်မြေသာစံမြို့ နယ်၊ပြည်ကြီးကျက်သရေအနောက်ရပ်ကွက်၊ အ ကွက်(၁၆၁)၊မြင်းစာရေးကြီးဝင်း၊၈၂လမ်းနှင့်၈၃ လမ်းကြား၊ ၂၂လမ်းနှင့်၂၃ လမ်း ကြားရှိ နေအိမ်တစ်အိမ်တွင် ဖယောင်းတိုင်မီးဖြင့် ဘုရားမီး ပူဇော်ထားရာမှ ဖ ယောင်းတိုင်လဲကျပြီး အနီးဘေးရှိ ဘုရားစာအုပ်များအား မီးကူးဆက်လောင်ကျွမ်းခဲ့ရခြင်းဖြစ်ပြီး မီး လောင်မှုကြောင့် မီးလောင်မှုဖြစ်ပွားခဲ့သည့် (၂၀× ၂၅)ပေ သွပ်မိုး နံကပ်၊ပျဉ်ခင်း (၂)ထပ် အ ဆောက်အဦ၏ အပေါ်ထပ်နှင့်အတွင်းပစ္စည်းများ မီးလောင်ဆုံးရှုံးခဲ့ရကြောင်း သိရသည်။

ဒုတိယအကြိမ် မီးလောင်မှူဖြစ်စဥ်မှာ ဖေဖော်ဝါရီလ၂ရက် နံနက်၁၀နာရီ၃မိနစ်က ပြည်ကြီးတံခွန်မြို့ နယ်၊ ၁၁၉လမ်းနှင့် ၁၂၀လမ်းကြား၊ ၇၃(C)လမ်း၊ ငွေတော်ကျီကုန်းရပ်ကွက်ရှိ နေအိမ်အပေါ်ထပ် ဘုရားစင်တွင် ဖယောင်းတိုင်ဖြင့် ဘုရားမီးပူဇော်ထားရာမှ ဖယောင်းတိုင်လဲကျ၍ ဘုရားစင်အထပ် သားခင်းအား ကူးစက်၍ မီးလောင်မှုစတင်ဖြစ်ပွားခဲ့ရပြီး ၁၅'×၃၀' သွပ်မိုး၊ ကျောက်ပြားကာ၊အထပ် သားခင်း (၂)ထပ်နေအိမ်၊စကူဖီးဆိုင်ကယ်တစ်စီးနှင့်အတွင်းပစ္စည်းများ မီး လောင်ဆုံးရှုံးခဲ့ရကြောင်းသိရသည်။

မီးလောင်မှုဖြစ်စဥ်များနှင့်ပတ်သက်ပြီး မီးပေါ့ဆစွာ သုံးစွဲခဲ့ သည့် အသက်၆၀နှစ်ခန်ွအရွယ် အမျိုးသမီး နှစ်ဦးစလုံးကို သက်ဆိုင်ရာမြို့မရဲစခန်းများတွင် ရာဇသတ်ကြီးဥပဒေပုဒ်မ ၂၈၅ဖြင့် အမှုဖွင့် အရေးယူထားကြောင်း သိရသည်။

#LocalNews
#TheMandalayTimes
#ဖယောင်းတိုင်ဖြင့်
#ဘူရားမီးပူဇော်ရာမှ
#မီးလောင်မှုဖြစ်ပွား
#အောင်မြေသာစံ
#ပြည်ကြီးတံခွန်
#မန္တလေး

မန္တလေးတွင် ဖယောင်းတိုင်ဖြင့် ဘုရားမီး ပူဇော်ထားရာမှ မီးလောင်မှုတစ်ခုဖြစ်ပွား
ဖေဖော်ဝါရီ(၂)၊၂၀၂၅

မန္တလေးမြို့၊အောင်မြေသာစံမြို့နယ်၊ပြည်ကြီးကျက်သရေ အနောက်ရပ်ကွက်၊ အကွက်(၁၆၁)၊မြင်းစာရေးကြီးဝင်း၊ ၈၂ လမ်းနှင့်၈၃လမ်းကြား၊ ၂၂လမ်းနှင့်၂၃ လမ်းကြားရှိ နေအိမ်တစ်အိမ်တွင် ဖယောင်းတိုင်ဖြင့် ဘုရားမီး ပူဇော်ထားရာမှ မီးလောင်မှုတစ်ခုဖြစ် ပွားခဲ့ကြောင်း မီးသတ်ဦးစီးဌာနမှ သိရသည်။

မီးလောင်မှုဖြစ်ပွားရသည့် အကြောင်းအရင်းမှာ ဖ ယောင်းတိုင်မီးဖြင့် ဘုရားမီး ပူဇော်ထားရာမှ ဖ ယောင်းတိုင်လဲကျပြီး အနီးဘေးရှိ ဘုရားစာအုပ်များအား မီးကူးဆက်လောင်ကျွမ်းခဲ့ရခြင်းဖြစ်ပြီး မီး လောင်မှုကြောင့် မီးလောင်မှုဖြစ်ပွားခဲ့သည့် (၂၀× ၂၅)ပေ သွပ်မိုး နံကပ်၊ပျဉ်ခင်း (၂)ထပ် အဆောက် အဦ ၏ အပေါ်ထပ်နှင့်အတွင်းပစ္စည်းများ မီးလောင်ဆုံးရှုံးခဲ့ရကြောင်း သိရသည်။

မီးလောင်မှုဖြစ်ပွားရာကို မန္တလေးတိုင်းဒေသကြီးမီးသတ်ဦးစီးမှူး ညွှန်ကြားရေးမှူး ဦးဇော်ဝင်းထွန်း ဦးဆောင်၍ level (1) ယာဉ်အုပ်စု၊ မီးငြှိမ်းသတ်ယာဉ်(၁၀) စီး၊ ရေသယ်ယာဉ် (၅) စီး၊ အုပ်ချုပ်မှုယာဉ် (၃) စီး၊ သန္ဓေတပ်ဖွဲ့ဝင် (၃၀) ဦး၊ အရန်မီး သတ်တပ်ဖွဲ့ဝင် (၇ဝ) ဦး၊ စုစုပေါင်း(၁၀၀) ဦးတို့ လာရောက် မီးငြှိမ်းသတ်ပေးခဲ့ကြောင်း သိရသည်။

မီးလောင်မှုဖြစ်စဥ်နှင့်ပတ်သက်ပြီး မီးပေါ့ဆစွာသုံးစွဲခဲ့သည့် ဒေါ်...(၅၆နှစ်)ကို အမှတ်(၅) မြို့မရဲစခန်း တွင် (ပ-၁၅/ ၂၀၂၅)၊ ပုဒ်မ-၂၈၅ ဖြင့် အမှုဖွင့် အရေးယူဆောင်ရွက်ထားကြောင်း သိရသည်။

#LocalNews
#TheMandalayTimes
#မီးလောင်မှုဖြစ်ပွား
#အောင်မြေသာစံ
#မန္တလေး

မန္တလေးတွင် ဖယောင်းတိုင်မီးဖြင့် ဘုရားမီးပူဇော်ထားရမှ မီးလောင်မှုတစ်ခုဖြစ်ပွား
ဇန်နဝါရီ(၂၀)၊၂၀၂၅

မန္တလေးမြို့၊ချမ်းအေးသာစံမြို့နယ်၊ရန်မျိုးလုံရပ်ကွက်၊ အ ကွက်(၇၄၀)၊၃၂လမ်းနှင့်၇၃လမ်းဒေါင့်ရှိ နေအိမ်တစ်လုံးတွင် ဇန်နဝါရီလ၂၀ရက်နံနက်၅နာရီ၃၀မိနစ်က ဖယောင်းတိုင်မီးဖြင့် ဘုရားမီးပူဇော်ထားရမှ မီးလောင်မှုတစ်ခုဖြစ်ပွားခဲ့ကြောင်း မီးသတ်ဦးစီးဌာနမှ သိရသည်။

