راگەیاندنی وەزارەتی پێشمەرگە

لیوای ١٨ی پیادە ئۆپەراسیۆنێکی کێوماڵ کردنیان ئەنجام دا

راگەیاندنی وەزارەتی پێشمەرگە

بە مەبەستی دڵنیا بوون لە نەهێشتنی مۆڵگە و جموجۆڵی تیرۆریستان لە ناوچەکە، ئەمڕۆ ٥ی کانوونی دووەمی ٢٠٢٥، کاتژمێر ٠٨٠٠ بەیانی، لیوای ١٨ی پیادە لە سنوری چیای قەرەچوخ و دەشتاییەکانی کەندێناوە، هەڵمەتێکی گەڕان و پشکنینیان لە سنوری چالاکی لیوا ئەنجام دا، کە گومان دەکرا چەکدارانی داعش جموجۆڵیان هەبێت لەو ناوچانە.
لە ئۆپەراسیۆنەکەدا تەواوی ناوچەی دیاری کراو کێوماڵ کرا و گەڕان و پشکنینی بۆ ئەنجام درا، کاتژمێر ١٠٠٠ پێش نیوەڕۆ کۆتایی هات.

ئۆفیسی هاریکاری ئاسایشی ئەمریکا تاقیکردنەوەی زمانی ئینگلیزی ECLی ئەنجام دا

راگەیاندنی وەزارەتی پێشمەرگە

ئەمڕۆ ٥ی کانوینی دووەمی ۲٠۲٥، ئۆفیسی هاریکاری ئاسایشی وڵاتی ئەمریکا بە هەماهەنگی لەگەڵ کونسوڵخانەی گشتیی ئەمریکا لە هەولێر و بەڕێوەبەرایەتی چاکسازیی وەزارەتی پێشمەرگە، لە بەشی تەکنەلۆجیا و زمانەکانی سەر بە بەڕێوەبەرایەتی چاکسازی، تاقیکردنەوەی زمانی ئینگلیزی (ECL)ی بۆ ژمارەیەک ئەفسەر و کارمەندی وەزارەتی پێشمەرگە ئەنجام دا، کە تایبەت بوو بە بەشداربووانی خولەکانی زمانی ئینگلیزی بۆ ساڵی ۲٠۲٥.

ئاگاداریەک لە نەخۆشخانەی پێشمەرگەوە

راگەیاندنی وەزارەتی پێشمەرگە

لەئەنجامی ئەو هەوڵ و کۆششانەی، کە بەڕێوەبەرایەتی کاروباری تەندروستی وەزارەتی پێشمەرگە ئەنجامی داون، توانرا نەخۆشخانەی پێشمەرگە لە هەولێر ببێتە ناوەندێکی تەندروستی بۆ دابینکردنی دەرمان بۆ نەخۆشانی دڕێژخایەنی پێشمەرگە.

ئەمڕۆ ٢ــی کانوونی دووەمی٢٠٢٥ نەخۆشخانەی پێشمەرگە لە ئاگاداریێکدا سەرجەم پێشمەرگە قارەمانەکان و کەس و کاری سەربەرزی شەهیدان ئاگادار دەکاتەوە، کە دوای پشوەکانی سەری ساڵ دەست دەکرێت بە دروستکردنی دەفتەر چارەسەری مانگانە بۆ ئەو چارەخوازانەی کە نەخۆشی درێژخایەنیان هەیە بەمەبەستی وەرگرتنی دەرمانی مانگانە لە نەخۆشخانەی پێشمەرگە.

تێبینی:

١- لەڕۆژی سێشەمە(٢٠٢٥/١/٧)
لێژنە دەست بەکاردەبێت و نەخۆشەکان دەبینێت.
٢-لێژنە ڕۆژانی( یەک شەم، سێشەم ، چوارشەم) دادەنیشێت.
٣- دەفتەر چارەسەری مانگانە تەنها بۆ پێشمەرگە و کەس و کاری شەهیدان و کەسی پلە یەکی ئەم دوانە دەکرێت.

بۆزانیاری زیاتر پەیوەندی بکەن بەم ژمارانەی خوارەوە.
07502355830
07512236696

پەیامی وەزیری پێشمەرگە بە بۆنەی هاتنی ساڵی نوێی زایینی 2025.

دەقی پەیامەکەی وەزیری پێشمەرگە:-

“سـاڵی نوێتـان پیرۆزبێت”

“بە گەرمی پیرۆزبایی هاتنی ساڵی نوێی زایینی لـە خەڵکی کوردستان و جیهان دەکەم. بە تایبەتـی پیرۆزبایی لە خانەوادەی سەربەرزی شەهیدان و پێشمەرگە قارەمانەکان و زیندانیانی سیاسی و تێکۆشەرە دێرینەکان؛ دەکەم”.

“هیواخـوازم، ساڵی نوێ پڕبێت لـە دەستکەوتی زیاتر و خێر و خۆشگوزەرانی و ئارامی بێت بۆ گەلەکەمان، کۆتاییهاتنی ناخۆشی و گرفت و قەیرانەکان بێت لە هەرێمی کوردستان و ئاشتیی هەمیشەیی بێت بۆ تەواویی گەلانی جیهان”.

شـۆڕش ئیسماعیل
وەزیری پیشمەرگەی حکومەتی هەرێمی کوردستان
31ـی کانونی یەکەمی 2024

ساڵی نوێتان پیرۆز بێت

بە بۆنەی هاتنی ساڵی نوێ، پیرۆزباییەکی گەرم ئاراستەی تەوای خەڵکی خۆراگری کوردستان و نیشتیمان پەروەران و پێشمەرگە قارەمانەکان و بنەماڵەی سەربەرزی شەهیدان و شەهیدانی زیندوو و کەمئەندامانی سەنگەر دەکەین، هیوادارین ساڵی نوێ ببێتە ماییەی بەدیهێنانی ئامانجەکان و تەواوکردنی پرۆسەی چاکسازی و رێکخستنەوەی هێزی پێشمەرگە، وەزارەتی پێشمەرگە پێداگیرە لە هەوڵەکانی بۆ سەرخستنی پرۆسەی چاکسازی کە ستراتیجیەتێکی یەکلاکەرە و نەگۆرە بۆ مسۆگەرکردنی ئایندەی هێزی پێشمەرگەی کوردستان.

لە ساڵی تازەدا، هیوامان وایە کە وەزارەتی پێشمەرگە بتوانێت تەواوی پلانەکانی خۆی جێبەجێ بکات و یەکگرتنەوە و رێکخستنەوەی هێزەکان لە کۆتایی ساڵدا بە ئامانج سەرەکی خۆی بگات، بەڵێن دەدەین کە بە ئەرکی نیشتمانی و بەگیانی خۆبەختکردن و گیانفیدایی بۆ پاراستنی دەسکەوتەکانی هەرێمی کوردستان بەردەوام دەبین و داکۆکی دەکەین لەسەر بنەمای سیاسەتی گشتی حکومەتی هەرێمی کوردستان بۆ بەرگریکردن لە ئەزموونی هەرێمی کوردستان.


شانەی راگەیاندن و
هۆشیاری پێشمەرگە ٣١ی کانوونی یەکەمی ٢٠٢٤

بەڕێوەبەرایەتی گەیاندن کۆتایی بە خولی بنەرەتی دووی ئەفسەران هێنا

راگەیاندنی وەزارەتی پێشمەرگە

بە پێی پلانی مەشقی سەربازیی بۆ ساڵی ٢٠٢٤ و لەدرێژەی ئەو زنجیرە خولانەی کە بنکەی مەشق و ڕاهێنانی سەر بە بەڕێوەبەرایەتی گەیاندن(ٳتصالات) بۆ بەرزکردنەوەی توانای ئەفسەران و کارمەندان لەسەر ئامیرەکانی پەیوەندی کردنی سەربازی دەیکاتەوە، ئەمڕۆ ٢٨ی نۆڤێمبەری ٢٠٢٤ لە بەڕێوەبەرایەتی میرەی گشتی سەربازی، بە ئامادەبوونی لیوا کازم لەزگین بەڕێوەبەری گەیاندن و عمید کامەران محمد شریف جێگری بەڕێوەبەر و ژمارەیەک لە ئەفسەران، بەڕێوەبەرایەتی گەیاندن کۆتایی بەخولی بنەرەتی دووی ئەفسەران هێنا.

لەم خولەدا، ژمارەیەک ئەفسەری لیوا و یەکەکانی وەزارەتی پێشمەرگە بۆ ماوەی دوو مانگ بەشداربوون، وانەکانی ئەو خولە لەلایەن ئەفسەر و مامۆستای بەڕێوەبەرایەتی گەیاندن دەووترانەوە، لەم خولەدا بەژداربووان بەشێوەی تیۆری و پراکتیکی ئاشنا بە سیستەمی گەیاندنی سەردەم و چۆنیەتی بەکارهێنان و دانانی ئامێرەکانی پەیوەندیکردنی سەربازیی بوون و
لەکۆتایشدا بروانامەی دەرچوون بە ئەفسەرانی بەشداربووی خولەکە بەخشرا.

