ስነ-ልቦናዊ መፍትሔ

+++ "አሁን ግን ክርስቶስ ላንቀላፉት በኩራት ሆኖ ከሙታን ተነስቷል:: ሞት በሰው በኩል ስለ መጣ ትንሣኤ ሙታን በሰው በኩል ሆኗልና:: ሁሉ በአዳም እንደሚሞቱ እንዲሁ ሁሉ በክርስቶስ ደግሞ ሕያዋን ይሆናሉና::" +++
(፩ቆሮ. ፲፭፥፳)
እንኳን  አደረሳችሁ አደረሰን

የተሻለ ውጤት የሚያመጡ  ተማሪዎች የአጠናን ልምዳቸው ምን ይመስላል❓

📢 12 ወሳኝ ነጥቦች

📖1 ጥናት ከመጀመራቸው በፊት ለምን ዓላማ እንደሚያጠኑ ቀድመው ዓላማ ያስቀምጣሉ።
ይህ ማለት ምን ለማወቅ እንደሚያጠኑ ቀድመው ያቅዳሉ።

📖 2 መፅኃፍ ገልጠው ጥናት ከመጀመራቸው በፊት ስለሚያጠኑት ርዕሰ ጉዳይ የራሳቸውን ግምት ያስቀምጣሉ። መፅሀፍ ገልጠው ጥናት ከጀመሩ በኃላ የነበራቸውን ግምት እያጠናከሩ...የተሳሳተው
ን እያስተካከሉ ይጓዛሉ።

📖3 ሲያጠኑ ያገኙትን አንኳር ነጥብ አጠር አድርገው ማስታወሻቸው ላይ ያሰፍራሉ።

📖4 አንብበው ለ መረዳት ያስቸገራቸውን ነጥብ /ሀሳብ/ ደጋግመው ያነባሉ....

📖 5 ጥናት ከ መጀመራቸው በፊት ማጥናት ስለ ፈለጉት ርእሰ ጉዳይ ጥያቄዎች ይፋጥራሉ። መፅኃፍ ገልጠው ጥናት ከጀመሩ በሃላ ለጥያቄዎቻቸው መልስ ይፈልጋሉ እንጂ ሁሉም ነገር በ ማንበብ ጊዜያቼውን አያጠፉም።

📖6 ሲያነቡ ያገኙትን አዲስ ሀሳብ ወይም መረጃ ከ አሁን በፊት ከሚያወቁት ጋር አብሮ ሊሄድ የሚችል መሆኑን እና አለመሆኑን ይመረምራሉ::

📖7 በ አንድ ጊዜ ብዙ ነገር ለ ማጥናት አይሞክሩም፡፡ በ አንድ ጊዜ ብዙ ነገር ለ ማጥናት መሞከር ትርፉ ድካም መሆኑን ተረድተውታል፡፡

📖8 ሁልጊዜም ቢሆን ለትምህርት ጉዳዮች የሚጠቀሙበት የተለየ ጊዜ አላቸው፡፡

📖9 ያሰቡትን ነገር ተግባራዊ ለማድረግ ቁርጠኝነት አላቸው...አያፈገፍጉም፣ አያቅማሙም፡፡

📖10 ሲያጠኑ የሚከብዳቸውን ክፍል ቅድሚያ ሰጥተው ያነባሉ፡፡

📖11 ተባብሮ በመስራት ያምናሉ፡፡ ያግዛሉ፣ ይጠይቃሉ፡፡

📖12 እራሳቸው ይገመግማሉ፡፡ ደካማ ጎናቸዉ በፍጥነት ያስተካክላሉ፡፡

ለመላው የእስልምና እምነት ተከታዮች እንኳን ለ1445ኛው የኢድ አል-ፈጥር በዓል አደረሳችሁ!

ኢድ ሙባረክ!