ဖြစ်စဥ်မှာ ဇန်နဝါရီလ၂၀ရက်နံနက်၅နာရီ၃၀မိနစ်က ချမ်း အေးသာစံမြို့နယ်၊ရန်မျိုးလုံရပ်ကွက်၊အကွက်(၇၄၀)၊၃၂ လမ်းနှင့်၇၃လမ်းဒေါင့်ရှိ သွပ်မိုး ပျဉ်ထောင်၊နံကပ်(၂)ထပ်နေအိမ်အပေါ်ထပ်ဘုရားစင်တွင် အိမ်ရှင်ဒေါ်...သည် ဖ ယောင်းတိုင်မီးဖြင့် ဘုရားမီးပူဇော်ထားရာ ဖယောင်းတိုင် လဲပြီး ဘုရားစင်အခင်းအထပ်သားသို့ မီးကူးစက်ရာမှ မီးလောင်မှုဖြစ်ပွားခဲ့ရခြင်း ဖြစ်ကြောင်း သိရသည်။

မီးလောင်မှုကြောင့် (၂၀×၁၅)ပေ၊သွပ်မိုးပျဉ်ထောင်၊ နံကပ် (၂)ထပ်၏ နေအိမ်မျက်နှာကျက်တံခါးနှင့်အတွင်းပစ္စည်းများ မီးလောင်ကျွမ်းခဲ့သည့်အပြင် အ မျိုးသမီး၂ဦးလည်း မီး လောင်ဒဏ်ရာများ အသီးသီးရရှိခဲ့ကြောင်း သိရသည်။

မီးလောင်မှုဖြစ်ပွားရာကို မန္တလေးတိုင်းဒေသကြီးမီးသတ်ဦးစီးမှူးရုံးမှ အုပ်ချုပ်မှုယာဉ်(၂)စီး၊ ချမ်း အေးသာစံမြို့နယ်မီးသတ်စခန်းမှ မီးငြှိမ်းသတ်ယာဉ် (၃) စီး၊ ကဥ္စဏမဟီအရန်မီးသတ်စခန်းမှ မီးငြှိမ်းသတ်ယာဉ်(၁)စီးနှင့် ရေသယ်ယာဉ် (၁)စီး၊ စိတ္တရမဟီအ ရန်မီးသတ်စခန်းမှ မီးငြှိမ်းသတ်ယာဉ် (၁) စီး၊ ရန်မျိုးလုံအရန်မီးသတ်စခန်းမှ မီးငြှိမ်းသတ်ယာဉ် (၁)စီး၊ ပြည်ကြီးမျက်ရှင်အရန်မီးသတ်စခန်းမှ ရေသယ်ယာဉ်(၁)စီး၊ ပြည်ကြီးပျော်ဘွယ်အနောက်အရန်မီး သတ်စခန်းမှ ရေသယ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များက ထွက်ခွာ မီးငြှိမ်းသတ်ပေးခဲ့ရကြောင်း သိရသည်။

မီးလောင်မှုဖြစ်စဥ်နှင့်ပတ်သက်ပြီး မီးကို ပေါ့ဆစွာသုံးစွဲခဲ့သူ ဒေါ်...ကို ချမ်းအေးသာစံမြို့နယ်၊ အမှတ် (၃)နယ်မြေရဲစခန်းမှ (ပ-၁၉/၂၀၂၅)ပုဒ်မ(၂၈၅)ဖြင့် အမှုဖွင့်အရေးယူထားကြောင်း သိရသည်။

#LocalNews
#TheMandalayTimes
#မီးလောင်မှုဖြစ်ပွား
#ချမ်းအေးသာစံ
#မန္တလေး

မန္တလေး Diamond Plazaပေါ်မှ ပန်းရံအမျိုးသမီးကြီးတစ်ဦး ပြုတ်ကျ သေဆုံးမှုဖြစ်ပွား
ဇန်နဝါရီ(၁၆)၊၂၀၂၅

မန္တလေးမြို့၊ချမ်းအေးသာစံမြို့နယ်၊ကဥ္စနမဟီရပ်ကွက်၊၇၇ လမ်း၊၃၃လမ်းနှင့်၃၄လမ်းကြားရှိ Diamond Plaza ဒုတိယထပ်ပေါ်တွင် ဇန်နဝါရီလ ၁၆ရက် ညနေ၃နာရီ၁၅မိနစ်က ဆောက်လုပ်ရေး လုပ်ငန်းလုပ်ကိုင်နေသည့် ပန်းရံအလုပ်သ မားအမျိုးသမီးကြီးတစ်ဦး ပြုတ်ကျသေဆုံးမှုဖြစ်ပွားခဲ့ကြောင်း ဒေသခံသတင်းရင်းမြစ်များထံ သိရသည်။

"ပြုတ်ကျရတဲ့ အကြောင်းအရင်းကို သေချာမသိဘူး။ ဆောက်လုပ်ရေးလုပ်ငန်းခွင် မတော်တဆဖြစ်တာနေမှာပါ။သေသွားတဲ့အမျိုးသမီးကြီးက လုပ်ငန်းခွင်အတွင်း ပန်းရံလာလုပ်တဲ့သူပါ။အသက်၅၀ကျော်အရွယ်လောက်တော့ ရှိမယ်ထင်တယ်"လို့ မြို့ခံတစ်ဦးမှ ပြောသည်။

သေဆုံးသူအမျိုးသမီးကြီး၏ရုပ်အလောင်းကို သုခဗလ လူမှုကူညီ​ရေးအသင်းမှ မော်တော်ယာဥ်ဖြင့်မန္တ​လေးပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။

#LocalNews
#TheMandalayTimes
#Diamondplaza
#အမျိုးသမီးတစ်ဦး
#ပြုတ်ကျသေဆုံး
#ချမ်းအေးသာစံ
#မန္တလေး

မန္တလေးတွင် ရဲတပ်ဖွဲ့ဝင်များကို ဓါးဖြင့် ဝင်ခုတ်ခဲ့သည့်အ မျိုးသားတစ်ဦး သေနတ်ဖြင့် ပြန်ပစ်ခံရပြီး သေဆုံး
ဇန်နဝါရီ(၁၆)၊၂၀၂၅

မန္တလေးမြို့၊ပြည်ကြီးတံခွန်မြို့နယ်၊ (စ)ရပ်ကွက်၊ ၁၂၅ လမ်း၊၅၉ (B)နှင့်၆၀လမ်းကြားတွင် ဇန်နဝါရီလ၁၆ရက် နံနက်၅နာ ရီ၃၀မိနစ်က ရဲတပ်ဖွဲ့ဝင်များသည် လုယက်မှုသတင်းတစ်ခုအရ စစ်ဆေးရန်အတွက် ဆိုင်ကယ်တစ်စီးကို တားဆီးရပ်
တန့်ခိုင်းစဥ် ဆိုင်ကယ်နောက်မှ ထိုင်လာသည့် အမျိုးသားက ရဲတပ်ဖွဲ့ဝင်များကို ဓါးဖြင့် ဝင်ခုတ်ခဲ့သဖြင့် ရဲတပ်ဖွဲ့ဝင်တစ်ဦးမှ သေနတ်ဖြင့် ပြန်ပစ်ခံရပြီး သေဆုံးသွားခဲ့ကြောင်း ဒေသခံသတင်းရင်းမြစ်များထံမှ သိရ သည်။