پرسەنامە

راگەیاندنی وەزارەتی پێشمەرگە

بە داخ و پەژارەیەكی زۆرەوە هەواڵی ژیانئاوایی ن.ض د/٦ کاروان عومەر ئەبوبەکر پێشمەرگەی لیوای ٢٦ی پیادەمان پێگەیشت، کە بەهۆی نەخۆشیەوە گیانی لەدەست دا، بەم بۆنە خەمناكەوە پرسە و سەرەخۆشی خۆمان ئاراستەی خانەوادە و كەسوكار و هاوڕێ و هاوسەنگەرانی دەكەین، لە خوای گەورە داواکارین کۆچکردوو بە بەهەشتی بەرین شاد بکات و سەبوری خانەوادەکەی بدات.

إنا لله وإنا إليه راجعون

شانەی راگەیاندن و هۆشیاری نیشتیمانی
٢٧ی تشرینی دووەمی ٢٠٢٤

فەرماندەیی هێزەکانی پشتیوانی یەک خولی شەشەمی بنەڕەتی تۆبخانەی بەکۆتا هێنا

راگەیاندنی وەزارەتی پێشمەرگە

ئەمڕۆ ٢٧ی نۆڤێمبەری ٢٠٢٤ بە ئامادەبوونی عبدالخالق بابیری بریکاری وەزارەت، فەریق روکن عیسا عوزێر سەرۆکی ئەرکان، فەریق سیهاد بارزانی فەرماندەی فەرماندەیی هێزەکانی پشتیوانی یەک، لیوا روکن هۆشمەند حیدەر جێگری سەرۆکی ئەرکان بۆ ئیدارەومیرە و تیمێکی راوێژکارانی سەربازی هاوپەیمانان لەهەرێم و ئەفسەرانی وەزارەتی پێشمەرگه، ڕێورەسمی کۆتایی هاتنی خولی شەشەمی بنەڕەتی تۆپخانە بۆ ئەفسەرانی فەرماندەیی بەڕێوەچوو.

لەو رێوڕەسمەدا، ئامادەبووان لە نزیکەوە بینەری نمایشی تەقاندنی چەکە قوڕسەکان بوون کە لە لایەن ئەفسەرانی بەشداربووی خولەکە نمایش کران و لەم خولەدا، ژمارەیەک ئەفسەری پێشکەوتووی هێزەکانی پشتیوانی یەک لە ژێر سەرپەرشتی تیمی مەشق و راهێنانی هێزەکانی هاوپەیمانان بە شێوەی تیۆری و پراکتیکی مەشق و راهێنانی چڕیان لەبارەی ئەو چەکانە ئەنجام دا و بەمەش دەتوانن لە یەکەکانی خۆیان باشتر و تۆکمەتر خزمەت بکەن.

پرسەنامە

راگەیاندنی وەزارەتی پێشمەرگە

بە داخ و پەژارەیەكی زۆرەوە هەواڵی ژیانئاوایی ر.ع جاسم کریم احمد، پێشمەرگەی فەوجی٣ی لیوای ١٦ی پیادەمان پێگەیشت، کە بەهۆی نەخۆشی کوتوپڕەوە ژیانئاوایی کرد، بەم بۆنە خەمناكەوە پرسە و سەرەخۆشی خۆمان ئاراستەی خانەوادە و كەسوكار و هاوڕێ و هاوسەنگەرانی دەكەین، لە خوای گەورە داواکارین کۆچکردوو بە بەهەشتی بەرین شاد بکات و سەبوری خانەوادەکەی بدات

إنا لله وإنا إليه راجعون

شانەی راگەیاندن و هۆشیاری نیشتیمانی ٢٢ی تشرینی دووەمی ٢٠٢٤

پرسەنامە

راگەیاندنی وەزارەتی پێشمەرگە

بە داخ و پەژارەیەكی زۆرەوە هەواڵی ژیانئاوایی ن.ض د/٨ رابەر نازم محمد پێشمەرگەی فەوجی کۆماندۆی بارەگای فیرقەی ٤ی پیادەمان پێگەیشت، کە بەهۆی روداوێکی دڵتەزێنەوە ژیانئاوایی کرد.
بەم بۆنە خەمناكەوە پرسە و سەرەخۆشی خۆمان ئاراستەی خانەوادە و كەسوكار و هاوڕێ و هاوسەنگەرانی دەكەین، لە خوای گەورە داواکارین کۆچکردوو بە بەهەشتی بەرین شاد بکات و سەبوری خانەوادەکەی بدات.

إنا لله وإنا إليه راجعون

شانەی راگەیاندن و هۆشیاری نیشتیمانی
٢٠ی تشرینی دووەمی ٢٠٢٤

ڕۆژی سێ شەممە ١٩ تشرینی دووەمی ٢٠٢٤، لە بنکەی مەشقی پیادەی دهۆک خولێکی پێشکەوتوو کۆتایی هات.
لە خولەکەدا ٢١٠ پێشمەرگەی لیوای ٢١ی پیادەی وەزارەتی پێشمەرگە بەشداربوون، بۆ ماوەی چوار هەفتە بەردەوام بوو، تیایدا بەشێوەی تیۆری و پراکتیکی مەشق و راهێنان بە بەشداربووان کرا.

فەرماندەی فیرقەی ٢ی پیادە پێشوازی لە شاندێکی هاوپەیمانان کرد

راگەیاندنی وەزارەتی ‌پێشمەرگە

رۆژی سێ شەممە ١٩ تشرینی دووەمی ٢٠٢٤، لیوا روکن ڕێبوار محێدین فەرماندەی فیرقەی ٢ی پیادە، پێشوازی لە کۆڵۆنێڵ جۆن فوستەر راوێژکاری سەربازی هێزەکانی هاوپەیمانان و شاندێکی یاوەری کرد.

لە کۆبوونەوەیەکدا، کە ئەفسەرانی بارەگای فیرقە ئامادەی بوون، گفتوگۆ کرا لەبارەی پەیوەندی و هاوکارییەکانی هێزەکانی هاوپەیمانان بۆ فیرقەکان، دواتر لیوا روکن رێبوار محێدین لەبارەی بەرەوپێش چوونی کاروبارەکانی فیرقە رونکردنەوەیەکی پێشکەش کرد، پاشان بۆ زیاتر ئاگاداربوون لە کاروبارەکانی فیرقە، شاندی میوان گوێیان بۆ داواکارییەکان گرت و باسیان لە کەموکوڕی و پێداویستیەکان کرد.

https://youtu.be/w58kBAirQQ4?si=gF3b76lHVMHAD-JH

لە بنکەی مەشقی پیادەی دهۆک کۆتایی بە خولێکی مەشق و راهێنان هات

راگەیاندنی وەزارەتی پێشمەرگە

ئەمڕۆ ١٩ی تشرینی دووەمی ٢٠٢٤، لە بنکەی مەشقی پیادەی دهۆک و بەسەرپەرشتی تیمی مەشق و راهێنانی هێزەکانی ئیتاڵیا لە هەرێمی کوردستان، کۆتایی هات بە خوڵێکی مەشق و راهێنان لەبارەی چەکی قەناس.

خولەکە، بۆماوەی ٣ هەفتە بەردەوام بوو، ژمارەیەک پێشمەرگەی لیوای ٧ و لیوای ١٥ی پیادە بەشداربوون، لەکۆتاییدا بڕوانەمە بەخشرایە بەشداربووانی خولەکە.

لیوای ١٨ ی پیادە کێوماڵی بناری چیای قەرەچوغی کرد

راگەیاندنی وەزارەتی پێشمەرگە

بەرەبەیانی ئەمڕۆ ١٤ی تشرینی دووەمی ٢٠٢٤، لیوای ١٨ی پیادەی وەزارەتی پێشمەرگە بە سەرپەرشتی فەرماندەی لیوا، هەڵمەتێکی فراوانی کێوماڵکردنیان لە بناری چیای قەرەچوغ ئەنجام دا، بە تایبەت ئەو ناوچانەی گومانی مۆڵگە و حەشارگەی تیرۆرستانی لێدەکرا.

لە میرەی گشتی وەزارەتی پێشمەرگە، بە سەرپەرشتی کۆمپانیای ئەمینتۆم بۆ ڕاهێنانی سەربازی چەند خولێکی جۆراوجۆر کۆتایی هات.

