Myanmar Motorgraph

1961‌ခုနှစ် Augustလ 19ရက်‌နေ့တုန်း Sweden နိုင်ငံ Lysekil အရပ်မှာ ကားတစ်စီးဟာ အရှိန်လွန်ပြီး ဆိပ်ကမ်းမှာဆိုက်ကပ်ထားတဲ့ ရေငုပ်သင်္ဘောနဲ့ တိုက်မိခဲပါတယ်။ အဆိုပါဖြစ်ရပ်ဟာဆိုရင် ကမ္ဘာ့ ပထမဆုံးနဲ့ တစ်ခုတည်းသော ကားနဲ့ ရေငုပ်သင်္ဘောတို့ မတော်တဆ တိုက်မိမှုမှတ်တမ်းပဲဖြစ်တယ်လို့ သိရပါကြောင်း။

Photo - Wiki

Suzuki Ertiga Hybrid ကို ထိုင်းနိုင်ငံမှာ ဘတ်6သိန်းအောက် (မြန်မာကျပ်ငွေ သိန်း၈၀၀အောက်) အထိ ဈေးချရောင်း

ထိုင်းပြည်တွင်းဈေးကွက်မှာ ရောင်းချနေတဲ့ Suzuki Ertiga Hybrid ကားများကို ထိုင်းဘတ်ငွေ ၆သိန်းအောက် အထိ ဈေးချရောင်းပြီး ထိုင်းနိုင်ငံရဲ့ ဈေးအသက်သာဆုံး Sub-compact MPV ဖြစ်လာတယ်လို့ သိရပါတယ်။ လက်ရှိ ထိုင်းနိုင်ငံမှာ Suzuki Ertiga Hybrid ကို variant ၂ မျိုးဖြင့် ရောင်းချလျက်ရှိပြီး Suzuki Motor Thailand ရဲ့ တရားဝင်ကြေညာချက်အရ GL - variant ကို ထိုင်း ဘတ်ငွေ 555,000 baht (မြန်မာငွေ ကျပ်သိန်း 720ကျော်) နဲ့ GLX - variant ကို ထိုင်း ဘတ်ငွေ 599,000 baht (မြန်မာငွေ ကျပ်သိန်း 780ကျော်) တို့ဖြင့် ရောင်းချသွားမှာဖြစ်ပြီး ယခင်ကထက် ဘတ် 2 သိန်းကျော် ဈေးချရောင်းနေတာဖြစ်တယ်လို့ သိရပါတယ်။

ထိုင်းနိုင်ငံဟာ အရှေ့တောင် အာရှ ဒေသရဲ့ ကားထုတ်လုပ်မှု အများဆုံးသော ထိပ်ဆုံး ၃ နိုင်ငံထဲမှ တစ်နိုင်ငံဖြစ်ပါတယ်။ ရွေးချယ်စရာ ကားအမျိုးအစား များစွာ အစုံအလင်ရှိပြီး ဈေးကွက်ယှဉ်ပြိုင်ရမှုများလည်း ရှိနေတဲ့နိုင်ငံဖြစ်ပါတယ်။ Suzuki အနေနဲ့ ထိုင်းနိုင်ငံမှာ ပြီးခဲ့သော 2024 ခုနှစ်တုန်းက အခက်အခဲများစွာဖြင့်ရုန်းကန်နေခဲ့ရပြီး ထိုင်းနိုင်ငံရှိ Suzuki ရဲ့စက်ရုံကိုလည်း ပိတ်လိုက်ရပြီပဲဖြစ်ပါတယ်။ သို့ပေမယ့်လည်း Suzuki အနေနဲ့ ထိုင်းနိုင်ငံရဲ့ ကားဈေးကွက်မှာ ဆက်လက်ရပ်တည်နိုင်ဖို့အတွက် ပြောင်းလဲမှုများစွာကို လုပ်ဆောင်နေလျက်ရှိပြီး Suzuki ကားများကို ပြိုင်ဘက် အမျိုးအစားတူကားများထက်ဈေးသက်သာစွာဖြင့် ရောင်းချခြင်းမျိုးကို လုပ်ဆောင်လာတာဖြစ်တယ်လို့ သိရပါကြောင်း။

#Suzuki #Ertiga #Hybrid

Volkswagen Polo ထုတ်လုပ်မှုသက်တမ်း နှစ်50 သို့ရောက်ရှိ....

Volkswagen ရဲ့ Sub-compact hatchback model တစ်မျိုးဖြစ်တဲ့ Polo model အမျိုးအစားဟာ ထုတ်လုပ်မှုသတ်တမ်း နှစ်50 ခရီးထိ ရောက်ရှိလာခဲ့ပြီဖြစ်တယ်လို့ သိရပါတယ်။ 1974 ခုနှစ်တုန်းက Audi 50 ဆိုသော ကား model ရဲ့ rebadged အဖြစ် စတင်ထုတ်လုပ်ခဲ့ပြီး မူရင်း Audi ထက်ကို လူကြိုက်များခဲ့တယ်လို့ သိရပါတယ်။ အဆိုပါ Volkswagen Polo ရဲ့ first-generation MK1 ကို 1974 ခုနှစ်ကနေ 1981 ခုနှစ် အထိထုတ်လုပ်ခဲ့ပြီး အစီးရေ ၅သိန်းကျော် ရောင်းချခဲ့ရတယ်လို့ သိရပါကြောင်း။

Courtesy of AutoTechIndia
#Volkswagen #Polo

မိကျောင်းနဲ့ တိုက်မိသော BYD Sealion PHEV

Brunei နိုင်ငံ Kampong Penanjong Highway အမြန်လမ်းမကြီးပေါ်မှာ မိကျောင်းနဲ့ BYD Sealion PHEV ကားတို့ မတော်တဆ တိုက်မိမှုဖြစ်ပွားခဲ့ပါတယ်။ အဆိုပါဖြစ်စဉ်မှာ လူထိခိုက်မှု မရှိခဲ့ပဲ BYD ကားအောက်ပိုင်းမှာ ဆိုးရွားစွာ ထိခိုက်ပျက်စီးသွားခဲ့ပြီး အတိုက်ခံရတဲ့ မိကျောင်းမှာလည်း အသက်ဆုံးရှုံးခဲ့ရတယ်လို့ သိရပါကြောင်း။

