Sarvar Mirzo

Sevib sevdirolmadim🥺

Aytdim dilda zorimni
Berdim balki borimni
Tanlab topgan yorimni
Sevib sevdirolmadim

O'yinchoq qildi bizni
Be yurak bildi bizni
Ko'ngil berib u qizni
Sevib sevdirolmadim

Ko'r bo'libdi ko'zlarim
Ko'pdir kamu ko'stlarim
Nima qilay do'stlarim
Sevib sevdirolmadim

Yomonni yahshi bilib
Qoldimku bag'rim tilib
Qancha harakat qilib
Sevib sevdirolmadim

Quyosh eritar qorni
Hofiz chertadi torni
Menchi bitta dildorni
Sevib sevdirolmadim

Boshim egik bo'ldi ham
Tutolmay qo'ldan mahkam
Qay yigitdan nimam kam
Sevib sevdirolmadim

Joni sog' bo'lsin omon
Ketding boylik pul tomon
Alam qilgani yomon
Sevib sevdirolmadim

Sarvar Mirzo so'ylama
Qiynab dilim o'rtama
Dardimni xech o'ylama
Sevib sevdirolmadim

Muallif✍Sarvar Mirzo
❌️Muallif ruxsatisiz foydalanilmasin

https://t.me/Sarvar_Mirzo

Onamdur

Yo'llarim yoritsin oy quyosh
Ko'rganim zulmatu olamdur
Mayliga bo'l sam ham bag'ritosh
Meni odam qilgan onamdur


Dushmanlar ovvora chog' qazib
Chin do'stim bor bitta donamdur
Yiqilsam qo'ydilar turg'azib
Meni odam qilgan onamdur


Nelarni hom hayol surarman
Duogoy mehribon lalomdur
U sabab gerdayib yurarman
Meni odam qilgan onamdur


Sochlari oqargan bo'lsa ham
Har oqi mening dard tolamdur
So'zimga ayrimlar kulsa ham
Meni odam qilgan onamdur


Shoirga siz nazar qilsangiz
Sherlarga qul qilgan qalamdur
Kimni deb nom oldim bilsangiz
Meni odam qilgan onamdur


Bo'yidan ortibman bo'ylasam
Deydilar polvonim bolamdur
To'g'risi shularni o'ylasam
Meni odam qilgan onamdur


Men qanday o'g'ilgan oh-u voh
Kechirim suray bu nolamdur
Bariga Allohimdir guvoh
Meni odam qilgan onamdur


Ketgim kelar yo'llar bepayon
Yomonlar azobi alamdur
Sarvar Mirzo qiladi ayon
Meni odam qilgan onamdur

Muallif.✍Sarvar Mirzo

Sarvar Mirzo

Assalomu Alaykum men uchun aziz va Qadirli bo'lgan duogo'yim onajonim sizni bugungi tavvalud ayomingiz bilan chin qalbimdan muborakbot etaman mehri ummon volidam shu yoshga yetishimda shu kunlarini ko'rishimda mehnati va hissasi eng ko'p singan bu yo'lda qiyinchiliklar Va Og'riqlarni pisand etmagan hatolarimni o'chirib qalbi og'rib turgan bo'lsada kulib qaragan men uchun jonini jabborga berib barcha injiqliklarimni ko'tarib bizning kulguyimiz yo'lida o'zining imkoniyatlaridan Vos kechgan mehribon onajonim sizni mehringizni sizni g'amg'orligingizni hech narsa bilan qiyoslab bo'lmaydi onalarni shunday raximdil va g'amg'or qilib yaratgani uchun yaratganga hamdlar aytaman men va singlim bahtiga sog' va salomat bo'ling har kuningiz bahtga quvonchli lahzalarga boy bo'lsin qalbingiz va yuzingiz doim shodlikdan porlab tursin sizdek insonni farzandi bo'ganimdan fahirlanaman g'ururlanaman ilohim nasib etsa hoji onalar safida bo'lishingizga vada beraman
Hurmat bilan shoir og'lingiz
Sarvar Mirzo✍

Sarvar Mirzo

Sevmay har balo bo'lay

Neda o'tdi xatoyim,
Yig'layinmi yo kulay?
Ayb o'zimda, Xudoyim,
Sevmay har balo bo'lay...