እያስተማረሽ ነው!
፨፨፨፨//////፨፨፨፨
እየጎዳሽ ከሆነ ከማንም ከምንም በላይ እያስተማረሽ ነው፤ ለስቃይ አሳልፎ ከሰጠሽ ከማንም በተሻለ እያጠነከረሽ ነው፤ ህመሙን ካበዛው፣ ቁስሉን ካሰረፀው ከምንም በላይ እያበረታሽና ለእድገት እያመቻቸሽ ነው። ማንም ሰው ከጉዳቱ ቦሃላ በፊነት እንደነበረው ሊሆን አይችልም፤ ከደረሰበት ስቃይ ቦሃላ በቀድሞ ማንነቱ አይገኝም። ወይም ተሰብሮ ይቀራል ወይም እራሱን ጠግኖ ጠንክሮና ተሽሎ ይመጣል። ማጣትሽን የበለጠ ለማግኘት ወደፊት ለመጓዝ የምትጠቀሚው ከሆነ እንደ መጥፎ ሳይሆን እንደ ጥሩ እድል እንድትመለከቺው ያደርግሻል። የቤተሰብሽ ያልተረጋጋ ህይወት ያንቺን የመፍትሔ ሰው መሆን የሚያሳይሽ ሊሆን ይችላል፤ በመስሪያቤትሽ የሚደራረብብሽ የስራ ጫና ጥንካሬሽን ለማጉላት ይሆናል፤ በአጋርሽ መከዳትሽ የክህደትን መጥፎነት ሊያስተምርሽ ይሆናል። መማር ለሚችል ሰው ከየትኛውም ክስተት ጀርባ ትምህርት አለ፤ ለመማር ፍቃደኛ ላልሆነው ደግሞ የከፋ ስቃይና መከራ ይጠብቀዋል። እወነታው ቢያሳምምሽ የምትድኚው ላለማመን በመታገል ሳይሆን አምነሽ እራስሽን ይበልጥ በማጠንከር ነው።

አዎ! ጀግኒት..! እያስተማረሽ ነው! እያሻሻለሽ፣ እያጠነከረሽ፣ እያበቃሽ፣ ከፍ እያደረገሽ ነው። ይህን አስታውሺ " ለመቻል እንጂ ችግርን ችሎ የተፈጠረ የለም፤ ስቃይን ለማለፍ እንጂ ተሰብሮ ለመቅረት ወደዚህ ምድር የመጣ የለም።" የሆነው ቢሆን እንዳይሆኑት የለምና ሁሉም በጊዜ ማለፉ የግድ ነው። በጊዜው ባደረግሽው ነገር እራስሽን ከመታዘብሽ በፊት በሰዓቱ ጠንካራ ሁኚ፤ ሁሉም የሚሆነው በአምላክ ፍቃድ እንደሆነ እመኚ። ዘላቂው የህይወት ትምህርት የሚገኘው ከእራሱ ከህይወት ፈተናና ችግር ብቻ ነው። ስቃይን የቀመሰ ያውቀዋል፤ ፈተናን የደረሰበት ይረዳዋል። የማትፈርጂው በእራስሽ ደርሶ ስታይው ብቻ ነው። ህመም በእራስ ሲደርስ እንደሚያንገበግበው፣ የህይወት ፈተናም ሲመጣና ሲደርስ ሙሉ አቅማችንን እንድንጠቀም ያደርገናል።

አዎ! ጀግናዬ..! አምላኩን የያዘ አፍሮ አያውቅምና እንደ አምላክ ፍቃድ አንተን ብሎ ለመጣ ችግር ምስጋናን አቅርብ። ስላልተጎዳህ አይደለም፤ ስላልታመምክ አይደለም፤ ስላልተሰቃየህም አይደለም፤ ከችግሩ በላይ በአምላክ ስለምታምን ነው፤ ፈጣሪ ሊሰጥህ በሚያስበው በረከት ስለምትተማመን ነው። አምላክ የሚወደውን ይፈትናል፤ በምክንያቱም ወደ እርሱ እንዲመጣ ያደርገዋል፤ መንገዱን ይመራዋል፤ በሩን ይከፍትለታል። የምድርን ፈታኝነት፣ የሰውን ክፋትና አጥፊነት ሳይሆን የአምላክን ድንቅ ማዳን ለእራስህ ደጋግመህ ንገረው። የማይገድል ችግር ችግር ብቻ ነው። በፈጣሪህ ካመንክና ከልብህ ካዋየሀው ደግሞ በጊዜው አስተምሮህ የሚጠፋ ነው። ከደረሰብህ ተማር፤ ከተደረገልህም ተማር። የህይወት ፈተናን የምትረታው በማልቀስ፣ አንገት በመድፋትና ተስፋ በመቁረጥ ሳይሆን በአምላክህ በመታመን፣ እለት እለት ጥንካሬን በመማፀንና እውነተኛውን አቅምህን አውጥተህ በመጠቀም እንደሆነ ተረዳ።

@counselingA

ሁሌም እንዴት ትቀልዳለህ?
፨፨፨፨፨/////////////፨፨፨፨፨
በሰዎች ስትከበብ ትቀልዳለህ፣ ታሾፋለህ፣ ትጫወታለህ፣ ብቻህን ስትሆን ግን ትቆዝማለህ፣ ታዝናለህ፣ ትብሰለሰላለህ፣ የገዛ ጭንቀትህ ያሰምጥሃል። ለሰዎች ስትታይ የደላው፣ የተመቸውና ደስተኛ ለመምሰል ትጥራለህ፣ ለእራስህ ግን እርካታህ የት እንዳለ ጠፍቶብሃል፣ እውነተኛውን የደስታህን ምክንያት ማወቅ አቅቶሃል፣ የውስጥ እርጋታህን ማግኘት ከብዶሃል። አብዛኛውን ጊዜህን በማይጠቅሙህ ነገሮች ማሳለፍ ታዘወትራለህ፣ የጊዜያቱን ዋጋ ቢስነት ብቻ ሳይሆን ያንተንም ድኩምነት ታጎላዋለህ። ለይስሙላ በመኖር ዋጋህን ብታሳንስ፣ ክብርህን ብታወርድና ለውድቀትህ በርን ብትከፍት እንጂ ለተሻለ ስፍራ መብቃት አትችልም።

