ሚኪያስ ፈይሣ

ማህሌት ስር ቅዳሴ ላይ
ሌላ ቦታ አታነጊም
ቤተ መቅደስ የእግዜር ብቻ
የሰው መሆን አትፈልጊም
አላገኘሽ አንድም እንኳን
ለባህሪሽ ሚሆን አቻ
አዚያዚያሙ የሚገዛሽ
የደብርሽ ዲያቆን ብቻ
እምነት ሰቶሽ በስልጣኑ
በልብሽ ላይ አሳትሞ
ሲያስቀና ክርስትናሽ
እኔን ብሎ አማኝ ደግሞ

እንደ ሴቱ አትታበይ
ተኳኩለሽ አትታዪው
ተንበርክከሽ እያነባሽ
ለማን ነበር ምትጸልዪው?

የደብርሽ ዛፍ እርግቦች
እንደ እህት ነው የለመዱሽ
ታውቂዋለሽ መምሬ እንኳን
እንደ ልጅ ነው የሚወዱሽ
ሁሉም ሴቶች አስመሳዮች
እሁድ ጠዋት መንፈሳዊ
የሰማዩን አባት ምህረት
እያሰቡት በሰዋዊ
በንግስ እለት ወለም ዘለም
በቁልምጫ ለማወደስ
የማታዋን አትመስልም
ጠዋት ማያት ቤተ መቅደስ
የነጠላ ፋሽን እንጂ
የሚፀልይ የለም የምር
እስከዛሬ ካየኋቸው
ክርስትና ባንቺ ሲያምር

በየት በኩል አበጀሽው
የእሳቱን መግቻ ልጓም
ማይመለስ ወጣትነት
ብልጭልጩ አያጓጓም?

እርጋታሽ ነው ቅጥረ ሰላም
ትህትናሽ የተስፋ በር
ሳታጠፊ ተንበርክከሽ
ምትጸልዪው ለማን ነበር?

@mikiyas_feyisa

ፍልቅልቅ ሳቋን ሚገድል
ገሃዱን እየከለለ
ጉድፏን መርጦ ሚነግራት
በውስጧ አንድ አካል አለ

"ሰው ለምን ቀርቦሽ ይርቃል
ከልብሽ እንዳለበት ቂም
እውነቱን አምነሽ ተቀበይ
ለመውደድ ለፍቅር አትበቂም
እስቲ እዪ ጓደኞችሽን
ሰው አለ በሄዱበት ሁሉ
አንቺ ጋር ለአፍታ ተቀምጠው
በስንት አይን ይለመናሉ
አንቺ ግን ሁሉም ሚርቅሽ
በምክንያት በቃል ደልሎ
ሚወደድ አንድም የሌለሽ
ፀባይሽ መልክሽ ጎዶሎ
ባጣ ቆዪ ነሽ ለሁሉም
ለምርጫ አንዴም ማትበቂ
አዳርሰው እስከሚመጡ
እየሳቅሽ የምጠብቂ
ሞኝ ነሽ ምስኪን ከርፋፋ
ያልቀመስሽ አንዲት ከአለም
ሚያስቀና ትዝታ የሌለሽ
ብቸኛ ኦና ዘላለም "

የሚላት አንድ አካል አለ
ህሊና ስሯን ተጣብቆ
በቁስሏ ጦርን የሚሰድ
ፍርሃቷን ጭንቋን ሁሉ አውቆ

አንድ አለ የምታምነው ድምጽ
ሚወስን የሀሳቧን እድል
ባዶ ነሽ ኢምንት እያለ
ተስፋዋን ልቧን ሚገድል
አንድ አለ ሚያንገበግበኝ
እንደ ልጅ ስቤ ማልቀጣው
ያረጀ ያፈጀ እምነት
ከውስጧ የማላወጣው
አንድ አለ የውሸት መዝገብ
ላይሻር ከልቧ የፀና
እንዳታምን የሚከልላት
ልነግራት እሞክርና

ምን ያህል እንደሚወረኝ
ከጀርባ ሆና ስታቅፈኝ
እንኳን ሳቅ ድርብርብ ጥርሷ
ምራቋም እንደማይቀፈኝ

ልነግራት እሞክርና
ሰው መውደድ ትህትናዋ
ከሁሉም ልብ እንደሚቀር
ቀልቃላ የህፃን ፀባዩዋ
ምን ያህል እንደሚፈቀር

ልነግራት እሞክርና
በዜማ እንደሚሰማ
የወጣ ከእርሷ አንደበት
ከጥፍሯ እስከ ጠጉሯ
የሚጣል እንደሌለበት

ልነግራት እሞክርና
ላስረዳት እፈልግና
መደበቅ ማፈን ሲጨንቀኝ
ፈራለው "ውሸታም" ብላ
እኔንም እንዳትርቀኝ።

@mikiyas_feyisa

የእውነት ደግ አጣው ልበ ንፁህ
ሰው ባይነፍገኝም ብሄድ የትም
ፈቅዶ የሰጠኝ ዘመን አልፎም
የወሰድኩትን አይረሳትም!

እንኳን ለርዳታው ላገዘበት
ለቸረኝ እንኳን ማፅናኛ ቃል
ሀ ብሎ ቆጥሮ አንድ በአንድ
ያፀፋ ጥቅም ይጠብቃል።

@mikiyas_feyisa

ጨለማ ውጦት ስጋ ነፍሴን
እድሜ ዘመኔን ብርሃን ያጣው
ለመዳን ሳይሆን ለመጠመቅ
ስንኩልኩል እያልኩ ደጅሽ መጣው

ቤትሽ ግን ስደርስ ስለት ገባው
ተዓምር ካረገ ኪዳን ቃልሽ
በምህረት እጅሽ አይኔን ዳብሰሽ
ቀሪ ዘመኔን  ላገልግልሽ
ብዬ ገባሁኝ 
ከአጥማቂው ስር
እንዴት ይበርዳል ወየው ወየው
እምነት ከአይኔ ላይ አረኩና
አረፍ እንዳልኩኝ አንቺን አየው

ስዕልሽ አለ ግርዳው ላይ
ልቤ አላመነም ሀቅ ይሸሻል
ትልቅ ዙፋን ላይ ተቀምጠሽ
መድህነ አለም ታቅፈሻል
እንዴት ልካደው ተንተባተብኩ
ፊደል ለጎመ የአፌ መፍቻ
አምላኬን በእጅሽ እያየሁት
የወጣኝ ነገር እምባ ብቻ

የልቤን መቃን ፍቅር ያንኳኳው
ተውጬ ሳለው በሰመመን
እደጅሽ ቆሞ ማሪኝ የሚል
በርጠሚዎስ ነኝ የዚህ ዘመን
የፍቅር እናት የአዶናይ
የጭንቅ ደራሽ የብዙሃን
ድፍኑን አይኔን ገለጥሺልኝ
በልጅሽ በኩል እመብርሃን?

ከህርያቆስ ልዋስ ቅዳሴሽን
ላዚመው ይድረስ ከአርያም
ድቅድቁን ሚገፍ ሀይል ያለው
ፀሀይ ነው ስምሽ ድንግል ማርያም!

@mikiyas_feyisa

ሰው ቢወደድ እንኳን
ይለውጣል ወረት፤
ካፈቀሩትን ሰው ጋር
ያቃቅራል ተረት ።
ስላንቺ ግን ወሬው..
እንደ ስኳር ቢጥም፡
"ውሸት" ይላል እንጂ
ማንም ጆሮ አይሰጥም።

ሲታማ ሲቦጨቅ
ህዝቤ በወረፋ
እንዴት ለስም እንኳን
ሚጠላሽ ሰው ጠፋ?

@mikiyas_feyisa

Hey hey ተረዱኝ አንጂ🙄 ምጸት ነው ሌሎች ይሄንን ሀሳብ እንዴት ክርስትና ብለው እንደሚጠሩት ለመግለፅ። እንዴት በራሳችን አፍ ስንለው እንደሚያሸማቅቅ ለማሳየት ነው። .. ያን ያህል የተደበቀ ቅኔ አይደለም🤦‍♂

(ደስ የሚል ክርስትና) ሚለው ምጸቱን ይገልፅልኛል ብዬ ነበር። ቢሳካልኝ😏

"ከርሱ ውጭ ያለ ጣዖት ነው"
ወንጌል ላይ ይህን አየሁኝ
ለካስ እንደኔው ፍጡር ነሽ
ተኝቼ ነበር ነቃሁኝ!
ወይኑን ይቀይር ሲፈልግ
ምን ጎዳሽ እስቲ ዝምታ
ምልጃ አይሆንም ልመናሽ
ሁሉ ሙሉ ነው በጌታ

አጋዥ አይሻም እሱ ያውቃል
ያለፈ ዘመን ታሪኬን
እስቲ ፎቀቅ በይ ልታየው
ጋርደሺብኛል አምላኬን

ብቻዬን ልሁን እረፊኝ
አትደባብሺኝ ፡ በእጅሽ
ለስምሽ ክብር አብዝቼ
ታጣዪኛለሽ ከልጅሽ

ውዳሴ አልቀዳም ከወፎች
ለክብርሽ ቃላት አልማስን
ምንም የለንም ከ'ንግዲህ
አምላክ ወልደሻል ጨረስን!