Yaxshi bildim o'zimcha,
Mehrim kammidi shuncha?
Omadsiz mana buncha,
Sevmay har balo bo'lay.

Go'yoki yetmas havo,
Dardimga yo'qdek davo,
Topganim bir bevafo,
Sevmay har balo bo'lay.

Uzildi dilning tori,
Jondan o'tdi ozori,
U boylarning xushtori,
Sevmay har balo bo'lay.

Bekor qalbni o'yib man,
Iboliga yo'yib man,
Bilmay ko'ngil qo'yibman,
Sevmay har balo bo'lay.

Shamg'alatib ko'zimni,
Boshqaribdi so'zimni,
Qarg'ayman-da o'zimni,
Sevmay har balo bo'lay.

Ko'pga bormay o'ldi his,
Lek yurakda qoldi iz,
Uchramadi yaxshi qiz,
Sevmay har balo bo'lay.

Dunyo buncha tor ekan,
Oshiq g'arib xor ekan,
Hali menga bor ekan,
Sevmay har balo bo'lay.

Bu ham hayot maktabi,
Eh, adashmang men kabi,
Sarvar Mirzo sen kabi
Sevmay har balo bo'lay!

Muallif✍Sarvar Mirzo
❌Muallif ruxsatisiz foydalanilmasin
https://t.me/Sarvar_Mirzo

Ko'ndik😔🥺

Yaxshi kun baxtlilik onimiz ekan
Yomon kun bir pasda lovullab so'ndik.
Haliyam, o'lmagan jonimiz ekan,
Taqdirning zarbiga kuldik-u, ko'ndik.

Boshdan kechganini kerak tan olish,
Faqatgina mumkun Xudoga solish.
Bu yo'lda chidash bor - ketmaydi nolish!
Taqdirning zarbiga kuldik-u, ko'ndik.

Yig'lasak, siqtasak, qo'yilmadi chek,
Sizladik, sinadik, saqlab ancha kek.
Kuchimiz yetmadi demasak-da, lek
Taqdirning zarbiga kuldik-u, ko'ndik.

Yasharkan hamma ham ekkanin o'rib
Hech kimsa o'tirmas dardingni so'rib,
Sinalib, hayotda har neni ko'rib,
Taqdrining zarbiga kuldik-u, ko'ndik.

Yashasang, qo'ymaydi g'amingni yeya,
Indamay yurasan tilingni tiya,
Xudo bas kelmasa bekor-ku deya,
Taqdirning zarbiga kuldik-u, ko'ndik.

Xayolot shahrida kunlar botsa ham,
Adolat ko'rmayin ensa qotsa ham,
Gapirmay jim turib toshin otsa ham,
Taqdirning zarbiga kuldik-u, ko'ndik.

Sarvar Mirzo sodda faqirdek g'arib,
Aytadi: dard bulsa, qoladi arib.
Yengilish so'zini esdan chiqarib,
Taqdirning zarbiga kuldik-u, ko'ndik!

Muallif✍Sarvar Mirzo
❌️Muallif ruxsatisiz foydalainilmasin

Sarvar Mirzo

🔥Tushdim sevgi qopqoniga

Dard alamlar ketmas arib,
Yurak to'ydiku joniga.
O'zi to'g'ri yo'l axtarib,
Tushdim: sevgi qopqoniga

Ishq azobi sinar doshim,
Jafo ko'rib ko'zda yoshim,
Endi qayga uray boshim,
Tushdim: sevgi qopqoniga

Yorim boylik tomon bo'ldi.
Rangi ro'yim somon bo'ldi.
Ex o'zimga yomon bo'ldi.
Tushdim: sevgi qopqoniga

Firoq yuki netay? jilmas.
Baxt degan xis nazar qilmas.
Birov bilib, birov bilmas.
Tushdim: sevgi qopqoniga

Endi yengib, yiqolmayman.
Bag'rim ezib, siqolmayman.
Bu zindondan chiqolmayman.
Tushdim: sevgi qopqoniga

Ko'rindi tor yer-u fazo,
Har ishimga oldim jazo,
Yordam bergin! Sarvar Mirzo
Tushdim: sevgi qopqoniga