#BYD

တရုတ်ကားလုပ်ငန်းတို့သမိုင်းကြောင်း - အမြည်း
Geely မှ ပထမဆုံး ထုတ်လုပ်ခဲ့သောကား

     Geely မှ ပထမဆုံး ထုတ်လုပ်ခဲ့သောကား ဟာ Audi 100 ကိုအခြေခံထားတဲ့ Mercedes-Benz E-Class (W210) body နဲ့ ကားပဲဖြစ်ပါတယ်။ Li Shufu (Geely ကို တည်ထောင်သူ) ဆိုသူက အဲ့ဒီခေတ်အချိန်အခါတုန်းက တရုတ်နိုင်ငံမှာ Cadillac ဒါမှမဟုတ် Mercedes-Benz လိုမျိုး ပြည်တွင်းဖြစ် ဇိမ်ခံကားထုတ်လုပ်တာမျိုး မရှိတာကို စိတ်ပျက်မိပြီး တရုတ်ကုမ္ပဏီ (သူ့ကုမ္ပဏီ)ကနေ  အလားတူ ကားမျိုး ထုတ်လုပ်နိုင်တယ်ဆိုတာကို ပြသချင်ခဲ့တာကြောင့် သူက "Chinese Benz"တန်းဝင် ကားကို တည်ဆောက်ရန် ဆုံးဖြတ်ပြီး ထုတ်လုပ်ခဲ့တာဖြစ်ပါတယ်။


      ထိုအချိန်အခါတုန်းက တရုတ်ကားလုပ်ငန်းတွေမှာ ကိုယ်ပိုင် ဒီဇိုင်း နည်းပညာနှင့် ကားထုတ်လုပ်နိုင်ခြင်း မရှိခဲ့ပဲ ဂျပန်၊ ရုရှား၊ အမေရိကန်နဲ့ ဥရောပရှိ အထင်ကရ ကားလုပ်ငန်းကြီးများထံမှ အစစအရာရာ ပံ့ပိုးမှုတွေယူပြီးမှ ထုတ်လုပ်ခဲ့ကြရတာဖြစ်ပါတယ်။ ထိုသို့ ထုတ်လုပ်ရာမှာ တရုတ်နိုင်ငံရဲ့ အထင်ကရ ကားထုတ်လုပ်သူဖြစ်တဲ့ First Auto Works မှ ဂျာမန်ကားထုတ်လုပ်သူ Volkswagen နှင့် အကျိုးတူပူးပေါင်းကာ တရုတ်ပြည်တွင်းမှာတင် "C3 Audi 100/200" ကို Hongqi ဆိုသော အမှတ်တံဆိပ်ဖြင့် တရုတ်နိုင်ငံ၏ ဌာနဆိုင်ရာ အရာရှိကြီးများ၊ ပါတီလူကြီးများနဲ့ သူကြွယ်များအတွက်ကို ရည်ရွယ်ပြီး ကားများထုတ်လုပ်ခဲ့ပါဝယ်။ Geely ရဲ့ ပထဆုံးကားဟာ အဆိုပါ C3 Audi 100 (Hongqi) ကားကိုပဲ နမူနာယူပြီး ထုတ်လုပ်ခဲ့တာဖြစ်ပါတယ်။

        သို့ပေမယ့်လည်း Geely ရဲ့ ပထဆုံးကားဟာ စီးပွားဖြစ် ထုတ်ဖို့အထိ ရည်ရွယ်ခဲ့ခြင်းမရှိခဲ့တာကြောင့် စမ်းသပ်ထုတ်လုပ်သော ကားအဖြစ်သာ စက်ရုံထဲမှာ ပဲ သိမ်းထားခဲ့ပြီး နှစ်ကာလကြာညောင်းလာတာနဲ့အမျှ တ‌ဖြေးဖြေးနဲ့ ပျက်စီးယို့ယွင်းသွားခဲ့ပါတော့တယ်။ အဆိုပါ ကားပျက်ကြီးကို CCTV ရုပ်သံရိုက်ကူးရေးအဖွဲ့က 2009 ခုနှစ်တုန်းက အမှတ်မထင် ‌တွေ့ရှိခဲ့ပြီး မြေပြင်ပကတိ မျက်မြင်‌အခြေအနေကို မှတ်တမ်းတင်ခဲ့လိုက်နိုင်ပါတယ်။ ရုပ်ပုံ မှတ်တမ်းများအရ ကားဟာ ကိုယ်ထည်ပိုင်းဟာ မပြည့်မစုံနဲ့ သံ‌ချေးကိုက်၊ ဆေးကွာ ဆွေးမြေ့နေပြီး တံခါးချပ်တချို့လည်း မရှိနေတော့ပါဘူး။ ယခုအခါမှာတော့ ကားကို ဘယ်မှာထားရှိမှန်း မသိရတော့ပဲ ယုံတမ်းစကားတွေအရ Geely ပိုင်တဲ့ သိုလှောင်ရုံ တစ်ခုခုထဲမှာ ‌ရှိနေနိုင်ပြီး တချို့ကလည်း ကားဟာ လုံးဝ အစအနစ မကျန်တော့ဘူးလို့ ပြောနေသူများလည်း ရှိကြပါကြောင်း။

Courtesy of ChinaCarHistory
မျှော် - တရုတ်ကားလုပ်ငန်းတွေ ဘယ်သူတွေက ဘယ်လိုပိုင်ဆိုင်ကြလဲ?
#Geely #History

Suzuki Ertiga ရဲ့ Hybrid စနစ်က ဘယ်လိုအလုပ်လုပ်တာလဲ?