..
(ደስ የሚል ክርስትና ¡ )
@mikiyas_feyisa

ቸኮሌት በጣም ትወዳለች። ልክ እንደ ህፃን ልጅ ነው የሚያደርጋት። እሷን ላገኝ ካሰብኩኝ የግድ ቸኮሌት ኪሴ ውስጥ መኖር አለበት። እንደ ድንገት እረስቼ ብሄድ እንኳን የግድ ተመልሼ ሚኒ ማርኬት ፈልጌ እሷ የምትለው አይነት ቸኮሌት ( waffers የሌለው full chocolate ) ገዝቼ መመለስ አለብኝ። ብዙ ጊዜ የማትፈልገው አይነት ቸኮሌት ይዤ ሄጄ የምሯን ተናዳብኛለች።
"ይሄ ሁሉ ለቸኮሌት ነው?" እላታለው።
"ለምንድነው ሁሌ የምነግርህን የማትሰማኝ .. ለምነግርህ ነገር ትኩረት ስለማትሰጥ እንጂ ከባድ ነገር ሆኖ አይደለም" ትለኛለች። ከዛን ከንደገና ልዩነታቸውን ማብራራት ትጀምራለች። የማትጠራው አይነት ስም የለም። ሰው እንዴት ይሄን ያህል ለቸኮሌት ይጨነቃል? ። ያው እንደተለመደው ስታብራራልኝ አይን አይኗን አያታለው። ምንም የሰማሁት ነገር ባይኖርም ዳሩ። ብዙ ጊዜ ወደድኩት ያለቺኝን ቸኮሌት ስም ሸምድጄ ሌላ ጊዜ ልገዛ ስሞክር አላገኘውም። የሆነ ጊዜ እንዳጋጣሚ የገዛውትን ቸኮሌት ደግሞ በጣም ከመውደዷ የተነሳ ልጣጩን ፎቶ አንስታ በየሱፐር ማርኬቱ ስታዞረኝ ከርማለች። ለሌላ ነገር እኮ ደንታ የላትም። በላች አልበላች ጉዳዩዋ አይደለም። እኔ እንደ ጅብ ብቻዬን ሳግበሰብስ ቸኮሌታም እየጎመጠች አይን አይኔን ታየኛለች።
"ምንድነው ቤብ?"
"የቸኮሌት ከለር እኮ ነው ያለህ"
"ቸኮሌት የሚባል ከለር የለም ጥቁር ነኝ"
"ምናልባት ጣዕምህ ይሆናል ቸኮሌት ቸኮሌት የሚለኝ"
"ቸኮሌት በጎረስሽበት አፍሽ ስለምትስሚኝ ነው"
"ጠረንህ ግን እኮ እሱን እሱን ነው የሚለው"
"የገዛሺልኝ ስኘላሽ ነዋ ቤብ"
" ድሮም አንተ ፍቅር አይገባህም .. የውሸት ነዋ ከኔ ጋር የምታስመስለው " እምባዋን አቀረረች። እናቱ ገበያ ስትሄድ እያየ ለማልቀስ እንደፈራ ህፃን ነው አኳኋኗ።
" አይደለም የኔ ጣፋጭ" በአንድ እጄ ሲናደድ የሚቀላ ፊቷን ዳበስ አደረኩት።
" ምንለማግኘት ነው ማስመስለው? .. ብቻ ይሄ የቸኮሌት ፍቅርሽ ከመጠን አለፈብኝ ለዛ ነው"
" ያንተን ስሜት አልባነት በርሱ አታሳብ " ብላ እጄን ከጉንጯ ላይ ገፈተረችው። ግራ ግብት ብላኝ ትኩር ብዬ እያየዋት ነው እጇ ላይ የነበረው ቸኮሌት ማለቁን ያስተዋልኩት። "ok" አልኩና በግራ ኪሴ ይዤው የነበረውን መጠባበቂያ ላወጣ እጄን ላኩት። አልነበረም። ለካ ቅድም ታክሲ ውስጥ ስታለቅስ የነበረችውን ህፃን ልጅ አባብዬበታለው።
እንግዲህ አፏን የማጣብቅበት ቸኮሌት መግዣ ቦታ እስከማገኝ ድረስ እንደፈረደብኝ ንጭንጯን ቁጭ ብዬ ልጠጣ። እድሌ ነው😏።

@mikiyas_feyisa

ሁሉም ውሸት ነው
ተረት ተረት
ልበ ደካሞች ድነው ቢያልፉም
ሀኪማን ሆዬ ቆዳን እንጂ
የተቀደደ ፡ ልብ አይሰፉም!

@mikiyas_feyisa

ተታግለናል እጣ ፈንታን
አብሮ የመሆን ተስፋ እንዳለው፥
እንዳይቆጭሽ ስንለያይ፡
ሞክረሻል
ሞክሪያለው!።

@mikiyas_feyisa

"እግዚአብሄር ይመስገን"
ሁሉም ሰውን የሚሰማው ቃል
ደህንነትህን ሲጠይቁህ
የትኞቹ ቀናት ናቸው
 ፈገግታህን የነጠቁህ?

ሁልጊዜ ሳቅ  ሁሌ ደስታ
ለምለም ሆኗል ልብህ ጫካው
ከአመት አመት ደህና መምሰል
ምንም ነገር እንዳልነካው

ሰርክ እንዳዲስ ሲያበጥርህ
ኑሮ እንክርዳድ እንደ ብቃይ
ገላህ ደክሞ ፊትህ ደህና
እንዳላየህ አንዲት ስቃይ
ዝምተኛ አንገት ደፊ
ባህሪህን ሀገር ያውቃል
ሰገነት ላይ ስትዘምር
ያየህ ሁሉ ይጠይቃል
የነገሩኝ ይህ አይደለ?
የሆነውስ እንዲህ አይደል?
ትሰማለህ ስለሙሉህ
ትሸሻለህ ያለ በደል
ተሰባብሮ ተከስክሶ
የልብህ ላይ መስታውቱ
ውዳሴውን ልትደግም
ተሽቀዳድመህ ወደቤቱ
እግዜር ይክበር ዘውትር ቃልህ
አየዋለው ነገን በእርሱ
አንተም እምነት አግዞሃል
እስቲ በለኝ ስለነሱ

እናቴ ያልካት የምትወድህ
ያኖረችህ ተንከባክባ
አይንህ ደክሞ ስታጤነው
ምን ሆና ይሆን ያቺ አበባ
አይተኸዋል አንጀት ልቧን
አይተኸዋል ያንን መልኳን
ላንሳፈፈህ ድውይ ቀርቶ
ይለወጣል ለሳል እንኳን
የአስራ አምስቱን
 ስቃይ ድካም
ሲበላባት ክፉ ሰርዶ
እንዴት ቆማ አለፈችው
ያንን ሁከት ያንን መርዶ?

አላወጣች ክፉ ቃላት
አላሰማች ወየው ወየው
እስቲፋኖስ ተንበርክካ
ምንድን ነበር ምትፀልየው?

"አትውሰደው እዚው ይቆይ
 ብቻዬን ነኝ ለማን ጥቅም
ለኔ አድርገው እሱ አይችልም
ልጅ እኮ ነው የለው አቅም
ብቻዬን ነኝ አልነግርህም
ታውቀዋለህ ቤቴ ልኩን
የኔን በእጥፍ ልስጥህና
መልስልኝ የፃን መልኩን

መድሃኒአለም የማትከዳኝ
ስለት ገባው ይኸው እጄን
ላንተው ዲያቆን ይሁንልህ
አቆይልኝብቻ ብቻ ልጄን"

ብላ ነበር ምትፀልየው?

 ፊትህ ጠቁሮ ከስቶ ስታይ
ተኮራምተህ ከአንዲት አልጋ
ነጠላዋን አገላድማ
 ሰርክ ማልዳ መሃሪውጋ?