جێگری سەرۆکی ئەرکان پێشوازی لە شاندێکی کونسوڵخانەی ئەمریکا کرد

راگەیاندنی وەزارەتی پێشمەرگە

ئەمڕۆ ١٤ی تشرینی دووەمی ٢٠٢٤، لیوا روکن هۆشمەند حیدەر جێگری سەرۆکی ئەرکان بۆ ئیدارە و میرەی وەزارەرتی پێشمەرگە، پێشوازی کرد لە شاندێکی کونسوڵخانەی ئەمریکا و نوسینگەی هاریکاری ئاسایش بۆ کاروباری باکور و گروپی راوێژکاری مین لە هەرێمی کوردستان.
لە دیدارێکدا کە بەڕێوەبەری هەماهەنگیی و پەیوەندییەکان، جێگری بەڕێوەبەرایەتی میرەی گشتیی سەربازی وەزارەت ئامادەیبوون، گفتوگۆیان کرد لەبارەی هاوکاری و هەماهەنگییەکانی ویلایەتە یەکگرتووەکانی ئەمریکا بۆ هێزەکانی پێشمەرگە کرا، جەختیان لە بەردەوامی هاوکاریەکان کردەوە، دواتر باسیان لە کێڵگە مینەکانی هەرێمی کوردستان و مەترسییەکانی ئەو کێڵگە مینانە کرا، کە لە هەرێمی کوردستاندا ماون.
شایانی باسە ژمارەیەکی زۆر کێڵگەی مین لە هەرێمی کوردستان هەن، تا ئێستا چەندین هاوڵاتی بەهۆی مینەوە گیانیان لە دەست داوە و کەم ئەندام بوون.

لیوای ٦ی پیادە
خولێکی گەیاندنی بە کۆتا هێنا

راگەیاندنی وەزارەتی پێشمەرگە

ئەمڕۆ ١٤ی تشرینی دووەمی ٢٠٢٤، لە لیوای ٦ی پیادە، خولێکی گەیاندن کۆتایی هات.
لە خولەکەدا ١٢ پێشمەرگەی بارەگای لیوا و فەوجەکانی لیوای ٦ی پیادە بەشداربوون، ماوەی چوار رۆژی خایاند، تیایدا بەشێوەی تیۆری و پراکتیکی وانەیان لەبارەی ئامێرە بێتەلەکانی پەیوەندی سەربازی وەرگرت، لە کۆتاییدا بڕوانامە بەخشرایە بەشداربووان.

هێزەکانی پێشمەرگە و سوپای عێراق کۆبونەوە

ڕاگەیاندنی وەزارەتی پێشمەرگە

بەرواری ١٢ی تشرینی دووەمی٢٠٢٤ لە بارەگای لیوای ٣ی پیادە لە قەزای خانەقین کۆبونەوەی نێوان فەرماندەی لیوای ١ی فیرقەی ١ی سوپای عێراق و فەرماندە و ئەفسەرانی لیوای ٣ی پیادە و بەڕێوەچوو ، ئامانج لەم کۆبونەوانە بۆ ئاڵوگۆری زانیاری ئەمنی و هەماهەنگی زیاتر لە نێوان هەردوولابوو.

کۆبونەوەکە لەلایەن بنکەی هەماهەنگی هاوبەشی خانەقین ڕێکخراو بوو، هەروەها هەردولا ڕێکخستنی ئەم کۆبونەوانەیان بە گرنگ و پێویست زانی بۆ بنبڕکردنی تیرۆرستان و پاراستنی ئەمنیەتی ناوچەکە.

سەرۆکی بەشی زمانی ئینگلیزی لە زانکۆی دهۆک سەردانی بەشی تەکنەلۆجیا و زمانەکانیان کرد

راگەیاندنی وەزارەتی پێشمەرگە

ئەمڕۆ ۱۲ی تشرینی دووەمی ۲٠۲٤، عقید مجید بادین بەرپرسی بەشی تەکنەلۆجیا و زمانەکان لە بەڕێوەبەرایەتی چاکسازی وەزارەتی پێشمەرگە، پێشوازی لە دکتۆر مەروان عبدی سەرۆکی بەشی زمانی ئینگلیزی لە زانکۆی دهۆک و بەشێک لە مامۆستایانی یاوەری کرد.
لە دیدارێکدا، شاندی میوان پیرۆزباییان کرد لە عقید مجید بادین، بەبۆنەی دەست بەکاربوونی وەک بەڕێوەبەری بەشی تەکنەلۆجیا و زمانەکان لە بەڕێوەبەرایەتی چاکسازی وەزارەتی پێشمەرگە، دواتر گفتوگۆیان کرد لەبارەی بەهێز کردنی هەماهەنگی نێوان زانکۆی دهۆک و بەشی تەکنەلۆجیا و زمانەکان لە بەڕێوەبەرایەتی چاکسازی، هەروەها تیشکیان خستنە سەر کردنەوەی خولی زیاتری زمانی ئینگلیزی بۆ ئەفسەر و کارمەندانی سنوری پارێزگای دهۆک لە زانکۆی ناوبراو.
لای خۆیەوە دکتۆر مەڕوان عەبدی، بە داوەتنامەیەکی فەرمی، بانگهێشتی ئەندامانی بەڕێوەبەرایەتی چاکسازی و
بەشی تەکنەلۆجیا و زمانەکانیان کرد، بۆ بەشداربوون لە کۆنفڕانسی زمانی ئینگلیزی، کە بڕیار وایە لە ۲٥ی ئەم مانگە لە زانکۆی دهۆک ئەنجام بدرێت.
شایەنی باسە، زانکۆی دهۆک بە هاوکاری رێکخراوی سپێرەتی ئەمریکی و بەڕێوەبەرایەتی چاکسازی وەزارەتی پێشمەرگە، لە کانونی دووەمی ئەمساڵ (٢٠٢٤) هەڵسان بە کردنەوەی خولێکی زمانی ئینگلیزی، بۆ ماوەی ٤ مانگ بۆ ژمارەیەک ئەفسەر و کارمەندی دەڤەری پارێزگای دهۆک.

فێرگەی مەشقی بێستانە، پێشمەرگە و بەردەوامیدان بە مەشقی ساڵانە (گۆرەپانی تەقەکردن)

کۆبوونەوەیەکی هاوبەشی پێشمەرگە و سوپای عێراق بەڕێوەچوو

راگەیاندنی وەزارەتی پێشمەرگە


ئەمڕۆ ١٢ی تشرینی دووەمی ٢٠٢٤ لیوا روکن علی مشجل فەرماندەی ئۆپەراسیۆنەکانی صلاح الدین لە بارەگای سەرکردایەتی ئۆپەراسیۆنەکانی ڕۆژهەڵاتی صلاح الدین، پێشوازی لە فەرماندە و ئەفسەرانی لیوای ١٧ی پیادەی وەزارەتی پێشمەرگە کرد.

لەو کۆبونەوەیەدا، بیروڕا دەربارەی چۆنیەتی بەهێزکردنی پەیوەندییەکان و هەماهەنگی هەردوولا ئاڵوگۆرکرا، فەرماندەی ئۆپەراسیۆنەکانی صلاح الدین ئاماژەی بەوەدا: ئاڵوگۆرکردنی زانیارییەکان لە نێوان پێشمەرگە و سوپای عێراق و هاوئاهەنگی و هاوکاری نێوانمان دەبێتە ماییەی بنبرکردنی تیرۆر و لەبەینبردنی تیرۆرستان.

بەڕێوەبەر و جێگری بەڕێوەبەری نەخۆشخانەی پێشمەرگە ئاڵوگۆڕ کران

راگەیاندنی وەزارەتی پێشمەرگە

لە چوارچێوەی ئەو ئاڵوگۆڕ و گۆڕانکاریانەی لە پۆست و پایەکانی وەزارەتی پێشمەرگە ئەنجام دەدرێت، ئەمڕۆ ١٢ی تشرینی دووەمی ٢٠٢٤، بەڕێوبەر و جێگری بەڕێوەبەری نەخۆشخانەی پێشمەرگە لە هەولێر ئاڵوگۆڕ کران.
لە ئاڵوگۆڕەکەدا، عقید ئەیوب عەزیز وەک بەڕێوەبەری نەخۆشخانەی پێشمەرگە لە هەولێر لە جێگەی رائدی پزیشک بەهێز عبدالله ساڵح دەستبەکار بوو، هەروەها مقدەم نەبەز حسن حسێن وەک جێگری بەڕێوەبەری نەخۆشخانەکە، لە جێگەی دکتۆر شاخەوان دەستبەکار بوو.
شایانی باسە گۆڕانکاری لە پۆست و پایەکانی یەکە سەربازییەکان، بەشێوەی پرنسیپی سەربازییە و بۆ هاتنی کەسان و بیرۆکەی نوێیە بۆ باشتر راپەڕاندنی ئەرک و کارەکان لە یەکەکاندا.