     Suzuki Ertiga မှာ တပ်ဆင်ထားတဲ့ Hybrid စနစ်ဆိုတာဟာ လောင်စာဆီကို ပိုမိုထိရောက်စွာ အသုံးပြုနိုင်စေဖို့ ( အလွယ်ပြောရရင် ဆီစားသက်သာစေဖို့) ဆိုတဲ့  fuel efficiency နဲ့ ညစ်ညမ်းဓာတ်ငွေ့ ထုတ်လွှတ်မှု emissions ကို လျှော့ချစေဖို့အတွက်ကို ရည်ရွယ်ဖန်တီးထားတဲ့ mild-hybrid system ပဲဖြစ်ပါတယ်။ တချို့သော ကားဈေးကွက်မှာ Suzuki Smart Hybrid ဆိုပြီး သုံးနှုန်းပါတယ်။

Integrated Starter Generator (ISG)
      Ertiga Hybrid ကားမှာIntegrated Starter Generator (ISG) ဆိုတာပါဝင်လာပြီး သမားရိုးကျ  conventional starter motor နေရာမှာ အစားထိုးတပ်ဆင်ပေးထားကာ အင်ဂျင်စက်နှိုးဖို့နဲ့ ကားစအထွက်အရုန်းမှာ အရှိန်တင်ပေးဖို့ အတွက်ကို စွမ်းအင်ထုတ်ပေးတဲ့ စနစ်ဖြစ်ပါတယ်။ ဒါ့အပြင် ISG ဟာ battery အားသွင်းဖို့နဲ့ electric motor ကို လျှပ်စစ်စွမ်းအင်ပံ့ပိုးပေးဖို့အတွက်ကိုလည်း လုပ်‌ဆောင်ပါတယ်။

Engine Auto Stop-Start System (EASS)
     Ertiga Hybrid ကားသစ်မှာ Engine Auto Stop-Start System (EASS) စနစ်လည်းပါဝင်လာမှာဖြစ်ပြီး မီးပွိုင့်မိနေချိန်လိုမျိုး ခေတ္တ ရပ်နားနေရချိန်မျိုးမှာ ဆီစားသက်သာစေဖို့နဲ့ အင်ဂျင်ရဲ့ ဆူညံမှုမရှိနေစေဖို့အတွက်ကို စက်သတ်ပေးထားမှာဖြစ်ပါတယ်။ ကားရွေ့ဖို့အတွက် gearbox ထဲက clutch ရဲ့ လှုပ်ရှားမှုရှိလာတဲ့အခါ(clutch ဆွဲလိုက်သောအခါ)မှာတော့
အင်ဂျင်စက်ကို အလိုအလျှောက်ပြန်နိုးပေးမှာဖြစ်ပါတယ်။

Dual-battery system
     Ertiga Hybrid မှာ Dual-battery system ပါဝင်ပြီး 12-volt lead-acid battery တစ်ခုနဲ့ 48-volt lithium-ion battery တစ်ခုပါဝင်ပါမယ်။12-volt battery က အရင် Ertiga အပါအဝင် တခြားသော သာမန် ICE ကားများကဲ့သို့ပင် လျှပ်စစ်ပေးတဲ့ စနစ် (standard electrical systems) လုပ်ဆောင်ချက်များကို လုပ်ဆောင်သွားမှာဖြစ်ပြီး 48-volt battery ကတော့ engine ရဲ့ idle start-stop function စနစ်၊ အလိုအလျှောက် အားပြန်သွင်းမယ့် regenerative braking စနစ် နဲ့ အရှိန်တင်မယ့် acceleration တို့အတွက်တို့ကို လုပ်ဆောင်ပေးသွားမှာဖြစ်ပါတယ်။

Regenerative braking
     Ertiga Hybrid ကားကို မောင်းနှင်နေရာမှ break နင်းပြီး အရှိန်လျှော့လိုက်တိုင်းမှာ ISG ကနေ battery ထဲကို စွမ်းအင်သိုလှောင်နိုင်ဖို့ လုပ်ဆောင်ပေးမှာ ဖြစ်ပါတယ်။ အဆိုပါ စွမ်းအင်ဖြင့် အင်ဂျင်စက်နိုးဖို့နဲ့ အင်ဂျင်အတွက်လိုအပ်သော စွမ်းအင်ကို ပံ့ပိုးပေးဖို့အတွက်ကို အသုံးပြုစေမှာပဲဖြစ်ပါတယ်။

    ဒါကတော့ Suzuki Ertiga Hybrid ရဲ့ mild-hybrid system ပဲဖြစ်ပြီး ကားကိုအရှိန်တင်ရာမှာ ပိုမိုညက်ညောစေပြီး သာမန် ICE ကားများထက် ဆီစားပိုသက်သာစေဖို့ ဖန်တီးထားတဲ့ စနစ်ပဲဖြစ်ပါကြောင်း။

#Suzuki #Ertiga #Hybrid

Leapmotor မှ မြန်မာနိုင်ငံမှာ SKD စနစ်ဖြင့် လျှပ်စစ်ကားများ ထုတ်လုပ်မည်

တရုတ်လျှပ်စစ်ကား ထုတ်လုပ်သူ Leapmotor မှ မြန်မာနိုင်ငံမှာ SKD စနစ်ဖြင့် လျှပ်စစ်ကားများ ထုတ်လုပ်သွားမယ်လို့ သိရပါတယ်။ Leapmotor အနေနဲ့ မြန်မာနိုင်ငံရှိ စီးပွားရေးလုပ်ငန်း တစ်ခုဖြစ်သော NPK Motor နဲ့ ပြီးခဲ့တဲ့ November လ 25 ရက်တုန်းက Cooperation Agreement လက်မှတ်ရေးထိုးလိုက်ပြီး အရှေ့တောင်အာရှ ဈေးကွက်အတွက် လျှပ်စစ်ကား ထုတ်လုပ်ရေးလုပ်များ လုပ်ဆေင်နိုင်ဖို့ စတင်ဆောင်ရွက်လာတာဖြစ်ပါတယ်။
Leapmotor အနေနဲ့ မည်သည့် ကား model များကို ထုတ်လုပ်မယ်ဆိုတာမျိုး အတိအကျ ဖော်ပြထားခြင်း မရှိသေးပဲ မြန်မာနိုင်ငံမှာ လျှပ်စစ်ကားများ ထုတ်လုပ်ဖို့အတွက် လိုအပ်သော နည်းပညာများ ထောက်ပံ့ပေးသွားမှာဖြစ်ပြီး ပညာရှင်များကိုလည်း စေလွတ်သွားဖို့ရှိတယ်လို့ သိရပါကြောင်း။