ንገረኛ  የሆነችውን

ታለቅሳለች  እቅፍ አርጋህ
የሀዘኗን የጭንቀቷን
ወይስ ላንተ ጠንካራ ነች
አታሳይም የእምባ ፊቷን

ንገረኛ እያስታወስክ
ሁሉን ችላ ትስቃለች
ዘጠኝ አመት ተሸፋፍና
እህ ማለት እንዴት ቻለች?
የልቧ ላይ ተስፋ ብርሃን
በጽልመቱ ቢበለጥም
ሰርክ ደጁ ትወድቃለች
በአምላኳ ላይ ተስፋ አትቆርጥም?

ንገረኛ ወንድም አለም

በወንድምህ ልትለኩስ ነው
የጠፋውን ተስፋ ፋኖስ
ከናትህ እቅፍ እንዳየኸው
ቀድመህ ያልከው እስጢፋኖስ?
ሰው እንድትወድ  በልጅነት
በአምላክ ፍቅር የተነካህ
ትተህ ስትሄድ  አንተን ለምደን
እንዳይከፋን ሌላ ተካህ?

ሚያሳዝኑት ጓደኞችህ
 ደብሩ ውስጥ የሚያለቅሱ
ሚያሳዝኑት ደግ እናትህ
እምባቸውን የጨረሱ
ላንተማኮ አንድ አይነት ነው
እዚም የርሱ  እዛም የርሱ

በአጭር አይተን
ሳንጠግብህ 
ብትቆረጥ እንደ እንጥል
ለእስጢፋኖስ እኛው አለን
ዝማሬህን እዛው ቀጥል!።


@mikiyas_feyisa
@mikiyas_feyisa

Hi mike endt nh pls  1 nger techgrlign ye senbt temhert bet agelgay yenbre lij Nber  yohannes yibala 15 year nw  be cancer 9 year noral before 2 years indian hedo surgery tesrto dena hono nber yemtw keza last year betme tamo bed ly almost 3 years tegnto nber grade 8 alfo ahun 9 nber migbaw yenberw estifanous betme nber miwdw deacon lemhon mengd ly nber ke church kerto aykm all day church nber migegnw andm day amognal ayilm fetrin nber miyamsgnw 😢 enatu betme leftaltalch dekmgn atlm nber esum ke esu & ehetu wechi hazenun ayingerm tikur anbssa hospital bezu gize temlalsul keza yemigerm be 17 be estifanous day ya kalkidanu tabout weto eyle tsebl setugn ale betsbu fera mnm saykoy nefsu telye arfe tolo belw ngrochn chersw ye kalkidanu tabot sigba askrenun abrw azgbut bet mekdsun zorut senbt tamriwoch mezmer aktachw hulum malks 😢 jemer enatoch alchalum..... pls be 24 7 day metsbiya awde mehrtu ly yizgajal le esu mihon poem getmi tebye nw ene gn Mariamn aktgn mn bey type marg endlbgn alkm pls erdgn..

.. ለአንድ ቃል

ስንቱን ውርደት ታግሰን ኖርን
ስንቱን አሽሙር ተውን ንቀን
ስንት በደል ውጠን ሳቅን
እምባ እና ሳግ ፡ እያነቀን።

ስንት ንቀት አይተን አለፍን
ስንት ቅጥፈት ቆመን ሰማን
ስንት ስድብ ችለን ሄድን
ውስጣችንን እያደማን
ስንት ፈሪ ቀለደብን
ስንት አጎብዳጅ አስረገጠን
እርጥብ ላንቃ ፍቆ ሚወርድ
ፍርፋሪ ለሚሰጠን

ስንቱ ደጁ ወስዶ አሰጣን
እንዳረጀ የአበባ ገል
ስንቱ ለማኝ አርጎ አበላን
ህሊናውን ለመታገል

ስንት ጊዜ ሙግት ገባን
ላጉል ተስፋ ሞትን አጨን
ስንት ጊዜ ለማመስገን
እግዜሩ ላይ እምባ ረጨን?

ስንት ጊዜ ስም ተሰጠን
ተፈረጅን በመደዳ
ስንት ጊዜ አንገት ደፋን
ሰንዝሮ እንኳን ለማይጎዳ

ስንት ጊዜ ተቋቋምን
ያልተሰማ ያልታየ ግፍ
ስንት ችግር አቅፈን ኖርን
ዘለላ እምባ ሳናረግፍ

ስንቱን ቻልነው አንጀት ቋጥረን
"ቃል" ይመስል የስኬት ባል
ስንት ሲዖል ዋኝተን ወጣን
"ኮራውብህ" እስክንባል?

@mikiyas_feyisa

...

"ነገ" ከትላንት ፡ ቢጎብዝም
ሲያድር ቢሆንም ፡ ሁሉ መልካም፤
የሄደ ሁሉ ፡ እንዳልነበር
በሚመጣ ሰው ፡ አይተካም።
እርግጥ ነው ቃሉን ፡ አልክደውም
ተረት አይደለም ፡ መጫወቻ፤
ግን ሰዎች አሉ ፡ የተለዩ
ከአዕላፍ መሃል ፡"አንድ"ብቻ።

@mikiyas_feyisa

"ትላንት" ግን
ምናባቱ?
እስከ "ዛሬ" መቆየቱ፤
"ነገስ" እሺ
መብቱ አለው?
በ"ዛሬ" ላይ
ፊጥ የሚለው?

@mikiyas_feyisa

ጥፋተኛ ነበርሽ አትዋሺ
እርሱ ብቻ አይደለም የበደለሽ
እውነቱን አጥርተሽ እንዳታዪ
ጭፍን መውደድሽ ነው የከለለሽ
ውስጡ ለቄስ ሆኖ ቡቡ ሆድሽ
ጥንቁቅ ትመስያለሽ ስትታዪ
እንደ ሽሮ አስጥተሽ እሜዳ ላይ
ልቤን ተዘረፍኩኝ አትበዪ

አውቃለው ጥሩ ሰው መስሎሽ ነበር
አውቃለው ውስጥሽን ተረድቶሻል
አውቃለው ልዩ ሰው እንደነበር
አውቃለው ላይተውሽ ምሎልሻል

አውቃለው ታሪክ አትደጋግሚ
እንዳልተረዳውሽ ፊት አትንሺኝ
ያለፈው ተጫውቶብሽ ሳይሄድ
እሱንም እንዲያ ነበር ያልሺኝ

ችግሩ ትዝ አይልሽም አንቺ
ካለፈው ትምህርት አትቀስሚም
አትቸኩይ ቀስበይ የሚሉሽን
ምቀኞች ብለሽ አትሰሚም
እርሱ ነው ይበልጥ የሚጎዳሽ
እንደ ምንጭ እምባሽን ሚያፈሰው
መውረጃ ቦታውን ያውቀዋል
እምባሽን የጠረገልሽ ሰው

ውስጥሽን ገልጠሽ ያጫወትሽው
ከህመም እንድትሽሪ የረዳሽ
ዛሬ ላይ ባየው ድክመትሽ ነው
ነገ ላይ ዞሮ የሚጎዳሽ

ስሜትሽ ፅዋ አይደል ጸበል ጻዲቅ
ለሰው ሚያካፍሉት ለአፍ ሚጥም
ልብ ክብር አለው እንደ ፅላት
ለመጣ ሰው ሁሉ አይሰጥም
ይኸውልሽ
የልቤን እኔ ብዬሻለው
ተግባርሽ ያውጣሽ ከዛ ውጪ
ከማይሆን ሰው ጋር አብረሽ ስቀሽ
ልታለቅሺብኝ እንዳትመጪ።

@mikiyas_feyisa

አባት  መከታዬ
ምናምንቴ አልልም
ጥሩ ሰው እንደነበር
እስከዛሬ አልጠፋም
በልጅነት ገርፎ  ያወጣብኝ ሰንበር

ዳዲ ቅብርጥሴ
ምናምንቴ ተረት
ዲስኩር አልለቃቅም
ለዚያ ቆዳ ጫማ
ቅያሪ የሚሆን ሶል
ገዝቶልኝ አያውቅም

በእርግጥ ችጋራም ነው
በወጣትነቱ
ነግዶ እንዳያተርፍ
ትምህርት ያታለለው
ከቤቱ በስተቀር
ለስም ማስታወሻ
አንድ ቅርስ የሌለው

በርእግጥ ድሃ አደግ ነው
የተዝረከረከ መደብ ላይ ተኝቶ
ህልሙን የቀመረ
በአባቱ ማሳ ላይ
በናቱ ቀጭን ሊጥ የተመራመረ

በእርግጥ ድሃ አደግ ነው
በአንድ ጉንጪ ወተት
በአንድ ጉንጩ ቅቤ
በአንድ ጉንጩ ጎረድ
በአንድ ጉንጩ አይቤ
በልቶ ያላደገ ምቾት ያልተቃጣው
አንዴ እረኝነት
አንዴ ዘበኝነት
ጠጉሩን ያነጣው