Muallif✍Sarvar Mirzo
26.06.2024
❌Muallif ruxsatisiz foydalanilmasin

Sarvar Mirzo

Onamdan qarzim bor

Tun-u kun duoda boshingda
G'am cheksang yoningda qoshingda
O'g'ilsan har qaysi yoshingda
Onangdan hali ko'p qarzing bor
Hajlarga yuborish farzing bor

Sanamlar aqlingni shoshirsa
Sohta do'st shiddating oshirsa
Bir inson nuqsoning yashirsa
Onangdan hali ko'p qarzing bor
Hajlarga yuborish farzing bor

Quyoshsiz tonglar ham otmaydi
Ilondek pinjingda yotmaydi
Dusting shu siringni sotmaydi
Onangdan hali ko'p qarzing bor
Hajlarga yuborish farzing bor

Kechiksang yulingni kutguvchi
Bolam deb qulingdan tutguvchi
Erkalik shoxliging yutguvchi
Onangdan hali ko'p qarzing bor
Hajlarga yuborish farzing bor

Har onda holini so'ragin
G'animat ko'ngliga qaragin
Farzandsan kuniga yaragin
Onangdan hali ko'p qarzing bor
Hajlarga yuborish farzing bor

Sarvarsan Shoirlar mirzosi
Sheriyat yulining shaydosi
Hayotning tugamas g'avg'osi
Onangdan hali ko'p qarzing bor
Hajlarga yuborish farzing bor

✍Sarvar Mirzo
❌Muallif ruxsatisiz foydalanilmasin
https://t.me/Sarvar_Mirzo

:)
🫡


✨ 𝐓𝐞𝐥𝐞𝐠𝐫𝐚𝐦 | Sarvar Mirzo

Sarvar Mirzo

Yangilik🔥

Faqatgina bir kun🫵
She'rlar narxi mutlaqo skidkada🤩

Har qanday mavzudagi yozilgan she'rlarni 700.800....1000❌Emas

500mingdan✅
Ideyali she'rlarni 600mingdan✅
Hamyon bop narxlarda olishingiz mumkun

Eslatib o'tamiz🗣
1.Aytilgan narxlardagi zakas qabul qilinmaydi
2.Kutishli vaqt surok olinmaydi
3.Bu xabar kanalga joylangan paytdan
boshlab
Erta kechki soat⌛️12:00 gacha amal qiladi

📌Hullas ixtiyoriy olgan oldi olmagan yo'q shoshiling🚀

Murojat uchun☎️
@Mirzosarvar

Sarvar Mirzo

Севмайдиган бўлганмиз, шукур

Нима кўрдик шунчалар суйиб,
Устун келди яхшиям ғурур.
Жафолардан тилимиз куйиб,
Севмайдиган бўлганмиз, шукур.

Текканида ошиқ мансаби,
Таълим берди ҳаёт мактаби,
Тавба қилган одамлар каби
Севмайдиган бўлганмиз, шукур.

Кўплар кетди юракни ўйиб,
Биз ҳам ахмоқ яхшига йўйиб,
Кўриб-кўриб, баридан тўйиб,
Севмайдиган бўлганмиз, шукур.

Ҳаёт бунча тор экан дея,
Пули йўқлар хор экан дея,
Ҳали бизга бор экан дея,
Севмайдиган бўлганмиз, шукур.

Мен севгандек севолмасмикан,
Санчиб кетди наштар-у тикан.
Қизлар шундай бевафо экан,
Севмайдиган бўлганмиз, шукур.

Керак эмас ошиқлик номи,
Тўлиб бўлди сабирнининг жоми,
Ҳоли аён Сарвар Мирзони,
Севмайдиган бўлганмиз, шукур.