ဖြစ်စဥ်မှာ ဇန်နဝါရီလ၁၆ရက် မနက်၅နာရီ၃၀မိနစ်က ရဲတပ်ဖွဲ့ဝင်များသည် လုယက်မှုသတင်းတစ်ခုအရ ပြည်ကြီးတံခွန်မြို့နယ်၊ (စ)ရပ်ကွက်၊၁၂၅ လမ်း၊ ၅၉ (B)နှင့်၆၀ လမ်းကြားတွင် စစ်ဆေးရေးလုပ်ငန်းများ ဆောင်ရွက်နေချိန် ၁၂၅လမ်းအတိုင်း အနောက်မှ အရှေ့သို့ အမည်မသိ အမျိုးသား၂ဦး မောင်းနှင်လာသည်ွ CZI အမျိုးအစား နက်/ခဲ ဆိုင်ကယ်ကို စစ်ဆေးရန် ရပ်တန့်ခိုင်းစဉ် ရှေ့ မှ မောင်းနှင်လာသည့် အမျိုး သားသည် ဆိုင်ကယ်ကို ထားပြီး ထွက်ပြေးသွားခဲ့ကာ နောက်ထိုင်လိုက်ပါလာသည့် အမျိုးသားသည် အရိုးအသွား ၂၂ လက်မခန့်ရှိ ဓါးရှည်ကို ကိုင်ဆောင်ပြီး ရဲတပ်ဖွဲ့ဝင်များအား ဝင်ရောက်ခုတ်ပိုင်းသဖြင့် ရဲတပ်ဖွဲ့ဝင်တစ်ဦးက အသင့်ကိုင်ဆောင်ထားသည့် သေနတ်ဖြင့် ၁ ချက် ခြောက်လှန့်ပစ်ခတ်ခဲ့ရာ အမည်မသိအမျိုးသားမှာ ယာဝမ်းဗိုက်ကို ကျည်ဖောက်ဝင်ဒဏ်ရာရရှိပြီး သေဆုံးသွားခဲ့ကြောင်း သိရသည်။

သေဆုံးသွားသည့် အမည်မသိ အမျိုးသား၏ရုပ်အ လောင်းကို လူမှုကူညီရေးအသင်းတစ်သင်းမှ မော်တော်ယာဥ်ဖြင့်
မန္တလေးပြည်သူ့ဆေးရုံကြီး ရင်ခွဲရုံသို့ ပို့ဆောင်ပေးခဲ့ကြောင်း သိရသည်။

#LocalNews
#TheMandalayTimes
#အမျိုးသားတစ်ဦး
#သေနတ်ပစ်ခံရ
#သေဆုံး
#ပြည်ကြီးတံခွန်
#မန္တလေး

ပထမဆုကို ဆုကြေးငွေ (၃၅)သိန်းကျပ်အထိ ချီးမြှင့်သည့် လက်မောင်းလှဲပြိုင်ပွဲ မန္တလေးတွင် ကျင်းပ
ဇန်နဝါရီ(၁၂)၊၂၀၂၅

မန္တလေးမြို့၊ချမ်းအေးသာစံမြို့နယ်၊ဗထူးမိုးလုံလေ လုံခန်းမဆောင်တွင် ပထမဆုကို ဆုကြေးငွေ (၃၅) သိန်းကျပ်အထိ ချီးမြှင့်သည့်လက်မောင်းလှဲပြိုင်ပွဲကို မေမေ ဂျယ်လီ၊ အချိုရည် ကုမ္ပဏီက အဓိကကူညီပံ့ပိုးပြီး KLK Armwrestling Myanmar ၏ စီစဥ်မှုဖြင့် ဇန်နဝါရီလ၁၂ရက် နံနက်၉နာရီခွဲမှ ညနေ၃နာရီအထိ ကျင်းပပြုလုပ်ခဲ့သည်။

လက်မောင်းလှဲပြိုင်ပွဲကို မန္တလေးမြို့နှင့်အခြားမြို့များမှ လက်မောင်းလှဲအားကစားသမား(၂၀၀)ဦးပါဝင်ယှဥ်ပြိုင်ခဲ့ပြီး UNDER 60 kg တန်း၊ 60 kg to 70 kg တန်းနှင့်OVER 70 kg တန်းဟူ၍ ဝိတ်တန်း ၃တန်းသတ်မှတ်ယှဥ်ပြိုင်စေခဲ့ကာ UNDER 60 kg တန်းအတွက် ပထမဆု ကျပ်၃၅သိန်း ၊ ဒုတိ ယဆု ကျပ်၂၅သိန်း ၊ တတိယဆု ကျပ် ၁၅သိန်း၊ 60 kg to 70 kg တန်းအတွက် ပထမဆု ကျပ်သိန်း၂၀၊ ဒုတိယဆု ကျပ် ၁၅ သိန်း ၊တတိယဆုကျပ်၁၀ သိန်း၊ OVER 70 kg တန်းအ တွက် ပထမဆု ကျပ်သိန်း ၂၀၊ ဒုတိယဆု ကျပ်၁၅ သိန်း ၊ တ တိယဆု ကျပ် ၁၀သိန်း စသည့်ဆုငွေများကို ပေးအပ်ချီးမြှင့်ခဲ့ကြောင်း သိရသည်။

#LocalNews
#TheMandalayTimes
#လက်မောင်းလှဲပြိုင်ပွဲ
#ကျင်းပ
#မန္တလေး

မန္တလေးမြို့က တိုင်းအကူရဲတပ်ဖွဲ့ ဝန်ထမ်းလိုင်းခန်းတွင် ဂက်စ်မီးဖိုဖြင့် ကြက်ဥပြုတ်ရာမှ မီးလောင်မှုဖြစ်ပွား
ဇန်နဝါရီ(၁၀)၊၂၀၂၅

မန္တလေးမြို့၊ချမ်းအေးသာစံမြို့နယ်၊ပါတ်ကုန်းပျော်ဘွယ်ရပ်ကွက်၊၆၆လမ်းနှင့်၆၈ လမ်းကြား၊၂၈လမ်းနှင့်လမ်း၃၀ ကြားရှိ မန္တလေးဒေသကြီး တိုင်းအကူရဲတပ် ဖွဲ့ဝန်ထမ်းလိုင်းခန်းတွင် ဇန်နဝါရီလ၁၀ရက်နံနက် ၉နာရီ၅၀မိနစ်က စားပွဲတင်ဂက်စ်မီးဖိုဖြင့် ကြက်ဥပြုတ်ရာမှ ရေခန်းပြီး အနီးရှိ ထရံကို မီးကူးစက်ပြီး မီးလောင်မှုဖြစ် ပွားခဲ့ကြောင်း မီးသတ်ဦးစီးဌာနနှင့်နီးစပ်သူများထံမှ သိရသည်။

မီးလောင်မှုကြောင့် ရဲဝန်ထမ်းလိုင်းခန်း၏ (၄)ခန်းတွဲ သွပ်မိုး၊ ပျဥ်ကာ ၂​ဆောင်မှ အခန်း ၈ခန်း မီး​လောင်ဆုံးရှုံးခဲ့ရကြောင်း သိရသည်။

မီးလောင်မှုဖြစ်ပွားရာကို မီးသတ်ဦးစီးဌာနမှ Lv1အဆင့်ယာဥ်အုပ်စုများထွက်ခွာမီးငြှိမ်းသတ်ပေးခဲ့ရပြီးမီးလောင်မှုဖြစ်ပွားအပြီး ၁၅မိနစ်ခန့်အကြာတွင် မီး ငြိမ်းသွားခဲ့ကြောင်းလည်းသိရသည်။

Photo - Than Htay

#LocalNews
#TheMandalayTimes
#မီးလောင်မှုဖြစ်ပွား
#ပါတ်ကုန်းပျော်ဘွယ်ရပ်
#ချမ်းအေးသာစံမြို့နယ်
#မန္တလေး

ပုသိမ်ကြီး မဲကင်းကုန်းရွာတွင် အမျိုးသားနှစ်ဦး ဆဲဆိုရာမှ လူသတ်မှုဖြစ်ပွား
ဇန်နဝါရီ(၉)၊၂၀၂၅

မန္တလေးတိုင်းဒေသကြီး၊ပုသိမ်ကြီးမြို့နယ် မဲကင်းကုန်းကျေးရွာ KSYT လမ်းကြားတွင် ဇန်နဝါရီလ၈ ရက်ညနေ၅နာရီက ကျေးရွာနေသူအမျိုးသားနှစ်ဦး
ဆဲဆိုရာမှ လူသတ်မှုဖြစ်ပွားခဲ့ကြောင်း လုံခြုံရေးတပ်ဖွဲ့နှင့်နီးစပ်သူများထံမှ သိရသည်။

