پێشمەرگە میدیا Peshmarga Media

ئەفسەرێک بە پلەی رائد لە لەلایەن چەند کەسێکی نزیکی خۆیەوە کوژرا...⤵

سەرچاوەیەکی ئەمنی بڵاویکردەوە، ئەمڕۆ 21ی تشرینی دووەمی 2024 لە قەزای دوجێل ی سەربە پارێزگای سەلاحەدیین، ئەفسەرێکی سوپای عێراق بە پلەی رائد لەلایەن چەنکەسێکی نزیک خۆیەوە لە سەر کێشەی کۆمەڵایەتی تەقەی لێکراو کوژرا.

هەولێر بۆوای لێهاتووە ؟
هاوشێوەی یاری پۆبجی ، کەسێک لەهەولێر بەچەکەوە هەڵدەکوتێتە سەر هۆتێلێک و تەقەدەکات ، دەڵێ کێ هەیە بێتە پێش و وەڵامم بداتەوە ، دەچێتەناو هۆتێلەکەو هەر بەردەوامە لەتەقەکردن ،
بەڕای تۆ هۆکاری ئەم ڕووداوانەی هەولێر چیە؟

بــەکۆمێنت بەشــداربـە...

سبەی 21-11
ڕۆژی شەهیدی یەکێتیی نیشتمانیی کوردستانە

رۆژی شەهیدی یەکێتی، رۆژی کەم ژیان و کەڵ ژیان
یەکێتی خاوەنی ٢٧ هەزار شەهیدە لەبەرئەوەیە نازناوی حزبی شەهیدانی پێ بەخشراوە

#شەهیدی_یەکێتی #یەکێتی #کوردستان

مەكتەبی سیاسی: درێژەدان بەڕێبازی شەهیدان ئەمانەتەو لەئەستۆماندایە

مێژووی پڕ سەروەریی و تێكۆشانی یەكێتیی نیشتمانیی كوردستان هەموو رۆژەكانی پڕن لەتۆماری سەربەرزی و گیانبازی، كە سەرقافڵەی ئەم كاروانە نەپساوەیە شەهیدانی سەرکردە (خاڵە شیهاب و جەعفەر عەبدولواحید و ئەنوەر زۆراب ) بوون، كە لەرۆژی 21ی تشرینی دووەمی ساڵی 1975دا لە زیندانەكانی رژێمی بەعسی رووخاودا بە دروشمی( كەم بژی و كەڵ بژی ) گیانیان بۆ ئازادیی و سەربەخۆیی كورد و كوردستان بەخشی.

لەناو ئەم كاروانەی شەهیدان و سەروەراندا كە هەزاران تێكۆشەر لە نێو زیندان ، لەچالاكیەكانی نێو شار، لەسەنگەرەكانی بەرگریدا بەگیان و خوێنی خۆیان چەندین داستانی نەبەردی و رووبەڕوبونەوەیان بەرامبەر بە جەلادەكان ونۆكەر و هێزەكانی رژێمی بەعسی ڕووخاو تۆماركردووە ،بۆ هەمیشە بەنەمری لەدڵ و ویژدانی هەموو كوردێكی تێكۆشەر دەمێننەوە. بۆ بەرز راگرتنی ئەو قارەمانێتی و سەروەرییانەیان و بەرز راگرتنی یادەوەری وناوبانگیان، لە كۆی ساڵدا ئەم رۆژە دیاری كراوە تاوەكو هەمووان پێكەوە لەیەك ساتدا سەری رێز لەئاست یادكردنەوەیاندا دابنەوێنین.

لەم یادەدا پڕ شكۆیەدا سەربەرزین بەوەی لەسایەی قوربانیدانی شەهیدەكانماندا ، یەكێتیەكەمان بەهەمان گیانی سەردەمی سەختی دێرینەوە بەردەوامە و وێستگەی هەڵبژاردنی ئەمجارەی کوردستانیش بەڵگەی زیندوون.

ئەم پێداگیری و رژدبونەمان لە درێژەپێدانی رێبازی شەهیدانەوە سەرچاوەی گرتوە وئەمانەتێكە لە ئەستۆمان كە دەبێت نەك هەر بۆ ئیمڕۆ بەڵكو بۆ ئایندەی دووریش درێژە پێدەری بین تاوەكو گشت مافە بەدینەهاتوەكان لە سەرئاستی عێراقیشدا مسۆگەر بكەین.

درود بۆ رۆحی شەهیدان و سڵاوی وەفا و ئەمەكداری بۆ كەسوكار وخانەوادە هەمیشە سەربەرزەكانیان.