በእርግጥ የዋህ ሰው ነው
ለዘመድ ለባዳ ልሳለምህ ብሎ
ቤቱ ለሚመጣው
የጓዳው እንጀራ ካለተዳረሰለት
ሀፍረት የሚቀጣው

በእርግጥ ንፁህ ሰው ነው
በላቡ የመጣ የደመወዝ ፍሬው
ግንባሩን ያፈካው
ከሳቁ ጀምሮ ምናምንቴው እንኳን
የሰው ሀቅ ያልነካው

በእርግጥ ታማኝ ሰው ነው
ችግሩ ቢቆለል
ተዝቆ ተዝቆ ቢያስንቅም ተራራ
ያልደከመበትን መንካት የሚፈራ

በእርግጥ ንፁህ ሰው ነው
ግና እኔ አውቃለው
እንደልጅነቴ  ያባቴን ክፋቱን
ምንም አልደብቅም
ሀቅ ከተባለ  ልናገር እውነቱን

ጠብቆ ባቆየው
ፍፁም በክብሩ ላይ አይደራደርም
ስሙን የሚያስነቅፍ
ነውር ከተገኘ እንኳን ባዳ ቀርቶ
ልጁንም አይምርም
የሚበላ አጥተን
አንጀታችን ደርቆ በጠኔ ብናልቅም
ደም ይተፋል እንጂ
ዘመድ ዘጋ ብሎ ገንዘብ አይጠይቅም

እንደዚህ ነው እሱ
ዝቅ ብሎ መስራት  እህ ብሎ መድከም
ቀና ብሎ መኖር   እየኮራ ማከም

እንደዚህ ነው እሱ
አመስግኖ ማደር
እርዳኝ ብሎ መውጣት
እያነቡ ማግኘት እየሳቁ ማውጣት

እንደዚህ ነው እሱ

በሚያውቀው ግብረገብ
ልጆቹን አንፆ ኮትኩቱ ሚያሳድግ
ክቡር ኩሩ ደሃ
ለሀብታም ምፅዋት የማያደገደግ

ጨዋ ጭምት ሰው ነው
ለራቀው ቆምጣጣ ለቀረበው ፍቅር
ስሙን ባናስጠራም
በአብራኩ ክፋዮች የማያቀረቅር

ተመሳሳይ ሰው ነው
እንኳን ቴክኖሎጂ
የማይገዛው ጥቅም
መቼውም ቢዘምን
ልጆቹን በፍፁም አያጨማልቅም!


@mikiyas_feyisa

ፍቺ በቃ ህይወት እመቤቴን
አከሰልሽው አይደል ሰውነቴን
በቃ ተዪኝ ህይወት አልሰማሽም
የ'ስካሁን ገተታው አልበቃሽም?

ይመራል ኪዲዬን እዘኚልኝ

እኔም ልቅመስ እንጂ
ከውበቱ
እኔም ልኑር እንጂ
ከድሎቱ
አግቺኝ ማርሽን
ባናት ባናት
አቱኚብኝ እንጂ
የእንጀራ እናት

አይደብርሽም ግን ላንቺ እራሱ
ቀን በቀን ፈተና መነስነሱ
ተዪው ጅራፍሽን ወዲያ ጣዪው
አንጃግራንጃ ነው አርቲቡርቲ
እኔም እንደሰዎ ተመችቶኝ
እግዚአብሄር ይመስገን ልበል እስቲ

አቦ ተመቺኛ የኔ ቅመም
ስህተት ሰራህ ብለሽ አታኩርፊ
ልበ ቢስነቴን እያስታወስሽ
ጥቂት ጥፋቶቼን በሼ እለፊ

እመቤቴን ህይወት
ተረጋጊ
በአመት አንዴ እንኳን
እረፍት አርጊ
የት ሄድብሻለው
ካንቺ ጉያ
እረገጥሺኝ እኮ
እንደ አህያ

እመቤቴን ህይወት ከፋኝ በጣም
አመቤቴን ህይወት ተሳቀኩኝ
ከመኖር በስተቀር ዝቅ ብዬ
ሌላ ክፉ ነገር ምን አረኩኝ

እንዴ...

ፍቺ በቃ ወደዛ አድቢልኝ
እንዳይኮረኩመኝ እጅሽ ታኮ
ብቻዬን አንጋለሽ አትደልቂኝ
እኔም ይከፋኛል ሰው ነኝ እኮ

እንዴ..

ተስፋ እንኳን አድዪኝ ምናለበት
ለመኖር ልጓጓ ብማረርም
እንደ ተልባ አትውቀጭ ሙከራዬን
ትዝብት ነው ትርፉ ሞት አይቀርም!


ፍቺኝ በቃ ህይወት!

@mikiyas_feyisa
@mikiyas_feyisa

በማስመጥ ልምድሽ እየደለልሽው
ልቤን ምንጭ ውሃ የምታደርጊው
አትሽኮርመሚ ባይሆን ላግዝሽ
ምን አይነት ባል ነው የምትፈልጊው?

እንደኔው አይነት?
ግን ደግሞ ሀብታም
አባካኝ ይሁን ወይስ ስስታም ?
አለባበሱስ
መልኩስ
ቁመቱስ
እንደኔው ይሁን ቁርጥ እራሴን
ሱሪዬን ወስዶ ይቀይር ኪሴን?

እሺ ፀባዩስ?
አሁንም የኔው ተጫዋች ፍቅር
ሁሉንም ይውረስ? የትኛው ይቅር?
አንዳንዱ ማለት መሳቅ ማበዴ
ተዛዝሎ መሮጥ የደሃ ቀልዴ?

አዪዪዪዪ ..
አትማይ
አልፈርድብሽም ትተሽ ስለሄድሽ
ስልጣን ገንዘቡ ስለማረከሽ
ቅንጡ ቤቱ ድር ሲያደራበት
በእኔ ኪራይ ቤት ምን አሳከከሽ

ሚሉሽን ተዪ
ከመውደድ በላይ ምቾት ይበልጣል
ኑሮ ካማረ ፍቅር እራሱ
ሲያድር ይመጣል

ጥሩ ነው ያረግሽው
ምን አንጓተተሽ መጥቶ ላይጠቅም
መያዝ ነው እንጂ
ጊዜያዊ ስሜት አያዛልቅም።

ይኸውልሽ ውዴ
ወንድ ባዳ ነው አስር ይወዳል
ብትወጂው እንኳን
ያለፈለት ለት ትቶሽ ይሄዳል።
ወጣት አትመኝ
ወርቅ ልብሽን የትም አታስጪ
ቦርኮ አይጠቅምሽም
ለልጅሽ ስትይ ያለው ምረጪ

ትተሺኝ ሂጂ
አምነሽ ቁረጪ ልብሽ ቢፈራም
እስከምታረጅ
ፍቅር ህልም እንጂ ጎጆ አይሰራም።

የኔ ውብ አለም
የኔ ተወዳጅ
ልቤን ዶግ አመድ የምታደርጊው
አንቺ አትልፊ እኔው ልዳርሽ
ምን አይነት ባል ነው የምትፈልጊው?

@mikiyas_feyisa

የእባዋን ጎርፍ አሳነሱት
መፀፀቷን አራከሱት
ገልጠው ሰው ፊት አነበቡ
የተዘጋው ምዕራፏን
ተንቀልቅላ ቤቱ ሄደች
እያነባች ይዛ አፏን
ሰውነቷን ተጠየፈች
የፀፀቷ ጅራፍ በዛ
ከጌታ ጋር አልተዋትም
እዛው ልቧን እንድትገዛ

የወገብ ላይ ውጋት ሆኑ
እንዳትቆም አሳቀቋት
በመጠየፍ አይን እያዩ
ቅን እምነቷን መነጠቋት
ውለው አድረውም
እንዲያው ናቸው
ሁሌ ግራ የሚሄዱት
ጥፋቷን ሰርክ እያነሱ
ንስሀዋን አከበዱት

አዎን ብዙ በድላለች
ሀጥዕ ሆና ጋለሞታ
ማንም ጣቱን እንዳይጠቁም
ከመጣች ግን ወደጌታ
ወርቅ ምንጣፍ ይዘርጋላት
ወደ ቤቱ እስክትገባ
ከግብዞች ፀሎት በላይ
ጌታ ይሰማል ንፁህ እምባ
ታሪክ ገጿ ምንም ይሁን
የትላንቷ ምንም ያክል
ማነው ሸክሟ በዝቷል ብሎ
እንዳትገባ ሚከለክል ?
.
አወሩባት ብዙ ነገር
.
አይን አውጣ ነች የማታፍር
አይተናታል ከዚህ ቦታ
ከጀርባዋ ይዘልፏታል
ታለቅሳለች በዝምታ
እንዲህ ሴት ነች
እንዲያ ሴት ነች
ክፉ ግብሯን ዘረዘሩት
ምንም ጥፋት እንዳልሰሩ
አሽሟጠጡ የተቀሩት

ምናለበት ሰው አይደለች?
ምናለበት ሰው አይደለች?