လူသတ်မှုဖြစ်စဥ်မှာ ဇန်နဝါရီလ၈ ရက်ညနေ၅နာရီက မဲကင်းကုန်းကျေးရွာနေ ကိုမျိုးဇော်(၄၀နှစ်)ယာဥ်မောင်းသည် ခေါက်ဆွဲကြော်ဝယ်ပြီး နေအိမ်ရှေ့အရောက် တစ်ရွာတည်းနေသူ မျိုးသန့်(၃၇နှစ်)ကား ဆေးမှုတ်လုပ်ငန်းက ဆဲဆိုသွားသဖြင့် ကိုမျိုးဇော် (၄၀နှစ်)သည် ဆဲဆိုသွားသည့် မျိုးသန့် နောက်ကျု
လိုက်လာခဲ့ရာ မျိုးသန့်သည် သူ၏နေအိမ်အတွင်းမှ
အရိုးအသွား( ၂ပေ ၃လက်မ)ခန့်ရှိ ငှက်ကြီး တောင်ဓါးနဲ့ ခုတ်ခဲ့သဖြင့် ကိုမျိုးဇော် (၄၀နှစ်)သည် ယာတံ တောင်စစ်အထက် ခုတ်ဖြတ်ရာ ၁ ချက် ၊ရင်ညွှန့်ပြတ်ရှ ဒဏ်ရာ၁ချက်၊ဝဲလက်မ ပြတ်ရှဒဏ်ရာ ၁ ချက်၊ယာပေါင်ရင်း ထိုးသွင်းဒဏ်ရာ ၁ ချက်တို့ ရရှိပြီး အခင်းဖြစ်နေရာတွင် သေဆုံးသွားခဲ့ခြင်းဖြစ်
ကြောင်း သိရသည်။

လူသတ်မှုဖြစ်စဥ်နှင့်ပတ်သက်ပြီး ကိုမျိုးဇော် (၄၀ နှစ်)ကို ဓါးဖြင့် မသေမချင်းခုတ်သတ်သွားသူ မျိုး
သန့်(၃၇နှစ်)ကို နေအိမ်တွင် ဖမ်းဆီးရမိပြီး ဥပဒေအရ အရေးယူအပြစ်ပေးနိုင်ရေး ဆက်လက်ဆောင်
ရွက်နေကြောင်း သိရသည်။

#LocalNews
#TheMandalayTimes
#လူသတ်မှုဖြစ်
#မဲကင်းကုန်းရွာ
#ပုသိမ်ကြီးမြို့နယ်
#မန္တလေး

မန္တလေးတွင် မီးစက်အတွင်း ဓါတ်ဆီဖြည့်ရာမှ မီးလောင်ဖြစ်ပွားပြီး ဆိုင်၁ဆိုင်နှင့်နေအိမ်၃လုံး မီး လောင်ခဲ့ရ
ဇန်နဝါရီ(၉)၊၂၀၂၅

မန္တလေးမြို့၊ချမ်းမြသာစည်စည်မြို့နယ်၊ ၅၉လမ်း၊ ၁၁၂ လမ်းနှင့် ၁၁၂(A)လမ်းကြား၊ ကန်သာယာရပ် ကွက်၊ အကွက်အမှတ်(ဖ-၈)တွင် ဇန်နဝါရီလ ၈ရက်ညနေ၅နာရီ၅မိနစ်က မီး စက်အတွင်း ဓါတ်ဆီဖြည့်ရာမှ မီး လောင်ဖြစ်ပွားပြီး ဆိုင်၁ ဆိုင်နှင့်နေအိမ်၃လုံး မီးလောင်ခဲ့ရကြောင်း မီးသတ်ဦးစီးဌာနနှင့် နီးစပ်သူများထံမှ သိရသည်။

မီးလောင်မှုဖြစ်စဥ်မှာ ဇန်နဝါရီလ၈ရက်၊ညနေ၅နာရီ ၅မိနစ်က ချမ်းမြသာစည်စည်မြို့နယ်၊ ၅၉လမ်း၊ ၁၁၂လမ်းနှင့် ၁၁၂(A) လမ်းကြား၊ ကန်သာယာရပ် ကွက်၊ အကွက်အမှတ်(ဖ-၈)၊အိမ်အမှတ်(၁၇)ရှိ ဆိုင်ကယ်အပို ပစ္စည်းအရောင်းဆိုင်တွင် ဦး... ၂၇ နှစ်သည် မီးစက်အတွင်း ဓါတ်ဆီဖြည့်ရာမှ အနီးရှိမီးဖိုမှ မီးရှိရာသို့ မီးကူးစက်လောင်ကျွမ်းခဲ့ခြင်းဖြစ်ပြီး မီးလောင်မှုကြောင့် မီးစတင်လောင်ကျွမ်းခဲ့သည့်ဆိုင်ကယ်အပို ပစ္စည်းအရောင်းဆိုင်နှင့်ဆိုင်းတွင်းရှိဆိုင်ကယ်အပိုပစ္စည်းများအပါအ ဝင် ဆိုင်နှင့်ကပ်လျှက်ရှိသည့် နေအိမ်(၃)လုံးဆိုင်တို့ ပျက်စီး ဆုံးရှုံးခဲ့ကြောင်းသိရသည်။

မီးလောင်မှုဖြစ်ပွားရာကို မီးသတ်တပ်ဖွဲ့ဝင်များနှင့်လူမှုကူညီရေးအဖွဲ့များ ပူးပေါင်းပြီး မီးငြှိမ်းသတ်ယာဥ်များ၊ရေသည်ယာဥ်များတို့ဖြင့် မီးငြှိမ်းသတ်ပေးခဲ့ရကြောင်း သိရသည်။

မီးလောင်ဖြစ်စဥ်နှင့်ပတ်သက်ပြီး မီးပေါ့ဆစွာအသုံး ပြုသူဦး...(၂၇နှစ်)ကို ချမ်းမြသာစည်မြို့နယ် အောင်ပင်လယ်နယ် မြေရဲစခန်းတွင်(ပ-၅/၂၀၂၅)ရာဇသတ်ကြီးဥပဒေပုဒ်မ ၂၈၅ ဖြင့်အမှုဖွင့်အရေးယူထားကြောင်း သိရသည်။

#LocalNews
#TheMandalayTimes
#မီးလောင်မှုဖြစ်ပွား
#ကန်သာယာရပ်ကွက်
#ချမ်းမြသာစည်မြို့နယ်
#မန္တလေး

မန္တလေးတွင် ဆရာဝန်တစ်ဦးကို ပြန်ပေးဆွဲပြီး သတ်ဖြတ်ခဲ့သူများ ဖမ်းဆီးရမိ
ဒီဇင်ဘာ(၂၀)၊မန္တလေး

မန္တလေးမြို့တွင် ဆရာဝန်တစ်ဦးကို ဆေးဝါးကုသရန် ခေါ်ဆို
ပြီး ဆရာဝန်ကို ပြန်ပေးဆွဲကာ သတ်ဖြတ်ခဲ့သူနှစ်ဦးစလုံးကို ဒီဇင်ဘာလ၁၈ရက်နှင့်၁၉ရက်တို့က ဖမ်းဆီးရမိခဲ့ပြီဖြစ် ကြောင်း ရဲတပ်ဖွဲ့နှင့်နီးစပ်သူများထံမှ သိရသည်။