Муаллиф✍Сарвар Мирзо
❌️Муаллиф рухсатисиз фойдаланилмасин

💫Telegram @Sarvar_Mirzo


✨ 𝐓𝐞𝐥𝐞𝐠𝐫𝐚𝐦 | Sarvar Mirzo

Alloh bilsa bas😔

Yomonni ham yomon bilmayman
Qastlashsalar bo'lar bir kun pas
Men sizlarga isbot qilmayman
Kimligimni Alloh bilsa bas

O'lgunimcha yashayman toki
Oxirgi kun bugunim yoki
Yaxshiman ham demay xattoki
Qandaylim Alloh bilsa bas

Yuragim lov urib turibdi
Oyog'im sog' yurib turibdi
Har ishimni ko'rib turibdi
Amalimni Alloh bilsa bas

Egri yo'ldan yurmadim daydib
Uzoq ketdim ortimga qaytib
Faydasi yo'q sizlarga aytib
Taqdirimni Alloh bilsa bas

Boshginamdan arimaydi g'am
Qurg'oq ko'zim bo'laverar nam
Achinmangiz ne bo'lganda ham
Sinalganim Alloh bilsa bas

Sevgi dardi qonimga qorar
Ayrimlar bor dardlarin yorar
Banda raxmi qaygacha borar
Hol ahvolim Alloh bilsa bas

Vafo qilmas do'sti yor layli
Xo'rsinmoqni paytidir ayni
Yordamimni ko'rmasin mayli
Savobimni Alloh bilsa bas

Kibr to'nin kiymang qatma qat
Faqir deya qilmangiz tuxmat
Unga ayon faqat va faqat
To'g'riligim Alloh bilsa bas

Pul kuchida o'zicha shersiz
Oq suyakmas tuproqsiz yersiz
Maqtab maqtab odammas dersiz
Mo'minligim Alloh bilsa bas

Ichingiz ham qorong'u tunday
Bunday yashab bo'lmaydi bunday
Sarvar Mirzo sher yozdi shunday
Haq so'zimni Alloh bilsa bas

Muallif✍Sarvar Mirzo
26.09.2022. 22:01
❌️Muallif ruxsatisiz foydalanilmasin
https://t.me/Sarvar_Mirzo

Boyni qizi👊
Iltimosga binoan

Boqolmas deb xayol surib
Boshga yetdi oyni qizi.
Men-la shuncha yurib-yurib,
Boyga ketdi boyni qizi.

Qo'llaridan ushlolmadim,
Ko'ngilchasin xushlolmadim.
Nag'masiga tushnolmadim,
Boyga ketdi boyni qizi.

Tinglab yurak nolasini,
Sezmadim ich olasini.
Izlab zo'rlar bolasini,
Boyga ketdi boyni qizi.

Men g'aribni so'zim chopib,
Darvozasin qulfin yopib,
Qaydan bo'lsa tengin topib,
Boyga keydi boyni qizi.

Qo'lim kalta - yutolmadi,
Balki so'zdan o'tolmadi.
Omadimni kutolmadi,
Boyga ketdi boyni qizi.

Mayli, yo'qol, so'z demasman!
Endi hecham pand yemasman.
Sevgisiga zor emasman,
Boyga ketdi boyni qizi.

Bir kun qolar afsus qilib,
Yashayverar bag'rin tilib.
Tillo zarni baxt deb bilib,
Boyga ketdi boyni qizi.

Unga chiqar kazo-kazo,
Tegaversin so'rmay rizo.
O'zing qolding Sarvar Mirzo,
Boyga Ketdi boyni qizi.

Muallif✍Sarvar Mirzo
❌Mualliflik huquqi qonun himoyasida.
Ruxsatsiz foydalanilmasin.

https://t.me/Sarvar_Mirzo

🔥Ўпкаламанг

Одамлардан ҳақигизда сўраб шу кун,
Гап сўзлари қилган еди ахволни танг.
Худо истаб ўз кўзимда кўрдим бугун,
Енди сизни севолмайман: ўпкаламанг


Кўпга бормай сабр жомин тўлдирдингиз,
Қўлда гулим бевақт хазон сўлдирдингиз,
Хисларимни билиб билмай ўлдирдингиз,
Бевафони севолмайман: ўпкаламанг


Ёйиб келманг сочларингиз тарамайман,
Ёлғон сўзга тоқатим йўқ ярамайман,
Сиз қараманг мен ҳам сизга қарамайман,
Рости сизни севолмайман: ўпкаламанг


Жондан ўтди бевафолик озорингиз,
Гавжум екан савдо чаққон бозорингиз,
Енди йўқсиз юрагимда мозорингиз,
Чиндан сизни севолмайман: ўпкаламанг


Зўрга қўнинг озод еркин қушдай учиб,
Ермак ахир зерикмайсиз бойни қучиб,
Юзга айтдим ҳайронгина қолманг чўчиб,
Жафокашсиз севолмайман: ўпкаламанг