لیوای ٢١ی پیادە مەشق و ڕاهێنان و بەردەوامی

فەرماندەی فەرماندەیی هێزەکانی پشتیوانی ١ پێشوازی لە فەرماندەی هێزەکانی هاوپەیمانان کرد

راگەیاندنی وەزارەتی پێشمەرگە

ئەمڕۆ ٧ی تشرینی دووەمی ٢٠٢٤، فەریق سیهاد بارزانی فەرماندەی فەرماندەیی هێزەکانی پشتیوانی ١، پێشوازی کرد لە کۆڵۆنێڵ برەند ستێتر فەرماندەی هێزەکانی هاوپەیمانان لە هەرێمی کوردستان و شاندێکی یاوەری.
لە دیدارێکدا، گفتوگۆیان کرد لەبارەی هاوکارییەکانی هێزەکانی هاوپەیمانان بۆ هێزەکانی پێشمەرگە و پەیوەندی نێوان هەردوولا، بۆئەمەش فەریق سیهاد بارزانی هاوکاری و پاڵپشتییەکانی هاوپەیمانانی بۆ پێشمەرگە بەرز نرخاند و هیوای خواست بەردەوام بن.
لای خۆیەوە کۆڵۆنێڵ برەند ستێتر دڵخۆشی خۆی پیشان دا، بۆ ئەو پەیوەندی و هەماهەنگییەی لەنێوان هەردوولادا هەیە، هەروەها بەردەوامی هاوکاری و پاڵپشتی هێزەکانی هاوپەیمانانی بۆ هێزەکانی پێشمەرگە دووپات کردەوە.

کوردی-عربی

بۆ هەموو دەزگاکانی راگەیاندن
لەسەر بنەمای ئەو بەرپرسیارێتییە نیشتمانییەی کە لەسەر هەموو لایەکە بۆ سەرکەوتنی سەرژمێری گشتی دانیشتووان و نیشتەجێبوون، کە لەلایەن وەزارەتی پلاندانان/ هەیئەی ئامار و سیستەمی زانیاری جوگرافی لەبەرواری ٢٠-٢١/١١/٢٠٢٤، لە هەوڵێکی کۆمیسیۆنی پەیوەندییەکان و ڕاگەیاندن بۆ دابینکردنی سەرجەم پێداویستییەکان بۆ ڕوماڵی میدیایی ئەم ڕووداوە گەورە و گرنگە،
بە هاوکاری لایەنە پەیوەندیدارەکان کاردەکەین بۆ دەرکردنی باجی تایبەت بە ڕاگەیاندن و ڕۆژنامەنووسان بەمەبەستی بەخشینیان لەو قەدەغەی هاتووچۆ کە لەم ماوەیەی پێشوودا دیاری کراوە.
بۆ ئاگادارکردنەوەی سەرجەم کارمەندەکانتان کە سروشتی کارەکەیان پێویستی بە گەشتکردن هەیە لە ماوەی قەدەغەکردنی هاتۆجۆکەدا سەردانی ئەو لینکە بکەن کە لە خوارەوە ئاماژەی پێکراوە، و داواکاریەکە تا کاتژمێر 12ی شەوی یەکشەممە 10/11/2024 بەردەوام دەبێت، هەروەها بۆ پڕکردنەوەی داتای پێویست بۆ ئەوەی ڕێکارەکانی دەرکردن و دابەشکردنی باجەکان تەواو بکات.
ئەم ڕێوشوێنە هەموو پارێزگارەکانی عێراق بە هەرێمی کوردستانیشەوە دەگرێتەوە.
https://reporter.cmcforms.iq/form
بۆ زانیاری زیاتر پەیوەندی بکەن بەم ژمارانەی خوارەوە:
- 07716310886
- 07702556075
- 07707762653
سوپاسگوزارین بۆ هاوکاریتان لە خزمەتکردنی بەرژەوەندی گشتی.

هەیئەی ڕاگەیاندن و پەیوەندییەکان.
ــــــــــــــــــــــــــــــــــــــــــــــــــــــــــــــــــ
إلى وسائل الإعلام كافة

انطلاقاً من المسؤولية الوطنية الملقاة على عاتق الجميع في سبيل إنجاح التعداد العام للسكان والمساكن الذي ستقوم به وزارة التخطيط / هيئة الإحصاء ونظم المعلومات الجغرافية خلال الفترة 20-21/11/2024، وسعياً من هيئة الإعلام والاتصالات لتوفير جميع المتطلبات الخاصة بتغطية وسائل الإعلام لهذا الحدث الكبير والمهم، تعمل هيئتنا وبالتعاون مع الجهات ذات العلاقة على إصدار باجات خاصة للإعلاميين والصحفيين من أجل استثنائهم من حظر التجوال الذي سيفرض خلال المدة المشار إليها انفاً.
لذا تدعوكم هيئتنا إلى إبلاغ جميع منتسبيكم من الذين تتطلب طبيعة عملهم التجوال خلال فترة الحظر إلى زيارة الرابط المدرج في أدناه ويستمر التقديم لغاية الساعة 12 ليلاً من يوم الأحد الموافق 10/11/2024 وملء البيانات المطلوبة ليتسنى لهيئتنا استكمال إجراءات إصدار الباجات وتوزيعها.ويشمل هذا الإجراء جميع محافظات العراق بما فيها اقليم كردستان

رابط التقديم:
https://reporter.cmcforms.iq/form
لمزيد من المعلومات يرجى الاتصال على الأرقام الآتية:
- 07716310886
- 07702556075
- 07707762653
شاكرين تعاونكم معنا خدمةً للصالح العام.

هيئة الإعلام والاتصالات

سەرۆکی ئەرکان پێشوازی لە بەرپرسی نوسینگەی هاریکاری ئاسایش کرد

راگەیاندنی وەزارەتی پێشمەرگە

ئەمڕۆ ٦ی تشرینی دووەمی ٢٠٢٤، فەریق روکن عیسا عوزێر سەرۆکی ئەرکانی وەزارەتی پێشمەرگە، پێشوازی لە کۆڵۆنێڵ گیڤن رایس، بەرپرسی نووسینگەی هاریکاری ئاسایش لە کونسوڵخانەی گشتی ئەمریکا لە هەرێمی کوردستان و شاندێکی یاوەری کرد.

لەو دیدارەدا، کە ژمارەیەک لە بەڕێوەبەرانی گشتی وەزارەت ئامادەیبوون، سەرۆکی ئەرکان باسی لە بارودۆخی هەنووکەیی پێشمەرگە کرد و پەیوەست بە پرسی چاکسازی سەرۆکی ئەرکانی ئاماژەی بەوەدا؛ چاکسازی بەردەوامە و رژدین لە سەرخستنی پرۆسەکە و لەم ڕووەشەوە پێویستمان بە هاوئاهەنگی و هاوکاری زیاتری دۆستەکانمان لە هاوپەیمانی نێو دەوڵەتی هەیە.

لەکۆتایی ئەو دیدرەدا هەردوولا کۆکبوون لەسەر هەماهەنگی و گرنگی دانی زیاتر بە پەیوەندییەکانی نێوان وەزارەتی پێشمەرگە و هێزەکانی ئەمریکا و هێزی هاوپەیمانی نێوودەوڵەتی لە هەرێمی کوردستان،
کۆڵۆنێڵ گیڤن رایس دڵخۆشی خۆی سەبارەت بە بەرەوپێشچوونی پرۆسەی چاکسازی دەربڕی و بەردەوامی پاڵپشتی لۆجستی بۆ هێزی پێشمەرگە و هاوکاری و هەماهەنگی زیاتری ووڵاتەکەی بۆ وەزارەتی پێشمەرگە دووپات کردەوە.

تاوتوێی پلان و هەنگاوەکانی داهاتووی پرۆسەی ریفۆرمی وەزارەت کرا

راگەیاندنی وەزارەتی پێشمەرگە

ئەمڕۆ ٦ی تشرینی دووەمی ۲٠۲٤، لیوای ئەندازیار نەبەز صلاح صدیق بەڕێوەبەری چاکسازی پێشوازی لە کۆڵۆنێڵ یان ڕاوێژکاری سەربازی وڵاتی هۆڵەندا لە وەزارەت و کۆڵۆنێڵ میشێل ساکوا ڕاوێژکاری سەربازی وڵاتی فەرەنسا لە هەرێمی کوردستان کرد.

لە کۆبونەوەیەکی هاوبەش دا، بەڕێوەبەرایەتی چاکسازی دۆسیەی بەرەوپێشچونی پرۆسەی ریفۆرمی وەزارەتی پێشمەرگەی خستە بەرباس و دیراسەیەکی تێروتەسەلی بەشەکانی چاکسازی لە بارەی پلان و هەنگاوەکانی داهاتووییان و بەرنامەی چاکسازی گفتوگۆیان لە بارەکراوە، لە لایەن خۆیانەوە هەردوو وڵات کە بە نوێنەرایەتی گروپی سەربازی فرەنەتەوەیی هاوپەیمانان ناسراو بە (MNAG) ئامادەی کۆبونەوەکە بوون ئامادەکاری و پلان و هەنگاوەکانی بەڕێوەبەرایەتی چاکسازییان بەرز نرخاند و پێویستی پێشکەشکردنی ئەو دیراسانەی چاکسازی بە گرنگ لە قەڵەم درا بۆ ئەوەی وڵاتانی دیکەی هاوپەیمان پاڵپشتی و هاوکاری زیاتری پرۆسەی ریفۆرمی وەزارەت بکەن.