አዎ! ጀግናዬ..! ሁሌም እንዴት ትቀልዳለህ? ሁሌም እንዴት ጊዜህን በቧልትና ጫወታ ታሳልፋለህ? ህይወት ቁብነገርን ትሻለች፣ በእያንዳንዱ እንቅስቃሴህ ጥንቃቄን፣ ዋጋ መክፈልን ትፈልጋለች። ሁሌም ከቀለድክባት እርሷም ነገ እንደምትቀልድብህ አትጠራጠር። ሁሌም ካፌዝክባት እርሷም ነገ በብዙ እጥፍ እደምታፌዝብህ እወቅ። ተደሰት፣ በአገኘሀው ነገር enjoy አድርግ፣ መንፈስህን አድስ ነገር ግን አብዛኛውን ጊዜህን ለቁብነገር አድርገው፣ ህይወትህን ኑሮህን ለሚቀይር ነገር፣ ነገህን ለሚያሳርፍህ፣ ለህልም፣ ለግብህ ስጠው። ውጪህ ስቆ ውስጥህ ቢያር፣ ላይህ አምሮ ነፍስህ ረፍት ብታጣ፣ ገፅህ አምሮበት ውስጥህ ቢጎሳቆል፣ ቆዳህ ሞቆት ነፍስህን ቢበርዳት ምንም ትርጉም የለውም፣ ረብ የለውም።

አዎ! ሁሌም እራስህን በቀልድ፣ በፌዝና በጫወታ እየሸወድክ መኖር አትችልም።  አንድ ቀን ውስጥህ የምሩን ይጠይቅሃል፣ አንድ ቀን ከእራስህ ጋር በግልፅ ትፋጠጣለህ። "እስከ ዛሬ ለእኔ ምን ሰራህ" ይልሃል፤ ያኔ ምላሽህ ምን ሊሆን ይችላል? አስብበት። ህይወት ከቀለድክባት ትቀልድብሃለች፤ ካሾፍክባት ታሾፍብሃለች፤ ከሰራህባት ትሰራሃለች፤ ከለፋህባት ታነግስሃለች። የህይወት ቀመር ይሄው ነው፤ ፈለክም አልፈለክም የዘራሀውን ታጭዳለህ። ታታሪነትን ዘርተህ ስኬትን ለማጨድ ተዘጋጅ፤ ቅንነትን ዘርተህ መልካምነትን ለማጨድ ተጋጅ፤ ምስጋናን ዘርተህ ደስታን ለማጨድ ተዘጋጅ፤ ብርታትን ዘርተህ ጥንካሬን ለማጨድ ተንደርደር።
@counselingA

የሴክስ ፍላጎት ልዩነት በፆታዎች
====================
በትዳር ውስጥ አለመግባባት ከሚፈጥሩ ጉዳዎች ዋናዎቹ የገንዘብ አወጣጥ፣ የልጆች አስተዳደግ፣ ተነጋግሮ አለመግባባት፣ የአማቶች ጣልቃ ገብነትና በሴክስ ዙሪያ የሚከሰቱ ችግሮች ናቸው። ከነዚህ ውስጥ ምናልባትም በሴክስ ዙሪያ የሚፈጠሩ ችግሮች ትልቅ ድርሻ ይይዛሉ።

በፆታዎች መካከል ያለውን ልዩነት መረዳት ችግሮች እንዳይፈጠሩ ለማድረግ፣ ሲፈጠሩም ለመፍታት ስለሚረዳ በKaplan & Sadock Synopsis of Psychiatry 11th edition የተቀመጠው እንደሚከተለው ተተርጉሟል።

"የሴክስ ፍላጎት በሴቶችም በወንዶችም ላይ አለ። ስለ ሴክስ ምን ያህል ጊዜያት ያስባሉ? ወይም ከሴክስ ጋር የሚያያዙ ነገሮች ሲሰሙ/ሲያዩ ንቁ ይሆናሉ? የሚሉትን ከለካን በተፈጥሮ ወንዶች ላይ ከፍ ብሎ ይታያል። በሁለቱም ፆታዎች ሴክስ የሚያደርጉበት ምክኒያት በሴክስ ከሚገኘው ደስታ በተጨማሪ በሌሎች ምክኒያቶች ሊሆን ይችላል። እነዚህ ተጨማሪ ምክኒያቶች ከፍ ባለ ሁኔታ ሴቶች ላይ ይስተዋላሉ።

