Hello, welcome to this channel, I will provide all of you proper information about MPSC . Get booklist syllabus and more on our website https://www.mpscpoint.in You can Contact on following email [email protected]
ऑफिस मधून परत येता येता आज दोन जणांचे फोन आले.. एक होता जो म्हटला सर आपण दोन वर्षांपूर्वी शेवटचं बोललो होतो आणि तेव्हा तुम्ही मला अभ्यासात चालढकल करतो म्हणून खूप झापलं होतं. त्यानंतर मात्र मी खूप मन लावून अभ्यास केला आणि आज मला सरळसेवेतून एक पोस्ट मिळाली आहे तसेच अजून माझ्या दोन सरळसेवा पोस्ट कन्फर्म आहेत. जब जागो तब सुबहा म्हणतात तसं एकदा जाणीव झाली की पुन्हा मागे वळून पहायचं नाही आणि जोरदार मेहनत घ्यायची.. जी जान लगा देणा म्हणतात तसं कामाला लागलं आयुष्य घडविण्यासाठी गरजेचं असतं.. ते म्हणतात ना, "कौण सुधरा है सिर्फ बातो से यहा.. हर किसी को इक हादसा जरूरी है" असा टप्पा प्रत्येकाच्या आयुष्यात कधीतरी येत असतो तिथून पुढे आपलं आयुष्य कसं असेल हे आपल्या निर्णयांवर आणि आपल्या मेहनतीवर ठरणार असतं..
त्यानंतर अजून एका मित्राचा फोन आला. जवळपास सहा-सात वर्षे झाले अभ्यास सुरू आहे पण अजूनही हाती काहीच नाही.. क्लर्कची एवढी मोठी जाहिरात होती पण मेन्स होऊनही टायपिंग टेस्टच्या वेळी घरच्या एका मोठ्या अडचणीमुळे qualify होण्यात अडचण आली.. एवढ्या सगळ्या सरळसेवेच्या परीक्षा झाल्या पण तरीही हाती काही लागलंच नाही.. एवढ्या सगळ्या पसाऱ्यात अवसान गळून गेलेला तो बरंच काही सांगत होता.. त्यात एक गोष्ट बोलून गेला.. "मित्र म्हणतात म्हणे, आयुष्यात अभ्यासाशिवाय दुसरं काही आहे की नाही?" ....जाहिरात, जागा, प्री आणि मेन्सच्या वाऱ्या यांच्यात पिचलेल्या आणि जीवतोड मेहनत घेणाऱ्या प्रत्येकालाच एक तर हे कधीतरी ऐकावं लागतं किंवा कधीतरी स्वतःलाच तसा प्रश्न पडतो... पण खरं सांगायचं झालं तर सत्य खरंच खूप कडवट असतं.. खूप जास्त कडवट.. आणि सत्य हेच आहे की तुम्ही तयारीला लागून चार वर्षे झाल्यानंतर तुमच्या आयुष्यात अभ्यासाशिवाय खरंच काहीच नसतं.. तुम्हाला कितीही, काहीही आणि कसंही वाटलं तरीही... कारण या अभ्यासाच्या धक्क्यानेच अपयशाच्या गाळात अडकलेली आयुष्याची गाडी पुढे जाणार असते.. या सगळ्यात टिकून राहणं रोजच्या रोज एक आव्हान म्हणून समोर उभं राहतं पण तरीही रहायचं टिकून... सर्वायव्हल ही फार चिवट गोष्ट असते..छोट्यातल्या छोट्या जीवातही ती असते..आपल्यातही ती खच्चून भरलेली असते म्हणूनच तर आपण टिकून आहोत आणि राहणारही आहोत.. कितीही अडचणी असल्या.. आयुष्याने कितीही किचकट परिस्थितीमध्ये आपल्याला नेऊन टाकलं असलं तरीही भिडावं लागतं परिस्थितीला.. कालपरवाच एका मित्राशी बोलत होतो.. असाच काहीतरी विषय बोलता बोलता तो म्हटला होता ते Best is yet to come असतं ना त्यापेक्षा worst is yet to come असं म्हणत काम करायचं म्हणजे आहे ती परिस्थिती बरी वाटू लागते🙆 तर असा हा सगळा आयुष्य नावाचा पसारा असतो.. सावरावा तेवढं कमीच असतं त्यामुळे जसं तसं स्वीकारायचं आणि पुढे जात रहायच.. कधी Best is yet to come म्हणायचं अन् कधी अगदीच वैताग आला तर मग worst is yet to come म्हणायचं...
जाहिरात क्रमांक 111/2023 महाराष्ट्र गट क सेवा मुख्य परीक्षा 2023 – लिपिक टंकलेखक व कर सहायक पदाच्या टंकलेखन कौशल्य चाचणीचा निकाल आयोगाच्या संकेतस्थळावर प्रसिध्द करण्यात आला आहे.