የልብሳቸው ጨርቃ ቢወልቅ
ቀሽም ቀሊል የሚሆኑ
ሱባኤዋን እስክትጨርስ
ገመናዋን ቢሸፍኑ
ባይፈርዱባት ምናለበት
በአደባባይ ለህዝበ አገር
የሀዲስ ኪዳን ሀጥያተኛ
በቃላት ነው የሚወገር?

ይበቃታል ህሊናዋ
ሰርክ አስታውሶ የሚቀጣት
ይበቃታል ህሊናዋ
በሀሳብ ማዕበል የሚንጣት
ይበቃታል ሰውነቷ
የሚቀፋት እንደ ሩቅ ሰው
ይበቃታል ይህ ጭንቀቷ
ውስጧን በልቶ የጨረሰው

አታድክሟት ደካማዋን
አትጨምሩት መከራዋን
አንድም የለም ከኛ መሃል
ችሎ ችሎ የማይደክም
እስቲ ተዋት ከአምላኳ ጋር
የሷን ህመም እሷው ታክም!

@mikiyas_feyisa

አስጠነቆልኩባት


ዱር ገደል ወርጄ
ጠንቋይ ዘንዳ ሄጄ
መስተፋቅር ብቻ
ለሚጠነቁሉ.. ለታወቁ አባት
ጠጉሯን ይዤ ሄጄ.. አስጠነቆልኩባት

የታባቷንና
ለምን እኔ ብቻ ከርሷ መሄድ ማልተው
ለምን እኔ ብቻ ሳያት ምደሰተው
ለምን እኔ ብቻ በፍቅሯ ምቃጠል
ለምን እኔ ብቻ
ጡት እንዳየ ህፃን ላዩዋ ምንጠለጠል
ለምን እኔ ብቻ የ'ርሷም ዕጣ ይድረስ
የካበችው ገላ ከእግሬ ስር ይፍረስ
ለምን እኔ ብቻ
ለእርሷ ምንገበገብ በናፍቆት ምቀጣ
እርሷም በተራዋ ተንቀልቅላ ትምጣ

የታባቷን
በምዕናቤ እየሳልኩ
በፍቅሬ ተቃጥላ
ወደኔ ስትከንፍ ወደኔ ስትበር
እንደ ነብይ ቃል እጠብቃት ጀመር
ብጠብቅ .. ብጠብቅ
ብጠብቅም በጣም
ናፍቆቷ ነው እንጂ አካሏ አልመጣም
ጠንቋዩን አምኜ
ጠብቂያት
ጠብቂያት
በመጠበቅ ብዛት ጉልበቴ ቀለለ
ከመቅረቷ ይልቅ
በጠንቋዩ ስራ ቆሽቴ ድብን አለ

ወደ ጠንቋዩ ቤት
መብረር እየቃጣው እግሬ ተራመደ
እቅጩን ልነግረው
የርሱ ጥንቁልና ቁብ እንዳልፈየደ
ልጣላው ወስኜ
ከቤቱ ደርሼ አንኳኳው የምሬን
አልመልስም ካለ
"መስተፋቅር" ብሎ የበላኝን ብሬን

አልከፈት ብሎኝ
በርግጄ ስገባ ..ትግስቴ ተሟጦ
ጠንቋዩን አስተዋልኩ
ቆርጬ ያመጣሁት ፀጉሯ ላይ አፍጦ

አይ አለመታደል
ይህ ታታሪ ጠንቋይ
ስራን ከምንም ላይ ተነስቶ የፈጠረ
ፀጉሯ ጦስ ሆኖበት
ጥንቁልና ትቶ ከምንም ላይ ቀረ

"ፍቅሯ አደንዝዞት
እሷን አገኝ ብሎ
ጠንቁሎ ጠንቁሎ ..ከመጠንቆል ብዛት
መጠንቆያው ሲኒ..የሲኒ ጨብጥ ያዛት"
አያለ ይታማል

እኔ ግን እኔ ግን
የርሷ አለመምጣት
የብሬ መበላት ..ቅንጣቱን ሳይከፋኝ
እርሱን ማባበሉ ..በጣሙን አለፋኝ


ፍቅሯ ተምታቶበት
ፍቅሯ አጃጅሎት
በእርሷ ዘንዳ ሚኖር ሲሆን ቋሚ በድን
አማራጭ ስላጣን
ሌላ ጠንቋይ ጋራ ለማስጠንቆል ሄድን

*------------------*
@mikiyas_feyisa
(11-09-2015)
የቆየ ነው ደሞ😁🫡

እንደ ተበዳይ አታልቅሺ
ለበደል ነበር አመጣጥሽ
ፀባይ አመልሽን ማጣፈጥሽ
እስስት ውስጥሽን መለወጥሽ

እንደ ንፁህ ሰው "እሪ" አትበይ
ባገር በሰፈር አታሳጂኝ
የሳልሽው ብረት በላሽ እንጂ
እቅድሽ ነበር ልትጎጂኝ

የዋህ አልነበርሽም እንዳሰብኩሽ
ጅል አልነበርኩም እንዳሰብሺኝ
አባዝተሽ ከኔ ለመውሰድ ነው
ሽሙንሙን ፍቅር የሰጠሺኝ

ፍቅርሽን ይዤ ዝም ብልሽ
ከእብድ አየሺኝ ከወንበዴ
ክፉ ሰው ሆንኩኝ ልትሄጂ ስል
ቀድሜሽ እኔ በመሄዴ

እሰይ ደግ አረኩ
የኔ አስመሳይ
ብትቀበሪም ፡ አላምንሽም
እምባሽ ላይ ሳቅሽ ይታየኛል
ውሸት አትፈሪም እየማልሽም
ድራማሽ ይብቃ ተነቃቃን
ከበቀል ጠጪ ከእልሁም
መለየት መርሳት እችላለው
እንደ ወንዶችሽ አይደለሁም!

እንዲያ ነው ብለሽ አውጂልኝ
ይሄ ጥቅስ አለ ከኔ ዘንዳ
"ደግ ነው በዳይ የሚያስለቅስ
ብፁዕ ነው ክፉ የሚጎዳ!"

እሰይ ..
እንኳን ጎዳሁሽ
@mikiyas_feyisa
@mikiyas_feyisa

..
ለገላዋ እራፊ ፡ ብጣሽ አልገዛሁም፤
እረዥም ታሪኳን ፡ ቁጭ ብዬ አልሰማሁም
ምኞት ፍላጎቷን ፡ ለይቼ አላወኩም
የእግሯን ወለምታ ፡ አሽቼ አላዳንኩም፤
አሞሌ ጭንቀቷን ፡ በሳቅ አላሟሟው፤
ያመቃትን ስቃይ ፡ ጠጋ ብዬ አልሰማው
፡
ከድርብርብ ውጥረት
አስሮ ከደበቃት፤
ሽሮ ለመላቀቅ ፡ ቀልዴ ለሚበቃት
ማድያት ሽፍታ ፡
ሲያጨላልም መልኳን፤
ተራራ ሆኖብኝ ፥
"ምነው?" ማለት እንኳን
ፈገግታ እድሜዋን ፡ ጊዜ ሲከረክም፤
የትም እንደማትሄድ ፡ የኔን ብቻ ሳክም
ለእንስፍስፍ አንጀቷ ፡ ላይሆን መቀነቻ
ወኔዬም ፣ ጀብዱዬም ፡
"ወዳታለው" ብቻ።


ይቅርታ.. እማ።

@mikiyas_feyisa
@mikiyas_feyisa

...ለምን?
ስለማምን?

ሁሉም
የሚጥለኝ ፤
ድንበር ፡ ስለሌለኝ?

@mikiyas_feyisa

አንቺ ?
አንቺ እንቁጣጣሽ
ምናባሽ ልትሰሪ መጣሽ?

አሁንም ግፍ አይበቃሽም
ዘንድሮም ለምለም ትያለሽ
ካቀፍሽው ቅጠል ባለፈ
የለመለመ ምን አለሽ?

ካቻምናም አምናም መተሻል
አቅፈንሽ አጥነን ደግሰን
አመትሽ ውበቱ ላይቆይ
እያደር ሊያተራምሰን

አንቺ ?
አንቺ እንቁጣጣሽ
ምናባሽ ልትሰሪ መጣሽ?