በሴቶች ላይ ከሚታዩት ተጨማሪ ምክኒያቶች ከአጋራቸው ጋር ያለቸውን መቀራረብ ለማጠናከር፣ አጋራቸውን ለማስደሰት፣ አጋራቸው ወደ ሌላ እንዳይሄድ ለማድረግ ይጠቀሳሉ።

ሁለቱም ፆታዎች ላይ ለሴክስ እንዲነሳሱ የሚያደርጉ ነገሮች ቢኖሩም አይነታቸው ልዩነት አለው። ወንዶች የተገለጠ ገላ ሲመለከቱ ስሜታቸው የሚቀሰቀስ ሲሆን ሴቶችን 'ሮማንቲክ' ሁኔታዎች ወይም ታሪኮች ስሜታቸውን ይቀሰቅሰዋል።"

በተጨማሪም አልጋ ላይ ያለው መግባባት ሌሎች ጉዳዮች ላይ ያለውን መግባባት እንደሚወስነው ሁሉ በሌሎች ጉዳዮች ላይ ያለው መግባባት እንዲሁ አልጋ ላይ ያለውን መግባባት ይወስነዋል። በሴክስ ዙሪያ የሚፈጠሩ ችግሮች ሰዎች ላይ ዲፕሬሽን፣ ጭንቀት እና የአእምሮ ውጥረት እንደሚያከስትሉ ሁሉ በተገላቢጦሹም ትክክል ነው።

እነዚህ ችግሮች ለመፍታት በትዳር ውስጥ ግልፅ ውይይት የሚያስፈልግ ሲሆን ጭንቀት የሚፈጥር ከሆነ የስነ ልቦና ባለሞያ ወይም የአእምሮ ሀኪም በማማከር ሞያዊ እገዛ ማግኘት ይቻላል።
@counselingA
@AsheGe23

ዶ/ር ዮናስ ላቀው

Pi is a new digital currency developed by Stanford PhDs, with over 47 million members worldwide. To claim your Pi, follow this link https://minepi.com/Ashe2157 and use my username (Ashe2157) as your invitation code.

ለመላው የኦርቶዶክስ ተዋህዶ እምነት ተከታዮች በሙሉ እንኳን ለጌታችን ለመድኃኒታችን ኢየሱስ ክርስቶስ የጥምቀት ከተራ በዓል በሰላም አደረሳችሁ!

ሰዎች ራሳቸውን ለምን ያጠፋሉ ?

(በዶክተር ኃይለልዑል መኮንን)

ራስን ማጥፋት ማለት ፦ አንድ ሰው ያለማንም ጣልቃ ገብነት ህይወቱን በራሱ ፍላጎት በተለያዩ ዘዴዎች ተጠቅሞ ራስን የመግደል ድርጊት ነው።

በዓለማችን ከ800,000 በላይ የሚሆኑ ሰዎች ራሳቸውን በየአመቱ ያጠፋሉ (World Health Organization) 79% ራስን ማጥፋት የሚፈፀመው ደግሞ ዝቅተኛ እና መካከለኛ ገቢ ካላቸው ሃገራት ነው።

ከ15-19 የ እድሜ ክልል ውስጥ ከሚገኙ ወጣቶች ህይወታቸውን ከሚያጡበት ምክንያቶች መካከል ራስን ማጥፋት በ ሶስተኛ ደረጃ ይቀመጣል።

ራሳቸውን ከሚያጠፉበት መንገዶች ውስጥ 20% የሚሸፍነው ደግሞ ገዳይ መርዞችን በመጠቀም ነው።

◾️ሰዎች ራሳቸውን ለምን ያጠፋሉ ?

አንዳንድ ግለሰቦች ራስን ማጥፋት  የሰይጣን ግፊት፣ የሞራል ግድፈት እንዲሁም ጥጋብ ይመስላቸዋል።

ነገር ግን ራሳቸውን ለማጥፋት ሞክረው ከከሸፈባቸው ሰዎች መካከል ለድርጊታቸው እንደዋና ምክንያት አድርገው የሚያቀርቡት ከዘጠና ፐርሰንት በላይ የሚሆኑት የጀርባ ታሪካቸው ሲጠና የአዕምሮ ህመም እንደነበረባቸው ጥናቶች ያሳያሉ።

◾️ራሳቸውን ለማጥፋት ተጋላጭ የሆኑ እነማን ናቸው ?