لە میرەی گشتی سەربازی کۆتایی بە چەند خولێکی مەشق و راهێنان هات

راگەیاندنی وەزارەتی پێشمەرگە

ئەمڕۆ ٣١ی ئۆکتۆبەری ٢٠٢٤، بە ئامادەبوونی عەمید فەرمان زراری جێگری بەڕێوەبەری میرەی گشتی سەربازی، کۆڵۆنێڵ گاڤن رایس بەرپرسی نوسینگەی هاریکاری ئاسایش لە کونسوڵخانەی گشتی ئەمریکا لە هەولێر و لۆرێس بەڕێوەبەری کۆمپانیای ئەمینتۆم، لە میرەی گشتی سەربازی کۆتایی هات بە چەند خولێکی جیاواز، کە بۆ پێشمەرگەکانی فەرماندەیی هێزەکانی پشتیوانی ١ و ٢، کرابوونەوە.
لە خولەکەدا ٣٣ پێشمەرگەی فەرماندەیی هێزەکانی پشتیوانی ١ و ٢ بەشداربوون بۆ ماوەیەک مەشق و راهێنانیان لە بوارە جیاوازەکاندا ئەنجام دا.

جێگری بەڕێوبەری میرەی گشتی پێشوازی لە بەرپرسی نوسینگەی هاریکاری ئاسایش کرد

راگەیاندنی وەزارەتی پێشمەرگە

بەرواری ٣٠ی ئۆکتۆبەری ٢٠٢٤، عەمید فەرمان زراری جێگری بەڕێوەبەری میرەی گشتی سەربازی، پێشوازی لە کۆڵۆنێڵ گیڤن رایس بەرپرسی نوسینگەی هاریکاری ئاسایش لە کونسوڵخانەی گشتی ئەمریکا لە هەولێر کرد.

لەو دیدارەدا، باس لە پەیوەندی و هەماهەنگییەکانی نێوان هەردوولا لەڕووی سەربازییەوە کرا، هەروەها هاوکارییەکانی سوپای ئەمریکا بۆ هێزەکانی پێشمەرگە بەرز نرخێنرا.

پەرلەمانتار و وەزیری دەوڵەت لە وەزارەتی بەرگری ئەڵمانیا سەردانی وەزارەتی پێشمەرگەی کرد


راگەیاندنی وەزارەتی پێشمەرگە

ستافی باڵای وەزارەتی پێشمەرگە، لە کۆبونەوەیان لەگەڵ تیمێکی باڵای دیبلۆماسی و سەربازی ئەڵمانیا، پێشوازی لە بریارەکەی پەرلەمان و حکومەتی ئەڵمانیا دەکەین بۆ دڕێژکردنەوەی مانەوەی هێزەکانیان لە هەرێمی کوردستان و هەوڵەکانی وەزارەتی پێشمەرگەیان بۆ بەردەوامیدان بە پڕۆسەی چاکسازی دووپاتکردەوە، لەبەرامبەردا ئەڵمانیا وەک هاوکار و پاڵپشتیکاری هێزەکانی پێشمەرگە بۆ سەقامگیرکردنی ناوچەکە لە شەڕی دژی تیرۆر ماوەی مانەوەی هێزەکانیان لە هەرێمی کوردستان راگەیاند،
ئەمڕۆ ٣٠ی ئۆکتۆبەری ٢٠٢٤، بە ئامادەبوونی فەریق روکن عیسا عوزێر سەرۆکی ئەرکانی وەزارەتی پێشمەرگە و لیوا روکن بەختیار محمد سدیق ئەمینداری گشتی، لە دیوانی وەزارەت، پێشوازی لە خاتوو سیمتیێ مویلەر، پەرلەمانتار و وەزیری دەوڵەت لە وەزارەتی بەرگری ئەڵمانیا و شاندێکی یاوەری کرا.

لەکۆبوونەوەیەکدا، کە فەرماندەی هێزەکانی ئەڵمانیا لە هەرێمی کوردستان و جێگری سەرۆکی ئەرکان بۆ ئۆپەراسیۆنەکان و ژمارەیەک لە بەڕێوەبەرانی گشتی ئامادەیبوون، تیشکخرایە سەر ڕۆڵ و کاریگەری ڕاوێژکارانی سەربازی ئەڵمانیا لەپێشخستن و سەرکەوتنی پڕۆسەی چاکسازی و هاوکاری و هەماهەنگی بەردەوامی هێزەکانی ئەڵمانیا بۆ هێزی پێشمەرگە.

پەرلەمانتار و وەزیری دەوڵەت لە وەزارەتی بەرگری ئەڵمانیا، بە وەزارەتی پێشمەرگەی راگەیاند:، کە لە هاوکاری و یارمەتیدانی هێزەکانی پێشمەرگە بەردەوام دەبن و لە کۆبوونەوەی ڕۆژی ١٨ی ئەیلولی ٢٠٢٤ لە کابینەی حکومەتی فیدراڵیی ئەڵمانیا، بریار درا ئەرکی سوپای وڵاتەکەی لە هەرێمی کوردستان و عێراق تاکوو کۆتایی مانگی کانوونی دووەمی ٢٠٢٦ بەردەوام بێت و هەروەها خاتوو سمتیێ مۆیلەر ستایشی هەوڵەکانی وەزارەتی پێشمەرگەی کرد لە پێشکەوتنی پڕۆسەی چاکسازی و ڕێکخستنەوەی هێزەکاندا.

ستافی باڵای وەزارەتی پێشمەگە، دووپاتیان کردەوە ئەوەی ئێستا لە چاکسازیدا بەرهەم هاتووە بە هاوئاهەنگی و پاڵپشتی و هەوڵەکانی ڕاوێژکارانی هاوپەیمانی نێوودەوڵەتی و لە نێویاندا ڕاوێژکارانی سەربازی ئەڵمانیا هاتۆتەدی و وەزارەتی پێشمەرگە بە خۆشحاڵیەوه دەڕوانێتە کارکردنی هاوبەش لەگەڵ هێزەکانی ئەڵمانیا لەهەرێمی کوردستان و ئاماژە بەوەش درا وڵاتی ئەڵمانیا لەرێگەی ڕاوێژکارەکانیەوە لەهاوپەیمانیەتی نێودەوڵەتی دژی داعش ڕۆلێکی کارای هەبووە لە پاڵپشتیکردنی هەرێمی کوردستان و هێزی پێشمەرگەدا.

سەرۆکی ئەرکان پێشوازی لە فەرماندەی هێزەکانی ئەڵمانیا کرد

راگەیاندنی وەزارەتی پێشمەرگە

ئەمڕۆ ٢٤ی ئۆکتۆبەری ٢٠٢٤ فەریق روکن عیسا عوزێر سەرۆکی ئەرکانی وەزارەتی پێشمەرگە لەدیوانی وەزارەت، پێشوازی لە کۆڵۆنێڵ تۆماس ڕیتەر فەرماندەی هێزەکانی ئەڵمانیا لەهەرێمی کوردستان و شاندێکی یاوەری کرد.

لەو دیدارەدا، کە لیوا روکن محمد سعید بەڕێوبەری هەماهەنگی و پەیوەندییەکانی وەزارەت ئامادەیبوو، بەردەوامیدان بە پەیوەندییەکانی نێوان وەزارەتی پێشمەرگە تیمی سەربازیی و ڕاوێژکاری سوپای ئەڵمانیا لە هەرێمی کوردستان و بابەتە هاوبەشەکانی نێوانیان کە جێگای بایەخی هاوبەشە خرایە بەرباس، پرسی چاكسازی له‌وه‌زاره‌تی پێشمه‌رگه‌ و هه‌نگاوه‌كانی ئه‌و پڕۆسه‌یه‌، هاوكارییه‌كانی هاوپەیمانان بۆ هێزی پێشمه‌رگه‌ به‌شێكی تری گفتوگۆكانی ناو كۆبوونه‌وه‌كه‌ بوون.

لەکۆتایی دیدارەکەدا، دووپات لەبەردەوامیدان بە پەیوەندییەکانی نێوان وەزارەتی پێشمەرگە و هێزەکانی هاوپەیمانی نێودەوڵەتی لەهەرێمی کوردستان و عێراق کرایەوە، سەرۆکی ئەرکان خوازیاری پەرەپێدانی زیاتری پەیوەندییەکان بوو لەمبارەیەوەش ئامادەیی وەزارەتی نیشاندا لەهاوکاری و هەماهەنگی کردنی زیاتر لەگەڵ هاوپەیمانان و بە تایبەت ڕاوێژکارانی وڵاتی ئەڵمانیا بە ئامانجی پێشخستنی تواناکان لە وەزارەتی پێشمەرگەدا.

بەرپرسی تیمی پەیوەندییەکانی سوپای ئەڵمانیا کۆتایی هاتنی ئەرکەکەی راگەیاند

راگەیاندنی وەزارەتی پێشمەرگە

ئەمڕۆ ٢٤ی ئۆکتۆبەری ٢٠٢٤ لیوا عوسمان محمد مستەفا بەڕێوبەری گشتی راگەیاندن و هۆشیاری نیشتیمانی، پێشوازی لە مێجەر ماتیاس بەرپڕسی تیمی پەیوەندییەکانی سوپای ئەڵمانیا لە هەرێمی کوردستان و شاندێکی یاوەری کرد.