አምና ተስፋ አስደረግሺኝ
ደክሜ ቤቴን ሰራሁኝ
አልቅሼ ልገባበት ስል
ይፈርሳል ሁሉ ሰማሁኝ
አሁንም ተስፋ አልቆረጥኩም
ቃልሽን ስመላልሰው
አመትህ ተባርኳል ብለሽ
የላክሺኝ እንደ ሞኝ ሰው
ስታገል ከማይሽር ህይወት
መቀመቅ ነፍሴን ሲውጣት
ወደፊት ፈቀቅ እያልኩኝ
ሞት ልቤን እንዳይለውጣት

"አበባ አየሆሽ" አትበዪኝ
አበባ አልቸገረኝም
ዘፈንሽ አንገሽግሾኛል
ጨዋታሽ አይሰማኝም
በያመት ደምቀሽ ስትመጪ
ህፃን ልጅ ለምትመስዪው
ግጥሙን በምነግርሽ ቃል
ስትዘፍኚ አስተካክዪው

"የሀገሬ ልጆች ውጡ በተራ
ቅስም ሰብሬ ሰው እስክሰራ
እንኳን ሰውና የለኝም እድል
ሁሌ መጣለው አመት ላጎድል
አመት አጉድዬ ስገባ ቤቴ
ደስታ ይሰማታል የእንጀራ እናቴ"
አደዪ
የሞት ጉዳዪ
"ኡኡ" በዪ

እንደዚህ ብለሽ ዝፈኚ
ግጥሙን አስተካክለሽው
በቃ አንቺም እንዳገሬ ሰው
ጊዜን ነው የተማመንሽው?

"ሆ ብለሽ መጣሽ
ሆ ብለሽ
ሆ ብለሽ መጣሽ
ሆ ብለሽ"

ሆሆሆሆ!

አታፍሪም ደግሞ
ልክ እንደ ንፁህ እንዳልበደለ
ተስፋሽ ምስኪኑን እየገደለ
ከዘመን ዘመን ማትለወጪ
ጉድ ያዘለ አመት አቅፈሽ ምትሰጪ
ሆ ብለሽ መጣሽ?
ሆ ብለሽ ውጪ!

ለተድላ ሳይሆን
ለሞት ዋዜማ ፡ እያስጨፈርሺኝ
በመጣሽ ቁጥር
ሆ የምልልሽ ፡ ሞኝ አደረግሺኝ?

አሁን ንገሪኝ
ስለ አመትሽ
ይብስብኛል ወይስ ድናለው?
ዘፈኑን ተዪ ፡ ያንቺን ስሞታ ለምጄዋለው

ባለእንጀሮችሽ በተራ ገቡ
አዝማች አባትሽ ሌላ አገቡ
እንጨቱን ሰብረሽ ቤት እስክትሰሪ
ለእንጀራ እናትሽ ሳትናገሪ
እድጅ አድረሻል ኮከብ ስትቆጥሪ

እኔ ምስኪኑ

ምን ያገባኛል ስላንቺ ኮከብ
ምን ያገባኛል የእንቅልፍሽ ማጠር
የኔ ችግር ነው ወሰን የሌለው
የኔ ስቃይ ነው የማይቆጠር

እህት አበባ ፡ እህት አበባ
እህት አበባ ስትልሽ ከርማ፤
ጥላሽ ብትሄድም በሀምሌ ጭለማ
እኔ ላይ "አዬዬ".. አትበዪብኝ፡
ለኔ አመቱ ነው የጨለመብኝ።

ተይ ባለጊዜ..
ተይ እንቁጣጣሽ..
ሀገር ጉድ አቅፈሽ ፥
ሁሌ እየመጣሽ፦

እንኩ አትበዪን፡

ሀዘን ቁስላችን ፡ ድኖ ሳይገግም፤
ካምናው የሚብስ
ሌላ አዲስ አመት ..አንፈልግም!

@mikiyas_feyisa
@mikiyas_feyisa

እግረ መንገድ ህይወት እየገፋው
በሞት ቀራንዮ እያለፍኩኝ ፤
እርቃኑን መስቀል ላይ የሰቀሉት
የቆሰለ ምስኪን ተዋወኩኝ።
ጠራኝ..
የከሰለ ፊቱን ፈገግ አርጎ
ከጎሮሮው ሲቃ እያማጠ፤
ልቤም የሰው ፍቅር የናፈቀው
እንዲሰማው ስሩ ተቀመጠ።

የቆዳው ሰንበሮች ቃል አላቸው
የችንካሩን ጥልቀት ሚዘክሩ
ከደረቀ ስጋው ክራር ሰርቷል
ተገትሮ ያለው ጅማት ክሩ

ከአይኑ ላይ በቀል አልነበረም
ተጎሳቁሎ እንኳን አለው ጸዳል
እንዴት ለገረፉት እጆች ሳይቀር
የሰው ልጅ ምህረት ይማልዳል?

ከፊትለፊት በኩል ተቀምጬ
ስለመስቀል ፍቅሩ እያግባባኝ
የታሪክ ፍሰቱን ተረድቼ
አንድ ነገር ብቻ ግራ ገባኝ
"የአይሁድ ንጉስ ነኝ ስላስባለ
ሊቀ-ካህናቱ ተቆጥተው
ከጌቴ ሴማኒ ቢወስዱትም
የርሱን ደቀ መዝሙር አስጠርተው
ቀድሞ እንደሚከዳው እያወቀ
የህወቱን ድቅድቅ ላበራለት
ለ 30 ዲናር ተስገብግቦ
እንዴት ለሸጠው ሰው ተሳመለት?

የጠቆረ መልኬን አስተውሎ
እንዳይ ገፈፈልኝ የአይኔን ቅርፊት
ከቦታው ላይ ሆኜ አስተዋልኩት
በዳይ ሆኖ ቆሞ ከህዝብ ፊት

ዝም ጭጭ ብሎ እንደ ሌባ
ዳኛው እፊት ቆሞ ሲያከራክር
እንዴት አልበገነም ላንዴም እንኳን
ያዳነው በርሱ ላይ ሲመሰክር
በቀል አይታይም ስቃዩ ውስጥ
ወደ መሰዊያው ጫፍ ሲንቀለቀል
ለወደዱት አይደል እንደ አለም
ለሚሰቅሉት ነበር የሚሰቀል

ሰው አጣሁኝ ብሎ የሚያፅናና
ውስጤ ለቂም በቀል ይሰናዳል፤
የገዳዩን መዳፍ እየሳመ
እርሱ እስከሞት ድረስ ሰው ይወዳል!።

"ማነው ይሄ?" አልኩኝ ተናድጄ
አፌ ለማጉረምረም ተዘጋጅቶ፤
እኔ ለእኔ መኖር ሲከረፋኝ፡
ምን ያደርግለታል ለሰው ሞቶ?
እንኳን ባዳ ቀርቶ የሩቁን ሰው
ያባቱን ልጅ ሳይቀር ለሚከዳ፥
ምንድነው ጥቅሙ የርሱ መሞት
እርቃኑን ተሰቅሎ ምድረበዳ?።

ዝባዝንኬ ኩርቱ የሆንኩት ሰው
መውደድ የገፈፈኝ መደበቄ፣
ፍቅሩ ያሰቀለው እመስቀል ላይ
የቆሰለ ምስኪን ተዋውቄ፤
ገርበብ ያለ በሬን ከፈትኩና
ከሰው መፈቀርን ብጠብቅም፧
የሚጠሉኝንም እስከመውደድ
አልበሰለም ነበር የኔ አቅም።

@mikiyas_feyisa

አንቺ እንደልማድሽ
ልጥፍ ደረቴ ላይ
እኔም አንቺን ውስድ
ወዲያ ወዲህ ሳላይ
እጆችሽ ከእጆቼ ፡ እንደተቋለፉ
አልባስሽ ከልብሴ ፡እንደተሰፋፉ
ነፍስሽ እና ነፍሴ ፡ እንደተቃቀፉ

ስታዪኝ በስስት ስመልስ በፍቅር
እንደድንገት ያየን ተገትሮ ይቅር።
ምድረ ብቸኛ ሰው
ምድረ ፍቅር አልባ
የኔና ያንቺን ጥምረት
በውበት ተከባ፤
እያየ ይድነቀው በቅናት ይቃጠል
ገላሽን አዝዬ እግርሽ ሲንጠለጠል
እያየ ይቃጠል።