Toyota ရဲ့ ဖိလစ်ပိုင်နိုင်ငံရှိ စက်ရုံခွဲမှာ Tamaraw Pick Up ကားများ စတင်ထုတ်လုပ်

Toyota ရဲ့ ဖိလစ်ပိုင်နိုင်ငံမှာရှိတဲ့ လုပ်ငန်းခွဲဖြစ်တဲ့ Toyota Motor Philippines ရဲ့ Toyota Santa Rosa plant စက်ရုံကနေ Tamaraw အမှတ်တံဆိပ် ပစ်ကပ်ကားများ (ထိုင်းနိုင်ငံမှာ Hilux Champ ဆိုသော အမည်ဖြင့် ထုတ်လုပ်ရောင်းချ)ကို စတင်ထုတ်လုပ်နေပြီလို့ သိရပါတယ်။ ဖိလစ်ပိုင်ပီဆိုငွေ ၅.၅ဘီလီယံဖိုး ရင်းနှီးမြှုပ်နှံထားတဲ့ အဆိုပါ စီမံကိန်းကနေ တစ်နှစ်လျှင် ကားအစီးရေ ၂၂၀၀၀ လောက် ထုတ်လုပ်သွားမှာဖြစ်ပြီး Starting Price ဖိလစ်ပိုင် ပီဆိုငွေ 8သိန်းအောက် (US$ - 13600 ဝန်းကျင်)ဖြင့် ရောင်းချပေးသွားမှာ ဖြစ်ပါတယ်။ Toyota Motor Philippines အနေနဲ့ အမှာစာများ လက်ခံဖို့ပြင်ဆင်နေပြီး လာမယ့် 2025 January လထဲမှာ တရားဝင် ရောင်းချပေးသွားမှာဖြစ်တယ်လို့ သိရပါကြောင်း။

#Myanmar_Motorgraph #Toyota #Hilux #Champ #Tamaraw

ထိုင်းနိုင်ငံမှာ  EV bus ကားကို တင်သွင်းပြီး အနာဂတ်မှာ ကိုယ်တိုင် ထုတ်လုပ်နိုင်ဖို့ လေ့လာမည်

     ထိုင်း သယ်ယူပို့ဆောင်ရေးပံ့ပိုးမှုဆိုင်ရာ လုပ်ငန်းကြီး တစ်ခုဖြစ်တဲ့ Thaisangchoren  Service Co., Ltd. (TSS) ဟာ  ထိုင်းနိုင်ငံအတွင်းသို့ Farizon C10E model  လျှပ်စစ်ဘတ်စ်ကားကို တင်သွင်းခဲ့ပြီး ထိုင်းနိုင်ငံရှိ နည်းပညာဆိုင်ရာ ပညာရေးအဖွဲ့အစည်းများ ဖြစ်ကြတဲ့ Thammasat University ရှိ Sirindhorn International Institute of Technology (SIIT) ရဲ့ လက်အောက် ဌာနခွဲများ ဖြစ်ကြသော Department of Industrial Engineering and Smart Logistic နဲ့ Department of Mechanical Engineering and Manufacturing Systems တို့နှင့် အတူပူးပေါင်းကာ လျှပ်စစ်ကားနည်းပညာ သုတေသနနှင့် ဖွံ့ဖြိုးတိုးတက်ရေးဆိုင်ရာအတွက် ဆောင်ရွက်သွားမယ်လို့ သိရပါတယ်။

     အဆိုပါ တင်သွင်းမှုဟာ ထိုင်းနိုင်ငံရဲ့ အများပြည်သူ သယ်ယူပို့ဆောင်ရေး ကဏ္ဍအတွက် အထူး အရေးပါပြီး အနာဂတ် သန့်ရှင်းသောစွမ်းအင် အသုံးပြုရေး၊ လေထုညစ်ညမ်းမှုနဲ့ ရေရှည်ကုန်ကျစရိတ် လျော့ချနိုင်ရေးကိစ္စတွေ အတွက်ကို များစွာ အကျိုးရှိစေလိမ့်မယ်လို့ ဆိုပါတယ်။

      Farizon ဆိုတာ တရုတ်ကားထုတ်လုပ်ရေး လုပ်ငန်းတစ်ခုဖြစ်တဲ့  Geely Holding Group ရဲ့ လက်အောက်ခံ လုပ်ငန်းခွဲ တစ်ခု ဖြစ်ပြီး ခရီးသည်တင်ယာဉ်များ အပါအဝင် လုပ်ငန်းသုံးယာဉ်များကို ထုတ်လုပ်ပါတယ်။ Farizon C10E မှာ 338 kWh ဘက်ထရီကို တပ်ဆင်ထားပြီး Liquid Cooling စနစ်ဖြင့် ဘက်ထရီရဲ့ အပူချိန်စီမံခန့်ခွဲမှုကို ပိုမိုထိရောက် ကောင်းမွန်စေရန် ဆောင်ရွက်နိုင်ကာ DC charging နဲ့ CCS2 charging head type ကို အသုံးပြုပေးထားပါတယ်။
      အဆိုပါ စနစ်နဲ့ battery ပမာဏဟာ   တာလတ်- ခရီး‌ဝေး နှင့် မြို့တွင်းအသုံးပြုမှု အတွက်ကို လုံလောက်အောင် ပံ့ပိုးပေးမှာဖြစ်ပါတယ်။ ဒါ့အပြင် လုံခြုံဘေးကင်းရေးအတွက်  CCTV ကင်မရာများ၊ anti-pinch sensors system များ နဲ့  အရေးပေါ်တံခါးများလို ဘေးကင်းရေးဆိုင်ရာများလည်း ပါရှိသည်။ ကားရဲ့ ကိုယ်ထည် တည်ဆောက်မှု အပိုင်းမှာလည်း သက်ကြီးရွယ်အိုများနှင့် ဘီးတပ်ကုလားထိုင်အသုံးပြုသူများကဲ့သို့သော ခရီးသည်များအပါအဝင် လိုက်ပါစီးနင်းမယ့်သူများအတွက် လိုက်လျောညီထွေဖြစ်စေမယ့် ကျယ်ဝန်းသော အလယ်လျှောက်လမ်းနဲ့ low floor ဒီဇိုင်းပုံစံနဲ့ ဖန်တီးထားတာ ဖြစ်ပါတယ်။

