«Moʻyna mantoli Madonna» asaridan men belgilagan joylar:
1. ... odamlar negadir izlagan narsasini oʻzi taxmin qilgan joyda boʻladi deb oʻylashadi. Ajdaho yashaydigan joyga kirib, u bilan jang qilishga tayyor «qahramon»ni topish juda oson, lekin tubida nima borligi nomaʼlum quduqqa tushishga jurʼat qiladigan odamni topish ancha qiyin. (6-bet)
2. Insonlarga qanchalik muhtoj boʻlsam, ulardan qochishga ham shunchalik ehtiyojim bor. (7-bet)
3. Hayot va zarurat insonga koʻp narsalarni oʻrgatadi... (11-bet)
4. Insonlar oʻrtasidagi munosabatlarni tashkil etadigan omillar naqadar kulgili, naqadar soxta va beʼmani va alaloqibat, asl insoniylikdan naqadar uzoq! (13-bet)
4. ... hamma narsaga tayyor turadigan, kimdan qanday muomala koʻrishni biladigan odamni hech narsa muvozanatdan chiqara olmaydi... (23-bet)
5. Lekin ular (odamlar) oʻrtadagi bu gʻovni olib tashlashga urinib koʻrish oʻrniga soʻqirdek daydib, paypaslanib yurishadi, bir-biri bilan toʻqnashib ketgandagina yonida oʻzidan boshqa odamlar ham borligini bilib qolishadi. (37-bet)
6. Dunyodagi eng goʻl, eng bechora, eng ahmoq odamning ham insonlarni hayratga soladigan darajada ajoyib, ziddiyatlarga toʻla ruhiyati boʻladi(-ku)! (45-bet)
7. Nega birinchi marta yeb koʻrayotgan pishlogʻimizning navini aytishga ikkilanamiz-da, birinchi marta toʻqnash kelgan inson toʻgʻrisida birpasda uzil-kesil xulosa chiqarib olamiz? (45-bet)
8. ... inson, albatta, yuragini boʻshatishi kerak. (59-bet)
9. Esimni taniganimdan beri butun umrim oʻzim bilmagan, tanimagan bir insonni izlash bilan oʻtgan ekan. (81-bet)
10. Dunyoda hech narsa menga maʼyus insonning majburan kulishga harakat qilishichalik azob bermaydi. (94-bet)
11. Bir inson boshqa bir insonni shunchaki, hech narsa qilmay turib ham baxtli qilishi mumkin ekan? (95-bet)
12. Mariya menga ruhim borligini eslatdi. Men ham uchratgan insonlarim orasida ilk bor ruhi tirik insonni koʻrib turibman. Albatta, hammaning ham ruhi bor, lekin koʻpchilikning bundan xabari yoʻq, koʻpchilik ana shu bexabar holatda kelgan joyiga qaytib ketadi. Ruh faqat oʻziga oʻxshagan ruhni uchratgandagina biz bilan, aqlimiz, oʻlchovlarimiz bilan hisob-kitob qilib oʻtirmay uygʻonadi. Oʻsha lahzadan eʼtiboran chin maʼnoda yashashni — ruhimiz bilan yashashni boshlaymiz. Oʻshanda barcha ikkilanishlar, tortinishlar ojiz qoladi, ruhlar bir-biri bilan quchoqlashish uchun hamma narsani yanchib oʻtib, bir-biriga talpinib chopadi. (115-bet)
13. Barcha yaqinlashishlar, birlashishlar, aslida, yolgʻon. Odamlar faqat muayyan holatda bir-biri bilan munosabatda boʻladi. (124-bet)
14. Vaholanki, oʻzimizni boshqalardan koʻra ulugʻroq, boshqalarni esa bizdan koʻra bechoraroq deb hisoblashga haqqimiz yoʻq... (124-bet)
15. Insonlar oʻrtasidagi, ayniqsa, erkak bilan ayol oʻrtasidagi munosabatlar shu qadar chigal, tuygʻularimiz shu qadar mavhumki, nima qilayotganimizni bilmay, oqimda suzib ketaveramiz. (128-bet)
16. Hech qaysi ayol ehtirosga berilgan erkakchalik ojiz, kulgili boʻlmaydi. (130-bet)
17. Shunday qarashlar borki, hayvoniy deyish kamlik qiladi. Hayvonlikdan ham tubanroq... Insonning riyokorligi, ayyorligi, bechoraligi omuxta boʻlgan hayvoniylik... Jirkanchlik... (135-bet)
18. Ayol bilan erkak oʻrtasidagi sevgiga haqiqiy nom berish qaysidir maʼnoda oʻzimizni aldashdan boshqa narsa emas.( 142-bet)
19. Ishq hech qachon siz aytgandek, oddiygina yoqtirish yoki kuchli sevgi emas. U butkul boshqa, biz tahlil qila olmaydigan bir his, uning qayerdan kelganini bilmaganimizdek, bir kun kelib, qayerga gʻoyib boʻlganini ham bilmay qolamiz. (143-bet)
20. Muhabbatda esa tahlil degan narsa yoʻq. (143-bet)
21. Yuragida haqiqiy muhabbati bor inson hech qachon sevgan kishisiga chegara qoʻymaydi, unga tazyiq oʻtkazmaydi. (143-bet)
22. Koʻpchilikni yaxshi koʻramiz, lekin yuragimizdagi haqiqiy muhabbat faqat birgina insonga qaratilgan boʻladi va biz uni qattiq seamiz. Muhabbat — sochganda kamayadigan narsa emas! (143-bet)
@mutolaazavqii