Не бўлса ҳам омон бўлинг майли ҳорманг,
Ёлғон сўйлаб гуноҳ йиғиб сира толманг,
Йўлларимга интиқ бўлиб кутиб қолманг,
Чақирсангиз боролмайман: ўпкаламанг


Сарвар Мирзо Араз қилса ярашмайди,
Гапларимни телба монанд санашмайди,
Худо сизга шоир ёрдан қарашмайди,
Минг ҳоҳланг-у севолмайман: ўпкаламанг

Муаллиф✍Сарвар Мирзо
29.06.2024
❌Муаллиф рухсатисиз фойдаланилмасин

Sarvar Mirzo

🔥Bo'larkan

Anglab yetdim yo'llarimiz boshqadur,
Aldab bizni ko'ngilchangiz to'larkan.
Ey bevafo qalbiga o't tushmagur,
Xiyonatdan dars bersangiz bo'larkan.

Suyib suymay boshga yetar ekansiz,
Sal yoqmasak tashlab ketar ekansiz,
Holimizni abgor etar ekansiz,
Xiyonatdan dars bersangiz bo'larkan.

Doningizni jafokashlar cho'qiydi,
Tillaringiz tinmay yolg'on to'qiydi,
Zo'r ustasiz aniq ko'plar o'qiydi,
Xiyonatdan dars bersangiz bo'larkan.

Kulib qo'ydim ko'zlarimda nam emas,
O'ylamang hech o'ylaydigan g'am emas,
O'zingizga o'xshaganlar kam emas,
Xiyonatdan dars bersangiz bo'larkan.

So'zim tinglab ne oshiqlar qoldi jim,
So'raydilar seni xarob etdi kim,
Qoyil sizga ustozlikka loyig'im,
Xiyonatdan dars bersangiz bo'larkan.

Qo'ymadingiz nazarga ilmaganga,
Jafo qilib jafolar qilmaganga,
Shularni ham o'rgatib bilmaganga,
Xiyonatdan dars bersangiz bo'larkan.

Sarvar Mirzo holi tang bir bemador,
Bemador-ki naryog'i yo'q bemajol,
Uyalmasdan tortinmasdan bemalol,
Xiyonatdan dars bersangiz bo'larkan.

Muallif✍Sarvar Mirzo
❌Muallif ruxsatisiz foydalanilmasin
23.09.2024.

Sarvar Mirzo

Savobim yo'q (iltimosim o'qing)
Tasirli sher🥺🥺🥺
Talablarga Binoan she'r qayta joylanmoqda

Umrim o'tdi, shoir degan nomni oldim,
Baland- pas bu yerda yurib charchab, toldim,
Lekin endi o'lishdan ham qo'rqib qoldim,
Qiyomatda savollarga javobim yo'q,
Jannatlarga eltadigan savobim yo'q.

Xatolarni bilib bilmay qilgan o'zim,
Guvohligin berar xatto ikki ko'zim,
Yolg'on demang yolg'on emas rostdir so'zim,
Qiyomatda savollarga javobim yo'q,
Jannatlarga eltadigan savobim yo'q.

Zo'rman deya g'ururlanib yurgan bilan,
She'rlar yozib ko'kragimga urgan bilan,
Bo'yi bastim qaddim baland turgan bilan,
Qiyomatda savollarga javobim yo'q,
Jannatlarga eltadigan savobim yo'q.

Endi dardim yupatolmas may-u sharob,
Boshim tengi, gunohlarim etsa xarob ,
U dunyoni jazolari emas sarob,
Qiyomatda savollarga javobim yo'q,
Jannatlarga eltadigan savobim yo'q.

Kimman ahir, insonlarni bag'rin tilsam,
Bo'lmasmidi, odamlarga yordam bersam,
Shaytonga qul ekanmanda endi bilsam,
Qiyomatda savollarga javobim yo'q,
Jannatlarga eltadigan savobim yo'q.

O'lganingda so'ngi manzil, qabring kurar,
Taning yuvib, oq kafanga chirmab o'rar,
Amaling ayt, deydi, bir kun shuni so'rar,
Qiyomatda savollarga javobim yo'q,
Jannatlarga eltadigan savobim yo'q.