      TSS အနေနဲ့  SIIT, Thammasat University နှင့် ပူးပေါင်းကာ လျှပ်စစ်ကားနည်းပညာ သုတေသနနှင့် ဖွံ့ဖြိုးတိုးတက်ရေးတွင် Farizon C10E ကို အင်ဂျင်နီယာနှင့် ထုတ်ကုန်ဒီဇိုင်းအကြောင်း လေ့လာရန် မော်ဒယ်အဖြစ် အသုံးပြုမှာဖြစ်ပြီး၊ လက်တွေ့လျှပ်စစ်ကားဆိုင်ရာ နည်းပညာများအကြောင်းကို သုတေသန ပြုလုပ်လေ့လာကြမည့်  ကျောင်းသားများနှင့် သယ်ယူထောက်ပံ့ ပို့ဆောင်ရေး လုပ်ငန်းကို အနာဂတ်တွင် ပံ့ပိုးကူညီရန် အသိပညာများ တိုးပွားဖို့အတွက်ကိုလည်း ရည်ရွယ်တယ်လို့ သိရပါကြောင်း။

Xiaomi SU7 EV ကားများ အလိုအလျောက် ပါကင်စနစ် ချွတ်ယွင်းပြီး ယာဉ်ထိခိုက်မှုများ ဖြစ်ပွား

ပြီးခဲ့တဲ့ နိုဝင်ဘာ ၁၄ ရက် ညနေပိုင်းကနေ နိုဝင်ဘာ ၁၅ ရက်အစောပိုင်း အချိန်အတွင်း Xiaomi SU7 standard version လျှပ်စစ်ကား ပိုင်ရှင် ၇၀ ခန့်ဆီကနေ အလိုအလျောက် ပါကင်စနစ်တွင် ချွတ်ယွင်းသွားကြောင်း အကြောင်းကြားမှုများ ရှိခဲ့ပြီး တချို့ကားများဆိုလျှင်  ယာဉ်ထိခိုက်ပျက်စီးမှုများပင် ဖြစ်ပေါ်ခဲ့တယ်လို့ သိရပါတယ်။ အဆိုပါဖြစ်ပွားမှုအတွက်  တရုတ်နည်းပညာကုမ္ပဏီကြီး Xiaomi အနေနဲ့ ပျက်စီးသွားသောကားများအတွက် ပြုပြင်စရိတ်များကို တာဝန်ယူ အကုန်အကျခံ ပေးမှာဖြစ်ပြီး ထိန်းသိမ်းမှုဆိုင်ရာ သတ်မှတ်ချက်ကိုလည်း လျော့ပေါ့ပေးမယ်လို့ ကြေညာပေးခဲ့ပါတယ်။ သို့ပေမယ့်လည်း SU7 ပိုင်ရှင်များအနေနဲ့ ယခုဖြစ်ရပ်ရဲ့  ပြဿနာအရင်းခံအကြောင်းအရင်းကို ရှင်းလင်းစွာ သိရှိလိုနေကြပြီး ဖြေရှင်းချက်ကို ထုတ်ပြန်ပေးဖို့ တောင်းဆိုထားကြတယ်လို့ သိရပါကြောင်း။

#Myanmar_Motorgraph #Xiaomi #SU7 # EV

🙏🙏တန်ဆောင်မုန်းလပြည့်နေ့(သာမညဖလ အခါတော်နေ့) မှာချစ်မိတ်ဆွေများ အားလုံး 🍀ကိုယ်၊ စိတ် ကျန်းမာ ချမ်းသာစွာဖြင့် ဘေးရန်ကင်းကွာပြီး လိုအင်ဆန္ဒများ ပြည့်ဝပါစေရန်မှ Myanmar Motorgraph Team မှ ဆုမွန်ကောင်းတောင်းအပ်ပါသည် ✨✨

Nissan Motor အကျပ်အတည်းများနှင့် ရင်ဆိုင်နေရပြီး အလုပ်အကိုင်ပေါင်း 9000 ကိုလျှော့ချမည်