ራሳቸውን ለማጥፋት ከሚሞክሩ ግለሰቦች መካከል ከ 90% በላይ የሚሆኑት  አንድ የአዕምሮ ህመም ሊኖርባቸው ይችላል። ከዚህ ዉስጥም 80% የሚሆነው የድብርት በሽታ (Major Depressive Disorder) ይሸፍናል::

በተጨማሪ:-

- ከልክ ያለፈ ጭንቀት

- ቋሚ የሆነ አካላዊ ህመም (የስኳር፣ የነርቭ ፣ የካንሰር ህመም)

- ብቻቸውን የሚኖሩ ፣ከሌሎች ሰዎች ድጋፍ የማያገኙ ፣ያላገቡ

- ከቤተሰብ አባል ዉስጥ ከዚህ በፊት ራሱን ያጠፋ ሰው ካለ

- ከዚህ በፊት ራስን ለማጥፋት ሙከራ ያደረገ

- መጥፎ የህይወት ጠባሳ ያሳለፈ (መደፈር ፣ ጉልበት ብዝበዛ)

- እስረኞች

በአንፃሩ ተጋላጭነታቸዉ ይጨምራል ።

◾️ራሱን ለማጥፋት ያሰበ ሰው እንዴት ልናውቅ እንችላለን?

ከታች የተዘረዘሩት ግለሰቡ ራሱን ሊያጠፋ እንደሆነ  አመላካች ንግግሮች  ስለሚሆን ቤተሰብ ወይም የቅርብ ሰዉ ትኩረት ሊሰጥባቸዉ ይገባል:-

- ከፍተኛ የሆነ ተስፋ የመቁረጥ ስሜት እንዳላቸው አዘውትረው መናገር ፤

- ህይወት አሰልቺ እና አድካሚ እንደሆነ በተደጋጋሚ መናገር ፤

- ለቤተሰብ ሸክም እንደሆኑ ማሰማት፤

- ወደ መኝታ ሲሄዱ " ምነው ተኝቼ በቀረሁ "  ማለት፣

- " ምነው ፈጣሪ ህይወቴን በወሰዳት " የሚል ቃል ማዘዉተር ይጠቀሳሉ።

◾️ራስን ማጥፋጥ እንዴት መከላከል ይቻላል?

ከላይ የተጠቀሱት አጋላጭ ሁኔታዎች ካሉ እና ራስን የማጥፋት ሀሳብ በተደጋጋሚ የሚመጣ ከሆነ ወደ አዕምሮ ህክምና ተቋም በፍጥነት በመሄድ እና አስፈላጊዉን ምክር እና ህክምና በማግኘት መከላከል ይቻላል።

@AsheGe23
@counselingA

የመንፈስ ጭንቀት

የመንፈስ ጭንቀት ከጊዜ ወደ ጊዜ እየጨመረ የመጣ የአእምሮ ሕመም ነው።

  የመሰቃየት አደጋ ላይ ናቸው፡-

  1 - በቤተሰብ ውስጥ የመንፈስ ጭንቀት ያለባቸው

  2- እነዚያ ሰዎች ህይወታቸውን የለወጠ የስሜት ቀውስ፣ ጭንቀት ወይም ክስተት ያጋጠማቸው

  3 - እንደ ካንሰር ባሉ ከባድ ህመም የሚሰቃዩ

  4- አልኮል ወይም ሌላ እፅ አላግባብ የሚጠቀሙ


የመንፈስ ጭንቀትን ለመከላከል አንዳንድ እርምጃዎች፡-

  1- ጭንቀትን ለመቆጣጠር ጤናማ መንገዶችን መፈለግ

  2- በየቀኑ የአካል ብቃት እንቅስቃሴ ማድረግ

  3- ሚዛናዊ እና ጤናማ አመጋገብን መጠበቅ

  4- በየቀኑ ከ 7 እስከ 8 ሰአታት መተኛት

  5- አልኮል እና ሌሎች መድሃኒቶችን ማሰወገድ

  6- ወደ ሳይኮቴራፒ መሄድ

  7- ንቁ ማህበራዊ ህይወት ይኑረን
@AsheGe23
@counselingA

የ sciatica ህመምን ለማስታገስ የሚረዱ የጤናና የአካል ብቃት እንቅስቃሴ  መልመጃዎች
  Sciatica ለብዙ ቀናት ሊቆይ የሚችል በጣም የሚያሠቃይ የፓቶሎጂ ህመም ነው።
የሚከሰተው በሳይቲክ ነርቭ ብስጭት ምክንያት ነው ፣ ማለትም ፣ በዚህ ነርቭ ላይ ባለው እብጠት ወይም ጉዳት ምክንያት።  Sciatica በራሱ በሽታ አይደለም, ነገር ግን የሌላ የጤና ችግር ምልክት ነው።