لەو دیدارەدا، مێجەر ماتیاس کۆتایی هاتنی ئەرکەکەی راگەیاند و(کۆڵۆنێڵ ئەنتۆنیۆ)ی وەک جێگرەوە بۆ بەڕێوەبردنی کاروبارەکانی تیمی ڕاوێژکارانی سەربازی سوپای ئەڵمانیا لە هەرێمی کوردستان و وەزارەتی پێشمەرگە ناساند.
بەڕێوبەری گشتی راگەیاندن، سووپاس و ستایشی ئاڕاستەی مێجەر ماتیاس کرد کە لەماوەی کارکردنیدا وەک بەرپڕسی پەیوەندییەکان لەسوپای ئەڵمانیا خزمەتێکی بەرچاوی هەبووە لە ڕێکخستنی هەماهەنگی لەگەڵ هێزی پێشمەرگەی کوردستان دا، هیوای خواست مێجەر ماتیاس لە ئەرکی نوێی سەرکەوتوو بێت و داوای لێکرد کە ئەو وەک نوێنەری راستەقینەی هێزی پێشمەرگە لە ناو سوپا و گەلی ئەڵمانیا ڕۆڵی هەبێت لە ناساندنی کلتوری مڕۆڤ دۆستانەی هێزی پێشمەرگە و گەلی کوردا، هیواشی خواست جێگرەوەی هەمان ڕۆڵ لە ئەستۆ بگرێت.

لیوای ١٨ی پیادە یادی شەهیدانی قەرەچوغی بەرز راگرت

راگەیاندنی وەزارەتی پێشمەرگە

رۆژی ٢٣ی ئۆکتۆبەری ٢٠٢٤، لە بارەگای لیوای ١٨ی پیادە، بە ئامادەبوونی فەرمادەی لیوا، ئەفسەر و پێشمەرگەکانی بارەگای لیوا و فەوجەکانی ١ و ٢ و ٣، مەڕاسیمێک بۆ بەرز راگرتنی یادی شەهیدانی چیای قەرەچوغ بەڕێوەچوو.
شایانی باسە، لە ڕۆژێکی وەک ئەمڕۆدا پۆلێک ئەفسەر و پێشمەرگە لە ڕووبەڕوو بوونەوە و شەڕێکی نەخوازراودا بۆ پارێزگاری کردن لە خاک و خەڵکی کوردستان گیانیان بەخت کرد و شەهید بوون، لە مەڕاسیمەکەدا هەڤاڵان و هاوسەنگەرانی شەهیدان بەڵێنیان دووپات کردەوە بۆ پارێزگاری کردن لە نیشتیمان و خاک و خەڵکی کوردستان.

سەرۆکی ئەرکان پێشوازی لەفەرماندەی هێزەکانی هاوپەیمانان کرد

راگەیاندنی وەزارەتی پێشمەرگە

ئەمڕۆ ٢٢ی ئۆکتۆبەری ٢٠٢٤ فەریق روکن عیسا عوزێر، سەرۆکی ئەرکانی وەزارەتی پێشمەرگە لەدیوانی وەزارەت، پێشوازی لە کۆڵۆنێڵ راب براندستێتەر فەرماندەی هێزەکانی هاوپەیمانان لەهەرێمی کوردستان و شاندێکی یاوەری کرد.

تەوەری سەرەکی کۆبوونەوەکە تایبەت بوو بە کاروباری فیرقەکان و جێبەجێکردنی بەرنامە و پلانی چاکسازی لەوەزارەتی پێشمەرگە و ڕێکخستنەوەی تەواوی هێزەکان، هەروەها بارودۆخی هەنووکەیی هێزی پێشمەرگە و پەرەپێدانی پەیوەندی نێوان وەزارەتی پێشمەرگە و هاوپەیمانان خرایە بەرباس، هەردوولا هاوڕابوون لەسەر خێراکردنی هەنگاوەکان بە ئاڕاستەی یەکخستنەوەی یەکە جیاوازەکانی هێزی پێشمەرگە بۆ سەر وەزارەتی پێشمەرگە و ڕێکخستنیان لەچوارچێوەی فیرقەکاندا.

بەرپرسی تیمی هێزەکانی ئەڵمانیا کۆتایی ئەرکەکەی راگەیاند

راگەیاندنی وەزارەتی پێشمەرگە

ئەمڕۆ ۲۲ی ئۆکتۆبەری ٢٠٢٤ لیوا ڕوکن ڕێبوار علی کریم جێگری سەرۆکی ئەرکان بۆ ئۆپەڕاسیۆنەکان، بەمەبەستی ماڵئاوایی لێکردن پێشوازی لە مێجەر مانسیاس بەرپرسی تیمی هێزەکانی ئەڵمانیا لە هەرێمی کوردستان کرد، کە بە مەبەستی کۆتایی هاتنی ئەرکەکەی لە هەرێمی کوردستان و ناساندنی مێجەر ئەنتۆنیۆ وەک جێگرەوەی لە هەرێمی کوردستان سەردانیکردبوو.

جێگری سەرۆکی ئەرکان، سوپاسی مانسیاسی کرد کە لە ماوەی ئەرکەکەی خزمەتی هێزی پێشمەرگەی کوردستانی کردوە، بەخێرهاتنی مێجەر ئەنتۆنیۆی کرد و هیوای سەرکەوتنی بۆ خواست.

خولێکی پەرەپێدانی زمانەوانی بۆ کۆمەڵێک ئەفسەر و پلەداری وەزارەتی پێشمەرگە کرایەوە.

راگەیاندنی وەزارەتی پێشمەرگە

بە ئامادەبوونی شۆڕش ئیسماعیل، وەزیری پێشمەرگەی حکومەتی هەرێمی کوردستان و کۆڵۆنێڵ گاڤین رایس، بەرپرسی ئۆفیسی هاریکاری ئاسایش لە کونسوڵخانەی ئەمریکا. سەنتەری زمان لە بەرێوەبەرایەتی چاکسازی وەزارەتی پێشمەرگە خولێکی پەرەپێدانی زمانی ئینگلیزی بە هاوکاری رێکخراوی spiritـی ئەمریکی لە زانکۆی ئەمریکی لە شاری سلێمانی بۆ ٢٥ ئەفسەر و پلەداری وەزارەتی پێشمەرگە رێکخست.

لەو خولەدا، وەزیری پێشمەرگە ووتەیەکی پێشکەش کرد و تێیدا رایگەیاند: “پێشمەرگە سیمبولی قارەمانێتیی و گیانفیداییە هەروەک چۆن لە سەنگەری بەرگری و پارێزگاری لە خاکی کوردستان گیانی خۆتان بەخشیوە، پێویستە لە سەنگەری زانست و زمانەوانیدا پێشمەرگە هەمیشە پێشەنگ و پێشکەوتووبێت”.

لە بەشێکی تری ووتەکانیدا، وەزیری پێشمەرگە هیوایی سەرکەوتنی بۆ بەشداربووان و ئومێدی بەردەوامبوونی ئەم جۆرە خولانەی بۆ پێشمەرگە خواست هەروەها رایگەیاند: “سوپاسی ڕۆڵی باڵای کونسوڵخانەی ئەمریکا و رێکخراوی spirit و زانکۆی ئەمریکی دەکەین کە بەردەوام لە هاوکار و هەماهەنگن لەگەڵ سەنتەری زمانی وەزارەتی پێشمەرگە بۆ کردنەوەی ئەم جۆرە خولانە تاکو ئاستی زانست و زانیاری پێشمەرگە بەرزترببێتەوە”.

کۆڵۆنێڵ رایس، دڵخۆشبوو کە توانیویانە لە رێگەی ئەم خولی پەرەپێدانی زمانی ئینگلیزیەوە خزمەت بە کۆمەڵێک ئەفسەر و پلەداری وەزارەتی پێشمەرگە بگەیەنن رایگەیاند: “ئێمە بەردەوامین لە پێشکەشکردنی هاوکاری و پاڵپشتی لە سەرجەم بوارەکاندا بە پێشمەرگە ئومێددەکەین پێشمەرگە هەمیشە لە ئاستی باڵادابێت و سەرکەوتووبن”.

وەزیری پێشمەرگە، دەنگی دا.

راگەیاندنی وەزارەتی پێشمەرگە

سەرلەبەیانی ئەمڕۆ، شۆڕش ئیسماعیل، وەزیری پێشمەرگەی حکومەتی هەرێمی کوردستان لە ئامادەیی پیرەمێرد لە شاری سلێمانی، بۆ خولی شەشەمی پەرلەمانی کوردستان، دەنگی دا.