ဖြစ်စဥ်မှာ ဒီဇင်ဘာလ၁၇ရက်နေ့ နံနက်၉နာရီခွဲခန့်က မန္တလေး မြို့၊ချမ်းမြသာစည်မြို့နယ် ၊အောင်သာယာ ရပ်ကွက် ၊၁၀၁ အေ လမ်း ၊ ၅၅လမ်နှင့်၅၆လမ်းကြားရှိ ဒေါက်တာ... (အ သက်၃၃နှစ်)ကို မိတ်ဆွေဖြစ်သူဆရာဝန်တစ်ဦးမှ သူ၏ ဆေးခန်းတွင် ဆေးကုသရန် ခေါ်ဆိုခဲ့သဖြင့် သွားရောက်ခဲ့ရာ မိတ်ဆွေဆရာ ဝန်နှင့်ဆေးခန်းအကူဖြစ်သူ ၂ဦးတို့သည် ဒေါက်တာ ... (အသက် ၃၃ နှစ်)ကို ပြန်ပေးဆွဲဖို့လုပ်ဆောင်ခဲ့ရာ ဒေါက်တာ ...ကအော်ဟစ်ရုန်းကန်ခဲ့သောကြောင့် ရိုက်နှက်ပြီး ချုပ်နှောင်ရာကနေ လက်လွန်ပြီး သ ဆုံးသွားခဲ့ရာ ရုပ်အလောင်းကို မန္တလေးလေယာဥ်ကွင်းအဟောင်းအနီး စက် ဘီးဆိုင်ကယ်သွားလမ်းဘေးရှိ မြောင်းအတွင်း ပြစ်ချက် အ လောင်းဖျောက်ဖျက်ခဲ့ခြင်း ဖြစ်ကြောင်း သိရသည်။

ဒေါက်တာ ... (အသက် ၃၃ နှစ်) သေဆုံးသွားပြီးနောက် ဒေါက်တာ ...၏ မိသားစုထံဆက်သွယ်ပြီး ဒေါက်တာ..ကို ပြန်ပေးဆွဲထားကြောင်း အသက်ရှင်လျှက်ပြန်လိုချင်ပါက ငွေကျပ်သိန်း(၃၀၀၀)ဖြင့် လာရွေးဖို့ပြောဆိုခဲ့ရာ ဒေါက်တာ ...၏ မိသားစုမှ ငွေကျပ်သိန်း၃၀၀၀ကို ယူဆောင်ပြီး ပြန်ပေးဆွဲသူ များချိန်းဆိုသည့် မန္တလေးဘုရားကြီးအနီးကို သွားရောက်ကာ ပြန်ပေးဆွဲသူတို့လွှတ်လိုက်သည့် မီနီအိုးဝေသမားထံ ငွေကျပ်သိန်း(၃၀၀၀)ကို ပေးအပ်ခဲ့သဖြင့် ပြန်ပေးဆွဲသူတို့မှ ပြန်ပေးဆွဲထားသည့်ဒေါက်တာ...ကို နောက်ရက်ပြန်လွှတ်ပေးမည်ဖြစ်ကြောင်း ပြော ဆိုခဲ့သော်လည်း နောက်ရက်အရောက်မှာ ဒေါက်တာ ...သည် ပြန်လွှတ်လာခြင်းမရှိသဖြင့် သက်ဆိုင်ရာ
ရဲစခန်းကို အမှုဖွင့်တိုင်ကြားခဲ့ခြင်း ဖြစ်ကြောင်း သိရသည်။

သက်ဆိုင်ရာရဲစခန်းမှ ဆရာဝန်ပြန်ပေးဆွဲခံရသည့်ကိစ္စ အ ပေါ် စုံစမ်းစစ်ဆေးမှုများ ဆောင်ရွက်ခဲ့ရာ ဖုန်းခေါ်ဆိုမှုမှတ် တမ်းများကို စစ်ဆေးခြင်းနှင့်ကျပ်သိန်း၃၀၀၀ ပေးခဲ့သည့် နေရာအနီးပတ်ဝန်းကျင်ရှိ CCTVမှတ်တမ်းများမှတဆင့် မီနီအိုးဝေသမားကိုခြေရာခံခဲ့ရာ ဒေါက်တာ ... (အသက်၃၃ နှစ်)ကို ပြန်ပေးဆွဲသတ်ဖြတ်ခဲ့သူ ဆရာဝန်ကို ဒီဇင်ဘာလ၁၈ ရက်တွင်လည်းကောင်း ပူးပေါင်းပါဝင်ခဲ့သည့် ဆေးခန်းအကူအမျိုးသားကို ဒီဇင်ဘာလ၁၉ရက်တွင် လည်းကောင်းဖမ်းဆီး ရမိခဲ့ကြောင်း သိရသည်။

ဓါတ်ပုံ- ပြန်ပေးဆွဲပြီး အသတ်ခံခဲ့ရသူဆရာဝန်

#LocalNews
#TheMandalay
#ပြန်ပေးဆွဲ
#လူသတ်မှု
#ချမ်းမြသာစည်
#မန္တလေး

မန္တလေး စွယ်တော်ကုန်တင်ကားကွင်းအတွင်း မီးလောင်မှုဖြစ် ပွားခဲ့ပြီး ကားဂိတ်အဆောက်အဦ တစ် လုံးနှင့်၁၂ဘီးကားတစ်စီး မီးလောင်ဆုံးရှုံးခဲ့ရ

မန္တလေးတိုင်းဒေသကြီး၊အမရပူရမြို့နယ်၊ နတ်ရေကန်ကျေး ရွာအုပ်စု၊ ဝဝ-ရပ်ကွက်၊ ပြည်ကြီးမင်္ဂလာ ကုန်တင်ကားကြီးကွင်း(စွယ်တော်)အတွင်း ဒီဇင် ဘာလ ၁၂ရက်နေ့ နံနက်၂နာ ရီ၃၀မိနစ်က မီးလောင်မှုဖြစ်ပွားခဲ့ပြီး ကားဂိတ်(၆)ခန်းတွဲနှစ်ထပ်အဆောက်အဦတစ်လုံး၊ကုန်ပစ္စည်းများနှင့်၁၂ဘီးကားတစ်စီး ၏ ရှေ့ခေါင်းပိုင်း မီးလောင်ဆုံးရှုံးခဲ့ရကြောင်း မီး
သတ်ဦးစီးဌာနမှ သိရသည်။

မီးလောင်မှုဖြစ်စဥ်မှာ ဒီဇင် ဘာလ ၁၂ရက်နေ့ နံနက် ၂နာရီ ၃၀မိနစ်က အမရပူရမြို့နယ်၊ နတ်ရေကန်ကျေးရွာအုပ်စု၊ ဝဝ-ရပ်ကွက်၊ပြည်ကြီးမင်္ဂလာ ကုန်တင်ကားကြီးကွင်း(စွယ် တော်)အတွင်းရှိ အခန်း အမှတ်-U-5၊ ... မန္တလေး -မြစ်ကြီးနားကားဂိတ်၏ အောက်ထပ်မျက်နှာကျက်ရှိ LED မီးသီး အ ပူလွန်ကဲပြီး အောက်ရှိ မွေ့ယာပေါ်ကို မီးပွားကျရာမှ မီး လောင်မှု စတင်ဖြစ်ပွားခဲ့ပြီး မီးလောင်မှုကြောင့် (၄၀x၆၀)ပေ (၆)ခန်းတွဲနှစ်ထပ်၊ သွပ်မိုး၊ အုတ်ကာ၊ ကွန်ကရစ်ခင်းအ ဆောက်အဦတစ်လုံး၊ကားဂိတ်တွင် အပ်ထားသည့်ကုန်ပစ္စည်းများ၊ကားဂိတ်အပြင်ဘက်တွင် ရပ်တန့်ထားသည့် Nissan Diesel (၁၂) ဘီးယာဉ်၏ခေါင်းပိုင်းတို့ ပျက်စီး ဆုံးရှုံးခဲ့ရကြောင်း မီးသတ်ဦးစီးဌာနမှ စုံစမ်းသိရှိရသည်။