Sciatica ህመም በ sciatic ነርቭ ላይ በሚከሰት እብጠት ወይም ጉዳት ምክንያት የሚከሰት ህመም ነው። አንዳንድ ጊዜ በጡንቻ፣ በአከርካሪ አጥንት ዲስክ መፈናቀል ወይም በነርቭ ቦይ መጥበብ ምክንያት የሚከሰት ህመም ነው።

ብዙውን ጊዜ ከጀርባ እስከ እግር ድረስ የሚዘልቅ አልፎ ተርፎም እግር ላይ የሚደርስ ህመም ያስከትላል።  በአካባቢው ዙሪያ ያሉ ጡንቻዎች በህመም የመኮማተር ሁኔታውን ያባብሰዋል። በሌሎች አጋጣሚዎች ነርቭን በመጫን ወደ ኋላ የሚንቀሳቀስ የአከርካሪ አጥንት ዲስክ ላይ ችግር ሊፈጥር ይችላል።

  ምን ምልክቶች ይታያል?
በ sciatica የተፈጠሩት ምልክቶች የታካሚውን የህይወት ጤንነት አስቸጋሪ ያደርጉታል።  ከዋና ዋናዎቹ መካከል የሚከተሉት ተለይተው ይታወቃሉ፦


-ህመም፦የህመሙ መጠን ከቀላል ህመም በቀላሉ ምቾትን ከማያመጣ፣ ወደ አሰልቺ ወይም በጣም ኃይለኛ ህመም የመንቀሳቀስ ችሎታን እንቅፋት ሊሆን ይችላል።
- መንቀጥቀጥ፦ በእግሮች፣እጆችእና እግሮች ላይ ይከሰታል።
- የመደንዘዝ ስሜት፦ህመም እና ማሳከክ በሚከሰትባቸው ቦታዎች ላይ የመደንዘዝ ስሜት ሊሰማዎት ይችላል።
- ድክመት፡- ለአንዳንድ የሰውነት ክፍሎች ደካማ መሰማት በጣም የተለመደ ነው።
@AsheGe23
@counselingA

የቲክቶክ አካውንቴን ፎሎው በማድረግ አበረታቱኝ። ስለ ትብብራችሁ አመሠግናለሁ!!! የተሻሉ አስተማሪ የሆኑ ቪዲዮዎች ለመስራት እሞክራለሁ።
@AsheGe23
@counselingA

https://vt.tiktok.com/ZSLqBeNGq/

PSYCHOSIS
ማንነትን የሚያሳጣ የአእምሮ በሽታ!!!
ይህ የአእምሮ ህመም በአስተሳሰባችን እና በስሜታችን ላይ ከእውነት የራቁ ነገሮችን እንዲሰማን በማድረግ ለጭንቀት፣ ለድብርት፣ ለእብደት ከዛም አልፎ እራስን ለማጥፋት ምክንያት የሚሆነን ነው።
በከፍተኛ የአእምሮ ህመም የሚመደብ ሲሆን፣ ሰዎች ከእውነት እንዲርቁ የሚያደርግ ህመም ነው። ይህ ህመም የሚከሰትባቸው ሰዎች ባብዛኛው ሁለት አይነት ስሜትን ያንፀባርቃሉ Hallucinations (መሠረት የሌላቸውን ነገሮች የማየት እና የመስማት ሁኔታ) እና Delusions (ከንቱ እውነት ያልሆነ ስሜት) ናቸው።
ሀሊዮሲኔሽን የምንለው የስሜት ልምምድ ሲሆን፣ ከእውነት መራቅን ያንፀባርቃል።
ለምሳሌ፦ አንድ ሰው በጆሮው አጠገቡ የሌሉ እናቱ (ሞተውም ሊሆን ይችላል) ቢጠሩት ለዛ ጥሪ መልስ ከሰጠ፣ በተደጋጋሚ ከተጠራ ወደ ጆሮው የሚመጣው ድምፅ የዚህ ህመም ምልክት ነው። በተመሣሣይ መልኩ አንድ ሰው አጠገቡ የሌለን ሰው በተደጋጋሚ አየሁት የሚል ከሆነ ከእይታ ጋር የተያያዘ የአእምሮ ህመም ታሟል ልንል እንችላለን።
Delusion ከንቱ ስሜት የምንለው የተለያዪ የዲልዮዢን አይነቶች ቢኖሩም እንደ
grandiose delusion አይነቶችን ስንመለከት እኔ መልአክ ነኝ ብለው ያምናሉ።
broadcasting delusions የያዛቸው ደሞ ዜና ሲነበብም ሆነ ማንኛውም ነገር በራዲዮ ሆነ በቲቪ ሲነገር ያ ነገር ከመነገሩ በፊት እነሱ እያሰቡት እንደ ነበረና የስርጭት ጣቢያው ከነሱ አእምሮ ሀሳቡን እየሰረቀ ነው የሚያስተላልፈው ይላሉ።
suspicious delusion ደሞ ተጠራጣሪነት ከልክ አልፎ በሽታ የሚሆንበት ነው። ሚስታቸው ድንገት ስልክ ስታወራ ካዮ ልትገድለኝ ከሰው እያደባች ነው ይላሉ። ምግብ ሲሰጣቸው መርዝ ቢኖርበትስ ብለው ያስባሉ። ሁሉ ነገራቸው መጠራጠር ይሆናል።
ይቀጥላል...
ለአስተያየት እንዲሁም ለጥያቄ
👇👇👇
@AsheGe23
ቻናሉን ለመቀላቀል
👇👇👇
@counselingA