     Nissan Motor မှ အကျပ်အတည်းများနှင့် ကြုံတွေ့ရင်ဆိုင်နေရသောကြောင့် ကုန်ကျငွေ ‌ကန်ဒေါ်လာ ၂.၆ဘီလီယံ ဖိုး သက်သာစေမယ့် အစီအစဉ်ကို အကောင်အထည်ဖော်ဖို့ လုပ်ဆောင်နေပါတယ်။ < Myanmar Motorgraph > အဆိုပါ အစီအစဉ်ရဲ့ တစ်စိတ်တပိုင်းအဖြစ် အလုပ်အကိုင်နေရာပေါင်း 9000 ကို လျှော့ချဖျက်သိမ်းသွားမှာ ဖြစ်ကာ ကမ္ဘာတဝှမ်းရှိ ထုတ်လုပ်မှုပမာဏရဲ့ 20% လောက်အထိ လျှော့ချထုတ်လုပ်သွားမယ်လို့ သိရပါတယ်။ Nissan အနေနဲ့ မော်တော်ကား ရောင်းချရမှု ပမာဏဟာ သိသိသာသာလျော့ကျလာနေပြီး အထူးသဖြင့် တရုတ်နဲ့ အမေရိကန်နိုင်ငံများမှာ ရောင်းအားထိုးကျမှုနဲ့ ရင်ဆိုင်နေခဲ့ရတာဖြစ်ပါတယ်။ < Myanmar Motorgraph > အဆိုပါကြေညာချက်ဟာ ဒီ 2024 ခုနှစ်ထဲမှာ ဒုတိယအကြိမ်မြောက်ဖြစ်ပြီး တစ်နှစ်တာအတွက် အမြတ်ရရှိနိုင်မယ့် ပမာဏကိုလည်း 70%  လောက်အထိပင်လျော့ကျလိမ့်မယ်လို့ ခန်းမှန်းတွက်ချက်ထားတယ်လို့ သိရပါကြောင်း။

#Myanmar_Motorgraph #Nissan

Audi မှ ကွင်း၄ကွင်း logo မပါသော ပထမဆုံး concept ကား AUDI E CONCEPT ကို ထုတ်ဖော်ပြသ

Audi ဆိုတာနဲ့ ကားရဲ့အရှေ့နဲ့ နောက်မှာ ကွင်းလေးကွင်းဆက် logo နဲ့ ကားတွေ ဆိုပြီး သိထားကြပါတယ်။ သို့ပေမယ့်လည်း Audi မှ 1932 ခုနှစ်ကတည်းကနေ အသုံးပြလာခဲ့တဲ့ logo ကို ဖယ်ရှားပြီး "AUDI" ဆိုသော စာသား logo ကို ပထမဆုံး အသုံးပြုထားတဲ့ လျှပ်စစ် concept ကားတစ်စီးကို စတင်ထုတ်ဖော်ပြသလာခဲ့ပါတယ်။ < Myanmar Motorgraph> အဆိုပါ concept ကားကို "AUDI E CONCEPT" လို အမည်ပေးထားပြီး တရုတ် အထင်ကရ ကားလုပ်ငန်းကြီး တစ်ခုဖြစ်တဲ့ SAIC နဲ့ အတူပူးပေါင်းဖန်တီးထားတာဖြစ်တယ်လို့ သိရပါတယ်။

အဆိုပါ AUDI E concept ကားဟာ အတိုင်းအတာအားဖြင့် 4,870 mm အရှည်၊ 1,990 mm အကျယ်နဲ့ 1,460 mm အမြင့် ရှိပြီး wheelbase အကွာအဝေး 2,950 mm ရှိပါတယ်။ 100 kWh ternary lithium battery ကို 800V electric architecture system နဲ့ အသုံးပြုပေးထားပြီး CLTC စံနှုန်းဖြင့် 700 km အကွာအဝေးအထိ မောင်းနှင်နိုင်မယ်လို့ ဆိုပါတယ်။ < Myanmar Motorgraph> ရှေ့နောက် လျှပ်စစ်မော်တာ 2လုံးဖြင့် 4WD စနစ်သုံး Quattro model ဖြစ်ပြီး 0 to 100 km / h ကို 3.6 seconds နဲ့ ရောက်အောင် အရှိန်တင်နိုင်ပါတယ်။ ဒါ့အပြင် adjustable front-wheel steering, နဲ့ air suspension စနစ်များလည်း တပ်ဆင်ထားတယ်လို့ ဆိုပါတယ်။ ကားရဲ့ ထိန်းချုပ်မှု အပိုင်းမှာတော့ Audi ရဲ့ ကိုယ်ပိုင် operating system အသစ်ဖြစ်တဲ့ AUDI OS ကို အသုံးပြုသွားမှာဖြစ်ပြီးuး Unique facial recognition နဲ့ Audi Voice Assistant လို features တွေကို အသုံးပြုနိုင်မှာ ဖြစ်ပါတယ်။

အဆိုပါ AUDI E Concept လျှပ်စစ်ကားရဲ့ production model ကို လာမယ့် 2025 ခုနှစ်မှာ တရုတ်ပြည်တွင်းဈေးကွက်မှာ စတင် ထုတ်လုပ်သွားဖို့ ရည်ရွယ်ပြီး နောက်ထပ် လျှပ်စစ်ကား model အသစ် ၂ မျိုးကိုလည်း ထပ်ပြီး မိတ်ဆက်သွားဖို့ ရှိနေပါတယ်။ < Myanmar Motorgraph> SAIC - AUDI ရဲ့ အစီအစဉ်အရ လာမယ့် 2025 ခုနှစ်ကစပြီး အသစ်ထုတ်လုပ်သွားမယ့် လျှပ်စစ် ကား model အသစ်များမှာ AUDI ဆိုသော logo ဖြင့် အစားထိုး အသုံးပြုသွားတော့မှာဖြစ်ပြီး အဆိုပါကားအားလုံးကို SAIC ရဲ့ advanced digital platform အသစ်ကို အသုံးပြုသွားမှာဖြစ်ပါတယ်။

Audi ရဲ့ ပြောကြားချက်များအရ Audi E Concept အပါအဝင် အသစ် ထုတ်လုပ်မယ့် လျှပ်စစ်ကားသစ်များဟာ တရုတ်ပြည်တွင်းဈေးကွက် အတွက်ကိုသာ ရည်ရွယ်ထားတာဖြစ်ပြီး အာဆီယံ ဒေသ အပါအဝင် နိုင်ငံတကာ ကားဈေးကွက်အတွက်ကို တင်သွင်းရောင်းချဖို့ အစီအစဉ် မရှိသေးဘူးလို့ သိရပါကြောင်း။

#Myanmar_Motorgraph #Audi #EV

Suzuki e VITARA  100% BEV

HEARTECT-e platform
Developed from the Suzuki eVX prototype
Segment - B-SUV
Expected launch date - Early 2025
Markets - Europe, India, Japan, Asean
5-seat off-roader, 61 kWh battery, dual motors, 184 horsepower, 300 Newton meters, 4WD