Balki umrim payoni ham yetsa to'lib,
Lolaginam ochilib tur qolma so'lib,
Yashab o'tdim, Shoir Sarvar Mirzo bo'lib,
Ammo hali savollarga javobim yo'q,
Jannatlarga eltadigan savobim yo'q.

Muallif.✍Sarvar Mirzo
❌️Muallif ruxsatisiz foydalanilmasin
Qo'shiq uchun berilgan

Sarvar Mirzo

Sarvar Mirzo

Ey Do'st😔
#Qushiquchun
Iltimosga binoan yozildi

Zo'rman deb qaddimga urganim bilan
Balanda mag'rurdek turganim bilan
Hayotda beg'amdek yurganim bilan
Kulguyim yolg'onchi ishonma ey do'st


Mendayin hayotni kezmagandirsan
Dushmandek yuragim ezmagandirsan
O'zing bilan bo'lib sezmagandirsan
Kulguyim yolg'onchi ishonma ey do'st


Yonimda yondoshim o'zingku mardim
Dilimdan o'chsaydi og'riqli gardim
Ustimda shodonman ichimda dardim
Kulguyim yolg'onchi ishonma ey do'st


Bazida yaqindek tuyilar samo
Ko'rganlar o'zicha bahtli der ammo
Boshimda aylanar qancha muammo
Kulguyim yolg'onchi ishonma ey do'st


Rost gapir hech qachon so'zing chopilmas
Be kerak bo'lmaysan eshik yopilmas
Mendaku nuqson bor davo topilmas
Kulguyim yolg'onchi ishonma ey do'st


Yorim bosib o'tdi bergan gulimni
Sevar ekan faqat mansab pulimni
Ne qilay ko'rganman ancha zulimni
Kulguyim yolg'onchi ishonma ey do'st


Qochib bo'lmas ekan odamdan eldan
Boshqa sirim bormi yashirib sendan
Ochiq oydin aytay so'rasang mendan
Kulguyim yolg'onchi ishonma ey do'st


Bu hayot shundayin yashirin hilqat
Boyligu zariga berilma faqat
Yolg'on bo'lgan kabi bordir haqiqat
Kulguyim yolg'onchi ishonma ey do'st


Yomonlar tortilsa bir kun jazoga
O'rin qolmay qolar hech ham nizoga
Agarda ishonsang Sarvar Mirzoga
Kulguyim yolg'onchi ishonma ey do'st

Muallif✍Sarvar Mirzo

https://t.me/Sarvar_Mirzo

Yurakdan sevishni eplolmayapmiz😔

Balki mendan senga nimadirlar kam
Nolishlaring barin qilib qo'ygin jam
Rostini aytaman nima bo'lsa ham
Yurakdan sevishni eplolmayapmiz


Sen mendan uzoqda men sendan nari
Muhabat bor edi bilsang ilgari
Bizlar balki Layli majnun singari
Yurakdan sevishni eplolmayapmiz


Rashkchimiz ikkimiz qalbimiz yara
Har kuni yangicha nag'mamiz sara
Bu bir saxna emas hayotiy qara
Yurakdan sevishni eplolmayapmiz


Yolg'onni so'zlaydi qo'shlari kamon
Pul bulsa sevilmoq qandayin zamon
Har narsa o'rganib oldig-u hamon
Yurakdan sevishni eplolmayapmiz


Yig'lama agarda bag'ringni tilsam
Ko'ngli yo'q degani yoningdan jilsam
Chetdan nazar qilib to'g'risi bilsam
Yurakdan sevishni eplolmayapmiz


Ozorlardan sovib boryapmiz sekin
Sevgimiz narxlansa juda suv tekin
Tan ololmayapmiz haqiqat lekin
Yurakdan sevishni eplolmayapmiz


Urishib yarashib qaytdik bir muncha
Oshiq-moshiq bo'lish qiyinmi buncha
Qancha harakatlar qilsak ham shuncha
Yurakdan sevishni eplolmayapmiz


Sarvar Mirzo barin etadi bayon
Yo'limiz ayrodir ketadi qayon
Izohga hojat yo'q hammasi ayon
Yurakdan sevishni eplolmayapmiz

Muallif. ✍Sarvar Mirzo
❌️Muallif ruxsatisiz foydalanilmasin
https://t.me/Sarvar_Mirzo

Қўлингдан хеч келмади севиш

Истагинг не билмадим сени,
Кўнглинга йўл топилмас эмиш.
Эх ўзинга ўргатиб мени,
Қўлингдан хеч келмади севиш.

