NEXT PRESS

🔻هاووڵاتییەک لە هەولێر بەمشێوەیە ماڵەکەی ئامادەکردووە بۆ هاتنی بژمێرەکانی سەرژمێری

ئەمڕۆ سلێمانی لە ئاسمانەوە
شەقام و شوێنەگشتییەکانی شار چۆڵە

دیمەنەکە لە فڕۆکەی تیمی فڕۆکەوانی سلێمانییەوە تۆمار کراوە

🔻بۆردومانی بەردەوامی مووشەکی حزبوڵڵا بۆ سەر تەلئەبیب و یافای هەردوو گەورە شاری ئیسرائیل..

🔻ئەدهەم بارزانی:

"ئەرکی هەمومانە بیر لە هیچ نەکەینەوە جگە لە ڕزگارکردنی ئایندەی میللەتەکەمان نەبێت"

🔸دەقی پەیامەکەی ئەدهەم بارزانی لەبارەی سەرژمێری گشتی عێراقەوە:

بە ناوی خوای گەورە و میھرەبان
جەماوەری سەربەرزی کوردستان
هاوڵاتیان و کەس و کارمان لە ناوچە جێناکۆکەکان

میلەتەکەمان بەگشتی و کەسوکارمان بەتایبەتی لە ناوچە کوردستانیەکانی دەرەوەی هەرێمی کوردستان لەبەردەم سەرژمێریەکی گرنگ و چارەنوس سازدان ، سەرباری ئەوەی کە بەداخەوە حکومەتی هەرێمی کوردستان بەگشتی و وەزارەتی پەروەردە بەتایبەتی ھندێك بەربەستی بۆ گەڕانەوەتان درەوستکردوە بەتایبەت پابەندکردنی خوێندکارەکانتان بە تاقیکردنەوە و دەوامی فەرمی لەناوەندەکانی خوێندن بەهۆی ڕانەگەیاندنی پشوو لەناوچەکانی تری هەرێمی کوردستان.

بۆیە ئەرکی هەمومانە بیر لە هیچ نەکەینەوە جگە لە ڕزگارکردنی ئایندەی میلەتەکەمان نەبێت و نفوزی کورد ڕزگار بکەین لەو بەرنامەیەی کە بۆمان داڕێژراوە لەو سنورانە پێش تەتبیع و جێ بە جێ نە كردنی مادەی ١٤٠ دەستوری عێراق.

لە هەمان کات تکا لە خوشکان و برایانی کورد لە ناوچە کوردستانیەکانی دەرەوەی هەرێم دەکەم بگەڕێنەوە شوێنەکانی خۆیان بۆ سەرژمێری و بەڕۆحێکی کوردانەوە بەشداربن لەو پرۆسە گرنگە و چارەنوسی میلەتەکەمان ڕزگار بکەن و هەموو بەربەستەکان تێبپەڕێنن.

براتان
ئەدهەم عوسمان شێخ ئەحمەد بارزانی
١٦-١١-٢٠٢٤

🔻ئەدهەم بارزانی لەگەڵ ژمارەیەک لە کەسایەتیە دیارەکانی سلێمانی کۆبوویەوە

ژمارەیەکی بەرچاو لە کەسایەتیەکانی پارێزگای سلێمانی و دەوروبەری لەگەڵ ئەدهەم بارزانی کەسایەتی سیاسی هەرێمی کوردستان کۆبوونەوەو لەبارەی دۆخی ناوخۆی کوردستان و ناوچەکە گفتوگۆیەکی کراوەیان کرد.

لە پێشوازیەکی گەرمدا وێڕای بەخێرهاتن، کەسایەتییە دیارەکانی سلێمانی ئاماژەیان بۆ ئەوەکرد، ئەدهەم بارزانی لەناو دڵی خەڵکی سلێمانیدا پێگەیەکی تایبەتی و جیاوازی هەیەو سلێمانی وەک شاری خۆی وایەو هەمیشە دەرگای بۆ کراوەیە.

لە کۆتایی کۆبوونەوەکەدا ئەدهەم بارزانی زۆر سوپاسی ئەو پێشوازییە گەرمەی لێکردن و هیوای سەلامەتی و سەرکەوتنی بۆ سەرجەمیان خواست.

🔻گواستنەوەی چەکی قورس بەناو هەرێمی کوردستاندا..

🔹شەوی رابردوو سوپای تورک ژمارەیەکی زۆر زرێپۆشی و چەکی قورسی لە ئامێدییە بۆ ناوچەی شیلادزیە گواستەوە.