Dimensions
L x W x H - 4275 x 1800 x 1635 mm
Wheelbase - 2700 mm
Minimum ground clearance - 180 mm
Cargo space capacity - 306 liters


Standard 2WD
Single electric motor (Front-Wheel Drive)
Power output - 144 hp /189 Nm
Battery - 49 kWh (Lithium-ion LFP)
 

Long Range 2WD
Single electric motor (Front-Wheel Drive)
Power output - 173 hp /189 Nm
Battery - 61 kWh (Lithium-ion LFP)
Maximum  range - 402 km. (WLTP standard)

Long Range 4WD
Dual electric motor (4WD)
Front motor 173hp + Rear motor 65hp
Power output - 184 hp /300 Nm
Battery - 61 kWh (Lithium-ion LFP)


Fast Charging
DC Fast Charger - 150 kW++
Charging time - 15% to 70% in 30 minutes

Features of Suzuki e VITARA

- ALLGRIP-e suspension system with 4-wheel drive system
- Front and rear eAxles with LSD  Limited Slip Differential
- Trail Mode driving mode
- 18-19 inch alloy wheels
- 10.25 inch full digital meter screen
- 10.1 inch touchscreen center screen
- Supports wireless Apple CarPlay / Android Auto
- Foldable rear seats - 60:40 independent sliding
- 2-spoke steering wheel design
- Dial Shift gear shift button
- Wireless charger etc.....

#Myanmar_Motorgraph #Suzuki #EV

ဈေးကြီးတဲ့ကားတွေလည်း မဝယ်နိုင်ဘူး ဗြူးဗြူးဗြဲဗြဲ လည်း လုပ်ချင်သူများအတွက် 😁😁

V6 DAEWOO MATIZ
( Chery QQ3 in Myanmar)

Engine -  Vauxhall 3.2 V6 engine
Power output - 210HP

Courtesy of Twin Engine Corsa
https://www.facebook.com/Twinenginecorsa?mibextid=ZbWKwL

Mitsubishi DST Concept ( Reincarnation of Mitsubishi Adventure)

Segment - C-SUV (7 seats)
For - ASEAN market
Chassis - Monocoque
Powertrain - 4WD HEV/PHEV (possible)
Production model launch - Early 2025
Priority markets - Philippines and Indonesia
Main Rivals - Toyota Innova, Kia Carens

2025 Mazda BT-50 Facelift Thailand

Toyota Hilux Rangga SUV Concept (Indonesia)

Hilux Champ - Thailand
Hilux Rangga - Indonesia
Hilux Tamaraw - Philippines

Courtesy of otomotif.kompas.com & GridOto.com
#Myanmar_Motorgraph
#Toyota #Hilux

Xiaomi SUV Leak? or Fake?

Subaru Chiffon Try

Toyota မှ ဆန်းသစ်တီထွင်ထားသော Hydrogen သိုလှောင်ဘူး

Toyota ကနေ Hydrogen စွမ်းအင်ဖြင့် အသုံးပြုမည့် မီးစက်၊ ကား၊ ဆိုင်ကယ်နှင့် အိမ်သုံး ပစ္စည်းများအတွက် အလွယ်တကူ စွမ်းအင်ဖြည့်တင်း အသုံးချနိုင်မယ့် သိုလှောင်ဘူး (Hydrogen Cartridge) တစ်မျိုးကို ဆန်းသစ်တီထွင်ဖန်တီးပြီး ထုတ်ဖော်ပြသလိုက်ပါတယ်။

Toyota ရဲ့ ဆန်းသစ်တီထွင်မှုဟာ အနာဂတ် စွမ်းအင်သစ်ကို တွင်တွင်ကျယ်ကျယ် အသုံးပြုနိုင်ဖို့အတွက်ကို ရည်ရွယ်တာဖြစ်ပြီး အဆိုပါ Hydrogen Cartridge ကို လွယ်လင့်တကူအသုံးပြုနိုင်စေဖို့ ရှိရင်းစွဲ နည်းပညာများထက် ပိုမိုဘေးကင်းပြီး အလေးချိန်ပေါ့ပါးအောင် ဖန်တီးထားတာလည်းဖြစ်ပါတယ်။ ဒါ့အပြင် Toyota ဟာ ဓါတ်ငွေ့မိုးဖိုထုတ်လုပ်သူ Rinnai နဲ့ အတူပူးပေါင်းပြီး Hydrogen လောင်စာသုံး FCEV ကားများအတွက် စွမ်းအင်အဖြစ် အသုံးပြုတဲ့ Hydrogen လောင်စာဖြင့်အသုံးပြုနိုင်မယ့် မီးဖို တစ်မျိုးကိုလည်း  ပူပေါင်းဖန်တီးလျှက်ရှိတယ်လို့ ဖော်ပြသွားပါတယ်။

လက်ရှိမှာတော့ အဆိုပါ နည်းပညာဟာ Prototype အဆင့်မှာပဲ ရှိနေသေးပြီး လာမယ့် October လ 15 ရက်နေ့မှာ ကျင်းပမည့် Japan Mobility Show Bizweek 2024 ပွဲမှာ တရားဝင်မိတ်ဆက်သွားမယ်လို့ သိရပါကြောင်း။

Kia ရဲ့ နှစ်80 ပြည့် အထိမ်းအမှတ် အတွက် ကားဟောင်း တစ်စီးကို EV အဖြစ် ပြောင်းလဲ ဖန်တီး

    တောင်ကိုရီးယား ကားထုတ်လုပ်သူ KIA မှ နှစ် ၈၀ပြည့် အထိမ်းအမှတ်အဖြစ် UK မှာ  ပထမမျိုးဆက် "Pride" ဆိုတဲ့ hatchback ကား‌ ဟောင်းလေး တစ်စီးကို EVလျှပ်စစ်ကား တစ်စီး အဖြစ်ပြောင်းလဲဖန်တီးလိုက်ပါတယ်။