မီးလောင်မှုဖြစ်ပွားရာကို အမရပူရမြို့နယ် မီးသတ်ဦးစီးမှူး ဦးစီးအရာရှိ ဦးအောင်မျိုးထက် ဦးဆောင်၍ အမရပူရမြို့နယ်မီးသတ်စခန်းမှ မီးငြှိမ်းသတ်ယာဉ် (၁)စီး၊ မီးသတ်ရေသယ်ယာဉ်(၁)စီး၊ မြစ်ငယ်နယ် မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ မီး သတ်ရေသယ်ယာဉ်(၁)စီး၊ ပြည်ကြီးတံခွန်မြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ တောင်သမန်ကျေးရွာ အရန်မီးသတ်စခန်းမှ မီးငြှိမ်းသတ်ယာဉ် (၁)စီး၊ ဖျောက်ဆိတ်ကုန်းကျေးရွာအရန်မီး သတ်စခန်းမှ မီးငြှိမ်းသတ်ယာဉ်(၁)စီး၊ ပြည်ကြီးတံ ခွန် မြို့နယ် လောကပါလအ ရန်မီးသတ်စခန်းမှ မီး သတ်ရေသယ်ယာဉ်(၂)စီး၊ ရာတော်အရန် မီးသတ်စခန်းမှ မီးသတ်ရေသယ်ယာဉ်(၁)စီး၊ စုစု ပေါင်း မီးငြှိမ်းသတ်ယာဉ်(၅)စီး၊ မီးသတ် ရေသယ်ယာဉ်(၅) စီး၊ သန္ဓေမီးသတ်တပ်ဖွဲ့ဝင် (၂၀)ဦးနှင့်အရန်မီးသတ်တပ်ဖွဲ့ဝင်(၅၀)ဦးတို့ ထွက်ခွာမီးငြှိမ်းသတ်ပေးခဲ့ရ ကြောင်းသိရသည်။

မီးလောင်မှုဖြစ်စဥ်နှင့်ပတ်သက်ပြီး မီးပေါ့ဆစွာသုံးစွဲခဲ့သည့် ကားဂိတ်တာဝန်ခံဦး...ကို အမရပူရမြို့နယ်၊ မြစ်ငယ်နယ်မြေရဲစခန်းမှာ (ပ-၁၇၃/ ၂၀၂၄)၊ ရာဇ သတ်ကြီးပုဒ်မ (၂၈၅)ဖြင့် အမှုဖွင့် အရေးယူထားကြောင်း သိရသည်။

#LocalNews
#TheMandalayTimes
#စွယ်တော်ကုန်တင်ကားကွင်း
#မီးလောင်မှုဖြစ်ပွား
#အမရပူရ
#မန္တလေး

ဘုရားသုံးဆူမြို့တွင် ဖခင်၊သမီးနဲ့မြေးတို့ကို သတ်သွားသည့်သုံးလောင်းပြိုင်လူသတ်မှုဖြစ်ပွား
နိုဝင်ဘာ(၂၁)၊၂၀၂၄

ကရင်ပြည်နယ်၊ဘုရားသုံးဆူမြို့၊ရာဘာခြံတစ်ခြံအတွင်းတွင် နိုဝင်ဘာလ၂၀ရက်နေ့က ဖခင်၊သမီးနှင့်မြေးတို့ကို သတ်သွားသည့် သုံးလောင်းပြိုင်လူသတ်မှု ဖြစ်ပွားခဲ့ကြောင်း ဒေသခံသတင်းရင်းမြစ်များထံမှ သိရသည်။

"ဘယ်အဖွဲ့လဲတော့မသိဘူး။အဖေဖြစ်သူရယ်၊သမီးဖြစ် သူရယ်နဲ့မြေးဖြစ်သူရယ်တို့ကို ၁၉ရက်နေ့ကလာခေါ်သွားပြီး ၆နှစ်အရွယ်ကလေးပါမချန် ရာဘာခြံတစ်ခြံထဲမှာ ဓါးနဲ့ထိုးသတ်ပြီး ပစ်သွားကြတာ။ဘာကြောင့် အခုလို ရက်ရက် စက်စက်လုပ်သွားကြတာလဲ မသိဘူး"ဟုဒေသခံတစ်ဦးကပြောပါတယ်။

ဖြစ်စဥ်မှာ နိုဝင်ဘာလ၁၉ရက်နေ့ညနေပိုင်းက ဘုရားသုံး ဆူမြို့၊အမှတ်(၂)ရပ်ကွက်၊လျှပ်စစ်ဝန်ထမ်းတန်းလျားရှိ နေအိမ်တစ်အိမ်သို့ အမည်မသိ အဖွဲ့တစ်ဖွဲ့ရောက်ရှိလာပြီး ဦးကျော်သိန်းမောင်(၆၉နှစ်)၊သမီး မသိမ့်သိမ့်သူ(၃၆နှစ်)နဲ့မြေး မောင်စိုင်းဝဏ္ဏထွန်း (၆နှစ်)တို့ကို အ ကြောင်းပြချက်မရှိခေါ်ဆောင် သွားခဲ့ပြီး နိုဝင်ဘာလ၂၀ ရက်မနက်ပိုင်းတွင် ဘုရားသုံးဆူမြို့ရှိ ရာဘာခြံတစ်ခြံအတွင်း ဓါးဒဏ်ရာများဖြင့် သေဆုံးနေ
သည့်ရုပ်အလောင်းများကိုသာ ရှာဖွေတွေ့ရှိခဲ့တာဖြစ်ကြောင်း သိရသည်။

ရက်ရက်စက်စက်အသတ်ခံခဲ့ရပြီး သေဆုံးခဲ့ရသူ(၃)ဦးစလုံး ၏ရုပ်အလောင်းများကို နိုဝင်ဘာလ၂၁ရက်နေ့ မွန်းလွဲ ၁ နာရီအချိန်တွင် နေအိမ်မှ မြို့ပြင်သုသာန်သို့ ပို့ဆောင်သင်္ဂြိုဟ်ခဲ့တယ်လို့ သိရပါတယ်။

#LocalNews
#TheMandalayTimes
#သုံးလောင်းပြိုင်လူသတ်မှု
#ဘုရားသုံးဆူမြို့
#ကရင်ပြည်နယ်

မန္တလေးတွင် မယ်ဇလီဖူးတက်ခူးသည့် အမျိုးသားတစ်ဦး ဓါတ်လိုက်သေဆုံး
အောက်တိုဘာ(၂၇)၊မန္တလေး

မန္တလေးမြို့၊ပြည်ကြီးတံခွန်မြို့နယ် ၊(စ)ရပ်ကွက်၊၅၆လမ်း
နှင့်၁၂၅လမ်းတောင့်မှာရှိ မယ်ဇလီပင်ပေါ်ကို မယ်ဇလီဖူးတက်ခူးသည့် အမျိုးသားတစ်ဦး ဓါတ်လိုက်သေဆုံးခဲ့တဲ့ဖြစ်စဥ်တစ်ခုအောက်တို ဘာလ၂၇ရက်ညနေ၅နာရီက ဖြစ်ပွားခဲ့သည်။

"မယ်ဇလီပင်ပေါ်မှာ ဓါတ်ကြိုးနဲ့ညှိနေတာကို သတိမထားမိဘဲ မယ်ဇလီဖူးတက်ခူးရင်းဓါတ်လိုက်ပြီး သေသွားရှာတာပါ။အ သက်က ၃၈နှစ်ပဲရှိသေးတယ်။သင်ပန်းကုန်ရပ်ကွက်မှာ နေတဲ့သူပါ"ဟု ရပ်ကွက်နေပြည်သူတစ်ဦးမှ ပြောသည်။

ဓါတ်လိုက်သေဆုံးခဲ့သူ၏ ရုပ်အလောင်းကို ရွှေမဉ္ဇူပရဟိတလူမှုကူညီရေးအသင်းမှ မော်တော်ယာဥ်ဖြင့် မန္တလေးပြည်သူ့ဆေးရုံကြီး ရေခဲတိုက်သို့ ပို့ဆောင်ကူညီပေးခဲ့ကြောင်း သိရသည်။