🔻ئەدهەم بارزانی:

"سلێمانی هەمیشە شاری داهێنان و جوانی بووە"

🔸پەیامی ئەدهەم بارزانی بۆ بونیادنانی شاری سلێمانی:

بەناوی خوای گەورەو میهرەبان.

بەبۆنەی یادی 240 ساڵەی دامەزراندنی شاری سلێمانی خۆشەویستەوە، گەرمترین پیرۆزبایی ئاڕاستە تەواوی خەڵکی سەربەرزی شاری هەڵمەت و قوربانی و پایتەختی رۆشنبیری دەکەم، هیوای گەشەكردن و ئاوەدانی زیاتری بۆ دەخوازم.

سلێمانی هەمیشە شاری داهێنان و جوانی بووەو مێژوویەكی درەوشاوەی لە خزمەتكردن بە زانست و ئەدەب و فەرهەنگ تۆماركردووە. دوبارە پیرۆزەو شارو وڵاتمان ئاوەدان بێت..

براتان
ئەدهەم بارزانی
١٤-١١-٢٠٢٤

🔻سوپای تورک لەسەر چیای شەنگال دوو هاوڵاتی مەدەنی شەهید کرد

🔹ئۆتۆمبیلێک کە هاوڵاتی سڤیلی تیادا بووە لەسەر چیای شەنگال تەقییەوەو دوو كەسی تێدا شەهید بوون، بەپێی زانیارییەکان ئۆتۆمبیلەكە لەلایەن فڕۆكەكانی توركیاوە بە ئامانجگیراوە لە ئاسمانەوە..

وێنەی سەڵاح سەید عەوڵا، ئەو هاوڵاتییەی ئەمشەو بەهۆی دەستڕێژی گوللەوە کوژرا

🔻ڕوونکردنەوەیەک بۆ دۆستان و ئازیزانی شێخ ئەدهەم بارزانی

🔹بابەتێکی چەواشەكارانەو وێنەیەکی بەڕێز شێخ ئەدهەم بارزانی لە لایەن پەیجێکی ئاڕاستەکراوەوە کە دوور لە هەموو بەهایەکی ڕاگەیاندن و ئینسانی بڵاوکراوەتەوە گوایە بەڕێزیان دۆخی تەندروستیان تێکچووەو لە نەخۆشخانەن.

🔹بۆ ئاگاداری هەموو ئازیزان مێژووی وێنەکە دەگەڕێتەوە بۆ ساڵی 2020 کە ئەوکات بەڕێزیان سەردانی نەخۆشخانەی سەنتەری دڵی لە هەولێر کردووە و لەلایەن دکتۆر شەهاب عەلی سلێمان ھوستانی هەندێ پشکنینی پزیشکی بۆ ئەنجامدراوە ئەو كات و سوپاس بۆ خوا ئێستا تەندروستی زۆر باشە..

هاوپێچ/ وێنەی نەخۆشخانە کە ساڵی 2020 گیراوە لەگەڵ وێنەی پێنجشەممە 7-11-2024

🔻پارتی و ئەوانی تر

✍️لەتیف فاتیح فەرەج

🔹پارتی دیموکراتی کوردستان خۆی بە باوکی هەموو حزبەکانی دیکە دەزانێت، جگە لەوەش ئەو خۆی بە شەریک نازانێ لەگەڵ ئەحزابی باشور، ئەو دەڵێ دەبێ ئەوانی تر فرزەند بن، ئەمەی ئەگەر بەوتنیش نەوتبێت، بەکردەوە سەلماندویەتی، پارتی زۆری پێ خۆشە هەمو ئەوانی تر بەیەکتر بڵێن پاشکۆو جانتا هەڵگری پارتی هەر واشی کردوە، خۆی ئەو جۆرە واژانە فڕێدەداتە نێو شەقام.

🔹پارتی لەچینیش دەباتەوە قسەی خودی پارتیە، هەموو کوردێک پارتی بوونێ قەرزارە قسەی خۆیەتی نەک کەسی تر، پارتی خۆیان دەڵێن ئەوانەی کوردستان چین ئێمە حزبی یەکەمی عێراقین، ئەوان بەخۆیان دەڵێن حزبی ملیۆنی، ئێوە چۆن ئەوانە دەخوێننەوە کەیفی خۆتانە، هەرکەس پێی وابێت پارتی دەیکا بەشەریک، ئەوە لە گوێی گادا نووستوە، پارتی ساڵانی زۆر یەکێتی وەک شەریک نیشانداو هیچ نەما پێی نەکات، گۆڕانی گوایە کردە شەریک هەلا هەلای کرد.