مەكتەبی سیاسیی
یەكێتیی نیشتمانیی كوردستان

#ڕاگەیاندنی_لێپرسراوی_مەڵبەندی_پێشمەرگە #فەرماندەیی_هێزی_یەدەگ

لەكاتی پاككردنەوەی چەكدا فیشەكی بەركەوت و گیانیلەدەستدا

سەرچاوەیەکی ئەمنی بە میدیای یەکێتی ڕاگەیاند، كەمێك پێش ئێستا لە قەزای خەبات گەنجێك لە كاتی پاككردنەوەی چەك بەهەڵە فیشەك لە دەستی دەرچوو بەهۆیەوە گیانیلەدەستدا.

وتیشی، گەنجەكە ناوی (رابەر نازم)ە و پێشمەرگە بووە.

سەعدی ئەحمەد پیرە دەڵێت: پڕۆسەی سەرژمێری یەکێکە لەو ئامرازانەی کە وڵاتان بۆ پلاندانان و جێبەجێکردنی سیاسەتەکانیان بەکاری دەهێنن، بەشدارینەکردنی کوردانی ناوچە جێناکۆکەکان زیان لە کورد دەدات".

سەعدی ئەحمەد پیرە وتەبێژی یەکێتیی نیشتمانیی کوردستان لەوتارێکدا لەبەشی بیرۆڕای میدیایی فەرمی یەکێتی بڵاویکردەوە دەڵێت: "پرۆسەی سەرژمێریی دانیشتووان یەکێکە لەو ئامرازە سەرەتاییانەی کە وڵاتان بۆ پلاندانان و جێبەجێکردنی سیاسەتە ئابووری و کۆمەڵایەتییەکانیان بەکاریدەهێنن، سەرژمێری یارمەتیدەرە بۆ دیاریکردنی پێداویستییە راستەقینەکانی دانیشتووان".

"واچاکترە نەتەوەی کورد لە عیراقدا کە خاوەنی قەوارەیەک و دەیان ناوەندی ئەکادیمی و سەدان پسپۆڕی بەتوانا و دەیان کەناڵی راگەیاندنی کاریگەرە، لە هەمووان چاکتر خۆی ئامادە بکات، حکومەت ئەرکی خۆی جێبەجێ بکات لە هاندانی کوردانی ناوچە دابڕێنراوەکان بۆ گەڕانەوە بۆ ناوچەکانیان و کارئاسانیان بۆ بکرێت لە دابینکردنی شوێنی حەوانەوە تا بە ئاسوودەیی بەشداریی پرۆسەکە بکەن، بۆیە دەبێ ئەوە روون بێت کە بەشدارینەکردن جارێک زیان لە بوونی نەتەوەی کورد لەو ناوچانە دەدات لەڕووی ژمارەوە و جارێکیش زیان بە خۆیان و خانەوادەکانیان دەگەیەنن و لە خێروبێری ئەو ناوچانە بێبەش دەبن کە پشتاوپشت تێیدا ژیاون"، وتەبێژی یەکێتی وادەڵێت.

د.یوسف گۆران ئەندامی مەکتەبی سیاسیی و لێپرسراوی مەڵبەندی دیراساتی گشتیی یەکێتیی نیشتمانیی کوردستان بە پێنج خاڵ باس لە گرنگی و مەترسی سەرژمێرییەکەی 2024ی عیراق دەکات بەتایبەت بۆ کەرکوک و ناوچەکوردستانییەکانی دەرەوەی هەرێم  و رایدەگەیەنێت:" پێکهاتەی کوردو تورکمان لە دۆخێکی  هەستیاردایە، پێویستە هەموو کوردە رەسەنەکانی کەرکوک بۆ سەرژمێری بگەڕێنەوە کەرکوک وناوچە دابڕاوەکانی تر تاکو لەوە زیاتر باڵانسی دیموگرافی لەو ناوچانە تێک نەچێ و هەوڵی جدیش لە ئایندە بۆ چارەسەری کێشەی ناوچە دابڕاوەکان بدرێت".

 لێپرسراوی مەڵبەندی دیراساتی گشتیی یەکێتیی نیشتمانیی کوردستان لە وتارێکدا بۆ میدیای فەرمی یەکێتی، بڵاوکراوەتەوە داوا لە هەموان و کوردانی کەرکوک و ناوچەکوردستانیەکانی دیکە دەکات بەشداری بکەن و ئەوبەشدارییە بە خەبات ناودەبات و دەڵێت:" خەباتی ئەمجارەمان خەباتی مەدەنی و کۆمەڵگاییە، بۆ ئاسودەکردنی ویژدانی مێژویمانە بەرامبەر بە شەهیدەکانمان، گۆڕو یادەوەری باب و باپیریمان و سەرژمێری گشتى دانیشتوانى ئەمساڵ ڕەنگە دوای سەرژمێری ساڵى (۱۹٥۷) گرنگترین سەرژمێری بێت لە مێژوی عێراق و هەرێمى کوردستان".