لە پەیامێکیشدا وەزیری پێشمەرگە، پیرۆزبایی لە خەڵکی کوردستان دەکات و ئەمڕۆژە بە رۆژێکی گرنگ و مێژووی ناودەبات هەروەها رایگەیاند: لە پێناو سەرخستنی پرۆسەی دیموکراسی و هەڵبژاردن، پاراستنی قەوارەی هەرێمی کوردستان و زامنکردنی مافە یاسایی و دەستوورییەکانی گەلەکەمان، بەرەبەیانی ئەمڕۆ، دەنگماندا بۆ خولی شەشەمی پەرلەمانی کوردستان.

پێشمەرگە لە کەشێکی ئارام دەنگی دا

راگەیاندنی وەزارەتی پێشمەرگە

ئەمڕۆ ١٨ی تشرینی دووەم ٢٠٢٤، هێزەکانی پێشمەرگەی کوردستان لەهەموو ناوەندەکانی دەنگدانی تایبەت، لە کەشێکی ئارام و هێمنانە دەنگیان دا و لەم هەڵبژاردنەش پێشمەرگە بە ئازادانە بیر و ڕای خۆی نیشاندا و بەشداری لە پڕۆسەیەکی دیموکراسی مەدەنی کرد.

بەڕێزان، من دەمەوێت سوپاس و پێزانینى هەرێمى کوردستان بگەیەنین بە هێزى هاوپەیمانى نێوودەوڵەتى، کە لەشەرى داعشدا پشتیوانى پێشمەرگەیان کرد، هاوکارى ئەوان بۆ پێشمەرگە و هەروەها هاوکارییان بۆ سووپاى عیراق، ستراتیجى و یەکلاکەرەوە بوو، نمونەیەکى زندووی گیانی هاوکارى نێوودەوڵەتى بوو بۆ بەرەنگاربونەوەى ئەو تەحەددا گەورەیەى لەرێگاى ئیمەدابوو، هەروەها گرنگە باسى هەماهەنگى و هاوکارى نێوان پێشمەرگە و سووپاى عێراق بکەین بەرامبەر تیرۆریستان بەتایبەتى هاوکارى پیکەوەیى کە هەردولا پێشمەرگە و سوپاى عێراق و هێزى حەشدى شەعبى پێکەوە کردیان، بەتایبەتى لە ناوچەى ماددەى 140 کە ئێمە پێکەوە کارمانکرد لەگەڵ سوپاى عێراق بۆ بەرقەرارکردنى ئاسایش و ئارامى، لە ئەمڕۆشدا بەو بۆنەیەوە سەرى ڕێز بۆ خوینى ئەو شەهیدانە دادەنوێنین کە گیانى خۆیان بەخت کرد، بەڕێزان لە باوەرى ئێمەدا، داعش هێشتا مەترسیەکى جددیە لەسەر ئاسایش و سەقامگیری عێراق و ناوچەکە، لەبەر ئەوە زۆر گرنگە و پێوویستە هاوکارى بەردەوام هەبێت لە نێوان سوپاى عیراق و هێزى پێشمەرگە، پێویستە ئەو هاوکارییە و تەنسیقە بەردەوامبیت و بە بیر ئێمە بێتەوە کە ئیمە پێکەوە خوێنمان داوە بۆ بەرگرى کردن لە عێراق و کوردستان، من هیوادارم ئەو هاوکارییە بەردەوامەى ئێمە هەوێنی ئاسایشی سەرتاسەرى بێت بۆ عێراق و پاشەڕۆژێکی گەش بۆ میللەتى عیراق و بۆ کوردستان و بۆ هەموو ئەو خەڵکەى لە عیراق دەژین.
بەڕێزان، پێشمەرگە بەشێکە لە سیستەمى بەرگرى عێراق و پێشمەرگە چاوەروانە عیراق ئەرکى خۆى یاسایى بەرامبەر بە پێشمەرگە جیبەجێ بکات و پشتیوان بێت بۆ پرچەککردنى پێشمەرگە، هیچ کاتێک پێشمەرگە مەترسى نیە بۆ سەر عێراق، پێشمەرگە بەرگریکارە لە مرۆڤایەتى، سوپاس و پێزانین و دەست خۆشى بۆ هێزى ئەمریکا و دۆستانى ئێمەى هاوپەیمانانى نێودەوڵەتى بۆ پشتیوانى بەردەوامیان لە پرۆسەى چاکسازى وەزارەتى کاروبارى پێشمەرگە و یەکخستن و یەکگرتنى هێزى پێشمەرگە، ئەم پرۆسەیە نەوەک ئەوەیە کە ئێمە دەمانەوێت و نەوەک ئەوەیە کە ئەوان دەیانەوێ و لەئاست چاوەڕوانی ئێمە نیە و کێشە هەیە و چاکسازی لەسەرخۆ بەڕێوەدەچێ، پێویستە ئێمە و هەموو لایەک کاری جددى بکەین بۆ ئەوەی ئەو پرۆسەیە سەربخەین، پێویستە ئێمە و دۆست و هاوپەیمانان بە جددى کاربکەین بۆ یەکگرتنى هێزى پێشمەرگە و لەم بارەیەوە پەیامی من بۆ هاوپەیمانان ئەوەیە ئێمە بەوان دەڵیین ڕاستە ئەو پرۆسەیە بە هێواشى بەرێوەدەچێ بەڵام ئیرادەیەکى جدیمان هەیە بۆ ئەوەى هێزى پێشمەرگە بکەینە هیزێکى نیشتیمانى کوردستانى و ئێمە یەک هیزمان هەبێ و یەک وەزارەتمان هەبێ و یەک سەرکردایەتیمان هەبێت بۆ پێشمەرگە،
هەنگا و بە هەنگا و هەموو ئاستەنگ و کێشەکان چارەسەربکەین و ٳن شاءاللە دەگەینە کۆتایى ئەم پرۆسەیە، ئێمە بە تەواوى پابەندین کە لەشکرێکی یەکگرتووى پێشمەرگە هەبێت و لەشکرێکی نیشتیمانى بێت و لە ژێر بەڕێوەبردن و کۆنترۆڵى حکومەتى هەریمى کوردستان و وەزارەتى پێشمەرگەدابێت،

دەرچووانى خۆشەویست، لەبیرنەکەن کۆلێژى سەربازى زاخۆ ئێوەى پەروەردەکردوە و پێی گەیاندون، تاوەکو وەک فەرماندەى زانا و پاراستنى کوردستان و دادپەروەرى مرۆڤایەتى بپارێزن پرەنسیپ و ڕەوشتى بڵندى نیشتیمان پەروەرى و قوربانیدان و دیسپلین بکەنە بنەمایەی سەرەکی و پێویستە هەمووکات لە مێشک و دڵى ئیوەدا بمێنن و هەمووکات بیر لەو پرەنسیپانە بکەنەوە، بە خوێندن و پەروەردە و فێرکردنى ئێوە لەم کۆلێژە سەربازییە بە وانەى وڵات پارێزی و دڵسۆزى ئەرکى خۆتان لەناو ڕێزى پێشمەرگایەتیدا بگێڕن و ڕۆڵێکى جیاواز نیشان بدەن و پێویستە ببنە نموونە و ئیلهام بەخشی داهاتوو بۆ پاشەرۆژێکی باشتر،
دەرچووانی خۆشەویست ڕۆڵى ئێوە تەنیا لە مەیدانى جەنگ نیە، بەڵکو ئەرکى ئیوە دەبێت گەورەتربێت بۆ بەرپابوونى جڤاکیکى ئارام، بەرپرسیاریەتی ئێوە ئەوەیە بەهاى دیموکراسیەت و مافى مرۆڤ بپارێزن و کاربکەن تاکو گرنگى ئەو بەهایە لەناو ئێرەدا زیاتر بێت، ئێووە ببنە نموونە بۆ پاراستنى دادپەروەرى و پێکەوەبوون، ئێووە بەرپرسیارن لە پاراستنی مافى هەموو هاوڵاتى هەرێمى کوردستان، ئێمە هەموومان باوەڕمان بە ئێووە هەیە کە دەتوانن بەرامبەر دەستدڕێژیکاران بووەستن و لە ئەرکى خۆتان سەربکەون تاکوو بە باشترین شێوە خزمەتى وڵاتى خۆتان بکەن لە چوارچێوەى وەزارەتى پێشمەرگەدا، هێزى نیشتیمانى کوردستانی بن و هیچکات نەبنە لایەن لە کێشە و ناکۆکى سیاسیدا.