🔹لەلایەک وەزارەتی دەدایە، لەلایەکی دیکەوە کادیرەکانی دەفریوان، کەدەشی بردن دەیکردنە پلە دەی نێو حزب، نەک سەرکردایەتی و شتی وا، پارتی حزبێکی تایبەتە، لەیەک کاتا ئەبوو چیچۆشی هەیەو فازڵ میرانیش، حەمکۆشی هەیەو عەلی حوسێنیش، کە پێتان وایە بوونە شەریکی لەپێشا کفنی خۆتان حازر بکەن، ئەوەی ئێوە بە ساڵێ دەیگرن، ئەو بە سەعاتێ، زۆر زرنگیشە بۆ لەبیر بردنەوەی ئەو گۆڵانەی لێتانی دەکات، ڕێک ئەو کاتەی دەستی لەملتایە لەناو دەستیا شخاتەی سوتانی بارەگاکەتی پێیە، ئەگەر پێلار دابنەی، سەرۆکی پارلەمانی دایە گۆڕان و بە ئەبوو سەیتەرەیەکیش سەرۆکەکەی گەڕاندەوە بۆ سلێمانی و نەیهێشت بچێتە هەولێر.

🔹کەدەبنە شەریکی لای ئەو شەریک نین، حاشیەو ڕەعیەتن، بەلای پارتیشەوە هیچ بنەماڵەو خانەوادەو کەسایەتیەک نیە شان با لەشانی مناڵێکی نێو ماڵباتی بارزانی لەبەردەم ئارین و ڕەوان و بابۆو فڵاندا کێ خۆی پێ مێرە دەبێ دەست لەسەر سنگ بوەستێ، ئەمە هەقیقەتە ئەم سوڵتانیەتە دەستی هەموو ئەوانی تری تیایە لەمامەوە تا دەگاتە ئەوانی تر، هەر ئەوەی پارتی حوکمی ئیعدامی بۆ دەرکردبوو هێنای کردیە شەریک و خودانی ڕیفراندۆم دوایەش حزبەکەی کردە خائین و خۆفرۆش هێشتاش بڕیاری لەدار دانەکە نەسڕاوەتەوە، ئەمەی بۆ خەڵکی تریش کرد.

🔹پارتی تەنها حزبە لەدنیادا ئەگەر خۆی دەستی دوژمن بێنێتە سەر وڵات پیرۆزەو سیاسەتە، خۆ ئەگەر یەکی تر کەمێک پێ لاربکاتەوە خائین و خۆفرۆشە، پارتی مۆنۆپۆڵی ئابوری و میدیایی و کوردایەتی باشوری کردوەو قسەی لەسەروو قسەی هەموو ئەوانی ترەوەیە، کەتۆ لە تەک پلە هەشتی وڵاتێکا دادەنیشی ئەو لەسەری سەرەوەی ئەو وڵاتە کابرای ژمارەیەک دەبینێت، پارتی دە کورسی پارلەمانیش بێنێ بە زەبری جانتاکان دەیکاتە نیوە زاید یەک، بەوەش هەموونی کەوی کردوە، بیەوێ شڵپ و شۆی حزبەکان دەردەکات، بشیەوێ لەبارەگای بارزانی ڕیزیان دەکات، هەمووان لەتەنگانەو شەلی ئەودا دەبنە دارشەقی، کەچی پێیان وایە سیاسەت پرتەو بۆڵەیە.

🔹ئەوەی دەیەوێ بچوکبێتەوە زۆر ئاسانە با ئەزبەنی و ئەزقوربان بۆ پارتی بکات، جانتاکەی دەستدەکەوێت، لێ شتی تر زۆر لەدەست ئەدات، من بۆ هەموو ئەوانە هیچ ڕەخنەیەکم لەپارتی نیە، ڕەخنەم لەوانەیە دوای حەوتجار خەڵەتاندن هەر دەبنەوە شەریکی بێ شەرەکات، بۆ ئەوەی لەبرایەتی پارتی و خۆتان بگەن بڕۆن ماڵبەشکردن لەگەڵ برای قانعی شاعیر بخوێننەوە، مرۆڤ دەتوانێ بڵێ پارتی سیاسەت دەکات، ئەوانی تر خەریکی چین.

🔻سێ ئابڕووچوونی باڵی خۆسەپێنی پارتی ئاشکرا دەکرێت..

🔹مەشخەل کەولۆسی ـ کادری پارتی:

“خوای گەورە بەلافاو سزای عێراقی داوە چونکە موچەی خەڵکی هەرێمی بڕیوە”

🔻سوپای تورک لە ناوچەی بەرواری باڵا لە سنوری قەزای ئامێدی لەژێر ئاڵاکانی پارتیدا داری باخەکانی سنورەکە دەبڕێت و بەبارهەڵگر دەیانگوازێتەوە بۆ تورکیا.