የታባቱን ህዝቡ
የታባቱን ህዝቡ
እንድንለያይ ነው ምኞትና ሀሳቡ።

ነይ እንመርበት
ነይ እንድመቅበት
ሰው ቅናት አለበት

እኛ ብቻ እንሂድ
ሁለቴ ተራምደን አስሬ ስንቆም
ፍቅር ለጠፋበት
መንገድ ለመጠቆም
እኛ ብቻ እንሂድ በባዶው ጎዳና
ቀትር አይበግረን አንፈራ ደመና
እየተሳሳቅን
እየተናፈቅን
አይን እየሰረቅን
ስንላፋ ትንሽ ሲያፈጡብን ብዙ
ድንገት ስንሳሳም ገርሟቸው ሲፈዙ
እኛም ሳናቋርጥ ፍቅርን ስናደራው
በቅናት ሲወድቅ ህዝብ በየተራው

መዋደድ ላይገልፀን
የአለም ቃል ላይበቃን
በቀትር እንዳልዞርን
በሌት እየነቃን

በጨረቃ እኛው
እየተሳሳቅን
በጠዋትም እኛው
ጤዛ እየሰረቅን
በደስታውም እኛው
ተያይዘን ስንጨፍር
በሀዘኑም እኛው
ንፍሮ ስናነፍር

ፍቅር ገንዘብ ሆኖን
የስንቱን አይን ገዛን
"እነዛ" እየተባልን
በስንቱ አፍ በዛን
የጠፋው ስማችን
በቀል ላይመልሰው
በቅናት ላይ ጣድን
ስንቱን ነጠላ ሰው

የታባቱን ህዝቡ ....
የታባቱን ህዝቡ ....!
እንድንጣላ ነው
ምኞት እና ሀሳቡ።

ቢሳካለትና ..
ቢወርድለት ስልጣን፤
"ስታምሩ" ያለን ነው
ሰላም የሚያሳጣን።

አይገርምሽና
ልባቸውን ከፍተሽ ፡ ብታዪ የሁሉን፤
ሊለዩን ጥረዋል
"አይለያቹ" ያሉን!።

@mikiyas_feyisa

.
.
.
ና አትበዪኝ ~ ምን ሰራለው?
አበሳሽን ፡ አቀላለው?

ና አትበዪኝ ~ ምን ልጠቅምሽ?
ስቃይሽን ፡ እንድደግምሽ?

ና አትበዪኝ ~ አልፈልግም!
ልሰባብርሽ ፡ ደግሞ ዳግም?

© @mikiyas_feyisa

ለደግነቷ ምላሽ
ሳትጠብቅ፤
የልቧን ፍቅር
ካይኗ ሳትደብቅ፤
:
የአንጀቷን ሲቃ
ዜማ ለምቀኝ ፤
ያሳለፍኩትን
ሳትጠይቀኝ።

ፍርሃቴን አስራ
ድሌን ስትፈታ፤
አንዴም ሳትቆጥረው
እንደ ውለታ ።
:
እያሳመምኳት
እያዳነቺኝ፥
እየገፋኋት
እያቀፈቺኝ፤
እሷን የሚመስል ላላገኝ የትም፤
የሚገባትን ፡ አልሰጠዋትም!


@mikiyas_feyisa
@mikiyas_feyisa

..
ጭንቀቴ የታል?
የት ገባ?

አንተ ነህ አይደል፡
አባባ?
:
:
ሳልተነትነው፡
መአቴን ፤
እንዴት ሰማኸው፡
ፀሎቴን?።

@mikiyas_feyisa

ይ
ገ
ር
ም
ሻ
ል

ዬኔ .. እኮ

ከጥርስሽ ስር ፥ ማጎብደዴ፤
መች ታውቂያለሽ
እንደበራው፡
ፅልመቴ ላይ .. ስቀሽ አንዴ!


@mikiyas_feyisa
@mikiyas_feyisa

ከአብራኳ ፡ በጣር ፡ ተወልጄ
አራዊት ፡ ዱሩን ፡ ተላምጄ
ከአፅናፍ ~ አፅናፍ ፡ ተሳድጄ

አቀበት ፡ ቋቷን ፡ አያለፍኩኝ
ሰርክ በስሟ ፡ እየማልኩኝ
ከደብሯ ስለት ፡ እየጣልኩኝ
በመስኳ ስከንፍ
እንደ ንስር ፤
ፀጋዋን መልመድ
የቁም እስር ፤
ፀጋዋን መራቅ
የቁም እስር፤

የጉርሻ ፍቅሯ
ልቤን አንቆት፤
እህል ስጎርስ
ሁሌ ናፍቆት፤
እህል ስቀምስ
ሁሌ ናፍቆት፤

እኔ ወንበዴ ፡ የደማስቆ
ደሟ ያሰረኝ ፡ እጄን አንቆ
እንደ ኢየሱስ ፡ ሳሳድዳት
የምትማርከኝ ፡ ያለ ጉዳት
ልቤ ሲያማትር ፡ ወዲያ ማዶ
የማትደነግጥ ፡ እንደ መርዶ

ከምድሯ ፡ በቃል ፡ ተፀንሼ
አፈር ፡ ኩበቷን ፡ ቀማምሼ
ከዋርካው ፡ ግርጌ ፡ አስነጥሼ

ክምር ፡ ተራራ ፡ ተንተርሼ
ግምጃዋን ፡ በአደይ ፡ አምነሽንሼ
ያሳር ፡ እትብቷን ፡ በጣጥሼ
ለሰላም ፡ ክብሯ ፡ እየሰጋው
ኤሎሄ ፡ እያልኩ ፡ እያነጋው

መጡና..

ውዳሴ ክብሯን መነጠቁኝ
ለኔ ፡ አደዬን ፡ ሊያሳውቁኝ
እኔን ፡ ከእምዬ ፡ ሊያናንቁኝ

የህዝቤን ክፋት ዘረዘሩ፥
ፀያፍ ሀሜቷን ተናገሩ፤
ዘረኝነቷን አሳበቁ፥
በኩራቷ ላይ ተሳለቁ፤
ቆሻሻ አላት .. ጋ ለ ሞ ታ፤
እድሜዋን ዛሯ ማይፈታ፥
ውርደት አረጓት የፈሪ ሞት፤
ፅላቷን ገፈው ወረቀ ታቦት፣

ምን ላድርግ እኔ
ስለ ስሟ?

ከዙፋን ፡ በግፍ ፡ ተወርውሬ
መቀመቅ ፡ መሃል ፡ ተቀብሬ
በደም ፡ መአበል ፡ ተነክሬ

ጠላት ፡ መርዶዋን ፡ ሲደጋግም
ነጎድጓድ ፡ ድምፁ ፡ ሲያስገመግም
ዝምብዬ ብቻ ፡ ስሯ ላዝግም?

የበታችነት ፡ የታወሰው
መልኳን ሲያጠለሽ ፡ ያገኛት ሰው
እምባዋን ሄጄ ልደባብሰው?

መርቅዞ አድሮ ፡ የሚያምሳት
እግሯን ሲያቃጥል ፡ የጭን እሳት
እይዞን እያልኩኝ ላስለቅሳት?።

@mikiyas_feyisa

ክፋትን ያለየች ነፍሷ
የአለም ግፍ የተደበቃት
ፈንድቃ ያቀፈችው ሰው
ከምድር ሲጨፈልቃት
..
እንዳትሸሽ በሩ ተዘግቷል
የአቅሟን እየታገለች:
የማን ስም ጠርታ ትታደግ?
እኗቷ ጥላት ሄዳለች።
፡
እንዳትጮህ አሸዋ ጎርሷል
ልጅ አፏ  የሳቀችበት፥
እንዳትሮጥ ተከምሮባት
ተሳቃ  ከቆመችበት፤
ያለአቅም ስቃይ ተግታ
እምባዋ ከአይኗ ሲረግፍ፥
ታላቋን ከማመን ውጪ
ዘመኗን ባልሰራችው ግፍ፤
ስትዳክር አላየቻትም
ለማቀፍ ምትሳሳ እናቷ፥
ብታይ ግን  ሰው ትሆን ነበር?
ደም ሲወርድ ፡ ከሰውነቷ? ።
..
ለእርሷ ነው  አሳር ምትበላው
ከሰው እጅ አልጠበቀችም፤
ኩርፊያዋ ፣ ሳቋ  አልበቃት፡
ምላሷን አልጠገበችም።
..
ቀን ያልፋል  ብላ ስትኖር፡
ሰርክ አዲስ የሚያሳቅቃት፥
ወጥመዱን ችላው ስትገፋ
ክፉ አለም ልጅም ነጠቃት።

ህፃን ነች እቅፍ ማትሞላ
እንደ አራስ ፊቷ ያባባል፤
እንኳንስ የጭንቋ ሲቃ
እምባዋ ከልብ ይገባል፤

አትችልም ቁጣ መቋቋም፡
ፍቅር ነው የተማረችው፥
ተራራ ሚገፋን ጉልበት ፡
በምን ሀይል ተቋቋመችው?።

@mikiyas_feyisa

-
ጥርስሽ አይደል የሚያስጠላው
አስር ጊዜ አትቦርሺው፤
አይንሽ አይደል የሚያስጠላው
ዙሪያ ኩሉን አታዳርሺው፤
ገላሽ አይደል የሚቀፈው
ነጭ ሎሽን አታብሺው፤
ከናፍርሽ ያምራል እንዲው
እርጥብ ቅባት አታቅምሺው፤
ህሊናሽ ነው የቀፈፈኝ ..
.. ወይራ ነገር አጫጭሺው!