Photo- ရွှေမဉ္ဇူပရဟိတလူမှုကူညီရေးအသင်း

#LocalNews
#TheMandalayTimes
#အမျိုးသားတစ်ဦး
#ဓါတ်လိုက်သေဆုံး
#ပြည်ကြီးတံခွန်
#စရပ်ကွက်
#မန္တလေး

အောင်မြေသာစံမြို့နယ်ရှိ လက်ဘရည်ဆိုင်တစ်ဆိုင်တွင် ဆိုင်အလုပ်သမားမှ ဓါးဖြင့် ခုတ်တာကြောင့်ဆိုင်ပိုင်ရှင်အပါအဝင် ၂ဦး သေဆုံးပြီး ၂ဦးဒဏ်ရာရ
အောက်တိုဘာ(၂၆)၊မန္တလေး

မန္တလေးမြို့၊အောင်မြေသာစံမြို့နယ်၊ဒေါနဘွားရပ်ကွက်၊အ ကွက်(၉)၊၁၇လမ်း၊၆၃လမ်းနှင့်၆၄လမ်း ကြားရှိ ...လက်ဘရည်ဆိုင်တွင် အောက်တိုဘာလ ၂၅ရက် နံနက်၁၂နာရီ၂၅မိ နစ်က ဆိုင်အလုပ်သမားနှစ်ဦး သမီးရည်းစားကိစ္စအချင်းများထားရာမှ ဆိုင်အလုပ်သမားက ဆိုင်ပိုင်ရှင်အပါအဝင် လူလေးဦးကို ဓါးဖြင့် ခုတ်ခဲ့တာကြောင့် ဆိုင်ပိုင်ရှင်အမျိုးသမီးအပါအဝင် ၂ဦးသေဆုံးပြီး ၂ဦး ထိခိုက်ဒဏ်ရာရရှိခဲ့ကြောင်း ဒေသခံသတင်းရင်းမြစ်များထံမှ သိရသည်။

ဖြစ်စဥ်မှာ အောက်တိုဘာလ၂၅ရက် နံနက် ၁၂နာရီ၂၅ မိနစ်က အောင်မြေသာစံမြို့နယ်၊ဒေါနဘွားရပ် ကွက်၊အကွက်(၉)၊၁၇လမ်း၊၆၃လမ်းနှင့်၆၄လမ်း ကြားရှိ ...လက်ဘရည်ဆိုင်တွင် ဆိုင်အလုပ်သမားတစ်ဦးဖြစ်သည့် ရဲပိုင်ရွှေ (ခ)ကိုရဲသည် ၎င်းနှင့် သမီးရည်းစားကိစ္စအချင်းများထားသည့် ဆိုင်အလုပ်သ မားမောင်...ကို ဗျတ်(၄)လက်မ အရိုး/အသွား၊အရှည် (၁) ပေခန့်ရှိသည့် စားဖိုမှူးသုံးဓါးဖြင့် ခုတ်ခဲ့ရာ မောင် ...မှာ လည် ပင်းပြတ်ရှဒဏ်ရာဖြင့် သေဆုံးသွားပြီး အနီးတွင် အိပ်နေ
သည့် ဆိုင်အလုပ်သမားမောင်...(၉နှစ်)ကိုလည်း ဓါးဖြင့် ထပ် မံခုတ်ခဲ့ရာ မောင်...မှာ လည်ပင်းနှင့်ရင်ဘတ်တို့တွင် ဒဏ်ရာရရှိပြီး အော်ဟစ်အကူအညီတောင်းခံခဲ့ရာ ဆိုင်အပေါ် ထပ်မှ ဆိုင်ပိုင်ရှင်လင်မယားတို့သည် ဆိုင်အောက်ထပ်ကို ဆင်းလာခဲ့စဥ် ရဲပိုင်ရွှေ (ခ)ကိုရဲသည် ဆိုင်ရှင်လင်မယားကို ဓါးဖြင့် ထပ်မံခုတ်ခဲ့ရာ ဆိုင်ရှင်ယောကျာ်းဖြစ်သူမှာ ပခုံးပြတ်ရှဒဏ် ရာ (၁)ချက်၊ဝဲ/လက်မောင်းပြတ်ရှဒဏ်ရာ(၁)ချက်နှင့်နှာ ခေါင်းပြတ်ရှဒဏ်ရာ(၁)ချက်တို့ရရှိခဲ့ပြီး ဆိုင်ရှင်မိန်းမဖြစ်သူမှာ လည်ပင်းပြတ်ရှဒဏ်ရာဖြင့် ဆေးရုံကို ပို့ဆောင်စဉ် သေ ဆုံးသွားခဲ့ကြောင်း သိရသည်။

ဓါးခုတ်မှုဖြစ်စဥ်နှင့်ပတ်သက်ပြီး ဓါးခုတ်မှုတရားခံဖြစ်သူ ရဲပိုင်ရွှေ (ခ)ကိုရဲ ကို ရဲတပ်ဖွဲ့ ဖမ်းဆီးရမိပြီးအမှတ်(၁)နယ်မြေရဲစခန်းတွင် တည်ဆဲဥပဒေနဲ့အညီ ထိရောက်စွာ အရေးယူနိုင်ရေး စီစဥ်နေကြောင်း သိရသည်။

#LocalNews
#TheMandalayTimes
#ဓါးခုတ်မှုဖြစ်ပွား
#အောင်မြသာစံ
#မန္တလေး

မန္တလေး ချမ်းသာကြီးဆန်လှူသင်းအနီးတွင် မီးလောင်မှုဖြစ် ပွားခဲ့ပြီး နေအိမ်(၃)လုံးခန့် မီးလောင်ဆုံးရှံးခဲ့ရ
အောက်တိုဘာ(၂၄)၊၂၀၂၄

မန္တလေးမြို့၊အောင်မြေသာစံမြို့နယ်၊၂၅လမ်းနှင့်၂၆ လမ်း ကြား၊လမ်း၉၀နှင့်၉၁လမ်းကြား၊ ချမ်းသာကြီးဆန်လှူသင်းအနီးတွင် အောက်တိုဘာလ၂၄ရက် ည နေ၅နာရီခန့်က မီး လောင်မှုတစ်ခုဖြစ်ပွားခဲ့ပြီး နေအိမ်၃လုံးခန့် မီးလောင်ဆုံးရှံးခဲ့ရသည်။

"လောင်တာ တအားမကြာလိုက်ဘူး။မီးလောင်တဲ့နေရာက ကြားထဲမှာ လမ်း အရမ်းကျဥ်းတယ်။ မီးသတ်လည်းအရောက်မြန်လို့ နေအိမ် ၃လုံးလောက်ပဲ မီးထဲ ပါသွားတယ်။ဘယ်ကနေ မီးဘယ်လို စလောင်တာလဲတော့ သေချာမသိဘူး။သကြားစက်အိမ်က စလောင်တာလို့တော့ ပြောနေကြတယ်"ဟုရပ်ကွက်နေပြည်သူတစ်ဦးက ပြောသည်။

မီးလောင်မှုဖြစ်ပွားရာကို Lv1အဆင့် ယာဥ်အုပ်စုများ ထွက် ခွာ မီးငြှိမ်းသတ်ပေးခဲ့ရကြောင်း သိရသည်။

#LocalNews
#TheMandalayTimes
#မီးလောင်မှုဖြစ်
#အောင်မြေသာစံ
#မန္တလေး

မန္တလေးတွင် ဆီမီး(၁၀၀၀၀)ထွန်းညှိပူဇော်ပွဲနှင့်အတူ သီ တင်းကျွတ် မီးထွန်းပွဲတော်ကို စည်ကားသိုက်မြိုက်စွာ ကျင်း ပသွားမည်
အောက်တိုဘာ(၁၄)၊၂၀၂၄

မန္တလေးမြို့၊နန်းမြို့ရိုးကျုံးထောင့်တွင် ဆီမီး (၁၀၀၀၀) ထွန်း ညှိပူဇော်ပွဲနှင့်အတူ သီတင်းကျွတ် မီးထွန်းပွဲတော်ကို အောက်
တိုဘာလ၁၇ရက်(သီတင်းကျွတ်လပြည့်နေ့)ညအချိန်မှာ စည် ကားသိုက်မြိုက်စွာ ကျင်းပသွားမည်ဖြစ်ကြောင်း မန်းစည်ပင်မှ သိရသည်။