Атиргул деб қўлимда тикан,
Кимдан мени нимам? кам экан,
Камбағал бахт беролмасмикан,
Қўлингдан ҳеч келмади севиш.

Йўлингда зор ошиғинг эдим,
Вақт даволаб қоларми? дедим,
Афсуз бугун пандимни едим,
Қўлингдан ҳеч келмади севиш.

Айтчи... бевақт гулинг сўлдими?
Сабр жоми тошиб тўлдими?
Билмам шунча қийин бўлдими?
Қўлингдан ҳеч келмади севиш.

Майли қолдир ичимни ёқиб,
Кетавергин сойдайин оқиб,
Менга эмас бойларга боқиб,
Қўлингдан ҳеч келмади севиш.

Ишқ азобин ютганим билан,
Хижрон қўлин тутганим билан,
Мирзо бўлиб кутганим билан,
Қўлингдан ҳеч келмади севиш.

Муаллиф✍Сарвар Мирзо
25.02.2024
❌Муаллиф рухсатисиз фойдаланилмасин

https://t.me/Sarvar_Mirzo

🔥Do'stlar bo'ldik ikkimiz

Ishq dog'idan qochdigu,
Bo'zlar bo'ldik ikkimiz...
Sevgidan so'z ochdigu,
Do'stlar bo'ldik ikkimiz...

Baxt oniga yetolmay,
Dunyosin tark etolmay,
Begonadek ketolmay,
Do'stlar bo'ldik ikkimiz...

Soylar soyga oqmadi,
Taqdir kulib boqmadi,
Bizga sevgi yoqmadi,
Do'stlar bo'ldik ikkimiz...

Afsus tondik ont ichib,
Hayo pardasin yechib,
Oshiqlikdan vos kechib,
Do'stlar bo'ldik ikkimiz...

Hojat yo'q endi sirga,
Bo'lolmadik-ku birga,
Tanishib bir umrga,
Do'stlar bo'ldik ikkimiz...

Sarvar Mirzo tutma jom,
Sen so'rama gapim hom,
Ayrilib xullas kalom,
Do'stlar bo'ldik ikkimiz...

✍Sarvar Mirzo
23.07.2024
❌Muallif ruxsatisiz foydalanilmasin

Sarvar Mirzo

To'yingizni o'zim o'ynab qizdiraman😔
Premyera🔥🔥🔥

Kelmaydi deb tazim qilib turavering,
Aniq borib ko'z yoshingiz sizdiraman.
Ko'rsangiz bas! so'ng yuzingiz buravering,
To'yingizni o'zim o'ynab qizdiraman.

Cho'ntagimga solib bitta qalam bilan,
Yo'lga tushay ruhi qochgan tanam bilan,
Bir ammallab kulib yig'lab alam bilan,
To'yingizni o'zim o'ynab qizdiraman.

Istasangiz hofiz bo'lay o'lan aytib,
Ahir boshqa uchrashmaymiz keyin qaytib,
Ichganda ham to'yxonani topib daydib,
To'yingizni o'zim o'ynab qizdiraman.

Osmondagi oyim derdim boyga kimsiz?
Bollar tomib maqtang qani nega jimsiz?
Yaxshi yomon necha yillik sevgilimsiz,
To'yingizni o'zim o'ynab qizdiraman.

So'ngi bora yuring lola termaysizmi?
Ming martamas bir marta qosh kermaysizmi?
Taklifnoma berasiz yo bermaysizmi?
To'yingizni o'zim o'ynab qizdiraman.

Baxtli bo'ling boshlamayman nizoni ham,
Zeriksangiz aldang kazo-kazoni ham,
Sherik topdim olib Sarvar Mirzoni ham,
To'yingizni birga o'ynab qizdiraman.

Muallif✍Sarvar Mirzo
12.05.2024. 00:54
❌Muallif ruxsatisiz foydalanilmasin

Sarvar Mirzo