የመርሳት በሽታን ለመከላከል የሚረዱ 5 ነጥቦች
==========================
1) እግርን ሸራ ጫማ ወይም እስኒከር ውስጥ መክተት። የአካል ብቃት እንቅስቃሴ አእምሮ ውስጥ የሚዘዋወረውን የደም መጠን እና ኦክስጅን ስለሚጨምር አእምሮ እንዳያረጅ ይረዳል።

2) የአእምሮ እንቅስቃሴ ማድረግ።  ስፖርት ስንሰራ አካላችን እንደሚፈረጥመውና እንደሚጠነክረው አእምሯችንም እንደዚሁ ነው። አዳዲስ ነገሮችን ስንማር አእምሯችንን ስፖርት እያሰራን ነው።

3) አመታዊ የጤና ምርመራ ማድረግ። እድሜያቸው 65 አመት ከሆናቸው አስር ሰዎች አንዱ የመርሳት በሽታ ይይዘዋል። አንዳንዶቹ የመርሳት በሽታ መንስኤዎች በቀላሉ የሚድኑ አካላዊ ህመሞች ናቸው። ስለዚህ አመታዊ ምርመራ በማድረግ እነዚህን ህመሞች በጊዜ መለየትና ታክሞ መዳን ይቻላል።

4) ስኳርና የደም ግፊትን መቆጣጠር። ከአልዛይመር ህመም ቀጥሎ የመርሳት ህመምን የሚመጣው አእምሮ ውስጥ ደም ሲፈስ ነው።ለዚህ ዋነኛ አጋላጮቹ የስኳር ህመም እና የደም ግፊት  ስለሆኑ የደም ግፊትና የስኳር ህመምን መቆጣጠር የመርሳት ህመም እንዳይከሰት ይከላከላል።

5) በእድሜ የገፉ ሰዎች ድባቴ ወይም የእንቅልፍ ችግር ሲያጋጥማቸው የአእምሮ ሀኪም ማማከር። በእድሜ የገፉ ሰዎች ብስጭት ወይም ድብርት ሲሰማቸው ወይም እንቅልፋቸው ሲቀንስ "እርጅና ነው" ብሎ ችላ ከማለት ይልቅ የአእምሮ ሀኪም ማማከር የመርሳት ህመሙ ሳይባባስ እንዲታወቅ ይረዳል።

@CounselingA
@AsheGe23

ፀሀይን ብታስተውላት ቀኑን ሙሉ የምትነግርህ ነገር አላት።

#ጠዋት መወለድህን ታበስርሀለች። #ቀን ላይ ማደግህንና ጊዜህንም መጠቀም እንዳለብህ ትነግርሀለች። #ስትጠልቅ ደግሞ እድሜህ መግፋቱን ታስገነዝብሀለች።

ፀሀይን በጠዋት ስትወጣ ጀምረህ ጆሮህን ሰጥተህ ስማት።

@CounselingA

" ጫማ ለመስቀል አስቤ ነበር " ዴሊ አሊ

እንግሊዛዊው የመርሲሳይዱ ክለብ ኤቨርተን የመሐል ሜዳ ተጨዋች ዴሊ አሊ የእንቅልፍ ኪኒን ይጠቀም እንደነበር እና ከአእምሮ ጤና እክል ጋር የተያያዘ ችግር ገጥሞት አስቸጋሪ ጊዜ ማሳለፉን ተናግሯል።

የ 27ዓመቱ የቀድሞ የቶተንሀም የመሐል ሜዳ ተጨዋች ዴሊ አሊ ባጋጠመው የአእምሮ ችግር ምክንያት ወደ ማገገሚያ ማዕከል በማምራት ስድስት ወራትን በማገገም እንዳሳለፈም ገልጿል።

ዴሊ አሊ ችግሩ ስለጀመረበት ጊዜ ሲያስታውስ " ቶተንሀም ቤት እያለሁ ነበር ፣ በ 24ዓመቴ ጫማ ለመስቀል እና የምወደውን እግርኳስ ለማቆምም አስቤም ነበር።" ይላል።