      Kia pride ကို  1987 ခုန‌စ်တုန်းက Ford Festiva ကို အခြေခံပြီး ထုတ်လုပ်ခဲ့တာ ဖြစ်ပြီး နောက်ပိုင်းမှာတော့ RIO ဆိုသော model  ဖြင့် အစားထိုးထုတ်လုပ်ခဲ့ပါတယ်။ EV ကားအဖြစ်ပြောင်းလဲခြင်းကို Kia UK လုပ်ငန်းခွဲမှ Electrogenic နဲ့ ပူးပေါင်းကာ  လုပ်ဆောင်ခဲ့တာဖြစ်ပြီး Oxfordshire မှာရှိတဲ့ Electrogenic ရဲ့ စက်ရုံမှာပဲ ပြုပြင်ပြောင်းလဲမှုတွေကို လုပ်ဆောင်ခဲ့တာ ဖြစ်ပါတယ်။ မူလက ပါရှိတဲ့ 1.3-litre petrol engine, fuel tank နဲ့ filler neck တို့ကို ဖြုတ်ချပြီး လျှပ်စစ်မော်တာ နဲ့ ဘက်ထရီ ကိုထည့်သွင်းတပ်ဆင်ခဲ့တာဖြစ်ကာ five-speed manual transmission ကိုတော့ မူလအတိုင်းပဲ ဆက်ပြီး အသုံးပြုထားပါတယ်။

     သို့လှောင်နိုင်မှု 10kWh ပမာဏရှိတဲ battery ၂လုံးကို ကားရှေ့ စက်ခန်းနဲ့ အနောက်ပိုင်း ၂နေရာမှာ ခွဲပြီးတပ်ဆင်ထားပြီး လျှပ်စစ်မော်တာဖြင့် မူလ ဂီယာအုံနဲ့ ချိတ်ဆက်တပ်ဆင်ကာ ရှေ့ယက်အဖြစ် မောင်း‌န‌င်စေတာဖြစ်ပါတယ်။ လျှပ်စစ်မော်တာကနေ အမြင့်ဆုံး 107bhp နဲ့ 235Nm torque အထိ ထွက်ရှိတာကြောင့် မူလ five-speed manual transmission နဲ့ အဆင်ပြေစွာ ချိတ်ဆက်မောင်းနှင်နိုင်စေဖို့အတွက် high-performance clutch ဖြင့် upgrade လုပ်ပေးခဲ့ရတယ်လို့ ဖော်ပြထားပါတယ်။  ကားမောင်းနှင်မှု ပုံစံကို Eco၊ Sport နဲ့ Auto ဆိုပြီး မောင်းနှင်နိုင်စေဖို့ ဖန်တီးပေးထားပါတယ်။

      ECO mode မှာ မူရင်းကားတစ်စီးကဲ့သို့ မောင်းနှင်နိုင်အောင် စီမံပေးထားကာ လျှပ်စစ်မော်တာရဲ့ စွမ်းဆောင်ရည်ကိုလည်း မူလ ဓာတ်ဆီအင်ဂျင်ကားအတိုင်း ကဲ့သို့ပင် 60bhp နဲ့ 118Nm-torque ဖြင့် ကန့်သန့် ပေးထားသလို အကွာအဝေးအားဖြင့်တော့ မိုင် 120 လောက် မောင်းနှင်နိုင်လိမ့်မယ်လို့ ဆိုပါတယ်။

     Sport mode မှာတော့ လျှပ်စစ်မော်တာရဲ့ စွမ်းအင်အမြင့်ဆုံးဖြင့် အသုံးပြုနိုင်ပြီး မြန်နှုန်းအားဖြင့် 0 to 100 km/h ကို 8 seconds လောက်ဖြင့် ရောက်နိုင်မှာဖြစ်တယ်လို့ သိရပါတယ်။

     Auto mode ကတော့ ယနေ့ခေတ်အသုံးပြုနေကြသော သမရိုးကျ EV ကားများအတိုင်းညအသုံးပြုနိုင်မှာဖြစ်ပြီး regenerative braking ဖြင့် အားပြန်သွင်းနိုင်သလို  စွမ်းအင်သုံးဆွဲမှုကိုလည်း 75% ဖြင့်ကန့်သတ်ပေးထားပါတယ်။

ကားရဲ့ရုပ်ထွက်ပိုင်းကိုတော့ ဆေးရောင်ကို တခြားသော Kia မှ စီးပွားဖြစ်ထုတ်လုပ်တဲ့ EV ကားများကဲ့သို့ပင် Pearl White အရောင်ပြောင်းလဲပေးထားပြီး ရှေ့နောက် မီးလုံးများကိုလည်း အဆင့်မြှင့်တင်မှု တချို့လုပ်ပေးထားကာ တတ်နိုင်သမျှ မူလ ရုပ်ထွက်ပုံစံအတိုင်း ပြန်လည် ဖန်တီးပေးထားပါတယ်။ ကားအတွင်းပိုင်းကိုလည်း ရာနှုန်းပြည့်နီးပါးမူလအတိုင်းပဲ ထား‌ရှိပေးထားကာ ထိုင်ခုံနဲ့ ကြမ်းခင်းမှာ ခေတ်ပေါ်EV ကားအဖြစ် ထင်သပ်စေမယ့် အစိမ်းနုရောင် လိုင်းလေးများကို ထည့်သွင်းပေးထားပါတယ်။

     Kia UK မှ အဆိုပါ လျှပ်စစ်ကားလေးကို "Pridev" ဟု အမည်ပေးထားပြီး အထိမ်းအမှတ်အဖြစ် တစ်စီးထဲသာ ဖန်တီးထုတ်လုပ်တာ ဖြစ်ကာ စီးပွားဖြစ်ရောင်းချမှာ မဟုတ်ဘူးလို့ သိရပါကြောင်း။