ئامادەبووانى خۆشەویست هەر لەم کاتەدا دەربارەى ڕەوشى ئاڵۆزى رۆژهەڵاتى ناوەڕاست تەئکید لەسەر هەڵوێستى هەرێمى کوردستان بکەم، ئێمە لەگەڵ ڕاوەستانى شەر و چارەسەرى ئاشتیانە داین، بۆ هەموو کێشە و گرفتەکان ئێمە بەهیچ شێویەک نامانەوێت هەرێمى کوردستان و عێراق بکەوێتە ناو ئەو ئاڵۆزییانە، دەبێت هەموو هەوڵێک بدرێت تاکو ڕەوشەکە ئاڵۆزتر نەبیت، لە کۆتاییدا سوپاس و پێزانین و دەستخۆشیەکى تایبەت بۆ مامۆستا و بەرپرسیار و بەڕێوەبەرى کۆلێژى سەربازى دووی زاخۆ، کار و خزمەت و ماندوبوونى ئێووە جێگەى رێزێکی گەورەیە، ئەرکى ئەوان پیرۆز و گرنگە بۆ باشترکردن و بەرەوپێشبردنى پێشمەرگە و بۆ پێگەیاندنى نەوەیەکى وڵات پارێز لەسەر بنەماى زانستى سەربازى و ئینتیما و خۆشەویستیان بۆ وڵات، ئەو ئەرک و خزمەتەی کە ئێووە دەیکەن بۆ کۆلێژ و ئەکادیمیاى سەربازى باشترین وەفادارییە بۆ خەبات و قوربانیدان و ڕۆڵى پێشمەرگە بۆ ئەوەى پشت راستبن و پێشە ڕۆژی پێشمەرگە باشتر بێت، سڵاو و ڕێز بۆ گیانى پاکى هەموو شەهیدان، ئەوانەى بۆ ئازادی کوردستان خەباتیان کردووە، سڵاو بۆ شەهیدانى زیندوو بۆ هەموو ئەو قارەمانانەى لە ئەرکى پاراستنى کوردستاندا برینداربوون، ئێمە بە ئەوان دەڵێین خزمەتى ئیووە و خەباتى ئێوەمان لەبەرچاوە.
قوتابیانى خۆشەویست هەر سەرکەوتووبن هیواى پاشەرۆژێکی گەشتان بۆ دەخوازم و پڕبەدڵ پیرۆزبای گەرم لە ئێووە دەکەم و سەرکەوتوبن لە ژیانى خۆتان و زۆر سوپاس.

شایانی باسه‌، خولی ٢٩ـەمینی پێگه‌یاندن كه‌ لە كۆلێژی سه‌ربازیی دوو له‌ زاخۆ بەڕێوەچوو، تیایدا ٧٩٢ بەشداربوو بۆ ماوه‌ی ٩ مانگ مه‌شق و راهێنانیان له‌ڕووی تیوری و پراكتیكی و له‌باره‌ی زانستی سه‌ربازیی و چه‌ك و ته‌قه‌مه‌نی و هونه‌ری جه‌نگ و دیسپلینی سه‌ربازییەوە پێکراوە، لەکۆتایشدا لەلایەن سەرۆکی هەرێمی کوردستانەوە خەڵات و دیاری به‌سه‌ر باشترینه‌كانی خوله‌كه‌دا دابه‌شكرا.

لە دڕێژەی مەراسیمەکەدا، نێچیرڤان بارزانی سه‌رۆكی هه‌رێم و فه‌رمانده‌ی گشتی هێزی پێشمه‌رگه‌ی كوردستان، وتارێكی پێشكه‌ش كردو تیایدا رایگه‌یاند‌:- دەرچووێت خۆشتڤی ئامادەبووێن هێژا ڕۆژ باش ئێوە زۆر بەخێربێن سەرچاوان، خۆشحاڵم لەگەڵ ئێوەی ڕێزدار، بەشداری دەرچوونی خولی ٢٩ی پێگەیاندنی کۆلێژی سەربازی ٢ی زاخۆ دەکەم ئەو دیمەنە بۆ ئێمە و بۆ هەموو خەڵکی کوردستان جێگەی شانازییە کە (٧٩٢) ئەفسەری گەنج خوێندنی سەربازیی و ئەکادیمی و پراکتیکی تەواودەکەن، جێگەی دەستخۆشی و سەربڵندیەکی گەورەییە دوای ئەوەی خوێندنی زانکۆتان تەواوکرد، ئێوە بە خواستی خۆتان هاتن تاوەکو خوێندنی سەربازیش کۆتایی پێبینن و ببنە ئەفسەرێکی پێشمەرگە ئەو ناونیشانە و حەزکردن و دڵسۆزی ئێوە بۆ خزمەتی کوردستان پیشان دەدات هەربژی و هەر سەرکەوتووبن، ئەوەی زیاتر جێگای خۆشحاڵیە لەناو ئەم دەرچوانەدا (٥٠) کچی کوردستان و (١٣) دەرچووی ئێزیدی و کاکەیی هەیە ئەوە ماییەی دڵخۆشی ئێمەیە، بە گەرمی و بەدڵ پیرۆزبایی لە ئێوە و لە خێزان و کەس و کاری ئێوە دەکەم کە ئەمڕۆ لەو مەراسیمە لەگەڵ ئێمە بەشدارن پیرۆزبێت لەوان و پیرۆزبێت لە ئێوە هیوادارم سەرکەوتووبن منیش لەگەڵ خێزانی ئێوە ئەمڕۆ ئەو ئاهەنگە دەکەین و پڕ بەدڵ شانازی بە ئێوەدەکەم ئەو شانازییەی کە خێزانی ئێووە بە ئێوەی دەکەن منیش لەجێی خۆم شانازی بە ئێوەدەکەم ان شاءاللە هەر سەرکەوتووبن لە ژیانی خۆتان و هیواى سەرکەوتن بۆ هەمووتان دەخوازم هیوادارم جارى داهاتوو ژمارەى ئافرەت لە خولەکە زیاتربێت.

دەرچووێت خۆشتڤی، لەرۆژى یەکەم هەتا ئەمڕۆ جێگەى شانازى و شەرەفمەندى و بەرپرسیاریەتیەکى گەورەبووە لەو رۆژەى کەناوى پێشمەرگە هەیە هەتا ئەوڕۆ باوەرى کورد و کوردستان بە دۆسیەى خۆى و بە مافى خۆى سووڕبوە و رۆژبەرۆژ سوڕتربووە پێشمەرگایەتى ئەرکێکی زۆر پیرۆزە بەشێکى گرنگى ناسنامەى نیشتیمانى و نەتەوەیى کوردستانە، بەردەوامى کاروانێکی دور و درێژى خەبات و تێکۆشانە بۆ پاراستنى میللەتى ئیمە و پاراستنى کوردستان، هەر لەبەر ئەوە دەرچوونى ئیوە ئەمڕۆ سەرکەوتن و کۆتا رێگا نیە، نەخێر ئەمڕۆ ئێووە دەست پێدەکەن، خزمەت و ئەرکى نوێى ئێوەیە لەگەڵ دام و دەزگاکانی حکومەت و کوردستان ئەم ئەرکە بۆ ئێوە و بۆ ئێمە شانازیەکى گەورەیە، بەتەواوى 9 مانگى ڕابردوو لە مەشق و ڕاهێنان و فێربوونى ئیوە ئەزموونێکی دەوڵەمەندی وەرگرت تاکو ئەمڕۆ بتوانن خزمەتى وڵاتى خۆتان بکەن و بڕوانامەى ئیووە تەنها دەسکەوتێکی ئەکادیمى نیە، پەیمانى شەرەفمەندى و سومبولى دڵسۆزى و وەفادارى و ئەمانەتێکی گەورەیە بۆ خزمەتى میللەتى خۆتان بۆ خزمەتى وڵاتى خۆتان نیشانەى ئامادەسازی ئیوەیە بۆ هەر قوربانیدانێک لەرێگاى وڵاتدا.

بەڕێزان لە چیرۆکى بزافى رزگاریخوازى گەلى کوردستان، پێشمەرگە قوربانى زۆر گەورەى داوە، هێزى پێشمەرگە رۆحى خۆراگرییە، بە خوێنى خۆیی و رۆحى خۆى بەرخودانی کرد و هەمیشە ئامادەیە پارێزگاری لە خاکى کوردستان بکات، کوردستان پڕیەتی لە چیرۆکى پێشمەرگایەتى و قارەمانیەتی و مێرخاسى و قوربانیدانى گەورە بۆ ئازادى و بۆ شکۆمەندى کوردستان و هیچ کاتێک خۆى بۆ دووژمن نەچەماندوە، ئەو کاتەی گەورەترین ڕێکخراوى تیرۆرستى لە جیهان دەستی بەسەر بەشێک لەخاکی عیراق و کوردستاندا داگرت، پێشمەرگە بوو لە پێشەوەى شەر بە گیانى خۆى و خەباتى خۆى، ئەفسانەى داعشى تێکشکاند و رێگاى نەدا کوردستان بکەویتە دەستى تیرۆرستان، لەمەودوا هەتا کورد و کوردستان هەبى پێشمەرگە هەر دەمینێت و ئیلهام بەخش و پارێزگارى گەلى کوردستان دەبێت، پێشمەرگە سومبولى خۆڕاگرى و بەرخودانە، لێرەدا ئیمە سەرى خۆمان دادەنەوێنین بۆ خوێنى ئەو شەهیدانە کە لەو رێگایەدا خەباتیان کرد و گیانى خۆیان کردە قوربانى.