@mikiyas_feyisa

፨
..ሀዘን እጄን አልመራኝም፥
ሀሴት መንገድ አልጠቆመኝ፤
ጥርሴን ንፋስ አልነካውም፡
ወይም ነፍሴን አላመመኝ፤
ከሀዘን ደስታ ያልተጋባ..
ሳቅም ለቅሶም ያልተባለ፤
በደስታና ሀዘን መሃል፦
ስሜት አልባ ፧ ህይወት አለ።

@mikiyas_feyisa

ንጉሱ ፡ ክብር ፡ ይገባዋል!

ኢትዮጵያን በክብሯ ያስቀመጠ
ምስቅልቅል ምድሯን የለወጠ
የህዝቧን ወኔ ያነሳሳው
የዘመን ሀረግ የማይረሳው

ንጉሱ ክብር ይገባዋል!

ግምጃዋን በአደይ ያሳመረው
መልኳ ላይ ውበት የጨመረው
የድንግል ክብሯን ብፅዕና
እስከሞት ድረስ የሚያጸና

ንጉሱ ክብር ይገባዋል!

ተባይ ቅሪቷን ያስወገደ
ህዝቦቿን ከልብ የወደደ
ወዳጅ ጠላቷን የለያየ
እንዳትቀጸፍ የፀለየ

ንጉሱ ክብር ይገባዋል!

ወርቅ፣ዝና፣ክብር የማይለውጠው
መልኳን በብርሃን ያንቆጠቆጠው
ልቧ ቢጨልም ግድ የማይሰጠው!

ንጉሱ ክብር ይገባዋል!

ይኸው..
ንጉሱ ክብር ይግባውና ፦

ቤተስኪያን ሳይሆን መዳፍን ሳምን
ሰላም ቅንጦት ነው እድገት አለምን
እንደ ምቀኞች ሳንሞት ጃጀን
ለሬሶች እንኳን ጥላ አበጀን

... ንጉሱ ክብር ይግባውና ፤

ነፃ ሰው ሆንን የማንቀጣ
አንመለስም ከቤት ስንወጣ
የበታች የለም ሆነን የበላይ
ሁሉም መብት አለው
በነፍሳችን ላይ!

... ንጉሱ ክብር ይግባውና ፤

ከጉድ ወተናል ከእንጦሮጦስ
አሰረን እንጂ የነእንትና ጦስ
ብንበደለም በሀይል አንገፋም
ለኛ ብሎ ነው ንጉስ ቢያጠፋም

... ንጉሱ ክብር ይግባውና ፤

ትዕግስት አደለን የመቻል አቅም
አስክሬን ስናይ አንሳቀቅም
የሚሞት ስናይ አንሳቀቅም
አያስፈራንም የለቅሶ ድንኳን
ኢትዮጵያ አይደለን
እየሞትን እንኳን!


@mikiyas_feyisa
@mikiyas_feyisa

...
ሲስቁብኝ የነበሩት
ተረባርበው ሲጠይቁኝ፥
ሲያንቋሽሹኝ የነበሩት
ተጸዳድተው ሲጠብቁኝ፤

ክ.ር.ስ.ት.ና.ን ተጣረስኩኝ
ውስጥ ህመሜ ላይነቀል ፤
ቅንጣት ጥቅም ባይጨምርም
ይጣፍጣል ፡ ለካ ፡ በቀል።

@mikiyas_feyisa

ትወዳለች ለጊዜያት
ጣፋጭ ስሜት ይሰማታል
ውሎ ሲያድር መላመዱ
የእውነት ፍቅር ይመስላታል።

በአጭር ጊዜ ሳታስበው
ሁሉም ነገር ጣራ ይነካል
በመሃል ግን እንዳልነበር
የደራው ቤት ይታወካል

ምን አገኘው ውስጥ ልቧን?
መሃላቸው ምን ጦስ ገባ
መልስ ላይሆን መነፋፈቅ
እርቅ ላይሆን ማውረድ እምባ።
ስታስበው በኋላ ላይ
ስታስበው በረድ ሲል
ያመነችው ሀሰት ነበር
ቁርጥ እውነት የሚመስል

የታወከው ጠርቶ ሲታይ
የጋረዳት ሲያቀረቅር
የተሰማት ኦና ነበር
ያንሳፈፋት ባዶ ፍቅር።

@mikiyas_feyisa

...
ከጎኔ በተቀመጠችበት ደረቴ ላይ ልጥፍ ብላ አብራኝ ልብወለድ የምታነብ ልጅ ነበር የምፈልገው። የኔዋ ግን እንኳን መጽሀፍ ገልጣ ልታነብ ይቅርና የመጽሀፍ መደርደሪያዬን ስትይ እራሱ ወደላይ ሊላት ይደርሳል። በተገኘው አጋጣሚ ሁሉ የምትስቅ ፣ የምትፍለቀለቅ ፣ ጥርሷን መክደን ነውርን ከመክደን በላይ የሚከብዳትን ልጅ ነበር የምፈልገው። የኔዋ ግን በትንሽ በትልቁ ማኩረፍ ይቀናታል። እዚች ግቢ የማትባል ትንሽዬ ፉገራ እርሾ እንደበዛበት ሊጥ ኩፍ ያደርጋታል።
ከሀገር ሀገር አብራኝ የምትዞረውን ፣ በየጉራንጉሩ ፣ በየጫካው ፣ በየዋሻው ከአጠገቤ የማላጣት ፣ በየህንፃው ጫፍ ፣ በየተራራው አናት ላይ አብራኝ ወደታች የምትመለከተውን ልጅ ነበር የምፈልገው። እርሷ ግን በተቃራኒው ጉዞ የሚባል ነገር አትወድም። መኪና ድምፁን በሰማች ቁጥር ሆዷን ባርባር ይላታል። 150km ተጉዛ ከምታየው ውብ የተፈጥሮ ሀይቅ ውስጥ ከመዋኘት በላይ ሙዚቃ እስከጫፉ በልቅጦ ሻወር መውሰድ ያስደስታታል። ደምጿን እሰማና ለራሴ እገረማለው። የአስቴር አወቀን ዘፈን ረጋ ባለ ድምጿ የምታንጎራጉርልኝን ሴት ነው እስከዛሬ የምስለው። እርሷ ግን ይኸው ከኔ እኩል የአብዱኪያር "መርካቶ ሰፈሬ"ን አብራ እየጮኸች የምትዘፍን ልጅ ሆና አገኘኋት። አሁን አብራኝ ያለችው ልጅ እስከዛሬ እንደምፈልጋት በአይምሮዬ ከሳልኳት ልጅ ጋር በፍፁም አይገናኙም። የኔዋን የበለጠ ወድጃታለው። የማትወደውን ልቦለድ መጽሀፍ በግድ ቁጭ አድርጌ ታሪኩን መተረኩ ደስ ይለኛል። ትንሽዬ ቀልድ ኩፍ የሚያስብላት እሷን ማባበሉን ለምጄዋለው። የአብዱኪያርን ሙሉ አልበም ከእርሱ ድምፅ በላይ በርሷ ድምፅ ለምጄዋለው። እርሷን ትቼ የhawai ደሴቶች ላይ ከምዝናና ይልቅ እርሷን እያየው ዳሎል በእሳት ብቃጠል እመርጣለው። እስከዛሬ በምናቤ ያሰብኳት ልጅ አይደለችም። እርሷ ልጅ እራሷ ብትመጣም እንኳን የእርሷን ቅንጣት ያህል ቦታ አልሰጣትም። የኔዋን አይምሮዬ perfect ብሎ ከፈጠራት ልጅ በላይ ወድጃታለው። ፍቅር ባሰቡት መልክ ሰፍሮ አያውቅም። አስበውት የማውቁትን ተፈጥሮ ለዘመናት ሲጓጉለት ከነበረው ጸባይ በላይ ሊወዱት ይችላሉ።

@mikiyas_feyisa