ዴሊ አሊ አያይዞም አሁን ላይ እሱ ያጋጠመውን አይነት ተመሳሳይ ችግር ያጋጠማቸውን ሰዎች ለመርዳት እንደሚፈልግ ተናግሯል።

@ashege23
https://telegram.me/counselingA

#ከወር_አበባ_ጋር_ተያይዞ_የሚከሰት_የስሜት_መለዋወጥ

ከ80 እስከ 90 ከመቶ ሴቶች የወር አበባ ከመምጣቱ በፊት ያለው ሳምንት ላይ ምቾት አለመሰማት ያጋጥማቸዋል። መጠነኛ ራስ ምታት፣ የጡት መወጣጠር፣  ሆድ መነፋት ሊያግጥማቸው ይችላል። ልክ እንደ አካላዊ ለውጦች የስሜት ለውጦችም ይኖራሉ። መነጫነጭ፣ መከፋት፣ ከማህበራዊ ነገሮች ራስን ማግለል ...ወዘተ። እነዚህ ምልክቶች ብዙ ሴቶች ላይ ከፍተኛ ተፅእኖ አያደርሱም። ይሁን እንጂ ከ20-30 አመቶ የሚሆኑት ላይ በስራቸው ወይም በትምህርታቸው ላይ ተፅእኖ ሊያመጣ ይችላል።

ይህ ህመም የሚያጋጥማት አንዲት ሴት የወር አበባ ከ15 አመቷ እስከ 50 አመቷ ብታይ በህይወቷ ይሄ ህመም 420 ጊዜ ያጋጥማታል ማለት ነው። ስለዚህ መፍትሄው ምንድነው?

1) ከወር አበባ ጋር ተያይዞ የሚከሰት ህመምና የስሜት መለዋወጥ በህክምና የሚስተካከል ስለሆነ በዝምታ ከመሰቀያት ሀኪምን ማማከር።

2) ራስን መንከባከብ፣ እረፍት ማድረግ።

3) የወር አበባን ተከትሎ አንዳንድ ሴቶች ላይ የምግብ ፍላጎት ሊጨመር ወይም አንዳንድ ምግቦች ሊያምራቸው ይችላል። ሀይል ሰጪ (ካርሀይድሬት) የምግብ አይነቶች የድብርት ስሜትንና ጭንቀትን ስለሚያባብሱ በተቻለ አቅም መቀነስ።

4) ቫይታሚኖችን መውሰድ። አንዳንድ ቫይታሚኖችና ሚኒራሎች በተለይ ቫይታሚን ዲ እና ካልሺየም ከወር አበባ ጋር ተያይዞ የሚመጡ አካላዊና አእምሮዊ ምልክቶችን ለመቀነስ ያግዛሉ። ከሀኪም ጋር ተማክሮ መውሰዱ ጥሩ ነው።
@AsheGe23
https://telegram.me/counselingA

#የአእምሮ_ህመም_ቤተሰብ_ላይ_ያለው_ጫና

"...አንድ ግለሰብ የአእምሮ ህመም ሲኖርበት ሁሉም የቤተሰቡ አባል ላይ ጫና ያሳድራል። በተለይ ደግሞ ሴቶች ላይ። ወላጆች የመርሳት ህመምን ጨምሮ ሌሎች አእምሮ ህመም ሲኖርባቸው የማስታመሙ ሀላፊነት ከወንድ ልጆቻቸው ይልቅ ሴት ልጆች ላይ ይወድቃል። ልጅ ኦቲዝም ወይም ዳውን ሲንድረም ሲኖርበት ለማስታመም ከስራ የሚቀሩት አንዳንዴም ስራቸውን የሚተውት በይበልጥ ሴቶች ናቸው።

ቤተሰብ ውስጥ የአእምሮ ህመም ያለበት አንድ ሰው እንቅልፍ ሲያጣ መላው ቤተሰቡ እንቅልፍ ሊያጣ ይችላል።

...የአእምሮ ህመም ከአምስት ሰው አንዱ ላይ የሚከሰት ጉዳይ ነው ስለሆነ ሁላችንም ልንሰባረብ ይገባል። የአእምሮ ጤና ላይ ስንሰራ የመርሳት በሽታ ያለባት እናት፣ ኦቲዝም ያለበት ልጅ፣ በሱስ የሚቸገር ወንድም ወይም ጓደኛ፣ እንቅልፍ የሌላትና የምትጨነቅ እህታችንን ማገዝ እንችላለን...."

ከዶ/ር ዮናስ ላቀው "የአማኑኤል ሆስፒታል ታሪኮች" መፅሀፍ
@AsheGe23
https://telegram.me/counselingA