زۆربەی عیراقییەکان و دامەزراوەکانی عیراق، سەرژمێریی ساڵی 1957 بە دروستترین سەرژمێریی دەزانن و دەبێتە بنەمای سەرژمێرییەکەی 2024یش، ژمارەی دانیشتوانی عیراق 6 ملیۆن و 536 هەزار و 109 کەس بووە، هەرچەندە بەپێی ئاماری وەزارەتی پلاندانانی عیراق ژمارەی دانیشتوانی ساڵی 2023 گەیشتوەتە زیاتر لە 43 ملیۆن کەس.

پرسەنامەی وەستا رەسوڵ، بۆ کۆچی دوایی حاجی سان دایکی خاتوو نیشتمان، هاوژینی شەهیدی سەرکردە مامە ڕیشە

بەداخ و پەژارەیەکی زۆرەوە ھەواڵی کۆچی دوایی (حاجی سان )ـی دایکی خاتوو نیشتمان و خەسوی شەهیدی سەرکردە مامە ڕیشە-مان بیست خەمبارو دڵگرانی کردین.

بەو بۆنە خەمناکەوە بەناوی خۆم و گشت ئەندامانی ئەنجومەنی مەڵبەندی رێکخستنی پێشمەرگە و فەرماندەیی هێزی یەدەگ، پرسەو سەرەخۆشی خۆمان ئاراستەی کەس وکار و بنەماڵە نیشتمانپەروەرەکەتان دەکەین و لە خودای گەورە داواکارین کۆچکردوو حاجی "سانی " دایکتان بە بەهەشتی بەرینی خۆی شادبکات و سەبووری و دڵنەوایی بە ئێمە و ئێوەی بەڕێزیش بدات. دواناخۆشیتان بێت.

انا اللە وانا الیە راجعون

وەستا ڕەسوڵ
لێپرسراوی مەڵبەندی رێکخستنی پێشمەرگە و
فەرماندەیی هێزی یەدەگ
۱۸ی تشرینی دووەمی ۲۰۲٤

#ڕاگەیاندنی_لێپرسراوی_مەڵبەندی_پێشمەرگە #فەرماندەیی_هێزی_یەدەگ #rlmalbandypeshmarga #malbandypeshmarga1 #وەستا_ڕەسوڵ #پرسەنامە #rasoul_omar_latif

هێزەکانی کۆماندۆی کوردستان

پرسەنامەی وەستا رەسوڵ، بۆ کۆچی دوایی عەمید محمد سەعید گورگانی و بنەماڵە نیشتمان پەرەوەرەکەی

بەداخ و پەژارەیەکی زۆرەوە ھەواڵی کۆچی دوایی هەڤاڵ عمید (محەمەد سەعید گورگانی ) پێشمەرگەی دێرین و ئەفسەری دڵسۆز و ماندونەناس لە بەڕێوەبەرایەتی پۆلیسی کەرکوک-مان بیست بە کارەساتێکی دڵتەزین.

بەو بۆنە خەمناکەوە بەناوی خۆم و گشت ئەندامانی ئەنجومەنی مەڵبەندی رێکخستنی پێشمەرگە و فەرماندەیی هێزی یەدەگ، پرسەو سەرەخۆشی خۆمان ئاراستەی کەس وکار و بنەماڵە نیشتمانپەروەرەکەتان دەکەین و لە خودای گەورە داواکارین کۆچکردوو عەمید "محەمەد " بە بەهەشتی بەرینی خۆی شادبکات و سەبووری و دڵنەوایی بە ئێمە و ئێوەی بەڕێزیش بدات. دواناخۆشیتان بێت.

انا اللە وانا الیە راجعون

وەستا ڕەسوڵ
لێپرسراوی مەڵبەندی رێکخستنی پێشمەرگە و
فەرماندەیی هێزی یەدەگ
۱۸ی تشرینی دووەمی ۲۰۲٤
#ڕاگەیاندنی_لێپرسراوی_مەڵبەندی_پێشمەرگە #فەرماندەیی_هێزی_یەدەگ #وەستا_رەسوڵ

د. ئەحمەد کەرکوکی، پەیامێکی لەسەر سکاڵای بەشێک لە هاوڵاتیان بڵاو کردەوە، بەشێك لە تیمەكانی سەرژمێری ئەو خانوەی دوو ماڵی تیابێ تەنها یەكێكیان تۆمار دەكەن

بەپەلە... ئەفسەرێکی پلە باڵای پۆلیسی کەرکوک گیانی لەدەستدا

لەنزیک گوندی حەساری گەورە لە سنوری پارێزگای کەرکوك روداوێکی سەختی ھاتووچۆ روویدا و بەھۆیەوە
عەمید محەمەد سەعید ناسراو بە( محەمەد گورگانی)ئەفسەر لە پۆلیسی کەرکوك گیانی لەدەستدا.