"၁၃၈၆ ခုနှစ် သီတင်းကျွတ်လပြည့်နေ့ သီတင်းကျွတ်မီးထွန်း
ပွဲတော်ကို ကျုံးတောင်ဘက် ၂၆လမ်း ၆၆လမ်းမှာ ၇၃ လမ်း ကြား ကျုံးအပြင်မှာ ကျင်းပသွားမယ်။၂၆ လမ်းတစ်လျောက်မှာ ရောင်စုံမီးအလှတွေ ထွန်းပြီး အလှဆင်သွားမှာပါ။ ၂၆ လမ်း နဲ့ ၆၆ လမ်းထောင့်မှာ မုဒ်ဦးတစ်ခု ၇၃လမ်းနှဲ့၂၆ လမ်း ထောင့်မှာ မုဒ်ဦးတစ်ခု မုဒ်ဦး ၂ခုနဲ့ ခမ်းနားထည်ဝါစွာကျင်းပ သွားမှာဖြစ်ပါတယ်။ဖွင့်ပွဲအခမ်းအနားကို ၂၆လမ်းနဲ့၆၆ လမ်းထောင့်မှာ လပြည့်နေ့ ညနေ ၆ နာရီမှာ စတင်ဖွင့်လှစ်တာနဲ့ မီးရှူးမီးပန်းတွေ နဲ့ သီကျွတ်အလှ ကို ဖော်ကျူးသွားမှာပါ။တစ်ဆက်တည်းကျုံးထောင့်မှာ ပုံဂံရွှေစည်းခုံ ပုံတူ စေတီမှာ ဆီမီးတစ်သောင်း ထွန်းညှိပူဇော်သွားမှာပါ။ မြို့တော်စည် ပင်သာယာရေးကော်မတီ ရုံးကြီး ဖျော်ဖြေရေး မဏ္ဍပ်မှာ နိုင်ငံ ကျော် အဆိုတော်တွေ နဲ့ မြို့ခံ အဆို တော်တွေ က မန်းစည် ပင်ခေတ်ပေါ်တေးဂီတ အဖွဲ့ နဲ့ ပွဲတော်လာ ပြည်သူများကို ဧည့်ခံ ဖျော်ဖြေသွားမှာပါ။၂၆လမ်း ၊၆၆လမ်းနဲ့၇၃လမ်းကြား တစ်လျောက် ပျော်ပွဲရွှင်ပွဲကစားစရာများ၊ဈေးပွဲတော်ဆိုင်များ၊စတုဒီသာ မဏ္ဍပ် ၁၂ခုတို့နဲ့ ညနေ ၆နာရီက နေ ၁၀ နာရီထိ ပွဲတော်လာ ပြည်သူများ ကို စတုဒီသာများနဲ့ ဧည့်ခံသွားပါမယ်"ဟု မန်းစည်ပင် ပြည်သူ့ဆက်ဆံရေးနှင့်ပြန်ကြားရေးဌာနမှူး ဦးတင်ထွန်းဦးမှ ပြောကြားခဲ့သည်။

ထို့အပြင် သီတင်းကျွတ်လပြည့်နေ့တွင် မန္တလေးမြို့ တွင်းရှိ မဟာမုနိ ဘုရားကြီး၊ စွယ်တော်ဘုရား၊ အောင်တော်မူ၊ မန္တလေးတောင်တော်၊ ကုသိုလ်တော်ဘုရား စသည့် အထင် ကရ ဘုရားစေတီများနှင့် ရပ်ကွက် အလိုက် ဓမ္မာရုံများတို့မှာလည်း ဆီမီးပူဇော် စတုဒီသာများ ကျွေးမွေးမယ့်အစီအစဥ်များရှိကြောင်း သိရသည်။

#LocalNews
#TheMandalayTimes
#သီတင်းကျွတ်
#မီးထွန်းပွဲတော်
#ကျင်းပမည်
#မန္တလေး

မန္တလေး ဂေါဝိန်ဆိပ်ကမ်းတွင် ကုန်တင်သင်္ဘောတစ်စီး မီးလောင်မှုဖြစ်ပွား
အောက်တိုဘာ(၁၄)၊မန္တလေး

မန္တလေးမြို့၊မဟာအောင်မြေမြို့နယ်၊စိန်ပန်းရပ်ကွက်၊ကမ်း နားလမ်း၊ဂေါဝိန်ဆိပ်ကမ်းတွင် အောက်တိုဘာလ ၁၄ ရက် မွန်းလွဲ၁နာရီခွဲခန့်က ကမ်းကပ်ပြီးကုန်တင်နေသည့် ကုန်တင်သင်္ဘောတစ်စီး မီးလောင်မှုဖြစ်ပွားခဲ့သည်။

"သင်္ဘောအတွင်းထဲမှာ လှိုက်လောင်နေတာ။အုန်း ဆိုတဲ့ ပေါက်ကွဲတော့ကြားလိုက်မိတယ်။မီးငြှိမ်းသတ်ပေးတဲ့ မီး သတ်တပ်ဖွဲ့ဝင်တွေ ဒဏ်ရာရသွားမှာတော့ စိုးရိမ်မိတယ်။သင်္ဘောပေါ်မှာ ဘိလပ်မြေအိပ်တွေ အပြည့်တင်ထားတာတွေ့မိတယ်"ဟု ကမ်းနားလမ်းနေပြည်သူတစ်ဦးက ပြောသည်။

မီးလောင်မှုကို Lv1အဆင့် သတ်မှတ်ပြီးမဟာအောင်မြေမြို့ နယ်အတွင်းက သန္ဓေနှင့်အရန် မီးသတ်တပ်ဖွဲ့ဝင်များမှ မီးငြှိမ်းသတ်ယာဥ်၊ရေသယ်ယာဥ်များနှင့်အတူ မီးငြှိမ်းသတ်ပေးလျှက်ရှိသည်။

#LocalNews
#TheMandalayTimes
#သင်္ဘောမီးလောင်
#ဂေါဝိန်ဆိပ်ကမ်း
#မဟာအောင်မြေမြို့နယ်
#မန္တလေး

၁၃၆ကြိမ်မြောက် ဗုဒ္ဓပူဇနိယပွဲတော်ဖွင့်ပွဲအခမ်းအ နားကျင်းပ (ရုပ်သံ)
အောက်တိုဘာ(၁၀)၊မန္တလေး

မန္တလေးမြို့၊မန္တလေးတောင်ခြေရှိ မဟာသကျမာရဇိန် ကျောက် တော်ကြီးဘုရားရဲ့ ၁၃၆ကြိမ်မြောက် ဗုဒ္ဓပူဇနိယပွဲတော်ဖွင့်ပွဲအခမ်းအနားကို အောက်တို ဘာ ၁၀ရက် မနက်ပိုင်းက ဘုရားအရှေ့မုခ်မှာ ကျင်းပပြုလုပ်ခဲ့ပါတယ်။

၁၃၆ကြိမ်မြောက် ဗုဒ္ဓပူဇနိယပွဲတော်ကျင်းပပြုလုပ်ခဲ့တာနဲ့ပတ်သက်ပြီး မဟာသကျမာရဇိန် ကျောက်တော်ကြီးဘုရားဘဏ္ဏာတော်ထိန်းဂေါပကအဖွဲ့ဥက္ကဌအဂ္ဂမဟာသီရိသုဓမ္မမဏိဇောတဓရဒေါက်တာဦးကျော်ဝင်းနဲ့တွေ့ဆုံ ရိုက်ကူးတင်ဆက်လိုက်ရပါတယ်။

#LocalNews
#TheMandalayTimes
#Interview
#ကျောက်တော်ကြီး
#ဘုရားပွဲ
#မန္တလေး